இளிவரின் வாழாத மானம் உடையார்

 

குறள் 970

இளிவரின் வாழாத மானம் உடையார்

ஒளிதொழுது ஏத்தும் உலகு

[பொருட்பால், குடியியல், மானம்]

பொருள்
இளி - இகழ்ச்சி; குற்றம் சிரிப்பு இகழ்ச்சிக்குறிப்பு; நகை யாழின்நரம்புகளுள்ஒன்று; ஒருவகைச்சுரம்; இழிவு

வரின் - வரும்

வாழ்தல் - இருத்தல்; செழித்திருத்தல்; மகிழ்தல்; சுமங்கலியாகஇருத்தல்; விதிப்படிஒழுகுதல்.

வாழாத - இருக்காத; மகிழாத

மானம் - மதிப்புடைமை; கற்பு; பெருமை; புலவி; வலிமை; வஞ்சினம்; கணிப்பு; அளவுகருவி; ஒப்புமை; அளவை; அன்பு; பற்று; இகழ்ச்சி; வெட்கம்; குற்றம்; வானூர்தி; கோயில்விமானம்; மண்டபம்; கத்தூரி; சவ்வாது; வானம்; ஒருதொழிற்பெயர்விகுதி; ஓர்இடைச்சொல்.

உடையார் - செல்வர்; சுவாமி சிலவகுப்பார்களின்பட்டப்பெயர்இலங்கையில்ஒருகிராமஅலுவலர்.

ஒளி - சோதி; விளக்கம்; சூரியன்; சந்திரன்; விண்மீன்; மின்னல்; வெயில்; கண்மணி; பார்வை; அறிவு; மதிப்பு; தோற்றம்; அழகு; நன்மதிப்பு; கடவுள்; புகழ்

தொழுது - தொழுதல் - வணங்கல்

ஏத்தும் - ஏத்து-தல் - ēttu-   5 v. tr. 1. To praise,extol; துதித்தல் (திவா.) 2. To bless; வாழ்த்துதல் பகைதவ நூறு வாயென . . . ஏத்தினாள் (சீவக.324).  

உலகு - உலகம், பூமி நாடு உலகத்தார்(இடவாகுபெயர்), உயர்ந்தோர், சான்றோர் திசை மங்கலச்சொற்களுள்ஒன்று

முழுப்பொருள் 

தனக்கு இகழ்ச்சி வந்த பின்பு வாழாதவர்களை மானம் உடையவர் என்று கூறுகிறார். அத்தகைய மானம் உடையோரை மதித்து வணங்கி துதித்துக்கும் இவ்வுலகம். மானத்தோடு இருப்போரை துதிக்கிறது என்றால் மானம் இல்லாமல் வாழ்ந்தால் அவரை ஏசும் / இகழும்.

தாம் அறியாது செய்துவிட்ட ஒர் செயலாலும், தமக்கு இழிவு தரக்கூடிய இகழ்ச்சி வருமாயின், தம்முயிரையும் துறக்குமளவுக்கு, மானக்கேட்டுக்கு அஞ்சவேண்டும் என்று கூறுகிறார் திருவள்ளுவர். 

சான்றோர் தம் மானத்துக்கு ஈனம் வருமாயின் உயிரோடு வாழார் என்ற சென்ற குறளில் கூறியதை பல நீதி நூற்பாடல்களும் சொல்லியுள்ளன

உள்ளங் குறைபட வாழார் உரவோர் (நான்மணிக் கடிகை)

மானம் அழிந்தபின் வாழாமை முன்னினிதே (இனியவை நாற்பது)

அவ்வாறு மாகனக்கேட்டுக்கு அஞ்சி உயிர் நீக்கும் தன்மையாளரை, உலகே புகழ்ந்து ஏத்தும்!

மேலும்: அஷோக் உரை

ஒப்புமை

”செல்வப் பெரும்புனல் மருங்கற வைகலும்

நல்கூர் கட்டழல் நலிந்துகை யறுப்ப

மானம் வீடல் அஞ்சித்தானம்

தளராக் கொள்கையொடு சால்பகத் தடக்கிக்

கன்னி காமம் போல உள்ள

இன்மை உரையா இடுக்க கணாளர்” (பெருங் 4.2:20-23)

பரிமேலழகர் உரை

இளிவரின் வாழாத மானம் உடையார் ஒளி - தமக்கு இழிவு வந்துழிப் பொறுத்து உயிர் வாழாது அதனை நீத்த மானமுடையாரது புகழ் வடிவினை; தொழுது ஏத்தும் உலகு - எஞ்ஞான்றும் தொழுது துதியாநிற்பர் உலகத்தார். ('புலவர் பாடும் புகழுடையோர் விசும்பின், வலவன் ஏவா வானவூர்தி - எய்துவர,'¢(புறநா.27) ஆகலின், துறக்கச் செலவு சொல்ல வேண்டாவாயிற்று. இவை நான்கு பாட்டானும் மானப் பொருட்டாய இறப்பினது சிறப்புக் கூறப்பட்டது.).

மணக்குடவர் உரை

இளிவரவு உண்டானால் உயிர் வாழாத மானமுடையாரது புகழைத் தொழுது துதிக்கும் உலகு.

மு.வரதராசனார் உரை

தமக்கு யாதேனும் இழிவு நேர்ந்தால் உயிர் வாழாத மானம் உடையவரின் புகழை உலகத்தார் தொழுது ஏந்தி நிற்பார்கள்.

சாலமன் பாப்பையா உரை

தனக்கு இகழ்ச்சி வரும்போது உயிர்வாழாத மானம் மிக்க மனிதரின் புகழ் வடிவைப் பெரியோர் தொழுது பாராட்டுவர்.

மருந்தோமற்று ஊன்ஓம்பும் வாழ்க்கை பெருந்தகைமை

 

குறள் 968

மருந்தோமற்று ஊன்ஓம்பும் வாழ்க்கை பெருந்தகைமை

பீடழிய வந்த இடத்து

[பொருட்பால், குடியியல், மானம்]

பொருள்
மருந்தோ - மருந்து - அமுதம்; ஔடதம்; பரிகாரம்; வசியமருந்து; சோறு; குடிதண்ணீர்; இனிமை; வெடிமருந்து; முள்ளுக்கடம்பு; புதற்புல்என்னும்புல்வகை

மற்று -ஓர்அசைநிலை; பிறிதின்பொருட்குறிப்பு; வினைமாற்றுக்குறிப்பு; மறுபடியும்; பின்; காண்க:மற்றப்படி.

ஊன் - தசை, இறைச்சி; கொழுப்பு; உடம்பு.

ஓம்பும் - ஓம்புதல் - காப்பாற்றுதல், பாதுகாத்தல், பேணுதல், வளர்த்தல்; தீங்குவாராமற்காத்தல்; போற்றுதல்; உபசரித்தல்; சீர்தூக்குதல்; பரிகரித்தல்; தவிர்த்தல்; விலக்கல்; நீக்குதல்; உண்டாக்குதல்.

வாழ்க்கை - வாழ்தல்; வாழ்நாள்; இல்வாழ்க்கை; மனைவி; நல்வாழ்வுநிலை; செல்வநிலை; ஊர்; மருதநிலத்தூர்.

தகைமை - தன்மை, தகுதி; பெருமை; பொறுமை; குணம்; மதிப்பு; அழகு; ஒழுங்கு; நிகழ்ச்சி.

பெருந்தகைமை  - பெரும் தன்மை; பெரும் பொறுமை; பெரும அழகு - 

பீடு - பெருமை; வலிமை; தரிசுநிலம்; தாழ்வு; துன்பம்; குறைவு; ஒப்பு; குழைவு.

அழிய - அழித்தல் - aḻi-   11 v. tr. caus. of அழி¹-. 1.To destroy, exterminate; சங்கரித்தல் (கந்தபு.நகரழி. 6.) 2. To spend; செலவழித்தல் தேடா தழிக்கிற் பாடாய் முடியும் (கொன்றை). 3. To ruin, dam-age; கெடுத்தல் 4. To efface, obliterate; கலைத்தல் கோல மழித்தி யாகிலும் (திவ். நாய்ச். 2, 5). 5. Todisarrange; குலைத்தல் ஈடுசால் போரழித்து (சீவக.59). 6. To change the form or mode of; உள்ளதை மாற்றுதல் உடையினைப் பலகாலும் அழித்துடுத்தல் (தொல். பொ 262, உரை). 7. To cause to forget; மறப்பித்தல். பொய்த லழித்துப் போனா ரொருவர் (சிலப். 7, 43). 8. To smear; தடவுதல் சுண்ண மழித்திலை தின்று (உபதேசகா. சிவபுண்ணிய.225). 9. To leave off, bring to a close; நீக்குதல் (கலித். 131, 34.)  

வந்த - வருதல் 

இடத்து- இடம் - தானம்; வாய்ப்பு வீடு காரணம் வானம் விரிவு இடப்பக்கம்; அளவு ஆடையின்அகலமுழம்; பொழுது ஏற்றசமயம்; செல்வம் வலிமை மூவகையிடம்; படுக்கை தூரம் ஏழனுருபு; இராசி

முழுப்பொருள் 

மானத்தை உயிருக்கு இனையாக வைக்கிறார் திருவள்ளுவர். மானத்துடன் இருப்பது உயிருடன் இருப்பதற்கு சமம். மானம் இல்லையேல் உயிர் அற்றதற்கு சமம். ஆதலால் வாழ்ந்தால் மானத்தோடு வாழு இல்லையேல் இறப்பதே மேல் என்று முன்னர் ஒரு குறளில் கூறியிறுந்தார் திருவள்ளுவர். 

ஒருவருடைய பெரும் மதிப்பும் புகழும் பெருமையும் குறைந்தாலோ அல்லது அழிந்தாலோ அவர் மானம் இழந்தவராக ஆகிறார். அப்படி மானம் இழந்தும் இவ்வூன் உடம்பை போற்றி வாழும் வாழ்க்கை மடியாமல் இருப்பதற்கு மருந்தாகிவிடுமா? என்று கேட்கிறார் திருவள்ளுவர். 

மானமே மாகனம் என்றில்லாமல், ஏது செய்தாவது உடம்பை வளர்ப்பதை, அதுவே சாவாமைக்கு மருந்தென்று கொள்வது பெருமைபட வாழ்ந்ததைப் பொருளில்லாமல் ஆக்குவது.

நாலடியாரின் இவ்வரிகள் இக்குறளின் கருத்தையொட்டி இருப்பதைக் காணலாம்.

“மான அருங்கலம் நீக்கி இரவென்னும் 

ஈன விளிவினால் வாழ்வேன்மன்” (நாலடி 40)

“இழித்தக்க செய்தொருவன் ஆர வுணலின்” (நாலடி 302)

அறநெறிச்சாரப் பாடலொன்றும் இக்கருத்தை ஒட்டியது.

“தனக்குத் தகவல்ல செய்தாங்கோ ராற்றால்

உணற்கு விரும்பும் குடரை – வனப்பற

ஆம்பற்றாள் வாடலே போல அகத்தடக்கித்

தேம்பத்தாம் கொள்வ தறிவு” (அறநெறி 156)

“வானகம் கையுறினும் வேண்டார் விழுமியோர்

மானம் அழுங்க வரின்” (நாலடி 300)

“புன்னுனை நீரின் நொய்தாய்ப் போதலே புரிந்து நின்ற

இன்னுயிர் இழத்தல் அஞ்சி இற்பிறப் பழிதல் உண்டே” (கம்ப.சடாயு உயிர்நீத்த 70)

மேலும்: அஷோக் உரை

பரிமேலழகர் உரை

பெருந்தகைமை பீடு அழிய வந்த இடத்து - உயர்குடிப் பிறப்புத் தன்வலியாகிய மானம் அழியவந்துழி; ஊன் ஓம்பும் வாழ்க்கை மற்று மருந்தோ - இறத்தலொழிந்து பயனில்லாத உடம்பினைக் காக்கும் வாழ்க்கை பின்னும் இறவாமைக்கு மருந்தாமோ? ('மற்று' என்பது மேற்சொல்லிய இறப்பினை மாற்றி நின்றது. நற்குணங்கட்கு எல்லாம் இடனாதல் சிறப்புப்பற்றி, 'பெருந்தகைமை' என்றும், அவை எல்லாவற்றுள்ளும் அதற்கு வலியாதற் சிறப்புப்பற்றி, 'பீடு' என்றும், அஃது அழிந்தால் நின்ற வெற்றுடம்பு இழிக்கப்படுதலின், அதனை 'ஊன்' என்றும், பின்னால் இறத்தல் ஒருதலை என்பார் 'மருந்தோ' என்றும் கூறினார். மானத்தின் தொழில் அதற்கு இடனாகிய குடிப்பிறப்பின்மே¢ல் நின்றது.).

மணக்குடவர் உரை

தமது பெரிய தகைமை வலியழிய வந்தவிடத்துச் சாவாதே இருந்து உயிரினை ஓம்பி வாழும் வாழ்க்கை பின்பும் ஒருகாலஞ் சாவாமைக்கு மருந்தாமோ. பெருந்தகைமை அழியவந்தவிடத் தென்று கூட்டுக.

மு.வரதராசனார் உரை

ஒருவனுடைய பெருந்தகைமை தன் சிறப்புக்கெட நேர்ந்த போது, அவன் உடம்பை மட்டும் காத்து வாழும் வாழ்க்கை சாவாமைக்கு மருந்தோ.

சாலமன் பாப்பையா உரை

குடும்பப் பெருமைக்கான மானம் அழிய நேர்ந்தபோது இறந்து போகாமல் இந்த உடம்பைக் காத்துவாழும் வாழ்க்கை சாவாமைக்கு மருந்து ஆகுமோ?.

ஒட்டார்பின் சென்றொருவன் வாழ்தலின் அந்நிலையே

 

குறள் 967

ஒட்டார்பின் சென்றொருவன் வாழ்தலின் அந்நிலையே

கெட்டான் எனப்படுதல் நன்று

[பொருட்பால், குடியியல், மானம்]

பொருள்
ஒட்டார் - பகைவர்

பின் - பின்னுகை; பின்பக்கம்; இடம்; கடை; பிற்காலம்; தம்பி; பிறகு; ஏழனுருபு.

சென்று - செல்லுதல் - நிகழ்தல்; வீழ்தல்; ஆதல்; பரவுதல்; பயனுறுதல்; நிலைத்திருத்தல்; செலாவணியாதல்; வேண்டியதாதல்; பொருந்துதல்; விரும்பிஏற்றுக்கொள்ளப்படுதல்; அடைதற்குரியதாதல்; கழிதல்; தணிதல்; கெடுதல்; இறத்தல்; கிட்டுதல்; அடைதல்; போதல்.

ஒருவன் - ஓர்ஆண்மகன்; ஒப்பற்றவன்; கடவுள்.

வாழ்தலின் - வாழ்தல் - இருத்தல்; செழித்திருத்தல்; மகிழ்தல்; சுமங்கலியாகஇருத்தல்; விதிப்படிஒழுகுதல்.

அந் - அந்த 

நிலையே - நிற்கை; உறுதி; தன்மை; நிலைமை; தொழில்; இடம்; தங்குமிடம்; பூமி; காண்க:நிலைத்திணை; தேர்த்தட்டு; கதவுநிலை; தூண்; விளக்குத்தண்டு; நெறி; வழக்கு; ஆசிரமம்; குலம்; மரபுரிமை; இசைப்பாட்டுவகை; பொழுது; முகூர்த்தம்; ஒருநிலவளவுவகை; ஒருவன்நிற்கக்கூடியநீராழம்; பசுஒருதடவைகழிக்குஞ்சாணி; அணிகலத்தொங்கல்.

கெட்டான்  - கெடுதல் - அழிதல்; பழுதாதல்; வறுமையடைதல்; ஒழுக்கங்கெடுதல்; உருவழித்தல்; தோற்றோடுதல்; விபத்து; தீங்கு; விகாரத்தால்எழுத்துக்கெடுதல்; வழிதவறிப்போதல்.

எனப்படுதல் - என்றறியப் படுதலே

கெட்டான் எனப்படுதல் – அழிந்துபட்டான் என்றறியப் படுதலே

நன்று - நல்லது; சிறப்பு; பெரிது; அறம்; இன்பம்; நல்வினை; உதவி; வாழ்வின்நோக்கம்; துறக்கம்; ஏற்கைக்குறிப்பு.

முழுப்பொருள் 
தன்னை அழிக்க நினைக்கும் பகைவரிடம் உயிரையும் பொருளையும் இரந்து (யாசித்து) பகைவரின் தயவால் வாழ்தலை விட ஒருவன் அழிந்து கெட்டான் (அல்லது இறந்தான்) என்றென்பதே பெரிது. 

மானம் இல்லாமல் உயிர் வாழ்வது பிணம் போல் தூர்நாற்றம் வீசிக்கொண்டு வாழ்வதுப்போல் ஆகும். ஆதலால் மானம் இல்லையேல் செத்து மடி.

மானத்தை உயிருக்கு இனையாக வைக்கிறார் திருவள்ளுவர். மானத்துடன் இருப்பது உயிருடன் இருப்பதற்கு சமம். மானம் இல்லையேல் உயிர் அற்றதற்கு சமம். ஆதலால் வாழ்ந்தால் மானத்தோடு வாழு இல்லையேல் இறப்பதே மேல் என்று கூறுகிறார் திருவள்ளுவர். 

மேலும்: அஷோக் உரை

ஒப்புமை

வற்றிமற் றாற்றப் பசிப்பினும் பண்பிலார்க்கு

அற்றம் அறிய உரையற்க (நாலடி 78)

என்பாய் உகினும் இயல்பில்லார் பின்சென்று

தம்பாடு உரைப்பரோ (நாலடி 292)

பரிமேலழகர் உரை

ஒட்டார் பின் சென்று ஒருவன் வாழ்தலின் - தன்னை இகழ்வார் பின்னே சென்று பொருள் பெற்று அதனால் ஒருவன் உயிர் வாழ்தலின்; அந்நிலையே கெட்டான் எனப்படுதல் நன்று - அது செய்யாது இறந்தான் என்று சொல்லப்படுதல் அவனுக்கு நன்று. (ஒட்டுதல் - பொருந்துதல். 'அந்நிலையே' என்றது, செல்லாத முன்னை நிலைக்கண்ணே நின்று என்றவாறு, அப்பொழுதே என்றும் ஆம். 'புகழும் புத்தேள் நாடும் பயவாதேனும் பொருள் பெற்று உயிர் வாழ்வாம'¢ என்பாரை நோக்கிக் கூறியது.).

மணக்குடவர் உரை

ஒருவன் தன்னை இகழ்வார்பின் சென்று வாழும் வாழ்க்கையின், அவர்பால் செல்லாத அந்நிலையே நின்று கெட்டானென்று பிறரால் சொல்லப்படுதல் நன்று.

மு.வரதராசனார் உரை

மதியாதவரின் பின் சென்று ஒருவன் உயிர்வாழ்வதை விட, அவ்வாறு செய்யாத நிலையில் நின்று அழிந்தான் என்று சொல்லப்படுதல் நல்லது.

சாலமன் பாப்பையா உரை

இகழுபவர் பின்னே சென்று அவர் தரும் பொருளை, பதவியைப் பெற்று உயிர்வாழ்வதைக் காட்டிலும் அவன் இறந்துபோனான் என்று சொல்லப்படுவது அவனுக்கு நல்லதாம்.

புகழ்இன்றால் புத்தேள்நாட்டு உய்யாதால் என்மற்று

குறள் 966

புகழ்இன்றால் புத்தேள்நாட்டு உய்யாதால் என்மற்று

இகழ்வார்பின் சென்று நிலை 

[பொருட்பால், குடியியல், மானம்]

பொருள்

புகழ் - துதி; கீர்த்தி; அருஞ்செயல்; அகத்தி; வாகை.

இன்று - iṉṟu   . Third person sing. neut. of இல், it is not, இல்லை. 2. An expletive, ஓரசைச்சொல். இன்றேல். If not, if wanting.  

இன்றால் - இல்லை

புத்தேள் -  புதுமை, புதியவள், தெய்வம், தேவர், வானோர், முதற்கடவுள், தேவலோகம்

நாட்டு - நிலை; சுவர்எழுப்புகையில்குறுக்கேவைக்கும்கல்.

நாடு - நாட்டுப்பகுதி; இடம்; பூமி; உலகம்; நாட்டுப்புறம்; மருதநிலம்; பக்கம்; இடப்பரப்பு; பூவுலகப்பொது; ஒருபேரெண்.

உய்தல் - உயிர்வாழ்தல், பிழைத்தல், ஈடேறுதல், நீங்குதல் தப்புதல்

உய்யாதால் - நிறைவேறாது 

என் - என்ன; வினாவினைக்குறிப்பு; ஐயக்கிளவி; இகழ்ச்சிக்குறிப்பு; 'எது'அல்லது'எதை'எனப்பொருள்படும்இடைச்சொல்; தன்மைஒருமைச்சொல்; யான்என்பதுவேற்றுமைப்பொருளில்அடையும்திரிபு; ஓர்அசைச்சொல்.

மற்று - ஓர்அசைநிலை; பிறிதின்பொருட்குறிப்பு; வினைமாற்றுக்குறிப்பு; மறுபடியும்; பின்; காண்க:மற்றப்படி.

இகழ்வார் - இகழ்-தல் - ikaḻ-   4 v.intr. To be careless,negligent; அசாக்கிரதையாதல். பிரியாரென விகழ்ந்தேன் (திருக்கோ. 340).--tr. 1. To slight, despise;opp. to புகழ்-;அவமதித்தல். (குறள், 698.) 2. Toforget; மறத்தல் செய்யா திகழ்ந்தார்க் கெழுமையு மில்(குறள், 538).  

பின் - பிறகு தான்; பின்னுகை; பின்பக்கம்; இடம்; கடை; பிற்காலம்; தம்பி; பிறகு; ஏழனுருபு.

சென்று - செல்லும்  

நிலை? - நிற்கை; உறுதி; தன்மை; நிலைமை; தொழில்; இடம்; தங்குமிடம்; பூமி; காண்க:நிலைத்திணை; தேர்த்தட்டு; கதவுநிலை; தூண்; விளக்குத்தண்டு; நெறி; வழக்கு; ஆசிரமம்; குலம்; மரபுரிமை; இசைப்பாட்டுவகை; பொழுது; முகூர்த்தம்; ஒருநிலவளவுவகை; ஒருவன்நிற்கக்கூடியநீராழம்; பசுஒருதடவைகழிக்குஞ்சாணி; அணிகலத்தொங்கல்

மானம் - மதிப்புடைமை; கற்பு; பெருமை; புலவி; வலிமை; வஞ்சினம்; கணிப்பு; அளவுகருவி; ஒப்புமை; அளவை; அன்பு; பற்று; இகழ்ச்சி; வெட்கம்; குற்றம்; வானூர்தி; கோயில்விமானம்; மண்டபம்; கத்தூரி; சவ்வாது; வானம்; ஒருதொழிற்பெயர்விகுதி; ஓர்இடைச்சொல்.

முழுப்பொருள் 

தனக்கு ஒரு காரியம் ஆக வேண்டும் என்பதற்காகவோ அல்லது வறுமையில் இருக்கும் பொழுது உயிரை காப்பாற்றிக்கொள்ள ஒருவர் தன்னை மதியாதார் அல்லது அவமதிப்போர் அல்லது இகழ்வோர் பின் வெட்கமே இல்லாமல் சென்று நிற்பார் என்றால் அவருக்கு புகழும் இல்லை தேவர்கள் வாழும் வானோர் உலகில் இடமும் இல்லை. ஏனெனில் மானம் வலிமையின் அடையாளம். மானத்தை இழந்து ஒருவர் ஒன்றை பெறுவார் என்றால் அவர் இகழ்ச்சியை தேர்ந்தெடுக்கிறார். அத்தகையவர் வேறு ஒரு சந்தர்ப்பத்தில் எத்தகைய குற்றத்தையும் செய்யக்கூடும். 

ஆதலால் புகழும் புத்தேள் உலகமும் வேண்டுமெனில் சந்தர்ப்பவாதியாக அல்லாமல் மானத்தை காப்பாற்றிக்கொள்வது அவசியம். 

தம் மானத்தைக் காப்பவர், பசி நோயால் உடல் வற்றி எலும்புக் கூடாகி அழியும் நிலை நேர்ந்தாலும், தகுதியில்லாதார் பின்னே சென்று தமது வறுமையை எடுத்துக் கூறுவரோ? கூறமாட்டார்கள். சொல்லாமலே குறிப்பால் அறிந்துகொள்ளும் பேரறிவு உடையாரிடம் தமது துன்பத்தினைக் கூறாமலிருப்பரோ? கூறுவார்கள் என்கிறது கீழ் காணும் நாலடியார் பாடல்.

என்பாய் உகினும் இயல்பிலார் பின்சென்று

தம்பாடு உரைப்பரோ தம்முடையார்; – தம்பாடு

உரையாமை முன்னுணரும் ஒண்மை உடையார்க்கு

உரையாரோ தாமுற்ற நோய்.  (நாலடி 292)

நன்றாகக் கஸ்தூரி மணம் கமழும் கூந்தலையுடையவளே! மானம் உடையாரது பெருமித வாழ்க்கை இப்பிறப்பிலும் நன்மையை உண்டாக்கும்; இறந்த பிறகும் புகழைத் தரும்; ஒழுக்க நெறிகள் கெடாத புண்ணியத்தால் மறுமையிலும் நன்மையை விளைவிக்கும். ஆதலால் இதன் மேன்மையை நீ உணர்வாயாக! என்கிறது கேள்வியாகக் கேட்காமல், கருத்தாகக் கூறும் மற்றுமொரு நாலடியார் பாடல்

இம்மையும் நன்றாம் இயல்நெறியும் கைவிடாது

உம்மையும் நல்ல பயத்தால்; – செம்மையின்

நானம் கமழும் கதுப்பினாய்! நன்றேகாண்

மான முடையார் மதிப்பு.  (நாலடி 294)

மேலும்: அஷோக் உரை

பரிமேலழகர் உரை

இகழ்வார்பின் சென்று நிலை - மானத்தை விட்டுத் தன்னை அவமதிப்பார் பின்னே ஒருவன் சென்று நிற்கின்ற நிலை; புகழ் இன்று - இவ்வுலகத்துப் புகழ் பயவாது; புத்தேள் நாட்டு உய்யாது - ஏனைப் புத்தேளுலகத்துச் செலுத்தாது; மற்று என் - இனி அவனுக்கு அது செய்வது யாது? (புகழ் பயப்பதனைப் 'புகழ்' என்றார். பயனாய இவ்விரண்டும் இன்றிக் கொன்னே மானம் கெடுகின்றது என்னை என்பதாம். இவை மூன்று பாட்டானும் அவை செய்தற் குற்றம் கூறப்பட்டது.).

மணக்குடவர் உரை

இம்மைப் பயனாகிய புகழைத் தாராதாயின், மறுமைப் பயனாகிய சுவர்க்கத்துப் புகுதலில்லை ஆயின், தன்னை இகழ்ந்துரைப்பார்பின் சென்று ஒருவன் நிற்கின்றது பின்னை என்ன பயனைக் கருதி? இது தம்மை இகழ்வார்மாட்டுச் சென்று நிற்றலைத் தவிர்க வென்றது.

மு.வரதராசனார் உரை

மதியாமல் இகழ்கின்றவரின் பின் சென்று பணிந்து நிற்க்கும் நிலை, ஒருவனுக்கு புகழும் தராது, தேவருலகிலும் செலுத்தாது, வேறு பயன் என்ன.

சாலமன் பாப்பையா உரை

உயிர் வாழும் பொருட்டு மானத்தை விட்டுவிட்டுத் தம்மை இகழ்பவர் பின்னே சென்று வாழும் வாழ்வு, இம்மைக்குப் புகழ் தராது. மறுமைக்கு விண்ணுலகிலும் சேர்க்காது; வேறு என்னதான் தரும் அது?.

குன்றின் அனையாரும் குன்றுவர் குன்றுவ

குறள் 965
குன்றின் அனையாரும் குன்றுவர் குன்றுவ
குன்றி அனைய செயின்

[பொருட்பால், குடியியல், மானம்]

(For meaning in English, scroll to the bottom of this post)

பொருள்
குன்றின் - குன்று - சிறுமலை; மலை; குறைவு; சிறுகுவடு; சதயநாள்.

அனை - அன்னை; அந்த ஒருவகைமீன்.

அனையாரும் - அவரும்

குன்றுவர்  - குன்றுதல் -  குறைதல்; அழிவுறுதல்; நிலைதாழ்தல்; எழுத்துக்கெடுதல்; வாடுதல்:வளர்ச்சியறுதல்.

குன்றுவ - குன்று - சிறுமலை; மலை; குறைவு; சிறுகுவடு; சதயநாள்.

குன்றி - குன்றுதல் -  குறைதல்; அழிவுறுதல்; நிலைதாழ்தல்; எழுத்துக்கெடுதல்; வாடுதல்:வளர்ச்சியறுதல்.

அனைய - அத்தன்மையான; ஒத்த.

செயின் - செய்தால்

முழுப்பொருள்
குன்றுப்போல் (மலைபோல) உயரமான புகழை உடைய நற்குடியில் பிறந்தவராயினும் ஒருவருடைய புகழ் குறையும். எப்பொழுது அப்புகழ் குறையும் ? குற்றம் சிறிதளவாயினும் கீழ்மையான செயல் அல்லது தீங்கு விளைவிக்கும் செயலை செய்தால் ஒருவருடைய புகழ் / மானம் குறையும்.

குன்றிமணி என்பது அளவில் சிறியது; அதோடு ஒப்பின் குன்று மிகப்பெரியது. வீழ்ச்சியின் அளவை உயர்த்திக் காட்டவே இந்த ஒப்புமை. மேலும் உயர செல்ல செல்ல, வீழ்ச்சியின் வீச்சம் மிகுதியானது. மலைமீது செல்ல செல்ல ஒரு சிறு அடி தவறாக வைத்தால் நாம் கீழே விழுந்து அழிவோம். அதன் வலியும் அதிகமாக இருக்கும். குற்றம் சிறிது என்பதனால் வலி குறைவு அல்ல. உயரம் அதிகம் ஆதலால் குற்றம் சிறிதானாலும் அதன் வலி பெரிது.

மேலும்: அஷோக் உரை

பரிமேலழகர் உரை
குன்றின் அனையாரும் - குடிப்பிறப்பான் மலைபோல உயர்ந்தோரும்; குன்றுவ குன்றி அனைய செயின் குன்றுவர் - தாழ்தற்கு ஏதுவாகிய செயல்களை ஒரு குன்றி அளவாயினும் செய்வராயின் தாழ்வர். ('குன்றியனையவும'¢ என்னும் இழிவு சிறப்பு உம்மை விகாரத்தால் தொக்கது. தாழ்தற்கு ஏதுவாய செயல்களாவன, இளிவந்தன. சொற்பின் வருநிலை.).

மணக்குடவர் உரை
மலைபோலப் பெரிய உயர்வுடையாரும் தமது தன்மை குறைபடுவர்: ஒரு குறைவு வருவனவற்றைக் குன்றி அளவாயினும் செய்வாராயின். இது மிக்காராயினும் இகழப்படுவ ரென்றது.

மு.வரதராசனார் உரை
மலை போல் உயர்ந்த நிலையில் உள்ளவரும், தாழ்வுக்கு காரணமானச் செயல்களை ஒரு குன்றிமனி அளவு செய்தாலும் தாழ்ந்து போய் விடுவர்.

சாலமன் பாப்பையா உரை
நல்ல குடும்பத்தில் பிறந்து மலைபோல உயர்ந்தவரும்கூட தாழ்வானவற்றை ஒரு குன்றிமணி அளவு செய்தாலும் தாழ்ந்து போவார்.

English Meaning - As I taught a kid - Rajesh

When one's reputation is as high as a mountain, then he or she has to be careful. Because, if he or she makes even a tiny mistake the his or her's reputation will decline like falling from the cliff of a mountain. When climbing a mountain, even one wrong step will lead to either death or huge damage of body parts. One has to be careful.

Questions that I ask to the kid

A person like a mountain, what should he be careful of?

தலையின் இழிந்த மயிரனையர் மாந்தர்

குறள் 964
தலையின் இழிந்த மயிரனையர் மாந்தர்
நிலையின் இழிந்தக் கடை

[பொருட்பால், குடியியல், மானம்]

பொருள்
தலையின் - தலை - சிரம்; முதல்; சிறந்தது; வானம்; இடம்; உயர்ந்தோன்; தலைவன்; உச்சி; நுனி; முடிவு; ஒப்பு; ஆள்; தலைமயிர்; ஏழாம்வேற்றுமைஉருபு; ஓர்இடைச்சொல்; மேலே; தபால்கடிதத்தில்ஒட்டும்முத்திரைத்தலை; தலையோடு

இழிந்த - இழிதல் - இறங்குதல்; விழுதல் இழிவுபடுதல்; தாழ்தல் வெளிப்படுதல்

மயிர் - உரோமம்; சாமரை; தூவி.

அனை - அன்னை; அந்த; ஒருவகைமீன்; aṉai   demonst. pron. அ That;அந்த. அனைநால்வகையும் (தொல். பொ 245).

அனையர் - அதற்கு நிகரானவர்

மாந்தர் - மனிதர்; ஆடவர்; ஊர்காவலர்.

நிலையின் - நிலை - நிற்கை; உறுதி; தன்மை; நிலைமை; தொழில்; இடம்; தங்குமிடம்; பூமி; காண்க:நிலைத்திணை; தேர்த்தட்டு; கதவுநிலை; தூண்; விளக்குத்தண்டு; நெறி; வழக்கு; ஆசிரமம்; குலம்; மரபுரிமை; இசைப்பாட்டுவகை; பொழுது; முகூர்த்தம்; ஒருநிலவளவுவகை; ஒருவன்நிற்கக்கூடியநீராழம்; பசுஒருதடவைகழிக்குஞ்சாணி; அணிகலத்தொங்கல்.

இழிந்தக் - இழிதல் - இறங்குதல்; விழுதல் இழிவுபடுதல்; தாழ்தல் வெளிப்படுதல்

கடை - முடிவு; இடம்; எல்லை; அங்காடி; கீழ்மை; தாழ்ந்தோன்; வாயில்; புறவாயில்; பக்கம்; பணிப்பூட்டு; காம்பு; ஒருவினையெச்சவிகுதி; ஏழனுருபு; பின்; கீழ்; சோர்வு; வழி; பெண்குறி.
கடை - (வி)குடை; சிலுப்பு; தயிர்கடை; பருப்புமுதலியனகடை; மரம்முதலியனகடை; தீக்கடை.

முழுப்பொருள்
தலையில் மயிர் உள்ளவரை அதனை எல்லோரும் பேணிப் பாதுகாக்கிறார்கள். தலைமயிரிற்கு தினமும் (தேங்காய்) எண்ணெய்த்தேய்த்து வாரத்திற்கு ஓரிருமுறை சீகைக்காய்ப் (/சீயக்காய்ப்) பூசி தலை வாரி அதனை பேணுகிறார்கள். ஆனால் அதே தலைமயிர் கீழே விழுந்தால் அதனை எடுத்து யாரும் போற்றுவதில்லை. அசுத்தமாகவே கருதப்படும். மேலும் மயிர் வயிற்றுக்குள் சென்றால் வயிற்றுப்போக்கு போன்ற உபாதைகள் உருவாகும் என்று அதனை குப்பையிலே போடுவார். விழுந்த மயிரை ஒட்டவைக்க முடியாது.

அதுமட்டும் இன்றி இது ராஜாவின் தலையில் இருந்த மயிர் மந்திரியின் தலையில் இருந்த மயிர் என்று எல்லாம் பேதம் பார்க்காமல் மயிர் என்று கருதி அதனை ஒதுக்கிவிடுவார்/ஒதுக்கிவிடவேண்டும். ஏனெனில் எல்லா மயிரும் அசுத்தம் மட்டுமின்றி தீங்கு விளைவிக்கும்.

மயிருக்கு தலையில் இருக்கும் பொழுது இருந்த மரியாதை தலையில் இருந்து விழுந்த பின்பு (மயிருக்கு) கிடைப்பதில்லை. தலையில் இருந்து விழுந்த மயிர் அசுத்தம். அசுத்தமாகவே கருதப்படும். அதுபோல் நல்லநிலையில் நல்ல பண்பாளராக கருதப்படுவோர் தனது நிலையில் இருந்து இறங்கி இழிவு நிலையை அடைவாரென்றால் (அதாவது கீழ்மையானவற்றைச் செய்து இகழ்ச்சியை அடைவது) அவருடைய மதிப்பும் மயிர்க்கு நடந்ததை போன்று வீழ்ச்சி அடையும். ராஜா தவறு செய்தால் பரவாயில்லை என்றபேதமெல்லாமில்லை. தவறு செய்தபின்பு மதிப்பு வழங்க மாட்டார்கள் கீழ்மையாகவே எண்ணுவர் விலகியே இருப்பார்கள். வீழ்ந்த மயிரை ஒட்டவைக்கமுடியாது அதுப்போல் சென்ற மானம் திரும்ப வராது.

மேலும்: அஷோக் உரை

ஒப்புமை

“நிலையில் பிரியேல்” (ஆத்திசூடி)

பரிமேலழகர் உரை
மாந்தர் - குடிப்பிறந்த மாந்தர்; நிலையின் இழிந்தக்கடை - தம் உயர்ந்த நிலையைவிட்டு அதனின்றும் தாழ்ந்த வழி; தலையின் இழிந்த மயிர் அனையர் - தலையை விட்டு அதனினின்றும் வீழ்ந்த மயிரினை ஒப்பர், {அந்நிலையை விடாது நின்ற வழிப் பேணப்படுதலும,¢ விட்டுத் தாழ்ந்த வழி இழிக்கப்படுதலும் உவமையாற் பெற்றாம்.).

மணக்குடவர் உரை
தலையினின்று இறங்கிய மயிரைப்போல இகழப்படுவர்: மாந்தர் தமது நிலையினின்று நீங்கித் தாழ ஒழுகின விடத்து.

மு.வரதராசனார் உரை
மக்கள் தம் உயர்வுக்கு உரிய நிலையிலிருந்து தாழ்ந்த போது, தலைமையிலிருந்து விழுந்து தாழ்வுற்ற மயிரினைப் போன்றவர் ஆவர்.

சாலமன் பாப்பையா உரை
நல்ல குடும்பத்தில் பிறந்தவர் மானம் காக்காமல் தம் உயர்ந்த நிலையை விட்டுவிட்டுத் தாழ்ந்தால், தலையை விட்டு விழுந்த மயிரைப் போன்றவர் ஆவார்.

பெருக்கத்து வேண்டும் பணிதல்

குறள் 963
பெருக்கத்து வேண்டும் பணிதல் சிறிய
சுருக்கத்து வேண்டும் உயர்வு

[பொருட்பால், குடியியல், மானம்]

(For meaning in English, scroll to the bottom of this post)

பொருள்
பெருக்க - perukka   adv. பெருகு-. Greatly,intensely; மிகுதியாய். ஏன் நீ பேராசைகொண்டுபெருக்கத் தவிக்கிறாய்? Loc.

பெருக்கத்து - அறிவும் பொருளும் அதிகமாய் இருபோரிடம்

வேண்டும் - vēṇṭum   v. opt. id. 1. Verbmeaning 'will be required' or 'will be necessary, indispensable'; இன்றியமையாது வேண்டத்தக்கது என்பது குறிக்கும் வியங்கோள்வினை.வேந்தனீயாகி வையமிசைபடக் காத்தல் வேண்டும்(சீவக. 201). 2. Verb in the future tense usedin all genders, numbers and persons, meaning(a) 'will be required'; இன்றியமையாதது என்றபொருளில் ஐம்பால் மூவிடத்திற்கும் உரியதாய் வரும்எதிர்கால வினைமுற்று. எனக்குப் புஸ்தகம் வேண்டும்:(b) 'will stand in relation to'; உறவு முதலியவற்றைக் குறித்து ஐம்பால் மூவிடத்திற்கும் உரியதாய்வரும் எதிர்கால வினைமுற்று. அவன் உனக்கு என்னவேண்டும்? 3. Auxilliary verb meaning 'must';அவசியம் என்பதைக் குறிக்கும் வினை.

பணிதல் - தாழ்தல்; பெருமிதமின்றிஅடங்குதல்; இறங்குதல்; பரத்தல்; தாழ்ச்சியாதல்; வணங்குதல்; குறைதல்; எளிமையாதல்; உண்ணுதல்.

சிறிய - சிறு-மை, இழிந்தது

சுருக்கத்து - சுருக்கம் ஆடைமுதலியவற்றின்சுருக்கு; சிறுமை; வறுமை; இவறல்.

வேண்டும் - இன்றியமையாது

உயர்வு - மிகுதியாதல்; உயர்ச்சி உயரம் விருத்தி, மேன்மை வருத்தம் உயர்வுநவிற்சியணி

முழுப்பொருள்
ஒருவர் கற்றறிந்த கல்வியினாலும் (அறிவினாலும்) அல்லது ஒருவரிடம் இருக்கும் மிகுந்த செல்வத்தினாலும் புகழ் வாய்ந்தவராக இருப்பின் அவருக்கு பணிவென்பது என்றும் வேண்டும். தன்னிடம் இருக்கும் புகழ் அறிவு செல்வம் ஆகியவற்றினால் மற்றவர்களை அலட்சியம் செய்யக்கூடாது. நினைவில் கொள்க செல்வம் நிலையில்லாதது (போக்கும் விளிந்தற்று) நம்மிடம் இருந்து எப்பொழுது வேண்டுமானாலும் மிக விரைவாக சென்றுவிடும். நாம் வறுமைக்கு வந்தால் இதே உலகத்துடன் தான் வாழ வேண்டும்.

அதேப்போல் வறுமையில் இருப்பவர் கேடான செயல்களை செய்யலாம் என்றில்லை. அவர்களும் என்றும் தீங்கு நினைக்காது நல்ல செயல்களை செய்ய வேண்டும். அவர்கள் வாழ்வில் முன்னேற உயர்ச்சியடைய மேன்மையடைய வேண்டியா உந்துதலுடன் மேலான செயலாற்ற வேண்டும்.

மொத்தத்தில் மானம் என்பது நாம் செய்யும் செயலை பொருத்தது. கல்வியாலும் செல்வதாலும் உயர்வான இடத்தில இருப்பவர்கள் பணிவாக நடந்துகொள்ள வேண்டும் (மற்றவர்களையும் நடத்த வேண்டும்).  கீழ்மையான கேடான செயல்களை செய்யக்கூடாது. வறுமையில் இருப்பவர்கள் கேடான செயல்களை செய்யாது வாழ்வில் முன்னேற உயர்வான சிந்தனைகளை கொண்டு மேலான செயல்களை செய்ய வேண்டும். அப்படி செய்தால் மட்டுமே மானம் காக்க முடியும். அப்படி செய்தால் மட்டுமே அவர்களுக்கு பெருமை (மானம்).

முன்பு இவர் நல்லவர்; மிக்க அருளுடையவர்; இப்போது வறுமை யுற்றார்’ என்று கூறி இகழ்ந்து செல்வர் அலட்சியமாக நோக்குங்கால், மானமுடையார் உள்ளம், கொல்லன் உலைக் களத்தில் துருத்தியால் ஊதி உண்டாக்கும் நெருப்பைப் போல உள்ளே கொதிக்கும், என்று கூறுகின்ற நாலடியார் பாடலொன்று இதோ.

நல்லர் பெரிதளியர் நல்கூர்ந்தார் என்றெள்ளிச்
செல்வர் சிறுநோக்கு நோக்குங்கால் – கொல்லன்
உலையூதும் தீயேபோல் உள்கனலும் கொல்லோ,
தலையாய சான்றோர் மனம்.

குறள் 978

பணியுமாம் என்றும் பெருமை சிறுமை

அணியுமாம் தன்னை வியந்து.

மேலும்: பொன்னியின் செல்வன் - முதல் பாகம் திரைப்படத்தில் புத்த பிக்ஷு தலைவர் “மண்வரை பணிபவனே வானம்வரை எழுவான்” என்று கூறுவார்.  (வசனம்: எழுத்தாளர் ஜெயமோகன்)

மேலும்: அஷோக் உரை

எழுத்தாளர் ஜெயமோகன்’இன் வெண்முரசு-கிராதம்-39 இல் இப்படி சில வரிகள் வருகின்றன

இந்திரனை மூன்றாவது ருத்ரனாகிய த்வஷ்டாவின் முன் கொண்டுசென்று நிறுத்தினர் அசுரகுலக் காவலர். “அரசே, அளப்பரிய ஆற்றல்கொண்டிருக்கிறாய். நீ அமைத்த நகர்தான் இதுவரை மண்மேல் எழுந்தவற்றிலேயே முதன்மையானது. அதைப் பார்த்து வாழ்த்திச் செல்லவே வந்தேன். நீ வாழ்க! உன் நகர் நீடூழி வாழ்க!” என்றான்.

நற்சொல் கேட்டு மகிழ்ந்த த்வஷ்டா “அந்தணரே, நீர் விரும்பும் பரிசு எது? சொல்லுங்கள், இப்போதே அளிக்கிறேன்” என்றான். “நான் பரிசில்பெற வரவில்லை, ஒரு சொல்லுரைத்துச் செல்லவே வந்தேன். அரசே, முழுமையான செல்வத்தையும் அழகையும் இன்பத்தையும் மானுடரோ அசுரரோ நாடிச் செல்லலாகாது. முழுமையைத் தேடும் இன்பமே அவர்களுக்கு அளிக்கப்பட்டுள்ளது. முழுமையில் அமர்வது அவர்களுக்கு பெருந்துன்பமே ஆகும்” என்றார் அந்தணர்.

“அரசே, முழுமையை நாடி மலர்களுக்கு தேனீக்கள் என தெய்வங்கள் வந்துகொண்டிருப்பர். அவர்களில் ஒருவர் இப்பெருநகரை அடையவிரும்பினால்கூட நீ அத்தெய்வத்துடன் சமராடவேண்டியிருக்கும். அது உன்னை அழிவுக்கே கொண்டுசெல்லும். மானுடர் பெற்றுப்பெருகுபவர். அன்னத்தில் முளைக்கும் எதுவும் அன்னத்தின் கட்டுக்குள் அடங்கியதே. அன்னம் மிகுவதில்லை குறைவதுமில்லை. அன்னம் அழிந்தே அன்னம் பிறக்கமுடியும். அன்னம் எரிந்தே அன்னம் வாழமுடியும்.”

“வேந்தே, தெய்வங்கள் எண்ணத்தில் பிறப்பவர்கள். எண்ண எண்ணப் பெருகுபவர்கள். ஆகவே தெய்வங்களை மானுடரோ அசுரரோ வெல்லவே முடியாது. தேவர்கள் எண்ணங்களை உருவாக்குகிறார்கள். எண்ணங்கள் வேள்விகளாக ஆகுதியாகின்றன. செயல்களாக பெருகுகின்றன. வேள்வியும் செயலும் தேவர்களை பெருக்குகின்றன. ஆம், நீ வல்லவன். தெய்வங்களை எதிர்த்து நிற்பவன். ஆனால் அச்சமர் புயல்காற்றில் மலர்மரம் என உன் உள்ளத்தை ஆக்கும். ஒருகணமும் நீ உவகைசூடி  அமைய முடியாது.”

“ஆகவே முழுமைக்கு முன்னரே நின்றுவிடுவதே இன்பத்தில் என்றும் வாழும் வழி. உலகோருக்கு என முன்னோர் நெறியொன்று அமைத்துள்ளனர். அணிகொள்கையில் ஒரு குறை வை.  அன்னமுண்ணும்போது ஒரு துளி கசப்பும் இலையில் வை. செல்வக்குவையில் ஒரு பிடி அள்ளி பிறருக்கு அளி. அரசே, இல்லத்தில் ஒரு சாளரக்கதவை எப்போதும் மூடி வை. அகல்களில் ஒன்றில் சுடரில்லாமலிருக்கட்டும். அதுவே வாழ்நெறி” என்றார் அந்தணர்.

“வெறுமையும் முழுமைகொள்ளலாகாது என்றறிக! எனவே நீர் சேந்தும்போது ஒரு குவளை மிச்சம் வை. மலர்கொய்யும்போது ஒரு மலர் மிஞ்சியிருக்கட்டும். மைந்தரைக் கொஞ்சும்போது ஒரு சொல் உள்ளத்திலேயே எஞ்சட்டும்” என்றார் அவர். “பெருக்கத்தில் பணிவென்று மூதாதையர் சொன்னது இதையே. செல்வம் இன்பமென மாறும்போதே பொருள்கொள்கிறது. ஆணவமென இருக்கையில் அது நோய்க்கட்டியே ஆகும்.”

பரிமேலழகர் உரை
பெருக்கத்துப் பணிதல் வேண்டும் - குடிப்பிறந்தார்க்கு நிறைந்த செல்வம் உளதாயவழி யாவர்மாட்டும் பணிவு வேண்டும்; சிறிய சுருக்கத்து உயர்வு வேண்டும் - குறைந்த நல்குரவுளதாயவழிப் பணியாமை வேண்டும், (பணியாமை - தாழ்வு வாராமற் பழைய உயர்ச்சிக்கண்ணே நிற்றல். செல்வக்காலை அஃது உயர்ச்சி செய்யத் தாம் உயர்தலும் வேண்டும் என்பதாம். இவை மூன்று பாட்டானும் தாம் தாழ்தற்கு ஏதுவாயின செய்யாமைச் சிறப்புக் கூறப்பட்டது.).

மணக்குடவர் உரை
செல்வம் பெருகிய காலத்து எல்லார்க்கும் பணிதல் வேண்டும்: செல்வம் மிகவுஞ் சுருங்கின் காலத்துத் தமது தன்மை குறைவுபடாமல் ஒழுகல் வேண்டும்.

மு.வரதராசனார் உரை
செல்வம் பெருகியுள்ள காலத்தில் ஒருவனுக்குப் பண்பு வேண்டும், செல்வம் குறைந்து சுருங்கும் வறுமையுள்ள காலத்தில் பணியாத உயர்வு வேண்டும்.

சாலமன் பாப்பையா உரை
நல்ல குடும்பத்தில் பிறந்து மானம் காக்க எண்ணுவோர் செல்வம் நிறைந்த காலத்தில் பிறரிடம் பணிவுடனும், வறுமை வந்த காலத்தில் தாழ்ந்து விட்டுக் கொடுக்காமலும் நடந்து கொள்ள வேண்டும்.

English Meaning - As I taught a kid - Rajesh

A person might have learned knowledge, fame, wealth, success. However any person should have humility. Out of success one should not disregard people and process (and not take things for granted). Because, all these success, knowledge, fame, wealth are not permanent. If we come to poverty or face failure, we need to face these people and live in this world only. 

At the same time, a person in poverty or a person who doesn't have success should not give up his integrity/values and should aspire to do great things in life and grow. 

Over all our respect is based on the work we do and how we do the work.

Questions that I ask to the kid

What should a successful or wealthy person have? What should a failure or poor person have?

இன்றி அமையாச் சிறப்பின

குறள் 961

இன்றி அமையாச் சிறப்பின ஆயினும்

குன்ற வருப விடல்

[பொருட்பால், குடியியல், மானம்]

பொருள்

இன்றி - இல்லாமல்

அமைதல் - உண்டாதல்; தகுதியாதல்; பொருந்தல் அடங்குதல் நிறைதல் உடன்படுதல் முடிதல்

அமையாச் - அமையாத; தகுதியாகாத; பொருந்தாத; உண்டாகாத; உடன்படாத

சிறப்பின - சிறப்பு - பெருமை; திருவிழா; செல்வம்; அன்பளிப்பு; மதிப்பு; தலைமை; பகட்டு; காண்க:சிறப்பணி; இன்பம்; ஒன்றற்கேயுரியது; வரிசை; போற்றுகை; மிகுதி; வீடுபேறு.

ஆயினும் - ஆனாலும்; ஆவது உம்மைப்பொருளில்வரும்எண்ணிடைச்சொல்.

குன்ற - குன்றுதல் - குறைதல்; அழிவுறுதல்; நிலைதாழ்தல்; எழுத்துக்கெடுதல்; வாடுதல்:வளர்ச்சியறுதல்.

வருப - வருகின்ற

விடல் - viṭal   n. விடு¹-. 1. Leaving;renunciation; முற்றும் நீங்குகை. சமந்தமம் விடல்(கைவல். தத்துவ. 9). 2. Pouring; ஊற்றுகை.(நாமதீப. 695.) 3. Fault; குற்றம். (சது.)

முழுப்பொருள்
ஒரு பொருள் இல்லாமல் நமக்கு இந்த காரியம் (உதாரணமாக பசி தீர) ஆகாது என்று இருந்தாலும் அந்த பொருளை தவறான அறமற்ற வழியில் ஈட்டினால் அதனால் தற்காலிகமாக அந்த காரியம் நடக்கும் ஆனால் தன்னுடைய மாண்பு குறையும். அது ஒரு அவமானமான செயலாகும். குடி / குல / குடும்ப இழிவுக்கும் காரணமாகும். ஆதலால் எந்த தருவாயிலும் அவமானம் தரக்கூடிய செயலை செய்யக்கூடாது.

புலியானது பசியால் உயிர் வருந்துவதாயினும் இடப்பக்கத்தில் வீழ்ந்த விலங்கினை உண்ணாமையும், வலப்பக்கத்தே வீழ்த்தி உண்ணுதலும் ஆகிய இயல்பினையுடைய தென்பது ‘கடுங்கட் கேழல் இடம்பட வீழ்ந்தென; அன்றவண் உண்ணாதாகி வழிநாள்,..இருங்களிற்றொருத்தல் நல்வலம் படுக்கும், புலிபசித்தன்ன’ என்ற புறநானூற்றுச் சித்திரத்தால் புலனாகும். ஐந்தறிவினதாகிய புலிக்கே மானம் உண்டென்பதைச் சொன்னதும் தமிழ். அகநானூற்றுப் பாடலொன்றும் இதே கருத்தை “தொடங்கு வினைதவிரா அசைவில் நோன்றாள், கிடந்துயிர் மறுகுவதாயினும் இடம்படின், வீழ்களிறு மிசையாப் புலியினும்’ என்கிறது.

ஈனமாய் இல்லிருந் தின்றி விளியினும்
மானந் தலைவருவ செய்பவோ? – யானை
வரிமுகம் புண்படுக்கும் வள்ளுகிர் நோன்றாள்
அரிமா மதுகை யவர். (நாலடி 198)

யானையின் புள்ளிகளையுடைய முகத்தைப் புண்படுத்தவல்ல கூரிய நகங்கள் பொருந்திய வலிய கால்களையுடைய சிங்கத்தைப் போன்ற முயற்சி வலிமை யுடையோர் நிலை குறைவாகி வீட்டில் அலுவலில்லாது தங்கி வருவாயின்றி இறக்க நேரினும், குற்றம் உண்டாகக்கூடிய செயல்களைச் செய்வார்களோ? செய்யார், என்கிறது சிங்கத்தின் மானத்தை மேற்கோளாகக் காட்டும் மேற்கண்ட நாலடியார் பாடல்

கடமான் தொலைச்சிய கானுறை வேங்கை 
இடம்வீழ்ந்த துண்ணா திறக்கும்; -இடமுடைய 
வானகம் கையுறினும் வேண்டார் விழுமியோர், 
மானம் மழுங்க வரின் (நாலடி.300)

மதம் பொருந்திய யானையை அதன் வலி தொலைத்து வீழ்த்திய காட்டிலுறையும் புலி, தனக்கு இடப்பக்கம் வீழ்ந்த அந்த யானையை, தான் பசி மிகுதியால் உயிர்துறக்குந் தறுவாயிலிருப்பினும், உண்ணாமல் உயிர்விடும்;

கடுங்கட் கேழல் இடம்பட வீழ்ந்தென

அன்றவண் உண்ணா தாகி வழிநாள்

பெருமலை விடரகம் புலம்ப வேட்டெழுந்

திருங்களிற் றொருத்தல் நல்வலம் படுக்கும்

புலிபசித் தன்ன மெலிவில் உள்ளத்

துரனுடை யாளர் (புறநா.190:6-11)

“தொடங்குவினை தவிரா அசைவில் நோன்தாள்

கிடந்துயிர் மறுகுவ தாயினும் இடம்படின்

வீழ்களிறு மிசையாப் புலியினும் சிறந்த

தாழ்வில் உள்ளம் (அகநா 29:1-4)

உதாரணம் 1
நான் சிறுவயதில் (எனக்கு ஒரு 13-15 வயது இருக்கும்) நான் தங்கியிருந்த அரசு குடியிருப்பு அருகே உள்ள ஒரு பூங்காவிற்கு சென்றேன். அங்கே ஒரு செம்பருத்தி செடியை ஒரு 1/2 அடி அளவிற்கு உடைத்தேன் (வீட்டில் பதியம் போட்டு வளர்பதற்காக). அப்போழுது அங்கு இருந்த ஒரு பூங்கா சம்பந்தமான அலுவலர் என்னையும் எனது சைக்கிளையும் கையும் களவுமாக பிடித்தார். அந்த அலுவலர் நீ எப்படி திருடலாம் என்று என்னிடம் கேட்டார். எப்போழுது எனது புணலை பார்த்தார். எளனமாக சிரித்தார். அருகில் இருப்பவர்களிடம் அதை பார்க்க சொன்னார். அவர்களும் நகைத்தனர். எனக்கு மிகவும் அவமானமாய் போயிற்று. நான் செய்த சிறு தவறினால் (திருட்டினால்) எனது குலத்தின் (அந்தனன் என்ற குலத்தவர்கள் நேர்மையாக இருக்க வேண்டும் என்பதாகும்) பெயருக்கு கலங்கம் கொண்டு வந்துவிட்டேனே என்று. அது (சிறு) தவறு செய்தால் அடையும் மானக்கேட்டினை (குன்றுதல்) எனக்கு உணர்த்தியது.

உதாரணம் 2

https://youtu.be/nMRpd6dhKpk?t=4m50s 

From 4:50 to 8:20

மேலும்: அஷோக் உரை

பரிமேலழகர் உரை

[இனி , குடிப்பிறந்தார்க்கு உரியவாய குணங்கள் கூறுவான் தொடங்கி , முதற்கண் மானம் கூறுகின்றார் .அஃதாவது , எஞ்ஞான்றும் தம் நிலையில் தாழாமையும் , தெய்வத்தால் தாழ்வு வந்துழி உயிர் வாழாமையும் ஆம் . இஃது அக்குடிப் பிறப்பினை நிறுத்துதலுடைமையின் , அச்சிறப்புப் பற்றி முன் வைக்கப்பட்டது.]

இன்றி அமையாச் சிறப்பின ஆயினும் - செய்யாத வழித்தாம் அமையாத சிறப்பினை உடையவேயெனினும்; குன்ற வருப விடல் - தம் குடிப்பிறப்புத் தாழ வரும் செயல்களை ஒழிக. (அமையாமை - இறத்தல். 'குடிப்பிறப்பு' என்பது அதிகார முறைமையான் வந்தது. 'இறப்பவரும் வழி இளிவந்தன செய்தாயினும் உய்க' என்னும் வடநுல் முறையை மறுத்து, உடம்பினது நிலையின்மையையும், மானத்தினது நிலையுடைமையையும் தூக்கி, அவை செய்யற்க என்பதாம்.).

மணக்குடவர் உரை

இன்றியமையாத சிறப்புடையனவாயினும் தமது தன்மை குறையவரும் பொருளையும் இன்பத்தையும் விடுக. இது பொருளும் இன்பமும் மிகினும் தன்மை குறைவன செய்யற்க வென்றது.

மு.வரதராசனார் உரை

இன்றியமையாத சிறப்பை உடைய செயல்களே ஆயினும் குடிப்பெருமை தாழுமாறு வரும் செயல்களை ஒருவன் செய்யாமல் விட வேண்டும்.

சாலமன் பாப்பையா உரை

ஒன்று இல்லாமல் எதுவும் நடைபெறாது என்னும் அளவிற்கு அது முக்கியமானது; ஆனாலும் அதைச் செய்தால் குடும்பத்திற்கு இழிவு வரும் என்றால் அந்த ஒன்றைச் செய்யாதே.

சீரினும் சீரல்ல செய்யாரே

குறள் 962
சீரினும் சீரல்ல செய்யாரே சீரொடு
பேராண்மை வேண்டு பவர்.
[பொருட்பால், குடியியல், மானம்]

(For meaning in English, scroll to the bottom of this post)

பொருள்
சீர் - செல்வம்; அழகு; நன்மை; பெருமை; தலைமை; மதிப்பு; புகழ்; இயல்பு; நேர்மை; செம்பொருள்; சமம்; துலாம்; அளவு; கனம்; துலாராசி; கதவுதண்டு; தண்டாயுதம்; தாளம்; பாட்டு; செய்யுளின்ஓருறுப்பு; வாத்தியவோசை; ஓசை; சீர்சிறப்பு; காலிலணியும்தண்டை; தளர்வு.

சீரினும் - புகழ், செல்வம், பெருமை தரும் செயல்களை காட்டிலும்
சீர்  அல்ல - இகழ்ச்சி தருகின்ற செயல்களை
செய்யாரே - செய்ய மாட்டார்கள்
சீரொடு -  புகழ், செல்வம், பெருமை முதலியனவும்
பேராண்மை - அரியவீரச்செயல்; மிக்கவீரம்; மானம்.
வேண்டுதல் - விரும்புதல்; விரும்பிக்கேட்டல்; விலைக்குவாங்குதல்; இன்றியமையாததாதல்.
வேண்டுபவர் - விரும்புவர்

முழுப்பொருள்

மானத்தை விரும்பி போற்றி வேண்டுபவர் புகழ் செல்வம் பெருமை ஆகியவற்றையும் வேண்டுபவர் தான் செய்யும் செயல்களில் கவனமாக இருப்பார். அத்தகையவர் பெருமை தரக்கூடிய செயல்களை செய்கிறாரோ இல்லையோ இகழ்ச்சி தரக்கூடிய செருக்கு விளைவிக்கக்கூடிய செயல்களை ஒருபோதும் செய்ய மாட்டார்கள். புகழ் தரும் செயல்களை செய்யாவிட்டாலும் இகழ்ச்சி தரும் செயல்களை செய்யாது இருப்பதே இருக்கும் கொஞ்சம் புகழையும் பெருமையையும் செல்வத்தையும் குன்றாமல் காக்கும்.

ஆதலால் இகழ்ச்சி தரக்கூடிய செயல்களை செய்தால் மானம் போய்விடும்.

பேராண்மை என்ற சொல் 

“குறள் 148

பிறன்மனை நோக்காத பேராண்மை சான்றோர்க்கு 

அறனொன்றோ ஆன்ற வொழுக்கு” என்ற குறளிலும் மிக பொருத்தமாக வருகிறது. பிறன்மனையை நோக்குகின்றவர்கள் மானம் அற்றவர்கள் என்பதையும் உணரலாம்.

மேலும் அஷோக்  உரை

பரிமேலழகர் உரை

சீரினும் சீர் அல்ல செய்யார் - புகழ் செய்யுமிடத்தும் தம் குடிமைக்கு ஒவ்வாத இளிவரவுகளைச் செய்யார்; சீரொடு பேராண்மை வேண்டுபவர் - புகழுடனே மானத்தை நிறுத்துதலை விரும்புவார். (எவ்விடத்தும் நிலைகுலையாத திண்மையான் உளதாதல் பற்றிப் 'பேராண்மை' எனப்பட்டது. நிலையுடைய புகழின் பொருட்டாகவும் செய்யார் என்பதாம்.).

ஞா. தேவநேயப் பாவாணர் உரை

ரொடு பேராண்மை வேண்டுபவர்- புகழொடு மானத்தை நிலைநிறுத்துதலை விரும்புபவர்; சீரினும் சீர் அல்ல செய்யார்- புகழைச் செய்யு மிடத்தும் தம் குடிப்பிறப்பிற் கொவ்வாத இழி செயல்களைச் செய்யமாட்டார். ஏகாரம் தேற்றம்.

எந்நிலைமையிலுந் தளராத மனத்திண்மை யுடைமையால் மானம் பேராண்மை யெனப் பட்டது. சீரினுஞ் சீரல்ல செய்தல் அன்முறையாய்க் கொள்ளையடித்து அறச்சாலை நிறுவுதல் போல்வது.

மணக்குடவர் உரை

தமக்குப் பொருள் மிகுதி உண்டாமாயினும் நிகரல்லாதன செய்யார், தலைமையோடே கூடப் பெரிய ஆண்மையை விரும்புவார்.

மு.வரதராசனார் உரை
புகழோடு பெரிய ஆண்மையும் விரும்புகின்றவர், புகழ் தோடும் வழியிலும் குடிப்பெருமைக்கு ஒவ்வாத செயல்களைச் செய்யமாட்டார்.

சாலமன் பாப்பையா உரை

புகழுடன் தன் குடும்பப் பெருமையை நிலைநாட்ட விரும்புபவர் புகழுக்குரியவற்றைச் செய்யும்போதும் தம் குடும்பப் பெருமைக்கு ஏற்காத இழிவுகளைச் செய்யமாட்டார்.

English Meaning - As I taught a kid - Rajesh

A person who wants respect and want to be known as an person of integrity as well as a person who has respect/fame and known for his integrity will be very careful and not do anything dishonest, that brings ill effects, that brings bad reputation. A person of integrity may not do activities that brings fame but at least he will do not dishonest and bad reputation stuffs. 

Questions that I ask to the kid

What does a person of integrity and who wants fame won't do?

மயிர்நீப்பின் வாழாக் கவரிமா

குறள் 969

மயிர்நீப்பின் வாழாக் கவரிமா அன்னார்

உயிர்நீப்பர் மானம் வரின்

[பொருட்பால், குடியியல், மானம்]

பொருள்

மயிர் - உரோமம்; சாமரை; தூவி

நீப்பின் - நீத்தல் - பிரிதல்; துறத்தல்; தள்ளுதல்; இழித்தல்; வெறுத்தல்; விடுதல்; நீங்குதல்.

வாழ்தல் - இருத்தல்; செழித்திருத்தல்; மகிழ்தல்; சுமங்கலியாகஇருத்தல்; விதிப்படிஒழுகுதல்.

ஆ - எதிர்மறையைக்குறிக்கும்சாரியை; எதிர்மறைஇடைநிலை;

வாழாக் - வாழாதா 

கவரிமா - கவரிமான் - kavari-māṉ   n. id. +. Yak,Bos grunniens; மான்வகை. கவரிமானேறு கண்படை கொள்ளும் (பெருங். உஞ்சைக். 50, 20).

அன்னார் - aṉṉār   n. Asbestos; கல்நார்.(வை. மூ.)

அன்னார் - அவர்கள்; They are like. அன்னர்--அன்னார். Such person

உயிர் - காற்று; உயிர்வளி; சீவன் ஆதன் ஓரறிவுயிர்முதலியஉயிரினம்; உயிரெழுத்து ஓசை ஒருநாழிகையில்4320-ல்ஒருகூறு; சன்மலக்கினம்

நீப்பர் - நீத்தல் - பிரிதல்; துறத்தல்; தள்ளுதல்; இழித்தல்; வெறுத்தல்; விடுதல்; நீங்குதல்.

மானம் - மதிப்புடைமை; கற்பு; பெருமை; புலவி; வலிமை; வஞ்சினம்; கணிப்பு; அளவுகருவி; ஒப்புமை; அளவை; அன்பு; பற்று; இகழ்ச்சி; வெட்கம்; குற்றம்; வானூர்தி; கோயில்விமானம்; மண்டபம்; கத்தூரி; சவ்வாது; வானம்; ஒருதொழிற்பெயர்விகுதி; ஓர்இடைச்சொல்.

வரின் - வரும்/ வந்தால்

முன்குறிப்பு

கவரிமா அல்லது யாக் (Yak) என்பது நீண்ட மயிர்க்கற்றைகளைக் கொண்ட இமயமலைப் பகுதிகளில் காணப்படும் ஒரு மாட்டினம். காட்டு யாக்குகள் மாட்டினத்திலேயே பெரிய விலங்குகளுள் ஒன்று. பெரும்பாலானோர் கூறுவது போல் அப்படி ஒரு மான் வகை கிடையாது. (கவரி - சடை போன்ற முடி மா -விலங்கு)

நன்றி :  விக்கி/Wiki

முழுப்பொருள்

இமய மலை போன்ற பனி பிரதேசங்களில் வாழ்வதாக கூறப்படும் இந்த "கவரி மா" ஆனது, தன் அடர்ந்த ரோமத்தை இழந்து விட்டால், குளிர் தாங்காமல் இறந்து விடுவது போல, மானம் சிறிது இழந்தாலும் தன் உயிரினை துறந்து விடுவர் உயிரினும் பெரிதாக மானத்தை கருதுவோர்.

மானம் என்பது வாய்மையோடும், அறத்தோடும், ஒழுக்கத்தோடும், நாணத்தோடும் வாழ்வதற்கான ஒரு அடையாளம் எனலாம். ஆகையால் அது உயிருக்கு சமமாக கருதப்படுகிறது. நாம் பல அதிகாரங்களில் பல குறள்களில் கண்ட ஒன்று இவற்றில் எது இழந்தாலும் நமக்கு கேடே. நமக்கு அழிவே.

ஒப்புமை

1. வான் மயிர் துடக்கின் தானுயிர் வாழாப்

பெருந்தகைக் கவரி (பெருங் 1.35:233-4)

2. குழவி யிறப்பினும் ஊன் தடி பிறப்பினும்

ஆளன் றென்று வாளில் தப்பார்

தொடர்படு ஞமலியின் இடர்ப்படுத் திரீஇய

கேளல் கேளிர் வேளாண் சிறுபதம்

மதுகை யின்றி வயிற்றுத்தீத் தணியத்

தாமிரந் துண்ணும் அள்வை

ஈனம ரோஇவ் வுலகத் தானே (புறநா.74)

ஈனமாய் இல்லிருந் தின்றி விளியினும்

மானம் தலைவருவ செய்பவோ (நாலடி 198)

வானகம் கையுறினும் வேண்டார் விழுமியோர் 

மானம் அழுங்க வரின் (நாலடி 300)

உள்ளம் குறைபட வாழார் உரவோர் (நான்மணி 2)

மானம் அழிந்தபின் வாழாமை முன்னினிதே (இனியவை 14)

மானம் படவரின் வாழாமை முன்னினிதே (இனியவை 28)

தோல்வற்றிச் சாயினும் சான்றாண்மை குன்றாமை (திரி 27)

3. “மானம் நோக்கின் கவரிமான் அனைய நீரார்” (கம்ப.மந்திரப் 7)

‘வருந்தலின் மானமா அனைய மாட்சியர்” (கம்ப.உருக்காட்டு 19)

பரிமேலழகர் உரை

மயிர் நீப்பின் வாழாக் கவரிமா அன்னார் - தன் மயிர்த்திரளின் ஒரு மயிர் நீங்கினும் உயிர் வாழாத கவரிமாவை ஒப்பார்; மானம் வரின் உயிர் நீப்பர் - உயிர் நீக்கத்தான் மானம் எய்தும் எல்லை வரின், அதனைத் தாங்காது இறப்பர். (இழிவு சிறப்பு உம்மை விகாரத்தால் தொக்கது. உயிரும் மானமும் உடன் நில்லாமைக்கண் பின்னும் போவதாய உயிரை நீத்து, எஞ்ஞான்றும் நிற்பதாய மானத்தை எய்துவர் என்பதாம். உவமை அவர்க்கு அஃது இயல்பு என்பது விளக்கி நின்றது.).

மணக்குடவர் உரை

ஒரு மயிர் நீங்கின் உயிர்வாழாத கவரிமாவைப் போன்ற மானமுடையார், மானம் அழியவரின் உயிர்விடுவர்.

மு.வரதராசனார் உரை

தன் உடம்பிலிருந்து மயிர் நீங்கினால் உயிர்வாழாத கவரிமானைப் போன்றவர் மானம் அழிய நேர்ந்தால் உயிரை விட்டுவிடுவர்.

சாலமன் பாப்பையா உரை

மயிர்எலாம் இழந்துவிட்டால் உயிர் வாழ முடியாத கவரிமான் (சாமரம்) போன்றவர் தம் குடும்பப் பெருமை எல்லாம் அழிய நேர்ந்தால் உயிர் வாழமாட்டார்.