விலங்கொடு மக்கள் அனையர் இலங்குநூல்

குறள் 410

விலங்கொடு மக்கள் அனையர் இலங்குநூல்

கற்றாரோடு ஏனை யவர் 

[பொருட்பால், அரசியல், கல்லாமை] 

(For meaning in English, scroll to the bottom of this post)

பொருள்

விலங்கொடு  - விலங்கு - குறுக்கானது; மாவும்புள்ளும்; மான்; கைகால்களில்மாட்டப்படுந்தளை; வேறுபாடு; தடை; உயிர்மெய்யெழுத்துகளில்இ, ஈ, உ, ஊமுதலியஉயிர்களைக்குறிக்கும்அடையாளமாகமேலும்கீழும்உள்ளவளைவு; குன்று; உடல்.

மக்கள் - மானுடவினம்; ஐம்பொறியுணர்வோடுமனவறிவுடையஉயிர்கள்; பிள்ளைகள்.

அனையர் - They are like. அன்னர்--அன்னார். Such persons

இலங்கு - குளம், ilangku   III. v. i. shine, glitter, be bright, ஒளிசெய்.

நூல் - பஞ்சிநூல்; பூணூல்; மங்கலநாண்; எற்றுநூல்; ஆண்குறியிலுள்ளநரம்பு; ஆண்குறி; ஆயுதவகை; சாத்திரம்; ஆகமம்; ஒருநாடகநூல்; ஆலோசனை.

கற்றார் - கற்றவர்கள்; அறிஞர், புலவர், படித்தோர், கல்வியறிவுடையோர்கள்.

உடன் -  ஒக்க, ஒருசேர, அப்பொழுதே; மூன்றாம்வேற்றுமையின்சொல்லுருபு.

கற்றாரொடு - கற்றார் உடன் 

ஏனை - ஒழிபு, மற்றையெனும்இடைச்சொல்; ஒழிந்த; மற்று; எத்தன்மைத்து; மலங்குமீன்.

ஏனையவர்- மற்றவர்கள், கல்லாதவர்கள் கீழ்பட்டவர்கள்

முழுப்பொருள்

ஐந்தறிவு படைத்த விலங்குகளுடன் ஒப்பிடுகையில் ஆறறிவு படைத்த மனிதன் வேறுபடுகிறான். சிந்திக்கும் திறமை வாய்ந்ததனாலேயே மனிதன் விலங்குகளை விட வேறுபடுகிறான். அதுப்போல மனிதருள் ஒளிமிக்க அறிவை தரக்கூடிய நூல்களை கற்காதவன் அந்நூல்களை கற்றவனிடம் இருந்து வேறுபடுகிறான். அதாவது ஒருவன் செல்வத்தாலோ பிறந்த குடியோலோ உடல் ஆரோக்கியத்தாலோ வாழ்ந்த ஆயுளின் அளவாளோ வேறுபடவில்லை. ஒருவன் அவனுடைய கற்ற அறிவினால் தான் வேறுபடுகிறான். 

அதனால் தான் மகாகவி பாரதியார், சுவாமி விவேகானந்தர் போன்றோர் 40 வயதிற்குள் இறந்தாலும் அவர்களுடைய அறிவின் புகழ் இன்றும் ஒளியாக பிரகாசமாக விளங்குகிறது. 

மனிதர்கள் விலங்குகளை விட மேம்பட்டவர்கள் என்றெல்லாம் திருவள்ளுவர் கூறவில்லை. ஏனெனில் விலங்குகள் பேராசை அற்றது ஒழுக்கமாக வாழ்வது. இன்றைக்கு வாழ்வது. அடுத்த தலைமுறைக்கு சொத்து சேர்க்காதது. இயற்கையை சேதம் செய்யாதது. மனிதன் அப்படிப்பட்டவன் அல்ல. இவ்வுலகமே தனக்கானது என்று இயற்கை சூரையாடிக்கொண்டிருப்பவன். 

மேலும்: அஷோக் உரை

ஒப்புமை

”வென்றிப் பொருட்டால் விலங்கொத்து மெய்கொள்ளார்” (நாலடி.315)

“ஆமகன் ஆதற் கொத்தனை அறியா

நீமகன் அல்லாய்” (மணி 13.61-2)

“நன்று தீதென்றியல் தெரி நல்லறி

வின்றி வாழ்வதன் றோவிலங் கின்னிடை

நின்ற நன்னெறி நீயறி யாநெறி

ஒன்றுமின்மையுன் வாய்மையுணர்த்துமால்” (கம்ப.வாலி 111)

“தக்க வின்ன தகாதன வின்னவென்

றொக்கவுன்னல ராகி நுயர்ந்துள

மக்க ளும்விலங் கேமனு வின்நெறி

புக்கவேல் அவ்விலங்கும்புத் தேளிரே” (கம்ப.வாலி.112)

பரிமேலழகர் உரை

விலங்கொடு மக்கள் அனையர் - விலங்கொடு நோக்க மக்கள் எத்துணை நன்மையுடையர் அத்துணைத் தீமையுடையர்; இலங்கு நூல் கற்றாரோடு ஏனையவர் - விளங்கிய நூலைக் கற்றாரோடு நோக்கக் கல்லாதவர்.

(இலங்குநூல்: சாதிப் பெயர். விளங்குதல்: மேம்படுதல் . விலங்கின்மக்கட்கு ஏற்றமாய உணர்வு மிகுதி காணப்படுவது கற்றார்கண்ணேயாகலின், கல்லாதாரும் அவரும் ஒத்த பிறப்பினர்அல்லர் என்பதாம். மயக்க நிரல் நிரை. இதனால்அவர் மக்கட்பிறப்பால் பயன் எய்தாமை கூறப்பட்டது.).

மணக்குடவர் உரை

விலங்குச் சாதியோடும் மக்களோடும் உள்ள வேறுபாடுடையர்; விளங்கின நூல்களைக் கற்றவரோடு கல்லாதவர். இது கல்லாதார் விலங்கென்றது.

மு.வரதராசனார் உரை

அறிவு விளங்குதற்குக் காரணமான நூல்களைக் கற்றவரோடுக் கல்லாதவர், மக்களோடு விலங்குகளுக்கு உள்ள அவ்வளவு வேற்றுமை உடையவர்.

சாலமன் பாப்பையா உரை

விலங்கை நோக்க மக்கள் எவ்வளவு வேறுபட்டவரோ, சிறந்த நூலைக் கற்றவரை நோக்கக் கல்லாதவர் அவ்வளவு வேறுபட்டவர்.

Thirukkural - Management - Learning

Kural 410 uses a simile to differentiae a person who is learned from a person who is not learned. The difference between a person who is not learned and a person who is learned is similar to the difference between an animal and a human being respectively.

The ignorant are to the learned 

As beasts to men.

An animal has its limitations in using its brain and mind. A human being has advantages over an animal because of the developments of mind and brain.

However, even among human beings there are differences depending on their ability to use mind and brain. A person who is not learned is similar to an  animal in comparison to a person who is learned. Is there any difference between a person who does not learn and a person who cannot learn? A person who does not learn is in no way better than a person who cannot learn. Learning is a lifelong process based on the above mentioned reasons. Gandhi said, “Live as if today were the last day of your life and learn as if you were to live forever.” If today is the last day of your life, you will do all good things to others. However, if you know you will live forever, you will continue to learn.

English Meaning - As I taught a kid - Rajesh

Thiruvalluvar says that, amongst the erudite (showing great knowledge and learning), those uneducated men are animals. Animals have limitations in using its brain and mind. A human being has advantages over an animal because of the developments of mind and brain. 

A person who does not learn is in no way better than a person who cannot learn. Learning is a lifelong process based on the above mentioned reasons. Gandhi said, “Live as if today were the last day of your life and learn as if you were to live forever.” If today is the last day of your life, you will do all good things to others. However, if you know you will live forever, you will continue to learn.

In today's world almost everyone is having access to basic education. However, a large percentage of people do not learn continuously. They do not upgrade themselves. They repeat their jobs just like a monkey that has been taught to pedal a bicycle. That is where artificial intelligence replaces those jobs that are mechanical in nature. 

Questions that I ask to the kid

Who are animals? Why? Explain it with today's context as well. 

மேற்பிறந்தா ராயினும் கல்லாதார் கீழ்ப்பிறந்தும்

குறள் 409

மேற்பிறந்தா ராயினும் கல்லாதார் கீழ்ப்பிறந்தும்

கற்றார் அனைத்திலர் பாடு

[பொருட்பால், அரசியல், கல்லாமை]

பொருள்

மேற்குடி - mēṟ-kuṭi   n. id. +. Land-owners of a village; காணியாளர். கீழ்க்குடியாகியவரிசையாளரைப் புறந்தரும் மேற்குடிகளாகிய காணியாளரை (பதிற்றுப். 13, 24, உரை).

மேற்பிறந்தா ராயினும்- உயர்குடியில் பிறந்தவராயினும்; செல்வந்தராயி பிறந்தவராயினும் 

கல்லாதார்  - நெறிநூல்கள் கல்லாதவர்

கீழ்ப்பிறந்தும் - கீழான குடியில் பிறந்தும்

கற்றார் - அறிஞர், புலவர், படித்தோர், கல்வியறிவுடையோர்கள்.

அனைத்து - அவ்வளவு; அத்தன்மையது; எல்லாம்

அனைத்திலர் - அளத்தற்குரிய அளவுக்கு இல்லாதார்

பாடு -உண்டாகை; நிகழ்ச்சி; அனுபவம்; முறைமை; நிலைமை; செவ்வி; கடமை; கூறு; பயன்; உலகவொழுக்கம்; குணம்; பெருமை; அகலம்; ஓசை; உடல்; உழைப்பு; தொழில்; வருத்தம்; படுக்கைநிலை; விழுகை; தூக்கம்; சாவு; கேடு; குறைவு; பூசுகை; மறைவு; நீசராசி; இடம்; பக்கம்; அருகு; ஏழாம்வேற்றுமையுருபு.

முழுப்பொருள்

ஒருவர் உயர்குடியில் பிறந்திருந்தும் கற்காமல் கல்லாதவராய் இருந்தால் அவர் கீழான குடியில் பிறந்தும் கற்றவரின் பெருமைக்கு ஒப்பிட்டு பார்க்க முடியாது. உயர்குடியில் பிறந்தும் கல்லாதவர் கற்றவரை விட சிறுமை வாய்ந்தவரே.  

கற்றோர்க்கு சென்றவிடமெல்லாம் சிறப்பு என்றிருக்கையில், அதில் குலம் என்னும் வேற்றுப்படுத்தும் அடையாளம் நிற்காது. ஆனால் இங்கு உயர்குடி யில் பிறந்தவர் எனில் வறுமையில்லாமல் செல்வம் பெற்று கற்கும் வாய்ப்புகளும் சூழல்களும் நன்கு பெற்றுவர் என்ற பொருளை எடுத்துக்கொள்ள வேண்டும். கீழான குடி எனில் வறுமையில் இருந்தும் கல்வி கற்கும் வாய்ப்புகளும் வசதிகளும் இல்லாதவர் என்ற பொருளை எடுத்துக்கொள்ள வேண்டும். உதாரணமாக ஒருவர் அவர் இருக்கும் வசிப்பிடத்தில் (உதாரணமாக மலையில் இருக்கும் ஆழ்காடுகளில்) கற்க கூடிய வசதிகள் இல்லாமல் இருக்கலாம். 

இன்றைக்கு பார்த்தால் பெருநகரங்களில் (சென்னை போன்ற நகரம்) கற்பதற்கான எல்லா வசதிகளும் உயர் நூலகங்களும் கற்றுக்கொடுக்கும் மேதைகளும் பேராசிரியர்கள் இருந்தும் கற்காதவர்கள் சிறுமையானவர்கள். அதுவே வசதி வாய்ப்புகள் அறவே இல்லாத கிராமங்களில் இருந்து கற்று வந்தவர்களின் பெருமைக்கு ஈடே இல்லை. உதாரணமாக எழுத்தாளர்கள் கி.ராஜநாராயணன், எஸ்.ராமகிருஷ்ணன், ஜெயகாந்தன் போன்றோர் பெருநகரங்களில் இருந்து வந்தவர்கள் அல்ல. அதுப்போல் அப்துல் கலாம், ISRO சிவன் ஆகியோர் பின்தங்கிய கிராமங்களில் இருந்து வந்தவர்களே. இவர்களின் பெருமைக்கு முன் சாதனைக்கு முன் பெருநகரங்களில் எல்லா வசதிவாய்ப்புகள் பெற்றும் அதனை சரிவர பயன்படுத்தாது நேரத்தை வீண் செய்து உண்டு உறங்கி புணர்ந்து பின் மாயும் இந்த எளியோர்கள் சிறுமை வாய்ந்தவர்களே. 

பெருநகரங்கள் என்று மட்டும் அல்ல, ஒருவர் நல்ல குடியில் பிறந்தும், வாய்ப்புகள் பல இருந்தும், வாய்ப்புகளை உருவாக்கிக்கொள்ளவோ அல்லது அதனைத் தேடியோ கற்காதவர்கள், அடுத்தக்கட்டத்திற்கு செல்லாதவர்களையும் இதனில் சேர்க்கலாம்.

புறநானூற்றுப்பாடல் வரிகள், 

“வேற்றுமை தெரிந்த நாற்பாலுள்ளும் 

கீழ்ப்பால் ஒருவன் கற்பின் 

மேற்பால் ஒருவனும் அவன்கட்படுமே” (புறநா 183:8-10)என்பது கவனிக்கவேண்டிய கருத்து. 

நாலடியார் பாடல் இக்கருத்தையொட்டி இவ்வாறு கூறுகிறது.

“களர்நிலத் துப்பிறந்த உப்பினைச் சான்றோர்

விளைநிலத்து நெல்லின் விழுமிதாக் கொள்வர்

கடைநிலத்தோ ராயினும் கற்றறிந் தோரைத்

தலைநிலத்து வைக்கப் படும்” (நாலடி 133)

“தோணி இயக்குவான் தொல்லை வருணத்துக்

காணின் கடைப்பட்டான் என்றிகழார் - காணாய்

அவன் துணையா வாறுபோ யற்றேநூல் கற்ற

மகன் துணையான் மிக்க கொளல்” (நாலடி 136)

“திரியழல் காணின் தொழுபவிறகின்

எரியழல் காணின் இகழ்ப - ஒருகுடியில்

கல்லாத மூத்தோனைக் கைவிடுபகற்றான்

இளமைபா ராட்டும் உலகு” (நான்மணி.64)

மேலும்: அஷோக் உரை

பரிமேலழகர் உரை

மு.வரதராசனார் உரை

நல்லார்கண் பட்ட வறுமையின் இன்னாதே

குறள் 408

நல்லார்கண் பட்ட வறுமையின் இன்னாதே

கல்லார்கண் பட்ட திரு

[பொருட்பால், அரசியல், கல்லாமை]

பொருள்

நல்லார் -  நற்குணமுடையோர்; பெரியோர்; கற்றார்; மகளிர்

கண் -  விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

பட்ட - இருக்கும் 

வறுமையின் - துன்பம்; வெறுமை; திக்கற்றதனிமை.

இன்னாதே - இன்னாது - தீது; துன்பு

கல்லார் - கல்வியறிவற்றவர், கீழ்மக்கள்.

கண் -  விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

பட்ட  - இருக்கும் 

திரு - திருமகள்; செல்வம்; சிறப்பு; அழகு; பொலிவு; நல்வினை; தெய்வத்தன்மை; பாக்கியம்; மாங்கலியம்; பழங்காலத்தலையணிவகை; சோதிடங்கூறுவோன்; மகளிர்கொங்கைமேல்தோன்றும்வீற்றுத்தெய்வம்.

முழுப்பொருள்

கொடிது கொடிது வறுமை கொடிது என்றார் ஔவையார். நல்லோர்க்கும் அல்லோர்க்கும் வறுமை கொடியதே. கெட்டவன்/வரியவன் வாழலாம் ஆனால் நன்கு வாழ்ந்தவன் கெடக்கூடாது என்று கூட கூறுவர். அப்படி இருக்கையில் ஏன் திருவள்ளுவர் கல்லாதவரிடம் இருக்கும் செல்வம் தீதானது துன்பம் தருவது என்று கூறுகிறார்? ஏனெனில் கல்லாத பேதையர்களிடம் இருக்கும் செல்வம், செல்வம் செல்லக்கூடாத இடங்களுக்கு சென்று சீரழியும், அச்செல்வத்தைக் கட்டிக்காக்கவோ பெருக்கவோ தெரியாமல் அவர்கள் அச்சத்திலேயே இருப்பர். அச்செல்வத்தை அபகரிக்க பலர் வந்து உறவாடுவர். பின்னாட்களில் வஞ்சிப்பர். தமக்கும் பிறருக்கும் பயனுள்ள வழிகளில் செல்வத்தை செலவழிக்க மாட்டார்கள். ஆதலால் கல்லாதவரிடம் செல்வம் தீதையும் துன்பத்தையும் தரக்கூடியது. 

கல்லாதார் பெற்ற செல்வத்தால் அவர்களுக்கு மட்டும் துன்பம் அல்ல அதனை வஞ்சித்து அபகரித்தவர்களும் நேர்மையற்றவர்கள் அவர்களும் தவறான வழிகளில் செலவு செய்வதால் அதுவும் துன்பமே தரும். ஆனால் நல்லார் பட்ட வறுமை தரும் துன்பம் அவர்களுக்கு மட்டுமே. அதனால் தான் கல்லாதவரிடம் இருக்கும் செல்வம் நல்லவர்கள் பட்ட வறுமையைவிட கொடியது. 

மேலும்: அஷோக் உரை

ஒப்புமை

”மிகப்பேர் எவ்வம் உறினும் எனைத்தும்

உணர்ச்சி இல்லோர் உடைமை உள்ளேம்

நல்லறி வுடையோர் நல்குரவு

உள்ளுதும் பெருமயாம் உவந்துநனி பெரிதே” (புறநா.197:15-8)

“எறிநீர்ப் பெருங்கடல் எய்தி இருந்தும்

அறுநீர்ச் சிறுகிணற் றூறல்பார்த் துண்பர்

மறுமை அறியாதான் ஆக்கத்திற் சான்றோர்

கழிநல் குரவே தலை” (நாலடி.275)

“சிறியவர் எய்திய செல்வத்தின் மாணப்

பெர்யவர் நல்குரவு நன்றே” (பழமொழி 70)

பரிமேலழகர் உரை

நல்லார்கண் பட்ட வறுமையின் இன்னாது - கற்றார்மாட்டு நின்ற வறுமையினும் இன்னாது, கல்லார்கண் பட்ட திரு - கல்லாதார் மாட்டு நின்ற செல்வம்.

(இழிவு சிறப்பு உம்மை விகாரத்தால் தொக்கது. தம்தம் நிலையின் அன்றிமாறி நிற்றலால் தாம் இடுக்கண்படுதலும் உலகிற்குத் துன்பஞ்செய்தலும் இரண்டற்கும் ஒக்குமாயினும், திரு கல்லாரைக் கெடுக்க, வறுமை நல்லாரைக் கெடாது நிற்றலான், 'வறுமையினும் திரு இன்னாது' என்றார். இதனால் அவர் திருவின் குற்றம் கூறப்பட்டது.).

மணக்குடவர் உரை

நல்லார்மாட்டு உண்டாகிய வறுமைபோலப் பிறர்க்கு இன்னாமையைச் செய்யும்; கல்லாதார்மாட்டு உண்டாகிய செல்வம். இது செல்வமுண்டாயின், பிறரைத் துன்பமுறுவிப்பரென்றது.

மு.வரதராசனார் உரை

கல்லாதவனிடம் சேர்ந்துள்ள செல்வமானது, கற்றறிந்த நல்லவரிடம் உள்ள வறுமையைவிட மிகத்துன்பம் செய்வதாகும்.

சாலமன் பாப்பையா உரை

படிக்காதவரிடம் இருக்கும் செல்வம், நல்லவரிடம் இருக்கும் வறுமையைக் காட்டிலும் கொடியது.

நுண்மாண் நுழைபுலம் இல்லான் எழில்நலம்

குறள் 407
நுண்மாண் நுழைபுலம் இல்லான் எழில்நலம்
மண்மாண் புனைபாவை யற்று
[பொருட்பால், அரசியல், கல்லாமை]
(For English meaning scroll to the bottom of this post)

பொருள்

நுண் - நுண்மை - கூர்மை; நுட்பம்; மிகுதி; வேலைத்திறம்; அறிவுநுட்பம்; பொருள்நுட்பம்; சிற்றுண்டி; கமுக்கம்.

மாண் - மாட்சிமை; மடங்கு; மாணவன்; பிரமசாரி; குள்ளமானவர்.

நுழை - சிறுவழி; பலகணி; குகை; துளை; நுண்மை; புத்திநுட்பம்.

புலம் - வயல்; இடம்; திக்கு; மேட்டுநிலம்; பொறி; பொறியுணர்வு; அறிவு; கூர்மதி; துப்பு; நூல்; வேதம்.

இல்லான் - illāṉ   n. இல்². Poor man, onein want; வறியவன். இல்லானை யில்லாளும் வேண்டாள் (நல்வ. 34). 

எழில் - அழகு; இளமை; வண்ணம்; தோற்றப்பொலிவு; உயர்ச்சி; பருமை; குறிப்பு; சாதுரியவார்த்தை; வலி.

நலம் - நன்மை; இன்பம்; உதவி; கண்ணோட்டம்; அழகு; அன்பு; ஆசை; குணம்; பயன்; புகழ்; உயர்வு; நல்வாழ்வு; நிறம்; செம்மைநிறம்; விருச்சிகராசி; எருதின்விதை; சுக்கு; அறம்.

மண் - நிலவுலகம்; நீராடுங்கால்பூசிக்கொள்ளும்பத்துவகைமண்; பூமி; புழுதி; காண்க:திருமண்; தரை; அணு; சுண்ணச்சாந்து; மத்தளம்முதலியவற்றில்பூசும்மார்ச்சனை; மணை; வயல்; கழுவுகை; ஒப்பனை; மாட்சிமை.

மாண் - மாட்சிமை; மடங்கு; மாணவன்; பிரமசாரி; குள்ளமானவர்.

புனை - அழகு; பொலிவு; அலங்காரம்; அணிகலன்; கால்விலங்கு; சீலை; புதுமை; நீர்

பாவை - பொம்மைபோன்றஅழகியபெண்; பதுமை; அழகியஉருவம்; கருவிழி; பெண்; குரவமலர்; காண்க:பாவைக்கூத்து; நோன்புவகை; திருவெம்பாவை; திருப்பாவை; இஞ்சிக்கிழங்கு; மதில்.

அற்று - அத்தன்மையது; அதுபோன்றது

முழுப்பொருள்

கூர்மையாக நூல்களை நுணுகி ஆராய்ந்து நுட்பமான அறிவு இல்லாதோர் மண்ணினால் செய்து வண்ணம் பூசி காட்சிக்கு வைக்கப்பட்ட பொம்மை ஆகும். அப்பொம்மைக்கு வேறு பயனேதுமில்லை. அது ஒரு உயிர் அற்ற ஜடம். 

இது கல்லாதவர்களுக்கு எவ்வளவு பொருந்துமோ அதே போல் அலங்காரத்திற்காக படித்தவர்களுக்கும் பொருந்தும். உதாரணமாக பி.எச்.டி (PhD), எம்.பில் (M.Phil), எம்.பி.ஏ (MBA), மற்றும் இதர பல படிப்புகளை வெறுமென பட்டத்திற்காக படித்துவிட்டு அப்பட்டங்களை வெளியே தகவல் பலகையில் அலங்காரத்திற்காகவும் வெளியே கர்வத்திற்காக கூறிக்கொள்ளவும் கூறிக்கொள்வதில் எப்பயனும் இல்லை. நுணுகி ஆராய்ந்து படித்து அதற்கு ஏற்றவாரு செயல்புரிந்தால் தான் அதற்கு பயன்.  

முக்கியமான இரண்டு விஷயங்கள் 

1. அலங்காரத்திற்காக படிக்காமல், நுணுகி ஆராய்ந்து பெறுவதே அறிவாகும் 

2. கல்லாதவர் மண்ணினால் செய்து வண்ணம் பூசப்பட்ட பொம்மை. அலங்காரத்திற்கு மட்டுமே உதவும். வேறு பயனேதுமில்லை.

நாலடியார் பாடல் ஒன்று புற அழகு அழகல்ல என்றும் கல்வியே அழகென்று கூறுகிறது:

“குஞ்சியழகும் கொடுந்தானைக் கோட்டழகும்

மஞ்சள் அழகும் அழகல்ல – நெஞ்சத்து

நல்லம்யாம் என்னும் நடுவுநிலைமையால்

கல்வி அழகே அழகு.” (நாலடியார் 131)

சிறுபஞ்சமூலம், சங்ககாலத்தையொட்டிய பதினெண்கீழ்கணக்கின் படைப்பு, இக்குறளை அடியொட்டியிடும் பாடலிது:

மயிர்வனப்பும் கண்கவரும் மார்பின் வனப்பும்

உகிர்வனப்பும் காதின் வனப்பும் செயிர்தீர்ந்த

பல்லின் வனப்பும் வனப்பல்ல, நூற்கியைந்த

சொல்லின் வனப்பே வனப்பு (சிறுபஞ்சமூலம் 36)

எளிமையான சொற்களின் அமைப்பில் சொல்லப்பட்ட இப்பாடலே கல்வி தரும் வனப்பைச்சொல்லி, நூலறிவின்மையை வனப்பல்ல என்கிறது.

மற்றொரு கீழ்கணக்கு நூலான ஏலாதியிலும் இக்கருத்து சொல்லப்படுவதைப் பார்க்கலாம்

இடை வனப்பும், தோள் வனப்பும், ஈடின் வனப்பும்,

நடை வனப்பும், நாணின் வனப்பும், புடை சால்

கழுத்தின் வனப்பும், வனப்பு அல்ல; எண்ணோடு

எழுத்தின் வனப்பே வனப்பு. (ஏலாதி 74)

இரண்டு பாடல்களும் ஒரேபோல் இருப்பதைப் பார்க்கையில் ஒரு புலவரை அப்படியே மற்றொருவர் பிரதி எடுத்தாற்போல இருக்கிறது. ஒருவரின் நுண்மாண் நுழைபுலமும், மற்றொருவரின் களவாடலும் தெரிகிறது. 

மேலும்: அஷோக் உரை

பரிமேலழகர் உரை

நுண்மாண் நுழை புலம் இல்லான் எழில் நலம் - நுண்ணியதாய், மாட்சிமைப்பட்டுப் பல நூல்களினும் சென்ற அறிவு இல்லாதவனுடைய எழுச்சியும் அழகும், மண், மாண் புனை பாவை அற்று - சுதையான் மாட்சிமைப்படப் புனைந்தபாவையுடைய எழுச்சியும் அழகும் போலும்.

(அறிவிற்கு மாட்சிமையாவது, பொருள்களைக் கடிதிற்காண்டலும்மறவாமையும் முதலாயின. 'பாவை' ஆகுபெயர். 'உருவின்மிக்கதோர் உடம்பது பெறுதலும் அரிது' (சீவக. முத்தி. 154)ஆகலான், எழில் நலங்களும் ஒரு பயனே எனினும், நூலறிவுஇல்வழிச் சிறப்பில என்பதாம். இதனால் அவர்வடிவழகால் பயன் இன்மை கூறப்பட்டது.).

மணக்குடவர் உரை

நுண்ணிதாகிய மாட்சிமைப்பட்ட ஆராய்ச்சியையுடைய கல்வியில்லாதான் அழகு, மண்ணினாலே நன்றாகச் செய்த பாவையின் அழகினை யொக்கும். இஃது அழகியராயினும் மதிக்கப்படாரென்றது.

மு.வரதராசனார் உரை

நுட்பமானதாய் மாட்சியுடையதாய் ஆராய வல்லவான அறிவு இல்லாதவனுடைய எழுச்சியான அழகு மண்ணால் சிறப்பாகப் புனையப்பட்ட பாவை போன்றது.

சாலமன் பாப்பையா உரை

நுண்ணிய, சிறந்த பல நூல்களிலும் நுழைந்த அறிவு இல்லாதவனின் உடல் வளர்ச்சியும் அழகும், மண்ணால் சிறப்பாகச் செய்யப்பட்ட பொம்மையின் அழகு போன்றதாகும்.

English Meaning - As I taught a kid - Rajesh

A person who has understood the concept and has gained knowledge can use the knowledge for something. A person who has a diploma but hasn't learnt it well or forgotten what they learnt is similar to a clay doll and his or her diploma is like doll in a showcase.

Questions that I ask to the kid

How should we study? 

What comes to your mind when you see a well dress doll?

Does a Degree certificate hold a value if you didn't practice what you studied?

கல்லா ஒருவன் தகைமை தலைப்பெய்து

குறள் 405

கல்லா ஒருவன் தகைமை தலைப்பெய்து

சொல்லாடச் சோர்வு படும்

[பொருட்பால், அரசியல், கல்லாமை]

பொருள்

கல்வி - அறிவு; வித்தை; கற்கை; கற்கும்நூல்; பயிற்சி.

கல்லா ஒருவன் - கல்வி கற்காதவர்கள்.

தகைமை - தன்மை, தகுதி; பெருமை; பொறுமை; குணம்; மதிப்பு; அழகு; ஒழுங்கு; நிகழ்ச்சி.

தலைப்பெய்து - தலைப்பெய்தல் - ஒன்றுகூடுதல்; கிட்டுதல்; பெய்துரைத்தல்; கூடுதல்.

சொல்லாட - சொல்லாடுதல் - பேச்சில்வழங்குதல்; பேசுதல்.

சோர்வு - தளர்ச்சி; மறதி; மெலிவு; இழுக்கு; சொரிகை; திருட்டு; விபசாரம்.

படும் - படுதல் - உண்டாதல்; தோன்றுதல்; உதித்தல்; நிகழ்தல்; மனத்தில்தோற்றுதல்; பூத்தல்; ஒன்றன்மீதுஒன்றுஉறுதல்; மொய்த்தல்; அகப்படுதல்; புகுதல்; பெய்தல்; பெரிதாதல்; மேன்மையடைதல்; அழிதல்; சாதல்; மறைதல்; புண்காய்தல்; சாய்தல்; வாடுதல்; துன்பமடைதல்; தொங்குதல்; ஒலித்தல்; பாய்தல்; புதைக்கப்படுதல்; உடன்படுதல்; ஒத்தல்; பொறுத்தல்; முட்டுதல்.

முழுப்பொருள்
கல்வி கற்காதவர்களின் குணம் அல்லது தன்மை எப்படிப்பட்டது தெரியுமா? அத்தகைய கல்வி அல்லாதவர்களிடம் நாம் ஒன்றுக்கூடும் பொழுது சிறிது நேரம் பேசினாலே நமக்கு சோர்வு உண்டாகும். ஆனால் கற்றவர்களிடம் பேசினால் நமக்கு புத்துணர்ச்சி ஏற்படும். 

கல்வி என்றால் கற்கை. அந்தக் கற்கையானது கல்விக்கூடங்களில் தான் பெறமுடியும் என்றில்லை. பலர் பயிற்சியாலும் அனுபவத்தாலும் அவதானிப்பினாலும் கற்றோரிடம் பழகுவதால் பெற முடியும். உதாரணமாக தமிழகத்தின் இலக்கிய சாதனையாளர்களில் ஒருவர் ஜெயகாந்தன். அவர் தனது ஒன்பது வயது வரை மட்டும் படித்துள்ளார் (சுமார் 3 ஆம் வகுப்பு). ஆனால் அவர் எழுதிய ஒவ்வொன்றும் உலகத்தரம் வாய்ந்தவை. பல கதைகள், சிறுகதைகள், நாவல்கள் பல காலங்கள் கடந்து நிற்கும் தகுதி வாய்ந்தவை. 

ஆதலால் இக்குறள் கல்வியறிவினை எத்தகைய முறையிலும் பெறாதவர்களை பற்றியே என்று நாம் எடுத்துக்கொள்ள வேண்டும். 

மேலும்: அஷோக் உரை

ஒப்புமை

”கல்லாதான் கண்ட கழிநுட்பம் கற்றார்முன்

சொல்லுங்கால் சோர்வு படுதலால்” (பழமொழி 2)

“அயர்வில் கேள்விசால் அறிஞர் வேலைமுன்

பயில்வில் கல்வியார் பொலிவில் பான்மைபோல்” (கம்ப.மராமர.70)

பரிமேலழகர் உரை

கல்லா ஒருவன் தகைமை - நூல்களைக் கல்லாத ஒருவன் யான் அறிவுடையேன் எனத் தன்னை மதிக்கும் மதிப்பு, தலைப்பெய்து சொல்லாடச் சோர்வுபடும் - அவற்றைக்கற்றவன் கண்டு உரையாடக் கெடும்.

('கற்றவன்' என்பது வருவிக்கப்பட்டது. யாதானும் ஓர் வார்த்தை சொல்லும் துணையுமே நிற்பது; சொல்லியவழி வழுப்படுதலின், அழிந்து விடும் என்பதாம். இவை இரண்டு பாட்டானும் கல்லாதாரது இயற்கையறிவின் குற்றம் கூறப்பட்டது.).

மணக்குடவர் உரை

கல்லாத ஒருவனது பெருமை கற்றவன் கிட்டி உரையாட மறையும். இது பெருமையுடையாராயினும் மதிக்கப்படாரென்றது.

மு.வரதராசனார் உரை

கல்லாதவன் ஒருவன் தன்னைத்தான் மகிழ்ந்து பேசும் மதிப்பு ( கற்றவரிடம்) கூடிபேசும் போது அப்பேசினால் கெடும்.

சாலமன் பாப்பையா உரை

படித்தவர் முன் பேசினால் படிக்காதவரின் பெருமை குறைந்து போகும்.

கல்லாதான் ஒட்பம் கழியநன்

குறள் 404
கல்லாதான் ஒட்பம் கழியநன் றாயினும்
கொள்ளார் அறிவுடை யார்
[பொருட்பால், அரசியல், கல்லாமை]

பொருள்

கல்லாதான் - கல்வி கற்காதவன் 

ஒட்பம் - அறிவு; அழகு; நன்மை; மேன்மை.

கழிய - மிகவும்

கழிதல் - மிகுதல்; கடந்துபோதல்; நடத்தல்; குறைபடுதல்; அழிதல்; ஒழிதல்; சாதல்; முடிவடைதல்; வருந்துதல்; மலம்முதலியனவெளிப்படுதல்; அச்சங்கொள்ளுதல்.

நன்று - நல்லது; சிறப்பு; பெரிது; அறம்; இன்பம்; நல்வினை; உதவி; வாழ்வின்நோக்கம்; துறக்கம்; ஏற்கைக்குறிப்பு

ஆயினும் - ஆனாலும்; ஆவது உம்மைப்பொருளில்வரும்எண்ணிடைச்சொல்.

கொள்ளார் - மனம்பொறாதவர்; பகைவர்.

அறிவு - ஞானம்; புத்தி பொறியுணர்வு; அறியவேண்டியவை; கல்வி ஆன்மா

உடையார் - உடையவர்கள்

முழுப்பொருள்

பல உரைகள் ஒட்பம் என்ற சொல்லுக்கு அறிவு என்ற அர்த்தத்திலேயே பொருள் கூறுகின்றன. ஆனால் ஒட்பம் என்ற சொல்லுக்கு அழகு என்ற சொல்லும் பொருந்தும். ஆதலால் கல்விகற்காதவர்கள் எவ்வளவு மிகுதியாக அலங்காரம் / ஒப்பனை / பாவனை/ ஆடம்பரம் செய்தாலும் அது நன்றாக இருந்தாலும் அவர்களை கற்றோர் சான்றோர் ஏற்கமாட்டார்கள். 

படிக்காதவர்கள் உலகத்தில் பலர் உள்ளனர். ஆனால் அதில் சிலர் தங்களின் செயல்கள் மூலம் நாட்டிற்கு தொண்டாற்றினவர்கள். செயல் வீரர் அவர்கள். அவர்களை ஏற்காமல் இருக்க முடியாது. திருவள்ளுவர் அவர்களை நிராகரிக்க மாட்டார். இன்றைய காலகட்டத்தில் கல்விகற்காமலும் தொண்டாற்றிய பல கர்மவீரர்களுக்கு சாதனையாளர் விருது அளித்து கௌரவித்து உள்ளது சான்றோர் உலகம். ஆதலால் ஒட்பம் என்ற சொல் அழகு ஆடம்பரம் என்ற அர்த்தத்திலேயே எடுத்துக்கொள்ள வேண்டும். 

பழமொழிப்பாடல் வரிகள் ஒன்று, 

“அறிவில்லான் மெய்த்தலைப் பாடு பிறிதில்லை

நாவற்கீழ்ப் பெற்ற கனி” (பழமொழி 138)

“கல்லாதான் கண்ட கழிநுட்பம் காட்டரிதால்” (பழமொழி 367) 

என்கிறது. 

சிறுபஞ்சமூலப்பாடல் (4) ஒன்று, 

“கல்லாதான் தான்காணும் நுட்பமும்… 

நல்லார்கள் கேட்பின் நகை” என்கிறது.


மேலும்: அஷோக் உரை

பரிமேலழகர் உரை

கல்லாதான் ஒட்பம் கழிய நன்று ஆயினும் - கல்லாதவனது ஒண்மை ஒரோவழி நன்றாயிருப்பினும், அறிவுடையார் கொள்ளார் - அறிவுடையார் அதனை ஒண்மையாகக் கொள்ளார்.

(ஒண்மை: அறிவுடைமை, அது நன்றாகாது, ஆயிற்றாயினும் ஏரலெழுத்துப் போல்வதோர் விழுக்காடு ஆகலின், நிலைபெற்ற நூல் அறிவுடையார் அதனை மதியார் என்பதாம்.).

மணக்குடவர் உரை

கல்லாதானது ஒண்மை மிகவும் நன்றாயிருப்பினும் அதனை ஒண்மையாகக் கொள்ளார் அறிவுடையார். ஒண்மை யெனினும் அறிவெனினும் அமையும். இது கல்லாதார் ஒள்ளியாராயினும் மதிக்கப்படாரென்றது.

மு.வரதராசனார் உரை

கல்லாதவனுடைய அறிவுடைய ஒருக்கால் மிக நன்றாக இருந்தாலும் அறிவுடையோர் அதனை அறிவின் பகுதியாக ஏற்றுக்கொள்ள மாட்டார்.

சாலமன் பாப்பையா உரை

படித்தவர் முன் பேசினால் படிக்காதவரின் பெருமை குறைந்து போகும்.

கல்லாதான் சொற்கா முறுதல்

குறள் 402
கல்லாதான் சொற்கா முறுதல் முலையிரண்டும்
இல்லாதாள் பெண்காமுற் றற்று
[பொருட்பால், அரசியல், கல்லாமை]

பொருள்

கல்லாதான் - கல்வி கற்காதவன்; 

சொற் - பேச்சு, சொற்கள்

காமுறுதல் - விரும்புதல்; வேண்டிக்கொள்ளுதல்.

முலை - பெண்களின் மார்பகம்; கொங்கை, தனம்; பாலூட்டுஇனங்களின்உடலில்பாலுண்டாகும்இடம்; 

இரண்டும் - (கொங்கை) இரண்டும்

இல்லாதாள் - இல்லாத
பெண் - பெண்ணிடம்
காமுற் றற்று - காமம் கொள்ள முடியாததை போன்றாம்

முழுப்பொருள்
சில வருடங்கள் முன்பு (கேளடி கண்மணி, ஆசை, ரிதம் ஆகிய திரைப்படங்களை இயக்கிய) திரைப்பட இயக்குனர் வஸந்த் ஒரு பேட்டியில் கூறியிருப்பார் - பெங்காலி மொழியில் ஒரு flat chest (தட்டையான மார்பு) கொண்ட ஒரு பெண்னை ஒரு ஆண் நிராகரிக்கிறான். ஆனால் பின்னாலில் அவள் திருமணம் செய்துக்கொண்டு குழுந்தைப் பெற்று மகிழ்ச்சியாக இருக்கிறாள். ஆதலால் மார்பகங்கள் எவ்வளவு பெரிதாகவும் வடிவாகவும் இருக்கிறது என்பதில் ஒரு அர்த்தமும் இல்லை. அது ஒரு (/தன்) குழந்தைக்கு பால் ஊட்ட பயன் உள்ளவனவாக இருக்கிறதா என்பதே முக்கியம் என்ற கருத்தை திரைப்படம் பதிவு செய்கிறது.

இங்கே திருவள்ளுவர் பெண்ணின் (மார்பு) மீது கொள்ளும் ஈர்ப்பினை காட்டி கல்வியின் சிறப்பை (கல்லாதவரின் இழிவை) சொல்லவேண்டுமா என்ற கேள்வி எழாமால் இல்லை. ஏன் கூறுகிறார் என்றுதான் பார்க்க வேண்டும். உலகில் எல்லோரும் மார்பின் (அளவின் வடிவின்) மீது ஈர்ப்பு கொண்டவரல்ல. அவர்கள் மார்பின் சிறப்பை அறிந்தவர்கள். அவர்கள் பெண்ணின் மார்பு பால் ஊட்ட படைக்கபட்ட உறுப்பு என்பதை அறிவர். அத்தகையவர்கள் அப்பெண்ணின் எல்லா திறனையும் உள்ளத்தின் அழகையும் அறிவர். அதனைப் போற்றுவர். ஆனால் பெண்ணின் மார்பை மட்டும் விரும்புபவர்கள் அப்பெண்ணின் திறனை போற்றாதவர்கள். அப்படிப்பட்ட ஆண்களை பெண்களும் விரும்ப மாட்டார்கள். ஒரு பெண்ணை முழுமையாக விரும்பும் தலைவனையே பெண் விரும்புவாள்.

இப்போது குறளுக்கு வருவோம். கல்வி கற்காதவர்கள், கல்வியின் சிறப்பை அறியாதவர்கள், கல்வியின் பயனை அறியாதவர்கள் பிறரிடமோ அல்லது ஒரு அவையில் பலர் முன்பு பேச வேண்டும் என்று நினைப்பது என்பது நகைக்கதக்கது. ஏன் எனில் பிறருக்கு தெரியும் கல்லாதவர்கள் பேசும் பேச்சு பயனற்றது என்று. கல்லாதவர்கள் அவையில் பேச வேண்டும் என்று நினைப்பது மார்பு இல்லாத பெண்ணிடம் உறவு வைத்து குழந்தைப்பெற்று பால் கொடுத்து வளர்க்க விரும்பவது போல் ஆகும்.

சிறு குழந்தைக்கு பல் கிடையாது. அதற்கு உணவை கடித்து உண்ண முடியாது. அதன் செரிமான குழாய்கள் நன்றாக வளர்ந்து இருக்காது. திட உணவு எளிதாக அதில் செல்ல முடியாது. அதன் ஜீரண உறுப்புகள் முழுதும் வளர்ச்சி பெற்றிருக்காது. அதனால் கடின உணவை ஜீரணம் செய்ய முடியாது.

தாய் என்ன செய்கிறாள், உணவை தான் உண்டு, செரித்து, அதை இரத்தமாக்கி, அதை பாலாக்கி , அதில் குழந்தைக்கு வேண்டிய சத்து மட்டும் நோய்  எதிர்ப்பு பொருள்களை கலந்து குழந்தை எளிமையாக ஜீரணம் பண்ணும் வகையில் பாலாக, திரவ வடிவில் தருகிறாள். குழந்தைக்கு உடம்பு சரி இல்லை என்றால், தான் பத்தியம் இருக்கிறாள். குழந்தைக்கு எப்போது தர வேண்டும் (நினைந்து ஊட்டும்), எவ்வளவு தர வேண்டும் என்று அறிந்து தருகிறாள்.

அது போல, ஒரு படித்தவன் , பல நூல்களை படித்து, உள்வாங்கி, ஒன்றோடு ஒன்று  இணைத்து, கடின பதங்களை எளிமையாக்கி, கேட்பவர் எளிதில் அறிந்து கொள்ளும் வண்ணம்  பேச வேண்டும். அவர்களுக்கு எவ்வளவு தர வேண்டும், எப்போது தரவேண்டும் என்று அறிந்து தரவேண்டும்.

அதனால் தான் கல்வி அறிவு உள்ளவனை தாய்க்கு உதாரணமாக கூறினார். ஒரு தடவை பால் தந்து விட்டாள் போதாது. குழந்தை பெரிதாக வளரும் வரை தாய் தன் பாலை தந்து கொண்டே இருப்பாள். அதற்காக அவள் மேலும் மேலும் நல்ல ஆரோக்கியமான உணவை உட்கொள்ள வேண்டும். மற்றவர்களுக்கு சொல்லுபவனும் அது போல படித்துக் கொண்டே இருக்க வேண்டும். நாளும் புதிய செய்திகளை கொண்டு தர வேண்டும்.

தாய் எப்படி உணவை தான் ஜீரணம் செய்து பிள்ளைக்கு அதை பால் வடிவில் தருகிறாளோ அது போல பேச நினைப்பவன் புத்தகங்களை மேற் கோள் காட்டிக் கொண்டிருக்கக் கூடாது. படித்து, உள்வாங்கி, அவனுடைய அறிவினால் படித்ததை எளிமையாக்கி , செறிவூட்டி தரவேண்டும்.

பால் புகட்டும் தாய் கண்டதையும் சாப்பிடக் கூடாது. மது, புகை பிடித்தல் போன்றவற்றை தவிர்த்து விடுவது குழந்தைக்கு நலம் பயக்கும். அது போல கற்று அறிந்தவன்  நல்ல விஷயங்களை மட்டும் படிக்க வேண்டும்.  கண்டதையும் படித்து  தன் அறிவையும், மனதையும் குழைப்பிக் கொள்ளக் கூடாது.

தாய் தன் பிள்ளைக்கு வேளா வேளைக்கு பால் தருவாள். ஆனால் குழந்தைக்கு ஜீரணக் கோளாறு இருந்தால், சரியாக மலம் கழிக்கவில்லை என்றால் மேலும் மேலும் பால் புகட்ட மாட்டாள். முதலில் தந்தது உள்ளே சென்று ஜீரணமானதை அறிந்த பின் தான் அடுத்த முறை பால் தருவாள் தாய்.

அது போல , ஒரு மாணவனோ அல்லது கேட்பவனோ ஒரு விஷயத்தை உள்வாங்கிக் கொண்டான் என்று அறிந்த பின்பே அடுத்த விஷயத்தை சொல்ல வேண்டும். நான் பாட்டுக்கு சொல்லிக் கொண்டே போகிறேன், நீ புரிந்து கொண்டால் சரி, இல்லை என்றால் அது என் பாடு இல்லை என்று இருக்கக் கூடாது.

முலை இரண்டும் இல்லாதாள் காமுறுதல் என்பதற்கு பின்னால் எவ்வளவு இருக்கிறது பாருங்கள். இன்னும் சிந்தித்தால் மேலும் பல பொருள் விரியும்.

இக்குறள் கூறவரும் மைய கருத்து என்பது கல்லாதவர்கள் நகைப்புக்கூறியவர்கள். அவர்களின் பேச்சும் பயனற்றது.

மேலும்: அஷோக் உரை

ஒப்புமை

”இன்னா முலையில்லாள் பெண்மை விழைவு” (இன்னா.13)

பரிமேலழகர் உரை

கல்லாதான் சொல் காமுறுதல் - கல்வியில்லாதான் ஒருவன் அவையின்கண் ஒன்று சொல்லுதலை அவாவுதல், முலை இரண்டும் இல்லாதாள் பெண் காமுற்றற்று - இயல்பாகவே முலை இரண்டும் இல்லாதாள் ஒருத்தி பெண்மையை அவாவினாற் போலும்.

('இனைத்தென அறிந்த சினை' (தொல்.சொல்.33) ஆகலின், தொகையோடு முற்று உம்மை கொடுத்தார். சிறிதும் இல்லாதாள் என்பதாம். அவாவியவழிக் கடைப் போகாது, போகினும் நகை விளைக்கும் என்பதாயிற்று.).

மணக்குடவர் உரை

கல்வியில்லாதான் சொல்லுதற்கு ஆசைப்படுதல், இரண்டு முலையுமில்லாதாள் பெண்மைக்குக் காமுற்றாற்போலும். 

இது தன்னாசையல்லது சொன்னாலும் விரும்புவாரில்லை யென்றது.

மு.வரதராசனார் உரை

எண் (கற்றவரின் அவையில்) கல்லாதவன் ஒன்றைச் சொல்ல விரும்புதல், முலை இரண்டும் இல்லாதவள் பெண் தன்மையை விரும்பினாற் போன்றது.

சாலமன் பாப்பையா உரை

படிக்காதவன் கற்றவர் அவையில் பேச ஆசைப்டுபடுவது, இரு முலையும் வளர்ச்சி பெறாத பெண் ஒருத்தி உடலுறவு கொள்ள ஆசைப்பட்டது போலாம்.

அரங்கின்றி வட்டாடி யற்றே

குறள் 401

அரங்கின்றி வட்டாடி யற்றே நிரம்பிய

நூலின்றிக் கோட்டி கொளல்.

[பொருட்பால், அரசியல், கல்லாமை]

(For meaning in English, scroll to the bottom of this post)

பொருள்

அரங்கு - araṅku   * n. raṅga. 1. Stage,dancing hall; நாடகமாடு மிடம். அவைபுக ழரங்கின்மே லாடுவாள் (கலித். 79). 2. Assembly hall;சபை. (சூடா.) 3. Gambling house; சூதாடுமிடம் அறிவி லாளர்சூ தாடு மரங்கினும் (பிரமோத். 22, 13).4. Place or board chequered with squares;சூதாடுவதற்கு வகுத்த தானம் அரங்கின்றி வட்டாடியற்றே (குறள், 401). 5. Womb; கருப்பம் அரங்கிலவனென்னை யெய்தாமற் காப்பான் (திவா. இயற். நான் 30).  

இன்றி - iṉṟi   adv. இன்-மை. Without;இல்லாமல். 

வட்டு - சூதாடுங்கருவி; திரட்சி; திரண்டபொருள்; நீர்வீசுகருவிகளுள்ஒன்று; ஒருவிளையாட்டுக்கருவிவகை; அப்பளஞ்செய்யுமாறுஉருட்டிவைக்கும்மாவுருண்டை; முள்ளிச்செடி; சிறுதுணி; கண்டசருக்கரை; குடையில்கம்பிகள்கூடுமிடம்.

ஆடியற்றே - ஆடுவதுபோலாம்

நிரம்பிய - பெருகிய, நுண்ணிய அறிவினைத் தரும்

நூல் - பஞ்சிநூல்; பூணூல்; மங்கலநாண்; எற்றுநூல்; ஆண்குறியிலுள்ளநரம்பு; ஆண்குறி; ஆயுதவகை; சாத்திரம்; ஆகமம்; ஒருநாடகநூல்; ஆலோசனை

இன்றிக் - iṉṟi   adv. இன்-மை. Without;இல்லாமல். 

கோட்டி - துன்பம்; பைத்தியம்; பசுடி; நிந்தை; சபை; குழு; கூட்டம்; பேச்சு; அழகு; ஒருவரோடுகூடியிருக்கை; கோபுரவாயில்; மனைவாயில்; கிட்டிப்புள்; விகடக்கூத்து.

கொளல் - அதன் (செயலின்) மூலமாக அறிய வேண்டும்; அவர்களைத் துணைக் கொள்ள வேண்டும்; அவர்க்ளின் மூலமாக கற்றுக்கொள்ள வேண்டும்.

முழுப்பொருள்
ஒரு விளையாட்டை விளையாட வேண்டும் என்றால், அவ்விளையாட்டிற்கு தேவையான அறிவை பெற்றிடுதல் வேண்டும். அதற்கு தேவையான அரங்கினை அமைக்க வேண்டும். ஒரு சூது விளையாட்டானாலும் அதற்கு தேவையான கட்டங்களை வரைய வேண்டும். அப்படி ஒரு விளையாட்டிற்கு தேவையான வற்றை கட்டமைக்காமல் அவ்விளையாட்டை விளையாட முடியாது.

அதுப்போல சான்றோர்கள் அறிவுடையோர் நிறைந்த சபையில் ஒருவர் பேசவேண்டும் என்றால் நூல்கள் பல கற்று ஆயுத்தமாக இருக்க வேண்டும். அப்படி கற்காமல் பேசுவது என்பது கட்டங்களை வரையாமல் விளையாடுவது போல் ஆகும். இது நகைக்க தக்கது.  கல்லாமை எவ்வளவு மடமையானது என்பதை உணர்த்துகிறது.

உதாரணம்
இந்த எடுத்துக்காட்டுக்கு, வள்ளுவர் காலத்திய பகடை ஆட்டம் மட்டுமே காரணமாக இருக்கமுடியாது. பாண்டவர்களின் மூத்தவரான தருமர் கௌரவர் அமைத்த சூதாட்டகளத்தின் தன்மையை முற்றிலுல் ஆராயாது சூதாட புகுந்ததினால்,  எல்லாவற்றையும் இழந்து, எதைவைத்து இழக்கக்கூடாதோ, அதாவது தங்களின் மனைவியான பாஞ்சாலியயும் இழந்து அவமானப்பட்டு, வனவாசம் புகநேர்ந்ததைச் சுட்டிக்காட்டி கல்லாமையினால் வரும் இழப்புகளையும், அவமானங்களையும் சுட்டிக்காட்டுகிறார் முதற்குறளிலேயே வள்ளுவர்.

மேலும்: அஷோக் உரை

ஒப்புமை

”வல்லான் ஆடிய மணிவட்டு” (சீவக.983)

“இன்னா, கல்லாதான் கோட்டி கொளல்” (இன்னா.29)

குறள் 720

அங்கணத்துள் உக்க அமிழ்தற்றால் தங்கணத்தார்

அல்லார்முன் கோட்டி கொளல்

பரிமேலழகர் உரை

அரங்கு இன்றி வட்டு ஆடியற்று - அரங்கினை இழையாது வட்டாடினாற்போலும், நிரம்பிய நூல்இன்றிக் கோட்டி கோளல் - தான் நிரம்புதற்கு ஏதுவாகிய நூல்களைக் கல்லாது ஒருவன் அவையின்கண் ஒன்றனைச் சொல்லுதல்.

(அரங்கு - வகுத்ததானம். வட்டாடல்: உண்டை உருட்டல். இவை 'கட்டளையன்ன வட்டரங்கு இழைத்துக் கல்லாச் சிறாஅர் நெல்லிவட்டாடும்' (நற்.3) என்பதனான் அறிக. நிரம்புதல்: அறிய வேண்டுவன எல்லாம் அறிதல். 'கோட்டி' என்பது ஈண்டு ஆகுபெயர். 'புல்லா எழுத்தின் பொருளில் வறுங்கோட்டி' (நாலடி.155) என்புழிப்போல. சொல்லும் பொருளும் நெறிப்படா என்பதாம்.).

மணக்குடவர் உரை

கொம்மையின்றி வட்டாடினாற் போலும்; நிரம்பிய நூல்களைக் கற்றலின்றி வார்த்தை சொல்லுதல். அரங்கு- சூது: வட்டாடுதல்- உருண்டை யுருட்டல்: கோட்டி கொளல்- 'புல்லா வெழுத்திற் பொருளில் வறுங்கோட்டி' என்றாற்போல. இது கல்லாதார் வார்த்தை சொல்லின் அது தப்புமென்றது.

மு.வரதராசனார் உரை

அறிவு நிரம்புவதற்குக் காரணமானக் நூல்களைக் கற்காமல் கற்றவரிடம் சென்று பேசதல், சூதாடும் அரங்கு இழைக்காமல் வட்டுக்காயை உருட்டிஆடினார் போன்றது.

சாலமன் பாப்பையா உரை

அறிவு வளர்ச்சிக்கு ஏற்ற நூல்களைக் கல்லாதவர், கற்றவர் அவையில் பேசுவது, கட்டம் போடாமல் தாயம் உருட்டுவது போலாம்.

English Meaning - As I taught a kid - Rajesh

If person plays a game without knowing its rules and regulations, without practice without constructing the basic playfield for the game, then the person's ignorance of the game will be come obvious to whoever watching the game. Similarly, if a person goes to a stage or conference or meeting or gathering without preparation without knowledge, then it would become obvious and people would laugh at him. Hence, not learning is looked upon very low.

Questions that I ask to the kid

What happens if we don't know the rules of game? What happens when a person goes to stage or to a discussion or interview without preparation or knowledge?

உளரென்னும் மாத்திரையர் அல்லால்

குறள் 406

உளரென்னும் மாத்திரையர் அல்லால் பயவாக் 

களரனையர் கல்லா தவர்

[பொருட்பால், அரசியல், கல்லாமை]

பொருள்

உளர் - உடந்தை; உடையவர்; வாழ்கின்றோர்.

உளர் என்னும் -  உடலோடு வாழ்கின்றோர் 

மாத்திரை - அளவு, கணம், காலவிரைவு, எழுத்தினளவு, குளி கை (medicinal pill)

மாத்திரையர் - மாத்திரையார் - எதற்கு சமம் என்றால்

அல்லால் - மற்றபட்டி, அக்குணம் உள்ளவர்களை தவிர வேறு எவரிடம்

பயவாக் - பிறருக்கு பயன் தரக்கூடிய தன்மைய இல்லாத

களர் - உவர்நிலம், களர்நிலம், உப்புமண்; பயிரிட உதவாத நிலம்.

அனையர் - They are like. அன்னர்--அன்னார். Such persons

கல்லாதவர் - கல்வி கற்காதவர்கள்

முழுப்பொருள்

கல்வி கல்லாதோர் உயிர் உடமில் ஒட்டிக்கொண்டுள்ள ஒரு மிக சாதாரணமான/ கேவலமான உடம்பு என்கிறார் திருவள்ளுவர். இவர்கள் எதற்கு ஒப்பாவர்கள் என்றால் பயனே தராத விளைச்சலே தராத களர் நிலத்திற்கு. கல்வி இல்லாதவர்கள் மற்றவர் யாருக்கும் எவ்வித பயனையும் தர மாட்டார்கள். [அத்தகைய நிலம் இவ்வுலகத்திற்கு பாரம் போன்றே இந்த மனிதர்களும் உலகிற்கு பாரம்]. அதனையே திருவள்ளுவர் கூறுகிறார். 

திருவள்ளுவர் இதனை ஏன் நிலத்திற்கு உவமை படுத்துகிறார்? நிலம் என்பது ஒரு தடவை மட்டும் பயன் தரக்கூடியது அல்ல. பல முறை பல நூற்றாண்டுகள் பயன் தரக்கூடியது. அதுப்போலவே கல்வியும் பல முறை பல நூற்றாண்டுகள் பயன் தரக்கூடியது. ஆகவே கற்க வேண்டிய அவசியத்தை சொல்லாமல் சொல்கிறார்.

மேலும்: அஷோக் உரை

பரிமேலழகர் உரை

கல்லாதவர் - கல்லாதவர், உளர் என்னும் மாத்திரையர் அல்லால் - காணப்படுதலான் இலரல்லர் உளர் என்று சிலர் சொல்லும் அளவினர் ஆதல் அன்றி; பயவாக் களர் அனையர் - தமக்கும் பிறருக்கும் பயன்படாமையால் விளையாத களர் நிலத்தோடு ஒப்பர். (களர் தானும் பேணற்பாடு அழிந்து உயிர்கட்கும் உணவு முதலிய உதவாதது போலத் தாமும் நன்கு மதிக்கற்பாடு அழிந்து, பிறர்க்கும் அறிவு முதலிய உதவார் என்பதாம். இதனான் கல்லாதாரது பயன்படாமை கூறப்பட்டது.)

மணக்குடவர் உரை

உளரென்னும் அளவினையுடையாரல்லது, பயன்படாத களர் நிலத்தை யொப்பர் கல்லாதவர்.

இது, பிறர்க்குப் பயன்படாரென்றது.

ஞா. தேவநேயப் பாவாணர் உரை

கல்லாதவர்-நூல்களைக் கல்லாதவர்; உளர் என்னும் மாத்திரையர் அல்லால் - உடம்போடுள்ளனர் என்று பிறர் சொல்லும் அளவினராதலன்றி; பயவாக்களர் அனையர்-பிறர்க்குப் பயன் படாமையால் ஒன்றும் விளையாத உவர்நிலத்தையே ஒப்பவராவர்.

"களர்நிலத்துப் பிறந்த வுப்பினைச் சான்றோர்

விளைநிலத்து நெல்லின் விழுமிதாக் கொள்வர்

கடைநிலத்தோ ராயினுங் கற்றுணர்ந் தோரைத்

தலைநிலத்து வைக்கப் படும்."

என்று நாலடியார்(133) கூறுவதால், இங்குக் களர் என்னுஞ் சொற்குக் "காலாழ்களரின் நரியடும்" (500) என்னுங் குறளிற் போல் உளைநிலம் என்று பொருள் கொள்ளினும் பொருந்தும். உளை நிலையான சேற்றுநிலம். கல்லாதான் பயவாமையாவது அறிவாற் பிறர்க்குதவாமை.

"பல்லான்ற கேள்விப் பயனுணர்வார் வீயவுங்

கல்லாதார் வாழ்வ தறிதிரேற்-கல்லாதார்

சேதன மென்னுமச் சேறகத் தின்மையாற்

கோதென்று கொள்ளாதாங் கூற்று."

என்னும் நாலடிச் செய்யுள்(106) இங்குக் கவனிக்கத்தக்கது. மாத்தல் அளத்தல். இவ்வினை இன்று வழக்கற்றது. மா என்பது பல்வேறு அளவுகுறித்த சொல். மா+அனம்=மானம்=அளவு, படி. (மேலை வடார்க்காட்டு வழக்கு). மா+திரம்=மாத்திரம்=அளவு. அவன் எனக்கு எம்மாத்திரம் என்பது நெல்லைவழக்கு. இதன் விலை எம்மாத்திரம் (எம்மாத்தம்) என்பது மேலைவடார்க்காட்டு வழக்கு. வௌவினன் முயங்கு மாத்திரம் (கலித் 47:22). மா+திரை=மாத்திரை (மருந்தளவு அல்லது எழுத்தொலியளவு). அளவு-அளபு=மாத்திரை.

"மாத்திரை எழுத்தியல் அசைவகை எனா அ"(தொல்.செய்.1.)

"கண்ணிமை தொடியென அவ்வே மாத்திரை".(எழுத்-7),

மா என்பது தொன்று தொட்டு வழங்கி வரும் தமிழ்க் கீழ்வா

யெண்ணுப்பெயர்களுள் ஒன்று. அதன் அளவு(1/20) (1/30)

மா (ம.), மாவு (தெ.).

அரைமா, ஒருமா, ஒருமாவரை (ஒருமாரை), இருமா, மும்மா, நான்மா, மாகாணி என்பன அவ்வளவால் எற்பட்ட எண்ணுப் பெயர்கள்.

ஒரு வேலியில் இருபதிலொன்றான நில அளவு மா எனப்படும்.

"மாநிறை வில்லதும் பன்னாட் காகும் "(புறம். 184)-

ஓர் எடையில் இருபதிலொன்றான நிறையும் மா எனப்படும் (தொல்.180, உரை).

இங்ஙனம் பல்வேறு அளவு குறித்த மா என்னும் முதனிலைத் தொழிலாகுபெயர், ஆரியர் வருகைக்கு முற்பட்ட குமரிநாட்டு முழுத்தூய்மைத் தமிழ்ச்சொல். ஆதலால் இருக்குவேதத்தில் மா, மாத்ரா என்னும் சொற்கள் ஆளப்பட்டிருத்தல் நோக்கி மயங்கற்க. மா என்னும் முதனிலை போன்றே, அதனின்று திரிந்த மாத்திரம், மாத்திரை என்ற சொற்களும் தூய தமிழ் என அறிக. இன்றும் அது மாத்திரம், கேட்டமாத்திரத்தில், மாத்திரைக்கோல் (வரையிட்ட அளவுகோல்) எனப்பொது வழக்காக வழங்குதல் காண்க.

அளபு, மாத்திரை என்னும் இருசொற்களும் தமிழின் சொல் வளத்தையே காட்டும். "மாத்திரையின்றி நடக்குமேல்" (நாலடி242) என்பதனால், மாத்திரை என்பதன் அடிப்படைப்பொருள் அளவு என்பதேயென்று அறிந்து கொள்க. மாத்திரம்-மாத்ர(வ.), மாத்திரை-மாத்ரா (வ.) metrum (L.), metron(Gk.), meter(E.) metre, (E.) என்னும் மேலையாரியச்சொற்கள் mete (மதி=அளவிடு) என்னும் முதனிலையினின்று திரிந்தவை.

மு.வ உரை

கல்லாதவர் உயிரோடிருக்கின்றனர் என்று சொல்லப்படும் அளவினரே அல்லாமல் ஒன்றும் விளையாத களர் நிலத்திற்கு ஒப்பாவர்

சாலமன் பாப்பையா உரை

படிக்காதவர் உடலால் இருப்பவர் என்று சொல்லும் அளவினரே அன்றி, எவர்க்கும் பயன்படாதவர், ஆதலால் விளைச்சல் தராத களர் நிலத்திற்கு ஒப்பாவர்

நன்றி: ரிஷ்வன்

உயிரோடு இருந்தாலும்

பயிர் விளையாத

களர் நிலத்துக்கே

கல்லாதவர் ஒப்பாவர்.

நன்றி: மழலைகள்

உவர் நிலம் ஒன்றுக்கும் உதவாது. விளையாத உவர் நிலம் ஒன்றுக்கும் பிரயோசனமில்லை. அதேபோல் கல்லாதவர் உயிரோடு இருப்பதால் ஒருவருக்கும் பிரயோசன்மில்லை, அவரால் பயனில்லை என்கிறார் வள்ளுவப் பெருமான். ஆகையால் இளைஞர்களே, மாணவர்களே, பல தடைகள் வந்தாலும் மனச்சக்தியினால் படிப்பை முடிக்க வேண்டும். கல்விக்கு அளவே கிடையாது, படித்துக்கொண்டே போகலாம், யாருக்காவது எதாவது கேட்க வேண்டுமா?"

கல்லா தவரும் நனிநல்லர்

குறள் 403

கல்லா தவரும் நனிநல்லர் கற்றார்முன்

சொல்லா திருக்கப் பெறின்.

[பொருட்பால், அரசியல், கல்லாமை]

பொருள்

கல்லார் - கல்வியறிவற்றவர், கீழ்மக்கள்.

கல்லா தவரும் - கல்வி கற்காதவர்கள்.

நனி - மிகுதியாய், naṉi   s. narrowness, நெருக்கம்; 2. adj. & adv. much, very greatly, intensely.

நனி - நன்-மை, மிகுதியாய் (வந்து நனி வருந்தினைவாழியென் னெஞ்சே (அகநா. 19).), நெருக்கம், பெருமை

நல்லர்  - நல்லவர் ஆவார்கள்

கற்றார் -  கற்றவர்கள் ;சான்றோர்

முன் - இடத்தால்முன்; காலத்தால்முன்; உயர்ச்சி; முதல்; பழைமை; ஏழனுருபு; மனக்குறிப்பு; காண்க:முன்றோன்றல்.

கற்றார்முன் - நன்கு கற்றவர்கள் முன்னே

செல்லுதல் - நிகழ்தல்; வீழ்தல்; ஆதல்; பரவுதல்; பயனுறுதல்; நிலைத்திருத்தல்; செலாவணியாதல்; வேண்டியதாதல்; பொருந்துதல்; விரும்பிஏற்றுக்கொள்ளப்படுதல்; அடைதற்குரியதாதல்; கழிதல்; தணிதல்; கெடுதல்; இறத்தல்; கிட்டுதல்; அடைதல்; போதல்

சொல்லாது - பேசாமல்

இருத்தல் - உளதாதல்; நிலைபெறுதல் உட்காருதல் உள்ளிறங்குதல்; உயிர்வாழ்தல் அணியமாயிருத்தல்; உத்தேசித்தல் ஒருதுணைவினை; முல்லைஉரிப்பொருள்.

பெறின் - பெறுதல் - அடைதல்; பிள்ளைபெறுதல்; பிறப்பித்தல்; அறிதல்; விலைத்தகுதியுடையதாதல்.

இருக்கப் பெறின் - இருப்பார்கள் என்றால்.

முழுப்பொருள்

முன் குறிப்பு: கற்றவர்கள் முன் கல்லாதவர்கள் எப்படி நடந்துக்கொள்ள வேண்டும் என்று சொல்கிறது இக்குறள். கற்றவர்கள் இருக்கும் ஒரு அவை என்று மட்டும் அல்லாது, கற்றவர்கள் முன்னே எப்பொழுதும் எப்படி நடந்துக்கொள்ள வேண்டும் என்று சொல்கிறது இக்குறள். ஏன் நான் அப்படி பொருட்படுத்திக்கொண்டேன் என்றால் இது அரசியலில் வருகிறது அமைச்சியலிலோ அவையவயிலோ அல்ல.

கற்றவர்கள் முன் கல்லாதவர்கள் கற்கும் முனைப்புடன் மட்டுமே இருக்க வேண்டும். அவர்கள் முன் தனக்கு தெரிந்த அரைகுறையானவற்றை பயனில்லாமல் பேசக்கூடாது. வெறும் வாய் மூடி இருப்பதனால் மட்டும் அல்ல கற்கும் முனைப்புடன் இருப்பதனாலேயே அவர்கள் நல்லவர்கள் ஆகின்றனர்.

அது மட்டும் இன்றி அரைகுறையானவற்றை கற்றவர்கள் முன் பேசினால் கல்லாதவர்கள் எவ்வளவு மூடர்கள் என்று தெரிந்து விடும். அதுமட்டும் இன்றி அவர்கள் பயனில்லாமல் பேசுகிறார்கள். அவர்களுக்கு கற்பதில் ஆர்வம் இல்லை என்றும் வெட்டிப்பேச்சில் திளைக்கிறார்கள் என்றும்,  இவர்கள் வாய்ச்சொல் வீரர்கள் என்றும் உணர்வார்கள் கற்றவர்கள். ஆதலால் தங்கள் பேச்சைக் குறைப்பார்கள் (சிற்றினம் அஞ்சும் பெருமை / பையலோடு இணங்கேல்.). இதனால் கல்லாதவர்கள் கற்கவேண்டியவற்றை தான் இழப்பார்கள். 

ஆதலால், கற்றவர் முன் பேசாமல் அவர்கள் உரைப்பதைக் கேட்பதேச் சாலச் சிறந்ததாகும்.

மகாகவி சுப்ரமணிய பாரதியார் இப்படிச் சொல்லுவார் (நெஞ்சில் உரமுமின்றி நேர்மைத் திறமு மின்றி,)

.................

.................

.................

கூட்டத்தில் கூடிநின்று கூவிப் பிதற்ற லன்றி,

நாட்டத்தில் கொள்ளா ரடீ! - கிளியே!

நாளில் மறப்பா ரடீ

.................

.................

.................

கண்கள் இரண்டிருந்தும் காணுந் திறமை யற்ற

பெண்களின் கூட்டமடீ! - கிளியே!

பேசிப் பயனென் னடீ

.................

.................

.................

மேலும் அஷோக்

ஆத்திச்சூடி

பையலோடு இணங்கேல்

வாது முற்கூறேல்

வல்லமை பேசேல்

வெட்டெனப் பேசேல்

ஓதுவது ஒழியேல்

ஞயம்பட உரை

குறட் கருத்து  (நன்றி: திரு. தமிழ்க்கடல் நெல்லை கண்ணன்)

            கல்விதான்  உயர்  செல்வம்  என்றுரைத்த  வள்ளுவனார்

                   கல்லார்கள்  கண்களினைப்  புண் என்றும் உண்ர்த்தியவர்

            எல்லோரும்  அவ்வழியில்  இனிதாய்  நடக்கையிலே

                   இதை  மாற்றி  ஒரு    குறளை  நகைப்பாக்கி  வைக்கின்றார்

            கல்லாதார்  தமைப்பற்றி  கருத்தொன்று  சொல்லுகின்றார்

                   நல்லார்  அவர்  மிகவும்  நல்லார்  என்றுரைக்கின்றார்

            எல்லோரும்   அவரிடத்தில்  என்னவென்று  கேட்டு  நின்றால்

                 சொல்லுகின்றார்  ஒரு  கருத்தை  அவரன்றி யார் சொல்வார்

            கல்லார்  மிகச் சிறந்தார் மிகச்  சிறந்தார்  என்றுரைக்க

                     கல்லார்க்கு  நல்ல  வழி  காட்டுகின்றார்  வள்ளுவரும்

            நல்லார்  நிறைந்திருக்கும்  நற் சபைக்குள்  சென்று விட்டால்

                     நாடு  நிறைக் கற்றவரின்  மேல் சபைக்குள் வந்து விட்டால்

            பொல்லாத  தன்  வாயைத் திறக்காமல்  மூடி விட்டால

                     போதும்  அவர்  போற்றுதற்கு     உரியவராய்ப்  பொலிந்திடுவார்

            சொல்லாமல்  சொல்லுகின்றார் வள்ளுவப்  பேராசானும்

                     சோதனையில்  அவர் வெல்ல  மாட்டார் என்றுறுதியுடன

நன்றி அம்மன் தரிசனம்

கல்லாதவர்கள் கூட மிக மிக நல்லவர்கள்தான். ஆனால் அவர்கள் படித்தவர்கள் முன்னே வாயைத் திறக்காமல் இருக்க வேண்டும். இல்லையென்றால் குட்டு வெளிப்பட்டுவிடும். அவர்கள் வாயைத் திறந்து பேச ஆரம்பித்தால், கேட்டவர்களின் காதுகளிலிருந்து ரத்தமே வழிந்தாலும் ஆச்சரியமில்லை. அது எவ்வளவு பெரிய ஹிம்சை! அந்த ஹிம்சை செய்யாதவர்கள் நல்லவர்கள்தாமே!

நாலடியாரில் ஒரு பாட்டு இதே விஷயத்தைச் சற்று கடுமையாகச் சொல்லுகிறது.

கற்றவர்கள் சபையிலே கல்லாதவன் வாய்திறப்பது நாய் குரைப்பதற்குச் சமமாகும். அவர்கள் பேசாமல் இருந்தால் நாய் மௌனமாக இருப்பதற்குச் சமமாகும் என்றே சொல்லுகிறது.

பரிமேலழகர் உரை

கல்லாதவரும் நனி நல்லர் - கல்லாதாரும் மிக நல்லராவர்; கற்றார் முன் சொல்லாது இருக்கப் பெறின் - தாமே தம்மையறிந்து கற்றார் அவையின்கண் ஒன்றனையும் சொல்லாதிருத்தல் கூடுமாயின். 

விளக்கம் 

(உம்மை . இழிவுச் சிறப்பு உம்மை; தம்மைத்தாம் அறியாமையின் அது கூடாது என்பார், 'பெறின்' என்னும், கூடின் ஆண்டுத் தம்மை வெளிப்படுத்தாமையானும், பின் கல்வியை விரும்புவராகலானும் 'நனி நல்லர்' என்றும் கூறினார். இவை மூன்று பாட்டானும் கல்லாதார், அவைக்கண் சொல்லுதற்கு உரியரன்மை கூறப்பட்டது.) 

ஞா. தேவநேயப் பாவாணர் உரை

கற்றார்முன் சொல்லாது இருக்கப்பெறின்-தம் அறிவின்மையையும் தகுதியின்மையையும் உணர்ந்து, கற்றோரவையின் கண் உரைநிகழ்த்தும் வகையில் தாம் ஒன்றுஞ் சொல்லாது முழு அடக்கமாயிருப்பராயின்; கல்லாதவரும் நனி நல்லர்-கல்லாத வரும் மிக நல்லவரேயாவர்.

உம்மை இழிவுசிறப்பு . அவையின்கண் அமைதியாயிருக்குங் கல்லாதார், பிறராற் பழிக்கப்படாது தம் சிறு மதிப்பைக் காத்துக் கொண்டும், அவையோர்க்கு வெறுப்பை விளைத்து அங்குநின்றும் அகற்றப்படாது அறிஞர் உரைகேட்டு இன்புறுவதொடு அறிவடைந்தும் , நல்லவராவ ராதலால் ' நனிநல்லார்' என்றார். ' நனி' உரிச்சொல்.

கல்லாது நீண்ட வொருவ னுலகத்து

நல்லறி வாள ரிடைப்புக்கு-மெல்ல

இருப்பினும் நாயிருந் தற்றே யிரா அ

துரைப்பினும் நாய்குரைத் தற்று. (நாலடி. 254)

மணக்குடவர் உரை

கல்லாதவரும் ஓரிடத்து மிகவும் நல்லவராவர், கற்றவர் முன்பு உரையாடாதிருக்கக்கூடுமாயின். சொல்லாதொழிய அறிவாரில்லையாவர் என்றவாறாயிற்று. இது கல்லாதார்க்கு உபாயம் இது என்றது. 

மு.வரதராசனார் உரை

கற்றவரின் முன்னிலையில் ஒன்றையும் சொல்லாமல் அமைதியாக இருக்கப் பெற்றால் கல்லாதவர்களும் மிகவும் நல்லவரே ஆவார்.

சாலமன் பாப்பையா உரை

கற்றவர் அவையில் பேசாதிருந்தால் படிக்காதவரும் மிகநல்லவரே.

எழுத்தாளர், வசனகர்த்தா சுஜாதா - ஒரு கம்பராமயணம் விழாவில் (சுட்டியை சொடுக்குக)

இந்த விழாவில் (கோவை கம்பன் கழக விழா) பேசியவர்கள், பேசப் போகிறவர்கள் எல்லாரும் என்னைவிட அதிகமாக கம்பனைப் படித்து ஆராய்ந்து தேர்ந்தவர்கள். இவர்களுக்கிடையில் அரைகுறையான என்னை அழைத்துப் பேச வைத்திருப்பது, அதுவும் கம்பனைப் பற்றி பேச வைப்பதிலிருந்து நான் எவ்வளவு தூரம் தப்பாக மதிக்கப் பட்டிருக்கிறேன் என்பது தெரிகிறது. இருந்தும் இந்தச் செயலை, இந்தப் பெரியவர்களின் பெருந்தன்மைக்கு உதாரணமாகக் கொண்டு தெரிந்ததைப் பேசுகிறேன்.

“கல்லா தவரும் நனிநல்லர் கற்றார்முன்

சொல்லா திருக்கப் பெறின்”

(படிக்காதவர் படித்தவர் முன் பேசாமல் இருப்பதே நல்லது)

என்று வள்ளுவர் எச்சரித்தாலும் “அறையும் ஆடரங்கும் மடப்பிள்ளைகள் தரையில் கீறினால் தச்சரும்” காயமாட்டார்கள் என்று கம்பனே உத்தரவாதமாய் சொல்வதால் “ஆசை பற்றி” அறைகிறேன்.

நன்றி ரிஷ்வன்

கற்றவர் அவையில்

கல்லாதவன் கூட எதுவும்

சொல்லாமல் இருந்தால்

நல்லவனாகவே கருதப்படுவான்