செருவந்த போழ்திற் சிறைசெய்யா வேந்தன்

 

குறள் 569

செருவந்த போழ்திற் சிறைசெய்யா வேந்தன்

வெருவந்து வெய்து கெடும்

[பொருட்பால், அரசியல், வெருவந்தசெய்யாமை ]

பொருள்

செரு - போர்; ஊடல்.

வந்த - வருதல்

போழ்தில் - பொழுது; நல்வேளை; காலம்; தக்கசமயம்; வாழ்நாள்; கணம்; சிறுபொழுதுபெரும்பொழுதுகள்; சூரியன்.

சிறை  - காவல்; காவலில்அடைக்கை; சிறைச்சாலை; அடிமைத்தனம்; அடிமையாள்; பெண்டாகச்சிறைபிடிக்கப்பட்டஇளம்பெண்; அழகுள்ளவள்; அணை; நீர்நிலை; இடம்; பக்கம்; கரை; மதில்; வரம்பு; இறகு; யாழ்நரம்புக்குற்றவகையுள்ஒன்று.

செய்யா - செய்யாமல்

வேந்தன் -  எல்லாஆற்றலும்பெற்றஅரசன்; இந்திரன்; சந்திரன்; சூரியன்; வியாழன்.

வெரு - அச்சம்; பயம்

வெருவந்து - அச்சம் வந்து

வெய்து - வெம்-மை, வெப்பமுடையது; வெப்பம்; துயரம்; வெப்பமுள்ள பொருளாலிடும் ஒற்றடம்.

கெடும் - கெடுதல் -  அழிதல்; பழுதாதல்; வறுமையடைதல்; ஒழுக்கங்கெடுதல்; உருவழித்தல்; தோற்றோடுதல்; விபத்து; தீங்கு; விகாரத்தால்எழுத்துக்கெடுதல்; வழிதவறிப்போதல்.

முழுப்பொருள்

போர் மற்றும் வெள்ளம் வறட்சி தொற்று நோய் நிதி நெருக்கடி போன்ற காலகட்டங்கள் வந்தால் எப்படி காப்பது என்று முன்னரே திட்டம் வகுக்காத ஆயுத்தமாக அரசு/ஆட்சி, போர் மற்றம் தவிர்க்கக்கூடிய நெருக்கடிகள் (நிதி பற்றாகுறை) வராத வண்ணம் முன்பே அதில் இருந்து தப்பித்துக் கொள்ளப் பாதுகாப்புச் செய்துகொள்ளாத ஆட்சி, போர் அல்லது நெருக்கடி வந்தபோது காக்காத அரசு, அரண் இல்லாத அரசு ஆகும். அத்தகைய அரசு போர் அல்லது நெருக்கடி காலங்களில் அதனை எதிர்க்கொள்ளத் திராணி இல்லாமல் அஞ்சி அந்த வெம்மையிலேயே அழிந்து விடும். 

பொச்சாவாமை அதிகாரத்தில் இதே போன்று மறதியின்மையின் தேவையை வலியுறுத்தி ஒரு குறள். “முன்னுறக் காவா திழுக்கியான் தன்பிழைபின்னூ றிரங்கி விடும்”. அக்குறளின் பொதுத்தன்மையும் இக்குறளைப் போன்றே உள்ளது. குற்றங்கடிதல் அதிகாரத்தில், “வருமுன்னர் காவாதான் வாழ்க்கை எரிமுன்னர் வைத்தூறுப் போலக் கெடும்” என்று பரவலாக அறியப்பட்ட ஒரு குறளும் இதேபோன்ற பொருளில்தான்.

“முற்பகல் செய்யின் பிற்பகல் விளையும்” என்ற முதுமொழி எல்லோரும் அறிந்ததுதான். இக்குறளும், பொச்சாவாமை, குற்றங்கடிதல் அதிகாரங்களில் சொல்லப்பட்டக் குறளும், “முற்பகல் செய்யாவிட்டால் பிற்பகல் விளயும்” என்ற பொருளில் சொல்லப்பட்டுள்ளன.

மேலும்: அஷோக் உரை

பரிமேலழகர் உரை

சிறை செய்யா வேந்தன் - செரு வருவதற்கு முன்னே தனக்குப் புகலாவதோர் அரண்செய்து கொள்ளாத அரசன் செருவந்த போழ்தில் வெருவந்து வெய்து கெடும் - அது வந்த காலத்து ஏமம் இன்மையான் வெருவிக் கடிதின் கெடும்.

(பகையை வெருவிச் சேர்ந்தார் நீங்குதலின், தனியனாய்த் தானும் வெருவி அப் பகைவயத்தனாம் என்பதாம். இதனால் தான் அஞ்சும் வினையும் அது செய்தான் எய்தும் பயனும் கூறப்பட்டன.).

மணக்குடவர் உரை

தனக்குக் காவலானவற்றை முன்னேயமைத்துச் செய்யாத வேந்தன் செருவந்த காலத்து அச்சமுற்றுக் கடிதுகெடும். இது தனக்கும் அச்சம் வருவன செய்யலாகாதென்றது.

மு.வரதராசனார் உரை

முன்னமே தக்கவாறு அரண் செய்து கொள்ளாத அரசன் போர் வந்த காலத்தில் (தற்காப்பு இல்லாமல்) அஞ்சி விரைவில் அழிவான்.

சாலமன் பாப்பையா உரை

நெருக்கடி வருவதற்கு முன்பே தான் தப்பித்துக் கொள்ளப் பாதுகாப்புச் செய்துகொள்ளாத ஆட்சி, நெருக்கடி வந்தபோது பாதுகாப்பு இல்லாததால் அஞ்சி, விரைவில் அழியும்.

இனத்தாற்றி எண்ணாத வேந்தன் சினத்தாற்றிச்

 

குறள் 568

இனத்தாற்றி எண்ணாத வேந்தன் சினத்தாற்றிச்

சீறிற் சிறுகும் திரு

[பொருட்பால், அரசியல், வெருவந்தசெய்யாமை ]

பொருள்

இனத்து - இனம் - வகை; குலம் சுற்றம் சாதி கூட்டம் திரள் அரசர்க்குஉறுதிச்சுற்றம்; அமைச்சர்; உவமானம்

ஆற்றி - ஆற்றுதல் - வலியடைதல்; கூடியதாதல்; போதியதாதல்; உய்தல் உவமையாதல்; செய்தல் தேடுதல் உதவுதல் நடத்துதல் கூட்டுதல் சுமத்தல் பசிமுதலியனதணித்தல்; துன்பம்முதலியனதணித்தல்; சூடுதணித்தல்; ஈரமுலர்த்துதல்; நூல்முறுக்காற்றுதல்; நீக்குதல்

எண்ணுதல் - எண்ணல், நினைத்தல்; ஆலோசித்தல்; மதித்தல்; தியானித்தல்; முடிவுசெய்தல்; கணக்கிடுதல்; மதிப்பிடுதல்; துய்த்தல்.

எண்ணாத  -நினைக்காத, ஆலோசிக்காத, மதிக்காத, முடிவுசெய்யாத

வேந்தன் - எல்லாஆற்றலும்பெற்றஅரசன்; இந்திரன்; சந்திரன்; சூரியன்; வியாழன்.

சினத்து - சினம் - கோபம்; நெருப்பு; போர்; வெம்மை.

ஆற்றிச் - ஆற்றுதல் - வலியடைதல்; கூடியதாதல்; போதியதாதல்; உய்தல் உவமையாதல்; செய்தல் தேடுதல் உதவுதல் நடத்துதல் கூட்டுதல் சுமத்தல் பசிமுதலியனதணித்தல்; துன்பம்முதலியனதணித்தல்; சூடுதணித்தல்; ஈரமுலர்த்துதல்; நூல்முறுக்காற்றுதல்; நீக்குதல்

சீறின் - சீறுதல் - பாம்புமுதலியனசத்தத்துடன்வெகுளுதல்; குதிரைமுதலியனமூச்செறிதல்; மூர்க்கமடைதல்; தீமுதலியனமுழங்கிஎரிதல்; கோபித்தல்; அழித்தல்.

சிறுகும் - சிறுகு - குழப்பம்; துன்பம்; தடை.

சிறுகும் - சிறுகுதல் - சிறுகல், குறைதல்.

திருச் - திருமகள்; செல்வம்; சிறப்பு; அழகு; பொலிவு; நல்வினை; தெய்வத்தன்மை; பாக்கியம்; மாங்கலியம்; பழங்காலத்தலையணிவகை; சோதிடங்கூறுவோன்; மகளிர்கொங்கைமேல்தோன்றும்வீற்றுத்தெய்வம்.

முழுப்பொருள்

தன்னுடைய அமைச்சர்களுடன் கூடி கலந்து ஆலோசிக்காத அரசன், அமைசர்களிடம் கண்ணோட்டம் (தாட்சினியம்) இல்லாமல் சினந்து சீறும் அரசன் தன் செல்வம் சிறுக சிறுக குறைந்து ஆட்சி இழந்து நிற்பான்.

பிறர் செய்த குற்றங்களை தனது இனமானாரோடு ஆராய்வது அரசனின் கடமையாகும். அதை செய்யாத அரசனின்/நாட்டின் செல்வங்கள் நாளும் குறையும். உதாரணமாக சொன்னால் இயற்கை வளங்களை சூறையாடும் தன்நபர்கள் நிர்வாகங்கள், சுற்றுசூழலை அழிக்கும் நிர்வாகங்கள், பரவலான் லஞ்சம் முதலியவை கடும் குற்றங்கள். இவற்றை கலந்து ஆலோசித்து ஆராய்ந்து சரி செய்ய வேண்டும். இல்லையேல் அரசின் அளவு கடந்து அரசையும் நாட்டையும் தாக்கும் நோயாக மாறி சிறுக சிறுக அழிக்கும்.

அஞ்சத்தக்கவாறு ஆளுவோர் இருப்பதற்கான பல காரணங்களுள் தம் அமைச்சரவையை கலந்து ஆலோசிக்காமல் இருப்பதும் காரணம். தம்மைத்தானே தன்னுடைய அஞ்சத்தகுந்த தோற்றத்தால் தனிமைப்படுத்திக்கொள்பவர் யாரும் தம் வளங்களைக் காத்துக்கொள்ளும் திறனற்றவர் ஆகிவிடுவார். 

மேலும்: அஷோக் உரை

பரிமேலழகர் உரை

இனத்து ஆற்றி எண்ணாத வேந்தன் - காரியத்தைப்பற்றி வந்த எண்ணத்தை அமைச்சர்மேல் வைத்து அவரோடு தானும் எண்ணிச் செய்யாத அரசன், சினத்து ஆற்றிச் சீறின் - அப்பிழைப்பால் தன் காரியம் தப்பியவழித்தன்னைச் சினமாகிய குற்றத்தின் கண்ணே செலுத்தி அவரை வெகுளுமாயின், திருச்சிறுகும் - அவன் செல்வம் நாள்தோறும் சுருங்கும்.

(அரசர் பாரம் பொறுத்துய்த்தல் ஒப்புமையான் அமைச்சரை 'இனம்' என்றும், தான் பின்பிழைப்பாதால் அறிந்து அமையாது, அதனை அவர்மேல் ஏற்றி வெகுளின் அவர் வெரீஇ நீங்குவர், நீங்கவே,அப்பிழைப்புத் தீருமாறும் அப்பாரம் இனிது உய்க்கு மாறும் இலனாம் என்பது நோக்கி, 'திருச் சிறுகும்' என்றும் கூறினார். இதனான் பகுதி அஞ்சும் வினையும், அது செய்தான் எய்தும் குற்றமும் கூறப்பட்டன.).

மணக்குடவர் உரை

பிறர் செய்த குற்றத்தைத் தனக்கு இனமானாரோடே அமைந்து ஆராயாத அரசன் கடியசொல்லனுமாய்க் கண்ணோட்டமும் இலனாயின் அவனது செல்வம் நாடோறும் சுருங்கும்.

ஆராயாத அரசன் சின்னெறியிற் றீரானாயின் அவன்செல்வம் குறையுமென்றாவறு. இனம்- மந்திரி, புரோகிதர்.

மு.வரதராசனார் உரை

அமைச்சர் முதலான தன் இனத்தாரிடம் கலந்து எண்ணாத அரசன், சினத்தின் வழியில் சென்று சீறி நிற்பானானால், அவனுடைய செல்வம் சுருங்கும்.

சாலமன் பாப்பையா உரை

தன் உடன் அமைச்சர்களுடன் கலந்து பேசிச் செயற்படாத அரசு, தன்னைச் சினவழி நடத்தித் தவறு வரும்போது அமைச்சர்களைச் சினந்தால், அரசின் செல்வம் நாளும் குறையும்.

கடுமொழியும் கையிகந்த தண்டமும் வேந்தன்

 

குறள் 567

கடுமொழியும் கையிகந்த தண்டமும் வேந்தன்

அடுமுரண் தேய்க்கும் அரம்

[பொருட்பால், அரசியல், வெருவந்தசெய்யாமை ]

(For meaning in English, scroll to the bottom of this post)

பொருள்

கடுமொழியும் - கடுமொழி - கடுமையானசொல், வன்சொல்.

கையிகக்க - kaiyikkk   inf. To exceed, be excessive, break over bounds, வரம்புகடக்க. 2. To escape one, to be gone beyond recall, to be irrecoverable. (p.)

கையிகந்த - கையிகத்தல் -அளவுக்குமேற்படுதல்; மீறுதல்; ஒழுங்குதப்புதல்; கடத்தல்.

தண்டமும்  - தண்டம் - கோல்; தண்டாயுதம்; அபராதம்; தண்டனை; குடைக்காம்பு; உலக்கை; படகுதுடுப்பு; ஓர்அளவை; உடம்பு; படை; படைவகுப்புவகை; திரள்; வரி; கருவூலம்; இழப்பு; யானைகட்டும்இடம்; யானைசெல்லும்வழி; ஒறுத்துஅடக்குகை; வணக்கம்; ஒருநாழிகைநேரம்; செங்கோல்.

வேந்தன் -  எல்லாஆற்றலும்பெற்றஅரசன்; இந்திரன்; சந்திரன்; சூரியன்; வியாழன்.

அடு - அடுத்தல் - கிட்டல்; சேர்தல் மேன்மேல்வருதல்; சார்தல் ஏற்றதாதல்; அடைதல் பொருத்தல்.

முரண் -  பகை; போர்; வலிமை; பெருமை; மாறுபாடு; காண்க:முரண்டொ(தொ)டை; முருட்டுக்குணம்; கொடுமை; மாணிக்கக்குற்றங்களுள்ஒன்று.

அடுமுரண் -  அருகிலேயே பகையாய் இருந்து

தேய்க்கும் - தேய்த்தல் - உரைசச்செய்தல்; துலக்குதல்; குரைத்தல்; செதுக்குதல்; அழித்தல்; துடைத்தல்; எண்ணெய்முதலியனஅழுந்தப்பூசுதல்

அரம் - இரும்பைத்தேய்க்கப்பயன்படும்கருவி; விரைவு வண்டி பாதலம் தோல்

முழுப்பொருள்

1) கடுஞ்சொற்களும் கடுமையான பொருளும் கொண்ட கடுமொழியும் அளவுக்கு மீறிய தண்டனைகளும் படைக்கொண்டு பதிலடி கொடுப்பது அபராதங்களும் ஒரு வேந்தன் உள்நாட்டு கொடுமைகளும் வெளியுறவு பகையும் அளவை மீறும் பயன்படுத்தவேண்டிய ஆயுதங்களாகும். இவ்வாயுதங்கள் கூர்மையான அல்லது அளவு அதிகமாக உள்ள இரும்பைத் தேய்க்கப்பயன்படும் அரம் போன்ற கருவியாகும். 

உள்நாட்டில் அளவுக்கு மீறிய லஞ்சங்கள், தேச தலைவர்கள் கொலை, குழந்தைகள் கற்பழிப்பு, குழந்தைகளை பாலியில் தொழிலில் ஈடுபடுத்துதல் போன்றவற்றை அளவுக்கு மீறிய குற்றங்கள் எனலாம். இதற்கு அதீத தண்டனைகளே தக்கது என்பது எனது கருத்து. அதேப்போல் வெளிநாடு அமைப்புகள் தேவையற்ற கருத்துக்களை நம்மீது திணித்தலோ அல்லது எல்லையில் வால் ஆட்டுவதோ மனிதம் அல்லாத உள்ளாட்டு அலுவல்களில் கருத்து தெரிவிப்பதோ அதீதமான ஒன்று அதற்கு கடுமையான மொழியில் பதில் அடிக்கொடுப்பதும், படைக்கொண்டு பதிலடி கொடுப்பதும் தேவையான ஒன்றே. தவறில்லை.

2) அதேப்போல், முரண் என்றால் பெருமை என்ற பொருளும் உள் அடங்கும் சொல் ஆகும். அதீதமான தேவையற்ற கடுமொழியும் அளவுக்கு மீறிய தண்டனையும் வேந்தனின் பெருமையை அவனருகிலேயே இருந்துக்கொண்டு தேய்க்கும் அரமாக அமையக்கூடும். ஆள்வோன் குடிகளிடம் கடுமையான மொழியும், குற்றத்தின் அளவுக்கு மிஞ்சிய தண்டனையும் கொடுத்து அஞ்சும்படியாக இருந்தால் அவனது அத்தகைய பண்பற்ற செயல்களே அவனருகிலேயே இருந்து பகையாய் அவனை சிறுகச் சிறுகக் குறைத்து அழிக்கின்ற அரமாகிய கருவியாக இருக்கும். ஆதலால் கவனம் தேவை. 

வீடுகளில் உதாரணமாக சொன்னால், பிள்ளைகள் தவறு செய்தால் கண்டிப்பது அவசியம் தான். ஆனால் அதற்கென்று சிறிய தவறுகளுக்கெல்லாம் ஒரு மணிநேரம் வியாக்கானம் (counselling/lecture) கொடுத்தால் பிள்ளைகள் மனதில் ஆராத ரணத்தை தந்துவிடும். அந்த ரணத்தின் நினைவுகள் வந்த பிற்காலத்தில் கொல்லும்.  அளவுக்கு மீறிய வியாக்கானம் மென்மையாக அமர்ந்துப்பேசினாலும் அது கடுமொழி என்பதை உணர்க. ஏன் என்றால் எதிரே உள்ளவருக்குத்தான் தெரியும் தான் செய்த சிறியதவறை ஏதோ பாதக செயல்ப்போல இவர் பேசிக்கொண்டு இருகிறாரே என்று தோன்றும்.

ஒப்புமை

சினனே காமம் கழிகண் ணோட்டம்

அச்சம் பொய்ச்சொல் அன்புமிக வுடைமை

தெறல்கடு மையோடு பிறவும் இவ் வுலகத்து

அறந்தெரி திகிரிக்கு வழியடை ஆகும்

தீது      (பதிற்.22:1-5)

மேலும்: அஷோக் உரை

பரிமேலழகர் உரை

கடுமொழியும் கையிகந்த தண்டமும் - கடிய சொல்லும் குற்றத்தின் மிக்க தண்டமும், வேந்தன் அடுமுரண் தேய்க்கும் அரம் - அரசனது பகை வெல்லுதற்கேற்ற மாறுபாடாகிய இரும்பினைத் தேய்க்கும் அரமாம்.

(கடுமொழியால் தானையும், கையிகந்த தண்டத்தால் தேசமும் கெட்டு, முரண் சுருங்கி வருதலின், அவற்றை அரமாக்கித் திண்ணிதாயினும் தேயும் என்றற்கு அடுமுரணை இரும்பாக்கினார். ஏகதேச உருவகம். அரம் என்பதனைத் தனித்தனி கூட்டுக. இவைஐந்து பாட்டானும், செவ்வியின்மை, இன்னா முகம் உடைமை,கண்ணோட்டம் இன்மை , கடுஞ்சொற்சொல்லல், கைஇகந்த தண்டம் என்று இவைகள் குடிகள் அஞ்சும் வினையென்பதூஉம், இவைசெய்தான் ஆயுளும் அடுமுரணும் செல்வமும் இழக்கும் என்பதூஉம்கூறப்பட்டன.

மணக்குடவர் உரை

கடுஞ்சொற் கூறுதலும் குற்றத்தின் மிக்க தண்டஞ் செய்தலும் அரசனுடைய பகைவரை வெல்லும் வலியைத் தேய்க்கும் அரமாம்.

இது வலியைக் கெடுக்கும் என்றது.

மு.வரதராசனார் உரை

கடுமையான சொல்லும் முறைகடந்த தண்டனையும் அரசனுடைய வெற்றிக்கு காரணமான வலிமையைத் தேய்க்கும் அரம் ஆகும்.

சாலமன் பாப்பையா உரை

கடுமையான சொற்களும், வரம்பு மீறிய தண்டனையும் அரசின் பகையை வெல்லுதற்கு ஏற்ற ஆயுதத்தைத் தேய்த்துக் குறைக்கும் அரம் ஆகும்.

English Meaning - As I taught a kid - Rajesh

Harsh words/strong language and heavy/overboard/cruel punishments are like sharp weapons/tools that can be used to flatten crimes, other country atrocities etc. However, they should be used with caution and used less often only for grave situations. Because if used often, these punishments will become notorious, people will not follow rules and will defeat the purpose of punishment.

Questions that I ask to the kid

Can you use harsh/strong words or heavy tools to punish? Why?

கடிதோச்சி மெல்ல எறிக நெடிதாக்கம்

குறள் 562 
கடிதோச்சி மெல்ல எறிக நெடிதாக்கம்
நீங்காமை வேண்டு பவர்
[பொருட்பால், அரசியல், வெருவந்தசெய்யாமை ]

(For meaning in English, scroll to the bottom of this post)

பொருள்
கடிது - கடுமையானது; விரைவாய்; மிக.
ஓச்சி - ஓச்சுதல்
எறிதல்; பாய்ச்சுதல்; செலுத்துதல்; வீசுதல்; உயர்த்துதல்; ஓட்டுதல்:தூண்டிவிடுதல்.
மெல்ல - மெதுவாக
எறிக - எறிதல் - உதைத்தல்; வீசுதல்; வெட்டுதல்; முறித்தல்; அறுத்தல்; பறித்தல்; அழித்தல்; ஓட்டுதல்; குத்தல்; அடித்தல்.
நெடிது - நீண்டது; தாமதம்
ஆக்கம் - ஆக்கக்கிளவி; அமைத்துக்கொள்ளுகை; கைகூடுகை; உண்டுபண்ணுகை; படைப்பு செல்வம் பொன் பெருக்கம் இலாபம் ஈட்டம் கொடிப்படை திருமகள் மங்களகரம் வாழ்த்து

நீங்காமை - nīngkāmai   neg. v. noun. That which is inseparable, பிரியாமை. 2. Unchange ableness, continuance, நித்தியமாயிருக்கை.
வேண்டுபவர் - விரும்புபவர், வேண்டுகின்றவர்

முழுப்பொருள்
ஒரு நாட்டில் தவறுகள் குற்றங்கள் நடக்கும். அதற்கு தண்டனைகள் கொடுக்கப்படும். ஒரு அரசர் அல்லது அரசாங்கம் குற்றங்களை சகித்துக்கொள்ள கூடாது. கடுமையாக அதனை எதிர்க்கொள்ளவேண்டும். கையோங்க வேண்டும். ஆனால் அதனை அமல் படுத்தும் பொழுது மென்மையாக தான் இருக்க வேண்டும். செயலூட்டப்படும் தண்டனை குரூரமாய் இருக்க கூடாது. தண்டனை சற்று மென்மையாக இருக்க வேண்டும். அப்படி இருந்தால் தான் மக்கள் அரசின் மீது மதிப்பு வைத்து பலநாட்கள் விதிகளை கடைப்பிடிப்பார்கள். விதிகளை பலநாட்கள் மக்கள் கடைபிடிக்கவேண்டும் என்றால் அரசாங்கம் மக்கள் விதிகளை மீறும்பொழுது கடுமையாகவும் கையோங்க வேண்டும் அதே சமயம் மென்மையான தண்டனையை கொடுக்க வேண்டும். கடுமையான அறமற்ற தண்டனைகளை கொடுக்கக்கூடாது.

இது குடும்பத்திலும் பொருந்தும். பிள்ளைகள் மீது அன்பும் வேண்டும், கண்டிப்பும் வேண்டும். ஆனால் பெற்றோரின் கண்டிப்பு அளவு மீறக்கூடாது. இல்லை என்றால் பிள்ளைகள் பெற்றோர்களை வெறுப்பார்கள்.

இன்னா செய்யாமை (பிறர உயிர்களுக்கு துன்பம் செய்யாதே) என்று கூறிய வள்ளுவர், குற்றங்கள் புரியும் நபர்களை தண்டிக்கும் இடத்தில் இருக்கும் மன்னர்களுக்கும் இன்னா செய்யாமை என்று கூறியிருந்தார். ஆனால் தண்டனைகள் அவசியமானது அதனால் தான் அதன் அளவை இக்குறளில் கூறியுள்ளார் திருவள்ளுவர்.

இது தண்டனைகள் என்று மட்டும் இல்லை, ஒரு நாடு மக்களிடம் வசூலிக்கும் வரி போன்றவற்றுக்கும் பொருந்தும். 

கீழுள்ள உதாரணத்தை படிக்கவும்

உதாரணம்:
ஜெயமோகன் விளக்குவது: என்னுடைய உறவில் (என்னைவிட 8 வயது இளைய) ஒரு பையன் கங்கா என்று இருந்தான். அவனுடைய அப்பா தன்னுடைய மகன் மீது பெரும் பிரியம் கொண்டவர். பேரன்பு கொண்டவர். கங்காவின் சிறுவயதில் ஒரு விதமான பொறுப்பின்மை இருந்தது. பொறுப்பின்மை என்றால் ஒரு இடத்தில் நிலைத்துநிற்க முடியாத தன்மை பிள்ளைகளுக்கு இருக்கும். ஐந்து ஆறு நாட்களுக்குப்பிறகு வேறு ஒரு உறவுகாரர் வீட்டுக்கு பிள்ளைகள் சென்றுவிடுவார்கள். பையன் இங்கு இருக்கிறான் என்று பாடசாலையில் இருந்து கடிதம் வரும். கங்காவின் தந்தை சென்று கூட்டிக்கொண்டு வருவார்.  அப்புறம் கொஞ்ச நாள் கழித்து மதுரை என்று பல இடங்களில் இருப்பான்.  ஒரு தடவை பைசா எடுத்துவிட்டு செல்கிறான் கங்கா. ஒரு கட்டத்தில் கங்காவின் அப்பா சொல்கிறார், மிரட்டுகிறார். ஒரு கட்டத்தில் பையனை தரதரவென்று குட்டிக்கொண்டு  பூனா (Pune) செல்லும் ரயிலில் சென்றுவிடுகிறார். பூனா பக்கம் சென்று உட்கார் என்று சொல்லி வந்துவிடுகிறார். பைசா(காசு) எதுவும் கொடுக்கவில்லை.  லெட்டர் (கடிதம்) மட்டும் எழுதி வைத்து இருக்கிறார். நீ பொழச்சுக்கோ (பிழைத்துக்கொள்). பிச்சை எடுத்து பொழச்சாத்தா உனக்கு புத்தி வரும். இங்க இருந்தா நீ ஒரு ஊதாரி கெட்டுப்போய்விடுவாய். வந்துவிடுகிறார். இறங்கிய உடன் பையன் எங்கே என்றால் பூனா பக்கம் விட்டுவிட்டு வந்துவிட்டேன் என்கிறார். கங்கா அம்மா நெஞ்சில் அடித்துக்கொண்டு அழுகிறார். பெரிய ஒரு நாடகத்தருணம் அக்காலத்தில் அது.  பையன் வரவே இல்லை. ஆனால் கங்கா 8 வருடம் கழித்து திரும்ப வருகிறான். பட்டறை, டீ கடை என்று பல இடங்களில் வேலைப் பார்த்து பெரியாளாகி வருகிறான். அவன் வரும் பொழுது அவன் அப்பா உயிரோடு இல்லை. மெலிஞ்சி, ஒடுஞ்சி நொந்து ஏது ஒரு வகையில் இறந்து விடுகிறார். கங்கா அம்மா சொல்கிறார் கொள்ளிப்போட ஆள் இல்லாமல் தர்ம கொள்ளித்தான் பொட்டோம் (ஏன் என்றால் அவருக்கு வேறு ஆண்ப்பிள்ளை இல்லை). நீ என்ன பன்னு ஒரு சாஸ்திர சடங்கு பன்னி அவர்க்கு காரியம்/கருமம் செய்துவிடு என்று கங்காவிடம் கூறுகிறார்.  “நான் பன்ன மாட்டேன். அந்த ஆளுக்கும் எனக்கும் சம்மந்தம் கிடையாது” என்று கூறுகிறான். ஒரு ஐந்து பேர் (பெரியவர்கள். ஜெயமோகன் அப்பா உட்பட) கூடி பேசுகிறார்கள். உபதேசம் செய்கிறார்கள். நீ பன்னவில்லை என்றால் உனது அப்பா நரகத்துக்கு சென்றுவிடுவார். என்ன இருந்தாலும் உன்மேல உள்ள அன்பால தான் அவர் அதை செய்தார். நீ இன்னிக்கி உருப்பட்டு இருக்கிறாய். இல்லை என்றால் உருப்பட்டு இருக்க மாட்டாய். நல்லது தான் செய்து இருக்கிறார். குரூரமாய் செய்து இருக்கிறார். ஆனால் சரியாக தான் செய்து இருக்கிறார். நீ அவருக்கு காரியம் செய் என்று உபதேசம் கூறுகிறார்கள். பன்னவே மாட்டேன் என்று கங்கா கூறிவிடுகிறான். நான் பட்ட கஷ்டம் உங்களுக்கு சொல்லி புரியவைக்க முடியாது. எங்க அப்பா என்ன விட்டுட்டு போய்ட்டார்னு நான் பதறிப்போய் இருந்தேன். அந்த தருணம்/moment சொல்லி புரிய வைக்க முடியாது.  ஒரு போதும் இந்த ஆளுக்காக ஒரு துளி கண்ணீர் விட மாட்டேன். ஒரு பிடி தண்ணீர் விட மாட்டேன் என்று முடிவு செய்தேன்.

ஜெயமோகன் சொல்கிறார் எனக்கு அக்காலத்தில் மிக பதட்டம் கொடுத்த சம்பவம் இது. பின்னாளில் இதை ஜெயகாந்தனிடம் சொல்கிறேன்.  அவர் உடனே கூறுகிறார் கடிதோச்சி மெல்ல எறிக.  வேகமாக ஓங்கு மெல்ல அடி. அது தான் அரசன் செய்யவேண்டியது. தந்தை செய்யவேண்டியது அது தான். கடிதோச்சி என்றால் கொன்னு பொட்ருவேன் டா நு ஓங்கு வது வேர ஆனால் படும் பொழுது மெல்லத்தான் பட வேண்டும். ஒரு நவின ஜனநாயக அரசு அப்படித்தான் மக்களிடம் நடந்துக்கொள்ள வேண்டும். அப்படி செய்யவில்லை என்றால் நீ செய்வது அறம் அல்ல.

காணொளி சுட்டி  https://youtu.be/lsl8i0CltJ0?t=3286 (54:46) (நேரடியாக 54:46 க்கு செல்ல சுட்டியை தட்டவும்)

மேலும்: அஷோக் உரை

பரிமேலழகர் உரை

கடிது ஒச்சி - அவ்வொத்தாங்கு ஒறுத்தல் தொடங்குங்கால் அளவிறப்பச் செய்வார்போல் தொடங்கி, மெல்ல எறிக - செய்யுங்கால் அளவிறவாமல் செய்க, ஆக்கம் நெடிது நீங்காமை வேண்டுபவர் - ஆக்கம் தம்கண் நெடுங்காலம் நிற்றலை வேண்டுவார்.
(கடிது ஓச்சல், குற்றஞ் செய்வார் அதனை அஞ்சுதற் பொருட்டும், மெல்ல எறிதல் யாவரும் வெருவாமைப் பொருட்டுமாம். தொடங்கின அளவில் குறைதல் பற்றி மென்மை கூறப்பட்டது. 'ஓச்சுதல்', 'எறிதல்' என்பன இரண்டும் உவமைபற்றி வந்தன.
இவை இரண்டு பாட்டானும் குடிகள் வெருவந்த செய்யாமையது இயல்பு கூறப்பட்டது.).

மணக்குடவர் உரை

கடிதாகச் செய்வாரைப் போன்று மெல்லிதாகச் செய்க, நெடிதாக வருகின்ற ஆக்கம் நீங்காமையை வேண்டுவார். இது குற்றத்திற்குத் தக்க தண்டத்தைக் குறையச் செய்யவேண்டு மென்றது.

மு.வரதராசனார் உரை
ஆக்கம் நெடுங்காலம் நீங்காமலிருக்க விரும்புகின்றவர் (தண்டிக்கத் தொடங்கும் போது) அளவு கடந்து செய்வது போல் காட்டி அளவு மீறாமல் முறை செய்ய வேண்டும்.

சாலமன் பாப்பையா உரை

நெடுங்காலம் ஆட்சி செய்ய விரும்புபவர் தண்டிக்கும்போது கடுமையாகத் தண்டிப்பவர்போல தொடங்கி வரம்பு கடவாமல் செய்க.

தூர எறிய வேண்டிய துர்குணம் - Dr.S.வெங்கடாசலம்

‘கோபம்’ மனிதனிடமிருக்கும் எதிர்மறைக் குணங்களில் மிகவும் மோசமானது; அழிவுத் தன்மைமிக்கது. அரண்மனைக் கோபங்களால் சாம்ராஜ்ஜியப் போர்கள் நடைபெற்றதாகச் சரித்திரம் கூறுகிறது. கட்டுக்கடங்காத கோபங்களால் வன்முறைகளும், கொலைவெறிகளும் தாண்டவமாடுகின்றன. பெற்றோர் கோபங்களில் பிள்ளைகள் நலம் கெடுகிறது; உறவு சிதைகிறது. ஆசிரியர்களின் கோபங்களில் மாணவ நெஞ்சங்கள் கருகிப் போகின்றன. அர்த்தமற்ற அநாகரீகமான காட்டுமிராண்டித்தனமான கோபத்தின் உக்கிரமும் உஷ்ணமும் தாங்காமல் ஏற்பட்ட இழப்புகள் ஏராளம்! பிரிந்த உயிர்கள் ஏராளம்!

10 வயது மாணவன் சென்னையில் ஆசிரியர் கோபத்திற்கு ஆளாகி தற்கொலை செய்துகொண்டான். அவன் தற்கொலைக்கு முன் எழுதியுள்ள கடிதத்தில், “நான் மறுபிறவியில் இதே குடும்பத்தில் பிறக்க விரும்புகிறேன். ஆனால் இதே பள்ளியில் படிக்க விரும்பவில்லை” என்ற செய்தி சிந்திக்கத்தக்கது.

2007 ஜனவரி மாதம் ஒரு நாளில் திருநெல்வேலியில் ‘சுடலி’ என்ற 9 வயது சிறுமி வகுப்பில் கவனமாக இல்லை என்று ‘மிஸ்’ அவளை நோக்கி சினங்கொண்டு எறிந்த டம்ளர் ‘மிஸ்’ ஆகாமல் சிறுமியின் கண்களைப் பதம் பார்த்தது. பார்வை நிரந்தரமாகப் பறிபோனது. 2007 அக்டோபரில் அகமதாபாத்தில் 10 நிமிடம் தாமதமாக வந்தான் 11 வயது மாணவன் மிலான் தாணா. அவனுக்கு ஐந்து முறை பள்ளி மைதானத்தைச் சுற்றி வருமாறு அவமானகரமான தண்டனை வழங்கப்பட்டது. இரண்டாவது சுற்றிலேயே மயங்கி விழுந்து பரிதாபமாக இறந்து போனான்.

2009 மார்ச் 24ஆம் தேதி மணப்பாறையிலுள்ள ஒரு தனியார் பள்ளி அருகிலுள்ள குளத்தில் 5 வயது மாணவி ஸ்ரீரோகிணி உடல் மிதந்தது. காவல்துறை புலனாய்வு செய்தது. வகுப்பறையில் மூன்று நாட்களுக்கு முன்பு ஸ்ரீரோகிணி தலையில் பிரம்பால் ஓங்கி வன்மத்துடன் ஆசிரியை அடித்திருக்கிறார். அடித்ததும் சிறுமி அங்கேயே மயங்கி விழுந்திருக்கிறாள். ஆசிரியைக்கு அச்சம் ஏற்பட்டு மயங்கிக் கிடந்த சிறுமியை பீரோவில் திணித்து வைத்துப் பூட்டி வைத்திருக்கிறார். அதன் பின் ஊழியர்கள் உதவியுடன் இறந்துவிட்ட குழந்தையைக் கொண்டுபோய் குளத்தில் போட்டுவிட்டு ஒன்றும் நடக்காதது போல் இருந்திருக்கிறார்.

2009 ஏப்ரல் 17ல் டில்லி மாநகராட்சியில் பள்ளி ஒன்றில் 11 வயதுச் சிறுமி ஷானுகான் ஆங்கில வார்த்தை ஒன்றைச் சரியாக வாசிக்கவில்லை என்பதற்காக ஆசிரியையால் கடுமையாகத் தண்டிக்கப்பட்டிருக்கிறாள். அவளது முதுகில் செங்கற்களைச் சுமக்க வைத்து கடும் வெயிலில் நிற்க வைத்துள்ளனர். சில நிமிடங்களில் ஷானு மயங்கிச் சரிந்துவிட்டாள். அதன்பின் அவளை வீட்டிற்கு அனுப்பி வைத்துள்ளனர். அப்போது அவளது மூக்கிலிருந்து இரத்தம் கொட்டத் துவங்கியுள்ளது. மருத்துவமனையில் சேர்த்த மறுநாளில் ஷானுவின் உயிர் பிரிந்துவிட்டது.

சமீபத்தில் 13 வயது கிராமப்புற மாணவனை அவனது தந்தை சிகிச்சைக்கு அழைத்து வந்தார். “வகுப்பு நேரங்களில் அடிக்கடி இவனுக்கு வலிப்பு வந்துவிடுகிறது” என்றும் அதன்பிறகு ஓரிருநாள் உடல் வலியும், கடும் தலைவலியும் நீடிப்பதாகக் கூறினார். ஆங்கில மருத்துவ நரம்பியல் நிபுணரின் ஆலோசனைப்படி மூளையை ஸ்கேன் செய்து பார்த்து, தொடர்ச்சியாக அவரது பரிந்துரைப்படி மருந்து மாத்திரைகள் கொடுத்து வருவதாகவும் கூறினார். ஆயினும் எந்த முன்னேற்றமும் இல்லாமல்…. மீண்டும் மீண்டும் வகுப்பறையில் வலிப்பு வந்துவிடுகிறது என்று வருத்தத்துடன் கூறினார்.

அப்பாவை சிறிது நேரம் வரவேற்பறையில் அமரச் சொல்லிவிட்டு, பையனிடம் நட்போடும் கனிவோடும் வகுப்புச் சூழ்நிலைகள் குறித்து விசாரித்து அறிந்தோம். முதன் முறையாக வலிப்பு வந்த நாளை நினைவு படுத்துமாறு கேட்டோம். அன்று கிராமத்திலிருந்து நகர்நோக்கி வந்து கொண்டிருந்த பேருந்து இடைவழியில் ஒரு பிரச்சனை காரணமாக 15 நிமிடம் நிற்க நேர்ந்துவிட்டது. அதனால் அவன் சற்று தாமதமாக பள்ளியை அடைந்தான். வாசலில் உடற்கல்வி ஆசிரியர் கோபம் கொப்பளிக்க கையில் பிரம்போடு அவனைக் கடுமையாக உபசரித்திருக்கிறார். 

மனதிலும் உடம்பிலும் பட்ட காயங்களின் ரணத்தோடு வகுப்பறையில் இருந்த போது மற்றொரு தாக்குதலை அவன் எதிர்கொள்ள நேர்ந்தது. மாதாந்திர தேர்வுத்தாள் திருத்தப்பட்டு அவற்றை வழங்கிய ஓர் ஆசிரியர் மதிப்பெண் குறைவுக்காக அவனை விசேஷமாகக் கவனித்திருக்கிறார். அந்தப் பாடவேளையில் அடுத்த சில நிமிடங்களில் உடல் நடுங்கி, கண்கள் இருண்டுபோய், தன்னிலை இழந்து முதன் முறையாக வலிப்பு ஏற்பட்டுள்ளது. அதன்பிறகு அவன் பள்ளியில் கண்டிக்கப்படும் போதும் தண்டிக்கப்படும் போதும் வலிப்பு வருவது வாடிக்கையாகி விட்டது. அந்தச் சிறுவனுக்கு உரிய மனநல ஆலோசனையும் மலர் மருந்துகள் மற்றும் ஹோமியோபதி சிகிச்சையும் அளிக்கப்பட்டபின் சில மாத காலத்தில் வலிப்பிலிருந்து நலமடைந்தான்.

ஐ.நா. சபையின் குழந்தை உரிமை உடன்படிக்கையில் இந்திய அரசும் கையொப்பம் இட்டுள்ளது. குழந்தைகளைக் கடும் சொற்களாலும் உடல் ரீதியிலும் தண்டிக்க யாருக்கும் உரிமை கிடையாது. இத்தகைய குழந்தை உரிமை மீறல் அனுமதிக்க முடியாத வன்முறை. 1989 ஐ.நா, குழந்தை உரிமை உடன்படிக்கையின் முக்கிய அம்சம், “குழந்தைகளை முறைப்படுத்துவதில் உடல்ரீதியான தண்டனை உபயோகிக்கக்கூடாது…” என்பதுதான். ஆனால் பெரும்பாலான வகுப்பறைகளைக் கோபமும் எரிச்சலும் கோலோச்சுகிறது.

வாழ்க்கையை வாழும் கலையை, வாழ்வியல் பண்புகளைக் கற்றுத்தர வேண்டிய வகுப்பறைகள் சித்ரவதை முகாம்களாய் மாறிவிட்டன. அன்பையும் பண்பையும் அறிவையும் ஊட்ட வேண்டிய ஆசிரியர்களில் ஒரு பகுதியினர்களிடம் கடுமையான அணுகுமுறையைக் கடைப்பிடிக்கும் காவல் துறையினர் போல மாறிவிட்டனர்.

விவேகானந்தர் மனிதனை உருவாக்கும் கல்வியை வலியுறுத்தினார் (Man Making Education). மகாத்மா காந்தி அவர்கள் உடல், உள்ளம், ஆன்மா மலர்ச்சிக்கு உறுதுணையாகக் கல்வி அமைய வேண்டும் என்று விரும்பினார். மாற்றுக் கல்விக்கான குரல்கள் வலிமையடைந்துவரும் நேரம் இது. மனப்பாட முறை தேர்வுகளை மையப்படுத்திய, வாழ்க்கைக்கு உதவாத கல்வித்திட்டம் இந்தியாவைத் தவிர உலகில் வேறெங்குமில்லை. ‘மதிப்பெண்களை’ வைத்து மாணவனை மதிப்பிடுகிற அபத்தமான, ஆபத்தான கல்வித் திட்டத்தால் கோடிக்கணக்கான இளம் உள்ளங்களின் இயற்கையான பரிணாம மலர்ச்சியும், சுயதிறன்களின் வளர்ச்சியும் மறுக்கப்படுகிறது.

ஒரு பக்கம் பாடத்திட்டமும் மறுபக்கம் பெற்றோர் ஆசிரியரின் அணுகுமுறையும் நம் குழந்தைகளின் நிகழ்காலத்தை பேரச்சம்மிக்கதாய் மாற்றியுள்ளது. பள்ளிப் பிள்ளைகள் இயல்பான மனநிலையோடும் உற்சாகத்தோடும் கல்விகற்க இயலவில்லை. மாறாக எண்ணற்ற பயந்தாங்கொள்ளிகளும், தாழ்வு மனப்பான்மை உள்ளவர்களும் தற்கொலை எண்ணம் கொண்டவர்களுமாக மாறுகிறார்கள்; அல்லது வன்முறையாளர்களாய், அராஜகப் பேர்வழிகளாய் பரிணமிக்கின்றனர். இது இன்றைய நமது குடும்ப, சமூக, கல்விச் சூழலின் எதிர்மறை விளைவு.

கோபத்தைக் கட்டுப்படுத்த இயலாமல் கொட்டித் தீர்க்கும் இயல்புக்கு ‘CHERRY PLUM’, மாணவர்களை எப்போதும் கடுமையாக விமர்சித்துக்கொண்டும், குறை கூறிக் கொண்டும் வகுப்பறைறை வசையறையாக மாற்றும் இயல்புக்கு ‘HOLLY’ ‘WILLOW’, பொறுமையற்ற தன்மையும், பரபரப்பும், மாணவர்களை வேகப்படுத்தும் மனநிலைக்கு ‘IMPATIENCE’ , நல்லதோ கெட்டதோ தான் சொல்வதைக் கேட்டுத்தான் தீரவேண்டும் என்று வகுப்பறையை தனது அதிகாரக்கூடமாக மாற்றும் ஹிட்லர் மனநிலைக்கு ‘VINE’ போன்ற பாச் மலர் மருந்துகள் பயன்படும். இத்தகைய குணங்கள் ஆசிரியப் பணிபுரிவோரின் ஆளுமையில் படிந்த கறைகள்.

இன்றைய காலத்தில் மிகைச் செயல்பாடு (Hyperactive) கொண்ட சிறுவர்களின் எண்ணிக்கை பெருகி வருவது கவலைக்குரியது. இவர்களால் மனம் ஒன்றிக் கல்வியில் ஈடுபடமுடியாது. இப் பிரச்சனையை Attention Deficit Hyperactive Disorder (ADHD) என்று மருத்துவத் துறையில் குறிப்பிடுகிறார்கள்.

சில குழந்தைகளுக்கு Dyslexia என்ற கற்றல் குறைபாடு பிரச்சனை உள்ளது. இவர்களுக்கு கரும்பலகையில் வரையப்படும் நேர்கோடுகள் வளைந்து நெளிந்து தெரியும். எழுத்துக்களும், எண்களும் தலைகீழாகத் தெரியும். கண்ணாடியில் பார்ப்பது போல் எழுத்தின் அமைப்பு மாறுபட்டுத் தெரியும். சமீபத்தில் மும்பையில் ஒரு டிஸ்லெக்ஷியா குழந்தையை ஆசிரியர்கள் தொடர்ந்து துன்புறுத்தியதால் மரணமடைந்து விட்டதாக செய்தி வெளிவந்தது. ஆசிரியர்களும், பெற்றோர்களும் இத்தகைய குழந்தைகளை அடையாளம் கண்டு மனநல ஆலோசனை மற்றும் சிகிச்சை பெறுவது அவசியம். 

ஆங்கில மருத்துவத்தில் மன வளர்ச்சிக் குறைபாடுகளுக்கோ (Mental Retardation) ADHD, AUTISM, DYSLEXIA போன்ற நவீனகால குழந்தை உளவியல் சிக்கல்களுக்கோ சிறப்பான சிகிச்சைகள் உருவாகவில்லை. இதனால் அமெரிக்கா போன்ற நாடுகளில் இத்தகைய பிரச்சனைக் குழந்தைகளின் எண்ணிக்கை பெருகியுள்ளன. மாற்று மருத்துவங்களில் குறிப்பாக ஹோமியோபதி மற்றும் மலர் மருத்துவத்தில் இப்பிரச்சனைகளுக்கு சிறப்பான பலனளிக்கும் பக்க விளைவுகள் இல்லாத மருந்துகள் உள்ளன. இத்தகைய குழந்தைகளை பெற்றோரும், ஆசிரியரும், சமூகமும் ஆதரவோடும் அரவணைப்போடும் கையாள்வது அவசியம். இத்தகைய குழந்தைகளிடம்கூட ஆசிரியர் கோபத்துடன் வழக்கமான அணுகுமுறைகளுடன் நடந்து கொள்வது ஆபத்தில் முடியும்.

இன்றைய கல்வித் திட்டத்தில் உடனடியாக பெரும் மாற்றம் ஏற்படப் போவதில்லை என்றாலும் கற்பிக்கும் அணுகுமுறையில் வகுப்பறைச் சூழ்நிலையில் அன்பும் நட்பும் கலந்த நேரிய (Positive) அணுகுமுறையை ஆசிரியப் பெருமக்கள் கடைப்பிடித்தால் மாணவர்களின் மனநலமும் உடல் நலமும் சிதையாமல் ஆரோக்கியமாக அமையும்.

English Meaning - As I taught a kid - Rajesh

Whenever any mistake or crime happens, a king/government can raise the sceptre swift and stern but it has to land softy if they wish never to loose what they possess. 

It is true that for the crime and mistakes that happens in a country, punishments need to be given. A king should not ignore the crime that is happening. He has to swiftly and sternly handle it. For e.g. as a metaphor, he can raise the hands but has to land softly. Because if the punishments are too harsh and unfair, then people will not respect it. It will not have good long term effect

It applies even in families, when kids make mistakes we can raise our hands, but we should not beat them strongly. Because over time people will loose the respect on parents and alienate from the parents. 

It is not just w.r.t punishments. It can be even w.r.t. taxes. If people are heavily taxed, they might go bankrupt, then people will not respect it and would start evading the taxes. 

In families for e.g. a father had huge love and affection on a 8yr old son. But the son was disobedient. He steals money once. Father takes the son in a train to a far way place and drops him there without giving away any details of his home. The son suffers a lot because he is orphaned in that place. He begs and survives. Over years the father repents his mistake for giving such a harsh punishment to his son. He dies. After many years the son returns to his family. But, when his mother and other relatives ask him to do the a post-funeral rites for his father. He declines. People around him try to convince that though the punishment is harsh, yet he did it because of love and to bring a discipline. But son declines saying that only he knows what kind of pain and suffering he went through all these years. So he will not do even an ounce of ritual for his father. 

Questions that I ask to the kid

How should a king punish for crime? Explain more w.r.t families. 

கடுஞ்சொல்லன் கண்ணிலன் ஆயின் நெடுஞ்செல்வம்

குறள் 566

கடுஞ்சொல்லன் கண்ணிலன் ஆயின் நெடுஞ்செல்வம்

நீடின்றி ஆங்கே கெடும்

[பொருட்பால், அரசியல், வெருவந்தசெய்யாமை ]

பொருள்

கடுஞ் - கடும் - கடுமை - கொடுமை; கண்டிப்பு; கடினம்; வன்மை; மிகுதி; விரைவு; வெம்மை; மூர்க்கம்; சினம்

சொல்லன் - சொற்களை பயன்படுத்துபவர் 

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

இலன் -  இல்லை என்று

ஆயின் -  ஆனால்; ஆராயின்.

நெடுஞ் - நெடும் - நீளம், உயரம், காலம்முதலியவற்றின்நீட்சி; பெருமை; அளவின்மை; ஆழம்; கொடுமை; பெண்டிர்தலைமயிர்; நெட்டெழுத்து.

செல்வம் - கல்வி; அழகு; செழிப்பு; நுகர்ச்சி; துறக்கம்; ஐசுவரியம்; மகளிரின்கொஞ்சற்பேச்சு.

நீடு - நெடுங்காலம்; நிலைத்திருக்கை.

இன்றி - இல்லாமல்

ஆங்கே - அங்கே

கெடும் -  கெடும்; கேடும் விளைவிக்கும்

முழுப்பொருள்

அரசர் மக்களிடம் அன்பான சொற்களுக்கு மாறாக கடுமையான சொற்களை பயன்படுத்துவாராயினும் மக்களிடம் கண்ணோட்டம் அல்லாமல் இருப்பார் ஆயினும் பிறகு அவ்வரசரிடம் நெடுங்காலமாக சேர்ந்து இருக்கின்ற செல்வம்கூட அப்பொழுதே கெடும். 

அரசர் என்பவர் மக்களின் துன்பங்களை நீக்க வேண்டியவர். அதற்கு அன்பும் அருளும்/கண்ணோட்டமும் அவரிடத்தில் இருப்பது மிக அவசியம். அதில் இருந்து தவறினால் அது அவருடைய அறத்தில் இருந்து தவறுவதாக அர்த்தம். அறம் தவறினால் செல்வமும் கெட்டுப்போகும். 

மேலும்: அஷோக் உரை 

பரிமேலழகர் உரை

கடுஞ்சொல்லன் கண்இலன் ஆயின் - அரசன் கடிய சொல்லையும் உடையனாய்க் கண்ணோட்டமும் இலனாயின்: நெடுஞ்செல்வம் நீடு இன்றி ஆங்கே கெடும் - அவனது பெரிய செல்வம் நீடுதலின்றி அப்பொழுதே கெடும். '(வேட்டம் கடுஞ்சொல் மிகுதண்டம் சூது பொருள்ஈட்டம் கள்காமமொடு ஏழு' எனப்பட்ட விதனங்களுள் கடுஞ்சொல்லையும் மிகு தண்டத்தையும் இவர் இவ்வெருவந்த செய்தலுள் அடக்கினார். 'கண்' ஆகு பெயர்.இவை செய்தபொழுதே கெடுஞ் சிறுமைத்து அன்றாயினும் என்பார் 'நெடுஞ் செல்வம்' என்றார். நீடுதல்: நீட்டித்தல்.).

மணக்குடவர் உரை

அரசன் கடிய சொல்லை யுடையவனுமாய்க் கண்ணோட்டமும் இலனாயின் அவனது தொன்றுதொட்டு வருகின்ற செல்வம் பின்பு நிற்றலின்றி அக்காலத்தே கெடும். இஃது குறைதலேயன்றி முழுதுங் கெடுமென்றது.

மு.வரதராசனார் உரை

கடுஞ்சொல் உடையவனாய்க் கண்ணோட்டம் இல்லாதவனாய் உள்ளவனுடைய பெரிய செல்வம் நீடித்தல் இல்லாமல் அப்பொழுதே கெடும்.

சாலமன் பாப்பையா உரை

சுடுசொல்லையும், முகதாட்சண்யம் இன்மையும் உடைய அரசின் பெருஞ்செல்வம், பெருகாமல் உடனே அழியும்.

தூர எறிய வேண்டிய துர்குணம் - Dr.S.வெங்கடாசலம்

‘கோபம்’ மனிதனிடமிருக்கும் எதிர்மறைக் குணங்களில் மிகவும் மோசமானது; அழிவுத் தன்மைமிக்கது. அரண்மனைக் கோபங்களால் சாம்ராஜ்ஜியப் போர்கள் நடைபெற்றதாகச் சரித்திரம் கூறுகிறது. கட்டுக்கடங்காத கோபங்களால் வன்முறைகளும், கொலைவெறிகளும் தாண்டவமாடுகின்றன. பெற்றோர் கோபங்களில் பிள்ளைகள் நலம் கெடுகிறது; உறவு சிதைகிறது. ஆசிரியர்களின் கோபங்களில் மாணவ நெஞ்சங்கள் கருகிப் போகின்றன. அர்த்தமற்ற அநாகரீகமான காட்டுமிராண்டித்தனமான கோபத்தின் உக்கிரமும் உஷ்ணமும் தாங்காமல் ஏற்பட்ட இழப்புகள் ஏராளம்! பிரிந்த உயிர்கள் ஏராளம்!

10 வயது மாணவன் சென்னையில் ஆசிரியர் கோபத்திற்கு ஆளாகி தற்கொலை செய்துகொண்டான். அவன் தற்கொலைக்கு முன் எழுதியுள்ள கடிதத்தில், “நான் மறுபிறவியில் இதே குடும்பத்தில் பிறக்க விரும்புகிறேன். ஆனால் இதே பள்ளியில் படிக்க விரும்பவில்லை” என்ற செய்தி சிந்திக்கத்தக்கது.

2007 ஜனவரி மாதம் ஒரு நாளில் திருநெல்வேலியில் ‘சுடலி’ என்ற 9 வயது சிறுமி வகுப்பில் கவனமாக இல்லை என்று ‘மிஸ்’ அவளை நோக்கி சினங்கொண்டு எறிந்த டம்ளர் ‘மிஸ்’ ஆகாமல் சிறுமியின் கண்களைப் பதம் பார்த்தது. பார்வை நிரந்தரமாகப் பறிபோனது. 2007 அக்டோபரில் அகமதாபாத்தில் 10 நிமிடம் தாமதமாக வந்தான் 11 வயது மாணவன் மிலான் தாணா. அவனுக்கு ஐந்து முறை பள்ளி மைதானத்தைச் சுற்றி வருமாறு அவமானகரமான தண்டனை வழங்கப்பட்டது. இரண்டாவது சுற்றிலேயே மயங்கி விழுந்து பரிதாபமாக இறந்து போனான்.

2009 மார்ச் 24ஆம் தேதி மணப்பாறையிலுள்ள ஒரு தனியார் பள்ளி அருகிலுள்ள குளத்தில் 5 வயது மாணவி ஸ்ரீரோகிணி உடல் மிதந்தது. காவல்துறை புலனாய்வு செய்தது. வகுப்பறையில் மூன்று நாட்களுக்கு முன்பு ஸ்ரீரோகிணி தலையில் பிரம்பால் ஓங்கி வன்மத்துடன் ஆசிரியை அடித்திருக்கிறார். அடித்ததும் சிறுமி அங்கேயே மயங்கி விழுந்திருக்கிறாள். ஆசிரியைக்கு அச்சம் ஏற்பட்டு மயங்கிக் கிடந்த சிறுமியை பீரோவில் திணித்து வைத்துப் பூட்டி வைத்திருக்கிறார். அதன் பின் ஊழியர்கள் உதவியுடன் இறந்துவிட்ட குழந்தையைக் கொண்டுபோய் குளத்தில் போட்டுவிட்டு ஒன்றும் நடக்காதது போல் இருந்திருக்கிறார்.

2009 ஏப்ரல் 17ல் டில்லி மாநகராட்சியில் பள்ளி ஒன்றில் 11 வயதுச் சிறுமி ஷானுகான் ஆங்கில வார்த்தை ஒன்றைச் சரியாக வாசிக்கவில்லை என்பதற்காக ஆசிரியையால் கடுமையாகத் தண்டிக்கப்பட்டிருக்கிறாள். அவளது முதுகில் செங்கற்களைச் சுமக்க வைத்து கடும் வெயிலில் நிற்க வைத்துள்ளனர். சில நிமிடங்களில் ஷானு மயங்கிச் சரிந்துவிட்டாள். அதன்பின் அவளை வீட்டிற்கு அனுப்பி வைத்துள்ளனர். அப்போது அவளது மூக்கிலிருந்து இரத்தம் கொட்டத் துவங்கியுள்ளது. மருத்துவமனையில் சேர்த்த மறுநாளில் ஷானுவின் உயிர் பிரிந்துவிட்டது.

சமீபத்தில் 13 வயது கிராமப்புற மாணவனை அவனது தந்தை சிகிச்சைக்கு அழைத்து வந்தார். “வகுப்பு நேரங்களில் அடிக்கடி இவனுக்கு வலிப்பு வந்துவிடுகிறது” என்றும் அதன்பிறகு ஓரிருநாள் உடல் வலியும், கடும் தலைவலியும் நீடிப்பதாகக் கூறினார். ஆங்கில மருத்துவ நரம்பியல் நிபுணரின் ஆலோசனைப்படி மூளையை ஸ்கேன் செய்து பார்த்து, தொடர்ச்சியாக அவரது பரிந்துரைப்படி மருந்து மாத்திரைகள் கொடுத்து வருவதாகவும் கூறினார். ஆயினும் எந்த முன்னேற்றமும் இல்லாமல்…. மீண்டும் மீண்டும் வகுப்பறையில் வலிப்பு வந்துவிடுகிறது என்று வருத்தத்துடன் கூறினார்.

அப்பாவை சிறிது நேரம் வரவேற்பறையில் அமரச் சொல்லிவிட்டு, பையனிடம் நட்போடும் கனிவோடும் வகுப்புச் சூழ்நிலைகள் குறித்து விசாரித்து அறிந்தோம். முதன் முறையாக வலிப்பு வந்த நாளை நினைவு படுத்துமாறு கேட்டோம். அன்று கிராமத்திலிருந்து நகர்நோக்கி வந்து கொண்டிருந்த பேருந்து இடைவழியில் ஒரு பிரச்சனை காரணமாக 15 நிமிடம் நிற்க நேர்ந்துவிட்டது. அதனால் அவன் சற்று தாமதமாக பள்ளியை அடைந்தான். வாசலில் உடற்கல்வி ஆசிரியர் கோபம் கொப்பளிக்க கையில் பிரம்போடு அவனைக் கடுமையாக உபசரித்திருக்கிறார். 

மனதிலும் உடம்பிலும் பட்ட காயங்களின் ரணத்தோடு வகுப்பறையில் இருந்த போது மற்றொரு தாக்குதலை அவன் எதிர்கொள்ள நேர்ந்தது. மாதாந்திர தேர்வுத்தாள் திருத்தப்பட்டு அவற்றை வழங்கிய ஓர் ஆசிரியர் மதிப்பெண் குறைவுக்காக அவனை விசேஷமாகக் கவனித்திருக்கிறார். அந்தப் பாடவேளையில் அடுத்த சில நிமிடங்களில் உடல் நடுங்கி, கண்கள் இருண்டுபோய், தன்னிலை இழந்து முதன் முறையாக வலிப்பு ஏற்பட்டுள்ளது. அதன்பிறகு அவன் பள்ளியில் கண்டிக்கப்படும் போதும் தண்டிக்கப்படும் போதும் வலிப்பு வருவது வாடிக்கையாகி விட்டது. அந்தச் சிறுவனுக்கு உரிய மனநல ஆலோசனையும் மலர் மருந்துகள் மற்றும் ஹோமியோபதி சிகிச்சையும் அளிக்கப்பட்டபின் சில மாத காலத்தில் வலிப்பிலிருந்து நலமடைந்தான்.

ஐ.நா. சபையின் குழந்தை உரிமை உடன்படிக்கையில் இந்திய அரசும் கையொப்பம் இட்டுள்ளது. குழந்தைகளைக் கடும் சொற்களாலும் உடல் ரீதியிலும் தண்டிக்க யாருக்கும் உரிமை கிடையாது. இத்தகைய குழந்தை உரிமை மீறல் அனுமதிக்க முடியாத வன்முறை. 1989 ஐ.நா, குழந்தை உரிமை உடன்படிக்கையின் முக்கிய அம்சம், “குழந்தைகளை முறைப்படுத்துவதில் உடல்ரீதியான தண்டனை உபயோகிக்கக்கூடாது…” என்பதுதான். ஆனால் பெரும்பாலான வகுப்பறைகளைக் கோபமும் எரிச்சலும் கோலோச்சுகிறது.

வாழ்க்கையை வாழும் கலையை, வாழ்வியல் பண்புகளைக் கற்றுத்தர வேண்டிய வகுப்பறைகள் சித்ரவதை முகாம்களாய் மாறிவிட்டன. அன்பையும் பண்பையும் அறிவையும் ஊட்ட வேண்டிய ஆசிரியர்களில் ஒரு பகுதியினர்களிடம் கடுமையான அணுகுமுறையைக் கடைப்பிடிக்கும் காவல் துறையினர் போல மாறிவிட்டனர்.

விவேகானந்தர் மனிதனை உருவாக்கும் கல்வியை வலியுறுத்தினார் (Man Making Education). மகாத்மா காந்தி அவர்கள் உடல், உள்ளம், ஆன்மா மலர்ச்சிக்கு உறுதுணையாகக் கல்வி அமைய வேண்டும் என்று விரும்பினார். மாற்றுக் கல்விக்கான குரல்கள் வலிமையடைந்துவரும் நேரம் இது. மனப்பாட முறை தேர்வுகளை மையப்படுத்திய, வாழ்க்கைக்கு உதவாத கல்வித்திட்டம் இந்தியாவைத் தவிர உலகில் வேறெங்குமில்லை. ‘மதிப்பெண்களை’ வைத்து மாணவனை மதிப்பிடுகிற அபத்தமான, ஆபத்தான கல்வித் திட்டத்தால் கோடிக்கணக்கான இளம் உள்ளங்களின் இயற்கையான பரிணாம மலர்ச்சியும், சுயதிறன்களின் வளர்ச்சியும் மறுக்கப்படுகிறது.

ஒரு பக்கம் பாடத்திட்டமும் மறுபக்கம் பெற்றோர் ஆசிரியரின் அணுகுமுறையும் நம் குழந்தைகளின் நிகழ்காலத்தை பேரச்சம்மிக்கதாய் மாற்றியுள்ளது. பள்ளிப் பிள்ளைகள் இயல்பான மனநிலையோடும் உற்சாகத்தோடும் கல்விகற்க இயலவில்லை. மாறாக எண்ணற்ற பயந்தாங்கொள்ளிகளும், தாழ்வு மனப்பான்மை உள்ளவர்களும் தற்கொலை எண்ணம் கொண்டவர்களுமாக மாறுகிறார்கள்; அல்லது வன்முறையாளர்களாய், அராஜகப் பேர்வழிகளாய் பரிணமிக்கின்றனர். இது இன்றைய நமது குடும்ப, சமூக, கல்விச் சூழலின் எதிர்மறை விளைவு.

கோபத்தைக் கட்டுப்படுத்த இயலாமல் கொட்டித் தீர்க்கும் இயல்புக்கு ‘CHERRY PLUM’, மாணவர்களை எப்போதும் கடுமையாக விமர்சித்துக்கொண்டும், குறை கூறிக் கொண்டும் வகுப்பறைறை வசையறையாக மாற்றும் இயல்புக்கு ‘HOLLY’ ‘WILLOW’, பொறுமையற்ற தன்மையும், பரபரப்பும், மாணவர்களை வேகப்படுத்தும் மனநிலைக்கு ‘IMPATIENCE’ , நல்லதோ கெட்டதோ தான் சொல்வதைக் கேட்டுத்தான் தீரவேண்டும் என்று வகுப்பறையை தனது அதிகாரக்கூடமாக மாற்றும் ஹிட்லர் மனநிலைக்கு ‘VINE’ போன்ற பாச் மலர் மருந்துகள் பயன்படும். இத்தகைய குணங்கள் ஆசிரியப் பணிபுரிவோரின் ஆளுமையில் படிந்த கறைகள்.

இன்றைய காலத்தில் மிகைச் செயல்பாடு (Hyperactive) கொண்ட சிறுவர்களின் எண்ணிக்கை பெருகி வருவது கவலைக்குரியது. இவர்களால் மனம் ஒன்றிக் கல்வியில் ஈடுபடமுடியாது. இப் பிரச்சனையை Attention Deficit Hyperactive Disorder (ADHD) என்று மருத்துவத் துறையில் குறிப்பிடுகிறார்கள்.

சில குழந்தைகளுக்கு Dyslexia என்ற கற்றல் குறைபாடு பிரச்சனை உள்ளது. இவர்களுக்கு கரும்பலகையில் வரையப்படும் நேர்கோடுகள் வளைந்து நெளிந்து தெரியும். எழுத்துக்களும், எண்களும் தலைகீழாகத் தெரியும். கண்ணாடியில் பார்ப்பது போல் எழுத்தின் அமைப்பு மாறுபட்டுத் தெரியும். சமீபத்தில் மும்பையில் ஒரு டிஸ்லெக்ஷியா குழந்தையை ஆசிரியர்கள் தொடர்ந்து துன்புறுத்தியதால் மரணமடைந்து விட்டதாக செய்தி வெளிவந்தது. ஆசிரியர்களும், பெற்றோர்களும் இத்தகைய குழந்தைகளை அடையாளம் கண்டு மனநல ஆலோசனை மற்றும் சிகிச்சை பெறுவது அவசியம். 

ஆங்கில மருத்துவத்தில் மன வளர்ச்சிக் குறைபாடுகளுக்கோ (Mental Retardation) ADHD, AUTISM, DYSLEXIA போன்ற நவீனகால குழந்தை உளவியல் சிக்கல்களுக்கோ சிறப்பான சிகிச்சைகள் உருவாகவில்லை. இதனால் அமெரிக்கா போன்ற நாடுகளில் இத்தகைய பிரச்சனைக் குழந்தைகளின் எண்ணிக்கை பெருகியுள்ளன. மாற்று மருத்துவங்களில் குறிப்பாக ஹோமியோபதி மற்றும் மலர் மருத்துவத்தில் இப்பிரச்சனைகளுக்கு சிறப்பான பலனளிக்கும் பக்க விளைவுகள் இல்லாத மருந்துகள் உள்ளன. இத்தகைய குழந்தைகளை பெற்றோரும், ஆசிரியரும், சமூகமும் ஆதரவோடும் அரவணைப்போடும் கையாள்வது அவசியம். இத்தகைய குழந்தைகளிடம்கூட ஆசிரியர் கோபத்துடன் வழக்கமான அணுகுமுறைகளுடன் நடந்து கொள்வது ஆபத்தில் முடியும்.

இன்றைய கல்வித் திட்டத்தில் உடனடியாக பெரும் மாற்றம் ஏற்படப் போவதில்லை என்றாலும் கற்பிக்கும் அணுகுமுறையில் வகுப்பறைச் சூழ்நிலையில் அன்பும் நட்பும் கலந்த நேரிய (Positive) அணுகுமுறையை ஆசிரியப் பெருமக்கள் கடைப்பிடித்தால் மாணவர்களின் மனநலமும் உடல் நலமும் சிதையாமல் ஆரோக்கியமாக அமையும்.

அருஞ்செவ்வி இன்னா முகத்தான் பெருஞ்செல்வம்

குறள் 565

அருஞ்செவ்வி இன்னா முகத்தான் பெருஞ்செல்வம்

பேஎய்கண் டன்னது உடைத்து

[பொருட்பால், அரசியல், வெருவந்தசெய்யாமை ]

பொருள்

அருஞ் - அருமை - அருமை - அரியதன்மை; பெருமை கடினம் எளிதிற்கிட்டாமை; சிறுமை இன்மை

செவ்வி - காலம்; ஏற்றசமயம்; காட்சி; அரும்பு; பக்குவம்; புதுமை; அழகு; சுவை; மணம்; தன்மை; தகுதி; சித்திரைநாள்

இன்னாது - தீது; துன்பு
இன்னாத - இன்னாதா-தல் - துன்புறுதல்

இன்னா - துன்பம்; தீங்குதருபவை; கீழ்மையான; இகழ்ச்சி வெறுப்பு

முகத்தான் - முகத்து + ஆன்
முகம் - தலையில் நெற்றிமுதல் மோவாய் வரையுள்ள முன்புறம், வாயில், நோக்கு, வதனம்
ஆன் - அவ்விடம், இக்கணம்

பெருஞ்செல்வம் -  பெரிய செல்வம்

பே - ஓர்உயிர்மெய்யெழுத்து(ப்+ஏ); நுரை; அச்சம்; மேகம்; 'இல்லை'என்னும்பொருள்தரும்சொல்

எய் - முள்ளம்பன்றி; அம்பு; ஓர்உவமவுருபு.

பேஎய்  -பேய் - பிசாசம்; காட்டுத்தன்மை; தீமை; வெறி.

கண்டன் - கண்டு - கற்கண்டு; நூற்பந்து; கண்டங்கத்தரி; கட்டி; கழலைக்கட்டி; ஓர்அணிகலஉரு; அக்கி; வயல்.

அன்னது - அன்ன - அத்தன்மையானவை; ஓர்அஃறிணைப்பன்மைக்குறிப்புவினைமுற்று; ஓர்உவமஉருபு.

உடைத்து - உடைதல் - இருக்கும், உடையது

முழுப்பொருள்

தன்னை பிறர் சந்திக்க வருவதை தவிர்க்க சந்தர்ப்பங்கள் அமைவதை கடுமையாக்கி காலம் தாழ்த்துவதும் பிறருக்கு கடுமையான / கீழ்மையான/ மகிழ்ச்சியற்ற முகத்தை காண்பிக்கும் தன்மை ஒருவருக்கு (ஒரு அரசருக்கு) தீங்கு விளைவிக்கும். அத்தகையவரிடம் இருக்கும் செல்வம் பேய்யிடம் இருக்கும் பெருஞ்செல்வம் போன்றதாகும். யாருக்கும் பயனில்லை. மக்களை உறவை சுற்றத்தை மறந்து செல்வமே பிரதானம் என்போரை மனிதர் என்று எப்படிச் சொல்ல முடியும்? அத்தகையவர் பணப்பிசாசு அல்லவா. 

பொதுவாக ஒருவர் எளிதாக நெருங்க கூடியவராக இன்முகத்தத்துடன் கூடிய அன்பானவராக இருத்தல் வேண்டும். அதற்கு மாறாக கடுமையான முகம் கொண்டு எளிதில் நெருங்கமுடியாதவராக இருப்பின் அவரை பிசாசு சென்று சொல்லுவர். 

மேலும்: அஷோக் உரை 

பரிமேலழகர் உரை

அருஞ்செவ்வி இன்னா முகத்தான் பெருஞ்செல்வம் - தன்னைக் காண வேண்டுவார்க்குக் காலம் அரியனாய்க் கண்டால் இன்னாத முகத்தினையுடையானது பெரிய செல்வம், பேய் கண்டன்னது உடைத்து - பேயாற் காணப்பட்டாற் போல்வதொரு குற்றம் உடைத்து. (எனவே, இவை இரண்டும் வெருவந்த செய்தலாயின, இவை செய்வானைச் சார்வார் இன்மையின், அவனது செல்வம் தனக்கும் பிறர்க்கும் பயன்படாது என்பது பற்றிப் 'பேய் கண்டன்னது உடைத்து' என்றார். காணுதல்: தன் வயமாக்குதல்.).

மணக்குடவர் உரை

காண்டற்கரிய செவ்வியையும் இன்னா முகத்தையும் உடையவனது பெரிய செல்வம் பேயைக்கண்டதொக்க அச்சந் தருதலுடைத்து.

இது செல்வத்தை வாங்குவார் இன்மையின் படை சேரா தென்றது.

மு.வரதராசனார் உரை

எளிதில் காணமுடியாத அருமையும், இனிமையற்ற முகமும் உடையவனது பெரிய செல்வம், பேய் கண்டு காத்திருப்பதைப் போன்ற தன்மையுடையது.

சாலமன் பாப்பையா உரை

தன்னைக் காண வருவார்க்கு நேரம் தருவதில் இழுத்தடிப்பும், கண்டால் முகக்கடுப்பும் உடையவரின் பெருஞ்செல்வம், பூதத்தால் கைக்கொள்ளப்பட்டது போன்றதாம்.

வெருவந்த செய்தொழுகும் வெங்கோல

குறள் 563
வெருவந்த செய்தொழுகும் வெங்கோல னாயின்
ஒருவந்தம் ஒல்லைக் கெடும்
[பொருட்பால், அரசியல், வெருவந்தசெய்யாமை ]

பொருள்

வெருவந்தம் - அச்சம்.
வெருவந்தசெய்யாமை - வெருவந்த செய்யாமை அதிகாரம், ஆள்வோர் தாமும், தம்முடைய அமைச்சர்களும், குடிமக்களும் அஞ்சும்படியான எண்ணங்கள் கொள்ளாமையும், செயல்கள் செய்யாமையும்பற்றி கூறுகிறது

செய்து - செய்தல் - இயற்றுதல்; உண்டாக்கல்; சம்பாதித்தல்; ஒத்தல்.

ஒழுகும் - ஒழுகுதல் - நீர்பாய்தல்; நீர்ப்பொருள்சொட்டுதல்; ஓடுதல்; பரத்தல்; ஒழுங்குபடுதல்; நடத்தல்; நீளுதல்; வளர்தல்; போதல்; பெருகியோடுதல்.

வெ - ve   adj. Hot, warm, harsh, hard, severe, cruel, used in combination. It is the ra dical of many words, as வெங்களம், a battle field; வெந்நீர், hot water; வெயில், the heat of the sun, &c.

வெங்கோலன் - கொடுமையான அரசன் 

ஆயின் - ஆனால்; ஆராயின்.

ஒருவந்தம் - உறுதி; ஒருதலை; நிலைபேறு; சம்பந்தம்; ஒற்றுமை; தனியிடம்.

ஒல்லைக் - விரைவு; வேகம்; காலவிரைவு; சீக்கிரம்; பழைமை; தொந்தரவு.

கெடும் - கெடுதல் - அழிதல்; பழுதாதல்; வறுமையடைதல்; ஒழுக்கங்கெடுதல்; உருவழித்தல்; தோற்றோடுதல்; விபத்து; தீங்கு; விகாரத்தால்எழுத்துக்கெடுதல்; வழிதவறிப்போதல்.

முழுப்பொருள்
எல்லோரும் அச்சப்படும் அளவிற்கு ஒரு ஆட்சியை ஒரு அரசன் நடத்துவான் என்றால் அவனுடைய நாட்டின் நிலைத்தன்மை உறுதித்தன்மை ஒற்றுமை ஆகியவை மிக விரைவாக அழியும். அந்த ஆட்சியும் அழியும்/மாறும்.  அத்தகைய அரசன் ஒரு கொடுமையான அரசனாகவே கருதப்படுவான்.

சொந்தநாட்டு மக்களை சீரும் சிறப்புமாக வாழவைத்து பிற நாட்டுமக்களுக்கு அச்சத்தை தருவான் என்றால் அந்த அரசன் கொடிய அரசனாகவே கருதப்படுவான்.

அதேப்போல் சொந்த நாட்டுமக்களே அந்த அரசனின் நடவடிக்கைகளை கண்டு அச்சப்படுவார்கள் என்றால் அந்த அரசனும் கொடிய அசனாகவே கருதப்படுவான். 

மேலும்: அஷோக் உரை

பரிமேலழகர் உரை

வெருவந்த செய்து ஒழுகும் வெங்கோலன் ஆயின் - குடிகள் வெருவிய செயல்களைச் செய்து நடக்கும் வெங்கோலனாம் ஆயின்; ஒருவந்தம் ஒல்லைக் கெடும் - அரசன் ஒருதலையாகக் கடிதில் கெடும்.

(வெங்கோலன் என்பது ஈண்டு வாளா பெயராய் நின்றது. 'ஒருவந்தம், ஒருதலை, ஏகாந்தம்' என்பன ஒருபொருட்கிளவி. அச்செயல்களும் கேடுகளும் முன்னர்க் கூறப்படும்.).

மணக்குடவர் உரை

அரசன் அஞ்சத்தகுவனவற்றைச் செய்தொழுகும் வெங்கோலையுடையனாயின் அவன் ஒருதலையாகக் கடிதிற் கெடும்.

மு.வரதராசனார் உரை

குடிகள் அஞ்சும் படியான கொடுமைகளைச் செய்து ஆளும் கொடுங்கோல் அரசனானால், அவன் திண்ணமாக விரைவில் கெடுவான்.

சாலமன் பாப்பையா உரை

குடிமக்கள் அஞ்சும்படியாகச் செயல் செய்யும் கொடிய ஆட்சி விரைந்து அழிவது உறுதி.

தக்காங்கு நாடித் தலைச்செல்லா வண்ணத்தால்

குறள் 561

தக்காங்கு நாடித் தலைச்செல்லா வண்ணத்தால்

ஒத்தாங்கு ஒறுப்பது வேந்து.

[பொருட்பால், அரசியல், வெருவந்தசெய்யாமை]

பொருள்

வெருவந்தம் - அச்சம்.

வெருவந்தசெய்யாமை - வெருவந்த செய்யாமை அதிகாரம், ஆள்வோர் தாமும், தம்முடைய அமைச்சர்களும், குடிமக்களும் அஞ்சும்படியான எண்ணங்கள் கொள்ளாமையும், செயல்கள் செய்யாமையும்பற்றி கூறுகிறது

தக்காங்கு - தக்கபடி; நடுவுநிலையாக; takkāṅku   adv. தக்க + ஆங்கு 1. Suitably, regularly, in an orderly manner;தக்கபடி. 2. Impartially; நடுவுநிலையாக. தக்காங்குநாடி (குறள், 561).

நாடி - நாட்டிலுள்ளவள்; நாட்டையுடையவள்; இரத்தக்குழாய்முதலியன; மூச்சுக்குழாய்யாழின்நரம்பு; உட்டொளை; பூவின்தாள்; நாழிகை; மூக்கு; மோவாய்; மாளிகையின்மேற்பாகத்தோர்உறுப்பு; சோதிடநூல்; தாதுநரம்பு; இலைநரம்பு.

நாடி - அவற்றை நோக்கி; ஆராய்ந்து

தலைச்செல்லா - அத்தவற்றை அவர் திரும்பவும் செய்யாமல்

வண்ணம் - vaṇṇam   s. colour, வருணம்; 2. way, manner, method, விதம்; 3. a poetical verse, melody, metre, இராகம்; 4. beauty, அழகு; 5. all kinds of ointment, சாந்துப்பொது; 6. form, figure, வடிவு; 7. a good, happiness, நன்மை; 8. (in math.) co-efficient; 9. variation of metre.

அவ்வண்ணமாய், அவ்வண்ணமே, so, in that manner, in the same manner.

வண்ணத்தால் - அவ்விதத்தில்

ஒத்தபடி - otta-paṭi   adv. id. +. Agreeably, suitably; ஏற்றவாறு

ஒத்தமலங்கொட்டு-தல் ottamalan-koṭṭu-, v. intr. perh. ஒத்து + அவலம் +. To behave improperly, rudely, insolently; இடக்குச்செய்தல். Cg.

ஒத்தாங்கு - ஒப்ப, ஒத்தபடி.

ஒறுப்பு - தண்டிப்பு, தண்டனை; வெறுப்பு; கடிந்துபேசுகை; உடல்வருந்துகை; குறைவு; பொருளின்அருமை; கிராக்கி.

ஒறுப்பது -  தண்டனை வழங்குவது

வேந்து - எல்லாஆற்றலும்பெற்றஅரசன்; இந்திரன்; சந்திரன்; சூரியன்; வியாழன்.

முழுப்பொருள்

இவ்வுலகில் பலர் அறிந்தும் அறியாமலும் தவறுகள் செய்வர். சிலர் உணர்ச்சிவசப்பட்டு செய்வர். சில தவறுகள் கொடுங்கூற்றாக இருக்கும். சிலவை திருத்தப்படக்கூடிய தவறாக இருக்கும். சில தவறுகள் வயதில் மிக பெரியவர்களால் செய்யப்பட்டு இருக்கும். சில தவறுகள் பிஞ்சு உள்ளங்களால் கூட அதனுடைய வீரியம் அறியாமல் செய்யப்பட்டு இருக்கும். ஆதலால் ஒவ்வொரு தவறையும் ஒழுங்கே யாரிடத்திலும் சார்பு இல்லாமல் ஆராயவேண்டும். அதற்கான தீர்ப்பை சார்பு இல்லாமல் வழங்க வேண்டும். அத்தகைய தீர்ப்பு மற்றவர்கள் அரசனை பார்த்து அஞ்சும் படியாக இருத்தல் நல்லது கிடையாது. கொடுக்க படும் தீர்ப்பு குற்றவாளிகளும் (மக்களில் உள்ளவர்களும்) அடுத்த முறை செய்ய கூடாதவைக்கான ஒரு தண்டனையாக படிப்பினையாக இருக்க வேண்டும். ஆதலால் குற்றத்திற்கு ஏற்றவார்ப்போல நல் தீர்ப்பினை வழங்க வேண்டும். சிறிய தவறுகளுக்கு பெரிய தண்டனை தவறு. அதேப்போல பெரிய தவறுகளுக்கு சிறிய தண்டனை மிக தவறாகும். ஏனெனில் அது மற்றவரிடத்தில் அலட்சியத்தை உண்டாக்கும். அக்குற்றங்களை குறைக்க ஏதுவாக இருக்காது. ஆதலால் சார்பு இல்லாமல் ஆராய்ந்து குற்றத்திற்கான தக்க தண்டனையை வழங்குவது (நீதி) அரசரின் கடமையாகும்.

உதாரணமாக: சமிபத்தில் தன்னை தானே கடவுள் என்று கூறிக்கொண்ட ராம் ரஹிம் சிங் (Gurmeet Ram Rahim Singh) என்பர் இருபது வருடங்கள் முன்பு தன் ஆஸ்ரம பெண்களை பலாத்காரம் செய்ததற்கு தற்பொழுது 2017இல் இருபது ஆண்டுகள் தண்டனை அளிக்கப்பட்டுள்ளது வரவேற்க்க தக்கது. அந்த நீதிபதிகளும் அதனை விசாரித்த அதிகாரிகளும் பாராட்டிற்கு உரியவர்கள்.

Gurmeet Ram Rahim Singh

மேலும்: அஷோக் உரை

பரிமேலழகர் உரை

[அஃதாவதுகுடிகள் அஞ்சுவதும் , பகுதி அஞ்சுவதும் தான் அஞ்சுவதும் ஆயதொழில்களைச் செய்யாமை . அவை செய்தல் கொடுங்கோன்மைப் பாற்படுதலின் , இஃது அதன்பின் வைக்கப்பட்டது.]

'தக்காங்கு' நாடி - ஒருவன் தன்னின் மெலியார்மேல் சென்ற வழி அதனை நடுவாகநின்று ஆராய்ந்து: தலைச்செல்லா வண்ணத்தால் 'ஒத்தாங்கு' ஒறுப்பது வேந்து - பின்னும் அது செய்யாமற்பொருட்டு அவனை அக்குற்றத்திற்கு ஒப்ப ஒறுப்பானே அரசனாவான்.

(தக்காங்கு, ஒத்தாங்கு என்பன ஒரு சொல். 'தகுதி என்பது நடுவுநிலைமையாதல் 'தகுதி என ஒன்றும் நன்றே' (குறள் 111 ) என்பதனாலும் அறிக. இதனானே, தக்காங்கு நாடாமையும், பிறிதோர் காரணம் பற்றி மிக ஒறுத்தலும் குடிகள் அஞ்சும் வினையாதல் பெற்றாம்.).

மணக்குடவர் உரை

குற்றத்திற்குத் தக ஆராய்ந்து, ஒருவர்மேற் செல்லாமை காரணமாக உலகத்துப் பொருந்துமாறு ஒறுப்பவன் அரசன்.

மு.வரதராசனார் உரை

செய்த குற்றத்தை தக்கவாறு ஆராய்ந்து மீண்டும் அக் குற்றம் செய்யாத படி குற்றத்திற்குப் பொருந்துமாறு தண்டிப்பவனே அரசன் ஆவான்.

சாலமன் பாப்பையா உரை

தவறு செய்வோரைக் கண்டு, நடுநிலையில் நின்று ஆய்ந்து, அத்தவற்றை அவர் திரும்பவும் செய்யாமல் இருக்கத் தவற்றுக்கு ஏற்பத் தண்டிப்பதே ஆட்சி.

இறைகடியன் என்றுரைக்கும் இன்னாச்சொல்

குறள் 564

இறைகடியன் என்றுரைக்கும் இன்னாச்சொல் வேந்தன்

உறைகடுகி ஒல்லைக் கெடும்

[பொருட்பால், அரசியல், வெருவந்தசெய்யாமை]

(For meaning in English, scroll to the bottom of this post)

பொருள்

இறை - உயரம்; தலை; கடவுள்; தலைவன்; அரசன்; உயர்ந்தோன்; மூத்தோன்; பெருமையிற்சிறந்தோன்; கணவன்; பறவையிறகு; கடன்; வீட்டிறப்பு; மறுமொழி; மணிக்கட்டு; குடியிறை; சிறுமை; அற்பம்; காலவிரைவு; சிவன்; பிரமன்; மாமரம்.

கடியன் - கடுமையுள்ளவன், கடினசித்தமுடையவன்.

என்று - என்றுசொல்லி

உரை - உரைக்கை; சொல்; பொருள்விளக்கம்; ஒலி; பேச்சு; மொழி; முழக்கம்; ஆசிரியவசனம்; ஆகமப்பிரமாணம்; மாற்றுரை; விடை; பொன்; புகழ்; தேய்வு; எழுத்தின்ஒலி; புகழுரை; விரிவுரை

உரைக்கும் - சொல்லுவார்கள், முழங்குவார்கள்

இன்னாச் - துன்பம்; தீங்குதருபவை; கீழ்மையான; இகழ்ச்சி; வெறுப்பு.

சொல் - சொல், பேச்சு

வேந்தன் - எல்லா ஆற்றலும் பெற்ற அரசன்; இந்திரன்; சந்திரன்; சூரியன்; வியாழன்.

உறை - பெருமை; நீளம்; உயரம்; பொருள்; மருந்து; உணவு; வெண்கலம்; பெய்யுறை; ஆயுதவுறை; நீர்த்துளி; மழை; காரம்; போர்வை; உறுப்பு; இருப்பிடம்; பாலிடுபிரை; ஓர்இலக்கக்குறிப்பு; வாழ்நாள்; துன்பம்; கிணற்றின்அடியில்வைக்கும்மரவளையம்; பொன்; பாம்பின்நச்சுப்பை.

கடுகி - சுண்டைச்செடி, III. v. i. diminish, grow short, குறை

ஒல்லைக் - விரைவு; வேகம்; காலவிரைவு; சீக்கிரம்; பழைமை; தொந்தரவு.

கெடு - கேடு, அழிவு; இழப்பு; வறுமை; தீமை; கெடுதல்; அழகின்மை.

கெடும் - அழியும்

முழுப்பொருள்

ஒரு நாட்டிலும் அல்லது நிர்வாகத்திலும் அல்லது குடும்பத்திலும் தலைவனானவன் நற்பெயர் எடுப்பதே சிறந்தது. ஆனால் என் நாட்டுத்தலைவன், என் நிர்வாகத்தின் தலைவன், என் குடும்ப தலைவன் மிகுந்த கடுமையானவன் என்று மக்கள் கூறும் அளவிற்கோ, கடுமையான சித்தம் / சித்தாத்தங்கள் கொண்டவன், மக்கள் அச்சப்படுகின்ற அளவிற்கோ நாட்டில் ஆட்சிப்புரிகின்ற (வீட்டில் நடந்துக்கொள்கின்ற, நிர்வாகத்தில் பணிப்புரிகிற) தலைவன் இன்னாசொல் ஈன்றியுள்ளான் என்றாகும். அத்தகையத் தலைவன் தான் ஈன்ற பெருமை, செல்வம் எல்லாவற்றையும் வாழ்நாளையும் மிக விரைவில் இழந்துவிடுவான் அல்லது அவை மிக விரைவில் குறைந்துவிடும்.

உதாரணமாக நாம் ஹிட்லரை நினைவுக்கூறலாம். என்ன தான் ஹிட்லர் ஜெர்மணிக்கு நல்லது செய்தாலும் அவனை அந்நாட்டு மக்கள் வெறுத்தார்கள். அவன் செய்த கடுமையான வற்றை கண்டு மனதளவில் கூசினார்கள். அத்தனை லட்ச மக்களின் இன்னாசொல்லே ஹிட்லரை அழித்தது என்றும் கூறலாம்.

மேலும்: அஷோக் உரை

ஆத்திச்சூடி
கடிவது மற
நொய்ய உரையேல்
பழிப்பன பகரேல்
ஞயம்பட உரை
வஞ்சகம் பேசேல்
காப்பது விரதம்
கீழ்மை அகற்று
குணமது கைவிடேல்

சுளிக்கச் சொல்லேல்

பரிமேலழகர் உரை

இறை கடியன் என்று உரைக்கும் இன்னாச்சொல் வேந்தன் - குடிகளான் 'நம் இறைவன் கடியன்' என்று சொல்லப்படும் இன்னாத சொல்லையுடைய வேந்தன், உறை கடுகி ஒல்லைக்கெடும் - ஆயுளும் குறைந்து செல்வமும் கடிதின் இழக்கும். (நெஞ்சு நொந்து சொல்லுதலான், இன்னாமை பயப்பதாய சொல்லை 'இன்னாச் சொல்' என்றார். 'உறை' என்பது முதனிலைத் தொழிற் பெயர். அஃது ஈண்டு ஆகுபெயராய் உறைதலைச் செய்யும் நாள்மேல் நின்றது. அது குறைதலாவது, அச்சொல் இல்லாதார்க்கு உள்ளதிற் சுருங்குதல்.)

மணக்குடவர் உரை

தன்னிழலில் வாழ்வாரால் அரசன் கடியனென்று கூறப்பட்ட இன்னாத சொல்லையுடைய வேந்தனானவன் தானுறையும் இடம் வெகுளப்பட்டு விரைந்து கெடும்.

இது நாடும் தான்உறையும் இடமும் பொறுப்பினும் தெய்வத்தினாற் கெடுவனென்றது.

ஞா. தேவநேயப் பாவாணர்  உரை

இறை கடியன் என்று உரைக்கும் ; இன்னாச்சொல் வேந்தன்-நம் அரசன் கொடியவன் என்று குடிகளாற் சொல்லப்படும் துன்பந்தருந் சொல்லைத் தோற்றுவிக்கும் அரசன்; உறை கடுகி ஒல்லைக் கெடும்-வாழ்நாள் குறைந்து தன் செல்வத்தையும் விரைந்திழப்பான்.

இன்னாச்சொல் உளம் நொந்து உரைக்கும் சொல். 'உறை' முதனிலைத் தொழிலாகு பெயர். உறைதல்-தங்குதல் அல்லது குடியிருத்தல்.

மு.வ உரை

நம் அரசன் கடுமையானவன் என்று குடிகளால் கூறப்படும் கொடுஞ்சொல்லை உடைய அரசன், தன் ஆயுள் குறைந்து விரைவில் கெடுவான்

சாலமன் பாப்பையா உரை

நம்மை ஆளுவோர் மிகவும் கொடியவர் என்று குடிமக்களால் சொல்லப்படும் கொடுஞ் சொல்லைப் பெற்ற ஆட்சி அதன் ஆட்சிக் காலம் குறைந்து விரைவி்ல் அழியும்.

நன்றி: ரிஷ்வன்

கொடியவன் என

குடிகளால்

கருதப்படும் அரசனின்

ஆயுட்காலம் அவன்

வருத்தப்படும் அளவில்

விரைவில் அழியும்.

English Meaning - As I taught a kid - Rajesh

“My king/leader/family-head – he is a tyrant” : such a denouncement/decry/criticize/discredit is certain to hasten a king’s downfall. 

In a country or organization or family, its is better for the head to a good name/review. But, if a country's leader / organization's leader / family head gets a name that he is very difficult / tyrant to the extent that people are afraid of him then it means that the leader has yield painful words from his countrymen/organization/family because of his act, behavior or treatment.  Such a king might have earnt lots of money or made the country/family richer. Yet, he would loose all those wealth very quickly. 

For e.g. Adolf Hitler did many things in favor of Germany but his own citizens hated for all the cruelty that Hitler carried out. Hence, Hitler who earnt such a bad name also died very soon. 

Questions that I ask to the kid

What should a head not earn? Why? What if he earns what he shouldn't? Give me an example.

கல்லார்ப் பிணிக்கும் கடுங்கோல்

குறள் 570

கல்லார்ப் பிணிக்கும் கடுங்கோல் அதுவல்லது

இல்லை நிலக்குப் பொறை.

[பொருட்பால், அரசியல், வெருவந்தசெய்யாமை]

பொருள்

கற்றும் - கற்கை - படித்தல்.

கல்லார்ப் - நெறிநூல்கள் கல்லாதவர்

கல்லார் - கல்வியறிவற்றவர், கீழ்மக்கள்.

பிணி - நோய்; கட்டுகை; கட்டு; பற்று; பின்னல்; அரும்பு; துன்பம்; நெசவுத்தறியின்நூற்படை

பிணிக்கும் - நோய், துன்பம், the three kinds of temperament, வாதம் (flatulency), பித்தம் (bile), and சிலேட்டுமம் (phlegm)

பிணித்தல் - சேர்த்துக்கட்டுதல்; வயப்படுத்துதல்.

கடுங்கோல் - கொடுமையான ஆட்சி செய்யும் அரசு (அரசன்)

கோல் - செங்கோல் (அரசு)

அல் - அல்லது - தீவினை [அல்லது கெடுப்பவ னருள்கொண்ட முகம்போல(கலித். 148)], தவிர 

அதுவல்லது - அது அன்றி ,அது அல்லாமல் 

அதுவல்லது - அதைப்போல் தீவினை

இல்லை - வேறு இல்லை

நிலம் - தரை; மண்; பூமி; இடம்; வயல்; பதவி; நிலத்திலுள்ளார்; எழுத்துஅசைசீர்களாகியஇசைப்பாட்டின்தானம்; விடயம்; மேன்மாடம்; கள்ளிவகை

நிலக்குப் - இந்த நிலம் 

பொறை - பாரம், சுமை; கனம்; மலை; சிறுகுன்று; கல்; பூமி; பொறுமை; அடக்கம்; கருப்பம்; வலிமை.

பொறை - காணவேண்டிய தீவினை.

பொறைமை- பொறை, 6. நின்னெஞ்சங் கொண்ட பொறைமைகாணிய (பெருங். உஞ்சைக். 36, 84).

பொறைமை - காண்க:பொறுமை.

முழுப்பொருள்

நெறிநூல்கள் கல்லாதவர்களை மூடர்களை அமைச்சர்களாக கொண்ட அரசன் செய்யும் ஆட்சி எப்படி இருக்கும் ? கல்லாதவரிடம் ஆலோசனை கேட்டு ஆட்சி செய்தால் எப்படி இருக்கும்? கொடுமையான கடுங்கோல் ஆட்சியாக அமையும். 

இங்கு நெறிநூல்கள் மட்டும் என்று பொருள் கொள்ளாமல், நாம் மக்களின் துயரங்களையும் ஏக்கங்களை கல்லாதவர் என்றும் சேர்த்துக்கொள்ள வேண்டும். 

அதைவிட தீவினையை இந்த நாடும் நிலமும் காணத்தக்கது பொறுத்துக்கொள்வது வேறு ஏதும் இல்லை என்கிறார் திருவள்ளுவர்.

மேலும் அஷோக்

குறட் கருத்து  (நன்றி: திரு. தமிழ்க்கடல் நெல்லை கண்ணன்)

ஏழையரைக் கருதாமல் அவர்கள் கொண்ட

ஏக்கங்கள் உணராமல் ஆட்சி செய்வோர்

நாளையதை எண்ணாமல் தங்கள் ஆட்சி

நடக்க வேண்டும் என்று மட்டும் எண்ணம் கொண்டோர்

கோழைகளை கற்றறிய மாட்டார் தன்னை

கூட்டாக வைத்திருப்பார் அவர்தம் ஆட்சி

பீழை அது மண்ணுக்குச் சுமையே ஆகும்

பெருஞ்சுமையாய் நிலத்திற்கு துன்பம் தரும்

நன்றி அம்மன் தரிசனம்

மூடர்களை அமைச்சர்களாகவும், மூர்க்கர்களை அதிகாரிகளாகவும் கொண்டு இயங்கும் அரசுதான் கடுங்கோல் அரசு. கல்வி அறிவு சிறிதுமில்லாத அரசு அது. அதுதான் இந்த பூமிக்குப் பெரிய பாரம்.

அறிவற்ற ஒருவன் தனக்குத் தானே செய்து கொள்ளும் தீமையை ஓர் எதிரிகூட அவனுக்குச் செய்யமாட்டான் என்று வள்ளுவர் இன்னொரு குறளில் கூறியுள்ளார். அறிவற்ற அரசும் தனக்குத் தானே அழிவைத் தேடும். இந்தப் பூமிக்கு அதுதான் பேரழிவு. எத்தனை பெரிய அனுபவ வார்த்தை இது! வரலாறுகளைப் படித்துப் பார்த்தால், இக்குறளின் மகிமை புரியும்.

பரிமேலழகர் உரை

கடுங்கோல் கல்லார்ப் பிணிக்கும்-கடுங்கோலனாய அரசன் நீதி நூல் முதலிய கல்லாதாரைத் தனக்குப் பகுதியாகக் கூட்டாநிற்கும்; அது அல்லது நிலக்குப் பொறை இல்லை-அக்கூட்டம் அல்லது நிலத்திற்கு மிகையாய பாரம் பிறிது இல்லை. 

விளக்கம் 

('கடுங்கோல்' என்பது ஈண்டு மிக்க தண்டத்தின் மேற்று 'அன்றி, அதனைச் செய்வான் மேற்று ஆயிற்று. அவன் அது செய்தற்கு இயைவாரை அல்லது கூட்டாமையின், 'கல்லார்ப் பிணிக்கும்' என்றும், ஏனையவற்றை எல்லாம் பொறுக்கின்றது இயல்பு ஆகலின், நிலத்திற்குப் 'பொறை அது அல்லது இல்லை' என்றும் கூறினார். நிலக்கு என்பது செய்யுள் விகாரம். இதனான் வெருவந்த செய்தலின் குற்றம் கூறப்பட்டது.)

ஞா. தேவநேயப் பாவாணர் உரை

கடுங்கோல் கல்லார்ப் பிணிக்கும் -கொடுங்கோலரசன் அறநூலும் அரசியல் நூலுங் கல்லாதாரைத் தனக்கு ஆள்வினைத்துணைவராகச் சேர்த்துக்கொள்வான் ; அது அல்லது நிலக்குப் பொறை இல்லை -அக்கூட்டமல்லாது நிலத்திற்கு வேறு கனமான பொறை (பாரம்)இல்லை.

கொடுங்கோலன் செயல் அவனாட்சியின்மே லேற்றிக் கூறப்பட்டது. கற்றோர் கடுங்கோலனொடு கூடாமையிற் 'கல்லார் பிணிக்கும் ' என்றும் , ஏனையோரைப் பொறுக்கும் பொறை இயல்பாகவிருந்து பொறையாகத் தோன்றாமையின் ' அதுவல்லதில்லை நிலக்குப் பொறை' என்றுங் கூறினார்.'நிலக்கு' என்பதில் அத்துச்சாரியை தொக்கது.இதனால் நிலமும் அஞ்சும் வினை கூறப்பட்டது.

மணக்குடவர் உரை

கடுங்கோலனாகிய அரசன் அறிவில்லாதாரை அமாத்தியராகக் கூட்டிக் கொள்ளும்; அவ்வரசன் அல்லது நிலத்துக்குப் பாரம் வேறொன்றும் இல்லை. 

மு.வரதராசனார் உரை

கடுங்கோலாகிய ஆட்சிமுறை கல்லாதவரைத் தனக்கு அரணாகச் சேர்த்துக் கொள்ளும், அது தவிர நிலத்திற்கு சுமை வேறு இல்லை.

சாலமன் பாப்பையா உரை

மக்கள் அஞ்சும்படி தண்டனை தரும் ஆட்சி, நீதி நூல்களைக் கல்லாதவரின் துணையுடன் நிற்கும் நாட்டிற்கு அக்கூட்டத்தாரைவிடப் பெரிய சுமை வேறு இல்லை.

நன்றி ரிஷ்வன்

கொடுங்கோல் அரசன்

கல்லாதவரை அரணாக்கி

தொல்லைதரும் ஆட்சிசெய்வான்

அதைப்போல

அந்நாட்டிற்கு பெரும்சுமை

தருபவை வேறுஇல்லை.