உள்ளிய தெல்லாம் உடனெய்தும் உள்ளத்தால்

குறள் 309

உள்ளிய தெல்லாம் உடனெய்தும் உள்ளத்தால்

உள்ளான் வெகுளி எனின்

[அறத்துப்பால், துறவறவியல், வெகுளாமை]

பொருள்

உள்ளிய - உள்ளுதல் - நினைதல்; ஆராய்தல்; நன்குமதித்தல்; மீண்டும்நினைத்தல்; இடைவிடாதுநினைத்தல்.

எல்லாம் - முழுதும், யாவும்

உடன் - ஒக்க, ஒருசேர, அப்பொழுதே; மூன்றாம்வேற்றுமையின்சொல்லுருபு.

எய்தும் - எய்தல் - அடைதல், சேர்தல்; அம்பைச்செலுத்தல்; நிகழ்தல்; சம்பவித்தல்; பெறுதல்.

உள்ளத்தால் - உள்ளம் - னம்; உள்ளக்கருத்து; சொற்றொடரின்கருத்து; எண்ணம்; ஞானம்; அகச்சான்று; ஆன்மா; ஊக்கம்; முயற்சி; உல்லம்; உல்லமீன்வகை

உள்ளான் - உளவறிபவன்; ஒருபறவைவகை; உற்றவன்; போரடிக்குந்தலைமாடு.

உள்ளுதல் - நினைதல்; ஆராய்தல்; நன்குமதித்தல்; மீண்டும்நினைத்தல்; இடைவிடாதுநினைத்தல்.

உள்ளான் - எண்ணமாட்டார், கருதமாட்டார்

வெகுளி - சினம்; வெறுப்பு; கபடமற்றவர்.

எனின் - என்றால், என்றுசொல்லின்; என்கையால்.

முழுப்பொருள்

உள்ளத்தால்க்கூட சினம் கொள்ளாது இருக்க ஒருவனுக்கு முடியுமானால் அவன் மனதால் நினைத்த எல்லா செயல்களையும் உடனே செய்து முடிக்க முடியும் என்று திருவள்ளுவர் கூறுகிறார். இங்கே திருவள்ளுவர் உள்ளத்தால் கூட சினம் கொள்ளக்கூடாது என்பதை மறுபடியும் நினைவுப்  படுத்திக்கொள்ளவேண்டும். 

புறத்தே கோபம் கொள்ளாது இருக்கமுடியும் (அதுவும் நன்று தான்). ஆனால் அகத்திலும் கோபம் கொள்ளாது இருந்தால் அதுவே சிறந்தது. ஏனெனில் எண்ணங்களே சொற்களாகவும் செயல்களாகவும் மாறும். உள்ளத்தில் கோபம் கொண்டால் தீய எண்ணங்கள் உண்டாகும். சஞ்சலங்கள் உருவாகும். மனம் புத்தியும் சமநிலை இழக்கும். பின்பொரு சமயத்தில் வஞ்சனை செய்ய தூண்டும். முகம் புன்னகை இழக்கும் மனம் நிம்மதியையும் மகிழ்ச்சியையும் இழக்கும். அதனால் நாம் ஆக்கபூர்வமாக ஆற்ற வேண்டிய செயல்களில் கவனம் செலுத்தாது இருப்போம். நம் ஆன்மசக்தியை சினம் பங்குபோட்டுக்கொள்ளும். மனதாலும் சினம் கொள்ளாது இருந்தால் நாம் தேர்ந்தெடுத்தப் பாதையில் தொடர்ந்து பயணித்து இலக்கை அடைந்து வெற்றியை சுவைத்து மகிழ்ச்சியை அடைய முடியும். 

மேலும்: அஷோக் உரை

எழுத்தாளர் ஜெயமோகன் - இன் சொல்வளர்காடு-48 இப்படி சில வரிகள் வருகிறது

“சொல்லாக மாற்றத்தக்க கசப்புகளும் சினங்களும் சொல்லாக ஆக்கி வெளித்தள்ளத்தக்கவை. இது நஞ்சென அங்கு ஊறிவிட்டது. அங்கே முளைத்துப்பெருகுவது. அதை அகற்ற அவரால்கூட இயலாது. அது எவ்வண்ணம் எங்கிருக்கிறதென்பதையே அவர் அறிந்திருக்க மாட்டார்” என்றார் தருமன். “சில பிளவுகள் பளிங்கில் மயிர்கோடென தெரிபவை. ஆனால் அவை அமையும்போதே நாம் அறிந்துவிடுவோம், அவை பிளந்து விரிபவை

பரிமேலழகர் உரை

உள்ளத்தால் வெகுளி உள்ளான் எனின் - தவஞ்செய்யும் அவன், தன் மனத்தால் வெகுளியை ஒருகாலும் நினையானாயின், உள்ளிய எல்லாம் உடன் எய்தும் - தான் கருதிய பேறு எல்லாம் ஒருங்கே பெறும். ( 'உள்ளத்தால்' என வேண்டாது கூறிய அதனான், 'அருளுடை உள்ளம்' என்பது முடிந்தது. உள்ளாமையாவது அவ்வருளாகிய பகையை வளர்த்து, அதனான் முற்றக் கடிதல். இம்மை மறுமை வீடு என்பன வேறுவேறு திறத்தனவாயினும், அவை எல்லாம் இவ்வொன்றானே எய்தும் என்பார், 'உள்ளிய எல்லாம் உடன் எய்தும்' என்றார். இதனான் வெகுளாதார்க்கு வரும் நன்மை கூறப்பட்டது.).

மணக்குடவர் உரை

தன்னெஞ்சினால் வெகுளியை நினையானாகில் தானினைத்தனவெல்லாம் ஒருகாலத்தே கூடப்பெறுவன்.

மு.வரதராசனார் உரை

ஒருவன் தன் மனதால் சினத்தை எண்ணாதிருப்பானானால் நினைத்த நன்மைகளை எல்லாம் அவன் ஒருங்கே பெறுவான்.

சாலமன் பாப்பையா உரை

உள்ளத்துள் கோபம் கொள்ள ஒருபோதும் எண்ணாதவன், தான் நினைத்ததை எல்லாம் உடனே அடைவான்.

Thirukkural - Management - Managing Anger

If  you do not harbor the thought of anger in you, you can achieve whatever your mind thinks and wants to achieve is the assurance from Kural 309. So, keep your anger away to achieve all pleasant, positive, and wonderful things in your life.

All things desired are his at once

Whose min d is free of wrath.

Your anger interferes with your positive thoughts and peaceful life. Anger is similar to a pebble that is dropped in a bucket of water. The pebble creates ripples and the ripples remain longer. Ripples in water create vibrations. Negative vibes in you damage your serene thoughts.

தன்னைத்தான் காக்கின் சினங்காக்க காவாக்கால்

குறள் 305
தன்னைத்தான் காக்கின் சினங்காக்க காவாக்கால்
தன்னையே கொல்லுஞ் சினம்

[அறத்துப்பால், துறவறவியல், வெகுளாமை]

(For meaning in English, scroll to the bottom of this post)

பொருள்

தன்னைத் - தலைவன்; தமையன்; தமக்கை; தாய்.

தான் - படர்க்கைஒருமைப்பெயர்; தேற்றச்சொல்; அசைச்சொல்; முழுப்புடைவை; குழம்பில்போடப்படும்காய்கறித்துண்டம்; 'அதுவின்றிஇஃதுஒன்று'என்றுபொருள்படுவதோர்இடைச்சொல்.

காக்கின் - காத்தல் - பாதுகாத்தல்; அரசாளுதல்; எதிர்பார்த்தல்; விலக்குதல்.

சினம் - கோபம்; நெருப்பு; போர்; வெம்மை.

காக்க - காத்தல், பாதுகாத்தல், தடுத்தல்

காவாக்கால் - கட்டுப்படுத்தாவிட்டால்

தன்னையே -  தலைவன்; தமையன்; தமக்கை; தாய்.

கொல்லும் - கொல்லுதல் - வதைத்தல்; அழித்தல்; வெட்டுதல்; கதிரறுத்தல்; துன்பப்படுத்துதல்; கெடுத்தல்.

சினம் - கோபம்; நெருப்பு; போர்; வெம்மை.

முழுப்பொருள்
தன்னை காத்துக்கொள்ள வேண்டும் என்றால் ஒருவன் அவனுடைய சினத்தை கட்டுப்படுத்த வேண்டும். ஆனால் அப்படி ஒருவர் தன்னுடைய சினத்தை கட்டுப்படுத்தவில்லையென்றால் அச்சினம் அவரையே வதைக்கும் / துன்பப்படுத்தும். ஏன் எனில் சினம் என்பது நெருப்பு. அது நம்முள் வெம்மையினை உமிழ்ந்துக்கொண்டே இருக்கும். அது நமது மன நலத்தை சீர் குலைக்கும் மகிழ்ச்சி சென்றுவிடும். நமது உடலுக்கும் கேடு விளைவிக்கும். கோபம் நம்மை ஒரு பதற்ற நிலையில் வைக்கும். அந்த நெருப்பு தனிவதும் கடினம். மேலும் கோபம் நம் முடிவு எடுக்கும் ஆற்றலை குலைத்து விடும். நாம் விளைவுகளை எண்ணாது தவறான முடிவுகளை எடுப்போம்.

மருத்துவ ரீதியில் பார்த்தல், இதயம், மூளை, தசைகள்  உட்பட உடலின் பல பாகங்களை கோபம் தாக்கும்.  2011 ஆண்டு ஆய்வின் படி கோபம் டெஸ்டோடீரோன் (testoterone) சுரப்பு அதிகரிக்க, கார்டிசோல் (cortisol ) அமிலம் குறைய காரணமாய் அமையும். கோபத்தினால் இரத்த அழுத்தம் அதிகரிக்கும், இதய துடிப்பு அதிகரிக்கும், அரிப்பு உண்டாகும் (tingling sensation), தசை பதைப்பு (muscle  tension) அதிகமாகும். இவையெல்லாம் ஒருவரை அழிக்கும் நோய்கள்.

இல்லறத்திற்கான பொருள் :

கோபத்தை முடிந்த அளவு கட்டுப்படுத்தினால் பின்னாட்களில் பல நன்மைகள் விளையும். காலம் ஒன்று போல் எப்பொழுதும் இருக்காது. இன்று உங்களுக்கு அதிகாரம் இருக்கிறது (அல்லது பிறருக்கு இல்லை அல்லது பிறர் பலகீனமாக இருக்கிறார்) என்பதற்காக பிறரை தாக்காதே. அவரிடம் கோபப்படாதே. ஏனெனில் பிறர் பலசாலி ஆகும் பொழுது அவன் உன் மீது பாயக்கூடும். 

ராமன் கிஷ்கிந்தையில் சுக்ரீவனுக்கு ஆட்சியை கொடுத்துவிட்டு பல புத்திமதிகளை (/உயர் தர்மங்களை) கூறுகிறான். அப்பொழுது ராமன் தான் செய்த தவறை வருந்தி ஒரு செய்தியை கூறுகிறான் "மங்கையர் பொருட்டால் எய்தும் மாந்தர்க்கு மரணம்; என்றல் சங்கையின்றி உணர்தி வாலி செய்கையால் சாலும்; இன்னும் அங்கவர் திறத்தினானே அல்லலும் பழியும் ஆதல் எங்களில் காண்டி அன்றே! இதனின் வேறு உறுதி உண்டோ?". ஒரு மங்கையர்க்கு செய்த தீதால் எவ்வளவு பெரிய துன்பங்கள் எல்லோருக்கும் வந்தது என்பது உட்பொருள். மேலும் "சிறியர் என்றிகழ்ந்து நோவு செய்வன செய்யல் மற்றிங் நெறியிகந்து யானோர் தீமை இழைத்தலான் உணர்ச்சி நீண்டு குறியதாம் மேனி யாய கூனியால் குவவுத் தோளாய் வெறியன எய்தி நொய்தின் வெந்துயர்க் கடலின் வீழ்ந்தேன்". பிறரை சின்னவன் என்று நினைத்து துன்பம் செய்யாதே. ஏனெனில் சிறியர் என நினைத்து நான்(நான்) ஒரு மங்கைக்கு செய்த துன்பத்தால் வந்த துன்பங்கள் அதிகம். அவள் பதிலுக்கு கொடுத்த துன்பம் நான் செய்த துன்பத்தை விட பல மடங்கு. ஆதலால் இப்படி பண்ணாதே என்கிறார் ராமன். 

கோபத்தை கடந்துவிட்டீர்கள் என்றால் நிம்மதி. இல்லையென்றால் நமக்கு நிம்மதி இருக்கவே இருக்காது. பிறருக்கு இரக்கப்பட்டு நீ கோபம் கொள்ளாமல் இருக்க வேண்டும். முதலில் நீ உனக்கு இரக்கப்படு என்கிறார் திருவள்ளுவர். ஏனெனில் இக்கோபம் பிறரை தண்டிப்பதை விட உன்னை எதோ ஒரு நேரத்தில் தண்டித்துவிடும். 

ஔவையார் கூறுகிறார் "ஆறுவது சினம்". கோபம் வந்தால் ஆறப்பொடு. அதாவது கோபம் வந்த அதற்கு உடனே வினையாற்றாமல் ஒருவாரம் தள்ளிப்போடு. ஒரு வாரத்தில் மனம் சமநிலையை பெற்றுவிடும். நன்கு யோசித்து முடிவெடுப்பாய். 

துறவறத்திற்கான பொருள்:
துறவறத்தை ஒருவர் மேற்கொள்கிறார். அவர் வேண்டுவது வீடுபேறு. அவர் வேண்டுவது ஒரு சக்தி. அதை அவர் பலம் தவம் ஆற்றிப் பெறுகிறார். ஆனால் அப்படிப்பட்ட ஒரு துறவிக்கு கோபம் வந்தால் சாபம் கொடுக்கிறார். அது நிறைவேறுகிறது. விச்வாமித்ரர் பல தடவை தவம் செய்கிறார். பல தடவை கோபம் வந்து சாபம் கொடுகிறார். ஆதலால் அவர் தன் பலத்தை இழக்கிறார். ஆதலால் அவர் மறுபடியும் தவமும் செய்து அவர் ஆற்றலை நிறுவுகிறார். 

துறவறத்தில் சக்தி அடைய தன்னை வருத்தி விரதங்கள் பல இருந்து தவம் செய்ய வேண்டும். துறவியின் கோபத்தினால் இரண்டு தீமைகள் 1) சாபம் பலிக்கும் 2) ஆற்றல் குறையும். இதனால் துறவிக்கு பலனில்லை. மேலும் தீவினை செய்ததனால் அதற்கான வினைபயன் உன்னை வந்து சூழும். துறவு நிலையில் இருந்து மீண்டும் மனித நிலைக்கு வந்துவிடுவாய். ஆதலால் மனிதர்களுக்கு வரும் உலகியல் துன்பம் வரும். ஆதலால் கோபத்தை விட்டுவிடு என்கிறார் திருவள்ளுவர். 

கொல்வது என்றால் அழிவது மட்டும் பொருள் அல்ல. கடுமையாக துன்புறுத்தும், வதைக்கும் என்றும் பொருள் உண்டு. 

காத்தல் என்ற சொல்லுக்கு எதிர்பார்த்தால் என்ற பொருளும் உண்டு. பிறர் சினம் கொள்ள கூடாது என்று எதிர்பார்த்தால் தானும் சினம் கொள்ள கூடாது என்ற பொருளையும் நாம் கொள்ளலாம்.

மேலும்: அஷோக் உரை

எழுத்தாளர் ஜெயமோகனின் வெண்முரசு’வில் பன்னிரு படைக்களத்தில் (அத்தியாதம் 50) அசிசுபாலனின் நிலையைப் பற்றி இப்படி கூறுகிறார்

”அந்த ஒருகணம் மயங்கி பிறிதொரு கணம் எழும் எனில் இறப்பே என உணர்ந்த உச்சப் புள்ளியில் விழித்தெழுந்து கொடுங்கனவில் இருந்து என தன்னைக் கிழித்தெடுத்து தன்னிலையை திரட்டிக் கொண்டான். அதை சினமென வஞ்சமென ஆக்கி மேலும்மேலும் வெறி கொள்ளச்செய்து உருவடையச்செய்தான். சினம் போல் திரட்டிக்கொள்ள எளிதானது பிறிதொன்றுமில்லை. நெடுநேரம் அச்சினமாகவே தன் அனைத்திருப்பையும் மாற்றினான். சினம் ஓர் எண்ணமாக, பின்பு ஒரு பொருண்மையாக, பின்பு பற்றி எரியும் வலியாக, பின்பு எரிதலின் பேருவகையாக மாறி எரிந்து எரிந்து அணைந்து சாம்பலாகிப் பறந்து ஒழிந்து மீண்டும் அதே வெறுமை.”

எழுத்தாளர் ஜெயமோகனின் வெண்முரசு’வில் பன்னிரு படைக்களத்தில்  இப்படி ஒரு வருகிறது.

பன்னிரு படைக்களம் - 58

சிசுபாலனின் உள்ளம் எங்கு செயல்படுகிறது என இங்கிருந்து நாம் எண்ணி முடிவெடுக்க முடியாது என்றே நானும் உணர்கிறேன். இளைய யாதவனுக்கெதிரான சினமே அவனை இயக்குகிறது என்பது நாம் அறிந்தது. அதற்கான ஊற்றுமுகம் என்ன என்று அவனே அறிந்திருக்கமாட்டான்.

பன்னிரு படைக்களம் - 59 

“அவருள் எரிவது எது?” கர்ணன் “ஆழமான புண்கள் உடலில் இருந்து அனைத்து ஆற்றலையும் எடுத்துக்கொள்கின்றன என்பர் மருத்துவர்” என்றான். ஜயத்ரதன் நோக்க “வெளியே இருந்து உருவாகும் புண்களை உடல் நலப்படுத்திக்கொள்ளும், அதுவே உருவாக்கிக்கொள்ளும் புண்களே அதை கொல்பவை என்பார்கள்” என்று அவன் தொடர்ந்தான்.

எழுத்தாளர் ஜெயமோகனின் வெண்முரசு-இமைக்கணம்-3’இல் இப்படி ஒரு வரி வரும்

பழி ஒரு விதை, அதன் தருணம் வரை தவம் மேற்கொள்வது

சில கவிதைகள்

பெருமையும் கோபமும்

நேரம் தவறிக் கூவும் சேவல்கள் ! 

உங்கள் கல்லறை அழகுறுவது 

கல்லாலும் மரத்தாலும் அல்ல! 

சுயத்தைப் புதைப்பதாலேயே

- ஒரு சூஃபி கவிதை, மஸ்னவி

பொறுமை என்பது 

இன்பத்தின் திறவுகோல் ! 

அறிவின் கையும் காலும் 

அதுதான் !

இறைத்தூதர்களின் 

பலமும் ஒளியும் 

அதுதான் ! 

காற்றடித்தால் மலையாடுமா? 

அடிக்கும் காற்றுக்கெல்லாம் ஆடினால் 

அது வைக்கோல் !

- ஒரு சூஃபி கவிதை, மஸ்னவி

பரிமேலழகர் உரை
தன்னைத்தான் காக்கின் சினம் காக்க - தன்னைத்தான் துன்பம் எய்தாமல் காக்க நினைத்தானாயின் தன் மனத்துச்சினம் வராமல் காக்க, காவாக்கால் சினம் தன்னையே கொல்லும் - காவானாயின், அச்சினம் தன்னையே கெடுக்கும் கடுந்துன்பங்களை எய்துவிக்கும். ('வேண்டிய வேண்டியாங்கு எய்தல்' (குறள் 265) பயத்ததாய தவத்தைப் பிறர்மேல் சாபம் விடுவதற்காக இழந்து, அத் தவத்துன்பத்தோடு பழைய பிறவித்துன்பமும் ஒருங்கே எய்துதலின் 'தன்னையே கொல்லும்' என்றார். 'கொல்லச் சுரப்பதாங் கீழ்' (நாலடி 279) என்புழிப்போலக் கொலைச்சொல் ஈண்டுத் துன்பமிகுதி உணர்த்தி நின்றது.).

மணக்குடவர் உரை
ஒருவன் தன்னைத் தான் காக்கவேண்டுவனாயின், சினந்தோன்றாமற் காக்க; காவானாயின் சினம் தன்னையே கொல்லும், இஃது உயிர்க்கேடு வருமென்றது.

மு.வரதராசனார் உரை
ஒருவன் தன்னைத்தான் காத்துக் கொள்வதானால் சினம் வராமல் காத்துக் கொள்ள வேண்டும், காக்கா விட்டால் சினம் தன்னையே அழித்து விடும்.

சாலமன் பாப்பையா உரை
தனக்குத் துன்பம் வராமல் காக்க விரும்பினால் கோபம் கொள்ளாமல் காக்கவும், காக்க முடியாது போனால் உடையவரையே சினம் கொல்லும்.

Thirukkural - Management - Managing Anger

There is a need to protect ourselves from anger. If you want to protect yourself from pain, suffering, disaster, and disappointment, contain your anger, guides Kural 305. If you do not contain your anger, your anger will contain you  As a result, you will lose health, harmony, and happiness.

Keep wrath at buy if you would guard yourself;

Unchecked it kills.

There is no midway to certain actions in Me. Either you act or you do not act. But if you do not 

act, you will be acted upon.

Similarly, either you control your anger or you will be controlled by your anger.

English Meaning - As I taught a kid - Rajesh

If one has to protect/save himself, then one should control his/her anger. controlling anger saves time which can be used on productive stuffs, reduces distractions, saves time, makes us stronger mentally, keeps us in harmony. Also controlling anger is essential to attain moksha

If one doesn't control his/her anger then that anger will give pain and kill him/her. Hatred/anger is a like a prison, it kills the equilibrium of happiness and harms us. Anger keeps one in a panic or anxious state. One would take decisions without thinking about consequences. Also medically speaking, anger triggers hormones responsible for stress, muscle tension which leads to diseases such as blood pressure, diabetes, etc

Questions that I ask to the kid

If you have to save/protect yourself, what should you do? What happens if one doesn't do that?

நகையும் உவகையும் கொல்லும் சினத்தின்

குறள் 304

நகையும் உவகையும் கொல்லும் சினத்தின்

பகையும் உளவோ பிற

[அறத்துப்பால், துறவறவியல், வெகுளாமை]

(For meaning in English, scroll to the bottom of this post)

பொருள்

நகையும்  - நகை - சிரிப்பு; மகிழ்ச்சி; இன்பம்; மதிப்பு; இனிப்பு; இகழ்ச்சி; நட்பு; நயச்சொல்; விளையாட்டு; மலர்; பூவின்மலர்ச்சி; பல்; பல்ல¦று; முத்து; முத்துமாலை; அணிகலன்; ஒப்பு.

நகை - (வி)சிரி; பழி

உவகையும்  - மகிழ்ச்சி; களிப்பு; அன்பு; காமம்; இன்பச்சுவை

கொல்லும் - kol-   3 v. tr. [K. M. kol.]1. To kill, slay, murder; வதைத்தல் கொன்றன்னவின்னா செயினும் (குறள், 109). 2. To destroy,ruin; அழித்தல் கொன்றான்காண் புரமூன்றும் (திருவாச. 12, 16). 3. To fell, cut down; வெட்டுதல் மரங்கொஃ றச்சர் (சிலப். 5, 29). 4. To reap, asthe heads of grain; கதிரறுத்தல். நெற்கதிரைக்கொன்று களத்திற் குவித்து (தொல். பொ 76, உரை).5. To afflict, tease; துன்பப் படுத்துதல் நின்னலங் காட்டி யெம்மைக் கொன்றாயென (சீவக. 642).6. To neutralize metallic properties by oxidation; இரசமுதலியவற்றின் விஷத்தன்மையைக் கெடுத்தல்  

சினத்தின் - சினம் - கோபம்; நெருப்பு; போர்; வெம்மை.

பகையும் - பகை - எதிர்ப்பு; பகைவன்; மாறுபாடு; வெறுப்பு; தீங்கு; காண்க:பகைநரம்பு; வேற்றரசருடன்பகைகொள்ளுகை; கோளின்பகைவீடு; காமகுரோதம்முதலியஉட்பகை.

உளவோ - இருக்கிறதோ ?
உள் - உள்ளிடம்; உள்ளம்; மனம்; இடம்; மறை; மனவெழுச்சி; ஒருகுறிப்புவினைப்பகுதி; தொழிற்பெயர்விகுதி; ஏழாமவேற்றுமைஉருபு; உள்ளான்என்னும்பறவை.

பிற? - மற்றவை; ஓர்அசைச்சொல்

முழுப்பொருள்
பகைவர்களுக்கு பகைவர் இருக்கக்கூடும். ஆனால் பகைவர்களுக்குள் இருக்கும் பெரிய பகை எது தெரியமா? அது தான் கோபம்/சினம் என்கிறார் திருவள்ளுவர். கோபம் வந்தால் பகையை உருவாக்கினால் இரண்டு விஷயங்கள் உன்னை விட்டு நீங்கி விடும். அவை சிரிப்பும் சந்தோஷம் ஆகும். உதாரணமாக பிடிக்காத ஒருவர் நம் முன்னே வந்தால் அவரை பார்த்து நாம் புன்னகைக்க முடியாது. அதுவே கோபத்தின் வீர்யம். மேலும் பல நாட்களாக தொட்டதுக்கு எல்லாம் கோபப்பட்டுக்கொண்டு இருந்தால் நமது உடல் நலனும் கெடும். இரத்த அழுத்தம், இதய நோய்கள் வர கோபத்தினால் வரும் மன அழுத்தமே காரணம். பலர் தங்கள் வாழ்க்கையில் சிலர் மீது மனதில் கோபம் கொண்டு இருப்பார்கள். இது அவர்களை அறியாமலே அவர்களது மன அமைதியை சீர்குலைக்கும் அல்லது அவர்களது ஆற்றலை எடுத்துக்கொள்ளும். குறிப்பாக குடும்ப அலுவலுக உறவுகள் மீது வளர்த்துக்கொள்ளும் கோபமும் துவேசமும். அத்தகைய துவேஷம் நம்மை வளரவிடாது.

நீ செல்கிற ஆன்மீக பாதை சரியென்று தெரியவேண்டுமா ? அதற்கு நீ பார்க்கவேண்டியது உன் மனதில் எப்பொழுதும் சந்தோஷம் குடிக்கொண்டு உள்ளதா என்று பார்க்க வேண்டும். ஏனெனில் மனதில் கோபம் இருந்தால் அது (முகத்தில்) சிரிப்பையும் (அகத்தில்) மகிழ்ச்சியையும் கொன்றுவிடும். ஆதலால் சினத்தைப் போன்ற பகை ஒருவனுக்கு வேறு உண்டோ?

புறப் பகையைவிட அகப் பகை மிக தீங்கு விளைவிக்கக்கூடியது. 

குறள் 0004
வேண்டுதல் வேண்டாமை இலானடி சேர்ந்தார்க்கு

யாண்டும் இடும்பை இல”

வெறுப்பு வேண்டாம் என்று இருப்பவருக்கு துன்பங்கள் இல்லை என்றும் இக்குறளை அர்த்தப்படுத்திக்கொள்ளலாம்.

குறள் 0024

உரனென்னும் தோட்டியான் ஓரைந்தும் காப்பான்

வரனென்னும் வைப்பிற்கோர் வித்து

(தியானம் போன்ற பயிற்சியால்) மனதை வலிமை செய்து கோபத்தை கட்டுபடுத்தலாம். எப்படி கோபம் அல்லது கோபப் படக்கூடிய சந்தர்ப்பங்களை சத்தம் என்று எடுத்துக்கொண்டு அதனை உதாசீனப்படுத்தி கோபப்படாமல் இருத்தல்.

எப்படி சத்தம் என்று சொல்ல்வது?

குறள் 0034

மனத்துக்கண் மாசிலன் ஆதல் அனைத்தறன்

ஆகுல நீர பிற

மனதில் வெறுப்பு என்பது மாசு. ஆதலால் இக்கோபம் ஒரு சத்தம் என்று கொள்க.

மேலும்: அஷோக் உரை

எழுத்தாளர் ஜெயமோகனின் வெண்முரசு’வில் பன்னிரு படைக்களத்தில் (அத்தியாதம் 50) சிசுபாலனின் நிலையைப் பற்றி இப்படி கூறுகிறார்

”அந்த ஒருகணம் மயங்கி பிறிதொரு கணம் எழும் எனில் இறப்பே என உணர்ந்த உச்சப் புள்ளியில் விழித்தெழுந்து கொடுங்கனவில் இருந்து என தன்னைக் கிழித்தெடுத்து தன்னிலையை திரட்டிக் கொண்டான். அதை சினமென வஞ்சமென ஆக்கி மேலும்மேலும் வெறி கொள்ளச்செய்து உருவடையச்செய்தான். சினம் போல் திரட்டிக்கொள்ள எளிதானது பிறிதொன்றுமில்லை. நெடுநேரம் அச்சினமாகவே தன் அனைத்திருப்பையும் மாற்றினான். சினம் ஓர் எண்ணமாக, பின்பு ஒரு பொருண்மையாக, பின்பு பற்றி எரியும் வலியாக, பின்பு எரிதலின் பேருவகையாக மாறி எரிந்து எரிந்து அணைந்து சாம்பலாகிப் பறந்து ஒழிந்து மீண்டும் அதே வெறுமை.”

எழுத்தாளர் ஜெயமோகனின் வெண்முரசு’வில் பன்னிரு படைக்களத்தில்  இப்படி ஒரு வருகிறது.

பன்னிரு படைக்களம் - 58

சிசுபாலனின் உள்ளம் எங்கு செயல்படுகிறது என இங்கிருந்து நாம் எண்ணி முடிவெடுக்க முடியாது என்றே நானும் உணர்கிறேன். இளைய யாதவனுக்கெதிரான சினமே அவனை இயக்குகிறது என்பது நாம் அறிந்தது. அதற்கான ஊற்றுமுகம் என்ன என்று அவனே அறிந்திருக்கமாட்டான்.

பன்னிரு படைக்களம் - 59 

“அவருள் எரிவது எது?” கர்ணன் “ஆழமான புண்கள் உடலில் இருந்து அனைத்து ஆற்றலையும் எடுத்துக்கொள்கின்றன என்பர் மருத்துவர்” என்றான். ஜயத்ரதன் நோக்க “வெளியே இருந்து உருவாகும் புண்களை உடல் நலப்படுத்திக்கொள்ளும், அதுவே உருவாக்கிக்கொள்ளும் புண்களே அதை கொல்பவை என்பார்கள்” என்று அவன் தொடர்ந்தான்.

எழுத்தாளர் ஜெயமோகனின் வெண்முரசு-இமைக்கணம்-19 இல் ஒரு வரி இப்படி வருகிறது

பிறவியால் அடைந்த நஞ்சை மானுடர் எளிதில் விலக்க இயலாது. வாழ்வு அதை பெருக்கும். துறவும் தவமுமே அதை கடக்க உதவுபவை.” விதுரர் “அந்நஞ்சு கீழ்நிலையினருக்குரிய தளையா?” என்றார். இளைய யாதவர் “கீழ்நிலையினருக்கு தாழ்வுணர்ச்சியின் நஞ்சு. அதைவிடக் கொடிய நஞ்சு உயர்நிலையினருக்கு, மேட்டிமையின் நஞ்சு” என்றார்.

“கீழ்நிலையினர் வஞ்சம் பெருக்கிக்கொள்கிறார்கள். அது வஞ்சமென அவர்களுக்கு தெரியுமென்பதனால் அதை கடக்கலுமாகும். மேல்நிலையினர் அளியை பெருக்கிக்கொள்கிறார்கள். அந்த ஆணவம் அழுகி நாறும்போதும் நறுமணமென்றே அவர்களுக்கு தெரியும்” என்றார் இளைய யாதவர். “பிறவிநோயென உடனிருக்கும் இந்நஞ்சைக் கொல்லாமல் எவருக்கும் விடுதலை இல்லை, விதுரரே.” விதுரர் “ஆம்” என பெருமூச்சுவிட்டார்.

“ஓராயிரம் முறை ஒளிக்கப்பட்ட ஒன்று பெருவல்லமைகொண்ட படைக்கலமாகிறது” என்றார் இளைய யாதவர்.

சில கவிதைகள்
பெருமையும் கோபமும்
நேரம் தவறிக் கூவும் சேவல்கள் ! 
உங்கள் கல்லறை அழகுறுவது 
கல்லாலும் மரத்தாலும் அல்ல! 
சுயத்தைப் புதைப்பதாலேயே
- ஒரு சூஃபி கவிதை, மஸ்னவி

பொறுமை என்பது 

இன்பத்தின் திறவுகோல் ! 

அறிவின் கையும் காலும் 

அதுதான் !

இறைத்தூதர்களின் 

பலமும் ஒளியும் 

அதுதான் ! 

காற்றடித்தால் மலையாடுமா? 

அடிக்கும் காற்றுக்கெல்லாம் ஆடினால் 

அது வைக்கோல் !

- ஒரு சூஃபி கவிதை, மஸ்னவி

பரிமேலழகர் உரை
நகையும் உவகையும் கொல்லும் சினத்தின் - துறந்தார்க்கு அருளான் உளவாய முகத்தின்கண் நகையையும் மனத்தின் கண் உவகையையும் கொன்று கொண்டெழுகின்ற சினமே அல்லாது, பிற பகையும் உளவோ - அதனின் பிறவாய பகைகளும் உளவோ? இல்லை. (துறவால் புறப்பகை இலராயினும் உட்பகையாய் நின்று அருள் முதலிய நட்பினையும் பிரித்துப் பிறவித் துன்பமும் எய்துவித்தலான், அவர்க்குச் சினத்தின் மிக்க பகை இல்லை யாயிற்று. இவை மூன்று பாட்டானும் வெகுளியது தீங்கு கூறப்பட்டது.).

மணக்குடவர் உரை
நகுதலையும் மகிழ்தலையுங் கெடுக்கின்ற சினத்தைப் போல, பகையா யிருப்பனவும் வேறு சிலவுளவோ? இஃது இன்பக்கேடு வருமென்றது.

மு.வரதராசனார் உரை

முகமலர்ச்சியும் அகமலர்ச்சியும் கொல்லுகின்ற சினத்தை விட ஒருவனுக்கு பகையானவை வேறு உள்ளனவோ?.

சாலமன் பாப்பையா உரை

முகத்தில் சிரிப்பையும், மனத்துள் மகிழ்ச்சியையும் கொன்றுவிடும் கோபத்தை விட வேறு பகையும் உண்டோ?.

Thirukkural - Management - Managing Anger

Kural 304 presents the damage anger can cause to the holder of that. Buddha said, “Anger is like acid. It always destroys the container.” Valluvar questions through Kural 304, “Is there any other thing that is more dangerous than anger that kills both love and laughter?”  Anger kills laughter. Anger and laughter do not exist together. Laughter is lubrication for human soul. Gandhi said, “Without laughter I would have committed suicide long back.” In addition to killing laughter, anger kills love also. We are nothing without love. In spite of all these possible damages anger causes, we entertain anger. There is nothing 

more inimical or dangerous than anger to one's personal and professional relationships.

Is there a foe more fell than wrath 

Which hills laughter and love?

When we are angry, we cannot laugh. When we laugh, we cannot be angry. Similarly, when there is love, there cannot be anger. Anger and love do not go hand in glove since they are not complementary. Experiment that to check the possibility. Despite that knowledge, why do we consciously entertain anger that drives out both laughter-important for health and love-essential for healthy relationships?

The word wit means both intelligence and humor. Intelligence and humor are interrelated. One needs to be intelligent to understand humor. There are evidences that most of the intelligent people, great thinkers and scientists,  are humorous.  Anger kills humor and in turn kills intelligence. Keep anger at bay to be more intelligent.

English Meaning - As I taught a kid - Rajesh

Anger kills the smile in our face and the happiness in our heart. Anger is internal enemies. There is no other greater enemy than the internal enemy Anger (because it kills smile and happiness). Also, Anger leads to consistent state of tension in body thereby slowly developing stress related diseases in body such as blood pressure, heart diseases etc. So, one has to avoid Anger.

We do not gain anything by anger and by taking revenge.  Anger also depletes our energy and distracts us from productive things.  So, one has to avoid anger.

வேண்டுதல் வேண்டாமை இலானடி சேர்ந்தார்க்கு யாண்டும் இடும்பை இல - ”வேண்டமை” - the one who doesn't have anger - does have sufferings.

உரனென்னும் தோட்டியான் ஓரைந்தும் காப்பான் - use mental strength to avoid anger

மனத்துக்கன் மாசிலன் ஆகுல நீர பிற - anger and hatred are negative things in mind. one should not have that in heart. Hence, consider anger as a noise and ignore it ஆகுல நீர பிற.

Questions that I ask to the kid

"What kills our happiness ? 

What kills our smiles?

Is there a great enemy than anger? Why?"

செல்லிடத்துக் காப்பான் சினங்காப்பான்

குறள் 301

செல்லிடத்துக் காப்பான் சினங்காப்பான் அல்லிடத்துக்

காக்கின்என் காவாக்கால் என்

[அறத்துப்பால்,  துறவறவியல், வெகுளாமை]

(For meaning in English, scroll to the bottom of this post)

பொருள்

செல் -  To be effective; to have influence;பயனுறுதல். செல்வர்வாய்ச் சொற்செல்லும் (நாலடி,115).  

- போகை; வாங்கியகடனுக்குச்செலுத்தியதொகை; கடன்; கடன்செலுத்தியதற்குபத்திரமெழுதுங்குறிப்பு; கையொப்பம்; சென்றகாலவளவு; மேகம்; வானம்; குடி; வேல்; கறையான்.

செல் - செல்லுதல் - நிகழ்தல்; வீழ்தல்; ஆதல்; பரவுதல்; பயனுறுதல்; நிலைத்திருத்தல்; செலாவணியாதல்; வேண்டியதாதல்; பொருந்துதல்; விரும்பிஏற்றுக்கொள்ளப்படுதல்; அடைதற்குரியதாதல்; கழிதல்; தணிதல்; கெடுதல்; இறத்தல்; கிட்டுதல்; அடைதல்; போதல்.

செல் - செலாவணி - செலாமணி - celāmaṇi   n. U. calāoṇi.1. That which can be passed, as coin; thatwhich is a legal tender; செல்லக்கூடியது. 2.Influence; செல்வாக்கு இப்போது அவருக்கு அவ்வளவு செலாமணியில்லை. Loc. ; புழக்கம்; செல்லக்கூடியது; செல்வாக்கு.

இடத்துக் - இடம் - தானம்; Context; சந்தர்ப்பம், வாய்ப்பு வீடு காரணம் வானம் விரிவு இடப்பக்கம்; அளவு ஆடையின்அகலமுழம்; பொழுது ஏற்றசமயம்; செல்வம் வலிமை மூவகையிடம்; படுக்கை தூரம் ஏழனுருபு; இராசி

செல் இடத்துக் - தனக்கு மற்றொருவர் மீது அதிகாரம் (ஆளுமை) உள்ள ஒரு இடத்தில். அதாவது மெலியார்களிடம்

காத்தல் - kā-   11 v. [T. kāccu, K. M. kā.]tr. 1. To preserve, shelter; பாதுகாத்தல் தன்மண்காத்தன்று (மணி. 23, 17). 2. To guard, keepguard over, watch; காவல்செய்தல். சிறைகாக்குங்காப்பெவன் செய்யும் (குறள், 57). 3. To restrain,ward off, prevent, guard against; தடுத்தல் செல்லிடத்துக் காப்பான் சினங்காப்பான் (குறள், 301). 4.To observe, as a vow, a fast, a time of pollution;அனுஷ்டித்தல். அவள் நோன்பு காத்தாள். 5. Torescue, safe-guard; தீமை வரவொட்டாமல் தடுத்தல் கண்ணினைக் காக்கின்ற இமையிற்காத்தனர் (கம்பரா.வேள்வி. 41).--intr. To wait for; எதிர்பார்த்தல் அவனுக்காகக் காத்திருந்தான்.

காப்பான் - கட்டுப்படுத்துவான்

சினம் - கோபம்; நெருப்பு; போர்; வெம்மை.

காப்பான் - கட்டுப்படுத்துவான்

அல் - al   part. id. 1. Neg. verb-ending:(a) imp. sing.; எதிர்மறையேவல் ஒருமை விகுதி

 

இடத்து - இடம் - தானம்; Context; சந்தர்ப்பம், வாய்ப்பு வீடு காரணம் வானம் விரிவு இடப்பக்கம்; அளவு ஆடையின்அகலமுழம்; பொழுது ஏற்றசமயம்; செல்வம் வலிமை மூவகையிடம்; படுக்கை தூரம் ஏழனுருபு; இராசி

அல் இடத்து - மற்ற / பிற இடத்தில் ; அதாவது வலியார்களிடம் (தனக்கு ஆளுமை இல்லாதவர்களிடத்தில்)

காத்தல் - kā-   11 v. [T. kāccu, K. M. kā.]tr. 1. To preserve, shelter; பாதுகாத்தல் தன்மண்காத்தன்று (மணி. 23, 17). 2. To guard, keepguard over, watch; காவல்செய்தல். சிறைகாக்குங்காப்பெவன் செய்யும் (குறள், 57). 3. To restrain,ward off, prevent, guard against; தடுத்தல் செல்லிடத்துக் காப்பான் சினங்காப்பான் (குறள், 301). 4.To observe, as a vow, a fast, a time of pollution;அனுஷ்டித்தல். அவள் நோன்பு காத்தாள். 5. Torescue, safe-guard; தீமை வரவொட்டாமல் தடுத்தல் கண்ணினைக் காக்கின்ற இமையிற்காத்தனர் (கம்பரா.வேள்வி. 41).--intr. To wait for; எதிர்பார்த்தல் அவனுக்காகக் காத்திருந்தான்.

காக்கின் என்? - சினம் தனை கட்டுப்படுத்தினால் என்ன ?

காவாக்கால் என்?. - சினம் தனை கட்டுப்படுத்தாவிட்டால் என்ன ?

முழுப்பொருள்

ஒருவர் மீது நாம் சினம் கொள்ள நேரிடும் பொழுது விளைவுகள் இரு வகைப்படும். 1) எதிரே உள்ளவர் அதனால் மனம் வாடி எதுவும் பேசாமல் உள்ளே புகைந்துக்கொண்டு சகித்துக்கொண்டு சென்று விடுவார். அதாவது மெலியார்கள். 2) எதிரே உள்ளவர் இவருடைய சினத்தை ஒரு பொருட்டாக கூட மதிக்காமல், இவரையே மதிக்காமல் அலட்சியம் செய்து சென்றுவிடுவார். இவர்கள் வலியார்கள்.

ஆகவே மெலியாரிடத்தில் சினம் தன்னை கட்டுப்படுத்த வேண்டும். அப்படி கட்டுப்படுத்தினால் சிறப்பு. ஏனேனில் இங்கு பொதுவாக மெலியார் என்று இல்லாமல் இவர்களுடன் உள்ள நண்பர்கள், உறவுகள், பெற்றோர்கள், சகோதர சகோதரிகள் ஆகியோரிடம் சினம் காண்பிக்காமல் இருந்தால் உறவு மேம்படும். நம்மைச் சுற்றி மக்கள் இருப்பர். நன்மை விளைவிக்கும். 

தன்னை சட்டை செய்யாதவரிடம், வலியார்களிடம் கோவம் கொண்டால் என்ன, கொள்ளாவிட்டால் நமக்கு என்னப் பயன் ? ஒரு பயனும் கிடையாது.\

அதுமட்டும் இன்றி நமது நெருங்கிய உறவுகள் குறிப்பாக நமது குழந்தைகளிடம், பெற்றோர்களிடம், உறவுகளிடம் சினம் நெடுங்காலத்திற்கு குழந்தைகளின் மனதிலும் குணாதிசயத்திலும் தாக்கத்தை ஏற்ப்படுத்தும். பெற்றோர்களிடமும், உறவுகளிடமும், சுற்றத்தாருடனும் காண்பிக்கும் சினத்தை குழந்தைகள் பார்த்து வளருவர். அவர்கள் முன்னே கோபப்படவில்லை, தனியே இன்னொரு அறையில் அல்லது  அவர்கள் இல்லாத பொழுது கோபித்துகொள்கிறேன் என்பதும் தவறு. ஏனெனில் நாம் கோபப்பட்டத்தை பிள்ளைகள் வேறு ஒரு தருணத்தில் தானாகவோ அல்லது வேறு யாரோ சொல்லி செவி வழி அறிந்துக்கொள்வர். 

சரி, அது எப்படி நாம் காண்பிக்கும் சினம் குழந்தைகளிடம் தாக்கத்தை ஏற்படுத்தும். நம்மிடம் இருந்து கண்டோ அல்லது செவி வழியாக அறிந்தோ நமது சினத்தை அறிந்தால், பிற்காலத்தில் குழந்தைகளும் சினம் கொள்ள யோசிக்கமாட்டார்கள். நாம் சினம் கொண்டால் சினம் தவறு அல்ல நீயும் (நமது குழந்தையும்) பிற்காலத்தில் சினம் கொள்ளலாம் என்று உரிமம் கொடுப்பதுப்போல் ஆகும். அது குழந்தைகளின் மனநிலையை அவர்களிடன் உறவுகளை வெகுவாக பாதிக்கும். ஒருவித பயத்தை குழந்தைகள் மனதில் சின்ன வயதிலேயே உண்டுப்பண்ணும். அப்பயம் அவர்களின் வாழ்வில் வேறு ஒரு தளத்தில் ஆழ்மனத்தடையாக மாறிவிடும். சினம் ஆழ்மனத்தடையை உருவாக்குவதால் அதனை நமது உறவுகளிடம் காண்பிக்க கூடாது. தொட்டில் பழக்கம் சுடுகாடு வரைப் போகும். ஆதலால் குழந்தைகள் இருக்கும் வீட்டில் கவனம் மிக மிக தேவை. (பி.கு. Hellinger Family Constellations என்ற ஒரு குடும்ப ஆலோசனை மனோத்தத்துவ முறை உண்டு. அதில் எப்படி குடும்ப உறவுகள் ஒரு குழந்தையை பாதித்துள்ளது / பாதிக்கும் என்பதை உணரலாம். ஒரு குழந்தையின் மனதில் முடிச்சு (knot) / ஆக்கசக்தியில் தடை energy blockage எப்படி உருவாகி அக்குழந்தையின் வளர்ச்சியைத் நெடுங்காலத்திற்கு தடை செய்கிறது என்பதை உணரலாம்). 

முக்கிய செய்தி. நமது உறவுகளை, (நமது கோபம் செல்லுபடியாகும் உறவுகளை) அலட்சியம் செய்யாதீர் (The main point is. Don't take our relationships for granted. Don't show your anger upon them). 

பிள்ளைகள் நம்மிடமா எல்லா நேரமும் இருக்கிறார்கள்? அவர்கள் பள்ளிக்கூடங்களில் நண்பர்களுடன் தானே பெரும்பாலான நேரம் வளர்கிறார்கள். உண்மைதான். ஆனால் ஒரு வகுப்பில் எல்லா பிள்ளைகளும் கோபப்படுவத்தில்லை. கோபப்படும் பிள்ளையும் வெகு சில சந்தர்ப்பங்களில் கோபப்படும். அக்கோபத்தை நெடுங்காலத்திற்குக் கொள்ளாது. மேலும் அக்கோபத்தை ஆசிரியர்கள் அடக்கிவிடுவார்கள். மிக மோசமான பிள்ளைகளைக்கொண்ட பள்ளியில் அல்லது ஒழுக்கத்தைப் பேணாத பள்ளியில் ஒரு குழந்தை வளர்ந்தால் அதுவும் குழந்தையை பாதிக்கும். பிள்ளைகள் ஒரு தனி நபரிடம் அதிக நேரம் செலவிடுகிறது என்றால் அதுப் பெற்றோர்கள் தான். யோசித்துப்பாருங்கள், குழந்தைகள் பள்ளியில் இருந்து வெளியே வந்தப்பின்பு தனது நண்பர்களைப் பற்றி வெகுவாக நினைக்காது. ஆனால் பெற்றோர்பற்றியும், வீட்டில் நடந்ததைப் பற்றியும் பள்ளியிலும் நினைத்துப் பார்க்கும். ஆதலால் நாம் பிள்ளையுடன் நடந்துக்கொள்ளும் விதம் பிள்ளைகளை வெகுவாக பாதிக்கும். (மேலும், வீட்டில் நாம் வசைச் சொற்களைப் பேசாது இருந்தால் வெளியே பிள்ளைகள் பலர் பேச கேட்டாலும், அதனை பிள்ளைகள் பேச கூசுவர் ஏனெனில் பெற்றோர்கள் பயன்படுத்தாத அவ்வார்தைகளை தான் பேசுவது அவர்கள் மனதில் நெருடலாகவே இருக்கும்)

ஒரு பள்ளியில் வளர்ந்த எல்லா குழந்தைகளும் கோபப்படுவதில்லை. சிலப் பிள்ளைகள் கோபப்படவே படாது. சில பிள்ளைகள் கோப்படும். அது பெரும்பாலான சமயங்களில் பெற்றோரின் குணாதிசயமாகவே இருக்க வாய்ப்புகள் அதிகம். பெற்றோர்களே பிள்ளைகளுக்கு முன்னுதாரணம். ”குறள் 63 தம்பொருள் என்பதம் மக்கள் அவர்பொருள் தம்தம் வினையான் வரும்.” என்பதை நினைவில் கொள்க. 

மேலும், அலட்சியம் செய்வோரிடம் சினம் கொண்டால் பொதுவாக, வாக்குவாதம் வராது, அல்லது அவரை நாம் அன்றாடம் காணமாட்டோம். ஆதலால் கோபம் கொண்ட தருணத்தை நாம் மறந்துவிடவே வாய்ப்புகள் அதிகம். ஆனால் நெருங்கிய ஒருவரிடம் கோபம் கொண்டால் நம்மிடம் காழ்ப்பு / மனக்கசப்பு (resentment) வளரும். அவர்களை காணும் பொழுது எல்லாம் நமக்கு கோபம் வரும். இதயத்துடிப்பு எகிறுவதை உணரலாம். இது நமது உடல் நலத்திற்கு கேடுவிளைவிக்கும். அதுமட்டும் இன்றி, உறவிலும் மனம் விலக்கம் கொண்டு சிக்கலாகவே இருக்கும். அது ஒருவித எதிர்மறை சக்தியை அவ்வீட்டில் உள்ளோரிடம் எப்பொழுதும் பரப்பிவிடும். (வீடே சூனியமயமாக இருக்க வாய்ப்புகள் அதிகம்). 

கோபத்தை கற்றுக்கொள்ள ஆயிரம் சந்தர்ப்பங்கள் நம் அன்றாட வாழ்வில் உள்ளன. பெரியவன் ஆகியப் பின்பு அலுவகத்தில் இருப்போரிடம் இருந்து கோபத்தை கற்றுக்கொள்ளலாம். அப்படி எல்லாம் கோபத்தை பார்க்காமல் பொத்தி பொத்தி ஒருவர் வாழமுடியாது. அப்படியேனில், ஏன் அக்கோபங்களையெல்லாம் கற்றுக்கொள்ளக்கூடாது என்பதற்கு இக்குறளை மறுபடியும் படிக்கலாம். மேலும் இவ்வதிகாரத்தை நன்கு உணரும் வரை படிக்கலாம். கீழ்க்காணும் குறள்களையும் படிக்கலாம்

குறள் 304

நகையும் உவகையும் கொல்லும் சினத்தின்

பகையும் உளவோ பிற

குறள் 431

செருக்குஞ் சினமும் சிறுமையும் இல்லார்

பெருக்கம் பெருமித நீர்த்து

அதுமட்டும் இன்றி, நாம் நமது உறவுகளிடம் சினத்தை காண்பிக்கவில்லையென்றால்

குறள் 890

உடம்பாடு இலாதவர் வாழ்க்கை குடங்கருள் 

பாம்போடு உடனுறைந் தற்று.

என்பதுபோல் ஆகிவிடும்

பரிமேலழகர் உரை

சினம் செல் இடத்துக் காப்பான் காப்பான் - தன் சினம் பலிக்குமிடத்து அதனை எழாமல் தடுப்பானே அருளாள் தடுப்பானாவான்; அல் இடத்துக் காக்கின் என் காவாக்கால் என் - ஏனைப் பலியாத இடத்து அதனைத் தடுத்தால் என்? நடாது ஒழிந்தார் என்? 

விளக்கம்

('செல்லிடம்', 'அல்லிடம்' என்றது. தவத்தால் தன்னின் மெலியாரையும் வலியாரையும். 'வலியார்மேல் காவா வழியும், அதனான் அவர்க்கு வருவதோர் தீங்கு இன்மையின், காத்தவழியும் அறன் இல்லை என்பார், 'காக்கின் என் காவாக்கால் என்' என்றார். இதனான் வெகுளாமைக்கு இடம் கூறப்பட்டது.)

ஞா. தேவநேயப் பாவாணர் உரை

சினம் செல்லிடத்துக் காப்பான் காப்பான் - சினம் தாக்கக் கூடிய எளிய இடத்தில் அது எழாதவாறு அருளால் அல்லது அன்பால் தடுப்பவனே உண்மையில் அதைத் தடுப்பவனாவான்; அல் இடத்துக் காக்கின் என் காவாக்கால் என் - அல்லாத வலிய இடத்தில் அது தானே எழாது அடங்குதலால் அதைத் தடுத்தாலென், தடுக்காவிட்டாலென்? இரண்டும் ஒன்றுதானே!

'செல்லிடம்' தவத்தில் தாழ்ந்தவரும் வறியவரும் அதிகாரமில்லாதவருமாம். 'அல்லிடம்' தவத்தில் உயர்ந்தவரும் செல்வரும் அதிகாரத்திற் சிறந்தவருமாம். வலிய இடத்திற் சினங்கொள்வதால் தனக்கே கேடாதலாலும், அதையடக்குவது அறமன்மையானும், 'காக்கினென் காவாக்காலென்' என்றார்.

மணக்குடவர் உரை

தனக்கு இயலு மிடத்தே வெகுளாதவன் வெகுளாத வனாவான்; இயலாவிடத்தில் அதனைத் தவிர்ந்ததனாலும் பயனில்லை, தவிராததனாலும் பயனில்லை; இது வெகுளாமையாவது வலியவன் வெகுளாமை யென்றது.

மு.வரதராசனார் உரை

பலிக்கும் இடத்தில் சினம் வராமல் காப்பவனே சினம் காப்பவன், பலிக்காத இடத்தில் காத்தால் என்ன, காக்கா விட்டால் என்ன?.

சாலமன் பாப்பையா உரை

எங்கே தன் கோபம் பலிக்குமோ அங்கே கோபம் கொள்ளாதவனே உண்மையாகவே கோபம் கொள்ளாதவன்; பலிக்காத இடத்தில் கோபத்தைத் தடுத்து என்ன? தடுக்காமல் விட்டுத்தான் என்ன?.

வ.உ.சிதம்பரனார் உரை

பொருள்: செல் இடத்து காப்பான் சினம் காப்பான் - (வெகுளி) செல்லும் இடத்து (செல்ல விடாது) காப்பவன் வெகுளியைக் காப்பவன் (ஆவான்) ; அல் இடத்து காக்கில் என் காவா(த) கால் என்- (வெகுளி) செல்லாத விடத்து (வெகுளியைக்) காத்தால் யாது பயன்? காவாத பொழுது யாது பயன்? (ஒரு பயனும் இல்லை).

அகலம்: செல்லிடமாவது, வெகுளி செல்லக் கூடிய இடம். அஃதாவது, தம்மின் மெலியாரிடம். செல்லாத விடத்து வெகுளியைக் காத்ததாகச் சொல்லல் முடியாது, அவ் விடத்து வெகுளியைச் செலுத்தின் அது தடுக்கப்பட்டுப் போ மாகலான். செல்லாத இடம்‡ தம்மின் வலியாரிடம். தருமர் பாடம் ‘செல்லிடத்திற்’, ‘அல்லிடத்திற்’. மற்றை நால்வர் பாடம் ‘காக்கினென்’. மணக்குடவர் பாடம் ‘காக்கி லென்’. ‘காவாக்கா லென்’ என்று பின்னர்க் கூறியிருத்தலான், ‘காக்கிலென்’ என்னும் மணக்குடவர் பாடமே ஆசிரியர் பாடம் எனக் கொள்ளப்பட்டது.

கருத்து: மெலியாரிடத்து வெகுளியைக் காக்கக் கடவர்.

குறட் கருத்து  (நன்றி: திரு. தமிழ்க்கடல் நெல்லை கண்ணன்)

தந்தையே எனது உறவினர் ஒருவர். வயதால் மூத்தவர். நிறையக் கற்றிருக்கின்றார். இல்லை தந்தையே படித்திருக்கின்றார்.

எல்லோருக்கும் வழி சொல்வது. எல்லோருக்கும் உதவுவது என்று நல்லதெல்லாம் செய்கின்றார். ஒரே ஒரு தீய குணம்.

எல்லா நன்மைகளையும் யாருக்குச் செய்கின்றாரோ அவர்களிடம் கோபம் கொள்கின்ற போது அவர் நடந்து கொள்கின்ற முறைகள் தாங்க முடியவில்லை. வார்த்தைகளை அள்ளி வீசுகின்றார். பாவம் அவர்கள் அவர் உதவியிலே வாழ்பவர்கள்.

எதிர்த்து ஒரு வார்த்தை சொல்லாமல் மனதுக்குள்ளேயே மறுகுகின்றனர். அவரை எப்படிச் சரி செய்வது.

மனிதர்கள் பலர் மனைவியிடம் கூட இப்படித்தான் நடந்து கொள்கின்றனர். அவள் எதிர்க்க மாட்டாள் என்கின்ற ஒரே நம்பிக்கை. தந்தையின் பதில்.

அவரிடம் சொல்லு அவர்கள் உங்களையே நம்பி வாழ்கின்றவர்கள்.அவர்களிடம் கோபம் கொள்வது பண்பாடற்ற செயல்

என்று.கோபத்தை கட்டுப் படுத்தப் பழகிக் கொள்ளவே அவர் இந்த உறவுகளைப் பயன் படுத்திக் கொள்ள வேண்டும். அது அவருக்கு அவர் உயிரையும் உடைமைகளையும் காக்கின்ற மிகப் பெரிய உதவியினைச் செய்யும்.

ஆமாம் இப்படி நல்லவர்களிடம் தன்னை நம்பி வாழுகின்ற ஏழை எளியவர்களிடம் இந்தப் பயிற்சியினை எடுத்துக் கொண்டாரெனில் அவரால் கோபம் கொள்ள முடியாத உயரத்தில் இருப்பவர்களிடம் எத்தகைய சூழலிலும் கோபம் வராது. 

புரிகின்றதா?அதனால் அவருக்குப் பெரிய நன்மையல்லவா ஏற்படும்.இல்லையெனில் அவர் நிலை என்னவாகும்.

ஏழைகள் அவருக்குக் கீழே இருப்பவர்கள் பொறுத்துக் கொள்வார்கள். மிகப் பெரிய இடத்தில் இருப்பவர்கள் இவருடைய குணம் கொண்டவர்களாக இருப்பின் இவர் கதி அதோ கதிதானே.

இவர்கள் இப்படியே இருப்பின் நீயும் நானும் என்ன செய்ய முடியும். இதே பழக்கத்தில் இவர்கள் விபரமில்லாமல் கோபப் படக் கூடாத இடங்க்ளில் கோபப் பட்டு ஒரு அனுபவம் பெறுவார்கள் பார். அப்போது அவர்களாகவே தெரிந்து கொள்வர்.

கோபப் படாமல் இருக்க நம்மைக் காப்பாற்றிக் கொள்ள தந்தை சொன்ன வழியை எண்ணிஎண்ணி அவரை வணங்கி நின்றேன்.

குறட் கருத்து  2 (நன்றி: திரு. தமிழ்க்கடல் நெல்லை கண்ணன்)
உந்தனது  கீழிருக்கும்  ஏழையர்கள்
     உறவினர்கள்  நண்பரொடு  அன்பு கொண்டோர்
வந்தமைந்த மனைவி  அவள்  வழியாய் வந்த
     வாரிசுகள்  என்றிவர்கள்  இடத்திலெல்லாம்
நொந்தழிக்கும்  கோபமதைக்  கொள்ளல்  தீது
     நொய்ந்தவர் மேல்  கோபமது  தீதோ தீது
வந்த சினம்  தானாக மறைந்து விடும்
     வாழும் வழி சொல்லுகின்றார்  வள்ளுவரும்

இந்த  விதம் சொல்லி விட்டு வள்ளுவரும்
     இடக்காகச் சொல்லுகின்றார் அதனைப் பார்ப்போம்
மைந்தர்களே உம்மை விடப்  பெரியோர்  ஆளும்
     மாட்சிமையின் அதிகாரப் பொறுப்பில்  உள்ளோர்
எந்த விதத் தவறுகட்கும்  அஞ்சா நெஞ்சர்
     இவரிடத்தில் சினம் கொள்ளும்  தடுக்க மாட்டேன்
சந்தடியில்  அடி  வாங்கித்தான்  திருந்த
     சரியான  வழி  சொன்னார்  வள்ளுவரும்

தூர எறிய வேண்டிய துர்குணம் - Dr.S.வெங்கடாசலம்

‘கோபம்’ மனிதனிடமிருக்கும் எதிர்மறைக் குணங்களில் மிகவும் மோசமானது; அழிவுத் தன்மைமிக்கது. அரண்மனைக் கோபங்களால் சாம்ராஜ்ஜியப் போர்கள் நடைபெற்றதாகச் சரித்திரம் கூறுகிறது. கட்டுக்கடங்காத கோபங்களால் வன்முறைகளும், கொலைவெறிகளும் தாண்டவமாடுகின்றன. பெற்றோர் கோபங்களில் பிள்ளைகள் நலம் கெடுகிறது; உறவு சிதைகிறது. ஆசிரியர்களின் கோபங்களில் மாணவ நெஞ்சங்கள் கருகிப் போகின்றன. அர்த்தமற்ற அநாகரீகமான காட்டுமிராண்டித்தனமான கோபத்தின் உக்கிரமும் உஷ்ணமும் தாங்காமல் ஏற்பட்ட இழப்புகள் ஏராளம்! பிரிந்த உயிர்கள் ஏராளம்!

10 வயது மாணவன் சென்னையில் ஆசிரியர் கோபத்திற்கு ஆளாகி தற்கொலை செய்துகொண்டான். அவன் தற்கொலைக்கு முன் எழுதியுள்ள கடிதத்தில், “நான் மறுபிறவியில் இதே குடும்பத்தில் பிறக்க விரும்புகிறேன். ஆனால் இதே பள்ளியில் படிக்க விரும்பவில்லை” என்ற செய்தி சிந்திக்கத்தக்கது.

2007 ஜனவரி மாதம் ஒரு நாளில் திருநெல்வேலியில் ‘சுடலி’ என்ற 9 வயது சிறுமி வகுப்பில் கவனமாக இல்லை என்று ‘மிஸ்’ அவளை நோக்கி சினங்கொண்டு எறிந்த டம்ளர் ‘மிஸ்’ ஆகாமல் சிறுமியின் கண்களைப் பதம் பார்த்தது. பார்வை நிரந்தரமாகப் பறிபோனது. 2007 அக்டோபரில் அகமதாபாத்தில் 10 நிமிடம் தாமதமாக வந்தான் 11 வயது மாணவன் மிலான் தாணா. அவனுக்கு ஐந்து முறை பள்ளி மைதானத்தைச் சுற்றி வருமாறு அவமானகரமான தண்டனை வழங்கப்பட்டது. இரண்டாவது சுற்றிலேயே மயங்கி விழுந்து பரிதாபமாக இறந்து போனான்.

2009 மார்ச் 24ஆம் தேதி மணப்பாறையிலுள்ள ஒரு தனியார் பள்ளி அருகிலுள்ள குளத்தில் 5 வயது மாணவி ஸ்ரீரோகிணி உடல் மிதந்தது. காவல்துறை புலனாய்வு செய்தது. வகுப்பறையில் மூன்று நாட்களுக்கு முன்பு ஸ்ரீரோகிணி தலையில் பிரம்பால் ஓங்கி வன்மத்துடன் ஆசிரியை அடித்திருக்கிறார். அடித்ததும் சிறுமி அங்கேயே மயங்கி விழுந்திருக்கிறாள். ஆசிரியைக்கு அச்சம் ஏற்பட்டு மயங்கிக் கிடந்த சிறுமியை பீரோவில் திணித்து வைத்துப் பூட்டி வைத்திருக்கிறார். அதன் பின் ஊழியர்கள் உதவியுடன் இறந்துவிட்ட குழந்தையைக் கொண்டுபோய் குளத்தில் போட்டுவிட்டு ஒன்றும் நடக்காதது போல் இருந்திருக்கிறார்.

2009 ஏப்ரல் 17ல் டில்லி மாநகராட்சியில் பள்ளி ஒன்றில் 11 வயதுச் சிறுமி ஷானுகான் ஆங்கில வார்த்தை ஒன்றைச் சரியாக வாசிக்கவில்லை என்பதற்காக ஆசிரியையால் கடுமையாகத் தண்டிக்கப்பட்டிருக்கிறாள். அவளது முதுகில் செங்கற்களைச் சுமக்க வைத்து கடும் வெயிலில் நிற்க வைத்துள்ளனர். சில நிமிடங்களில் ஷானு மயங்கிச் சரிந்துவிட்டாள். அதன்பின் அவளை வீட்டிற்கு அனுப்பி வைத்துள்ளனர். அப்போது அவளது மூக்கிலிருந்து இரத்தம் கொட்டத் துவங்கியுள்ளது. மருத்துவமனையில் சேர்த்த மறுநாளில் ஷானுவின் உயிர் பிரிந்துவிட்டது.

சமீபத்தில் 13 வயது கிராமப்புற மாணவனை அவனது தந்தை சிகிச்சைக்கு அழைத்து வந்தார். “வகுப்பு நேரங்களில் அடிக்கடி இவனுக்கு வலிப்பு வந்துவிடுகிறது” என்றும் அதன்பிறகு ஓரிருநாள் உடல் வலியும், கடும் தலைவலியும் நீடிப்பதாகக் கூறினார். ஆங்கில மருத்துவ நரம்பியல் நிபுணரின் ஆலோசனைப்படி மூளையை ஸ்கேன் செய்து பார்த்து, தொடர்ச்சியாக அவரது பரிந்துரைப்படி மருந்து மாத்திரைகள் கொடுத்து வருவதாகவும் கூறினார். ஆயினும் எந்த முன்னேற்றமும் இல்லாமல்…. மீண்டும் மீண்டும் வகுப்பறையில் வலிப்பு வந்துவிடுகிறது என்று வருத்தத்துடன் கூறினார்.

அப்பாவை சிறிது நேரம் வரவேற்பறையில் அமரச் சொல்லிவிட்டு, பையனிடம் நட்போடும் கனிவோடும் வகுப்புச் சூழ்நிலைகள் குறித்து விசாரித்து அறிந்தோம். முதன் முறையாக வலிப்பு வந்த நாளை நினைவு படுத்துமாறு கேட்டோம். அன்று கிராமத்திலிருந்து நகர்நோக்கி வந்து கொண்டிருந்த பேருந்து இடைவழியில் ஒரு பிரச்சனை காரணமாக 15 நிமிடம் நிற்க நேர்ந்துவிட்டது. அதனால் அவன் சற்று தாமதமாக பள்ளியை அடைந்தான். வாசலில் உடற்கல்வி ஆசிரியர் கோபம் கொப்பளிக்க கையில் பிரம்போடு அவனைக் கடுமையாக உபசரித்திருக்கிறார். 

மனதிலும் உடம்பிலும் பட்ட காயங்களின் ரணத்தோடு வகுப்பறையில் இருந்த போது மற்றொரு தாக்குதலை அவன் எதிர்கொள்ள நேர்ந்தது. மாதாந்திர தேர்வுத்தாள் திருத்தப்பட்டு அவற்றை வழங்கிய ஓர் ஆசிரியர் மதிப்பெண் குறைவுக்காக அவனை விசேஷமாகக் கவனித்திருக்கிறார். அந்தப் பாடவேளையில் அடுத்த சில நிமிடங்களில் உடல் நடுங்கி, கண்கள் இருண்டுபோய், தன்னிலை இழந்து முதன் முறையாக வலிப்பு ஏற்பட்டுள்ளது. அதன்பிறகு அவன் பள்ளியில் கண்டிக்கப்படும் போதும் தண்டிக்கப்படும் போதும் வலிப்பு வருவது வாடிக்கையாகி விட்டது. அந்தச் சிறுவனுக்கு உரிய மனநல ஆலோசனையும் மலர் மருந்துகள் மற்றும் ஹோமியோபதி சிகிச்சையும் அளிக்கப்பட்டபின் சில மாத காலத்தில் வலிப்பிலிருந்து நலமடைந்தான்.

ஐ.நா. சபையின் குழந்தை உரிமை உடன்படிக்கையில் இந்திய அரசும் கையொப்பம் இட்டுள்ளது. குழந்தைகளைக் கடும் சொற்களாலும் உடல் ரீதியிலும் தண்டிக்க யாருக்கும் உரிமை கிடையாது. இத்தகைய குழந்தை உரிமை மீறல் அனுமதிக்க முடியாத வன்முறை. 1989 ஐ.நா, குழந்தை உரிமை உடன்படிக்கையின் முக்கிய அம்சம், “குழந்தைகளை முறைப்படுத்துவதில் உடல்ரீதியான தண்டனை உபயோகிக்கக்கூடாது…” என்பதுதான். ஆனால் பெரும்பாலான வகுப்பறைகளைக் கோபமும் எரிச்சலும் கோலோச்சுகிறது.

வாழ்க்கையை வாழும் கலையை, வாழ்வியல் பண்புகளைக் கற்றுத்தர வேண்டிய வகுப்பறைகள் சித்ரவதை முகாம்களாய் மாறிவிட்டன. அன்பையும் பண்பையும் அறிவையும் ஊட்ட வேண்டிய ஆசிரியர்களில் ஒரு பகுதியினர்களிடம் கடுமையான அணுகுமுறையைக் கடைப்பிடிக்கும் காவல் துறையினர் போல மாறிவிட்டனர்.

விவேகானந்தர் மனிதனை உருவாக்கும் கல்வியை வலியுறுத்தினார் (Man Making Education). மகாத்மா காந்தி அவர்கள் உடல், உள்ளம், ஆன்மா மலர்ச்சிக்கு உறுதுணையாகக் கல்வி அமைய வேண்டும் என்று விரும்பினார். மாற்றுக் கல்விக்கான குரல்கள் வலிமையடைந்துவரும் நேரம் இது. மனப்பாட முறை தேர்வுகளை மையப்படுத்திய, வாழ்க்கைக்கு உதவாத கல்வித்திட்டம் இந்தியாவைத் தவிர உலகில் வேறெங்குமில்லை. ‘மதிப்பெண்களை’ வைத்து மாணவனை மதிப்பிடுகிற அபத்தமான, ஆபத்தான கல்வித் திட்டத்தால் கோடிக்கணக்கான இளம் உள்ளங்களின் இயற்கையான பரிணாம மலர்ச்சியும், சுயதிறன்களின் வளர்ச்சியும் மறுக்கப்படுகிறது.

ஒரு பக்கம் பாடத்திட்டமும் மறுபக்கம் பெற்றோர் ஆசிரியரின் அணுகுமுறையும் நம் குழந்தைகளின் நிகழ்காலத்தை பேரச்சம்மிக்கதாய் மாற்றியுள்ளது. பள்ளிப் பிள்ளைகள் இயல்பான மனநிலையோடும் உற்சாகத்தோடும் கல்விகற்க இயலவில்லை. மாறாக எண்ணற்ற பயந்தாங்கொள்ளிகளும், தாழ்வு மனப்பான்மை உள்ளவர்களும் தற்கொலை எண்ணம் கொண்டவர்களுமாக மாறுகிறார்கள்; அல்லது வன்முறையாளர்களாய், அராஜகப் பேர்வழிகளாய் பரிணமிக்கின்றனர். இது இன்றைய நமது குடும்ப, சமூக, கல்விச் சூழலின் எதிர்மறை விளைவு.

கோபத்தைக் கட்டுப்படுத்த இயலாமல் கொட்டித் தீர்க்கும் இயல்புக்கு ‘CHERRY PLUM’, மாணவர்களை எப்போதும் கடுமையாக விமர்சித்துக்கொண்டும், குறை கூறிக் கொண்டும் வகுப்பறைறை வசையறையாக மாற்றும் இயல்புக்கு ‘HOLLY’ ‘WILLOW’, பொறுமையற்ற தன்மையும், பரபரப்பும், மாணவர்களை வேகப்படுத்தும் மனநிலைக்கு ‘IMPATIENCE’ , நல்லதோ கெட்டதோ தான் சொல்வதைக் கேட்டுத்தான் தீரவேண்டும் என்று வகுப்பறையை தனது அதிகாரக்கூடமாக மாற்றும் ஹிட்லர் மனநிலைக்கு ‘VINE’ போன்ற பாச் மலர் மருந்துகள் பயன்படும். இத்தகைய குணங்கள் ஆசிரியப் பணிபுரிவோரின் ஆளுமையில் படிந்த கறைகள்.

இன்றைய காலத்தில் மிகைச் செயல்பாடு (Hyperactive) கொண்ட சிறுவர்களின் எண்ணிக்கை பெருகி வருவது கவலைக்குரியது. இவர்களால் மனம் ஒன்றிக் கல்வியில் ஈடுபடமுடியாது. இப் பிரச்சனையை Attention Deficit Hyperactive Disorder (ADHD) என்று மருத்துவத் துறையில் குறிப்பிடுகிறார்கள்.

சில குழந்தைகளுக்கு Dyslexia என்ற கற்றல் குறைபாடு பிரச்சனை உள்ளது. இவர்களுக்கு கரும்பலகையில் வரையப்படும் நேர்கோடுகள் வளைந்து நெளிந்து தெரியும். எழுத்துக்களும், எண்களும் தலைகீழாகத் தெரியும். கண்ணாடியில் பார்ப்பது போல் எழுத்தின் அமைப்பு மாறுபட்டுத் தெரியும். சமீபத்தில் மும்பையில் ஒரு டிஸ்லெக்ஷியா குழந்தையை ஆசிரியர்கள் தொடர்ந்து துன்புறுத்தியதால் மரணமடைந்து விட்டதாக செய்தி வெளிவந்தது. ஆசிரியர்களும், பெற்றோர்களும் இத்தகைய குழந்தைகளை அடையாளம் கண்டு மனநல ஆலோசனை மற்றும் சிகிச்சை பெறுவது அவசியம். 

ஆங்கில மருத்துவத்தில் மன வளர்ச்சிக் குறைபாடுகளுக்கோ (Mental Retardation) ADHD, AUTISM, DYSLEXIA போன்ற நவீனகால குழந்தை உளவியல் சிக்கல்களுக்கோ சிறப்பான சிகிச்சைகள் உருவாகவில்லை. இதனால் அமெரிக்கா போன்ற நாடுகளில் இத்தகைய பிரச்சனைக் குழந்தைகளின் எண்ணிக்கை பெருகியுள்ளன. மாற்று மருத்துவங்களில் குறிப்பாக ஹோமியோபதி மற்றும் மலர் மருத்துவத்தில் இப்பிரச்சனைகளுக்கு சிறப்பான பலனளிக்கும் பக்க விளைவுகள் இல்லாத மருந்துகள் உள்ளன. இத்தகைய குழந்தைகளை பெற்றோரும், ஆசிரியரும், சமூகமும் ஆதரவோடும் அரவணைப்போடும் கையாள்வது அவசியம். இத்தகைய குழந்தைகளிடம்கூட ஆசிரியர் கோபத்துடன் வழக்கமான அணுகுமுறைகளுடன் நடந்து கொள்வது ஆபத்தில் முடியும்.

இன்றைய கல்வித் திட்டத்தில் உடனடியாக பெரும் மாற்றம் ஏற்படப் போவதில்லை என்றாலும் கற்பிக்கும் அணுகுமுறையில் வகுப்பறைச் சூழ்நிலையில் அன்பும் நட்பும் கலந்த நேரிய (Positive) அணுகுமுறையை ஆசிரியப் பெருமக்கள் கடைப்பிடித்தால் மாணவர்களின் மனநலமும் உடல் நலமும் சிதையாமல் ஆரோக்கியமாக அமையும்.

Thirukkural - Management - Managing Anger

“Anger,” according to Oxford Advanced Learner's Dictionary (1996, p. 39), “is a strong feeling of annoyance and hostility.”

“Anger can lead to heartbreak. A person's risk of having a heart attack increased nearly fivefold within two hours of having an angry outburst, Harvard University review of more than 6000 people. Anger ups heart rate and blood pressure and makes blood vessels stiffen, straining the cardiovascular system” (Source: Reader's Digest, August 2014, p 117).

The Practice on ‘Anger' contains six Kurals to educate us on the negative consequences  of the most destructive emotion: anger. 

A common and inexcusable excuse by most of us is that we are not able to manage our anger consciously. We say that we are not conscious of our anger, certain incidents trigger them, and that we find it difficult to control anger consciously. At times, our anger goes out of control. On the contrary, besides all these flimsy excuses, we are conscious of our anger and we can consciously control anger. We manage or control our anger depending upon the situations and based on the consequences of expressing our anger. Kural 301 supports that possibility.

The real curb is curbing elective wrath;

What matters other wrath, curbed  or uncurbed!

True and conscious control of anger is controlling  anger that can harm or damage the receiver. Can you control your anger when expressing that out can hurt or injure someone? Controlling  your anger where your anger is impotent or powerless is not true control. When your anger can have negative consequences for you and if you control that, that is not control of anger. Anyone can control one's anger in that sort of situation, as there is no alternative. He is forced to accept the reality.

If  we say we cannot control anger consciously, how is that we can control that in the presence of an employer, a police officer, a street thug, a robber at gun point, or anyone who is more powerful than us? We consciously become submissive and we surrender ourselves when someone encounters us with a gun. Whereas, we unleash our anger at a dependent employee because we are sure that he will not be able to fight back for fearing consequences.

English Meaning - As I taught a kid - Rajesh

When we show anger two things can happen 1) The opposite person will suffer, get sad, tolerate it and not oppose 2) The opposite person does not give a damn and ignores it.

Hence, a person should control himself and not show his anger because his/her anger is tolerate by the person in his/her circle such as mom, father, spouse, children, friends etc. Remember, it has both short term impact (harmony is lost) and long term impact (relationships are broken). And it doesn't mattter whether you control or you dont control against a person who doesn't give a damn. Hence, don't get anger because anger distracts you.

Questions that I ask to the kid

1) At whom should we control the anger?

2) At whom controlling anger doesn't matter? and why? So, should we still get angry with them?

வலியார்முன் தன்னை நினைக்கதான்

குறள் 250

வலியார்முன் தன்னை நினைக்கதான் தன்னின் 

மெலியார்மேல் செல்லு மிடத்து.

[அறத்துப்பால், துறவறவியல், அருளுடைமை]

பொருள்

வலியார் - வலியன் - வலிமையுடையான்; திறமையானவன்; உடல்நலமுடையவன்; கரிக்குருவி; இறுகியநிலையுடையது.

வலியார் - (நம்மை விட)வலிமை உடையவர் 

முன் - இடத்தால்முன்; காலத்தால்முன்; உயர்ச்சி; முதல்; பழைமை; ஏழனுருபு; மனக்குறிப்பு; காண்க:முன்றோன்றல்.

தன்னை - தலைவன்; தமையன்; தமக்கை; தாய்.

நினைத்தல் -கருதுதல்; ஞாபகத்திற்கொணர்தல்; ஆராய்தல்; தியானித்தல்; அறிதல்; நோக்கமாகக்கொள்ளுதல்; பாவித்தல்; மனனம்.

நினைக்கதான் - நினைக்காதவன் 

மெலியார் - meliyār   n. id. Weak,powerless persons; பலவீனர். மெலியார்மேன் மேகபகை (குறள், 861); வலியிலார்

மெலியார் -(நம்மை விட) எளியவர், நலிந்தவர் 

மேல் - மேலிடம்; அதிகப்படி; வானம்; மேற்கு; தலை; தலைமை; மேன்மை; உயர்ந்தோர்; உடம்பு; இடம்; மேலெழுந்தவாரியானது; முன்புள்ளது; பின்புள்ளது; அதிகமாக; முன்; பற்றி; அப்பால்; இனி; ஒருமுன்னொட்டு; ஏழனுருபு.

செல்லும் - செல்லுதல் - நிகழ்தல்; வீழ்தல்; ஆதல்; பரவுதல்; பயனுறுதல்; நிலைத்திருத்தல்; செலாவணியாதல்; வேண்டியதாதல்; பொருந்துதல்; விரும்பிஏற்றுக்கொள்ளப்படுதல்; அடைதற்குரியதாதல்; கழிதல்; தணிதல்; கெடுதல்; இறத்தல்; கிட்டுதல்; அடைதல்; போதல்.

மேல் செல்லும் - வெகுண்டுழுதல்,அதிகாரம் செலுத்துதல் (dominate)

முழுப்பொருள்

தன்னை விட மெலிந்தவர், பலவீனமானவர் முன் தன பலத்தை பிரயோகிக்க முயலும் அருள் இல்லாதவன், அவ்வாறு செய்யும் முன், அவனை விட வலிமை உடையவர் முன் அவன் அஞ்சி நிற்க வேண்டிய நிலையம் வரும் என்பதை எண்ணி பார்க்க வேண்டும் என உரைக்கிறார் வள்ளுவர்.

"வல்லவனுக்கு வல்லவன் வையகத்தில் உண்டு" என்னும் சொல்லாடல் கூட இக்குறளை ஒற்றியே அமைந்து உள்ளது . 

இலங்கை ஜெயராஜ்

அருள் பெறுவதற்கு என்ன வழி? வலிமை உள்ளவன் உன்னை துன்புறுத்தி இருப்பான். அப்பொழுது பொறுத்துக்கொண்டு நீ வருத்தப்பட்டிருப்பாய். பிறகு உன்னைவிட எளியவன் (மெலிந்தவன்) உன் முன்னே வந்தால் அவனை நீ துன்புறுத்த ஒரு வாய்ப்பு வந்தால் நீ முன்புபட்ட துன்பத்தை நினைத்துப்பார். அருள் தானாக வந்துவிடும். அல்லது பிறர் நமக்கு இத்துன்பத்தை செய்தால் நமக்கு எவ்வளவு துன்பம் வருத்தமும் வரும் என்று ஒரு நொடி யோசித்துப்பார்த்தாய் என்றால் பிறருக்கு துன்ப செய்யமாட்டாய். அப்பொழுது அருள் பிறக்கும். இது பிற உயிர்களிடத்திலும் நீ காண்பிக்கும் அருளுக்கும் பொருந்தும். 

அப்படி என்றால் அரசர்கள் பிறரை தண்டிக்க கூடாதா? அதற்கும் திருவள்ளுவர் "குறள் 562 கடிதோச்சி மெல்ல எறிக நெடிதாக்கம் நீங்காமை வேண்டு பவர்" என்று கூறுகிறார். அதாவது நெடுங்காலம் ஆட்சி செய்ய விரும்புபவர் தண்டிக்கும்போது கடுமையாகத் தண்டிப்பவர்போல தொடங்கி வரம்பு கடவாமல் செய்க.

இதற்கு ஒரு நல்ல உதாரணமாக, "திருவிளையாடல்" திரைப்படத்தில், ஹேவனாத  பாகவதராக வரும் பாலைய்யா - சிவா பெருமானாக வரும் சிவாஜி பகுதியை கூறலாம்.

தன பாட்டுக்கு பாண்டிய நாடே,மற்றும் ஆண்டவனே அடிமை  அடிமை என்றும், தன்னை மிஞ்ச எவரும் இல்லை என்றும் அகந்தையில் கூறும் ஹேவனாத பாகவதரை சிவா பெருமான் சாதாரண விறகு வெட்டி போல் தோன்றி அவரை மிஞ்சும் விதமாக பாடி அவர் அகந்தையை அடக்கி வலியவர்க்கு வலியவர் உலகில் உண்டு என உணர்த்துவார் .

பரிமேலழகர் உரை

வலியார் முன் தன்னை நினைக்க - தன்னின் வலியார் தன்னை நலிய வரும்பொழுது அவர்முன் தான் அஞ்சிநிற்கும் நிலையினை நினைக்க, தான் தன்னின்மெலியார்மேல் செல்லுமிடத்து - அருளில்லாதவன் தன்னின் எளியார்மேல் தான் நலியச் செல்லும் பொழுது. ('மெலியார்' எனச் சிறப்புடைய உயர்திணைமேல் கூறினாராயினும், ஏனைய அஃறிணையும் கொள்ளப்படும். அதனை நினைக்கவே, இவ்வுயிர்க்கும் அவ்வாறே அச்சம் ஆம் என்று அறிந்து, அதன்மேல் அருள் உடையன் ஆம் என்பது கருத்து. இதனால் அருள் பிறத்தற்கு உபாயம் கூறப்பட்டது.).

மணக்குடவர் உரை

தாம் தம்மின் மெலியார்மேல் வெகுண்டெழுமிடத்துத் தம்மின் வலியார் முன் தாம் நிற்கும் நிலையை நினைக்க.

மு.வரதராசனார் உரை

(அருள் இல்லாதவன் ) தன்னை விட மெலிந்தவர் மேல் துன்புறுத்த செல்லும் போது, தன்னை விட வலியவரின் முன் தான் அஞ்சி நிற்கும் நிலைமையை நினைக்க வேண்டும்.

சாலமன் பாப்பையா உரை

அருள் இல்லாதவள், தன்னைவிட எளிய மனிதரைத் துன்புறுத்தச் செல்லும்போது, தன்னைவிட பலசாலி தன்னைத் துன்புறுத்த வந்தால் அவருக்கு முன் தான் அஞ்சி நிற்பதாக எண்ணிப் பார்க்க.

வ.உ.சிதம்பரனார் உரை

பொருள்: தன்னின் மெலியார்மேல் தான் செல்லும் இடத்து - தன்னினும் மெலியவர்மேல் தான் (வெகுண்டு) செல்லுங் காலையில், வலியார்முன் தன்னை நினைக்க‡(தன் மேல் வெகுண்டுவரும்) வலியார் முன் தன் நிலையை நினைக்கக் கடவன்.

அகலம்: தன்னின் வலியார் தன்மேல் வெகுண்டு வருங்கால் அவர் முன் தான்நடுங்கி நிற்றலை நினைக்கவே, தான் தன்னின் மெலியார்மேல் வெகுண்டு செல்லான் என்றவாறு. தன்னை என்பது ஆகு பெயர், தன் நிலைக்கு ஆயினமையால். தன் நிலை - தான் நிற்கும் நிலை. மெலியார்-செல்வம் முதலியவற்றால் எளியவர்.

கருத்து: இஃது அருளை அடைதற்கு வழி கூறிற்று.

Thirukkural - Management - Managing Anger

We all know the damages caused by anger. The moot question is, ’Is there a technique to manage anger?’ Yes, definitely there is one. A technique to manage anger is before you shout at, threaten, and abuse a helpless person who is weaker than you are, just think for a moment of your precarious position or helplessness or your fear when you are in the presence of someone who is stronger and more powerful than you are, challenges, Kural 250. When you put yourself in that predicament, you will 

understand the predicament  of the person who will be the victim of your anger.

When you threaten a weaker than yourself

Think of  yourself before a bully.

Just think of a situation where you were helpless when someone more powerful than you insulted you. Remember that the helpless recipient of your anger will have similar emotion when you express your anger at him.