புக்கில் அமைந்தின்று கொல்லோ

குறள் 340

புக்கில் அமைந்தின்று கொல்லோ உடம்பினுள்

துச்சில் இருந்த உயிர்க்கு

[அறத்துப்பால், துறவறவியல், நிலையாமை]

பொருள்

புக்கில் - உடம்பு; வீடு; புகலிடம்; தங்குமிடம்.

அமைதல் - உண்டாதல்; தகுதியாதல்; பொருந்தல் அடங்குதல் நிறைதல் உடன்படுதல் முடிதல்

அமைந்தின்று -  தகுதியில்லாத

கொல் - இரும்பு; உலோகம்; கொலைத்தொழில்; வருத்தம்; கொல்லன்; கொல்லன்தொழில்; கதவில்தைக்கும்இரும்பு; குறுக்குத்தாழ்; ஐயப்பொருள்தரும்ஓர்இடைச்சொல்; ஓர்அசைநிலை.

கொல்லுதல் - வதைத்தல்; அழித்தல்; வெட்டுதல்; கதிரறுத்தல்; துன்பப்படுத்துதல்; கெடுத்தல்.

கொல்லோ - நோய்ப்பட்ட  , துன்புறுத்துகின்ற

உடம்பு - உடல், உயிர்நிலை மெய்யெழுத்து ஆண்அல்லதுபெண்ணின்குறி.

உடம்பினுள் - உடம்பிற்குள்ளே

துச்சில் - ஒதுக்கிடம்; தங்குமிடம்; மயில்முதலியவற்றின்கொண்டை.

இருந்த - iru-   4 v. intr. [K. iru, M. iri.]1. To exist; உளதாதல் ஊரிலே ஏரி இருக்கிறது.2. To remain; நிலைபெறுதல் வலம் வரும்படி யிருப்பது கயிலைமால் வரையே (கந்தபு. திருக்கைலாச. 12).3. To sit down; உட்காருதல் நிற்றலிருத்தல் கிடத்தலியங்குதலென்று (நாலடி. 334). 4. To sink, as afoundation; to disappear; உள்ளிறங்குதல். சுவர்இருந்துபோயிற்று. 5. To live; சீவித்தல் நெடுநாளிருந்தபேரும் (தாயு. பரிபூ. 10). 6. To be readyto act; to be in readiness for any duty or project; to be on the point of acting or going;ஆயத்தமாயிருத்தல். மீன்பிடிக்க இருக்கிறான். Colloq.7. To fancy, imagine, expect, hope; உத்தேசித்தல் நம்பிமாரென்றிருந்தோம் (தமிழ்நா. 216).--part.Sign of the perfect tense after a participial verb,as in வந்திருந்தான்.--aux. Auxiliary verb: ஓர்துணை வினை எழுந்திருந்தான். 

உயிர்க்கு - காற்று; உயிர்வளி; சீவன் ஆதன் ஓரறிவுயிர்முதலியஉயிரினம்; உயிரெழுத்து ஓசை ஒருநாழிகையில்4320-ல்ஒருகூறு; சன்மலக்கினம்

முழுப்பொருள்
உயிருக்கு நிலையான இடம் என இவ்வுடம்பு இல்லை. உயிர் இருக்கும் இவ்வுடம்பும் நிலையானது இல்லை. ஏனெனில் உடம்பிற்கு எப்பொழுது வேண்டுமானாலும் நோய் வரலாம். நோய் வந்து துன்புற்று இறந்தப்பின் உயிர் இவ்வுடலைவிட்டுப்போகும். ஆதலால் நமது உடலும் நிலையில்லாதது அதில் இருக்கும் உயிரும் நிலையில்லாதது. அதனால் வாழ்வில் எதுவே நிலையானது இல்லை.

உயிர் என்றானது தூய இடம் ஒன்றினை தேடி அலைகிறது. ஆதலால் நமது உடம்பை மனதை உயிருக்கு துகுதியாக தூய்மையாக வைத்திருத்தல் மிக அவசியம். மனதிலும் செய்கையிலும் அழுக்கு கொள்வது என்பது உடம்பில் நோய் இருப்பது போன்றதாகும். அப்படிப்பட்ட நோய்வாய்ப்பட்ட உடம்பென்பது எப்பொழுதும் இந்த உயிருக்கு துன்பத்தை தரும். ஆதலால் இந்த உயிர் வேறு உடம்பு தேடி பிறப்பைத் தேடிச் சென்றுவிடும். 

பி.கு: பிறரிடம் குறை தேடும் மக்களே சிந்தியுங்கள், உங்கள் உயிருக்கும் உங்களிடம் குறை தென்பட்டால் அதற்கு உங்களைப் பிடிக்காது. ஆதலால் உங்கள் உயிர் உங்களில் தேடும் தகுதியை வளர்த்துக்கொள்ளுங்கள்.

மேலும்: அஷோக் உரை

பரிமேலழகர் உரை

உடம்பினுள் துச்சில் இருந்த உயிர்க்கு - வாதம் முதலியவற்றின் இல்லாய உடம்புகளுள் ஒதுக்கிருந்தே போந்த உயிர்க்கு , புக்கில் அமைந்தின்று கொல் - எஞ்ஞான்றும் இருப்பதோர் இல் இதுகாறும் அமைந்ததில்லை போலும்! (அந்நோய்கள் இருக்க அமைந்த ஞான்று இருந்தும், வெகுண்ட ஞான்று போயும் ஓர் உடம்பினுள் நிலைபெறாது வருதலால், 'துச்சில் இருந்த' என்றார். பின் புறப்படாது புக்கேவிடும் இல் அமைந்ததாயின்,பிறர் இல்களுள் துச்சிலிராது என்பதாம், ஆகவே உயிரோடுகூடி நிற்பதோர் உடம்பும் இல்லை என்பது பெறப்பட்டது. இவைஏழு பாட்டானும் , முறையே யாக்கைகட்கு வரைந்த நாள்கழிகின்றவாறும், கழிந்தால் உளதாய நிலையாமையும், அவைஒரோவழிப் பிறந்த அளவிலே இறத்தலும், ஒரு கணமாயினும் நிற்கும்என்பது தெளியப்படாமையும், உயிர் நீங்கிய வழிக்கிடக்குமாறும், அவற்றிற்கு இறப்பும் பிறப்பும் மாறி மாறிவருமாறும் அவைதாம் உயிர்க்குரிய அன்மையும் என்று,இவ்வாற்றால் யாக்கை நிலையாமை கூறியவாறு கண்டுகொள்க.).

மணக்குடவர் உரை

தனதல்லாத உடம்பினுள்ளே ஒதுக்குக்குடியாக விருந்த உயிர்க்குப் போயிருப்பதற்கிடம் அமைந்ததில்லையோ? அமைந்ததாயின் இதனுள் இராது. புக்கில் என்பது முத்தி ஸ்தானம் இது மேற்கூறியவற்றால் உயிர் மாறிப் பிறந்து வரினும் ஓரிடத்தே தவறுமென்பது கூறிற்று.

மு.வரதராசனார் உரை

(நோய்களுக்கு இடமாகிய) உடம்பில் ஒரு மூலையில் குடியிருந்த உயிர்க்கு, நிலையாகப் புகுந்திருக்கும் வீடு இதுவரையில் அமையவில்லையோ.

சாலமன் பாப்பையா உரை

உடம்பிற்குள் ஒதுங்கி இருந்த உயிருக்கு நிலையான இருப்பிடம் இன்னும் அமையவில்லை போலும்!.

குறட் கருத்து  (நன்றி: திரு. தமிழ்க்கடல் நெல்லை கண்ணன்)

  குடி யிருக்கவீ டின்றி அலையும் மாந்தர்

  குறை யதனை நினைத்து நினைத் தேங்குகின்றார்

  அடி யிரண்டில் உல காண்ட வள்ளுவரோ

  அறிவார்ந்த செய்தி ஒன்றைச் சொல் லுகின்றார்

  துடிக் கின்ற உயிரதுவும் குடி யிருக்க

  தூய ஒரு இடம் இன்றி வீடு தேடி

  அடிக் கடியே இடம் மாற்றி அலை கிறதாம்

  அதனால் தான் பிறப் பிறப்பு நிகழ் கிறதாம்

கயலுண்கண் யானிரப்பத் துஞ்சிற்

குறள் 1212
கயலுண்கண் யானிரப்பத் துஞ்சிற் கலந்தார்க்கு
உயலுண்மை சாற்றுவேன் மன்
[காமத்துப்பால், கற்பியல், கனவுநிலையுரைத்தல்]

பொருள்

கயல் - கெண்டைமீன்

உண்கண் - மைதீட்டியகண்

யான் - தன்மையொருமைப்பெயர்

இரத்தல் - குறையிரத்தல்; பிச்சைகேட்டல்; வேண்டுதல்

இரப்பத் - விரும்பி

துஞ்சின் - துஞ்சுதல் - தூங்குதல்; துயிலுதல்; சோம்புதல்; தொழிலின்றிஇருத்தல்; சோர்தல்; இறத்தல்; வலியழிதல்; குறைதல்; தொங்குதல்; தங்குதல்; நிலைபெறுதல்

கலத்தல் - சேர்த்தல்; சேர்தல்; நெருங்கல்; புணர்தல்; பொருந்தல்; கூட்டுறவாதல்; தோன்றுதல்; பரத்தல்.

கலந்தார்க்கு - சேர்ந்தோர்க்கு ; புணர்ந்தோர்க்கு 

உயல் - தப்புகை; உளதாதல் உயிர்வாழ்தல்

உண்மை - உள்ளது; இயல்பு உள்ளதன்மை; மெய்ம்மை நேர்மை ஊழ்

சாற்று - cāṟṟu   -கிறேன், சாற்றினேன், வேன், சாற்ற, v. a. To say, speak, declare, tell, men tion, சொல்ல. 2. To publish, announce, to publish by beat of drum, பறைசாற்ற. (p.)
சாற்று, v. noun. Telling, saying, சொல் லுகை.

சாற்றுவேன்- விளம்பரப்படுத்துகை, ஓசை.

மன் - ஓர்அசைநிலை; எதிர்காலங்காட்டும்இடைநிலை; ஒழியிசைக்குறிப்பு; பிறிதொன்றாகைக்குறிப்பு; மிகுதிக்குறிப்பு; ஆக்கக்குறிப்பு; கழிவுக்குறிப்பு; நிலைபேற்றுக்குறிப்பு; ஒருபெயர்விகுதி; அரசன்; வீரன்; தலைவன்; கணவன்; உத்தரட்டாதிநாள்; பெருமை; இழிவு; மந்திரம்; மணங்கு.

முழுப்பொருள் 

தலைவி தலைவனை பிரிந்து இருக்கிறாள். அப்பொழுது அவளது உள்ளம் மட்டும் உறங்காமல் இல்லை அவளது மைதீட்டிய அழகிய கண்களும் மீன்கள்போல அங்குமிங்கும் அலைபாய்ந்து உறங்காமல் விழித்திருக்கிறது. அவள் தன் கண்களை  மன்றாடி உறங்க சொல்கிறாள் (வேண்டுகிறாள்). ஆனால் கண்களோ உறங்கமாட்டேன் என்கிறது. அவள் ஏன் உறங்கச் சொல்கிறாள் என்றால்? கண்கள் உறங்கினால் தான் தன்னுடன் கூடி புணர்ச்சியின்பம் தந்த காதலன் கனவில் வருவான். கனவில் வரும் பொழுது அவனிடம் சொல்வேன் நான் பிரிவாற்றாமையையும் தாங்கிக்கொண்டு தப்பிப் பிழைத்து இன்னும் உயிருடன்தான் இருக்கிறேன் என்று. என்னிடம் சீக்கிரம் வந்து சேர் என்று. கண்கள் உறங்கினால் கனவில் அவள்  தன்நிலையை காதலனிடம் உறைப்பால் . 

பி.கு: காதலில் இருக்கும் பொழுது அவள் உறுப்புகள் அவள் பேச்சை கேட்க மாட்டேன் என்கிறது. அவள் கட்டுப்பாடில் அவள் உடல் இல்லை. காதல் வந்த பின்பு பலர் கூடுவது (புணர்ச்சி கொள்வது) தங்களை (தங்கள் ஒழுக்க நெறிகளை) மீறி நடக்கும் இயற்கையான ஒன்று. 

மேலும்: அஷோக் உரை

பரிமேலழகர் உரை

(தூது விடக் கருதியாள் சொல்லியது, ) கயல் உண்கண் யான் இரப்பத் துஞ்சின் - துஞ்சாது வருந்துகின்ற என் கயல் போலும் உண்கண்கள் யான் இரந்தால் துஞ்சுமாயின்; கலந்தார்க்கு உயல் உண்மை சாற்றுவேன் - கனவிடைக் காதலரைக் காண்பேன், கண்டால் அவர்க்கு யான் ஆற்றியுளேனாய தன்மையை யானே விரியச் சொல்வேன். ('கயலுண்கண்' என்றாள்,கழிந்த நலத்திற்கு இரங்கி. உயல் - காம நோய்க்குத் தப்புதல். தூதர்க்குச் சொல்லாது யாம் அடக்குவனவும், சொல்லுவனவற்றுள்ளும் சுருக்குவனவற்றின் பரப்பும் தோன்றச் சொல்வேன் என்னும் கருத்தால், 'சாற்றுவேன்'என்றாள். இனி, அவையும் துஞ்சா: சாற்றலுங்கூடாது என்பது படநின்றமையின், 'மன்' ஒழியிசைக்கண் வந்தது. முன்னும் கண்டாள் கூற்றாகலின், கனவு நிலை உரைத்தலாயிற்று.).

மணக்குடவர் உரை

என்னுடைய கயல்போலும் உண்கண் யான் வேண்டிக் கொள்ள உறங்குமாயின் நம்மோடு கலந்தார்க்கு நாம் உய்தலுண்மையைச் சொல்லுவேனென்று உறங்குகின்றதில்லையே. மன்- ஒழியிசையின்கண் வந்தது. கயலுண்கண்- பிறழ்ச்சி யுடைய கண்.

மு.வரதராசனார் உரை அல்லது சாலமன் பாப்பையா உரை:

கண்கள் யான் வேண்டுவதுபோல் தூங்குமானால், ( அப்போது வரும் கனவில் காணும்) காதலர்க்கு யான் தப்பிப் பிழைத்திருக்கும்‌ தன்மையைச் சொல்வேன்.

குறட் கருத்து  (நன்றி: திரு. தமிழ்க்கடல் நெல்லை கண்ணன்)
  இரந்து தான் நிற்கின்றேன் தினம் தினமும்
           இரு விழிகள் கேட்கிறதா எந்தன் பேச்சை
  வரந்தருக என்றெல்லாம் வாயிழந்தேன்
          வகை வைக்க மறுத்ததெந்தன் வேண்டுதலை
  நிரந்தரமாய் இவை தூங்க மறுத்ததென்றால்
         நெஞ்சத்தார் கனவினிலே வருவதெங்கே
  இறந்து பட மாட்டாமல் நானும் இங்கே
        இருப்பதனைச் சொல்லுதற்கு வழி தான் ஏது

குறட் கருத்து  (நன்றி: திரு. தமிழ்க்கடல் நெல்லை கண்ணன்)
உறங்கென்று கண்களிடம் இரந்து நின்றேன்
உறங்கவில்லை மீன்கள் போல புரளுதிங்கு
வரங் கொண்டு வந்த எந்தம் காதலரின்
வரவின்றிச் செய்வதிந்தக் கண்கள் ரெண்டும்
தினம் கொஞ்ச நேரம் மட்டும் உறங்கி விட்டால்
தேடி அவர் கனவினிலே வந்திடுவார்
இனம் இங்கே உயிரோடு இருப்பதனை
எடுத்துரைப்பேன் உதவியில்லை கண்கள் தம்மால்

எனைத்து நினைப்பினும் காயார்

குறள் 1208

எனைத்து நினைப்பினும் காயார் அனைத்தன்றோ

காதலர் செய்யும் சிறப்பு

[காமத்துப்பால், கற்பியல், நினைந்தவர்புலம்பல்]

பொருள்

எனைத்தும் - எனைத்து - எத்தன்மைத்து; எத்தனை; எவ்வளவு

நினைப்பினும் - நினைப்பு - நினைவு - எண்ணம்; ஆலோசனை; ஞாபகம்; பாவனை; நோக்கம்; கவனம்; தியானம்; வருத்தம்; ஞாபகக்குறிப்பு; அரசர்கட்டளை.

காய் - kāy   II. v. i. be hot or heated, சுடு; 2. burn, எரி; 3. be feverish, சுரங்காய்; 4. grow dry, lose moisture, வறளு; 5. wither, உலரு; 6. shine, be bright பிர காசி; 7. speak angrily, rage or burn with passion, சின; 8. suffer, as an empty stomach; v. t. burn, consume; 2. kill, அழி; 3. dislike, hate, வெறு; 4. cut, sever. வெட்டு; 5. harass, worry, tease, வருத்து; 6. scold, rebuke, கடிந்து பேசு.
காய்வார் - those who scold people.

காயார் - கடிந்து பேசாதவர்

அனைத்து - அவ்வளவு; அத்தன்மையது; எல்லாம்

அன்று -அந்நாள்; மாறுபாடு ஓர்அசைச்சொல்.

அன்றோ - அதுவல்லவா 

காதலர் - கணவன், தோழன், மகன் என்ற மூன்று நட்பாளர்கள்.

செய்யும்  - செய்தல் - இயற்றுதல்; உண்டாக்கல்; சம்பாதித்தல்; ஒத்தல்.

சிறப்பு? - பெருமை; திருவிழா; செல்வம்; அன்பளிப்பு; மதிப்பு; தலைமை; பகட்டு; காண்க:சிறப்பணி; இன்பம்; ஒன்றற்கேயுரியது; வரிசை; போற்றுகை; மிகுதி; வீடுபேறு

முழுப்பொருள் 
பிரிந்து இருக்கும் எனது காதலரை (தலைவனை) நான் ஓயாது நினைத்துக்கொண்டிருக்கிறேன் என்கிறாள் தலைவி. நான் ஓயாமல் அவரை நினைத்துக்கொண்டிருப்பதை அவர் தடை செய்யாமல் என்னிடம் கோபம் கொள்ளாமல் இருக்கிறாரே அதுவே எனக்கு போதும். ஏனெனில் அவர் நினைப்பாகவே நான் இருப்பதை அவரும் விரும்புகிறார் (அதனால் தான் என்னிடம் கடிந்துக்கொள்ளவில்லை). அதுவே காதலர் எனக்கு ஆற்றும் அன்பளிப்பு/ சிறப்பு/ பெருமை/ இன்பம்.

பி.கு: என் வாழ்விலே சில சமயம் எனது மனைவியின் அதீத அன்பினில் திளைக்க முடியாமல் ஏன் என்னை தொந்தரவு செய்துகொண்டே இருக்கிறாய்? நான் வேறு வேலை பார்க்க வேண்டாமா என்று அவளிடம் கடித்துக்கொண்டு இருக்கிறேன். இப்போது தான் ஐயனின் திருக்குறள் படித்தபிறகு தான் தெரிகிறது அவளை கடிந்துக்கொள்ள கூடாது என்று. 

மேலும்: அஷோக் உரை

பரிமேலழகர் உரை

(இத்துன்பம் அறிந்து வந்து காதலர் நினக்கு இன்பம் செய்வர் என்றாட்குச் சொல்லியது.) எனைத்து நினைப்பினும் காயார் - தம்மை யான் எத்துணையும் மிக நினைந்தாலும் அதற்கு வெகுளார்; காதலர் செய்யும் சிறப்பு அனைத்து அன்றோ-காதலர் எனக்குச் செய்யும் இன்பமாவது அவ்வளவன்றோ? (வெகுளாமை:அதற்கு உடன்பட்டு நெஞ்சின் கண் நிற்றல். தனக்கு அவ்வின்பத்திற் சிறந்தது இன்மையின் அதனைச் 'சிறப்பு' என்றாள். 'காதலர் நம்மாட்டருள்' என்றும் 'செய்யுங் குணம்' என்றும் பாடம் ஓதுவாரும் உளர். தோழி கூறிய அதனைக் குறிப்பான் இகழ்ந்து கூறியவாறு.).

மணக்குடவர் உரை

யாம் காதலரை எவ்வளவு நினைப்பினும் வெகுளார்; அவ்வளவன்றோ அவர் செய்யும் அருள். அருள் செய்தலாவது குற்றம் கண்டாலும் வெகுளாமை.

மு.வரதராசனார் உரை

காதலரை எவ்வளவு மிகுதியாக நினைத்தாலும் அவர் என்மேல் சினங்கொள்ளார்; காதலர் செய்யும் சிறந்த உதவி அத்தன்மையானது அன்றோ!.

சாலமன் பாப்பையா உரை

அவரை நான் எப்படி எண்ணினாலும் கோபப்படமாட்டார்; அன்புள்ள அவர் எனக்குத் தரும் இன்பம் அத்தகையது அன்றோ!.

குறட் கருத்து  (நன்றி: திரு. தமிழ்க்கடல் நெல்லை கண்ணன்)

பிரிந்து சென்ற காதலனைப் பேதைப் பெண்ணாள்

பெருமையுடன் மனத்திற்குள் வைத்து வைத்து

நினைந்தவனை அதனாலே வாழுகின்றாள்

நெஞ்சமதின் சிறப்பான உதவியுடன்

பெருந்தன்மை கொண்டவனாம் காதலனும்

பிதற்றுகின்றாள் பெண்ணவளும பித்தாய் ஆகி

தினம் தினமும் அவனையே நினைத்த போதும்

திருமகனோ கோபமின்றி அனுமதித் தானாம்

தம்நெஞ்சத்து எம்மைக் கடிகொண்டார்

குறள் 1205

தம்நெஞ்சத்து எம்மைக் கடிகொண்டார் நாணார்கொல்

எம்நெஞ்சத்து ஓவா வரல்

[காமத்துப்பால், கற்பியல், நினைந்தவர்புலம்பல்]

பொருள்

தம் - ஒருசாரியைஇடைச்சொல்; மூச்சடக்குகை; மூச்சு; tam   part. தாம் Flexional increment generally used along with the nouns ofthird pers. pl.; பெரும்பான்மை படர்க்கைப்பன்மையுடன் சேர்ந்துவரும் சாரியை தம்மிடை வரூஉம்படர்க்கை மேன (தொல். எழுத். 191). 

நெஞ்சத்து - நெஞ்சு - மனம்; இதயம்; மார்பு; நடு; திண்ணக்கம்; தொண்டை; துணிவு.

எம்மைக் -எப்பிறப்பு; எம்தலைவன்; எவ்வுலகு.

கடி - காவல்; விரைவு; கூர்மை; மணம்:காலநுட்பம்; கலியாணம்; விளக்கம்; அச்சம்; பேய்; ஐயம்; நீக்கம்; வியப்பு; புதுமை; மிகுதி; இன்பம்; கரிப்பு; கடுமை; இடுப்பு; குறுந்தடி.

கொண்டார் - (ஆட்கொண்டார்)

நாணம் - வெட்கம்; அறிவு; பயபக்தி; மானம்; தணிகை; கூச்சம்; மகடூஉக்குணம்நான்கனுள்ஒன்று.

நாணார் - நாணம் கொள்ளாதவர்

கொல் - இரும்பு; உலோகம்; கொலைத்தொழில்; வருத்தம்; கொல்லன்; கொல்லன்தொழில்; கதவில்தைக்கும்இரும்பு; குறுக்குத்தாழ்; ஐயப்பொருள்தரும்ஓர்இடைச்சொல்; ஓர்அசைநிலை.

எம் - 'யாம்'என்பதுபொருள்வேற்றுமைப்படவரும்பொழுதுதிரியும்நிலை; எம்முடைய; உளப்பாட்டுத்தன்மைப்பன்மைவிகுதி.

நெஞ்சத்து - நெஞ்சு - மனம்; இதயம்; மார்பு; நடு; திண்ணக்கம்; தொண்டை; துணிவு.

ஓவுதல் - ஒழிதல், நீங்குதல்; நீக்குதல்; முடிதல்.

ஓவா - ஓயாது / நீங்காது 

வரல் - வருவதற்கு ?

முழுப்பொருள்

என் காதலர் அவர் நெஞ்சத்தில் என்னை (தலைவியை) உள்ளே நுழையவிடாமல் தன்நெஞ்சத்தை காவல் காத்துக்கொள்கிறார். ஆனால் அவரோ வெட்கமே இல்லாமல் கடல் அலைகள் ஓயாது கடற்கரையை வந்து வந்து சேர்வது போல என் நெஞ்சில் வந்து ஓயாது (நீங்காது) குடி கொள்கிறார் (என்று தலைவி தலைவனை நினைத்து புலம்புகிறாள்). 

அதாவது தலைவனுக்கு தலைவியை பற்றிய நினைப்பே இல்லையாம். ஆனால் தலைவிக்கு தலைவனை பற்றி எப்பொழுதும் நினைப்பாம். தலைவனும் தன்னை பற்றி எப்பொழுதும் நினைத்திருக்க வேண்டுமென்று நினைக்கிறாள் போல ?

மேலும்: அஷோக் உரை

ஒப்புமை
”நெஞ்சத் தல்லது வரவறி யானே” (குறுந் 302:8)

பரிமேலழகர் உரை

(இதுவும் அது.) தம் நெஞ்சத்து எம்மைக் கடிகொண்டார் - தம்முடைய நெஞ்சின்கண்ணே யாம் செல்லாமல் எம்மைக் காவல் கொண்ட காதலர்; எம் நெஞ்சத்து ஓவா வரல் நாணார்கொல் - தாம் எம்முடைய நெஞ்சின்கண் ஒழியாது வருதலை நாணார்கொல்லோ? (ஒருவரைத் தம்கண் வருதற்கு ஒருகாலும் உடம்படாது, தாம் அவர்கண் பலகாலுஞ்சேறல் நாணுடையார் செயலன்மையின், 'நாணார்கொல்' என்றாள்.).

மணக்குடவர் உரை

தமது நெஞ்சின்கண் எம்மை யாம் சொல்லாமல் காவல்கொண்டார் எமது நெஞ்சின்கண் ஒழியாதே வருதலைக் காணாரோ. இது நினையாரோ நினைப்பாரோ என்று ஐயப்பட்ட தலைமகள் நினையாரென்று தெளிந்து கூறியது.

மு.வரதராசனார் உரை

தம்முடைய நெஞ்சில் எம்மை வரவிடாது காவல் கொண்ட காதலர், எம்முடைய நெஞ்சில் தாம் ஓயாமல் வரவதைப் பற்றி நாணமாட்டாரோ?.

சாலமன் பாப்பையா உரை

தம் நெஞ்சத்தில் என்னை விலக்கிவிட்ட அவர், என் நெஞ்சத்தில் மட்டும் ஓயாமல் வருவதற்கு வெட்கப் படமாட்டாரோ?.

குறட் கருத்து  (நன்றி: திரு. தமிழ்க்கடல் நெல்லை கண்ணன்)

கண் நிறைந்த ஆணழகன் தன்னை அந்தக்

கனி மொழியாள் கண்டு விட்டாள் வேறு என்ன

தன்னுணர்வு எல்லாமே அவனே யாகி

தனியாகித் தனக்குத் தான் பேசுகின்றாள்

கன்னியவள் இடை சிறியதென்று காட்டக்

கனத்திருக்கும் மார்பகங்கள் துன்பம் கொள்ள

அன்னவனை நினைத்தங்கு ஏங்கி நின்றாள்

அவன் மீது குற்றம் ஒன்றை ஏற்றுகின்றாள்

பொன்னானை மனம் கொண்டு மகிழும் பெண்ணாள்

பொறுப்பாகக் கேட்கின்றாள் இனிய கேள்வி

கண்ணானான் மனத்திற்குள் பெண்ணாள் போக

கடுந்தடையை விதித்துள்ள அந்தக் கள்ளன்

பெண்ணாளின் நெஞ்சுக்குள் மீண்டும் மீண்டும்

பேரலையாய்ப் புகுவானாம் நாணம் இன்றிக்

கண்வாளாய்க் கொண்ட மகள் கேட்டு நின்றாள்

காமத்துப் பால் தரும் அழகுக் காட்சியிது

நீங்கின் தெறூஉம் குறுகுங்கால்

குறள் 1104
நீங்கின் தெறூஉம் குறுகுங்கால் தண்ணென்னும்
தீயாண்டுப் பெற்றாள் இவள்
[காமத்துப்பால், களவியல், புணர்ச்சிமகிழ்தல்]

பொருள்

நீங்கின் - நீங்குதல்  - பிரிதல்; ஒழித்தல்; கடத்தல்; மாறுதல்; விடுதலையாதல்; தள்ளுண்ணுதல்; நடத்தல்; ஒழிதல்; நீந்துதல்; பிளவுபடுதல்; விரிந்துஅகலுதல்; சிதறுதல்

தெறு - சுடுகை; கோபம்; அச்சம்; துன்பம்.
உம் - ஓரிடைச்சொல், அசைநிலை விகுதி

தெறூஉம் - தெறு -

குறு - kuṟu   VI. v. i. become short, diminish, குறுகு
குங்குதல் - குன்றுதல், குறைதல்.

குறுகுங்கால் - குறுகுங்குதல் - நெருங்கி வரும் பொழுது

தண் - taṇ   n. 1. [K. M. taṇ.] Coolness,coldness; குளிர்ச்சி (பிங்.) 2. Water; நீர் Brāh.3. Grace; love; அருள் தண்கலந்த சிந்தையோடு(சேதுபு. சீதைகுண்ட. 5)
குளிர்ச்சி - kuḷircci   குளிர்த்தி, குளிர்மை, குளுத்தி, குளுமை, v. n. coolness, chillness, சீதளம்; 2. that which is refreshing, pleasant and cooling; திருத்திகரம்; 3. kindness, benevolence, அன்பு; 4. frigidity as in death.. 

தண்ணென்னும் - குளிர்ச்சியாக 

தீ - ஒர்உயிர்மெய்யெழுத்து(த்+ஈ); பஞ்சபூதத்துள்ஒன்றாகியநெருப்பு; வேள்வித்தீ; கோபம்; அறிவு; தீமை; நஞ்சு; நரகம்; விளக்கு; உணவைச்செரிக்கச்செய்யும்வயிற்றுத்தீ; வழிவகை.

யாண்டுப் - எங்கு; எப்பொழுது; ஆண்டு

பெற்றாள் - பெற்றாள்

இவள்? -இந்த பெண் (என் காதலி, தலைவி)

முழுப்பொருள்

பொருள் 1
தலைவன் நான் தலைவி இவள் அருகில் வரும்தோறும் மிக அருகில் இருக்கும் பொழுது என்னுடன் முயங்கும் (புணர்ச்சி கொள்ளுதல்) பொழுதும் குளிர்ந்தநீர்ப்போல குளிர்ச்சியாக அதாவது அன்பாக என்னிடம் நடந்துக்கொண்டாள்.  ஆனால் இவளை விட்டு நான் நீங்க போகிறேன் என்று தெரிந்தவுடன் நெருப்புபோல என்னை சுட்டெரிக்கிறாள். கோபம்கொள்கிறாள். குளிர்மையான நீர் போன்றவள் என்று நினைத்தேன். எங்கிருந்து இப்படிப்பட்ட சுட்டெரிக்கும் தீயை பெற்றாள் இவள் ?

நெருப்பு மூட்டி சற்று தொலைவில் இருந்து குளிர்காயும் பொழுது இதமாக இருக்கிறது. ஆனால் மிக அருகே சென்றால் சுடுகிறது அல்லவா? ஆனால் இங்கோ அருகில் இருக்கும் பொழுது இதமாக இருக்கிறது. விலகிச்சென்றால் சுட்டெரிக்கிறது. இது போன்ற தீயை எங்கு பெற்றாள் இவள்?  

பொருள் 2

இக்குறளை வேறு ஒரு மாதிரியும் பொருள் கொள்ளலாம். தலைவனும் தலைவியும் கூடும் பொழுது, பெண் தலைவனை எவ்வளவு விரும்புகிறாள் தன் அகத்தோடு உணர்கிறாள் என்பதை வெளிக்காட்டுகிறது. தன் தலைவனை கூடும் பொழுது அவன் அவளை நெருங்கும் பொழுது குளிர்கிறாள். மகிழ்ச்சி அடைகிறாள். இன்பம் கொள்கிறாள். தலைவனும் அவ்வின்பத்தை கொடுக்கிறான் பெறுகிறான். அவ்வின்பத்தருணத்தில் தலைவன் சிறிதளவு பிரியும் பொழுது அச்சிறுப்பிரிவைக்கூட விரும்பாத தலைவி கோபம் கொள்கிறாள். தீயைப்போன்று சுடுகிறாள். [பின்பு என்ன, விலகும் தலைவனை அள்ளி அனைத்துக்கொள்கிறாள் தலைவி என்பதை யாரும் விளக்கவேண்டாம். ]

முயங்கும் பொழுதே பிரிவை விரும்பாத தலைவி எப்படி தலைவன் தலைவியை விட்டுப் பிரியும் பொழுது அதனை ரசிப்பாள்? அதான் அவள் சுடுகிறாள். பிரிவைப் பற்றியும் அதனால் வரும் துயரைப்பற்றியும் வரப்போகும் அதிகாரங்களில் விரிவாக காணலாம்.

புணர்ச்சி மகிழ்தல் அதிகாரத்தில் வருவதால் பொருள்-2ஏ பொருத்தமானதான பொருளாக எனக்கு தோன்றுகிறது.

பழம்பாடல் ஒன்று அழகாக இதைக் கூறும்.

“நீரின் தண்மையும் தீயின் வெம்மையும்

சாரச் சார்ந்து 

தீரத் தீரும்

சாரனாடன் கேண்மை

சாரச் சாரச் சார்ந்து

தீரத் தீரத் தீர்பொல்லாதே”

மற்றொரு நாலடியார் (90) பாடல் வரி, 

“நீருட் குளிப்பினும் காமம் சுடுமேகுன் றேறி 

ஒளிப்பினும் காமம் சுடும்” என்கிறது.

“அகலினும் அகலா தாகி

இகலுந் தோழிநங் காமத்துப் பகையே” (குறுந் 257:5-6)

“கவவிற் கமைந்த காமக் கனலி

அவவுறு நெஞ்சத் தகல்விடத் தழற்ற” (பெருங் 2:18:8:9)

“நின் பிரிவினும் சுடு மோபெருங் காடென்றாள்’ (கம்ப.நகர்நீங்கு 226)

மேலும்: அஷோக் உரை

பரிமேலழகர் உரை
(பாங்கற் கூட்டத்து இறுதிக்கண் சொல்லியது.) நீங்கின் தெறூஉம் குறுகுங்கால் தண் என்னும் தீ - தன்னை அகன்றுழிச் சுடா நிற்கும், அணுகுழிக் குளிராநிற்கும் இப்பெற்றித்தாய தீயை; இவள் யாண்டுப் பெற்றாள் - என்கண் தருதற்கு இவள் எவ்வுலகத்துப் பெற்றாள். (கூடாமுன் துன்புறுதலின் 'நீங்கின் தெறூஉம்' என்றும், கூடியபின் இன்புறுதலின், 'குறுகுங்கால் தண் என்னும்' என்றும், இப்பெற்றியதோர் தீ உலகத்துக்கு இல்லையாமாகலின் 'யாண்டுப் பெற்றாள்' என்றும் கூறினான். தன் காமத்தீத் தன்னையே அவள் தந்தாளாகக் கூறினான், அவளான் அது வெளிப்படுதலின்.).

மணக்குடவர் உரை
தன்னை நீங்கினவிடத்துச் சுடும். குறுகினவிடத்துக் குளிரும்: இத்தன்மையாகிய தீ எவ்விடத்துப் பெற்றாள் இவள். இது புணர்ச்சி உவகையாற் கூறுதலான், புணர்ச்சி மகிழ்தலாயிற்று.

மு.வரதராசனார் உரை
நீங்கினால் சுடுகின்றது, அணுகினால் குளிர்ச்சியாக இருக்கின்றது, இத்தகைய புதுமையானத் தீயை இவள் எவ்விடத்திலிருந்து பெற்றாள்.

சாலமன் பாப்பையா உரை
தன்னை நீங்கினால் சுடும், நெருங்கினால் குளிரும் ஒரு தீயை என் உள்ளத்தில் ஏற்ற, இவள் அதை எங்கிருந்து பெற்றாள்?.

குறட் கருத்து  (நன்றி: திரு. தமிழ்க்கடல் நெல்லை கண்ணன்)

தீயென்றால் தொட்ட உடன் சுடும் என்று

     தீண்டி அதை உணர்ந்துள்ளோம் அனைவருமே
மாயப் பெண் இவளிடத்தில் உள்ள தீயோ
     மாற்றங்கள் கொண்டதுவாய் இருப்பதென்ன
தோய்ந்து அவளைத் துய்த்திருந்தேன் அப்போதெல்லாம்
     துடியிடையாள் தீயதனின் குளிர்ச்சி தேர்ந்தேன்
போய் வரலாம் என்றே தான் பிரிந்தேன் தீ
     போட்டு என்னை வறுத்ததினை உணர்ந்தேன் வெந்தேன்
பிரிகையிலே சுடுகின்ற இந்தத் தீயைப்
     பெண் மகளாள் பெற்றதிங்கு யாரிடத்தில்
அறிவதற்கு முயல்கின்றேன் முடியவில்லை
     ஆனாலும் அனுபவித்தே மகிழ்கின்றேன் நான்
துடியிடையைத் தொட்டவுடன் தீயைக் காணோம்
     தொட்டு உடன் விலகி நின்றால் குளிரைக் காணோம்
அட அட இப் பெண்ணாளை அடைந்ததிலே
     அறிவியலின் தோல்வியினைக் கண்டேன் நானும்

உண்ணாது நோற்பார் பெரியர் பிறர்சொல்லும்

குறள் 160

உண்ணாது நோற்பார் பெரியர் பிறர்சொல்லும்

இன்னாச்சொல் நோற்பாரின் பின்

[அறத்துப்பால், இல்லறவியல், பொறையுடைமை]

பொருள்

பொறை - பாரம், சுமை; கனம்; மலை; சிறுகுன்று; கல்; பூமி; பொறுமை; அடக்கம்; கருப்பம்; வலிமை.

உண்ணுதல் - உணவுஉட்கொள்ளுதல்; பொருந்துதல் நுகருதல்; அனுபவித்தல் இசைவாதல்.

உண்ணாது - உணவு உட்கொள்ளாமல் இருத்தல், (பொருள்களை) நுகராது இருத்தல், (பொருள்களை) அனுபவிக்காமல் இருத்தல்;

நோற்பார் - ōṟpār   n. நோல்-. Ascetics,those who practise religious austerities; தவஞ்செய்வார். நோற்பாரி னோன்மை யுடைத்து (குறள்,48).

பெரியர் - periyar   n. பெரு-மை. See பெரியார். சான்றோர் பெரியராக் கொள்வது கோள் (நாலடி,165).

பிறர் - piṟar   n. id. Outsiders, strangers;அன்னியர். பிறர்க் கின்னா முற்பகற் செய்யின் (குறள்,319).

சொல்லும் -சொல்கின்ற

இன்னாச் - துன்பம்; தீங்குதருபவை; கீழ்மையான; இகழ்ச்சி வெறுப்பு

சொல் - மொழி; பேச்சு; பழமொழி; உறுதிமொழி; புகழ்; மந்திரம்; சாபம்; கட்டளை; புத்திமதி; பெயர்ச்சொல்; வினைச்சொல்; இடைச்சொல், உரிச்சொல்என்னும்நால்வகைமொழிகள்; தமிழ்மொழியில்உள்ளஇயற்சொல், திரிசொல், திசைச்சொல், வடசொல்எனநால்வகைப்பட்டமொழிகள்; நாடகவரங்கில்பேசப்படும்உட்சொல், புறச்சொல்; ஆகாசச்சொல்என்பன; சத்தம்; நாமகள்; பேசச்செய்வதானகள்; நெல்.

நோற்பாரின் - ōṟpār   n. நோல்-. Ascetics,those who practise religious austerities; தவஞ்செய்வார். நோற்பாரி னோன்மை யுடைத்து (குறள்,48).

பின் - பின்னுகை; பின்பக்கம்; இடம்; கடை; பிற்காலம்; தம்பி; பிறகு; ஏழனுருபு.

முழுப்பொருள்

உணவு உண்ணாமல், எதனையும் நுகராமல் புலன்களை அடக்கி நோன்பு இருந்து தவம் செய்வோரை பெரியவர்கள் என்கிறோம். இவர்களை மதிக்கிறோம். ஆனால் மதிதனை அடக்குவது அதனினும் சிறந்தது. ஆதலால் தான் பிறமனிதர்கள் நம்மை பார்த்துச்சொல்லும் கடும் சொற்களுக்கு, தீயசொற்களுக்கு எதிர்வினை ஆற்றாமல் கோபம் கொள்ளாமல் பொறுத்துக்கொள்ளுவதை ஒரு நோன்பாக பின்பற்றுவோரை உணவு உண்ணாமல் தவம் செய்யும் பெரியோரை விட ஒரு படி மேல் என்கிறார் திருவள்ளுவர். (’பொறுத்தார் பூமி ஆள்வார்’ என்று இதனால் தான் சொன்னார்களோ).

ஒப்புமை

”அறிவெனப் படுவது பேதையார் சொல்நோன்றல்” (கலி 133.10)

“தெரியா தவர்தம் திறனில்சொல் கேட்டால்

பரியாதார் போல இருக்க” (பழ 135)

அறநெறிச்சாரப் (100) பாடலில் முனைப்பாடியார் கூறுவதைப் பார்ப்போம்.  எளிய, இலகுவான தமிழிலே, படிக்கும்போதே பொருள் விளங்கும் பாடல்.

“எள்ளிப் பிறருரைக்கும் இன்னாச்சொல் தன்நெஞ்சில்

கொள்ளி வைத்தாற்போல் கொடிதெனினும் – மெள்ள

அறிவென்னும் நீரால் அவித்தொழுக லாற்றின்

பிறிதெனினும் வேண்டா தவம்”

மேலும்: அஷோக் உரை

குறட் கருத்து  (நன்றி: திரு. தமிழ்க்கடல் நெல்லை கண்ணன்)

உயர்வீர்

புலன்களையே வென்று நிற்கும் துறவியரை

பொறுப்பான நல் மனிதர் தமக்குப் பின்னே

உளர் என்று வள்ளுவரும் சொல்லுகின்றார்

உலகுக்கு வழிகாட்டும் பொதுமறையில்

வளர்கின்ற பசிதன்னைப் பொறுத்து வெல்லும்

வடிவான துறவியரை விடவும் மற்றோர்

தளர்வானின் பசி தன்னைத் தீர்த்து வைக்கும்

தனி மனிதர் மிக உயர்ந்தார் என்றே சொன்னார்

உண்ணாமல் அதே நோன்பாய்க் கொண்டுயரும்

உயர் துறவிக் கூட்டத்தைக் கண்டு சொன்னார்

எண்ணுதற்கு உயர்ந்தாற்போல் தோன்றும் இவர்

எதிரிகளின் பண்பற்ற சொற்கள் தன்னை

இன்னாதாய்க் கொள்ளாமல் முக மலர்ந்து

ஏற்று அதன் பின்னாலும் நன்மை செய்யும்

நல்லாராம் அவர் பின்னால் ஆமாம் ஆமாம்

நாட்டாரே உதவி செய்யும் உயர்வீர் என்றார்

குறட் கருத்து  (நன்றி: திரு. தமிழ்க்கடல் நெல்லை கண்ணன்) 2

தவநெறியாய் வாழுகின்றார் தம்மைவிடத்

தனி மனிதன் உயர்ந்தவனாய் நிற்பான் என்று

புவனம் எல்லாம் வாழ்வதற்கு வழிகள் சொன்ன

பொது மறையில் வள்ளுவனார் சொல்லுகின்றார்

அவர் உடம்பை வருத்தி உண்ணா நோன்பதனை

அடிக்கடியே மேற் கொள்ளும் அவரை விட

பிறர் சொல்லும் இனிமையற்ற சொற்கள் தன்னை

பெரிதாக்கார் தன் பின்தான் துறவி யென்றார்

பசி தாங்கி பல விதத்தில் தவங்கள் செய்யும்

பரம் தேடி நின்றிருக்கும் தவ நெறியார்

கசிகின்ற காதலிலே கடவுளையே

காலமெல்லாம் நினைக்கின்ற மிகப் பெரியார்

பசி தீர்த்து மற்றவரின் துன்பம் தீர்த்து

பண்பதுவே பசி தீர்த்தல் என்று வாழும்

இசை வாழ்வாய் தன் வாழ்வை மாற்றிக் கொண்ட

எளியார் பின் துறவியரை வைப்பேன் என்றார்

பரிமேலழகர் உரை

உண்ணாது நோற்பார் பெரியர் - விரதங்களான் ஊணைத்தவிர்ந்து உற்ற நோயைப் பொறுப்பார் எல்லாரினும் பெரியர்; பிறர் சொல்லும் இன்னாச்சொல் நோற்பாரின் பின்- அவர் பெரியராவது, தம்மைப் பிறர் சொல்லும் இன்னாச் சொல்லைப் பொறுப்பாரின் பின் (பிறர் - அறிவிலாதார். நோலாமைக்கு ஏது ஆகிய இருவகைப் பற்றொடு நின்றே நோற்றலின், 'இன்னாச் சொல் நோற்பாரின் பின்' என்றார். இவை இரண்டு பாட்டானும் பிறர் மிகைக்கச் சொல்லியன பொறுத்தல் கூறப்பட்டது.).

மணக்குடவர் உரை

உண்ணாது பொறுப்பார் எல்லாரினும் பெரியர்: அவர் பெரியாராவது பிறர் சொல்லுங் கடுஞ்சொல்லைப் பொறுப்பாரின் பின், இது தவம் பண்ணுவாரினும் பெரியதென்றது.

மு.வரதராசனார் உரை

உணவு உண்ணாமல் நோன்பு கிடப்பவர், பிறர் ‌சொல்லும் கொடுஞ் சொற்களைப் பொறுப்பவர்க்கு அடுத்த நிலையில்தான் பெரியவர் ஆவர்.

சாலமன் பாப்பையா உரை

பிறர் சொல்லும் தீய சொற்களைப் பொறுத்துக் கொள்பவருக்கும் பின்புதான் விரதம் காரணமாக உணவைத் தவிர்த்து நோன்பு இருப்பவர் பெரியவர் ஆவார்.

செற்றார்பின் செல்லாப் பெருந்தகைமை

குறள் 1255

செற்றார்பின் செல்லாப் பெருந்தகைமை காமநோய்

உற்றார் அறிவதொன்று அன்று

[காமத்துப்பால், கற்பியல்,  நிறையழிதல்]

பொருள்
நிறை - நிறை

பூர்த்தி; எண்வகைப்பாடற்பயன்களுள்ஒன்று; அடுத்தடுத்துவரும்சுரம்; இரண்டுதாக்குடையதாளவகை; நிறுக்கை; தராசு; துலாராசி; எடை; நூறுபலம்கொணடஅளவு; வரையறை; நிறுத்துகை; வைத்துஅமைக்கை; கற்புவழிநிற்றல்; ஆடூஉக்குணம்நான்கனுள்காப்பனகாத்துக்கடிவனகடியும்திண்மை; மனவடக்கம்; கற்பு; சூளுரை; வலி; அறிவு; மறைபிறரறியாமை; அழிவின்மை; மாட்சிமை; நீதி; மிகுதி; கவனம்; நீர்ச்சால்.

நிறையழிதல் - மனவடக்கம் அழிதல்

செற்றார் - ceṟṟār   n. id. Enemies; பகைவர். செற்றார் செயக்கிடந்த தில் (குறள், 446).

பின்  - பின்னுகை; பின்பக்கம்; இடம்; கடை; பிற்காலம்; தம்பி; பிறகு; ஏழனுருபு.

செல்லாப்  - செல்லாத

தகைமை - தன்மை, தகுதி; பெருமை; பொறுமை; குணம்; மதிப்பு; அழகு; ஒழுங்கு; நிகழ்ச்சி.

பெருந்தகைமை  - பெரும் தன்மை; பெரும் பொறுமை; பெரும அழகு

காமநோய் - s. Love-sickness, மதன நோய்.

உற்றார் - உறவினர், சுற்றத்தார்; நண்பர்.

அறிவது -அறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

ஒன்று - ஒன்றுஎன்னும்எண்; மதிப்பிற்குரியபொருள்; வீடுபேறு; ஒற்றுமை; வாய்மை; அறம்; அஃறிணையொருமை.

அன்று - aṉṟu   அன்றே, third pers. sing. of அல்ல it is not that (but something else).

முழுப்பொருள்
பொதுவாக நம்மை இகழ்ந்தவர்பின், நம்மைவிட்டு வலிய பிரிந்து சென்றவர்பின் நாம் செல்ல மாட்டோம். ஏனெனில் அது தன்மானம் அற்ற செயல் என்று நினைப்போம். அப்படிச் செல்வது சான்றான்மை அல்ல என்று நினைப்போம். 

ஆனால் நம்மை இகழ்ந்து விட்டுச்சென்ற நம்மை பிரிந்துச் சென்ற நம் பிரியத்திற்கூரிய காதலர் பின் செல்லக்கூடாது என்றும் அல்லது குறைந்தபட்சம் விரைந்துச்செல்லாமல் அவர் நம்மை நோக்கிவர முதல் அடி எடுத்துவைக்கும் வரையிலாவது பொறுத்து இருக்க வேண்டும் என்று நம்முடைய தீரா காதல்/காம நோய்க்கு அறிந்து இருக்கவேண்டும் என்று நாம் நினைப்பது தவறு. ஏனெனில் காமம் நம்மை சுட்டு விடும். இயற்கையான காமத்திற்கு மனவடக்கம் கிடையாது. அதற்கு காதலரிடம் கொண்ட அன்பு மட்டுமே முக்கியம். காதலர்முன் மனவடக்கம் தேவை இல்லை.

இது இருபாலினருக்கும் பொருந்தும் குறள்.

மேலும்: அஷோக் உரை

பரிமேலழகர் உரை

(நம்மை மறந்தாரை நாமும் மறக்கற்பாலம் என்றாட்குச் சொல்லியது.) செற்றார்பின் செல்லாப் பெருந்தகைமை - தம்மை அகன்று சென்றார்பின் செல்லாது தாமும் அகன்று நிற்கும் நிறையுடைமை; காமநோய் உற்றார் அறிவது ஒன்று அன்று - காமநோயினை உறாதார் அறிவதொன்று அன்றி உற்றார் அறிவதொன்று அன்று. (இன்பத்தோடு கழியுங் காலத்தைத் துன்பத்தொடு கழியுமாறு செய்தலின் 'செற்றார்' என்றாள். பின் சேறல் - மனத்தால் இடைவிடாது நினைத்தல். பெருந்தகைமை - ஈண்டு ஆகுபெயர். காம நோய் உறாதார் - மானம் உடையார். 'நன்று என உணரார் மாட்டும் சென்றே நிற்கும், யான் அறிவதொன்று அன்று' என்பதாம்.).

மணக்குடவர் உரை

தம்மை யிகழ்ந்தார்பின் செல்லாத பெரிய தகைமை காம நோயுற்றால் அறிவதொன்று அன்று. இது தம்மை யிகழ்ந்து போனவர்பின்சென்று இரங்குதல் பெரியார்க்குத் தகாது என்ற தோழிக்குத் தலைமகள் கூறியது.

மு.வரதராசனார் உரை

தம்மை வெறுத்து நீங்கியவரின் பின் செல்லாமல் மானத்தோடு நிற்கும் பெருந்தகைமை, காமநோய் உற்றவர் அறியும் தன்மையது அனறு.

சாலமன் பாப்பையா உரை

தன்னைப் பிரிந்து சென்றவர் பின்னே செல்லாது, தானும் அவரை விட்டுப் பிரிந்து நிற்கும் மன அடக்கத்தைக் காதல் நோயை அறியாதவர் பெற முடியும். அறிந்தவரால் பெற முடியாது.

குறட் கருத்து  (நன்றி: திரு. தமிழ்க்கடல் நெல்லை கண்ணன்)

விட்டு விட்டுச் சென்று விட்டார் காதலரும்

          வெறுத்திடவா முடிகிறது இல்லை இல்லை

தொட்டவரின் பின்னாலே செல்வதொன்றே

         துடியிடையாள் எனை இங்கு வாழ வைக்கும்

விட்டவரை விலகி இங்கு மானத்தோடே

        வெற்றி கொள்ள முடியாது காமம் நம்மை

சுட்டு விடும் அதனாலே மானம் கொள்ளல்

        சுத்தமாய்ப் பெண்களுக்கு வேண்டாம் என்றாள்

காதலர் தூதொடு வந்த கனவினுக்கு

குறள் 1211

காதலர் தூதொடு வந்த கனவினுக்கு

யாதுசெய் வேன்கொல் விருந்து

[காமத்துப்பால், கற்பியல், கனவுநிலையுரைத்தல்]

பொருள்

காதலர் - தலைவன்

தூது - இருவரிடையே பேச்சு நிகழ்தற்கு உதவியாக நிற்கும் ஆள்; இராசதூதர்தன்மை; ஒருநூல்வகை; கூழாங்கல்; தூதுமொழி; தூதுவளைக்கொடி; காமக்கூட்டத்துக் காதலரை இணக்கும் செயல்; செய்தி.

தூதொடு வந்த - தூதைக் கொண்டு வந்த

கனவு - கனா; உறக்கம்; மயக்கம்.

கனவினுக்கு -  கனவிற்கு

யாது - எது; இராக்கதன்; பிசாசு; கள்; நினைவு.

செய்வேன்கொல் - செய்வதென்று தெரியவில்லை

விருந்து! - viruntu   n. [T. vindu, M.virunnu.] 1. Feast, banquet; அதிதி முதலியோர்க்கு உணவளித் துபசரிக்கை. யாதுசெய் வேன்கொல் விருந்து (குறள், 1211). 2. Guest; அதிதி.விருந்துகண் டொளிக்கும் திருந்தா வாழ்க்கை (புறநா.266). 3. Newcomer; புதியவன். விருந்தா யடைகுறுவார் விண் (பு. வெ. 3, 12). 4. Newness, freshness; புதுமை. விருந்து புனலயர (பரிபா. 6, 40).5. (Pros.) Poetic composition in a new style;நூலுக்குரிய எண்வகை வனப்புக்களு ளொன்று.(தொல். பொ. 551.)

முழுப்பொருள்

ஒற்றர்கள் தூது கொண்டு வந்து கொடுப்பர். இவ்வாறு தூது கொண்டு வந்து கொடுப்போர்க்கு விருந்து அளித்து உபசரிப்பது வழக்கம். ஆனால் இப்பொழுது என் காதலரை பிரிந்து உள்ள நான் வாடிப்போய் இருக்கிறேன். அவரை பற்றிய செய்தி ஒன்றும் எனக்கு வரவில்லை. 

இந்த சுகமான இரவில் சுந்தரி நான் கனவு காணும் பொழுது கனவில் அவரிடம் இருந்து செய்தி வந்தது எனக்கு. கனவிலாவது அவரை பற்றிய செய்தி எனக்கு வந்தது மகிழ்ச்சிதான். ஆனால் இந்த செய்தியை தூதாக கொண்டு வந்த கனவிற்கு நான் என்ன கைமாறு செய்வேன்? இக்கனவிற்கு நான் எப்படி விருந்து அளித்து உபசரிப்பேன்? என்று தலைவி நினைக்கிறாள்.  

கனவு இயல்பாக வருவது தான். இதற்கு முன்பு நாம் கண்டு இருக்கிறோம். ஆனால் அப்பொழுதெல்லாம் கனவிற்கு நன்றிகடமைப்பட்டு இருக்கிறோமா என்ன? இல்லையே. ஆனால் கனவிற்கு நன்றிகடன்படும் அளவிற்கு ஒருவர் இருக்கிறார் என்றால் அவர் தலைவனை பிரிந்து ஏக்கமாக எவ்வளவு வாடுகிறார் என்பதை நாம் இங்கு உணரலாம்.

ஆண்டாளும் கனவு கண்டாள் “வாரணமாயிரம்” என்று தொடங்கி பத்துப்பாடல்களில். அவள் கூட கனவைப் பற்றிச் சொன்னாளே தவிர, கனவையே தன் காதற்தலைவனிடமிருந்து வந்த தூதாக எண்ணிப் பாடவில்லை.

மேலும்: அஷோக் உரை

பரிமேலழகர் உரை

[அஃதாவது , தலைமகள் தான் கண்ட கனவினது நிலைமையைத் தோழிக்குச் சொல்லுதல் . அக் கனவு, நனவின்கண் நினைவு மிகுதியாற்கண்டதாகலின் , இது நினைந்தவர் புலம்பலின் பின் வைக்கப்பட்டது .]

(தலைமகன் தூது வரக் கண்டாள் சொல்லியது). காதலர் தூதொடு வந்த கனவினுக்கு -யான் வருந்துகின்றது அறிந்து அது தீரக் காதலர் விடுத்த தூதினைக் கொண்டு என் மாட்டு வந்த கனவினுக்கு; விருந்து யாது செய்வேன் -விருந்தாக யாதனைச் செய்வேன்? ('விருந்து' என்றது விருந்திற்குச் செய்யும் உபசாரத்தினை. அது கனவிற்கு ஒன்று காணாமையின், 'யாது செய்வேன்' என்றாள்.).

மணக்குடவர் உரை

நங்காதலர் விட்ட தூதரோடே வந்த கனவினுக்கு யான் யாது விருந்து செய்வேன்?. இது தலைமகளாற்றுதற் பொருட்டுக் காதலர் வாராநின்றாரென்று தூதர் வரக் கனாக் கண்டேனென்று தோழி சொல்லியது.

மு.வரதராசனார் உரை

( யான் பிரிவால் வருந்தி உறங்கியபோது) காதலர் அனுப்பிய தூதோடு வந்த கனவுக்கு உரிய விருந்தாக என்ன செய்து உதவுவேன்?.

சாலமன் பாப்பையா உரை

என் மன வேதனையை அறிந்து அதைப் போக்க, என்னவர் அனுப்பிய தூதை என்னிடம் கொண்டு வந்த கனவிற்கு நான் எதை விருந்தாகப் படைப்பேன்?.

குறட் கருத்து  (நன்றி: திரு. தமிழ்க்கடல் நெல்லை கண்ணன்)

தூதென வந்தார்க்கெல்லாம் துய்ய நல் விருந்தளித்தல்

மாதென வந்தார்க்கெல்லாம் மாபெருங் கடமையன்றோ

சூதிலாப் பெண்ணாள் நல்ல சுந்தரத் தோற்றம் கொண்டாள்

ஏது நான் செய்வேன் எந்த விருந்தினை நான் அளிப்பேன்

சோதனைஅய்யோ என்றாள் சுகமான இரவில் வந்தான்

காதலன் அவனைத் தந்த கனவிற்கு மங்கை நானும்

யாது தான் விருந்தாய்ச் செய்வேன் எப்படிப் போற்றி நிற்பேன்

தூதாக வந்த கனவு தூற்றாதா என்னை என்றாள்

நினைப்பவர் போன்று நினையார்கொல்

குறள் 1203

நினைப்பவர் போன்று நினையார்கொல் தும்மல்

சினைப்பது போன்று கெடும்

[காமத்துப்பால், கற்பியல், நினைந்தவர்புலம்பல்]

பொருள்

நினைத்தல் - கருதுதல்; ஞாபகத்திற்கொணர்தல்; ஆராய்தல்; தியானித்தல்; அறிதல்; நோக்கமாகக்கொள்ளுதல்; பாவித்தல்; மனனம்.

நினைப்பவர் - நினைக்கின்றவர்

போன்று - போல

நினையார் - நினைக்காதவர்

கொல் - இரும்பு; உலோகம்; கொலைத்தொழில்; வருத்தம்; கொல்லன்; கொல்லன்தொழில்; கதவில்தைக்கும்இரும்பு; குறுக்குத்தாழ்; ஐயப்பொருள்தரும்ஓர்இடைச்சொல்; ஓர்அசைநிலை.

தும்மல் - tummal   n. தும்மு-. [T.tummu.] 1. Sneezing; தும்முகை. குறிப்பின்றித்தும்மல்போற் றோன்றிவிடும் (குறள், 1253). 2.Breath; மூச்சு (பிங்.)  

சினைத்தல் - தோன்றுதல்; பூஅரும்புதல்; தழைத்தல்; சிரங்குபுடைத்தல்; கருக்கொள்ளுதல்; பருத்தல்.

சினைப்பது - தோன்றுவது

போன்று - போல

கெடும் - கேடு

முழுப்பொருள்

தும்மல் என்பது எல்லோருக்கும் வரும் இயற்கையான ஒன்று. பொதுவாக தும்மல் வந்தால் நம்மை யாரோ நினைக்கிறார்கள் என்று தான் நாம் அர்த்தப்படுத்திக்கொள்கிறோம். அப்படி இருக்கையில், காதலர்கள் இருவரும் பிரிந்து இருக்கும் பொழுது ஒருவருக்கு தும்மல் வரப்போவதைப்போல நாசிகளுக்கு தோன்றி பின்பு தும்மல் வரமால் போகும். தும்மல் வரத்தோன்றும் பொழுது எல்லாம் என் காதலருக்கு (காதலிக்கு) என்னை பற்றிய நினைப்பு வர இருக்கிறதே என்று நினைத்து மகிழ்ந்தேன் ஆனால் அது இப்பொழுது (தும்மல் நின்ற பொழுது) என் நினைவு அவருக்கு நின்று விட்டு இருக்குமோ என்று நினைத்து நான் வருந்துகிறேன்.

பிரிவில் இருக்கும் பொழுது நம் காதலர் (காதலி) நம்மை குறைந்த பட்சம் (அல்லது அவ்வப்போதாவது) நினைத்துக்கொண்டே இருக்க வேண்டும் என்று காதலில் இருப்பவர்கள் நினைக்கின்றனர்.

ஒப்புமை

குறள் 1317

வழுத்தினாள் தும்மினேன் ஆக அழித்தழுதாள்

யாருள்ளித் தும்மினீர் என்று

குறள் 1318

தும்முச் செறுப்ப அழுதாள் நுமர்உள்ளல்

எம்மை மறைத்திரோ என்று

மேலும்: அஷோக் உரை

பரிமேலழகர் உரை

(தலைமகனை நினைந்து வருந்துகின்ற தலைமகள் தோழிக்குச் சொல்லியது.) தும்மல் சினைப்பது போன்று கெடும் - எனக்குத் தும்மல் எழுவது போன்று தோன்றிக் கெடாநின்றது; நினைப்பவர் போன்று நினையார்கொல் - அதனால் காதலர் என்னை நினைப்பார் போன்று நினையாராகல் வேண்டும். (சினைத்தல்: அரும்புதல். சேய்மைக்கண்ணராய கேளிர் நினைந்துழி அந்நினைக்கப்பட்டார்க்குத் துமமல் தோன்றும் என்னும் உலகியல்பற்றித் தலைமகன் எடுத்துக்கொண்ட வினை முடிவதுபோன்று முடியாமை யுணர்ந்தாள் சொல்லியதாயிற்று.).

மணக்குடவர் உரை

அவர் நம்மை நினைப்பவர்போன்று நினையார் கொல்லோ: தும்மல் தோன்றுவதுபோன்று கெடாநின்றது. தலைமகள் உலகத்துப் பெண்டிராயுள்ளார் கூறுவதொன்றை ஈண்டுக் கூறினாள்.

மு.வரதராசனார் உரை

தும்மல் வருவது போலிருந்து வாராமல் அடங்குகின்றதே! என் காதலர் என்னை நினைப்பவர் போலிருந்து நினையாமல் விடுகின்றாரோ?.

சாலமன் பாப்பையா உரை

எனக்குத் தும்மல் வருவது போல் வந்து அடங்கி விடுகிறது. அவர் என்னை நினைக்கத் தொடங்கி, நினைக்காமல் விடுவாரோ?.

குறட் கருத்து  (நன்றி: திரு. தமிழ்க்கடல் நெல்லை கண்ணன்)

நாசி உளைகிறது தும்மலுக்காய்

        நலம் கொண்டார்   நினைக்கின்றார்  என மகிழ்ந்தேன்

ஆசை  ஒழிந்ததங்கு தும்மலில்லை

        அன்புடையார்  நினைத்தாற் போல் நிறுத்தினாரோ

பாசம் நிறைந்தவளாய்த் துடிக்கின்றாளாம்

        பாவி மகன் பிரிவாலே பெரிய கண்ணாள

நேசம் நிறைந்தவளின்  உணர்வதனை

        நெஞ்சுணரக் காட்டுகின்றார்   குறளின்   வேந்தர்

கரத்தலும் ஆற்றேன்இந் நோயைநோய்

குறள் 1162

கரத்தலும் ஆற்றேன்இந் நோயைநோய் செய்தார்க்கு

உரைத்தலும் நாணுத் தரும்

[காமத்துப்பால், கற்பியல், படர்மெலிந்திரங்கல்]

பொருள்

படர் - செல்லுகை; ஒழுக்கம்; வருத்தம்; நோய்; நினைவு; பகை; மேடு; துகிற்கொடி; படைவீரர்; எமதூதர்; ஏவல்செய்வோர்; இழிமக்கள்; தேமல்; தூறு; வழி; தறுகண்மை

படர் - (வி)தொடர், படர்என்ஏவல்.படர்

மெலிந்து - மெலிதல் - வலிமைகுறைதல்; உடல்இளைத்தல்; வருந்துதல்; அழிதல்; எளியதாதல்; வல்லினம்தனக்கினமானமெல்லினமாகமாறுதல்; ஓசையில்தாழ்தல்.

இரங்கல் - அழுகை; நெய்தல் உரிப்பொருள் ஒலி யாழ்நரம்போசை.

கரத்தலும் - கரத்தல் - மறைத்தல்; கவர்தல்; கெடாதிருத்தல்; அழித்துமுதற்காரணத்தோடுஒடுக்குதல்; கெடுதல்.

ஆற்றுதல் - வலியடைதல்; கூடியதாதல்; போதியதாதல்; உய்தல் உவமையாதல்; செய்தல் தேடுதல் உதவுதல் நடத்துதல் கூட்டுதல் சுமத்தல் பசிமுதலியனதணித்தல்; துன்பம்முதலியனதணித்தல்; சூடுதணித்தல்; ஈரமுலர்த்துதல்; நூல்முறுக்காற்றுதல்; நீக்குதல்

ஆற்றேன் - செய்யமுடியுமோ

இந் - இந்த

நோயை - நோய்

நோய் - துன்பம்; வருத்தம்; பிணி; குற்றம்; அச்சம்; நோவு.

செய்தல் -  இயற்றுதல்; உண்டாக்கல்; சம்பாதித்தல்; ஒத்தல்.

செய்தார்க்கு - உண்டாக்கியவருக்கு

உரைத்தல் - ஒலித்தல்; சொல்லுதல் தேய்த்தல் மாற்றறியத்தேய்த்தல்; மெருகிடுதல் பூசுதல்

உரைத்தலும் - சொல்லுதல்

நாணுத் - நாணம் - வெட்கம்; அறிவு; பயபக்தி; மானம்; தணிகை; கூச்சம்; மகடூஉக்குணம்நான்கனுள்ஒன்று.

தரும் - ஈட்டும்; தரும்

முழுப்பொருள்

அவர் மேல் நான் காதல்கொண்டு உள்ளேன். இதனை நான் அறிவேன். ஊரார் அறியமாட்டார்கள். ஆனால் இந்த ஆசைநோயால் நான் படும் பாடு சொல்லி மாலாது. என் மனதிற்குள்ளே இருக்கும் இக்காதலை மற்றவர்களிடம் சொல்ல கூடாது என்று தான் நினைக்கிறேன். ஆனால் என்மேல் படர்ந்துள்ள (காதலினால் ஆன) பசலைநோயானது மறைக்ககூடிய ஒன்றோ? இல்லை. இது உலகிற்கு என்காதலை அறிவித்துவிடும். அதற்கு முன்னர் என் காதலருக்கு என் காதலை சொல்ல வேண்டும் என்று நினைக்கிறேன். ஏனோ பாழாய்போன என் நாணம் என்னும் வெட்கம் என்னை தடுகிறது.

ஒருபக்கம் என் பசலைநோய் என்காதலை வெளிப்படுத்த தள்ளுகிறது மறுபக்கம் என் வெட்கம் என்னை தடுகிறது. 

மேலும்: அஷோக் உரை

பரிமேலழகர் உரை

('ஈண்டையார் அறியாமல் மறைத்தல் ஆண்டையார் அறியத் தூது விடுதல் என்னும் இரண்டனுள் ஒன்று செயல் வேண்டும்' என்ற தோழிக்குச் சொல்லியது). இந்நோயைக் கரத்தலும் ஆற்றேன்-இந்நோயை ஈண்டை அறியாமல் மறைத்தலும் வல்லேனாகின்றிலேன்; நோய் செய்தார்ககு உரைத்தலும் நாணுத் தரும் - ஆகாக்கால், நோய் செய்தவர்க்கு உரைக்க எனின், அதுவும் எனக்கு நாணினைத் தாரா நின்றது, இனி என் செய்கோ? (ஒருகாலைக்கு ஒருகால் மிகுதலின், 'கரத்தலும் ஆற்றேன்' என்றும், சேயிடைச் சென்றவர்க்கு இது சொல்லித் தூதுவிட்டால் இன்னும் இருந்தேன் என்பது பயக்கும் என்னும் கருத்தால், 'நாணுத் தரும்' என்றும் கூறினாள்.)

மணக்குடவர் உரை

இந்நோயை மறைக்கவும் அறிகின்றிலேன். இந்நோயைச் செய்தார்க்குச் சொல்லவும் நாணமாகாநின்றது என்றவாறு.<br /> இது குறிப்பறிதற் பொருட்டுக் கூறிய தோழிக்குத் தலைமகள் கூறியது.

மு.வரதராசனார் உரை

இக் காமநோயைப் பிறர் அறியாமல் முற்றிலும் மறைக்கவும் முடியவில்லை, நோய் செய்த காதலர்க்குச் சொல்வதும் நாணம் தருகின்றது.

சாலமன் பாப்பையா உரை

இந்தத் துன்பத்தை என்னால் மறைக்கவும் முடியவில்லை. துன்பத்தைத் தந்த இவருக்கு (எழுத்தில் தொலைபேசியில்) இதைச் சொல்லவும் வெட்கமாக இருக்கிறது.

குறட் கருத்து  (நன்றி: திரு. தமிழ்க்கடல் நெல்லை கண்ணன்)

மறைத்து விட முடிகிறதா இந்தக் காதல்

மனத்திற்குள் கிடக்கிறதா அந்தோ அந்தோ

இறைத்து விட்ட நீர் போல ஊரார்க் கெல்லாம்

எப்படித் தான் தெரிந்ததுவோ புரியவில்லை

உரைத்திடலாம் அவருக்கென் துன்பம் என்றால்

உடன் பிறந்த நாணம் அதோ தடுக்கிறது

தரத் தந்தான் நோயிதனை அவனே யன்றோ

தானாகத் தழுவி இதைத் தீர்க்க வேண்டும்

நெய்யால் எரிநுதுப்பேம் என்றற்றால்

குறள் 1148

நெய்யால் எரிநுதுப்பேம் என்றற்றால் கெளவையால்

காமம் நுதுப்பேம் எனல்

[காமத்துப்பால், களவியல், அலரறிவுறுத்தல்]

பொருள்

நெய் - வெண்ணெயைஉருக்கிஉண்டாக்கும்பொருள்:வெண்ணெய்; எண்ணெய்; புழுகுநெழ்; தேன்; இரத்தம்; நிணம்; நட்பு; சித்திரைநாள்.

'நெய்யால்- நெயினால், எண்ணெயினால்

எரி - நெருப்பு; வேள்வித்தீ; தீக்கடைகோல்; ஒளி; அக்கினிதேவன்; நரகம்; கார்த்திகை; புனர்பூசம்; கந்தகம்; இடபராசி; கேட்டை; வால்மீன்வகை.

எரி - (வி)எரிஎன்ஏவல்; ஒளிர்; அழல்; பொறாமைகொள்; சினங்கொள்; வயிறெரி.

நுதுத்தல் - அவித்தல்; அழித்தல்; நீக்குதல்.

நுதுப்பு - nutuppu   n. நுது-. Quenching,suppressing; தணிக்கை (W.)  ; தணிப்பு

நுதுப்பேம் - தணிப்பேன்

அற்று - அத்தன்மையது; அதுபோன்றது; ஓர்உவமஉருபு; ஒருசாரியை.

என்றற்றால்-' என்று + அற்றால்

கௌவை -ஒலி; வெளிப்பாடு; பழிச்சொல்; துன்பம்; கள்; எள்ளிளங்காய்; ஆயிலியநாள்; செயல்.

யான் - நான்

காமம் - ஆசை, அன்பு, விருப்பம்; இன்பம்; புணர்ச்சியின்பம்; காமநீர்; ஊர்; குடி; இறை.

நுதுப்பேம் - தணிப்பேன்

எனல் - என்றது

முழுப்பொருள்

தலைவன் தலைவிக்கும் இடையே உள்ள காதல் என்பது அவர்கள் பழகும் பொழுது வளரும். காதலை நினைத்து நினைத்து வளரும். இதை தெரிந்த ஊர் மக்கள் உறவினர்கள் இந்த காதலை வளரவிடக்கூடாது அழிக்க வேண்டும் என்று நினைத்துக்கொண்டு இவர்கள் அனைவரும் பல இடங்களில் கூடி நின்று பேசி, எங்களை பற்றி பழிச்சொல் சுழல விட்டு, எள்ளிநகையாடுவது உண்மையில் எங்கள் காதலை வளர்க்குமே தவிர அழிக்காது. இவர்கள் கூடி நின்று பேசுவது என்பது எரிந்துக்கொண்டு இருக்கும் நெருப்பில் நெய்யினை ஊற்றுவது போல் ஆகும். தீயின் செந்தழல் நெய்யினை பருகி பருகி வளரும். அதுப்போல எங்கள் காதலும் வளரும்.

மேலும்: அஷோக் உரை

பரிமேலழகர் உரை

(இதுவும் அது.) கௌவையால் காமம் நுதுப்பேமெனல் - ஏதிலார் எடுக்கின்ற அலரால் நாம் காமத்தை அவித்தும் என்று கருதுதல்; நெய்யால் எரி நுதுப்பேம் என்றற்று - நெய்யால் எரியை அவித்தும் என்று கருதலோடு ஒக்கும். (மூன்றனுருபுகள் கருவிக்கண் வந்தன. கிளர்தற் காரணமாய அலரால் அவித்தல் கூடாது என்பதாம்.).

மணக்குடவர் உரை

எரிகின்ற நெருப்பை நெய்யினாலே அவிப்போமென்று நினைத்தாற்போலும்; அலரினானே காமத்தை அவிப்போமென்று நினைத்தல். இது தலைமகன் பின்னுங் களவொழுக்கம் வேண்டினமை கண்டு தோழி கூறியது.

மு.வரதராசனார் உரை

அலர் கூறுவதால் காமத்தை அடக்குவோம் என்று முயலுதல், நெய்யால் நெருப்பை அவிப்போம் என்று முயல்வதைப் போன்றது.

சாலமன் பாப்பையா உரை

இந்த ஊரார் தங்கள் அலரால் எங்கள் காதலை அழித்து விடுவோம் என்று எண்ணுவது, நெய்யை ஊற்றியே நெருப்பை அணைப்போம் என்பது போலாம்.

குறட் கருத்து  (நன்றி: திரு. தமிழ்க்கடல் நெல்லை கண்ணன்)

காதலித்து விட்டேனாம் ஊரார் அதைக்

காண்பது போல் செய்தேனாம் என்றும் எங்கும்

கூடி அவர் கொண்டேனாம் ஊரைப் பற்றிக்

கொஞ்சம் கூட நினைப்பின்றி நடந்தேனாம் நான்

தேடி இதை ஊரெங்கும் சொல்வதனால் நான்

திருந்திடவா வாய்ப்புண்டு காமத்தீயைப்

பேசி இவர் அணைத்திடவே நினைத்தல் நெய்யால்

பெருந்தீயை அணைத்திடவே முயல்தல் ஆகும்

காமக் கடும்புனல் உய்க்கும் நாணொடு

குறள் 1134

காமக் கடும்புனல் உய்க்கும் நாணொடு

நல்லாண்மை என்னும் புணை

[காமத்துப்பால், களவியல், நாணுத்துறவுரைத்தல்]

பொருள்

காமக் - kāmam   n. kāma. 1. Desire; விருப்பம் காமம் வெகுளி மயக்கம் (குறள், 360). 2. Happiness in love, one of four kinds of puruṣārttam,q.v.; உறுதிப்பொருள்களுள் ஒன்றான இன்பம் காமத்தின் மன்னும் வழிமுறையே நிற்றுநாம் (திவ். இயற்.பெரியதி. ம 37). 3. Sexual pleasure; புணர்ச்சியின்பம். காமத்திற் செம்பாக மன்று (குறள், 1092). 4.Venereal secretion; காமநீர் மெய்பொடித் திருங்காமமிக்கொழுக்கும் (உபதேசகா. அயமுகி. 25). 5. Objectof desire; விரும்பிய பொருள் தாம்வேண்டுங் காமமேகாட்டுங் கடிது (திவ். இயற். 2, 92). 6. (Astrol.) Theseventh house from the ascendant; இலக்கினத்துக்கு ஏழாமிடம். (சங். அக.) 7. See காமமரம் (மூ. அ )

காமக்-  kāmam   s. lust, desire, ஆசை; 2. lasciviousness, libidinousness, காமநோய்; 3. love, desire, அன்பு; 4. semen virile, வீரியம்; 5. sexual pleasure, புணர்ச்சி இன்பம்.

புனல் - puṉal   n. [K. ponalu.] 1. Water;நீர். தண்புனல் பரந்த (புறநா. 7). 2. Flood, torrent, stream, river; ஆறு. மழைகொளக் குறையாதுபுனல்புக மிகாது (மதுரைக். 424). (பிங்.) 3. Cold;குளிர்ச்சி. மண்புன லிளவெயில் (பரிபா. 15, 27). 4.The 20th nakṣatra; பூராடம். விட்டம் புனலுத்திராடம் (விதான. குணாகுண. 29). 5. Black-oil tree;வாலுளுவை. (சங். அக.)

கடும்புனல் - kaṭu-m-puṉal   n. கடு-மை +.1. Swift current of water; வேகமாயோடும் நீர் கடும்புனன் மலிந்த காவிரி (அகநா. 62). 2. Sea,from its abundance of water; கடல் காமக்கடும்புன னீந்திக் கரைகாணேன் (குறள், 1167).

உய்க்குமே - உய்த்தல் - செலுத்துதல்; கொண்டுபோதல் சேர்த்தல் நடத்துதல் அமிழ்த்தல் நுகர்தல் கொடுத்தல் அனுப்புதல் குறிப்பித்தல் அறிவித்தல் ஆணைசெலுத்துதல்; ஆயுதத்தைச்செலுத்துதல்; உய்யச்செய்தல்; நீக்குதல்

நாண் - வெட்கம்; மகளிர்க்குரியகூச்சம்; வில்நாண்; கயிறு; மாங்கலியங்கோத்தசரடு; காண்க:அரைஞா(நா)ண்.

நாணொடு - வெட்கத்துடன், மானத்துடன்; கூச்சத்துடன்

நல் - nal   நல்ல, adj. (நன்மை) good, fair; 2. abundant, much, மிகுந்த; 3. auspicious. (In combin, ல் is changed into ற் before க, ச, த, ப & may be changed into ன் before ம & ந, sometimes also before க & ச).

ஆண்மை - ஆளும்தன்மை; ஆண்தன்மை; வெற்றி வலிமை அகங்காரம் உடைமை வாய்மை

என்னும் - யாவும், எல்லாம்; என்றுசொல்லப்படும்; யாதும்; சிறிதும்.

புணை - puṇai   n. புணை-. 1. Float, raft;தெப்பம். நல்லாண்மை யென்னும் புணை (குறள்,1134). 2. Boat, vessel, ship; மரக்கலம். (சூடா.)3. Support, help; உதவி. அறம் புணையாகலு முண்டு(கலித். 144). 4. cf. பணை. Bamboo; மூங்கில். (அக.நி.) 5. Fetters; விலங்கு. (சூடா.) 6. Pledge,security; ஈடு. 7. cf. பிணை. Surety; ஆள் ஜாமீன்.இவனுக்குப் புணை (S. I. I. V, 173). 8. Comparison;ஒப்பு. புணையில்லா வெவ்வ நோய் (கலித். 124).

முழுப்பொருள்
ஒரு தலைவன் தான் தோல்வியுற்றான் என்று சொல்லிக்கொள்ள வெட்கப்படுவான். தோல்வியென்பது அவனை நாணம் அடையச்செய்யும். ஆதலால் தோல்வியில் தழுவாதிருக்க தன்னால் முடிந்த எல்லாவற்றையும் செய்வான். அதுப்போல தன்னுடைய ஆண்மை என்று சொல்லப்படுகின்ற ஆளுந்தன்மை என்பது சிக்கலான நேரங்களில் இருந்து தற்காத்துக்கொள்ள பல வழிகளை கொடுத்து உதவும். இவை இரண்டும் வாழ்வு என்னும் கடலில் ஒரு படகில் செல்லும் பொழுது தலைவனின் கையில் இருக்கும் இரண்டு தெப்பம் / மரக்கலம் போன்றது. பொதுவாக இந்த மரக்கலங்களை வைத்துக்கொண்டு கடலை கடந்து வருவார்கள்.

ஆனால் காமம் (புணர்ச்சி, ஆசை நோய்)  என்பது மிக பரந்து விரிந்த கடுமையான கடலைப்போன்றது. ஒரு கட்டற்ற வெள்ளாறு போன்றது. அதன் முன் தலைவனின் நாணமும் ஆளுந்தன்மையும் படகில் உள்ள மரக்கலங்கள் போன்ற சிறுமையான விஷயங்கள் ஆகிவிடும். காமம் நாணத்தையும் ஆளுந்தன்மையும் உய்த்துவிடும்.

இக்குறளை இருவகையில் எடுத்துக்கொள்ளலாம். 1) காதலின் முன் யாவரும் சிறியவர்களே. காமத்தின் சக்தி கடலைப்போன்றது. அதன் சீற்றதை மனிதனால் எதிர்க்கொள்ள முடியாது 2) காமம் மிக கடுமையானதும் கூட. காமத்தினால் மனிதன் தன்னிலை இழந்து தவறும் செய்யக்கூடும். கம்பராமயணத்தில் i) சூர்பனையிடம் சற்று காமம் கொண்ட இராமன் தனக்கு கல்யாணம் ஆகிவிட்டது என்று சூர்பனையிடம் சொல்லி இருக்க மாட்டான். அந்த சமயத்தில் சூர்பனைக்கு இராமன் மீது காமம் இருக்கும். [ஒரு வேளை ராமன் தனக்கு கல்யாணம் ஆகியுள்ளது என்று சொல்லி இருந்தால் சூர்பனையின் காமம் அடிபட்டுப் போய் இருக்கும்]. இராமனை கட்டிக்கொள்ள இராவணனிடம் சீதையின் அழகைச் சொல்லி அவன் காமத்தை சீண்டுகிறாள். ஆக இங்கே சூர்பனகை எடுத்த ஆயுதம் காமம். ஏனெனில் சீதையை இராவணன் எடுத்துக்கொள்ளட்டும் இராமனை சூர்பனகை எடுத்துக்கொள்வாள். அதுவரையில் யாருடைய காலின் வீழாத இராவணன் சீதையின் மீது இருந்த காமத்தினால் தன்னிலையிழந்து அவளை சிறைப்பிடித்து. பின்பு அனைத்தையும் இழந்தான் இராவணன்.

“சான்றவிர் வாழியோ” என்னும் நெய்தற் கலியுள்

காணுநர் எள்ளக் கலங்கித் தலைவந்துஎன்
ஆணெழில் முற்றி உடைத்துள் அழித்தரும்
மாண்இழை மாதராள் ஏஎர்எனக் காமனது
ஆணையால் வந்தபடை” (கலி 139:20-24)

என்று கலித்தொகைப் பாடலொன்று காமத்தால் ஆணெழில் முற்றி உடைத்துள் அழிதருவதைக் கூறுகிறது, இக்குறள் கருத்தையொட்டி.

மேலும்: அஷோக் உரை

பரிமேலழகர் உரை

(நாணும் நல்லாண்மையும் காமவெள்ளத்திற்குப் புணையாகலின்,அதனால் அவை நீங்குவன அல்ல என்றாட்குச் சொல்லியது) நாணொடு நல்லாண்மை என்னும் புணை - யான் தன்னைக் கடத்தற்குக் கொண்ட நாணும் நல்லாண்மையும் ஆகிய புணைகளை; காமக்கடும் புனல் உய்க்குமே - என்னிற பிரித்துக் காமமாகிய கடிய புனல் கொண்டு போகாநின்றது. (அது செய்யமாட்டாத ஏனைப் புனலின் நீக்குதற்கு, 'கடும்புனல்' என்றான். 'இப்புனற்கு அவை புணையாகா; அதனான் அவை நீங்கும்', என்பதாம்.).

மணக்குடவர் உரை

யான் தன்னைக் கடத்தற்குக் கொண்ட நாணும் நல்லாண்மையுமாகிய புணைகளை என்னிற் பிரித்துக் காமமாகிய கடியபுனல் கொண்டுபோகா நின்றது.

மு.வரதராசனார் உரை

நாணமும் நல்ல ஆண்மையுமாகிய தோணிகளைக் காமம் என்னும் கடுமையான வெள்ளம் அடித்துக் கொண்டு போய் விடுகின்றன.

சாலமன் பாப்பையா உரை

ஆம்; நாணம், ஆண்மை என்னும் படகுகளைக் காதலாகிய கடும் வெள்ளம் அடித்துக் கொண்டு போய்விட்டது.

குறட் கருத்து  (நன்றி: திரு. தமிழ்க்கடல் நெல்லை கண்ணன்)

   கரு விழியாள் தன்னழகில்  வீழ்ந்தேன்   வீழ்ந்தேன்  அந்தக்

           கனியிதழாள்  அமுத  நஞ்சில்   மாய்ந்தேன் மாய்ந்தேன்

   தருவதிலும்  பெறுவதிலும் வாழ்ந்தேன் வாழ்ந்தேன்  அந்தத்

           தளிர்க் கொடியாள் எனைப்  பிரிந்தாள் ஒய்ந்தேன் ஒய்ந்தேன்

   பெருமையுடன் நிமிர்ந்திருந்த ஆண்மை  ஊரார்

          பேசி நிற்கும் எந்தனது நாணம் என்னும்

   இரு படகும் இழந்து   விட்டேன் அந்தோ காமம்

          எனும் பெரிய  வெள்ளத்தில்  நானும்  நானும்

பிணிக்கு மருந்து பிறமன் அணியிழை

குறள் 1102

பிணிக்கு மருந்து பிறமன் அணியிழை

தன்நோய்க்குத் தானே மருந்து.

[காமத்துப்பால், களவியல், புணர்ச்சிமகிழ்தல்]

பொருள்
பிணி - நோய்; கட்டுகை (Fastening,binding); கட்டு; பற்று; பின்னல்; அரும்பு; துன்பம்; நெசவுத்தறியின்நூற்படை. 

பிணிக்கு - நோயிற்கு

மருந்து - maruntu   n. cf. amṛta. [T. mandu,K. mardu, M. marunnu.] 1. Medicine; ஔஷதம். (குறள், அதி. 95.) ஆசைநோய்க்கு மருந்துமுண்டாங்கொலோ (கம்பரா. மிதிலைக். 80). 2. Remedy;பரிகாரம். மருந்தின்று மன்னவன் சீறில் (கலித்.89). 3. Philter, love-potion; வசியமருந்து. 4.Nectar, ambrosia; அமிர்தம். கடல் கலக்கி மருந்துகைக்கொண்டு (கல்லா. 41, 26). 5. Boiled rice;சோறு. இருமருந்து விளைக்கு நன்னாட்டுப் பொருநன்(புறநா. 70). 6. Drinking water; குடிதண்ணீர்.(புறநா. 70.) 7. Sweetness; இனிமை. மருந்தோவாநெஞ்சிற்கு (கலித். 81). 8. Gunpowder; வெடிமருந்து. (W.) 9. Holly leaved berberry; முள்ளுக்கடம்பு. 10. A kind of grass; புதற்புல் என்னும் புல்வகை. (அக. நி.)

பிற - மற்றவை; ஓர்அசைச்சொல்.

மன் - ஓர்அசைநிலை; எதிர்காலங்காட்டும்இடைநிலை; ஒழியிசைக்குறிப்பு; பிறிதொன்றாகைக்குறிப்பு; மிகுதிக்குறிப்பு; ஆக்கக்குறிப்பு; கழிவுக்குறிப்பு; நிலைபேற்றுக்குறிப்பு; ஒருபெயர்விகுதி; அரசன்; வீரன்; தலைவன்; கணவன்; உத்தரட்டாதிநாள்; பெருமை; இழிவு; மந்திரம்; மணங்கு.

பிறமன் - மற்ற மருத்துவர்கள் கொடுக்கும் மருந்து (மந்திரம்)

அணி - வரிசை; ஒழுங்கு ஒப்பனை அழகு அணிகலன் முகம் படைவகுப்பு செய்யுளணி; இனிமை அன்பு கூட்டம் அடுக்கு அண்மை ஓர்உவமஉருபு.

இழைதல் - நூற்கப்படுதல்; உராய்தல் சோறுமுதலியனகுழைதல்; கூடுதல் நெருங்கிப்பழகுதல்; உள்நெகிழ்தல்; மூச்சுச்சிறுகுதல்; குறுமூச்சுவிடுதல்; மனம்பொருந்துதல்

அணியிழை - aṇi-y-iḻai   n. id. +.Woman, as adorned with jewels; பெண். அணியிழை தந்நோய்க்குத் தானே மருந்து (குறள், 1102).

தன்நோய்க்குத் - தன்னுடைய நோயிற்கு

தானே - தானே

மருந்து - maruntu   n. cf. amṛta. [T. mandu,K. mardu, M. marunnu.] 1. Medicine; ஔஷதம். (குறள், அதி. 95.) ஆசைநோய்க்கு மருந்துமுண்டாங்கொலோ (கம்பரா. மிதிலைக். 80). 2. Remedy;பரிகாரம். மருந்தின்று மன்னவன் சீறில் (கலித்.89). 3. Philter, love-potion; வசியமருந்து. 4.Nectar, ambrosia; அமிர்தம். கடல் கலக்கி மருந்துகைக்கொண்டு (கல்லா. 41, 26). 5. Boiled rice;சோறு. இருமருந்து விளைக்கு நன்னாட்டுப் பொருநன்(புறநா. 70). 6. Drinking water; குடிதண்ணீர்.(புறநா. 70.) 7. Sweetness; இனிமை. மருந்தோவாநெஞ்சிற்கு (கலித். 81). 8. Gunpowder; வெடிமருந்து. (W.) 9. Holly leaved berberry; முள்ளுக்கடம்பு. 10. A kind of grass; புதற்புல் என்னும் புல்வகை. (அக. நி.)

முழுப்பொருள்

அணியிழைக்கு - அணிகள் சூடிக்கொண்ட பெண் என்ற புறவயமான அழகை திருவள்ளுவர் கூறியிருக்க மாட்டார். இழை என்றால் நெருங்கிபழகுதல், கூடுதல், மனம் பொருந்துதல். ஆதலால் இவர்கள் மனம் அழகாக பொருந்தியது என்ற பொருளே சரி என்று நான் நினைக்கிறேன்.

இவ்வுலகத்தில் உள்ள அனைத்து நோய்களுக்கும் மருந்துகளை மருத்துவ ஆராய்ச்சியாளர்களும் கண்டுபிடித்துக்கொண்டே இருக்கிறார்கள். உடலில் உள்ள நோய்க்கு (அதாவது புறவயமான நோய்க்கு) மருந்து உண்டு.

ஆனால் அழகாக நெருங்கிப்பழகி உள்ளம் நெகிழ்ந்து மனம் பொருந்தி உண்டான காதலினால் நாங்கள் படும் ஆசைநோய்க்கு இவ்வுலகில் யாராவது மருந்து கண்டுப்பிடித்து உள்ளனரா? இல்லை. முடியவும் முடியாது. தன்னால் ஆன நோய்க்கு தானே மருந்து. இவர்கள் ஒன்றுக்கூடி காதலை பெருக்கிக்கொள்வதே இவர்களுக்கு மருந்தாகும்.

கலித்தொகை 89 பாடலில்? "மருந்து இன்று - மன்னவன் சீறின், தவறு உண்டோ? நீ நயந்த இன் நகை! தீதோ இலேன்;"  என்ற வரிகளுக்கு அர்த்தம் மன்னவன் சினந்தால் அதனைப் போக்கும் மருந்து உண்டா? என்னிடம் தவறு உண்டோ? நீ உன் இனிய புன்னகையால் என்னைக் கட்டிப் போட்டவள் ஆயிற்றே! நான் குற்றமற்றவன்.

ஆதலால் காதலில் ஒரு பிரிவு, சினம், ஊடல் அல்லது வேறு எதனாலும் நோய்வந்தால் அதற்கு மருந்து என்பது அவர்களே ஆவார்.

இதை நற்றிணைப் பாடலொன்று இவ்வாறு கூறுகிறது. 

“பெருந்தோட் குறுமகள் அல்லது 

மருந்துபிறி தில்லையான் உற்ற நோய்க்கே” ! (நற் 80:8-9)

“அருந்துயர் அவலம் தீர்க்கும்

மருந்துபிறி தில்லயான் உற்ற நோக்கே” (நற் 140:10-11)

“களைநர் இல் நோய்செய்யும் கவின்” (கலி 58:9)

“நின்முகம் தான்பெறின் அல்லது கொன்னே

மருந்து பிறிதியாதும் இல்லேன்” (கலி 60-20-21)

”மென்பனி எரிந்த தென்றால் இவனிலை விளம்ப லாமோ

அன்பெனும் விடமுண் டாரை ஆற்றலாம் மருந்து முண்டோ” (கம்ப.மாரீசன் 100)

மாயாசனகப் படலத்தில் வரும் கம்பனின் பாடல் வரிகள் இன்னும் அழகானவை!

“மந்திரம் இல்லை, வேறு ஓர் மருந்து இல்லை, மையல் நோய்க்குச்
சுந்தரக் குமுதச் செவ்வாய் அமுது அலால் அமுதச் சொல்லீர்! (கம்ப.மாயாசனகப்.16)

கம்பராமயணத்தில் மிதிலையில் ஆசை நோய்க்கு மருந்தும் உண்டோ என்று கேட்கப்படுகிறது.

வாச மென் கலவைக் களி வாரி, மேல்
பூசப் பூசப் புலர்ந்து புழுங்கினள்;
வீச வீச வெதும்பினள், மென் முலை;-

ஆசை நோய்க்கு மருந்தும் உண்டாம்கொலோ? 80

மேலும்: அஷோக் உரை

பரிமேலழகர் உரை

(இடந்தலைப் பாட்டின்கண் சொல்லியது) பிணிக்கு மருந்து பிற - வாதம் முதலிய பிணிகட்கு மருந்தாவன அவற்றிற்கு நிதானமாயினவன்றி மாறாய இயல்பினையுடையனவாம்; அணியிழை தன்நோய்க்கு மருந்து தானே - அவ்வாறன்றி இவ்வணியிழையினை உடையாள் தன்னினாய பிணிக்கு மருந்தும் தானேயாயினாள். (இயற்கைப் புணர்ச்சியை நினைந்து முன் வருந்தினான் ஆகலின் 'தன்நோய்' என்றும், அவ்வருத்தந் தமியாளை இடத்து எதிர்ப்பட்டுத், தீர்ந்தானாகலின் 'தானே மருந்து' என்றும் கூறினான். இப்பிணியும் எளியவாயவற்றால் தீரப்பெற்றிலம் என்பதுபட நின்றமையின், மன் ஒழியிசைக் கண் வந்தது.).

மணக்குடவர் உரை

நோயுற்றால் அதற்கு மருந்தாவது பிறிதொன்று: இவ்வணியிழையால் வந்த நோய்க்குக் காரணமாகிய இவள் தானே மருந்தாம். இது புணர்வதன் முன்னின்ற வேட்கை

மு.வரதராசனார் உரை

நோய்களுக்கு மருந்து வேறு பொருள்களாக இருக்கின்றன, ஆனால் அணிகலன் அணிந்த இவளால் வளர்ந்த நோய்க்கு இவளே மருந்தாக இருக்கின்றாள்.

சாலமன் பாப்பையா உரை

நோய்களுக்கு மருந்து பெரும்பாலும், அந்நோய்களுக்கு மாறான இயல்பை உடையவையே. ஆனால் இவள் தந்த நோய்க்கு இவளே மருந்து.

குறட் கருத்து  (நன்றி: திரு. தமிழ்க்கடல் நெல்லை கண்ணன்)

உலகெங்கும் நோய்களுக்கு மருந்து கண்டார்

ஊர் போற்ற வாழுகின்றார் உண்மை உண்மை

பலமான அவர் அறிவு கண்டு போற்றி

பணிந்தவரைக் கேட்டு நின்றேன் எந்தன் நோய்க்கு

சரியான மருந்து எது என்று அவர்

சலிக்காமல் சிரிக்கின்றார் என்ன என்றேன்

விரிகின்ற விழியாளின் வழியாய் வந்த

வெம்மை நோய்க்கு அவள் தானேமருந்து என்றார்

Thirukkural - Management - Health - Counsel for Individuals

There are medicines, cures and treatments for external or physical injuries and diseases. But, the treatments, cures, and medicines for the diseases of the mind are found in the mind itself. Diseases are classified as psychosomatic and Soma psychic. Psyche means mind and Soma means body. Psychosomatic diseases are mind induced. Soma psychic diseases are body caused.

Though Valluvar has written Kural 1102 to refer to love sickness, the Kural can also be referred to diseases that are caused by one's own mind. A ladylove says that the disease caused by her lover can be cured only by her lover. So, the source of a disease has the cure in it. 

Medicine differ from ills, their enemies

But this my jewel is both disease and cure

It has been proved by many research works that 90% of the diseases is psychosomatic, that is., the diseases caused by mind. Cures for the diseases caused by the mind are found in the same mind. Mind can either make or mar our health. There is a popular saying in Tamil that one fourth of the cure for a disease is found in medicine and three fourth  of the cure for a disease is found in one's mind. So, one's mind is both creator and destroyer of diseases.

அறைபறை அன்னர் கயவர்தாம்

குறள் 1076

அறைபறை அன்னர் கயவர்தாம் கேட்ட

மறைபிறர்க்கு உய்த்துரைக்க லான்

[பொருட்பால்,  குடியியல்,  கயமை]

பொருள்

கயமை - kayamai   n. Inferiority, baseness,despicableness; கீழ்மை (குறள், 108, அதி

அறை - அடி; மோதுகை; வெட்டுகை; ஓசை சொல் விடை அலை உள்வீடு வீடு பெட்டியின்உட்பகுதி; வகுத்தஇடம்; பிள்ளைபெறும்அறை; சதுரங்கம்முதலியவற்றின்கட்டம்; மலைக்குகை சுரங்கம் பாத்தி வஞ்சனை பாறை அம்மி சல்லி துண்டம் பாசறை அறுகை

பறை - தோற்கருவி; தப்பு; பறையடிக்குஞ்சாதி; வட்டம்; சொல்; விரும்பியபொருள்; ஒருமுகத்தலளவை; மரக்கால்; நூல்வகை; வரிக்கூத்துவகை; குகை; பறத்தல்; பறவைஇறகு; பறவை

அன்னர் - They are like. அன்னர்--அன்னார். Such persons

கயவர் -  கீழ்மையானவர்; கீழ்மையான செயல்களை செய்பவர்

தாம் - அவர்கள்; மரியாதைகுறிக்கும்முன்னிலைச்சொல்; ஓரசைச்சொல்; ஒருசாரியை; தாகம்; விலை

கேட்ட - கேட்டல் - செவிக்குப்புலனாகுதல்; பாடங்கேட்டல்; வினாவல்; விசாரித்தல்; வேண்டுதல்; கேள்விப்படுதல்; கொடுக்கச்சொல்லுதல்; தண்டித்தல்; இரத்தல்; நோய்முதலியனநீக்குதல்; விலைகேட்டல்; ஏற்றுக்கொள்ளுதல்; பொறுத்தல்; தணிதல்; கீழ்ப்படிதல்; ஒலிஎட்டுதல்; செவியாற்கேட்குதல்; அனுமதிபெறுதல்.

மறை - மறைக்கை; இரகசியம்; மந்திராலோசனை; வேதம்; உபநிடதம்; ஆகமம்; மந்திரம்; உபதேசப்பொருள்; சிவப்புப்புள்ளிகளையுடையமாடுமுதலியன; களவுப்புணர்ச்சி; பெண்குறி; உருக்கரந்தவேடம்; திருகுவகை; விளக்கின்திரியைஏற்றவும்இறக்கவும்உதவும்திருகுள்ளகாய்; புகலிடம்; சிறைக்கூடம்; மறைவிடம்; வஞ்சனை; இரண்டாம்உழவு; கேடகம்; எதிர்மறை; விலக்குகை; புள்ளி; சங்கின்முறுக்கு.

பிறர் - அயலார், அன்னியர்

பிறர்க்கு - அயலாருக்கு; அன்னியருக்கு

உய்த்து - உய்த்தல் - செலுத்துதல்; கொண்டுபோதல் சேர்த்தல் நடத்துதல் அமிழ்த்தல் நுகர்தல் கொடுத்தல் அனுப்புதல் குறிப்பித்தல் அறிவித்தல் ஆணைசெலுத்துதல்; ஆயுதத்தைச்செலுத்துதல்; உய்யச்செய்தல்; நீக்குதல்

உரைக்கலான் - பிறரிடம் சொல்லிவிடுவர்.

முழுப்பொருள்
ஏதேனும் ஒரு செய்தி கிடைத்தால் அதை எல்லோரிடத்திலும் சொல்லி இன்பமடைந்து, அமைதியாக வாழும் நல்லவர்களை கண்டு வயிறெரிச்சல் கொண்டு அவர்களை இகழ்ந்துப்பேசி, பிறரிடத்து வம்பு பேசுவோர் செய்யும் இச்செயல் பறையை அறைந்து ஊருக்கு சொல்லுவதற்கு சமம். இச்செயல் கீழ்மையானது. செய்பவர்கள் கீழ்மையானவர்கள்.

பறையை அறைந்து சொல்லப்படும் செய்தியானது எல்லோருக்கும் கேட்கும். ஆனால் குசுகுசுவென வம்பு பேசுவது எல்லோருக்கும் கேட்காது என்று நினைப்பர். ஆனால் பறை அறைந்து சொல்லப்படும் செய்தி எப்படி எல்லோரிடத்திலும் சென்று அடைகிறதோ அதுப்போல வம்பாக பேசப்படும் செய்தி எல்லோரிடத்திலும் சென்றடைந்துவிடும். வம்பு பேசுவதின் வீர்யம் அறிந்தும் (அறியாமல் இருக்க வாய்ப்பு மிக மிக அபூர்வம்) வம்புபேசுவதை தொழிலாக வைத்து இருப்பவர்கள் கீழ்மையானவர்கள் கயவர்கள் என்கிறார் திருவள்ளுவர்.

”பெருமலை நாட பிறரறிய லாகா

அருமறையை ஆன்றோரே காப்பர் - அருமறையை

நெஞ்சில் சிறியார்க் குரைத்தல் பனையின்மேல்

பஞ்சிவைத் தெஃகிவிட் டற்று” (பழமொழி 91)

“.................சான்றோர்

கயவர்க் குரையார் மறை” (பழமொழி 229)

இதையே சுப்ரமணிய பாரதியும் கீழ்வரும் பாடலில் சொல்லுகிறார். வம்பு (சின்னஞ்சிறுகதைகள்) பேசுவதினால் பிறருடைய மனம் வாடும். இவர்கள் வெறும் கிழப்பருவம் எய்துவார்கள். ஞானத்தை எய்தமாட்டார்கள். இப்படி வம்பு பேசி பிறர் மனதை வாடச்செய்வது கொடுங்கூற்று என்கிறார் பாரதியார்.

தேடிச் சோறுநிதந் தின்று - பல
சின்னஞ் சிறுகதைகள் பேசி - மனம்
வாடித் துன்பமிக உழன்று - பிறர்
வாடப் பலசெயல்கள் செய்து - நரை
கூடிக் கிழப்பருவ மெய்தி - கொடுங்
கூற்றுக் கிரையெனப்பின் மாயும் - பல
வேடிக்கை மனிதரைப் போலே - நான்
வீழ்வே னென்று நினைத் தாயோ?

மேலும்: அஷோக் உரை

பரிமேலழகர் உரை

தாம் கேட்ட மறை உய்த்துப் பிறர்க்கு உரைக்கலான் - தாம் கேட்ட மறைகளை இடந்தோறும் தாங்கிக்கொண்டு சென்று பிறர்க்குச் சொல்லுதலான்; கயவர் அறை பறை அன்னர் - கயவர் அறையப்படும் பறையினை ஒப்பர். (மறை: வெளிப்படின் குற்றம் விளையும் என்று பிறரை மறைத்து ஒருவன் சொல்லிய சொல். பிறர், அம்மறைத்தற்குரியார். 'உய்த்து' என்றார், அவர்க்கு அது பெரும்பாரமாதல் நோக்கி. பறை ஒருவன் கையால் தன்னை அறிவித்ததொன்றனை இடந்தோறும் கொண்டு சென்று யாவரையும் அறிவிக்குமாகலான், இது தொழில் உவமம். இதனான் அவரது செறிவின்மை கூறப்பட்டது.).

மணக்குடவர் உரை

கயவர் அறையும் பறைபோல்வர்; தாங்கேட்ட மறைகளைப் பிறர்க்குக் கொண்டு சென்று அறிவித்தலான். இஃது அடக்கமில ரென்றது.

மு.வரதராசனார் உரை

கயவர், தாம் கேட்டறிந்த மறைப்பொருளைப் பிறர்க்கு வலிய கொண்டுபோய்ச் சொல்லுவதலால், அறையப்படும் பறை போன்றவர்.

சாலமன் பாப்பையா உரை

தாம் அறிந்த ரகசியங்களைப் பிறரிடம் வலியச் சென்று சொல்லுவதால், அடிக்கப்படும் பறையைப் போன்றவர் கயவர்.

குறட் கருத்து  (நன்றி: திரு. தமிழ்க்கடல் நெல்லை கண்ணன்)

  ஏதேனும் ஒரு செய்தி இவரிடத்தில் கிடைத்திட்டால்

  எல்லோர்க்கும் அதைச் சொல்லி இன்பமதை அடைவார்கள்

  சூதாக வாழ்வார்கள் நல்லவர்கள் வாழ்வதனை

  சுகமதனைப் பார்த்தாலோ அவர் குறித்து இகழ்வார்கள்

  தோதாக பார்ப்பதற்கு மனிதரைப் போல் இருப்பார்கள்

  தொழில் எங்கும் நடிப்பதுவே அச்சம் இவர் குலச்சொத்து

  வேதனைகள் வரும் போது தங்களையே விற்றிடுவார்

  வெட்கம் மானம் சூடு இவர் விட்டு விட்ட நற் குணங்கள்

இரத்தலும் ஈதலே போலும்

குறள் 1054

இரத்தலும் ஈதலே போலும் கரத்தல்

கனவிலும் தேற்றாதார் மாட்டு.

[பொருட்பால், குடியியல், இரவு]

பொருள்
இரவு - இராத்திரி; மஞ்சள் இருள்மரம் இரத்தல் இரக்கம் பன்றிவாகை

இரவு - iravu   n. இர-. Beggary, mendicity; யாசிக்கை. கோலொடு நின்றா னிரவு (குறள்,552).

இரத்தல் - குறையிரத்தல்; பிச்சைகேட்டல்; வேண்டுதல்

இரத்தலும்  - வேண்டுதல், பிச்சைகேட்டல்; யாசித்தலும்

ஈ-தல் - ī-   4 v. [T. ittsu, K. ī.] tr. 1. Togive to inferiors, give alms, bestow, grant;இழிந்தோர்க்குக் கொடுத்தல் ஈயென் கிளவி யிழிந்தோன் கூற்றே (தொல். சொல் 445). 2. To give;கொடுத்தல். 3. To distribute, apportion; பகிர்ந்துகொடுத்தல். 4. (Arith.) To divide; வகுத்தல் (W.) 5. To give instruction; படிப்பித்தல் ஈதலியல்பே யியம்புங் காலை (நன். 36). 6. To create,bring into existence; படைத்தல் எவ்வுயிர்களுமீந்தான (கம்பரா. அகலி 49). 7. To bring forth;ஈனுதல்.--intr. To agree, consent; நேர்தல் (பரிபா

ஈதலே - பிறருக்கு பகிர்ந்துகொடுத்தல்

போலும் - போன்றது

கரத்தல் - மறைத்தல்; கவர்தல்; கெடாதிருத்தல்; அழித்துமுதற்காரணத்தோடுஒடுக்குதல்; கெடுதல்.

கனவினும் - கனவு -கனா; உறக்கம்; மயக்கம்.

தேற்று - tēṟṟu   n. தேற்று-. 1. Makingclear; தெளிவிக்கை. 2. Becoming clear; தெளிவு செஞ்சொற்பொருளின் றேற்றறிந்தேனே (சிவப்.பிரபந். நால்வர் 28). 3. See தேற்றா (பிங்.) தேற்றின்வித்திற் கலங்குநீர் தெளிவதென்ன (ஞானவா. தாமவியா. 3).

தேற்றார் - அறிவிலார்; பகைவர்.

தேற்றாதார்மாட்டு - தெளிந்துக்கொள்ளாதார்

முழுப்பொருள்

இவ்வுலகில் எல்லோரும் பிறருக்கு தன் செல்வத்தை உதவகொடுத்து வாழ்வதில்லை. ஆனால் சில கொடை வள்ளல்கள் கனவிலும் கூட தன்னிடம் இருக்கும் செல்வம் தனை மறைத்து வாழ வேண்டும் என்று நினைக்கமாட்டர்கள். இவர்கள் பிறருக்கு உதவி செய்வதே மிக பெரிய பேறு என்று நினைப்பவர்கள், உணர்ந்தவர்கள். அதனால் தான் திருவள்ளுவர் சொல்லுகிறார் அத்தகைய கொடையுள்ளம் குணம் கொண்ட வள்ளல்களிடம் சென்று யாசிப்பது என்பது நாம் அவர்களுக்கு செய்யும் கொடைப்போன்றதே ஆம். ஏனெனில் அப்படி யாசிக்கும் பொழுது கொடுப்பவர் மிகுந்த மகிழ்ச்சியை அடைகிறார். அந்த மகிழ்ச்சியை அவர் அடையும் வாய்ப்பை நாம் அவரும் தருகிறோம்.

ஒப்புமை

”இரந்தோர்க் கெந்நாளும், காலம் பகராதார்” (சம்பந்தர்.சீகாழி 9)

“புயல் மறந்து மீன்சனிபுக் கூன்சலிக்கும் காலந் தானும்

கலங்கலிலா மனப்பெருவண் கையுடைய மெய்யர்” (சம்பந்தார்.கழுமலம்.3)

உதாரணமாக: யார் கொடை வள்ளல்
ஒரு அதிகாலை நேரத்தில் கிருஷ்ணர், அர்ச்சுனனுடன் உரையாடிக் கொண்டிருந்தார். அப்போது அவர்களின் பேச்சு, மக்களுக்கு தான, தருமங்கள் செய்வது பற்றி சென்றது. அப்போது கிருஷ்ணர், கர்ணனின் கொடை தன்மை பற்றி உயர்வாக பேசிக்கொண்டிருந்தார். இதைக் கேட்ட அர்ச்சுனனுக்கு கோபம் தலைக்கேறியது.

உடனே அவன், ‘பணம் இருந்தால் யார் வேண்டுமானாலும் கொடை வள்ளல் ஆகலாம்’ என்றான்.

‘ஓ.. அப்படியா?’ என்று கேட்டபடி நமுட்டுச் சிரிப்பு சிரித்த கிருஷ்ணர், அந்தப் பகுதியில் இருந்த ஒரு சாதாரண மலைக் குன்றை தங்க மலையாக மாற்றினார்.

பின்னர் அர்ச்சுனனிடம், ‘அர்ச்சுனா! இந்த தங்க மலையை, நான் உனக்கு பரிசாக அளிக்கிறேன். இந்த மலையை நீ, இன்று மாலை சூரியன் மறைவதற்குள் தானம் செய்து விட வேண்டும். அவ்வாறு செய்து விட்டால், நீதான் இந்த உலகத்திலேயே மிகப்பெரிய வள்ளல்’ என்று கூறி விட்டு அங்கிருந்து சென்று விட்டார்.

அர்ச்சுனன் தன்னைத் தேடி வந்தவர்களுக்கெல்லாம் அந்த தங்க மலையை கொஞ்சம் கொஞ்சமாக வெட்டிக் கொடுத்துக் கொண்டே இருந்தான். மக்கள் வண்டி, வண்டியாக வந்து அர்ச்சுனன் கொடுத்த தானத்தை வாங்கிச் சென்றனர். காலை, மதியமாகி, அந்தி சாயும் வேளையை நோக்கி நகர்ந்து கொண்டிருந்தது. சூரியன் மேற்கில் மறைவதற்கு ஆயத்தமாகிக் கொண்டிருந்தான். ஆனால் அர்ச்சுன் வெட்டிக் கொடுத்துக் கொண்டிருந்த தங்க மலை குறைந்தபாடில்லை. கால்வாசி மலை தான் வெட்டப்பட்டு இருந்தது.

அந்த சமயத்தில் மீண்டும் அங்கு வந்தார் கிருஷ்ணர். ‘என்னப்பா அர்ச்சுனா! நான் கொடுத்த தங்க மலை அப்படியே இருக்கிறதே! இன்னுமா நீ இதை தானம் செய்து முடிக்கவில்லை’ என்று ஏளனமாக கேட்டார் கிருஷ்ணர்.

அப்போதும் தன்னுடைய கர்வத்தை விட்டுக் கொடுக்காத அர்ச்சுனன், ‘நீங்கள் புகழ்ந்து பேசிய கர்ணனாக இருந்தால் கூட, இவ்வளவு தான் தானம் செய்து இருக்க முடியும்’ என்றான்.

‘அப்படியா..’ என்று சிரித்துக் கொண்டே கேட்ட கிருஷ்ணர், அந்த வழியாக சென்ற கர்ணனைக் கூப்பிட்டார். கர்ணன் ஓடி வந்து கிருஷ்ணரை வணங்கியபடி நின்றான். பின்னர், ‘கிருஷ்ணா! தங்களுக்கு ஏதேனும் ஒரு வகையில் உதவக்கூடிய பாக்கியம் எனக்கு கிடைக்குமா?’ என்று கேட்டான்.

அதற்கு கிருஷ்ணர், ‘ஒன்றுமில்லை கர்ணா! இதோ பார்! இந்த தங்க மலையை சூரியன் மறைவதற்குள் நீ தானம் செய்ய வேண்டும். உன்னால் முடியுமா? ஏனென்றால் சூரியன் மறைவதற்கு இன்னும் சிறிது நேரம்தான் இருக்கிறது. காலையில் இருந்து தானம் செய்து வரும் அர்ச்சுனனாலேயே இந்த தங்க மலையை தானம் கொடுத்து முடிக்க முடியவில்லை’ என்றார்.

கிருஷ்ணர் இவ்வாறு சொல்லி முடித்தபோது, அந்த வழியாக பரம ஏழை ஒருவர் வந்தார். அவர் கர்ணனைப் பார்த்ததும், ‘ஐயா! நானும்.. என் குடும்பமும் மிகவும் ஏழ்மையில் தவிக்கிறோம். இன்றைய உணவுக்காவது ஏதாவது கொடுத்தால் நான் மகிழ்வேன்’ என்றார்.

உடனே கர்ணன், ‘ஐயா..! இந்த தங்க மலையை நீங்களே எடுத்துக் கொள்ளுங்கள்’ என்று கூறினான். பின்னர் கிருஷ்ணரிடம் விடைபெற்றுக் கொண்டு அங்கிருந்து புறப்பட்டான்.

கர்ணன் சென்றதும் கிருஷ்ணன் அர்ச்சுனனிடம் கூறினார். ‘இப்போது புரிகிறதா? யார் கொடை வள்ளல் என்று. பிறருக்கு உதவ பணம் மட்டும் இருந்தால் போதாது. அவர் களுக்கு உதவ வேண்டும் என்ற நல்லெண்ணமும், அதை செயல்படுத்த ஈகை குணமும் நம் உள்ளத்தில் உதிக்க வேண்டும். மேலும், நீ தானத்தை அளந்து கொடுத்தாய். ஆனால் கர்ணனோ, தன்னிடம் இருப்பது என்ன என்ற அளவீடே இல்லாமல் இருப்பதை அப்படியே கொடுக்கும் குணம் பெற்றவன். அதனால்தான் அவனது கொடை தன்மை சிறந்து விளங்குகிறது’ என்றார் கிருஷ்ணர்.

பி.கு: அதுமட்டுமின்றி கர்ணன் சொன்ன மற்றொன்று என்னவென்றால் இந்த தங்கம் தனை பிறருக்கும் கொடை அள்ளிக்கும் பேறு (புண்ணியம்) தனை நீங்களும் பெற்றிடுங்கள் என்று.

மேலும்: அஷோக் உரை

பரிமேலழகர் உரை

கரத்தல் கனவிலும் தேற்றாதார்மாட்டு இரத்தலும் - தமக்குள்ளது கரத்தலைக் கனவின்கண்ணும் அறியாதார்மாட்டுச் சென்று ஒன்றனை இரத்தலும்; ஈதலே போலும் - வறியார்க்கு ஈதலே போலும். (உம்மை ஈண்டும் அவ்வாறு நின்றது. தான் புகழ் பயவாதாயினும் முன்னுளதாய புகழ் கெட வாராமையின் 'ஈதலே போலும்' என்றார், ஏகாரம் - ஈற்றசை.).

மணக்குடவர் உரை

கரத்தலைக் கனவின்கண்ணும் அறியாதார்மாட்டு இரந்து சேறலும் கொடுப்பதனோடு ஒக்கும். ஈதலேபோலும் என்பதற்குக் கரத்தல் கனவிலுந் தேற்றதார் என்றமையால் இரப்பான் தாரானென்று கொள்ளப்படும்.

மு.வரதராசனார் உரை

உள்ளதை மறைத்துக் கூறும் தன்மையைக் கனவிலும் அறியாதவரிடத்தில் இரந்து கேட்பதும் பிறர்க்கு கொடுப்பதைப் போன்ற சிறப்புடையது.

சாலமன் பாப்பையா உரை

ஒளிவு மறைவு என்பதைக் கனவிலும் எண்ணிப் பாராதவரிடம் சென்று, ஒன்றைக் கேட்பதும், பிறர்க்குக் கொடுப்பதைப் போன்றதே.

குறட் கருத்து  (நன்றி: திரு. தமிழ்க்கடல் நெல்லை கண்ணன்

இரந்து நிற்பார் ஈவாரே ஆவாராம் ஆம்

இனிய தந்தை வள்ளுவனார் சொல்லுகின்றார்

சிறந்து நிற்கும் இப்படியோர் சிந்தனையை

செப்புதற்கு அவரன்றி யார்தான் உண்டு

மறந்தும் தம் கனவினிலும் செல்வம் தன்னை

மறைக்காமல் வெளிப்படையாய் வாழ்வார் தம்மை

இரந்து அவர் உடன் கொடுக்கும் மாண்பதனை

எல்லோரும் உணரும் வாய்ப்பைக் கொடுக்கின்றாராம்