மண்ணோ டியைந்த மரத்தனையர் கண்ணோ

  

குறள் 576
மண்ணோ டியைந்த மரத்தனையர் கண்ணோ

டியைந்துகண் ணோடா தவர்

[பொருட்பால், அரசியல், கண்ணோட்டம்]

பொருள்

மண் - நிலவுலகம்; நீராடுங்கால்பூசிக்கொள்ளும்பத்துவகைமண்; பூமி; புழுதி; காண்க:திருமண்; தரை; அணு; சுண்ணச்சாந்து; மத்தளம்முதலியவற்றில்பூசும்மார்ச்சனை; மணை; வயல்; கழுவுகை; ஒப்பனை; மாட்சிமை.

மண்ணொடு - மண்ணுடன் 

இயைந்த - இயைதல் -  பொருந்துதல்; இணங்குதல் நிரம்புதல் ஒத்தல்

மரத்துப்போதல் - கால்முதலியனஉணர்ச்சியற்றுப்போதல்; விறைத்தல்; திகைத்தல்.

மரத்து  - மரம் - உள்வயிரமுள்ளதாவரம்; அறுக்கப்பட்டமரம்; மூலிகை; தொழுமரம்; மரக்கலம்; காண்க:இயமரம்; உழுதவயலைச்சமப்படுத்தும்பலகை.

அனையர் - They are like. அன்னர்--அன்னார். Such persons

கண் -  விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

கண்ணொடு - கண்ணுடன் 

இயைந்து - இயைதல் -  பொருந்துதல்; இணங்குதல் நிரம்புதல் ஒத்தல்

கண்ணோட்டம் - கண்பார்வை (Glance, look, vision), தாட்சிணியம் (Regard, kindness, partiality,glow of kind feeling towards a friend or even acasual acquaintance, reluctance to deny arequest made by a friend or acquaintance,humanity, fellow-feeling;)

கண்ணோடாதவர் - கண்ணோட்டம் இல்லாதவர்

முழுப்பொருள்

உடலில் ஒரு உறுப்பான கண் என்பது பிறர் துன்பங்களை பார்த்து அவற்றை உணர்ந்து அருளுடனும் தாட்சிணியத்துடனும் இருப்பதற்காகும். அத்தகைய கண் இருந்தும் கண்ணோட்டம் இல்லாதவர்கள் மண்ணில் வளர்ந்து மண்ணுடனேயே இயைந்து இருக்கும் மரங்களுக்கு ஒப்பர். அதாவது அங்கும் இங்கும் நகராமல் தேங்கி நிற்கும் மரங்களை போன்றவர்கள். 

ஏன் மரங்களை கூறுகிறார் திருவள்ளுவர் செடிகளை கூறவில்லை? ஏனெனில் செடிகளின் வாழ்நாள் மரங்களை விட மிக சிறியது. பெரும்பாலும் சில வாரங்கள் முதல் சில ஆண்டுகள் தான். ஆனால் மரங்கள் பல ஆண்டுகள் இருக்கும். குறைந்தது ஒரு 40 ஆண்டுகளாவது இருக்கும். இவை உலகில் உள்ள மற்ற இயற்கை வளங்களை பறவைகள் போன்றோ மிருகங்கள் போன்றோ கண்டு ரசிக்க முடியாது. இருக்கிற இடத்திலேயே உணர்வற்று தேங்கி நிற்க வேண்டியது தான் அதன் கதி. நின்று கொண்டு இவை ஒரு தவம் (தபஸ்-உம்) செய்யவில்லை. வீடுபேறுமில்லை. 

தேவதேவனின் கீழ்க்காணும் இந்த கவிதையை எடுத்துக்கொண்டால் மரங்களை பற்றி இன்னும் ஆழமாய் புரியும். 

நிர்வாண கோபியராய்,

கரையொட்டிய மரங்கள்,

கால்களில் மோகம் வளர்த்து,

நதிநீர் நோக்கி ஓடும்.,

மண்டையில் மோகம் வளர்த்து,

வானத்தை நோக்கி இறைஞ்சும்,

மோக நிழலுக்குள் திளைத்தபடி,

மனிதர் வருவர் போவர்,

குளித்துக் கரையேறியவர்தான் யாரோ?’

(தேவதேவன்)

பொருள்: மரங்கள் மண்ணுடன் வேராலும் விண்ணுடன் சிரத்தாலும் மோகம் வளர்த்து நித்தியமான அலைக்கழிப்பில் நிற்கும் கோபிகைகளாக உருவம் கொள்கின்றன. நித்திய காமினிகளாகிய கோபியர். ஒருபோதும் அடங்காத மோகத்தின் தூலமாகவே தேவதேவன் முன் எல்லாத் தருணத்திலும் இயற்கை காட்சி தருகிறது.

இப்பொழுது இக்குறளுக்கு பொருள் விளங்குவது இன்னும் எளிது, கண் இருந்தும் கண்ணோட்டம் இல்லாதவர்கள் மண்ணோடு வேராலும் விண்ணுடன் சிரத்தாலும் மோகம் வளர்த்து நித்தியமான அலைக்கழிப்பில் கரையை கடக்காமல் நிற்கும் மரங்களுக்கு ஒப்பர் ஆவார். 

“கண்ணுள் வினைஞரும் மண்ணீட்டாளரும்” என்ற சிலப்பதிகாரவரிகளுக்கு அடியார் நல்லார் உரையில், சுதையால் பாவையுள்ளிட்டன பண்ணுவார் என்று “மண்ணீட்டாளருக்குப்” பொருள் வகுத்துள்ளார்.

மேலும்: அஷோக் உரை

பரிமேலழகர் உரை

கண்ணோடு இயைந்து கண்ணோடாதவர் - ஓடுதற்கு உரிய கண்ணோடு பொருந்திவைத்து அஃது ஓடாதவர்; மண்ணோடு இயைந்த மரத்து அனையர் - இயங்காநின்றாராயினும் மண்ணொடு பொருந்தி நிற்கின்ற மரத்தினை ஒப்பர்.

('ஓடாதவர்' என்புழிச் சினைவினை முதல்மேல் நின்றது. மரமும் கண்ணோடு இயைந்து கண்ணோடாமையின். இது தொழில் உவமம். அதனைச் சுதைமண்ணோடு கூடிய மரப்பாவை என்று உரைப்பாரும் உளர். அஃது உரையன்மை, காணப்படும் கண்ணானன்றி, அதனுள் மறைந்து நிற்கின்ற ஒருசார் உள்ளீட்டால் கூறினமையானும், மரக்கண்ணோ மண்ணாள்வார் கண்ணென்று, இரக்கண்டாய் (புறத்திரட்டு 1555 முத்தொள் ) என்பதனானும் அறிக.).

மணக்குடவர் உரை

சுதைமண்ணோடு கூடச்செய்த மரப்பாவையோடு ஒப்பார்: ஒருவன் கண்ணோடு தங்கண்கலந்தபின்பு கண்ணோட்டத்தைச் செய்யாதவர். இது கண்ணோடாமை மரப்பாவைக்கு ஒக்கும் என்றது.

மு.வரதராசனார் உரை

கண்ணோட்டதிற்க்கு உரிய கண்ணோடுப் பொருந்தி இருந்தும் கண்ணோட்டம் இல்லாதவர் (கண் இருந்தும் காணாத ) மரத்தினைப் போன்றவர்.

சாலமன் பாப்பையா உரை

கண் பெற்றிருந்தும் கண்ணோட்டம் இல்லாதவர் இயங்கினாலும் மண்ணோடு சேர்ந்து இயங்காமல் நிற்கும் மரம் போன்றவரே.

Thirukkural - Management - Managing Emotions

Valluvar uses yet another simile in Kural 576 to differentiate trees and people with regard to compassion. A person's eyes that cannot read others' emotions and do not move by someone's sufferings are like trees that cannot move as they are rooted to the earth. 

Life trees earth-bound which cannot

Are eyes unmoved by pity.

A tree cannot move as it is fixed firmly to earth by its roots. A tree will damage itself, if it tries to move from its place. Though a tree does not move physically, it moves emotionally as many studies have established that plants vibrate to show their empathy when a nearby plant is harmed. Human beings, unlike trees, are not physically fixed. But some of us are psychologically tough that we find moving at the sight of someone's suffering very difficult.

குறிப்பிற் குறிப்புணரா வாயின் உறுப்பினுள்

குறள் 705

குறிப்பிற் குறிப்புணரா வாயின் உறுப்பினுள்

என்ன பயத்தவோ கண்

[பொருட்பால்,  அமைச்சியல், குறிப்பறிதல்]

பொருள் 

குறிப்பின் - குறிப்பு - அறிகுறி; உட்கருத்து; மனத்தால் உணரப்படுவது; ஒன்பது வகைச் சுவைகளினால் உண்டாகும் மனநிலை; மன ஒருமை; குறிப்புக்குறி; சைகை; கூரியஅறிவு; சுருக்கம்; ஓசை; நிறம் முதலிய பொருளைக்குறிப்பது; வெளிப்படையாக அல்லது பொருளுணர்த்துஞ்சொல்; அடையாளம்; கைக்குறிப்பு; ஏடு; சாதகம்; சிறப்பியல்பு; இலக்கு.

குறிப்பு - அறிகுறி; உட்கருத்து; மனத்தால் உணரப்படுவது; ஒன்பது வகைச் சுவைகளினால் உண்டாகும் மனநிலை; மன ஒருமை; குறிப்புக்குறி; சைகை; கூரியஅறிவு; சுருக்கம்; ஓசை; நிறம் முதலிய பொருளைக்குறிப்பது; வெளிப்படையாக அல்லது பொருளுணர்த்துஞ்சொல்; அடையாளம்; கைக்குறிப்பு; ஏடு; சாதகம்; சிறப்பியல்பு; இலக்கு.

உணர்தல் - அறிதல்; நினைதல், கருதுதல் ஆராய்தல் இயல்புணர்தல்; ஊடல்நீங்குதல்; தெளிதல் துயிலெழுதல் பகுத்தறிதல் நுகர்தல் தொட்டறிதல்; பாவித்தல்

உணரா - உணராத ; அறியாத ; நினைக்காத ; ஆராயாத ; தெளியாத 

ஆயின் - ஆனால்; ஆராயின்

உறுப்பினுள் - உறுப்பு - சிணை, அவயவம், உடல், நெருக்கம், பங்கு; மிகுதி; மரக்கொம்பு; மேல்வரிச்சட்டம்; காணியாட்சிப்பத்திரம்; பாலையாழ்த்திறம்; உடல்அழகு

என்ன - யாது; என்னபயன்; ஓர்உவமவுருபு

பயத்தவோ - பயத்தல் - விளைதல்; உண்டாதல்; பலித்தல்; கிடைத்தல்; படைத்தல்; பெறுதல்; கொடுத்தல்; பூத்தல்; இயற்றுதல்; நிறம்வேறுபடுதல்; அச்சமுறுதல்.

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

முழுப்பொருள் 

பிறர் (அல்லது அரசர்) உடலாலும் முகத்தாலும் வெளிப்படுத்தும் குறிப்புகளை ஒருவர் உணரவில்லையென்றால் பின்பு தான் உடலில் பெற்ற கண்களுக்கு என்ன பயன்? ஆதலால் கண்கள் என்பது பிறர் அறிந்தோ அல்லது அறியாமலோ உடல் மொழி (அல்லது முகத்தில்) கொண்டு காட்டும் குறிப்புகளை அறிந்து உணர்ந்து அதற்கு ஏற்றவாறு நடப்பதற்கே. 

இது சாதாரணமாக வீட்டில் கணவன் மனைவி பிள்ளைகள் தாய் தந்தையில் இருந்தே தொடங்கும். உதாரணமாக அலுவல் முடிந்து வீட்டிற்கு வரும் ஒருவர் சோர்வாகவோ அல்லது கோபமாகவோ வந்தால் அவர் உடல்மொழியை வைத்தே கண்டறிந்து அதற்கு ஏற்றாற்போல் நடந்துக்கொள்ள வேண்டும். 

பழமொழி நானூற்றுப் (174) பாடலொன்று, “கணையிலும் கூரியவாம் கண்” என்கிறது!

மேலும் அஷோக் உரை

பரிமேலழகர் உரை

குறிப்பின் குறிப்பு உணரா ஆயின் - குறித்தது காணவல்ல தம் காட்சியால் பிறர் குறிப்பினை உணரமாட்டாவாயின்; உறுப்பினுள் கண் என்ன பயத்தவோ - ஒருவன் உறுப்புக்களுள் சிறந்த கண்கள் வேறு என்ன பயனைச் செய்வன? (முதற்கண் 'குறிப்பு' ஆகுபெயர். குறிப்பு அறிதற்கண் துணையாதல் சிறப்புப்பற்றி உயிரது உணர்வு கண்மேல் ஏற்றப்பட்டது: அக்கண்களால் பயன் இல்லை என்பதாம். இவை இரண்டு பாட்டானும் குறிப்பு அறியாரது இழிபு கூறப்பட்டது.).

மணக்குடவர் உரை

முகக் குறிப்பினாலே உள்ளக்கருத்தை அறியுமவர்களை, உறுப்பினுள் அவர் வேண்டுவது யாதொன்றாயினும் கொடுத்து, துணையாகக் கூட்டிக் கொள்க. உறுப்பினுள் என்பதற்குத் தனக்கு அங்கமாயினவற்றுள் எனவும் அமையும்.

மு.வரதராசனார் உரை

(முகம் கண் இவற்றின்) குறிப்புக்களால் உள்ளக்குறிப்பை உணராவிட்டால், ஒருவனுடைய உறுப்புகளுள் கண்கள் என்னப் பயன்படும்.

சாலமன் பாப்பையா உரை

ஒருவன் குறிப்பைக் கண்ட பின்பும் அவன் மனக்கருத்தை அறியமுடியவில்லை என்றால், உறுப்புகளுள் சிறந்த கண்களால் என்ன நன்மை?.

Thirukkural - Management - Managing Emotions

Kural 705 questions that 'If a person's eyes are not sharp enough to read and understand the expressions on the faces of others what is the use of those eyes?' Though those eyes are alive physically, they are dead emotionally.

What uses are eyes that cannot read 

A man's thoughts on his face?

Be empathetic to people. Read their eyes to decipher the emotional disturbances they are undergoing.

கண்ணிற்கு அணிகலம் கண்ணோட்டம் அஃதின்றேல்

குறள் 575

கண்ணிற்கு அணிகலம் கண்ணோட்டம் அஃதின்றேல்

புண்ணென்று உணரப் படும்

[பொருட்பால், அரசியல், கண்ணோட்டம்]

(For meaning in English, scroll to the bottom of this post)

பொருள்

கண்ணிற்கு - கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

அணிகலம் - நகை; Ornament, jewel; ஆபரணம் (சீவக. 117.)  

கண்ணோட்டம் - கண்பார்வை; இரக்கம், கடைக்கண்பார்வை, அருள்காட்டுதல்; பார்வையிடுதல். கண்பார்வை (Glance, look, vision), தாட்சிணியம் (Regard, kindness, partiality,glow of kind feeling towards a friend or even acasual acquaintance, reluctance to deny arequest made by a friend or acquaintance,humanity, fellow-feeling;)

அஃது -  aḵtu   pron. அ That. used beforewords commencing with a vowel, as in அஃதாவது; அது (தொல். எழுத். 423, உரை ) ; அஃறிணைஒருமைச்சுட்டு; அது அப்படி

இன்றேல் - இல்லை என்றால்

புண் - உடல்ஊறு; தசை; வடு; மனநோவு. காயம்; ஊன்

என்று - எந்தநாள், எப்போது, என்றைக்கு; என்றுசொல்லி; ஓர்இடைச்சொல்; சூரியன்

உணரப்படும் - உணர்தல் - அறிதல்; நினைதல், கருதுதல் ஆராய்தல் இயல்புணர்தல்; ஊடல்நீங்குதல்; தெளிதல் துயிலெழுதல் பகுத்தறிதல் நுகர்தல் தொட்டறிதல்; பாவித்தல்

முழுப்பொருள்

நம் முகத்தில் இருக்கின்ற கண் நமக்கு ஒரு அணிகலனாக அழகாக இருக்கிறது. ஆனால் அக்கண்ணிற்கு உண்மையான அணிகலன் என்னவென்றால் அது கண்ணோட்டம் இருக்கின்ற பார்வையாகும். கண் படைக்கப்பட்டதே பிறரை அன்போடு போற்றி தாட்சிணியத்துடன் இருப்பதற்கே. பிறர் துன்பத்தை அறிந்து அவரிடம் அருள் புரியும் கண்களே முகத்தில் கண்கள். அவ்வாறு அன்பும் அருளும் (கண்ணோட்டம்) இல்லாமால் கண்கள் இருந்தால் அவை புண்கள் என்றே பிறரால் உணரப்படும்.  மனிதர் நோக மனிதர் பார்க்கும் வாழ்க்கை என்ன வாழ்க்கை?

அப்பேர்பட்டவரை மக்கள் ஏர் எடுத்துக்கூட மக்கள் பார்க்க மாட்டார்கள். ஒரு அழுகிய சீழ்ப்பிடித்த புண்ணை கண்டால் ஒதுங்குவதுப்போல ஒதுங்குவர் என்பதற்காக கூட இப்படி (கண் இல்லாதவர் கண் புண் என்று) சொல்லி இருக்கலாம். 

உன்னிடம்

அதிகமாக இருந்தால்

செல்வத்தைக் கொடு.

குறைவாக இருந்தால்

இதயத்தைக் கொடு.

- ரூமி

கண்ணோட்டம் பற்றி காந்தியின் பார்வை (நன்றி: சுனில்கிருஷ்ணன். புத்தகம் கல்மலர்/Kindle)

எழுத்தறிவுதான் கல்வி எனும் பார்வையையும் மேலை கல்வியையும் மறுக்கிறார் காந்தி. கல்விக்கண் வழியாக அதிருப்தியைத் தவிர வேறு எதைக் காண முடிகிறது? என்று வினவுகிறார் காந்தி. ஆதலால் கல்வி எழுத்தறிவோடு நின்றுவிடக் கூடாது. கண்ணோட்டத்துடன் நாம் நடந்துக்கொள்ள வேண்டும். 

ஒப்புமை

“கண்ணுக்கு அணிகலம் கண்ணோட்டம்” என்றே திரிகடுகமும் (52) கூறுகிறது. 

சிறுபஞ்சமூலமும் (8), “கண்வனப்பு கண்ணோட்டம்” என்கிறது.

“ஒன்று நரம்பென்கோ ஒன்றாக என்பென்கோ

இன்றசை தான்என்கோ யாதென்கோ - மென்றொடையாழ்ப்

பண்ணோட்டும் இன்சொல் பணைத்தோளாய் சேர்ந்தவர்பால்

கண்ணோட்டம் இல்லாத கண்” (பாரதவெண்பா)

மேலும்: அஷோக் உரை

பரிமேலழகர் உரை

கண்ணிற்கு அணிகலம் கண்ணோட்டம் - ஒருவன் கண்ணிற்கு அணியும்கலமாவது கண்ணோட்டம்; அஃது இன்றேல் புண் என்று உணரப்படும் - அக்கலம் இல்லையாயின் அஃது அறிவு உடையரால் புண் என்று அறியப்படும்.

(வேறு அணிகலம் இன்மையின் 'கண்ணிற்கு அணிகலம்' என்றும், கண்ணாய்த் தோன்றினும் நோய்களானும் புலன் பற்றலானும் துயர் விளைத்தல் நோக்கி, 'புண் என்று உணரப்படும்' என்றும் கூறினார். இவை மூன்று பாட்டானும் ஓடாது நின்றகண்ணின் குற்றம் கூறப்பட்டது.).

மணக்குடவர் உரை

கண்ணிற்கு அழகு செய்யும் அணிகலமாவது கண்ணோட்டமுடைமை: அஃதில்லையாயின் அவை புண்ணென்றறியப்படும். இது கண்ணோட்டமில்லாத கண்ணிற்குப் பெயர் கூறிற்று.

மு.வரதராசனார் உரை

ஒருவனுடைய கண்ணுக்கு அணிகலமாவது கண்ணோட்டம் என்னும் பண்பே, அஃது இல்லையானால் புண் என்று உணரப்படும்.

சாலமன் பாப்பையா உரை

ஒருவன் கண்ணிற்கு அணியும் நகை கண்ணோட்டமே; அந்த நகை மட்டும் இல்லை என்றால் அது புண் என்று பெரியோரால் அறியப்படும்.

Thirukkural - Management - Managing Emotions

Valluvar, in continuation of Kural 571, impresses us upon the importance of eyes with compassion, Kural 575. Compassion is an attractive jewel for a person's eyes. If there is no compassion in a person's eyes, they are not eyes. That sort of eyes are considered just as wounds on a person's face.

The jewel of the eyes is sympathy; without it

Eyes are but sores.

English Meaning - As I taught a kid - Rajesh

The jewel of the eyes is compassion; without it eyes would be considered as sores/wounds.

Eyes are like jewels to our face. But for the eyes, compassion is the jewel. Eyes are created for the purpose of seeing others with compassion. If someone sees others pain/suffering and doesn't do anything about it, then those compassionate less eyes are see as wounds. What is the lives if they don't allay the sufferings of others. When people see such uncompassionate people, they feel like they are around worms and move away from them. That's why it is seen as pus oozing wounds. 

Questions that I ask to the kid

What is the jewel of eye?

What if one doesn't have compassion? 

When eyes will be seen as pus oozing wound? Why?

கூறாமை நோக்கக் குறிப்பறிவான்

குறள் 701

கூறாமை நோக்கக் குறிப்பறிவான் எஞ்ஞான்றும்

மாறாநீர் வையக் கணி

[பொருட்பால்,  அமைச்சியல், குறிப்பறிதல்]
(For meaning in English, scroll to the bottom of this post)

பொருள் 

கூறுதல் - சொல்லுதல்; விலைகூறுதல்; விளக்கிச்சொல்லுதல்; கூறுசொல்லுதல்.

கூறாமை - சொல்லாமல் இருத்தல்; விளக்கு சொல்லாமல் குறிப்பால் உணர்த்துவது 

நோக்கக் - நோக்குதல் - பார்த்தல்; கருதுதல்; கவனித்தல்; திருத்துதல்; பாதுகாத்தல்; அருளுதல்; ஒத்தல்; ஒப்பிட்டுப்பார்த்தல்; படித்தல்; விரும்புதல்; கண்காணித்தல்.

குறிப்பு - அறிகுறி; உட்கருத்து; மனத்தால் உணரப்படுவது; ஒன்பது வகைச் சுவைகளினால் உண்டாகும் மனநிலை; மன ஒருமை; குறிப்புக்குறி; சைகை; கூரியஅறிவு; சுருக்கம்; ஓசை; நிறம் முதலிய பொருளைக்குறிப்பது; வெளிப்படையாக அல்லது பொருளுணர்த்துஞ்சொல்; அடையாளம்; கைக்குறிப்பு; ஏடு; சாதகம்; சிறப்பியல்பு; இலக்கு.

அறிவான் - அறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

குறிப்பறிவான்  - வெளிப்படையாக சொல்லப்படாதா குறிப்புகளை அறிந்து உணரும் அமைச்சர்

எஞ்ஞான்றும் - எகக்காலமும், எப்பொழுதும், எப்போதும்.

மாறாநீர் - māṟā-nīr   n. id. + ஆ neg. +.Sea, ocean; கடல். மாறாநீர் வையக் கணி (குறள்,707, மணக்.).

வையக்கு  - வையகம் ; பூமி ; உலகம்

அணி - வரிசை; ஒழுங்கு ஒப்பனை அழகு அணிகலன் முகம் படைவகுப்பு செய்யுளணி; இனிமை அன்பு கூட்டம் அடுக்கு அண்மை ஓர்உவமஉருபு.

முழுப்பொருள் 
ஒரு அரசர் என்பவர் எல்லாவற்றையும் வெளிப்படையாக கூற மாட்டார். குறிப்பாக வருத்தங்களை அதிப்ருத்திகளை. சில பல சமயங்களில் தனது எண்ணங்களை பொது இடத்திலோ அல்லது அயலவர் முன்னோ  வெளிப்படையாக அமைச்சரிடம் கூறவும் முடியாது கூறவும் கூடாது. ஆதலால் அமைச்சர் என்பவர் மன்னர் கூறாமல் குறிப்பால் உணர்த்தியவற்றை குறிப்பின் கருத்து உணர்ந்து அதற்கு ஏற்றவாறு செயல்பட வேண்டும். அவ்வாறு குறிப்பறிந்து செயல்களில் செவ்வெண செய்யும் அமைச்சர் என்பவர் என்றும் வற்றாதகடல் உலகிற்கு அணிகலன் போன்று நாட்டிற்கு அணிகலன் ஆவார்.

அணிகலன் என்றால் அதை நேரடியாக கூறிவிடலாம் திருவள்ளுவர். ஆனால் ஏன் மாறாநீர் வையக்கு அணி என்று கூற வேண்டும்? ஏனெனில் இக்கடல் ஆனது இவ்வுலகத்தில் நாம் சுவாசிக்கும் காற்றில் (oxygen)  பாதிக்கும் மேலாக கொடுக்கிறது. நமது ஆகாசம் இழுத்துக்கொள்ளும் carbondioxide'ன் பங்கை விட 50 மடங்கு பங்கினை கடலானது இழுத்துக்கொள்ளும். ஆனால் பொதுவாக கடலை பார்ப்போருக்கு இது தெரியாது. அது தன வேலையை அமைதியாக செய்யும். ஆதலால் கடல் என்பது இவ்வுலகிற்கு ஒரு அணிகலன். அது போல அமைதியாக அரசரின் குறிப்பு அறிந்து நடக்கும் அமைச்சர் அந்த நாட்டிற்கு ஒரு அணிகலன் ஆவார்


“சொல்லாமை நோக்கிக் குறிப்பறியும் பண்பு” என்பது பழமொழி (255).

கம்பராமாயணக் காட்சியொன்று, திருவடி தொழுத படலத்தில் வருவது. அனுமான் இலங்கையிலிருந்து வந்ததும் செய்தியைச் சொல்லி, தென்னிலங்கை திசை நோக்கித் தொழுததால், சீதையின் கற்புநெறியையும் குறிப்பால் இராமன் உணர்ந்ததை இப்பாடல் சொல்கிறது.

திண்திறல் அவன் செயல் தெரிய நோக்கினான்;’
வண்டு உறை ஓதியும் வலியள்; மற்று இவன்
கண்டதும் உண்டு;அவள் கற்பும் நன்று’ எனக்
கொண்டனன்,குறிப்பினால் உணரும் கொள்கையான். (கம்ப.திருவடிதொழுக.56)

இராமன் குறிப்பால் உணர்ந்தாலும், குறிப்பால் உணர்த்தியது அனுமனே அன்றோ?

ஔவையும் மூதூரையில், “அவைநடுவே நீட்டோலை வாசியா நின்றான் குறிப்பறிய மாட்டாதவன் நல் மரம்” என்பார்.

மேலும் அஷோக் உரை

பரிமேலழகர் உரை

குறிப்பு கூறாமை நோக்கி அறிவான் - அரசனால் குறித்த கருமத்தை அவன் கூறவேண்டா வகை அவன் முகத்தானும் கண்ணானும் நோக்கி அறியும் அமைச்சன்; எஞ்ஞான்றும் மாறாநீர் வையக்கு அணி - எஞ்ஞான்றும் வற்றாத நீரால் சூழப்பட்ட வையத்துள்ளார்க்கு ஓர் ஆபரணமாம். (ஒட்பமுடையனாய் எல்லார்க்கும் அழகுசெய்தலான், 'வையக்கு அணி' என்றார். குறிப்பும் வையமும் ஆகுபெயர். வையத்திற்கு என்பது விகாரப்பட்டு நின்றது.).

மணக்குடவர் உரை

ரசன் மனநிகழ்ச்சியை அவன் கூறுவதன்முன்னே நோக்கி அறியுமவன், எல்லா நாளும் மாறாநீர் சூழ்ந்த வையத்துக்கு அணிகலனாவான். இது மக்களிற் சிறப்புடையனா மென்றது.

மு.வரதராசனார் உரை

ஓருவர் சொல்லாமலே அவறுடைய முகத்தை நோக்கி அவர் கருதிய குறிப்பை அறிகின்றவன் எப்போதும் உலகத்திற்க்கு ஓர் அணிகலன் ஆவான்.

சாலமன் பாப்பையா உரை

ஒருவன் வாயால் சொல்லாமல் இருக்க, அவனுடைய முகத்தையும் கண்ணையும் பார்த்தே அவன் மனக்கருத்தை அறிந்து கொள்பவன், எப்போதும் வற்றாத கடலால் வளைக்கப்பட்ட இவ்வுலகத்தவர்க்கு ஆபரணம் போன்றவன்.

Thirukkural - Management - Managing Emotions

A person who can read and interpret the meanings of facial expressions and feelings in others' eyes by being sensitive to their needs and their thoughts is always an asset to an organization and a jewel in this world. He does that without being told by others, as he is highly sensitive to the needs of others. Face reading  is a fair reading to get the emotions of others. Kural 701 appreciates this skill.

He is a jewel on this sea-girt earth

Who can read a thought without being told.

English Meaning - As I taught a kid - Rajesh

A person who can read and interpret the meanings of facial expressions and feelings in other's eyes by being sensitive, empathetic, conscious of their needs and thoughts is always an asset to an organization/family and is a jewel in this world. Because 

1) other person may not say everything explicitly or may hide something due diplomacy or to avoid uncomfortable situation

2) other person may avoid saying certain things in front of others

Thiruvalluvar uses the metaphor Ocean here. He refers Ocean has a jewel. Because, many Ocean provides more than 50% of the oxygen that the earth breathes. Ocean absorbs more Carbon dioxide than the sky/atmosphere. Ocean does all these things silently. Hence, when we see an Ocean, we can't observe all these things.  Similarly a  person has to silent observe the untold signals and take appropriate action. 

Questions that I ask to the kid

Untold feelings, expressions, signals. How should they be handled? 

Follow up: Why a metaphor Ocean is used?

அடுத்தது காட்டும் பளிங்குபோல்

குறள் 706

அடுத்தது காட்டும் பளிங்குபோல் நெஞ்சம் 

கடுத்தது காட்டும் முகம்

[பொருட்பால், அமைச்சியல், குறிப்பறிதல்]

(For meaning in English, scroll to the bottom of this post)

பொருள்

அடு-க்கிறேன், த்தேன், ப்பேன், க்க, v. a. [used with the accusative.] To ap proach, approximate, come in contact with, கிட்ட. 2. To be near, close, adjacent, prox imate, to propinquate, சேர.
அடுத்தது - ஒரு சேர மிக அருகாமையில்
காட்டும் - To reflect, as a mirror or water;பிரதிபலிக்கச்செய்தல்
பளிங்கு - படிகம்; கண்ணாடி; கருப்பூரம்; சுக்கிரன்; தோணிக்கயிறு; புட்பராகம்; காண்க:அழுங்கு.

போல்  - போன்று

நெஞ்சம் - நம் நெஞ்சம் தனை

கடுத்தது -  To be like, to resemble, ஒக்க

காட்டும் -  - To reflect, as a mirror or water;பிரதிபலிக்கச்செய்தல்

முகம் - முகம்

முழுப்பொருள்
ஒரு பளிங்கு அதற்கு அடுத்த உள்ள பொருளை உள்ளதுபோல பிரதிபலிக்கச்செய்யும். அதுவே பளிங்கின் தன்மையாகும். கண்ணாடியின் தன்மையும் அதுவே.

அதேபோல நெஞ்சின் எண்ணங்களை மிக நிகராக தன் முகம் காண்பித்துவிடும் என்கிறார். வாய் ஒன்று சொன்னாலும் முகம் உண்மையை சொல்லிவிடும்.

ஆதலால் ஒருவர் உரையாடும் பொழுது அவருடைய முகம்தனை பார்க்க வேண்டும். அப்போழுது அவர் பொய் உரைக்கிறாரா உண்மைபோல பொய் தனை உரைக்கிறாரா என்ற குறிப்புகளை முகம் மூலம் அறிந்துக்கொள்ளலாம்.

குறிப்பு: அனைவராலும் உண்மைபோல பொய் தனை கூறும் பொழுது குறிப்பு அறிந்து விட முடியாது. அதற்கு தேர்ந்த திறனும் வேண்டும்.

"அகத்தின் அழகு முகத்தில் தெரியும்" என்று பழமொழி உண்டு என்பதை அனைவரும் அறிந்ததே.

“ஒளிப்பினும் உள்ளம் பரந்ததே கூறும் முகம்” என்றும், “ஒருத்தன் முகனுரைக்கும் உள்நின்ற வேட்கை” என்று நான்மணிக்கடிகைப் பாடலும், “அகத்தையெல்லாம் முகத்தினி உணர்ந்து” என்று பெருங்கதைப் பாடல் வரியும் கூறுகின்றன.

மேலும்: அஷோக் உரை

ஒப்புமை

”ஈர்ந்தநுண் பளிங்கெனத் தெளிந்த வீர்ம்புனல்

பேர்ந்தொளிர் நவமணி படர்ந்த பித்திகை

சேர்ந்துழிச் சேர்ந்துழி நிறத்தைச் சேர்தலான்

ஓர்ந்துணர் வில்லவர் உள்ளம் ஒப்பது” (கம்ப.பம்பைப்.2)

“முன்னம் காட்டி முகத்தின் உரையா” (அகநா 5:19)

“முன்னம்முகத்தின் உணந்தவர்” (புறநா 3:250)

“முன்னம் முகம்போல முன்னுரைப்ப தில்” (நான்மணி 46)

“ஒருத்தன், முகனுரைக்கும் உள்நின்ற வேட்கை” (நான்மணி 69)

“ஒளிப்பினும் உள்ளம், பரந்ததே கூறும் முகம்” (பழமொழி 4)

“நோக்கி, முகனறிவார் முன்னம் அறிப” (பழமொழி 301)

“அகத்ததை எல்லாம் முகத்தினி துணர்ந்து”  (பெருங் 3.14:238)

“அற்றந்தான், மனங்கள் போல முகமும் மறைக்குமே” (கம்ப.உலாவியல் 29)

“நல்லவன் முகமே நம்பி நடந்திலன் என்னும் மாற்றம்

சொல்லும்” (கம்ப.தைலமாட்டு 59)

“சிந்தனை முகத்தில் தேக்கி” (கம்ப.குகப்.35)

”உள்ளத்தின் உள்ளத்தை உறையின் முந்துற

மெள்ளத்தம் முகங்களே விளம்பு மாதலால்” (கம்ப.விபீடணன் 91)

“அழிந்தது பிறவி யென்னும் அகத்தியல் முகத்திற் கட்ட” ((கம்ப.விபீடணன் 141)

பரிமேலழகர் உரை

அடுத்தது காட்டும் பளிங்கு போல் - தன்னை அடுத்த பொருளது நிறத்தைத் தானே கொண்டு காட்டும் பளிங்கு போல்; நெஞ்சம் கடுத்தது முகம் காட்டும் - ஒருவன் நெஞ்சத்து மிக்கதனை அவன் முகம் தானே கொண்டு காட்டும். ('அடுத்தது' என்பது ஆகுபெயர். கடுத்தது என்பது 'கடி' என்னும் உரிச்சொல் அடியாய் வந்த தொழிற் பெயர். உவமை ஒரு பொருள் பிறிதொரு பொருளின் பண்பைக் கொண்டு தோற்றுதலாகிய தொழில் பற்றி வந்தது.)

மணக்குடவர் உரை

தன்னையடுத்த வண்ணத்தைக் காட்டுகின்ற பளிங்கைப்போல நெஞ்சத்து மிக்கதனை முகம் காட்டும்.

இது முகம் நெஞ்சத்து வெகுட்சி யுண்டாயின் கருகியும் மகிழ்ச்சியுண்டாயின் மலர்ந்தும் காட்டுமென்றது.

ஞா. தேவநேயப் பாவாணர்  உரை

அடுத்தது காட்டும் பளிங்குபோல்-தன்னையடுத்த பொருளின் வடிவத்தையும் நிறத்தையும் தன்னுட்காட்டும் கண்ணாடி போல; நெஞ்சம் கடுத்தது முகம் காட்டும்- ஒருவர் மனத்தில் தோன்றிய கருத்தை அவர் முகமே காட்டிவிடும்.

'அடுத்தது' ஆகு பொருளது. ஒரு கருத்து ஒருவர் உள்ளத்தில் முன்னில்லாது புதிதாய்த் தோன்றிய மிகையாதலின்,'கடுத்தது' எனப்பட்டது. கடுத்தல் மிகுதல். இவ்வுவமையில், தொடர்பினால் ஒன்றையொன்று காட்டுதல் பொதுத்தன்மையாம். பளிங்கு புறப்பொருளை அகத்திற் காட்டுவது; முகம் அகப்பொருளைப் புறத்திற் காட்டுவது.

மு.வ உரை

தன்னை அடுத்தப் பொருளைத் தன்னிடம் காட்டும் பளிங்கு போல், ஒருவனுடைய நெஞ்சில் மிகுந்துள்ளதை அவனுடைய முகம் காட்டும்

சாலமன் பாப்பையா உரை

தன் அருகே இருக்கும் பொருளின் நிறத்தைக் காட்டும் பளிங்கினைப்போல் ஒருவனது மனத்தே நிகழ்வதை அவன் முகம் காட்டும்.

Thirukkural - Management - Managing Emotions

Valluvar uses a simile in Kural 706 to emphasize the importance of managing personal emotions and reading others' emotions through their facial expressions as a skill and a quality for people who deal with people. A mirror reflects an object that is opposite to that mirror. Similarly, a person's face reflects the dominant thoughts in the minds of that person. Face is the index of mind.

So, let us learn to manage the negative expressions on our faces and understand others' expressions.

As a mirror shows what is in front 

So the face reveals the full mind. 

English Meaning - As I taught a kid - Rajesh

A polished marble/granite (floor) would mirror the face in front of it. That's the nature of a marble/granite. Marble/granite doesn't mirror the image exactly like how a mirror mirrors. But, it is relatively closer to it. Like marble surface mirrors, Similarly a face would mirror the thoughts/feelings of a person. Hence a minister or the person working closely to the king should closely watch the kings face, body language, speech etc. He should pick up ques from face and act accordingly 

Questions that I ask to the kid

What does a face reflect? What does it mean (or how should we use that)?

கண்ணோட்டம் என்னும் கழிபெருங் காரிகை

குறள் 571

கண்ணோட்டம் என்னும் கழிபெருங் காரிகை

உண்மையான் உண்டிவ் வுலகு.

[பொருட்பால், அரசியல், கண்ணோட்டம்]

(For meaning in English, scroll to the bottom of this post)

பொருள்

கண்ணோட்டம் - கண்பார்வை (Glance, look, vision), தாட்சிணியம் (Regard, kindness, partiality,glow of kind feeling towards a friend or even acasual acquaintance, reluctance to deny arequest made by a friend or acquaintance,humanity, fellow-feeling;)

கண்ணோட்டம் - கண்பார்வை; இரக்கம், கடைக்கண்பார்வை, அருள்காட்டுதல்; பார்வையிடுதல். கண்பார்வை (Glance, look, vision), தாட்சிணியம் (Regard, kindness, partiality,glow of kind feeling towards a friend or even acasual acquaintance, reluctance to deny arequest made by a friend or acquaintance,humanity, fellow-feeling;)

என்னும் - என்கின்ற, யாவும், எல்லாம்; என்றுசொல்லப்படும்; யாதும்; சிறிதும்.

கழி - கோல், மரக்கொம்பு; கடலடுத்தஉவர்நீர்ப்பரப்பு; நுகத்துளையில்இடுங்கழி; ஆயுதக்காம்பு; யாழின்இசையெழுப்புங்கருவி; வரிச்சல்; நூற்சுருள்; மிகுதி; ஊன்; கயிறு.

காரிகை - பெண்; அழகு; அலங்காரம்; கட்டளைக்கலித்துறை; ஓர்யாப்பிலக்கணநூல்; ஒருநிறை; வாதனை.

கழி  பெருங் காரிகை  - மிக சிறந்த அழகான பண்பு (ஆயுதம்) இருப்பதனால்

உண்மை - உள்ளது; இயல்பு உள்ளதன்மை; மெய்ம்மை நேர்மை ஊழ்

உண்மையான் - என்கின்ற மெய்யான நிலை.

உண்டு - உள்ளதன்மையை உணர்த்தும் ஐம்பால் மூவிடத்திற்கும் உரிய ஒருகுறிப்பு வினைமுற்றுச்சொல்; ஓர்உவமஉருபு; அற்பத்தைக்குறிக்கும்சொல்; ஊன்றுகோல்

இவ் - இந்த

உலகு - உலகம், பூமி நாடு உலகத்தார்(இடவாகுபெயர்), உயர்ந்தோர், சான்றோர் திசை மங்கலச்சொற்களுள்ஒன்று

உண்டிவ் வுலகு - அழியாது உயிருடன்  இவ்வுலகம் வாழ்கிறது. 

முழுப்பொருள்
கண்ணோட்டம் எனப்படும் தாட்சினியம் என்கின்ற அன்பு செலுத்துதல் என்னும் மிக அழகிய பண்பு (தலைவர்களிடம்)  இருப்பதனால் தான் இவ்வுலகம் இன்னும் அழியாமல் உயிருடன் இருக்கிறது.

அகத்தழகு புறத்தழகு என அழகு இருவகைத்தாதலின், கண்ணோட்டம் காரிகையெனப்பட்டது.மேலும் அதன் சிறப்பு நோக்கி 'கழிபெரு' என ஈரடையுங் கொடுக்கப் பெற்றது.   காரிகை என்பது பெண்ணையும் குறிப்பதால், அதை செல்வத்துக்கு தெய்வமாம் திருமாதினைக் குறிப்பதாகவும் சொல்லலாம். திருவுள்ள இடத்தில்தான் அழகும் இருக்கும்.

அரசரின் கையில் தான் அனைத்து மக்களும் வாழ்கின்றனர். அவர்களுடைய இன்பமாகவும் இன்னல்களில்லாமல் வாழ அரசர் கண்ணோட்டம் என்னும் பண்புடன் இருப்பது இன்றியமையாதது.

கண்ணோட்டம் பற்றி காந்தியின் பார்வை (நன்றி: சுனில்கிருஷ்ணன். புத்தகம் கல்மலர்/Kindle)

எழுத்தறிவுதான் கல்வி எனும் பார்வையையும் மேலை கல்வியையும் மறுக்கிறார் காந்தி. கல்விக்கண் வழியாக அதிருப்தியைத் தவிர வேறு எதைக் காண முடிகிறது? என்று வினவுகிறார் காந்தி. ஆதலால் கல்வி எழுத்தறிவோடு நின்றுவிடக் கூடாது. கண்ணோட்டத்துடன் நாம் நடந்துக்கொள்ள வேண்டும்.

மேலும்
மேலும், சிலர் நினைப்பர் அன்பு கண்ணோட்டம் இருந்தால் செயலாக்கத்தில் குறை வந்துவிடும் என்று (ஹிட்லர்). ஆனால் அன்பு கண்ணோட்டம் நம் செயலில் இருந்தால் இன்னும் அதிக உத்வேகத்துடன் செயல்பட முடியும் என்று வாழ்ந்து வழிகாட்டியவர் அன்னல் காந்தியடிகள்.

எப்பொழுது நாம் மற்றவர்களுடைய உணர்வுகளுக்கு அதிக மதிப்பு அளித்து, அவர்களுடைய வெற்றிக்கும் எனது வெற்றிகும் இனக்கமாக இணைத்து கொண்டு இருக்கிறேணோ, அப்பொழுது தான் அவர்களுடைய எல்லைகளுக்கும் தாண்டிச் செயல்படுவதை காண முடிகிறது.

இவ்வுலகத்தை இணைக்கக் கூடிய ஒரு பண்பாகத்தான் அன்பு இருக்கிறது. தலைவர்களுக்கும் அது விதிவிலக்கு அல்ல. தலைவர்களை அவர்களுடன் சுற்றி இருக்கக்கூடியவர்களுடன் இணைக்கக் கூடிய பண்பு அன்பு, கண்ணோட்டம் ஆகத்தான் இருக்க முடியும். கண்ணோட்டம், மற்றவர்களுடைய உணர்வுகல், துன்பங்கள், துயரங்களைப் புரிந்துக் கொண்டு, அதை நீக்குவதற்கு ஏதுவாக செய்யவேண்டும் என்று நினைக்கிறப் பொழுது தான் கண்ணோட்டம் என்று ஆகும்.

ஆகவே கண்ணோட்டம் தனை தலைமைப்பண்புகளில் ஒன்றாக கருதலாம்.

மேலும்: அஷோக்

பரிமேலழகர் உரை

கண்ணோட்டம் என்னும் கழி பெருங் காரிகை உண்மையான்- கண்ணோட்டம் என்று சொல்லப்படுகின்ற சிறப்பு உடைய அழகு அரசர்மாட்டு உண்டு ஆகலான்; இவ்வுலகு உண்டு-இவ்வுலகம் உண்டாகாநின்றது.

விளக்கம் ('கழிபெருங்காரிகை' என்புழி ஒரு பொருட் பன்மொழி. இவ் உயிரழகது சிறப்புணர நின்றது. இவ்வழகு அதற்கு உறுப்பு ஆகலின், 'உண்மையான்' என நிலைபேறும் கூறினார். இன்மை வெகு வந்த செய்தல் ஆகலின், அவர் நாட்டு வாழ்வார் புலியை அடைந்த புல்வாயினம் போன்று ஏமஞ் சாராமை பற்றி, 'இவ்வுலகுண்டு' என்றார்.)

ஞா. தேவநேயப் பாவாணர் உரை

கண்ணோட்டம் என்னும் கழிபெருங்காரிகை உண்மையான்-கண்ணோட்டம் என்று சொல்லப்படும் மிகச் சிறந்த அழகு பண்புடையாரிடத்தில் இருப்பதனாலேயே ; இவ்வுலகு உண்டு- இவ்வுலகம் அழியாது இருந்து வருகின்றது.

கண்ணோட்டம் மக்களெல்லாரிடத்திலும் இருக்கவேண்டிய பண்பேனும் , அரசருக்கு இன்றியமையாது வேண்டுவதாம்.நாடுமுழுதும் அரசன் கையிலிருத்தலால்,அவனிடத்திற் கண்ணோட்டமுண்மை குடிகள் இன்பமாக வாழ்வதற்கும் ,இன்மை ஏமமின்றி மாள்வதற்கும் ஏதுவாம். அகத்தழகு புறத்தழகு என அழகு இருவகைத்தாதலின், கண்ணோட்டம் காரிகையெனப்பட்டது.மேலும் அதன் சிறப்பு நோக்கி 'கழிபெரு' என ஈரடையுங் கொடுக்கப் பெற்றது. இது மீமிசைச் சொல். "கண்ணோட்டம்...உண்டிவ்வுலகு". என்பது,"உண்டாலம்ம விவ்வுலகம் .....பிறர்க்கென முயலுநருண்மை யானே". (புறம். 182) என்பது போன்றது.

மணக்குடவர் உரை

கண்ணோட்டமாகிய பெரிய அழகு அரசன்மாட்டு உண்டானபடியினாலே, இவ்வுலகநடை யாகின்றது. இஃது அஃதில்லையாயின் உலகங்கெடும் ஆதலால் கண்ணோடவேண்டுமென்றது.

மு. வரதராசன் உரை

கண்ணோட்டம் என்று சொல்லப்படுகின்ற மிகச் சிறந்த அழகு இருக்கும் காரணத்தால்தான், இந்த உலகம் அழியாமல் இருக்கின்றது.

சாலமன் பாப்பையா உரை 

முகம் பார்த்தல் என்னும் பேரழகு மனிதருள் இருப்பதால்தான் மக்கள் வாழ்க்கை தொடர்கின்றது.

காந்தியின் அருள்மொழிகள் (Gandhi's quotes on Compassion, Love and Heart)

“Compassion is a muscle that gets stronger with use”

“A coward is incapable of exhibiting love; it is the prerogative of the brave.”

“Culture of the mind must be subservient to the heart.”

“In prayer it is better to have a heart without words than words without a heart.”

“Justice that love gives is a surrender, justice that law gives is a punishment.”

“Power is of two kinds. One is obtained by the fear of punishment and the other by acts of love. Power based on love is a thousand times more effective and permanent then the one derived from fear of punishment.”

“The greatness of a nation and its moral progress can be judged by the way its animals are treated.”

“The weak can never forgive. Forgiveness is the attribute of the strong.”

“There is a sufficiency in the world for man’s need but not for man’s greed.”

“We may have our private opinions but why should they be a bar to the meeting of hearts?”

“Where there is love there is life”.

Thirukkural - Management - Managing Emotions

Valluvar compassionately communicates about compassion in Kural 571. Living beings need to have 

compassion for a meaningful living. The world has been revolving around just because of the biggest and the most beautiful quality among all living beings that is., compassion.

It is compassion, the most gracious of virtues,

Which moves the world.

English Meaning - As I taught a kid - Rajesh

There exists this astonishing beauty, the most gracious of virtues called compassion; and therefore, the world exists. Compassion moves the world.

This word காரிகை/kaarigai is used for compassion to signify the external and internal beauty. கழிபெரு/kazhiperu is used to signify the feminine/motherly characteristic and it signifies Thirumal/Venkatachalapathy the God of Wealth. Where there is wealth, there is beauty also. 

So, when a king/leader is compassionate, the people living around him or in his country also happy and live without suffering.

A leader like Gandhi was so compassionate on the people. Hence, so many people worked under his leadership and lifted the spirits of the country and got the freedom. After his death also, many leaders, entrepreneurs followed the compassionate route and built people friendly organizations etc. that remove the sufferings of the people (For e.g. Amul, Aravind Eye Hospital etc.). A leader need not be a strict person. He can be compassionate and inspire his fellow team. 

Questions that I ask to the kid

How is this world existing?

Do leaders have to be tyrannous/dictatorial/oppresive officers?

அறிவினான் ஆகுவ துண்டோ

குறள் 315

அறிவினான் ஆகுவ துண்டோ பிறிதின்நோய் 

தந்நோய்போல் போற்றாக் கடை.

[ அறத்துப்பால், துறவறவியல், இன்னாசெய்யாமை ]

பொருள்

அறிவு - ஞானம்; புத்தி பொறியுணர்வு; அறியவேண்டியவை; கல்வி ஆன்மா

அறிவினான் - அறிவுடையவன் 

அறிவினான் - ஒருவருடைய கற்றறிவு, நோற்றறிவு இவற்றால்

ஆகுதல் - ஆதல் - ஆவதுஎனப்பொருள்படும்இடைச்சொல்; நூல் கூத்து தரிசனம் நுணுக்கம் ஆசை உண்டாதல் நிகழ்தல் முடிதல் இணக்கமாதல்; வளர்தல் அமைதல் ஒப்பாதல்

உண்டு  - உள்ளதன்மையை உணர்த்தும் ஐம்பால் மூவிடத்திற்கும் உரிய ஒருகுறிப்பு வினைமுற்றுச்சொல்; ஓர்உவமஉருபு; அற்பத்தைக் குறிக்கும் சொல்; ஊன்றுகோல்

ஆகுவ துண்டோ - ஆகக்குடிய (ஆக்குவது), பெறக்கூடிய பயனேதும் உண்டா?

பிறிது - வேறானது

நோய் - துன்பம்; வருத்தம்; பிணி; குற்றம்; அச்சம்; நோவு.

பிறிதின்நோய் - மற்றவர்களின் (பிற உயிர்களை சேர்த்து) துன்பத்தினை

தந்நோய் - தன்னுடைய நோய் 

போல் - ஓர்உவமவுருபு; பொய்; ஓர்அசைச்சொல்; உள்ளீடில்லாதது; பதர்; மூங்கில்; வெற்றி; படை; வாள்

தந்நோய்போல் - தனக்கே உற்றார் போல எண்ணி

போற்றுதல் - வணங்குதல்; துதித்தல்; பாதுகாத்தல்; வளர்த்தல்; பரிகரித்தல்; கடைப்பிடித்தல்; உபசரித்தல்; விரும்புதல்; கருதுதல்; மனத்துக்கொள்ளுதல்; கூட்டுதல்.

கடை - முடிவு; இடம்; எல்லை; அங்காடி; கீழ்மை; தாழ்ந்தோன்; வாயில்; புறவாயில்; பக்கம்; பணிப்பூட்டு; காம்பு; ஒருவினையெச்சவிகுதி; ஏழனுருபு; பின்; கீழ்; சோர்வு; வழி; பெண்குறி.

போற்றாக் கடை - அவர்களை அவற்றிலிருந்து காப்பாற்றாமல் இருந்தால்

முழுப்பொருள் (நன்றி: InterestingTamilPoems)

அறிவினான் = அறிவினால்

ஆகுவ துண்டோ = ஆகுவது உண்டோ ?மிக மிக கவனத்துடன் சொல்லப் பட்ட சொல். ஆகுவது என்றால் ஆக்குவது, செய்வது, செயல் படுவது. நிறைய பேர் மற்ற உயிர்களின் துன்பம் கண்டு இரங்குவார்கள். ஐயோ பாவம் என்று பரிதாபப் படுவார்கள். ஆனால் அதற்கு மேல் ஒன்றும் செய்ய மாட்டார்கள். வெறும்  அன்பு உணர்வும், அருள் உணர்வும் மட்டும் போதாது. மற்ற உயிர்களின்  துன்பத்தை  போக்க ஏதாவது செய்ய வேண்டும். 

நான் மற்ற உயிர்களை  துன்பம் செய்யாமல் இருக்கிறேன், அது போதாதா என்றால் போதாது. அது பூரணமான அறிவு அல்ல.

மற்ற உயிர்களின் துன்பம் கண்டு பரிதாபப் படுகிறேனே அது போதாதா என்றால் ...போதாது. அது முழுமையான அறிவு அல்ல.

மற்ற உயிர்களின் துன்பத்தை மாற்ற ஏதாவது செய்ய வேண்டும். அதுதான் அறிவு. ஆக்க பூர்வமாக ஏதாவது செய்ய வேண்டும்.    

பிறிதின்நோய் = நோய் என்றால் துன்பம். (நோயெல்லாம் நோய் செய்தார் மேலவாம் என்பது வள்ளுவம் ​ ). பிறரின் என்று சொல்ல வில்லை. பிறிதின் என்று சொன்னார். புல், பூடு, புழுக்கள், பூச்சிகள், பறப்பன, நீர் வாழ்வன, கண்ணுக்குத் தெரியாத நுண்ணுயிரிகள் எல்லாவற்றிற்கும் வரும் நோய்.  

தம்நோய்போல் போற்றாக் கடை.= தனக்கு வந்த துன்பம் போல் போற்றி அதை  நீக்கா விட்டால் ? போற்றி என்றால் பாதுகாத்தல், கவனமாக காப்பாற்றுதல்.

வாடிய பயிரை கண்டபோதெல்லாம் வாடும் உள்ளம் அறிவின் பாற் பட்டது. வள்ளலாரை விட ஒரு படி மேலே போய் , வாடிய பியரை கண்டபோது நீயும் வாடிப் பயன் இல்லை, அதுக்கு தண்ணி ஊத்து என்கிறார் வள்ளுவர். அது அறிவு.

நம் வீட்டில் யாருக்காவது உடல் நிலை மன நிலை சரி இல்லை என்றால், நாமும் உடைந்து விடுவது அறிவின்  அழகு அல்ல. அந்த துன்பத்ஹ்டை போக்குவது தான் அறிவு.

ஒரு மருத்துவர் என்ன செய்கிறார் - நோயாளியின் துன்பத்தை, வலியை

குறைக்கிறார்

இப்படி ஒவ்வொரு துறையிலும் வல்லவர்கள் என்ன செய்கிறார்கள் - மக்களின் வலியை  போக்குகிறார்கள்.

நாம் படிப்பது, பரிட்ச்சை எழுதுவது, வேலை பார்ப்பது எல்லாம் மற்றவர்களின் துன்பத்தை குறைக்க என்று நினைக்க வேண்டும்.

எவ்வளவு ஆழமான சிந்தனை. அறிவு என்றால் நிறைய படிப்பது , நிறைய சொல்லுவது , நிறைய சம்பாதிப்பது என்று எல்லாம் சொல்ல வில்லை.

இப்போது சொல்லுங்கள் அறிவில்லாதவனை என்ன என்று சொல்லுவது ?

பிறர் துன்பத்தைத் தன துன்பம் போலக் கருதுவது அறிவு என்றும் பண்பாக்கத்திற்கு அறிவு கருவி என்றும் குறிப்பிடுகின்றார். பிறர் துன்பம் கண்டு இரங்கும் செயலை மட்டும்தான் என்று இல்லாமல் இரக்கத்துடன் புரியும் பிற உதவிச் செயல்களையும் வள்ளுவர் மறுப்பதற்கில்லை. கொடை முதலியவற்றை வள்ளுவர் மனிதர்க்குக் கடமையாகவே சொல்கிறார்.

பண்புகள், புறவுலகத்தால் சூழல்களால் பாதிக்கப்படவே செய்கின்றன. வெறும் சிந்தனை கொண்டே உலகம் திருந்த இயலாது. உலகம் உயர்வதற்குச் செயல்களும் துணை. இக்கருத்துகளும் வள்ளுவரின் அறிவியல் கருத்துகளேயாகும்.

மேலும்: அஷோக்

ஒப்புமை

”பிறர்நோயும் தந்நோய்போற் போற்றி யறனறிதல்

சான்றவர்க் கெல்லாம் கடன்” (கலி 139:2-3)

உதாரணம்: யானை டாக்டர் கிருஷ்ணமூர்த்தி (சிறுகதை - ஆசிரியர்: ஜெயமோகன்)

குறட் கருத்து  (நன்றி: திரு. தமிழ்க்கடல் நெல்லை கண்ணன்)
ஒரு நாள் தக தகக்கும் மாலை நேரம் . ஞாயிறு மஞ்சள் குளித்தாற் போல காட்சி தந்து
கொண்டிருந்தான். வள்ளுவப் பேரறிஞர் முன்னர் நிற்கின்றேன். எனது நண்பர் ஒருவரைப் பற்றி அவரிடம் சொல்லிக் கொண்டிருக்கின்றேன். அவர் கல்வி கேள்விகளில் சிறந்தவர்.நிறையப் படித்தவர். மிகப் பெரிய அறிவாளி என்றெல்லாம் மிகுந்த மகிழ்ச்சியோடு சொல்லிக் கொண்டிருக்கின்றேன். கேட்டுக் கொண்டேயிருந்த வான் புகழ் வள்ளுவர் சிரித்துக் கொண்டேயிருந்தார்.நான் அவர் எழுதியுள்ள நூற்களைப் பற்றியெல்லாம் அவரிடம் வரிசையாகச் சொல்லிக் கொண்டேயிருக்கின்றேன். பேராசான் சிரித்துக் கொண்டேயிருந்தாரே யொழிய ஒன்றும் சொல்லவில்லை. எனக்கு நாம் ஏதோ தவறுதலாகப் பேசிக் கொண்டிருக்கி றோம் போல என்ற அய்யப்பாடு வந்து விட்டது.

அமைதியானேன்

வள்ளுவப் பேராசான் கேட்டார் மிகப் பெரிய அறிஞர் உன் நண்பர் அப்படித்தானே என்று.

நான் மீண்டும் அடுக்கலானேன்.

சரி இத்தனை படித்திருந்தால் அவர் ஒரு அறிஞர் என்று யார் உனக்குச் சொன்னது என்றார்

என்ன சாமி அதுதானே உண்மை என்றேன்

மீண்டும் கேட்டார் நிறையப் படித்திருந்தால் அவர் அறிஞர் என்று உறுதி படச் சொல்லுகின்றாயா என்று

திரும்பத் திரும்பக் கேட்கின்றார் என்றவுடன் எனது குரல் அடை பட்டு விட்டது.

சொல் என்றார்.

நான் அமைதியானேன்

அறிவு என்றால் என்ன என்று அடுத்து ஒரு கேள்வி கேட்டார்.

யாருக்கு யார் விடையளிக்க முற்படுவது. அமைதி காத்தேன்

சிரித்தார்

கல்வியல்ல படிப்பதல்ல அறிவிற்கு அடிப்படை. அடுத்த உயிர்கள் படுகின்ற துன்பத்தை தனது துன்பமாகக் கருதி அதனைத் தீர்க்க எவன் முற் படுகின்றானோ அவன்தான்
அறிவுடையவன்.

உனது நண்பர் அப்படி உயிர்க் குலத்தின் மேல் காதல் கொண்டு மற்றவர் துன்பத்தைத் தனக்கு வந்த துன்பம் போலவே கருதி துடிதுடித்து யாருக்கேனும் உதவி செய்து மகிழ்ந்துள் ளாரா. அன்று என்னிடம் வா நான் ஒத்துக் கொள்கின்றேன் அவரை அறிஞர் என்று.

வாயடைத்து நின்றேன். ஆமாம் அறிவு என்பது தன் வயிற்றையும் தன் பெண்டு பிள்ளைகள் வயிற்றையும் நிரப்புவதா. கோடிக்கணக்கில் சொத்துக்களைச் சேர்த்து வைப்பதா.

பேரறிஞர் சொல் எத்தனை உண்மையானது.

குறள்
அறிவினான் ஆகுவது உண்டோ பிறிதின் நோய்
தந்நோய் போல் போற்றாக் கடை

பரிமேலழகர் உரை

அறிவினான் ஆகுவது உண்டோ - துறந்தார்க்கு உயிர் முதலியவற்றை உள்ளவாறறிந்த அறிவினான் ஆவதொரு பயன் உண்டோ; பிறிதின் நோய் தம் நோய்போல் போற்றாக்கடை - பிறிதோர் உயிர்க்கு வரும் இன்னாதவற்றைத் தம் உயிர்க்கு வந்தன போலக் குறிக்கொண்டு காவா இடத்து ? 

விளக்கம்

(குறிக்கொண்டு காத்தலாவது: நடத்தல், இருத்தல், நிற்றல், உண்டல் முதலிய தம் தொழில்களானும், பிறவாற்றானும் உயிர்கள் உறுவனவற்றை முன்னே அறிந்து உறாமல் காத்தல். இது பெரும்பான்மையும் அஃறினைக்கண் நுண்ணிய உடம்பு உடையவற்றைப் பற்றி வருதலின் பொதுப்படப் 'பிறிதின் நோய்' என்றும், 'மறப்பான் அது துன்புறினும் நமக்கு இன்னா செய்தலாம்' என்று அறிந்து காத்தல் வேண்டும் ஆகலின், 'அது செய்யாவழி அறிவினான் ஆகுவது உண்டோ' என்றும் கூறினார். இதனான் செய்தல் விலக்கப்பட்டது.) 

ஞா. தேவநேயப் பாவாணர் உரை

பிறிதின் நோய் தம் நோய்போல் போற்றாக்கடை- பிறிதோ ருயிர்க்கு வந்த துன்பங்களைத் தமக்கு வந்தன போலக் கருதிக் காவா விடத்து; அறிவினான் ஆகுவதுண்டோ- உயிர்களின் இயல்பைப் பற்றி அறிந்த அறிவினால் ஏதேனும் ஒரு பயனுண்டோ? இல்லை என்றவாறு.

உயிர்களைப் பற்றி அறிந்த அறிவாவது; உயிர்கள் எழுவகைப் பட்டன என்பதும், அவை தொடக்கமிலியாகத் தத்தம் நல்வினை தீவினைக்கேற்ப நால்வகுப்பிற் பிறந்திறந்து துன்புற்று வருகின்றன என்பதும், அப்பிறவித் துன்பத்திற்கு இயல்பாக எல்லையில்லை யென்பதும், அத்துன்பத்தினின்று விடுதலை பெறும் வழி இறைவன் திருவருளைத்துணைக்கொண்டு இருவகை யறங்களுள் ஒன்றைத்தூய்மையாகக் கடைப் பிடித்தலே என்பதுமாம்.

இனி, பிறவுயிர்க்குத் துன்பம் வராமற் காத்தலாவது அஃறிணையில் இயங்கு திணையைச் சேர்ந்த நீர்வாழி, ஊரி, பறவை என்னும் மூவகையுயிர்களுள், கூர்ந்து நோக்கினாலொழியக் கண்ணிற்குப் புலனாகாத நுண்ணுயிரிகளுமிருப்பதால், நடத்தல், நிற்றல், இருத்தல், கிடத்தல் முதலிய நிலைகளிலும், உண்டல் பருகல் முதலிய வினைகளிலும், கருவிகள் கொண்டு செய்யும் பல்வேறு தொழிலகளிலும், அந்நுண்ணுயிரிகட்குச் சேதம் நேராதவாறு கவனித்து ஒழுகுதலாம். இதனாற் கவன மின்மையால் நேரும் இன்னா செயல் விலக்கப்பட்டது.

பருவுடம் புள்ள பிறவுயிர்கள் தம்மைத்தாமே காத்துக்கொள்ளுமென்பதும், நுண்ணுயிரிகள் போல் எளிதாய்ச் சேதத்திற்குள்ளாகா என்பதும், கருத்தாம்.

வ.உ.சிதம்பரனார் உரை
பொருள்: பிறிதின் நோய் தம் நோய் போல் போற்றா(த) கடை - (அறிவுடையார்) பிறிது (ஒர்) உயிரின் துன்பத்தைத் தமது துன்பம் போல் (கருதிக்) காவாத விடத்து, அறிவினான் ஆகுவது உண்டோ-(அவரது) அறிவுடைமையினால் ஆகும் பயன் உண்டோ? (இல்லை).

அகலம்: மணக்குடவர், தாமத்தர் பாடம் ‘தன்னோய்போல்’.

கருத்து : அறிவுடைமைக்கு அழகு பிற உயிர்க்கு இன்னா செய்யாமை.

மு.வ உரை

மற்ற உயிரின் துன்பத்தை தன் துன்பம் போல் கருதிக் காப்பாற்றா விட்டால் பெற்றுள்ள அறிவினால் ஆகும் பயன் உண்டோ.

மணக்குடவர் உரை

பிறிதோருயிர்க்குஉறும் நோயைத் தனக்கு உறும் நோய்போலக் காவாதவிடத்து, அறிவுடையனாகிய வதனால் ஆகுவதொரு பயன் உண்டாகாது. இஃது அறிவுடையார் செய்யார் என்றது.

சாலமன் பாப்பையா உரை

அடுத்த உயிர்க்கு வரும் துன்பத்தைத் தமக்கு வந்ததாக எண்ணாவிட்டால், அறிவைப் பெற்றதால் ஆகும் பயன்தான் என்ன?.

Thirukkural - Management - Managing Emotions

Emotional imbalances are common among children & grownups, among uneducated & educated people, among leaders & followers, and among men & women. So, dealing with and managing emotions at family, work place, and society demand extraordinary  skills. Inability to manage emotions is one of the causes for many of the modern day diseases. “An emotion is a strong feeling of any kind: love, joy, hate, fear and jealousy,” (Oxford  Advanced Learner's Dictionary, 1996). Kurals tells us the importance of understanding  the role of emotions in one's self and others and channelizing them for productive relationships and performances. 

One of the age-old methods for managing emotions is to put oneself  in the other person's place and position to look at events from that person's perspective. What is the use of all education or knowledge, if an educated or a knowledgeable person cannot connect with others and experience their sufferings and pains as his own? Valluvar raises this question through Kural 315.

What good is that sense which does not feel and prevent

All creature's roes as its own?