உளரெனினும் இல்லாரொடு ஒப்பர் களன்அஞ்சிக்

 

குறள் 730
உளரெனினும் இல்லாரொடு ஒப்பர் களன்அஞ்சிக்

கற்ற செலச்சொல்லா தார்

[பொருட்பால், அமைச்சியல், அவையஞ்சாமை]

பொருள்

உளர் - உடந்தை; உடையவர்; வாழ்கின்றோர்

எனினும் - என்றுசொல்லினும்; ஆனாலும்

இல்லாரொடு - இல்லார் - இல்லாதவர்

ஒப்பர்- ஒப்பு - பொருத்தம்; ஒருதன்மை; ஒப்புமை; உவமை; தகுதி; சமம்; இசைவு; அழகு; கவனம்; ஒப்பாரி; சாயல்; உடன்படுகை.

களன் - மருதநிலம்; இடம்; பொய்கை; ஒலி; கழுத்து; தொடர்பு; மயக்கம்.

அஞ்சிக் - அஞ்சுதல் - பயப்படுதல்

கற்ற - கற்கை - பயிலுதல்

செலச் - செறிவாக, மனம் உணரும் அளவிற்கு

சொல்லுவார் - உரைப்பவர், சொல்லுபவர், விளுக்குபவர்

சொல்லாதார் - சொல்லாதவகள்; உரைக்காதவர்கள்

முழுப்பொருள்

உளர் என்ற சொல்லுக்கு இரண்டு பொருள்களை எடுத்துக்கொள்ளாலாம். அப்படி எடுத்தால் பொருள் என்னவென்ற பார்க்கலாம்

1. உளர் - உடையது/(கல்விச்)செல்வம்; நூல்கள் பல கற்று/வாசித்து கல்விச்செல்வத்தை பெற்றிருந்தாலும் சான்றோர்கள் அறிஞர்கள் கூடியுள்ள அவையில் செறிவாக தெளிவாக நன்றாக பேச அஞ்சுபவர் கல்வி அறிவில்லாதவர் (கல்வியில் வறுமையானவர்க்கு) ஒப்பானவர்கள். ஏனெனில் கல்லாதவரும் கற்றவர் அவையில் பேச அஞ்சுவர். 

2. உளர் - உயிருடன் வாழ்தல்; நூல்கள் பல கற்று/வாசித்தும் சான்றோர்கள் அறிஞர்கள் கூடியுள்ள அவையில் செறிவாக தெளிவாக நன்றாக பேச அஞ்சுபவர் உயிர் இருந்தும் (உயிரோடு வாழ்ந்தாலும்) உயிரில்லாத பிணத்திற்கு சமம் என்று கடுமையாக கூறுகிறார் திருவள்ளுவர். பிணங்கள் எதற்கும் பயனற்றது. துர்நாற்றம் வீசுவது. பிறருக்கு தீமைக்கொடுப்பது. அதுப்போலவே அரைகுறை கல்வியால் இவர்களும் தீமையைக்கொடுப்பார்கள் என்பதனால் கூட திருவள்ளுவர் கூறியிருப்பார். 

முன்பு கல்லாமை அதிகாரத்திலும் இதே கருத்தை ஓட்டி குறியிருந்தார் திருவள்ளுவர். “குறள் 406 உளரென்னும் மாத்திரையர் அல்லால் பயவாக் களரனையர் கல்லா தவர் (கல்லாமை அதிகாரம்)” . அதாவது கல்வி கல்லாதோர் உயிர் உடமில் ஒட்டிக்கொண்டுள்ள ஒரு மிக சாதாரணமான/ கேவலமான உடம்பு என்கிறார் திருவள்ளுவர். இவர்கள் எதற்கு ஒப்பாவர்கள் என்றால் பயனே தராத விளைச்சலே தராத களர் நிலத்திற்கு. கல்வி இல்லாதவர்கள் மற்றவர் யாருக்கும் எவ்வித பயனையும் தர மாட்டார்கள். [அத்தகைய நிலம் இவ்வுலகத்திற்கு பாரம் போன்றே இந்த மனிதர்களும் உலகிற்கு பாரம்]. அதனையே திருவள்ளுவர் கூறுகிறார். 

முன்பு, சொல்வன்மை அதிகாரத்தில், இக்குறள் போல் அதிகாரமாக(order) இல்லாது, சிறிது உறைப்புக் குறைவாகவே, தாம் கற்றதை நன்கு விரிவாக உரைக்கத் தெரியாதவர், மணமில்லா பூங்கொத்துக்குச் சமம் என்றார் வள்ளுவர் கீழ்வரும் குறளால்.

“குறள் 650
இணரூழ்த்தும் நாறா மலரனையர் கற்றது 

உணர விரித்துரையா தார்”

குறள் 406

உளரென்னும் மாத்திரையர் அல்லால் பயவாக் 

களரனையர் கல்லா தவர்

மேலும்: அஷோக் உரை

பரிமேலழகர் உரை

களன் அஞ்சிக் கற்ற செலச் சொல்லாதார் - அவைக்களத்தை அஞ்சித் தாம் கற்றவற்றை அதற்கு ஏற்கச் சொல்ல மாட்டாதார்; உளர் எனினும் இல்லாரொடு ஒப்பர் - உயிர் வாழ்கின்றாராயினும் உலகத்தாரால் எண்ணப்படாமையின் இறந்தாரோடு ஒப்பர். (ஈண்டுக் 'களன'¢ என்றது ஆண்டிருந்தாரை. இவை ஐந்து பாட்டானும் அவைஅஞ்சுவாரது இழிவு கூறப்பட்டது.).

மணக்குடவர் உரை

உளராயினும் செத்தாரோடு ஒப்பார்: அவைக்களத்தை அஞ்சித் தாம் கற்றதனை அதற்கு இசையச் சொல்லமாட்டாதார். இது செத்தாரோடு ஒப்பரென்றது. இவை ஐந்தும் அவையஞ்சுதலான் வருங்குற்றம்கூறின.

மு.வரதராசனார் உரை

அவைக்களத்திற்கு அஞ்சித் தாம் கற்றவைகளைக் (கேட்பவர் மனத்தில்) பதியுமாறு சொல்ல முடியாதவர், உயிரோடு வாழ்ந்தலும் இறந்தவர்க்கு ஒப்பாவர்.

சாலமன் பாப்பையா உரை

அவையைப் பார்த்துப் பயந்து, படித்தவற்றை அவைக்கு ஏற்பச் சொல்லத் தெரியாதவர், வாழ்ந்தாலும் வாழாதவர்க்குச் சமமே.

Thirukkural - Management - Public Speaking - Fear of speaking 

Valluvar uses a simile in Kural 730 to stress the importance of fearless speaking. If a person possesses supreme knowledge and possesses fear to present his knowledge to the learned audience, he is similar to a person who is dead. 

Those who thorough stage-fright keep 

their learning to themselves 

Though living, are dead. A dead person’s knowledge is of no use to anyone. Similarly, a fearful person’s knowledge is not useful to anyone. A person who does not speak confidently and convincingly in public is in no way different from a person who cannot speak. Though the person who cannot speak is physically alive, he is mentally dead.

கல்லா தவரின் கடையென்ப கற்றறிந்தும்

 

குறள் 729
கல்லா தவரின் கடையென்ப கற்றறிந்தும்

நல்லா ரவையஞ்சு வார்

[பொருட்பால், அமைச்சியல், அவையஞ்சாமை]

பொருள்

கல்லாதவரின் - கற்காதவர் (கற்காதவராக இருப்பினும்),  நெறிநூல்கள் கல்லாதவர்

கடை - முடிவு; இடம்; எல்லை; அங்காடி; கீழ்மை; தாழ்ந்தோன்; வாயில்; புறவாயில்; பக்கம்; பணிப்பூட்டு; காம்பு; ஒருவினையெச்சவிகுதி; ஏழனுருபு; பின்; கீழ்; சோர்வு; வழி; பெண்குறி.

என்ப - என்பார்கள்; எனறுசொல்லப்படுவன; என்றுசொல்லுவர்; ஓர்அசைச்சொல்.

கற்று - கற்கை; படித்தல்; நூல்கள் பயின்று

அறிந்தும் - அறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

நல்லார் - நற்குணமுடையோர்; பெரியோர்; கற்றார்; மகளிர்

அவை  - மாந்தர்கூட்டம்; அறிஞர்கூட்டம்; சபாமண்டபம் புலவர் நாடகஅரங்கு; பன்மைச்சுட்டு; அப்பொருள்கள்.

அஞ்சுதல் -  பயப்படுதல்

அஞ்சுவார் - பயப்படுவார்; அச்சம் கொள்வார் 

முழுப்பொருள் 

நூல்கள் கற்றிருந்தும் கல்வி பயின்ற கற்றோர்கள் (என சொல்லிக்கொள்வோர்), கற்றோர்கள் சான்றோர்கள் அறிஞர்கள் கூடியுள்ள அவையில் பேச / உரைக்க அஞ்சினால் (கற்றதனால் என்னபயன்? என்பது மட்டும் இன்றி) அவர்கள் கல்லாதவர்களை காட்டிலும் கீழானவர்கள். 

ஏனெனில் கல்லாதவர்கள் எதனையும் கற்கவில்லை ஆதலால் கற்றபிக்கும் ஆசிரியரின் நேரத்தை அவர்கள் எடுத்துக்கொள்ளவில்லை. ஆனால் கற்கும் ஒருவர் ஆசிரியரின் நேரத்தை எடுத்துக்கொள்கிறார் தனது நேரத்தையும் செலவிடுகிறார். ஆனால் சரிவர கற்காததனால் நன்றாக பேச முடியாமல் அவையை அஞ்சுகிறார். ஆதலால் தனது நேரத்தையும் பிறர் நேரத்தையும் வீண் செய்தலால் அவர் கல்லாதவரைவிடவும் கீழானவர். தானும் கல்வியால் பயன்பெறாது பிறருக்கும் பயனில்லாமல் இருப்பதால் அவர் கல்வித்துன்பம் எய்தி நிற்பதால் (துன்பத்தை சுமப்பதால்) கல்லாதவரைவிடவும் கீழானவர். மேலும் கற்காதவர் முன்னிலையில் கற்றவர்களின் மானத்தை வாங்குகிறார். அதனாலும் கீழானவர்.  

கற்றிருந்தும் கற்றோர் அவையில் பேசுதற்கு அஞ்சுபவரை கோழைகளென்றும், அவர்களின் அறிவு வீரமில்லா பேடியின் கை வாளென்றும் கூறி, பின்னர் அவர்கள் கற்ற கல்வியால் பயன் யாதென்று வினவி, இக்குறளில் அவர்கள் கல்லாத மூடரைவிட கீழானவர் என்று சொல்லி அவைக்கஞ்சாமையை வலிமையாகச் சொல்லுகிறார் வள்ளுவர்.

மேலும்: அஷோக் உரை

ஒப்புமை

”கழறும் அவைஅஞ்சான் கல்வி இனிதே” (இனியவை 13)

பரிமேலழகர் உரை

கற்று அறிந்தும் நல்லார் அவை அஞ்சுவார் - நூல்களைக் கற்றுவைத்தும், அவற்றால் பயனறிந்து வைத்தும், நல்லார் இருந்த அவையினை அஞ்சி ஆண்டுச் சொல்லாதாரை; கல்லாதவரின் கடை என்ப - உலகத்தார் கல்லாதவரினும் கடையர் என்று சொல்லுவர். (அக்கல்வி அறிவுகளால் பயன் தாமும் எய்தாது பிறரை எய்துவிப்பதும் செய்யாது, கல்வித்துன்பமே எய்தி நிற்றலின், 'கல்லாதவரின் கடை' என உலகம் பழிக்கும் என்பதாம்.). 

மணக்குடவர் உரை

கல்லாதவரினும் கடையரென்று சொல்லப்படுவர்; உலகநூல் கற்றறிந்துவைத்தும் நல்லாரிருந்த அவையின்கண் சொல்லுதலஞ்சுவார். இது கல்லாதவரினும் இகழப்படுவரென்றது.

மு.வரதராசனார் உரை

நூல்களைக் கற்றிந்த போதிலும் நல்ல அறிஞரின் அவைக்கு அஞ்சுகின்றவர், கல்லாதவரை விடக் கடைப்பட்டவர் என்று கூறுவர்.

சாலமன் பாப்பையா உரை

நூல்களைக் கற்றும் அவற்றின் பயனை அறிந்தும், நல்லவர் கூடிய அவையைக் கண்டு பயந்து அங்கே செல்லாதவர், படிக்காதவரைவிடக் கீழானவர் என்று சொல்லுவர்.

Thirukkural - Management - Public Speaking - Fear of speaking 

Even if a person has learned, according to Kural 729, from many books and other resources, but afraid of speaking in the presence of educated and wise people, he will be considered less educated than people who are not educated.

The world will rate the tongue-tied scholar 

As worse than the ignorant. 

Thorough or proper learning for a person is gaining the ability to put across his views convincingly and courageously in the presence of educated people. 

பல்லவை கற்றும் பயமிலரே நல்லவையுள்

குறள் 728
பல்லவை கற்றும் பயமிலரே நல்லவையுள்

நன்கு செலச்சொல்லா தார்

[பொருட்பால், அமைச்சியல், அவையஞ்சாமை]

(For meaning in English, scroll to the bottom of this post)

பொருள்

பல்லவை - பலபொருள்; இழிவானபொருள்; இழிவு.

கற்றும் - கற்கை , படித்தல், நூல்கள் பயின்று

பயம் - அச்சம்; அச்சச்சுவை; வாவி; அமுதம்; பால்; நீர்; பலன்; வினைப்பயன்; பழம்; இன்பம்; அரசிறை; தன்மை.

இலரே - இல்லாதவர்கள்; மக்கள் இல்லை 

நல் - நல்ல; வறுமை; நல்ல - நன்மையான; மிக்க; கடுமையான.

அவை - மாந்தர்கூட்டம்; அறிஞர்கூட்டம்; சபாமண்டபம் புலவர் நாடகஅரங்கு; பன்மைச்சுட்டு; அப்பொருள்கள்.

உள் - உள்ளிடம்; உள்ளம்; மனம்; இடம்; மறை; மனவெழுச்சி; ஒருகுறிப்புவினைப்பகுதி; தொழிற்பெயர்விகுதி; ஏழாமவேற்றுமைஉருபு; உள்ளான்என்னும்பறவை.

நன்கு - அழகு; மிகுதி; நல்லது; நலம்; நிலைபேறு; நன்னிமித்தம்; மகிழ்ச்சி; மிகவும்; இதம்.

செலச் - செறிவாக, மனம் உணரும் அளவிற்கு

சொல்லுவார் - உரைப்பவர், சொல்லுபவர், விளுக்குபவர்

சொல்லாதார் - சொல்லாதவர்கள்

முழுப்பொருள் 

பலநூல்கள் கற்றும் நல்லவர்களும் அறிஞர்களும் சான்றோர்களும் கூடியுள்ள அவைதனில் தான் செறிவாக தெளிவுடன் உரைக்கத் தெரியாதவர்கள் பலநூல் வாசித்தும் பயனில்லை. அவர்களாலும் பயனில்லை. 

ஏன் பயனில்லை? 

ஏனெனில் நூல்களை தெளிவாக கற்றிருந்தால் அவையில் உரைக்க தன்னம்பிக்கை இருக்கும். நூல்களை கசடற கற்காத பொழுது நூல்களை கூறுபவற்றை உணராத பொழுதே தன்னம்பிக்கை குறைவாக இருக்கும். அல்லது தன்னம்பிக்கை இருப்பினும் நூல்களை சரிவர கற்கவில்லை என்றால் அவையில் நன்றாக உரைக்கமுடியாமல் சான்றோர்களின் கேள்விக்கு பதில் சொல்லமுடியாமல் சிறுமைபடுவர். ஆதலால் சரியாக அவையில் நன்றாக பேச முடியாததற்கு காரணம் நூல்களை சரிவர கற்காதது, தான் கற்றவற்றில் உறுதியாக இல்லாதது. ஆதலால் பல நூல்களை வெறுமென வாசித்து (வாசிப்பதால்) ஒரு பயனுமில்லை.

மேலும்: அஷோக் உரை

பரிமேலழகர் உரை

நல்லவையுள் நன்கு செலச் சொல்லாதார் - நல்லார் இருந்த அவைக்கண் நல்ல சொற்பொருள்களைத் தம் அச்சத்தான் அவர்க்கு ஏற்கச் சொல்லமாட்டாதார்; பல்லவை கற்றும் பயம் இலரே - பல நூல்களைக் கற்றாராயினும் உலகிற்குப் பயன்படுதல் இலர். (அறிவார் முன் சொல்லாமையின் கல்வியுண்மை அறிவாரில்லை என்பதாம். இனிப் 'பயமிலர்' என்பதற்கு, 'கல்விப் பயனுடையரல்லர்' என்று உரைப்பாரும் உளர்.).

மணக்குடவர் உரை

பலநூல்களைக் கற்றாலும் ஒருபயனில்லாதவரே: நல்லவையின்கண் நன்றாக அவர்க்கு ஏற்கச் சொல்ல மாட்டாதார். இஃது அவையஞ்சுவார் கற்றகல்வி பிறர்க்குப் பயன்படாதென்றது.

மு.வரதராசனார் உரை

நல்ல அறிஞரின் அவையில் நல்லப் பொருளைக் கேட்பவர் மனதில் பதியுமாறு சொல்ல முடியாதவர், பல நூல்களைக் கற்றாலும் பயன் இல்லாதவரே.

சாலமன் பாப்பையா உரை

நல்லனவற்றை நல்லவர் கூடிய அவையில் அவர் மனங் கொள்ளச் சொல்லத் தெரியாதவர், பலதுறை நூல்களைக் கற்றிருந்தாலும் உலகிற்குப் பயன்படாதவரே.

Thirukkural - Management - Public Speaking - Fear of speaking 

Similar to Kural 727, Kural 728 also houses a simile. Though a person has read a lot, is considered learned but fearful and cannot put across his ideas and thoughts impressively in the assembly of learned and wise people, his knowledge is similar to a person who has fear in the middle of a battlefield. Therefore, a learned person’s responsibility is to connect fearlessly with his listeners and inspire them to action.

They are useless however learned

Who cannot impress the wise.

English Meaning - As I taught a kid - Rajesh

A person can read and learn hundreds and hundreds of books, magazines, materials.  However, great learning might serve no purpose when one shy's away (due to fear) from speaking compellingly / convincingly / confidently to a good learned audience. 

Some of the reasons why one has fear of public speaking is 1) Not learnt the subject deeply 2) Not prepared and practiced 3) Not having courage 4)  Not having practice of talking to a learned audience 5) Learning without clarifying doubts.

Questions that I ask to the kid

A learned person is not able to speak in front of a learned audience. Explain more.

பகையகத்துப் பேடிகை ஒள்வாள் அவையகத்து

குறள் 727

பகையகத்துப் பேடிகை ஒள்வாள் அவையகத்து

அஞ்சு மவன்கற்ற நூல்

[பொருட்பால், அமைச்சியல், அவையஞ்சாமை]

பொருள் 

பகை - எதிர்ப்பு; பகைவன்; மாறுபாடு; வெறுப்பு; தீங்கு; காண்க:பகைநரம்பு; வேற்றரசருடன்பகைகொள்ளுகை; கோளின்பகைவீடு; காமகுரோதம்முதலியஉட்பகை.

அகத்துப் - அகம்  - உள்ளம், இருப்பிடம்; பூமி மனை வீடு உள் மனம் அகப்பொருள் 'நான்'என்னும்அகங்காரம்; பாவம் அகம்பாவம் மார்பு ஏழாம்வேற்றுமையுருபு.

பேடி - பெண்தன்மைமிகுந்தஅலி; வீரியமின்மை; நடுவிரல்; அச்சம்.

கை - ஓர்உயிர்மெய்யெழுத்து(க்+ஐ); கரம்; யானைத்துதிக்கை; கதிர்; செங்கல்முதலியவற்றைஎண்ணும்ஒரளவு; அபிநயக்கை; பக்கம்; கட்சி; கைமரம்; இரயில்கைகாட்டி; சட்டையின்கை; கைப்பிடி; விசிறிக்காம்பு; சிறகு; படையுறுப்பு; சேனை; இடம்; கைப்பொருள்; செய்யத்தக்கது; ஒப்பனை; ஆற்றல்; கையளவு; ஆள்; சிறுமை; உலகவொழுக்கம்; ஒழுங்கு; தங்கை; தொழிற்பெயர்விகுதி; ஒருதமிழ்முன்னொட்டு; குற்றம்.

ஒள் - ஓர்உயிர்மெய்யெழுத்து(க்+ஐ); கரம்; யானைத்துதிக்கை; கதிர்; செங்கல்முதலியவற்றைஎண்ணும்ஒரளவு; அபிநயக்கை; பக்கம்; கட்சி; கைமரம்; இரயில்கைகாட்டி; சட்டையின்கை; கைப்பிடி; விசிறிக்காம்பு; சிறகு; படையுறுப்பு; சேனை; இடம்; கைப்பொருள்; செய்யத்தக்கது; ஒப்பனை; ஆற்றல்; கையளவு; ஆள்; சிறுமை; உலகவொழுக்கம்; ஒழுங்கு; தங்கை; தொழிற்பெயர்விகுதி; ஒருதமிழ்முன்னொட்டு; குற்றம்.

வாள் - ஒளி; கத்தி; கத்தரிகை; கூர்மை; ஈர்வாள்; விளக்கம்; புகழ்; கொல்லுகை; கலப்பை; உழுபடையின்கொழு; கயிறு; நீர்; கச்சு.

அவை - மாந்தர்கூட்டம்; அறிஞர்கூட்டம்; சபாமண்டபம் புலவர் நாடகஅரங்கு; பன்மைச்சுட்டு; அப்பொருள்கள்.

அகத்து - அகம் - இருப்பிடம்; பூமி மனை வீடு உள் மனம் அகப்பொருள் 'நான்'என்னும்அகங்காரம்; பாவம் அகம்பாவம் மார்பு ஏழாம்வேற்றுமையுருபு.

அஞ்சும் - அஞ்சுதல் - பயப்படுதல்.

அவன்  - ஆண்பால்சுட்டுப்பெயர்

கற்ற - படித்தல்

நூல் - பஞ்சிநூல்; பூணூல்; மங்கலநாண்; எற்றுநூல்; ஆண்குறியிலுள்ளநரம்பு; ஆண்குறி; ஆயுதவகை; சாத்திரம்; ஆகமம்; ஒருநாடகநூல்; ஆலோசனை.

முழுப்பொருள் 

நாட்டில் பல போர் பயிற்சிகள் பெற்றும் பகைவர் முன்னே போரிட அச்சம் கொள்பவனின் கையில் வாள் இருந்தும்பயனில்லை. அவ்வாளை பயன்படுத்த வேண்டிய நேரத்தில் பயன்படுத்த தெரியாதவனிடம் இருந்தால் அதற்கு பயனுமில்லை சிறுமையும் அடைகிறது. அத்தகையவன் கோழை. 

அதுப்போல பல நூல்கள் கற்றும் சான்றோர் கூடியுள்ள அவையினில் பேச பயப்படுவானென்றால் அவனால் அவன் கற்ற நூல்களுக்கும் சிறுமை அவன் கற்றவற்றால் ஒரு பயனும் இல்லை.  ஏனெனில் தேவையான நேரத்தில் பயன்படுத்தவேண்டியதே கல்வி. இல்லையேல் அதனால் பயன் என்ன? அத்தகையவன் அறிவிலி.

அவையில் அஞ்சாது பேசுபவன் உண்மையான அறிவுடையவன்.

மேலும்: அஷோக் உரை

ஒப்புமை

“நல்லவை கண்டக்கால் நாச்சுருட்டி நன்றுணராப்

புல்லவையுள் தன்மைப் புகழ்ந்துரைத்தல் - புல்லார்

புடைத்தறுகண் அஞ்சுவான் இல்லுள்வில் லேற்றி

இடைக்கலத் தெய்து விடல்” (பழமொழி 249

பரிமேலழகர் உரை:

பகையத்துப் பேடி கை ஓள்வாள் - எறியப்படும் பகை நடுவண் அதனை அஞ்சும் பேடி பிடித்த கூர்வாளை ஒக்கும்; அவையகத்து அஞ்சுமவன் கற்ற நூல் - சொல்லப்படும் அவை நடுவண் அதனை அஞ்சுமவன் கற்ற நூல். (பேடி : பெண் இயல்பு மிக்கு ஆண் இயல்பும் உடையவள்.களமும் வாய்த்துத் தானும் நன்றாய் இருந்ததேயாயினும் பிடித்தவள் குற்றத்தால் வாள் சிறப்பின்றாயினாற் போல, அவையும் வாய்த்துத் தானும் நன்றாய் இருந்ததேயாயினும், கற்றவன் குற்றத்தால் நூல் சிறப்பின்றா யிற்று.) .

மணக்குடவர் உரை

பகையின்கண் அஞ்சுமவன் பிடித்த கூர்வாள் போலும், அவையின்கண் அஞ்சுமவன் கற்றநூலும்.மேல் பயனில்லை யென்றார் இங்குப் பயனில்லாதவாறு காட்டினார்.

மு.வரதராசனார் உரை:

அவையினிடத்தில் அஞ்சுகின்றவன் கற்ற நூல், பகைவரின் போர்க்களத்தில் அஞ்சுகின்ற பேடியின் கையில் உள்ள கூர்மையான வாள் போன்றது.

சாலமன் பாப்பையா உரை:

கற்றவர் கூடிய அவையில் பேசப் பயப்படுபவன் கற்ற நூல், பகைமுன்னே நடுங்கும் பேடியின் கையில் இருக்கும் வாளுக்குச் சமம்.

Thirukkural - Management - Public Speaking - Fear of speaking 

Two Kurals deal with the damages caused by fear of speaking in front of an audience and the relevance to overcome that fear. Many research works have shown that stage fear/fright or fear of speaking in public is the second or third common fear among people. Many highly educated people are afraid of speaking in public. Even professional speakers experience fear at the beginning of their speeches. But, they are extremely confident that they know how to camouflage their fear tactfully so that their audience cannot see their fear. Their fear is not visible to their audience. Valluvar uses a smile in Kural 727 to communicate his message on fearless speaking.

The learning of the tongue-tied 

Is a sword in a poltroon’s hand. 

A person who is equipped with knowledge but possesses fear of speaking in public is similar to a fearful person who is holding a sword in the battlefield. That person cannot wield his weapon as he is afraid of his enemies. Though the weapon is in his hand, that is not handy to him. Similarly, if a speaker has fear of his audience, his knowledge alone cannot help him to speak.

வாளொடென் வன்கண்ணர் அல்லார்க்கு

குறள் 726
வாளொடென் வன்கண்ணர் அல்லார்க்கு நூலொடென்
நுண்ணவை அஞ்சு பவர்க்கு

[பொருட்பால், அமைச்சியல், அவையஞ்சாமை]

பொருள்
வாளொடு - வாள் - ஒளி; கத்தி; கத்தரிகை; கூர்மை; ஈர்வாள்; விளக்கம்; புகழ்; கொல்லுகை; கலப்பை; உழுபடையின்கொழு; கயிறு; நீர்; கச்சு.

என் - என்ன; வினாவினைக்குறிப்பு; ஐயக்கிளவி; இகழ்ச்சிக்குறிப்பு; 'எது'அல்லது'எதை'எனப்பொருள்படும்இடைச்சொல்; தன்மைஒருமைச்சொல்; யான்என்பதுவேற்றுமைப்பொருளில்அடையும்திரிபு; ஓர்அசைச்சொல்.

வன்கண்ணர் - வன்கண் - கொடும்பார்வை, பொறாமை, கொடுமை, வீரத்தன்மை

அல் - எதிர்மறை, அதுபாலல்ல; (அல்லர்-அல்லாதார்--அல்லார்--அல் லோர், s. Evil persons, the wicked. (p.)) 

அல்லார்க்கு  - அல்லார் - எதிர்மறை, அதுபாலல்ல; (அல்லர்-அல்லாதார்--அல்லார்--அல் லோர், s. Evil persons, the wicked. (p.))

நூல் - பஞ்சிநூல்; பூணூல்; மங்கலநாண்; எற்றுநூல்; ஆண்குறியிலுள்ளநரம்பு; ஆண்குறி; ஆயுதவகை; சாத்திரம்; ஆகமம்; ஒருநாடகநூல்; ஆலோசனை.

நூலோடு - நூல் அறிவோடு

என் - என்ன; வினாவினைக்குறிப்பு; ஐயக்கிளவி; இகழ்ச்சிக்குறிப்பு; 'எது'அல்லது'எதை'எனப்பொருள்படும்இடைச்சொல்; தன்மைஒருமைச்சொல்; யான்என்பதுவேற்றுமைப்பொருளில்அடையும்திரிபு; ஓர்அசைச்சொல்.

நுண் - கூர்மை; நுட்பம்; மிகுதி; வேலைத்திறம்; அறிவுநுட்பம்; பொருள்நுட்பம்; சிற்றுண்டி; கமுக்கம்.

அவை - மாந்தர்கூட்டம்; அறிஞர்கூட்டம்; சபாமண்டபம் புலவர் நாடகஅரங்கு; பன்மைச்சுட்டு; அப்பொருள்கள்.

அஞ்சு - ஐந்து; அச்சம் ஒளி

அஞ்சுபவர்க்கு -  அஞ்சுபவர் / பயப்படுபவர்

முழுப்பொருள் 

எதிரிகளை கொல்லக்கூடிய கூர்மையான வாள் கையில் இருந்தும் மனதில் வீரமில்லையென்றால் போர்க்களத்திற்கு சென்று ஒரு பயனுமில்லை. அதுப்போல நூல்கள் பல கற்றிருந்தாலும் கற்றோர்கூடிய அவையில் பேச நெஞ்சில் தைரியம் இல்லையென்றால் (அதாவது கற்றோர்கூடிய அவையை கண்டு அச்சம்) எவ்வளவு கற்று என்ன பயன் ? ஒரு பயனுமில்லை.

இன்னா நாற்பது (8), வீரமிலார் கை படைக் கருவியைப்பற்றி, “ஆற்றல் இலாதான் பிடித்த படை இன்னா” என்று சொல்கிறது. 

திரிகடுகம் (7) இதேபோன்று, 

“பல்லவையுள் அஞ்சுவான் கற்ற அரு நூலும், இம்மூன்றும் 

துஞ்சூமன் கண்ட கனா” என்கிறது

குறள் 729

கல்லா தவரின் கடையென்ப கற்றறிந்தும்

நல்லா ரவையஞ்சு வார்

மேலும்: அஷோக் உரை

பரிமேலழகர் உரை

வன்கண்ணர் அல்லார்க்கு வாளொடு என் - வன்கண்மையுடையார் அல்லார்க்கு வாளொடு என்ன இயைபு உண்டு; நுண் அவை அஞ்சுபவர்க்கு நூலோடு என் - அது போல் நுண்ணியாரது அவையை அஞ்சுவார்க்கு நூலோடு என்ன இயைபு உண்டு? (இருந்தாரது நுண்மை அவைமேல் ஏற்றப்பட்டது. நூற்கு உரியர் அல்லர் என்பதாம்.).

மணக்குடவர் உரை

வன்கண்ணரல்லாதவர்க்கு வாளினாற் பயனென்னை? அதுபோல, நுண்ணிய அவையின்கண் அஞ்சுவார்க்கு நூலினாற் பயனென்னை? இது பிறர்க்குப் பயன்படாமையேயன்றித் தமக்கும் பயன்படாரென்றது.

மு.வரதராசனார் உரை

அஞ்சாத வீரர் அல்லாத மற்றவர்க்கு வாளோடு என்ன தொடர்பு உண்டு, நுண்ணறிவுடையவரின் அவைக்கு அஞ்சுகின்றவர்க்கு நூலோடு என்ன தொடர்பு உண்டு.

சாலமன் பாப்பையா உரை

நெஞ்சுறுதி இல்லாதவர்க்கு வாளால் என்ன பயன்? அறிவுத்திறம் மிக்க அவைகண்டு பயப்படுபவர்க்குத் தர்க்க சாஸ்திர நூலால் பயன் என்ன?.

ஆற்றின் அளவறிந்து கற்க அவையஞ்சா

குறள் 725
ஆற்றின் அளவறிந்து கற்க அவையஞ்சா
மாற்றங் கொடுத்தற் பொருட்டு

[பொருட்பால், அமைச்சியல், அவையஞ்சாமை]

பொருள்

ஆற்றின் - ஆற்றுதல் - வலியடைதல்; கூடியதாதல்; போதியதாதல்; உய்தல் உவமையாதல்; செய்தல் தேடுதல் உதவுதல் நடத்துதல் கூட்டுதல் சுமத்தல் பசிமுதலியனதணித்தல்; துன்பம்முதலியனதணித்தல்; சூடுதணித்தல்; ஈரமுலர்த்துதல்; நூல்முறுக்காற்றுதல்; நீக்குதல்

அளவு - பரிமாணம்; தருக்கஅளவை; தாளத்தில்மூன்றுமாத்திரைக்காலம்; மாத்திரை நிலஅளவு; சமயம் தன்மை ஞானம் மட்டும் தொடங்கி

அறிந்து - அறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

கற்க - கல்வி - அறிவு; வித்தை; கற்கை; கற்கும்நூல்; பயிற்சி, படித்தல்

அவை - மாந்தர்கூட்டம்; அறிஞர்கூட்டம்; சபாமண்டபம் புலவர் நாடகஅரங்கு; பன்மைச்சுட்டு; அப்பொருள்கள்.

அஞ்சா - அஞ்சாமல்  - பயப்படுதல்

மாற்றம் - சொல்; விடை; வஞ்சினமொழி; மாறுபட்டநிலை; பகை; கழுவாய்; வாதம்

கொடுத்தற் - கொடுத்தல் -  ஈதல்; பெற்றெடுத்தல்; பங்காடுதல்; விற்றல்; உடன்படுதல்; சாகக்கொடுத்தல்; திட்டுதல்; அடித்தல்; ஒருதுணைவினை

பொருட்டு -  காரணம்; மதிப்பிற்குரியது; மேம்பட்டது, நிமித்தமாக.

முழுப்பொருள் 
ஒரு அவையில் பேசும் முன்பு பேசுப்படுபவற்றின் தன்மை அறிந்தும் கற்றும், அவையின் தன்மையை அறிந்தும் அதற்கு ஏற்றவாறு பேசவேண்டும். சான்றோர் கூடியுள்ள அவை ஆயினும் அல்லது பகைவரின் அவை ஆயினும்  அவர்களுடைய மாட்சிமைக்கு மதிப்பு அளித்தும் விளைவுகளை நன்கு உணர்ந்து  பேசினாலும், அவர்களுக்கு அஞ்சாமல் பேசவேண்டும். அவர்கள் எதிர்கேள்விகள் கேட்டாலும் அதற்கு மதிப்புடன் பதில் கூறவேண்டும் / விவாதிக்க வேண்டும். 

விவாதங்களில் தக்க பதில்களைக் கூறுவதற்குத் தேவையான சொற்பொருள், மற்றும் விவாதங்களுக்கான வழிமுறை இலக்கணம் இவற்றை அவ்வவைகளில் பேசுபவர் கற்று அறிந்திருக்க வேண்டும். அவ்வாறு கற்றால் தான் அஞ்சாமல்  கருத்துக்களை முன் வைக்கவும் விவாதங்களில் ஈடுபடவும் ஏதுவாக இருக்கும்.

இவ்வறிவை தருக்கம், நியாயம் என்று வடமொழி நூலார் கூறுவர்.

மேலும்: அஷோக் உரை

பரிமேலழகர் உரை
ஆற்றின் அளவு அறிந்து கற்க - சொல்லிலக்கண நெறியானே அளவை நூலை அமைச்சர் உட்பட்டுக் கற்க; அவை மாற்றம் கொடுத்தற்பொருட்டு - வேற்றுவேந்தர் அவையிடை அஞ்சாது அவர் சொல்லிய சொற்கு உத்தரஞ்சொல்லுதற் பொருட்டு. (அளவை நூல், சொல் நூல் கற்றே கற்க வேண்டுதலின், அதற்கு அஃது ஆறு எனப்பட்டது. அளக்கும் கருவியை 'அளவு' என்றார், ஆகுபெயரான். அவர் சொல்லை வெல்வதொரு சொல் சொல்லலாவது, நியாயத்து வாதசற்ப விதண்டைகளும் சலசாதிகளும் முதலிய கற்றார்க்கே ஆகலின், அவற்றைப் பிழையாமல் கற்க என்பதாம், இதனான் அதன் காரணம் கூறப்பட்டது.).

மணக்குடவர் உரை
அவையஞ்சாது மறுமாற்றம் சொல்லுதற்காக நெறிமையானே நூல்களை அளவறிந்து கற்க வேண்டும். நூல் கற்றலாவது (1) மெய்யாராய்ச்சியாகிய நூலைக்கற்றலும், (2) வேதமும் ஆகமமும் கற்றலும், (3) உழவும் வாணிகமும் கற்றலும், (4) படைவாங்கல் மநுநீதி முதலியன கற்றலுமென நான்குவகைப்படும்.

மு.வரதராசனார் உரை
அவையில் (ஒன்றைக் கேட்டவர்க்கு) அஞ்சாது விடைகூறும் பொருட்டாக நூல்களைக் கற்க்கும் நெறியில் அளவை நூல் அறிந்து கற்க வேண்டும்.

சாலமன் பாப்பையா உரை
பெரியோர் அவையில் பயப்படாமல் பதில் சொல்வதற்கு, சொல்இலக்கண வழியில் பலவகைப் பிரமாணங்களைச் சொல்லும் தர்க்க சாஸ்திரத்தை விரும்பிக் கற்றுக் கொள்க.

Thirukkural - Management - Public Speaking - Fear of speaking 

Thorough or proper learning for a person is gaining the ability to put across his views convincingly and courageously in the presence of educated people. One’s learning should help one gain the skills to debate in an open house, insists on Kural 725.

Learn grammer and dialects that you may

Be fearless in dispute

பகையகத்துச் சாவார் எளியர்

குறள் 723

பகையகத்துச் சாவார் எளியர் அரியர்

அவையகத்து அஞ்சா தவர்

[பொருட்பால், அமைச்சியல், அவையஞ்சாமை]

(For meaning in English, scroll to the bottom of this post)

பொருள்

பகை - எதிர்ப்பு; பகைவன்; மாறுபாடு; வெறுப்பு; தீங்கு; காண்க:பகைநரம்பு; வேற்றரசருடன்பகைகொள்ளுகை; கோளின்பகைவீடு; காமகுரோதம்முதலியஉட்பகை

அகத்து - அகம் - இருப்பிடம்; பூமி மனை வீடு உள் மனம் அகப்பொருள் 'நான்'என்னும்அகங்காரம்; பாவம் அகம்பாவம் மார்பு ஏழாம்வேற்றுமையுருபு.

சாவார்  - சாவு - இறப்பு, பிசாசம்

எளியர் - eḷi   II. v. i. become feeble, low spirited, எளிமையடை.

s. Despicableness, mean ness, lowness of rank, circumstances, character, &c., நீசத்துவம். 2. Pitiableness, exciting compassion, இரங்கப்படத்தக்கதன்மை. 3. Weakness, பலவீனம். 4. Easiness, faci lity, being easy to effect, acquire, attain, endure, to be understood; easiness of ac cess, எளிது. 5. Solitariness, தனிமை; [ex எள்.] எளிஞர்--எளியர்--எளியார்--எளி யோர், s. The low, mean, destitute, the poor, தரித்திரர்.

அரி - வண்டு; மென்மை கண்வரி கண் சிலம்பினுட்பரல்; சிலம்பு உள்துளை; மூங்கில் சோலை தேர் மக்கள்துயிலிடம்; கட்டில் கடல் தகட்டுவடிவு; கூர்மை வலிமை மரவயிரம்; அரியப்பட்டகைப்பிடிக்கதிர்; அரிசி கள் குற்றம் நீர்த்திவலை; ஆயுதம் பகை நிறம் அழகு பொன்னிறம்; திருமால் சிவன் இந்திரன் யமன் காற்று ஒளி சூரியன் சந்திரன் சிங்கம் குதிரை குரங்கு பாம்பு தவளை கிளி திருவோணம் துளசி நெல் நெற்கதிர்.

அரியர்- மேன்மையுடையோர் ; அறிஞர்; கூர்மையான மதி உடையவர்; வலிமையானவர்; 

அவை - மாந்தர்கூட்டம்; அறிஞர்கூட்டம்; சபாமண்டபம் புலவர் நாடகஅரங்கு; பன்மைச்சுட்டு; அப்பொருள்கள்.

அகத்து - அகம் - இருப்பிடம்; பூமி மனை வீடு உள் மனம் அகப்பொருள் 'நான்'என்னும்அகங்காரம்; பாவம் அகம்பாவம் மார்பு ஏழாம்வேற்றுமையுருபு.

அஞ்சு - ஐந்து; அச்சம் ஒளி

அஞ்சா தவர் - ஐயம் ; அச்சம் கொள்ளாதவர் 

முழுப்பொருள்

பல உரைகள் போர்க்களத்தில் பகைவரிடம் சாக துணிந்த எளியோர்கள் பலர் ஆனால் அறிஞர்கள் பலர் கூடியுள்ள இடத்தில அஞ்சாமல் பேசுபவர்கள் சிலரே என்ற பொருளில் கூறப்பட்டு இருக்கிறது. எனக்கு சற்று வேறுமாதிரியாக தோன்றுகிறது. ஏனெனில் போர்க்களத்தை சந்திக்கவும் ஒரு துணிவு வேண்டும். போர் வீரர்களை எளியோர் என்று கூறவேண்டிய அவசியம் இல்லை. 

ஒரு அவையில் மாற்று கருத்து உள்ளவர்களை உள்ளே மனதில் (அகத்தே)  அஞ்சி இறந்ததுகொண்டே இருப்பார்கள். தான் கொண்ட கருத்தை அவையில் கூறமாட்டார்கள் அல்லது மாற்று கருத்து வரக்கூடிய கருத்துக்களை விடுத்து  மற்ற கருத்துக்களை மட்டும் கூறுவார்கள். இத்தகையவர்கள் பலவீனமான எளியவர்கள் பலர். 

ஆனால் அறிஞர்கள் பலர் கூடியிருக்கும் அவையில் மாற்றுக்கருத்து  வரக்கூடிய கருத்துக்களை சற்றும் அஞ்சாமல் கூறுபவர் வலிமையானவர், அறிவு கூர்மையானவர், அரிதானவர். அத்தகையவர் மாற்றுக்கருத்துக்களுக்கு ஆயுத்தமானவர். தர்க்கத்துக்கு தயாரானவர். 

மேலும்: அஷோக் உரை

பரிமேலழகர் உரை

பகையகத்துச் சாவார் எளியர் - பகையிடை அஞ்சாது புக்குச் சாவவல்லார் உலகத்துப் பலர்; அவையகத்து அஞ்சாதாவர் அரியர் - அவையிடை அஞ்சாது புக்குச் சொல்ல வல்லார் சிலர். ('அஞ்சாமை', 'சாவார்' என்பதனோடும் கூட்டி, அதனால் 'சொல்ல வல்லார்' என்பது வருவித்து உரைக்கப்பட்டது. இவை மூன்று பாட்டானும் அவை அஞ்சாரது சிறப்புக் கூறப்பட்டது.).

மணக்குடவர் உரை

பகையின்கண் அஞ்சாது நின்று சாவார் பெறுதற்கு எளியர்; அவையின்கண் அஞ்சாது சொல்லவல்லவர் அறிதற்கு அரியர். இஃது அவையஞ்சாமை அரிதென்றது.

மு.வரதராசனார் உரை

பகைவர் உள்ள போர்க்களத்தில் (அஞ்சாமல் சென்று) சாகத் துணிந்தவர் உலகத்தில் பலர், கற்றவரின் அவைக்களத்தில் பேச வல்லவர் சிலரே.

சாலமன் பாப்பையா உரை

பகைவர்களுக்கிடையே பயப்படாமல் புகுந்து சாவோர் பலர் உண்டு;பேசுவோர் சிலரேயாவார்.

Thirukkural - Management - Public Speaking - Fear of speaking 

Many people boldly face enemies in battlefields. They are more courageous to do that despite the possibilities of negative consequences of their acts. Many are prepared to die in battlefields as death in a battlefield exhibits their valor. However, only a few people are prepared to face boldly the educated people in an assembly, challenges Kural 723.

Many face death in battle:only a few

Face an assembly

Therefore, speaking in public is more frightening to people than facing an enemy in a battle field.

English Meaning - As I taught a kid - Rajesh

Many people (Especially) soldiers would (dare to) die in the war field. But there is nothing special about it. Because death is common in war field. Whereas a person would be considered special, if he can speak fearlessly IN front of a scholarly crowd. Because, speaking in front of a scholarly crowd needs deep knowledge, clarity in thoughts/learnings, structured approach,  right choice of words/language etc. Also, it needs the capacity to handle any questions from scholars

Questions that I ask to the kid

Is death in warfield special? Why? Then, Who is considered special? Why?

வகையறிந்து வல்லவை வாய்சோரார்

குறள் 721

வகையறிந்து வல்லவை வாய்சோரார் சொல்லின் 

தொகையறிந்த தூய்மை யவர்.

[பொருட்பால், அமைச்சியல், அவையஞ்சாமை]

பொருள்

வகை  - கூறுபாடு; சாதியினம்; இனம்; முறை; வழி; காரணம்; தந்திரம்; வலிமை; தன்மை; வாழ்க்கைக்குரியபொருள்முதலியன; வணிகமுதல்; இடம்; உறுப்பு; குறுந்தெரு; மனையின்பகுப்பு; விவரம்; கூட்டப்படும்எண்கள்.

அறிந்து - aṟi-   4 v. tr. [T. eṟugu, K.M. aṟi.] 1. To know, understand, comprehend, recognize, perceive by the senses; உணர்தல் (நாலடி. 74.) 2. To think; நினைத்தல் (பிங்.)3. To prize, esteem; மதித்தல் யாமறிவதில்லை . . .மக்கட்பே றல்ல பிற (குறள், 61). 4. To experience;அனுபவித்தல். கண்டுகேட் டுண்டுயிர்த் துற்றறியு மைம்புலனும் (குறள், 1101). 5. To know by practice,to be accustomed to; பயிலுதல் களவறிந்தார் நெஞ்சிற் கரவு (குறள், 288). 6. To ascertain, determine,decide; நிச்சயித்தல் அழிபட லாற்றா லறிமுறையேன்று (பு. வெ 8, 19).

வல் - வலிமை; திறமை; மேடு; சூதாடுகருவி; முலைக்கச்சு; விரைவு; val   s. strength, power, பலம்; 2. quickness, speed, சீக்கிரம்; 3. a hillock, மேடு; 4. dice, சூதாடுகருவி.; val   n. cf. vala. 1. Strength, power;வலிமை. (சூடா.) 2. Ability; திறமை. 3. Hillock;mound; மேடு. (உரி. நி.) 4. Dice; சூதாடுகருவி.(தொல். எழுத். 373.) 5. Bodice; முலைக்கச்சு. (யாழ்.அக.); val   n. val. Quickness, speed;விரைவு. (சூடா.)

அவை - அப்பொருள்கள்

வாய் - உதடு அல்லது அலகு இவற்றினிடையிலுள்ள உறுப்பு; பாண்டம் முதலியவற்றின் திறந்த மேற்பாகம்; வாய்கொண்டஅளவு; உதடு; விளிம்பு; ஆயுதத்தின்முனை; மொழி; வாக்கு; குரல்; மெய்ம்மை; சிறப்பு; சிறப்புடையபொருள்; வாசல்; வழி; மூலம்; இடம்; துலாக்கோலின்வரை; தழும்பு; துளை; வாத்தியக்குழல்; ஏழுனுருபு; ஓர்உவமஉருபு.

சோரார் - சொல்லில் குற்றங்களைந்து பேசுவர்

சொல்லின் - சொல்லில்

தொகை - கூட்டம்; சேர்க்கை; கொத்து; மொத்தம்; பணம்; எண்; கணக்கு; தொக்குநிற்றல்; திரட்டுநூல்; விலங்குமுதலியவற்றின்திரள்; கூட்டல்; தொகுத்துக்கூறுகை; வேற்றுமைத்தொகைமுதலியதொடர்சொற்கள்.

அறிந்த - அறிந்து - aṟi-   4 v. tr. [T. eṟugu, K.M. aṟi.] 1. To know, understand, comprehend, recognize, perceive by the senses; உணர்தல் (நாலடி. 74.) 2. To think; நினைத்தல் (பிங்.)3. To prize, esteem; மதித்தல் யாமறிவதில்லை . . .மக்கட்பே றல்ல பிற (குறள், 61). 4. To experience;அனுபவித்தல். கண்டுகேட் டுண்டுயிர்த் துற்றறியு மைம்புலனும் (குறள், 1101). 5. To know by practice,to be accustomed to; பயிலுதல் களவறிந்தார் நெஞ்சிற் கரவு (குறள், 288). 6. To ascertain, determine,decide; நிச்சயித்தல் அழிபட லாற்றா லறிமுறையேன்று (பு. வெ 8, 19).

தூய்மை - துப்புரவு; மெய்மை; வீடுபேறு; நன்மை; வெண்மை.

தூய்மையவர் -தூய்மையாளர்

முழுப்பொருள்

ஒரு கூட்டம் என்பது பலவகையில் இருக்க கூடியது. ஒரு சில கூட்டங்களில் கற்றோர் இருப்பர். ஒரு சில கூட்டங்களில் சாமனியர்கள் இருப்பார். ஆகவே ஒரு அவையில் பேசுபவர் அச்சபையில் உள்ள மக்களின் திறனையும், ஆற்றலையும், அவர்களின் நேரத்தின் மதிப்பையும் அறிந்து இருக்க வேண்டும்.  அவர்கள் முன்னே பேசும் பொழுது தவறான சொற்களை பயன்படுத்தக்கூடாது.  அவைக்கேற்ற சொற்களை கவனமாக தேர்ந்தெடுத்து அவற்றை கோர்த்து சரியாக பேச வேண்டும். ஏனெனில் தவறான சொற்கள் தவறான புரிதலை கொடுக்கும். நேரத்தை வீண் அடிக்கும். அப்படி பேசினால் அச்சபையில் மறுபடியும் பேசும் வாய்ப்பு கிடைப்பது எளிது அல்ல. ஆதலால் அவை திறன் அறிந்து அதன் வல்லமையை கருத்தில் கொண்டு அவர்களின் நேரம் பொன் போன்றது என்று எண்ணி அவற்றை வீண் செய்யக்கூடாது என்று அஞ்சி சரியான சொற்களை கொண்டு பேச வேண்டும்.

மேலும்: அஷோக் உரை

பரிமேலழகர் உரை

[அஃதாவது , சொல்லுதற்குரிய அவையினையறிந்து சொல்லுங்கால் அதற்கு அஞ்சாமை . அதிகார முறைமையும் இதனானே விளங்கும் .]

வகை அறிந்து வல்லவை வாய் சோரார் - கற்று வல்ல அவை, அல்லா அவை என்னும் அவை வகையினை அறிந்து வல்ல அவைக்கண் ஒன்று சொல்லுங்கால் அச்சத்தான் வழுப்படச் சொல்லார்; சொல்லின் தொகை அறிந்த தூய்மையவர் - சொல்லின் தொகையெல்லாம் அறிந்த தூய்மையினை உடையார். (இருந்தாரது வன்மை அவைமேல் ஏற்றப்பட்டது. 'வல்லவை' என்பதற்கு, தாம் 'கற்றுவல்ல நூற்பொருள்களை' என்று உரைப்பாரும் உளர். 'அச்சத்தான்' என்பது அதிகாரத்தான் வந்தது. 'சொல்லின் தொகை' 'தூய்மை' என்பவற்றிற்கு (குறள் 711) மேல் உரைத்தாங்கு உரைக்க.).

மணக்குடவர் உரை

தப்பினால் வருங் குற்றவகையை யறிந்து கற்றுவல்ல அவையின்கண் அஞ்சுதலால் சோர்வுபடச் சொல்லார், சொற்களின் தொகுதியையறிந்த தூய்மையுடையவர். இது மேற்கூறியவற்றால் கற்றவர் தப்பச் சொல்லாரென்று அக்கல்வியால் வரும் பயன்கூறிற்று.

மு.வரதராசனார் உரை

சொற்களின் தூய்மை தொகுதி அறிந்த தூய்மை உடையவர், அவைக்களத்தின் வகையினை அறிந்து, வல்லவறின் அவையில் வாய்ச் சோர்ந்து பிழை சொல்லமாட்டார்.

சாலமன் பாப்பையா உரை

சொல்லின்வகைகளை அறிந்துமனத்தால் சுத்தமானவர்கள், கற்றவர் அவை, கல்லாதவர் அவை என அறிந்து பேசும்போது, பயத்தால் சொல் குற்றப்படமாட்டார்கள்.

Thirukkural - Management - Public Speaking - Audience Analysis

A powerful, persuasive, and convincing public speaker is one who knows the quality of his audience, the occasion of the speech and the impact of his choice of words on his audience, and presents them accordingly. That sort of speaker will never, even unconsciously or by mistake, use words that bring him dishonour, instructs Kural 721.

The expert speaker will make no slip Addressing an assembly he has gauged. So, know your audience, understand the occasion of your speech, choose powerful and meaningful words, and speak accordingly to inspire. 

கற்றாருள் கற்றார் எனப்படுவர்

குறள் 722

கற்றாருள் கற்றார் எனப்படுவர் கற்றார்முன்

கற்ற செலச்சொல்லு வார்

[பொருட்பால் - அமைச்சியல் - அவையஞ்சாமை]

(For meaning in English, scroll to the bottom of this post)

பொருள்

கற்றாருள் - கற்றவர்களுள், அறிவுடையவர்களுள், சான்றோர்களுள்

கற்றார் - கற்றவர், சான்றோர்

எனப்படுவர் - என்று அறியபடுபவர்

கற்றார்முன் - அங்கே அவையில் கூடி இருக்கும் கற்றவர்கள் முன்பு

கற்ற - கற்றவற்றை, சொல்லவேண்டியவற்றை

செலச் - செறிவாக, மனம் உணரும் அளவிற்கு

சொல்லுவார் - உரைப்பவர், சொல்லுபவர், விளுக்குபவர்

முழுப்பொருள்

ஒருவர் பல நூல்களை கற்று இருக்கலாம். அதனை அறிவில்லாதவர்களிடம் சொல்லி கைதட்டல்கள் வாங்கலாம். அவர் கற்றவர் என்று நாம் சொல்லிவிட முடியாது. 

ஆனால் உண்மையில் கற்றவர் எனப்படுபவர் கற்றவர்கள் இருக்கும் இடத்தில் தான் கற்றவற்றை அஞ்சாமல் கற்றவர்கள் ஏற்கும் அளவிற்கு திறம்பட கூற வள்ளவரே கற்றவர். இது சொற்ப்பொழிவு ஆற்றலினால் மட்டும் வந்துவிடாது. தான் கற்றவற்றை மிக தெளிவாக தன் உளமார கற்றிருந்தால் தான் அடுத்தவர் புரிந்துக்கொள்ளக்கூடிய அளவிற்கு உரைக்க முடியும். 

கற்றவர் ஒரு அவையில் பேச அஞ்சக்கூடாது. ஒழுங்காக கற்றக்கவில்லை என்றால் தான் அஞ்சவேண்டும். ஒழுங்காக கற்றிருந்தால் அஞ்சாவேண்டாம். 

மேலும்: அஷோக் உரை

குறள் 724

கற்றார்முன் கற்ற செலச்சொல்லித் தாம்கற்ற 

மிக்காருள் மிக்க கொளல்.

பரிமேலழகர் உரை

கற்றாருள் கற்றார் எனப்படுவர்- கற்றார் எல்லாரினும் இவர் நன்கு கற்றார் என்று உலகத்தாரால் சொல்லப்படுவார்; கற்றார் முன் கற்ற செலச் சொல்லுவார் - கற்றார் அவைக்கண் அஞ்சாதே தாம் கற்றவற்றை அவர் மனம் கொள்ளும் வகை சொல்ல வல்லார். ( உலகம் அறிவது அவரையே ஆகலின் அதனால் புகழப்படுவாரும் அவர் என்பதாம்.)

அறிஞர்களும் நிபுணர்களும் கூடியுள்ள ஒரு அவையில் (உதாரணமாக ஒரு நிர்வாகத்தில் Head, director, senior managers கூடியுள்ள ஒரு business review meetingஇல்) செறிவான விஷயத்தையும் தெளிவாக செறிவாக ஒரு குழந்தைக்கு புரியக்கூடிய அளவு எளிமையாக சொல்ல வேண்டும். ஏன் செறிவாக சொல்லவேண்டும்? ஏனெனில் கற்றவர்களுக்கு செறிவாக சொன்னால் விளங்கும் அவர்களுக்கு பாமர மொழியில் சொல்லி ஒவ்வொன்றாக விளக்கு இரண்டு மூன்றுமுறை சொல்லி மனதில் பதியவைக்க வேண்டிய அவசியமில்லை. ஏன் தெளிவாக சொல்லவேண்டும்? நம்மிடம் தெளிவு இல்லையென்றால் நாம் முழுதாக அதனை கற்கவில்லை என்று பொருள். ஆதலால் கற்றோர் நம்மீது நம்பிக்கை இழப்பர். நம்மிடம் அந்த செயலை (project) கொடுக்க தயங்குவர். ஏன் குழந்தைக்கு சொல்வதுப் போன்று சொல்லவேண்டும்? ஏனெனில் எளிமையான வார்த்தைகளைக்கொண்டு குறைவான நேரத்தில் குழந்தைகளுக்கு சொல்லவேண்டும். அப்பொழுது தான் குழந்தைகள் கவனம் சிதறாது. இல்லையென்றால் குழந்தைகள் வேறு ஏதாவது விளையாட்டு விளையாட சென்றுவிடுவர். 

"If you can't explain it simply, you don't understand it well enough". - Albert Einstein

"If you can't explain it to a six year old, you don't understand it yourself" - Albert Einstein

என்ற வரிகளையும் நினைவில் கொள்க

மணக்குடவர் உரை

கற்றாரெல்லாரினும் கற்றாரென்று சொல்லப்படுவார், தாம் கற்றதனைக் கற்றார் முன்பு அவர்க்கு ஏற்கச் சொல்லவல்லார்.

இது கற்றாரென்பார் அவையஞ்சாதார் என்று கூறிற்று.

ஞா. தேவநேயப் பாவாணர் உரை

கற்ற கற்றார்முன் செலச் சொல்லுவார்-தாம் கற்றவற்றைக் கற்றாரவைக்கண் அவர் உளங் கொள்ளும்வகை சொல்லவல்லவர்; கற்றாருள் கற்றார் எனப்படுவர்-கற்ற ரெல்லாருள்ளும் நன்கு கற்றவரென்று கற்றாரால் உயர்த்துச் சொல்லப்படுவர்;

"புலமிக் கவரைப் புலமை தெரிதல்

புலமிக் கவர்க்கே புலனாம்-நலமிக்க

பூம்புன லூர ! பொதுமக்கட் காகாதே

பாம்பறியும் பாம்பின கால்."

(பழமொழி, 7).

கற்றார் என்னும் சொல் பன்முறை வந்தது சொற்பொருட் பின்வருநிலை யணியாம்.

மு.வ உரை

கற்றவரின் முன் தாம் கற்றவைகளைச் அவருடைய மனதில் பதியுமாறுச் சொல்லவல்லவர், கற்றவர் எல்லாரிலும் கற்றவராக மதித்துச் சொல்லப்படுவார்.

சாலமன் பாப்பையா உரை

தாம் கற்றவற்றை எல்லாம் பயப்படாமல் கற்றவர் அவையில் அவர் மனம் கொள்ளச் சொல்லும் திறம் பெற்றவர், கற்றவர் எல்லாரிலும் நன்கு கற்றவர் என்று பலராலும் சொல்லப்படுவார்.

Thirukkural - Management - Public Speaking - Fear of speaking 

A person is considered learned when he can confidently present his views, ideas, and thoughts in the presence of learned people. Besides presenting information confidently, a speaker has to present convincingly so that the other learned and educated people accept his learning, convinces Kural 722.

Most learned among the learned is he 

Whose learning the learned accept. 

Therefore, to become more learned than the learned, a person must have courage and competence to present convincingly his views, ideas, and opinions. 

Based on the discussion on fear of speaking in public we can infer that the fear of speaking in public is not a new phenomenon. Fear of speaking in public existed even during the period of Valluvar.

English Meaning - As I taught a kid - Rajesh

A person can be called well-read (most learned) amongst learned only if he / she can express their learnings / views / ideas / thoughts / findings / work compellingly /effectively / eloquently in front of a forum of learned audience. Such a command and courage would come only if the person has deeply learnt the subject through various means such as reading, learning from scholars, discussing with others, self analyzing, teaching others etc. A person who didn't learn properly would have fear while talking in front of learned forum. 

Also, on a side note, remember that it is natural to have stage fears initially. One can overcome that through practice. One can talk small topics for a small set of audience and then gradually increase the breath and depth of the topic as well as the nature of the audience (in terms of qualification) 

Questions that I ask to the kid

Who is said to be well read?

கற்றார்முன் கற்ற செலச்சொல்லி

குறள் 724

கற்றார்முன் கற்ற செலச்சொல்லித் தாம்கற்ற 

மிக்காருள் மிக்க கொளல்.

கற்றார்முன் - நூல்கள் பல கற்றவர்கள் இருக்கும் ஒரு அவை முன்; ஒருவர் பல துறைகளில் கற்றவராக இருக்கலாம்; பேசும் துறைக்கு சம்பந்தம் இல்லாமலே இருக்கலாம் ஆனால் கற்றவர் ஆவார். 

கற்ற - தாம் கற்றவை

செலச்சொல்லித் - செலுத்தல் 

செலுத்தல் - செல்¹(லு)-தல் 

-> To be effective; to have influence;பயனுறுதல். செல்வர்வாய்ச் சொற்செல்லும் (நாலடி,115). 

-> To last, endure, exist; நிலைத்திருத்தல்.செல்லாதவ் விலங்கை வேந்தர்க் கரசென (கம்பரா.இந்திரசித். 56)

எண்பொருளவாகச் செலச்சொல்லி -> Communicating your thoughts in language easy to be understood; சொல்ல வேண்டிய சிந்தனைகளை / கற்றவற்றை எளிமையாக மனதில் புரிந்துக்கொள்ளும் வகையில் சொல்லுதல்.

தாம்கற்ற - தாம் கற்றவை

மிக்காருள் - அதைவிட மிகுதியாக கற்றவரிடம்

மிக்க - மிகுதியாக கற்றவற்றை

கொளல் - அவர்க்ளின் மூலமாக கற்றுக்கொள்ள வேண்டும்.

  

 

முழுப்பொருள்

ஒருவர் ஒரு அவையில் பேசும் பொழுது அரிய வேண்டியவை சில:
1) அந்த அவையில் பலர் இருப்பர்
2) அவையில் இருப்போரில் பலர் தான் பேசும் தலைப்பில் தன்னை விட நன்கு கற்றோராக இருக்க கூடும்.
3) ஒரு வேளை தான் பேச கூடியவற்றில் அவையில் இருப்பவர்கள் நன்கு கற்றாராக இல்லாமல் இருக்கலாம். ஆனால் அவர்கள் அடிப்படையில் அவர்களது துறையில் நன்கு கற்றவர்களக இருக்க கூடும்.

ஆக அத்தகைய கற்றவர்களிடம், சான்றோர்களிடம், தான் கற்றவற்றை அவர்கள் மனதில் பதியும் படி, அவர் தான் சொல்லும் கருத்தை ஏற்கும் அளவிற்கு விளக்கி பேச வேண்டும்.

அதுமட்டும் இன்றி, தான் கற்றவற்றைவிட அதிகம் கற்றோர் அந்த அவையில் இருக்க கூடும். அப்படி அதிகம் கற்றவரிடம் தான் கல்லாதவற்றை கற்றுக்கொள்ள வேண்டும். அதாவது கற்றது கைமண் அளவு கல்லாதது உலகளவு என்பதை நினைவுகூற வேண்டும். ஒருவரால் எல்லாம் கற்க கூடாமையில் என்பதை உணந்து மற்றவரிடம் கற்க வேண்டும். (கேள்வி முயல் என்று ஒளவையாரும் கூறியுள்ளார் என்பது இங்கு நினைவு கூர்கிறேன்).

ஏனேனில் ஒரு அவையில் பேசுகையில் ஒருவர் நமக்கு தெரியாத ஒன்றை சொன்னால் நாம் அதை கேட்டு, அவதானித்து சரியாய் இருப்பின் ஏற்றுக்கொள்ளும் மனப்பான்மையை வைத்துக்கொள்ள வேண்டும். அது அவையிற்கு நல்லதும், தனி நபருக்கும் நல்லது. அவை இன்னும் செழுமையடையும்

நம்மை விட அதிகம் கற்றவர் ஒரு இடத்தில் இருந்தால் அங்கு வாதம் வர வாய்ப்பு உண்டு. அதுவும் அடுத்தவர் சொல்வதை நாம் காது கொடுத்து கேட்காவிட்டால் வாதம் வருவது நிச்சயம். அத்தகைய வீண் வாதம் இல்லையென்றால் அவை நன்றாக செல்லும். அதற்கு இருவரும் ஒருவரிடம் இருந்து மற்றொருவர் கற்க வேண்டும். அதற்கான தீர்வைத்தான் திருவள்ளுவர் இந்த குறளில் சொல்கிறார். 

உதாரணம்:
1) ஒரு மேலாண்மை வணிக நிர்வாக (MBA) படிப்பில் பல்துறைகளில் இருந்து மாணவர்கள் இருப்பர். அவர்கள் பொறியியல், மருத்துவம், வணிகம், போன்று பல்வேறு துறைகளில் இருந்து வந்து இருப்பர். அவர்கள் குழு குழுவாக சின்ன சின்ன திட்டங்கள் செய்வர்.  அப்படி செய்கையில் ஒரு பொறியியல் படித்து இருந்த மாணவர் வணிக பயின்ற மாணவரிடம் கற்றுக்கொள்ள வேண்டும்.

2) ஒரு நாட்டின் நிதியமைச்சர் ஒரு கருத்தரங்கில் பேசுகிறார். அவர் முன் பல துறைகளில் இருந்து அத்துறைகளில் இருந்து ஜாம்பவான்கள் வந்திருப்பர். ஆனால் நிதியமைச்சர் நிதி துறையில் மட்டுமே வல்லவராக இருப்பார். நிதியமைச்சர் மற்ற துறைகளின் ஜாம்பவான்கள் கூறும் ஆலோசனைகளை ஏற்க வேண்டும். அதன் படி செயல் பட வேண்டும்.

ஆத்திசூடி

ஞயம்பட உரை	பிறர் மகிழும்படி பேசு
கேள்வி முயல்	கற்றவர் சொல்லும் நூற் பொருளை கேட்பதற்கு முயற்சி செய்
எண் எழுத்து இகழேல்	கணித அறிவியல், இலக்கியம் தூற்றாதே
சான்றோர் இனத்து இரு	அறிஞர்களின் குழுவிலே இரு
சொற் சோர்வு படேல்	பிறருடன் பேசும் பொழுது மறந்தும் குற்றமுண்டாகப் பேசாதே
பிழைபடச் சொல்லேல்	குற்றம் உண்டாகும் படி எதையும் பேசாதே.
பெரியாரைத் துணைக் கொள்	அறிவிலே சிறந்த பெரியோர்களை உனக்குத் துணையாகப்
பேதைமை அகற்று	அறியாமையை போக்கு
மேன்மக்கள் சொல் கேள்	நல்லொழுக்கம் உடைய பெரியோர் சொல்லைக் கேட்டு நட
மொழிவது அற மொழி	சொல்லப் படும் பொருளை சந்தேகம் நீங்கும் படி சொல்
வாது முற்கூறேல்	வலியச் சென்று யாரையும் விவாதங்களுக்குக் கூப்பிடக் கூடாது.
வித்தை விரும்பு	கலைகளை ஆசையோடு கற்றுக் கொள் / திறமை வளர்க்க தேவையான வற்றை கற்றுக் கொள்
வீடு பெற நில்	முக்திக்கான வழியை அடைய முயற்சி செய்ய வேண்டும்.
ஓரம் சொல்லேல்	ஒருதலைப் பட்சமாகக் பேசக் கூடாது.

 

பரிமேலழகர் உரை

அவர்மனம் கொள்ளுமாற்றாற் சொல்லி; தாம் கற்ற மிக்க மிக்காருள் கொளல் - அவற்றின் மிக்க பொருள்களை அம்மிக்க கற்றாரிடத்து அறிந்து கொள்க. எல்லாம் ஒருவற்குக் கற்றல் கூடாமையின், 

விளக்கம் 

(வேறு வேறாய கல்வியுடையார் பலர் இருந்த அவைக்கண் தாம் கற்றவற்றை அவர்க்கு ஏற்பச் சொல்லுக; சொல்லவே, அவரும் அவையெல்லாம் சொல்லுவர் ஆகலான், ஏனைக் கற்க பெறாதன கேட்டறியலாம் என்பதாயிற்று. அதனால் அவனது ஒருசார் பயன் கூறப்பட்டது.) -

மணக்குடவர் உரை

தாம் கற்றதனைக் கற்றவர்முன்பு இசையச் சொல்லித் தாம் கற்றதினும் மிகக் கற்றார்மாட்டு அவர் மிகுதியாகக் கூறும் பொருளைக் கேட்டுக் கொள்ளுதல் அவையஞ்சாமையாவது. 

மு.வ உரை

கற்றவரின் முன் தான் கற்றவைகளை அவருடைய மனதில் பதியுமாறு சொல்லி, மிகுதியாகக் கற்றவரிடம் அம்மிகுதியான கல்வியைக் அறிந்து கொள்ள வேண்டும்.

ஞா. தேவநேயப் பாவாணர் உரை
கற்ற கற்றார்முன் செலச்சொல்லி-தாம் கற்றவற்றை அவையல்லாத வேறு நூல்களை அல்லது தம்மினுங் குறைவாகக் கற்றோரவைக்கண், அவர் மனத்திற் பதியுமாறு எடுத்துச் சொல்லி; தாம் கற்ற மிக்க மிக்காருள் கொளல்-தாம் கற்றவற்றினும் மிகுந்தவற்றைத் தம்மினும் மிகுதியாகக் கற்றவரிடத்து அறிந்து கொள்க.

'மிக்காருள் மிக்க கொளல்' என்பதனால், 'கற்றார் முன்' என்பதற்குத் தம்மினுங் குறைவாகக் கற்றோரவைக்கண் என்று பொருள் கூறப்பட்டது. 'மிக்க' என்றது, ஒரு துறைப்பட்ட உயர்ந்த பொருள்களையும் பிறதுறைப்பட்ட வேறு பொருள்களையுமாம். பல்துறைக் கல்வியுடையார் ஒரே அவையினராயும் வெவ்வேறு அவையினராயுமிருக்கலாம் வெவ்வேறு துறைக்கல்வி கற்றவர் ஒருவருக்கொருவர் இருதலைப் பரிமாற்றஞ் செய்து கொள்ளலாமென்பது, இக் குறட்கருத்து.