தாம்வேண்டின் நல்குவர் காதலர் யாம்வேண்டும்

குறள் 1150

தாம்வேண்டின் நல்குவர் காதலர் யாம்வேண்டும்

கெளவை எடுக்கும்இவ் வூர்

[காமத்துப்பால், களவியல், அலரறிவுறுத்தல்]

பொருள்

தாம் - அவர்கள்; மரியாதைகுறிக்கும்முன்னிலைச்சொல்; ஓரசைச்சொல்; ஒருசாரியை; தாகம்; விலை.

வேண்டின் - வேண்டுதல் - விரும்புதல்; விரும்பிக்கேட்டல்; விலைக்குவாங்குதல்; இன்றியமையாததாதல்.

நல்குதல் -  கொடுத்தல், விரும்புதல், படைத்தல், To show deep love -> தலையளி செய்தல் [தலையளி - ideal love - உத்தம அன்பு],  To rejoice -> உவத்தல்

நல்குவர் - தலையான அன்பிற்கு பாத்திரமானவர் - விருப்பதிற்கு உரியவர் 

காதலர் - கணவன், தோழன், மகன் என்ற மூன்று நட்பாளர்கள்.

யாம் - தன்மைப் பன்மைப் பெயர்

வேண்டும் - வேண்டுதல் - விரும்புதல்; விரும்பிக்கேட்டல்; விலைக்குவாங்குதல்; இன்றியமையாததாதல்.

கௌவை - ஒலி; வெளிப்பாடு; பழிச்சொல்; துன்பம்; கள்; எள்ளிளங்காய்; ஆயிலியநாள்; செயல்.

எடுக்கும் - எடுத்தல் - நிறுத்தலளவு; எடுத்தலோசை; உயர்த்துதல்; சுமத்தல்; தூக்குதல்; நிறுத்தல்; திரட்டுதல்; உரத்துச்சொல்லுதல்; குரலெடுத்துப்பாடுதல்; மேம்படுத்திச்சொல்லுதல்; பாதுகாத்தல்; எழுப்புதல்; தொடங்கல்; ஏற்றுக்கொள்ளுதல்; எடுத்துவீசுதல்; வீடுமுதலியனகட்டல்; இடங்குறித்தல்; கைக்கொள்ளுதல்; தாங்குதல்.

இவ் - இந்த 

ஊர் - கிராமம், மக்கள்சேர்ந்துவாழும்இடம்; இடம்; ஊரிலுள்ளோர்; சந்திரசூரியரைச்சூழ்ந்தபரிவேடம்.

முழுப்பொருள்

இவ்வதிகாரத்தில் சில குறள்களில் அலரை விரும்பாதவர்களாகவும் அலரை விரும்புபவர்களாகவும் காதலர்கள் இருக்கிறனர் கூறப்பட்டுள்ளது. எத்தகைய சூழ்நிலையில் காதலர்கள் அலரை விரும்புவோர் என்று இக்குறளில் கூறப்பட்டுள்ளது.

நான் என் காதலரை விரும்புவது போன்றே என் காதலர் என்னை விரும்புகிறார் ஆதலால் நாங்கள் இருவருக்கும் நினைப்பது என்னவென்றால் இந்தக்கௌவை அதாவது அலர்ப்பேச்சினை இவ்வூரார் எடுத்து உரைக்கலாம். எங்களுக்கு அதனால் துன்பமில்லை. அலர்ப்பேச்சால் இவ்வூர்மக்கள் அனைவருக்கும் எங்கள் தெரிவதால் எங்கள் காதல் இன்னும் பலப்படுகிறது. 

பி.கு: இதனை இப்படியும் சொல்லலாம், நாங்கள் விரும்பியே மழையில் நனைந்தோம். ஆதலால் மழையில் முழுக்க நனைந்தப்பிறகு முக்காடு எதற்கு?

மேலும்: அஷோக் உரை

பரிமேலழகர் உரை

(தலைமகன் சிறைப்புறத்தானாகத் தோழி தலைமகட்குச் சொல்லுவாளாய் அலரறிவுறீஇ அவன் உடன்போக்கு நயப்பச் சொல்லியது.) யாம் வேண்டும் கௌவை இவ்வூர் எடுக்கும் - உடன் போகற்கு ஏதுவாகல் நோக்கி யாம் பண்டே விரும்புவதாய அலரை இவ்வூர்தானே எடாநின்றது; காதலர் தாம் வேண்டின் நல்குவர் - இனிக் காதலர் தாமும் யாம் வேண்டியக்கால் அதனை இனிதின் நேர்வர், அதனால் இவ்வலர் நமக்கு நன்றாய் வந்தது. (எச்ச உம்மை விகாரத்தால் தொக்கது. 'நம்கண் காதல் உடைமையின் மறார்' என்பது தோன்றக் 'காதலர்' என்றாள். இவ்விருபது பாட்டும் புணர்தல் நிமித்தம்.).

மணக்குடவர் உரை

யாம் விரும்ப, அலரையும் இவ்வூரார் எடுத்தார். ஆதலான் இனித் தாங்களே விரும்பிக் கொடுப்பர் நமது காதலார்க்கு.

மு.வரதராசனார் உரை

யாம் விரும்புகின்ற அலரை இவ்வூரார் எடுத்துக்கூறுகின்றனர், அதனால் இனிமேல் காதலர் விரும்பினால் விரும்பியவாறு அதனை உதவுவார்.

சாலமன் பாப்பையா உரை

நான் விரும்பிய அவரைப் பற்றித்தான் இவ்வூர் பேசுகிறது. இனி என் காதலரும் நான் விரும்பியபோது என்னைத் திருமணம் செய்வார்.

அலர்நாண ஒல்வதோ அஞ்சலோம்பு என்றார்

 

குறள் 1149

அலர்நாண ஒல்வதோ அஞ்சலோம்பு என்றார்

பலர்நாண நீத்தக் கடை

[காமத்துப்பால், களவியல், அலரறிவுறுத்தல்]

பொருள்

அலர் - பழிச்சொல்; மலர்ந்தபூ; மகிழ்ச்சி நீர் மஞ்சள் மிளகுகொடி.

நாண - நாணுதல் - வெட்கப்படுதல்; மனங்குன்றுதல்; பயபக்திகாட்டுதல்; அஞ்சுதல்; பிணங்குதல்; அடங்குதல்; குவிதல்.

ஒல்வதோ - ஒல்லுதல் - பொருந்துதல்; இயலுதல்; உடன்படுதல்; தகுதல்; ஆற்றுதல்; ஓலைப்பெட்டிபொத்துதல்; ஒலித்தல்; விரைதல்; கூடுதல்; பொறுத்தல்; நிகழ்தல்.

அஞ்சல் - அஞ்சுதல், கலங்கல், மருளல் தோல்வி தபால்

ஓம்பு - ஓம்புதல் - காப்பாற்றுதல், பாதுகாத்தல், பேணுதல், வளர்த்தல்; தீங்குவாராமற்காத்தல்; போற்றுதல்; உபசரித்தல்; சீர்தூக்குதல்; பரிகரித்தல்; தவிர்த்தல்; விலக்கல்; நீக்குதல்; உண்டாக்குதல்.

என்றார் - என்று கூறினார்

பலர் - அநேகர்; சபை.

நாண - நாணுதல் - வெட்கப்படுதல்; மனங்குன்றுதல்; பயபக்திகாட்டுதல்; அஞ்சுதல்; பிணங்குதல்; அடங்குதல்; குவிதல்.

நீத்தல் - பிரிதல்; துறத்தல்; தள்ளுதல்; இழித்தல்; வெறுத்தல்; விடுதல்; நீங்குதல்.

கடை -  முடிவு; இடம்; எல்லை; அங்காடி; கீழ்மை; தாழ்ந்தோன்; வாயில்; புறவாயில்; பக்கம்; பணிப்பூட்டு; காம்பு; ஒருவினையெச்சவிகுதி; ஏழனுருபு; பின்; கீழ்; சோர்வு; வழி; பெண்குறி

நீத்தக்கடை - அவர் செல்லும்போது

முழுப்பொருள்

”இவ்வூர் மக்கள் நமது காதலைப்பற்றி அலர் பேசுபவர்கள் அதற்காக வெட்கப்பட்டு எங்கள் காதலை மறைத்துவைத்திருந்தேன். என்காதலர் பிரிந்துசென்றுவிடுவாரோ என்ற அச்சமும் அதற்கு ஒரு காரணம் ” என்று தலைவி நினைக்கிறாள். 

இதனை உணர்ந்த தலைவன் தலைவியிடம் கூறினான், ”இவ்வூர்மக்க்ள் அலர் பேசுவார்கள் என்று நாணப்பட்டாதே. பழிகூறும் ஊரார் நாணும் படியாக,  உன்னைவிட்டு பிரியமாட்டான். ஆதலால் நீ அஞ்சாதே! நம் காதல் உன்னுள் வளர்வதை நாணத்தால் நீ தடுக்காதே [அஞ்சல் ஓம்பு என்றால் வளர்த்தல், பேணுதல் என்ற பொருளும் அடங்கும்]”. 

வேலை நிமித்தமாக தற்காலிகமாக தலைவன் பிரிந்திருந்தாலும், பழிகூறும் ஊரார் நாணும் படியாக,  அவன் என்னைவிட்டு நிரந்தரமாக பிரியமாட்டான். ஆதலால் அலரிற்கு பயந்து நான் ஏன் நாணவேண்டும்? என்று தலைவி கருதுகிறாள்.

மேலும்: அஷோக் உரை

ஒப்புமை

”அஞ்சலோம் பென்னும்

நன்னர் மொழியும் நீமொழிந் தனையெ” (கலி.21:7-8)

“அஞ்சலோம் பென்றாரை” (கலி 41:22)

“அஞ்சலோம் பென்றதன் பயனன்றோ” (கலி 132-9)

“அஞ்சலோம் பென்று நலனுண்டு நல்காதான்” (சிலப் 24:3)

பரிமேலழகர் உரை

(வரைவிடை வைத்துப் பிரிவின்கண் ஆற்றாளாய தலைமகள். அவன் வந்து சிறைப்புறத்தானாதல் அறிந்து, 'அலரஞ்சி ஆற்றல் வேண்டும்' என்ற தோழிக்குச் சொல்லியது.) அஞ்சல் ஒம்பு என்றார் பலர் நாண நீத்தக் கடை - தம்மை எதிர்ப்பட்ட ஞான்று 'நின்னிற் பிரியேன் அஞ்சல் ஒம்பு' என்றவர் தாமே இன்று கண்டார் பலரும் நாணும் வகை நம்மைத் துறந்த பின்; அலர் நாணா ஒல்வதோ - நாம் ஏதிலார் கூறும் அலருக்கு நாணக் கூடுமோ? கூடாது. ('நாண' என்னும் வினையெச்சம் 'ஒல்வது' என்னும் தொழிற் பெயருள் ஒல்லுதல் தொழிலோடு முடிந்தது. 'கண்டார் நாணும் நிலைமையமாய யாம் நாணுதல் யாண்டையது'? என்பதாம்.).

மணக்குடவர் உரை

அலராகுமென்று நாணுதல் இயல்வதோ? அஞ்சுதலைத் தவிரென்று சொன்னவர் பலரும் நாணுமாறு நம்மை நீங்கினவிடத்து. பலரென்றது தோழியும் செவிலியும் முதலாயினாரை.

மு.வரதராசனார் உரை

அஞ்ச வேண்டா என்று அன்று உறுதிகூறியவர், இன்று பலரும் நாணும்படியாக நம்மை விட்டுப் பிரிந்தால் அதனால் அலருக்கு நாணியிருக்க முடியுமோ?.

சாலமன் பாப்பையா உரை

அலர் பேசிய பலரும் வெட்கப்படும்படி இன்று அவர் என்னை விட்டுப் போகும்போது, பயப்படாதே, உன்னைப் பிரியேன் என்று சொல்லிவிட்டார். இனிப் பலரும் பேசும் பேச்சுக்கு நான் வெட்கப்படலாமா?.

கண்டது மன்னும் ஒருநாள் அலர்மன்னும்

 

குறள் 1146

கண்டது மன்னும் ஒருநாள் அலர்மன்னும்

திங்களைப் பாம்புகொண் டற்று

[காமத்துப்பால், களவியல், அலரறிவுறுத்தல்]

பொருள்

காணுதல் - அறிதல்; காண்டல்; சந்தித்தல்; செய்தல்; வணங்குதல்.

கண்டது -  காணப்பட்டபொருள்; சம்பந்தமற்றசெய்தி

மன்னும் - மன்னில்

மன்னும் - மன் - மன்னும் - பெரும்பான்மையும், ஓர்இடைச்சொல்.

மன்னு-தல் - maṉṉu-   5 v. intr. 1. To bepermanent; to endure; நிலைபெறுதல். மன்னர்க்கு மன்னுதல் செங்கோன்மை (குறள், 556). 2.To remain long; to stay; தங்குதல். உத்திரைவயிற்றின் மன்னிய குழவி (பாகவத. 1, பரிட்சத்து

ஒரு - ஒன்றுஎன்பதன்திரிபு; ஒற்றை; ஒப்பற்ற; ஆடு; அழிஞ்சில்.

நாள் - தினம்; காலம்; வாழ்நாள்; நல்லநாள்; காலை; முற்பகல்; நட்சத்திரம்; திதி; புதுமை; அன்றலர்ந்தபூ; வெண்பாவின்ஈற்றடியிறுதியில்வரும்ஒரசைச்சீர்வாய்பாடு.

அலர் - பழிச்சொல்; மலர்ந்தபூ; மகிழ்ச்சி நீர் மஞ்சள் மிளகுகொடி

மன்னும் - மன்னில்

மன்னும் - மன் - மன்னும் - பெரும்பான்மையும், ஓர்இடைச்சொல்.

மன்னு-தல் - maṉṉu-   5 v. intr. 1. To bepermanent; to endure; நிலைபெறுதல். மன்னர்க்கு மன்னுதல் செங்கோன்மை (குறள், 556). 2.To remain long; to stay; தங்குதல். உத்திரைவயிற்றின் மன்னிய குழவி (பாகவத. 1, பரிட்சத்து

திங்களைப் - திங்கள் - சந்திரன்; மாதம்; திங்கட்கிழமை; பன்னிரண்டு.

பாம்பு - ஊரும்உயிர்வகை; இராகுஅல்லதுகேது; நாணலையும்வைக்கோலையும்பரப்பிமண்ணைக்கொட்டிச்சுருட்டப்பட்டதிரணை; ஆயிலியநாள்; நீர்க்கரை; தாளக்கருவிவகை.

கொள்ளுதல் - எடுத்துக்கொள்ளுதல்; பெறுதல்; விலைக்குவாங்குதல்; உரிமையாகக்கொள்ளுதல்; மணம்செய்துகொள்ளுதல்; கவர்தல்; உள்ளேகொள்ளுதல்; முகத்தல்; கற்றுக்கொள்ளுதல்; கருதுதல்; நன்குமதித்தல்; கொண்டாடுதல்; அங்கீகரித்தல்; மேற்கொள்ளதல்; மனம்பொறுத்தல்; ஒத்தல்; பொருந்துதல்; உடலிற்காயம்படுதல்; எதிர்மறைஏவலொருமைவினையொடுசேர்க்கப்படும்ஓர்அசை

அற்று - அத்தன்மையது; அதுபோன்றது; ஓர்உவமஉருபு; ஒருசாரியை.

கொண்டற்று - முழுவது பரவியது போலாகியது.

முழுப்பொருள்

நான் எனது காதலரை / காதலியை கண்டது என்னவோ ஒரு நாளைக்குத் தான். ஆனால் கிரகண காலத்து ராகுப் பாம்பு சந்திரனை விழுங்குவதை உலகே அறியும் படி இருள் கவ்வுமே அச்செய்தியைப்போல நாங்கள் ஒருநாள் சந்தித்த செய்தி இவ்வூர் மக்களிடம் அலராக/ பழிச்சொல்லாக / புறங்கூற்றாக பரவியிருக்கிறது. கிரணம் இருளைக் குறிப்பதால், இந்த அலர் காதலை வளர்க்கும் மகிழ்ச்சியானது அன்று. இந்த அலர் காதலர்களுக்கு துன்பமே தருகிறது என்று உணரலாம். 

 

மேலும்: அஷோக் உரை

ஒப்புமை

”உற்றது மன்னும் ஒருநாள்” (குறுந் 271:3)

பரிமேலழகர் உரை

(இடையீடுகளானும் அல்ல குறியானும் தலைமகனை எய்தப்பெறாத தலைமகள், அவன் சிறைப்புறத்தானாகத் தோழிக்குச் சொல்லுவாளாய் அலரறிவுறீஇ வரைவு கடாயது.) கண்டது ஒரு நாள் - யான் காதலரைக் கண்ணுறப்பெற்றது ஒரு ஞான்றே; அலர் திங்களைப் பாம்பு கொண்டற்று -அதனினாய அலர் அவ்வளவிற்றன்றித் திங்களைப் பாம்பு கொண்ட அலர் போன்று உலகமெங்கும் பரந்தது. (காரியத்தைக் காரணமாக உபசரித்து, 'பாம்பு கொண்டற்று' என்றாள். இருவழியும் மன்னும், உம்மையும் அசைநிலை. 'காட்சியின்றியும் அலர் பரக்கின்ற இவ்வொழுக்கம் இனியாகாது, வரைந்து கோடல் வேண்டும்', என்பதாம்.).

மணக்குடவர் உரை

யான் கண்ணுற்றது ஒருநாள்; அக்காட்சி திங்களைப் பாம்பு கொண்டாற்போல, எல்லாரானும் அறியப்பட்டு அலராகா நின்றது.

மு.வரதராசனார் உரை

காதலரைக் கண்டது ஒருநாள் தான், அதனால் உண்டாகிய அலரோ, திங்களைப் பாம்பு கொண்ட செய்தி போல் எங்கும் பரந்து விட்டது.

சாலமன் பாப்பையா உரை

நான் அவரைப் பார்த்ததும் பேசியதும் கொஞ்சமே! ஆனால் இந்த ஊரார் பேச்சோ நிலவைப் பாம்பு பிடித்ததுபோல் ஊர் முழுக்கப் பரவிவிட்டதே!. 

யாம்கண்ணின் காண நகுப அறிவில்லார்

 

குறள் 1140

யாம்கண்ணின் காண நகுப அறிவில்லார்

யாம்பட்ட தாம்படா ஆறு

[காமத்துப்பால், களவியல், நாணுத்துறவுரைத்தல்]

பொருள்

யாம் - தன்மைப் பன்மைப் பெயர்

கண்ணின் - கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

கண்ணின் - கண்ணின் அளவு சிறிதான

காண - காணுதல் - அறிதல்; காண்டல்; சந்தித்தல்; செய்தல்; வணங்குதல்.

நகுப - நகுதல் - சிரித்தல்; மகிழ்தல்; மலர்தல்; கட்டவிழ்தல்; ஒளிவிடுதல்; புள்ளிசைத்தல்; அவமதித்தல்; தாழ்த்துதல்.

அறிவு - ஞானம்; புத்தி பொறியுணர்வு; அறியவேண்டியவை; கல்வி ஆன்மா

இல்லார் - இல்லாதவர்

யாம் - தன்மைப் பன்மைப் பெயர்

பட்ட - படுதல் - உண்டாதல்; தோன்றுதல்; உதித்தல்; நிகழ்தல்; மனத்தில்தோற்றுதல்; பூத்தல்; ஒன்றன்மீதுஒன்றுஉறுதல்; மொய்த்தல்; அகப்படுதல்; புகுதல்; பெய்தல்; பெரிதாதல்; மேன்மையடைதல்; அழிதல்; சாதல்; மறைதல்; புண்காய்தல்; சாய்தல்; வாடுதல்; துன்பமடைதல்; தொங்குதல்; ஒலித்தல்; பாய்தல்; புதைக்கப்படுதல்; உடன்படுதல்; ஒத்தல்; பொறுத்தல்; முட்டுதல்.

தாம் - அவர்கள்; மரியாதைகுறிக்கும்முன்னிலைச்சொல்; ஓரசைச்சொல்; ஒருசாரியை; தாகம்; விலை.

படாவாறு - படாததினாலே  

முழுப்பொருள்

காதலி கூறுகிறாள், என் கண் முன்னே என்னை காணும் பொழுது என்னை கண்டு சிரிக்கின்றனர் அறிவில்லாதவர்கள். அவர்கள் அறியாமையில் சிரிக்கிறார்கள். ஏனெனில் நான் இக்காதலால் படும் துன்பத்தை அனுபவிக்காதவர்கள் அல்லது அறியாதவர்கள் அவர்கள்.

காமம் அளவு மீறும் பொழுது நாணத்தை மீறி அது வெளிக்காட்டிவிடுகிறது. ஆதலால் காதலியை கண்டு பிறர் நகைப்பதால், காதலிப் பிறர் மேல் சினந்துக்கொள்கிறாள். உண்மையில் காதலி சினந்தது அவளுடைய நாணத்தை மீறி காமம் வெளிப்பட்டதற்காகும்.

மேலும்: அஷோக் உரை

ஒப்புமை

”காமம் தாங்குமதி என்போர் தாமஃ

தறியலர் கொல்லோ” (குறுந் 290:1-2)

“எனைக்காண

நகான்மின் கூறுவேன் மாக்காள்” (கலி.145:11-2)

மு.வரதராசனார் உரை

யாம் பட்ட துன்பங்களைத் தாம் படாமையால் அறிவில்லாதவர் யாம் கண்ணால் காணுமாறு எம் எதிரில் எம்மைக்கண்டு நகைக்கின்றனர்.

சாலமன் பாப்பையா உரை

நான் பார்க்க, இந்த அறிவற்ற மக்கள் என்னைப் பார்த்துச் சிரிக்கின்றனர். அப்படிச் சிரிக்க காரணம், நான் அனுபவித்த துன்பங்களை அவர்கள் அனுபவிக்காததே!.

பரிமேலழகர் உரை

(செவிலிக்கு அறத்தொடு நின்று வைத்து, 'யான் நிற்குமாறு என்னை' என்று நகையாடிய தோழியோடு புலந்து தன்னுள்ளே சொல்லியது,) யாம் கண்ணின்காண அறிவில்லார் நகுப - யாம் கேட்குமாறுமன்றிக் கண்ணாற் காணுமாறு எம்மை அறிவிலார் நகாநின்றார்; யாம் பட்ட தாம்படாவாறு - அவர் அங்ஙனஞ்செய்கின்றது யாம் உற்ற நோய்கள் தாம் உறாமையான். ('கண்ணின்' என்றது, முன் கண்டறியாமை உணர நின்றது. அறத்தொடு நின்றமை அறியாது வரைவு மாட்சிமைப்படுகின்றிலள் எனப் புலக்கின்றாள் ஆகலின், ஏதிலாளாக்கிக் கூறினாள். இது, நகாநின்று சேண்படுக்குந் தோழிக்குத் தலைமகன் கூறியதாங்கால், அதிகாரத்திற்கு ஏலாமை அறிக.).

மணக்குடவர் உரை

யாங் கேட்குமாறு மன்றிக் கண்ணாற் காணுமாறு எம்மை யறிவிலார் நகாநின்றார். அவரங்ஙனஞ் செய்கின்றது யாமுற்ற நோய்கள் தாமுறாமையான்.

அறிகிலார் எல்லாரும் என்றேஎன் காமம்

 

குறள் 1139

அறிகிலார் எல்லாரும் என்றேஎன் காமம்

மறுகின் மறுகும் மருண்டு

[காமத்துப்பால், களவியல், நாணுத்துறவுரைத்தல்]

பொருள்

அறிகிலார் - அறியமாட்டார்

எல்லாரும் - யாவரும்

என்றே - என்று - எந்தநாள், எப்போது, என்றைக்கு; என்றுசொல்லி; ஓர்இடைச்சொல்; சூரியன்.

என் - என்ன; வினாவினைக்குறிப்பு; ஐயக்கிளவி; இகழ்ச்சிக்குறிப்பு; 'எது'அல்லது'எதை'எனப்பொருள்படும்இடைச்சொல்; தன்மைஒருமைச்சொல்; யான்என்பதுவேற்றுமைப்பொருளில்அடையும்திரிபு; ஓர்அசைச்சொல்.

காமம் -  ஆசை, அன்பு, விருப்பம்; இன்பம்; புணர்ச்சியின்பம்; காமநீர்; ஊர்; குடி; இறை.

மறுகில்  - மறுகு - தெரு; குறுந்தெரு; அறுத்ததாளினின்று உண்டாகும் இரண்டாம் விளைச்சல்.

மறுகும் - மறுகுதல் - maṟuku-   5 v. intr. மறி¹-. 1.To whirl; சுழலுதல். மறுகக் கடல்கடைந்தான் (திவ்.இயற். 2, 68). 2. To go about often; to wander;பலகாலுந் திரிதல். மலிவன மறுகி (குறிஞ்சிப். 97).3. To be bewildered, confused; to be unsteady,unsettled; மனங்கலங்குதல். நெஞ்சின் மறுகல் நீ(சீவக. 946). 4. To be distressed; வருந்துதல்.கிடந்துயிர் மறுகுவதாயினும் (அகநா. 29). 5. To beshattered, torn up; சிதைதல். குடன் மறுகிட(கம்பரா. இந்திரசித். 19). 6. To be ground intopaste, as sandalwood; அரைபடுதல். நறுஞ்சாந்துமறுக (மதுரைக். 553).--tr. To carry; கொண்டுபோதல். அவல் வகுத்தோர் . . . மது மறுகவும்(பொருந. 217).

மருண்டு - மருளுதல் - மயங்குதல்; வெருவுதல்; வியத்தல்; ஒப்பாதல்.

முழுப்பொருள்

நான் மனவடக்கத்தினால் என் காதலை இவ்வூர் மக்கள் அறியாமல் தடுத்திருக்கிறேன் என்று என் காமம்/காதல் நினைகிறது. ஆதலால் நான் வாழும் தெருவில் நான் வாழும் இவ்வூர் மக்கள் முன்பு என் காதல் மேலும் பெருகி வளர்ந்து (நான் படும் துன்பத்தின் மூலமாகவோ அல்லது மனவடக்கத்தை மீறிய எனது வித்தியாசமான உடல்மொழியாலோ அல்லது குறிப்புகளாளோ பிறர் அறிய நேரிட்டு) அம்பலும் அலருமாய்(பழிச்சொல், புறங்கூற்று) என்னை சுழன்று சுழன்று வருகிறது. அதனால் என் நாணத்தை மீறி காமம் இவ்வுலக மக்களிடம் என் காதலை அறிவிக்கிறது. 

மேலும்: அஷோக் உரை

பரிமேலழகர் உரை

(இதுவும் அது.) எல்லாரும் அறிகிலார் என்று - யான் முன் அடங்கி நிற்றலான் எல்லாரும் என்னை அறிதல் இலர், இனி அவ்வாறு நில்லாது யானே வெளிப்பட்டு அறிவிப்பல் என்று கருதி; என் காமம் மறுகில் மருண்டு மறுகும் - என் காமம் இவ்வூர் மறுகின்கண்ணே மயங்கிச் சுழலாநின்றது. (மயங்குதல் - அம்பலாதல், மறுகுதல் - அலராதல், 'அம்பலும் அலருமாயிற்று'. இனி 'அறத்தொடு நிற்றல் வேண்டும்', என்பதாம் 'அறிவிலார்' என்பதூஉம் பாடம்.).

மணக்குடவர் உரை

என்னை யொழிந்த எல்லாரும் அறிவிலரென்றே சொல்லி என் காமமானது தலை மயங்கி மறுகின் கண்ணே வெளிப்படச் சுழலா நின்றது. சுழல்தல் - இவ்வாறு சொல்லித் திரிதல்.

மு.வரதராசனார் உரை

அமைதியாய் இருந்ததால் எல்லோரும் அறியவில்லை என்று கருதி என்னுடைய காமம் தெருவில் பரவி மயங்கிச் சுழல்கின்றது.

சாலமன் பாப்பையா உரை

என் காதல் எனது மன அடக்கத்தால் எல்லாருக்கம் தெரியவில்லை என்று எண்ணி அதைத் தெரிவிக்க தெருவெங்கும் தானே அம்பலும் அலருமாய்ச் சுற்றிச் சுற்றி வருகிறது.

நிறையரியர் மன்அளியர் என்னாது காமம்

 

குறள் 1138

நிறையரியர் மன்அளியர் என்னாது காமம்

மறையிறந்து மன்று படும்

[காமத்துப்பால், களவியல், நாணுத்துறவுரைத்தல்]

பொருள்

நிறை - பூர்த்தி; எண்வகைப்பாடற்பயன்களுள்ஒன்று; அடுத்தடுத்துவரும்சுரம்; இரண்டுதாக்குடையதாளவகை; நிறுக்கை; தராசு; துலாராசி; எடை; நூறுபலம்கொணடஅளவு; வரையறை; நிறுத்துகை; வைத்துஅமைக்கை; கற்புவழிநிற்றல்; ஆடூஉக்குணம்நான்கனுள்காப்பனகாத்துக்கடிவனகடியும்திண்மை; மனவடக்கம்; கற்பு; சூளுரை; வலி; அறிவு; மறைபிறரறியாமை; அழிவின்மை; மாட்சிமை; நீதி; மிகுதி; கவனம்; நீர்ச்சால்.

அரி - வண்டு; மென்மை கண்வரி கண் சிலம்பினுட்பரல்; சிலம்பு உள்துளை; மூங்கில் சோலை தேர் மக்கள்துயிலிடம்; கட்டில் கடல் தகட்டுவடிவு; கூர்மை வலிமை மரவயிரம்; அரியப்பட்டகைப்பிடிக்கதிர்; அரிசி கள் குற்றம் நீர்த்திவலை; ஆயுதம் பகை நிறம் அழகு பொன்னிறம்; திருமால் சிவன் இந்திரன் யமன் காற்று ஒளி சூரியன் சந்திரன் சிங்கம் குதிரை குரங்கு பாம்பு தவளை கிளி திருவோணம் துளசி நெல் நெற்கதிர்.

அரியர்- மேன்மையுடையோர் ; அறிஞர்; கூர்மையான மதி உடையவர்; வலிமையானவர்; 

மன் - ஓர்அசைநிலை; எதிர்காலங்காட்டும்இடைநிலை; ஒழியிசைக்குறிப்பு; பிறிதொன்றாகைக்குறிப்பு; மிகுதிக்குறிப்பு; ஆக்கக்குறிப்பு; கழிவுக்குறிப்பு; நிலைபேற்றுக்குறிப்பு; ஒருபெயர்விகுதி; அரசன்; வீரன்; தலைவன்; கணவன்; உத்தரட்டாதிநாள்; பெருமை; இழிவு; மந்திரம்; மணங்கு.

அளித்தல் - காத்தல்; கொடுத்தல் படைத்தல் ஈனுதல் அருள்செய்தல்; விருப்பம்உண்டாக்குதல்; சோர்வைநீக்குதல்; செறித்தல் சொல்லுதல்

அளியர் - மைத்துனர்; இரங்கத்தக்கவர்.

என் -> என்ன -> இகழ்ச்சிக்குறிப்பு, என்று சொல்லுதல் (to say, utter, express)

என்னாது - என்று சொல்லாமல்

காமம் - ஆசை, அன்பு, விருப்பம்; இன்பம்; புணர்ச்சியின்பம்; காமநீர்; ஊர்; குடி; இறை.

மறை - மறைக்கை; இரகசியம்; மந்திராலோசனை; வேதம்; உபநிடதம்; ஆகமம்; மந்திரம்; உபதேசப்பொருள்; சிவப்புப்புள்ளிகளையுடையமாடுமுதலியன; களவுப்புணர்ச்சி; பெண்குறி; உருக்கரந்தவேடம்; திருகுவகை; விளக்கின்திரியைஏற்றவும்இறக்கவும்உதவும்திருகுள்ளகாய்; புகலிடம்; சிறைக்கூடம்; மறைவிடம்; வஞ்சனை; இரண்டாம்உழவு; கேடகம்; எதிர்மறை; விலக்குகை; புள்ளி; சங்கின்முறுக்கு.

இறந்து -  இறந்துபடுகை; சாவு

இறந்து - இறத்தல் - கடத்தல்; கழிதல் நெறிகடந்துசெல்லுதல்; சாதல் மிகுதல் வழக்குவீழ்தல்; நீங்குதல்பொருட்பால், குடியியல், குடிமை

மன்று - சபை; தில்லையிலுள்ளபொன்னம்பலம்; நீதிமன்றம்; பசுத்தொழுவம்; பசுமந்தை; மரத்தடிப்பொதுவிடம்; தோட்டத்தின்நடு; நாற்சந்தி; மணம்.

படும் - படுதல் - உண்டாதல்; தோன்றுதல்; உதித்தல்; நிகழ்தல்; மனத்தில்தோற்றுதல்; பூத்தல்; ஒன்றன்மீதுஒன்றுஉறுதல்; மொய்த்தல்; அகப்படுதல்; புகுதல்; பெய்தல்; பெரிதாதல்; மேன்மையடைதல்; அழிதல்; சாதல்; மறைதல்; புண்காய்தல்; சாய்தல்; வாடுதல்; துன்பமடைதல்; தொங்குதல்; ஒலித்தல்; பாய்தல்; புதைக்கப்படுதல்; உடன்படுதல்; ஒத்தல்; பொறுத்தல்; முட்டுதல்.

முழுப்பொருள்

காமத்தின் இயல்பு என்ன தெரியுமா? இவர் (பெண்ணுக்கு நாணம் பொதுவாக கூறப்பட்டாலும், ஆண்மகனும் காதலை மன்றத்தில் தேவையில்லாமல் வெளிப்படுத்தமாட்டான்) மனவடக்கம் உடைய அரிதானவர் என்றோ அல்லது குடியின் பெருமையை காப்பவர் என்றோ எண்ணாமல் (பாவம் பார்க்காமல்) இக்காமநோய் ஆனது எங்கள் காதல் இரகசியத்தை கொன்று மன்றத்தில் அதாவது இவ்வூர் மக்கள் முன்பு வெளிப்பட்டுவிடும். அதாவது நாணம் அற்றது காமநோய். 

மேலும்: அஷோக் உரை

ஒப்புமை

குறள் 1254

நிறையுடையேன் என்பேன்மன் யானோஎன் காமம்

மறையிறந்து மன்று படும்

”மறையல ராகி மன்றத் தஃதே” (குறுந்.97:4)

“அலரும் மன்றுபட் டன்றே” (அகநா 201:10)

பரிமேலழகர் உரை

(காப்புச் சிறைமிக்குக் காமம் பெருகியவழிச் சொல்லியது.) நிறை அரியர் - இவர் நிறையால் நாம் மீதூர்தற்கு அரியர் என்று அஞ்சுதல் செய்யாது; மன் அளியர் என்னாது - மிகவும் அளிக்கத்தக்கார் என்று இரங்குதல் செய்யாது; காமம் மறை இறந்து மன்றுபடும் - மகளிர் காமமும் அவர் மறைத்தலைக் கடந்து மன்றின் கண்ணே வெளிப்படுவதாயிருந்தது. ('என்னாது' என்பது முன்னும் கூட்டி மகளிர் என்பது வருவிக்கப்பட்டது. எச்ச உம்மை விகாரத்தால் தொக்கது. 'மன்று'என்பது தந்தை தன்னையரை நோக்கி. உலகத்துப் பெண் பாலார் காமத்து இயல்பு கூறுவாள் போன்று தன் காமம் பெருகியவாறும், இனிஅறத்தோடு நிற்றல் வேண்டும் என்பதும் குறிப்பால் கூறியவாறாயிற்று ).

மணக்குடவர் உரை

நிறையிலர், மிக அளிக்கத்தக்கா ரென்னாது என் காமமானது மறைத்தலைக் கடத்தலுமன்றி மன்றின்கண் படரா நின்றது. இஃது அம்பலும் அலரும் ஆகாவென்று தோழி பகற்குறி மறுத்தது.

மு.வரதராசனார் உரை

இவர் நெஞ்சை நிறுத்தும் நிறை இல்லாதவர், மிகவும் இரங்கத்தக்கவர் என்று கருதாமல் காமம் மறைந்திருத்தலைக் கடந்து மன்றத்திலும் வெளிப்படுகின்றதே!.

சாலமன் பாப்பையா உரை

இவள் மன அடக்கம் மிக்கவள்; பெரிதும் இரக்கப்பட வேண்டியவள் என்று எண்ணாமல் இந்த காதல் எங்களுக்குள் இருக்கும் இரகசியத்தைக் கடந்து ஊருக்குள்ளேயும் தெரியப்போகிறது.

உவந்துறைவர் உள்ளத்துள் என்றும் இகந்துறைவர்

குறள் 1130

உவந்துறைவர் உள்ளத்துள் என்றும் இகந்துறைவர்

ஏதிலர் என்னும்இவ் வூர்

[காமத்துப்பால், களவியல், காதற்சிறப்புரைத்தல்]

பொருள்

உவந்து - உவத்தல் - மகிழ்தல்; விரும்புதல்; பிரியமாதல்; அன்புசெய்தல்

உறைதல் - தோய்தல்; தங்குதல்; வாழ்தல்; ஒழுகுதல்; இறுகுதல்; செறிதல்; உறுதியாதல்.

உறைவு - தங்குகை; சிறுகுகை; உறைதல்; இருப்பிடம்.

உறைவி - உறைபவள்

உறைவர் - இருக்கின்றார்

உள்ளம் - மனம்; உள்ளக்கருத்து; சொற்றொடரின்கருத்து; எண்ணம்; ஞானம்; அகச்சான்று; ஆன்மா; ஊக்கம்; முயற்சி; உல்லம்; உல்லமீன்வகை.

உள்ளத்துள் - உள்ளத்தினில் - உள்ளத்தின் உள்ளே 

என்றும் - என்றைக்கும், எந்நாளும், எப்போதும்

இகந்து - இகத்தல் - தாண்டுதல்; கடத்தல் அடக்குதல்; கைப்பற்றுதல் பிரிதல் பொறுத்தல் போதல் நீங்குதல் புடைத்தல் காழ்த்தல் நெருங்குதல்

உறைவர் - இருக்கின்றார்; அன்பில்லா என் காதலர்

ஏதிலர் - அயலார்; பகைவர்; பரத்தையர்.

என்னும் - யாவும், எல்லாம்; என்றுசொல்லப்படும்; யாதும்; சிறிதும்.

இவ் - இந்த

ஊர் - கிராமம், மக்கள்சேர்ந்துவாழும்இடம்; இடம்; ஊரிலுள்ளோர்; சந்திரசூரியரைச்சூழ்ந்தபரிவேடம்.

முழுப்பொருள்

மகிழ்ந்து என்னை நீங்காது என் உள்ளத்துள்ளே என்றும் தங்கியிருக்கும் எனது காதலரை அயலார் என இகழ்கிறார் இவ்வூர் மக்கள். இவ்வூர் மக்களின் அறியாமையை உரைக்கிறாள் காதலி ஏனெனில் தாமகவே உவந்து தான் காதலன் காதலியின் மனதில் இருக்கிறானாம். வேறு எவ்வித வற்புறுத்ததினாலும் அல்ல.

மேலும்: அஷோக் உரை

ஒப்புமை

குறள் 1130

உவந்துறைவர் உள்ளத்துள் என்றும் இகந்துறைவர்

ஏதிலர் என்னும்இவ் வூர்

குறள் 1204

யாமும் உளேங்கொல் அவர்நெஞ்சத்து எந்நெஞ்சத்து

ஓஒ உளரே அவர்

குறள் 1205

தம்நெஞ்சத்து எம்மைக் கடிகொண்டார் நாணார்கொல்

எம்நெஞ்சத்து ஓவா வரல்

குறள் 1218

துஞ்சுங்கால் தோள்மேலர் ஆகி விழிக்குங்கால்

நெஞ்சத்தர் ஆவர் விரைந்து

”நெஞ்சு களனாக நீயலென்” (குறுந்தொகை 36.3)

“........ நத்துறந்து

நெடுஞ்சேண் நாட்ட ராயினும்

நெஞ்சிற் கணியரோ தண்கடல் நாட்டே” (குறுந்தொகை 228.6)

“அவர் இருந்த என் நெஞ்சே” (குறுந்தொகை 340.7)

”பெரிய மகிழும் துறைவன் எம்

சிறிய நெஞ்சத் தகல்வறி யானே” (நற் 388:9-10)

“நொதுமல் சுழுறும் இவ் வழுங்கல் ஊரே” (குறுந் 12:6)

“பொய்க்கும் இவ் வூரே” (ஐங்குறு.154:4)

பரிமேலழகர் உரை

(இதுவும் அது.) என்றும் உள்ளத்துள் உவந்து உறைவர் - காதலர் எஞ்ஞான்றும் என் உள்ளத்துள்ளே உவந்து உறையா நிற்பர்; இகழ்ந்து உறைவர் ஏதிலர் என்னும் இவ்வூர் - அதனை அறியாது அவரைப் பிரிந்து உறையா நின்றார், அன்பிலர் என்று சொல்லாநிற்கும் இவ்வூர். ('உவந்து உறைவர்' என்றதனால் அன்புடைமை கூறினாள். 'பிரியாமையும் அன்பும் உடையாரை இலர் எனப் பழிக்கற்பாலையல்லை' என்பதாம்.).

மணக்குடவர் உரை

அவர் எனது நெஞ்சத்தே என்றும் மகிழ்ந்து உறையாநிற்பர்; அவரை ஏதிலராய் நீங்கி யுறைவர் என்றே சொல்லா நின்றது இவ்வூர். தலைமகள் வேறுபாடுகண்டு தலைமகனை அன்பிலாரென்று இயற்பழித்த தோழிக்குத் தலைமகள் என்னெஞ்சில் நின்று நீங்காரென்று நெஞ்சின்மேல் வைத்துக் கூறியது.

மு.வரதராசனார் உரை

காதலர் எப்போதும் என் உள்ளத்தில் மகிழ்ந்து வாழ்கின்றார், ஆனால் அதை அறியாமல் பிரிந்து வாழ்கின்றார், அன்பில்லாதவர் என்று இந்த ஊரார் அவரைப் பழிப்பர்.

சாலமன் பாப்பையா உரை

என்னவர் எப்போதும் என் நெஞ்சிற்குள்ளேயே மகிழ்ந்து இருக்கிறார். இதை அறியாத உறவினர் அவருக்கு அத்தனை அன்பு இல்லை என்கின்றனர்.

இமைப்பின் கரப்பாக்கு அறிவல் அனைத்திற்கே

குறள் 1129

இமைப்பின் கரப்பாக்கு அறிவல் அனைத்திற்கே

ஏதிலர் என்னும்இவ் வூர்

[காமத்துப்பால், களவியல், காதற்சிறப்புரைத்தல்]

பொருள்

இமைப்பின் - இமைத்தல் - இமைகொட்டுதல்; ஒளிவிடுதல் சுருங்குதல் தூங்குதல்

கரப்பு - மறைக்கை; களவு; வஞ்சகம்; மீன்பிடிக்குங்கூடை, பஞ்சரம்முதலியன; மத்து; கரப்பான்பூச்சி.

கரப்பாக்கு -  தெரியாமல் மறைந்துவிடுவார் (கண்ணில் இமைக்கும் நேரத்துக்கு)

அறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

அறிவல் - என்று நான் அறிவேன்

அனைத்தும் - எல்லாம்

அனைத்திற்கே - ஆனால் அதற்கே

ஏதிலர் - அயலார்; பகைவர்; பரத்தையர்; அன்பில்லா என் காதலர்

என்னும் - யாவும், எல்லாம்; என்றுசொல்லப்படும்; யாதும்; சிறிதும்.

இவ் - இந்த

ஊர் - கிராமம், மக்கள்சேர்ந்துவாழும்இடம்; இடம்; ஊரிலுள்ளோர்; சந்திரசூரியரைச்சூழ்ந்தபரிவேடம்.

முழுப்பொருள்

காதலி கூறுகிறாள், என் காதலனை என் கண்களில் வைத்துள்ளேன். ஆனால் நான் கண் இமைத்தால் அவர் என் கண்களின் உள்ளே எங்காவது மறைந்துக்கொள்ளக்கூடும். அப்படி அவர் மறைந்துக்கொண்டால் என் காதலர் அன்பில்லாதவராக ஒரு அயலாராக இருக்கிறாரே என்று இவ்வூர் மக்கள் கூறுவர். அவருக்கு எதற்கு அவப்பெயர் உருவாக நான் ஏன் வாய்ப்பு அமைத்துத் தரவேண்டும்? ஆதலால்தான் நான் என் கண்களை இமைக்காமல் இருக்கிறேன். அதற்காக தூங்காமல் இருக்கிறேன் என்று கூறுகிறாள் காதலி. காதலனை கண்ணில் கட்டிவைக்க எப்படியெல்லாம் காதலின் சிறப்பை நயமான காரணமாக கூறுகிறாள் காதலி. 

மேலும்: அஷோக் உரை

ஒப்புமை

குறள் 1130

உவந்துறைவர் உள்ளத்துள் என்றும் இகந்துறைவர்

ஏதிலர் என்னும்இவ் வூர்

குறள் 1130

உவந்துறைவர் உள்ளத்துள் என்றும் இகந்துறைவர்

ஏதிலர் என்னும்இவ் வூர்

குறள் 1204

யாமும் உளேங்கொல் அவர்நெஞ்சத்து எந்நெஞ்சத்து

ஓஒ உளரே அவர்

குறள் 1205

தம்நெஞ்சத்து எம்மைக் கடிகொண்டார் நாணார்கொல்

எம்நெஞ்சத்து ஓவா வரல்

குறள் 1218

துஞ்சுங்கால் தோள்மேலர் ஆகி விழிக்குங்கால்

நெஞ்சத்தர் ஆவர் விரைந்து

”நெஞ்சு களனாக நீயலென்” (குறுந்தொகை 36.3)

“........ நத்துறந்து

நெடுஞ்சேண் நாட்ட ராயினும்

நெஞ்சிற் கணியரோ தண்கடல் நாட்டே” (குறுந்தொகை 228.6)

“அவர் இருந்த என் நெஞ்சே” (குறுந்தொகை 340.7)

”பெரிய மகிழும் துறைவன் எம்

சிறிய நெஞ்சத் தகல்வறி யானே” (நற் 388:9-10)

“நொதுமல் சுழுறும் இவ் வழுங்கல் ஊரே” (குறுந் 12:6)

“பொய்க்கும் இவ் வூரே” (ஐங்குறு.154:4)

பரிமேலழகர் உரை

(வரைவிடை வைத்துப் பிரிவின்கண் தலைமகளாற்றுதற் பொருட்டுத் தோழி தலைமகனை இயற்பழித்தவழி அவள் இயற்பட மொழிந்தது.) இமைப்பிற் கரப்பார்க்கு அறிவல் - என்கண் இமைக்குமாயின் உள்ளிருக்கின்ற காதலர் மறைதலை அறிந்து இமையேன்; அனைத்திற்கே ஏதிலர் என்னும் இவ்வூர் - அவ்வளவிற்கு அவரைத் துயிலா நோய்செய்தார் அன்பிலர் என்று சொல்லாநிற்கும் இவ்வூர். (தன் கருத்து அறியாமை பற்றிப் புலந்து சொல்லுகின்றாள் ஆகலின், தோழியை வேறுபடுத்து, 'இவ்வூர்' என்றாள். 'ஒரு பொழுதும்' பிரியாதவரைப் பிரிந்தார் என்று பழிக்கற்பாலையல்லை', என்பதாம்.).

மணக்குடவர் உரை

கண்ணிமைக்குமாயின் அவரொளிக்குமது யானறிவேன், அவ்வொளித்தற்கு அவரை நமக்கு ஏதிலரென்று சொல்லும் இவ்வூர்; அதற்காக இமைக்கிலன். இது கண் துயில்மறுத்தலென்னும் மெய்ப்பாடு.

மு.வரதராசனார் உரை

கண் இமைத்தால் காதலர் மறைந்து போதலை அறிகின்றேன், அவ்வளவிற்கே இந்த ஊரார் அவரை அன்பில்லாதவர் என்று சொல்லுவர்.

சாலமன் பாப்பையா உரை

என் கண்கள் இமைத்தால் உள்ளிருக்கும் என்னவர் மறைவதை அறிந்து நான் கண்களை இமைப்பதில்லை. இதை விளங்கிக் கொள்ளாத உறவினர் அவரை அன்பற்றவர் என்கின்றனர்.

கண்ணுள்ளின் போகார் இமைப்பின் பருவரார்

 

குறள் 1126

கண்ணுள்ளின் போகார் இமைப்பின் பருவரார்

நுண்ணியர்எம் காத லவர்

[காமத்துப்பால், களவியல், காதற்சிறப்புரைத்தல்]

பொருள்

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

உள் - உள்ளிடம்; உள்ளம்; மனம்; இடம்; மறை; மனவெழுச்சி; ஒருகுறிப்புவினைப்பகுதி; தொழிற்பெயர்விகுதி; ஏழாமவேற்றுமைஉருபு; உள்ளான்என்னும்பறவை.

உள்ளுதல் - நினைதல்; ஆராய்தல்; நன்குமதித்தல்; மீண்டும்நினைத்தல்; இடைவிடாதுநினைத்தல்.

கண்ணுள்ளின் - கண்ணுள் - கூத்துவகை; அரும்புத்தொழில்; கண்ணிற்குள்.

போகார்  - போகமாட்டார்; அதினின்றும் அகலாதவர்

இமைப்பின் - இமைத்தல் - இமைகொட்டுதல்; ஒளிவிடுதல் சுருங்குதல் தூங்குதல்

பருவரு-த்தல் - paruvaru-   5 v. intr. பருவா-. To be distressed in mind; மனம்வருந்துதல்.இவட்கு உறுத்துமென்று பருவருத்திருப்பதுஞ் செய்யார் (குறள், 1127, மணக்.).

பருவரார் - அதனாலும் வருந்தி அலமுறாத

நுண்ணியான் - கூரியஅறிவுடையோன்; அமைச்சன்.

நுண்ணியர் - நுட்பமாக என்கண் நிறைந்தவர்

எம் - யாம்' என்பது பொருள் வேற்றுமைப்பட வரும் பொழுது திரியும் நிலை; எம்முடைய; உளப்பாட்டுத் தன்மைப் பன்மை விகுதி.

காதல் - அன்பு; காமவிச்சை; பத்தி; வேட்கை; ஆவல்; மகன்; சிற்றிலக்கியவகையுள்ஒன்று; கொல்லுதல்; தறித்தல்; ஆந்தைக்குரல்.

காதலவர் - காதல் கொண்டவராக, மனம் விரும்புவராக; என்னுடைய காதலர்

முழுப்பொருள்

காதலி தன் காதலனின் காதல்பற்றி இப்படி கூறுகிறாள். என் காதலன் என் கண்களின் உள்ளே இருக்கிறார். அதனைவிட்டு அவர் போகமாட்டார். அவரை என் கண்களில் அவரை வைத்திருக்கும் பொழுது கண்களை இமைத்தால் ஒரு கன நொடி அவரை சிறைப்படுத்துவதுப் போல் ஆயினும் அதற்காக அவர் மனம் வருந்தமாட்டார். ஏனெனில் எனது அச்செயல் காதலால் என்பதை உணரக்கூடிய நுண்ணிய அறிவுப்படைத்தவர் அவர். அத்தகைய காதலனை தனது காதலாக பெற்றதாக நயமாகவும் மெல்லிய கர்வத்துடனும் கூறுகிறாள் காதலி.

ஆங்கிலத்தில் possessiveness தமிழில் உடைமை என்பதின் ஒரு மெல்லிய வெளிப்பாடே இது. வீட்டில் கணவன் தன்னைவிட்டு எங்கும் செல்லக்கூடாது  என்று மனைவி நினைப்பாள். என்னடா இது எப்ப பார்த்தாலும் கூடவே இருக்கவேண்டும் என்கிறாளே, எனக்கு வேறு வேலை இல்லையா என்று நினைக்கும் கணவன்மார்களே அதிகம். அவர்கள் நிலைமையையும் புரிந்துக்கொள்ள முடிகிறது ஏனெனில் கணவன்மார்களுக்கு மற்றவேலைகளும் இருக்கிறது தானே. இக்குறளை நினைத்துக்கொண்டு மனைவியின் அன்பை புரிந்துக்கொள்ளலாம். 

மேலும்: அஷோக் உரை

பரிமேலழகர் உரை

(ஒருவழித்தணப்பின்கண் தலைமகனைத் தோழி இயற்பழிக்கும் என்று அஞ்சி அவள் கேட்பத் தன்னுள்ளே சொல்லியது.) (தாம் காணாமை பற்றிச் சேய்மைக்கண் போயினார் என்று கருதுவார் கருதுக,) எம் காதலர் கண்ணுள்ளின் போகார் - எம்முடைய காதலர் எம் கண்ணகத்து நின்றும் போகார்; இமைப்பின் பருவரார் - யாம் அறியாது இமைத்தேமாயின் அதனால் வருந்துவதும் செய்யார்; நுண்ணியர் - ஆகலான் காணப்படா நுண்ணியர். (இடைவிடாத நினைவின் முதிர்ச்சியான் எப்பொழுதும் முன்னே தோன்றலின் 'கண்ணுள்ளின் போகார்' என்றும், இமைத்துழியும் அது நிற்றலான் 'இமைப்பின் பருவரார்' என்றும் கூறினாள்.).

மணக்குடவர் உரை

என் கண்ணுள் நின்று நீங்கார்; இமைப்பேனாயின், இவட்கு உறுத்துமென்று பருவருத்திருப்பதுஞ் செய்யார்: ஆதலான் எம்மாற் காதலிக்கப்பட்டார் நுண்ணியவறிவை யுடையார்.

மு.வரதராசனார் உரை

எம் காதலர் எம் கண்ணுள்ளிருந்து போக மாட்டார், கண்ணை மூடி இமைத்தாலும் அதனால் வருந்த மாட்டார், அவர் அவ்வளவு நுட்பமானவர்.

சாலமன் பாப்பையா உரை

என் அன்பர் என் கண்ணை விட்டுப் போகமாட்டிடார்; ஒருவேளை நான் அறியாமல் இமைத்தால் வருந்தவும் மாட்டார். பிறர் அறிய முடியாத நுட்பத் தன்மையர் அவர்.

அனிச்சமும் அன்னத்தின் தூவியும் மாதர்

குறள் 1120

அனிச்சமும் அன்னத்தின் தூவியும் மாதர்

அடிக்கு நெருஞ்சிப் பழம்

[காமத்துப்பால், களவியல், நலம்புனைந்துரைத்தல்]

பொருள்

அனிச்சமும் - அனிச்சம் - மோந்தால் வாடும் பூவகை.

அன்னத்தின் - அன்னம் - சோறு; புள்வகை; கவரிமா நீர் உணவுஅருந்தியஇடம்; பூமி ஒருவகைஅணி; தங்கம் மலம்; aṉṉam   * n. haṃsa. Speciesof swan, celebrated for its gait--poets credit itwith power to separate milk when mixed withwater--vehicle of God Brahmā; புள்வகை.  

தூவியும் - தூவுதல் - தெளிதல்; இறைத்தல்; அளக்கும்போதுஎளிதாகமேலேபெய்தல்; அருச்சித்தல்; மிகச்சொரிதல்; ஒழிதல்; மழைபெய்தல்.

மாதர் - பெண்; அழகு; பொன்; காதல்; ஓர்இடைச்சொல்.

அடிக்கு - அடி - பாதம்; காற்சுவடு முதல் கடவுள் பாட்டின்அடி; அடிப்பீடம்; அண்மை மரபுவழி; அளவு கீழ் மகடூஉமுன்னிலை

 அடி - (வி)அடிஎன்ஏவல்; புடை தாக்கு வீசு மோது கொல்லு.

நெருஞ்சிப் - ஒருமுட்பூண்டுவகை.

பழம் - கனி; வயதுமுதிர்ந்தோன்; கைகூடுகை; ஆட்டக்கெலிப்பு; முக்கால்.

முழுப்பொருள்

முகர்ந்தால் வாடக்கூடிய மிக மென்மையான மலர் அனிச்சம். அதைவிட மெல்லிய மலர் இல்லை என்பர். அன்னப்பறவையின் இறகுகளும் மென்மையானவை. ஆதலால் இவ்வுலகில் மென்மைக்குப் பெயர்ப்போன அனிச்சம் மலர்களும் அன்னப்பறவையின் இறகுகளும் கூட நெருஞ்சிமுள் போல குத்தும் என் காதலிக்கு அவள் காலடியில் போட்டால். அப்படி என்றால் என் காதலியின் கால்கள் எவ்வளவு மென்மை வாய்ந்தது. அவளும் எவ்வளவு மென்மையானவள் என்று கூறுகிறான் திருவள்ளுவர்.

சீவக சிந்தாமணி காப்பிய ஆசிரியருக்கும், இதே கற்பனை உதவியிருப்பதைக் காணலாம்.

“அம்மெல் அனிச்சமலரும் அன்னத் தூவியும்

வெம்மை யாமென் றஞ்சி மெல்ல மிதியாத

பொம்மென் நிலவப் பூம்போதனநின் அடி” (சீவக.2454)

“அனித்த மிதிப்பினும் பனித்தல் ஆனா 

ஒளிச்செஞ் சீறடி” என்று பெருங்கதை (1:52.162:3 வரியும், அனிசத்தினும் மென்மையானது பாதமென்று கூறுகிறது

“...................தில்லைத் தண் அனிச்சப்

பூமேல் மிதிக்கின் பதைத்தடி பொங்கும் நங்காய்” (திருச்சிற்.228)

“ஐயவாம் அனிச்சப் போதின் அதிகமும் நொய்ய

............பாதம்” (கம்ப.கோலங்கான் 14)

“தாருடை மலரினும் ஒதுங்த் தக்கிலா

வாருடை முலையோடு” (கம்ப.தைலமாட்டு 22)

“பஞ்சியட ரனிச்சம் நெருஞ்சி யீன்ற பழமாலென்

றஞ்சுமல ரடிகள்” (சீவக 341)

மேலும்: அஷோக் உரை

பரிமேலழகர் உரை

(உடன் போக்கு உரைத்த தோழிக்கு அதனது அருமை கூறி மறுத்தது.) அனிச்சமும் அன்னத்தின் தூவியும் - உலகத்தாரான் மென்மைக்கு எடுக்கப்பட்ட அனிச்சப்பூவும் அன்னப்புள்ளின் சிறகும் ஆகிய இரண்டும்; மாதர் அடிக்கு நெருஞ்சிப்பழம் - மாதரடிக்கு நெருஞ்சிப் பழம்போல வருத்தஞ் செய்யும். (முன் வலிதாதலுடைமையின் பழம் என்றான். இத்தன்மைத்தாய அடி 'பாத்திஅன்ன குடுமிக் கூர்ங்கற்'களையுடைய (அகநா.களிற்.5)வெஞ்சுரத்தை யாங்ஙனம் கடக்கும்'? என்பது குறிப்பாற் பெறப்பட்டது. செம்பொருளேயன்றிக் குறிப்புப் பொருளும் அடிநலனழியாமையாகலின், இதுவும் இவ்வதிகாரத்ததாயிற்று.).

மணக்குடவர் உரை

அனிச்சப்பூவும், அன்னத்தின் தூவியும், மாதரடிக்கு நெருஞ்சிப் பழத்தோடு ஒக்கும். இஃது அவையிற்றினும் மெல்லியது அடியென்று கூறிற்று.

மு.வரதராசனார் உரை

அனிச்ச மலரும், அன்னப்அனிச்ச மலரும், அன்னப்பறவையின் இறகும் ஆகிய இவைகள் மாதரின் மெல்லிய அடிகளுக்கு நெருஞ்சிமுள் போன்றவை.

சாலமன் பாப்பையா உரை

உலகம் மென்மைக்குச் சொல்லும் அனிச்சம் பூவும், அன்னப் பறவையின் இளஞ்சிறகும், என் மனைவியின் பாதங்களுக்கு நெருஞ்சிப்பழம் போல வருத்தம் தரும்.

மலரன்ன கண்ணாள் முகமொத்தி யாயின்

 

குறள் 1119

மலரன்ன கண்ணாள் முகமொத்தி யாயின்

பலர்காணத் தோன்றல் மதி

[காமத்துப்பால், களவியல், நலம்புனைந்துரைத்தல்]

பொருள்

மலர் - பூ; தாமரை; ஒருபேரெண்; ஆயுதம்முதலியவற்றின்மேற்குமிழ்; வெண்பாவின்இறுதிச்சீர்வாய்பாடுகளுள்ஒன்று; மும்மலமுடையவர்.

அன்ன - அத்தன்மையானவை; ஓர் அஃறிணைப் பன்மைக்குறிப்பு வினைமுற்று; ஓர்உவமஉருபு.

கண்ணாள் - கலைமகள், நாமகள்; kaṇ-ṇ-āḷ   n. id. Belovedwoman; கண்ணாட்டி. (யாழ். அக.); kaṇṇāḷ   n. id. Sarasvatī,the goddess of learning; சரசுவதி (பிங்.)

முகம் - தலையில்நெற்றிமுதல்மோவாய்வரையுள்ளமுன்புறம்; வாய்; வாயில்; கழி; இடம்; மேலிடம்; நுனி; தொடக்கம்; வடிவு; நோக்கு; தியானம்; முகத்துதி; காரணம்; ஏழாம்வேற்றுமையுருபு; முன்பு; நாடகச்சந்திஐந்தனுள்முதலிலுள்ளசந்தி; நடிகர்கள்அரங்கிற்குவருமுன்நிகழுங்கூத்து; இயல்பு; நிலை; தோற்றம்; கட்டிமுதலியவற்றின்முனையிடம்; முதன்மை; பக்குவம்; பக்கம்; உவமவுருபு; மூலம்; யாகம்; வகை; இந்திரகோபம்.

ஒத்தி - ஒத்திட - ottiṭ   inf. To compare, ஒப்பிட. 2. To be alike, equal, ஒத்திருக்க

ஆயின் - ஆனால்; ஆராயின்

பலர் - அநேகர்; சபை

காணத் - காணுதல் - அறிதல்; காண்டல்; சந்தித்தல்; செய்தல்; வணங்குதல்.

தோன்றல் - தோற்றம்; தலைமை; உயர்ச்சி; விளக்கம்; தலைவன்; முல்லைநிலத்தலைவன்; தமையன்; அரசன்; மகன்; மொழிப்புணர்ச்சியில்வரும்தோன்றல்விகாரம்.

மதி - சந்திரன்; மாதம்; ஒன்றுஎன்னும்எண்ணைக்குறிக்கும்குழூஉக்குறி; இராசி; குபேரன்; இடைகலை; காண்க:மதிநாள்; மதிஞானம்; கற்கடகராசி; இயற்கையறிவு; பகுத்தறிவு; வேதத்தின்படிநடத்தல்; மதிப்பு; காசியபரின்மனைவி; அசோகமரம்; அதிமதுரம்; ஒருமுன்னிலையசைச்சொல்; ஒருபடர்க்கையசைச்சொல்; யானை.

முழுப்பொருள்

காதலன் நிலவைப் பார்த்து இப்படிக் கூறுகிறான்: நிலவே! என் காதலயின் மலர்ப்போன்ற கண்களை உடைய முகத்தை ஒத்ததாய் நீ அழகாய் இருப்பாய் என்றால் நீ பலர் காணுபடியாக தோன்றாதே. அவள் முகம் போல் அழகிய பொலிவை நீயும் கொண்டால் நானும் உன்னை விரும்புவேன். ஆனால் நான் காதலிப்பதை மற்றவர்கள் காண்பதை நாம் விரும்ப மாட்டேன் என்பதை நீ அறிவாயாக.

அனுமன் கூறுவதாக கம்பன் எழுதிய “கண்டனன் கற்பினுக் கணியை கண்களால்” என்னும் வரி நினைவுக்கு வருகிறது.

குறள் 1142

மலரன்ன கண்ணாள் அருமை அறியாது

அலரெமக்கு ஈந்ததிவ் வூர்

மேலும்: அஷோக் உரை

பரிமேலழகர் உரை

(இதுவும் அது.) மதி - மதியே; மலர் அன்ன கண்ணாள் முகம் ஒத்தியாயின் -இம்மலர் போலும் கண்ணையுடையாள் முகத்தை நீ ஒக்க வேண்டுதியாயின்; பலர் காணத்தோன்றல் - இதுபோல யான் காணத் தோன்று; பலர் காணத் தோன்றாதொழி. (தானே முகத்தின் நலம் முழுதும் கண்டு அனுபவித்தான் ஆகலின், ஈண்டும், பலர் காணத்தோன்றலை இழித்துக் கூறினான். தோன்றின் நினக்கு அவ்வொப்பு உண்டாகாது என்பதாம்.).

மணக்குடவர் உரை

மதியே! நீ மலர்போலுங் கண்களை யுடையாளது முகத்தை ஒப்பையாயின், பலர் காணுமாறு தோன்றாதொழிக. இது மதி ஒளியும் வடிவும் ஒத்ததாயினும் குணத்தினாலே ஒவ்வாதென்றது.

மு.வரதராசனார் உரை

திங்களே! மலர்போன்ற கண்களை உடைய இவளுடைய முகத்தை ஒத்திருக்க விரும்பினால், நீ பலரும் காணும்படியாகத் தோன்றாதே.

சாலமன் பாப்பையா உரை

நிலவே மலர் போன்ற கண்ணை உடைய என் மனைவியின் முகம் போல ஆக நீ விரும்பினால் நான் மட்டும் காணத் தோன்று; பலரும் காணும்படி தோன்றாதே.

மாதர் முகம்போல் ஒளிவிட வல்லையேல்

 

குறள் 1118

மாதர் முகம்போல் ஒளிவிட வல்லையேல்

காதலை வாழி மதி

[காமத்துப்பால், களவியல், நலம்புனைந்துரைத்தல்]

பொருள்

மாதர் - பெண்; அழகு; பொன்; காதல்; ஓர்இடைச்சொல்.

முகம் - தலையில்நெற்றிமுதல்மோவாய்வரையுள்ளமுன்புறம்; வாய்; வாயில்; கழி; இடம்; மேலிடம்; நுனி; தொடக்கம்; வடிவு; நோக்கு; தியானம்; முகத்துதி; காரணம்; ஏழாம்வேற்றுமையுருபு; முன்பு; நாடகச்சந்திஐந்தனுள்முதலிலுள்ளசந்தி; நடிகர்கள்அரங்கிற்குவருமுன்நிகழுங்கூத்து; இயல்பு; நிலை; தோற்றம்; கட்டிமுதலியவற்றின்முனையிடம்; முதன்மை; பக்குவம்; பக்கம்; உவமவுருபு; மூலம்; யாகம்; வகை; இந்திரகோபம்.

போல் - ஓர்உவமவுருபு; பொய்; ஓர்அசைச்சொல்; உள்ளீடில்லாதது; பதர்; மூங்கில்; வெற்றி; படை; வாள்

ஒளிவிட - ஒளிவிடு-தல் - oḷi-viṭu-   v. intr. ஒளி¹ +ஆடு-. See ஒளிர்-. (திவா.)  

ஒளிர்-தல் - oḷir-   4 v. intr. prob. ஒளி¹. Toshine; to emit light; to be resplendent; ஒளிசெய்தல் உள்ளத்து ளொளிர்கின்ற வொளியே (திருவாச. 37, 5).  

வல்லையேல் - வல்லை - வலிமை; பெருங்காடு; மேடு; கோட்டை; வயிற்றுக்கட்டிவகை; வருத்தம்; மரவகை; புனமுருங்கை; வட்டம்; விரைவு.

காதலை - காதல் -  அன்பு; காமவிச்சை; பத்தி; வேட்கை; ஆவல்; மகன்; சிற்றிலக்கியவகையுள்ஒன்று; கொல்லுதல்; தறித்தல்; ஆந்தைக்குரல்.

வாழி - வாழ்கஎன்னும்பொருளில்வரும்வியங்கோள்சொல்; ஓர்அசைச்சொல்

மதி - சந்திரன்; மாதம்; ஒன்றுஎன்னும்எண்ணைக்குறிக்கும்குழூஉக்குறி; இராசி; குபேரன்; இடைகலை; காண்க:மதிநாள்; மதிஞானம்; கற்கடகராசி; இயற்கையறிவு; பகுத்தறிவு; வேதத்தின்படிநடத்தல்; மதிப்பு; காசியபரின்மனைவி; அசோகமரம்; அதிமதுரம்; ஒருமுன்னிலையசைச்சொல்; ஒருபடர்க்கையசைச்சொல்; யானை.

முழுப்பொருள்

காதலன் நிலவைப்பார்த்து கூறுகிறான்: நிலவே! பெண்கள் குறிப்பாக என் காதலியின் முகம் போல் தோற்றப்பொலிவுக் கொண்டு ஒளி விசுவாய் என்றால் நீயும் என் காதலை அன்பை பெறுவாய். அதாவது ஒளி விசும் முகம் கொண்ட பெண்ணிடம் தனது மனதை தொலைத்துவிட்டான் காதலன். இதனை நிலவிடம் கூறுவதுப்போல் காதலியின் செவியில் படும் வண்ணம் காதலன் கூறியிருக்கலாம்.

மேலும்: அஷோக் உரை

பரிமேலழகர் உரை

(இதுவும் அது.) மதி வாழி - மதியே வாழ்வாயாக; மாதர் முகம் போல ஒளி விடவல்லையேல் காதலை - இம்மாதர்முகம் போல யான் மகிழும் வகை ஒளிவீச வல்லையாயின், நீயும் என் காதலையுடையையாதி ('மறு உடைமையின் அது மாட்டாய்; மாட்டாமையின் என்னால் காதலிக்கவும்படாய்', என்பதாம். 'வாழி' இகழ்ச்சிக் குறிப்பு.).

மணக்குடவர் உரை

மதியே! நீ இம்மாதர் முகம்போல ஒளிவிட வல்லையாயின் நீயும் எம்மாற் காதலிக்கப்படுதி. வாழி- அசை. இது மறுப்போயினதாய முகமென்று கூறப்பட்டது.

மு.வரதராசனார் உரை

திங்களே! இம் மாதரின் முகத்தைப் போல உண்ணால் ஒளி வீச முடியுமானால், நீயும் இவள் போல் என் காதலுக்கு உரிமை பெறுவாய்.

சாலமன் பாப்பையா உரை

நிலவே! நீ வாழ்க! என் மனைவியின் முகம்போல் நான் மகிழும்படி ஒளிவீசுவாய் என்றால் நீயும் என் காதலைப் பெறுவாய்.

அறிதோறு அறியாமை கண்டற்றால் காமம்

 

குறள் 1110

அறிதோறு அறியாமை கண்டற்றால் காமம்

செறிதோறும் சேயிழை மாட்டு

[காமத்துப்பால், களவியல், புணர்ச்சிமகிழ்தல்]

பொருள்

அறிது - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

தோறு - ஒவ்வொன்றும், ஒவ்வொரு பொழுதும் என்னும் பொருளில் வரும் ஓர்இடைச்சொல்

அறியாமை  - அறியாத்தன்மை; மடமை

கண்டு - கற்கண்டு; நூற்பந்து; கண்டங்கத்தரி; கட்டி; கழலைக்கட்டி; ஓர்அணிகலஉரு; அக்கி; வயல்.

அற்று - அத்தன்மையது; அதுபோன்றது; ஓர்உவமஉருபு; ஒருசாரியை.

அற்றால் -  தன்மை அறிந்து

காமம் - ஆசை, அன்பு, விருப்பம்; இன்பம்; புணர்ச்சியின்பம்; காமநீர்; ஊர்; குடி; இறை.

செறி - நெருக்கம்

தோறும் - தோறு - ஒவ்வொன்றும், ஒவ்வொரு பொழுதும் என்னும் பொருளில் வரும் ஓர்இடைச்சொல்

சேயிழை - cēy-iḻai   n. செம்-மை + இழை Woman, as wearing beautiful ornaments;[அழகு திருந்திய அணியுடையாள்] பெண் சேயிழைகணவ (பதிற்றுப். 88, 36).  cēyiẕai   s. Splendid ornaments, நல் லணி. 2. A richly adorned lady, one of the fair sex, பெண். (p.) See இழை. சேயிழைமார்--சேயிழையார். s. The ornamented fair.

மாட்டு - அகன்றுகிடப்பினும் அணுகிய நிலையில் கிடப்பினும் பொருள் முடியு மாற்றாற் கொண்டு கூட்டிய சொல் முடிவு கொள்ளும் முறை; அடி; சொல்.

முழுப்பொருள்

நூல்கள் பலவற்றை ஆழமாக கற்கும் தோறும் நாம் அறிந்துக்கொள்வது எல்லாம் நமது அறியாமையை. அதுவும் ஏற்கனவே வாசித்த புத்தகத்தை மறுபடியும் வாசிக்கும் பொழுது நமக்கு புதிது புதிதாக ஒன்று தெரிந்துக்கொண்டே இருக்கிறது. அப்பொழுதும் நாம் அறிவது நமது அறியாமையை. புதியவற்றை நாம் கற்கும் பொழுதும் நாம் நமது அறியாமையை தான் அறிகிறோம். ஏனெனில் இவையெல்லாம் முன்பே அங்கு தான் இருக்கின்றன. நாம் ஒன்றும் புதிதாய் கண்டுப்பிடிக்கவில்லை. அதுவும் புதிதாக தோன்றவில்லை. ஆனால் ஆழமாக படிக்கும் பொழுதே புதிதாய் நாம் அறிகிறோம். நுனிப்புல் மேய்தால் ஒன்றும் அறிந்துக்கொள்ள மாட்டோம்.

ஒவ்வொரு முறையும் நூல்கள் கற்கும் பொழுது எப்படி அறியாமையை அறிந்துக்கொள்கிறோமோ அதுப்போல அழகிய நகைகளை (புற அணிகலன்களான தங்க நகை முத்து வைரம் போன்ற மணிநகைகளும் மற்றும் அக நகைகளான கண், அழகிய பல்வரிசை நிறைந்த வாய், புன்னகை) அணிந்துள்ள காதலியுடன் (பிரிந்தப்பின்) நெருங்கி கூடும் பொழுதும் பெறும் இன்பம் ஆகும். ஒவ்வொரு முறைக் கூடும் பொழுதும் புதியதோர் இன்பதை அறிகிறேன் அவளிடம். ஆனால் அதுவும் அகத்தால் ஆழமாக நினைத்து கூடும் பொழுது மட்டுமே அறிய முடியும் என்று நூல்களுடன் ஒப்பிட்டு குறிப்புணர்த்துகிறார் திருவள்ளுவர்.

அறிதோறும் அறியாமையைக் காண்பது பற்றிய பழமொழிப் (332) பாடலொன்று:

சொற்றொறும் சோர்வு படுதலால் சோர்வின்றிக்

கற்றொறும் கல்லாதேன் என்று வழியிரங்கி

உற்றொன்று சிந்தித்து உழன்றுஒன்(று) அறியுமேல்

கற்றொறுந்தான் கல்லாத வாறு.

ஓர் இன்பத்தை அடையும் பொழுது அங்ஙனம் அடையாது நின்ற நாளுக்கு வருந்துதல், சோம்பலின்றி அறியாதவனாக மதித்து ஆராயவே இந்த அறிவு தோன்றும். அது தோன்றுமாதலால் மேலும் மேலும் கற்றலான ஊக்கம் பிறக்கும். அதனான் மிகுந்த இன்பம் பெறலாம். சிறந்த பொருள்களை அறியும் அருமை நோக்கியே ஆசிரியர் ‘உற்று ஒன்று சிந்தித்து உழன்று ஒன்று அறியுமேல்‘ என அறிவதன் அருமைக் கூறப்படுகிறது,

திருக்கோவையார் (9) பாடலொன்று மேலும் வெளிச்சமாகவே, கீழ்வருமாறு கூறும்

உணர்ந்தார்க் குணர்வரி யோன்றில்லைச் சிற்றம் பலத்தொருத்தன் 

குணந்தான் வெளிப்பட்ட கொவ்வைச்செவ் வாயிக் கொடியிடைதோன்

புணர்ந்தாற் புணருந் தொறும்பெரும் போகம்பின் னும்புதிதாய்

மணந்தாழ் புரிகுழ லாளல்குல் போல வளர்கின்றதே.

மேலும்: அஷோக் உரை

அறிதலைப் பற்றி எழுத்தாளர் ஜெயமோகனின் சில வார்த்தைகள் [புலிப்பாணி கட்டுரையில் இருந்து சில பகுதிகள்]

ஆனால் நம்மைச்சுற்றி எழுதப்படும் கவிதைகளில் மிகப்பெரும்பாலானவை மிகமிக எளிமையான அன்றாட உணர்வுகளால் ஆனவை. உறவும் பிரிவுமென, அறிதலும் மயக்குமென இங்கே நடந்துகொண்டிருக்கும் வாழ்க்கையை திரும்ப நமக்கே சொல்பவை. அறிந்தவற்றை அவற்றில் கண்டுகொண்டு, ஆம் நானுமறிவேன் என்று சொல்வதையே இங்கே எளிய கவிதைவாசகர் கவிதையனுபவமென அடைந்துகொண்டிருக்கிறார்கள். உச்சங்கள் என எழும் கணங்களை அடையும் கவிதைகள் அரிதாகிக்கொண்டிருக்கின்றன. மெய்மைநாட்டத்தையும் மெய்மையைத் துறத்தலையும், அறிதலையும் அறிதலின்மையில் அமைதலையும் முன்வைக்கும் ’சற்றே ஆழ்ந்த’ கவிதைகளை எப்போதோதான் வாசிக்க இயல்கிறது.

ஏனென்றால் வாசகர் அறிவை அல்ல, கவிஞனிடமிருந்து தங்கள் அறிதலுக்கொரு சான்றை விரும்புகிறார்கள். அறிந்ததை அறிவதென்பது அறிவல்ல, பலசமயம் அது அறிந்தவற்றைக் கொண்டு கவசங்கள் செய்து அறிதலை தடுத்துக்கொள்ளும் முயற்சிதான். எந்த இலக்கியப்படைப்பும் நாம் சற்றுமறியாத ஒன்றைச் சொல்லப்போவதில்லை. நாம் அறிந்த துளியை பெருக்கி மலையென நிற்கச்செய்வதே இலக்கியத்தின் வழி. நம் புறம் அறிந்தவற்றில் இருந்து நம்மை நம் அகமறிந்தவற்றை நோக்கி படைப்புகள் கொண்டுசெல்கின்றன. அவற்றை உணரும் கூருணர்வு கொண்ட வாசகர் சிலரே எச்சூழலிலும் இருக்க இயலும். ஆகவே பெருவாரியானவர்கள் விரும்புவது ஒருபோதும் கவிதையென ஆவதில்லை. கவிதை ஒரு சூழலின் பொதுரசனையின் எல்லைக்கு நீடுதொலைவு முன்னால் சென்றுகொண்டிருக்கும் வழிகாட்டி விண்மீன்.

எழுத்தாளர் ஜெயமொகனின் வெண்முரசு-இமைக்கணம்-16 இல் இப்படி சில வரிகள் வருகிறது

இன்றுவரையிலான மானுட வாழ்க்கை காட்டுவதொன்றே. அறிதொறும் அறியாமை கண்டு அறியமுடியாமையின் இரும்பாலான தொடுவானில் சென்று தலையறைந்து விழுந்து மடிபவர்கள்தான் அறிவுதேடுபவர்கள். நான் முழுமையை அறிய விழையவில்லை, அனைத்துக்கும் விடை தேடவில்லை. என் கைகள் ஆற்றும் செயலை மட்டும் அறிய விரும்புகிறேன். ஏனென்றால் நான் எனக்கு பொறுப்பேற்றுக்கொள்ள விழைகிறேன். அடுமனையில் சமைப்பவன் தான் இடும்பொருட்களில் எது நஞ்சென்றாவது அறிந்திருக்கவேண்டும் அல்லவா?

எழுத்தாளர் ஜெயமோகனின் வெண்முரசு-இமைக்கணம்-19 இல் ஒரு வரி இப்படி வருகிறது

“அறியாமையால் சூழப்பட்டுள்ளது அறிவு. கருவை கருவறைக்குருதி என. அறிவு அறியாமையையே உடலெனக்கொண்டு எழுகிறது. அறியாமை அதன் ஊர்தி. சென்றடைவதுவரை உடனிருப்பது” என்றார் இளைய யாதவர். 

பரிமேலழகர் உரை

(புணர்ந்து உடன் போகின்றான் தன்னுள்ளே சொல்லியது.) அறிதோறு அறியாமை கண்டற்று - நூல்களானும் நுண்ணுணர்வானும் பொருள்களை அறிய முன்னை அறியாமை கண்டாற்போலக் காணப்படாநின்றது; சேயிழைமாட்டுச் செறிதோறும் காமம் - சிவந்த இழையினையுடையாளை இடைவிடாது செறியச்செறிய இவள்மாட்டுக் காதல். (களவொழுக்கத்திற் பல இடையீடுகளான் எய்தப்பெறாது அவாவுற்றான், இதுபொழுது நிரந்தரமாக எய்தப் பெற்றமையின், 'செறிதோறும்'என்றார். அறிவிற்கு எல்லை இன்மையான், மேன்மேல் அறியஅறிய முன்னையறிவு அறியாமையாய் முடியுமாறு போலச் செறிவிற்கு எல்லையின்றி, மேன்மேற் செறியச் செறிய முன்னைச் செறிவு செறியாமையாய் முடியாநின்றது எனத்தன் ஆராமை கூறியவாறு. இப்புணர்ச்சி மகிழ்தல் தலைமகட்கும் உண்டேனும் அவள்மாட்டுக் குறிப்பான் நிகழ்வதல்லது கூற்றான் நிகழாமை அறிக.).

மணக்குடவர் உரை

யாதானும் ஒன்றை அறியுந்தோறும் அறியாமை தோன்றினாற்போலும், இச்சேயிழைமாட்டுப் புணர்ச்சியும் புணருந்தோறும் அமையாமை. காமப்புணர்ச்சியாயிற்று. இஃது அமையாமையின் கூற்று.

மு.வரதராசனார் உரை

செந்நிற அணிகலன்களை அணிந்த இவளிடம் பொருந்துந்தோறும் காதல் உணர்தல்,நூற் பொருள்களை அறிய அறிய அறியாதமைக் கண்டாற் போன்றது.

சாலமன் பாப்பையா உரை

நூல்களாலும் நுண் அறிவாலும் அறிய அறிய முன்னைய நம் அறியாமை தெரிவதுபோல, நல்ல அணிகளை அணிந்திருக்கும் என் மனைவியுடன் கூடக் கூட அவள் மீது உள்ள என் காதற்சுவையும் புதிது புதிதாகத் தெரிகிறது.

ஊடல் உணர்தல் புணர்தல் இவைகாமம்

 

குறள் 1109

ஊடல் உணர்தல் புணர்தல் இவைகாமம்

கூடியார் பெற்ற பயன்

[காமத்துப்பால், களவியல், புணர்ச்சிமகிழ்தல்]

பொருள்

ஊடல் - தலைவன் தலைவியருள் உண்டாகும் பிணக்கு பொய்ச்சினம் பகைத்தல் வெறுத்தல்

உணர்தல் - அறிதல்; நினைதல், கருதுதல் ஆராய்தல் இயல்புணர்தல்; ஊடல்நீங்குதல்; தெளிதல் துயிலெழுதல் பகுத்தறிதல் நுகர்தல் தொட்டறிதல்; பாவித்தல்

புணர்தல் - பொருந்துதல்; கலவிசெய்தல்; அளவளாவுதல்; மேற்கொள்ளுதல்; ஏற்புடையதாதல்; விளங்குதல்; எழுத்துமுதலியனசந்தித்தல்; உடலிற்படுதல்; கூடியதாதல்; தலைவனும்தலைவியும்கூடுதலாகியகுறிஞ்சிஉரிப்பொருள்.

இவை -அண்மையிலுள்ள பொருள்களைச் சுட்டுதற்குரிய சொல்.

காமம் - ஆசை, அன்பு, விருப்பம்; இன்பம்; புணர்ச்சியின்பம்; காமநீர்; ஊர்; குடி; இறை.

கூடல் - மதுரை; பொருந்துகை; புணர்தல்; ஆறுகள்கூடுமிடம்; தேடல்; தலைவனைப்பிரிந்ததலைவிஅவன்வரும்நிமித்தமறியத்தரையில்சுழிக்கும்சுழிக்குறி:அடர்த்தியானதோப்பு.

கூடியார் - கூடியவர்கள் 

பெற்ற - பெறுதல் - அடைதல்; பிள்ளைபெறுதல்; பிறப்பித்தல்; அறிதல்; விலைத்தகுதியுடையதாதல்.

பயன் - பலன்; வினைப்பயன்; சொற்பொருள்; செல்வம்; பழம்; அகலம்; சாறு; பால்; வாவி; அமுதம்; நீர்.

முழுப்பொருள்

காதல் கொண்டதால் பெற்ற பயன் என்ன? காதலர்கள் இருவரும் காதலித்தாலும் அவர்களுக்குள்ளும் மெய்யாகவோ பொய்யாகவோ சிறு சிறு பிணக்குகள் வரும். பிணக்குகளால் இருவரும் ஆவேசம் கூட அடைவர். அவ்வூடலை இருவரில் ஒருவருரோ அல்லது இருவரும் அதில் உள்ள அறியாமையை உணர்ந்து அமைதியடைவர். சிறிது நேரத்திலோ அல்லது சிறிது நாட்களிலோ இருவரும் அவ்வூடல் பெரிதாவதை விரும்பாமல் அதனை நிறைவு செய்ய விரும்பி அவ்வூடலை முடித்து அதனை கொண்டாட கூடுவர்.  கூடும் பொழுது ஒருவரை ஒருவரை நுகருவர் (foreplay). காமம் அகம் சார்ந்த ஒரு விஷயம். ஆதலால் நுகரும் பொழுது ஒருவரை ஒருவர் உணருவர். தக்க நேரத்தில் புணருவர். புணரும் பொழுது குறிப்பறிந்து தக்க நேரத்தில் இருவரும் ஒருநேரத்தில் உச்சத்தை தொடும் பொழுது இன்பதை பெறுவர். அப்படிப் கூடி தழுவிப் புணரும் பொழுது இவரும் பெறும் இன்பமே இன்பம். அதனால் தான் ஊடலும் உணர்தலும் புணர்தலும் ஆகிய மூன்றும் காதலால் கூடிய காதலர்கள் பெற்ற பயன் என்றென்கிறார் திருவள்ளுவர்.

நெல்லிக்கனியை உண்டால் துவர்க்கும். ஆனால் சற்று நேரம் கழித்து கொஞ்சம் தண்ணீர் குடித்தால் இனிக்கும். அதுப்போல் தான் ஊடலும் கூடலும். முதலில் துவர்த்தது இறுதியில் இனிக்கும்.

இதைப் பெண்களுக்குரிய இயல்பாக நாலடியார் பாடலொன்று கூறும்; கண்ணனுக்கு இனிதான உடல் வனப்பை உடையவளாகவும், தன் காதலானது விருப்பத்திற்கு ஏற்ற வகையில் எல்லாம் தன்னை அலங்கரித்துக் கொள்ளுபவளாகவும், அச்சம் உடையவளாகவும் ஊரில் உள்ள பிற ஆண்கள் அஞ்சி ஒதுங்கும் இயல்பை உடையவளாகவும், தன் கணவனுக்கு அஞ்சி, பணிந்து, காலமறிந்து அவனோடு பிணங்கிப், பின் இன்பம் உண்டாகும்படி உடனே அறிந்து ஊடல் தீர்க்கின்றவளாகவும் கபடமில்லாத பேச்சுக்களை உடையவளாகவும் இருப்பவளே சிறந்த மனைவியாவாள். அப்பாடல்:

“கட்கினியாள் காதலன் காதல் வகைபுனைவாள்

உட்குடையாள் ஊர்நாண் இயல்பினாள் – உட்கி

இடனறிந் தூடி இனிதின் உணரும்

மடமொழி மாதராள் பெண்”. (நாலடி 384)

மேலும்: அஷோக் உரை

 பரிமேலழகர் உரை

(கரத்தல் வேண்டாமையின், இடையறிவு இல்லாத கூட்டமே இன்பப் பயனுடைத்து என வரைவு கடாவியாட்குச் சொல்லியது.) ஊடல் உணர்தல் புணர்தல் இவை - புணர்ச்சி இனிதாதற் பொருட்டு வேண்டுவதாய ஊடலும், அதனை அளவறிந்து நீங்குதலும், அதன்பின் நிகழ்வதாய அப்புணர்ச்சிதானும் என இவை அன்றே; காமம் கூடியார் பெற்ற பயன் - வரைந்து கொண்டு காமத்தை இடைவிடாது எய்தியவர் பெற்ற பயன்கள்? ('ஆடவர்க்குப் பிரிவு என்பது ஒன்று உளதாதல் மேலும், அதுதான் பரத்தையர் மாட்டாதலும், அதனையறிந்து மகளிர் ஊடி நிற்றலும், அவவூடலைத் தவறு செய்தவர் தாமே தம் தவறின்மை கூறி நீக்கலும், பின்னும் அவ்விருவரும் ஒத்த அன்பினரய்க் கூடலுமன்றே முன்வரைந்தெய்தினார் பெற்ற பயன். அப்பயன் இருதலைப் புள்ளின் ஓருயிராய் உழுவலன்புடைய எமக்கு வேண்டா', என அவ்வரைந் தெய்தலை இகழ்ந்து கூறியவாறு.).

மணக்குடவர் உரை

ஊடுதலும் ஊடல் தீர்தலும், பின்னைப் புணர்தலுமென்னுமிவை அன்பினாற் கூடினார் பெற்ற பயன். காமம் - அன்பு. புணர்தலெனினும் பேணுதலெனினும் ஒக்கும். ஊடற் குறிப்பு தோன்றநின்ற தலைமகளை ஊடல் தீர்த்துப் புணர்ந்த தலைமகன் அதனால் வந்த மகிழ்ச்சி கூறியது.

மு.வரதராசனார் உரை

ஊடுதல், ஊடலை உணர்ந்து விடுதல், அதன்பின் கூடுதல் ஆகிய இவை காதல் வாழ்வு நிறைவேறப் பெற்றவர் பெற்ற பயன்களாகும்.

சாலமன் பாப்பையா உரை

படுக்கைக்குப் போகுமுன் சிறு ஊடல் செய்தல், தவறு உணர்ந்து சமாதானம் ஆதல், அதன்பின் கூடல் இவை அல்லவா திருமணம் செய்து கொண்டவர் பெற்ற பயன்கள்!.

தம்மில் இருந்து தமதுபாத்து உண்டற்றால்

 

குறள் 1107

தம்மில் இருந்து தமதுபாத்து உண்டற்றால்

அம்மா அரிவை முயக்கு

[காமத்துப்பால், களவியல், புணர்ச்சிமகிழ்தல்]

பொருள்

தம் - ஒருசாரியைஇடைச்சொல்; மூச்சடக்குகை; மூச்சு.

இல்  - இடம்; வீடு இல்லறம் மனைவி மருதமுல்லைநிலங்களின்தலைவியர்; குடி இராசி தேற்றாங்கொட்டை இன்மை சாவு எதிர்மறைஇடைநிலை; ஐந்தாம்வேற்றுமைஉருபு; ஏழாம்வேற்றுமைஉருபு.

இருந்து - இருத்தல் - உளதாதல்; நிலைபெறுதல் உட்காருதல் உள்ளிறங்குதல்; உயிர்வாழ்தல் அணியமாயிருத்தல்; உத்தேசித்தல் ஒருதுணைவினை; முல்லைஉரிப்பொருள்.

தமது - tamatu   gen. of தாம், his.

பாத்து - பகுக்கை; பங்கு; பாதி; இணை; நீக்கம்; சோறு; கஞ்சி; ஐம்புலவின்பம்; விளைவுக்குறைச்சலுக்காகச்செய்யப்படும்வரித்தள்ளுபடி; நான்குஎன்னும்பொருள்கொண்டகுழூஉக்குறி.

உண்டு - adv. part. of உண். - உண்ணுதல் - உணவுஉட்கொள்ளுதல்; பொருந்துதல் நுகருதல்; அனுபவித்தல் இசைவாதல்.

அற்று - அத்தன்மையது; அதுபோன்றது; ஓர்உவமஉருபு; ஒருசாரியை.

அற்றால் - தன்மை அறிந்து

அம் - அழகு; நீர் மேகம் விகுதி சாரியை

மா - ஓர்உயிர்மெய்யெழுத்து(ம்+ஆ); விலங்கு; குதிரை; யானை; குதிரை, பன்றி, யானைஆகியவற்றின்ஆண்; சிம்மராசி; வண்டு; அன்னம்; விலங்குவடிவமாய்ப்பிறக்கும்மானுடம்; மாமரம்; அழைக்கை; சீலை; ஆணி; துன்பம்பொறுக்கை; ஓர்அசைச்சொல்; திருமகள்; செல்வம்; கலைமகள்; மாற்று; ஒருநிறை; கீழ்வாயிலக்கத்துள்ஒன்று; நிலவளவைவகை; வயல்; நிலம்; வெறுப்பு; கானல்; ஆகாதுஎன்னும்பொருளில்வரும்ஒருவடசொல்; பெருமை; வலி; அழகு; கருமை; நிறம்; மாமைநிறம்; அரிசிமுதலியவற்றின்மாவு; துகள்; நஞ்சுக்கொடி; அளவை; இயற்சீர்இறுதியிலுள்ளநேரசையைக்குறிக்கும்சொல்.

அரிவை - பெண், இருபது முதல் இருபத்தைந்து ஆண்டுவரை உள்ள பெண்.

முயக்கு - தழுவுதல்; புணர்ச்சி; சம்பந்தம்.

முழுப்பொருள்

அந்த அழகிய அரிவையுடன் (இருபது முதல் இருபத்தைந்து அகையுள்ள பெண்ணுடன்) கூடி நான் கொண்ட இன்பம் எப்படிப்பட்டது தெரியுமா? என் உழைப்பில் ஈன்ற செல்வத்தில் இருந்து நான் மற்றவர்களுடன் பகிர்ந்து உண்ணும் பொழுது நானும் மற்றவர்களும் பெறும் மன இன்பம் போன்றதாகும். என் உழைப்பில் பகிர்ந்து அளிக்கும் இன்பம் பெருமையானது, அறமானது தூய்மையானது. அதுப்போல் இப்பெண்ணுடன் நான் கொண்ட புணர்ச்சியின்பமும் மிகவும் அறம் வாய்ந்தது. நேர்மையானது. தூய்மையானது. ஏனெனில் அது உள்ளத்தில் இருந்து அகத்தில் இருந்து வந்ததாகும். புற ஈர்ப்பால் வந்தது அல்ல. 

On a side note (From Chithra Balasubramanian)

Wizard  of Oz கதையில் Dorothy சொல்வது போல ஒரு வசனம் வரும்.

"There is no place like home "

வீடு. தனக்கே தனக்கான வீடு என்பது பெரும் கனவு போல இருந்திருக்கிறது.

இலக்கிய உவமைகளில் வீடு முக்கியத்துவம் பெற்றதை இரண்டு இடங்களில் காணலாம்

குறுந்தொகையில் 83 வது பாட்டு

"தம்மிற் தமது உண்டன்ன " என்கிறது.

குறள் இன்னும் சற்று விரிவாகத் தலைவியைத் தழுவும் இன்பத்திற்கு இதனை உவமையாக்குகிறது.

"தம்மில் இருந்து தமது பாத்து உண்டற்றால்

அம்மா அரிவை முயக்கு"

மேலும்: அஷோக் உரை

ஒப்புமை

”தம்மில் தமதுண் டன்ன” (குறுந் 83:3)

“தந்தமில் இருந்து தாமும் விருந்தொடும் தமரி னோடும்

அந்தணர் முதலோர் உண்டி அயில்வுறும் அமலைத் தெங்கும்” (கம்ப.நாட்டுப் 19)

“அம்மா அரிவையும் வருமோ” (குறுந் 63:3)

”அரிமதர் மழைக்கண் அம்மா அரிவை” (புறநா 349:5)

பரிமேலழகர் உரை

(இவளை நீ வரைந்துகொண்டு உலகோர் தம் இல்லிருந்து தமது பாத்துண்ணும் இல்லறத்தோடு படல் வேண்டும் என்ற தோழிக்குச் சொல்லியது ) அம்மா அரிவை முயக்கம் - அழகிய மாமை நிறத்தையுடைய அரிவையது முயக்கம்; தம்மில் இருந்து தமது பாத்து உண்டற்று - இன்பம் பயத்தற்கண் தமக்குரிய இல்லின்கண் இருந்து உலகோர் தம்தாளான் வந்த பொருளைத் தென்புலத்தார் தெய்வம் விருந்து ஒக்கல்கட்குப் பகுத்துத் தம் கூற்றை உண்டாற் போலும். (தொழில் உவமம். 'இல்லறஞ்செய்தார் எய்தும் துறக்கத்து இன்பம் எனக்கு இப்புணர்ச்சியே தரும்' என வரைவு உடன்படான் கூறியவாறாயிற்று).

மணக்குடவர் உரை

தம்மிடத்திலே யிருந்து, தமது தாளாண்மையால் பெற்ற பொருளை இல்லாதார்க்குப் பகுத்து உண்டாற்போலும், அழகிய மாமை நிறத்தினையுடைய அரிவை முயக்கம்.

மு.வரதராசனார் உரை

அழகிய மா நிறம் உடைய இவளுடைய தழுவுதல், தம்முடைய வீட்டிலிருந்து தாம் ஈட்டிய பொருளைப் பகுந்து கொடுத்து உண்டாற் போன்றது.

சாலமன் பாப்பையா உரை

அழகிய மா நிறப் பெண்ணாகிய என் மனைவியிடம் கூடிப் பெறும் சுகம், தன் சொந்த வீட்டில் இருந்து கொண்டு, தன் உழைப்பில் வந்தவற்றைத் தனக்குரியவர்களுடன் பகிர்ந்து உண்ண வரும் சுகம் போன்றது.

கண்ணொடு கண்இணை நோக்கொக்கின் வாய்ச்சொற்கள்

 

குறள் 1100

கண்ணொடு கண்இணை நோக்கொக்கின் வாய்ச்சொற்கள்

என்ன பயனும் இல

[காமத்துப்பால், களவியல், குறிப்பறிதல்]

பொருள் 

கண் -  விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

கண்ணொடு - கண்ணுடன் 

கண் -  விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

இணை - இசைவு; ஒப்பு இரட்டை உதவி கூந்தல் எல்லை இணைத்தொடை; (வி)சேர்; கூட்டு

நோக்கு - நோக்குதல் - பார்த்தல்; கருதுதல்; கவனித்தல்; திருத்துதல்; பாதுகாத்தல்; அருளுதல்; ஒத்தல்; ஒப்பிட்டுப்பார்த்தல்; படித்தல்; விரும்புதல்; கண்காணித்தல்.

ஒக்கின் - ஒக்குதல் - ஒத்திருக்கை; கொப்புளித்தல்; பிற்படவிடல்.

வாய்ச் - உதடுஅல்லதுஅலகுஇவற்றினிடையிலுள்ளஉறுப்பு; பாண்டம்முதலியவற்றின்திறந்தமேற்பாகம்; வாய்கொண்டஅளவு; உதடு; விளிம்பு; ஆயுதத்தின்முனை; மொழி; வாக்கு; குரல்; மெய்ம்மை; சிறப்பு; சிறப்புடையபொருள்; வாசல்; வழி; மூலம்; இடம்; துலாக்கோலின்வரை; தழும்பு; துளை; வாத்தியக்குழல்; ஏழுனுருபு; ஓர்உவமஉருபு.

சொற்கள் - சொல் - மொழி; பேச்சு; பழமொழி; உறுதிமொழி; புகழ்; மந்திரம்; சாபம்; கட்டளை; புத்திமதி; பெயர்ச்சொல்; வினைச்சொல்; இடைச்சொல், உரிச்சொல்என்னும்நால்வகைமொழிகள்; தமிழ்மொழியில்உள்ளஇயற்சொல், திரிசொல், திசைச்சொல், வடசொல்எனநால்வகைப்பட்டமொழிகள்; நாடகவரங்கில்பேசப்படும்உட்சொல், புறச்சொல்; ஆகாசச்சொல்என்பன; சத்தம்; நாமகள்; பேசச்செய்வதானகள்; நெல்.

என்ன - யாது; என்னபயன்; ஓர்உவமவுருபு.

பயனும் - பலன்; வினைப்பயன்; சொற்பொருள்; செல்வம்; பழம்; அகலம்; சாறு; பால்; வாவி; அமுதம்; நீர்.

இல - இல்லை - illai   1. ille இல்லெ 2-3. ille, -(1)le இல்லெ, (-ல்)லெ 1. no (int.) 2. not (neg. v.) 3. isn't it? (with rising intonation); you know! (with falling intonation) tag marker  

முழுப்பொருள்

காதலர் ஒருவர் கண்ணின் பார்வைக்கு ஏற்றவாரு மற்றொருவரின் (அப்பார்வைக்கான) இசைவுக் கொண்ட கண் நோக்க ஒத்திருந்தால் அவர்கள் கண்களின் மூலம் பேச துவங்கிவிட்டார்கள் என்று அர்த்தம். அவர்களின் அகம் கண்களின் மூலமாக பேசுகிறது. அதன் பிறகு அவர்கள் வாய் மூலம் பேசினால் என்ன பேசாவிட்டால் என்ன? ஏனெனில் அவர்கள் வாய் சொற்களால் பேசி ஒரு பயனுமில்லை. 

கம்பன் இதையொட்டியே மிதிலைப்படலத்தில் (25) வரும், “கண்ணொடு கண்ணினை கௌவி ஒன்றை ஒன்றுண்ணவும்” வரிகளைச் சொன்னான் போலும்.

அதனால் தான் ”கண்ணும் கண்ணும் கொள்ளையடித்தால் காதல் என்று அர்த்தம்” என்று எழுதினானோ?

”சொல்லும் ஆடுப கண்ணி னாளே” (தொல்.களவு.23.ந.மேற்)

“தூதுசெய் கண்கள்கொண் டொன்று பேசித்

தூமொழி இசைகள் கொண்டொன்று நோக்கி” (திருவாய் 9,9,9)

“கூற்றம் போலுங் கொலைக்கண்ணி னாலன்றி

மாற்றம் பேசுகி லாளை” (கம்ப.எழுத்திப் 36)

மேலும்: அஷோக் உரை

பரிமேலழகர் உரை

(இதுவும் அது) கண்ணொடு கண்இணை நோக்கு ஒக்கின் - காமத்திற்கு உரிய இருவருள் ஒருவர் கண்களோடு ஒருவர் கண்கள் நோக்கால் ஒக்குமாயின்; வாய்ச்சொற்கள் என்ன பயனும் இல - அவர் வாய்மை தோன்றச் சொல்லுகின்ற வாய்ச்சொற்கள் ஒரு பயனும் உடைய அல்ல. (நோக்கால் ஒத்தல்: காதல் நோக்கினவாதல். வாய்ச் சொற்கள்: மனத்தின்கண் இன்றி வாயளவில் தோன்றுகின்ற சொற்கள். இருவர் சொல்லும் கேட்டு உலகியல்மேல் வைத்துக் கூறியவாறு. இருவர் சொல்லுமாவன: அவள் புனங்காவல் மேலும், அவன் வேட்டத்தின் மேலும் சொல்லுவன. பயனில் சொற்களாகலின்,இவை கொள்ளப்படா என்பதாம். இவை புணர்தல் நிமித்தம்.).

மணக்குடவர் உரை

கண்களோடு கண்கள் காமக்குறிப்பினால் நோக்கும் நோக்கம் ஒக்குமாயின் வாயினாற் சொல்லுஞ் சொற்கள் ஒரு பயனுடையவல்ல. இது சார்தலுறுகின்ற தலைமகன் தன்னெஞ்சிற்குச் சொல்லியது.

மு.வரதராசனார் உரை

கண்களோடு கண்கள் நோக்காமல் ஒத்திருந்து அன்பு செய்யுமானால் வாய்ச் சொற்கள் என்ன பயனும் இல்லாமற் போகின்றன.

சாலமன் பாப்பையா உரை

காதலரில் ஒருவர் கண்ணோடு மற்றொருவர் கண்ணும் பார்வையால் பேசிவிட்டால் அதற்கு பிறகு வாய்ச் சொற்களால் ஒரு பயனும் இல்லை.

Thirukkural - Management - Public Speaking - Body Language

Though Valluvar wrote this kural 1100, to refer to the body languagae of lovers, the message is applicable to body language of everyone. Establshing eye contact is important for all on all occasions. Lovers communicate through their eyes. When the eyes of lovers connect, the words they speak do not have any meaning,

When eyes with eyes commingle

What do words avail?

A person's eye are so powerful that they communicate a lot. When there is a connection of the eyes, the words spoken by the mouth do not have any value over the connection of the eyes.

In common practice, if we understand the language of eyes, we will get many clues to the thoughts of the other person. Eyes communicate passionately. Look people in the eyes. Practice the art of establishing eye contact with your audience. Your eyes are magnetic. They command attention and convince your listeners.

ஏதிலார் போலப் பொதுநோக்கு நோக்குதல்

 

குறள் 1099

ஏதிலார் போலப் பொதுநோக்கு நோக்குதல்

காதலார் கண்ணே உள

[காமத்துப்பால், களவியல், குறிப்பறிதல்]

பொருள் 

ஏதிலார் - அயலார்; பகைவர்; பரத்தையர்.

போலப் - ஓர்உவமவுருபு, போன்று

பொதுநோக்கு - சமநோக்கு; எல்லோரையும்ஒப்பநோக்குகை; விருப்புவெறுப்பற்றபார்வை; இயற்கையாகஅமைந்தஅறிவு.

நோக்குதல் - பார்த்தல்; கருதுதல்; கவனித்தல்; திருத்துதல்; பாதுகாத்தல்; அருளுதல்; ஒத்தல்; ஒப்பிட்டுப்பார்த்தல்; படித்தல்; விரும்புதல்; கண்காணித்தல்.

காதலார் - காதலர் 

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

கண்ணே - இடத்தே

உள - உள்ள, உள்ளல், உள்கல், உள்குதல், நினை, எண்ணு, மதி

உள- உள்ளது, யாது அனைத்தையும் உண்டாக்க வேண்டும் என்று இருந்தால்

முழுப்பொருள்
காதல் வயப்பட்ட பெண்ணும் ஆணும் ஒருவரை ஒருவர் காதலித்தாலும் பொது இடங்களில் ஒருவரை ஒருவர் பார்த்துக்கொள்ளும் பொழுது அயலாரைப் பார்ப்பது போல் பார்த்துக்கொள்கின்றனர். அத்தகைய பார்வை காதலர் கண்களுக்கு உண்டுப் போல.

இதில் மூன்று உள்ளது.

1. ஒருவர் மற்றொருவரை பார்ப்பதுப் போல் பார்க்கிறார்கள். ஆனால் அது காதலர் கண்களில் உள்ளது என்பதனால் அது எவ்வளவு இயல்பாக இருப்பினும் அது சாதாரணப்பார்வைகளில் இருந்து தனித்து தெரிவதால் அது காதலின் குறிப்பு என்று அவர்களுக்கே தெரிந்துவிடுகிறது. அதனால் மற்றொருவர் அதனை உணர்ந்துக்கொள்கிறார்.

2. ஒருவரை ஒருவர் காதலிப்பது மற்றவர்களுக்கு தெரியக்கூடாது என்பதனால் அவர்கள் பொதுவாக பார்ப்பதுப்போல் நோக்கினாலும் அது மற்ற பார்வைகளில் இருந்து தனித்து தெரிவதால் இவர்கள் காதலர்கள் என்ற குறிப்பு மற்றவர்களுக்கு தெரிந்துவிடுகிறது. அதனால் காதலர்கள் காதலை வெளிக்காண்பிக்கூடாது என்று நினைத்தாலும் குறிப்புணர முடியும் இச்சமூகத்தால் என்று நாம் உணரலாம். 

3. காதலர்கள் சராரசியாக நடந்துக்கொண்டதால் சமூகத்தால் உணரமுடியவில்லை என்றும் உணரலாம். ஏனெனில் பின்பு மடலேர்தல் எல்லாம் வருகிறது.  உதாரணமாக எனது கல்லூரி காலங்களில் சில காதல் ஜோடிகள் காதலித்தது பல வருடம் கழித்துத்தான் எங்களுக்கு தெரியும். அவர்கள் காதலித்தப்பொழுது எங்களுக்கு தெரியவே தெரியாது. அதற்கான எவ்வித குறிப்பும் அவர்கள் பொதுவில் வழங்கவில்லை. இத்தனைக்கும் அவர்கள் எங்கள் உடன் குழுவாக படிப்பார்கள் (group study), பேருந்துகளில் பயணிப்பார்கள். 

மேலும்: அஷோக் உரை

பரிமேலழகர் உரை

(தோழி மதியுடம்படுவாள் தன்னுள்ளே சொல்லியது) ஏதிலார் போலப் பொதுநோக்கு நோக்குதல் - முன்னறியாதார் போல ஒருவரையொருவர் பொதுநோக்கத்தான் நோக்குதல்; காதலார் கண்ணே உள - இக்காதலையுடையர் கண்ணே உளவாகாநின்றன. (பொது நோக்கு : யாவர் மாட்டும் ஒரு தன்மைத்தாய நோக்குதல் தொழில் ஒன்றேயாயினும், இருவர்கண்ணும் நிகழ்தலானும், ஒருவர்கண்தானும் குறிப்பு வேறுபாட்டால் பலவாம் ஆகலானும், 'உள' எனப் பன்மையாற் கூறப்பட்டது. இருவரும் 'மது மறைந்துண்டார் மகிழ்ச்சிபோல உள்ளத்துள்ளே மகிழ்தலின்' (இறையனார்-8) அதுபற்றிக் 'காதலார்' என்றும், அது புறத்து வெளிப்படாமையின் 'ஏதிலார் போல' என்றும் கூறினாள்.).

மணக்குடவர் உரை

அயலார்போலப் பொது நோக்கத்தால் நோக்குதல் காதலித்தார் மாட்டே யுளதாம். இது குறித்து நோக்காமையும் உடன்படுதலென்றது.

மு.வரதராசனார் உரை

புறத்தே அயலார்போல் அன்பில்லாத பொது நோக்கம் கொண்டு பார்த்தல், அகத்தே காதல் கொண்டவரிடம் உள்ள இயல்பாகும்.

சாலமன் பாப்பையா உரை

முன்பின் தெரியாதவர் போல, பொதுவாக பார்த்தப் பேசுவது காதலர்களிடம் இருக்கும் குணந்தான்.