உளரெனினும் இல்லாரொடு ஒப்பர் களன்அஞ்சிக்

 

குறள் 730
உளரெனினும் இல்லாரொடு ஒப்பர் களன்அஞ்சிக்

கற்ற செலச்சொல்லா தார்

[பொருட்பால், அமைச்சியல், அவையஞ்சாமை]

பொருள்

உளர் - உடந்தை; உடையவர்; வாழ்கின்றோர்

எனினும் - என்றுசொல்லினும்; ஆனாலும்

இல்லாரொடு - இல்லார் - இல்லாதவர்

ஒப்பர்- ஒப்பு - பொருத்தம்; ஒருதன்மை; ஒப்புமை; உவமை; தகுதி; சமம்; இசைவு; அழகு; கவனம்; ஒப்பாரி; சாயல்; உடன்படுகை.

களன் - மருதநிலம்; இடம்; பொய்கை; ஒலி; கழுத்து; தொடர்பு; மயக்கம்.

அஞ்சிக் - அஞ்சுதல் - பயப்படுதல்

கற்ற - கற்கை - பயிலுதல்

செலச் - செறிவாக, மனம் உணரும் அளவிற்கு

சொல்லுவார் - உரைப்பவர், சொல்லுபவர், விளுக்குபவர்

சொல்லாதார் - சொல்லாதவகள்; உரைக்காதவர்கள்

முழுப்பொருள்

உளர் என்ற சொல்லுக்கு இரண்டு பொருள்களை எடுத்துக்கொள்ளாலாம். அப்படி எடுத்தால் பொருள் என்னவென்ற பார்க்கலாம்

1. உளர் - உடையது/(கல்விச்)செல்வம்; நூல்கள் பல கற்று/வாசித்து கல்விச்செல்வத்தை பெற்றிருந்தாலும் சான்றோர்கள் அறிஞர்கள் கூடியுள்ள அவையில் செறிவாக தெளிவாக நன்றாக பேச அஞ்சுபவர் கல்வி அறிவில்லாதவர் (கல்வியில் வறுமையானவர்க்கு) ஒப்பானவர்கள். ஏனெனில் கல்லாதவரும் கற்றவர் அவையில் பேச அஞ்சுவர். 

2. உளர் - உயிருடன் வாழ்தல்; நூல்கள் பல கற்று/வாசித்தும் சான்றோர்கள் அறிஞர்கள் கூடியுள்ள அவையில் செறிவாக தெளிவாக நன்றாக பேச அஞ்சுபவர் உயிர் இருந்தும் (உயிரோடு வாழ்ந்தாலும்) உயிரில்லாத பிணத்திற்கு சமம் என்று கடுமையாக கூறுகிறார் திருவள்ளுவர். பிணங்கள் எதற்கும் பயனற்றது. துர்நாற்றம் வீசுவது. பிறருக்கு தீமைக்கொடுப்பது. அதுப்போலவே அரைகுறை கல்வியால் இவர்களும் தீமையைக்கொடுப்பார்கள் என்பதனால் கூட திருவள்ளுவர் கூறியிருப்பார். 

முன்பு கல்லாமை அதிகாரத்திலும் இதே கருத்தை ஓட்டி குறியிருந்தார் திருவள்ளுவர். “குறள் 406 உளரென்னும் மாத்திரையர் அல்லால் பயவாக் களரனையர் கல்லா தவர் (கல்லாமை அதிகாரம்)” . அதாவது கல்வி கல்லாதோர் உயிர் உடமில் ஒட்டிக்கொண்டுள்ள ஒரு மிக சாதாரணமான/ கேவலமான உடம்பு என்கிறார் திருவள்ளுவர். இவர்கள் எதற்கு ஒப்பாவர்கள் என்றால் பயனே தராத விளைச்சலே தராத களர் நிலத்திற்கு. கல்வி இல்லாதவர்கள் மற்றவர் யாருக்கும் எவ்வித பயனையும் தர மாட்டார்கள். [அத்தகைய நிலம் இவ்வுலகத்திற்கு பாரம் போன்றே இந்த மனிதர்களும் உலகிற்கு பாரம்]. அதனையே திருவள்ளுவர் கூறுகிறார். 

முன்பு, சொல்வன்மை அதிகாரத்தில், இக்குறள் போல் அதிகாரமாக(order) இல்லாது, சிறிது உறைப்புக் குறைவாகவே, தாம் கற்றதை நன்கு விரிவாக உரைக்கத் தெரியாதவர், மணமில்லா பூங்கொத்துக்குச் சமம் என்றார் வள்ளுவர் கீழ்வரும் குறளால்.

“குறள் 650
இணரூழ்த்தும் நாறா மலரனையர் கற்றது 

உணர விரித்துரையா தார்”

குறள் 406

உளரென்னும் மாத்திரையர் அல்லால் பயவாக் 

களரனையர் கல்லா தவர்

மேலும்: அஷோக் உரை

பரிமேலழகர் உரை

களன் அஞ்சிக் கற்ற செலச் சொல்லாதார் - அவைக்களத்தை அஞ்சித் தாம் கற்றவற்றை அதற்கு ஏற்கச் சொல்ல மாட்டாதார்; உளர் எனினும் இல்லாரொடு ஒப்பர் - உயிர் வாழ்கின்றாராயினும் உலகத்தாரால் எண்ணப்படாமையின் இறந்தாரோடு ஒப்பர். (ஈண்டுக் 'களன'¢ என்றது ஆண்டிருந்தாரை. இவை ஐந்து பாட்டானும் அவைஅஞ்சுவாரது இழிவு கூறப்பட்டது.).

மணக்குடவர் உரை

உளராயினும் செத்தாரோடு ஒப்பார்: அவைக்களத்தை அஞ்சித் தாம் கற்றதனை அதற்கு இசையச் சொல்லமாட்டாதார். இது செத்தாரோடு ஒப்பரென்றது. இவை ஐந்தும் அவையஞ்சுதலான் வருங்குற்றம்கூறின.

மு.வரதராசனார் உரை

அவைக்களத்திற்கு அஞ்சித் தாம் கற்றவைகளைக் (கேட்பவர் மனத்தில்) பதியுமாறு சொல்ல முடியாதவர், உயிரோடு வாழ்ந்தலும் இறந்தவர்க்கு ஒப்பாவர்.

சாலமன் பாப்பையா உரை

அவையைப் பார்த்துப் பயந்து, படித்தவற்றை அவைக்கு ஏற்பச் சொல்லத் தெரியாதவர், வாழ்ந்தாலும் வாழாதவர்க்குச் சமமே.

Thirukkural - Management - Public Speaking - Fear of speaking 

Valluvar uses a simile in Kural 730 to stress the importance of fearless speaking. If a person possesses supreme knowledge and possesses fear to present his knowledge to the learned audience, he is similar to a person who is dead. 

Those who thorough stage-fright keep 

their learning to themselves 

Though living, are dead. A dead person’s knowledge is of no use to anyone. Similarly, a fearful person’s knowledge is not useful to anyone. A person who does not speak confidently and convincingly in public is in no way different from a person who cannot speak. Though the person who cannot speak is physically alive, he is mentally dead.

கல்லா தவரின் கடையென்ப கற்றறிந்தும்

 

குறள் 729
கல்லா தவரின் கடையென்ப கற்றறிந்தும்

நல்லா ரவையஞ்சு வார்

[பொருட்பால், அமைச்சியல், அவையஞ்சாமை]

பொருள்

கல்லாதவரின் - கற்காதவர் (கற்காதவராக இருப்பினும்),  நெறிநூல்கள் கல்லாதவர்

கடை - முடிவு; இடம்; எல்லை; அங்காடி; கீழ்மை; தாழ்ந்தோன்; வாயில்; புறவாயில்; பக்கம்; பணிப்பூட்டு; காம்பு; ஒருவினையெச்சவிகுதி; ஏழனுருபு; பின்; கீழ்; சோர்வு; வழி; பெண்குறி.

என்ப - என்பார்கள்; எனறுசொல்லப்படுவன; என்றுசொல்லுவர்; ஓர்அசைச்சொல்.

கற்று - கற்கை; படித்தல்; நூல்கள் பயின்று

அறிந்தும் - அறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

நல்லார் - நற்குணமுடையோர்; பெரியோர்; கற்றார்; மகளிர்

அவை  - மாந்தர்கூட்டம்; அறிஞர்கூட்டம்; சபாமண்டபம் புலவர் நாடகஅரங்கு; பன்மைச்சுட்டு; அப்பொருள்கள்.

அஞ்சுதல் -  பயப்படுதல்

அஞ்சுவார் - பயப்படுவார்; அச்சம் கொள்வார் 

முழுப்பொருள் 

நூல்கள் கற்றிருந்தும் கல்வி பயின்ற கற்றோர்கள் (என சொல்லிக்கொள்வோர்), கற்றோர்கள் சான்றோர்கள் அறிஞர்கள் கூடியுள்ள அவையில் பேச / உரைக்க அஞ்சினால் (கற்றதனால் என்னபயன்? என்பது மட்டும் இன்றி) அவர்கள் கல்லாதவர்களை காட்டிலும் கீழானவர்கள். 

ஏனெனில் கல்லாதவர்கள் எதனையும் கற்கவில்லை ஆதலால் கற்றபிக்கும் ஆசிரியரின் நேரத்தை அவர்கள் எடுத்துக்கொள்ளவில்லை. ஆனால் கற்கும் ஒருவர் ஆசிரியரின் நேரத்தை எடுத்துக்கொள்கிறார் தனது நேரத்தையும் செலவிடுகிறார். ஆனால் சரிவர கற்காததனால் நன்றாக பேச முடியாமல் அவையை அஞ்சுகிறார். ஆதலால் தனது நேரத்தையும் பிறர் நேரத்தையும் வீண் செய்தலால் அவர் கல்லாதவரைவிடவும் கீழானவர். தானும் கல்வியால் பயன்பெறாது பிறருக்கும் பயனில்லாமல் இருப்பதால் அவர் கல்வித்துன்பம் எய்தி நிற்பதால் (துன்பத்தை சுமப்பதால்) கல்லாதவரைவிடவும் கீழானவர். மேலும் கற்காதவர் முன்னிலையில் கற்றவர்களின் மானத்தை வாங்குகிறார். அதனாலும் கீழானவர்.  

கற்றிருந்தும் கற்றோர் அவையில் பேசுதற்கு அஞ்சுபவரை கோழைகளென்றும், அவர்களின் அறிவு வீரமில்லா பேடியின் கை வாளென்றும் கூறி, பின்னர் அவர்கள் கற்ற கல்வியால் பயன் யாதென்று வினவி, இக்குறளில் அவர்கள் கல்லாத மூடரைவிட கீழானவர் என்று சொல்லி அவைக்கஞ்சாமையை வலிமையாகச் சொல்லுகிறார் வள்ளுவர்.

மேலும்: அஷோக் உரை

ஒப்புமை

”கழறும் அவைஅஞ்சான் கல்வி இனிதே” (இனியவை 13)

பரிமேலழகர் உரை

கற்று அறிந்தும் நல்லார் அவை அஞ்சுவார் - நூல்களைக் கற்றுவைத்தும், அவற்றால் பயனறிந்து வைத்தும், நல்லார் இருந்த அவையினை அஞ்சி ஆண்டுச் சொல்லாதாரை; கல்லாதவரின் கடை என்ப - உலகத்தார் கல்லாதவரினும் கடையர் என்று சொல்லுவர். (அக்கல்வி அறிவுகளால் பயன் தாமும் எய்தாது பிறரை எய்துவிப்பதும் செய்யாது, கல்வித்துன்பமே எய்தி நிற்றலின், 'கல்லாதவரின் கடை' என உலகம் பழிக்கும் என்பதாம்.). 

மணக்குடவர் உரை

கல்லாதவரினும் கடையரென்று சொல்லப்படுவர்; உலகநூல் கற்றறிந்துவைத்தும் நல்லாரிருந்த அவையின்கண் சொல்லுதலஞ்சுவார். இது கல்லாதவரினும் இகழப்படுவரென்றது.

மு.வரதராசனார் உரை

நூல்களைக் கற்றிந்த போதிலும் நல்ல அறிஞரின் அவைக்கு அஞ்சுகின்றவர், கல்லாதவரை விடக் கடைப்பட்டவர் என்று கூறுவர்.

சாலமன் பாப்பையா உரை

நூல்களைக் கற்றும் அவற்றின் பயனை அறிந்தும், நல்லவர் கூடிய அவையைக் கண்டு பயந்து அங்கே செல்லாதவர், படிக்காதவரைவிடக் கீழானவர் என்று சொல்லுவர்.

Thirukkural - Management - Public Speaking - Fear of speaking 

Even if a person has learned, according to Kural 729, from many books and other resources, but afraid of speaking in the presence of educated and wise people, he will be considered less educated than people who are not educated.

The world will rate the tongue-tied scholar 

As worse than the ignorant. 

Thorough or proper learning for a person is gaining the ability to put across his views convincingly and courageously in the presence of educated people. 

பல்லவை கற்றும் பயமிலரே நல்லவையுள்

குறள் 728
பல்லவை கற்றும் பயமிலரே நல்லவையுள்

நன்கு செலச்சொல்லா தார்

[பொருட்பால், அமைச்சியல், அவையஞ்சாமை]

(For meaning in English, scroll to the bottom of this post)

பொருள்

பல்லவை - பலபொருள்; இழிவானபொருள்; இழிவு.

கற்றும் - கற்கை , படித்தல், நூல்கள் பயின்று

பயம் - அச்சம்; அச்சச்சுவை; வாவி; அமுதம்; பால்; நீர்; பலன்; வினைப்பயன்; பழம்; இன்பம்; அரசிறை; தன்மை.

இலரே - இல்லாதவர்கள்; மக்கள் இல்லை 

நல் - நல்ல; வறுமை; நல்ல - நன்மையான; மிக்க; கடுமையான.

அவை - மாந்தர்கூட்டம்; அறிஞர்கூட்டம்; சபாமண்டபம் புலவர் நாடகஅரங்கு; பன்மைச்சுட்டு; அப்பொருள்கள்.

உள் - உள்ளிடம்; உள்ளம்; மனம்; இடம்; மறை; மனவெழுச்சி; ஒருகுறிப்புவினைப்பகுதி; தொழிற்பெயர்விகுதி; ஏழாமவேற்றுமைஉருபு; உள்ளான்என்னும்பறவை.

நன்கு - அழகு; மிகுதி; நல்லது; நலம்; நிலைபேறு; நன்னிமித்தம்; மகிழ்ச்சி; மிகவும்; இதம்.

செலச் - செறிவாக, மனம் உணரும் அளவிற்கு

சொல்லுவார் - உரைப்பவர், சொல்லுபவர், விளுக்குபவர்

சொல்லாதார் - சொல்லாதவர்கள்

முழுப்பொருள் 

பலநூல்கள் கற்றும் நல்லவர்களும் அறிஞர்களும் சான்றோர்களும் கூடியுள்ள அவைதனில் தான் செறிவாக தெளிவுடன் உரைக்கத் தெரியாதவர்கள் பலநூல் வாசித்தும் பயனில்லை. அவர்களாலும் பயனில்லை. 

ஏன் பயனில்லை? 

ஏனெனில் நூல்களை தெளிவாக கற்றிருந்தால் அவையில் உரைக்க தன்னம்பிக்கை இருக்கும். நூல்களை கசடற கற்காத பொழுது நூல்களை கூறுபவற்றை உணராத பொழுதே தன்னம்பிக்கை குறைவாக இருக்கும். அல்லது தன்னம்பிக்கை இருப்பினும் நூல்களை சரிவர கற்கவில்லை என்றால் அவையில் நன்றாக உரைக்கமுடியாமல் சான்றோர்களின் கேள்விக்கு பதில் சொல்லமுடியாமல் சிறுமைபடுவர். ஆதலால் சரியாக அவையில் நன்றாக பேச முடியாததற்கு காரணம் நூல்களை சரிவர கற்காதது, தான் கற்றவற்றில் உறுதியாக இல்லாதது. ஆதலால் பல நூல்களை வெறுமென வாசித்து (வாசிப்பதால்) ஒரு பயனுமில்லை.

மேலும்: அஷோக் உரை

பரிமேலழகர் உரை

நல்லவையுள் நன்கு செலச் சொல்லாதார் - நல்லார் இருந்த அவைக்கண் நல்ல சொற்பொருள்களைத் தம் அச்சத்தான் அவர்க்கு ஏற்கச் சொல்லமாட்டாதார்; பல்லவை கற்றும் பயம் இலரே - பல நூல்களைக் கற்றாராயினும் உலகிற்குப் பயன்படுதல் இலர். (அறிவார் முன் சொல்லாமையின் கல்வியுண்மை அறிவாரில்லை என்பதாம். இனிப் 'பயமிலர்' என்பதற்கு, 'கல்விப் பயனுடையரல்லர்' என்று உரைப்பாரும் உளர்.).

மணக்குடவர் உரை

பலநூல்களைக் கற்றாலும் ஒருபயனில்லாதவரே: நல்லவையின்கண் நன்றாக அவர்க்கு ஏற்கச் சொல்ல மாட்டாதார். இஃது அவையஞ்சுவார் கற்றகல்வி பிறர்க்குப் பயன்படாதென்றது.

மு.வரதராசனார் உரை

நல்ல அறிஞரின் அவையில் நல்லப் பொருளைக் கேட்பவர் மனதில் பதியுமாறு சொல்ல முடியாதவர், பல நூல்களைக் கற்றாலும் பயன் இல்லாதவரே.

சாலமன் பாப்பையா உரை

நல்லனவற்றை நல்லவர் கூடிய அவையில் அவர் மனங் கொள்ளச் சொல்லத் தெரியாதவர், பலதுறை நூல்களைக் கற்றிருந்தாலும் உலகிற்குப் பயன்படாதவரே.

Thirukkural - Management - Public Speaking - Fear of speaking 

Similar to Kural 727, Kural 728 also houses a simile. Though a person has read a lot, is considered learned but fearful and cannot put across his ideas and thoughts impressively in the assembly of learned and wise people, his knowledge is similar to a person who has fear in the middle of a battlefield. Therefore, a learned person’s responsibility is to connect fearlessly with his listeners and inspire them to action.

They are useless however learned

Who cannot impress the wise.

English Meaning - As I taught a kid - Rajesh

A person can read and learn hundreds and hundreds of books, magazines, materials.  However, great learning might serve no purpose when one shy's away (due to fear) from speaking compellingly / convincingly / confidently to a good learned audience. 

Some of the reasons why one has fear of public speaking is 1) Not learnt the subject deeply 2) Not prepared and practiced 3) Not having courage 4)  Not having practice of talking to a learned audience 5) Learning without clarifying doubts.

Questions that I ask to the kid

A learned person is not able to speak in front of a learned audience. Explain more.

புல்லவையுள் பொச்சாந்தும் சொல்லற்க நல்லவையுள்

 

குறள் 719
புல்லவையுள் பொச்சாந்தும் சொல்லற்க நல்லவையுள்

நன்குசலச் சொல்லு வார்

[பொருட்பால், அமைச்சியல், அவையறிதல்]

பொருள்

புல் - தாவரவகை; ஒருசார்விலங்குகளின்உணவுவகை; புதர்; கம்பு; புன்செய்த்தவசம்; காண்க:புல்லரிசி; மருந்துச்செடிவகை; பனை; தென்னை; அனுடநாள்; புல்லியது; இழிவு; கபிலநிறம்; புணர்ச்சி; சிவல்; புலி.

புல்லியர் - pulliyr   s. A tribe of low people as புலையர்; [ex புல்.] (p.)

அவை - மாந்தர்கூட்டம்; அறிஞர்கூட்டம்; சபாமண்டபம் புலவர் நாடகஅரங்கு; பன்மைச்சுட்டு; அப்பொருள்கள்.

உள் - உள்ளிடம்; உள்ளம்; மனம்; இடம்; மறை; மனவெழுச்சி; ஒருகுறிப்புவினைப்பகுதி; தொழிற்பெயர்விகுதி; ஏழாமவேற்றுமைஉருபு; உள்ளான்என்னும்பறவை.

பொச்சாப்பு - மறதி; பொல்லாங்கு; குற்றம்; உறுதியின்றி மனம் நெகிழ்ந்திருக்கை

பொச்சாந்தும் - பொச்சா-த்தல் - poccā-   12 v. tr. 1. Toforget; மறத்தல். புல்லவையுட் பொச்சாந்துஞ் சொல்லற்க (குறள், 719). 2. To deride, ridicule; இகழ்தல். கொடையளிக்கட் பொச்சாவார் (ஆசாரக். 67)

சொல்லுதல் - பேசுதல்; அறிவித்தல்; திருப்பிக்கூறுதல்; கட்டளையிடுதல்; புத்திகூறல்; புகழ்தல்; களைதல்

சொல்லற்க - சொல்லாதே 

நல் - நல்ல; வறுமை.

அவை - மாந்தர்கூட்டம்; அறிஞர்கூட்டம்; சபாமண்டபம் புலவர் நாடகஅரங்கு; பன்மைச்சுட்டு; அப்பொருள்கள்.

உள் - உள்ளிடம்; உள்ளம்; மனம்; இடம்; மறை; மனவெழுச்சி; ஒருகுறிப்புவினைப்பகுதி; தொழிற்பெயர்விகுதி; ஏழாமவேற்றுமைஉருபு; உள்ளான்என்னும்பறவை.

நன்கு - அழகு; மிகுதி; நல்லது; நலம்; நிலைபேறு; நன்னிமித்தம்; மகிழ்ச்சி; மிகவும்; இதம்.

செலச்சொல்லித் - செலுத்தல்

செலுத்தல் - செல்¹(லு)-தல்

-> To be effective; to have influence;பயனுறுதல். செல்வர்வாய்ச் சொற்செல்லும் (நாலடி,115).

-> To last, endure, exist; நிலைத்திருத்தல்.செல்லாதவ் விலங்கை வேந்தர்க் கரசென (கம்பரா.இந்திரசித். 56)

எண்பொருளவாகச் செலச்சொல்லி -> Communicating your thoughts in language easy to be understood; சொல்ல வேண்டிய சிந்தனைகளை / கற்றவற்றை எளிமையாக மனதில் புரிந்துக்கொள்ளும் வகையில் சொல்லுதல்

செலச் - செறிவாக, மனம் உணரும் அளவிற்கு

சொல்லுவார் - உரைப்பவர், சொல்லுபவர், விளுக்குபவர்

முழுப்பொருள்

நூல்கள் பல கற்ற சான்றோர்கள் பெரியோர்கள் கூடிய அவையில் நன்றாக கசடற செறிவாக உரைக்கக்கூடியவர்கள் நல்ல பேச்சாளர்கள். அவர்கள் கற்றோர்கள். அவர்கள் பல நூல்களை நுணுகி கற்று உணர்ந்தவர்கள். அவர்களின் சிறப்பு அவர்கள் அவையில் பேசியதில் தெரியும். அத்தகைய கற்றோர்கள் அறிவில்லாத கீழோர்கள் உள்ள அவையில் மறந்தும்கூட பேசமாட்டார்கள். 

கீழோர் / அறிவற்றோர் அவையில் கற்றார்ப்போல் பேசுவதில் பயன் என்ன? கீழோர் அவையில் பேசியதனால் நாம் கற்றவர்கள் ஆகிவிட மாட்டோம். 

ஆதலால் எப்படி பேசுகிறோம் என்பதைப் போல எந்த அவையில்பேசுகிறோம் என்பதும் பேசுகிறவரின் சிறப்பை பறைசாற்றும். 

ஏன் கீழோர் அவையில் பேசமாட்டார்கள்?

1. கீழோர்கள் நாம் பேசுபவற்றை உள்வாங்க மாட்டார்கள். நேரம் வீணாகும். ஆற்றல் வீணாகும்

2. கீழோர்கள் செறிவன பேசுக்களை கேட்கும் திறனற்றவர்கள்.

3. கீழோர்கள் வெட்டி விவாதம் செய்து கற்றோரை கீழ் இறக்குவர். 

4. கீழோர்கள் கற்றோரை மதிக்க மாட்டார்கள். அவமதிப்பார்கள். 

5. கீழோர் அவையில் பேசியதனால் நாம் கற்றவர்கள் ஆகிவிட மாட்டோம். கற்றோர் அவையில் பேசினால் தான் நாம் கற்றோர். 

ஆதலால் புல்லறிவாளர்களிடம் (அறிவில்லாதவர்களிடம்) பேசாதே.

கல்லாத மூடரிடம் பேசக்கூடாததைப் பழமொழிப் பாடலொன்று, “கல்லாதவரிடைக் கட்டுரையின் மிக்கதோர் பொல்லாத தில்லை ஒருவற்கு” என்கிறது. நாலடியார் பாடலொன்றும், “கைஞானம் கொண்டொழுகும் காரறிவாளர்முன் சொல்ஞானம் சோர விடல்” என்கிறது. கைஞானம் என்பது சிறுமை காட்டும் அறிவு என்பதாகும்.

குறள் 728

பல்லவை கற்றும் பயமிலரே நல்லவையுள்

நன்கு செலச்சொல்லா தார்.

மேலும்: அஷோக் உரை

பரிமேலழகர் உரை

நல்லவையுள் நன்கு செலச் சொல்லுவார் - நல்லார் இருந்த அவைக்கண் நல்ல பொருள்களை அவர் மனங்கொள்ளச் சொல்லுதற்குரியார்; புல்லவையுள் பொச்சாந்தும் சொல்லற்க - அவையறியாத புல்லர் இருந்த அவைக்கண் அவற்றை மறந்தும் சொல்லாதொழிக. (சொல்லின், தம் அவையறியாமையை நோக்கி நல்லவையும், பொருளறியாமையால் புல்லவைதானும் இகழ்தலின், இரண்டு அவைக்கும் ஆகார் என்பது கருதிப் 'பொச்சாந்தும் சொல்லற்க' என்றார்.).

மணக்குடவர் உரை

புல்லியவரிருந்த அவையின்கண் மறந்துஞ் சொல்லா தொழிக: நல்லவரிருந்த அவையின்கண் நல்லதனை இசையச் சொல்லவல்லார்.

மு.வரதராசனார் உரை

நல்ல அறிஞரின் அவையில் நல்ல பொருளைப் மனதில் பதியுமாறு சொல்லவல்லவர், அறிவில்லாதவரின் கூட்டத்தில் மறந்தும் பேசக் கூடாது.

சாலமன் பாப்பையா உரை

நல்லவர் கூடி இருந்த அவையில் நல்ல பொருள்களைக் கேட்பவர் மனம் ஏற்கப் பேசும் திறம் படைத்த பேச்சாளர், அவற்றை ஏற்கும் திறம் அற்ற சிறியோர் கூடி இருக்கும் அவையில் மறந்தும் பேச வேண்டா.

கற்றறிந்தார் கல்வி விளங்கும் கசடறச்

 

குறள் 717
கற்றறிந்தார் கல்வி விளங்கும் கசடறச்

சொல்தெரிதல் வல்லார் அகத்து

[பொருட்பால், அமைச்சியல், அவையறிதல்]

(For meaning in English, scroll to the bottom of this post)

பொருள்

கற்று - கற்றுக்கொள்ளுதல் - பயிலுதல்

அறிதல் - உணர்தல் , நினைத்தல் , மதித்தல்

அறிந்தார் - கற்றவர்கள்,

கல்வி - அறிவு; வித்தை; கற்கை; கற்கும்நூல்; பயிற்சி.

விளங்கும் -  விளங்கு - viḷaṅku   n. Lesser galangal.See சிற்றரத்தை, 1. (மலை.)

விளங்குதாரணத்ததாகுதல் viḷaṅku-tāraṇattatākutal, n. விளங்கு- + உதாரணம் + ஆகு-+. Being furnished with appropriate illustrations, one of ten nūl-aḻaku, q.v.; நூலழகு பத்தனுள் மேற்கோள் எளிதாக விளங்குவது. (நன். 13.)

விளங்கு-தல் - viḷaṅku-   5 v. [T. veḷuṅgu,K. beḷagu, M. viḷaṅṅuga.] intr. 1. Toshine; பிரகாசித்தல். பகல்விளங்குதியாற் பல்கதிர்விரித்தே (புறநா. 8). 2. To become renowned,illustrious; பிரசித்தமாதல். அவன் பெயர் எங்கும்

கசடு - குற்றம்; அழுக்கு; மாசு; தழும்பு; ஐயம்திரிபுகளாகியகுற்றங்கள்; வடு; அடிமண்டி; குறைவு.

அறச் -  அறவே, அற்ற, அல்லாத, இல்லாமல்

சொல் - மொழி; பேச்சு; பழமொழி; உறுதிமொழி; புகழ்; மந்திரம்; சாபம்; கட்டளை; புத்திமதி; பெயர்ச்சொல்; வினைச்சொல்; இடைச்சொல், உரிச்சொல்என்னும்நால்வகைமொழிகள்; தமிழ்மொழியில்உள்ளஇயற்சொல், திரிசொல், திசைச்சொல், வடசொல்எனநால்வகைப்பட்டமொழிகள்; நாடகவரங்கில்பேசப்படும்உட்சொல், புறச்சொல்; ஆகாசச்சொல்என்பன; சத்தம்; நாமகள்; பேசச்செய்வதானகள்; நெல்.

தெரிதல் - தோன்றுதல்; விளக்கமாதல்; அறிதல்; ஆராய்தல்; தெரிந்தெடுத்தல்; அரித்தெடுத்தல்; காணும்ஆற்றலைப்பெற்றிருத்தல்; மனமறிதல்; கேட்டல்.

வல்லார் - வலிமையுடையவர்; திறமையுள்ளவர்; வலுக்குறைந்தோர்; திறமையில்லாதவர்.

அகத்து - அகம்  - உள்ளம், இருப்பிடம்; பூமி மனை வீடு உள் மனம் அகப்பொருள் 'நான்'என்னும்அகங்காரம்; பாவம் அகம்பாவம் மார்பு ஏழாம்வேற்றுமையுருபு.

முழுப்பொருள்

கற்றோர் சான்றோர் கூடிய அவையில் கசடற (குற்றங்கள், குறைகள்) அல்லாமால் சரியான சொற்களில் தெளிவாக பேசும் பொழுது பல நூல்களை நுணுகி கற்று அறிந்து உணர்ந்தோரின் ஆழ்ந்த நுண்ணறிவு புலப்படும்.  

ஔவையாரின் மூதுரைப் பாடலை மீண்டும் நினைவு கூறுவோம். இப்பாடல் கற்றோரையும், கல்லாதவரையும் யார் விரும்புவர் என்பதைச் சொல்லும் பாடல்.

நற்றா மரைக்கயத்தில் நல்லன்னஞ் சேர்ந்தாற் போல்

கற்றாரைக் கற்றாரே காமுறுவர் – கற்பிலா

மூர்க்கரை மூர்க்கர் முகப்பர் முதுகாட்டிற்

காக்கை உகக்கும் பிணம்

மேலும்: அஷோக் உரை

பரிமேலழகர் உரை

கசடு அறச் சொல் தெரிதல் வல்லாரகத்து - வழுப்படாமல் சொற்களை ஆராய்தல் வல்லார் அவைக்கண் சொல்லின்; கற்று அறிந்தார் கல்வி விளங்கும் - பல நூல்களையும் கற்று அவற்றின் ஆய பயனை அறிந்தாரது கல்வி யாவர்க்கும் விளங்கித் தோன்றும். ('சொல்லின்' என்பது அவாய் நிலையான் வந்தது. ஆண்டே சொல்லுக என்பதாம்.).

மணக்குடவர் உரை

நூல்களைக்கற்று அதன்பயனும் அறிந்துள்ளாரது கல்வி விளங்காநிற்கும்; குற்றமறச் சொற்களைச் சொல்லவல்லார் முன்னர்ச் சொல்லின். இது கல்வியின் விழுப்பம் கற்றார்க்கல்லது பிறர்க்கு அறிதலரிதென்றது.

மு.வரதராசனார் உரை

குற்றமறச்சொற்களை ஆராயவதில் வல்ல அறிஞர்களிடத்தில் பல நூல்களைக் கற்றறிந்தவரின் கல்வியானது நன்றாக விளங்கித் தொன்றும்.

சாலமன் பாப்பையா உரை

சொற்களைப் பிழை இல்லாமல் பொருள் அறியும் ஆற்றல் படைத்தவர் கூடிய அவையில் பேசும்போது, பலவகை நூல்களையும் கற்று, அவற்றின் சிறப்பை அறிந்த பேச்சாளரின் கல்வித்திறம் அனைவருக்கும் விளங்கும்.

English Meaning - As I taught a kid - Rajesh

"A knowledgeable person's knowledge will be evident in the choice of words, which is appropriate and devoid of confusions/errors/possible-misinterpretations, providing clarity to the listeners in the hall. From those words, one can understand that the speaker has deeply read and analyzed many books to gain such a profound knowledge.

This thirukkural emphasis, reading and analyzing books, knowing the audience, choosing the right words, not providing room for misinterpretations and providing clarity to the audience. "

Questions that I ask to the kid

What can you infer by listening to a speaker?

ஆற்றின் நிலைதளர்ந் தற்றே வியன்புலம்

 

குறள் 716
ஆற்றின் நிலைதளர்ந் தற்றே வியன்புலம்

ஏற்றுணர்வார் முன்னர் இழுக்கு

[பொருட்பால், அமைச்சியல், அவையறிதல்]

பொருள்

ஆற்றின்  - ஆற்றுதல் - வலியடைதல்; கூடியதாதல்; போதியதாதல்; உய்தல் உவமையாதல்; செய்தல் தேடுதல் உதவுதல் நடத்துதல் கூட்டுதல் சுமத்தல் பசிமுதலியனதணித்தல்; துன்பம்முதலியனதணித்தல்; சூடுதணித்தல்; ஈரமுலர்த்துதல்; நூல்முறுக்காற்றுதல்; நீக்குதல்

நிலைதளர்ந்தல் - நிலைகுலை-தல் - nilai-kulai-   v. intr. id. +.1. To be ruined in circumstances; நிலைமைதவறுதல். 2. To swerve from the path of virtue;நெறிவழுவுதல். 3. To be discouraged; to loseself-command; to be disconcerted, perplexed;தயங்குதல். 4. To lose hold; to be unstrung நிலைமை தளர்தல் வச்சிரமுட்டிதன் னிலைகுலைந்துவிழுதலின் (கம்பரா. முதற்போர். 55). 5. To berouted, as an army; சிதறுண்ணுதல்.  

அற்று - அத்தன்மையது; அதுபோன்றது; ஓர்உவமஉருபு; ஒருசாரியை

அற்றே - அத்தமையானது, அப்படியானால்

வியன் - வானம்; பெருமை; சிறப்பு; வியப்பு; அகலம்; எண்ணின்ஒற்றை.

புலம் - வயல்; இடம்; திக்கு; மேட்டுநிலம்; பொறி; பொறியுணர்வு; அறிவு; கூர்மதி; துப்பு; நூல்; வேதம்.

ஏற்று - (வி)எழும்பு; உணர்த்து; பாரமேற்று; உள்ளேற்று; கற்பி; புகழ்.

உணர்தல் - அறிதல்; நினைதல், கருதுதல் ஆராய்தல் இயல்புணர்தல்; ஊடல்நீங்குதல்; தெளிதல் துயிலெழுதல் பகுத்தறிதல் நுகர்தல் தொட்டறிதல்; பாவித்தல்

உணர்வார்ப் - உணர்ந்து (அதன் படி நடப்பவர்)

முன்னர் - முன்பு; முற்காலத்தில்.

இழுக்கு -  குற்றம்; பொல்லாங்கு நிந்தை தாழ்வு மறதி வழுக்கு தவறு

முழுப்பொருள்

பலதுறைகளில் இருந்து பலதரப்பட்ட நூல்களைக் கேட்டு உணரும் கூர்மதி உடைய பலர் கூடியுள்ள அவையில் ஒருவர் தவறாக பேசினால் அது குற்றாமாகும். அதனால் அவர் சொல்லால் சிறுமைப்படுத்தபடுவார். அது மேலான நெறியிலிருந்து நிலைதவறி சிதறி விழுவதைப் போல ஆகும்.

ஒழுக்க நிலைப்பாட்டில் நின்றவரின் மாண்பு அது பிறழ்ந்தபோது தாழுதல் எவ்வளவு இழிவாகுமோ, அந்த அளவுக்கு இழிவு என்று சொல்லி, அவையறியாப் பேசுதலின் இழிவை வலிமையாகச் சொல்லுகிறார் வள்ளுவர்.

மேலும்: அஷோக் உரை

பரிமேலழகர் உரை

ஆற்றின் நிலை தளர்ந்தற்று - வீடு எய்தற்பொருட்டு நன்னெறிக்கண் நின்றானொருவன் அந்நெறியினின்றும் நிலை தளர்ந்து வீழ்ந்தாலொக்கும்; வியன் புலம் ஏற்று உணர்வார் முன்னர் இழுக்கு - அகன்ற நூற்பொருள்களை உட்கொண்டு அவற்றின் மெய்ம்மையை உணரவல்லார் அவைக்கண் வல்லானொருவன் சொல் இழுக்குப்படுதல். (நிலை தளர்ந்து வீழ்தல் 'உரன் என்னும் தோட்டியான் ஓரைந்தும்' (குறள்¢.24) காத்தொழுகியான்,பின் இழுக்கிக் கூடா ஒழுக்கத்தினால் பயன் இழத்தலே அன்றி இகழவும்படும் என்பதாம். இதனான் அதன்கண் இழுக்கியவழிப்படும் குற்றம் கூறப்பட்டது.).

மணக்குடவர் உரை

ஒரு நெறியின்கண் நின்றார் அந்நிலைமை குலைந்தாற் போல இகழப்படும், அகன்ற கல்வியைக் கேட்டறியவல்லார் முன்னர்த் தப்புதல். இது தப்புதல் வாராமற் சொல்லல் வேண்டுமென்றது.

மு.வரதராசனார் உரை

விரிவான அறிவுத்துறைகளை அறிந்து உணர்கின்றவரின் முன்னே குற்றப்படுதல், ஒழுக்கநெறியிலிருந்து நிலைத் தளர்ந்து கெடுவதைப் போன்றதாகும்.

சாலமன் பாப்பையா உரை

பலதுறை நூல்பொருள்களைக் கேட்டு உணரும் திறம் மிக்கவர்முன்னே ஆற்றல்மிக்க பேச்சாளன் சொல்லால் சிறுமைப்படுவது மேலான நெறியிலிருந்து நிலைதவறி விழுவதைப் போல ஆகும்.

பகைமையும் கேண்மையும் கண்ணுரைக்கும் கண்ணின்

 

குறள் 709
பகைமையும் கேண்மையும் கண்ணுரைக்கும் கண்ணின்

வகைமை உணர்வார்ப் பெறின்

[பொருட்பால்,  அமைச்சியல், குறிப்பறிதல்]

பொருள் 

பகைமையும் - பகைமை - எதிர்ப்பு

கேண்மையும் - நட்பு; உறவு; கண்ணோட்டம்; வழக்கு

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

உரைக்கும் - உரைத்தல் - ஒலித்தல்; சொல்லுதல் தேய்த்தல் மாற்றறியத்தேய்த்தல்; மெருகிடுதல் பூசுதல்

கண்ணின் - கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

வகைமை - வகை - கூறுபாடு; சாதியினம்; இனம்; முறை; வழி; காரணம்; தந்திரம்; வலிமை; தன்மை; வாழ்க்கைக்குரியபொருள்முதலியன; வணிகமுதல்; இடம்; உறுப்பு; குறுந்தெரு; மனையின்பகுப்பு; விவரம்; கூட்டப்படும்எண்கள்.

உணர்தல் - அறிதல்; நினைதல், கருதுதல் ஆராய்தல் இயல்புணர்தல்; ஊடல்நீங்குதல்; தெளிதல் துயிலெழுதல் பகுத்தறிதல் நுகர்தல் தொட்டறிதல்; பாவித்தல்

உணர்வார்ப் - உணர்ந்து (அதன் படி நடப்பவர்)

பெறின் - பெறுதல் - அடைதல்; பிள்ளைபெறுதல்; பிறப்பித்தல்; அறிதல்; விலைத்தகுதியுடையதாதல்.

முழுப்பொருள் 

ஒருவர் பகையுணர்வுடன் இருக்கிறாரா பேசுகிறாரா அல்லாது நட்புணர்வுடன் இருக்கிறாரா பேசுகிறாரா என்பதை ஒருவருடைய கண்கள் உரைக்கும். மனதில் இருப்பதை உரைக்கும் அவ்வலிமை கண்களுக்கு உண்டு. ஆதலால் கண்களின் இயல்பறிந்து அகமொழியின் கூறுபாடு தன்மை அறிந்து கண்களின் வேறுபாடறிந்து ஒருவரால் உணர முடியும். அவ்வாறு கண்களின் குறிப்பறிய உணரக்கூடியவரைப் பெற்றால் ஒரு அரசருக்கு மிக ஏதுவாக இருக்கும் ஏனெனில் கண் கண்டு குறிப்பறிதல் நுண்ணியார்க்கு அல்லது பிறர்க்கு அரிது அன்று. 

நாலடியார் பாடலொன்று இவ்வாறு செல்கிறது.

ஆற்றும் துணையும் , அறிவினை உள்அடக்கி 

ஊற்றம் உரையார் உணர்வு உடையார், ஊற்றம்

உறுப்பினால் ஆராயும் ஒண்மை உடையார்

குறிப்பின்கீழ்ப் பட்டது உலகு. (நாலடி 196)

இப்பாடலின் கருத்து இக்குறளின் கருத்தினை ஒட்டி வருவது. பேரறிவு கொண்டோர் ஒரு செயலைச் செய்து முடிக்கும் வரை அச்செயலை செய்து முடிக்கும் வழிமுறைகளை வெளிப்படுத்தார். எவருக்கும் தெரியாத வகையில் உள்ளத்தே வைத்து செயல் முடிப்பார். மேலும், பிறர் கொண்ட முயற்சிகளை அவரவருடைய முகம், கண் ஆகியவற்றின் அசைவுகளால் , ஆராய்ந்து அறியவல்ல நல்லறிவு உடையாரது குறிப்புக்குப் பணிந்து நடப்போர் உலகத்தவர். 

மேலும் அஷோக் உரை

ஒப்புமை

”திருத்திய பளிக்கு வேதித் தெள்ளிய வேல்கள் என்னக்

கருத்தியல் புரைக்கும் உண்கண்” (கம்ப.ஊர்தேடு.107)

“வண்டுளர் அலங்கலாய் வஞ்சர் வாண்முகம்

கண்டதோர் பொழுதினில் தெரியும் கைதவம்

உண்டெனின் அஃதவர்க் கொளிக்க வொண்ணுமோ

விண்டவர் நம்புகல் மருவி வீழ்வரோ” (கம்ப.விபீடணன்.90)

பரிமேலழகர் உரை

கண்ணின் வகைமை உணர்வார்ப் பெறின் - வேந்தர் தம் நோக்கு வேறுபாட்டின் தன்மையை அறியவல்ல அமைச்சரைப் பெறின்; பகைமையும் கேண்மையும் கண் உரைக்கும்- அவர்க்கு மனத்துக் கிடந்த பகைமையையும் ஏனைக் கேண்மையையும் வேற்று வேந்தர் சொல்லிற்றிலராயினும், அவர் கண்களே சொல்லும். (இறுதிக்கண் 'கண்' ஆகுபெயர். நோக்கு வேறுபாடாவன: வெறுத்த நோக்கமும், உவந்த நோக்கமும். உணர்தல்: அவற்றை அவ்வக்குறிகளான் அறிதல்.).

மணக்குடவர் உரை

ஒருவனோடுள்ள பகைமையையும் நட்பையும் கண்கள் சொல்லும்; கண்ணினது வேறுபாட்டையறிவாரைப் பெறின். இது கண் கண்டு குறிப்பறிதல் நுண்ணியார்க்கல்லது பிறர்க்கரிதென்றது.

மு.வரதராசனார் உரை

கண்பார்வையின் வேறுபாடுகளை உணரவல்லவரைப் பெற்றால்( ஒருவனுடைய மனதில் உள்ள) கையையும் நட்பையும் அவனுடைய கண்களே சொல்லி விடும்.

சாலமன் பாப்பையா உரை

அடுத்தவர்களின் பார்வை வேறுபடுவதைக் கொண்டே அவர்தம் மனக்கருத்தை அறியும் ஆற்றல் உடையவர்க்கு, பகைமையையும் நட்பையும் அவர்கள் சொல்லவில்லை என்றாலும் அவர்தம் கண்களே சொல்லிவிடும்.

நுண்ணியம் என்பார் அளக்குங்கோல் காணுங்கால்

 

குறள் 710
நுண்ணியம் என்பார் அளக்குங்கோல் காணுங்கால்

கண்ணல்லது இல்லை பிற

[பொருட்பால்,  அமைச்சியல், குறிப்பறிதல்]

பொருள் 

நுண்ணியம் - நுண்மை - கூர்மை; நுட்பம்; மிகுதி; வேலைத்திறம்; அறிவுநுட்பம்; பொருள்நுட்பம்; சிற்றுண்டி; கமுக்கம்.

நுண்ணறிவு - நுண்ணியபுத்தி.

என்பார்  - என்று கூறுவார்

அளக்கும்  - அளத்தல் - அளவிடுதல்; வரையறுத்தல் பிரமாணம்கொண்டுஅறிதல்; கொடுத்தல் கலத்தல் எட்டுதல்:கருதுதல்; அளவளாவுதல் வீண்பேச்சுப்பேசுதல்.

கோல் - கம்பு; மரக்கொம்பு; ஊன்றுகோல்; செங்கோல்; அளவுகோல்; எழுதுகோல்; ஓவியந்தீட்டுங்கோல்; முத்திரைக்கோல்; தீக்கடைகோல்; பிரம்பு; குதிரைச்சம்மட்டி; கொழு; அம்பு; ஈட்டி; குடைமுதலியவற்றின்காம்பு; யாழ்நரம்பு; துலாக்கோல்; துலாராசி; அரசாட்சி; ஐப்பசிமாதம்; அணியின்சித்திரவேலை; தூண்டில்; இலந்தைமரம்; தெப்பம்; திரட்சி.

கால் - ஒருவினையெச்சவிகுதி

காணுங்கால் - காணுதல் - அறிதல்; காண்டல்; சந்தித்தல்; செய்தல்; வணங்குதல்; பார்த்தல்

கண்  - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

அல்லது - தீவினை; தவிர

இல்லை  - இல்லை, உண்டுஎன்பதன்எதிர்மறை; இன்மைப்பொருளைஉணர்த்திஐம்பால்மூவிடத்திலும்வரும்ஒருகுறிப்புவினைமுற்று; சாதலைஉணர்த்திஐம்பால்மூவிடத்திலும்வரும்ஒருகுறிப்புவினைமுற்று.

பிற - மற்றவை; ஓர்அசைச்சொல்

முழுப்பொருள் 

கூறிய அறிவை வேலைத்திறனை உடைவன் என்று கூறிக்கொள்பவரின் (கருதுபவரின்) முறையை ஆராய்ந்தால் அவர் பிறரை அளப்பதை (ஆராய்வதை) கண்டால் அதில் (பிறரின்-)கண்ணை தவிர வேறு ஏதும் இல்லை என்பது புலப்படும். கண்ணின் குறிப்பறிய நுண்ணிய அறிவும் திறமையும் பயிற்சியும் தேவை. 

எழுத்தாளர் ஜெயமோகனின் வெண்முரசு (மகாபாரத்தில்) நாவல் தொடரில் பல இடங்களில் பல முக்கிய கதாபாத்திரங்கள் மற்றவர்களுடன் கண்களில் உரையாடுவத்ம் அதேப்போல் மற்றவர்களின் மனதை கண்களின் குறிப்புகளில் உணர்வதை காணலாம்.

மனைவி நல வேட்பு நாள்

இக்குறளை படிக்கும் பொழுது வேதாத்திரி மகரிஷி அவர்களின் மனவளக்கலை மன்றத்தில் நடைப்பெறும் “மனைவி நல வேட்பு நாள்” தான் என் ஞாபகத்திற்கு வருகிறது. கண்களின் வலிமையை இன்று நான் மேலும் அறிகிறேன். 

மனைவி நல வேட்பு நாள் நிகழ்வு - வேதாத்திரி மகரிஷி (மேற்காணும் யூட்யுப் தொடர்பில் காணலாம்)

மனைவி நல வேட்பு நாள் பொதுவாக வேதாத்திரி மகரிஷி அவர்களின் மனைவி அன்னை லோகாம்பாள் அவர்களின் பிறந்தநாளான ஆகஸ்ட் 30ஆம் தேதி அன்று நடைப்பெறும். பொதுவாக கணவனின் ஆயுளை கூட்டும் விதமாக வரலட்சுமி விரதம், சுமங்கலிப் பூழை, காராடியான் நோன்பு என்று பல நிகழ்வுகள் உண்டு. ஆனால் மனைவிகளுக்கு? அதற்கு பதிலாகவே மனைவி நல வேட்பு நாள் துவங்கிற்று. கணவன் மனைவி உறவு இன்பமாய் அமையவேண்டுமென்பதே நோக்கமாகும். இது மனைவிகளை கணவன்களும் கணவன்களை மனைவிகளும் உளமார பாராட்ட நன்றி கூற தவறுகளுக்கு மன்னிப்பு கேட்க ஒரு வாய்ப்பாக ஒவ்வொரு ஆண்டும் அமையும். 

மனைவி நல வேட்பு நாளில் தம்பதியினர் கண்களின் மூலமாகவே அருட்காப்பு, காந்த அலை பரிமாற்றம், சங்கல்பம் செய்துகொள்வார்கள். மனைவிகளின் வலது கை மீது கணவர்கள் கையை வைத்து, வாழ்த்துகளைத் தெரிவித்து கனி மற்றும் மலர்களைப் பரிமாறி தங்களது அன்பை வெளிப்படுத்துவர். 

முதலாவதாக தம்பதிகளில் கணவன்மார்கள் தங்களது மனைவிக்கு காப்பு கயிற்றையும், பின்னர் மனைவிமார்கள் தங்களது கணவருக்கு காப்பு கயிற்றை கட்டுவர். 

இதையடுத்து இருக்கையில் அமர்ந்து கொண்டு கணவன், மனைவி இருவரும் தங்களது திருமணம் முடிந்த நாளில் இருந்து இதுவரை நடந்த நிகழ்வுகளை நினைத்து பார்த்தனர். தம்பதியர் நேருக்கு நேர் அமர்ந்து, தங்கள் கைகளை சேர்த்து வைத்துக் கொண்டால் காந்த பரிமாற்றம் நடக்கும். 

தம்பதிகள் இருவரும் நேருக்கு நேர் உட்கார்ந்துக்கொண்டு துரியத்தில் தியானம் செய்வர். பின்பு, தங்கள் கண்களை திறந்ததுக்கொண்டு ஒருவருக்கொருவர் தங்கள கண்களை பார்த்துக்கொள்வர். தங்கள் மனதில் உள்ளதை கண்களின் வழியாக பரிமாறிக்கொள்வர். ஒருவர் செய்த நன்மைக்கு நன்றி சொல்வர் பாரட்டுவர், தான் செய்த தவறுகளுக்கு மன்னிப்பு கோருவர். அதேப்போல் மற்றவர் செய்த தவறுகளை மன்னிப்பர். 

இறுதியில் கணவன் மனைவிக்கு ஒரு பூவினை தருவார். பதிலுக்கு மனைவி ஒரு பழத்தினை கணவனுக்கு தருவார். இறுதியில் வாழ்க வளமுடன் என்று கூறி நிறைவு செய்வர். மொத்தமாக சுமார் 45 நிமிடம் முதல் 1 மணி நேரம் ஆகலாம்.

திருமணம் நடந்த நாள் முதல் கணவன் மனைவிக்காகவும், மனைவி கணவனுக்காகவும் செய்தவற்றை நினைத்துப் பார்ப்பதன் மூலம் அவர்களுக்கு இடையே அன்பு அதிகரிக்கும் என்பது இந்த விழாவின் சிறப்பம்சம். இந்த மனைவி நல வேட்பு விழா மூலம் வாழ்க்கை துணையாக இருக்கும் மனைவியை கணவன்மார்கள் பெருமை படுத்தும் விதமாக அமையும்.

கணவன் - மனைவி உறவு பற்றி வேதாத்திரி மகரிஷி

மனித மனம் ஒரு வியப்பானது. ஒரு பொருளை விரும்பினால், அதனை அடையாத முன்னம் அதனிடம் பல நன்மைகளையும், மேன்மைகளையும் கற்பித்துக் கொண்டு இன்புறுவது, அதை அடைந்த பின்னர் அதில் குறைகளை கற்பித்துக் கொண்டு சோர்வடைவது. இது விரிந்த நோக்கம் இல்லாதவர்களிடம் இயல்பாக இருக்கும். இந்த குறைக்கு நீங்கள் ஆளாக வேண்டாம். நல்லதையும் உயர்வையும் பாராட்டுங்கள். குறைகளை நுட்பமான முறையில் எடுத்து விளக்கவும், நிறைவு செய்யவும் முயலுங்கள். வாழ்வு வளம் பெரும்.

கணவனை மனைவியும், மனைவியைக் கணவனும் சிறப்புக் காணுமிடத்தும், உயர்வைக் கண்டும் பாராட்ட வேண்டியது அவசியம். இது அன்பையும், நட்பையும் பெருக்கும், உறுதிப்படுத்தும். இதனால் எப்போதுமே பாராட்டிக் கொண்டு இருக்க வேண்டுமென்பதல்ல. அப்படிச் செய்தால் அது முகத்துதியாக மதிப்புக் குறையும்.

.

ஒரு சில குடும்பத்தில் கணவனோ, மனைவியோ பலரால் பாராட்டப் படுபவராயும், புகழப் படுபவராயும் இருக்கலாம். ஊர் பாராட்டுவதைப் போல், தன் வாழ்க்கைத் துணைவரும் பாராட்ட வேண்டும் என எதிர்பார்பார்கள்.. இங்கு மிக நுணுக்கமான உண்மை அடங்கி இருக்கிறது. வாழ்க்கைத் துணைவரை ஊர் புகழும் போது அந்தப் புகழ்ச்சியில் தான் மகிழ்வுற்றுத் திளைத்திருப்பார்கள். அது அவருக்கு உரிய சொத்தாகி விடுகிறது. ஆதலால் தானும் புகழ வேண்டுமென்பது அர்த்தமற்றதாகி விடுகிறது. இந்த உண்மையை உணராதவர்கள், தன் வாழ்க்கைத் துணைவர் புகழவில்லையே என்று ஏக்கமும், வருத்தமும் அடைவார்கள். இது தேவையற்ற எண்ணம். ஊர் புகழும் போது மனைவியோ, கணவனோ புகழவில்லையே என்ற குறை எவரும் ஏற்படுத்திக் கொள்ளக்கூடாது. அலட்சியம் செய்ததாக எடுத்துக் கொள்வதும் நல்லதல்ல.

வாழ்க வையகம் வாழ்க வளமுடன்.

- தத்துவஞானி வேதாத்திரி மகரிஷி.

"குடும்ப உறுப்பினர் அனைவருக்குள்ளும்

உறுதியான, நெருக்கமான, உண்மையான

இனிய நட்பு நிலவ வேண்டும்".

"வாழ்க வளமுடன் என்று சொல்லும் போது

பிறர் உள்ளத்திலே நமது கருத்து நல்லதொரு

இனிய நட்புறவை வளர்க்கிறது".

"பிறர் குற்றத்தை பெரிதுபடுத்தாமையும்

பொறுத்தலும் மறத்தலும் அமைதிக்கு வழிகளாகும்".

"நிறைவாக அமைதியோடு வெற்றி கண்டு வாழ

நிலஉலகில் மக்களிடம் அன்பு காட்ட வேண்டும்

குறைகாணும் பழக்கத்தை விட்டுவிட்டு நல்ல

குணங்களையே பாராட்டும் பண்பு கொள்ள வேண்டும்

உறைவிடமும் உணவும் பால்உறவும் மதிப்போடு

உழைத்துப்பெற்றளவு முறையோடு துய்க்க வேண்டும்

மறைபொருளாம் மெய்ப்பொருளை அறிய அருட்குருவை

மதித்துத் தவம் அறம் கற்று வாழ வேண்டும்."

.

- தத்துவஞானி வேதாத்திரி மகரிஷி

மேலும் அஷோக் உரை

பரிமேலழகர் உரை

நுண்ணியம் என்பார் அளக்கும் கோல் - யாம் நுண்ணறிவு உடையேம் என்றிருக்கும் அமைச்சர் அரசர் கருத்தினை அளக்குங் கோலாவது; காணுங்கால் கண் அல்லது பிற இல்லை -ஆராயுமிடத்து அவர் கண்ணல்லது பிற இல்லை. (அறிவின் உண்மை அஃதுடையார்மேல் ஏற்றப்பட்டது. இங்கிதம், வடிவு, தொழில், சொல் என்பன முதலாகப் பிறர் கருத்தளக்கும் அளவைகள் பல. அவையெல்லாம் முன் அறிந்த வழி அவரான் மறைக்கப்படும்; நோக்கம் மனத்தோடு கலத்தலான் ஆண்டு மறைக்கப்படாது என்பது பற்றி அதனையே பிரித்துக் கூறினார். இனி 'அலைக்குங்கோல்' என்று பாடம் ஓதி, 'நுண்ணியம்' என்று இருக்கும் அமைச்சரை அரசரலைக்குங் கோலாவது கண் என உரைத்து, தன் வெகுளி நோக்கால் அவர் வெகுடற்குறிப்பு அறிக என்பது கருத்தாக்குவாரும்உளர். இவை இரண்டு பாட்டானும் நுண்கருவி நோக்கு என்பது கூறப்பட்டது.).

மணக்குடவர் உரை

யாம் நுண்ணிய அறிவையுடையே மென்றிருக்கும் அமைச்சர் பிறரை அளக்குங் கோலாவது ஆராயுமிடத்து அவர் கண்ணல்லது பிற இல்லை.

மு.வரதராசனார் உரை

யாம் நுட்பமான அறிவுடையேம் என்று பிறர் கருத்தை அறிபவரின் அளக்குங்கோல், ஆராய்ந்து பார்த்தால் அவனுடையக் கண்களே அல்லாமல் வேறு இல்லை.

சாலமன் பாப்பையா உரை

நாங்கள் நுண் அறிவை உடையவர்கள் என்று கூறிக்கொள்பவர், பிறர் மனக்கருத்தை அளந்து அறியப் பயன்படுத்தும் அளவு கருவி எது என்று ஆய்ந்து பார்த்தால் அது கண்ணே அன்றி வேறு இல்லை.

முகத்தின் முதுக்குறைந்தது உண்டோ உவப்பினும்

குறள் 707
முகத்தின் முதுக்குறைந்தது உண்டோ உவப்பினும்

காயினும் தான்முந் துறும்

[பொருட்பால்,  அமைச்சியல், குறிப்பறிதல்]

(For meaning in English, scroll to the bottom of this post)

பொருள் 

முகத்தின் -  முகம் -  தலையில்நெற்றிமுதல்மோவாய்வரையுள்ளமுன்புறம்; வாய்; வாயில்; கழி; இடம்; மேலிடம்; நுனி; தொடக்கம்; வடிவு; நோக்கு; தியானம்; முகத்துதி; காரணம்; ஏழாம்வேற்றுமையுருபு; முன்பு; நாடகச்சந்திஐந்தனுள்முதலிலுள்ளசந்தி; நடிகர்கள்அரங்கிற்குவருமுன்நிகழுங்கூத்து; இயல்பு; நிலை; தோற்றம்; கட்டிமுதலியவற்றின்முனையிடம்; முதன்மை; பக்குவம்; பக்கம்; உவமவுருபு; மூலம்; யாகம்; வகை; இந்திரகோபம்.

முதுக்குறைவு - பேதைமை; பேரறிவு; பெண்தெருளுகை (Pubescenceof girls;)

முதுக்குறைந்தது - mutukkuṟai-   v. intr. id. + உறை-. To become ripe in wisdom;அறிவு மிகுதல். முகத்தின் முதுக்குறைந்த துண்டோ(குறள், 707).

உண்டு - உள்ளதன்மையை உணர்த்தும் ஐம்பால் மூவிடத்திற்கும் உரிய ஒருகுறிப்பு வினைமுற்றுச்சொல்; ஓர்உவமஉருபு; அற்பத்தைக்குறிக்கும்சொல்; ஊன்றுகோல்

உண்டோ - இருக்கிறதா ?

உவப்பினும் - உவத்தல் - மகிழ்தல்; விரும்புதல்; பிரியமாதல்; அன்புசெய்தல்

காயினும் - காய்தல் - உலர்தல்; சுடுதல்; மெலிதல்; வருந்தல்; விடாய்த்தல்; வெயில்நிலாக்கள்எறித்தல்; எரித்தல்; அழித்தல்; விலக்குதல்; வெறுத்தல்; வெகுளுதல்; கடிந்துகூறுதல்; வெட்டுதல்.

தான் -  படர்க்கைஒருமைப்பெயர்; தேற்றச்சொல்; அசைச்சொல்; முழுப்புடைவை; குழம்பில்போடப்படும்காய்கறித்துண்டம்; 'அதுவின்றிஇஃதுஒன்று'என்றுபொருள்படுவதோர்இடைச்சொல்.

முந்து  - muntu   III. v. i. be or go before the rest, precede, come in front, முன்போ; முந்த, v. a. To take precedence, precede, to pass before, take the lead, go to the head, முற் பட

உறும் - உறுதல் - உண்டாதல்; மிகுதல்; சேர்தல்; இருத்தல்; பொருந்தல்; கூடல்; நேர்தல்; பயனுறல்; கிடைத்தல்; வருந்தல்; தங்கல்; அடைதல்; நன்மையாதல்; உறுதியாதல்; நிகழ்தல்.

முந்துறும் - முன்வந்து உய்யும் வகை செய்யும்

முழுப்பொருள் 

ஒருவருடைய முகத்தைப்போல் அறிவுடையது (அல்லது மடமையானது) ஏதேனும் உண்டோ? ஏனெனில் ஒருவர் மகிழ்ந்தாலும் (அல்லது விரும்பினாலும் / அன்பு செலுத்தினாலும்) சரி அல்லது வருந்தினாலும் (அல்லது வெறுத்தாலும் / மனதால் விலக்கம்கொண்டாலும் / கடிந்தாலும்) அதனை முகமே முன் வந்து பிறர் உய்கின்ற அளவிற்கு குறிப்புணர்த்தும். 

ஏன் முகத்தை அறிவானது என்று கொள்ளவேண்டும்? ஏனெனில் முகம் அகத்தின் மொழியை அப்படியே அறிந்துக்கொண்டு பிரதிபலிக்கிறது.

ஏன் முகத்தை மடமையானது என்று கொள்ளவேண்டும்? அது எவ்வளவு முயன்றாலும் (நடித்தாலும்) அகத்தின் மொழியை மாற்றிக்கூற முடியாது. ஏதோ ஒரு இடத்தில் ஒரு மெல்லிய நூல் அளவில் உண்மையை குறிப்புணர்த்திவிடும்.

பிறரின் முகக்குறிப்புகளை ஒருவர் அறிந்துக்கொண்டு அதற்கு ஏற்றவாரு நடந்துக்கொள்ளவேண்டும். ஒரு அமைச்சர் அரசர் முகத்தின் குறிப்பறிந்து நடந்துக்கொள்ள வேண்டும். வீட்டில் இருக்கும் ஒருவர் மற்றவர்களின் குறிப்பறிந்து நடந்துக்கொள்ள வேண்டும்.

அகமும் முகமும் நெருங்கிய தொடர்புள்ளவை. ஒற்றுத் தொழிலில் இருப்பவர்களுக்கே தங்கள் உள்ளத்தை ஒளிக்கக்கூடிய தேவையுண்டு. சில நேரங்களில் அவர்களாலும் உள்ளத்து ஓட்டத்திற்கேற்ப முகம் மாறுதலை தவிர்க்கமுடியாது.

மேலும் அஷோக் உரை

பரிமேலழகர் உரை

உவப்பினும் காயினும் தான் முந்துறும் - உயிர் ஒருவனை உவத்தலானும் காய்தலானும் உறின், தான் அறிந்த அவற்றின்கண் அதனின் முற்பட்டு நிற்கும் ஆகலான்; முகத்தின் முதுக்குறைந்தது உண்டோ - முகம் போல அறிவுமிக்கது பிறிது உண்டோ? இல்லை. ('உயிர்க்கே அறிவுள்ளது, ஐம்பூதங்களான இயன்ற முகத்திற்கு இல்லை' என்பாரை நோக்கி, உயிரது கருத்தறிந்து அஃது உவக்குறின் மலர்ந்தும், காய்வுறின் கருகியும் வரலான், 'உண்டு' என மறுப்பார் போன்று, குறிப்பு அறிதற்குக் கருவி கூறியவாறு.).

மணக்குடவர் உரை

முகம்போல முதிர்ந்த அறிவுடையது பிறிதுண்டோ? ஒருவனை உவப்பினும் வெறுப்பினும் தான் முற்பட்டுக் காட்டும். குறிப்பறியுமாறு என்னை யென்றார்க்கு, இது முகம் அறிவிக்குமென்றது.

மு.வரதராசனார் உரை

ஒருவன் விருப்பம் கொண்டாலும், வெறுப்புக் கொண்டாலும் அவனுடைய முகம் முற்ப்பட்டு அதைத் தெரிவிக்கும், அம் முகத்தைவிட அறிவு மிக்கது உண்டோ.

சாலமன் பாப்பையா உரை

ஒருவன் மனத்தால் விரும்பினாலும் வெறுத்தாலும் அதை வெளிக்காட்டுவதில் முந்தி நிற்கும் முகத்தைக் காட்டிலும் அறிவு மிக்கது வேறு உண்டோ?.

English Meaning - As I taught a kid - Rajesh

Is there anything smarter than the face of a person? Because, it is very swift in expressing if the heart is pleased or displeased/annoyed. We consider face has smart because it reflects the inner feelings explicitly. In a way it is stupid too because it is very difficult for it to act completely or fake completely. By a fine thread of difference, it will indicate the true feeling. 

So, when in an organisation, one has to read the face and understand the feelings of his boss, peers, colleagues and act accordingly. Thereby one can avoid any negative consequences or build upon positive situations.  

Similarly, in a house, one has to read the face and understand the feelings of his mother, father, siblings, relatives etc. There by one can build and keep the harmony.

Questions that I ask to the kid

Is face smart? Why?

பழையம் எனக்கருதிப் பண்பல்ல செய்யும்

 

குறள் 700
பழையம் எனக்கருதிப் பண்பல்ல செய்யும்

கெழுதகைமை கேடு தரும்

[பொருட்பால்,  அமைச்சியல், மன்னரைச் சேர்ந்தொழுதல்]

(For meaning in English, scroll to the bottom of this post)

பொருள் 

பழையம் - பழைமை - பழமை -  தொன்மை; தொன்மையானது; வழங்காதொழிந்தது; சாரமின்மை; முதுமொழி; வெகுநாட்பழக்கம்; நாட்பட்டதால்ஏற்படும்சிதைவு; பழங்கதை; மரபு.

எனக் - என்று - எந்தநாள், எப்போது, என்றைக்கு; என்றுசொல்லி; ஓர்இடைச்சொல்; சூரியன்.

கருதி - கருதுதல் - ண்ணுதல்; மறந்ததைநினைத்தல்; நிதானித்தறிதல்; உத்தேசித்தல்; மதித்தல்; விரும்புதல்; அனுமானித்தல்; நன்குஆலோசித்தல்; ஒத்தல்

பண்பு - வண்ணம், வடிவு, அளவு, சுவைஎன்னும்நாற்குணம்; இயல்பு; மனத்தன்மை; பிறர்இயல்பைஅறிந்துநடக்கும்நற்குணம்; விதம்; பண்புப்பெயர்; அழகு; முறை; செய்கை

அல்ல - இல்லை

செய்யும் - செய்தல் - இயற்றுதல்; உண்டாக்கல்; சம்பாதித்தல்; ஒத்தல்.

கெழுதகைமை - Intimacy, உரிமை, நட்பு

கேடு - அழிவு; இழப்பு; வறுமை; தீமை; கெடுதல்; வேறுபாடு; அழகின்மை.

தரும் - கொடுக்கும் , உண்டாக்கும்

முழுப்பொருள் 

அரசருடன் எனக்கு வெகுநாட்பழக்கம் இருக்கிறது அவர் நன்மதிப்பை பெற்றவன் நான் என்று எண்ணி பண்பல்லாத இயல்பற்ற முறையற்ற தீய செயல்களை ஒருவர் (வெகுநாட்பழக்கத்தினால் கொண்ட) மன உரிமையினால் செய்தால் அவ்வுறவு முறிந்துவிடும். மேலும் தீய செயல்களை அல்லது ஒவ்வாதவற்றை செய்வதாலும் தீமை வறுமை அழிவு உண்டாகும். 

"Do not take it for granted. Do not take things or relationships for granted". எதையும் அலட்சியமாக எடுத்துக்கொள்ளாதே.

இது அமைச்சருக்கு மட்டும் பொருந்தாது. இன்றைய காலக்கட்டங்களில் எல்லா உறவுகளுக்கும் குறிப்பாக நண்பர்களுக்கு பொருந்தும். வெகுநாள் நண்பர்தானே என்று செய்யவேண்டிய முக்கியகடமைகளை ஆற்றவில்லையென்றால் எதிரே உள்ள நண்பரின் நன்மதிப்பை இழந்து கடினமான கேள்விகளை எதிர்க்கொள்ளநேரிடும். அதற்கு தக்க பதில்சொல்வதும் கஷ்டம். நம் வெகுநாள் நண்பன் நம்மை ஒன்றும் கேட்கமாட்டான் என்ற அலட்சியம் கூடாது. அப்படி அலட்சியம் செய்து செயலில் முக்கியமானவற்றில் அலட்சியமாக இருந்தால் அது தீமையை தரும்.

இக்குறளின் கருத்தையொட்டிய கம்பராமாயணப் பாடல் (சுந்தர காண்டம், ஊர்த் தேடு படலம்) இதோ கூறுகிறது.

‘விழைவு நீங்கிய மேன்மையர் ஆயினும், 

கீழ்மையர் வெகுள்வுற்றால்,

பிழைகொல் நன்மைகொல் பெறுவது?’என்று ஐயுறு 

பீழையால்,பெருந்தென்றல்,

உழையர் கூவ, புக்கு, ‘ஏகு’ என, பெயர்வது ஓர் 

ஊசலின் உளதாகும்-

‘பழையம் யாம்’ என, பண்பில செய்வரோ 

பருணிதர், பயன் ஓர்வார்? (கம்ப.ஊர்தேடு 198)

இது கம்பனின் கற்பனை நயத்தைக் காட்டுவதாகவும் உள்ளது. மண்டோதரி அரண்மனையில் அனுமன் சீதையை தேடுகையில், அங்கு வீசும் தென்றலைப்பற்றி வர்ணனையாக, “தம் வேலையால் தமக்கு வரும் பயனை ஆராய்ந்து அறிந்த அறிவாளிகள், நாம் நெடுநாள் பழக்கம் உடையேம் என்று பண்புக்குப் பொருந்தாதவற்றைச் செய்வார்களோ?. அதே போலே பெருமை மிக்கத் தென்றல் காற்று, தூங்கும் மங்கையரின் தோழியர் அழைக்கச் சென்று, கட்டளை யாது? என்று கேட்டு அதற்கேற்ப மீள்வதாகி, ஒரு ஊஞ்சல் போல வருவதும் போவதுமாக இருக்கிறது” என்கிறார் கம்பர்.

மேலும் அஷோக் உரை 

பரிமேலழகர் உரை

பழையம் எனக்கருதிப் பண்பு அல்ல செய்யும் கெழுதகைமை - அரசனுக்கு யாம் பழையம் எனக் கருதித் தமக்கு இயல்பு அல்லாதவற்றைச் செய்யும் உரிமை; கேடு தரும் - அமைச்சர்க்குக் கேட்டினைப் பயக்கும். (அவன் பொறாது செறும் பொழுதின், அப்பழைமை நோக்கிக் கண்ணோடாது உயிரை வெளவுதலான், அவன் வேண்டாதன செய்தற்கு ஏதுவாய கெழுதகைமை கேடு தரும் என்றார். இவை மூன்று பாட்டானும், பொறுப்பர் என்று அரசர் வெறுப்பன செய்யற்க என்பது கூறப்பட்டது.).

மணக்குடவர் உரை

யாம் பழைமையுடையோ மென்று கருதி இயல்பல்லாதனவற்றைச் செய்யும் நட்பின்தகைமை தமக்குக் கேட்டைத்தரும் இது பின் பகையானவற்றைத் தவிரல் வேண்டும்மென்றது.

மு.வரதராசனார் உரை

யாம் அரசர்க்கு பழைமையானவராய் உள்ளோம் எனக்கருதித் தகுதி அல்லாதவற்றைச் செய்யும் உரிமை கேட்டைத்தரும்.

சாலமன் பாப்பையா உரை

ஆட்சியாளருடன் நமக்கு நீண்ட நாள் பழக்கம் உண்டு என்று எண்ணித் தீய செயல்களைச் செய்யும் மனஉரிமை ஒருவருக்குக் கெடுதியையே தரும்.

Thirukkural - Management - Relationships

There is a connection between a person’s level of knowledge and the quality of his relationships with others. Knowledge of the importance and methods of relationships leads to relationships that last longer. 

Though a person has a long association, strong and bonding or respectable relationship  with a long  lasting King, he should not take undue advantage of that relationship. If he takes advantage and resorts to wrongdoing, he will spoil the long lasting relationship and create further problems, warns Kural 700. The reference to the word King must not be taken literally. King can mean any superior. 

To presume on an old friendship and do wrong

Is to court disaster.

So, taking undue advantage of familiarity or close relationship  with a superior will lead to the breaking of the same bonding and long lasting relationship. It is wise to separate task and relationship. Any wrongdoing  will lead to parting of ways even if people are related to each other closely. 

English Meaning - As I taught a kid - Rajesh

A minister/employee/friend might have a long relationship with his king/superior/friend. That relationship might be a strong long lasting one. But one should not take undue advantage of the relationship, should not take a task for granted and should not resort to any wrong doing. Because it will spoil the long lasting relationship, create problems and disastrous results. Remember, It is hard to earn trust but easy to loose trust. So, it is wise to separate task and relationship

Questions that I ask to the kid

In a longtime relationship with a friend/boss/king, can we take a task for granted or take undue advantage? Why? 

How should one keep task and relationship? Why?

கொளப்பட்டேம் என்றெண்ணிக் கொள்ளாத செய்யார்

 

குறள் 699
கொளப்பட்டேம் என்றெண்ணிக் கொள்ளாத செய்யார்

துளக்கற்ற காட்சி யவர்

[பொருட்பால்,  அமைச்சியல், மன்னரைச் சேர்ந்தொழுதல்]

பொருள் 

'கொளப்பட்டேம்' - நம்மை அரசன் நம்பி ஏற்றுக் கொண்டுவிட்டான்

என்று - எந்தநாள், எப்போது, என்றைக்கு; என்றுசொல்லி; ஓர்இடைச்சொல்; சூரியன்.

எண்ணி - எண்ணுதல் - எண்ணல், நினைத்தல்; ஆலோசித்தல்; மதித்தல்; தியானித்தல்; முடிவுசெய்தல்; கணக்கிடுதல்; மதிப்பிடுதல்; துய்த்தல்

கொள்ளுதல் - எடுத்துக்கொள்ளுதல்; பெறுதல்; விலைக்குவாங்குதல்; உரிமையாகக்கொள்ளுதல்; மணம்செய்துகொள்ளுதல்; கவர்தல்; உள்ளேகொள்ளுதல்; முகத்தல்; கற்றுக்கொள்ளுதல்; கருதுதல்; நன்குமதித்தல்; கொண்டாடுதல்; அங்கீகரித்தல்; மேற்கொள்ளதல்; மனம்பொறுத்தல்; ஒத்தல்; பொருந்துதல்; உடலிற்காயம்படுதல்; எதிர்மறைஏவலொருமைவினையொடுசேர்க்கப்படும்ஓர்அசை

கொள்ளாது - எடுத்துக்கொள்ளாது, உரிமைக்கொள்ளாது, அங்கீகரிக்காது

கொள்ளாத - ஒவ்வாத; பொருந்தாத

செய்தல் - இயற்றுதல்; உண்டாக்கல்; சம்பாதித்தல்; ஒத்தல்

செய்யார் - செய்யமாட்டார்கள்

துளக்கு - அசைவு (சலனம், தளர்வு, சோம்பல்); வருத்தம்.

அற்ற - அல்லாத

காட்சி -பார்வை; காணல்; தோற்றம்; தரிசனம்; கண்காட்சி; வியத்தகுகாட்சி; காட்சியளவை; அறிவு; தலைமகளைத்தலைமகன்முதலில்காணுதலைக்கூறும்கைக்கிளைத்துறை; வீரர்வீரபத்தினியர்க்குஏற்றநடுகல்லைஆராய்ந்துகாணும்புறத்துறை; நடுகல்லைவீரர்தரிசித்தலைக்கூறும்புறத்துறை; அழகு; தன்மை; நூல்.

அவர் - அவருக்கு.

முழுப்பொருள் 

ஒரு அரசர் பல கட்ட சோதனைகளுக்கு ஆராய்ச்சிக்கு தேர்ச்சிக்குப்பின் ஒரு அமைச்சரை  தேர்ந்தெடுக்கிறார். அவ்வமைச்சரும் அரசரின் நன்மதிப்பை தனது செயல்களால் பெற்றிருக்க கூடும். 

அத்தகைய அமைச்சர் தான் ஒரு மிகப்பெரிய தேர்ச்சி முறையை கடந்து வந்து இருக்கிறோம் அல்லது தான் அரசரின் நன்மதிப்பை பெற்றுவிட்டோம் என்று (மமதையில்) எண்ணி அரசர் விரும்பாதவற்றை அரசுக்கு ஒவ்வாதவற்றை பயனற்றவற்றை செய்யக்கூடாது. ஏனெனில் பணியில் அமர்த்திய அரசருக்கு அமைச்சரை எப்பொழுது வேண்டுமானாலும் பதவியில் இருந்து நீக்கவும் முடியும். அதுமட்டுமின்றி அமைச்சர் தன் பொறுப்பை ஆற்றவில்லையென்றால் அது பல நஷ்டங்களை கொடுக்கும். 

ஆதலால் அரசரின் நன்மதிப்பை பெற்றிருந்தாலும் பல சோதனைகளை கடந்து தேர்ந்தெடுக்கப்பட்டிருந்தாலும் (மமதை கொள்ளாமல்) ஒவ்வாதவற்றை செய்யமாட்டார்கள் சலனம் அற்ற சோம்பல் அற்ற தளர்வு அற்ற அறிவினை உடைய அமைச்சர்கள்.

எவ்வளவுதான் நெருக்கம் இருந்தாலும், ஒரு கை அளவு தூரத்தையாவது பதவியிலுள்ளவர்களுடன் ஒருவர் காக்கவேண்டும் என்பதையும் கூறுகிறது இக்குறள். பணியில் எத்தனை நாட்கள் ஆனாலும் ஒவ்வொரு நாளும் முதல் நாளே என்று வேலை செய்யவேண்டும்.

Talent is overrated என்று ஆங்கிலத்தில் ஒரு வாக்கியம் உண்டு (புத்தகத்தின் பெயர்). அதாவது திறமை என்பது மிகைப்படுத்தபட்டுள்ளது. ஒருவர் திறமை இருக்கிறது என்பதற்கு அவர் வெற்றிபெற்றவர் ஆகிவிடமாட்டார். எனக்கு திறமை இருக்கிறது என்று கர்வம் கொண்டு உழைக்காமல் இருந்தால் ஒருவர் தேங்கிவிடுவார். வளரமாட்டார். ஆதலால் தொடர்ந்து சலனமில்லாமல் தளராமல் செயலாற்ற வேண்டும்.

இக்குறள் உறவுகளிலும் பொருந்தும். நம்மை ஒருவர் ஏற்றுக்கொண்டுவிட்டார் என்பதற்காக அவர் ஏற்காதவற்றை செய்யக்கூடாது. அப்படி மீறி செய்தால் உறவு முறியக்கூடும்.

இக்குறள் இன்று வேலையில் அமர்த்தப்படும் பலர் நினைவில் கொள்ளவேண்டியிருக்கிறது. குறிப்பாக அரசாங்க வேலைகளில் அமர்த்தப்படுபவர்களில் பலர் நான் பல தேர்ச்சிகளை தாண்டி வந்துவிட்டேன். என்னை நீங்கள் வேலையில் இருந்து தூக்கமுடியாது என்று கர்வம் கொண்டு வேலை செய்யாமல் இருக்கையை தேய்த்துக்கொண்டு இருக்கிறார்கள். இதுவே தனியாரில் இப்படி இருந்தால் அவர்களை வேலையில் இருந்தே தூக்கி இருப்பர் பலர். அரசு அலுவலர்கள் இப்படி அறிவிலும் செயலிலும் தளர்ந்து இருப்பதால் நாட்டிற்கு எவ்வளவு நஷ்டம். 

மேலும் அஷோக் உரை 

பரிமேலழகர் உரை

கொளப்பட்டேம் என்று எண்ணிக் கொள்ளாத செய்யார் - அரசனால் யாம்நன்கு மதிக்கப்பட்டேம் என்று கருதி அவன் விரும்பாதவற்றைச் செய்யார்; துளக்கு அற்ற காட்சியவர் - நிலைபெற்ற அறிவினையுடையார். (கொள்ளாதன செய்து அழிவு எய்துவார் கொளப்பாட்டிற்குப்பின் தம்மை வேறொருவராகக் கருதுவர் ஆகலின், முன்னையராகவே கருதி அஞ்சியொழுகுவாரைத் 'துளக்கு அற்ற காட்சியவர்' என்றார்.).

மணக்குடவர் உரை

யாம் அரசனாலே கைக்கொள்ளப்பட்டோமென்று நினைத்து அவன் நெஞ்சிற் கொள்ளாதன செய்யார், அசைவற்ற தௌ¤வுடையார். இஃது அரசன் நெஞ்சிற்குப் பொருந்தினவை செய்ய வேண்டுமென்றது.

மு.வரதராசனார் உரை

அசைவற்ற தெளிந்த அறிவினை உடையவர் யாம் அரசரால் விரும்பப்பட்டோம் என்று எண்ணி அவர் விரும்பாதவற்றைச் செய்யமாட்டார்.

சாலமன் பாப்பையா உரை

சலனம் அற்ற அறிவை உடையவர்கள், தாம் ஆட்சியாளரால் மிகவும் மரியாதைக்கு உரியவர்கள் என்று எண்ணி, ஆட்சியாளர் விரும்பாதவற்றைச் செய்யமாட்டார்.

வேட்பன சொல்லி வினையில எஞ்ஞான்றும்

 

குறள் 697
வேட்பன சொல்லி வினையில எஞ்ஞான்றும்

கேட்பினும் சொல்லா விடல்

[பொருட்பால்,  அமைச்சியல், மன்னரைச் சேர்ந்தொழுதல்]

பொருள் 

வேட்பன -  வேட்பு - விருப்பம்

வேட்கை - பற்றுள்ளம்; காமவிருப்பம்

சொல்லி-  சொல்லுதல் - பேசுதல்; அறிவித்தல்; திருப்பிக்கூறுதல்; கட்டளையிடுதல்; புத்திகூறல்; புகழ்தல்; களைதல்

வினை - தொழில்; நல்வினைதீவினைஎனஇருவகைப்பட்டமுன்னைவினை; வினைச்சொல்; செய்தற்குரியது; பரிகாரச்செயல்; முயற்சி; போர்; வஞ்சகம்; தந்திரம்; கருத்து; தொந்தரவு; சீழ்; இரண்டைக்குறிக்கும்குழூஉக்குறி.

இல - இல்லை

எஞ்ஞான்றும் - எகக்காலமும், எப்பொழுதும், எப்போதும்.

கேட்பினும் - கேட்டல் - செவிக்குப்புலனாகுதல்; பாடங்கேட்டல்; வினாவல்; விசாரித்தல்; வேண்டுதல்; கேள்விப்படுதல்; கொடுக்கச்சொல்லுதல்; தண்டித்தல்; இரத்தல்; நோய்முதலியனநீக்குதல்; விலைகேட்டல்; ஏற்றுக்கொள்ளுதல்; பொறுத்தல்; தணிதல்; கீழ்ப்படிதல்; ஒலிஎட்டுதல்; செவியாற்கேட்குதல்; அனுமதிபெறுதல்

சொல்லுதல் - பேசுதல்; அறிவித்தல்; திருப்பிக்கூறுதல்; கட்டளையிடுதல்; புத்திகூறல்; புகழ்தல்; களைதல்

சொல்லா - சொல்லாமல் 

விடல் -  விடுதல் - நீங்குதல்; நீக்குதல்; விலக்குதல்; பிரித்தல்; கைவிடுதல்; போகவிடுதல்; அனுப்புதல்; பந்தம்விடுதல்; நிறுத்துதல்; ஒழித்துவிடுதல்; முடித்தல்; வெளிவிடுதல்; செலுத்துதல்; எறிதல்; சொரிதல்; கொடுத்தல்; சொல்லுதல்; வெளிப்படக்கூறுதல்; விவரமாகக்கூறுதல்; இசைவளித்தல்; காட்டித்தருதல்; வெளிப்படுத்துதல்; பிரிதல்; புதிர்விள்ளுதல்; கட்டுஅவிழ்தல்; மலர்தல்; உண்டாக்குதல்; மிகுதல்; தங்குதல்; தவிர்தல்; பிளந்திருத்தல்; பலம்குறைதல்; அறுபடுதல்; விலகுதல்; துணைவினை; விடுதலை.

முழுப்பொருள் 

பயன் உள்ளவற்றையும் அரசர் கேட்கவில்லையென்றாலும் அரசரிடம் சொல்வது அமைச்சரின் கடமை. அதேப்போல எப்பொழுதானாலும் பயனல்லாதவற்றை அரசர் வலிந்து கேட்டாலும் அதனை கூறாமல் தவிர்ப்பது அமைச்சரின் கடமையாகும்.

பயன் உள்ளவற்றை கேட்கவில்லையென்றாலும் ஏன் கூறவேண்டும்?

அரசர் பல அலுவல்களில் இருப்பவர். அதனால் எல்லா செயல்களுக்கும் முதன்மை அளிக்க முடியாமல் அவை பின்னுக்கு செல்லக்கூடும். ஆதலால் அமைச்சர் தான் அவற்றின் முக்கியத்துவம் உணர்ந்து அரசரிடம் கூறவேண்டும். அரசரும் மனிதர் தானே. அவர் சோர்வுடையக்கூடும். அப்பொழுது செயலின்கண் நாட்டமில்லாமல் இருக்கலாம்.  ஆதலால் பயனுள்ள செயல்களை எடுத்துரைப்பது அவசியமாகும்.

பயன் அல்லாதவற்றை கேட்டாலும் ஏன் கூறக்கூடாது?

நேரத்தை விரயம் ஆக்கக்கூடாது. அரசர் என்பவர் பல செயல்களை செய்பவர். அவருடைய நேரம் விலைமதிப்பில்லாதது. பொதுவாகவும் நேரமும் விலைமதிப்பில்லாதது. ஆக்கமற்ற செயல்களில் நேரத்தையும் ஆற்றலும் ஊக்கத்தையும் செலவழிக்கக்கூடாது. ஆதலால் அரசரிடம் அவர் கேட்டாலும் அவற்றை கூறக்கூடாது.

மேலும் அஷோக் உரை 

பரிமேலழகர் உரை

வேட்பன சொல்லி - பயன் பெரியனவுமாய் அரசன் விரும்புவனவுமாய காரியங்களை அவன் கேட்டிலனாயினும் சொல்லி; எஞ்ஞான்றும் வினை இல கேட்பினும் சொல்லாவிடல் - எஞ்ஞான்றும் பயனிலவாயவற்றைத் தானே கேட்டாலும் சொல்லாது விடுக. ('வினையில' எனவும், 'கேட்பினும்' எனவும் வந்த சொற்களான், அவற்றின் மறுதலைச் சொற்கள் வருவிக்கப்பட்டன. வினையான் வருதலின் 'வினை' என்றும் வறுமைக்காலமும் அடங்க 'எஞ்ஞான்றும்' என்றும் கூறினார். சொல்லுவனவும் சொல்லாதனவும் வகுத்துக் கூறியவாறு. இவை நான்கு பாட்டானும் சிறப்பு வகையால் கூறப்பட்டது.).

மணக்குடவர் உரை

எப்போதும் வேந்தனால் விரும்பப்படுவனவற்றைச் சொல்லித் தமக்குப் பயன்படாதவற்றைக் கேட்டாலும் சொல்லாது விடுக. சொல்லாது விடலாவது தூதனை அரசர்க்குப் படை எவ்வளவு உண்டென்று பகையரசன் வினவினால் நீ அறியாததொன்றோ வென்று அளவு கூறாமை.

மு.வரதராசனார் உரை

அரசர் விரும்புகின்றவற்றை மட்டும் சொல்லிப் பயனில்லாதவற்றை அவரே கேட்ட போதிலும் சொல்லாமல் விட வேண்டும்.

சாலமன் பாப்பையா உரை

ஆட்சியாளருக்குப் பயன்தரும் செய்திகளை அவர் கேட்காத போதும் சொல்லுக; பயன் தராத செய்திகளை எப்போதும் சொல்லாது விடுக.

இறுதி பயப்பினும் எஞ்சாது இறைவற்கு

 

குறள் 690
இறுதி பயப்பினும் எஞ்சாது இறைவற்கு

உறுதி பயப்பதாம் தூது

[பொருட்பால், அமைச்சியல், தூது]

பொருள் 

இறுதி - முடிவு; சாவு வரையறை

பயப்பினும் - பயத்தல் -  paya-   12 v. cf. பயம்¹. intr. 1.To yield, produce, put forth fruit; விளைதல் பயவாக் களரனையர் (குறள், 406). 2. To come intoexistence; to be made; உண்டாதல் (திவா.) 3.To take place; to be productive of good orevil; பலித்தல் நல்வினை பயந்த தென்னா (கம்பரா.கார்முக. 36). 4. To be obtained; கிடைத்தல் (சூடா.)--tr. 1. To produce, create; படைத்தல் தேவதேவன் செழும்பொழில்கள் பயந்து காத்தழிக்கும்(திருவாச. 5, 30). 2. To beget, generate, givebirth to; பெறுதல் (திவா.) பராவரும் புதல்வரைப்பயக்க (கம்பரா. மந்தரை 47). 3. To give; கொடுத்தல் இன்னருள் பயந்து (தேவா. 775, 4). 4. Toblossom; பூத்தல் தாமரை பயந்த வொண்கேழ்நூற்றித ழலரின் (புறநா. 27). 5. To compose;இயற்றுதல். சிங்கடி தந்தை பயந்த . . . தமிழ்(தேவா. 201, 12).  

எஞ்சாது - எஞ்சாமை - குறையாமை, ஒழியாமை, முழுமை

இறைவற்கு - அரசர்க்கு / ஆட்சிக்கு 

இறை  - உயரம்; தலை கடவுள் தலைவன் அரசன் உயர்ந்தோன்; மூத்தோன் பெருமையிற்சிறந்தோன்; கணவன் பறவையிறகு; கடன் வீட்டிறப்பு மறுமொழி மணிக்கட்டு குடியிறை சிறுமை அற்பம் காலவிரைவு; சிவன் பிரமன் மாமரம்

உறுதி - திடம்; திரம்; வலிமை; நன்மை; இலாபம்; கல்வி; மேன்மை; சன்மார்க்கஉபதேசம்; உறுதி; தளராமை; ஆட்சிப்பத்திரம்; பிடிவாதம்; விடாப்பிடி; பற்றுக்கோடு; நல்லறிவு; வழக்கின்திடம்; பயன்.

பயப்பது - பயத்தல் -  paya-   12 v. cf. பயம்¹. intr. 1.To yield, produce, put forth fruit; விளைதல் பயவாக் களரனையர் (குறள், 406). 2. To come intoexistence; to be made; உண்டாதல் (திவா.) 3.To take place; to be productive of good orevil; பலித்தல் நல்வினை பயந்த தென்னா (கம்பரா.கார்முக. 36). 4. To be obtained; கிடைத்தல் (சூடா.)--tr. 1. To produce, create; படைத்தல் தேவதேவன் செழும்பொழில்கள் பயந்து காத்தழிக்கும்(திருவாச. 5, 30). 2. To beget, generate, givebirth to; பெறுதல் (திவா.) பராவரும் புதல்வரைப்பயக்க (கம்பரா. மந்தரை 47). 3. To give; கொடுத்தல் இன்னருள் பயந்து (தேவா. 775, 4). 4. Toblossom; பூத்தல் தாமரை பயந்த வொண்கேழ்நூற்றித ழலரின் (புறநா. 27). 5. To compose;இயற்றுதல். சிங்கடி தந்தை பயந்த . . . தமிழ்(தேவா. 201, 12).  

ஆம் - நீர்; ஈரம் வீடு மாமரம் அழகு சம்மதங்காட்டும்சொல்; கேள்விப்பட்டதைக்குறிக்கும்சொல்; இகழ்ச்சிக்குறிப்பு; அனுமதி, தகுதி, ஊக்கம்குறிக்கும்சொல்; ஆவது ஆகிய சாரியை அசைநிலை தன்மைப்பன்மைவிகுதி; உளப்பாட்டுத்தன்மைப்பன்மைவிகுதி.

தூது - இருவரிடையேபேச்சுநிகழ்தற்குஉதவியாகநிற்கும்ஆள்; இராசதூதர்தன்மை; ஒருநூல்வகை; கூழாங்கல்; தூதுமொழி; தூதுவளைக்கொடி; காமக்கூட்டத்துக்காதலரைஇணக்கும்செயல்; செய்தி.

முழுப்பொருள் 

தூதாக செல்லுபொழுது உயிருக்கு ஆபத்து வந்தாலும், பகை அரசர்கள் கொலை செய்ய மிரட்டினாலும் அதற்கெல்லாம் அஞ்சாது மன உறுதியில் குன்றாது தன் அரசருக்கு வலிமையும் திடமும் சேர்ப்பவரும் அரசருக்கு நன்மை தரச் செய்ய தூதுமொழிவதற்கும் உறுதியுள்ளவனாவான் ஒரு நல்ல தூதர். 

தூதாக வந்தவரைக் கொல்லுதல் அரசர்க்கு அழகல்ல எனினும் சொல்லப்பட்ட செய்தி பிடிக்கவில்லையாயின் தூதனையே கொல்லுமளவுக்கு பகையரசர்கள் துணியக்கூடும். இராமாயணத்தில் அனுமனைக் கொல்லவே இராவணன் விழைந்தாலும், அதைத் தடுத்து, குரங்குக்கு வாலை எரித்தல் என்பது அதை கொல்வதற்குச் சமம் என்று கூறி மாற்று வழியை விபீடணன் கூறி, அவனை தூதனைக் கொல்லும் பாவத்திலிருந்து தடுத்துவிடுகிறான்.

மகாபாரதத்திலும் இத்தீய எண்ணம் துரியோதனனுக்கு உதித்தது; அதை அவன் தந்தை திருதராட்டினனும் அதற்கு உடன்பட்டு, விதுரன் வீட்டிலிருக்கும் கண்ணன், வேடன் வலையில் அகப்பட்ட புலி போன்றவன், அவனைக் கொல்வது தவறில்லை என்கிறான்; கௌரவர்களில் இருந்த ஒரே நல்லவனாம் துரியோதனின் தம்பியர்களில் ஒருவனான விகர்ணன் (விபீடணன் போன்றவன்) கொதித்து, அது தர்மமல்ல கூறுகிறான்.

இதுபோன்ற தருணங்களிலும் தூதர்கள் உறுதியுடன் தம்மை ஆள்பவர்க்கு நன்மை செய்யவேண்டும் என்று இக்குறள் கூறுகிறது.

மேலும் அஷோக் உரை

பரிமேலழகர் உரை

இறுதி பயப்பினும் எஞ்சாது - அவ்வார்த்தை தன் உயிர்க்கு இறுதி தருமாயினும் அதற்கு அஞ்சியொழியாது; இறைவற்கு உறுதி பயப்பது தூதாம் - தன் அரசன் சொல்லியவாறே அவனுக்கு மிகுதியை வேற்றரசரிடைச் சொல்லுவானே தூதனாவான். ('இறுதி பயப்பினும்' என்றதனால், ஏனைய பயத்தல் சொல்ல வேண்டாவாயிற்று. இவை மூன்று பாட்டானும் கூறியது கூறுவானது இலக்கணம் கூறப்பட்டது.).

மணக்குடவர் உரை

தனக்கு இறுதி வருமாயினும், ஒழியாது தன்னிறைவற்கு நன்மையைத் தருவது தூதாவது.

மு.வரதராசனார் உரை

தனக்கு அழிவே தருவதாக இருந்தாலும் அதற்காக அஞ்சி விட்டுவிடாமல், தன் அரசனுக்கு நன்மை உண்டாகுமாறு செய்கின்றவனே தூதன்.

சாலமன் பாப்பையா உரை

தம் அரசு சொல்லி அனுப்பிய செய்தியை அடுத்த அரசிடம் சொல்லும்போது தம் உயிருக்கே ஆபத்து நேர்ந்தாலும் அஞ்சாமல் தம் அரசிற்கு நன்மை தேடித்தருபவரே நல்ல தூதர்.