தேரான் தெளிவும் தெளிந்தான்கண் ஐயுறவும்

குறள் 510

தேரான் தெளிவும் தெளிந்தான்கண் ஐயுறவும்

தீரா இடும்பை தரும்

[பொருட்பால், அரசியல், தெரிந்துதெளிதல்]

பொருள்

தேர்-தல் - tēr-   4 v. tr. 1. [M. tēruka.]To examine, investigate, inquire into; ஆராய்தல் (பிங்.) தேர்ந்து செய்வஃதே முறை (குறள், 541). 2.To understand, know; அறிதல் தேர்ந்தனன்முருகன் வாய்மை (கந்தபு. மூவாயிர. 81). 3. Toconsider, deliberate, ponder well; சிந்தித்தல் 4. To elect; தெரிந்தெடுத்தல். Mod. 5. To seek;தேடுதல். சிறுவெண்காக்கை நீத்து நீரிருங்கழி யிரைதேர்ந்துண்டு (ஐங்குறு. 162). 6. To ascertain,form a conclusion; நிச்சயித்தல் பேதைபாகனேபரமெனத் தேர்ந்துணர் பெரிய (திருவிளை. புராணவர.8). 7. To acquire, obtain; கொள்ளுதல் (பிங்.)8. To doubt, question; ஐயுறுதல் (குறள், 144,உரை.)--intr. To be well versed, proficient in;பயிற்சியடைதல். நூல்களிற் றேர்ந்த மதி  

தேரான்- தேரார், s. (plu.) Foes, as தேரலா. 2. The low, the base, the vulgar, கீழ்மக்கள். 3. The illiterate, கல்லாதார். (p.)

தேரான்- தேராதவன்; ஆராயாதவன், அறியாதவன், சிந்திக்காதவன்; தேர்ந்துணராதவன்

தெளிவும் - தெளிவு - விளக்கம், துலக்கம்; உடற்செழிப்பு; பதநீர்; நினைவு; மனஅமைவு; அறிவு; நற்காட்சி; உளக்குறிப்பு; நீக்கம்; சான்று; ஆராய்வு; நம்பிக்கை; சாறு; கஞ்சித்தெளிவு; இலாபம்; பொருள்புலப்படஅமையும்செய்யுளின்குணம்; பாடற்பயன்வகை.

தெளிந்தான்- தெளிந்தவன் - தெளிதல் - தெளிவாதல்; அமைதியுறுதல்; ஒளிர்தல்; வெண்மையாதல்; குணப்படுதல்; செழித்தல்; ஒழிதல்; துளைத்தல்; அறிதல்; முடிவுக்குவருதல்; ஆராய்தல்; தேறுதல்; நம்புதல்; இலாபம்காணுதல்.

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

ஐயுறவும் - ஐயுறவு - ஐயப்பாடு, சந்தேகம்.

தீர்தல் - உள்ளதுஒழிதல்; முற்றுப்பெறுதல்; உரிமையாதல்; இல்லையாதல்; அழிதல்; கழிதல்; செலவாய்ப்போதல்.

தீரா - முற்றுப்பெறாமல்

இடும்பை - துன்பம்; தீமை நோய் வறுமை அச்சம்

தரும் - கொடுக்கும்

முழுப்பொருள்

1) ஆராயாமல், ஐயம் கொண்டு ஆராய்ந்து ஐயங்களை நிக்கி தெளிவு பெறாமல், அறிந்துக்கொள்ளாமல், தேர்ச்சிப்பெறாமல், தெளிவு இல்லாமல் ஒருவன் ஒரு செயலை செய்தால் அல்லது 2) ஆராய்ந்து தெளிவுப் பெற்ற பின்பு செயலை செய்யும் பொழுது ஐயங்கள் கொண்டால் அவனுக்கு அச்செயல் தீராத துன்பத்தை தரும். ஏனெனில் தெளிவு இல்லாமல் செய்யப்படும் காரியத்தில் பிழைகள் தவறுகள் நடக்க வாய்ப்புகள் மிக அதிகம். தெளிவு இல்லாதவர் அதனை சமாளிப்பது மிக கடினம். தெளிந்த பின்பு ஐயம் கொண்டால் ஒருவித குழப்பதை உருவாக்கிவிடும் அது எல்லோர் மனதில் சலனத்தை ஏற்படுத்தி ஊக்கத்தை குறைத்து விடும். அத்தகைய பிழைகளின் விளைவுகள் பெரும் செல்வத்தை நேரத்தை உழைப்பை ஊக்கத்தை வலிமையை அழித்துவிடும். ஆதலால் தீராத துன்பம் ஏற்படும்.

இது ஒருவரை பணியில் அமர்த்துவதற்கும் பொருந்தும். பணியில் ஒருவரைப் ஆராயாமல் அமர்த்த கூடாது முக்கியமாக உயர்பதவிகளில் முக்கிய பதவிகளில் ஆராயாமல் அமர்த்த கூடாது. ஆராய்ந்த அமர்த்தியப்பின் அவரை பற்றி ஐயங்கள் இருக்க கூடாது ஏனெனில் அது செயல் செய்வோரின் மன உறுதியை பாதிக்கும். அதுவே தவறு நடக்க வழி வகுக்கும். 

ஆராயாமல் தேர்வு செய்தல் கூடாது என்பது தெளிவே! 

“அளிந்தார்கண் ஆயினும் ஆராயானாகித் 

தெளிந்தான் விரைந்து கெடும்” என்பது பழமொழி (42). 

தன்னிடத்தில் அன்பு கொண்டவராக இருந்தாலும், ஒருவரை ஆராயமல் தேர்வு செய்தால் அது அழிதலுக்கான வழியே. 

ஒருவரைத் தேர்ந்தபின் அவரிடம் ஐயம் கொண்டால், அவர் அதை அறிந்தால், செய்யும் திறனிருந்தாலும், வினையில் ஈடுபாடும் ஆர்வமும் குறையலாம், சிதையலாம். இதைப் பழமொழிப் பாடல் வரிகள் அழகாகக் கூறுகின்றன. “தெற்ற ஒருவரைத் தீதுரை கண்டக்கால் 

இற்றே அவரைத் தெளியற்க”. (பழமொழி 114)

தெளிவாக நண்பு பூண்ட ஒருவரையே பொல்லாங்குரைக்கும் உரையைக் கேட்டால், நம்மையும் இவ்வாறே உரைப்பார் என்று கருதி, அவரை நம்பக்கூடாது என்கின்றன இவ்வரிகள். தவிரவும் பகைவர்கள் இதை அறியும்போது, பிரித்தாளுக்கைக்கும் இது ஏதுவாக அமைந்துவிடும். தொடங்கிய வினை துவளும், துன்பமே வந்துறும்.

”உறுமக்க ளாக ஒருவரை நாட்டிப்

பெறுமாற்றம் இன்றிப் பெயர்த்தே யொழிதல்

சிறுமைக் கமைந்ததோர் செய்கை” (பழமொழி 172)

மேலும்: அஷோக் உரை

பரிமேலழகர் உரை

தேரான் தெளிவும் - அரசன் ஒருவனை ஆராயாது தெளிதலும், தெளிந்தான்கண் ஐயுறவும் - ஆராய்ந்து தெளிந்தவன் மாட்டு ஐயப்படுதலும், இவ்விரண்டும், தீராஇடும்பை தரும் - அவனுக்கு நீங்காத துன்பத்தைக் கொடுக்கும்.

(வினை வைத்த பின் ஒரு தவறு காணாது வைத்து ஐயுறுமாயின், அதனை அவன் அறிந்து, 'இனி இது நில்லாது' என்னும் கருத்தான் அவ்வினையை நெகிழ்த்துவிடும், அதுவேயன்றிப் பகைவரால் எளிதில் பிரிக்கவும் படும். ஆதலால் தெளிந்தான்கண் ஐயுறவும் ஆகாதாயிற்று. தெளிவிற்கு எல்லை கூறியவாறு. இவை ஐந்து பாட்டானும், தெளியப்படாதார் இவர் என்பதூஉம், அவரைத் தெளிந்தால் படும் இழுக்கும், தெளிவிற்கு எல்லையும் கூறப்பட்டன.).

மணக்குடவர் உரை

ஒருவனை ஆராயாது தெளிதலும் தெளிந்து கொள்ளப்பட்டவன் மாட்டுத் தான் ஐயப்படுதலுமாகிய இவ்விரண்டும் நீங்காத துன்பத்தைத் தரும்.

மு.வரதராசனார் உரை

ஒருவனை ஆராயாமல் தெளிவடைதலும், ஆராய்ந்து தெளிவடைந்த ஒருவனிடம் ஐயப்படுதலும் ஆகிய இவை நீங்காதத் துன்பத்தைக் கொடுக்கும்.

சாலமன் பாப்பையா உரை

ஒருவனை ஆராயாமல் பதவியில் அமர்த்துவதும், அமர்த்தியபின் அவன்மீதே சந்தேகம் கொள்வதும் நீங்காத துன்பத்தைத் தரும்.

Thirukkural - Management - Decision Making

On the contrary, if you have reservations or apprehensions to assign a task or position to a 

person, despite a thorough analysis, assessment, and understanding of that person, that sort of 

reservation or apprehension will bring you more troubles, warns Kural 510.

Trust without trial and distress of the tried

Lead to endless trouble.

So, assess before you decide, decide, and act based on your decision. The greatest challenge in making decisions is when to decide and when not to decide. At times indecision is itself a decision. Decide judiciously. When it comes to tasks, before doing an activity, do a lot of thinking of the consequences  of that activity. That is called to have forethought.  that is an example for proactive approach. 

தேரான் பிறனைத் தெளிந்தான் வழிமுறை

குறள் 508

தேரான் பிறனைத் தெளிந்தான் வழிமுறை

தீரா இடும்பை தரும்

[பொருட்பால், அரசியல், தெரிந்துதெளிதல்]

(For meaning in English, scroll to the bottom of this post)

பொருள்

தேர்-தல் - tēr-   4 v. tr. 1. [M. tēruka.]To examine, investigate, inquire into; ஆராய்தல் (பிங்.) தேர்ந்து செய்வஃதே முறை (குறள், 541). 2.To understand, know; அறிதல் தேர்ந்தனன்முருகன் வாய்மை (கந்தபு. மூவாயிர. 81). 3. Toconsider, deliberate, ponder well; சிந்தித்தல் 4. To elect; தெரிந்தெடுத்தல். Mod. 5. To seek;தேடுதல். சிறுவெண்காக்கை நீத்து நீரிருங்கழி யிரைதேர்ந்துண்டு (ஐங்குறு. 162). 6. To ascertain,form a conclusion; நிச்சயித்தல் பேதைபாகனேபரமெனத் தேர்ந்துணர் பெரிய (திருவிளை. புராணவர.8). 7. To acquire, obtain; கொள்ளுதல் (பிங்.)8. To doubt, question; ஐயுறுதல் (குறள், 144,உரை.)--intr. To be well versed, proficient in;பயிற்சியடைதல். நூல்களிற் றேர்ந்த மதி  

தேரான்- தேரார், s. (plu.) Foes, as தேரலா. 2. The low, the base, the vulgar, கீழ்மக்கள். 3. The illiterate, கல்லாதார். (p.)

தேரான்- தேராதவன்; ஆராயாதவன், அறியாதவன், சிந்திக்காதவன்; தேர்ந்துணராதவன்

பிறனைத் - பிறன் - piṟaṉ   s. (pl. பிறர்) another person; மற்றையன்; 2. a neighbour, அயலான், 3. a stranger, அன்னியன்.

தெளிந்தான் - தெளிந்தவன் - தெளிதல் - தெளிவாதல்; அமைதியுறுதல்; ஒளிர்தல்; வெண்மையாதல்; குணப்படுதல்; செழித்தல்; ஒழிதல்; துளைத்தல்; அறிதல்; முடிவுக்குவருதல்; ஆராய்தல்; தேறுதல்; நம்புதல்; இலாபம்காணுதல்.

வழிமுறை - தலைமுறை; பின்பு (Afterwards, subsequently) வழிமுறைக் காயாமை வேண்டுவல்யான்(கலித். 82)..

தீர்தல் - உள்ளதுஒழிதல்; முற்றுப்பெறுதல்; உரிமையாதல்; இல்லையாதல்; அழிதல்; கழிதல்; செலவாய்ப்போதல்.

தீரா - முற்றுப்பெறாமல்

இடும்பை - துன்பம்; தீமை நோய் வறுமை அச்சம்

தரும் - கொடுக்கும்

முழுப்பொருள்

ஒருவன் ஒரு செயலை செய்யும் பொழுது மிக ஆராய்ந்து தெளிவுடன் செய்தல் வேண்டும்.  முதலில் சற்று ஆராயும் பொழுது ஒருவித தெளிவு பிறக்கும். இருந்தும் ஐயங்கள் இருக்கும். பிறரிடம் கேட்டு விவாதித்து சிந்தித்து தெளிவு அடைய வேண்டும். அப்படி ஒருவன் தெளிவுப் பெறாமல் மற்றொருவனிடம் ஒரு செயலைக்கொடுத்தால் அல்லது அந்த செயலை செய்யும் மற்றொருவர் (பிறர்) தெளிவில்லாதவராகவே இருப்பார் ஏனெனில் தெளிவு இல்லாதவர் தெளிவு இல்லாதவரை பணியில் அமர்த்துவதற்கே வாய்ப்புகள் அதிகம். [தெளிவு உள்ளவர் தெளிவு உள்ளவரையே பணியில் அமர்த்துவார். தெளிவான தேர்வு பிரச்சனைகள் தராது. துன்பங்கள் வந்தாலும் அதில் இருந்து மீண்டு வரும்].

ஒருவர் தெளிவு இல்லாமல் இருக்க இரண்டு காரணங்கள் இருக்கலாம் 1) தான் (அல்லது தான் அரசன்) என்னும் அகங்காரம் பிறரிடம் கலந்து ஆலோசிக்காமல் தனக்கு தெரிந்தவற்றை மட்டும் வைத்துக்கொண்டு அரைகுறை தெளிவு அடைவது 2) எந்த ஆராய்ச்சியும் செய்யாமல் அல்லது தெளிவு அடைய முயலாமல் அல்லது பிறரிடம் கலந்து ஆலோசிக்காமல் இருப்பது. 

இப்படித் தெளிவு இல்லாத ஒருவர் தெளிவு இல்லாத பிறரைப் பணியில் அமர்த்துகையில் அந்த பிறர் தெளிவில்லாமல் செயல்களை செய்யவே வாய்ப்புகள் அதிகம். அதன் பின் அவர் செய்யும் செயல்கள் முடிவில்லாத துன்பத்தையே தரும். 

மேலும்: அஷோக் உரை

பரிமேலழகர் உரை

பிறனைத் தேரான் தெளிந்தான் - தன்னோடு இயைபுடையன் அல்லாதானைப் பிறப்பு முதலியவற்றானும் செயலானும் ஆராயாது தெளிந்த அரசனுக்கு, வழிமுறை தீரா இடும்பை தரும் - அத்தெளிவு தன் வழிமுறையினும் நீங்காத துன்பத்தைக் கொடுக்கும்.

(இயைபு: தன் குடியோடு தொடர்ந்த மரபு. இதனானே அதுவும் வேண்டும் என்பது பெற்றாம். தெளிதல் அவன்கண்ணே வினையை வைத்தல். அவ்வினை கெடுதலால், தன் குலத்துப் பிறந்தாரும் பகைவர் கைப்பட்டுக்கீழாய்விடுவர் என்பதாம். நான்கன் உருபு விகாரத்தால் தொக்கது.).

மணக்குடவர் உரை

பிறனை ஆராயாதே வழிமுறையென்று தெளிந்தவனுக்கு அத்தெளிவு தீர்தலில்லாத துன்பமுண்டாக்கும்.  இது தன் குலத்திலுள்ளாருள் அமாத்தியராயினார் வழியில் உள்ளாரைத் தேறலா மென்றது.

மு.வரதராசனார் உரை

மற்றவனை ஒன்றும் ஆராயாமல் தெளிந்தால் அஃது (அவனுக்கு மட்டும் அல்லாமல்) அவனுடைய வழிமுறையில் தோன்றினவருக்கும் துன்பத்தைக் கொடுக்கும்.

சாலமன் பாப்பையா உரை

நாட்டுச் சிந்தனைகளில் பற்று இல்லாதவனை, அவன் பின்னணி பற்றி ஆராயாது பதவியில் அமர்த்தினால் அச்செயல் நீங்காத துன்பத்தைத் தரும்.

Thirukkural - Management - Decision Making

If  you take a decision to use someone's services without  a thorough assessment of his skills, knowledge, qualities, and required experience, that decision will trouble not only you but also your following generations,  warns Kural 508. Decision lacking proper assessment will 

give a long lasting trouble to you and the people related to you.

To choose a stranger untried

Will trouble one's life without end.

English Meaning - As I taught a kid - Rajesh

The one accepts a task or delegates a task to another person without assessing the task or evaluating the person (irrespective of the person is known or a stranger w.r.t the capabilities that are required do the task) who would do the task then he/she would invite endless harm that would last for generations.  

1) It is important to analyze a task before accepting it and executing it because results does matter, tasks when wrongly done can have negative consequences, and execution takes lots of resources and time which cannot be got back 

2) If we don't assess the person who does the task then the chances are the person might not have clarity and that person may not evaluate his sub-ordinate properly. This would in turn weaken the work force that executes the task leading to failure of the task. 

A person might lack clarity because of 1) Not having the knowledge or not having the zest or taking steps to gather the knowledge 2)  Ego 3) Not discussing with others to eliminate any misunderstandings and gain better clarity 4) not researching, analyzing, gathering data and deep diving to gain clarity. 

A person who lacks clarity will fail to inspire others in doing the task, will take wrong decisions, will not have the zest, will burnout soon, will slowly build inertia i.e inaction.

Questions that I ask to the kid

What happens when we don't have clarity? Explain why a person might have clarity. Explain what happens if you lack clarity. How can you gain clarity. 

காலாழ் களரில் நரியடும் கண்ணஞ்சா

குறள் 500

காலாழ் களரில் நரியடும் கண்ணஞ்சா

வேலாள் முகத்த களிறு

[பொருட்பால், அரசியல், இடனறிதல்]

பொருள்

கால் - நாலில்ஒன்று; தமிழில்நாலிலொன்றைக்குறிக்கும்'வ'என்னும்பின்னஎண்குறி; பாதம்; பூவின்தாள்; அடிப்பாகம்; எழுத்தின்கால்; தேருருள்; வண்டி; கோல்; குறுந்தறி; நெசவுத்தறியின்மிதி; கைப்பிடி; தூண்; பற்றுக்கோடு; முளை; மரக்கன்று; மகன்; இனமுறை; பிறப்பிடம்; வாய்க்கால்; பிரிவு; வழி; நடை; இடம்; வனம்; முனை; மரக்கால்; அளவு; கதிர்; மழைக்கால்; காற்று; வாதரோகம்; ஐம்பூதம்; பொழுது; செவ்வி; தடவை; காலன்; கருநிறம்; ஏழனுருபுள்ஒன்று; ஒருவினையெச்சவிகுதி; ஒருமுன்னொட்டு.

ஆழ் - ஆழம், āẕ   ஆழு, II. v. i. be deep, profound, ஆழமாயிரு; 2. sink down, be drowned, அமிழ்.

களரில்  - களர் - உவர்நிலம், களர்நிலம்; சேற்றுநிலம்; கூட்டம்; கறுப்பு; கழுத்து

நரி - ஒருவிலங்குவகை; புலி; வைக்கோற்புரிக்கருவி

அடும் - அடு-தல் - aṭu-   6 v. tr. [K. aḍu, M. aṭuka.]1. To cook, dress, as food, roast, fry; சமைத்தல் அமுதமடு மடைப்பள்ளி (கல்லா. 13). 2. To boil;காய்ச்சுதல். அட்டாலும் பால்சுவையிற் குன்றாது (மூதுரை, 4). 3. To melt; உருக்குதல் அட்டொளி யரத்தவாய்க் கணிகை (சீவக. 98). 4. To pound, as rice;குற்றுதல். வித்தட் டுண்டனை (புறநா. 227). 5. Toconquer, subdue, as the senses, paṣsions;வெல்லுதல். ஐம்பொறியு மட்டுயர்ந்தார் (சீவக. 1468).6. To trouble, afflict; வருத்துதல் கழிபசி நோயடக் கவலும் பூதரும் (கந்தபு. சூரனமை. 59). 7. Todestroy, consume; அழித்தல் எல்லாப் புவனமும். . . அடுபவர் (கந்தபு. ஏமகூ. 18). 8. To kill;கொல்லுதல். அடுநை யாயினும் (புறநா. 36).  

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

அஞ்சுதல் - பயப்படுதல்

அஞ்சா - அஞ்சாமல்; பயப்படாமல்

வேல் - நுனிக்கூர்மையுடையஆயுதவகை; திரிசூலம்; ஆயுதப்பொது; ஆயுதவகை; முருகன்வேல்; வெல்லுகை; பகை; மரவகை; வெள்வேல்; உடை; மூங்கில்.

ஆள் - ஆண்மகன்; திறமையுடையோன்; வீரன் காலாள் கணவன் தொண்டன் ஆட்செய்கை; வளர்ந்தஆள்; ஆள்மட்டம் அரசு தொட்டால்வாடி பெண்பாற்பெயர்விகுதி; பெண்பால்வினைமுற்றுவிகுதி.

முகத்த - முகத்தல் - மொள்ளுதல்; அளத்தல்; தாங்கியெடுத்தல்; விரும்புதல்; நிரம்பப்பெறுதல்; மணம்பார்த்தல்; காண்க:முகத்தலளவு(வை).

முகம் - தலையில்நெற்றிமுதல்மோவாய்வரையுள்ளமுன்புறம்; வாய்; வாயில்; கழி; இடம்; மேலிடம்; நுனி; தொடக்கம்; வடிவு; நோக்கு; தியானம்; முகத்துதி; காரணம்; ஏழாம்வேற்றுமையுருபு; முன்பு; நாடகச்சந்திஐந்தனுள்முதலிலுள்ளசந்தி; நடிகர்கள்அரங்கிற்குவருமுன்நிகழுங்கூத்து; இயல்பு; நிலை; தோற்றம்; கட்டிமுதலியவற்றின்முனையிடம்; முதன்மை; பக்குவம்; பக்கம்; உவமவுருபு; மூலம்; யாகம்; வகை; இந்திரகோபம்

களிறு - ஆண்யானை; ஆண்பன்றி; ஆண்சுறா; அத்தநாள்.

முழுப்பொருள்

வலிமை வாய்ந்த ஒரு யானை உடல் அளவிலும் எடையிலும் மிக பெரிது. அதன் உருவத்தை கண்டாலே எல்லோரும் அஞ்சுவர். யானையை கண்டால் அதன் பாகனும் அஞ்சுவான். அங்குசம் வைத்திருக்கும் பாகனையும் தூக்கி எறியும் யானை. வேல் படைத்த வீரர்களும் யானையிடம் தோற்றுப்போவார்கள். 

அத்தகைய வலிமை வாய்ந்த யானை அதன் கால் ஆழமாக செற்றுள்ள களரிலே அமிழுமாயின் அந்த யானையைவிட பல மடங்கு உடலாலும் வலிமையாலும் சிறிய நரி வென்றுவிடக் கூடும். குறைந்தபட்சம் அந்த யானையை நரி (அல்லது நரிகள்) ஒன்றுக்கூடி வருத்தும். [அடுத்தல் என்ற சொல்லுக்கு வருத்துதல் என்ற பொருள் உண்டு]. ஏனெனில் செற்றில் அமிழ்ந்துள்ள யானையின் கால் நடக்கவே சிரமப்படும். அது எப்படி நரியை விரட்ட முடியும்? அல்லது துதிக்கையால் தூக்கி எறியமுடியும். 

ஆதலால் பெரியோர் ஆயினும் (பெரிய படையை பெற்றவர் ஆயினும்) தனக்கு ஒவ்வாத இடத்தில் தனக்கு அச்சௌகரியமான இடத்தில் தோற்றுப்போவர். சிறியோர் தரும் வருத்தமே அவர்களை மனதளவில் நிலைகுலைய செய்யும். ஆதலால் இடத்தின் தன்மை அறிந்து செயல்படுக.

கால் புதைந்து போகும் அளவுக்கு உள்ள சேற்றில் கால் வைத்தால், பாகனுக்கும் அஞ்சாத, வேல்வீரர்களை மாலையாகக் தம் தந்தங்களால் குத்திக்கோர்க்கின்ற யானையும், நரிகளால் கொல்லப்படும். இடனறிதல் அதிகாரத்தில் மீண்டுமொரு குறள் வலிமையும் சிறுமைபட்டு சிதையும், இடம் தெரியாமல் செயல்பட்டால் என்பதை வலியுறுத்தி. 

மேலும்: அஷோக் உரை

பரிமேலழகர் உரை

கண் அஞ்சா வேலாள் முகத்த களிறு - பாகர்க்கு அடங்காவுமாய், வேலாள்களைக் கோத்த கோட்டவுமாய களிறுகளை, கால்ஆழ் களரின் நரி அடும் - அவை கால் ஆழும் இயல்பிற்றாய சேற்றுநிலத்துப் பட்டுழி நரி கொல்லும் என்றவாறு.

('முகம் ஆகுபெயர்'. 'ஆண்மையும் பெருமையும் உடையாரும் தமக்கு ஏலா நிலத்துச் செல்லின் அவற்றால் பயன் இன்றி மிகவும் எளியரால் அழிவர்' என்பது தோன்ற நின்றமையின், இதுவும் அவ்வலங்காரம். 'வேலாழ் முகத்த என்று பாடம் ஓதுவாரும் உளர்: வேற்படை குளித்த முகத்தவாயின் அதுவும் நரி அடுதற்கு ஏதுவாய் முடிதலின், அது பாடம் அன்மை அறிக. இவை மூன்று பாட்டானும் பகைவரைச் சார்தலாகா இடனும் சார்ந்துழிப்படும் இழுக்கும் கூறப்பட்டன.).

மணக்குடவர் உரை

கண்ணஞ்சாத வேலழுத்தப்பட்ட முகத்தினையுடைய களிற்றைக் கால் விழப்பட்ட களரின்கண் நரி கொல்லவற்றாம். இது மேலதற்குக் காரணங் கூறிற்று.

மு.வரதராசனார் உரை

வேல் ஏந்திய வீரரைக் கோர்த்தெடுத்த கொம்பு உடைய யானையையும், கால் ஆழும் சேற்று நில்த்தில் அகப்பட்ட போது நரிகள் கொன்றுவிடும்.

சாலமன் பாப்பையா உரை

பாகனுக்கு அடங்காததும், தன்னை எதிர்த்துப் பிடித்த வீரனைத் தன் தந்தத்தால் தாக்கித் தூக்கியதுமான ஆண்யானை, கால் புதையும் சேற்றில் சிக்கிக் கொண்டால், நரிகூட அதைக் கொன்றுவிடும்.

Thirukkural - Management - Decision Making

Another simile is used by Valluvar to highlight the importance of location. Kural 500 means that a huge tusker that can fearlessly charge and attack the archers and spearmen in a battlefield will not and cannot fight against even jackals when it is stuck in quicksand, quagmire or slush. That is indeed an amazing observation by Valluvar. 

A tusker which defies spearmen 

Is filled in a bog by jackals.

சிறுபடையான் செல்லிடம் சேரின் உறுபடையான்

குறள் 498

சிறுபடையான் செல்லிடம் சேரின் உறுபடையான்

ஊக்கம் அழிந்து விடும்

[பொருட்பால், அரசியல், இடனறிதல்]

பொருள்

சிறு - ciṟu   VI. v. i. same as சிறுகு; 2. v. t. make small, contract, குறை VI.

(an adjective of சிறுமை.) Little, small, inferior, diminutive. 2. Imperfect, deficient, immature.--Note. Followed by a word beginning with a vowel, சிறு be comes சிற்று.

படை -  சேனை; அறுவகைப்படைகள்; திரள்; சுற்றம்; ஆயுதம்; கருவி; சாதனம்; காண்க:இரத்தினத்திரயம்; முசுண்டி; கலப்பை; குதிரைக்கலணை; யானைச்சூல்; போர்; கல்முதலியவற்றின்அடுக்கு; செதிள்; சமமாய்ப்பரப்புகை; படுக்கை; உறக்கம்; மேகப்படை.

படையான் - படை உடையவன்

செல் - போகை; வாங்கியகடனுக்குச்செலுத்தியதொகை; கடன்; கடன்செலுத்தியதற்குபத்திரமெழுதுங்குறிப்பு; கையொப்பம்; சென்றகாலவளவு; மேகம்; வானம்; குடி; வேல்; கறையான்.

செல் - cel   1. 1-2. poo 2. naTa 1-2. போ 2. நட 1. [arrive at (a destination)]; be current (of money) 2. have an effect  

இடம்  - தானம்; வாய்ப்பு வீடு காரணம் வானம் விரிவு இடப்பக்கம்; அளவு ஆடையின்அகலமுழம்; பொழுது ஏற்றசமயம்; செல்வம் வலிமை மூவகையிடம்; படுக்கை தூரம் ஏழனுருபு; இராசி

சேரின்- சேர்தல் - ஒன்றுகூடுதல்; இடைவிடாதுநினைத்தல்; கலத்தல்; சம்பந்தப்படுதல்; நட்பாதல்; இயைதல்; உரித்தாதல்; சேகரிக்கப்படுதல்; திரளுதல்; செறிதல்; கிடத்தல்; உளதாதல்; செல்லுதல்; கூடுதல்; பொருந்துதல்; புணர்தல்; பெறுதல்; சென்றடைதல்; ஒப்பாதல்; நேசித்தல்.

உறு  - மிகுதி; மிக்க; பகை; போர்.

படை -  சேனை; அறுவகைப்படைகள்; திரள்; சுற்றம்; ஆயுதம்; கருவி; சாதனம்; காண்க:இரத்தினத்திரயம்; முசுண்டி; கலப்பை; குதிரைக்கலணை; யானைச்சூல்; போர்; கல்முதலியவற்றின்அடுக்கு; செதிள்; சமமாய்ப்பரப்புகை; படுக்கை; உறக்கம்; மேகப்படை.

படையான் - படை உடையவன்

ஊக்கம் - உள்ளக்கிளர்ச்சி, மனவெழுச்சி; உள்ளத்தின்மிகுதி; முயற்சி; வலிமை; உயர்ச்சி; மேற்கொண்டஎண்ணம்; உண்மை.

அழிந்து - அழிதல் - நாசமாதல்; சிதைவுறுதல்; தவறுதல் நிலைகெடுதல் தோற்றல் மனம்உருகுதல்; வருந்துதல் மனம்உடைதல்; பெருகுதல் பரிவுகூர்தல்; செலவாதல்

 

விடும் - விடுதல் - நீங்குதல்; நீக்குதல்; விலக்குதல்; பிரித்தல்; கைவிடுதல்; போகவிடுதல்; அனுப்புதல்; பந்தம்விடுதல்; நிறுத்துதல்; ஒழித்துவிடுதல்; முடித்தல்; வெளிவிடுதல்; செலுத்துதல்; எறிதல்; சொரிதல்; கொடுத்தல்; சொல்லுதல்; வெளிப்படக்கூறுதல்; விவரமாகக்கூறுதல்; இசைவளித்தல்; காட்டித்தருதல்; வெளிப்படுத்துதல்; பிரிதல்; புதிர்விள்ளுதல்; கட்டுஅவிழ்தல்; மலர்தல்; உண்டாக்குதல்; மிகுதல்; தங்குதல்; தவிர்தல்; பிளந்திருத்தல்; பலம்குறைதல்; அறுபடுதல்; விலகுதல்; துணைவினை; விடுதலை.

முழுப்பொருள்

இக்குறளுக்கு இரண்டு அர்த்தங்கள் எனக்கு தோன்றுகின்றன. அவற்றை இங்கு தொகுக்கிறேன்

1. எதிரியின் படை அளவில் சிறியதுத்தானே என்று சற்று அலட்சியமாக எண்ணி எதிரியிடம் போருக்கு சென்றால் பெரியபடையும் வலிமையும் படைத்தவன் ஆயினும் அவனுடைய ஊக்கம் அதாவது முயற்சி வலிமை மனவெழுச்சி ஆகியவை குறைந்து அழிந்து அப்போரிலே கெடுவான் அவ்வரசன். அதனால் அவன் பெருமையும் கெட்டு அழியும். ஆதலால் யாரையும் சிறியோர் என எண்ணி உனது முயற்சியை குறைக்காதே. சிறியபடை ஆயினும் அவர்களின் களம்/இடம் அறிந்து செயல்புரிக.

2. அளவில் பெரிய படையும் வலிமையும் வைத்துக்கொண்டு, ஒரு அரசன் சிறிய படைகளை நோக்கி போருக்கு சென்றுக்கொண்டு இருப்பானாயின் அவனுடைய படையுடைய முயற்சி வலிமை ஆகியவை குன்றும். நாளடைவியில் அவர்கள் பெரிய படைகளையும் அவர்களைவிட வலிமை வாய்ந்தவர்களிடம் போராடும் தன்மையை/வீரத்தை/ஊக்கத்தை இழப்பர். கழுதை தேய்ந்து கட்டெறும்பு ஆன கதையாக மாறிவிடும். மேலும் வலிமை வாய்ந்தோர் வலிமையில்லாத சிறியோரிடம் போருக்கு செல்வது அவர்களின் பெருமையை அழித்துவிடும். சிறியோரிடம் காரணம் இன்றி போருக்கு செல்வது நாணத்தக்க செயலாகும்.

இதற்கு பல உதாரணங்களை விளையாட்டுப் போட்டிகளில் இருந்து கூறலாம். பல ஜாம்பவான்கள் சிறிய அணிகளிடம் பெரிய விளையாட்டுகளில் மிக மிக மோசமாக தோற்று இருக்கின்றன. அதற்கு காரணம் சிறிய அணியை குறைத்து மதிப்பிட்டு அவர்கள் முயற்சியை குறைத்துக்கொண்டது தான் காரணம்.

புகைப்படம்::: 1983 ஆம் ஆண்டு கிரிக்கேட் உலக கோப்பை இறுதிப்போட்டியில் சிறிய அணியான இந்திய அணி ஜாம்பவானான மேற்கு இந்திய தீவுகள் அணியை தோற்கடித்தது

மேலும்: அஷோக் உரை

ஒப்புமை

”உறுபடை மன்னர் தம்மை உடற்றிஒன் றானும் இன்றிச்

சிறுபடை யவர்கள் வென்று செகுப்பவோ என்ன வேண்டா

செறிஎயிற் றாளிவேழப் பேரினம் செகுத்த தன்றே

உறுபுலி ஒன்று தானே கலையினம் உடற்றிற் றன்றே” (சீவக.814)

பரிமேலழகர் உரை

உறுபடையான் - பெரும்படையுடைய அரசன், சிறுபடையான் செல் இடம் சேரின் - ஏனைச் சிறுபடையானை அழித்தல் கருதி அவன் புகலைச் சென்று சாருமாயின், ஊக்கம் அழிந்து விடும் - அவனால் தன் பெருமை அழியும்.

('செல் இடம்' அவனுக்குச் செல்லும் இடம். 'அழிந்துவிடும்' என்பது 'எழுந்திருக்கும் என்றாற்போல் ஒரு சொல் ஊக்கத்தின் அழிவு உடையான்மேல் ஏற்றப்பட்டது. தன் படைப்பெருமை நோக்கி , இடன் நோக்காது செல்வன் ஆயின், அஃது அப்படைக்கு ஒருங்குசென்று வினைசெயல் ஆகாமையானாகப் பயிற்சியின்மையானாக,அப்பெருமையால் பயன் இன்றித் தான் அழிந்துவிடும் என்பதாம்.).

மணக்குடவர் உரை

சிறுபடையை யுடையவனுக்கு இயலுமிடத்தே பெரும்படையை யுடையவன் பொருந்துவனாயின் மன மிகுதி கெடும். இஃது இகழ்ந்து செல்லின், வெற்றியில்லையாமென்றது.

மு.வரதராசனார் உரை

சிறிய படை உடையவனுக்குத் தக்கதாக உள்ள இடத்தில் பொருந்தி நின்றால், பெரிய படை உடையவன் தன் ஊக்கம் அழிவான்.

சாலமன் பாப்பையா உரை

பெரிய படையை உடையவன், சிறிய படையை உடையவன் ஓடி இருக்கும் இடந்தேடிப் போனால், போனவனின் பெருமை அழியும்.

Thirukkural - Management - Decision Making

Even a small army has a greater advantage over a bigger and more powerful army when the small army 

is in the right location, locates Valluvar in Kural 498.

A large army in a small place 

Is demoralized and ruined.

The location influences the minds of soldiers of the big army and they will lose their motivation to fight and withdraw their efforts to fight out the small army. Though more powerful in size, the bigger army will have a disadvantage, if the location does not give it an advantage.

பொருள்கருவி காலம் வினையிடனொடு ஐந்தும்

குறள் 675

பொருள்கருவி காலம் வினையிடனொடு ஐந்தும்

இருள்தீர எண்ணிச் செயல்

[பொருட்பால், அமைச்சியல், வினைசெயல்வகை]

பொருள் 

பொருள் - சொற்பொருள்; செய்தி; உண்மைக்கருத்து; செய்கை; தத்துவம்; மெய்ம்மை; நன்குமதிக்கப்படுவது; அறிவு; கொள்கை; அறம்; பயன்; வீடுபேறு; கடவுள்; பலபண்டம்; பொன்; மகன்; தந்திரம்; முலை; உவமேயம்; அருத்தாபத்தி; அகமும்புறமுமாகியதிணைப்பொருள்கள்; அர்த்தசாத்திரம்; தலைமை.

கருவி - ஆயுதம்; சாதனம்; கவசம்; கேடகம்; குதிரைக்கலணை; குதிரைச்சம்மட்டி; தொகுதி; மேகம்; தொடர்பு; ஆடை; ஓவியம்; அணிகலன்; துணைக்காரணம்; இசையுண்டாதற்குரியயாழ்முதலியகருவிகள்.

காலம் - நேரம், பொழுது, பருவம், சமயம்,  தக்கசமயம்; பருவம்; பருவப்பயிர்; விடியற்காலம்; முடிவுகாலம்;

வினை - தொழில்; நல்வினைதீவினைஎனஇருவகைப்பட்டமுன்னைவினை; வினைச்சொல்; செய்தற்குரியது; பரிகாரச்செயல்; முயற்சி; போர்; வஞ்சகம்; தந்திரம்; கருத்து; தொந்தரவு; சீழ்; இரண்டைக்குறிக்கும்குழூஉக்குறி.

இடனொடு - இடன் - இடம், அகலம்; நல்லநேரம்; இடப்பக்கம்இருப்பவன்.

இடம் - தானம்; வாய்ப்பு வீடு காரணம் வானம் விரிவு இடப்பக்கம்; அளவு ஆடையின்அகலமுழம்; பொழுது ஏற்றசமயம்; செல்வம் வலிமை மூவகையிடம்; படுக்கை தூரம் ஏழனுருபு; இராசி

ஐந்தும் - ஐந்து

இருள் - அந்தகாரம்; கறுப்பு மயக்கம் அறியாமை துனபம்; நரகவிசேடம்; பிறப்பு குற்றம் மரகதக்குற்றம் எட்டனுள்ஒன்றாகியகருகல்; மலம் யானை இருவேல் இருள்மரம்

தீர - முற்ற; மிக.

தீர்தல் - உள்ளதுஒழிதல்; முற்றுப்பெறுதல்; உரிமையாதல்; இல்லையாதல்; அழிதல்; கழிதல்; செலவாய்ப்போதல்.

எண்ணிச்  - எண்ணுதல் - எண்ணல், நினைத்தல்; ஆலோசித்தல்; மதித்தல்; தியானித்தல்; முடிவுசெய்தல்; கணக்கிடுதல்; மதிப்பிடுதல்; துய்த்தல்.

செயல் - தொழில்; பொருள்தேடுகை; இழைப்புவேலை; வேலைப்பாடு; காவல்; ஒழுக்கம்; வலிமை; செல்வாக்கு; செய்யல்நிலைமை; சேறு.

முழுப்பொருள் 

ஒரு செயலை செய்யும் முன் கீழ்காணும் ஐந்திணை ஆராய்ந்து எண்ணி அவற்றுள் அறியாமை குற்றங்கள் நீக்க வேண்டும். இவற்றில் எவ்வித குழப்பமும், ஐயப்பாடும், மயக்கமும் இருத்தல் கூடாது.  அதன் பின்பே அச்செயலை செய்யவேண்டும். 

1. பொருள் - செயலிற்கு தேவையான  செல்வம் அதாவது பொருள் ஆகியவற்றை ஆராய்ந்து கணக்கிட வேண்டும் 

2. கருவி - செயலிற்கு தேவையான கருவிகள் / சாதனங்கள், திறன்கள் ஆகியவற்றை வல்லுனர்களுடன் ஆலோசித்து அறிந்துகொள்ள வேண்டும். நம்மிடம் இருக்கும் கருவிகள், திறன் ஆகியவற்றில் ஏதாவது குற்றம் குறை இருப்பின் அவற்றை கலையவேண்டும். 

3. காலம் - செயலை செய்வதற்கான தக்க காலத்தை/பருவத்தை ஆராயவேண்டும். செய்யக்கூடாத நேரத்தையும் ஆராயவேண்டும். செயல் செய்து முடிக்க தேவையான சரியான அளவு காலத்தையும் கணக்கிட வேண்டும். செயல் முடிக்க வேண்டிய (அதாவது தேவை) காலத்தையும் கணக்கில் கொள்ளவேண்டும். 

4. வினை  -  செயல் செய்வதற்கான திட்டம்  வியூகம் ஆகியவற்றை நன்கு ஆராயவேண்டும். அவற்றில் ஏதேனும் குற்றம் இருக்கிறது என்று ஆராய வேண்டும். திட்டமிடப்படாத தோல்விகளை இடையூறுகளை சமாளிக்க ஆவனவற்றை திட்டமிட வேண்டும். 

5. இடம் - செயலை செய்வதற்கான ஏற்ற இடத்தை தேர்வு செய்யவேண்டும். அவ்விடத்தில் மேற்சொன்ன நான்கும் பொருந்துமா என்று பார்க்க வேண்டும்.

இக்கருத்தோடு இயைந்து கம்பரும் தனது கம்பராமாயண மந்திரப்படலப்  (8)பாடலில், “காலமும் இடனும், ஏற்ற கருவியும் தெரியக் கற்ற நூலுற நோக்கித் தெய்வம் நுனித்தறம் குணித்த மேலோர்” என்பார்

மேலும் : அஷோக் உரை 

பரிமேலழகர் உரை

பொருள் கருவி காலம் வினை இடனொடு ஐந்தும் - வினைசெய்யுமிடத்துப் பொருளும் கருவியும் காலமும் வினையும் இடனுமாகிய இவ்வைந்தனையும்; இருள் தீர எண்ணிச் செயல் - மயக்கம் அற எண்ணிச் செய்க. (எண்ணொடு, பிறவழியும் கூட்டப்பட்டது. பொருள் - அழியும் பொருளும் ஆகும்¢ பொருளும். கருவி-தன்தானையும் மாற்றார் தானையும். காலம் - தனக்கு ஆகுங் காலமும் அவர்க்கு ஆகுங் காலமும். வினை - தான் வல்ல வினையும் அவர் வல்ல வினையும். இடம் - தான் வெல்லும் இடமும் அவர் வெல்லும் இடமும். இவற்றைத் தான் வெற்றியெய்தும் திறத்தில் பிழையாமல் எண்ணிச் செய்க என்பதாம்.).

மணக்குடவர் உரை

பொருளும், கருவியும், காலமும், வினையும் வினைசெய்யும் இடமுமென்னும் ஐந்தினையும் மயக்கந்தீர எண்ணிப் பின்பு வினைசெயத் தொடங்குக. இவற்றுள் ஒவ்வொன்றும் இரண்டு இரண்டு வகைப்படும்:-1. பொருளாவது கெடும் பொருளும் பெறும் பொருளும், 2. கருவியாவது தனக்கு உள்ள படையும் மாற்றரசர்க்கு உள்ள படையும், 3. காலமாவது தனக்காங்காலமும் மாற்றரசர்க் காங்காலமும், 4. வினையாவது தான் செய்யும் வினையும் பகைவர் செய்யும் வினையும், 5. இடமாவது தனக்கா மிடமும் பகைவர்க்கா மிடமும் ஆம். இவை செய்யும் வினைக்கு முற்பட வேண்டுதலின் முற் கூறப்பட்டன.

மு.வரதராசனார் உரை

வேண்டிய பொருள், ஏற்றக்கருவி, தக்க காலம், மேற்கொண்ட தொழில், உரிய இடம் ஆகிய ஐந்தினையும் மயக்கம் தீர எண்ணிச் செய்ய வேண்டும்.

சாலமன் பாப்பையா உரை

ஒரு செயலைச் செய்யத் தொடங்கும்போது தனக்கும் தன் எதிரிக்கும் இருக்கும் செல்வம், சாதனங்கள், ஏற்ற காலம், செயல்திறம், பொருத்தமான இடம் ஆகிய ஐந்தையும் சந்தேகத்திற்கு இடம் இல்லாமல் சிந்தித்துச் செய்க.

Thirukkural - Management - Decision Making

In addition to the four components of decision making highlighted in Kural 471, Kural 675 suggests 

that five more weapons are also important for effective decision-making.

675)

Five things should be pondered over before you act

Resources, weapons,  time, place and deed

They are: 1) Right resources, 2) Right tools and techniques, 3) Right time, 4) Right action, and 5) Right place. If a person executes a task after analyzing all the above five, he will be a successful executive. Decide and execute.

ஆக்கம் கருதி முதலிழக்கும் செய்வினை

குறள் 463
ஆக்கம் கருதி முதலிழக்கும் செய்வினை
ஊக்கார் அறிவுடை யார்
[பொருட்பால், அரசியல், தெரிந்துசெயல்வகை]

பொருள்

ஆக்கம் - காண்க:ஆக்கக்கிளவி; அமைத்துக்கொள்ளுகை; கைகூடுகை; உண்டுபண்ணுகை; படைப்பு செல்வம் பொன் பெருக்கம் இலாபம் ஈட்டம் கொடிப்படை திருமகள் மங்களகரம் வாழ்த்து

கருதி - கருத்து - நோக்கம், தாற்பரியம், கொள்கை, எண்ணம், விருப்பம், சொற்பொருள், கவனம், இச்சை, விவேகம், சம்மதம், மனம், பயன், சங்கற்பம், தன்மதிப்பு.

முதல் - ஆதி; இடம்முதலியவற்றில்முதலாயிருப்பது; காரணம்; மூலகாரணனானகடவுள்; முதலானவன்; ஏற்றம்; மூலதனம்; வேர்; கிழங்கு; அடிப்பாகம்; மரம்முதலியவற்றின்அடி; இடம்; அகப்பொருட்குரியநிலம்; பொழுதுகளின்இயல்பு; பிண்டப்பொருள்; செலவுக்காகச்சேமிக்கும்பொருள்; இசைப்பாட்டுள்ஒன்று; சொத்தின்கொள்முதல்விலை; பன்னிருஉயிரெழுத்தும்பதினெட்டுமெய்யெழுத்தும்; தொடக்கமாகவுடைய; ஏழாம்வேற்றுமையுருபு; ஐந்தாம்வேற்றுமையுருபு; பத்திரம்.

இழப்பு - இழக்கை, நட்டம் பொருளழிவு

இழக்கும் - தவறவிடுதல்; சாகக்கொடுத்தல்; கைவிடுதல்.

செய்வினை

ஊக்குதல் - ஆட்டுதல்; நெகிழ்த்துதல்; தப்புதல்; ஆர்வமூட்டுதல்; முயலுதல்; கற்பித்தல்; நினைத்தல்; ஏறுதல்; நோக்குதல்.

ஊக்கார் -  முயலமாட்டார் 

அறிவு - ஞானம்; புத்தி பொறியுணர்வு; அறியவேண்டியவை; கல்வி ஆன்மா

உடையார் - உடையவர்கள் ; uṭaiyār   n. id. Hon. pl. 1.Lord, master; சுவாமி உடையார் . . . திருவிழாவில் (S.I.I. ii, 306). 2. Title of certain castesof cultivators; சிலசாதியாரின் பட்டப்பெயர் 3.A village official in North and East Ceylon;இலங்கையில் ஒரு கிராம உத்தியோகஸ்தன் 4. Pl.The rich, as those who have world's goods;செல்வர். உடையார்மு னில்லார்போல் (குறள், 395).

முழுப்பொருள்
ஆக்கம் என்றால் இலாபம் என்று பொருள் கொள்வதை விட பெருக்கம் என்ற பொருளை எடுத்துக்கொள்வது சரியாக இருக்கும். ஏனெனில் எந்த ஒரு செயலிலும் ஒருவித பயன் அல்லது இலாபம் இன்றியமையாததாகும். ஆனால் பெருக்கம் என்றால் அளவிற்கு மீறிய இலாபம் அல்லது மிகுதி என்று பொருள்.

ஆதலால் அளவிற்கு மிகுதியான இலாபத்திற்காக ஆசைப்பட்டு ஒரு செயலை செய்து அதனால் நஷ்டமும் அடைவது மட்டும் அல்லாமல் நம்மிடம் இருக்கும் மூலதனத்தையும் இழக்கமாட்டார்கள் அறிவுள்ளவர்கள். ஏனெனில் அதீத இலாபத்தினை ஒரு செயல் கொடுக்குமெனில் அதில் அதிக இடர்கள் வர அபாயம் (ஆபத்து) இருக்க வாய்ப்புகள் பல உண்டு. அத்தகைய அதீத இடர்கள் அபாயங்கள் பெருமளவு நஷ்டத்தையும் துன்பத்தையும் தரும்.

அதனால் தான் அறிவுள்ளவர்கள் அத்தகைய செயல்களை செய்ய முயலக்கூட மாட்டார்கள். அதற்காகவே ஊக்கார் என்ற சொல்லை தேர்ந்தெடுத்துப் பயன்படுத்தியிருக்கிறார் திருவள்ளுவர்.

ஒப்புமை

வாணிகம் ஒன்றும் தேற்றாய் முதலொடும் கேடு வந்தால்

ஊணிகந் தீட்டப் பட்ட ஊதிய ஒழுக்கின் நெஞ்சத்து

ஏணிகந் திலேசு நோக்கி இருமுதல் கெடாமை கொள்வார் (சீவக.770)

மேலும்: அஷோக் உரை

பரிமேலழகர் உரை

ஆக்கம் கருதி முதல் இழக்கும் செய்வினை - மேல் எய்தக்கடவ ஊதியத்தினை நோக்கி முன் எய்தி நின்ற முதல் தன்னையும் இழத்தற்கு ஏதுவாய செய்வினையை, அறிவுடையார் ஊக்கார் - அறிவு உடையார் மேற்கொள்ளார்.

('கருதி' என்னும் வினையெச்சம் 'இழக்கும்' என்னும் பெயர்எச்ச வினை கொண்டது. எச்ச உம்மை விகாரத்தால் தொக்கது. ஆக்கமே அன்றி முதலையும் இழக்கும் வினைகளாவன: வலியும் காலமும் இடனும் அறியாது பிறர் மண் கொள்வான் சென்று, தம் மண்ணும் இழத்தல் போல்வன. முன் செய்து போந்த வினையாயினும் என்பார்,'செய்வினை' என்றார்.).

மணக்குடவர் உரை

தமக்கு ஆக்கம் உண்டாகவேண்டி முன்புண்டான முதலும் இழக்க வரும் வினையைச் செய்ய நினையார் அறிவுடையார்.

இது பிற்பயவாத வினை செய்யலாகாதென்றது.

மு.வரதராசனார் உரை

பின் விளையும் ஊதியத்தைக் கருதி இப்போது கையில் உள்ள முதலை இழந்து விடக் காரணமாச் செயலை அறிவுடையோர் மேற்க்கொள்ள மாட்டார்.

சாலமன் பாப்பையா உரை

வரும் லாபத்தை எண்ணி, இருக்கும் முதலையும் இழந்துவிடுவதற்கு ஏற்ற செயலை அறிவுள்ளவர் செய்யமாட்டார்.

Thirukkural - Management - Decision Making

Kural 463 provides insights into business decisions. People with business acumen — that is the 

ability to anticipate the outcomes of their decisions — and awareness of the time for the return

on investment do not undertake any business venture that will lead to loss of capital, though there 

is an expected gain in the distant future.

It is not wisdom to rose the capital

For the safe of interest.

Extreme risk takers may venture into any business. But calculated risk takers will not do that. Calculated risk takers venture into business dealings only when they are confident of the possibility of achieving success. So a high achievement orientation is needed for success in business.

அழிவதூஉம் ஆவதூஉம் ஆகி

குறள் 461
அழிவதூஉம் ஆவதூஉம் ஆகி வழிபயக்கும்
ஊதியமும் சூழ்ந்து செயல்
[பொருட்பால், அரசியல், தெரிந்துசெயல்வகை]

பொருள்

உம் - ஓரிடைச்சொல், அசைநிலை விகுதி

அழிவதூஉம் - அழிவது - கெடுதி.

அழி-தல் - aḻi-   4 v. intr. [K. M. aḻi.]1. To perish, to be ruined; நாசமாதல். 2.To decay, to be mutilated; சிதைவுறுதல்.ஆரவண்டலழியும் (நைடத. கைக்கி. 10). 3. To fail,to be frustrated; தவறுதல் நீயுரைத்த தொன்றுமழிந்திலது (கம்பரா. பிராட்டி 30). 4. To becomeunsettled, to lose standing; நிலைகெடுதல் அழிந்தகுடி. 5. To be defeated; தோற்றல் வாதி லழிந்தெழுந்த (தேவா. 859, 3). 6. To melt with love மனம் உருகுதல் 7. To suffer, to be troubled;வருந்துதல். சூணயத் திறத்தாற் சோர்வுகண் டழியினும்(தொல். பொ 150). 8. To be disheartened; மனம்உடைதல். இதற்கு உள்ளழியேல் (கம்பரா. நகர்நீங்கு.18) 9. To swell, increase; பெருகுதல் அழியும்புன லஞ்சன மாநதியே (சீவக. 1193). 10. Tosympathise with; பரிவுகூர்தல். புணர்ந்த நெஞ்சமொ டழிந்தெதிர் கூறி விடுப்பினும் (தொல். பொ 40).11. To be spent, used up, sold out, exhausted;செலவாதல். என்னிடமிருந்த சரக்கெல்லாம் அழிந்துவிட்டது. 

ஆவதூஉம் - ஆவது - ஆகவேண்டியது; விகற்பப்பொருள்தரும்ஓரிடைச்சொல்; விவரம்பின்வருதலைக்குறிக்குஞ்சொல்; எண்ணொடுவருஞ்சொல்.

ஆகி - ஆகுதல் - ஆதல்.

வழி - நெறி; காரணம்; கழுவாய்; வழிபாடு; ஒழுக்கம்; முறைமை; பின்சந்ததி; மரபு; மகன்; சுற்றம்; உடன்பிறந்தான்; பரம்பரை; நூல்வந்தநெறி; சுவடு; பின்னானது; வழக்கு; பழைமை; மலைப்பக்கம்; இடம்; திரட்சி; வரம்; பின்பு; வினையெச்சவிகுதி; ஏழனுருபு

பயக்கும் - பயத்தல் - விளைதல்; உண்டாதல்; பலித்தல்; கிடைத்தல்; படைத்தல்; பெறுதல்; கொடுத்தல்; பூத்தல்; இயற்றுதல்; நிறம்வேறுபடுதல்; அச்சமுறுதல்.

ஊதியமும்  - ஊதியம் - இலாபம்; கல்வி; பயன்

சூழ்ந்து - சூழ்தல் - சுற்றியிருத்தல்; சுற்றிவருதல்; ஆராய்தல்; கருதுதல்; சதியாலோசனைசெய்தல்; தேர்ந்தெடுத்தல்; அறிதல்; பண்ணுதல்; எழுதுதல்; தாக்குதல்.

செயல் - தொழில்; பொருள்தேடுகை; இழைப்புவேலை; வேலைப்பாடு; காவல்; ஒழுக்கம்; வலிமை; செல்வாக்கு; செய்யல்நிலைமை; சேறு.

முழுப்பொருள்

ஒரு செயலை துவங்கும் முன் நாம் ஆற்றவேண்டியவற்றை வரையறை செய்கிறார் திருவள்ளுவர்.

1. அச்செயலில் நடக்கக்கூடிய தவறுகள், செலவுகள், அச்செயலினால் வரக்கூடிய (நற்பெயர், பொருள், செல்வம், நேரம்) நஷ்டங்கள், அழிவுகள் ஆகியவற்றை கணக்கிட வேண்டும். ஒரு புதிய செயலையோ அல்லது புதிய ஒரு தொழிலையோ/வியாபரத்தையும் துவங்கமும் பொழுது முதலில் பல காரியங்களுக்காக குறிப்பாக பொருள்கள் வாங்குவதற்கும் ஊதியம் கொடுப்பதற்கும் செலவு ஆகும். அதனால் தான் அழிவதூஉம் என்று முதலில் அதனை கணக்கிட சொல்கிறார் திருவள்ளுவர்.

2. அச்செயல் வெற்றிப்பெற தேவையான மெனக்கெடல்கள், யுக்திகள்/வியூகங்கள், மக்கள், செல்வம், உழைப்பு, திறன், நேரம், கால அவகாசம் ஆகியவற்றை கணக்கிட வேண்டும்

3. வழி பயக்கும் ஊதியம் - துவக்கத்தில் நஷ்டம் வரலாம் ஆனால் வருங்காலத்தில் வரக்கூடிய இலாபத்தை ஒரு வியாபாரம்/செயல் ஈட்ட வேண்டும்.

4. அச்செயலினால் நாம் அடையக்கூடிய ஆதாயம் மற்றும் நஷ்டத்தை கணக்கிட வேண்டும். சூழ்ந்து /கருதி செயல் வேண்டும் என்கிறார். அதாவது இலாபம் வருமா என்பதனை கருதி செய்தல் வேண்டும். நிகழ்காலத்தில் இலாபம் குறைவாகவோ அல்லது நஷ்டமாகவோ இருக்கக்கூடும். ஆனால் சில காலத்தில் நஷ்டத்தை ஈடுகட்டிய இலாபம் வரவேண்டும். 

MBA-வில் Finance பாடம் படிப்பவர்களுகு முதலாவது பாலப்பாடமே NPV (Net Present Value) தான். அதில் வியாபரத்தில் முதல் ஆண்டு நஷ்டமாக இருக்கலாம். ஆனால் முதல் மூன்று ஆண்டுகளுக்கான இலாபத்தின் NPV மூன்று ஆண்டுகளுக்கான சராசரி இலாப அளவை அடைக்கூடியதாக இருத்தல் வேண்டும். அத்தகைய வியாபரத்தை மட்டுமே நாம் செய்தல் வேண்டும். இல்லையேல் அந்த வியாபரத்தை விட்டுவிடுதல் வேண்டும். ஏனெனில் அதில் பணம் விரயம், நேர விரயம், உழைப்பு / ஆற்றல் விரயம்.  

மேற்சொன்ன நான்கையும் தன்னுடைய (திறன் வாய்ந்த) சுற்றத்துடன் கலந்து ஆலோசித்து ஆதாயம் தரக்கூடியவற்றை தக்க தற்காப்புகளை எடுத்துக்கொண்டு தீட்டிய திட்டத்தின்படி செயலாற்ற வேண்டும் என்கிறார் திருவள்ளுவர்.

MBA படிப்பர்வர்களுக்கு தெரியும் அவர்கள் consulting case இல் முதலில் கற்பது Profit/Loss = Revenues - Cost (இலாபம்/நஷ்டம் = வரவு - செலவு) என்ற model-ஐ முதலில் கற்பார்கள்.

மேலும்: அஷோக் உரை

பரிமேலழகர் உரை
அழிவதூஉம் - வினைசெய்யுங்கால் அப்பொழுது அதனால் அழிவதையும், ஆவதூஉம் - அழிந்தால் பின் ஆவதனையும், ஆகி வழி பயக்கும் ஊதியமும் - ஆய் நின்று பிற்பொழுது தரும் ஊதியத்தையும், சூழ்ந்து செயல் - சீர் தூக்கி உறுவதாயின் செய்க.
(உறுவதாவது - நிகழ்வின்கண் அழிவதனில் ஆவது மிக்கு, எதிர்வினும் அது வளர்ந்து வருதல் . அழிவது இன்மையின், எதிர்வின்கண் வரும் ஆக்கத்தை 'ஊதியம'¢ என்றார். எனவே, அவ்வூதியம் பெறின் நிகழ்வின்கண் அழிவதும் ஆவதும் தம்முள் ஒத்தாலும், ஒழிதற்பாற்று அன்று என்பது பெற்றாம். இரண்டு காலத்தும் பயன் உடைமை தெரிந்து செய்க என்பதாம்.).

மணக்குடவர் உரை
வினை செய்து முடித்தற்கு அழியும் பொருளும் அது செய்து முடித்தாலுளதாகும் பொருளுமாய்நின்று அப்பொருளினாற் பின்புண்டாய் வரும் பயனும் எண்ணிப் பின்பு வினைசெய்ய வேண்டும்.

மு.வரதராசனார் உரை
(ஒரு செயலைத் தொடங்குமுன்) அதனால் அழிவதையும் அழிந்த பின் ஆவதையும், பின்பு உண்டாகும் ஊதியத்தையும் ஆராய்ந்து செய்ய வேண்டும்.

சாலமன் பாப்பையா உரை
ஒரு செயலைச் செய்யும்போது வரும் நட்டத்தையும், பின் விளைவையும் பார்த்து, அதற்குப்பின் வரும் லாபத்தையும் கணக்கிட்டுச் செய்க.

Thirukkural - Management - Decision Making

In addition to the five weapons suggested in Kural 675, Kural 461 suggests that before we start a task, we need to assess the possible positive and negative outcomes and the resources needed in the process of getting that outcome and the benefits that will come because of the positive outcomes.

Act after taking into account 

The cost, the benefit and the net.

சூழ்ச்சி முடிவு துணிவெய்தல்

குறள் 671

சூழ்ச்சி முடிவு துணிவெய்தல் அத்துணிவு

தாழ்ச்சியுள் தங்குதல் தீது

[பொருட்பால், அமைச்சியல், வினைசெயல்வகை]

பொருள் 

சூழ்ச்சி - ஆலோசனை; நுண்ணறிவு; ஆராய்தல்; வழிவகை; மனத்தடுமாற்றம்.

முடிவு - இறுதி; எல்லை; தீர்மானம்; முடிவானஉட்கோள்; நிறைவு; பயன்; இசைப்பாகுபாடு; சாவு.

துணிவு - தெளிவு; மனத்திட்பம்; நம்பிக்கை; நோக்கம்; துண்டு; ஆண்மை; துணிச்சல்; உறுதி; முடிவு; கொள்கை; தாளம்; கைக்கிளைவகையுள்ஒன்று.

எய்தல் - அடைதல், சேர்தல்; அம்பைச்செலுத்தல்; நிகழ்தல்; சம்பவித்தல்; பெறுதல்.

துணிவெய்தல் - துணிவுடன் எய்தல் 

அத்துணிவு - அந்த துணிவு

தாழ்ச்சி - கீழ்மை; தாழ்வு; தாழ்மை; குறைவு; பணிவை வெளிப்படுத்தும் சொல்; வணக்கம்; ஆழம்; இகழ்ச்சி; ஏலாமை; காலநீட்டிப்பு; தவறு; நிலைகெடுதல்; விழுதல்.

தாழ்ச்சியுள் - கீழ்மைகளுடன் , காலா நீட்டிப்புடன் , தவறுகளுடன்,

தங்குதல் - வைகுதல்; உளதாதல்; அடக்குதல்; நிலைபெறுதல்; தணிதல்; தாமதப்படுதல்; தடைப்படுதல்; இருப்பாயிருத்தல்; அடியிற்படுதல்; சார்ந்திருத்தல்.

தீது - தீமை; குற்றம்; பாவச்செயல்; துன்பம்; இறப்பு; கேடு; உடம்பு; இடையூறு.

முழுப்பொருள் 

ஒரு செயலை செய்யும் முன் அச்செயலை பற்றி முழுவதுமாய் ஆராய வேண்டும். அச்செயலின் விளைவுகளையும் பயன்களையும் அச்செயல் செய்யும் பொது வரக்கூடிய தடங்கள்களையும் அச்செயல் செய்யக்கூடிய நேரத்தையும் காலத்தையும் நன்கு ஆராய்ந்து ஆலோசித்து ஒரு முடிவுக்கு வரவேண்டும். அப்படி எடுக்கும் முடிவு அச்செயல் செய்வதற்கான துணிவை  மனவுறுதியை செயலின் மீது நம்பிக்கையை தர வேண்டும். 

அப்படி ஒரு முடிவை எடுத்த பின்பு அதனை உடனே செயல்முறைபடுத்தி முடிக்க வேண்டும். அப்படி இல்லாமல் அச்செயலை செய்ய காலம் தாழ்த்துவது அச்செயலுக்கு தீமையையே தரும். அது குற்றமும் ஆகும். ஏனெனில் அச்செயலை பற்றி ஆராய பல மணி நேரங்களை பயன்படுத்தியுள்ளோம். செயலை செய்யாது இருப்பது காலம் தாழ்த்துவது அந்த ஆராய்ச்சி மற்றும் ஆலோசனை நேரங்களை வீண் செய்வதாகும். நேரத்தை வீண் செய்வது குற்றமாகும்.

குறள் 466

செய்தக்க அல்ல செயக்கெடும் செய்தக்க

செய்யாமை யானுங் கெடும்

குறள் 467

எண்ணித் துணிக கருமம் துணிந்தபின்

எண்ணுவம் என்பது இழுக்கு

என்ற குறள்களையும் நினைவில் கொள்க

மேலும் : அஷோக் உரை 

பரிமேலழகர் உரை

சூழ்ச்சி முடிவு துணிவு எய்தல் - விசாரத்திற்கு எல்லையாவது விசாரிக்கின்றான் 'இனி இது தப்பாது' என்னும் துணிவினைப் பெறுதல்; அத்துணிவு தாழ்ச்சியுள் தங்குதல் தீது - அங்ஙனம் துணிவுபெற்ற வினை. பின் நீட்டிப்பின்கண் தங்குமாயின் அது குற்றமுடைத்து. ('சூழ்ச்சி முடிவு துணிவு எய்தல்' எனவே, துணிவு எய்தும் அளவும் சூழவேண்டும் என்பது பெற்றாம். பின்னர்த் 'துணிவு' ஆகு பெயர். நீட்டிப்பு - செய்யுங் காலத்துச் செய்யாமை. அஃதுள்வழிக் காலக்கழிவாகலானும் பகைவர் அறிந்து அழித்தலானும் முடியாமையின் அதனைத் தீது என்றார்.) .

மணக்குடவர் உரை

சூழ்ச்சிக்கு எல்லை துணிவு பெறுதல்: அவ்வாறு துணிந்தவினை நீட்டித்தலின்கண்ணே கிடைக்குமாயின் அது தீதாம். இது வினைசெயத் துணிந்த காலத்து நீட்டிக்குமாயின் அதனை யறிந்து பகைவர் தம்மைக் காப்பார்: ஆதலால் நீட்டியாது விரைந்து வினை செய்யவேண்டுமென்றது.

மு.வரதராசனார் உரை

ஆராய்ந்து எண்ணுவதற்கு எல்லை துணிவு கொள்வதே ஆகும், அவ்வாறு கொண்ட துணிவு காலந் தாழ்த்து நிற்பது குற்றமாகும்.

சாலமன் பாப்பையா உரை

ஓர் ஆலோசனையின் முடிவு, செயலைச் செய்யும் துணிவைப் பெறுவதே, பெற்ற அத்துணிவைச் செயலாக்கக் காலம் தாழ்த்தினால் அது தீமையாகும்.

Thirukkural - Management - Decision Making

The objective of any lengthy and detailed discussion of a subject is to take a

decision. However, delaying to execute the decision taken is a destructive thing as that sort of delay brings disaster, warns Kural 6 71. It is often said that in corporate practices people are good decision makers but poor executioners. Hence, this warning by Valluvar is highly relevant.

The end of deliberation is decision

To decide and dawdle is bad.

பகல்வெல்லும் கூகையைக் காக்கை

குறள் 481

பகல்வெல்லும் கூகையைக் காக்கை இகல்வெல்லும்

வேந்தர்க்கு வேண்டும் பொழுது

[பொருட்பால், அரசியல், காலமறிதல்]

பொருள்

பகல் - pakal   n. பகு²-. 1. Dividing, separating; பகுக்கை. (பிங்.) நெருநைப் பகலிடங்கண்ணி (புறநா. 249). 2. Middle; நடு (திவா.)3. Middle position, impartiality; நடுவுநிலைமை அகல்வையத்துப் பகலாற்றி (பதிற்றுப். 90, 9).4. Middle or main peg in a yoke;நுகத்தாணி. நெடுநுகத்துப் பகல்போல (பட்டினப்.206). 5. Period of two nāḻikai; முகூர்த்தம் (பிங்.) ஒருபகல் காறு நின்றான் (சீவக. 2200). 6.Half of a yāmam; அரையாமம். அரையிருள் யாமத்தும் பகலுந் துஞ்சார் (சிலப். 4, 81). 7. Midday,noon; மத்தியானம் Colloq. 8. [T. pagalu,K. pagal, M. pakal.] Day, day time, as dividedfrom the night; காலைமுதல் மாலைவரையுள்ள காலம் பகல் விளங்குதியாற் பல்கதிர் விரித்தே (புறநா. 8). 9.The morning sun; இளவெயில் பாய்குழை நீலம்பகலாகத் தையினாள் (பரிபா. 11, 96). 10. Day of24 hours; அறுபது நாழிகைகொண்ட நாள் (திவா.)ஒல்வ கொடாஅ தொழிந்த பகலும் (நாலடி, 169). 11.The day of destruction of the universe;ஊழிக்காலம். துஞ்ச லுறூஉம் பகலுறு மாலை (பதிற்றுப். 7, 8). 12. Sun; சூ 

வெல்லும் - வெற்றிபெறுதல்; ஒத்தல்; ஒழித்தல்; மேம்படுதல்

கூகையைக் - கோட்டான், பேராந்தை; கூவைக்கிழங்கின்கொடி.

காக்கை - காகம்; அவிட்டநாள்

இகல் - பகை; போர் வலிமை சிக்கு அளவு புலவி

வெல்லும் - வெற்றிபெறுதல்; ஒத்தல்; ஒழித்தல்; மேம்படுதல்

வேந்தர்க்கு - வேந்தர் - சேரர், சோழர், பாண்டியர் ஆகிய மூன்று தமிழரசர்,

வேந்தன் - எல்லா ஆற்றலும் பெற்ற அரசன்; இந்திரன்; சந்திரன்; சூரியன்; வியாழன்.

வேண்டும் - vēṇṭum   v. opt. id. 1. Verbmeaning 'will be required' or 'will be necessary, indispensable'; இன்றியமையாது வேண்டத்தக்கது என்பது குறிக்கும் வியங்கோள்வினை.வேந்தனீயாகி வையமிசைபடக் காத்தல் வேண்டும்(சீவக. 201). 2. Verb in the future tense usedin all genders, numbers and persons, meaning(a) 'will be required'; இன்றியமையாதது என்றபொருளில் ஐம்பால் மூவிடத்திற்கும் உரியதாய் வரும்எதிர்கால வினைமுற்று. எனக்குப் புஸ்தகம் வேண்டும்:(b) 'will stand in relation to'; உறவு முதலியவற்றைக் குறித்து ஐம்பால் மூவிடத்திற்கும் உரியதாய்வரும் எதிர்கால வினைமுற்று. அவன் உனக்கு என்னவேண்டும்? 3. Auxilliary verb meaning 'must';அவசியம் என்பதைக் குறிக்கும் வினை

பொழுது - காலம்; தக்கசமயம்; வாழ்நாள்; கணம்; சிறுபொழுதுபெரும்பொழுதுகள்; சூரியன்

முழுப்பொருள்

ஆந்தையானது ஒரு பெரிய பறவை. அது பகலில் உறங்கி இரவில் விழித்திருக்கும் பறவை. அது தன் உடலால் (காக்கையை போன்ற சில பிறவைகளை விட) வலிமையானது. அதனை இரவில் வெல்லுவது மிகவும் கடுமையானது இயலாததும் ஆகும். ஆனால் அத்தகைய ஆந்தையை அதனை விட வலு குறைந்த காக்கை பகல் நேரங்களில் வென்றுவிடலாம். 

அதனைப்போன்று தன்னைவிட பெரிய பகைவரையும் ஒரு நாட்டின் அரசர் வென்றுவிட முடியும். ஆனால் அதற்கான தக்க நேரத்தை திட்டமிட்டு காத்து காலம் வந்தவுடன் வெல்ல வேண்டும்.

ஒப்புமை

இவ்வொப்புமையை கம்பரும், 

“வேந்தர், அற்காக்கை கூகையைக் கண்

   டஞ்சினவாம் என அகன்றார்” (கம்ப.கார்முகப்.23) என்று கம்பராமாயணத்தில் பயன்படுத்தியுள்ளார்.

”கடத்திடைக் காக்கை யொன்றே யாயிரம் கோடி கூகை

இடத்திடை அழுங்கைச் சென்றாங் கின்னுயிர் செகுத்த தன்றே” (சீவக.1927)

“காது கொற்ற நினக்கலாமை பிறர்க்கெவ்வாறு கலக்குமோ...

போது பிற்படல் உண்டி தோர்பொருள் அன்றியின்று புணர்த்தியேல்

யாதுனக்கிய லாத தெந்தை வருந்துதல் என்ன இயம்பினான்” (கம்ப.கார்காலப்.69)

மேலும் அஷோக் உரை

பரிமேலழகர் உரை

கூகையைக் காக்கை பகல் வெல்லும் - தன்னின் வலிதாய கூகையைக் காக்கை பகற்பொழுதின்கண் வெல்லாநிற்கும், இகல் வெல்லும் வேந்தர்க்குப் பொழுது வேண்டும் - அது போலப் பகைவரது இகலை வெல்லக் கருதும் அரசர்க்கு அதற்கு ஏற்ற காலம் இன்றி அமையாதது.

(எடுத்துக்காட்டு உவமை, காலம் அல்லாவழி வலியால் பயன் இல்லை என்பது விளக்கி நின்றது. இனிக் காலம் ஆவது, வெம்மையும் குளிர்ச்சியும் தம்முள் ஒத்து, நோய் செய்யாது, தண்ணீரும் உணவும் முதலிய உடைத்தாய்த் தானை வருந்தாது செல்லும் இயல்பினதாம். இதனால் காலத்தது சிறப்புக் கூறப்பட்டது.).

மணக்குடவர் உரை

இராப்பொழுது வெல்லுங் கூகையைக் காக்கை பகற்பொழுது வெல்லும். ஆதலான் மாறுபாட்டை வெல்லும் அரசர்க்குக் காலம் வேண்டும் இது காலமறிதல் வேண்டும் என்றது.

மு.வரதராசனார் உரை

காக்கை தன்னைவிட வலிய கோட்டானைப் பகலில் வென்றுவிடும், அதுபோல் பகையை வெல்லக்கருதும் அரசர்க்கும் அதற்கு ஏற்ற காலம் வேண்டும்.

சாலமன் பாப்பையா உரை

தன்னைவிடப் பலமுள்ள கோட்டானைக் காக்கை பகலில் வென்றுவிடும்; ஆகவே பகைவரை வெல்ல எண்ணுபவர்க்கு அதற்கு ஏற்ற காலம் அவசியம்.

Thirukkural - Management - Decision Making

Extreme risk takers may venture into any business. But calculated risk takers will not do that. Calculated risk takers venture into business dealings only when they are confident of the possibility of achieving success. So a high achievement orientation is needed for success in business.

Three critical factors influence the

outcome of a decision. They are: 1) time, 2) place, and 3) strength of the doer. Valluvar employs a simile in Kural 481 to make us understand the importance of right time for decision-making. 

A crow can defeat an owl during the day even though an owl is bigger and stronger than a crow. Daytime is not the right time for an owl to challenge a crow. Similarly, if a king wants to defeat his enemies, he has to look for the right  time.

A Crow can defeat an owl by day:

Kings need the right time to win.

In management concepts and practices, there are two types of errors. One is go error and the other is drop error. Go error is carrying out a decision when the time is not right for carrying that out. Drop error is not carrying out a decision when the time is right for carrying that out. Both executing a task when the time is not favorable and not executing a task when the time is favorable will result in failure. Therefore, the right decision in business is to decide when to execute.

வினைவலியும் தன்வலியும் மாற்றான்

குறள் 471

வினைவலியும் தன்வலியும் மாற்றான் வலியும் 

துணைவலியும் தூக்கிச் செயல்

[பொருட்பால், அரசியல், வலியறிதல்]

(For meaning in English, scroll to the bottom of this post)

பொருள்

வினை - தொழில்; நல்வினைதீவினைஎனஇருவகைப்பட்டமுன்னைவினை; வினைச்சொல்; செய்தற்குரியது; பரிகாரச்செயல்; முயற்சி; போர்; வஞ்சகம்; தந்திரம்; கருத்து; தொந்தரவு; சீழ்; இரண்டைக்குறிக்கும்குழூஉக்குறி.

வலி  - vali   s. strength, power, வல்லமை; 2. pain, contraction of a limb, convulsions, நோய்; 3. the profits of one day in eight, given at the pearlfishery to the boat-owners; 4. large pincers or tongs, பற்றிரும்பு; 5. a figure of rhetoric, ஓரலங்காரம்; 6. cramp or metal-plate on the corners of cabinet work; 7. a monkey, குரங்கு; 8. a line, வரி.

வலியும் - வலி - வன்மை; காண்க:வலாற்காரம்; நறுவிலி; அகங்காரம்; வல்லெழுத்து; தொகைநிலைத்தொடர்மிக்குவருஞ்செய்யுட்குணம்; பற்றுக்கோடு; பற்றிரும்பு; தொல்லை; நோவு; ஒலி; சூள்; வஞ்சகம்; இழுக்கை; இசிவுநோய்வகை; வலிமைமிக்கவன்; கோடு; குரங்கு.

தன் - தான் என்னும் சொல் வேற்றுமையுருபை ஏற்குமிடத்துப்பெறும் திரிபு

வலியும் - வலி 

மாற்றான் - பகைவன்; ஒட்டுப்பலகை; மாற்றுமருந்து.

வலியும் - வலி 

துணை - அளவு; இணை, ஒப்பு; ஆதரவு, உதவி; உதவுவோன்; காப்பு; கூட்டு; இரண்டு; இரட்டை; கணவன்; மனைவி; உடன்பிறப்பு; புணர்ச்சி; வரை; ஆயுதமுனை; அம்பு; நட்பினன்(ள்).

வலியும் - வலி 

தூக்கிச் - தூக்கிவிடுதல் - மேலுயர்த்தல்; தூண்டிவிடுதல்; உதவிபுரிந்துகாத்தல்; காண்க:தூக்கிலிடுதல்

தூக்கு - தொங்கவிடும்பொருள்; உறி; உயர்ச்சி; நிலைகோல்; துலாராசி; ஐம்பதுபலமுள்ளநிறை; பாட்டு; கூத்து; இசை; பாக்களைத்துணித்துநிறுக்கும்செய்யுளுறுப்பு; ஆராய்ச்சி; காண்க:தூக்கணங்குருவி; வாரடை; கனம்.

செயல் - தொழில்; பொருள்தேடுகை; இழைப்புவேலை; வேலைப்பாடு; காவல்; ஒழுக்கம்; வலிமை; செல்வாக்கு; செய்யல்நிலைமை; சேறு.

முழுப்பொருள்
ஒரு செயலை செய்வதற்கு முன்னர் நான்கு முக்கியமானவற்றை செய்ய வேண்டும் என்று திருவள்ளுவர் கூறுகிறார்

1. வினை வலி - செயலின் வலிமையை நாம் அறிய வேண்டும். செயல் விழையும் உழைப்பை பற்றியும் அதன் சாத்தியங்கள் பற்றியும் அதன் விளைவுகள் பற்றியும் அதன் தாக்கங்கள் பற்றியும் அதன் ஆபத்துகள் பற்றியும் அச்செயல் விழையும் திறன்களை பற்றியும் அச்செயல் விழையும் முயற்சியை பற்றியும் நன்கு ஆராய வேண்டும். செயலை செய்யக்கூடிய இடம் நேரம் சூழல் போன்றவற்றை ஆராய வேண்டும். செயலின் நடுவே ஏற்படக்கூடிய தவறுகளையும் இடர்களையும் ஆராயா வேண்டும்.  இதுபோல் செயலை எல்லா கண்ணோட்டங்களிலும் ஆராய வேண்டும்.

2. தன் வலி - ஒரு செயலை செய்யும் பொழுது நம்முடைய ஆற்றலை நன்கு ஆராய வேண்டும். அச்செயல் விழையும் எல்லா திறனையும் நாம் கொண்டு இருக்கிறோமா என்று அறியவேண்டும். அச்செயல் நம்மிடம் எதிர்பார்க்கும் உழைப்பு, அர்ப்பணிப்பு, மனத்திட்பம், நேரம் என்று அனைத்தையும் ஆராய வேண்டும். அச்செயல் கெடுக்கும் உடல் வலிமையையும் கருத்தில் கொள்ளவேண்டும்.

3. மாற்றான் வழியும் - ஒரு செயலை செய்யும் பொழுது அதற்கு எதிரிகள் இருக்கக்கூடும். அல்லது சூழ்நிலைகளும் இடர்களும் நமக்கு எதிரியாக வாய்ப்பு உண்டு. ஆதலால் அதனை பற்றியும் ஆராய வேண்டும். போர் அல்லது வணிகம் என்று வைத்துக்கொண்டால் எதிரியின் ஆற்றலை பற்றியும் ஆராய வேண்டும். எதிரியிடம் பணிபுரியும் மக்களின் திறன்களையும் ஆராயவேண்டும். வலிமையான எதிரியை எதிரியும் மதிப்பர்.

4. துணை வலி - நாம் எந்த ஒரு செயலை செய்தாலும் அதனை நம்முடைய முயற்சியால் மட்டும் செய்து விட முடியாது. அச்செயலை  செய்வதற்கு ஒரு ஆயுதமோ அல்லது மற்ற மக்களின் உதவி என்று பலதரப்பட்ட துணை அவசியம் ஆகிறது. ஆதலால் நாம் செயலில் பயன்படுத்தும் கருவி அல்லது ஆயுதத்தின் வல்லமையை முழுமையாக ஆராயவேண்டும். அந்த ஆயுதம் பழுது பார்க்க படவேண்டும் என்றாலோ அல்லது வேறு பொருத்தமான ஆயுதம் வேண்டும் என்றாலோ அதற்கு தேவையானவற்றை செய்யவேண்டும். மற்றவர்கள் செயலுக்கு தேவை என்றால் அவர்களின் திறனையும், மனதிட்பத்தையும், உழைப்பையும் நன்கு ஆராய வேண்டும்.

இவ்வாறு ஒரு செயலை பற்றியும் அது சம்மந்தமாக அனைத்தையும் பற்றி சீர்தூக்கி ஆராய்ந்து ஒரு செயலை செய்ய வேண்டும். தவறுகள் ஏற்பட வாய்ப்புகள் குறையும்.  அப்படி செய்தால் அதில் வெற்றியும் ஆக்கமும் உண்டாகும். 

வாணிப நிர்வாக மேலாண்மை பாடங்களில் வியூகம்/திட்டமிடல் பற்றிய பாடங்களில் ஆகியவற்றில் முதலாவதாக சொல்லித்தரப்படும் பாடங்களில் ஒன்று SWOT Analysis (Strength, Weakness, Opportunities, Threats) Analysis/ஆய்வு. SWOT Analysis இத்திருக்குறளுடன் ஒத்து இருப்பதை காணலாம்.

மேலும்: அஷோக் உரை

பழமொழிப் பாடல் (321)
தற்றூக்கி, தன் துணையும் தூக்கி, பயன் தூக்கி,
மற்றவை கொள்வ, மதி வல்லார்; அற்று அன்றி,
யாதானும் ஒன்று கொண்டு, யாதானும் செய்தக்கால்,
யாதானும் ஆகிவிடும்.

அறிவிற் சிறந்தோர், தம்மால் முடியக்கூடிய செயலா என்று முதலில் ஆராய்ந்து, பின் தனக்குத் துணையானவர்களையும் ஆராய்ந்து, செய்யக்கூடிய செயலில் உள்ள பயனையும் ஆராய்ந்து, மேற்கொள்வர்.அங்கனமின்றி, முறையறியாமல், ஏதேனும் செய்தால், தாம் நினைந்ததற்கு மாறான துன்பமே விளையும் என்கிறது மேற்கண்ட பாடல்.

பரிமேலழகர் உரை

வினை வலியும் - தான் செய்யக்கருதிய வினைவலியையும், தன் வலியும் - அதனைச் செய்து முடிக்கும் தன் வலியையும், மாற்றான் வலியும் - அதனை விலக்கலுறும் மாற்றான் வலியையும், துணைவலியும் - இருவர்க்குந் துணையாவார் வலியையும், தூக்கிச் செயல் - சீர்தூக்கித் தன் வலிமிகுமாயின் அவ்வினையைச் செய்க. 

(இந் நால்வகை வலியுள் வினைவலி அரண் முற்றலும் கோடலும் முதலிய தொழிலானும், ஏனைய மூவகை ஆற்றலானும் கூறுபடுத்துத் தூக்கப்படும். 'தன்வலி மிகவின்கண் செய்க' என்ற விதியால்,தோற்றல் ஒருதலையாய குறைவின் கண்ணும், வேறல் ஐயமாய ஒப்பின் கண்ணும் ஒழிக என்பது பெற்றாம்.).

மணக்குடவர் உரை

செய்யும் வினையினது வலியும் தனக்கு உண்டான வலியும் பகைவனது வலியும் தனக்கும் பகைவர்க்கும் துணையாயினார் வலியும் எண்ணிப் பின்பு வினைசெய்க. இது வலியறியும் இடம் கூறிற்று.

மு.வரதராசனார் உரை

செயலின் வலிமையும் தன் வலிமையும் பகைவனுடைய வலிமையும் ,இருவருக்கும் துணையானவரின் வலிமையும் ஆராய்ந்து செயல்பட வேண்டும்.

சாலமன் பாப்பையா உரை

செய்வதற்கு எண்ணும் செயலின் வலிமை, செய்ய முயலும் தன் வலிமை, அதை எதிர்க்கும் எதிரியின் வலிமை, இருவர்க்கும் துணை வருவார் வலிமை என்னும் இவற்றை எல்லாம் நன்கு எண்ணிச் செயலைச் செய்க.

Thirukkural - Management - Decision Making

Besides time and place, the strength of the decision maker plays a critical role in deciding the outcome of one's decision. Kural 471 provides that a decision maker must acquire knowledge of four components before executing a task. The components are: 1) The challenges of the task, 2) The strengths of the decision maker,  3) The strengths of his competitor,  and 4) The strengths and resources of his supporters. Assess thoroughly all these four components before you venture into any task.

Weigh the strength of these before you act-

The deed's, your own, your enemy's and ally's 

English Meaning - As I taught a kid - Rajesh

Before one ventures into a work, one should assess these four components thoroughly and decide 1) The task at hand - the challenges of the task, value of the task, skills required, time, place of operation,  benefits of the task etc 2) Strengths of the self/decision maker - what are the strengths and skills of the self, is there any gap between the requirement?, what is the scope of learning it before starting the task 3)  The strengths of his competitor and 4) The strengths and resources of his supporters. Only after assessing and decide, one execute the task

Questions that I ask to the kid

What are the four components one should assess before decide upon a task?

செய்தக்க அல்ல செயக்கெடும்

குறள் 466

செய்தக்க அல்ல செயக்கெடும் செய்தக்க

செய்யாமை யானுங் கெடும்

[பொருட்பால், அரசியல், தெரிந்துசெயல்வகை]

(For meaning in English, scroll to the bottom of this post)

பொருள்

செய்தக்க - செய்யவற்றிற்கு

அல்ல - அல்லாதவற்றை

செயக் - செய்தால்

கெடும் - கெடும்; கேடு விளைவிக்கும்

செய்தக்க - செய்யவற்றிற்கு / செய்ய வேண்டியவற்றை

செய்யாமையானும் - செய்யா திருத்தாலும்

கெடும் - கெடும்; கேடும் விளைவிக்கும்

முழுப்பொருள்
நாம் ஒவ்வொருவரும் வாழ்வில் பல செயல்களை செய்கிறோம். ஒரு செயல் என்பது பல்வேறு விதமான வளங்களை எடுத்துக்கொள்ளும். உதாரணமாக பொருள், விலைமதிப்பிடமுடியாத நேரம், நிகரில்லா மானுட ஆற்றல் (உடல் அளவிலும், மூளை அளவிலும்), இயற்கை வளங்கள் என்று பல வளங்களை எடுத்துக்கொள்ளும். அப்படி எடுத்துக்கொண்டு அது அளிக்கும் பயன் என்பதும் உண்டு. அப்பயனால் ஒருவருக்கு செல்வமும் நன்மதிப்பும் கூடும் அல்லது குறையும். இதில் ஒரு செயல் நன்றாக போகவில்லை என்றால் அது தீப்பயனை உண்டாக்கும். நாம் மறுபடியும் பொருள் கொண்டு அச்செயலை செய்யலாம். ஆனால் நாம் முன்பு செலவிட்ட நேரம் மறுபடியும் கிடைக்காது.

ஆகவே ஒரு செயலை செய்யும் முன்பு அதை பற்றி நன்கு ஆராய்ந்து இருக்க வேண்டும். அதனைப் பற்றி பரிப்பூரணமாக தெரிந்து இருக்க வேண்டும். ஏனெனில் நாம் செய்யப்போகும் ஒரு செயல் இந்த சமூதாயத்திற்கோ நமக்கோ எவ்வித பலனும் அளிக்காது அல்லது தீங்கு விளைவிக்கும் (உதாரணமாக பிறர் மனதிற்கோ அல்லது உடலிற்கோ துன்பம் விளைவிக்கும், இயற்கைக்கு கேடு விளைவிக்கும், இயற்கை வளங்களை சூறையாடும்) என்றால் அது செய்யதகாத செயலாகும். ஆகவே செய்யதகாத செயல்களை செய்வது நமக்கு கேடு விளைவிக்கும். ஆதலால செய்யக்கூடாது.

”குறள் 431

செருக்குஞ் சினமும் சிறுமையும் இல்லார்

பெருக்கம் பெருமித நீர்த்து.” 

குறள் 605

நெடுநீர் மறவி மடிதுயில் நான்கும் 

கெடுநீரார் காமக் கலன்

என்பதை செய்யக்கூடாதவைக்கு நினைவில் கொள்க

அதுப்போல பல பயன் விளைவிக்கும் நற்செயல்களை கண்டிப்பாக செய்தே ஆகவேண்டும். உதாரணமாக நேரம் கடைப்பிடிப்பது, ஒரு செயலுக்கு தேவையான தற்காப்பை எடுத்துக்கொள்வது ( ஒரு அணுமின்நிலையத்தில் தேவையான பாதுக்காப்பை எடுக்கவில்லையென்றால் அது திருத்தமுடியாத பேரழிவை வகுக்கும்), அறிவை வளர்த்துக்கொள்வது. வேலையில் சோம்பேறியாய் இருப்பது, அலுவலகத்தில் கொடுத்த வேலையை செய்யாது இருப்பது, படித்து முடித்து மாணவர்கள் வேலை தேடாமால் வீட்டில் வீணாக பொழுதை போக்குவது என்று தன்னை மேன்மைபடுத்தக்கூடிய மாட்சி சேர்க்க கூடிய எந்த ஒரு செயலையும் செய்யாது இருத்தல் கேடு விளைவிக்கும்.

இதனால் உன் கடமையை (தன்னறம் என்ற செயலை) தள்ளிப்போடாதே என்று முன்மே காலதாமதம் செய்யாதே என்றார் திருவள்ளுவர். கடமையை காலத்தால் செய்தால் அது உன்னை காக்கும்.  

“குறள் 36 

அன்றறிவாம் என்னாது அறஞ்செய்க மற்றது 

பொன்றுங்கால் பொன்றாத் துணை"

ஆகவே செய்ய கூடாதவற்றை செய்தாலோ செய்ய கூடிய வற்றை செய்யாதிருந்தாலோ அது நமக்கு கேட்டையே விளைவிக்கும்.

குறள் 427

அறிவுடையார் ஆவ தறிவார் அறிவிலார்

அஃதறி கல்லா தவர்

குறள் 40

செயற்பால தோரும் அறனே ஒருவற்கு

உயற்பால தோரும் பழி

குறள் 26

செயற்கரிய செய்வார் பெரியர் சிறியர்

செயற்கரிய செய்கலா தார்

குறள் 505

பெருமைக்கும் ஏனைச் சிறுமைக்கும் தத்தம் 

கருமமே கட்டளைக் கல்

என்பதையும் நினைவில் கொள்க

மேலும்: அஷோக் உரை

பரிமேலழகர் உரை

செய்தக்க அல்ல செயக் கெடும் - அரசன் தன்வினைகளுள் செய்யத்தக்கன அல்லவற்றைச் செய்தால் கெடும், செய்தக்க செய்யாமையானும் கெடும் - இனி அதனானே அன்றிச் செய்யத்தக்கனவற்றைக் செய்யாமை தன்னானும் கெடும்.

(செய்யத்தக்கன அல்லாவாவன : பெரிய முயற்சியினவும், செய்தால் பயனில்லனவும், அது சிறிதாயினவும் ஐயமாயினவும், பின் துயர்விளைப்பனவும் என இவை. செய்யத்தக்கனவாவன: அவற்றின் மறுதலையாயின. இச்செய்தல் செய்யாமைகளான் அறிவு, ஆண்மை, பெருமை,என்னும் மூவகை ஆற்றலுள் பொருள், படை என இரு வகைத்தாகிய பெருமை சுருங்கிப் பகைவர்க்கு எளியனாம் ஆகலான், இரண்டும் கேட்டிற்கு ஏதுவாயின. இதனான் 'செய்வன செய்து, ஒழிவன ஒழிக' என இருவகையனவும் உடன் கூறப்பட்டன.).

மணக்குடவர் உரை

செய்யத்தகாதனவற்றைச் செய்தலாலும் கெடும்; செய்யத் தகுவனவற்றைச் செய்யாமையாலும் கெடும்.

இது மேற்கூறாதனவெல்லாம் தொகுத்துக் கூறிற்று.

மு.வரதராசனார் உரை

ஒருவன் செய்யத்தகாத செயல்களைச் செய்வதனால் கெடுவான், செய்யத்தக்க செயல்களை செய்யாமல் விடுவதனாலும் கெடுவான்.

சாலமன் பாப்பையா உரை

செய்யக்கூடாதவற்றைச் செய்தாலும் செய்ய வேண்டியவற்றைச் செய்யாமல் விட்டாலும் அழிவு வரும்.

Thirukkural - Management - Decision Making

Doing a task, venture or an event that should not be done will spoil the purpose of the task. Executing an unwanted task will not bring the expected result. Also not doing a task, venture, or an event that should be done will be a missed opportunity,  suggests Kural 466.

It is ruinous to do what should not be done 

And ruinous to leave undone what should be done

The objective of any decision making is to decide between things that should be done and should not 

be done. This advice from Valluvar is not only for carrying out a task, but also for finding the suitability of a person for the intended task and for selecting one's career. Let us remember Aristotle's wisdom, “If

a good teacher becomes a soldier, the society will lose a good teacher and  get a bad soldier.” Health, harmony, and happiness are challenges as most of the time there is a gap between what people want to do and what they actually do. Incompatibility between personal preferences and professional expectations is very high. Look around there are incidents of people who work reluctantly. Those people cannot dedicate themselves to the jobs that they execute.

English Meaning - As I taught a kid - Rajesh

When a task ought not be done is done (or partly done) then it is disastrous. Similarly, a task (or part of a task) to be done is not done (or only partly done) then it is disastrous as well. 1) Because each task takes huge amount of resources and time. If we don't do the task well on time,  then it would give bad consequences. We lose time and resources. We can perhaps rebuild the resources, but the time lost cannot be earned back. There are ways to learn why a task not be done should not be done. But, executing such a task could be disastrous as well as taking away resources and time. 2) Also, a task we do would benefit our family or society or an organization. If we don't do our task then it will affect our family, society, organization. Hence, we must do the work without procrastinating.  

Questions that I ask to the kid

Why you should do a task that has to be done?

Why you should not do a task that should not be done?

Should we do a task and learn why it should not be done? Why or Why not?

தொடங்கற்க எவ்வினையும் எள்ளற்க

குறள் 491

தொடங்கற்க எவ்வினையும் எள்ளற்க முற்றும்

இடங்கண்ட பின்அல் லது

[பொருட்பால், அரசியல், இடனறிதல்]

(For meaning in English, scroll to the bottom of this post)

பொருள்

தொடங்கு - தொடங்கல் - n. தொடங்கு-.[Tu. toḍagelu.] 1. Beginning; ஆரம்பிக்கை 2.First creation; ஆதிசிருட்டி 3. Attempt; செய்யமுயலுகை.

அற்க - எதிர்மறை ஏவலைக் குறிக்கும் ஒரு கடைநிலை.

தொடங்கற்க -  செயலை தொடங்காதே / துவங்காதே

வினை - தொழில்; நல்வினை தீவினை என இருவகைப்பட்ட முன்னை வினை; வினைச்சொல்; செய்தற்குரியது; பரிகாரச்செயல்; முயற்சி; போர்; வஞ்சகம்; தந்திரம்; கருத்து; தொந்தரவு; சீழ்; இரண்டைக் குறிக்கும் குழூ உக்குறி.

எவ் வினையும் -  எந்த ஒரு செயலையும் தொழிலையும்

எள்ளுதல் - இகழ்தல், இழிவாகப்பேசுதல்; தள்ளுதல்; ஒப்பாதல்.

எள்ளற்க - செயலின் தன்மையையும் தெரியாமல் இகழலும் செய்யாதீர்

முற்று - முழுமை; முழுமையானது; முதிர்ச்சி; முடிவு; வினைமுற்று; காண்க:முற்றுகை

முற்றும் - முழுவதும் அறிந்து; இச்செயலை இப்படி செய்தால் இறுதியில் என்ன விளைவு வரும் அறிந்து

இடம் - தானம்; வாய்ப்பு; வீடு; காரணம்; வானம்; விரிவு; இடப்பக்கம்; அளவு; ஆடையின்அகலமுழம்; பொழுது; ஏற்றசமயம்; செல்வம்; வலிமை; மூவகையிடம்; படுக்கை; தூரம்; ஏழனுருபு; இராசி.

காணுதல் - அறிதல்; காண்டல்; சந்தித்தல்; செய்தல்; வணங்குதல்.

கண்டபின் - அறிந்த பின், ஆராய்ந்த பின்

அல்லது - தீவினை; தவிர.

முழுப்பொருள்

எந்த ஒரு செயலையும் முழுமையாக ஆராயாமல், செயலின் விளைவு (மற்றும் பக்க விளைவு) அறியாமல், செயலுக்கு தேவையான ஆயுத்தப்பணிகளை செய்யாமல், செயல் செவ்வன செய்வதற்கான இடத்தை அறியாமல், இடத்தின் தன்மை அறியாமல், செயலிற்கு இடத்தின் தன்மையறியாமல் துவங்காதே என்கிறார் திருவள்ளுவர். இங்கே இடத்திற்கு புறவயமான இடம் மட்டும் அல்லாமல் நேரம், செயல் செய்வதற்கு தேவையான வலிமை, தன்னுடைய வலிமை, எதிரியின் வலிமை, செல்வம் ஆகியவற்றும் அடங்கும். 

அதுமட்டும் அல்லாமல் எந்த ஒரு செயலையும் சிறிதாயினும் இகழாதே. ஒரு சிறிய விஷயமும் பெரிதான ஆபத்துக்களை உருவாக்கக்கூடியது. உதாரணமாக ஒரு எறும்பு யானையின் காதில் நுழைந்தால் அது யானையினையே மாய்த்துவிடும்.  ஆதலால் எந்த ஒரு செயலையும் துச்சமாக எண்ணாதே என்கிறார் திருவள்ளுவர்.

உலகின் மிகப்பெரிய வலிமைமிக்க அரசர்கள் நிகழ்த்திய போர்களெல்லாம் எதிரிகளின் வலிமையையும், போர் நிகழும் களம், மற்றும் முடிவுறும் இலக்கும் இவை அறியாமல் மேற்கொண்டதால் படுதோல்வியைச் சந்தித்திருக்கின்றன. புறப்பொருள் வெண்பாமாலைப் பாடலொன்று:

வெள்ளம்போல் தானை வியந்து விரவாரை 

எள்ளி உணர்தல் இயல்பன்று – தெள்ளியார் 

ஆறுமேல் ஆறியபின் அன்றித்தம் கைக்கொள்ளார் 

நீறுமேல் பூத்த நெருப்பு. (பு.வெ.166)

கடல் போல் பெரிய படையை உடையேம் என்று எண்ணிப் பகைவரை இகழ்தல் நல்ல இயல்பன்று. அறிவு மிக்கோர் நீறுபூத்த நெருப்பை அது ஆறிவிட்டது என உறுதிசெய்த பின்பே கையில் எடுப்பர். தம் வலிமையொன்றையே பெரிதெனக் கருதாது பிறர் வலிமையையும் ஆராய்ந்து செயல்பட வேண்டும்; அப்போதுதான் வெற்றி கிட்டும் என்பது இதன் கருத்து. இடம்பற்றிய கருத்து இதுவல்லவென்றாலும், எள்ளுதலை தவறென்று உணர்த்தும் பாடலிது.

பொது வழக்கில் "ஆழம் தெரியாமல் காலை விடலாமா?", "இடம் பொருள் ஏவல் தெரிந்து செய்க"  என்று கூறுவது உண்டு. 

மேலும்: அஷோக் உரை

மேலும்: குறள் இனிது: இடம்... ரொம்ப முக்கியம் குமாரு! (தமிழ் இந்து)

ஒப்புமை

வெள்ளம்போல் தானை வியந்து விரவாரை

எள்ளி யுணர்தல் இயல்பன்று (பு.வெ.166)

பரிமேலழகர் உரை

[அஃதாவது ,வலியும் காலமும் அறிந்து பகைமேற்செல்வான் , தான் வெல்லுதற்கு ஏற்ற நிலத்தினை அறிதல். அதிகார முறைமையும் இதனானே விளங்கும் . ]

முற்றும் இடம் கண்ட பின்அல்லது - பகைவரை முற்றுதற்கு ஆவதோர் இடம் பெற்றபின் அல்லது, எவ்வினையும் தொடங்கற்க - அவர்மாட்டு யாதொரு வினையையும் தொடங்காதொழிக, எள்ளற்க - அவரைச் சிறியர் என்று இகழாதொழிக. (முற்றுதல்: வளைத்தல். அதற்கு ஆம் இடமாவது: வாயில்களானும் நூழைகளானும் அவர் புகலொடு போக்கு ஒழியும் வகை அரணினைச் சூழ்ந்து. ஒன்றற்கு ஒன்று துணையாய்த் தம்முள் நலிவில்லாத பலபடை இருப்பிற்கும், மதிலும் அகழும் முதலிய அரண் செய்யப்பட்ட அரசிருப்பிற்கும் ஏற்ற, நிலக்கிடக்கையும் நீரும் உடையது. அது பெற்றால் இரண்டும் செய்க என்பதாம்.)

மணக்குடவர் உரை

முடியுமிடங் கண்டாலல்லது யாதொரு வினையுந் தொடங்கா தொழிக; எளிதென்றிகழாதொழிக.

இஃது இடமறிதல் வேண்டுமென்பது கூறிற்று

ஞா. தேவநேயப் பாவாணர் உரை

முற்றும் இடம் கண்டபின் அல்லது - பகைவரை முற்றுகை செய்வதற்கேற்ற இடம் பெற்ற பின்னல்லது ; எவ்வினையும் தொடங்கற்க - அவருக்கு மாறாக எவ்வினையையுந் தொடங்காதிருக்க ; எள்ளற்க - அவரைச் சிறியரென்று இகழாதிருக்க .

முற்றுதல் வளைதல் . அதற்கேற்ற இடமாவது , பெருவாயில் களாலும் திட்டிவாசல்களாலும் சுருங்கைகளாலும் பகைவர்க்குப் புகலும் போக்குமில்லாவாறு அவர் நகரரணைச் சூழ்ந்து , நால் வகைப்படைகளும் அவற்றின் நடுவே பாதுகாப்பாக அரசனும் தங்கியிருத்தற்குப் போதியதும் , உண்ணீர் அண்மையிலுள்ளதும் , சதுப்பல்லாததும் , படமாடங்களும் பரசறைகளும் ஒரேபகலில் அமைக்கக் கூடியதுமான நிலப்பரப்பாம் .

மு.வ உரை

முற்றுகை செய்வதற்கு ஏற்ற இடத்தைக் கண்டபின் அல்லாமல் எச் செயலையும் தொடங்கக்கூடாது, பகைவரை இகழவும் கூடாது

சாலமன் பாப்பையா உரை

பகைவரை வளைத்து வெல்லும் இடத்தைக் காணும் முன் எந்தச் செயலையும் தொடங்க வேண்டா; பகைவரை அற்பர் என்று இகழவும் வேண்டா.

நன்றி: Indian Finance Bazaar

தேர்வு செய்து சரியான கட்டுபாட்டுக்குள் இருக்கும் முதலீட்டு சேவை புரிவோர்களை ஆராய்ந்து தேர்ந்து எடுத்து முதலீட்டு முறைகளை தெரிந்து கொண்டு செயல்படுத்தும் முதலீடு பாதுகாப்பானதாக அமையும். அவ்வாறு இல்லாமல் பேராசை பட்டு எந்தவோரு அரசாங்க கட்டுபாட்டுக்குள் வராத அமைப்பு அல்லது தனியார் நபரிடம் பெரும் வருவாய் கருதி செய்யும் முதலீடு பெரும் ஆபத்தில் முடியக் கூடிய சூழ்நிலை நிறைய உள்ளது. அரசாங்க அமைப்பு கொண்ட நிறுவனங்களுடன் பண பரிவர்த்தனை செய்யும் பொழுது அதனால் ஏற்படக்கூடிய பாதுகாப்பற்ற சூழ்நிலையில் கட்டுபாட்டு அமைப்பு முதலீட்டாளருக்கு உறுதுணையாக இருந்து நிவாரணம் பெற்று தரும். ஆதலால் முதலீட்டாளர் எந்த முதலீட்டையும் தொடங்குவதற்கு முன்பு இதை கருத்தில் வைத்து கொண்டு செயல்படுவது பல நன்மைகளை தரும்.

நன்றி: ரிஷ்வன்

எதிரியை வெல்லும் இடமறிந்தபின்

அறிவுடன் செயலைத் தொடங்குக

அதுவரை... அவரை அற்பமாய்

இகழ்வதை மனதில் அகற்றுக.

Thirukkural - Management - Decision Making

A person's possibility to exercise his strength is influenced by the location. Kural 491 is an addition to Kural 495. Never think that a task is easy to execute before you start and never start a task before you find the right place to execute the task.

Don't despise your foe, nor start action

Till you find a place to hem in and finish him.

English Meaning - As I taught a kid - Rajesh

Do not venture into a task without doing the following 1) analyzing the work and 2) identifying the appropriate place to execute the task. Do not take for granted even a small task. 

Hence, Never think that a task is easy to execute before you start and never start a task before you find the right place to execute the task.

Analyzing a tasks means  1) research the task well, 2) understand the value of the task, 3) estimate the skills , strengths, tools, equipment's required 4) estimate the resources required, 5) plan the communication mechanism between the members and team etc.  , 6) analyze the best time to optimally execute the task and to reap the rewards

Identifying the appropriate place to execute the task means 1) a place where a task can be executed without any hurdles 2) a place where the required resources, equipment, human resources would be available 3) a place where executing the task is viable 4) nature of the place - such as demographic, climate, geo-politics, culture etc 

Questions that I ask to the kid

Why should you decide on the place of execution of task before starting the task?

ஞாலம் கருதினுங் கைகூடுங்

குறள் 484

ஞாலம் கருதினுங் கைகூடுங் காலம்

கருதி இடத்தாற் செயின்

[பொருட்பால், அரசியல், காலமறிதல்]

பொருள்

ஞாலம் - உலகம், பூமி, நிலம்; உயர்ந்தோர்; மாயவித்தை

கருதினுங் (கருதினும்) - எண்ணினாலும், ஆசைப்பட்டாலும், நினைத்தாலும், குறிக்கோள் கொண்டாலும், விழைந்தாலும்,

கைகூடுங்  (கைகூடும்) - நடைவேறும், கிடைக்கும், இலக்கை எட்டுவோம்

காலம் - நேரம், பொழுது, பருவம், சமயம்,  தக்கசமயம்; பருவம்; பருவப்பயிர்; விடியற்காலம்; முடிவுகாலம்;

கருதி - பார்த்து, எண்ணி, ஆய்வு செய்து

இடத்தாற் (இடத்தான்) - செயல் செய்யும் இடத்திற்கு ஏற்ப / தன்மைக்கு ஏற்ப

செயின் - செய்தால்

முழுப்பொருள்

இவ்வுலகையே ஒருவர் விழைந்தால் அல்லது உலகம் போற்றும் சான்றோன் என்னும் உயரிய இலக்குகளை விழைந்தால் அதனை அவனால் அடைய முடியும். அவனுக்கு கிட்டும்.

ஆனால் அதனை அடைவதற்கு தேவையான செயல்களை நன்கு ஆராய்ந்து இருக்க வேண்டும். அதனை செய்ய வேண்டிய இடத்தினை ஆராய்ந்து இருக்க வேண்டும். அதனை செய்ய வேண்டிய சரியான நேரத்தை ஆராய்ந்து இருக்க வேண்டும்.

என்னதான் நாம் நன்றாகச் சிந்தித்துச் சரியான செயல்களைத் தேவையான ஆட்களை வைத்துக் கொண்டு செய்தாலும், அவை முழுமையான வெற்றியடையச் சரியான நேரமும் முறையான இடமும் தேவை.

சரியான நேரத்தையும் இடத்தையும் தேர்ந்தெடுத்துச் செய்யும் செயல்கள் இமாலய வெற்றியடைய வாய்ப்பு அதிகம். அதே சமயம், தவறான நேரத்தில் செய்தால் தோல்வியடையும் வாய்ப்புகள் அதிகம்.

அப்படி தக்க நேரத்தில் தக்க செயலை தக்க இடத்தில் செய்தால் ஒருவன் விழைந்த இலக்கை அடையலாம். அது இவ்வுலகே ஆனாலும் அடையலாம். 

உதாரணமாக சொன்னால் ”இளமையில் கல்” என்று ஔவையார் கூறியுள்ளார்ர். அதில் ஒரு அர்த்தம் இருக்கிறது. ஏனெனில் ஒரு இளைஞராக இருக்கும் பொழுது நாம் தோற்றாலும் தவறுகள் செய்தாலும் நமக்கு மற்றவர்கள் கற்றுக்கொடுப்பர். அதுமட்டுமின்றி இளைஞராக இருக்கும் பொழுது குடும்பம், பொறுப்பு, போன்ற அழுத்தங்களும் கவனச்சிதறல்களும் இருக்காது. மேலும், ஒரு 35 வயதுக்கு மேல் மேற்படிப்பு படிக்கும் பொழுது நமக்கிருக்கும் உத்வேகமும் அச்சமும் இளைஞராக இருப்பதைவிட குறைவாகவே இருக்கும். ”இளங்கன்று பயமறியாது” என்பது. அதனால் தான் காலம் மிக முக்கியம் என்கிறார் திருவள்ளுவர்.

இன்றைக்கு ஒரு வருடத்தில் உலகெங்கிலும் சராசரியாக ஆறு லட்சம் நிறுவனங்கள் தொடங்கப்படுகின்றன. இவற்றை நாம் ஸ்டார்ட் அப் (Startup) நிறுவனங்கள் என்கிறோம். அவற்றில் பல நிறுவனங்கள் (கிட்டத்தட்ட 75 சதவிகிதம்!) தோல்வியடைகின்றன. தோல்வியடைந்த இந்த நிறுவனங்கள் தொடங்கிய விஷயம் நன்றாகத்தான் இருக்கும். அவர்கள் துவங்கிய சேவையோ, பொருளோ மிகவும் சிறந்ததாக, உபயோகமாகத்தான் இருக்கும். ஆனால் வெற்றி பெற முடியவில்லை! ஏனென்றால் அவர்கள் சரியான நேரத்தையும் இடத்தையும் தேர்ந்தெடுக்கத் தவறியதால்!

நேரம், இடம் இவற்றை ஒன்றாகச் சேர்த்து நாம் “சூழ்நிலை” என்று குறிப்பிடலாம். ஒரு நிறுவனம் தொடங்க வேண்டுமென்றால் பலவிதச் சூழ்நிலைகளைக் கவனிக்க வேண்டும். “அரசியல் சூழ்நிலை என்ன? பொருளாதாரச் சூழ்நிலை மேலோங்கி இருக்கிறதா? சமுதாயச் சூழ்நிலை எப்படி இருக்கிறது?” இது போன்ற கேள்விகளுக்கு விடை காண வேண்டும். அதற்கேற்ப ஆரம்பித்த நிறுவனங்கள் மிகப் பெரிய வெற்றிகளைப் பெற்றிருக்கின்றன.

நாம் வீட்டில் நமது பெற்றோரிடம் ஒரு காரியம் சாதிக்கவேண்டும் என்றால் அவர்கள் என்ன மனநிலையில் இருக்கிறார்கள் என்று பார்க்கிறோம் அல்லவா. ஏனெனில் நேரம் முக்கியம். இது செய்யும் செயலுக்கும் தொழிலுக்கும்  மற்றும் நம் வாழ்வில் எல்லா நிலைகளுக்கும் பொருந்தும்.

எப்படிச் செய்ய வேண்டிய நேரத்தில் செய்தால் வெற்றி வாய்ப்பு அதிகமோ, செய்ய வேண்டிய நேரத்தில் செய்யவில்லையென்றால் இழப்பும் அதிகம்!

ஒருவர் இளமையில் (ஒரு 23 வயதில்) இருந்து செமித்துக்கொண்டு நன்கு முதலீடு செய்துவந்தால் அவர் 60 வயதில் பெறப்போகும் பயன் மிக மிக அதிகம். ஏனெனில் compound interest அவருக்காக நன்கு வேலை செய்யும். அதுவே ஒருவர் நடுவயதில் (35 வயதில்) சேமிக்க துவங்கினால் அவருக்கு 60 வயதில் பெறப்போகும் பயன் சற்றுக்குறைவாகவே இருக்கும். ஆதலால் எப்போது என்பது மிக முக்கியம்.

முறையாக இளம் வயதிலிருந்து சரியான உணவையும் உடற்பயிற்சியையும் பழக்கப்படுத்திக் கொள்ளாவிட்டால் ஆரோக்கியம் பாதிக்கப்படும். ”கண்கேட்டப் பிறகு சூரிய நமஸ்காரம்” செய்து பயனில்லை. ஒருவருக்கு இரத்த அழுத்தம், சர்க்கரை நோய், இதய நோய்கள் வந்த பின்பு வாழ்க்கை முறையை மாற்றிக்கொள்வதை விட, இளமையில் இருந்தே நல்ல வாழ்க்கை முறையை பேணுவதும் அவ்வப்போது உடலை கண்காணிப்பதும் (மருத்துவமனைக்குச் சென்று முழுப் பரிசோதனை செய்வதும்) ஒருவருக்கு நன்மை பயக்கும். வரும் முன் காப்பது நன்று அல்லவா! பிரச்சனைகளை துவக்கத்திலேயே கண்டறிந்துக் கிள்ளி எறிவதும் மேல்

எப்படி நாம் சரியான நேரத்தையும் இடத்தையும் தேர்வு செய்வது? அனுபவத்தினால்தான்! நம் அனுபவத்திலோ, நம் துறையில் சாதித்தவர்களைப் பார்த்தோ நாம் கற்றுக் கொள்ள வேண்டும். அதுவும் இல்லையா? தொடர்ந்து உழைத்துக் கொண்டே இருங்கள்! அயராது உழைப்பவர்களுக்குக் காலம் கனியும்! வெற்றி பெற்றவர்கள் பலரைப் பார்த்து நாம் சொல்வதுண்டு, “சரியான நேரத்தில் அந்த இடத்தில் இருந்தார். அதனால் தான் அது சாத்தியமாயிற்று”, “இடம் பார்த்து அடிப்பது, நேரம் பார்த்து அடிப்பது” என்று வழக்கத்தில் நாம் கூறுவோம்.

When: The Scientific Secrets of Perfect Timing by Daniel H. Pink என்ற ஒரு புத்தகம் எந்த நேரத்தில் ஒரு செயலை செய்ய வேண்டும் என்பதைப் பற்றி விரிவாக பேசுகிறது.

மேலும்: அஷோக் உரை

பரிமேலழகர் உரை

ஞாலம் கருதினும் கைகூடும் - ஒருவன் ஞாலம் முழுவதும் தானே ஆளக் கருதினானாயினும் அஃது அவன் கையகத்ததாம், காலம் கருதி இடத்தான் செயின் - அதற்குச் செய்யும் வினையைக் காலம் அறிந்து இடத்தோடு பொருந்தச் செய்வானாயின். ('இடத்தான்' என்பதற்கு மேல் 'கருவியான்' என்பதற்கு உரைத்தாங்கு உரைக்க, கைகூடாதனவும் கைகூடும் என்பதாம். இவை மூன்று பாட்டானும் காலம் அறிதற் பயன் கூறப்பட்டது.)

மணக்குடவர் உரை

உலகமெல்லாம் பெறுதற்கு நினைத்தானாயினும் பெறலாம்: காலத்தைக் குறித்து இடனறிந்து செய்வனாயின்.

இஃது எல்லாப் பொருளையு மெய்துமென்றது.

ஞா. தேவநேயப் பாவாணர் உரை

ஞாலம் கருதினும் கைகூடும் - ஒருவன் உலகம் முழுவதையுங் கைப்பற்றக் கருதினாலும் கைகூடும் ; காலம் கருதி இடத்தான் செயின் - அதற்குரிய வினையை அவன் தகுந்த கால மறிந்து இடத்தொடு பொருந்தச் செய்வானாயின் .

வினை பெரிதாதலின் இடமும் வேண்டியதாயிற்று . உம்மை உயர்வு சிறப்பு .

மு.வ உரை

(செயலை முடிப்பதற்கு ஏற்ற) காலத்தை அறிந்து இடத்தோடு பொருந்துமாறு செய்தால், உலகமே வேண்டும் எனக் கருதினாலும் கைகூடும்.

சாலமன் பாப்பையா உரை

ஏற்ற காலத்தையும் இடத்தையும் அறிந்து ஒரு செயலைச் செய்தால், பூவுலகம் முழுமையையும் வேண்டினாலும் அது கைவசப்படும்.

Thirukkural - Management - Decision Making

In management concepts and practices, there are two types of errors. One is go error and the other is drop error. Go error is carrying out a decision when the time is not right for carrying that out. Drop error is not carrying out a decision when the time is right for carrying that out.

Both executing a task when the time is not favorable and not executing a task when the time is favorable will result in failure. Therefore, the right decision in business is to decide when to execute.

If a person wants to conquer the world, he can do that, if he waits for the right time and the right place, assures Kural 484. Kural 48 1 emphasizes the importance of time for execution of a task. Deciding when to execute alone is not enough. In addition to choosing the right time to do a task, choosing the right place to carry out the task influences the outcome of an action.

The whole world is his who chooses 

The right time and  place.