இழுக்காமை யார்மாட்டும் என்றும் வழுக்காமை

குறள் 536

இழுக்காமை யார்மாட்டும் என்றும் வழுக்காமை

வாயின் அதுவொப்பது இல்

[பொருட்பால், அரசியல், பொச்சாவாமை]

பொருள்

இழுக்காமை - மறவாமை

யார்மாட்டும் - யாரிடத்திலும் (பரிமேலழகர்: வலியார், ஒப்பார், எளியார்)

என்றும் - என்றைக்கும், எந்நாளும், எப்போதும்.

வழுக்குதல் - சறுக்குதல்; தவறுசெய்தல்; தப்புதல்; மறத்தல்; அசைதல்; ஒழிதல்; அடித்தல்; மோதுதல்.

வழுக்கல் - சறுக்குகை; 

சறுக்கு-தல் - caṟukku-   5 v. intr. cf. sṛ. [T.tjāru, K. jaraku.] 1. To slip or slide;வழுக்குதல். ஆனைக்கும் அடிசறுக்கும். 2. To goastray; வழுவுதல் (W.) 3. To slip out of hand,as an affair; காரியம் நழுவுதல் 4. To skim,graze; உராய்ந்து செல்லுதல் (W.)  

வழுக்காமை - தவறாமை, சீர்குலைவு

வாயின் - வாய்க்குமாயின்

அஃது - அஃறிணைஒருமைச்சுட்டு; அது அப்படி

ஒப்பது - ஒப்பு - பொருத்தம்; ஒருதன்மை; ஒப்புமை; உவமை; தகுதி; சமம்; இசைவு; அழகு; கவனம்; ஒப்பாரி; சாயல்; உடன்படுகை.

இல் - இல்லை

முழுப்பொருள்

மறத்தல் என்றால் அயர்த்தல். அயர்ச்சி என்றால் சோர்வு. மறத்தல் என்பது ஒருவித தளர்வு. மறத்தல் தீது. ஆதலால் மறவாமை என்னும் தளர்வின்மை யாரிடத்தில் என்றும் சறுக்காமல் (விடாமல்) இருக்கிறதோ அவருக்கு அதைப்போல் நன்மை வேறு ஏதுமில்லை. 

மறவாமை ஏன் நன்மை பயக்கும்? ஏனெனில் மறதி இருந்தால் நாம் செய்யவேண்டியவற்றை செய்ய மாட்டோம். சோர்வில் மறந்து செய்யாமல் விடும் சிறு சிறு காரியங்கள் பல. ஒருகட்டத்தில் பல சிறு காரியங்கள் மலைப்போல் குவிந்துவிடும். அப்பொழுது அவற்றை செய்வதையே விட்டுவிடுவொம். இது ஒருகட்டத்தில் சிறு சிறு காரியங்களை என்றும் செய்யாது இருக்கும் பழக்கத்தை மனநிலையை உருவாக்கிவிடும். அதனால் நாம் இழப்பது மிக மிக அதிகமாக இருக்கும். 

உதாரணமாக பார்த்தால்

1. ஒருவர் மின்சார கட்டணத்தை குறித்த நேரத்தில் கட்ட மறந்துவிடுவார். அது அவருக்கு நஷ்டமே ஏனெனில் அதற்கு அபராத தொகை விதிக்கப்படும். ஒருதடவை மறந்தால் பரவாயில்லை. ஆனால் இது பல நேரங்களில் நடந்தால் அந்த அபராத தொகையே மிக மிக அதிகமாக இருக்கும்.

2. ஒருவர் வேலைக்கு குறித்த நேரத்தில் சாப்பிட மறந்துவிடுகிறார் என்றால் அவருக்கு நாளடைவியில் குடல்புண் ஏற்பட வாய்ப்பு உண்டு. அதனால் நெஞ்சு எரிச்சலும் ஏற்படும். 

3. தேவையான அளவு செல்வம் செமிக்கவில்லை என்றால் இடர் காலங்களில்  குடும்பத்தை சமாளிக்க மிக கடினமாக இருக்கும் 

மேற்சொன்னவை யாவும் சின்ன சின்ன விஷயங்கள். சற்றுப் பெரிதாக பார்ப்போம்

1. நமது அலுவகத்தில் முக்கியமான ஒரு சந்திப்பை மறந்தால் அதன் விளைவுகள் மிக மோசமாக இருக்கும்.

2. நமது தொழிலில் அடுத்த கட்டத்திற்கு முன்னேற்றம் அடைய யோசிக்க மறந்தால் நாம் தேங்கி நிற்போம். 

3. நமது தொழிலில் ஆண்டு (அல்லது மூன்று மாதத்திற்கு ஒரு தடவை) கணக்கு பார்க்க மறந்தால் நாம் பெரிய அளவில் நஷ்டமடைய வாய்ப்புண்டு.

4. நமது உடலை பேண மறந்தால் அதன் விளைவுகள் மிக கடுமையாக இருக்கும். பெரும்பாலான நேரங்களில் அவற்றை பழைய சகஜ நிலைமைக்கு எடுத்து வரமுடியாது

5. நமது குடும்பத்தாருடன் கலந்து பேசி உறவை பேண மறந்தால் உறவுகள் முறியும்

6. தேவையான அளவு (6-8 மணி நேரம்) உறங்க மறந்தால் உடல் சோர்வடைந்து கெடும். 

இவை எல்லாவற்றிற்கும் அடி நாதம் ஒழுக்கம் என்பதை உணரவேண்டும். ஒழுக்கத்தை உயிரைவிட பேண வேண்டும். 

அதனால் தான் 

குறள் 36

அன்றறிவாம் என்னாது அறஞ்செய்க மற்றது

பொன்றுங்கால் பொன்றாத் துணை 

என்று முன்னரே கூறினார் திருவள்ளுவர்.

மேலும்

குறள் 482

பருவத்தோடு ஒட்ட ஒழுகல் திருவினைத்

தீராமை ஆர்க்குங் கயிறு

“நன்றி மறப்பது நன்றன்று நன்றல்லது அன்றே மறப்பது நன்று” மறத்தலை நன்றிலாது ஒருவர் செய்த செயலை நாம் உடனே மறக்கவேண்டியதையும் விலக்காகவும் வள்ளுவரே சொல்லியிருப்பதைக் காண்க.

மேலும்: அஷோக் உரை

பரிமேலழகர் உரை

இழுக்காமை யார்மாட்டும் என்றும் வழுக்காமை வாயின் - அரசர்க்கு மறவாமைக் குணம் யாவர்மாட்டும் எக்காலத்தும் ஒழிவின்றி வாய்க்குமாயின், அஃது ஒப்பது இல் - அதனை ஒக்கும் நன்மை பிறிது இல்லை.

(வினை செய்வார் சுற்றத்தார் என்னும் தம்பாலார் கண்ணும் ஒப்ப வேண்டுதலின், 'யார் மாட்டும்' என்றும் , தாம் பெருகியஞான்றும் சுருங்கிய ஞான்றும் ஒப்ப வேண்டுதலின் வழுக்காமை 'என்றும்' கூறினார். வாயின் என்பது முதனிலைத் தொழிற் பெயராக வந்த வினை எச்சம். வாய்த்தல்: நேர்படுதல்.).

மணக்குடவர் உரை

யாவர்மாட்டும் எல்லாநாளும் தப்புச்செய்யாமை தப்பாமல் வாய்க்குமாயின் அதனையொக்க நன்மை பயப்பது பிறிதொன்று இல்லை. இது முறைமை செய்யுங்கால் கடைப்பிடித்துச் செய்யவேண்டு மென்றது.

மு.வரதராசனார் உரை

யாரிடத்திலும் எக்காலத்திலும் மறந்தும் சோர்ந்திருக்காதத் தன்மை தவறாமல் பொருந்தியிருக்குமானால், அதற்கு ஒப்பான நன்மை வேறொன்றும் இல்லை.

சாலமன் பாப்பையா உரை

எவரிடத்திலேனும் எப்போதும் விடாமல் மறதி இல்லாத குணம் மட்டும் இருக்கும் என்றால், அதைப் போன்ற நன்மை வேறு இல்லை.

Thirukkural - Management - Memory

If a person has acquired superior memory, he possesses one of the greatest assets in him, as there is nothing greater than superior memory, convinces Kural 536.

Nothing can equal never being tax

With anyone at any time.

So, every time and all the time, we must consciously work and deliberately develop superior memory. Superior memory must become an unconscious competence.

அச்ச முடையார்க்கு அரணில்லை ஆங்கில்லை

குறள் 534
அச்ச முடையார்க்கு அரணில்லை ஆங்கில்லை
பொச்சாப் புடையார்க்கு நன்கு

[பொருட்பால், அரசியல், பொச்சாவாமை]

(For meaning in English, scroll to the bottom of this post)

பொருள்
அச்சம் - பயம்; மகளிர் நாற் குணத்துள் ஒன்று; தகடு இலேசு அகத்திமரம்; சரிசமானம் பளிங்கு

உடையார்க்கு - உடையவர்கள் ; uṭaiyār   n. id. Hon. pl. 1.Lord, master; சுவாமி உடையார் . . . திருவிழாவில் (S.I.I. ii, 306). 2. Title of certain castesof cultivators; சிலசாதியாரின் பட்டப்பெயர் 3.A village official in North and East Ceylon;இலங்கையில் ஒரு கிராம உத்தியோகஸ்தன் 4. Pl.The rich, as those who have world's goods;செல்வர். உடையார்மு னில்லார்போல் (குறள், 395).

அரண் - பாதுகாப்பு, காவல் கோட்டை சுற்றுமதில் காவற்காடு கவசம் வேலாயுதம் செருப்பு அழகு அச்சம்

இல்லை - உண்டுஎன்பதன்எதிர்மறை; இன்மைப்பொருளைஉணர்த்திஐம்பால்மூவிடத்திலும்வரும்ஒருகுறிப்புவினைமுற்று; சாதலைஉணர்த்திஐம்பால்மூவிடத்திலும்வரும்ஒருகுறிப்புவினைமுற்று.

ஆங்கு - அவ்விடம்; அக்காலத்தில்; அப்படி ஓர்உவமஉருபு; ஏழன்உருபு; ஓர்அசைநிலை.

இல்லை - உண்டுஎன்பதன்எதிர்மறை; இன்மைப்பொருளைஉணர்த்திஐம்பால்மூவிடத்திலும்வரும்ஒருகுறிப்புவினைமுற்று; சாதலைஉணர்த்திஐம்பால்மூவிடத்திலும்வரும்ஒருகுறிப்புவினைமுற்று.

பொச்சாப்பு - மறதி; பொல்லாங்கு; குற்றம்; உறுதியின்றிமனம்நெகிழ்ந்திருக்கை.

உடையார்க்கு - உடையவர்கள் ; uṭaiyār   n. id. Hon. pl. 1.Lord, master; சுவாமி உடையார் . . . திருவிழாவில் (S.I.I. ii, 306). 2. Title of certain castesof cultivators; சிலசாதியாரின் பட்டப்பெயர் 3.A village official in North and East Ceylon;இலங்கையில் ஒரு கிராம உத்தியோகஸ்தன் 4. Pl.The rich, as those who have world's goods;செல்வர். உடையார்மு னில்லார்போல் (குறள், 395).

நன்கு - அழகு; மிகுதி; நல்லது; நலம்; நிலைபேறு; நன்னிமித்தம்; மகிழ்ச்சி; மிகவும்; இதம்.

முழுப்பொருள்
(அரசர்) ஒருவர்க்கு எவ்வளவு பெரிய பாதுகாப்பும் மதில்களும் சுவர்களும் அரணாக இருப்பினும் அவருக்கு உள்ளத்தில் அச்சம் இருந்தால் அப்பாதுக்காப்பாலும் அரணாலும் ஒரு பயனுமில்லை. ஏனெனில் மனதிலுள்ள அச்சம் ஒருவரை மகிழ்ச்சியாகவும் நிம்மதியாகவும் இருக்க விடாது. பிறகென்ன பயன்?

அதுப்போல எவ்வளவு மிகுதியாக செல்வம் இருந்தாலும் ஒருவருக்கு மறதியெனும் நோய் இருந்தால் அவருக்கு அச்செல்வத்தால் என்ன பயன்? அச்செல்வத்தினை அவர் மறதியினாலேயே இழந்துவிடுவார். மேலும் தன்னிடம் இருக்கும் செல்வத்தை வைத்துக்கொண்டு இப்புற உலகில் கிடைக்கும் இன்பங்களை நுகர்வதால் சிறிது காலத்திற்கு சிற்றின்பம் கிடைக்கலாம். ஆனால் செயலாற்றி வரும் இன்பம் கிடைக்காது. சிற்றின்பங்களில் திளைத்தால் சிறிது காலத்தில் சலிப்பு வந்துவிடும். எவ்வளவு செல்வம் இருந்தாலும் செயலாற்றவில்லை என்றால் மகிழ்ச்சி கிடைக்காது. அதனால் மறதி இருந்தால் மகிழ்ச்சி கிடையாது என்கிறார் திருவள்ளுவர்.

இதனை நாம் இன்றய வார்த்தைகளில் சொன்னால் Mindfulness ஐ பின்பற்றவில்லையெனில் நாம் வாழ்வில் பலவற்றை இழக்க நேரிடும். அவருக்கு வாழ்வில் மகிழ்ச்சியும் சிறப்பும் நன்மையும் கிடையாது.

மேலும்: அஷோக் உரை

எழுத்தாளர் ஜெயமோகன் -இன் வெண்முரசு-கிராதம்-2 இல் அச்சம் பற்றி இப்படி வருகிறது

மூன்று பெரும்பள்ளங்களை அவன் கடந்தான். விலக்கம், ஐயம், அருவருப்பு என மூன்றுருக்கொண்டது அச்சமே. இளையோனே, அச்சமென்பது என்ன? மானுடன் முடிவிலியை அஞ்சுகிறான். முடிவிலி நோக்கி எழும் இறப்பை அஞ்சுகிறான். இறப்பென்றாகும் நோயை அஞ்சுகிறான். நோய்கொள்ளும் உடலை அஞ்சுகிறான். உடலென்றான தன்னை அஞ்சுகிறான். அச்சத்தை அளவையாக்கி அவன் இப்புவியை அறிகிறான். எனவே அவன் அறிவதெல்லாம் அச்சம் ஒன்றையே.”

“அச்சத்தை அறுத்தவனுக்கு அறிவு இனிதாகிறது. அகம் இனிதாகிறது. அனைத்தும் இனிதாகின்றன. இனிக்கின்றது எல்லையின்மை. இனிப்பிலிருந்து தொடங்குக! சுவையாகி வருக சிவம்!” பிச்சாண்டவர் சொன்னார். “இனியவனே, அன்னம் இனிது. அன்னத்தை உண்ணும் அன்னம் அறிவது அவ்வினிமை. அறிக, தன் குட்டியை மென்று உண்ணும் அன்னைஓநாயின் கண்கள் சொக்கும் சுவையை. தன் அன்னை உடலை உண்டு வளரும் குஞ்சுநண்டுகளின் கால்கள் கொள்ளும் துள்ளலை. தான் வாழும் இல்லத்தை உண்டு திளைக்கும் மலப்புழுக்களின் களியாடலை. சிவமாகுக அன்னம்!”

பரிமேலழகர் உரை
அரண் அச்சம் உடையார்க்கு இல்லை - காடு மலை முதலிய அரண்களுள்ளே நிற்பினும், மனத்தின்கண் அச்சமுடையார்க்கு அவற்றால் பயன் இல்லை, ஆங்கு நன்கு பொச்சாப்பு உடையார்க்கு இல்லை - அதுபோலச் செல்வமெல்லாம் உடையராயினும், மனத்தின்கண் மறவியை உடையார்க்கு அவற்றால் பயன் இல்லை.
(நன்மைக்கு ஏதுவாகலின் 'நன்கு' என்றார். அச்சமுடையார் நின்ற அரண் அழியுமாறு போல, மறவி உடையாருடைய செல்வங்களும் அழியும் என்பதாயிற்று.).

மணக்குடவர் உரை
அச்சமுடையார்க்கு ஆவதொரு அரணில்லை: அதுபோலப் பொச்சாப்புடையார்க்கு வருவதொரு நன்மை இல்லை. இது பொச்சாப்புடையார்க்குக் காவலில்லை என்றது.

மு.வரதராசனார் உரை
உள்ளத்தில் அச்சம் உடையவர்க்குப் புறத்திலே அரண் இருந்து பயன் இல்லை, அதுபோல் மறதி உடையவர்க்கு நல்ல நிலை வாய்த்தும் பயன் இல்லை.

சாலமன் பாப்பையா உரை
மனத்துள் பயம் உள்ளவர்க்கு எத்தகைய பாதுகாப்பாலும் பயன் இல்லை. அதுபோலவே மறதி உடையவர்க்கும் பாதுகாப்பால் பயன் இல்லை.

Thirukkural - Management - Memory

Valluvar yet again resorts to a simile in Kural 534 to insist on the importance of memory.

There is no fortress for the coward

Nor luck for the lax.

A King may have a strong and indomitable fortress with sturdy walls and professionally trained and muscular soldiers to protect him. However, that external support is of no use to him when he has fear within him. Similarly, even if a person has material possessions and admirable assets, they do not help him when he does not have superior memory. Memory is the mental fortress for everyone because memory protects us more than a physical fortress.

English Meaning - As I taught a kid - Rajesh

A person who is having fear inside / who is a coward inside cannot be protected by any amount of external strong indomitable forts, sturdy walls, professionally trained muscular soldiers because fear inside a person will kill him. External support is of no use to a coward.

Similarly, if a person doesn't have superior memory and procrastinates in doing a work or looking into his priority and important tasks then he/she will loose all his/her material possessions/assets. Memory protects the wealth than the physical fortess. For e.g, if one fails to apply his knowledge in a task, then one would fail and damage his name/brand. If one fails to protect his assets, then over time the assets can diminish in value. If one fails to upgrade one's skills, then one would become irrelevant over time.  

Questions that I ask to the kid

Forgetfulness, Cowardness. Relate and explain. 

Is having lots of knowledge/wealth be sufficient or stay with a person? Why?

பொச்சாப்பார்க் கில்லை புகழ்மை

குறள் 533
பொச்சாப்பார்க் கில்லை புகழ்மை அதுஉலகத்து
எப்பால்நூ லோர்க்கும் துணிவு

[பொருட்பால், அரசியல், பொச்சாவாமை]

பொருள்

பொச்சாவாமை  - மறவாமை - மறதி இல்லாமை - மறதியின்மை

பொச்சாப்பு - மறதி; பொல்லாங்கு; குற்றம்; உறுதியின்றிமனம்நெகிழ்ந்திருக்கை

பொச்சாப்பார்க்கு - மறதி உள்ளவர்களுக்கு ; குற்றம் செய்பவர்களுக்கு; மன உறுதி இன்றி இருப்பவர்களுக்கு

இல்லை - இல்லை

புகழ்மை -புகழ்; புகழுடைமை; துதி; கீர்த்தி; அருஞ்செயல்; அகத்தி; வாகை.

அது - அஃது; அஃறிணைஒருமைச்சுட்டுப்பெயர்; ஆறாம்வேற்றுமைஒறுமையுருபு.

உலகத்து -  உலகத்தினுடைய.

பால் - குழவி, குட்டிமுதலியவற்றைஊட்டத்தாய்முலையினின்றுசுரக்கும்வெண்மையானநீர்மப்பொருள்; பிணத்தைஅடக்கம்பண்ணினமறுநாள்அவ்விடத்திற்பாலும்நவதானியமும்சேர்த்துத்தெளிக்கும்சடங்கு; மரம்முதலியவற்றிலிருந்துவடியும்நீர்மப்பொருள்; வெண்மை; சாறு; பகுதி; அம்மைமுதலியவற்றிலிருந்துகசியும்சீழ்; பிரித்துக்கொடுக்கை; பாதி; பக்கம்; வரிசை; குலம்; திக்கு; குடம்; குணம்; உரிமை; இயல்பு; ஊழ்; தகுதி; ஐம்பாற்பிரிவு; ஒருமைபன்மைஎன்றஇருவகைப்பாகுபாடு; அகத்திணைபுறத்திணைஎன்றபாகுபாடு; இடையர்குறும்பர்களின்வகை.

எப்பால் - எந்த திக்கிலும்

நூலோர்க்கும் - நூலாசிரியர்; கற்றோர்; அமைச்சர்; பார்ப்பனர்.

துணிவு - தெளிவு; மனத்திட்பம்; நம்பிக்கை; நோக்கம்; துண்டு; ஆண்மை; துணிச்சல்; உறுதி; முடிவு; கொள்கை; தாளம்; கைக்கிளைவகையுள்ஒன்று.

முழுப்பொருள்
மறதி உள்ளவர்களுக்கு குற்றம் செய்பவர்களுக்கு, (செய்யும் செயலின் கண்) மனதில் உறுதி இல்லாதவர்களுக்கு புகழ் என்னும் உடைமையும் வாகையும் இல்லை என்று உலகத்தில் எல்லாத்திக்கிலும் எல்லாத்துறையிலும் பலநூல்கள் கற்ற சான்றோர்களின் திண்ணமான முடிவும் நம்பிக்கையும் ஆகும். புகழ் என்றால் அருஞ்செயல் என்ற பொருளும் உண்டு. ஆதலால் மறதி, உறுதியின்மை கொண்டவர்கள் செயற்கரிய அருஞ்செயல்களை செய்யமாட்டார்கள். ஆதலால் அவர்களிடம் அருஞ்செயல்களை கொடுக்கவும் மாட்டார்கள். அருஞ்செயல்களை செய்யாதவர்களுக்கு புகழ் இல்லை. அத்தகையவர்கள் சிறியவரும் ஆவார்.

”Earn Trust” என்று ஆங்கிலத்தில் சொல்லுவார்கள். அது ஒரு தலைமைப்பண்பு ஆகும். ஆனால் அதற்கு ஒருவர் அருஞ்செயல்களை செய்து அதில் சாதனைகளைப்புரிந்து இருக்கவேண்டும். அதாவது “Deliver Results" என்பது. "If you deliver results, you earn the trust". Because your work speaks for itself. அதற்கு தேவை “Bias for action" without forgetfulness. 

ஒப்புமை
கார்நாற்பதில் ஒரு அழகான உவமை கையாளப்படுகிறது. 

“பொச்சப் பிலாத புகழ் வேள்வித் தீப்போல

எச்சாரு மின்னு மழை” என்னும் வரிகள், 

“ஓங்கி வளர்ந்த வேள்வித்தீ வளர்ந்து 

எத்திக்கிலும் மறதியின்மையினால் வரும் 

புகழ்போல, பரவி நன்மையைப்போல், 

எத்திக்குளோர்க்கும் பெய்யும் மழை” என்கின்றன.

மேலும்: அஷோக் உரை

பரிமேலழகர் உரை
பொச்சாப்பார்க்குப் புகழ்மை இல்லை - பொச்சாந்து ஒழுகுவார்க்குப் புகழுடைமை இல்லை, அது உலகத்து எப்பால் நூலோர்க்கும் துணிவு - அவ்வின்மை இந்நீதி நூலுடையார்க்கேயன்றி உலகத்து எவ்வகைப்பட்ட நூல் உடையார்க்கும் ஒப்ப முடிந்தது.
(அரசர்க்கேயன்றி அறம் முதலியன நான்கினும் முயல்வார் யாவர்க்கும் அவை கைகூடாமையின் புகழில்லை என்பது தோன்ற, 'எப்பால் நூலோர்க்கும் துணிவு' என்றார்.).

மணக்குடவர் உரை
பொச்சாப்பு உடையார்க்குப் புகழுடைமையில்லையாம்; அஃது உலகத்து வழங்குகின்ற எவ்வகைப்பட்ட நூலோர்க்குந் துணிவு.

இது பொச்சாப்பார்க்குப் புகழாகாதென்றது.

மு.வரதராசனார் உரை
மறதியால் சோர்ந்து நடப்பவர்க்குப் புகழுடன் வாழும் தன்மையில்லை, அஃது உலகத்தில் எப்படிப்பட்டநூலோர்க்கும் ஒப்ப முடிந்த முடிப்பாகும்.

சாலமன் பாப்பையா உரை
மறதியை உடையவர்க்குப் புகழ் உடைமை இல்லை; இது இவ்வுலகத்தில் எந்தத் துறை நுகர்வோர்க்கும் முடிவான கருத்தாகும்.

Thirukkural - Management - Memory

All the written material of the world agrees, according to Valluvar in Kural 533, on one thing, that is, there is no recognition for a person who has forgetfulness as his asset. When a person has the ability to store information and retrieve that information when he needs that, he is resourceful. We become resourceful with memory.

All writings in the world conclude, 

“Fame is not for the fax.”

When many works emphasize the importance of memory, definitely there is a need to work on to improve one's memory. A person's fame and recognition are the results of 

his superior memory. Memory makes everything possible. A person with a superior memory, especially in business, has advantages over people who lack superior memory.

பொச்சாப்புக் கொல்லும் புகழை

குறள் 532

பொச்சாப்புக் கொல்லும் புகழை அறிவினை

நிச்ச நிரப்புக்கொன் றாங்கு

[பொருட்பால், அரசியல், பொச்சாவாமை]

பொருள்

பொச்சாவாமை  - மறவாமை - மறதி இல்லாமை - மறதியின்மை

பொச்சாப்புக் - மறதி; பொல்லாங்கு; குற்றம்; உறுதியின்றிமனம்நெகிழ்ந்திருக்கை.

கொல்லும் - kol-   3 v. tr. [K. M. kol.]1. To kill, slay, murder; வதைத்தல் கொன்றன்னவின்னா செயினும் (குறள், 109). 2. To destroy,ruin; அழித்தல் கொன்றான்காண் புரமூன்றும் (திருவாச. 12, 16). 3. To fell, cut down; வெட்டுதல் மரங்கொஃ றச்சர் (சிலப். 5, 29). 4. To reap, asthe heads of grain; கதிரறுத்தல். நெற்கதிரைக்கொன்று களத்திற் குவித்து (தொல். பொ 76, உரை).5. To afflict, tease; துன்பப் படுத்துதல் நின்னலங் காட்டி யெம்மைக் கொன்றாயென (சீவக. 642).6. To neutralize metallic properties by oxidation; இரசமுதலியவற்றின் விஷத்தன்மையைக் கெடுத்தல்  

புகழை - புகழ் - துதி; கீர்த்தி; அருஞ்செயல்; அகத்தி; வாகை

அறிவினை - அறிவு - ஞானம்; புத்தி பொறியுணர்வு; அறியவேண்டியவை; கல்வி ஆன்மா

நிச்சம் - நிச்சயம்; எப்பொழுதும்.

நிரப்புக் - நிறைவு; சமதளம்; சமாதானம்; வறுமை; குறைவு; சோர்வு; நிறைகுடத்தைச்சூழப்போடும்நெல்; மங்கலக்குறியாகநெல்வைத்துநிரப்பியநாழி.

ஆங்கு - அவ்விடம்; அக்காலத்தில்; அப்படி ஓர்உவமஉருபு; ஏழன்உருபு; ஓர்அசைநிலை.

கொன்றாங்கு -  கொல்வதுப் போல

முழுப்பொருள்

இளமைப் பருவம் கல்வி கற்கும் பருவம். “கொடிது கொடிது வறுமை கொடிது; அதனினும் கொடிது இளமையில் வறுமை” என்றார் ஔவையார். இளமையில் என்றும் வறுமையிலே வாடியவர்க்கு அறிவென்னும் செல்வம் வாய்க்காது, அழிந்துபடும். 

வள்ளுவரே அறிவுடைமை அதிகாரத்தில் அறிவு என்பது நம்மை துன்பத்திலிருந்து காக்கும் கருவி; எந்தவொரு பகையும் அதை அழிக்கமுடியாது என்பதை, “குறள் 421 அறிவற்றங் காக்குங் கருவி செறுவார்க்கும் உள்ளழிக்க லாகா அரண்.” என்னும் குறள் வாயிலாகச் சொல்லியிருக்கிறார் என்பதை முன்பே கண்டிருக்கிறோம். வறுமை என்பது துன்பமாயின் அறிவு நம்மை காக்கவேண்டும். இது கற்றபின் வறுமைக்கு என்றால் சரியாயிருக்கும். வறுமையினால் கல்வியே கற்க முடியாதவருக்கு அறிவைக் கொடாத கூற்றாகத்தான் வறுமையிருக்கும். 

ஆதலால் எப்பொழுதும் இருக்கும் வறுமையால் நாம் கல்வியினை பெற முடியாமல் போய்விடும். கல்வி இருந்தால் வறுமையில்லாமல் பார்த்துக்கொள்ளலாம். அதுவே அதன் சிறப்பு. வறுமை கல்வி கற்கும் வாய்ப்பினை கொன்றுவிடும்.

சில சமயங்களில் ஒருவர் நூல்கள் கற்ற அறிவுடையவர்களாக இருப்பர். ஆனால், வறுமையினால் திருடுதல், பொறாமைக்கொள்ளுதல், பிறர் பொருள்களை கவர முற்படுதல் போன்றவற்றில் ஈடுபடுவர். அதற்கு காரணம் வறுமை. வறுமை அவ்வளவு கொடியது. அதுப்போல் அவ்வளவு கொடியது மறதியும் ஆகும். வறுமை அறிவை அழிப்பதுப்போல் மறதி செயலையும் செல்வத்தையும் புகழையும் அழிக்கும் ஆற்றல் பெற்றது.

ஆதலால் மறதி சோம்பல் அலட்சியம் உறுதியின்மை என்னும் நோய்கள் ஒரு அரசனின் (ஒரு தலைவனின் / ஒருவரின்) புகழை கொன்று விடும் என்கிறார் திருவள்ளுவர். புகழ் என்றால் துதி என்று இங்கு அர்த்தம் ஆகாது. தான் செய்த அருஞ்செயலின் பலன்களை புகழ் என்று இங்கு கூறலாம். ஆதலால் மறதி சோம்பல் (..) முதலியவை ஈன்ற எல்லா பலன்களையும் அழித்துவிடும். செயலில் ஈடுப்பட்டுக்கொண்டு இருந்தால் பலனை அழியாமல் பார்த்துக்கொள்ளலாம். பலன்களை பெருக்க வேண்டும் என்றால் அதற்கு அரும்பாடுபட வேண்டும். மறதி சோம்பல் கொடியது. அதற்கு மருத்துவரீதியான காரணங்களும் உண்டு. செயலில் இல்லாத ஒன்று வேகமாக மறைந்துவிடும்.

உதாரணமாக எனது (நண்பர்) மருத்துவர் குழந்தை நிபணுத்துவத்தில் மிக நன்றாக படித்துவிட்டு அதில் பயிற்சி செய்யாமல் இருந்தால் (சூழ்நிலைகளால் மற்றும் மேல் படிப்பு படிக்க வேண்டும் என்று முயற்சியில் ஈடுப்பட்டு இருந்ததால்). அவர் படித்து முடிக்கும் பொழுது அத்துறையில் அவருக்கு நல்ல புகழ் (பலன், கல்வி, அனுபவம்) இருந்ததது. அவருடைய நண்பர் ஒரு அனுபவம் மிக்க உயர் அதிகாரி. அவர் எனது நண்பரிடம் கூறிய ஒன்று ஆறுமாதத்திற்குள் நீ பயிற்சியில் (clinical practice) ஈடுபடவில்லை என்றால் எல்லாம் நீராவி போன்று (evaporation) மறந்துவிடும். நீ இரண்டு வருடம் செய்த உழைப்பும் எல்லாம் வீணாகிவிடும் என்பதை மறவாதே. இது என்னுடைய வாழ்விலும் பார்த்ததுண்டு. மறதி கொடியது.

மறதி சோம்பல் உறுதியின்மை இல்லாமல் செயலில் ஈடுபட்டுக்கொண்டு வாழவேண்டும். பலன் குன்றாது.

இதனை திருக்குறள் கற்றலுக்கும் பொருத்திப்பார்க்கலாம். திருக்குறளை கற்றுவிட்டு அதனை செயலில் காண்பிக்க மறந்துவிட்டால் என்ன பயன்? தேக்கமே. திருக்குறள் சொல்லியவற்றை மறவாமல் தொடர்ந்து செயலாற்றினால் நம் புகழ் ஓங்கும்.

மேலும்: அஷோக் உரை

நிச்சநிரப்பாவது நாள்தோறும் வருந்தி இரந்துண்ணும் நிலைமை. 'அன்ன மொடுங்கினால் அஞ்சு மொடுங்கும்'.ஆதலாலும்,

"நற்பொருள் நன்குணர்ந்து சொல்லினு நல்கூர்ந்தார்

சொற்பொருள் சோர்வு படும்".

(குறள் . 1046)

ஆதலாலும், நிலையான வறுமை ஒருவனது அறிவைக் கெடுக்கும். அதுபோல் மறவியும் தற்காப்பின்மையாலும் கருமக்கேட்டாலும் அரசனது புகழை அழிக்கும் . வறுமையை நிரப்பென்பது மங்கல வழக்கான எதிர்மறைக் குறிப்பு .

ஒப்புமை

“அறிவுகெட நின்ற நல்கூர் மையே” (புறநா.266:13)

"குடிப்பிறப் பழிக்கும் விழுப்பம் கொல்லும்

பிடித்த கல்விப் பெரும்புணை விடூஉம்

நாணணி களையும் மாணெழில் சிதைக்கும் 

பூண்முலை மாதரொடு புறங்கடை நிறுத்தும்

பிசிப்பிணி என்னும் பாவி” (மணி. 11:76-80)

“பிறந்த குலம்மாயும் பேராண்மை மாயும்

சிறந்ததங் கல்வியும் மாயும் - கறங்கருவி

கன்மேற் கழூஉங் கணமலை நன்னாட 

இன்மை தழுவப்பட் டார்க்கு” (நாலடி.285)

“நீர்மையே யன்றி நிரம்ப எழுந்ததம்

கூர்மையும் எல்லாம் ஒருங்கிழுப்பர் - கூர்மையின்

முல்லை அலைக்கும் எயிற்றாய் இரப்பென்னும்

அல்லல் அடையப்பட்டார்” (நாலடி.289)

பரிமேலழகர் உரை

புகழைப் பொச்சாப்புக் கொல்லும் - ஒருவன் புகழினை அவன் மறவி கெடுக்கும், அறிவினை நிச்சநிரப்புக் கொன்றாங்கு - அறிவினை நிச்சம் நிரப்புக் கெடுக்குமாறு போல.

(நிச்ச நிரப்பு: நாள்தோறும் இரவான் வருந்தித் தன் வயிறு நிறைத்தல். அஃது அறிவு உடையான் கண் உண்டாயின் அவற்கு இளிவரவானும் பாவத்தானும் எள்ளற்பாட்டினை விளைத்து. அவன் நன்கு மதிப்பினை அழிக்கும்: அது போல மறவியும் புகழ் உடையான் கண் உண்டாயின், அவற்குத் தற்காவாமையானும், காரியக் கேட்டானும் எள்ளற்பாட்டினை விளைத்து அவன் நன்கு மதிப்பினை அழிக்கும் என்பதாயிற்று. இவை இரண்டு பாட்டானும் பொச்சாப்பினது குற்றம் கூறப்பட்டது.).

மணக்குடவர் உரை

மறவியாகின்றது புகழைக்கொல்லும்: நாடோறும் இரவால் வருந்தி வயிற்றை நிறைக்கும் ஊண் அறிவைக் கொல்லுமாறு போல.

இவை மூன்றினாலும் பொருளின்கண் கடைப்பிடித்தல் கூறினார்.

மு.வரதராசனார் உரை

நாள் தோறும் விடாமல் வரும் வறுமை அறிவைக் கொல்வது போல, ஒருவனுடைய புகழை அவனுடைய மறதிக் கொன்று விடும்.

சாலமன் பாப்பையா உரை

நித்த வறுமை அறிவைக் கொன்றுவிடுவது போல, மறதி புகழைக் கெடுத்துவிடும்.

Thirukkural - Management - Memory

Memory is the ability to store information and retrieve the stored information at the required time. Both storing and retrieving when needed are skills required to obtain a superior memory.

Poverty destroys the intellect of a person, as he cannot use his intellect for productive purposes. All day long, he can think only of poverty. There is no possibility or chances to employ his intellect when he is affected by poverty. Similarly, forgetfulness, or lack of superior memory, destroys the name, fame, and intellect of a person, claims Kural 532.

Laxity kills fame as a hand-to-mouth life

Kills the intellect.

Therefore, remember to remember facts, events, and people. Memory is the right source and resource of all achievements. 

அரியஎன்று ஆகாத இல்லை

குறள் 537

அரியஎன்று ஆகாத இல்லைபொச் சாவாக்

கருவியால் போற்றிச் செயின்.

[பொருட்பால், அரசியல், பொச்சாவாமை]

பொருள்

அரிய - செய்வதற்கு கடினாமான / இயலாத செயல்;

அரியகாட்சி - rare sight

அரிய - ariya   adj. அரு-மை. Precious,dear, excellent, rare, difficult; அருமையான. 

என்று - என்று

ஆகுதல் - ஆதல்,  ஆவது எனப்பொருள்படும் இடைச்சொல்,  உண்டாதல் நிகழ்தல் முடிதல் இணக்கமாதல்; வளர்தல் அமைதல் ஒப்பாதல்

ஆகாத - முடியாத

இல்லை - இல்லை

பொச்சாவாமை  - மறவாமை - மறதி இல்லாமை - மறதியின்மை

பொச்சாப்பு - மறதி; பொல்லாங்கு; குற்றம்; உறுதியின்றிமனம்நெகிழ்ந்திருக்கை

பொச் சாவாக்  -> பொச்சாவாமை

கருவி - ஆயுதம்; சாதனம்; கவசம்; கேடகம்; குதிரைக்கலணை; குதிரைச்சம்மட்டி; தொகுதி; மேகம்; தொடர்பு; ஆடை; ஓவியம்; அணிகலன்; துணைக்காரணம்; இசையுண்டாதற்குரியயாழ்முதலியகருவிகள்

கருவியால் - (மனம் எனும்) சாதனம் / உபகரணம் / இயந்திரம் / ஆயுதம் கொண்டு.

போற்றுதல் - வணங்குதல்; துதித்தல்; பாதுகாத்தல்; வளர்த்தல்; பரிகரித்தல்; கடைப்பிடித்தல்; உபசரித்தல்; விரும்புதல்; கருதுதல்; மனத்துக்கொள்ளுதல்; கூட்டுதல்.

போற்றிச் - மனதில் துதித்து (நினைத்து)

செய்தல்  - இயற்றுதல்; உண்டாக்கல்; சம்பாதித்தல்; ஒத்தல்

செயின் - செய்தால்.

முழுப்பொருள்

ஒருவர் செய்ய இயலாத செயல், கடினமான செயல் என்று ஏதும் இல்லையாம். இந்த செயலை செய்து முடிக்க வேண்டும் என்ற நினைவு வேண்டும். அதற்கு மறவாமை அவசியம். 

செயல் செய்வதற்கு மனமே ஒரு கருவிதான். மன ஒருமைப்பாடு வேண்டும். கவனத்தைக் குவித்து ஒரு செயலைச் செய்ய வேண்டும்.

ஆக, செயலுக்குரிய எதையும் மறவாத (மறதியின்மை) மனம் கொண்டு இடைவிடா முயற்சியும் வியூகமும்(strategy) உடையார் செய்யும் செயல்கள் எல்லாம் எளிதில் முடியும். 

- மறதியின்மை மனம் சம்பந்த பட்டது - மூளை சம்பந்த பட்டது எல்ல என்பதை நாம் இங்கு காண வேண்டும். ஆதாவது உள்ளம் உடைமை வேண்டும். அப்படி இருந்தால் தானாக மற்றவை நடக்கும்.

குறள் 666

எண்ணிய எண்ணியாங்கு எய்து எண்ணியார்

திண்ணியர் ஆகப் பெறின்

மேற்சொன்ன குறளுடன் தொடர்புபடுத்திப்பார்த்தால் ஒருவர் தான் வைத்துக்கொண்ட இலக்கை மறவாமல் (இலக்கை குறைத்துக்கொள்ளாமல்) இருந்தால் அவர் அவ்விலக்கை எண்ணியப்படியே அடைவார். அதற்கு மனதிட்பமும் அவசியம் மறவாமையும் அவசியம்.

மகாத்மா காந்தியைப் பாருங்கள் அவர் அளவு உழைத்தவர்கள் மிக மிக அரிது. அவர் ஒருப்பக்கம் சுதந்திரப்போரட்டத்திற்கு பாடுபாட்டாலும், அவர் தொடர்ந்து இந்தியா முழுவதும் பயணங்களும், தினமும் பலர் கடிதங்களும் பதில்களும், கிராம முன்னேற்றம், இயற்கை மருத்துவம் போன்ற பலதளங்களில் செயலாற்றிக்கொண்டு இருந்தார். ஒரு மனிதனின் செயலாற்றும் திறன் ஒருவர் நினைத்துப்பார்க்கக்கூடியதைவிட மிக மிக அதிகம். அதற்கு ஒருவர் உணரவேண்டியது வாழ்வில் சோர்வினாலோ எக்காராணத்தினாலோ ஒரு நிமிடத்தையும் வீணடிக்கலாகாது என்பது தான். 

மேலும் அஷோக்

நன்றி: அம்மன் தரிசனம்

கவனமாக மனத்தையும், அதைச் செய்யும் கருவி, கர்த்தா முதலிய சாதனங்களோடும் செய்தால், இஃது அரிய செயல் என்று ஏதுமில்லை.

செயல் செய்வதற்கு மனமே ஒரு கருவிதான். மன ஒருமைப்பாடு வேண்டும். கவனத்தைக் குவித்து ஒரு செயலைச் செய்ய வேண்டும்.

அர்ச்சுனனுக்கு வில்வித்தை கை வந்ததற்கு அவனுடைய மன ஒருமைப்பாடுதான் காரணம். எல்லாரிடமும் வில் இருந்தது. அதனால் அவர்கள் பெருமை பெற்றுவிடவில்லை. கருவிகளைக் கையாளும் மனம் ஒரு முக்கியக் கருவி. ஆதலால், கவனமாக, போற்றிச் செய்யும்போது, அரிய செயல் ஏதுமில்லைதான்.

நன்றி: ரிஷ்வன்

மறதி இன்றி

உறுதியுடன் முனைந்தால்

முடியாத செயல் கூட

அடிபணிந்து வெற்றி தரும்.

பரிமேலழகர் உரை

அரிய என்று ஆகாத இல்லை - இவை செய்தற்கரியன என்று சொல்லப்பட்டு ஒருவற்கு முடியாத காரியங்கள் இல்லை; பொச்சாவாக் கருவியான் போற்றிச் செயின் - மறவாத மனத்தானே எண்ணிச் செய்யப் பெறின்.

விளக்கம் ['பொச்சாவாத' என்பதன் இறுதிநிலை விகாரத்தால் தொக்கது. அந்தக் கரணமாகலின் 'கருவி' என்றார். இடைவிடாத நினைவும் தப்பாத சூழ்ச்சியும் உடையார்க்கு எல்லாம் எளிதில் முடியும் என்பதாம். இவை இரண்டு பாட்டானும் பொச்சாவாமையது சிறப்புக் கூறப்பட்டது.]

மணக்குடவர் உரை

செயற்கு அரியனவென்று செய்யலாகாதன வில்லை; மறவாமையாகிய கருவியாலே பாதுகாத்துச் செய்வானாயின். இது வினை செய்யுங்கால் மறவாமை வேண்டுமென்றது.

ஞா. தேவநேயப் பாவாணர்

பொச்சாவாக் கருவியான் போற்றிச் செயின் - மறவாத மனத்தினால் எண்ணிச் செய்தால் ; அரிய என்று ஆகாத இல்லை - செய்தற்கரியன என்று சொல்லப்பட்டு ஒருவருக்கு முடியாத கருமங்கள் இல்லை.

இது பரிமேலழகர் கல்வியாரவார உரையைத்தழுவியது . மனத்திற்கு அகக்கரணம் என்று பெயரிருத்தலால் , 'கருவி' என்பதற்கு அவர் மனம் என்று பொருள் கொண்டார் , கரணம் கருவி. இப்பொருட்குப் 'பொச்சாவா' ஈறுகெட்ட எதிர்மறைப் பெயரெச்சம்.

'பொச்சாவாக்' கருவி என்னுந் தொடரைப் பொச்சாவாமையாகிய கருவி என்று இருபெயரொட்டாகக் கொள்வதே இயற்கையான முறையாம் . இப்பொருட்குப் 'பொச்சாவா' ஈறுகெட்ட எதிர்மறைத் தொழிற்பெயர் போல்வதாம் . இடைவிடா முயற்சியும் சூழ்ச்சியும் உடையார்க்கு எல்லாம் எளிதில் முடியும் என்பதாம்.

மு.வரதராசனார் உரை

மறவாமை என்னும் கருவிகொண்டு (கடமைகளைப்) போற்றிச் செய்தால், செய்வதற்கு அரியவை என்று ஒருவனால் முடியாத செயல்கள் இல்லை.

சாலமன் பாப்பையா உரை

மறதி இல்லாத மனத்தால் எண்ணிச் செய்தால் ஒருவருக்குச் செய்ய முடியாதது என்று எதுவும் இல்லை.

Thirukkural - Management - Memory

No task is difhcult to achieve, if a person is in possession of the superior tool or weapon, that is., memory. A person with optimal memory will not give up the execution of a task claiming that that task is difhcult to achieve, assures Kural 537.

Nothing is impossible to a man 

Armed with vigilance.

Memory helps a person connect the events and people of past and present. Resource is not a challenge in today's context. But to be resourceful is a challenge. Memory makes a person  resourceful. Definitely, Thirukkural is management Treasure will make you more resourceful.