புரந்தார்கண் நீர்மல்கச் சாகிற்பின் சாக்காடு

குறள் 780

புரந்தார்கண் நீர்மல்கச் சாகிற்பின் சாக்காடு

இரந்துகோள் தக்கது உடைத்து

[பொருட்பால், படையில், படைச்செருக்கு]

பொருள்

புரந்தார் - புரவலர்; அரசர்

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

நீர் - தண்ணீர்; கடல்; இரசம்; பனிநீர்; உடல்இரத்தம்; பித்தநீர்முதலியநீர்மப்பொருள்; பூராடநாள்; பூரட்டாதிநாள்; ஈரம்; மணியின்ஒளி; குணம்; நிலை.

கண்ணீர் - கண்ணிலிருந்து வழியும் நீர்

மல்கச் - மல்குதல் - நிறைதல்; செழித்தல்; அதிகமாதல்

சாகிற் - சாதல் - இறத்தல், வீரமரணம் அடைவதென்றால் 

பின் - பின்னுகை; பின்பக்கம்; இடம்; கடை; பிற்காலம்; தம்பி; பிறகு; ஏழனுருபு.

சாக்காடு - இறப்பு; கெடுதி

இரந்து - இரத்தல் - குறையிரத்தல்; பிச்சைகேட்டல்; வேண்டுதல்

கோள் - கொள்ளுகை, துணிவு; மதிப்பு; வலிமை; அனுபவம்; புறங்கூறுதல்; பொய்; இடையூறு; தீமை; கொலை; பாம்பு; நஞ்சு; இராகு; கோள்; மேகம்; ஒளி; பரிவேடம்; குலை; இயற்கை; காவட்டம்புல்; கொழு; முன்னிலைப்பன்மைவிகுதி.

தக்கது -  தகுதி; தகுதியானது.

தகுதி - பொறுமை; பொருத்தம்; தகுதிவழக்கு; மேன்மை; நல்லொழுக்கம்; நடுவுநிலைமை; ஆற்றல்; அறிவு; கூட்டம்; தடவை; குணம்; நிலைமை.

உடைத்து - உடைதல், இருக்கும், உண்டு

முழுப்பொருள்

போர் வீரர்களின் வீரச்செயலை எல்லாம் எண்ணிப் கண்களில் நீர் மல்க நிற்கும் ஆட்சியாளர் இருக்கும் பொழுது, அந்தப்போரில் சாகும் வாய்ப்பைப் பெற்றவரின் சாவு, பிறரிடம் கேட்டுப் பெறத்தக்க சிறப்பினை உடையது.

இவ்விடத்தில் இரண்டு விஷயங்களை காணவேண்டும்

1. அரசன் எண்ணிப்பார்க்கும் அளவிற்கு வீரர்கள் போரில் எழுச்சியுடன் போர் புரியவேண்டும்.

2. வீரர்களின் தியாகங்களை உயிரை அஞ்சா வீரத்தை மன உறுதியை எண்ணிப்பார்க்கும் தலைவனை பெறுதல் ஆகும். தனது குழுவை மனதார நினைத்துப் பார்க்கவேண்டியது ஒரு தலைவனின் கடமை எனக்கூட கூறலாம்.

கம்ப.கும்பகருணந் (154) வதை படலத்தில், கம்பர், 

“நீர்க்கோல வாழ்வை நச்சி நெடிதுநாள் வளர்த்துப் பின்னைப்

போர்க்கோலம் செய்து விட்டாற்கு உயிர்கொடாதங்குப் போகேன்” (கம்ப.கும்பகர்ணன் 158)என்றும் 

”ஒருத்தரின் முன்னம் சாதல் உண்டவர்க் குரிய தம்மா” (கம்ப.கும்பகர்ணன் 156)

என்பார். அதாவது, நீரில் வரைந்த கோலம் போன்றதான குறுகிய வாழ்க்கையைக் காப்பாற்றிக் கொள்ள, இத்தனை நாள் வளர்த்து ஆளாக்கி இந்தப் போர்க்களத்திற்கு அனுப்பி வைத்த அண்ணனுக்காக தன் உயிரைத் தராமல் இராமன் பக்கம் போகமாட்டேன் எனக் கூறும் கும்பகர்ணனின் நெஞ்சுரம் அவனை உயர்ந்த கொள்கையும், செஞ்சோற்றுக் கடன் கொண்டவனாகவும் இராவணனுக்குத் தொண்டு செய்வதையே தனது வாழ்நாள் குறிக்கோளாக அமைத்துக் கொண்டவன் எனவும் காட்டுகிறது. 

மகாபாரதத்திலும் துரியோதனுக்காகப் போரிட்டு மறைந்த மாரதர்கள் மாண்ட பிறகு, வருந்தி துரியோதனன் கலங்கும் காட்சிகள் பலவுண்டு, குறிப்பாகக் கர்ணனின் சாவுக்கு துரியோதனின் கண்ணீரே இக்குறளுக்கு ஏற்ற எடுத்துக்காட்டு.

மேலும்: அஷோக் உரை

பரிமேலழகர் உரை

புரந்தார்கண் நீர் மல்கச் சாகிற்பின் - தமக்குச் செய்த நன்றிகளை நினைந்து ஆண்ட அரசர் கண்கள் நீர்மல்கும் வகை போரிடைச் சாவப் பெறின்; சாக்காடு இரந்துகோள்தக்கது உடைத்து - அச்சாக்காடு இரந்தாயினும் கொள்ளுந் தகுதியை உடைத்து. (மல்குதலாகிய இடத்து நிகழ்பொருளின் தொழில், இடத்தின் மேல் நின்றது. கிளை அழ இல்லிடை நோயால் விளியார் பழவினைப் பயனே யெய்தலின், அடுத்த வினையால் துறக்கமெய்தும் சாதலை 'இரந்துகோள் தக்கது உடைத்து' என்றார். இவை நான்கு பாட்டானும் உயிர் ஓம்பாமை கூறப்பட்டது.).

மணக்குடவர் உரை

தம்மை ஆண்டவரது கண் நீர்மல்குமாறு சாக வல்லாராயின் அச்சாக்காடு எல்லாரானும் வேண்டிக் கொள்ளும் தகுதி யுடைத்து. இஃது ஆண்டவனுக்குக் கேடுவரின், படவேண்டுமென்றது.

மு.வரதராசனார் உரை

தம்மைக் காத்த தலைவருடைய கண்கள் நீர் பெருக்குமாறு சாகப் பெற்றால், சாவு இரந்தாவது பெற்றுக் கொள்ளத் தக்க பெருமை உடையதாகும்.

சாலமன் பாப்பையா உரை

வீரர்களின் வீரச்செயலை எல்லாம் எண்ணிப் பார்க்கும் கண்களோடு ஆட்சியாளர் நிற்க, அந்தப்போரில் சாகும் வாய்ப்பைப் பெற்றவரின் சாவு, பிறரிடம் கேட்டுப் பெறத்தக்க சிறப்பினை உடையது.

இழைத்தது இகவாமைச் சாவாரை யாரே

குறள் 779

இழைத்தது இகவாமைச் சாவாரை யாரே

பிழைத்தது ஒறுக்கிற் பவர்.

[பொருட்பால், படையில், படைச்செருக்கு]

பொருள்

இழைத்தது - இழைத்தல் - செய்தல்; குழைத்தல் தூற்றல் செதுக்குதல் வரைதல் மூச்சிரைத்தல்; கூறுதல் நுண்ணிதாகஆராய்தல்; பூசுதல் வஞ்சினங்கூறுதல்; கலப்பித்தல்; அமைத்தல் இழையாக்குதல்; மாத்திரைமுதலியனஉரைத்தல்; பதித்தல்

இழைத்தது – தாம் இவ்வாறு பகைவரை முடிப்பேன் என்று வஞ்சினம் (சபதம்) செய்துவிட்டு

இகத்தல் - தாண்டுதல்; கடத்தல் அடக்குதல்; கைப்பற்றுதல் பிரிதல் பொறுத்தல் போதல் நீங்குதல் புடைத்தல் காழ்த்தல் நெருங்குதல்

இகவாமைச் -  நீங்காது; அச்சொல்லைத் தப்பாமால், கைவிடாது போரிட்டு

சாதல் - இறத்தல் 

சாவாரை - இறப்பார்; மடிந்தவர்

யாரே - யார் - யாவர்; காண்க:நத்தைச்சூரி.

பிழைத்தல் - குற்றஞ்செய்தல்; பலியாதுபோதல்; சாதல்; தவறிப்போதல்; உய்தல்; கேட்டினின்றுதப்புதல்; உயிர்வாழ்தல்; வாழ்க்கைநடத்துதல்; நீங்குதல்; இலக்குத்தவறுதல்

பிழைத்தது - அவர் தாம் சொன்ன வஞ்சினத்தை நிறைவேற்றாது விட்டாரென்று

ஒறுத்தல் - தண்டித்தல்; கடிதல்; வெறுத்தல்; இகழ்தல்; அழித்தல்; துன்புறுத்தல்; வருத்துதல்; ஒடுக்குதல்; நீக்கல்; குறைத்தல்; அலைத்தல்; நோய்செய்தல்; உலோபம்பண்ணுதல்.

ஒறுக்கிற்பவர் - பழிச்சொல்லால் தண்டிக்க வல்லவர்?

முழுப்பொருள்

பகைவரை அழிப்பேன் அவர்களை வெல்வேன் என்று தூற்றி (சபதமிட்டு/ சூளுரைத்து / வஞ்சினங்கூறி)  போருக்கு சென்ற வீரர் அவ்வாறு பகைவரை அழிக்காமல் வீரமாக போரில் செத்தால் அவ்வீரர் தன் சொல்லில் இருந்து தவறிப்போனார் என்று இகழுபவர் யாரோ? யாருமில்லை. பெரும் படைவீரரது பெருமையைக் கூறுகின்ற மற்றொரு குறளிது.

மேலும்: அஷோக் உரை

ஒப்புமை

“இழைத்த திறவா தவரை” (பழமொழி 176)

பரிமேலழகர் உரை

இழைத்தது இகவாமைச் சாவாரை - தாம் கூறின வஞ்சினம் தப்பாமைப் பொருட்டுச் சென்று சாவ வல்ல வீரரை; பிழைத்தது ஒறுக்கிற்பவர் யார் - அது தப்பியவாறு சொல்லி எள்ளுதற்குரியார் யாவர்? (இழைத்தல்: இன்னது செய்யேனாயின் இன்னனாகுக எனத் தான் வகுத்தல். 'சொல்லி' என்பது அவாய் நிலையான்வந்தது. வஞ்சின முடிப்பான் புக்கு முன்னே சாவினும் தொலைவன்மையின், அது முடித்தாராவர் எனச் சாதற்சிறப்புக் கூறியவாறு.).

மணக்குடவர் உரை

முற்கூறிய வஞ்சினம் தப்பாமல் சாவாரை அவர் தப்பியது சொல்லிப் பழிக்கவல்லவர் யாவர். இது வஞ்சினம் தப்பின் படவேண்டுமென்றது.

மு.வரதராசனார் உரை

தாம் உரைத்த சூள் தவராத படி போர் செய்து சாக வல்லவரை, அவர் செய்தப் பிழைக்காக தண்டிக்க வல்லவர் யார்.

சாலமன் பாப்பையா உரை

தாம் சொன்ன சபதம் நிறைவேறாமல் போனாலும், அதற்காகவே போர்க் களத்தில் தோற்றவர் என்று எவர் இகழ்ந்து பேசுவார்?.

உறின்உயிர் அஞ்சா மறவர் இறைவன்

 

குறள் 778

உறின்உயிர் அஞ்சா மறவர் இறைவன்

செறினும் சீர்குன்றல் இலர்

[பொருட்பால், படையில், படைச்செருக்கு]

பொருள்

உறின் -  உறு - மிகுதி; மிக்க; பகை; போர்.

உயிர் - காற்று; உயிர்வளி; சீவன் ஆதன் ஓரறிவுயிர்முதலியஉயிரினம்; உயிரெழுத்து ஓசை ஒருநாழிகையில்4320-ல்ஒருகூறு; சன்மலக்கினம்

அஞ்சுதல் - பயப்படுதல்

அஞ்சா - அஞ்சாமல்; பயப்படாமல்

மறவர் - பகைவரின் ஆனிரையைக் கவரச் செல்லும் மறவர; ஒரு தமிழ்ச்சாதி, போர்த் தொழில் புரிபவர்கள், தென் தமிழகத்தில் பெருவாரியாக வாழும் முக்குலத்தோர் என்னும் மூன்றுச் சாதியினர் அடங்கிய சமூகப்பிரிவில் ஒரு சாதியினர் மறவர் எனப்படுவர்...மற்ற இரு சாதியினர் கள்ளர் மற்றும் அகமுடையார் ஆவர்.

இறைவன் - தலைவன்; கடவுள் சிவன் திருமால் அரசன் பிரமன் குரு மூத்தோன் கணவன் சிவனார்வேம்பு

செறிதல் - நெருங்குதல்; திண்ணிதாதல்; இறுகுதல்; அடங்குதல்; பொருந்துதல்; எல்லைகடவாதிருத்தல்; மறைதல்; மிகுதல்; திரளுதல்; கலத்தல்; குளித்தல்; புணர்தல்.

செறினும் -   அடக்கினாலும், (வேண்டாமென்று தடுத்தாலும்) 

சீர் - செல்வம்; அழகு; நன்மை; பெருமை; தலைமை; மதிப்பு; புகழ்; இயல்பு; நேர்மை; செம்பொருள்; சமம்; துலாம்; அளவு; கனம்; துலாராசி; கதவுதண்டு; தண்டாயுதம்; தாளம்; பாட்டு; செய்யுளின்ஓருறுப்பு; வாத்தியவோசை; ஓசை; சீர்சிறப்பு; காலிலணியும்தண்டை; தளர்வு.

குன்றல் - குறைதல்; கெடுதல்விகாரம்.

இலர் - இல்லாதவர்கள்; மக்கள் இல்லை; இல்லாதவர் 

முழுப்பொருள்

போர் வந்தால் தன் உயிர் போகக்கூடும் என்று அஞ்சாத வீரர்களை ஒரு அரசு போர் வேண்டாம் என்று தடுத்தாலும்/அடக்கினாலும் அவ்வீரர்கள் (அப்பாடா  தப்பித்தொம் என்று இல்லாமல்) தங்கள் நெஞ்சத்தில் பகைவரை வெல்லவேண்டும் என்னும் எழுச்சியை உறுதியை குன்றாது வீரத்தை குன்றாது வைத்திருப்பார்களானால் அவ்வீரமே அப்படைக்கு செருக்காகும். அப்படையே அந்நாட்டுக்கு செருக்காகும்.

இதுப்போன்ற சூழல்களை நாம் பழங்காலத்திலும் காணலாம், இன்றும் காணலாம். பழங்காலத்தில் மன்னராட்சி காலங்களில் சில மன்னர்கள் வீரமல்லாது இருப்பர். அவர்கள் போரை தவிர்க்கவே முனைவர். ஆனால் அப்பொழுதும் மக்களை நாட்டை காப்பாற்ற வேண்டும் என்று நினைக்கும் வீரர்கள் இருப்பது அந்நாட்டிற்கு நன்மை சேர்க்கும். இன்றைய மக்கள் ஆட்சி காலங்களில் போர் என்பது எதற்கு நடக்கிறது என்றென்பதே தெரியவில்லை. போர் சூழல் உருவாகும். ஆனால் பொருளாதார இழப்புகளையும் உலகநாடுகளை நட்பு இழப்புகளையும் உத்தேசித்து போர் இல்லாமல் அந்நாட்டு அரசரோ பிரதமரோ ஜனாதிபதியோ செய்துவிடுவார். இது ஒருவித தொடர்கதையே. ஆனால் ஒவ்வொரு தடவையும் எழுச்சிப் பெரும் வீரர்கள் ஒவ்வொரு தடவையும் இப்படி நடக்கிறது, ஆதலால் நாம் போரை பற்றி அஞ்சவேண்டியதில்லை தலைவர்கள் போரை நிறுதிவிடுவார்கள் என்று நினைத்தால் என்னவாகும்? அது நாட்டிற்கு மிகுந்த கேடு விளைவிக்கும். மன்னர் ஆட்சி என்றாலும் சரி மக்கள் ஆட்சி என்றாலும் சரி போர் என்பது கடைசி ஆயுதமே. மதிகொண்ட தலைவர்கள் உயிர் சேதங்களையும் பொருளாதார இழப்புகளையும் தவிர்க்கவே விரும்புவார்கள். தலைவர்கள் கூடிப்பேசி போரை தவிர்ப்பார்கள். ஆனால் என்றும் போரை அஞ்சாத பகைவரை வெல்லவேண்டும் என்னும் எழுச்சியை கொண்ட வீரர்களை கொண்டு இருப்பது ஒரு தலைவனுக்கும் நாட்டிற்கும் வலிமையை சேர்க்கும். நன்மை பயக்கும்.

மேலும்: அஷோக் உரை

ஒப்புமை

”மண்டமர் நசையொடு கண்படை பெறாது” (முல்லை.67)

“பொதுவிற் றூங்கும் விசியுறு தண்ணுமை

வளிபொரு தெண்கண் கேட்பின்

அதுபோர் என்னும் என்னையும் உளனே” (புறநா.89:7-9)

பரிமேலழகர் உரை

உறின் உயிர் அஞ்சா மறவர் - போர்பெறின் தம்முயிர்ப் பொருட்டு அஞ்சாது அதன்மேற் செல்லும் வீரர்; இறைவன் செறினும் சீர்குன்றல் இலர் - தம் இறைவன் அது வேண்டா என்று முனியினும் அவ் வீரமிகுதி குன்றார். (போர் பெற்று அறியாமையின், அது பெற்றால் அரசன் தடுப்பினும் நில்லார் என்பதாம். பிறரும் 'போரெனிற்புகலும் புனைகழல் மறவர்'(புறநா.31) என்றும்,'புட்பகைக்கு ஏவானாகலின் சாவேம் யாம் என நீங்கா மறவர் வீங்குதோள் புடைப்ப'(புறநா.68) என்றும் கூறினார்.).

மணக்குடவர் உரை

ஒன்று உற்ற காலத்து உயிர்ப்பொருட்டு அஞ்சாத மறவர் தம்மரசனால் செறுக்கப்பட்டாராயினும் தமது முதன்மை குன்றுதல் இலர். இஃது அஞ்சாமையுடையார் வீரியஞ் செய்யுமிடத்துக் குறைய நில்லாமை வேண்டுமென்றது.

மு.வரதராசனார் உரை

போர்வந்தால் உயிரின் பொருட்டு அஞ்சாமல் போர் செய்யத் துணியும் வீரர், அரசன் சினந்தாலும் தம்முடைய சிறப்புக் குன்றாதவர் ஆவர்.

சாலமன் பாப்பையா உரை

போர் வந்தால் தம் உயிர்க்கு அஞ்சாது செல்லும் வீரர், அப்போரை வேண்டா என்று அரசு சினந்து தடுத்தாலும், தம் வீரத்தில் குறைய மாட்டார்.

நிலைமக்கள் சால உடைத்தெனினும் தானை

 

குறள் 770

நிலைமக்கள் சால உடைத்தெனினும் தானை

தலைமக்கள் இல்வழி இல்

[பொருட்பால், படையில், படைமாட்சி]

பொருள்

நிலை - நிற்கை; உறுதி; தன்மை; நிலைமை; தொழில்; இடம்; தங்குமிடம்; பூமி; காண்க:நிலைத்திணை; தேர்த்தட்டு; கதவுநிலை; தூண்; விளக்குத்தண்டு; நெறி; வழக்கு; ஆசிரமம்; குலம்; மரபுரிமை; இசைப்பாட்டுவகை; பொழுது; முகூர்த்தம்; ஒருநிலவளவுவகை; ஒருவன்நிற்கக்கூடியநீராழம்; பசுஒருதடவைகழிக்குஞ்சாணி; அணிகலத்தொங்கல்.

மக்கள் - மானுடவினம்; ஐம்பொறியுணர்வோடுமனவறிவுடையஉயிர்கள்; பிள்ளைகள்.

சால - மிகவும்

உடைத்து - உடைதல், இருக்கும், உண்டு

எனினும் - என்றுசொல்லினும்; ஆனாலும்

தானை - படை; ஆயுதப்பொது; ஆடை; மேடைத்திரைச்சீலை; முசுண்டிஎன்னும்ஆயுதம்.

தலை - சிரம்; முதல்; சிறந்தது; வானம்; இடம்; உயர்ந்தோன்; தலைவன்; உச்சி; நுனி; முடிவு; ஒப்பு; ஆள்; தலைமயிர்; ஏழாம்வேற்றுமைஉருபு; ஓர்இடைச்சொல்; மேலே; தபால்கடிதத்தில்ஒட்டும்முத்திரைத்தலை; தலையோடு.

மக்கள் - மானுடவினம்; ஐம்பொறியுணர்வோடுமனவறிவுடையஉயிர்கள்; பிள்ளைகள்.

இல் - இல்லை, இடம்; வீடு இல்லறம் மனைவி மருதமுல்லைநிலங்களின்தலைவியர்; குடி இராசி தேற்றாங்கொட்டை இன்மை சாவு எதிர்மறைஇடைநிலை; ஐந்தாம்வேற்றுமைஉருபு; ஏழாம்வேற்றுமைஉருபு.

வழி - நெறி; காரணம்; கழுவாய்; வழிபாடு; ஒழுக்கம்; முறைமை; பின்சந்ததி; மரபு; மகன்; சுற்றம்; உடன்பிறந்தான்; பரம்பரை; நூல்வந்தநெறி; சுவடு; பின்னானது; வழக்கு; பழைமை; மலைப்பக்கம்; இடம்; திரட்சி; வரம்; பின்பு; வினையெச்சவிகுதி; ஏழனுருபு

இல் - இல்லை, இடம்; வீடு இல்லறம் மனைவி மருதமுல்லைநிலங்களின்தலைவியர்; குடி இராசி தேற்றாங்கொட்டை இன்மை சாவு எதிர்மறைஇடைநிலை; ஐந்தாம்வேற்றுமைஉருபு; ஏழாம்வேற்றுமைஉருபு.

முழுப்பொருள் 

மன உறுதி தன்மை கொண்ட வலிமைக்கொண்ட வீரம் கொண்ட வீரர்கள் ஒரு படையில் மிகுதியாக இருந்தாலும் அப்படையை தலைமை தாங்கி போருக்கு செல்லக்கூடிய வலிமையான தலைவன் இல்லையெனில் அப்படை வெற்றிப் பெற எவ்வித வழியும் இல்லை.

முந்தைய ஒரு குறளில், ”குறள் 768 அடல்தகையும் ஆற்றலும் இல்லெனினும் தானை படைத்தகையால் பாடு பெறும்", ஒரு படைக்கு வலிமையும் ஆற்றலும் இல்லை என்றாலும் படை என இருந்தாலே அது பயன் தரும் பெருமை தரும் என்றார் திருவள்ளுவர். இக்குறளில் ஒரு தலைவன் சரியாக இல்லை என்றால் படை இருந்தும் பயன் இல்லை என்று கூறியுள்ளார். இவ்விரு குறளையும் ஒன்றினைத்து ஒரு உதாரணத்தை கூறலாம். 

பாகுபலி (முதலாம் பாகம்) திரைபடத்தில், பாகுபலியின் படைப்பிரிவுக்கு போதுமான ஆயுதங்கள் இருக்காது. ஆனால் பாகுபலி தனது தலைமையால் தனது திறத்தால் ஆயுதங்களை உருவாக்கி வியூகங்களை உருவாக்கி வெற்றிப் பெறுவதுப்போல் திரைப்படம் முடியும். அப்பொழுது ஒரு தலைமை எவ்வளவு செய்ய முடியும் என்பதை நாம் உணரலாம். 

மேலும்: அஷோக் உரை 

பரிமேலழகர் உரை

நிலை மக்கள் சால உடைத்து எனினும் - போரின்கண் நிலையுடைய வீரரை மிக உடைத்தே யாயினும்; தலைமக்கள் இல்வழித் தானை இல் - தனக்குத் தலைவராகிய வீரர் இல்லாதவழித் தானை நில்லாது. (படைத்தலைவர் நிலையுடையரன்றிப் போவாராயின், காண்போர் இல்லெனப் பொராது தானும் போம் என்பார், 'தலைமக்கள் இல் வழி இல்' என்றார். இவை மூன்று பாட்டானும் முறையே படைத்தகையின்மையானும் அரசன் கொடைத் தாழ்வுகளானும், தலைவர் இன்மையானும் தாழ்வு கூறப்பட்டது.).

மணக்குடவர் உரை

படையானது நிலையுடைய வீரரைப் பெரிது உடைத்தாயினும் தனக்குத் தலைவரை இல்லாத விடத்துத் தனக்கு வெற்றியில்லையாம். இது படையமைத்தாலும் படைத்தலைவரையும் அமைக்க வேண்டுமென்றது.

மு.வரதராசனார் உரை

நெடுங்காலமாக நிலைத்திருக்கும் வீரர் பலரை உடையதே ஆனாலும், தலைமைதாங்கும் தலைவர் இல்லாத போது படைக்குப் பெருமை இல்லையாகும்.

சாலமன் பாப்பையா உரை

சிறந்த வீரர்கள் அதிகம் இருந்தாலும், படைக்கு நல்ல தலைவன் இல்லை என்றால் அந்தப் படை போரில் நிலைத்து நிற்காது.

அடல்தகையும் ஆற்றலும் இல்லெனினும் தானை

 

குறள் 768

அடல்தகையும் ஆற்றலும் இல்லெனினும் தானை

படைத்தகையால் பாடு பெறும்

[பொருட்பால், படையில், படைமாட்சி]

பொருள்

அடல் - வலிமை; வெற்றி போர் கொலை பகை மீன்வகை.

தகையும் - தகை - அழகு; அன்பு; அருள்; கவசம்; குணம்; தடை; தகுதி; பொருத்தம்; ஒப்பு; மேம்பாடு; பெருமை; நன்மை; இயல்பு; நிகழ்ச்சி; கட்டுகை; மாலை; தளர்ச்சி; தாகம்; மூச்சிழைப்பு.

தகை - (வி)தடுத்துவிடு; ஆணையிடு.

ஆற்றலும் - ஆற்றல் - சக்தி; முயற்சி மிகுதி கடைப்பிடி பொறை ஆண்மை வெற்றி வாய்மை அறிவு இன்னசொல்இன்னபொருள்உணர்த்தும்என்னும்நியதி; சாகசம்

இல் - இல்லை, இடம்; வீடு இல்லறம் மனைவி மருதமுல்லைநிலங்களின்தலைவியர்; குடி இராசி தேற்றாங்கொட்டை இன்மை சாவு எதிர்மறைஇடைநிலை; ஐந்தாம்வேற்றுமைஉருபு; ஏழாம்வேற்றுமைஉருபு.

எனினும் - என்றுசொல்லினும்; ஆனாலும்

தானை - படை; ஆயுதப்பொது; ஆடை; மேடைத்திரைச்சீலை; முசுண்டிஎன்னும்ஆயுதம்.

படைத் - படை - சேனை; அறுவகைப்படைகள்; திரள்; சுற்றம்; ஆயுதம்; கருவி; சாதனம்; காண்க:இரத்தினத்திரயம்; முசுண்டி; கலப்பை; குதிரைக்கலணை; யானைச்சூல்; போர்; கல்முதலியவற்றின்அடுக்கு; செதிள்; சமமாய்ப்பரப்புகை; படுக்கை; உறக்கம்; மேகப்படை.

படை - (வி)உண்டாக்கு; படைஎன்ஏவல்.

தகை - அழகு; அன்பு; அருள்; கவசம்; குணம்; தடை; தகுதி; பொருத்தம்; ஒப்பு; மேம்பாடு; பெருமை; நன்மை; இயல்பு; நிகழ்ச்சி; கட்டுகை; மாலை; தளர்ச்சி; தாகம்; மூச்சிழைப்பு.

யான் -  தன்மையொருமைப்பெயர்

பாடு - உண்டாகை; நிகழ்ச்சி; அனுபவம்; முறைமை; நிலைமை; செவ்வி; கடமை; கூறு; பயன்; உலகவொழுக்கம்; குணம்; பெருமை; அகலம்; ஓசை; உடல்; உழைப்பு; தொழில்; வருத்தம்; படுக்கைநிலை; விழுகை; தூக்கம்; சாவு; கேடு; குறைவு; பூசுகை; மறைவு; நீசராசி; இடம்; பக்கம்; அருகு; ஏழாம்வேற்றுமையுருபு.

பெறும் - பெறுதல் - அடைதல்; பிள்ளைபெறுதல்; பிறப்பித்தல்; அறிதல்; விலைத்தகுதியுடையதாதல்

முழுப்பொருள் 

போரில் வெற்றிப் பெறக்கூடிய வலிமையும் ஆற்றலும் முயற்சியும் ஒரு படைக்கு இல்லையென்றாலும் அப்படை போருக்கு தேவையான அளவில் எல்லாவித படைகளைக்கொண்டு இருந்தாலும் தேவையான அளவு எண்ணிக்கையில் இருந்தாலும் அதுவே அப்படைக்கு பயனை தரும். பெருமையை தரும். 

எப்படி இது சாத்தியமாகும்? ஏனெனில் ஒரு நாட்டிற்கு படை இல்லையென்றால் யார் வேண்டுமானாலும் வந்து போர் தொடுத்தோ அல்லது கோட்டையை கைப்பற்றியோ அந்நாட்டை கப்பம் கட்ட வைக்கலாம். ஆனால் அங்கு பெயருக்கு என்று ஒரு படை இருந்தால் கூட பகைவர் நம் நாட்டை தாக்க சற்று யோசிப்பர். ஏனெனில் ஒரு படை பெரும் குழுவாக இருக்கும் பொழுது நெருக்கடி நேரத்தில் நாம் பெரும்திரள் ஆதலால் நம்மை யாரும் வெல்தல் அரிது என்னும் சிந்தனையே வலிமையை தந்து ஊக்கம் பிறந்து எதிரிகளை தாக்க முடியும். ஆனால் அதற்கு முதலில் அங்கு ஒரு படை தேவைப்படுகிறது. 

காட்டுக்கு ராஜாவாக ஒரு புலியோ சிங்கமோ இருந்தாலும் ஒரு யானையிடம் சென்று சண்டையிடாது ஏனெனில் யானையின் தோற்றமே புலிக்கும் சிங்கத்துக்கும் அச்சத்தை உண்டு பண்ணும். தன் ஊக்கத்தினால் புலியும் சிங்கமும் யானையை சீண்டுவது வேறு கதை. ஆனால் யானை தோற்றத்திற்கு புலியும் பயப்படுகிறது என்றென்பதே நாம் கவனிக்க வேண்டியது.

அதுப்போல் ஒரு பாம்பு நம்மை கொத்தவேண்டும் என்றில்லை, சீறினாலே பொதும் நாம் பயப்படுவோம். அதுப்போல ஒரு படை மிகுந்த வலிமையுடன் இருந்தால் நன்று. ஆனால் எல்லா காலங்களிலும் அப்படி இருந்துவிட முடியாது. ஆனால் படை என ஒன்று இருந்தால் குறைந்த பட்சம் சீறுவதற்காவது பயன்படும். 

மேலும்: அஷோக் உரை 

பரிமேலழகர் உரை

தானை - தானை; அடல் தகையும் ஆற்றல் இல் எனினும் - பகைமேல் தான் சென்று அடும் தறுகண்மையும், அது தன்மேல் வந்தால் பொறுக்கும் ஆற்றலும் இல்லையாயினும்; படைத்தகையால் பாடு பெறும் - தன்தோற்றப்பொலிவானே பெருமை எய்தும். ('இல்லெனினும்' எனவே, அவற்றது இன்றியமையாமை பெறப்பட்டது. 'படைத்தகை' என்றது ஒரு பெயர் மாத்திரமாய் நின்றது. தோற்றப் பொலிவாவது அலங்கரிக்கப்பட்ட தேர் யானை குதிரைகளுடனும், பதாகை கொடி, குடை, பல்லியம், காகளம் முதலியவற்றுடனும் அணிந்து தோன்றும் அழகு, பாடு: கண்ட அளவிலே பகைவர் அஞ்சும் பெருமை.).

மணக்குடவர் உரை

பகைவரைக் கொல்லுந் தகுதியும் அவர் மேல்வந்தால் பொறுக்கும் ஆற்றலும் இல்லையாயினும் சேனையானது படையழகினால் பெருமைபெறும்.படையழகென்றது தேர் யானை குதிரைகளின் அலங்காரமும், கொடியும், குடையும், முரசும், காகளமும் முதலாயினவற்றால் அழகு பெறுதல்.இஃது அரசன் படையழகு அமைக்கவேண்டு மென்றது.

மு.வரதராசனார் உரை

போர் செய்யும் வீரமும்( எதிர்ப்பைத் தாங்கும்) ஆற்றலுமும் இல்லையானால் படைத்தன்னுடைய அணிவகுப்பால் பெருமை பெறும்.

சாலமன் பாப்பையா உரை

பகைவர் மேல் சென்று வெல்லும் வீரமும், பகைவர் வந்தால் தடுக்கும் பயிற்சியும் ஆற்றலும் படைக்கு இல்லை என்றாலும், அது தன் கட்டுப்பாடான அணிவகுப்பின் காட்சி அழகால் பெருமை பெறும்.

தார்தாங்கிச் செல்வது தானை தலைவந்த

 

குறள் 767

தார்தாங்கிச் செல்வது தானை தலைவந்த

போர்தாங்கும் தன்மை அறிந்து

[பொருட்பால், படையில், படைமாட்சி]

பொருள்

தார் - பூ; பூவரும்பு; பூமாலை; பூங்கொத்து; கிண்கிணிமாலை; சங்கிலி; ஒழுங்கு; படை; கொடிப்படை; கிளிக்கழுத்தின்கோடு; பிடரிமயிர்; கயிறு; காண்க:தார்க்குச்சு; தோற்கருவிவகை; உபாயம்; ஏரிஉள்வாயிலுள்ளபுன்செய்; உடைமையைக்குறிக்கும்ஒருசொல்; வீடு; கீல்எண்ணெய்.

கொடிப்படை -  படையின்முன்னணி; koṭi-p-paṭai   n. id. +.Front rank of an army, van; சேனையின் முன்னணிப்படை. கொடிப்படை போக்கிப் படிப்படைநிறீஇ (பெருங். மகத. 24, 39).  

தாங்கிச் - தாங்குதல் - சுமத்தல்; புரத்தல்; ஆதரித்தல்; தடுத்தல்; பொறுத்தல்; தோணிதள்ளுதல்; வருந்துதல்; மனத்திற்கொள்ளுதல்; அன்பால்நடத்தல்; தாமதித்தல்; நிறுத்துதல்; குதிரைமுதலியவற்றின்வேகத்தைஅடக்கிச்செலுத்துதல்; நொண்டுதல்; இளைப்பாற்றுதல்; ஏற்றுக்கொள்ளுதல்; அணிதல்; சிறப்பித்தல்; அழுத்துதல்; பிடித்துக்கொள்ளுதல்.

செல்வது - செல்லுதல் - நிகழ்தல்; வீழ்தல்; ஆதல்; பரவுதல்; பயனுறுதல்; நிலைத்திருத்தல்; செலாவணியாதல்; வேண்டியதாதல்; பொருந்துதல்; விரும்பிஏற்றுக்கொள்ளப்படுதல்; அடைதற்குரியதாதல்; கழிதல்; தணிதல்; கெடுதல்; இறத்தல்; கிட்டுதல்; அடைதல்; போதல்.

தானை - படை; ஆயுதப்பொது; ஆடை; மேடைத்திரைச்சீலை; முசுண்டிஎன்னும்ஆயுதம்.

தலை - சிரம்; முதல்; சிறந்தது; வானம்; இடம்; உயர்ந்தோன்; தலைவன்; உச்சி; நுனி; முடிவு; ஒப்பு; ஆள்; தலைமயிர்; ஏழாம்வேற்றுமைஉருபு; ஓர்இடைச்சொல்; மேலே; தபால்கடிதத்தில்ஒட்டும்முத்திரைத்தலை; தலையோடு.

வருதல் - வருதல்

தலைவந்த - தம்மை தாக்கப் பகைவரால் வியூகம் அமைக்கப்பட்டு எதிர்வரும் படையினர்

போர் - சண்டை; மல்யுத்தம்; இகல்; செறிந்துபொருந்துகை; குவியல்; சாணி; கதிர்வைக்கோல்களின்படப்பு; சதயநாள்; மரப்பொந்து.

தாங்கும் - தாங்குதல் - சுமத்தல்; புரத்தல்; ஆதரித்தல்; தடுத்தல்; பொறுத்தல்; தோணிதள்ளுதல்; வருந்துதல்; மனத்திற்கொள்ளுதல்; அன்பால்நடத்தல்; தாமதித்தல்; நிறுத்துதல்; குதிரைமுதலியவற்றின்வேகத்தைஅடக்கிச்செலுத்துதல்; நொண்டுதல்; இளைப்பாற்றுதல்; ஏற்றுக்கொள்ளுதல்; அணிதல்; சிறப்பித்தல்; அழுத்துதல்; பிடித்துக்கொள்ளுதல்.

தன்மை - குணம்; இயல்பு; நிலைமை; முறை; பெருமை; ஆற்றல்; நன்மை; மெய்ம்மை; தன்னைக்குறிக்குமிடம்; ஒரணி

அறிந்து - அறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

முழுப்பொருள் 

படைக்கொண்டு வந்த பகைவரின் போர் வியூகங்களை(தந்திரங்களை) அறிந்து உணர்ந்து அதனை எதிர்த்து தாக்கி வெற்றிப்பெறக்கூடிய போர் தந்திரத்தை அமைத்து, படைக்கொண்டுப் பகைவரை வெல்வதே ஒரு படைக்கு மாட்சியாகும். செயலாக்கத்தைவிட சிந்தனையாக்கத்தை முதலாக வைத்துச் சொல்லும் குறள். 

“தார்” என்னும் சொல் படை வகுப்பைக்குறிப்பதாகும். பரிமேலழகர் உரை படைவகுப்பை வியூகம் என்று சொல்லி, அதன் வகைகளை வடநூலார் சொல்லிய வண்ணம் குறித்துள்ளார். பண்டைய போர் முறைகளில், படைகள் நேர் நின்று பொருதியதால், காலாட்படை, தேர்ப்படை, குதிரைப்படை, யானைப்படை போன்றவற்றில் தம் வலிமை, எதிரிகளின் வலிமை இவற்றை அறிந்து, தம் படை எதிரிகளின் தாக்குதலில் சிதறாவண்ணம் வியூகத்தை அமைப்பது வழக்கம். மஹாபாரதப் போரிலே பல வியூகங்கள், குறிப்பாக சக்ரவியூகம், பத்மவியூகம் இவற்றைப் பற்றி குறிப்பிடப்படுவதைக் காணாலாம்.

தனது தலைவனின் மீது தனது படைவீரர்களுக்கு உள்ள நம்பிக்கையே இங்கு செருக்கே விளங்குகிறது. அதற்கு ஏற்றவாரு தலைவன் இருத்தல் வேண்டும். ஒரு தலைவன் இடத்தில் எதிரியை வெல்லும் வியூகமும், எதிரிக்கு தலைவன் மீது அச்சமும் தேவை. அது தலைவனின் செயல் இருந்து வரும். கிரிக்கேட் விளையாட்டில் ஒரு அணி தனது முந்தைய வெற்றிகளை மட்டும் வைத்துக்கொண்டு விளையாட முடியாது. தற்போதைய அணியின் தலைவன் எவ்வாறு ஒழுக்கமாக விளையாட்டை அணுகுகிறான் என்பதும் மிக முக்கியம். ஒழுக்கம் (disciplined approach), வியூகம் (Strategy), சிந்தனை திறன்(thought process), செயல்திறன் (implementation/execution skills), ஆகியவை மிக முக்கியம். ஒரு யானை உண்ணுவதானாலும் அதனை ஒரே அடியாக உண்றுவிட முடியாது. ஒரு யானையினையும் ஒவ்வொரு வாயாக தான் சாப்பிட முடியும். (How to eat an elephant? Bite by bite). அதுப்போல் தலைவனும் எப்பேர்பட்ட எதிரியையும் ஒவ்வொரு அடியாக தான் வெல்ல வேண்டும். அவ்வாறு செய்தால் எல்லோரையும் வெல்லலாம். அந்த நம்பிக்கையை வீரர் இடத்தில் உருவாக்கி தக்கவைத்தல் மிக அவசியமாகும். 

ஒரு நிறுவனம் வளர்ந்துவர வாடிக்கையாளர் மீது பரிவு வேண்டும், முதலீடு வேண்டும். இவையாவும் தூணாகும். ஆனால் ஒரு நிறுவனத்தில் மிகப்பெரிய அரண் எனப்படுவது அந்நிறுவனத்தில் பணியாற்றும் திறமைவாய்ந்த ஊழியர்கள் ஆவார்கள். 

என்னுடைய MBA யில் Strategy Implementationஎன்று ஒரு பாடம் உண்டு. அதில் ஒரு கேள்வி கேட்கப்படும். உங்கள் வகுப்பில் எல்லோரும் 0 முதல் 100 க்குள் ஒரு எண்ணை சொல்லுங்கள். அந்த என் மற்ற எல்லொரும் சொல்லும் எண்களின் சராசரியில் மூன்றில் இரண்டு பங்காக இருத்தல் வேண்டும். யார் வகுப்பின் சராசரியிறின் மூன்றில் இரண்டு பங்குக்கு அருகில் சொல்கிறீர்களோ அவரே வெற்றியாளர். இது மற்றவர்கள் எப்படி சிந்திப்பர் என்று சிந்தித்து அதற்கு ஏற்றவாரு தனது வியூகத்தை மற்றிக்கொள்ளுதல். மேலும் நாம் நமது சிந்தனையை மாற்றுவோம் என்று எதிரியும் நினைக்கக்கூடும் என்று நினைத்து நமது சிந்தனையை மாற்றிக்கொள்ளுதலும் அடங்கும். 

மேலும்: அஷோக் உரை 

பரிமேலழகர் உரை

தலை வந்த போர் தாங்கும் தன்மை அறிந்து - மாற்றாரால் வகுக்கப்பட்டுத் தன்மேல் வந்த படையின் போரைவிலக்கும் வகுப்பு அறிந்து வகுத்துக் கொண்டு; தார் தாங்கிச் செல்வது தானை - அவர் தூசியைத் தன்மேல் வாராமல் தடுத்துத்தான் அதன்மேற்செல்வதே படையாவது. (படை வகுப்பாவது: வியூகம். அஃது எழுவகை உறுப்பிற்றாய், வகையான் நான்காய், விரியான் முப்பதாம். உறுப்பு ஏழாவன: உரம் முதல் கோடி ஈறாயின.வகை நான்காவன: தண்டம், மண்டலம், அசங்கதம், போகம் என இவை. விரி முப்பதாவன: தண்டவிரி பதினேழும், மண்டலவிரி இரண்டும், அசங்கத விரி ஆறும், போக விரி ஐந்தும் என இவை. இவற்றின் பெயர்களும் இலக்கணமும் ஈண்டு உரைப்பின் பெருகும், அவை எல்லாம் வடநூல்களுள் கண்டுகொள்க, இவை நான்கு பாட்டானும் படையினது இலக்கணம் கூறப்பட்டது.).

மணக்குடவர் உரை

உற்றவிடத்து உற்றபோரினைத் தடுக்கும் இயல்பறிந்து, தாரைப் பொறுத்து மேற்செல்லவல்லது படையாவது. இது முந்திச் செல்லவேண்டுமென்பதூஉம் செல்லுங்கால் இடமறிந்து செல்ல வேண்டுமென்பதூஉம் கூறிற்று.

மு.வரதராசனார் உரை

தன் மேல் எதிர்த்து வந்த பகைவரின் போரைத்தாங்கி, வெல்லும் தன்மை அறிந்து அவனுடைய தூசிப்படையை எதிர்த்துச் செல்லவல்லதே படையாகும்.

சாலமன் பாப்பையா உரை

தன்மீது வந்த பகைவரின் போரைத் தடுக்கும் முறையை அறிந்து அவர்களில் முதலாவதாக வந்து சண்டையிடும் காலாட்படை ( தூசிப்படை, தேர்ப்படை, கொடிப்படை, முன்னணிச் சேனை என்றும் பெயர்) தன்மீது வராமல் தடுப்பதே படை.

சுழலும் இசைவேண்டி வேண்டா உயிரார்

குறள் 777

சுழலும் இசைவேண்டி வேண்டா உயிரார்

கழல்யாப்புக் காரிகை நீர்த்து

[பொருட்பால், படையில், படைச்செருக்கு]

பொருள்

சுழலும் - சுழலுதல் - உருளுதல்; வட்டமாகச்சுற்றுதல்; சுற்றுத்திரிதல்; அலைவுபடுதல்; சஞ்சலப்படுதல்; சோர்தல்; பொறிமயங்குதல்

இசை  -இசைவு; பொன் ஊதியம் ஓசை சொல் புகழ் இசைப்பாட்டு நரம்பிற்பிறக்கும்ஓசை; இனிமை ஏந்திசை தூங்கிசை, ஒழுகிசை சீர் சுரம் வண்மை திசை

வேண்டி - vēṇṭi   prep. id. For thesake of; பொருட்டு. அதை எனக்கு வேண்டிச் செய்.

வேண்டிக்கேள்-தல் [வேண்டிக்கேட்டல்] vēṇṭi-k-kēḷ-, v. tr. id. +. To beseech;மன்றாடிக்கேட்டல். (யாழ். அக.)

வேண்டா - வேண்டாம் - vēṇṭām   veeNTaam வேண்டாம் do not want; should not  

உயிர் - காற்று; உயிர்வளி; சீவன் ஆதன் ஓரறிவுயிர்முதலியஉயிரினம்; உயிரெழுத்து ஓசை ஒருநாழிகையில்4320-ல்ஒருகூறு; சன்மலக்கினம்

உயிரார் - உயிர் உள்ளவர் 

கழல் - வீரக்கழல்; சிலம்பு; கால்மோதிரம்; செருப்பு; பாதம்; கழற்சி; காற்றாடி; பொன்வண்டு.

யாப்புக் - கட்டுகை; கட்டு; செய்யுள்; யாழ்ப்பத்தரிற்குறுக்கேவலிவுறச்செய்யுங்கட்டு; சிறப்புப்பாயிரஇலக்கணம்பதினொன்றனுள்இன்னநூல்கேட்டபின்இன்னதுகேட்கத்தக்கதென்னும்தொடர்பு; அன்பு; உறுதி; சூழ்ச்சி; பொருத்தம்; பாம்பு.

காரிகை - பெண்; அழகு; அலங்காரம்; கட்டளைக்கலித்துறை; ஓர்யாப்பிலக்கணநூல்; ஒருநிறை; வாதனை.

நீர் - தண்ணீர்; கடல்; இரசம்; பனிநீர்; உடல்இரத்தம்; பித்தநீர்முதலியநீர்மப்பொருள்; பூராடநாள்; பூரட்டாதிநாள்; ஈரம்; மணியின்ஒளி; குணம்; நிலை.

நீர்த்து - நீர்த்தல் -  நீராதல்; ஈரமாதல்.

முழுப்பொருள்

இவ்வுலகில் எட்டுத்திக்கும் சுழலும் ஆற்றல் பெற்ற புகழை வேண்டி தன் உயிரை வேண்டாத படை வீரர்கள் தங்கள் உடம்பில் (தங்கள் கால்களில்) அணியும் சிலம்பு(வீரக்கழல்) அவர்ளுக்கும் அவர்கள் வீரத்திற்கும் அழகு சேர்க்கும் குணம் வாய்ந்தது.

மேலும்: அஷோக் உரை

பரிமேலழகர் உரை

சுழலும் இசைவேண்டி வேண்டா உயிரார் - துறக்கத்துத் தம்மொடு செல்லாது வையத்தைச் சூழ்ந்து நிற்கும் புகழை வேண்டி உயிர் வாழ்தலை வேண்டாத வீரர்; கழல் யாப்புக்காரிகை நீர்த்து - கழல் கட்டுதல் அலங்கார நீர்மையை உடைத்து. (வையைத்தைச் சூழும் எனவே, அதன் பெருமை பெற்றாம். செயப்படு பொருள் வருவிக்கப்பட்டது. சூழல் - அகத்திடல். துறக்கமும் புகழும் எளிதின் எய்துவராகலின், ஆபரணமாவது அதுவே என்பதாம்.).

மணக்குடவர் உரை

பரவும் புகழை விரும்பி, உயிரை விரும்பாதார், கழல் கட்டுதல் அழகுடைத்து. இது புகழ் விரும்பும் படை வேண்டுமென்றது.

மு.வரதராசனார் உரை

பரந்து நிற்க்கும் புகழை விரும்பி, உயிர்வாழ்வையும் விரும்பாத வீரர், வீரக் கழலை காலில் கட்டிக்கொள்ளுதல் அழகு செய்யும் தன்மையுடையதாகும்.

சாலமன் பாப்பையா உரை

தம்முடன் சொர்க்கத்திற்கு வராது பூமியில் மட்டு் நிலைத்து நிற்கும் புகழை விரும்பி, உயிரையும் விரும்பாத வீரர், தம் கால்களில் வீரக்கழலைக் கட்டுவது அவர்க்கு அழகே.

கூற்றுடன்று மேல்வரினும் கூடி எதிர்நிற்கும்

குறள் 765

கூற்றுடன்று மேல்வரினும் கூடி எதிர்நிற்கும்

ஆற்ற லதுவே படை

[பொருட்பால், படையில், படைமாட்சி]

பொருள்

கூற்று - கூறுகை; மொழி; கூறத்தக்கது; யமன், காலன்

உடன்று -  வெகுண்டு, கோபித்து, சினந்து

மேல்வரினும் - எதிரே / மேலே வந்தாலும் 

கூடி - கூடுதல் - ஒன்றுசேர்தல்; திரளுதல்; பொருந்துதல்; இயலுதல்; கிடைத்தல்; நேரிடுதல்; இணங்குதல்; தகுதியாதல்; அதிகமாதல்; தொடங்குதல்; அனுகூலமாதல்; உடன்படுதல்; நட்புக்கொள்ளுதல்; புணர்தல்; அடைதல்; மொத்தம்; மேலெல்லை.

எதிர் - வருங்காலம்; எதிரிடை; முன்; முன்னுள்ளது; முரண்; கைம்மாறு; இலக்கு; போர்.

நிற்கும் - நிலைக்கும்

நிற்பது - niṟpatu   n. நில்-. The immoveables, as the vegetable kingdom; தாவரம் நிற்பதுஞ் செல்வது மானோன் காண்க (திருவாச. 3, 53).  

ஆற்றல் - சக்தி; முயற்சி மிகுதி கடைப்பிடி பொறை ஆண்மை வெற்றி வாய்மை அறிவு இன்னசொல்இன்னபொருள்உணர்த்தும்என்னும்நியதி; சாகசம்

அதுவே - அதுவே ; அத்தன்மை வாய்ந்ததே 

படை - சேனை; அறுவகைப்படைகள்; திரள்; சுற்றம்; ஆயுதம்; கருவி; சாதனம்; காண்க:இரத்தினத்திரயம்; முசுண்டி; கலப்பை; குதிரைக்கலணை; யானைச்சூல்; போர்; கல்முதலியவற்றின்அடுக்கு; செதிள்; சமமாய்ப்பரப்புகை; படுக்கை; உறக்கம்; மேகப்படை

முழுப்பொருள் 

ஒரு சிறந்த படைக்கு ஆற்றல் எவ்வாறு இருக்கும் தெரியுமா? எப்படையானாலும் அதையழிக்க வல்ல ஆற்றல் மட்டும் அல்லாது உயிர்களை கொல்வதை தன்னுடைய கருமமாக கொண்டவன் யமன். அத்தகைய யமன் சினந்து எழுந்து வந்தால் உயிர் இழப்பு நிச்சயம். ஆனால் யமன் சினந்து வந்தாலும் அதற்கு சற்றும் வருந்தாமல் சலனம்கொள்ளாமல் யமனை எதிர் நோக்கும் வல்லமையும் திறனும் மனவலிமையும் அர்ப்பணிப்பும் கொண்ட படையே சிறந்த படை. 

மேலும்: அஷோக் உரை 

ஒப்புமை

“கூற்றுவெகுண்டு வரினும் மாற்றுமாற் றலையே” (பதிற்.11:10)

“கூற்றம் வரினும் தொலையான்” (கலி.43.10)

“அருநவை நமனு மாற்றான்” (சீவக.1114)

“மறலியஞ் சுறுவிறலர்” (கம்ப.மராமரப்.10)

“கூற்றுவன் தன்னொடிவ் வுலகம் கூடிவந்

தேற்றன வென்னினும் வெல்ல வேற்றுள

மாற்றவன் தம்பி” (கம்ப.விபீடணன்.68)

“கூற்றையும் கட்பொறி குறுகக் காண்பரேல்

ஊற்றுறு குருதியோ டுயிரும் உண்பரால்” (கம்ப.இலங்கை கேள்வி.22)

“கூற்றம் உன்னெதிர் வந்துயிர் கொள்வதோர்

ஊற்றம் தானுடைத் தன்று” (கம்ப.இராவணன் சோகப்.22)

“கூற்றின்வாய் உற்றால் வீரங் குறைவரே இறைமை கொண்டார்” (கம்ப.மூலபல.46)

“கூற்றும் இவருடன் பகைக்க வற்றோ” (கம்ப.மூலபல.51)

பரிமேலழகர் உரை

கூற்று உடன்று மேல் வரினும் - கூற்றுவன் தானே வெகுண்டு மேல் வந்தாலும்; கூடி எதிர்நிற்கும ஆற்றலதுவே படை- நெஞ்சு ஒத்து எதிர்நின்று தாங்கும் ஆற்றலையுடையதே படையாவது. ('மருந்தில் கூற்று' ஆகலின், (புற.நா.3) உம்மை சிறப்பும்மை. மிகப்பலர் நெஞ்சொத்தற்குக் காரணம் அரசன்மேல் அன்பு. ஆற்றல் - மனவலி.).

மணக்குடவர் உரை

கூற்றமானது வெகுண்டு தன்மேல்வரினும், சிதறுதல் இன்றியே எதிர் நிற்கவல்ல வலியுடையதே படையாவது. இது மாற்றான் மேல்வந்தால் பொறுக்கவேண்டு மென்றது.

மு.வரதராசனார் உரை

எமனே சினங்கொண்டு தன் மேல் எதிர்த்து வந்தாலும் ஒன்றாகத் திரண்டு எதிர்த்து நிற்க்கும் ஆற்றல் உடையதே படையாகும்.

சாலமன் பாப்பையா உரை

எமனே எதிர்த்து வந்தாலும், கூடி நின்று எதிர்த்துச் சண்டை இடும் ஆற்றலை உடையதே படை.

விழுப்புண் படாதநாள் எல்லாம் வழுக்கினுள்

குறள் 776
விழுப்புண் படாதநாள் எல்லாம் வழுக்கினுள்
வைக்கும்தன் நாளை எடுத்து

[பொருட்பால், படையில், படைச்செருக்கு]

பொருள்
விழுப்புண் - போரில்முகத்திலும்மார்பிலும்பட்டபுண்; இடும்பைதரும்புண்.

படுதல் - உண்டாதல்; தோன்றுதல்; உதித்தல்; நிகழ்தல்; மனத்தில்தோற்றுதல்; பூத்தல்; ஒன்றன்மீதுஒன்றுஉறுதல்; மொய்த்தல்; அகப்படுதல்; புகுதல்; பெய்தல்; பெரிதாதல்; மேன்மையடைதல்; அழிதல்; சாதல்; மறைதல்; புண்காய்தல்; சாய்தல்; வாடுதல்; துன்பமடைதல்; தொங்குதல்; ஒலித்தல்; பாய்தல்; புதைக்கப்படுதல்; உடன்படுதல்; ஒத்தல்; பொறுத்தல்; முட்டுதல்

படாத - உண்டாகாத , நிகழாத

நாள் - தினம்; காலம்; வாழ்நாள்; நல்லநாள்; காலை; முற்பகல்; நட்சத்திரம்; திதி; புதுமை; அன்றலர்ந்தபூ; வெண்பாவின்ஈற்றடியிறுதியில்வரும்ஒரசைச்சீர்வாய்பாடு.

எல்லாம் - ellām   n. [T. K. ella, M. ellām.]1. Whole; முழுதும் (திருக்கோ. 351. உரை ) 2.All, personal as well as impersonal. அவர்கள்எல்லாம் போனார்கள்; அவை எல்லாம் போயின.; யாவும்

வழுக்கினுள் - வழக்கு - இயங்குகை; உலகவழக்கு; செய்யுள்வழக்கு; என்னும்இருவகைவழக்குகள்; இயல்புவழக்குதகுதிவழக்குகள்; பழக்கவொழுக்கம்; நீதி; நெறி; நீதிமன்றத்தில்முறையிடுதல்; விவகாரம்; வாதம்; வண்மை.

வைக்கும் - வைத்தல் - இடுதல்; அளித்தல்; இருக்கச்செய்தல்; பள்ளிக்குஅனுப்புதல்; வேலைமுதலியவற்றில்அமர்த்துதல்; சேமித்தல்; பாதுகாத்தல்; தனியாகஒதுக்குதல்; சிறையிலிடுதல்; உடைத்தாயிருத்தல்; அமைதல்; வைப்பாட்டியாகக்கொள்ளுதல்; தயாரித்தல்; நடத்துதல்; மதித்துப்போற்றுதல்; வரையறுத்தல்; எடுத்துச்சொல்லுதல்; மனத்திற்கொள்ளுதல்; தியானித்தல்; உண்மைஎன்றுகொள்ளுதல்; நிலைமாறாதபடிசெய்தல்.

தன் - தான் என்னும் சொல் வேற்றுமையுருபை ஏற்குமிடத்துப் பெறும் திரிபு.

நாளை - அடுத்ததினத்தில்; நாளுக்குரிய.

எடுத்து - சுமை, பொதி.

முழுப்பொருள்
ஒரு வீரருக்கு நெறிப்படி ஒரு நாள் என்றால் அது விழுப்புண்கள் பட்ட நாள்  மட்டும் தானாம். அதாவது போர்க்களத்திலும் பயிற்சிகளத்திலும் மார்பிலும் முகத்திலும் பட்ட புண்கள் அவனுடைய நாட்களை அடையாள படத்துகின்றன. மற்ற நாட்களையெல்லாம் வீணாய் கழிந்த பயனற்ற நாட்களாகவே கருதுகிறான்.

இது போர் புரிந்தவனுக்கு என்று மட்டும் கருதாமல் எல்லோருக்கும் பொதுவாக கருதினாலும் பொருத்தமாக இருக்கும். செயலாற்றாத நாட்களையெல்லாம் வீணான நாட்கள் என்று கருதலாம். செயலாற்றிய நாள் என்றால் முட்டிமோதி கற்றுணர்ந்த நாட்களும் செயல் புரிந்து ஆக்கம் விளைவித்த நாட்களுமாகும்.

பேராசிரியர் கல்கி இரா. கிருஷ்ணமூர்த்தி அவர்கள் படைத்த வரலாற்று நாவலாம் பொன்னியின் செல்வனில் பெரிய பழுவேட்டரையர் இருபத்து நான்கு யுத்தகளங்களில் பங்கெடுத்து அறுபத்து நான்கு விழுப்புண்கள் பெற்ற வீரராகவும், ஒட்டக்கூத்தர் எழுதிய மூவருலாவில், விஜயாலயச் சோழர் தொண்ணுற்றாறு விழுப்புண்களைத் தாங்கியவராகவும் குறிப்பிடப்படுகின்றனர்.

இலக்கியங்களில் விழுப்புண் பெருமையப் பாடிய புலவர்கள் பலர். ஔவையார் அதியமான் நெடுமான் அஞ்சியின் வாகையப்பற்றிய பாடிய புறநானூற்றுப்பாடலில் 

“அருஞ்சமம் ததைய நூறி நீ 

பெருந்தகை விழுப்புண் பட்ட மாறே!” (புறநா.93:15) 

”இரும்புசுவைக் கோண்ட விழுப்புண்” (புறநா.180.4)

”போரடு தானை எவ்வி மார்பின்” 

எஃகுறு விழுப்புண் பலவென” (புறநா.233:6-7)

என்பார்.

”ஒளிறுவாள் விழுப்புண் காணிய” (நெடுநல்.172)

இசை விழுப்புண்ணாற்றும் மருந்தானதை மலைப்படுகடாம் இவ்வாறு சொல்கிறது:

“கொடுவரி பாய்ந்தெனக் கொழுநர் மார்பில்
நெடுவசி விழுப்புண் தணிமார்க் காப்பென

அறல்வாழ் கூந்தல் கொடிச்சியர் பாடல்’
                                           – மலைபடுகடாம்-302-304

மேலும்: அஷோக் உரை

பரிமேலழகர் உரை
தன் நாளை எடுத்து - தனக்குச் சென்ற நாள்களையெடுத்து எண்ணி; விழுப்புண் படாத நாளெல்லாம் வழுக்கினுள் வைக்கும் - அவற்றுள் விழுப்புண் படாத நாள்களையெல்லாம் பயன்படாது கழிந்த நாளுள்ளே வைக்கும், வீரன் . (விழுப்புண்: முகத்தினும் மார்பினும் பட்ட புண். போர் பெற்றிருக்கவும், அது பெறாத நாள்களோடும் கூட்டும் என்பதாம். இவை மூன்று பாட்டானும் ஊறு அஞ்சாமை கூறப்பட்டது.).

மணக்குடவர் உரை

தனது வாழ்நாளாகிய நாளையெண்ணி அவற்றுள் விழுமிய புண்படாத நாளெல்லாவற்றையும் தப்பின நாளுள்ளே யெண்ணி வைக்கும் வீரன். இது போரின்கண் முகத்தினும் மார்பினும் புண்படலும், முதுகுபுறங்கொடாமையும் வேண்டுமென்றது.

மு.வரதராசனார் உரை
வீரன் தன் கழிந்த நாட்களைக் கணக்கிட்டு, விழுப்புண் படாத நாட்களை எல்லாம் பயன் படாமல் தவறிய நாட்களுள் சேர்ப்பான்.

சாலமன் பாப்பையா உரை
ஒரு வீரன் தன் கடந்த நாள்களை எண்ணி எடுத்து, அவற்றுள் முகத்திலும் மார்பிலும் போரின்போது புண்படாத நாள்களைப் பயனில்லாமல் கழிந்த நாள்களாகக் கருதுவான்.

அழிவின்றி அறைபோகா தாகி வழிவந்த

குறள் 764

அழிவின்றி அறைபோகா தாகி வழிவந்த

வன்க ணதுவே படை

[பொருட்பால், படையில், படைமாட்சி]

பொருள்
அழிவு - கேடு; தீமை; செலவு; வறுமை; வருத்தம்; மனவுறுதியின்மை; தோல்வி; கழிமுகம்

இன்றி - இன்-மை. Without;இல்லாமல்,

அறை -  அடி; மோதுகை; வெட்டுகை; ஓசை சொல் விடை அலை உள்வீடு வீடு பெட்டியின்உட்பகுதி; வகுத்தஇடம்; பிள்ளைபெறும்அறை; சதுரங்கம்முதலியவற்றின்கட்டம்; மலைக்குகை சுரங்கம் பாத்தி வஞ்சனை பாறை அம்மி சல்லி துண்டம் பாசறை அறுகை

போகாதாகி - செல்லாமல் ஆகி 

வழி - நெறி; காரணம்; கழுவாய்; வழிபாடு; ஒழுக்கம்; முறைமை; பின்சந்ததி; மரபு; மகன்; சுற்றம்; உடன்பிறந்தான்; பரம்பரை; நூல்வந்தநெறி; சுவடு; பின்னானது; வழக்கு; பழைமை; மலைப்பக்கம்; இடம்; திரட்சி; வரம்; பின்பு; வினையெச்சவிகுதி; ஏழனுருபு.

வந்த - வரவு 

வன்கண்  - மனக்கொடுமை; வீரத்தன்மை; பகைமை; பொறாமை; கொடும்பார்வை.

அதுவே - அதுவே ; அத்தன்மை வாய்ந்ததே 

படை - சேனை; அறுவகைப்படைகள்; திரள்; சுற்றம்; ஆயுதம்; கருவி; சாதனம்; காண்க:இரத்தினத்திரயம்; முசுண்டி; கலப்பை; குதிரைக்கலணை; யானைச்சூல்; போர்; கல்முதலியவற்றின்அடுக்கு; செதிள்; சமமாய்ப்பரப்புகை; படுக்கை; உறக்கம்; மேகப்படை.

முழுப்பொருள் 

பகைவரிடத்தில் போரில் தோல்வியடையாமலும், பகைவரின் வஞ்சனையான (வியூகங்களில்/) சூழ்ச்சிகளில்  சென்று சிக்கிக்கொள்ளாமலும், வழிவழியாய் வந்த வீரத்தன்மை கொண்டதே ஒரு படைக்கு மாட்சியாகும்/சிறப்பாகும்.அதுவே படை. 

கல்லிலே பொருந்தி நின்றான் என் தந்தை; என் கணவன் போர்களத்திலே பட்டான்; பகைவர்முன் நின்று போரிலே விழுந்தார் என்னுடைய தமையன்மார்; தன் சேனையே அழிந்தாலும், தான் அழியாது நின்று, அம்பைச் செலுத்த பகையரசன் மேல் பாய்ந்து பின்னர் முள்ளம்பன்றிபோலப் பட்டான் என்னுடைய புதல்வன் என்று உறுதிகுலையாத பண்டுதொட்டு வந்த வீரத்தைப் பேசும் தமிழ் மறப்பெண்ணைக் கொண்டாடும் புறப்பொருள் வெண்பாமாலைப் பாடலொன்று “வழிவந்த வன்கண்” என்பதைச் சொல்லுகிறப்பாடல் இதோ: 

கன்னின்றா னெந்தைக்கணவன் களப்பட்டான்

முன்னின்று மொய்யவிந்தா ரென்னையர் -பின்னின்று

கைபோய்க் கணையுதைப்பக் காவலன் மேலோடி

எய்போற் கிடந்தானென் னேறு

மேலும்: அஷோக் உரை 

பரிமேலழகர் உரை

அழிவு இன்றி - போரின்கண் கெடுதல் இன்றி; அறை போகாதாகி - பகைவரால் கீழறுக்கப்படாததாய்: வழிவந்த வன்கணதுவே படை - தொன்று தொட்டு வந்த தறுகண்மையை உடையதே அரசனுக்குப் படையாவது. (அழிவின்மையான் மற மானங்கள் உடைமையும், அறை போகாமையான் அரசர்மாட்டு அன்புடைமையும் பெறப்பட்டன. வழி வந்த வன்கண்மை, 'கல்நின்றான் எந்தை கணவன் களப்பாட்டான், முன்னின்று மொய்யவிந்தார் என்ஐயர் - பின்னின்று, கைபோய்க் கணையுதைப்பக் காவலன் மேலோடி எய்போற் கிடந்தான் என் ஏறு'. (பு.வெ.மா.வாகை,22) என்பதனான் அறிக. குற்றியலுகரத்தின் முன்னர் உடம்படுமெய் விகாரத்தான் வந்தது. இது வருகின்ற பாட்டுள்ளும் ஒக்கும்.).

மணக்குடவர் உரை

கெடுதலின்றிக் கீழறுக்கப்படாததாகிக் குலத்தின் வழிவந்த அஞ்சாமையையுடையதே படையாவது. வழிவருதல்- வீரன்மகன் வீரனாகுதல். இது படையினது நன்மைகூறிற்று.

மு.வரதராசனார் உரை

(போர் முனையில்) அழிவு இல்லாததாய்(பகைவருடைய) வஞ்சனைக்கு இரையாகாததாய், தொன்று தொட்டுவந்த அஞ்சாமை உடையதே படையாகும்.

சாலமன் பாப்பையா உரை

போரில் தோற்காமலும், பகைவரின் சதிக்குத் துணை போகாமலும், தொன்று தொட்டு வரும் வீரத்தை உடையதே படை.

விழித்தகண் வேல்கொண டெறிய அழித்திமைப்பின்

குறள் 775
விழித்தகண் வேல்கொண டெறிய அழித்திமைப்பின்
ஒட்டன்றோ வன்க ணவர்க்கு

[பொருட்பால், படையில், படைச்செருக்கு]

பொருள்
விழித்த - விழித்தல் - கண்திறத்தல்; தூக்கம்தெளிதல்; எச்சரிக்கையாயிருத்தல்; கவனித்துநோக்குதல்; மருண்டுநோக்குதல்; ஒளிர்தல்; தெளிவாதல்; உயிர்வாழ்தல்.

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

வேல் - நுனிக்கூர்மையுடையஆயுதவகை; திரிசூலம்; ஆயுதப்பொது; ஆயுதவகை; முருகன்வேல்; வெல்லுகை; பகை; மரவகை; வெள்வேல்; உடை; மூங்கில்.

கொண்டு - கொள், முதல்; குறித்து; மூன்றாம்வேற்றுமைச்சொல்லுருபு; ஓர்அசைநிலை

எறிய - எறி - குத்து; தள்ளு; அறை; அடி; வெட்டு; வீச்சு; உதை; அடிக்கை; குறிப்பாகச்சொல்லுகை

எறிதல் - உதைத்தல்; வீசுதல்; வெட்டுதல்; முறித்தல்; அறுத்தல்; பறித்தல்; அழித்தல்; ஓட்டுதல்; குத்தல்; அடித்தல்.

அழித்து -  அழிதல் -  aḻi-   4 v. intr. [K. M. aḻi.]1. To perish, to be ruined; நாசமாதல். 2.To decay, to be mutilated; சிதைவுறுதல்.ஆரவண்டலழியும் (நைடத. கைக்கி. 10). 3. To fail,to be frustrated; தவறுதல் நீயுரைத்த தொன்றுமழிந்திலது (கம்பரா. பிராட்டி 30). 4. To becomeunsettled, to lose standing; நிலைகெடுதல் அழிந்தகுடி. 5. To be defeated; தோற்றல் வாதி லழிந்தெழுந்த (தேவா. 859, 3). 6. To melt with love மனம் உருகுதல் 7. To suffer, to be troubled;வருந்துதல். சூணயத் திறத்தாற் சோர்வுகண் டழியினும்(தொல். பொ 150). 8. To be disheartened; மனம்உடைதல். இதற்கு உள்ளழியேல் (கம்பரா. நகர்நீங்கு.18) 9. To swell, increase; பெருகுதல் அழியும்புன லஞ்சன மாநதியே (சீவக. 1193). 10. Tosympathise with; பரிவுகூர்தல். புணர்ந்த நெஞ்சமொ டழிந்தெதிர் கூறி விடுப்பினும் (தொல். பொ 40).11. To be spent, used up, sold out, exhausted;செலவாதல். என்னிடமிருந்த சரக்கெல்லாம் அழிந்துவிட்டது. 

அழித்தல் - செலவழித்தல்; கெடுத்தல் கலைத்தல் குலைத்தல் உள்ளதைமாற்றுதல்; மறப்பித்தல்; தடவுதல் நீக்குதல் நிந்தித்தல் விடைகாணுதல்

இமைப்பின் -  இமைப்பு - இமைத்தல் - இமைகொட்டுதல்; ஒளிவிடுதல் சுருங்குதல் தூங்குதல்

ஒட்டு - இணைக்கப்பட்டது; இணைப்பு; சார்பு; நட்பு; மரப்பட்டை; மரவொட்டு; ஓரம்; பறவைபிடிக்கும்கண்ணி; ஒட்டுக்கடுக்கன்; ஒட்டுத்திண்ணை; படைவகுப்பு; அற்பம்; நற்சமயம்; சூள்; துணை; இகலாட்டம்; ஓரணி.

ஒட்டுதல் - ஒட்டவைத்தல்; பொருத்துதல்; சார்தல்; பந்தயம்கட்டுதல்; துணிதல்; கிட்டுதல்; கூட்டுதல்; இணைத்தல்; தாக்குதல்; உடன்படுதல்; ஆணையிடுதல்; நட்பாக்குதல்; வஞ்சினங்கூறல்; பதுங்கிநிற்றல்; அடைகொடுத்தல்; சுருங்குதல்; வற்றுதல்.

அன்றோ - அதுவல்லவா
அன்றே. Not that, emphatically, or is it not that?

வன் - வல் - வலிமை; திறமை; மேடு; சூதாடுகருவி; முலைக்கச்சு; விரைவு.

கணவர் - கூட்டத்தார்.

முழுப்பொருள்
நாம் கவனமாய் நோக்கிக்கொண்டு இருக்கும் பொழுது (/அல்லது பகையைக் கண்டு கோபத்தில் கண் சிவந்த வீரனுடைய கண்கள் தன்னுடைய) பகைவர் வேலினை நம்மீதெறியும் நேரம் நாம் கண் சிமிட்டினாலும் அது(அந்த வேல்) நம்மை அழித்துவிடும். வலிமையான படையென்றாலும் அவ்வாறு அழிவது நமக்கு அற்பத்தையே சேர்க்கும். இங்கே கண்சிமிட்டுவது என்பது அஞ்சுவதை ஐயத்தை குறிப்பதாகும். அதுமட்டுமின்றி வலிமையான படையென்றாலும் கவனக்குறைவாக இருந்தால் அழிவு கண்சிமிட்டும் நேரத்தில் ஏற்படும். அது புறங் கொடுத்தலுக்கு ஒப்பாகும்.

பாய்ந்துவரும் எதிரியின் படைக்கருவிக்கு கண்சிமிட்டி இமையாமையைச் சொல்லும் இலக்கியப்பாடல்கள் இதோ!

“எடுத்தெறி ஞாட்பின் இமையான்,,” (புறநானூறு : 290). ஞாட்பு – போர்க்களம், போர்

“வேலும் கணையமும் வீழினும் இமையார் 

வீரியத் தறுகணர்” (பெருங்கதை – 1.46:17-8) (தணையம் – தண்டாயுதம்)

“இகலிடை இமையா எரிமலர்த் தடங்கண்” (பெருங். 4.5:60)

“வீரரெறி வெம்படைகள் வீழயிமை யானாய்” (சீவக சிந்தாமணி: 288)

“ஏந்தல்தன் கண்கள் வெய்ய இமைத்திட எறித லோம்பி

நாந்தக உழவன் நாணி நக்குநீ அஞ்சல் கண்டாய்” (சீவக.2258)

மேலும்: அஷோக் உரை

பரிமேலழகர் உரை
விழித்த கண் - பகைவரை வெகுண்டு நோக்கிய கண்; வேல் கொண்டு எறிய அழித்து இமைப்பின் - அவர் வேலைக்கொண்டு எறிய அஃது ஆற்றாது அந்நோக்கை அழித்து இமைக்குமாயின்; வன்கணவர்க்கு ஒட்டு அன்றோ - அது வீரர்க்குப் புறங்கொடுத்தலாம். (அவ்வெகுளி நோக்கம் மீட்டலும் போரின்கண் மீட்சி எனக்கருதி அதுவும் செய்யார் என்பதாம்.).

மணக்குடவர் உரை
மாற்றாரோடு எதிர்த்துச் சிவந்து நோக்கின கண்ணிலே ஒரு வேலினாலே எறிய, அதற்கு மீண்டும் இமைப்பாராயின் அஃது அஞ்சாதார்க்குக் கெட்டதனோடு ஒக்கும். விழித்தகண் என்பதற்கு மாற்றானை நோக்கி யிமையாத கண் எனினும் அமையும்.

மு.வரதராசனார் உரை
பகைவரை சினந்து நோக்கியக் கண், அவர் வேலைக் கொண்டு எறிந்த போது மூடி இமைக்குமானால், அது வீரமுடையவர்க்குத் தோல்வி அன்றோ.

சாலமன் பாப்பையா உரை
பகைவரைச் சினந்து பார்க்கும் கண், அவர்கள் எறியும் வேலைப் பார்த்து மூடித் திறந்தாலும், சிறந்த வீரர்க்கு அதுவே புறங் கொடுத்தலாகும்.

ஒலித்தக்கால் என்னாம் உவரி எலிப்பகை

குறள் 763
ஒலித்தக்கால் என்னாம் உவரி எலிப்பகை
நாகம் உயிர்ப்பக் கெடும்
[பொருட்பால், படையில், படைமாட்சி]

பொருள்

ஒலித்தல் - oli-   11 v. [T. uliyu, K. uli, Tu.uri.] intr. 1. To sound, as letter; to roar,as the ocean; சத்தித்தல் ஒலித்தக்கா லென்னாமுவரி(குறள், 763). 2. To wash, as clothes; ஆடைவெளுத்தல். ஊரொலிக்கும் பெருவண்ணார் (பெரியபு. திருக்குறிப்புத்தொண்ட. 113).--tr. To remove, as dirt;to clean; விளக்குதல் உதிர்துக ளுக்க நின்னாடையொலிப்ப (கலித். 81, 31).  

ஒலி - ஓசை; ஆரவாரம்; இடி; காற்று; எழுத்தொலி; சொல்.

ஒலித்தக்கால் - கடலைப்  (கடல் அலைகளைப்)  போன்று ஆரவாரத்துடன் ஒலித்தல் 

என் - என்ன; வினாவினைக்குறிப்பு; ஐயக்கிளவி; இகழ்ச்சிக்குறிப்பு; 'எது'அல்லது'எதை'எனப்பொருள்படும்இடைச்சொல்; தன்மைஒருமைச்சொல்; யான்என்பதுவேற்றுமைப்பொருளில்அடையும்திரிபு; ஓர்அசைச்சொல்.

ஆம் - நீர்; ஈரம் வீடு மாமரம் அழகு சம்மதங்காட்டும்சொல்; கேள்விப்பட்டதைக்குறிக்கும்சொல்; இகழ்ச்சிக்குறிப்பு; அனுமதி, தகுதி, ஊக்கம்குறிக்கும்சொல்; ஆவது ஆகிய சாரியை அசைநிலை தன்மைப்பன்மைவிகுதி; உளப்பாட்டுத்தன்மைப்பன்மைவிகுதி.

என்னாம்  - மனதால் 

உவரி - உவர்நீர், உப்புநீர்; கடல்; சிறுநீர்.

எலிப் - ஒருசிறுநாற்கால்உயிரி; பெருச்சாளி; கள்ளிமரம்; பூரநாள்; கள்.

பகை - எதிர்ப்பு; பகைவன்; மாறுபாடு; வெறுப்பு; தீங்கு; காண்க:பகைநரம்பு; வேற்றரசருடன்பகைகொள்ளுகை; கோளின்பகைவீடு; காமகுரோதம்முதலியஉட்பகை.

நாகம் - வானம்; துறக்கம்; மேகம்ஒலி; காண்க:நல்லபாம்பு; நாகப்பச்சை; நாவல்; பாம்புநஞ்சு; நாகலோகம்; யானை; குரங்கு; கருங்குரங்கு; காரீயம்; துத்தநாகம்; நற்சீலை; மலை; புன்னைமரம்; ஞாழல்; சுகம்.

உயிர்த்தல் - உயிர்பெற்றெழுதல்; தொழிற்படுதல் மூச்செறிதல் மூச்சுவிடல்; ஈனுதல் மோத்தல் கூறுதல் வெளிப்படுத்துதல் இறந்துபடுதல் சொரிதல் இளைப்பாறல்.

உயிர்ப்ப - மூச்செறிதல்

கெடும் - கெடுதல் - அழிதல்; பழுதாதல்; வறுமையடைதல்; ஒழுக்கங்கெடுதல்; உருவழித்தல்; தோற்றோடுதல்; விபத்து; தீங்கு; விகாரத்தால்எழுத்துக்கெடுதல்; வழிதவறிப்போதல்- 

முழுப்பொருள் 

எலிகள்பல கூட்டமாய்கூடி கடல்போல ஆரவாரம் (ஓசை எழுப்பினாலும்) செய்தாலும் வல்லமைப் பொருந்திய நாகம் மூச்சுவிட்டாலே எலிகள் அணைத்தும் அழிந்துவிடும்.

அதுப்போல மனதாலும் தொடர் பயிற்சியாலும் வலிமையில்லாத படையாயின் அது கடலளவு இருப்பினும் அது எலிகள் கூச்சலிடுவதுப் போன்று ஆரவாரம் செய்தாலும் வலிமையான வீரர் (அரசர்) முன்னே நிற்குமாயின் எலிகள் அழிந்துவிடும். நரிகள் கூட்டம் ஊளையிட்டு வந்தாலும் அரிமாவின் ஆற்றல்முன் நிற்கமுடியாது.

ஆதலால் படையின் மாட்சி எண்ணிக்கையில் இல்லை. படையின் மாட்சி மனதிலும் பயிற்சியிலும் உள்ள வலிமையில் உள்ளது.

கடலென்று சொல்லாமல் உவரி என்று சொல்லுகிறார் திருவள்ளுவர். ஏனெனில் உவரி என்றது உப்பு நீர் நிறைந்த கடலைக் குறிப்பதாகும். உண்ணீராக இல்லாது, உப்பு நீராக இருப்பதைச் சொல்லி, அதைப்போன்ற எண்ணிக்கையில் பெருகியிருந்தாலும், பயனில்லாமையை அழகாக கூறுகிறார் திருவள்ளுவர்.

எலியையும் அரவத்தையும் தொடர்புறுத்தி இலக்கியங்களில் பலபாடல்களை கி.வா.ஜவின் ஆராய்ச்சிப் பதிப்பு சுட்டுகிறது. குறிப்பாக கம்பன் பல இடங்களில் கூறுகிறார்,

“எலியெலாம் இப்படை அரவம் யானென 
ஒலியுலாம் சேனையை உவந்து கூயினான்” (கம்ப.குகப்.10)

”அரவின் நாமத்தை எலிஇருந் தோதினா லதற்கு

விரவும் நன்மையென்” (கம்ப.இரணியன்.50

“புற்றி னின்றுவல் வரவினம் புறப்பட்டப் பொருமி
இற்ற தெம்வலி யெனவிரைந் திருதருமெலி” (கம்ப.மூலபல – 27)


பெருங்கதைப் (1,56:273-5) பாடலொன்று, 

“பைவிரி நாகத் தைவாய்ப் பறந்த 

ஒலிப்புயிர் பெற்ற எலிக்கணம் போல 

ஒழிந்தோர் ஒழிய” என்று நயமாகக் கூறுகிறது.

வீரர் அல்லாதார் திரண்டு ஆர்ப்பரித்தாலும், வீரன் அஞ்சாமையைக் கூறும் பழமொழிப் பாடலொன்று,

மறுமனத்த னல்லாத மாநலத்த வேந்தன்
உறுமனத்த னாகி யொழுகின் – செறுமனத்தார்
பாயிரங் கூறிப் படைதொக்கா லென்செய்ப
ஆயிரங் காக்கைக்கோர் கல்.

மகாபாரதக் காட்சியில் அபிமன்யுவைச் சுற்றி நின்ற கௌரவர் கூட்டத்தைத் தனியொருவனாக நின்று போரிட்ட வீரத்தை இக்குறள் சொல்லும் கருத்தாலே அரியலாம். இவ்வரிய குறள், யாவரும் அறியத்தக்கதொரு குறள்.

”வம்ப மள்ளரோ பலரே

எஞ்சுவர் கொல்லோ” (புறநா.79:5-6)

“

“பலம்என் றிகழ்தல் ஓம்புமின்” (புறநா.301.11)

“பைவிரி

மேலும்: அஷோக் உரை 

பரிமேலழகர் உரை

எலிப்பகை உவரி ஒலித்தக்கால் என்னாம் - எலியாய பகை திரண்டு கடல் போல ஒலித்தால் நாகத்திற்கு என்ன ஏதம் வரும்? நாகம் உயிர்ப்பக் கெடும் - அந்நாகம் உயிர்த்த துணையானே அது தானே கெடும். (உவமைச்சொல் தொக்கு நின்றது. இத்தொழில் உவமத்தால் திரட்சி பெற்றாம். வீரரல்லாதார் பலர் திரண்டு ஆர்த்தால் அதற்கு வீரன் அஞ்சான்: அவன் கிளர்ந்த துணையானே அவர்தாம் கெடுவர் என்பது தோன்ற நின்றமையின், இது பிறிது மொழிதல் என்னும் அலங்காரம். வீரரல்லாதார் பலரினும் வீரனொருவனை ஆள்தல் நன்று என்பதாம். இவை மூன்று பாட்டானும் முறையே அரசனுக்குப் படை ஏனையங்கங்களுள் சிறந்தது என்பதூஉம், அதுதன்னுள்ளும் மூலப்படை சிறந்தது என்பதூஉம் அது தன்னுள்ளும் வீரன் சிறந்தான் என்பதூஉம் கூறப்பட்டன.).

மணக்குடவர் உரை

கடல்போல ஒலித்தாலும் எலியினது மாறுபாட்டினால் வருந்தீமை யென்னுளதாம்; எலி நாகம் உயிர்த்த அளவிலே கெடும். இது படைமிகுத்தது வெல்லுமென்று கருதாது வீரரைத் தௌ¤ந்தாளல் வேண்டுமென்றது.

மு.வரதராசனார் உரை

எலியாகிய பகைக்கூடி கடல் போல் ஒலித்தாலும் என்ன தீங்கு ஏற்ப்படும், பாம்பு மூச்சு விட்ட அளவில் அவைக் கெட்டழியும்.

சாலமன் பாப்பையா உரை

பாம்பென நிற்கும் சிறுபடை முன் கடல் என வீரர்கள் திரண்டிருந்தாலும், திரண்டவர்கள் மனத்தால் எலியாக இருந்தால் என்ன ஆகும்? பாம்பு மூச்சு விட்ட அளவிலேயே எலிப்படை அத்தனையும் அழியும்.

என்னைமுன் நில்லன்மின் தெவ்விர்

குறள் 771

என்னைமுன் நில்லன்மின் தெவ்விர் பலரென்னை

முன்நின்று கல்நின் றவர்

[பொருட்பால், படையில், படைச்செருக்கு]

(For meaning in English, scroll to the bottom of this post)

பொருள்

என்னை - என்தந்தை; என்தாய்; என்தலைவன்; என்இறைவன்; யாது; என்ன; ஓர்இகழ்ச்சிக்குறிப்பு.

முன் - இடத்தால்முன்; காலத்தால்முன்; உயர்ச்சி; முதல்; பழைமை; ஏழனுருபு; மனக்குறிப்பு; காண்க:முன்றோன்றல்

நில் -[நிற்றல்]   3 v. intr. [K.nil.] 1. To stand; கால்கள் ஊன்ற உடல் நிமிர்ந்திருத்தல். நின்றா னிருந்தான் கிடந்தான்றன் கேளலறச் சென்றான் (நாலடி, 29). 2. To stop, halt,tarry; மேற்செல்லாதிருத்தல். நில்லடா சிறிது நில்லடா (கம்பரா. நாகபாச. 73). 3. To be steadfast;to persevere, persist in a course of conduct;உறுதியாயிருத்தல். வீடு பெறநில் (ஆத்திசூ.). 4. Tostay, abide, continue; தங்குதல் குற்றியலிகர நிற்றல் வேண்டும் (தொல். எழுத். 34). 5. To cease; tobe discontinued, stopped or suspended; ஒழிதல் வேலை நின்றுவிட்டது. 6. To be subdued;அடங்குதல். சாயவென் கிளவிபோற் செவ்வழியாழிசைநிற்ப (கலித். 143, 38). 7. To remain; tobe left, as matter in a boil, as disease in thesystem; to be due, as a debt; எஞ்சுதல் நின்றதிற் பதினையாண்டு (திவ். திருமாலை 3). 8.To wait, delay; தாமதித்தல் தெய்வம் நின்றுகேட்கும்.   

அன் - ஆண்பால்வினைவிகுதி; தன்மையொருமைவிகுதி; ஆண்பால்பெயர்விகுதி; ஆண்பால்வினையாலணையும்பெயர்விகுதி; சாரியை எதிர்மறைகாட்டும்வடமொழிமுனனொட்டுத்திரிபு

மின் - மின்னல்; ஒளி; பெண்; முன்னிலையேவற் பன்மை விகுதியுள் ஒன்று.;4. vulg. for மூன், before

நில்லன்மின்  - முன்பு  நிற்காதே / முன்பு நிற்க துணியாதீர்கள் 

தெவ்வு - tevvu   s. the moon, சந்திரன்; 2. battle, war, contest, போர்; 3. an opposing force or enemy, சத்துரு; 4. enmity, hostility, பகை.

நீவிர் - நீங்கள், முன்னிலைப்பன்மைப்பெயர்.

தெவ்விர் - உங்களை போன்ற பகைவர் 

பலர் - அநேகர்; சபை.

என்னை - என்தந்தை; என்தாய்; என்தலைவன்; என்இறைவன்; யாது; என்ன; ஓர்இகழ்ச்சிக்குறிப்பு

முன் - இடத்தால்முன்; காலத்தால்முன்; உயர்ச்சி; முதல்; பழைமை; ஏழனுருபு; மனக்குறிப்பு; காண்க:முன்றோன்றல்

நின்று - niṉṟu   id. adv. Always, permanently; எப்பொழுதும் நிறைபய னொருங்குடனின்றுபெற நிகழுங் குன்றவை சிலவே (பரிபா. 15,7).--part. A particle used in the ablativesense; ஐந்தாம்வேற்றுமைப்பொருள்பட வரும் ஓரிடைச்சொல். (திருக்கோ. 34, உரை )  

கல் - வெட்டியெடுத்தகல்; சிறுகல்; பாறை; மலை; இரத்தினம்; காவிக்கல்; முத்து; வீரக்கல்; சாவுச்சடங்கில்இறந்தார்பொருட்டுப்பத்துநாளைக்குநாட்டப்படுங்கல், மரகதக்குற்றம்எட்டனுள்ஒன்று; செங்கல்; கருங்கல்; மைல்அளவுக்குநாட்டப்பட்டகல்; கிலோமீட்டர்அளவுக்குநாட்டப்படுங்கல்; மைல்தூரம்; கல்வி. நாடு  

கல் -  n. கல் + perh. நாட்டு.Hero-stone, cenotaph; வீரக்கல். நாகந்தை சிறுகுட்டியார் கல்நாடு (S. I. I. vii, 345).

வீரக்கல் - vīra-k-kal   n. வீரம்¹ +. Memorial stone. See நடுகல். Loc.; போரில் இறந்துபட்ட வீரனைத் தெய்வமாக நிறுத்தும்கல்

நின்றவர் - நின்றார்கள் 

முழுப்பொருள்
என்னுடைய வீரமிகு தலைவன் முன்பு நிற்காதீர்கள் அல்லது துணியாதீர்கள்(அசட்டுத்தனமாக). ஏனென்றால் அவரை (என் தலைவனை) வெல்வேன் என்று வீர சாகசம் செய்ய துணிந்த பகைவர்கள் எல்லோரும் அவரிடம் வீழ்ந்து நடுக்கல்லாய் (வீரக்கல்லாய்) அவரவர் வீட்டில் (நாட்டில்) நிற்கின்றனர். அவரது வீரம் அவ்வளவு செருக்கு (புகழ்)  வாய்ந்ததாகும்.

தனது தலைவனின் மீது தனது படைவீரர்களுக்கு உள்ள நம்பிக்கையே இங்கு செருக்கே விளங்குகிறது. அதற்கு ஏற்றவாரு தலைவன் இருத்தல் வேண்டும். ஒரு தலைவன் இடத்தில் எதிரியை வெல்லும் வியூகமும், எதிரிக்கு தலைவன் மீது அச்சமும் தேவை. அது தலைவனின் செயல் இருந்து வரும். கிரிக்கேட் விளையாட்டில் ஒரு அணி தனது முந்தைய வெற்றிகளை மட்டும் வைத்துக்கொண்டு விளையாட முடியாது. தற்போதைய அணியின் தலைவன் எவ்வாறு ஒழுக்கமாக விளையாட்டை அணுகுகிறான் என்பதும் மிக முக்கியம். ஒழுக்கம் (disciplined approach), வியூகம் (Strategy), சிந்தனை திறன்(thought process), செயல்திறன் (implementation/execution skills), ஆகியவை மிக முக்கியம். ஒரு யானை உண்ணுவதானாலும் அதனை ஒரே அடியாக உண்றுவிட முடியாது. ஒரு யானையினையும் ஒவ்வொரு வாயாக தான் சாப்பிட முடியும். (How to eat an elephant? Bite by bite). அதுப்போல் தலைவனும் எப்பேர்பட்ட எதிரியையும் ஒவ்வொரு அடியாக தான் வெல்ல வேண்டும். அவ்வாறு செய்தால் எல்லோரையும் வெல்லலாம். அந்த நம்பிக்கையை வீரர் இடத்தில் உருவாக்கி தக்கவைத்தல் மிக அவசியமாகும். 

இக்குறள், பகைவருடைய படையை அணுகி தம்மனோர் ஆண்மையை உயர்த்திச் சொல்லுவதாகிய புறப்பொருள் திணைகளுள் ஒன்றாம் வஞ்சித்திணையின் ஒருதுறையாம், “நெடுமொழி வஞ்சித் துறையைச்” சார்ந்த பாடலாகும். புறப்பொருள் வெண்பாமாலை, இதை, “ஒன்னாதார் படைகெழுமித் தன்னாண்மை எடுத்துரைத்தன்று” நெடுமொழி என்பது வீரவுரை, அல்லது பெருமித உரையாம்.

கீழ்வரும் புறப்பொருள் வெண்பாமாலைப் பாடலொன்றும் இதையொட்டி அமைந்திருப்பதாம்.

“இன்னர் எனவேண்டா, என்னோடு எதிர்சீறி
முன்னர் வருக. முரண்அகலும் – மன்னர்
பருந்துஆர் படைஅமருள் பல்லார் புகழ
விருந்தாய் அடைகுறுவார் விண்
                      – புறப்பொருள் வெண்பாமாலை 44

நடுகல் என்பதைப் பற்றி, சேரமான் பெருமாள் நாயனார், “பட்டோர் பெயரும் ஆற்றலும் எழுதி நட்ட கல்லும்” என்கிறார். அகநானூற்றுப் பாடலும் இதே செய்தியை இவ்வாறு கூறுகிறது, “ நாணுடை மறவர் பெயரும் பீடும் எழுதி அதர் தோறும் பீலி சூட்டிய பிறங்கு நிலை நடுகல்”

ஒப்புமை

1. ”களம்புகல் ஓம்புமின்தெவ்விர்” - புறநா.87:1

2. “போற்றுமின் மறவீர் சாற்றுதும் நும்மை

      ஊர்க்குறு மாக்கள் ஆடக் கலங்கும்

      தாட்படு சின்னீர்க் களிற்ட்டு வீழ்க்கும்

      ஈர்ப்புடைக் கராஅத் தன்ன வென்னை”      (புறநா. 104:1-4)

3. “யாரே னுந்தா னாகுக யானென் தனியாண்மை 

     பேரேன் நின்றே வென்றி முடிப்பென் புகழ்பெற்றேன்

     நேரே செல்லும் கொல்லுமெ னிற்றானி மிர்வென்றி

     வேரே நிற்கும் மீள்கிலன் என்னா விடலுற்றான்” (கம்ப.இராவணன் வதை. 136)

மேலும்: அஷோக் உரை

பரிமேலழகர் உரை
தெவ்விர் என் ஐ முன் நின்று கல் நின்றவர் பலர் - பகைவீர்,இன்று இங்கு என் தலைவன் எதிர் போரேற்று நின்று அவன் வேல்வாய் வீழ்ந்து பின் கல்லின்கண்ணே நின்ற வீரர் பலர்; என் ஐ முன் நில்லன்மின் - நீவிர் அதன்கணின்றி நும் உடற்கண் நிற்றல் வேண்டின் என் தலைவனெதிர் போரேற்று நிற்றலை ஒழிமின். ('என் ஐ' எனத் தன்னோடு தொடர்புபடுத்துக் கூறினமையின், அவன் வேல்வாய் வீழ்தல் பெற்றாம். கல் - நடுகல். 'நம்பன் சிலை வாய் நடக்குங்கணைமிச்சில் அல்லால் - அம்பொன் முடிப்பூண் அரசுமிலை',(சீவக.காந்தர்வ.317) என, பதுமுகன் கூறினாற் போல ஒரு வீரன், தன் மறம் அரசன்மேல் வைத்துக் கூறியவாறு. இப்பாட்டு 'நெடுமொழி வஞ்சி'.(பு.வெ.மா.வஞ்சி.12).

மணக்குடவர் உரை
என்னுடைய ஐயன் முன்னர்ப் பகைவீரரே! நில்லாது ஒழிமின்; முன்னாள் இவன் முன்னே நின்று, கல்லிலே எழுதப்பட்டு நிற்கின்றார் பலராதலால் என்றவாறு. இஃது எளியாரைப் போகச் சொல்லி, எதிர்ப்பாரோடு பொரவேண்டும் என்றது.

மு.வரதராசனார் உரை
பகைவரே! என்னுடைய தலைவர் முன் எதிர்த்து நிற்காதீர்கள், என்னுடைய தலைவர் முன் எதிர்த்து நின்று கல்வடிவாய் நின்றவர் பலர்.

சாலமன் பாப்பையா உரை
பகைவர்கேள! என் அரசின் முன்னே போரிட நிற்காதீர்; உங்களைப் போலவே இதற்கு முன்பு பலர் நின்றனர்; எல்லாம் மறைந்து இப்போது நடுகல்லில் சிலையாக நிற்கின்றனர்.

English Meaning - As I taught a kid - Rajesh

Do not think or have to courage to stand in front of my leader/King because the people who had fought with my leader/King had lost his life and stood as stone in the graveyard in their home/place. This Kural showcases the confidence of soldiers on the King which means that King had capabilities to defeat any kind of opponent. That King had a disciplined approach, strategy, though process, implementation/execution skills, practice/preparedness, courage to take over an opponent.

Questions that I ask to the kid

What kind of courage a solider has on his king? What does that signify about a king?

கைவேல் களிற்றொடு போக்கி

குறள் 774

கைவேல் களிற்றொடு போக்கி வருபவன்

மெய்வேல் பறியா நகும்.

[பொருட்பால், படையில், படைச்செருக்கு]

பொருள்
வேல் - நுனிக் கூர்மையுடைய ஆயுத வகை; திரிசூலம்; ஆயுதப்பொது; ஆயுதவகை; முருகன்வேல்; வெல்லுகை; பகை; மரவகை; வெள்வேல்; உடை; மூங்கில்

கைவேல் - கைவிடாவேல்; கப்பணம்; A hand-lance, a dart, dirk, javelin. ஆனை நெருஞ்சி முள்போல இரும்பால் பண்ணிய கருவி ;

களிறு  - ஆண்யானை; ஆண்பன்றி; ஆண்சுறா; அத்தநாள்.

களிற்றொடு - யானையுடன்  நேருக்கு நேராக

போக்கி - போக்குதல் - போகச்செய்தல்; செய்தல்; செய்துமுடித்தல்; கொடுத்தல்; உணர்த்தல்; உட்புகுத்துதல்; மெலிவுறச்செய்தல்; இல்லாமற்செய்தல்; கழித்தல்; அழித்தல்.

வருபவன் - வென்று வருகின்றவன்

மெய் - உண்மை; உடல்; உயிர்; உணர்ச்சி; மார்பு; ஒற்றெழுத்து.

மெய்வேல் - உடலில் பட்ட அம்பு

பறி - பிடுங்குகை; கொள்ளை; இறக்கினபாரம்; மீன்பிடிக்குங்கருவி; பனையோலைப்பாய்; உடம்பு; பொன்

பறி-தல் - paṟi-   4 v. intr. 1. To slip out,run away, as a horse; to flow out quickly, aswater; ஓடிப்போதல். பண்டை வினைகள் பறியநின்ற (தேவா. 395, 2). 2. [K. paṟi.] To bedisplaced suddenly; to be capsized; to giveway; to be tilted; to be uprooted; நிலைபெயர்தல்.(W.) 3. To escape, as breath in sighing,as air from a bottle; to fly off, as steam, asheat from the system; வெளிப்படுதல். மூச்சுப்பறிகிறது. 4. To be discharged, as an arrow;

பறி-தல்

paṟi-   4 v. tr. cf. பரி-. To pierce;to penetrate; ஊடுருவுதல். பட்டுப்பறியும் படைவேல் (சொக்க. உலா, 393).

பறியா  - ஓடிப்போகாமல்

நகுதல் - சிரித்தல்; மகிழ்தல்; மலர்தல்; கட்டவிழ்தல்; ஒளிவிடுதல்; புள்ளிசைத்தல்; அவமதித்தல்; தாழ்த்துதல்.

நகும் - நகு - v. n. To shine, glitter, coruscate, ஒளிவிட. 2. To laugh, to smile, to smile in approbation or delight of heart, புன்னகைகொள்ள. 3. To deride, to laugh at, to ridicule, இகழ. (சது.) 4. To bloom, as a flower, மலர. (p.) இலங்கையுங்குலுங்கநக்கான். He laughed un til the island of Lanka (Ceylon) shook.
நகல்--நகுதல், v. noun. Shining, deriding, smiling, &c.

முழுப்பொருள்
வீரன் என்பவன் தன் எதிரே யானை வந்தாலும் அதன் மேல் தன் கையில் உள்ள வேலினை எறிந்து அதன் உயிரை போக்கி அடுத்து ஒரு யானை தன்னை தாக்க வந்தாலும் (மன)சோர்வடையாது தன் மார்பின் (உடலின்) மேல் உள்ள அம்பினை பிடுங்கி அந்த யானையை தாக்க முற்படுவான். அந்த யானையுடன் போர் புரிவதை மகிழ்ச்சியுடன் செய்வான்.

ஏனெனில் அத்தகைய தருணத்திலும் விழிப்பாக இருந்துக்கொண்டு தொடர்ந்து எதிர்த்துப்போட்டியிட ஒரு ஆயுதம்/ஒரு வாய்ப்பு கிடைத்துவிட்டதே என்ற என்ன ஓட்டமும் மனநிறைவும் அடைகிறான். அது அவனுடைய விரத்திறனையும் காண்பிக்கிறது. தடைக்கற்களை வெற்றிப்படிகற்களாய் மாற்றும் மன உந்துதலும் முனைப்பும் விழிப்பும் உள்ளது. 

தத்துவார்த்தமாக பார்த்தால் ஓவ்வொருவருக்கும் தன் உயிரே (வாழ்வே) போகும் நிலையிலும் தான் செய்கின்ற தொழிலை நேசித்து உண்மையாக செய்யும் பொழுது யானையே (மலையளவு சோதனைகள்) எதிரே வந்தாலும் அதனுடன் போட்டி போட்டு அதனை வெல்வர். அவ்வாறு போர் புரிவதை சோர்வடையாமல் மகிழ்ச்சியாக செய்வார்கள்.

மேலும்: அஷோக் உரை

ஒப்புமை

”களிறெறிந்து முரிந்த கதுவாய் எஃகு” (பதிற்.45:4)

“பெருந்தகை மறவன்

மேல்வருங் களிற்றொடு வேல்துரந் தினியே

தன்னும் துரக்குவன் போலும்” (புறநா.274:2-4)

“அகலத்து... அழுத்திய சக்தி வாங்கி..திருத்தி” (பெருங் 3,20:62-5)

“புண்ணிடங் கொண்ட எஃகம் பறித்தலின்” (சீவக.284)

”நெஞ்சகம் நுழைந்த வேலைப் பறித்து..

மிறைக்கொளி” (சீவக.2293)

“மொய்யகத்து மன்னர் முரண்இனி என்னாங்கொல்

கையகத்துக் கொண்டான் கழல்விடலை - வெய்ய

விடுசுடர் சிந்தி விரையகலம் போழ்ந்த

படுசுடர் எஃகம் பறித்து” (பு.வெ.142)

பரிமேலழகர் உரை
கைவேல் களிற்றோடு போக்கி வருபவன் - கைப்படையாய வேலைத் தன்மேல் வந்த களிற்றோடு போக்கி; வருகின்ற களிற்றுக்கு வேல் நாடித்திரிவான்; மெய்வேல் பறியா நகும் - தன் மார்பின்கண் நின்ற வேலைக் கண்டு பறித்து மகிழும். (களிற்றோடு போக்கல் - களிற்றினது உயிரைக் கொடுபோகுமாறு விடுதல். மகிழ்ச்சி, தேடிய தெய்தலான். இதனுள் களிற்றையல்லது எறியான் என்பதூஉம், சினமிகுதியான் வேலிடை போழ்ந்தது அறிந்திலன் என்பதூஉம், பின்னும் போர்மேல் விருப்பினன் என்பதூஉம் பெறப்பட்டன. நூழிலாட்டு. (பு.வெ.மா.தும்பை16).

மணக்குடவர் உரை
தன் கையிலுள்ள வேலை ஒரு களிற்றின் உயிரோடே போக்கி, அதன்பின் கருவி தேடிச் செல்பவன் தன் மெய்யின் மேற்பட்ட வேலைப் பறித்துக் கருவி பெற்றே மென்று மகிழும். இது வீரர் செயல் இத்தன்மையாதலால், புண்பட்டால் அதற்காற்றிப் பின்னும் அமரின்கண்சாதல் அல்லது வெல்லல் வேண்டும்என்றது.

மு.வரதராசனார் உரை
கையில் ஏந்திய வேலை ஒரு யானையின் மேல் எறிந்து துரத்திவிட்டு, வேறு வேல் தேடி வருகின்றவன் தன் மார்பில் பட்டிருந்த வேலைக் கண்டு பறித்து மகிழ்கின்றான்.

சாலமன் பாப்பையா உரை
தன்னை எதிர்த்து வந்த யானையின் மீது தன் கையிலிருந்த வேலை எறிந்து விட்டவன், அடுத்து வருகி்ன்ற யானை மீது எறிவதற்காகத் தன் மார்பில் பதிந்து நின்ற வேலைப் பறித்துக் கொண்டே மகிழ்வான்.

எழுத்தாளர் ஜெயமோகன்-இன் கட்டுரையில் (குறளைப் பொருள்கொள்ளுதல்…) இருந்து

மெய்வேல் பறியா நகும் என்பதை பறிக்காமல் என்று பொருள்கொண்டால் அவன் வேலை எறிந்துவிட்டு தன்மகிழ்வுடன் நின்றுகொண்டிருப்பதை காட்டும் கவிதை ஆகிறது. பறித்து என்றால் மேலும் போருக்குச் செல்பவனின் போர்ச்சிரிப்பாக ஆகிறது. அர்த்தம் உங்களுடையது.

சரி, நான் என்னபொருள் கொள்கிறேன்? பறித்து என்றுதான். வேலைக் கைவிடுவது போரில் செய்யக்கூடுவது அல்ல . அதற்கு இலக்கணம் உண்டா? ஆம். சும்மா கைபோன போக்கில் நினைவிலிருந்த சொல்லைத் தேடி எடுத்த உதாரணம்

ஐய உள்ளெழுந் தருளுக! வடிகணீ ர் அடியேன்

உய்ய வேண்டிய பணிதிரு வுளத்தினுக்கு இசையச்

செய்ய வல்லன் என்று அஞ்சலி செய்ய, உள் நகையா

மைய நோக்கியை நோக்கி மீனோக்கி தன் மணாளன்.

[திருவிளையாடற் புராணம்]

என்னும் பாடலில்  “உள் நகையா மைய நோக்கியை நோக்கி” என வரும் வரியைப் பாருங்கள். நகையா என்ற சொல் நகைத்து என்றே இங்கே பொருள்படுகிறது. [மீனோக்கி மீனாட்சிக்கு அருமையான தமிழ்வடிவம்]. சங்கப்பாடல்களில் நகையா, நில்லா என்னும் சொல்லாட்சிகள் நகைத்து,நின்று என்னும் பொருளில் பல இடங்களில் வருகின்றன. அது அக்காலத்தைய ஒரு மொழியாட்சி.

உலைவிடத்து ஊறஞ்சா வன்கண்

குறள் 762
உலைவிடத்து ஊறஞ்சா வன்கண் தொலைவிடத்துத்
தொல்படைக் கல்லால் அரிது

[பொருட்பால், படையில், படைமாட்சி]

பொருள்

உலைவு - அழிவு; நடுக்கம்; வறுமை; கலக்கம்; தோல்வி; அலைவு; ஊக்கக்குறைவு

இடத்து - இடம்  -தானம்; வாய்ப்பு வீடு காரணம் வானம் விரிவு இடப்பக்கம்; அளவு ஆடையின்அகலமுழம்; பொழுது ஏற்றசமயம்; செல்வம் வலிமை மூவகையிடம்; படுக்கை தூரம் ஏழனுருபு; இராசி

ஊறு - உறுகை; தொடுஉணர்வு; இடையூறு; கொலை; உடம்பு; காயம்; வல்லூறு; நாசம்

அஞ்சா- அஞ்சாத ; பயம் கொள்ளாத 

வன்கண் - மனக்கொடுமை; வீரத்தன்மை; பகைமை; பொறாமை; கொடும்பார்வை

தொலைவு - அழிவு; சோர்வு; குறைகை; தோல்வி; முடிவு; தூரம்.

இடத்து - இடம் -  தானம்; வாய்ப்பு வீடு காரணம் வானம் விரிவு இடப்பக்கம்; அளவு ஆடையின்அகலமுழம்; பொழுது ஏற்றசமயம்; செல்வம் வலிமை மூவகையிடம்; படுக்கை தூரம் ஏழனுருபு; இராசி

தொல்படைக் - அரசனுடைய முன்னோர் காலத்திலிருந்து தொடர்ந்து வரும்படை

கல்லால் - ஓர்ஆலமரம்; கல்லாலமரம்; குருக்கத்தி; பூவரசு.

அல்லால் - அல்லால் 

அரிது - அருமை; பசுமை

முழுப்பொருள்
ஒரு போரினில் எதிரிநாட்டைவிட படை வலிமையில் குறைவாக இருப்பினும் அழிவினை அஞ்சாமல் தேசத்தையும் அரசரையும் காக்கும் பொருட்டு தன்னுயிர்க்கும் அஞ்சாமல் நெஞ்சுறுதியுடன் வீரமாக போர் புரிந்து உயிரை விட தயாராக உள்ள போர் வீரர்கள் ஒரு ஆலமரம் போல தொன்று தொட்டு அந்த நாட்டிலே பிறந்து வளர்ந்த வீரர்களை அன்றி வேறு யாரும் இருப்பது மிக அரிது.

தத்துவார்த்த ரீதியாக பார்த்தால் நமக்குள் நாம் நம் வாழ்வில் சந்திக்கும் போர்களை வேறு யாரும் வந்து சந்திக்க மாட்டார்கள். நாம் தான் நெஞ்சுறுதியுடன் நமக்கான போரை அஞ்சாமல் சந்திக்க வேண்டும். செய் அல்லது செத்து மடி.

மேலும்: அஷோக் உரை 

ஒப்புமை

”ஒற்கம் வந்துத வாம லுறுகென

விற்கொள் வெம்படை வீரரை யேவினான்” (கம்ப.முதற்போர்.93)

“அழிபடை தாங்க லாற்றும் ஆடவர்” (கம்ப.நிகும்பலை 163)

பரிமேலழகர் உரை
தொலைவிடத்து உலைவிடத்து ஊறு அஞ்சா வன்கண் - தான் சிறியதாய வழியும் அரசற்குப் போரின்கண் உலைவுவந்தால் தன் மேலுறுவதற்கஞ்சாது நின்று தாங்கும் வன்கண்மை; தொல்படைக் கல்லால் அரிது - அவன் முன்னோரைத் தொடங்கிவரும் படைக்கல்லது உளதாகாது. (இழிவு சிறப்பு உம்மை விகாரத்தால் தொக்கது. மூலப்படை, கூலிப்படை, நாட்டுப்படை, காட்டுப்படை, துணைப்படை, பகைப்படை என்னும் அறுவகைப்படையுள்ளும் சிறப்புடையது மூலப்படை யாகலான் அதனை அரசன் 'வெல்பொறியும் நாடும் விழுப்பொருளும் தண்ணடையும் - கொல்களிறும் மாவும் கொடுத்தளிக்க.' (பு.வெ.மா.தும்பை2) என்பது குறிப்பெச்சம். இப்படையை வடநூலார் 'மௌலம'¢ என்ப.).

மணக்குடவர் உரை
அரசர் கெடுமிடத்து வழிவந்த படைக்கு அல்லது பிறபடைக்குப் போர்க்களத்து அழிவு வந்தவிடத்து, உயிர்க்கு வரும் ஊறு அஞ்சாத வன்கண்மை இல்லை. வழிவந்த படை-வீரன் மகன் வீரன்.

மு.வரதராசனார் உரை
போரில் அழிவு வந்தவிடத்தில் வலிமைக் குன்றினாலும், இடையூறுகளுக்கு அஞ்சாத அஞ்சாமை தொன்றுதொட்டுப் பெருமை உடையபடைக்கு அல்லாமல் முடியாது.

சாலமன் பாப்பையா உரை
தம் அரசுக்கு ஓர் அபாயம் வரும்போது, தாம் எண்ணிக்கையில் குறைவாக இருந்தாலும்‌, தமக்கு ஏற்படும் அழிவிற்கு அஞ்சாது நின்று போரிடும் வீரம், பரம்பரை பரம்பரையாக வாழும் சொந்த நாட்டு மக்களுக்கே அன்றி, மற்றவர்க்கு வருவது கடினம்.