உளவரை தூக்காத ஒப்புர வாண்மை

குறள் 480

உளவரை தூக்காத ஒப்புர வாண்மை

வளவரை வல்லைக் கெடும்.

[பொருட்பால், அரசியல், வலியறிதல்]

பொருள்

உள - உள்ள - uḷḷa   adj. உள்¹. 1. Who is, whichis; இருக்கிற. அங்கே உள்ள மனிதன் 2. True,actual; உண்மையான. உள்ள சமாசாரம் இது  

வரை - மலை; மலையுச்சி; பக்கமலை; உயர்ந்தமலை; கல்; சிறுவரம்பு; நீர்க்கரை; எல்லை; அளவு; விரலிறைஅளவு; கோடு; எழுத்து; ஏற்றத்தாழ்வுநோக்குகை; முத்துக்குற்றத்துள்ஒன்று; மூங்கில்; காலம்; இடம்.

தூக்குதல் -  உயர்த்துதல்; நிறுத்தல்; ஆராய்தல்; ஒப்புநோக்குதல்; மனத்திற்கொள்ளுதல்; தொங்கவிடுதல்; காண்க:தூக்கிலிடுதல்; உதவிசெய்தல்; நங்கூரம்வலித்தல்; அசைத்தல்; ஒற்றறுத்தல்.

தூக்காத  - உயர்த்தாத, நிறுத்தாத, ஆராயாத, மனத்திற்கொள்ளாத, உதவி செய்யாத 

ஒப்புரவு - உலகநடை, உலகவொழுக்கம்; முறைமை; ஒற்றுமை; உதவிசெய்தல்; சமம்; சமாதானம்.

ஆண்மை - ஆளும்தன்மை; ஆண்தன்மை; வெற்றி வலிமை அகங்காரம் உடைமை வாய்மை 

வள - வள் - வளம்; பெருமை; நெருக்கம்; கூர்மை; வாள்; வார்; வாளுறை; கடிவாளம்; காது; படுக்கை; வலிமை; வலிப்பற்றிரும்பு.

வரை - மலை; மலையுச்சி; பக்கமலை; உயர்ந்தமலை; கல்; சிறுவரம்பு; நீர்க்கரை; எல்லை; அளவு; விரலிறைஅளவு; கோடு; எழுத்து; ஏற்றத்தாழ்வுநோக்குகை; முத்துக்குற்றத்துள்ஒன்று; மூங்கில்; காலம்; இடம்.

வல்லைக் - வலிமை; பெருங்காடு; மேடு; கோட்டை; வயிற்றுக்கட்டிவகை; வருத்தம்; மரவகை; புனமுருங்கை; வட்டம்; விரைவு.

கெடும் - கெடுதல் - அழிதல்; பழுதாதல்; வறுமையடைதல்; ஒழுக்கங்கெடுதல்; உருவழித்தல்; தோற்றோடுதல்; விபத்து; தீங்கு; விகாரத்தால்எழுத்துக்கெடுதல்; வழிதவறிப்போதல்.

முழுப்பொருள்

ஒருவன் தன்னிடம் இருக்கும் செல்வத்தின் அளவை ஆராயாமல் மனதிற்கொள்ளாமல் பிறருக்கு (அளவின்றி) உதவிப் புரிந்தால் அவனுடைய செல்வத்தின் வளம் மிக அதிகமாக இருப்பினும் அதன் எல்லைவரை வளத்தை வலிமையை குறைத்து அழித்துவிடும். தமக்கு விஞ்சிதான் தானமும் தருமமும் என்பதை மனதில் கொண்டு பிறருக்கு உதவுக. 

வள்ளுவரே இக்குறளை மறுத்ததாகக் கூறும் குறள்களுமுண்டு. “ஒப்புரவி னால்வருங் கேடெனின் அஃதொருவன்லிற்றுக்கோட் டக்க துடைத்து” என்றும், “சாதலின் இன்னாத தில்லை யினிததூஉம்ஈத லியையாக் கடை” என்றூம் ஒப்புரவு ஒழுகுதல், மற்றும் ஈகை அதிகாரங்களில் வள்ளுவர் கூறியுள்ளார். முரண்பட்ட கருத்துக்களைப் போல் தோன்றினாலும், மேற்கண்ட குறள்கள் தனிமனிதர்களுக்கு விதிக்கப்பட்டவை என்றும், இவ்வதிகாரத்தின் குறள் ஆளுவோருக்கும் சொல்லப்பட்டதாகக் கொள்ளலாம்.

மேலும்: அஷோக் உரை

பரிமேலழகர் உரை

உள வரை தூக்காத ஒப்புரவு ஆண்மை - தனக்குள்ள அளவு தூக்காமைக்கு ஏதுவாய ஒப்புரவாண்மையால், வளவரைவல்லைக் கெடும் - ஒருவன் செல்வத்தின் எல்லை விரையக் கெடும்.

('ஒப்புரவே ஆயினும் மிகலாகாது' என்றமையான், இதுவும் அது. இவை நான்கு பாட்டானும் மூவகை ஆற்றலுள் பெருமையின் பகுதியாய பொருள் வலியறிதல் சிறப்பு நோக்கி வகுத்துக் கூறப்பட்டது.).

மணக்குடவர் உரை

தனக்கு உள்ளவளவை நினையாதே ஒப்புரவு செய்வானது செல்வத்தினளவு விரைவிற் கெடும். மேல் முதலுக்குச் செலவு குறைய வேண்டுமென்றார். அவ்வாறு செய்யின் ஒப்புரவு செய்யுமாறு என்னை யென்றார்க்கு இது கூறினார்.

மு.வரதராசனார் உரை

தனக்கு பொருள் உள்ள அளவை ஆராயாமல் மேற்கொள்ளும் ஒப்புரவினால், ஒருவனுடைய செல்வத்தின் அளவு விரைவில் கெடும்.

சாலமன் பாப்பையா உரை

பொருளாதார நிலையை எண்ணாது பிறர்க்குச் செய்யும் உபகாரத்தால் ஒருவனது செல்வத்தின் அளவு, விரைவில் கெடும்.

அளவறிந்து வாழாதான் வாழ்க்கை உளபோல

குறள் 479

அளவறிந்து வாழாதான் வாழ்க்கை உளபோல

இல்லாகித் தோன்றாக் கெடும்

[பொருட்பால், அரசியல், வலியறிதல்] 

(For meaning in English, scroll to the bottom of this post)

பொருள்

அளவு - பரிமாணம்; தருக்கஅளவை; தாளத்தில்மூன்றுமாத்திரைக்காலம்; மாத்திரை நிலஅளவு; சமயம் தன்மை ஞானம் மட்டும் தொடங்கி

அறிந்து - அறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

வாழ்தல் -  இருத்தல்; செழித்திருத்தல்; மகிழ்தல்; சுமங்கலியாகஇருத்தல்; விதிப்படிஒழுகுதல்.

வாழாதான் - வாழாதவன் 

வாழ்க்கை - வாழ்தல்; வாழ்நாள்; இல்வாழ்க்கை; மனைவி; நல்வாழ்வுநிலை; செல்வநிலை; ஊர்; மருதநிலத்தூர்.

உள - உள்ள - uḷḷa   adj. உள்¹. 1. Who is, whichis; இருக்கிற. அங்கே உள்ள மனிதன் 2. True,actual; உண்மையான. உள்ள சமாசாரம் இது  

போல - ஓர்உவமவுருபு; பொய்; ஓர்அசைச்சொல்; உள்ளீடில்லாதது; பதர்; மூங்கில்; வெற்றி; படை; வாள்.

இல்லாகி - இல்லாமல்

தோன்றுதல் -  கண்காணவெளிப்படல்; அறியப்படுதல்; பிறத்தல்; முளைத்தல்; விளங்குதல்; நிலைகொள்ளுதல்; வருதல்; சாரியைமுதலியனசொற்களிடையேவருதல்; உண்டாதல்.

தோன்றாக் - தோன்றாமல் 

கெடும் - கெடுதல் - அழிதல்; பழுதாதல்; வறுமையடைதல்; ஒழுக்கங்கெடுதல்; உருவழித்தல்; தோற்றோடுதல்; விபத்து; தீங்கு; விகாரத்தால்எழுத்துக்கெடுதல்; வழிதவறிப்போதல்.

முழுப்பொருள்

வரவுக்கு ஏற்ற அளவு தான் செலவு இருக்க வேண்டும். கையில் செல்வத்தின் இருப்பு என்னவோ அதற்கு ஏற்ற அளவு தான் செலவு செய்ய வேண்டும். அத்தியாவசிய தேவைகளுக்கு (உணவு, கல்வி, மருத்துவம்)  தான் முதன்மை தரப்படவேண்டும். நிகழ்காலத்திற்கும் வருங்காலத்திற்கும் பயனுள்ளவற்றில் மட்டும் செலவு செய்யவேண்டும். ஆடம்பர அனாவசியமான செலவுகளில் செலவு செய்யக்கூடாது. 

அப்படி அளவு அறிந்து செலவுகளை செய்யாதவன், வாழ்வை வாழாதவன் வாழ்க்கையில் மனதில் செல்வம் இருப்பது போன்ற பொய் தோற்றம் இருந்துக்கொண்டே இருக்கும். செலவு செய்யும் பொழுது எல்லாம் நாம் வாழ்வை முழுமையாக வாழ்கிறோம் சந்தோஷமாக வாழ்கிறோம் என்று தோன்றும். இருப்பதையெல்லாம் செலவு செய்து முடித்தப்பின்பு தான் தோன்றும் எல்லாம் தீர்ந்துவிட்டது என்று. எல்லா செல்வமும் வீணாக அழிந்த பின்பு துன்பமே எஞ்சும். 

ஆதலால் திட்டமிட்டு அளவு அறிந்து நிகழ்கால சூழ்நிலைகளுக்கு ஏற்றவாறு வாழ்வை வாழ்க. அதுவே வலிமை தரும். திட்டுமிட்டு சூழ்நிலைகளுக்கு ஏற்றவாறு வாழவில்லை என்றால் எல்லாம் இருப்பதுப்போன்று பொய்யாக தோன்றி அழிந்து வலிமையற்றுக்கிடப்போம். 

மஹாத்மா காந்தி அவர்கள் சொன்னதாக (காந்தியோடு பேசுவேன் சிறுகதையில்) எழுத்தாளர் எஸ்.ராமகிருஷ்ணன் இப்படி எழுதியிருப்பார் - தனது தேவைகளை ஒரு மனிதன் எப்படி முடிவு செய்துகொள்கிறான் என்பதில்தான் அவனது வாழ்கை துவங்குகிறது. காந்தி தனது தேவைகளை குறித்து மிகவும் கவனம் கொண்ட மனிதராகவே தோன்றுகிறார். தேவைகளை உருவாக்கிக்கொள்வது எளிது, விட்டுவிடுவது கடினம்.

மேலும்: அஷோக் உரை

பரிமேலழகர் உரை

அளவு அறிந்து வாழாதான் வாழ்க்கை - தனக்குள்ள பொருளின் எல்லையை அறிந்து அதற்கு ஏற்ப வாழமாட்டா தான் வாழ்க்கைகள் : உளபோல இல்லாகித் தோன்றாக் கெடும் - உள்ளன போலத் தோன்றி, மெய்ம்மையின் இல்லையாய்ப் பின்பு அத்தோற்றமும் இன்றிக் கெட்டுவிடும்.

(அவ்வெல்லைக்கு ஏற்ப வாழ்தலாவது: அதனின் சுருக்கக்கூடாதாயின் ஒப்பவாயினும் ஈத்தும் துய்த்தும் வாழ்தல்.தொடக்கத்தில் கேடு வெளிப்படாமையின், 'உளபோலத் தோன்றி'என்றார். முதலிற் செலவு மிக்கால் வரும் ஏதம் கூறியவாறு.).

மணக்குடவர் உரை

தன்வருவாய் அளவறிந்து வாழாதான் வாழ்க்கை உளபோலத் தோன்றி அதன்பின் இல்லையாகித் தோன்றாது கெடும். பின்பு ஆக்கம் தோன்றாதென்றவாறு. இது மேற்கூறியவாறு செய்யாதார் கெடுவரென்றது.

மு.வரதராசனார் உரை

பொருளின் அளவு அறிந்து வாழாதவனுடைய வாழ்க்கை (பல வளமும்) இருப்பது போல் தோன்றி இல்லாமல் மறைந்து கெட்டு விடும்.

சாலமன் பாப்பையா உரை

தன் சொத்தின் மதிப்பை அறிந்து அதற்கு ஏற்ப வாழாதவனின் வாழ்க்கை, இருப்பது போல் காட்சி தந்து இல்லாமல் அழிந்துவிடும்.

English Meaning - As I taught a kid - Rajesh

If one' does not live optimally or spend within the budget, then all his assets will get ruined because money will give an hallucination/illusion that there is lot of money in hand but it will evaporate through expenses in no time. Once all assets are lost, one will go through suffering. Not only it applies to money but it also applies to time (utilize it wisely, do not procrastinate, do things on time, don't things for granted), health (eat well, exercise regularly, maintain your health) etc.

Hence, one should be conscious of his strengths, assets, wealth etc. Based on that, one should live his life, utilize his skills, spend his wealth, maintain his health etc. One should not spend more than what he is earning and what he is having while also considering upcoming expenses. 

Questions that I ask to the kid

What happens when one doesn't live a life without estimation and acting according to the limits? 

When illusion or hallucination happens and what it leads to ?

ஆற்றின் அளவறிந்து ஈக அதுபொருள்

குறள் 477

ஆற்றின் அளவறிந்து ஈக அதுபொருள்

போற்றி வழங்கு நெறி

[பொருட்பால், அரசியல், வலியறிதல்]

பொருள்

ஆற்றின்  - ஆற்றுதல் - வலியடைதல்; கூடியதாதல்; போதியதாதல்; உய்தல் உவமையாதல்; செய்தல் தேடுதல் உதவுதல் நடத்துதல் கூட்டுதல் சுமத்தல் பசிமுதலியனதணித்தல்; துன்பம்முதலியனதணித்தல்; சூடுதணித்தல்; ஈரமுலர்த்துதல்; நூல்முறுக்காற்றுதல்; நீக்குதல்

அளவு - பரிமாணம்; தருக்கஅளவை; தாளத்தில்மூன்றுமாத்திரைக்காலம்; மாத்திரை நிலஅளவு; சமயம் தன்மை ஞானம் மட்டும் தொடங்கி

அறிந்து - அறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

ஈக - ஈதல் -கொடுத்தல்; வறியவருக்குத்தருதல்; சொரிதல் படிப்பித்தல்

அது - அஃது; அஃறிணைஒருமைச்சுட்டுப்பெயர்; ஆறாம்வேற்றுமைஒறுமையுருபு.

பொருள்- சொற்பொருள்; செய்தி; உண்மைக்கருத்து; செய்கை; தத்துவம்; மெய்ம்மை; நன்குமதிக்கப்படுவது; அறிவு; கொள்கை; அறம்; பயன்; வீடுபேறு; கடவுள்; பலபண்டம்; பொன்; மகன்; தந்திரம்; முலை; உவமேயம்; அருத்தாபத்தி; அகமும்புறமுமாகியதிணைப்பொருள்கள்; அர்த்தசாத்திரம்; தலைமை

போற்றி - போற்றுதல் - வணங்குதல்; துதித்தல்; பாதுகாத்தல்; வளர்த்தல்; பரிகரித்தல்; கடைப்பிடித்தல்; உபசரித்தல்; விரும்புதல்; கருதுதல்; மனத்துக்கொள்ளுதல்; கூட்டுதல்

வழங்கும் - வழங்குதல் - இயங்குதல்; உலாவுதல்; நடைபெறுதல்; அசைந்தாடுதல்; கூத்தாடுதல்; நிலைபெறுதல்; பயிற்சிபெறுதல்; கொண்டாடப்படுதல்; தகுதியுடையதாதல்; பயன்படுத்தல்; கொடுத்தல்; செய்துபார்த்தல்; சொல்லுதல்; நடமாடுதல்.

நெறி - வழி; சமயம்; வளைவு; சுருள்; விதி; ஒழுக்கம்; செய்யுள்நடை; குலம்; வழிவகை; ஆளுகை; குதிரைமுதலியவற்றின்நடை; வீடுபேறு; கோயில்; தாழ்ப்பாள்; கண்மண்டைக்குழி; புறவிதழ்ஒடிக்கை; காண்க:நெறிக்கட்டி; மனநிலை.

முழுப்பொருள்

பிறருக்கு கொடுத்து உதவினாலும் (அந்த உதவி பசியை தணிப்பதற்கென்றாலும், துன்பத்தை துடைப்பதற்கென்றாலும்) தன்னுடைய பொருளாதார அளவு அறிந்தும் பிறரின் தேவை அறிந்தும் கொடுக்க வேண்டும் என்று கூறுகிறார் திருவள்ளுவர். ஏனெனில் தன்னுடைய பொருளை தன் தேவைக்கான அளவிற்கு பாதுக்காத்து அது வளர்வதற்கு (வளர்ந்ததில் வருங்காலத்தில் கொடுப்பதற்கு) தேவையான அளவு வைத்துக்கொண்டு கொடுப்பதே முறைமையாகும். 

கொடுப்பதற்கு பெரிய மனது இருந்தாலும், உணர்ச்சிவசப்பட்டு இருப்பதையெல்லாம் கொடுத்து ஒன்றும் இல்லாமல் ஆகிவிடகூடாது. தன் வலிமையையும் தேவையும் உணர்ந்து கொடுக்க வேண்டும். அதுவே நெடுங்காலத்திற்கு கொடுத்து உதவும் வலிமையை/ தன்மையை தரும்.

ஏற்கனவே இறைமாட்சி அதிகாரத்திலே “இயற்றலும் ஈட்டலும் காத்தலும் காத்த வகுத்தலும் வல்ல தரசு” என்ற குறளை அறிந்திருக்கிறோம்.  ஒருவன் தன் செல்வத்தை நான்கு பங்குகளாகப் பிரித்து, இரண்டு பங்கினைத் தன்னுடை வாழ்க்கைக் குடும்பச் செலவுகளுக்கும், ஒரு பங்கை எதிர்பாரத அவசரத் தேவைகளுக்காக வைப்பு நிதியாகவும், ஒரு பங்கை பிறருக்கு தானம் செய்வதற்கும் வைத்துக்கொள்ளவேண்டும். இதை “வந்த பொருளின் காற்கூறு வருமேல் இடர்நீக்குதற்கமைந்து, மைந்த விருகானினக் காக்கி மற்றைக் காலே வழங்கிடுக” என்ற பாடல் வரிகள் சொல்லுகின்றன.

இனியவை நாற்பது, “வருவாய் அறிந்து வழங்கல் இனிதே” என்று எளிமையாக ஒரு வரியில் இதைத்தான் சொல்லுகிறது. நல்லதனார் எழுதிய திரிகடுகப்பாடலும், “வருவாயுட் கால்வழங்கி வாழ்தல்” என்று சொல்லும்.

இந்த திருக்குறள் தான் பிற்காலத்தில் மருவி “ஆத்துல(ஆற்றிலே)  அளந்து  போட்டாலும் அளந்து போடனும்/அளந்துப்போடு”

மேலும்: அஷோக் உரை

பரிமேலழகர் உரை

ஆற்றின் அளவு அறிந்து ஈக - ஈயும் நெறியாலே தமக்கு உள்ள பொருளின் எல்லையை அறிந்து அதற்கு ஏற்ப ஈக, அது பொருள்போற்றி வழங்கும் நெறி - அங்ஙனம் ஈதல் பொருளைப் பேணிக் கொண்டொழுகும் நெறியாம்.

(ஈயும் நெறி மேலே இறைமாட்சியுள் 'வகுத்தலும் வல்லதரசு' குறள்.385) என்புழி உரைத்தாம் . எல்லைக்கு ஏற்ப ஈதலாவது, ஒன்றான எல்லையை நான்கு கூறாக்கி ,அவற்றுள் இரண்டனைத் தன் செலவாக்கி, ஒன்றனை மேல் இடர் வந்துழி அது நீக்குதற்பொருட்டு வைப்பாக்கி நின்ற ஒன்றனை ஈதல். பிறரும்,'வருவாயுள் கால் வழங்கி வாழ்தல்' (திரிகடுகம்.21) என்றார். பேணிக்கொண்டு ஒழுகுதல்: ஒருவரோடு நட்பிலாத அவனைத் தம்மோடு நட்புண்டாக்கிக் கொண்டு ஒழுகுதல். முதலில் செலவு சுருங்கின் பொருள் ஒருகாலும் நீங்காது என்பதாம்.).

மணக்குடவர் உரை

பொருளை அளவறிந்து கொடுக்கும் வழியாலே கொடுக்க; பொருளையுண்டாக்கி வழங்கும் நெறி அதுவாதலால். இது பொருளினது வலியறிந்து அதற்குத்தக்க செலவுசெய்ய வேண்டுமென்று கூறிற்று.

மு.வரதராசனார் உரை

தக்க வழியில் பிறர்க்கு கொடுக்கும் அளவு அறிந்து வாழாதவனுடைய வாழ்க்கை (பல வளமும்) இருப்பது போல் தோன்றி இல்லாமல் மறைந்து விடும்.

சாலமன் பாப்பையா உரை

எதைப் பிறர்க்குக் கொடுத்தாலும் தம் பொருளாதார நிலையை அறிந்து கொடுக்கவும்; அப்படிக் கொடுப்பதே பொருளைக் காத்துக் கொண்டு, கொடுக்கும் முறையான வழியாகும்.

நுனிக்கொம்பர் ஏறினார் அஃதிறந் தூக்கின்

குறள் 476
நுனிக்கொம்பர் ஏறினார் அஃதிறந் தூக்கின்
உயிர்க்கிறுதி ஆகி விடும்

[பொருட்பால், அரசியல், வலியறிதல்]

(For English meaning scroll to the bottom of this post)

பொருள்
நுனிக் - முனை; நுண்மை

கொம்பர் - மரக்கொம்பு

ஏறினார் - ஏறுதல் - உயர்தல், மேலேசெல்லுதல்; உட்செல்லுதல்; முற்றுப்பெறுதல்; வளர்தல்; மிகுதல்; பரவுதல்; ஆவேசித்தல்; குடியேறுதல்; ஏற்றிவைக்கப்படுதல்; கடத்தல்.

அஃது - aḵtu   pron. அ That. used beforewords commencing with a vowel, as in அஃதாவது; அது (தொல். எழுத். 423, உரை ) ; அஃறிணைஒருமைச்சுட்டு; அது அப்படி

இறந்து -  இறத்தல் - கடத்தல்; கழிதல் நெறிகடந்துசெல்லுதல்; சாதல் மிகுதல் வழக்குவீழ்தல்; நீங்குதல்

ஊக்கின் -  ஊக்குதல் - ஆட்டுதல்; நெகிழ்த்துதல்; தப்புதல்; ஆர்வமூட்டுதல்; முயலுதல்; கற்பித்தல்; நினைத்தல்; ஏறுதல்; நோக்குதல்.

உயிர்க்கு -  இந்த உயிருக்கு, இந்த பிறவியிற்கு

உயிர் - காற்று; உயிர்வளி; சீவன் ஆதன் ஓரறிவுயிர்முதலியஉயிரினம்; உயிரெழுத்து ஓசை ஒருநாழிகையில்4320-ல்ஒருகூறு; சன்மலக்கினம்

இறுதி - முடிவு; சாவு வரையறை

ஆகி -  ஆகுதல் - ஆதல் - ஆவதுஎனப்பொருள்படும்இடைச்சொல்; நூல் கூத்து தரிசனம் நுணுக்கம் ஆசை உண்டாதல் நிகழ்தல் முடிதல் இணக்கமாதல்; வளர்தல் அமைதல் ஒப்பாதல்

விடும் - ஆகும்

முழுப்பொருள்

ஒரு மரத்தின் உச்சியில் இருக்கின்ற நுனிக்கொம்பில் எறி நின்ற பிறகு அதீத ஊக்கத்தினால் மேலும் உயர முற்பட்டு ஏறினால் அவர் கீழே விழுந்து தன்னுடைய உயிரையும் இழக்க நேரிடும். ஏனெனில் அதற்கு மேல் ஏற தளமோ அதற்கான கருவியோ அல்லது வலிமையோ இல்லை. அசட்டுத்தனமாக அல்லது ஆணவத்தில் செய்தால் அதற்கான விளைவு மரணமாக கூட இருக்கும். 

அதுப்போல ஒருவர் தான் செயல்புரிகின்ற செயலில் அதன் எல்லைக்கு உட்பட்டும் தன்னுடைய வலிமையின் எல்லைக்கு உட்படும் செயல்பட வேண்டும். அதீதமாக முற்பட்டால் விளைவுகள் பயங்கரமாய் அமையும். ஒன்று அது நம்மை அழித்துவிடும் அல்லது நம்மை அதல பாதாளத்தில் தள்ளிவிடும். கீழே விழுந்தால் மேலே எழுந்து வர மிக மிக அதிக நேரமாகும். 

மேலும் நாம் ஒரு 20 அடி உயரம் ஏற வேண்டும் என்று இலக்கு வைத்திருக்க கூடும். ஆனால் அம்மரம் 18 அடி உயரம் மட்டுமே வளர்ந்திருக்கும். நமது இலக்கு 20 அடி என்று நுனிக்கொம்பிற்கு மேல் ஏறினாலும் கீழே விழுந்து உயிரை இழப்போம். சூழ்நிலைகளுக்கு ஏற்றவாறும் துன்னுடைய வலிமையை ஆராய வேண்டும்.

ஆதலால் நாம் எங்கு ஒரு செயலை நிறுத்தி திரும்ப வேண்டும் என்றும் தெரிந்து இருக்க வேண்டும். ஆக ஒருவர் தன்னுடைய வலிமையை அறிந்துகொள்வது இன்றியமையாதது. 

(கீழ்க்காணும் உதாரணம் சரியான இலக்கு முக்கியம் என்பதற்கானது ஆனாலும் வலிமைக்கும் உதாரணமாக கூறலாம்)

உதாரணமாக ஒருவர் Mount Everest  எனப்படும் உலகின் உயரமான மலையை ஏறினால் அவருடைய இலக்கு மலையின் சிகரத்தை ஏறுவது இல்லை. அவர் உயிருடன் அடிவாரத்திற்கு வருவதாக இருக்க வேண்டும். ஏனெனில் ஒருவர் எவ்வளவு திறம் பட இமயமலை எற எல்லாவிதமான பயிற்சி செய்து இருந்தாலும் அங்கே ஏறுவது என்பது சூழ்நிலைகளை பொருத்து அமையும். பனிப்பொழிவுகள் அதிகமாக இருந்தால் பனி பாறைகள் நம்மை வந்து தாக்க வாய்ப்பு உண்டு. அதில் நாம் உயிர் இழக்க கூடும். குளிர் அதிகமாகவும் இருக்கலாம். பனி அதிகமானால் மேலே செல்ல நாட்கள் அதிகமாகும் ஆனால் நம்மிடம் நமக்கு தேவையான உணவு இருக்காது. உணவில்லாமல் உயிர் இழப்போம். சிலர் முன் வைத்த காலை பின் வைக்க மாட்டேன் என்று சூழ்நிலைகளை புரிந்துக்கொள்ளமால் தன்னுடைய விடாமுயற்சியை காண்பிக்கிறேன் என்று மேலே சென்று உயிர் இழக்க நேரிடும். சிலர் வறட்டு கௌரவத்திற்காவும் தன் வலிமை அறியாது செல்ல கூடும். அவ்வாறு சென்றால் உயிர் இழக்க நேரிடும். சில சமயம் மேலே இலக்கை அடைந்து விட்டு அங்கே குதித்தால் தவறி கீழே விழக்கூடும்.

குறள் 666

எண்ணிய எண்ணியாங்கு எய்துப எண்ணியார்

திண்ணியர் ஆகப் பெறின்

மேற்காணும் குறளைத் தவறாக புரிந்துக்கொள்ளகூடாது.  ஆதலால் சரியான குறிகோள் சரியான சூழ்நிலைகளுக்கு திட்டமிடப்பட வேண்டும். சில சமயம் நெடுந்தூர / மராத்தான் ஓட்டம் (Marathon) ஓடுபவர்கள் இலக்கை அடைய ஓடுகையில், அவர்கள் உடம்புக்கு அசௌகர்யம் ஏற்பட கூடும். சிலருக்கு இதயம் பலவீனமாக இருக்ககூடும். அப்பொழுது மூச்சுதிண்றலோ அல்லது நெஞ்சுவலி இருப்பதாக உணர்ந்தால் ஒட்டத்தை நிறுத்திவிட வேண்டும். இலக்கிற்கு அருகில் இருக்கிறோம் என்று நினைத்து நெஞ்சுவலியை மீறி(தாங்கிக்கொண்டு) ஓடினால் உயிரை இழக்க கூடும்.  உதாரணம்: Student dies on Marathon run: Eyewitnesses said Santhosh was struggling near Foreshore Estate, but he refused to give up as he was close to the finish line.

இன்னா நாற்பது, “நெடுமரம் நீள் கோட்டுயர் பாய்தல் இன்னா” என்று இக்குறளின் கருத்தை வழிமொழிகிறது

மேலும்: அஷோக் உரை

பரிமேலழகர் உரை
கொம்பர் நுனி ஏறினார் அஃது இறந்து ஊக்கின் - ஒருமரக்கோட்டினது நுனிக்கண்ணே ஏறி நின்றார், தம் ஊக்கத்தால் அவ்வளவினகை¢ கடந்து மேலும் ஏற ஊக்குவாராயின்; உயிர்க்கு இறுதி ஆகிவிடும் - அவ்வூக்கம் அவர் உயிர்க்கு இறுதியாய் முடியும்.
('நுனிக்கொம்பர்' என்பது கடைக்கண் என்பதுபோலப் பின் முன்னாகத் தொக்க ஆறாம் வேற்றுமைத்தொகை. பன்மை அறிவின்மைபற்றி இழித்தற்கண் வந்தது. இறுதிக்கு ஏது ஆவதனை 'இறுதி' என்றார். 'பகைமேற் செல்வான் தொடங்கித் தன்னால் செல்லலாமளவும் சென்று நின்றான், பின் அவ்வளவின் நில்லாது மன எழுச்சியான் மேலும் செல்லுமாயின், அவ்வெழுச்சி வினை முடிவிற்கு ஏதுவாகாது அவனுயிர் முடிவிற்கு ஏதுவாம்' என்னும் பொருள்தோன்ற நின்றமையின் , இதுவும் மேலை அலங்காரம். 'அளவு அறிந்து நிற்றல் வேண்டும்' என்றமையின் இதனான் வினைவலி அறியாவழிப்படும் இழுக்குக் கூறப்பட்டது.).

மணக்குடவர் உரை
ஒரு மரத்தின் நுனிக்கொம்பேறினவர் தம்மள வறிந்து வைத்துப் பின்னும் மேலேறுவாராயின் அஃது அவர்தம்முயிர்க்கு இறுதியாகிவிடும். இஃது அரசன் தன்னாற் செல்லலாமெல்லையளவும் சென்றால் பின்பு மீள வேண்டுமென்றது. இதுவும் ஒரு வலியறிதல்.

மு.வரதராசனார் உரை
ஒரு மரத்தின் நுனிக்கொம்பில் ஏறியவர், அதையும் கடந்து மேலே ஏற முனைந்தால், அவருடைய உயிர்க்கு முடிவாக நேர்ந்துவிடும்.

சாலமன் பாப்பையா உரை
ஒரு மரக்கிளையின் நுனியில் ஏறிவிட்டவர், அந்த அளவையும் கடந்து மேலும் ஏற முயன்றால், அம் முயற்சியே அவர் உயிருக்கு முடிவாகிவிடும்.

அறியாத குறள்கள் - கவிஞர் மகுடேசுவரன் 

 என் வீட்டிற்குப் பின்புள்ள தெருவில் தொழிலதிபர் ஒருவர் இருக்கின்றார். அவர் மதுரையைச் சேர்ந்தவர். மனைவி அரசு அதிகாரி. இருபத்தைந்து ஆண்டுகளுக்கு முன்பு பின்னலாடைத் தொழிற்கூடமொன்றுக்கு சாதாரண அலுவலகப் பணியாளராக இவ்வூருக்கு வந்தார். 

தம்முழைப்பின் மூலம் அந்நிறுவனத்தின் மேலாளராக உயர்ந்தார். அவர் பணிக்குச் சேர்ந்த தருணத்தில் தொடக்க நிலையிலிருந்த அந்நிறுவனம், பிறகு படிப்படியாக, ஊரிலேயே அசுர வளர்ச்சி பெற்ற நிறுவனங்களில் ஒன்றாக வளர்ந்தது.

அந்நிறுவன வளாகத்திற்குள் வரும் நூல்கண்டு, ஆடையாக வெளியேறும் அளவுக்கு ஒரே கூரையின்கீழ் அனைத்துப் பணியகங்களும் அமைக்கப்பட்டன. அந்நிறுவனத்தின் பெயரைக் கேட்டாலே மற்றவர்களுக்குப் புருவம் உயரும் என்றால் பார்த்துக்கொள்ளுங்கள். முதலாளிக்கும் நம் மேலாளருக்கும் நல்ல ஒத்திசைவு. 

இந்த முன்னேற்றத்தை உடனிருந்து பார்த்த மேலாள நண்பருக்குத் தாமும் தொழிலதிபராக வேண்டும் என்ற கனவு தோன்றிவிட்டது. வேலையை உதறினார். சொந்தமாகப் பின்னலாடைத் தொழிற்கூடம் அமைத்தார். எங்கள் பகுதியில் வீடு கட்டினார்.

வீட்டுக்கு அருகிலேயே தம் தொழிற்கூடம் இருக்கவேண்டுமென்று விரும்பி தொலைவிலிருந்த தொழிற்கூடக் கட்டடத்தை விற்றார். வீட்டருகிலேயே நிறுவனக் கட்டடத்தைக் கட்டிக்கொண்டார். அப்போது என்னிடம் பணியாற்றிய கட்டுமானப் பணியாளர்களைத் தமக்கும் அனுப்பிவைக்கும்படி கேட்டுக்கொண்டார். நானும் அனுப்பிவைத்தேன். 

அவர் ஈடுபட்டிருக்கும் தொழிற்செயலுக்கு இது ‘தேவையற்ற தொழிலிட மாற்றம்’ என்றே எனக்குத் தோன்றியது. அடிக்கடி வாகனத்தை மாற்றுவார். ஒருவரையும் விடாமல் குறை கூறுவதில் வல்லவர்.

பிறகு ஆளையே காணவில்லை. வீட்டை வாடகைக்கு விட்டுவிட்டு, சொந்த ஊருக்கே போய்விட்டார் என்று கேள்விப்பட்டேன். புதிதாகக் கட்டப்பட்ட அவர் நிறுவனக் கட்டடத்தில் வேற்றாள்களின் நடமாட்டம் காணப்பட விசாரித்தேன். அதைக் காதோடு காதாக விற்றுவிட்டார் என்று தெரிந்தது. விற்று என்ன செய்யப் போகிறாராம் என்று வினவினேன். மதுரையில் வணிக வளாகம் கட்டும் முயற்சியில் ஈடுபட்டிருக்கிறாராம். 

ஆண்டுகள் கடந்தன. திரும்பவும் இங்கேயே குடிமாற்றமானார். நெடுநாள் கழித்து என்னை வீதியில் எதிர்கொண்டவர் பேசவேண்டியவரானார். மதுரையில் வணிக வளாகத்தைக் கட்டும் முயற்சியில் ‘கண்ணாமுழி’ திருகிவிட்டது தெரிந்தது. விற்றுச் சென்ற தொழிற்கூடக் கட்டடம் இக்கால இடைவெளியில் பன்மடங்கு மதிப்பு கூடியிருந்ததை எண்ணிப் பெருமூச்செறிந்தார். இப்பொழுதுள்ள தொழிற்போக்குகளுக்குப் பொருந்தாத பழைய ஆளாகக் காலம் அவரைக் கைவிட்டிருந்தது. 

அவர் முன்பு பணியாற்றிய, அந்தப் பெரும் பின்னலாடை நிறுவனம் கடனில் மூழ்கி இருந்த சுவடு தெரியாமல் கரைந்துவிட்டது. அந்நிறுவன முதலாளியின் பெண் பிள்ளைகள் தந்தைக்கு நேர்ந்த தீராத நெருக்கடிகளால் கவனிப்பற்றவர்களாகி முதிர் கன்னியரானதாகச் சொன்னார். அதைச் சொல்ல சொல்ல அவர் கண்களில் அச்சத்தின் நிழல்கள் பரவின. 

தன்னிலை உணராமல் எப்பொழுதும் தாயமே விழும் என்று மனம்போன போக்கில் ஆடுகின்றவர்கள் கடைசியில் அவரைப்போல் ஆகிறார்கள். 

ஒவ்வொருவரும் தம்மைப் பற்றி முதலில் ஒன்றைத் தெரிந்துகொள்ளவேண்டும். இப்போது, தான் இருப்பது எங்கே ? குழியிலா ? தரையிலா ? நடுமத்தியிலா ? இல்லை உச்சத்திலா ? 

தரையிலோ குழியிலோ நடுமத்தியிலோ இருந்தால் மேலும் மேலும் முயன்று பார்க்க வேண்டும். உச்சத்தில் என்றால் அந்த இடத்தை இறுக்கிப் பற்றிக்கொள்ள வேண்டும்தானே ? அதைச் செய்வதில்லை. 

ஸ்ரீரேணுகா சுகர்ஸ் நிறுவன அதிபர் நரேந்திர முர்கும்பி சர்க்கரை ஆலைத்தொழிலில் அடித்தளத்தில் இருந்து உச்சத்திற்குப் போனவர். ‘வீடு மாளிகை என்றெல்லாம் நான் சிந்திக்கவேயில்லை. இப்போதுதான் ஒரு அடுக்ககக் குடியிருப்புக்குப் பதிவு செய்துள்ளேன்’ என்கிறார். 

நம்மவர்களுக்குத் தன்னிலை உணரும் திறனே இல்லை. ‘தமக்குரிய யோக்கியதை என்னவோ அதற்குரியவை தங்கு தடையின்றிக் கிட்டியிருக்கின்றன’ என்ற அறிவு இல்லை. தாம் உயர்வான இடத்தில் இருக்கின்றோமா, இன்னும் முயல வேண்டிய இடத்தில் இருக்கின்றோமா என்ற தெளிவு இல்லை. 

வலி அறிதல்’ என்ற அதிகாரத்தில் வள்ளுவர் இவற்றைத்தாம் அறிவுறுத்துகிறார். 

நுனிக்கொம்பர் ஏறினார் அஃதிறந் தூக்கின் 

உயிர்க்கி றுதியாகி விடும். 

நுனிக்கொம்பு’ என்றால் உச்சிக்கிளை. 

அஃதிறந்தூக்கின் = அஃது இறந்து ஊக்கின் = அந்த நிலை தவறி மேலும் ஊக்கம் பெற்றால்.

நுனிக் கொம்புக்கு ஏறிவிட்ட ஒருவர் அதற்கும் அப்பால் கடந்து ஏற ஊக்கம் கொள்வாரெனில் அது அவர் உயிருக்கே முடிவாகிவிடும்.

English Meaning - As I taught a kid - Rajesh

A person who has reached the peak / tip of a tree or a branch, should not try to climb or jump further. If he does climb or jump, then he will lose his life. 

Similarly, a person should analyze ones own strength/weakness and the situation or equipment or location's strength. Based on the strength one should proceed further if it is safe. One should not mind to quit (despite having started a journey with a goal in mind) if the proceeding further is dangerous for life (or if we might loose lot of money in business). For e.g., journey in Mount Everest cannot be driven by just goals. Decision has to be based on situational factors. One cannot be emotional or blind perseverance. Similarly when one is going in a marathon and if he is feeling unwell (e.g., breathlessness), then one must quit marathon else that person might suffer or lose his life. Hence, when there is a risk(for greatness, money or reputation or life or anything significant) you should either quit or come up with a new strategy. Your goals are important to achieve but at the same time you should not at the expense of life or large amounts of money or anything of significant value. 

Questions that I ask to the kid

In what cases, you have to stop your work?

what is more important than continuing your work when there is a risk? 

Will it not be bad if you stop work? 

அமைந்தாங் கொழுகான் அளவறியான் தன்னை

குறள் 474
அமைந்தாங் கொழுகான் அளவறியான் தன்னை
வியந்தான் விரைந்து கெடும்

[பொருட்பால், அரசியல், வலியறிதல்]

பொருள்
அமைந்து - உண்டாதல்; தகுதியாதல்; பொருந்தல் அடங்குதல் நிறைதல் உடன்படுதல் முடிதல்

ஆங்கு - அவ்விடம்; அக்காலத்தில்; அப்படி ஓர்உவமஉருபு; ஏழன்உருபு; ஓர்அசைநிலை

ஒழுகுதல் - நீர்பாய்தல்; நீர்ப்பொருள்சொட்டுதல்; ஓடுதல்; பரத்தல்; ஒழுங்குபடுதல்; நடத்தல்; நீளுதல்; வளர்தல்; போதல்; பெருகியோடுதல்.

ஒழுகான் - ஒழுகாதவன் ; ஒத்து போகாதவன்

அளவு - பரிமாணம்; தருக்கஅளவை; தாளத்தில்மூன்றுமாத்திரைக்காலம்; மாத்திரை நிலஅளவு; சமயம் தன்மை ஞானம் மட்டும் தொடங்கி

அறியான் - அறியாதவன்

தன்னை - தன்னைப் பற்றி

வியந்தான் - வியத்தல் - செருக்குறுதல்; அதிசயப்படல்; நன்குமதித்தல்; பாராட்டுதல்; கொடுத்தல்; கடத்தல்.

விரைந்து - மிக விரைவாக; விரைவு - வேகம்; வெம்மை; போற்றுகை; வேண்டுதல்.

கெடும் - கெடும்; கேடும் விளைவிக்கும்;கெடுநினைவு; கேடு
கேடு - அழிவு; இழப்பு; வறுமை; தீமை; கெடுதல்; வேறுபாடு; அழகின்மை.

கெடுதல் - அழிதல்; பழுதாதல்; வறுமையடைதல்; ஒழுக்கங்கெடுதல்; உருவழித்தல்; தோற்றோடுதல்; விபத்து; தீங்கு; விகாரத்தால்எழுத்துக்கெடுதல்; வழிதவறிப்போதல்.

முழுப்பொருள்
ஒரு சூழ்நிலையில் பிறருடனும் (பிறர் நாட்டுடனும்) அல்லது சூழ்நிலைக்கு ஏற்றவாறு பொருந்தி ஒழுக முடியாதவன், தன்னுடைய வலிமையையும் தான் செய்யக்கூடிய செயலின் வலிமையையும் அதன் பயனின் வலிமையையும் அறியாதவன், தன் வலிமையை வியக்கின்றவன் மிக விரைவாக அழிவான்.

ஏனெனில் பிறருடன் பொருந்தி வாழமுடியாதவன் சூழ்நிலைக்கு ஏற்றவாறுவாழ முடியாதவனைவிட்டு எல்லோரும் விலகியே நிற்பர். அதனால் இயல்பாக வலிமை குன்றிவிடும். தன் வலிமையையும் செயலின் வலிமையையும் அறியாதவன் அச்செயலை செவ்வென செய்யாது தோல்வியடைவான். அதனால் அவனுக்கு கேடு உண்டாகும். தன்னை வியக்கின்றவனுக்கு செருக்கு ஏற்படும் பொழுது 1) பிறரை மதிக்காது இருப்பான் - அப்படி இருக்கையில் எல்லோரும் அவரிடம் இருந்து விலகியிருப்பர் 2) சோம்பல் உண்டாகும்  - சோம்பலினால் செயல் கெடும் 3) செருக்கு கண்ணை மறைத்து செயலை செய்து முடிக்கும் திறன் குறைந்து செயலில் தோல்வியுண்டாகும். கேடு பிறக்கும். ஆதலால் விரைந்து அழிவர்.

பழமொழிப்பாடல் தன்னையே வியப்போரைப்பற்றி, “ஒன்னார் அடநின்ற போழ்தின் ஒருமகன் தன்னை எனைத்தும் வியவற்க” என்னும். பொருந்தார் தம்மோடு பொருதும் போது தம்முடைய வீரத்தை தானே மெச்சிக்கொண்டு, போரில் ஈடுபடுதல் நன்றன்று என்னும் பொருளில் சொல்லப்படுவது.

கம்பராமாயண மாரீசன் வதை படலத்தில், “அரக்கனஃ து உரைத்தலோடும் அறிந்தனன் அடங்கி நெஞ்சம் தருக்கினார் கெடுவரென்னும் தத்துவம் நிலையிற்றன்றோ?” என்கிறார் கம்பர். சம்பாதி படலத்திலே மேலும், “களித்தவர் கெடுதல் திண்ணம்” என்று உறுதியாகக் கூறுகிறார்.

மேலும்: அஷோக் உரை

பரிமேலழகர் உரை
ஆங்கு அமைந்து ஒழுகான் - அயல்வேந்தரோடு பொருந்தி ஒழுகுவதும் செய்யாது, அளவு அறியான் - தன் வலியளவு அறிவதும் செய்யாது, தன்னை வியந்தான் - தன்னை வியந்து அவரோடு பகைத்த அரசன், விரைந்து கெடும் - விரையக் கெடும்.
(காரியத்தைக் காரணமாக உபசரித்து, 'வியந்தான்' என்றார். 'விரைய' என்பது திரிந்து நின்றது. நட்பாய் ஒழுகுதல், வலியறிந்து பகைத்தல் என்னும் இரண்டனுள் ஒன்றன்றேஅயல் வேந்தரோடு செயற்பாலது, இவையன்றித்தான் மெலியனாய்வைத்து அவரோடு பகைகொண்டானுக்கு ஒருபொழுதும் நிலையின்மையின், 'விரைந்துகெடும்' என்றார். இவை இரண்டு பாட்டானும் தன்வலிஅறியாவழிப்படும் இழுக்குக் கூறப்பட்டது.).

மணக்குடவர் உரை
அமைவுடையனாயொழுகுதலும் இன்றித் தன்வலி யளவும் அறியாதே தன்னை மதித்தவன் விரைந்து கெடுவன். இது மேற்கூறியவாறு செய்தார் கெடுவரென்றது.

மு.வரதராசனார் உரை
மற்றவர்களோடு ஒத்து நடக்காமல், தன் வலிமையின் அளவையும் அறியாமல், தன்னை வியந்து மதித்துக் கொண்டிருப்பவன் விரைவில் கெடுவான்.

சாலமன் பாப்பையா உரை
பிறருடன் மனங்கலந்து பழகாமல், தன் சொந்த பலத்தையும் அறியாமல் தன்னைப் பெரிதாக எண்ணியவன் விரைவில் அழிவான்.

Thirukkural - Management - Leadership - Change

A leader has to bring in changes to people, process, procedures,  and products. The most challenging  action for any leader is to introduce changes. People resist change initiatives since  they are always comfortable in the status quo, that is., current state or practices.

Comfort leads to complacency. When a person leaves his comfort zone and feels uncomfortable, he will grow. There is no growth without change. Lack of change brings degradation  and destruction. 

Kural 474 warns a leader of three actions that bring destructions to his leadership. A leader will disappear soon if he: 1) does not get along with others, 2) does not understand his present strengths and the limitations, his qualities and skills and the demands of the current position, and 3) praises his achievements a lot, conceited or self love. 

The unadaptable, ignorant and proud 

Have speedy ends. 

When we read the qualities in the reverse order, practicing these qualities becomes easier. If a person stops admiring his achievements,  self-admiration or narcissism, he will assess his qualities and skills objectively and will get along well with others. Many narcissistic leaders brought destructions to self and the organizations they have led. 

ஒல்வ தறிவது அறிந்ததன்

குறள் 472
ஒல்வ தறிவது அறிந்ததன் கண்தங்கிச்
செல்வார்க்குச் செல்லாதது இல்.

[பொருட்பால், அரசியல், வலியறிதல்]

பொருள்
ஒல்வது - இயல்வது

ஒல்லுதல் - பொருந்துதல்; இயலுதல்; உடன்படுதல்; தகுதல்; ஆற்றுதல்; ஓலைப்பெட்டிபொத்துதல்; ஒலித்தல்; விரைதல்; கூடுதல்; பொறுத்தல்; நிகழ்தல்.

அறிவது - அறிவு - ஞானம்; புத்தி பொறியுணர்வு; அறியவேண்டியவை; கல்வி ஆன்மா

அறிந்து - அறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

அதன்கண் - அதனிடத்தில்

தங்கிச் - தங்குதல் - வைகுதல்; உளதாதல்; அடக்குதல்; நிலைபெறுதல்; தணிதல்; தாமதப்படுதல்; தடைப்படுதல்; இருப்பாயிருத்தல்; அடியிற்படுதல்; சார்ந்திருத்தல்

செல்வார்க்குச் - செல்லுதல் - நிகழ்தல்; வீழ்தல்; ஆதல்; பரவுதல்; பயனுறுதல்; நிலைத்திருத்தல்; செலாவணியாதல்; வேண்டியதாதல்; பொருந்துதல்; விரும்பிஏற்றுக்கொள்ளப்படுதல்; அடைதற்குரியதாதல்; கழிதல்; தணிதல்; கெடுதல்; இறத்தல்; கிட்டுதல்; அடைதல்; போதல்.

செல்லாதது - நிகழ்த்த முடியாதது அடையமுடியாதது

இல் - எதுவும் இல்லை

முழுப்பொருள்
ஒரு செயலை செய்யும் முன் அச்செயலை பற்றி முழுவதுமாக ஆராய்ந்து அறிய வேண்டும். அச்செயலை எப்படி செய்ய வேண்டும் அதில் வரக்கூடிய இடைறுகள் தவறுகள் நஷ்டங்கள் ஆகியவற்றை ஆராய வேண்டும். அச்செயலுக்கு தேவையான காலம் அதனை செய்யவேண்டிய நேரம் ஆகியவற்றை திட்டமிட வேண்டும். அதில் வரக்கூடிய ஆதாயம் நஷ்டம் ஆகியவற்றை கணக்கிட வேண்டும்.

மேற்சொன்னப்படி ஒரு செயலை முழுவதுமாக ஆராய்ந்தப் பிறகு அச்செயலில் இறங்கிய பின் அச்செயலில் தன்னுடைய முழுகவனத்தையும் செலுத்தவேண்டும். தன் உள்ளம் அச்செயலாக மாறிவிட வேண்டும். அவ்வாறு அச்செயலே மூச்சாக கொண்டு அச்செயலை ஆற்றினால் அவர்கள் அச்செயலின் பலனை அடையாமல் போக முடியாது. அவ்வாறு எச்செயலையும் செய்தால் அவர்கள் அடையமுடியாததென  எதுவும் இல்லை.

ஒல்வது என்றால் இயல்வது என்று பொருள். அதாவது இயலாமுடியாதவற்றை எவ்வளவு ஆராய்ந்து திட்டமிட்டாலும் அதனை செய்து அடைவது இயலாது. அவ்வாறான இயலாத காரியத்தை செய்யாதே என்பதை குறிக்கவே ஒல்வது என்று வார்த்தை தேர்ந்து கையாண்டிருக்கிறார் திருவள்ளுவர்.

மேலும் ஒரு செயலிலும் வாழ்விலும் மேன்மைப் பெற வேண்டும் என்றால் ஒருவர் ஒரு செயலில் தவம் செய்தல் வேண்டும். அதற்கு சிறந்த எடுத்துக்காட்டாக கீழ்க்காணும் குறளை கூறலாம்.

குறள் 270

இலர்பல ராகிய காரணம் நோற்பார்

சிலர்பலர் நோலா தவர்

மேலும்: அஷோக் உரை

பரிமேலழகர் உரை
ஒல்வது அறிவது அறிந்து - தமக்கியலும் வினையையும் அதற்கு அறிய வேணடுவதாய வலியையும் அறிந்து, அதன்கண் தங்கிச் செல்வார்க்கு - எப்பொழுதும் மன, மொழி, மெய்களை அதன்கண் வைத்துப் பகைமேல் செல்லும் அரசர்க்கு; செல்லாதது இல்- முடியாத பொருள் இல்லை.
('ஒல்வது' எனவே வினை வலி முதலாய மூன்றும் அடங்குதலின் ஈண்டு 'அறிவது' என்றது துணைவலியே ஆயிற்று. எல்லாப் பொருளும் எய்துவர் என்பதாம். இவை இரண்டு பாட்டானும் வலியின் பகுதியும், அஃது அறிந்து மேற்செல்வார் எய்தும் பயனும் கூறப்பட்டன.).

மணக்குடவர் உரை
தமக்கியலும் வினைக்கு அறிய வேண்டுவதாய திறம் இதுவென அறிந்து அதன் பின்பு அவ்வளவிலே நின்று ஒழுகுவராயின் அவர்க்கு இயலாதது இல்லை. இது வலியறிந்தாலும் அமைந்தொழுக வேண்டுமென்றது.

மு.வரதராசனார் உரை
தனக்குப் பொருந்தும் செயலையும் அதற்காக அறிய வேண்டியதையும் அறிந்து அதனிடம் நிலைத்து முயல்கின்றவர்க்கு முடியாதது ஒன்றும் இல்லை.

சாலமன் பாப்பையா உரை
தம்மால் செய்யமுடியும் செயலையும் அதைச் செய்வதற்கு ஏற்ற ஆற்றலையும் அறிந்து அதையே மனத்துள் சிந்தித்துச் செயலாற்றுவார்க்கு, முடியாதது ஒன்றும் இல்லை.

வினைவலியும் தன்வலியும் மாற்றான்

குறள் 471

வினைவலியும் தன்வலியும் மாற்றான் வலியும் 

துணைவலியும் தூக்கிச் செயல்

[பொருட்பால், அரசியல், வலியறிதல்]

(For meaning in English, scroll to the bottom of this post)

பொருள்

வினை - தொழில்; நல்வினைதீவினைஎனஇருவகைப்பட்டமுன்னைவினை; வினைச்சொல்; செய்தற்குரியது; பரிகாரச்செயல்; முயற்சி; போர்; வஞ்சகம்; தந்திரம்; கருத்து; தொந்தரவு; சீழ்; இரண்டைக்குறிக்கும்குழூஉக்குறி.

வலி  - vali   s. strength, power, வல்லமை; 2. pain, contraction of a limb, convulsions, நோய்; 3. the profits of one day in eight, given at the pearlfishery to the boat-owners; 4. large pincers or tongs, பற்றிரும்பு; 5. a figure of rhetoric, ஓரலங்காரம்; 6. cramp or metal-plate on the corners of cabinet work; 7. a monkey, குரங்கு; 8. a line, வரி.

வலியும் - வலி - வன்மை; காண்க:வலாற்காரம்; நறுவிலி; அகங்காரம்; வல்லெழுத்து; தொகைநிலைத்தொடர்மிக்குவருஞ்செய்யுட்குணம்; பற்றுக்கோடு; பற்றிரும்பு; தொல்லை; நோவு; ஒலி; சூள்; வஞ்சகம்; இழுக்கை; இசிவுநோய்வகை; வலிமைமிக்கவன்; கோடு; குரங்கு.

தன் - தான் என்னும் சொல் வேற்றுமையுருபை ஏற்குமிடத்துப்பெறும் திரிபு

வலியும் - வலி 

மாற்றான் - பகைவன்; ஒட்டுப்பலகை; மாற்றுமருந்து.

வலியும் - வலி 

துணை - அளவு; இணை, ஒப்பு; ஆதரவு, உதவி; உதவுவோன்; காப்பு; கூட்டு; இரண்டு; இரட்டை; கணவன்; மனைவி; உடன்பிறப்பு; புணர்ச்சி; வரை; ஆயுதமுனை; அம்பு; நட்பினன்(ள்).

வலியும் - வலி 

தூக்கிச் - தூக்கிவிடுதல் - மேலுயர்த்தல்; தூண்டிவிடுதல்; உதவிபுரிந்துகாத்தல்; காண்க:தூக்கிலிடுதல்

தூக்கு - தொங்கவிடும்பொருள்; உறி; உயர்ச்சி; நிலைகோல்; துலாராசி; ஐம்பதுபலமுள்ளநிறை; பாட்டு; கூத்து; இசை; பாக்களைத்துணித்துநிறுக்கும்செய்யுளுறுப்பு; ஆராய்ச்சி; காண்க:தூக்கணங்குருவி; வாரடை; கனம்.

செயல் - தொழில்; பொருள்தேடுகை; இழைப்புவேலை; வேலைப்பாடு; காவல்; ஒழுக்கம்; வலிமை; செல்வாக்கு; செய்யல்நிலைமை; சேறு.

முழுப்பொருள்
ஒரு செயலை செய்வதற்கு முன்னர் நான்கு முக்கியமானவற்றை செய்ய வேண்டும் என்று திருவள்ளுவர் கூறுகிறார்

1. வினை வலி - செயலின் வலிமையை நாம் அறிய வேண்டும். செயல் விழையும் உழைப்பை பற்றியும் அதன் சாத்தியங்கள் பற்றியும் அதன் விளைவுகள் பற்றியும் அதன் தாக்கங்கள் பற்றியும் அதன் ஆபத்துகள் பற்றியும் அச்செயல் விழையும் திறன்களை பற்றியும் அச்செயல் விழையும் முயற்சியை பற்றியும் நன்கு ஆராய வேண்டும். செயலை செய்யக்கூடிய இடம் நேரம் சூழல் போன்றவற்றை ஆராய வேண்டும். செயலின் நடுவே ஏற்படக்கூடிய தவறுகளையும் இடர்களையும் ஆராயா வேண்டும்.  இதுபோல் செயலை எல்லா கண்ணோட்டங்களிலும் ஆராய வேண்டும்.

2. தன் வலி - ஒரு செயலை செய்யும் பொழுது நம்முடைய ஆற்றலை நன்கு ஆராய வேண்டும். அச்செயல் விழையும் எல்லா திறனையும் நாம் கொண்டு இருக்கிறோமா என்று அறியவேண்டும். அச்செயல் நம்மிடம் எதிர்பார்க்கும் உழைப்பு, அர்ப்பணிப்பு, மனத்திட்பம், நேரம் என்று அனைத்தையும் ஆராய வேண்டும். அச்செயல் கெடுக்கும் உடல் வலிமையையும் கருத்தில் கொள்ளவேண்டும்.

3. மாற்றான் வழியும் - ஒரு செயலை செய்யும் பொழுது அதற்கு எதிரிகள் இருக்கக்கூடும். அல்லது சூழ்நிலைகளும் இடர்களும் நமக்கு எதிரியாக வாய்ப்பு உண்டு. ஆதலால் அதனை பற்றியும் ஆராய வேண்டும். போர் அல்லது வணிகம் என்று வைத்துக்கொண்டால் எதிரியின் ஆற்றலை பற்றியும் ஆராய வேண்டும். எதிரியிடம் பணிபுரியும் மக்களின் திறன்களையும் ஆராயவேண்டும். வலிமையான எதிரியை எதிரியும் மதிப்பர்.

4. துணை வலி - நாம் எந்த ஒரு செயலை செய்தாலும் அதனை நம்முடைய முயற்சியால் மட்டும் செய்து விட முடியாது. அச்செயலை  செய்வதற்கு ஒரு ஆயுதமோ அல்லது மற்ற மக்களின் உதவி என்று பலதரப்பட்ட துணை அவசியம் ஆகிறது. ஆதலால் நாம் செயலில் பயன்படுத்தும் கருவி அல்லது ஆயுதத்தின் வல்லமையை முழுமையாக ஆராயவேண்டும். அந்த ஆயுதம் பழுது பார்க்க படவேண்டும் என்றாலோ அல்லது வேறு பொருத்தமான ஆயுதம் வேண்டும் என்றாலோ அதற்கு தேவையானவற்றை செய்யவேண்டும். மற்றவர்கள் செயலுக்கு தேவை என்றால் அவர்களின் திறனையும், மனதிட்பத்தையும், உழைப்பையும் நன்கு ஆராய வேண்டும்.

இவ்வாறு ஒரு செயலை பற்றியும் அது சம்மந்தமாக அனைத்தையும் பற்றி சீர்தூக்கி ஆராய்ந்து ஒரு செயலை செய்ய வேண்டும். தவறுகள் ஏற்பட வாய்ப்புகள் குறையும்.  அப்படி செய்தால் அதில் வெற்றியும் ஆக்கமும் உண்டாகும். 

வாணிப நிர்வாக மேலாண்மை பாடங்களில் வியூகம்/திட்டமிடல் பற்றிய பாடங்களில் ஆகியவற்றில் முதலாவதாக சொல்லித்தரப்படும் பாடங்களில் ஒன்று SWOT Analysis (Strength, Weakness, Opportunities, Threats) Analysis/ஆய்வு. SWOT Analysis இத்திருக்குறளுடன் ஒத்து இருப்பதை காணலாம்.

மேலும்: அஷோக் உரை

பழமொழிப் பாடல் (321)
தற்றூக்கி, தன் துணையும் தூக்கி, பயன் தூக்கி,
மற்றவை கொள்வ, மதி வல்லார்; அற்று அன்றி,
யாதானும் ஒன்று கொண்டு, யாதானும் செய்தக்கால்,
யாதானும் ஆகிவிடும்.

அறிவிற் சிறந்தோர், தம்மால் முடியக்கூடிய செயலா என்று முதலில் ஆராய்ந்து, பின் தனக்குத் துணையானவர்களையும் ஆராய்ந்து, செய்யக்கூடிய செயலில் உள்ள பயனையும் ஆராய்ந்து, மேற்கொள்வர்.அங்கனமின்றி, முறையறியாமல், ஏதேனும் செய்தால், தாம் நினைந்ததற்கு மாறான துன்பமே விளையும் என்கிறது மேற்கண்ட பாடல்.

பரிமேலழகர் உரை

வினை வலியும் - தான் செய்யக்கருதிய வினைவலியையும், தன் வலியும் - அதனைச் செய்து முடிக்கும் தன் வலியையும், மாற்றான் வலியும் - அதனை விலக்கலுறும் மாற்றான் வலியையும், துணைவலியும் - இருவர்க்குந் துணையாவார் வலியையும், தூக்கிச் செயல் - சீர்தூக்கித் தன் வலிமிகுமாயின் அவ்வினையைச் செய்க. 

(இந் நால்வகை வலியுள் வினைவலி அரண் முற்றலும் கோடலும் முதலிய தொழிலானும், ஏனைய மூவகை ஆற்றலானும் கூறுபடுத்துத் தூக்கப்படும். 'தன்வலி மிகவின்கண் செய்க' என்ற விதியால்,தோற்றல் ஒருதலையாய குறைவின் கண்ணும், வேறல் ஐயமாய ஒப்பின் கண்ணும் ஒழிக என்பது பெற்றாம்.).

மணக்குடவர் உரை

செய்யும் வினையினது வலியும் தனக்கு உண்டான வலியும் பகைவனது வலியும் தனக்கும் பகைவர்க்கும் துணையாயினார் வலியும் எண்ணிப் பின்பு வினைசெய்க. இது வலியறியும் இடம் கூறிற்று.

மு.வரதராசனார் உரை

செயலின் வலிமையும் தன் வலிமையும் பகைவனுடைய வலிமையும் ,இருவருக்கும் துணையானவரின் வலிமையும் ஆராய்ந்து செயல்பட வேண்டும்.

சாலமன் பாப்பையா உரை

செய்வதற்கு எண்ணும் செயலின் வலிமை, செய்ய முயலும் தன் வலிமை, அதை எதிர்க்கும் எதிரியின் வலிமை, இருவர்க்கும் துணை வருவார் வலிமை என்னும் இவற்றை எல்லாம் நன்கு எண்ணிச் செயலைச் செய்க.

Thirukkural - Management - Decision Making

Besides time and place, the strength of the decision maker plays a critical role in deciding the outcome of one's decision. Kural 471 provides that a decision maker must acquire knowledge of four components before executing a task. The components are: 1) The challenges of the task, 2) The strengths of the decision maker,  3) The strengths of his competitor,  and 4) The strengths and resources of his supporters. Assess thoroughly all these four components before you venture into any task.

Weigh the strength of these before you act-

The deed's, your own, your enemy's and ally's 

English Meaning - As I taught a kid - Rajesh

Before one ventures into a work, one should assess these four components thoroughly and decide 1) The task at hand - the challenges of the task, value of the task, skills required, time, place of operation,  benefits of the task etc 2) Strengths of the self/decision maker - what are the strengths and skills of the self, is there any gap between the requirement?, what is the scope of learning it before starting the task 3)  The strengths of his competitor and 4) The strengths and resources of his supporters. Only after assessing and decide, one execute the task

Questions that I ask to the kid

What are the four components one should assess before decide upon a task?

உடைத்தம் வலியறியார் ஊக்கத்தின்

குறள் 473

உடைத்தம் வலியறியார் ஊக்கத்தின் ஊக்கி

இடைக்கண் முரிந்தார் பலர்

[பொருட்பால், அரசியல், வலியறிதல்]

பொருள்

உடைத் - 1. The state of possessing, having,owning; உடையனாந்தன்மை. அன்பீனு மார்வ முடைமை (குறள், 74). 2. Possession, property; உடைமைப்பொருள். உடைமை யெல்லாமும் (திருவாச. 33,7). 3. Wealth, riches; செல்வம் உடைமையாற்போத்தந்த நுமர் (கலித். 58).  உடையனாகும்தன்மை; உடைமைப்பொருள்; செல்வம் அணிகலன் உரிமை உரியவை.

தம் - தன்னுடைய

வலி - vali   n. வன்-மை. cf. bala. 1.Strength, power; வன்மை. வலியி னிலைமையான்(குறள், 273). 2. See வலாற்காரம். வலிசெயா தாணையை நினைந்து (திருவாலவா. 57, 5). 3. Arrogance;அகங்காரம். கேள்வி யனைத்தினும் வலியினும் மனத்தினு முணர்வினும் (பரிபா. 3, 49). 4. cf. balin.(Gram.) Hard consonant; வல்லெழுத்து. ஈற்றுமெய் வலிவரி னியல்பாம் (நன். 159). 5. (Rhet.)Vigour of style, achieved by introducing compounds in quick succession, a merit of poeticcomposition; தொகைநிலைத்தொடர் மிக்கு வருஞ்செய்யுட்குணம். (தண்டி. 24.) 6. Prop, support;பற்றுக்கோடு. தண்டு வலியாக நனி தாழ்ந்து (சீவக.2012). 7. Cramp-iron; pincers; பற்றிரும்பு. (பிங்.)8. Trouble, difficulty; கஷ்டம். அதைச் செய்; s. strength, power, வல்லமை; 2. pain, contraction of a limb, convulsions, நோய்; 3. the profits of one day in eight, given at the pearlfishery to the boat-owners; 4. large pincers or tongs, பற்றிரும்பு; 5. a figure of rhetoric, ஓரலங்காரம்; 6. cramp or metal-plate on the corners of cabinet work; 7. a monkey, குரங்கு; 8. a line, வரி.

அறியார் - அறியாதவர்கள்

ஊக்கம் - உள்ளக்கிளர்ச்சி, மனவெழுச்சி; உள்ளத்தின்மிகுதி; முயற்சி; வலிமை; உயர்ச்சி; மேற்கொண்டஎண்ணம்; உண்மை.

ஊக்கத்தின் - மன ஊக்கத்தினால், மன எழுச்சியினால்

ஊக்கி - தேவையில்லாமல் ஒரு செயலில் ஈடுபடுதல்

இடைக்கண் - அச்செயலின் இடையில்

முரிதல் - muri-   4 v. intr. [K. muri.] 1.To break off, snap off; ஒடிதல். (சூடா.) 2. Toperish; to be ruined; கெடுதல். இடைக்கண் முரிந்தார் பலர் (குறள், 473). 3. To be scattered; சிதறுதல். பஞ்சினம் புகைமுரிந் தெழுந்தென விண்ணத்தலமர (கல்லா. 7). 4. To go wrong; தவறுதல். முரியுங்காலைத் தெரிய மற்றதிற் றட்டினள் . . . எழுப்பி(பெருங். வத்தவ. 12, 99). 5. To be defeated;தோல்வியுறுதல். முற்றிய வமரர்சேனை முரிந்தன(விநாயகபு. 34, 15). 6. To separate, leave; நீங்குதல். (சீவக. 372.) 7. To lose one's position; நிலைகெடுதல். இடை முரிந்து வேந்தனும் வேந்து கெடும்(குறள், 899). 8. To be spoiled; குணங் கெடுதல்.ஒழுகுபால் கதிர்வெயிற் படமுரிந்து (திருச்செந்தூர்.பிள்ளைத். செங்கீரை. 1). 9. To bend; வளைதல்.முரிந்து கடைநெரிய வரிந்த சிலைப்புருவமும் (மணி.18, 161). 10. To lack in strength; to be gentle,as in gait; தளர்தல். முரிந்தநடை மடந்தையர்தமுழங்கொலியும் வழங்கொலியும் (திருவிசை. கருவூ. 5,10).

முரிந்தார் - ஓடிப் போணவர்கள், சிதறியவர்கள், தவறியவர்கள், தோல்வியுற்றவர்கள், நீங்கியவர்கள்,

பலர் - பல பேர்

முழுப்பொருள்

ஒரு செயலை மனிதன் செய்கிறான். ஆனால் ஒரு செயலை எல்லோராலும் செய்துவிட முடியாது. ஏனெனில் எல்லோருக்கும் அச்செயலை செய்யும் ஆற்றல் இருக்காது. உதாரணமாக உலகிலேயே மிக உயரமான மலையாக கருதப்படும் இமயமலையினை எல்லோராலும் ஏறி சிகரம் தொட முடியாது. அதற்கு தேவையான் பயிற்சி என்பது அத்தியாவசியம் ஆகும்.

ஆனால் உலகில் பலர் உணர்ச்சி வசப்பட்டு உள்ளக்கிளர்ச்சியினால் ஒரு வேகத்தில் ஊக்கம் கொண்டு ஒரு செயலை செய்வேன் என்று முற்பட்டு தொடங்குவர். இவர்கள் தங்கள் ஆற்றலை அறியாமல் அல்லது உணர்ச்சிகளால் மயக்கப்பட்டு இக்காரியங்களில் இறங்குவர். இது தவறாகும். ஏனெனில் இவர்கள் இக்காரியங்களில் செயல்பட்டு கொண்டு இருக்கும் பொழுது ஒரு பாதி வழியில் இவர்களின் குறைவான ஆற்றலால் அச்செயலை செய்ய இயலாது, அப்பொழுது மனம் தளர்ந்து (தன்னை இக்காரியத்தில் இறக்கிவிட்ட அதே மனகிளர்ச்சியினால்) இக்காரியத்தில் இருந்து விலகுவர். இது தோல்வியே ஆகும். இப்படி பாதியில் தோல்வியை கண்டவர்கள் பலர்.

ஊக்கம் என்பது நல்ல விஷயம் தான். ஆனால் அது மனகிளர்ச்சியினால் ஆனதாக இருக்க கூடாது. எண்ணித் துணிக கருமம் என்று திருவள்ளுவர் சொல்லி இருக்கிறார். ஆதலால் நம் ஆற்றல் என்னவென்று ஆராய வேண்டும். ஆற்றல் குறைவு எனில் அதனை வளர்க்க வேண்டும். [உதாரணமாக இமய மலை சிகரத்தை அடைந்த சில கண் பார்வை அற்றோர், உடல் ஊணம் உற்றோர் கூட இருக்கிறார்கள்]. அப்படி செய்தால் வெற்றி பெற முடியும். இல்லையேல் வெற்று மனகிளர்ச்சியால் ஒன்றும் செய்ய முடியாது.

எந்த ஒரு செயலையும் முடிவையும் மனக்கிளர்ச்சியினால் எடுக்க கூடாது. உதாரணமாக வாழ்வில் இளமை காலங்களில் நாம் பலவற்றை ஆர்வத்தின் காரணமாக கற்றுக்கொள்ள முற்படுவோம். ஒருவர் தத்துவம் பயில்வது, நடனம், இசை,  புகைப்படம், பாடல், உலக சினிமா, சமையல், பயணங்கள் என்று பலவற்றில் முற்படலாம். ஆனால் அவர் எதில் ஒன்றிலும் சிறந்து விளங்குபவராக இருத்தல் மிக அரிதாகவே இருக்கும். எல்லாவற்றையும் கற்றுக்கொள்வது தவறில்லை. ஆனால் நமது தாவுதல்கள் உள்ளக்கிளர்ச்சியினால் ஒரு தொடர் வழக்கமாக இருக்கிறதா என்று மட்டும் கண்காணிக்க வேண்டும்.

மேலும், இக்குறள் கூறும் முக்கியாமன செய்தி, நாம் முடிவு எடுக்கும் பொழுது  ஒரு செயலை துவங்கும் பொழுதும் உள்ளக்கிளர்ச்சியினால் எடுக்கக் கூடாது.  No emotional decisions. சமீபத்தில் (2021 ஏப்ரல்) சித்ரா பாலகிருஷ்ணன் எழுதிய “மண்ணில் உப்பானவர்கள்” என்ற ஒரு புத்தகத்தை படித்தேன். அப்புத்தகம் இந்திய விடுதலையை நோக்கிய உப்பு சத்தியகிரஹம் போராட்டத்தைப் பற்றியது. அதில் மஹாத்மா காந்தி அவர்கள் தண்டி யாத்திரையை துவங்கும் முன்பு எந்த ஒரு புதிய செயலை செய்யும் முன் இரண்டு நாட்கள் மௌன விரதமும் உபவாசமும் இருப்பதுப்போல் இப்பொழுதும் இருக்கிறார் காந்தி. அவ்வாறே ஒரு போராட்டத்திற்கு மனதளவிலும் உடலளவிலும் தயாராகிறார் காந்தி. இதை ஆழ்ந்து யோசித்துப்பார்த்தால், இந்த மௌனமும் உபவாசமும் எப்பேர்பட்ட சுய கண்டடைதலையும், தெளிவையும், வலிமையையும்,  ஆத்மபலத்தையும் தருகின்றது. அதுமட்டும் இன்றி, நாம் செய்ய துவங்கும் செயலின் மீது எந்தவித உள்ளக்கிளர்ச்சியும் இல்லாமல் மனதில் சமநிலையோடும் தீர்க்கத்தோடும் தொடங்க ஒரு சந்தர்பத்தை கொடுக்கிறது. தியானம், உபவாசம், மௌன விரதம் போன்றவற்றை எல்லோரும் கடைப்பிடித்தால் மிக மிக பயனுள்ளதாய் அமையும். 

”ஆற்றா ராகில் தம்மைக்கொண் டடங்கா ரோஎன் னாருயிர்க்குக்

கூற்றாய் நின்ற குலச்சனகி குவளை மலர்ந்த தாமரைக்குத்

தோற்றாய் அதனான் அகங்கரிந்தாய் மெலிந்தாய்வெதும்பத் தொடங்கினாய்

மாற்றார் செல்வம் கண்டழிந்தால் வெற்றி யாக வற்றாமோ” (கம்ப.மாரீசன் 115)

மேலும்: அஷோக் உரை

பரிமேலழகர் உரை

உடைத்தம் வலி அறியார் - கருத்தா ஆதலையுடைய தம் வலியின் அளவறியாதே, ஊக்கத்தின் ஊக்கி - மனஎழுச்சியால் தம்மின் வலியாரோடு வினை செய்தலைத் தொடங்கி, இடைக்கண் முரிந்தார் பலர் - அவர் அடர்த்தலான் அது செய்து முடிக்கப் பெறாது இடையே கெட்ட அரசர் உலகத்துப் பலர்.

('உடைய' என்பது அவாய் நின்றமையின் செயப்படு பொருள் வருவிக்கப்பட்டது. மூவகை ஆற்றலுள்ளும் சிறப்புடைய அறிவு உடையார் சிலராதலின், 'முரிந்தார் பலர்' என்றார். அதனால் தம் வலியறிந்தே தொடங்குக என்பது எஞ்சி நின்றது.).

மணக்குடவர் உரை

தம்முடைய வலியறியாது மனமிகுதியாலே வினை செய்யத் தொடங்கி அது முடிவதன்முன்னே கெட்டார் பலர். இது வலியறியாதார் கெடுவரென்றது.

மு.வரதராசனார் உரை

தன்னுடைய வலிமை இவ்வளவு என அறியாமல் ஊக்கத்தால் முனைந்து தொடங்கி இடையில் அதை முடிக்க வகையில்லாமல் அழிந்தவர் பலர்.

சாலமன் பாப்பையா உரை

தம் ஆற்றலை அறியாமல், ஒரு வேகத்தில் செயலைச் செய்யத் தொடங்கித் தொடரமுடியாமல் இடையே விட்டுக் கெட்டவர் பலர்.

ஆகாறு அளவிட்டி தாயினுங்

குறள் 478

ஆகாறு அளவிட்டி தாயினுங் கேடில்லை 

போகாறு அகலாக் கடை

[பொருட்பால், அரசியல், வலியறிதல்]

பொருள்

ஆகு - III. v. i. become, happen, take place, see ஆ, irr. verb.

ஆறு - பெரிய அளவில் உயர்ந்த நிலப்பகுதில் இருந்து தாழ்வானா பகுதி நோக்கி ஓடும் நீர்வழி, வழி, பாதை

அளவு - வரையறை - s. Measure, degree, pro portion, quantity, magnitude, size, ca pacity, bound, limit, compass, number, standard, வரையறை

இட்டிது - சிறிது; அண்மை.

ஆயினும் - ஆனாலும்

கேடு - அழிவு; இழப்பு; வறுமை; தீமை; கெடுதல்; வேறுபாடு; அழகின்மை.

இல்லை - உண்டு என்பதன் எதிர்மறை

போகு - நெடுமை; உயரம்; நீளம்

போகுதல் - காண்க:போதல்.

ஆறு - பெரிய அளவில் உயர்ந்த நிலப்பகுதில் இருந்து தாழ்வானா பகுதி நோக்கி ஓடும் நீர்வழி, வழி, பாதை

அகலம் - விரிவு; பரப்பு; இடம்; பூமி; மார்பு; விருத்தியுரை; வித்தாரகவி; பெருமை.

கடை - s. a shop, market bazaar, அங் காடி; 2. place, இடம்; 3. way, வழி; 4. gate, வாயில்; 5. termination of a verbal participle as in "ஈதலியை யாக்கடை" (குறள்); 6. a verbal prefix as in கடை கெட்ட; 7. a sign of the 7th case, எழனுருபு.

n. 1. Fatigue; சோர்வு.(அக. நி.) 2. Way; வழி. (யாழ். அக.) 3. Pudendum muliebre; பெண்குறி. (யாழ். அக.)

அகலாக்கடை - அகலாக்மாக பெரிதாக வாயில் இல்லாத வரை

முழுப்பொருள்

நாட்டிலோ நிர்வாகத்திலோ குடும்பத்திலோ தலைவனுக்கு வரவு இருக்கும். ஆனால் அது எல்லாருக்கும் தேவைக்கு ஏற்றவாரோ தேவைக்கு மேலாகவோ இருக்காது. பலருக்கு வரவு மிக சிறிதாகவே இருக்கும். அப்படி சிறிதாக இருப்பின் ஒரு கேடும் இல்லை. சிறிதான வரவு வறுமையும் இல்லை [கேடு என்ற சொல்லுக்கு அகராதியில் வறுமை என்ற பொருளும் உண்டு]. ஆதலால் வருத்த படுத்தவற்கு ஒன்றுமில்லை. 

ஆனால் வரவுக்கு அதிகமாக செலவு செய்தல் தவறு. வரவு ஈன்ற உழைத்த நாட்களை / நேரத்தை விட குறுகியகாலத்தில் மிக வேகமாக மின்னல் வேகத்தில் செலவு செய்தல் தவறு. அப்படி செய்தால் வறுமையை நோக்கியே சொல்வோம். அது அழகு இல்லை. அது கெடுதலே விளைவிக்கும். 

வள்ளுவர் சிறு வருமானம் ஈட்டுபவர்களுக்கு மட்டும் சொல்லவில்லை. எல்லோருக்கும் பொதுவாகவே வரவை விட செலவு அதிகமாக இருந்தால் கேடு என்றே சொல்லியிருக்கிறார்.

"விரலுக்கு ஏத்த வீக்கம்" என்று பொதுவழக்கில் கூறுவர். "குடிகிறது கூழ் கொப்பளிக்கற்து பன்னீரா?" என்றும் கூறுவர்.

இக்குறள் கீழ் காணும் ஔவையாரின் நல்வழிப் பாடலை ஒட்டிய கருத்தைக்கூறுகிறது:

ஆன முதலில் அதிகம் செலவானால் 
மானமழிந்து மதிகெட்டு போன திசை
எல்லார்க்கும் கள்ளனாய் எழுபிறப்பும் தீயனாய்
நல்லார்க்கும் பொல்லானாம் நாடு

அதாவது, ஈட்டும் பொருளினைவிட அதிகமாக செலவு செய்பவர்கள் பிற்காலத்தில் தங்கள் மானத்தையும், அறிவினையும், உணர்வையும் இழப்பார்கள். அவர்கள் எவ்வழி நடந்தாலும் திருடர்கள் போல நடத்தப்படுவர். எத்துனை பிறப்பு பிறந்தாலும் எவ்வித மரியாதையும் கொடுக்கப்படாமல் தீயவர் போல நடத்தப்படுவர். இதை “முதலின் அதிகம் செலவானால்” என்று, அதாவது “முதலீட்டுக்கும் அதிகமாக செலவு செய்தால்” என்றும் பொருள் சொல்லலாம்.

ஔவையார் கடுமையாகச் சொன்னதையே நயமாகச் கூறியிருக்கிறார் வள்ளுவர்.

மேலும்: அஷோக் உரை

பரிமேலழகர் உரை

ஆகு ஆறு அளவு இட்டிது ஆயினும் கேடு இல்லை - அரசர்க்குப் பொருள் வருகின்ற நெறியளவு சிறிதாயிற்றாயினும் அதனால் கேடு இல்லையாம்: போகு ஆறு அகலாக் கடை - போகின்ற நெறிஅளவு அதனின் பெருகாதாயின். ('இட்டிது' எனவும் 'அகலாது' எனவும் வந்த பண்பின் தொழில்கள் பொருள் மேல் நின்றன. 'பொருள்' என்பது அதிகாரத்தான் வருவித்து, 'அளவு' என்பது பின்னும் கூட்டி உரைக்கப்பட்டன. முதலும் செலவும் தம்முள் ஒப்பினும் கேடு இல்லை என்பதாம்.)

மணக்குடவர் உரை

பொருள் வரும்வழியளவு சிறிதாயினும் கேடில்லையாம்; அது போம்வழி போகாதாயின்.

இது முதலுக்குத் தக்க செலவு செய்ய வேண்டுமென்றது.

ஞா. தேவநேயப் பாவாணர் உரை

ஆகு ஆறு அளவு இட்டிது ஆயினும் - அரசர்க்குப் பொருள் வருவாயின் அளவு சிறிதாயினும்; போகு ஆறு அகலாக்கடை - செல்வாயின் அளவு அதினும் மிகாதவிடத்து; கேடு இல்லை - கெடுதல் இல்லை.

இது சிக்கனத்தின் நன்மையை எளிய கணக்கு முறையால் விளக்குவது . அளவு என்பது பின்னுங் கூட்டியுரைக்கப் பட்டது. 'அகலாக்கடை 'என்றதனால், வரவுஞ்செலவும் ஒத்திருப்பினுங் கேடில்லை யென்பதாம் .

ஒரு குளத்திற்குள் நீர்வந்து விழும் வாய்க்காலினும் அதினின்று நீர்வெளியேறும் வாய்க்கால் அகன்றிராவிடின் அக்குளநீர் குன்றாது என்பதே, பிறிதுமொழிதற் குறிப்புக்கொண்ட இக்குறட்பொருள்.

மு.வ உரை

பொருள் வரும் வழி (வருவாய்) சிறிதாக இருந்தாலும், போகும் வழி (செலவு) 

விரிவுபடாவிட்டால் அதனால் தீங்கு இல்லை

சாலமன் பாப்பையா உரை

வருமானம் அளவில் சிறிது என்றாலும் செலவினம் பெரிதாகாதபோது கேடு இல்லை

நன்றி ரிஷ்வன்

வரும் அளவு சிறிதாயினும் – பொருள்

செல்லும் அளவு பெரிதாகாத வரை

இல்வாழ்வில் தீங்கு என்றும் இல்லை

பீலிபெய் சாகாடும் அச்சிறும் அப்பண்டஞ்

குறள்  475 
பீலிபெய் சாகாடும் அச்சிறும் அப்பண்டஞ் 
சால மிகுத்துப் பெயின்
[பொருட்பால், அரசியல், வலியறிதல்]

பொருள் 

பீலி - மயில்தோகை; மயில்; சிற்றாலவட்டம்; வெண்குடை; பொன்; மகளிரிடும்கால்விரலணி; சிறுசின்னம்; வாத்தியப்பொது; பெருஞ்சவளம்; மலை; மதில்; நத்தைஓடு; பனங்குருத்து; நீர்பாய்தொட்டி; பந்தயமுறி. 

சாகாடு - வண்டி; வணடியுருளை; உரோகிணிநாள்

அச்சு -  வண்டியின் அச்சாணி ; அடையாளம்; உயிரெழுத்து வண்டியச்சு; எந்திரவச்சு; கட்டளைக்கருவி; உடம்பு வலிமை அச்சம் துன்பம்

பண்டம் - பொருள்; பாண்டம்முதலியன; தின்பண்டம்; பயன்; பொன்; நிதி; ஆடுமாடுகள்; வயிறு; உடல்; உண்மை; பழம்.

சால - மிகவும் 

மிகுத்துப் - மிகு-த்தல் - miku-   11 v. tr. Caus. ofமிகு¹-. [K. migisu.] 1. To augment, makelarge; அதிகப்படுத்துதல். சால மிகுத்துப் பெயின்(குறள், 475). 2. To excel, surpass; விஞ்சுதல்.3. To increase; பெருக்குதல். 4. To regard withpride; பெருமையாகக் கருதுதல். இவ்வாறு செய்தேமென்று தன்னை மிகுத்ததுவும் (புறநா. 77, உரை). 5.See மிகுத்து-.

பெயின் - பெய்தல் - மேல்நின்றுபொழிதல்; வார்த்தல்; இடுதல்; எறிந்துபோடுதல்; இடைச்செருகுதல்; கொடுத்தல்; அமைத்தல்; பரப்புதல்; புகலிடுதல்; எழுதுதல்; அணிதல்; பயன்படுத்தல்; கட்டுதல்; சிறுநீர்முதலியனஒழுகவிடுதல்; தூவுதல்; பங்கிடுதல்; செறித்தல்.

முழுப்பொருள்

மயிலிறகு என்பது மிகவும் எடை குறைவான பொருள் தான். இது என்ன செய்து விட போகின்றது என்று, அதை வண்டியின் மேல் அளவுக்கு அதிகமாக ஏற்றினால், வண்டியின் அச்சாணி முறிந்து விடும். அளவுக்கு மிஞ்சினால் அமிர்தமும் நஞ்சு. அதனால் மயிலிறகு என்பதனால் அதனை குறைத்து இடைப்போடக்கூடாது. 

இனிமையான ஒன்று தானே அல்லது சுலபான ஒன்று தானே, என்று நாம் எதிலும்  அளவுக்கு அதிகமாக லயித்து விட கூடாது. அது நம்மை வீழ்த்தும் அளவிற்கு வலிமையானதாக மாறக் கூடும், என்பதற்கு ஒப்புமையாக இக்குறளை கருதலாம் .

இதனை உடல் ஆரோக்கியம், உறவுகள் என்று பலவற்றிற்கு பொருத்தி பார்க்கலாம். நாம் அன்றாடம் பயன்படுத்தும் செல்போன் நல்ல ஒரு தொழில்நுட்பம். ஆனால் அதில் ஒவ்வொரு நாளும் பல மணி நேரம் செலவு செய்தால் நாம் வாழ்வில் பெரும் பகுதியை வீண் அடிக்கிறோம். அது நமது வேலையை, உறவை பாதிக்கும் ஏனெனில் நமக்கு கவனச்சிதறல், தூக்கமின்மை, மனச்சோர்வு, (Facebook / Instagram இருப்பதை கண்டு பிறருடன் தொடர்ந்து ஓப்பிட்டுப்பார்ததால்) மனநிறைவின்மை போன்ற பல பிரச்சனைகள் வரக்கூடும். 

உதாரணமாக 1) சொன்னால் புற்றுநோய் (Cancer) போன்ற நோய்கள் ஒரு பெரிய கதிர்வீச்சால் வருவதைக்காட்டிலும் ஒரு சிறிய அளவு கதிர்வீச்சினை பல ஆண்டுகாலம் உடம்பில் பெற்றதால் வர வாய்ப்புகள் அதிகம். ஜப்பானில் அணுகுண்டு வீசப்பட்டபின்பு அந்த அணுகுண்டு தாக்குதலால் புற்றுநோய் பெற்றவர்கள் எண்ணிக்கை குறைவே. ஆனால் பல இடங்களில் மெல்லிய கதிர்வீச்சுகளால் புற்றுநோய் பெற்றவர்கள் மிக அதிகம். இது கதிர்வீச்சு என்று அல்ல ஒரு சிறிய கெட்டப் பழக்கம் பல ஆண்டுகாலம் செய்தால் அதனுடைய தீவினை நம்மை அழிக்கும். 

உதாரணமாக 2) நீங்களும் உங்கள் நண்பர் ஒருவரும் எப்பொழுதும் கேலியும் கிண்டலுமாகப் பேசிக் கொள்வது வழக்கம் என்று வைத்துக்கொள்வோம். ஒரு நாள் அப்படி ஏதோ ஒன்று சொல்லி அவரைக் கிண்டல் செய்கிறீர்கள். அவருக்கு உடனே சர்ரென்று கோபம் வந்து விடுகிறது. உங்களைக் கன்னா பின்னாவென்று திட்டி விடுகிறார். 

நீங்கள் யோசிக்கிறீர்கள், “நாம் எப்போதும் இப்படித் தானே பேசிக் கொள்வோம்? இன்று என்ன ஆயிற்று? அதுவும் இன்று நாம் ஒன்றும் பெரியதாகவே சொல்லவில்லையே? இதைவிட மோசமாகச் சில நாள் பேசிருக்கிறோமே?” அன்று அது அளவை மீறிப் போய் விட்டது. அன்று பேசியது மட்டும் காரணமல்ல. 

இதுநாள் வரை பேசியதெல்லாம் சேர்ந்து அவர் மனதைக் காயப்படுத்தி விட்டது!இதுநாள் வரை நட்பை வளர்ப்பதற்கு உபயோகமாக இருந்த அந்தக் கிண்டல் இன்று நட்பை முறிக்கும் அளவிற்குக் கொண்டு சென்றிருக்கிறது. அந்த அளவு எப்போது மீறுகிறது அல்லது மீறப்படுகிறது என்பது நாம் உன்னிப்பாகக் கவனிக்காவிட்டால் தெரியாது.

அந்த நிலையை அல்லது எல்லையை நாம் ஒரு விளிம்பு என்றோ, வரையரை என்றோ, உடையுநிலை (Breaking point) என்றோ குறிப்பிடலாம்.

இது கணவன் மனைவி உறவு, சகோதரர்கள் உறவு என்று எல்லாவற்றிலும் பொருந்தும். நாம் மற்றொருவரை தொடர்ந்து மட்டம் தட்டினாலோ அல்லது குறைக் கண்டுபிடித்துக்கொண்டு சதா சர்வகாலமும் சொல்லிக்கொண்டு இருந்தாலோ அது அக்கறையின்பால் இருப்பினும் அது பிறருக்கு எரிச்சலை உண்டாக்கும். ஒரு கட்டத்தில் எதிராளி கத்துவார். உறவில் விரிசல் விழும்.

அலுவகத்தில், நம்மை நமது மேலாளரோ அல்லது குழுத் தலைவரோ நம்மை நுண் மேலாண்மை செய்தால் (micro-management) நமக்கு எரிச்சல் வரும். ஏனெனில் அளவுக்கு மிஞ்சிய எதுவும் நல்லதுக்கு அல்ல. அது ஆக்கத்திற்கு வழி வகுக்காது. கண்டிப்பாக செயலூக்கம் /effective/ productive-ஆக இருக்காது. நாம் எல்லோரும் அதுப்போல் சிலரை பல இடங்களில் காணலாம். 

கடந்த குறளுக்கு மேற்கோளாகக் காட்டப்பட்ட பழமொழி நானூறுபாடலின் முழுவடிவம் இங்கே! முதல் இரண்டு வரிகள் சென்ற குறளுக்குப் பொருந்தியதைப்போல, இறுதி இரண்டு அடிகள் இக்குறளுக்குப் பொருந்தி வருகின்றன.

ஒன்னார் அட நின்ற போழ்தின், ஒரு மகன்

தன்னை எனைத்தும் வியவற்க! துன்னினார்
நன்மை இலராய்விடினும், நனி பலர் ஆம்
பன்மையின் பாடு உடையது இல்.

சூழ்ந்த பகைவர் வீரத்தில் நன்றிலாராயினும், அவர்கள் பலராயிருப்பதைவிட வலிமையொன்றும் இல்லை என்று சொல்லும் இப்பாடலின் வரிகள், இக்குறளின் கருத்தை ஒட்டியதே.

அல்லது பரிமேலழகர் கூறுவது போல். பகைவரின் வலிமை குறித்து குறைவாக இடை போட கூடாது என்பதற்கு ஒப்புமையாகவும் கருதலாம்.

எதிரி நாட்டுப்படையினர் தனி நபர் பலத்தில் குறைவாக இருப்பினும் எண்ணிக்கையில் அதிகமாக இருந்தால், அந்த எண்ணிக்கையே மிகுந்த பலத்தை தரும். அதனால் தான் என்னவோ உலக நாடுகள் இந்தியா, சீனா போன்ற நாடுகளை தேவையில்லாமல் பகைத்துக்கொள்வதில்லை. இன்று வளர்ந்துவரும் நாடு என்றாலும், தங்களின் மக்கள் தொகை பலத்தாலும் மன உந்துதலாம் காலப்போக்கில் மிக விரைவாக இன்னும் சில காலத்தில் வளர்ந்த நாடுகளுக்கு இனையாக இந்தியா சீனா ஆகிய நாடுகள் வளர்ந்துவிட வாய்ப்புகள் பிரகாசாமக உள்ளன எனலாம்.

பரிமேலழகர் உரை 

பீலிபெய் சாகாடும் அச்சு இறும் - பீலியேற்றிய சகடமும் அச்சு முரியும், அப்பண்டம் சால மிகுத்துப் பெயின் - அப்பீலியை அது பொறுக்கும் அளவின்றி மிகுத்து ஏற்றின். (உம்மை சாகாட்டது வலிச்சிறப்பேயு மன்றிப் பீலியது நொய்மைச் சிறப்பும் தோன்ற நின்றது. 'இறும்' என்னுஞ் சினைவினை முதல்மேல் நின்றது. 'எளியர்' என்று பலரோடு பகைகொள்வான், தான் வலியனே ஆயினும் அவர் தொக்கவழி வலியழியும் , என்னும் பொருள் தோன்ற நின்றமையின் இது பிறிது மொழிதல் என்னும் அலங்காரம். இதனை 'நுவலா நுவற்சி' என்பாரும், 'ஒட்டு' என்பாரும்உளர். ஒருவன் தொகுவார் பலரோடு பகைகொள்ளற்க என்றமையின், இதனால் மாற்றான் வலியும் அவன் துணை வலியும் அறியா வழிப்படும் இழுக்குக் கூறப்பட்டது.)

இக்குறளின் பொருளை ஒற்று வரும் வேறு சில பலமொழிகள் 

1. அளவுக்கு மீறினால் அமிர்தமும் நஞ்சு .

2. சிறு துளி பேரு வெள்ளம்.

மணக்குடவர் உரை

பீலி யேற்றிய சகடமும் அச்சுமுறியும்; அப்பீலியை மிகவும் அளவின்றியேற்றின். இஃது அரண் மிகுதல் நன்றென்றிருப்பார்க்குப் பகைமிகின் அரண் நில்லாதென்று கூறிற்று.

மு.வரதராசனார் உரை

மயிலிறகு ஏற்றிய வண்டியே ஆனாலும் , அந்த பண்டமும் (அளவோடு ஏற்றாமல்) அளவு கடந்து மிகுதியாக ஏற்றினால் அச்சு முறியும்.

சாலமன் பாப்பையா உரை

மயில்தோகைதானே என்று அதை அளவுக்கு அதிகமாக வண்டியில் ஏற்றினால் வண்டியின் அச்சு முறிந்துபோகும்.

Thirukkural - Management - Managing Stress - Stress Tolerance

Everyone has a limited capacity to withstand  stressful events. That capacity is called the threshold limit. Even a  small amount of pressure beyond the withstanding capacity of a person will break him. Valluvar compares, in Kural 475, stress in people to the weight bearing capacity a vehicle.

A peacock’s feather can break  the axle-tree

Of an over-loaded  cart.

If a vehicle is loaded just with peacock feathers, any excess weight will break the axle of that vehicle. So, even small things in repeated doses create stress and break the person. Stress is the result of accumulation  of little things over a long period. Those little things will becomea big thing one day and will break you. Lead a life of balance or moderation.

Anything excess, both positive and negative, is dangerous.