Search This Blog

Disclaimar

This blog is totally for learning purposes. Non-commercial. In many of the posts, many snippets have been taken from various thirukkural blogs, books available online freely only for learning purpose without any intention of plagiarism or to make money. I have given due credit, link wherever possible. If you want your content to be removed, or you want more credit to be provided, please do let me know in the comment section of any of the posts. ஊருணி நீர்நிறைந் தற்றே உலகவாம் பேரறி வாளன் திரு (குறள் 215)

057 வெருவந்தசெய்யாமை

பால் - பொருட்பால்
இயல் - அரசியல்
அதிகாரம் - வெருவந்தசெய்யாமை

சுட்டியை தட்டுக (குறளே இங்கு சுட்டி)

குறள் 561
தக்காங்கு நாடித் தலைச்செல்லா வண்ணத்தால்
ஒத்தாங்கு ஒறுப்பது வேந்து

குறள் 562
கடிதோச்சி மெல்ல எறிக நெடிதாக்கம்
நீங்காமை வேண்டு பவர்


குறள் 563
வெருவந்த செய்தொழுகும் வெங்கோல னாயின்
ஒருவந்தம் ஒல்லைக் கெடும்

குறள் 564
இறைகடியன் என்றுரைக்கும் இன்னாச்சொல் வேந்தன்
உறைகடுகி ஒல்லைக் கெடும்

குறள் 565
அருஞ்செவ்வி இன்னா முகத்தான் பெருஞ்செல்வம்
பேஎய்கண் டன்னது உடைத்து

குறள் 566




குறள் 570
கல்லார்ப் பிணிக்கும் கடுங்கோல் அதுவல்லது
இல்லை நிலக்குப் பொறை

நாடொறும் நாடி முறைசெய்யா

குறள் 553
நாடொறும் நாடி முறைசெய்யா மன்னவன்
நாடொறும் நாடு கெடும்
[பொருட்பால், அரசியல், கொடுங்கோன்மை]
(For meaning in English, scroll to the bottom of this post)

பொருள்
நாள்தொறும் - ஒவ்வொரு நாளும்

நாடி - நாட்டிலுள்ளவள்; நாட்டையுடையவள்; இரத்தக்குழாய்முதலியன; மூச்சுக்குழாய்யாழின்நரம்பு; உட்டொளை; பூவின்தாள்; நாழிகை; மூக்கு; மோவாய்; மாளிகையின்மேற்பாகத்தோர்உறுப்பு; சோதிடநூல்; தாதுநரம்பு; இலைநரம்பு.

நாடுதல் - தேடுதல்; ஆராய்தல்; விரும்புதல்; தெரிதல்; ஒத்தல்; அளத்தல்; கிட்டுதல்; நினைத்தல்; மோப்பம்பிடித்தல்; அளவுபடுதல்.

முறை - நீதி; அடைவு; நியமம்; ஆள்மாறிமாறிவேலைசெய்யும்நியமம்; தடவை; பிறப்பு; ஒழுக்கம்; உறவு; உறவுமுறைப்பெயர்; அரசநீதி; பழைமை; ஊழ்; கூட்டு; நூல்; தன்மை; காண்க:முறையீடு; கற்பு.

செய்தல் - இயற்றுதல்; உண்டாக்கல்; சம்பாதித்தல்; ஒத்தல்.
செய்யா  -  இயற்றாமல் இருத்தல்

மன்னவன் - அரசன்; எப்பொருட்குமிறைவன்; கணவன்; தலைவன்; முப்பத்திரண்டுக்குமேல்நாற்பத்தெட்டுவயதுக்குட்பட்டஆடவன்; உத்தரட்டாதிநாள்.

நாள்தொறும்  - ஒவ்வொரு நாளும்

நாடு - நாட்டுப்பகுதி; இடம்; பூமி; உலகம்; நாட்டுப்புறம்; மருதநிலம்; பக்கம்; இடப்பரப்பு; பூவுலகப்பொது; ஒருபேரெண்.

கெடும் - கேடு, அழிவு; இழப்பு; வறுமை; தீமை; கெடுதல்; வேறுபாடு; அழகின்மை.

முழுப்பொருள்
ஒரு அரசருக்கு அன்றாட கடமையாதெனில் ஒவ்வொரு நாளும் மக்களை நாடி மக்களுக்காக  தீவிர ஆராய்ந்து நூல்கள் கூறியுள்ளதுபோல் அவர்களுக்கு தேவையானவற்றை பூர்த்தி செய்து மக்களின் இன்னலைகளை போக்குவது ஆகும். இதில் தனி நபர் தேவைகள் மட்டும் இன்றி நாட்டின் எல்லா தேவைகளையும் பூர்த்தி செய்ய வேண்டும். அதாவது விவசாயம், பாசனம், நீர்மேலாண்மை, உள்பாதுகாப்பு, எல்லை பாதுகாப்பு, வெளியுறவு, தொழில், வணிகம்,  வனம்/காடு, இயற்கை மேலாண்மை என்று எல்லா துறைகளிலும் அதன் தேவைகளை நாடி பூர்த்தி செய்யவேண்டும்.

அவ்வாறு ஒரு அரசன் செய்யவில்லை என்றால் அந்த நாட்டிற்கு ஒவ்வொரு நாளும் சிறிது சிறிதாக அழிவு உண்டாகும்.

இங்கே திருவள்ளுவர் நாள்தோறும் என்று இரண்டு தடவை கூறுவதற்கு காரணம் என்னவெனில் கடமைகளை தினம் தினம் ஆற்ற வேண்டும். ஒரு ஆறு மாதம் செய்து விட்டு மீதிநாட்களில் சும்மாக இருந்தால் பயன் ஒன்றும் இல்லை. ஒரு நாள் விடுபட்டாலும் அதனுடைய இன்னல்களை  சந்தித்தாக வேண்டும். அது மட்டும் இன்றி நாட்டின் பிரச்சனைகள் ஒரு நாளில் தீர்வதும் அல்ல அவற்றை களைவதற்கு சிறிது சிறிதாக செய்து முடிக்க வேண்டும். அவ்வாறு முடித்தாலும் அது மறுபடியும் வராமலிருக்க நாள்தோறும்  உழைக்க வேண்டும். ஒரு பழைய பிரச்னை முடிந்தால் ஒரு புதிய பிரச்னை இருக்கும். ஆதலால் வேலை என்பது எந்நாளும் இருக்கும்.

இக்குறள் அரசனுக்கு மட்டும் பொருந்தாது, இது ஒவ்வொரு குடும்ப தலைவனுக்கும் நிர்வாக தலைவனுக்கும் பொருந்தும்.  அரசன் என்ற சொல்லுக்கு கணவன் என்ற பொருளும் உண்டு. அறம், பொருள், இன்பம், வீடு என்பதை அறிவோம் நாம்.  ஒரு தன்னுடைய அறத்தை கடமையை தர்மத்தை ஆற்றவில்லை தேவையான பொருளை  ஈட்டவில்லை என்றால் அவனால் இன்பத்தை ருசிக்க முடியாது. கேடு விளைந்து அழிவு உண்டாகும்.

நான்கு வேடங்கள் - என்ற ஜெயமோகன் கட்டுரையை வாசித்தால் அறம், பொருள், இன்பம், வீடு பற்றி இன்னும் ஆழமாக அறியலாம்.

முதுமொழிக்காஞ்சி 9:1, “ஆர்கலி உலகத்து மக்கட்கெல்லாம் முறையில் அரசன் நாடுதல் கூர்ந்தன்று” என்று இக்குறளை ஒட்டிச் சொல்கிறது.

திருமூலரின் திருமந்திரப்பாடல் 239, ஒன்றும் இக்குறளின் கருத்தை ஒட்டியதே.

நாடோறும் மன்னவன் நாட்டில் தவநெறி 
நாடொறும் நாடி அவன்நெறி நாடானேல் 
நாடோறும் நாடுகெடும் மூடம் நண்ணுமால் 
நாடோறுஞ் செல்வம் நரபதி குன்றுமே”

ஆவையும் பாவையும் மற்றற வோரையுந் தேவர்கள் போற்றுந் திருவேடத்தாரையுங் காவலன் காப்பவன் காவா தொழிவனேல் மேவும் மறுமைக்கு மீளா நரகமே” என்றும், செங்கோல்முறை தவறும் மன்னர்க்கு நரகமே என்றும், அவரே கூறுவார்!

“பழிபடர் மன்னவன் பரித்த நாட்டினூஉங்
கழிவதென் காரணம் அறிஞ கூறென்றான்” (கம்ப.தாடகை 20)

மேலும்: அஷோக் உரை
நாள்தொறும் நாடிழத்தலாவது,
"கோத்தொழி லாளரொடு கொற்றவன் கோடி
வேத்திய லிழந்த வியனிலம்

நல்லியல் பிழந்து நடுங்குதுய ருறுத்து வதால்" . (சிலப். 11:60 - 45) வரவர வளங்குன்றுதலும் , குடிகளின் அரசப்பற்றுக் குறைதலும், பகைவரால் அல்லது அருள்பூண்ட செங்கோலரசராற் சிறிது சிறிதாக நிலங்கைப்பற்றப் பெறுதலுமாம் . நாடு அரசிற்கு உறுப்பாகலின், சினைவினை முதல்மேல் நின்றது.

பரிமேலழகர் உரை
நாள்தொறும் நாடி முறை செய்யா மன்னவன் - தன் நாட்டு நிகழும் தீமைகளை நாள்தோறும் ஆராய்ந்து அதற்கு ஒக்க முறைமையைச் செய்யாத அரசன், நாள்தொறும் நாடு கெடும் - நாள்தோறும் நாடு இழக்கும்.
(அரசனுக்கு நாடு, உறுப்பு ஆகலின், அதன் வினை அவன்மேல் நின்றது. இழத்தல்: பயன் எய்தாமை. 'மன்னவன் நாடு நாள்தொறும்கெடும்' என்று உரைப்பாரும் உளர்.).

மணக்குடவர் உரை
குற்றமும் குணமும் நாடோறும் ஆராய்ந்து அதற்குத் தக்க முறை செய்யாத அரசன் நாடு நாடோறும் கெடும். இது நாடு கெடுமென்றது.

மு.வரதராசனார் உரை
நாள் தோறும் தன் ஆட்சியில் நன்மை தீமைகளை ஆராய்ந்து முறைசெய்யாத அரசன், நாள் தோறும் (மெல்ல மெல்லத்) தன் நாட்டை இழந்து வருவான்.

சாலமன் பாப்பையா உரை
நாட்டில் நடக்கும் தீமைகளை நாளும் பார்த்து, ஆராய்ந்து, ஏற்ற நீதியை வழங்காத ஆட்சியாளன் தன் பதவியை நாளும் இழப்பான்.

English Meaning - As I taught a kid - Rajesh
Everyday a King has to perform his duties in order to develop the country, improve the quality of life of the people, protect the country and prepare of the future. He should have appropriate teams in place to gather data , get plans done by experts, make decisions, approve plans, oversee the execution of plans and results of the plans etc. The King who fails to do perform his daily job will see his country ruining everyday. This applies to the head of a family, leader or CEO of a company etc

Questions that I ask to the kid
A country is ruining daily. Why?

056 கொடுங்கோன்மை

பால் - பொருட்பால்
இயல் - அரசியல்
அதிகாரம் - கொடுங்கோன்மை

சுட்டியை தட்டுக (குறளே இங்கு சுட்டி)

குறள் 551
கொலைமேற்கொண் டாரிற் கொடிதே அலைமேற்கொண்டு 
அல்லவை செய்தொழுகும் வேந்து

குறள் 552
வேலொடு நின்றான் இடுவென் றதுபோலும் 
கோலொடு நின்றான் இரவு

குறள் 553
நாடொறும் நாடி முறைசெய்யா மன்னவன்
நாடொறும் நாடு கெடும்

குறள் 554
கூழுங் குடியும் ஒருங்கிழக்கும் கோல்கோடிச் 
சூழாது செய்யும் அரசு

குறள் 555
அல்லற்பட்டு ஆற்றாது அழுதகண் ணீரன்றே
செல்வத்தைத் தேய்க்கும் படை

குறள் 556




குறள் 560
ஆபயன் குன்றும் அறுதொழிலோர் நூல்மறப்பர்
காவலன் காவான் எனின்

ஆபயன் குன்றும் அறுதொழிலோர்

குறள் 560
ஆபயன் குன்றும் அறுதொழிலோர் நூல்மறப்பர்
காவலன் காவான் எனின்
[பொருட்பால், அரசியல், கொடுங்கோன்மை]

பொருள்
இரண்டாம்உயிரெழுத்து; குரலிசையின்எழுத்து; பெற்றம் மரை எருமைஇம்மூன்றன்பெண்பாற்பெயர்; இடபம் ஆன்மா காண்க:ஆச்சா; விதம் ஆகுகை; ஆவது ஓர்இரக்கக்குறிப்பு; வியப்புக்குறிப்பு; இகழ்ச்சிக்குறிப்பு; புழுக்கக்குறிப்பு; நினைவுக்குறிப்பு; ஈற்றில்வரும்வினாவிடைச்சொல்; எதிர்மறையைக்குறிக்கும்சாரியை; எதிர்மறைஇடைநிலை; பலவின்பால்எதிர்மறைவினைமுற்றுவிகுதி; உடன்பாட்டுஇறந்தகாலவினையெச்சவிகுதி; தொடங்கிஅல்லதுவரையும்எனப்பொருள்தரும்ஒருவடமொழிஇடைச்சொல்.

பயன் பலன்; வினைப்பயன்; சொற்பொருள்; செல்வம்; பழம்; அகலம்; சாறு; பால்; வாவி; அமுதம்; நீர்.

குன்றும் - குறைதல்; அழிவுறுதல்; நிலைதாழ்தல்; எழுத்துக்கெடுதல்; வாடுதல்:வளர்ச்சியறுதல்.

அறுதொழிலோர் aṟu-toḻilōr   n. ஆறு³+. Brāhmans; பிராமணர்.

நூல் - பஞ்சிநூல்; பூணூல்; மங்கலநாண்; எற்றுநூல்; ஆண்குறியிலுள்ளநரம்பு; ஆண்குறி; ஆயுதவகை; சாத்திரம்; ஆகமம்; ஒருநாடகநூல்; ஆலோசனை;
நூல் - ஒருவர் நூல்களால் பெற்ற அறிவு

மற-த்தல் - maṟa-   12 v. tr. [T. maṟacu.]1. To forget; அயர்த்தல். மறவற்க மாசற்றார்கேண்மை (குறள், 106). 2. To neglect, disregard;அசட்டைசெய்தல். 3. To put an end to; to giveup; ஒழிதல். மறத்தல் வெகுளியை யார்மாட்டும்(குறள், 303).
மறப்பர்

காவலன் - பாதுகாப்போன்; அரசன்; மெய்காப்பாளன்; கணவன்; கடவுள்

கா - ஓர்உயிர்மெய்யெழுத்து(க்+ஆ); சோலை; கற்பகமரம்; பாதுகாப்பு; காவடித்தண்டு; துலாக்கோல்; ஒருநிறையளவு; தோட்சுமை; பூமுதலியனஇடும்பெட்டி; அசைச்சொல்; கலைமகள்

காவான் - பாதுகாக்கவில்லை / கடமையை செய்யவில்லை

எனின் - என்றால், என்றுசொல்லின்; என்கையால்.

முழுப்பொருள்
ஒரு அரசன் தனது கடமைகளை செய்யவில்லை என்றால், அதாவது மக்களையும், நாட்டின் செல்வத்தையும், செல்வம் எனப்படும் அறிவுச்செல்வத்தையும் பொருட்செல்வத்தையும், காக்கவில்லை என்றால் அந்த நாட்டில் எல்லா செல்வங்களும் குறையும், அறத்தொழில் செய்யும் பிராமணர்கள் தாங்கள் கற்ற நூலில் இருந்து பெற்ற அறிவினை மறந்துப்போவார்கள்.

பயன் என்ற சொல்லுக்கு பால் என்ற பொருளை பல உரைகள் கூறுகின்றன. பால் வளம் என்பது எல்லா தேசங்களிலும் பிரதானமான ஒன்று என்று சொல்ல முடியாது. ஆதலால் பயன் என்ற சொல்லுக்கு செல்வம் என்பதே பொருந்தும். செல்வம் என்றால் விவசாயம், விலங்குகள், மக்கள் என்று அனைத்துச்செல்வங்களும் அடங்கும். அரசன் சரியாக ஆட்சி செய்யவில்லை என்றால் இச்செல்வங்கள் குறையும்.

அறுதொழிலோர் என்று இங்கு பிராமணர்களை கூறப்படுகிறது. ஆனால பிறப்பால் பிராமணர்கள் என்று கூறப்படவில்லை. மனுஸ்ம்ருதிகள் பிராமணர்களுக்கு வகுக்கபட்ட ஆறு தொழில்களை செய்யும் பிராமணர்களை குறிக்கிறது.  ஞானம் மூலமும் ஆசாரங்கள் மூலமும் உருவாகும் முதன்மை இங்கு குறிக்கிறது. ஆதலால் அரசன் சரியாக ஆட்சி செய்யவில்லை என்றால் வேறு எந்த தொழிலையும் செய்யாமல் கல்வி கற்பதையும் வேள்வி செய்வதையும் மட்டும் கொண்ட பிராமணர்களை அரசால் சரிவர பாதுக்காக்க முடியாது. அப்படி பிராமணர்களை பாதுகாக்கவில்லை என்றால் அவர்கள் தலைமுறை தலைமுறையாக காத்து வரும் அறிவினை ஞானத்தினை மறந்துப்போவார்கள். ஞானம் ஒரு நாட்டின் மிக பெரிய சொத்து. அதனை ஒரு நாடு இழக்கும் என்றால் அதனை திரும்ப பெற பல நூற்றாண்டுகள் கூட ஆகும். அது ஆபத்தானது. அழிவானது.

நாட்டையும் மக்களையும் பாதுகாப்பது அரசனின் தலையாய கடமை. அதனை செய்யவில்லை என்றால் அது கொடுங்கோல் ஆட்சியாகும். அனைத்து செல்வங்களும் குன்றும்.

மேலும்: அஷோக் உரை

அதேபோல பிராமணர்களைப்பற்றி அல்லது பிராமணத்தன்மை பற்றி குறள் சொல்வதென்ன என்றும் பார்க்கலாம். அந்தணர் என்று குறள் சொல்வது பிராமணர்களை அல்ல என்றுதான் கொள்ள வேண்டியிருக்கிறது. அறவழி நின்றவர் என்ற பொருளில் அது பயின்றுவருவதனாலும் குறளின் பொதுவான கருத்துநிலையாலும் அது அறிவர் என்றும் அறவோர் என்றும் சமணர்களால் சொல்லப்படும் துறவிகளையே குறிக்கிறது என்று எடுத்துக்கொள்ளலாம். குறட்பாக்கள் அதற்குத்தான் பொருந்தி வருகின்றன.

ஆனால் குறள்
ஆபயன் குன்றும் அறுதொழிலோர் நூல் மறப்பர்
காவலன் காவான் எனின் [ குறள் 560]

என்று சொல்லும் இடத்தில் அது பிராமணர்களையே குறிக்கிறது. இங்கே புராதன ஸ்மிருதிகள் வகுத்த ஆறு தொழில்களையே குறிக்கிறது என்பது தெளிவு. வேதங்களின் விளக்கநூலான சதபத பிராமணத்தில்தான் பிராமணர்களின் ஆறு தொழில்கள் சுட்டப்படிருக்கின்றன. பின்னர் யாக்ஞவல்கிய ஸ்மிருதி பத்துவகையான ஆசாரங்களை அவர்களுக்கு பட்டியலிடுகிறது.  பின்னர் வந்த ஸ்மிருதிகளில் பதினாறு ஆசாரங்களாக அவை மேலும் விரித்துரைக்கப்பட்டிருக்கின்றன. இவையனைத்துமே கல்வியையும் வேள்வியையும் மட்டுமே செய்து அதற்குரிய வாழ்க்கைநெறியைக் கடைப்பிடித்து வாழவேண்டியவர்களாக பிராமணர்களை வகுத்துரைப்பவை.

குறள் அறுதொழிலோர் நூல்மறப்பர் என்ற சொல்லாட்சியின் வழியாக பிராமணர்களின் இந்த செயல்சார்ந்த அடையாளத்தையே முன்னிறுத்துகிறது என்று சொல்லலாம். பிறப்பின் அடிப்படையில் பிராமணர்களுக்கு வரக்கூடிய மேலிடத்தையோ உரிமைகளயோ அது பொருட்படுத்தவில்லை. ஞானம் மூலமும் ஆசாரங்கள் மூலமும் உருவாகும் முதன்மையையே அது கணக்கில் கொள்கிறது. பிறப்பொக்கும் எல்லா உயிர்க்கும் சிறப்பொவ்வா செய்தொழில் வேற்றுமையான் என்ற குறளில் உள்ள செய்தொழில் என்ற சொல்லுடன் இங்குள்ள அறுதொழில் என்ற வரியை இணைத்துக்கொள்ளலாம்.

ஆக, முழுமையாக மனு முதலிய ஸ்மிருதிகளில் இருந்து வேறுபட்டுச் செல்கிறது குறள்.

பரிமேலழகர் உரை
காவலன் காவான் எனின் - காத்தற்குரிய அரசன் உயிர்களைக் காவானாயின், ஆ பயன் குன்றும் - அறன் இல்லாத அவன் நாட்டுப் பசுக்களும் பால் குன்றும், அறு தொழிலோர் நூல் மறப்பர் - அந்தணரும் நூல்களை மறந்துவிடுவர்.
(ஆ பயன்: ஆவாற்கொள்ளும் பயன். அறுதொழிலாவன: ஓதல், ஓதுவித்தல், வேட்டல், வேட்பித்தல், ஈதல், ஏற்றல் என இவை. பசுக்கள் பால் குன்றியவழி அவியின்மையானும், அது கொடுத்தற்குரியார் மந்திரம் கற்பம் என்பன ஓதாமையானும், வேள்வி நடவாதாம்; ஆகவே, வானம் பெயல் ஒல்லாது என்பதாயிற்று. இவை இரண்டு பாட்டானும் அவன் நாட்டின்கண் நிகழும் குற்றம் கூறப்பட்டது.).

மணக்குடவர் உரை
பசுக்கள் பால் குறையும்: அந்தணர் வேதம் ஓதார்: அரசன் காவானாயின். இது காவாமையால் வருங் குற்றங் கூறிற்று.

மு.வரதராசனார் உரை
நாட்டைக் காக்கும் தலைவன் முறைப்படி காக்காவிட்டால், அந் நாட்டில் பசுக்கள் பால் தருதலாகிய பயன் குன்றும், அந்தணரும் அறநூல்களை மறப்பர்.

சாலமன் பாப்பையா உரை
காவல் செய்யவேண்டிய ஆட்சியாளர் மக்களைக் காவாத, போனால், அறனற்ற அவர் நாட்டில் பால் வளம் குறையும். ஞானியர் நூல்களை மறந்துவிடுவர்.

055 செங்கோன்மை

பால் - பொருட்பால்
இயல் - அரசியல்
அதிகாரம் - செங்கோன்மை

சுட்டியை தட்டுக (குறளே இங்கு சுட்டி)

குறள் 541
ஓர்ந்துகண் ணோடாது இறைபுரிந்து யார்மாட்டும் 
தேர்ந்துசெய் வஃதே முறை

குறள் 542
வானோக்கி வாழும் உலகெல்லாம் மன்னவன் 
கோல்நோக்கி வாழுங் குடி

குறள் 543
அந்தணர் நூற்கும் அறத்திற்கும் ஆதியாய்
நின்றது மன்னவன் கோல்

குறள் 544
குடிதழீஇக் கோலோச்சும் மாநில மன்னன்
அடிதழீஇ நிற்கும் உலகு

குறள் 545
இயல்புளிக் கோலோச்சும் மன்னவன் நாட்ட
பெயலும் விளையுளும் தொக்கு

குறள் 546

குறள் 547
இறைகாக்கும் வையகம் எல்லாம் அவனை
முறைகாக்கும் முட்டாச் செயின்




அந்தணர் நூற்கும் அறத்திற்கும்

குறள் 543 
அந்தணர் நூற்கும் அறத்திற்கும் ஆதியாய் 
நின்றது மன்னவன் கோல்
[பொருட்பால், அரசியல், செங்கோன்மை]

பொருள்
அந்தணர் - அந்தணர்வாக்கு antaṇar-vākku   n. id. +. The Vēdas; வேதம். (சிந்தா. நி. 156.)
அந்தணன் -  வேதத்தின் அந்தத்தை அறிபவன்; அழகிய தட்பத்தினையுடையவன், செந்தண்மையுடையவன்; பெரியோன் முனிவன் கடவுள் பார்ப்பான் சனி வியாழன்

நூற்கும் - நூற் - nūṟ   [in combin. for நூல்.] See நூன்; நூலின் உட்பகுதியாய் முடியும் உறுப்பு; நூற் பொருளினது நோக்கம்; நூலின் இறுதி.

அறத்திற்கும் - அறம் - தருமம்; புண்ணியம் அறச்சாலை தருமதேவதை யமன் தகுதியானது; சமயம் ஞானம் நோன்பு இதம் இன்பம் தீப்பயன்உண்டாக்கும்சொல்.

ஆதியாய் - ஆதி - தொடக்கம்; தொடக்கமுள்ளது; காரணம் பழைமை கடவுள் எப்பொருட்கும்இறைவன்; சூரியன் சுக்கிரன் திரோதானசக்தி; காண்க:ஆதிதாளம்; அதிட்டானம் ஒற்றி காய்ச்சற்பாடாணம் மிருதபாடாணம்; நாரை ஆடாதோடை குதிரையின்நேரோட்டம்; மனநோய்

நின்றது - நிலைத்தபொருள்; தாவரம்; எஞ்சியது.

மன்னவன் - maṉṉavaṉ   n. மன்னு-. 1.See மன்னன். முறை செய்து காப்பாற்று மன்னவன்(குறள், 388). 2. Indra; இந்திரன். மாலை வெண்குடை மன்னவன் கோயிலும் (சிலப். 5, 173).
கோல்

மன்னன் - அரசன்; எப்பொருட்குமிறைவன்; கணவன்; தலைவன்; முப்பத்திரண்டுக்குமேல்நாற்பத்தெட்டுவயதுக்குட்பட்டஆடவன்; உத்தரட்டாதிநாள்.

கோல் - கம்பு; மரக்கொம்பு; ஊன்றுகோல்; செங்கோல்; அளவுகோல்; எழுதுகோல்; ஓவியந்தீட்டுங்கோல்; முத்திரைக்கோல்; தீக்கடைகோல்; பிரம்பு; குதிரைச்சம்மட்டி; கொழு; அம்பு; ஈட்டி; குடைமுதலியவற்றின்காம்பு; யாழ்நரம்பு; துலாக்கோல்; துலாராசி; அரசாட்சி; ஐப்பசிமாதம்; அணியின்சித்திரவேலை; தூண்டில்; இலந்தைமரம்; தெப்பம்; திரட்சி.

முழுப்பொருள்
அந்தணர் நூல் என்றதால் ஒரு வருணத்தாருக்கும் மட்டுமான நூல் என்று பொருளில்லை. அந்தணர் ஓதுவது என்றும், இறைவனையே அறவாழி அந்தணன் என்று வள்ளுவரே சொல்லுவதால், இறைவன் அளித்த மறைமொழி என்று கொள்ளுதலே நன்றாகும்.

வேதம் என்கிற மறைநூல் அல்லது பொதுவாக இறைவன் அளித்த மறைநூல்கள் மிகவும் முக்கியமானவை. அவை மனிதன் பின்பற்ற வேண்டியவற்றை கூறும் நூல்களாகும். அத்தகைய நூல்கள் பின்பற்றுவதற்கு தேவையானது நல்ல ஆட்சியாகும். அதாவது மன்னனின் செங்கோல். ஏனென்றால் ஆட்சி நிர்வாகம் ஒழுங்காக இருந்தால் தான் மக்கள் அமைதியாக இருப்பார்கள். அவர்களும் மறைநூல்களை கற்று அறிந்து உணர்ந்து பின்பற்ற முடியும். ஆட்சி சரியாக இல்லையென்றால் மக்களின் துன்பங்கள் அதிகமாக இருக்கும். வேலை இருக்காது, பஞ்சம் இருக்கும், திருட்டு இருக்கும், அச்சம் இருக்கும். இப்படி பல இன்னல்களை சந்தித்தால் மக்களால் எப்படி மறைநூல்களை கற்கக்கூடிய மனம் இருக்கும்? ஆதலால் மன்னவனின் செங்கோல் ஆட்சி எல்லாவற்றிற்கும் ஆதாரமாய் உள்ளது.

மேலும்: அஷோக் உரை

பரிமேலழகர் உரை
அந்தணர் நூற்கும் அறத்திற்கும் ஆதியாய் நின்றது - அந்தணர்க்கு உரித்தாய வேதத்திற்கும், அதனால் சொல்லப்பட்ட அறத்திற்கும் காரணமாய் நிலைபெற்றது, மன்னவன் கோல் - அரசனால் செலுத்தப் படுகின்ற செங்கோல். 
(அரசர் வணிகர் ஏனையோர்க்கு உரித்தாயினும், தலைமை பற்றி அந்தணர் நூல் என்றார். 'மாதவர் நோன்பும் மடவார் கற்பும், காவலன் காவல்' (மணி. 22 208 209) அன்றித் தம் காவலான் ஆகலின், ஈண்டு 'அறன்' என்றது அவை ஒழிந்தவற்றை. வேதமும் அறனும் அநாதியாயினும் செங்கோல் இல்வழி நடவா ஆகலின், அதனை அவற்றிற்கு 'ஆதி' என்றும், அப் பெற்றியே தனக்கு ஆதியாவது பிறிதில்லை என்பார் 'நின்றது' என்றும் கூறினார். இவை இரண்டு பாட்டானும் செங்கோலது சிறப்புக் கூறப்பட்டது.) .

மணக்குடவர் உரை
அந்தணர்க்கு உரித்தாகிய வேதத்திற்கும் அதனால் கூறப்பட்ட அறத்திற்கும் முதலாக நின்றது அரசன் செய்யும் முறைமை.

மு.வரதராசனார் உரை
அந்தணர் போற்றும் மறைநூலுக்கும் அறத்திற்கும் அடிப்படையாய் நின்று உலகத்தைக் காப்பது அரசனுடைய செங்கோலாகும்.

சாலமன் பாப்பையா உரை
அறிவை வளர்த்துக் கொள்பவர்தம் ஞான நூல்களுக்கும், அறத்திற்கும் அடிப்படையாய் இருப்பது ஆளுவோரின் நேர்மையான ஆட்சியே.

054 பொச்சாவாமை

பால் - பொருட்பால்
இயல் - அரசியல்
அதிகாரம் - பொச்சாவாமை

சுட்டியை தட்டுக (குறளே இங்கு சுட்டி)

குறள் 531
இறந்த வெகுளியின் தீதே சிறந்த 
உவகை மகிழ்ச்சியிற் சோர்வு

குறள் 532
பொச்சாப்புக் கொல்லும் புகழை அறிவினை
நிச்ச நிரப்புக்கொன் றாங்கு

குறள் 533
பொச்சாப்பார்க் கில்லை புகழ்மை அதுஉலகத்து
எப்பால்நூ லோர்க்கும் துணிவு

குறள் 534
அச்ச முடையார்க்கு அரணில்லை ஆங்கில்லை
பொச்சாப் புடையார்க்கு நன்கு

குறள் 535


குறள் 537
அரியஎன்று ஆகாத இல்லைபொச் சாவாக்
கருவியால் போற்றிச் செயின்



கேள்வியும் பதில்களாக (ஒரு முழுமையான புரிதலுக்காக. தொகுத்தலுக்காக)

மறதி (என்னும் சோர்வு) எத்தகையது? எவ்வளவு தீதானது? மறதி எங்கு பிறக்கிறது?
குறள் 531
இறந்த வெகுளியின் தீதே சிறந்த 
உவகை மகிழ்ச்சியிற் சோர்வு

மறதி என்ன செய்யும்? மறதி இருந்தால் அதன் விளைவு என்ன?
குறள் 532
பொச்சாப்புக் கொல்லும் புகழை அறிவினை
நிச்ச நிரப்புக்கொன் றாங்கு

மறதி இருப்பவர்களுக்கு என்ன கிடைக்காது?
குறள் 533
பொச்சாப்பார்க் கில்லை புகழ்மை அதுஉலகத்து
எப்பால்நூ லோர்க்கும் துணிவு

என்னிடம் செல்வம் இருக்கிறது. எனக்கு புகழ் வேண்டாம். செயல் வேண்டாம். ஆதலால் நான் ஏன் மறதியைப்பற்றி கவலைப்படவேண்டும்? 
குறள் 534
அச்ச முடையார்க்கு அரணில்லை ஆங்கில்லை
பொச்சாப் புடையார்க்கு நன்கு

நான் இப்பொழுது மகிழ்ச்சியுடன் இருக்கிறேன். பின்பு மகிழ்ச்சியில்லாமல் இருக்கும் ஒரு நிலைவருமானால் அன்று மறதியின் விளைவை உணர்ந்து அன்று முதல் மறதி இல்லாமல் இருக்கிறேன். ஆதலால் இன்று ஏன் மறதியைப் பற்றி பேசுகிறீர்கள்?
குறள் 535

சரி, மறவாமையால் நான் பெறக்கூடிய பயன் என்ன?

மறவாமையின் எல்லை என்ன? மறவாமையால் நான் என்ன வேண்டுமானாலும் அடையலாமா?
குறள் 537
அரியஎன்று ஆகாத இல்லைபொச் சாவாக்
கருவியால் போற்றிச் செயின்

நான் அடைந்த உயரங்கள் போதும். நான் கற்றவை போதும். இதுவே எனக்கு சந்தோஷம். எனக்கு இதைவிட உயரங்கள் வேண்டாம். மறவாமை ஏன் அவசியம்?
குறள் 538

நான் உயர்ச்சி அடைந்துவிட்டேன்! நான் வெற்றிப் பெற்றுவிட்டேன்! எனக்கு என்ன சொல்லுகிறீர்கள்?
குறள் 539

நான் இவ்வுயரங்களை அடைந்துவிட்டேன். மேன்மேலும் உயரங்கள் கடினமாக இருக்கிறது. என்ன சொல்லுகிறீர்கள்?
குறள் 540
உள்ளியது எய்தல் எளிதுமன் மற்றுந்தான் 
உள்ளியது உள்ளப் பெறின்

பொச்சாப்புக் கொல்லும் புகழை

குறள் 532
பொச்சாப்புக் கொல்லும் புகழை அறிவினை
நிச்ச நிரப்புக்கொன் றாங்கு
[பொருட்பால், அரசியல், பொச்சாவாமை]

பொருள்
பொச்சாவாமை  - மறவாமை - மறதி இல்லாமை - மறதியின்மை

பொச்சாப்புக் - மறதி; பொல்லாங்கு; குற்றம்; உறுதியின்றிமனம்நெகிழ்ந்திருக்கை.

கொல்லும் - kol-   3 v. tr. [K. M. kol.]1. To kill, slay, murder; வதைத்தல் கொன்றன்னவின்னா செயினும் (குறள், 109). 2. To destroy,ruin; அழித்தல் கொன்றான்காண் புரமூன்றும் (திருவாச. 12, 16). 3. To fell, cut down; வெட்டுதல் மரங்கொஃ றச்சர் (சிலப். 5, 29). 4. To reap, asthe heads of grain; கதிரறுத்தல். நெற்கதிரைக்கொன்று களத்திற் குவித்து (தொல். பொ 76, உரை).5. To afflict, tease; துன்பப் படுத்துதல் நின்னலங் காட்டி யெம்மைக் கொன்றாயென (சீவக. 642).6. To neutralize metallic properties by oxidation; இரசமுதலியவற்றின் விஷத்தன்மையைக் கெடுத்தல்  

புகழை - புகழ் - துதி; கீர்த்தி; அருஞ்செயல்; அகத்தி; வாகை

அறிவினை - அறிவு - ஞானம்; புத்தி பொறியுணர்வு; அறியவேண்டியவை; கல்வி ஆன்மா

நிச்சம் - நிச்சயம்; எப்பொழுதும்.

நிரப்புக் - நிறைவு; சமதளம்; சமாதானம்; வறுமை; குறைவு; சோர்வு; நிறைகுடத்தைச்சூழப்போடும்நெல்; மங்கலக்குறியாகநெல்வைத்துநிரப்பியநாழி.

ஆங்கு - அவ்விடம்; அக்காலத்தில்; அப்படி ஓர்உவமஉருபு; ஏழன்உருபு; ஓர்அசைநிலை.

கொன்றாங்கு -  கொல்வதுப் போல

முழுப்பொருள்
இளமைப் பருவம் கல்வி கற்கும் பருவம். “கொடிது கொடிது வறுமை கொடிது; அதனினும் கொடிது இளமையில் வறுமை” என்றார் ஔவையார். இளமையில் என்றும் வறுமையிலே வாடியவர்க்கு அறிவென்னும் செல்வம் வாய்க்காது, அழிந்துபடும். 

வள்ளுவரே அறிவுடைமை அதிகாரத்தில் அறிவு என்பது நம்மை துன்பத்திலிருந்து காக்கும் கருவி; எந்தவொரு பகையும் அதை அழிக்கமுடியாது என்பதை, குறள் 421 அறிவற்றங் காக்குங் கருவி செறுவார்க்கும் உள்ளழிக்க லாகா அரண்.என்னும் குறள் வாயிலாகச் சொல்லியிருக்கிறார் என்பதை முன்பே கண்டிருக்கிறோம். வறுமை என்பது துன்பமாயின் அறிவு நம்மை காக்கவேண்டும். இது கற்றபின் வறுமைக்கு என்றால் சரியாயிருக்கும். வறுமையினால் கல்வியே கற்க முடியாதவருக்கு அறிவைக் கொடாத கூற்றாகத்தான் வறுமையிருக்கும். 

ஆதலால் எப்பொழுதும் இருக்கும் வறுமையால் நாம் கல்வியினை பெற முடியாமல் போய்விடும். கல்வி இருந்தால் வறுமையில்லாமல் பார்த்துக்கொள்ளலாம். அதுவே அதன் சிறப்பு. வறுமை கல்வி கற்கும் வாய்ப்பினை கொன்றுவிடும்.

சில சமயங்களில் ஒருவர் நூல்கள் கற்ற அறிவுடையவர்களாக இருப்பர். ஆனால், வறுமையினால் திருடுதல், பொறாமைக்கொள்ளுதல், பிறர் பொருள்களை கவர முற்படுதல் போன்றவற்றில் ஈடுபடுவர். அதற்கு காரணம் வறுமை. வறுமை அவ்வளவு கொடியது. அதுப்போல் அவ்வளவு கொடியது மறதியும் ஆகும். வறுமை அறிவை அழிப்பதுப்போல் மறதி செயலையும் செல்வத்தையும் புகழையும் அழிக்கும் ஆற்றல் பெற்றது.

ஆதலால் மறதி சோம்பல் அலட்சியம் உறுதியின்மை என்னும் நோய்கள் ஒரு அரசனின் (ஒரு தலைவனின் / ஒருவரின்) புகழை கொன்று விடும் என்கிறார் திருவள்ளுவர். புகழ் என்றால் துதி என்று இங்கு அர்த்தம் ஆகாது. தான் செய்த அருஞ்செயலின் பலன்களை புகழ் என்று இங்கு கூறலாம். ஆதலால் மறதி சோம்பல் (..) முதலியவை ஈன்ற எல்லா பலன்களையும் அழித்துவிடும். செயலில் ஈடுப்பட்டுக்கொண்டு இருந்தால் பலனை அழியாமல் பார்த்துக்கொள்ளலாம். பலன்களை பெருக்க வேண்டும் என்றால் அதற்கு அரும்பாடுபட வேண்டும். மறதி சோம்பல் கொடியது. அதற்கு மருத்துவரீதியான காரணங்களும் உண்டு. செயலில் இல்லாத ஒன்று வேகமாக மறைந்துவிடும்.

உதாரணமாக எனது (நண்பர்) மருத்துவர் குழந்தை நிபணுத்துவத்தில் மிக நன்றாக படித்துவிட்டு அதில் பயிற்சி செய்யாமல் இருந்தால் (சூழ்நிலைகளால் மற்றும் மேல் படிப்பு படிக்க வேண்டும் என்று முயற்சியில் ஈடுப்பட்டு இருந்ததால்). அவர் படித்து முடிக்கும் பொழுது அத்துறையில் அவருக்கு நல்ல புகழ் (பலன், கல்வி, அனுபவம்) இருந்ததது. அவருடைய நண்பர் ஒரு அனுபவம் மிக்க உயர் அதிகாரி. அவர் எனது நண்பரிடம் கூறிய ஒன்று ஆறுமாதத்திற்குள் நீ பயிற்சியில் (clinical practice) ஈடுபடவில்லை என்றால் எல்லாம் நீராவி போன்று (evaporation) மறந்துவிடும். நீ இரண்டு வருடம் செய்த உழைப்பும் எல்லாம் வீணாகிவிடும் என்பதை மறவாதே. இது என்னுடைய வாழ்விலும் பார்த்ததுண்டு. மறதி கொடியது.

மறதி சோம்பல் உறுதியின்மை இல்லாமல் செயலில் ஈடுபட்டுக்கொண்டு வாழவேண்டும். பலன் குன்றாது.

இதனை திருக்குறள் கற்றலுக்கும் பொருத்திப்பார்க்கலாம். திருக்குறளை கற்றுவிட்டு அதனை செயலில் காண்பிக்க மறந்துவிட்டால் என்ன பயன்? தேக்கமே. திருக்குறள் சொல்லியவற்றை மறவாமல் தொடர்ந்து செயலாற்றினால் நம் புகழ் ஓங்கும்.

மேலும்: அஷோக் உரை
நிச்சநிரப்பாவது நாள்தோறும் வருந்தி இரந்துண்ணும் நிலைமை. 'அன்ன மொடுங்கினால் அஞ்சு மொடுங்கும்'.ஆதலாலும்,

"நற்பொருள் நன்குணர்ந்து சொல்லினு நல்கூர்ந்தார்
சொற்பொருள் சோர்வு படும்".

(குறள் . 1046)

ஆதலாலும், நிலையான வறுமை ஒருவனது அறிவைக் கெடுக்கும். அதுபோல் மறவியும் தற்காப்பின்மையாலும் கருமக்கேட்டாலும் அரசனது புகழை அழிக்கும் . வறுமையை நிரப்பென்பது மங்கல வழக்கான எதிர்மறைக் குறிப்பு .
ஒப்புமை
“அறிவுகெட நின்ற நல்கூர் மையே” (புறநா.266:13)

"குடிப்பிறப் பழிக்கும் விழுப்பம் கொல்லும்
பிடித்த கல்விப் பெரும்புணை விடூஉம்
நாணணி களையும் மாணெழில் சிதைக்கும் 
பூண்முலை மாதரொடு புறங்கடை நிறுத்தும்
பிசிப்பிணி என்னும் பாவி” (மணி. 11:76-80)

“பிறந்த குலம்மாயும் பேராண்மை மாயும்
சிறந்ததங் கல்வியும் மாயும் - கறங்கருவி
கன்மேற் கழூஉங் கணமலை நன்னாட 
இன்மை தழுவப்பட் டார்க்கு” (நாலடி.285)

“நீர்மையே யன்றி நிரம்ப எழுந்ததம்
கூர்மையும் எல்லாம் ஒருங்கிழுப்பர் - கூர்மையின்
முல்லை அலைக்கும் எயிற்றாய் இரப்பென்னும்
அல்லல் அடையப்பட்டார்” (நாலடி.289)

பரிமேலழகர் உரை
புகழைப் பொச்சாப்புக் கொல்லும் - ஒருவன் புகழினை அவன் மறவி கெடுக்கும், அறிவினை நிச்சநிரப்புக் கொன்றாங்கு - அறிவினை நிச்சம் நிரப்புக் கெடுக்குமாறு போல.
(நிச்ச நிரப்பு: நாள்தோறும் இரவான் வருந்தித் தன் வயிறு நிறைத்தல். அஃது அறிவு உடையான் கண் உண்டாயின் அவற்கு இளிவரவானும் பாவத்தானும் எள்ளற்பாட்டினை விளைத்து. அவன் நன்கு மதிப்பினை அழிக்கும்: அது போல மறவியும் புகழ் உடையான் கண் உண்டாயின், அவற்குத் தற்காவாமையானும், காரியக் கேட்டானும் எள்ளற்பாட்டினை விளைத்து அவன் நன்கு மதிப்பினை அழிக்கும் என்பதாயிற்று. இவை இரண்டு பாட்டானும் பொச்சாப்பினது குற்றம் கூறப்பட்டது.).

மணக்குடவர் உரை
மறவியாகின்றது புகழைக்கொல்லும்: நாடோறும் இரவால் வருந்தி வயிற்றை நிறைக்கும் ஊண் அறிவைக் கொல்லுமாறு போல.
இவை மூன்றினாலும் பொருளின்கண் கடைப்பிடித்தல் கூறினார்.

மு.வரதராசனார் உரை
நாள் தோறும் விடாமல் வரும் வறுமை அறிவைக் கொல்வது போல, ஒருவனுடைய புகழை அவனுடைய மறதிக் கொன்று விடும்.

சாலமன் பாப்பையா உரை
நித்த வறுமை அறிவைக் கொன்றுவிடுவது போல, மறதி புகழைக் கெடுத்துவிடும்.

Thirukkural - Management - Memory
Memory is the ability to store information and retrieve the stored information at the required time. Both storing and retrieving when needed are skills required to obtain a superior memory.

Poverty destroys the intellect of a person, as he cannot use his intellect for productive purposes. All day long, he can think only of poverty. There is no possibility or chances to employ his intellect when he is affected by poverty. Similarly, forgetfulness, or lack of superior memory, destroys the name, fame, and intellect of a person, claims Kural 532.

Laxity kills fame as a hand-to-mouth life
Kills the intellect.

Therefore, remember to remember facts, events, and people. Memory is the right source and resource of all achievements. 

சுற்றத்தால் சுற்றப் படஒழுகல்

குறள் 524
சுற்றத்தால் சுற்றப் படஒழுகல் செல்வந்தான்
பெற்றத்தால் பெற்ற பயன்
[பொருட்பால், அரசியல், சுற்றந்தழால்]
(For meaning in English, scroll to the bottom of this post)

பொருள்
சுற்றம் - உறவினரர்; பரிவாரம்; அரசர்க்குரிய துணையில் ஒன்று; கூட்டம்; ஆயத்தார்.

சுற்றத்தால் - சுற்றத்தினால்; உறவினர்களால், பரிவாரங்களால், அரசரின் துணைகள்

பற்று - பிடிக்கை; ஏற்றுக்கொள்கை; அகப்பற்றுப் புறப்பற்றுகளாகிய விருப்புகள்; சம்பந்தம்; ஒட்டு; பற்றாசு; பசை; சமைத்தபாண்டத்தில்பற்றிப்பிடித்திருக்கும்சோற்றுப்பருக்கை; சோற்றுப்பருக்கைஒட்டியுள்ளபாத்திரம்; உரிமையிடம்; தங்குமிடம்; பலஊர்களுடையநாட்டுப்பகுதி; பெற்றுக்கொண்டபொருள்; பற்றுக்கோடு; தூண்; அன்பு; நட்பு; வீட்டுநெறி; செல்வம்; இல்வாழ்க்கை; வயல்; கட்டு; கொள்கை; மருந்துப்பூச்சி; வாரப்பாடல்; சிற்றூர்; கலவைச்சுண்ணாம்புவகை.

சுற்றப்பட - சுற்றுப்பட்டு- பற்று 

ஒழுகல் - ஒழுகுதல்; நடத்தல்; பாய்தல்; உயர்ச்சி; நீளம்; முறையாகநடத்தல்; வளர்தல்; இளகுதல்.

செல்வம் - கல்வி; அழகு; செழிப்பு; நுகர்ச்சி; துறக்கம்; ஐசுவரியம்; மகளிரின்கொஞ்சற்பேச்சு.

தான் - தன்னுடைய

பெற்றம் - பெருமை; காற்று; எருது; மாடு; இடபராசி
பெற்றத்தால் - பெற்று - செல்வாக்கு; அடுக்கு; பெருக்கம்; எருது.

பெற்ற - பெறுதல் - அடைதல்; பிள்ளைபெறுதல்; பிறப்பித்தல்; அறிதல்; விலைத்தகுதியுடையதாதல்.

பயன் - பலன்; வினைப்பயன்; சொற்பொருள்; செல்வம்; பழம்; அகலம்; சாறு; பால்; வாவி; அமுதம்; நீர்.

முழுப்பொருள்
ஒருவர் தன்னுடைய பெருமைகளால் செல்வாக்கினால் பல செல்வங்களை பெறலாம்.  அவற்றினால் பல பயன்களை நாம் அடையக்கூடும். செல்வம் என்பது நிலையில்லாத ஒன்று. ஆதலால் அது நம்மை விட்டு விலகிவிடும். ஆதலால் அது உண்மையான நிலையான செல்வம் கிடையாது என்று நாம் சொல்லலாம்.

உண்மையான செல்வம் எது என்று சொன்னால் நம்மை சுற்றி இருக்கின்ற சுற்றத்தின் அன்பு. இங்கே திருவள்ளுவர் சுற்றப்பட்ட என்று சொல்லி பற்றினை முன்னிலை படுத்தி அன்பை அடிக்கோடிடுகிறார். ஏனெனில் பிரச்சனை நோய் பணத்தட்டுப்பாடு என்றால் மனிதர்களும் நம்மை விட்டு விலகக்கூடியவர்கள். சுயநலவாதிகள். ஆனால் உண்மையான அன்பு அப்படி இல்லை. அது என்றென்றும் நம்முடன் இருக்கும். அதனால் நம்மை சுற்றி இருக்கின்ற சுற்றங்களின் (உறவினர்களின், அக்கம் பக்கத்தில் உள்ளவர்களின்) உண்மையான அன்பினால் நாம் அடையக்கூடிய உயர்ச்சியே நாம் அடையும் உண்மையான செல்வம். அந்த அன்பு தான் உண்மையான செல்வம். அதுவே அவர்கள் பெற்ற பெருமையாலும் செல்வாக்கினாலும் பெற்ற பயன்.

ஒப்புமை
“தொலையாக் கொள்கைச்சுற்றம்  சுற்ற” (பதிற் 70:17)

“சிறியவன் செல்வம்போல் சேர்ந்தார்க்கு நிழலின்றி” (கலி.10:2)

“நடுக்குற்றுத் தற்சேர்ந்தார் துன்பம் துடையார்
கொடுத்துத்தான் துய்ப்பினும் ஈண்டுங்கால் ஈண்டும்
மிடுக்குற்றுப் பற்றினும் நில்லாது செல்வம்
விடுக்கும் வினையுலந்தக் கால்” (நாலடி.93)

”செல்வம் உடையாரும் செல்வரே தற்சேர்ந்தார்
அல்லல் களைப் வெனின்” (நாலடி 170)

நாலடியார் பாடல் ஒன்று இவ்வாறு சொல்கிறது. படிக்கும் போதே விளங்கும் பாடல்.
அழன்மண்டு போழ்தின் அடைந்தவர்கட் கெல்லாம்
நிழன்மரம்போல் நேரொப்பத் தாங்கிப் – பழுமரம்போல்
பல்லார் பயன்றுய்ப்பத் தான்வருந்தி வாழ்வதே
நல்லாண் மகற்குக் கடன். (நாலடி 202)

”மல்லற் பெருஞ்செல்வம் மாண்டவர் பெற்றக்கால்
செல்வழியும் ஏமாப்பச் செய்வதாம்” (பழமொழி 289)

“தமக்குற்ற தேயாகத் தம்மடைந்தார்க் குற்ற
தெமக்குற்ற தென்றுணரா விட்டக்கால் என்னாம்” (பழமொழி 368)

அறநெறிச்சாரப் (76) பாடலொன்றும், இதே கருத்தை எளிதாக இவ்வாறு சொல்கிறது.

செல்வத்தைப் பெற்றார்சினங்கடிந்து செவ்வியராய்ப்
பல்கிளையும் வாடாமல் பாத்துண்டு – நல்லவாம்
தானம் மறவாத தன்மையரேல் அஃதென்பார்
வானகத்து வைப்பதோர் வைப்பு (அறநெறி 76)

“ஆரியன் அருளில் போயவ் வகன்மலை யகத்த னான
சூரியன் மகனும் மானத் துணைவரும் கிளையும் சுற்ற” (கம்ப.அரசியல் 52)

“அடைந்தவர்க் கருளா னாயின் அறமென்னாம் ஆண்மையென்னாம்” (கம்ப.விபீடணன்.111)

மேலும்: அஷோக் உரை


பரிமேலழகர் உரை
செல்வம் பெற்றத்தால் பெற்ற பயன் - செல்வம் பெற்ற அதனால் ஒருவன் பெற்ற பயனாவது, சுற்றத்தால் தான் சுற்றப்பட ஒழுகல் - தன் சுற்றத்தால் தான் சூழப்படும் வகை அதனைத் தழீஇ ஒழுகுதல்.
(பெற்ற என்பதனுள் அகரமும் அதனான் என்பதனுள் அன்சாரியையும்தொடைநோக்கி விகாரத்தால் தொக்கன. இவ் வொழுக்குப்பகையின்றி அரசாள்தற்கு ஏதுவாகலின், இதனைச் செல்வத்திற்குப்பயன் என்றார். இவை மூன்று பாட்டானும் சுற்றந் தழால்செல்வத்திற்கு ஏதுவும் அரணும் பயனும் ஆம் என்பதுகூறப்பட்டது.).

மணக்குடவர் உரை
சுற்றத்தாராலே சூழப்பட ஒழுகுவது, செல்வத்தைப் பெற்றவதனால் உண்டான பயன். இது சுற்றஞ் சூழ்ந்து வருவதாக ஒழுக வேண்டுமென்றது.

மு.வரதராசனார் உரை
தக்கவழியில் செய்யப்படாத முயற்சி பலர் துணையாக நின்று(அதை முடிக்குமாறு) காத்த போதிலும் குறையாகிவிடும்.

சாலமன் பாப்பையா உரை
தன் சுற்றத்தால் தான் சூழப்படும்படி அவர்களைத் தழுவி வாழ்வதே ஒருவன் செல்வத்தைப் பெற்றதன் பயன் ஆகும்.

English Meaning - As I taught a kid - Rajesh
The true love and affection of people around us during both ups and downs is the real valuable wealth we could earn. Note: we should earn such relationships by being true to the relationship and contributing to the relationship. We should not take it granted for us. 

Questions that I ask to the kid
What is the real wealth that we could earn?

053 சுற்றந்தழால்

பால் - பொருட்பால்
இயல் - அரசியல்
அதிகாரம் - சுற்றந்தழால்

சுட்டியை தட்டுக (குறளே இங்கு சுட்டி)

குறள் 521
பற்றற்ற கண்ணும் பழைமைபா ராட்டுதல் 
சுற்றத்தார் கண்ணே உள

குறள் 522
விருப்பறாச் சுற்றம் இயையின் அருப்பறா
ஆக்கம் பலவும் தரும்

குறள் 523
அளவளா வில்லாதான் வாழ்க்கை குளவளாக்
கோடின்றி நீர்நிறைந் தற்று

குறள் 524
சுற்றத்தால் சுற்றப் படஒழுகல் செல்வந்தான்
பெற்றத்தால் பெற்ற பயன்

குறள் 525
கொடுத்தலும் இன்சொலும் ஆற்றின் அடுக்கிய
சுற்றத்தால் சுற்றப் படும்.

குறள் 526
பெருங்கொடையான் பேணான் வெகுளி அவனின்
மருங்குடையார் மாநிலத்து இல்





வாரி பெருக்கி வளம்படுத்து

குறள் 512
வாரி பெருக்கி வளம்படுத்து உற்றவை
ஆராய்வான் செய்க வினை
[பொருட்பால், அரசியல், தெரிந்துவினையாடல்]
(For meaning in English, scroll to the bottom of this post)

பொருள்
வாரி - வருவாய்; விளைவு; தானியம்; செல்வம்; மூட்டைகளைக்கட்டவுதவும்கழி; கூரையினின்று வடியும் நீரைக்கொண்டு செல்லுங்கால்; தோணிப்பலகை; மடை; சீப்பு; குப்பைவாருங்கருவி; தடை; மதிற்சுற்று; செண்டுவெளி; பகுதி; நீர்; வெள்ளம்; கடல்; நீர்நிலை; நூல்; திருமகள்; வீணைவகை; இசைக்குழல்; யானையகப்படுத்தும்இடம்; யானைகட்டுங்கயிறு; யானைக்கோட்டம்; வாயில்; கதவு; வழி; முறையில்என்னும்பொருளில்வரும்சொல்.

வாரி-த்தல் - vāri-   11 v. tr. vṛ. 1.To hinder, obstruct; தடுத்தல். (சூடா.) 2. Toasseverate, swear; ஆணையிட்டுக் கூறுதல். (யாழ்.அக.) 3. To conduct, drive, as a horse; நடத்துதல். பரிமா வாரித்த கோமான் (இறை. 13, உரை,பக். 91).

பெருக்கி - சுக்கிலம்; பெருக்கிக்காட்டுவது.

வளம் - செல்வம்; செழுமை; மிகுதி; பயன்; வருவாய்; நன்மை; மாட்சிமை; தகுதி; அழகு; பதவி; புனல்; உணவு; வாணிகப்பண்டம்; வெற்றி; வழி; பக்கம்.

படுத்து - வலிமை; திறமை.
படுத்தல் - செய்தல்; நிலைபெறச்செய்தல்; சேர்ப்பித்தல்; வளர்த்தல்; உடம்பிற்பூசுதல்; அழித்தல்; பரப்புதல்; தளவரிசையிடுதல்; ஒழித்தல்; வீழச்செய்தல்; எழுத்துகளின்ஒலியைத்தாழ்த்திக்கூறுதல்; கிடத்தல்; பறையறைதல்

உற்றது - நேர்ந்தது, நிகழ்ந்தசெயல்; உண்மை; இடுக்கண் (iṭukkaṇ   s. (இடுங்குக்+கண்) distress, affliction, straits, adversity, துன்பம்.).

உற்றவை -
ஆராய்வான் - ஆராய்தல் - சோதித்தல்; சூழ்தல் தேடுதல் சுருதிசேர்த்தல்

செய்க - ceykai   v. n. act, action, deed, performance, தொழில்; 2. artificial productions, செயற்கை, (opp. to விளைவு & இயல்பு; natural produce); 3. moral deeds, கிரியை; 4. a course of good conduct; 5. expedient, contrivance, means; 6. (prov.) forest land newly broken up and cultivated; held by grant or permission from government.

வினை - தொழில்; நல்வினை தீவினை என இருவகைப்பட்ட முன்னைவினை; வினைச்சொல்; செய்தற்குரியது; பரிகாரச்செயல்; முயற்சி; போர்; வஞ்சகம்; தந்திரம்; கருத்து; தொந்தரவு; சீழ்; இரண்டைக்குறிக்கும்குழூஉக்குறி.

முழுப்பொருள்
ஒரு செயலை செய்வதற்கான வழிகளை ஆராய்வது வாரி என்று கூறுகிறார் திருவள்ளுவர். அதேபோல் வாரி என்ற சொல்லுக்கு விளைவு, செல்வம் என்றும் அர்த்தம். ஆதலால் விளைவுகளை ஆராய்வது என்றும் எடுத்துக்கொள்ளலாம்.

இதற்கு இன்னொரு வகையிலும் பொருள் கொள்ளலாம் ஒரு செயலை செய்யும் பொழுது அதனுடைய விளைவை அறிய ஒரு வெள்ளோட்டமாக சிறிய ஒரு சோதனை செய்து பார்க்கலாம் (வணிக மேலாண்மையில் Pilot testing, A/B Testing என்று கூறுவர்)

பெருக்கி என்றால் ஒரு செயலின் விளைவுகளை பெருக்குதல் என்று பொருள்.

வளம் என்றால் பயன், மாட்சிமை, செல்வம் என்று பொருள். படுத்து என்றால் நிலைபெறச்செய்தல். செல்வத்தை நிலம்பெற செய்தல். செல்வம் நிலைபெறாது (குறிப்பு: நிலையாமை) என்றாலும் ஈன்ற செல்வத்தை விரையம் செய்யாமல் இயன்ற அளவு திறமையால் தக்கவைக்க முடியும்.

வந்த செல்வத்தினால் இருக்கும் உண்மையையும் அதில் உள்ள துன்பங்களையும் ஆராய்வது. உண்மை என்னவென்றால் செல்வம் நிலைபெறாத ஒன்று. ஆதலால் அதனை தக்க வைக்க அதனை ஆக்கப்பூர்வமாக பயன்படுத்த வழிகளை ஆராய்தல். வந்த செல்வம் விளைவு நமக்கு மமதையும் சோம்பலையும் செருக்கையும் கொடுக்கும். ஆதலால் அதையெல்லாம் ஆராய்ந்து அவற்றில் சிக்காமல் (சிக்கினால் தேங்கிவிடுவோம். செல்வம் வந்த வேகத்தில் சென்று விடும், (போக்கும் அதுவிளிந் தற்று)) செய்து கொண்டு இருக்கிற செயலை அல்லது வேறு பெரிய செயலை மேன்மேலும் சிறப்பாக செய்ய வேண்டும் 

ஆதலால் ஒரு செயலை பற்றி முழுமையாக ஆராய்ந்து, அதை செயல் படுத்த சிறந்த வழிகளை கண்டடைந்து, அச்செயலின் விளைவுகளை அறிந்து, (வெள்ளோட்டமாக சோதனை செய்து பார்த்து), செயலினை செய்யவேண்டும். அவ்வாறு செய்து நல்விளைவுகளை பலமடங்கு பெருக்கி வளம் செழிக்க செய்யவேண்டும். வெற்றியின் மமதையும் சோம்பலிலும் செருக்கிலும் சிக்காமல் அவ்வளம் நிலைபெறச் செய்யவேண்டும். அவ்விளைவினால் அல்லது அச்செல்வத்தினால் வரக்கூடிய ஆக்கப்பூர்வமான சாத்திக்கூறுகளையும் அதனால் வரக்கூடிய கேடுகளையும் அறிந்து கேடுகளை தவிர்த்து அச்செயலை செய்யவேண்டும். அவ்வாறு தெரிந்து வினையாட வேண்டும் என்று கூறுகிறார் திருவள்ளுவர்.

மேலும்: அஷோக் உரை


“செயல் துன்பத்தை அளிக்கிறதென்றால் அதிலிருந்து இன்பமும் எழக்கூடும். செயலாற்றும் முறை மட்டுமே பிழையென்றிருக்கும்” என்று இளைய யாதவர் சொன்னார். 

பரிமேலழகர் உரை
வாரி பெருக்கி - பொருள்வரு வாயில்களை விரியச் செய்து, வளம் படுத்து - அப்பொருளால் செல்வங்களை வளர்த்து, உற்றவை ஆராய்வான் -அவ் வாயில்கட்கும் பொருட்கும் செல்வங்கட்கும் உற்ற இடையூறுகளை நாள்தோறும் ஆராய்ந்து நீக்கவல்லவன், வினைசெய்க - அரசனுக்கு வினை செய்க.
(வாயில்களாவன: மேல் இறை மாட்சியுள் 'இயற்றலும் ' (குறள்,385) என்புழி உரைத்தனவும், உழவு,பசுக்காவல், வாணிகம் என்னும் வார்த்தையுமாம். செல்வங்களாவன. ஆண்டுப் பொருளும் இன்பமுமாக உரைக்கப்பட்டன. இடையூறுகளாவன: அரசன், வினை செய்வார், சுற்றத்தார்,பகைவர், கள்வர் என்று இவரான் வரும் நலிவுகள்.).

மணக்குடவர் உரை
பொருள் வருதற்கு இடமானவற்றை முன்பு நின்ற நிலையிற் பெருக்கி, அவ்விடங்களி லுண்டாகும் பயனை முன்பு நின்ற நிலையிலுண்டாக்கி, அவ்விடத்துற்ற மிகுதி குறைவுகளை ஆராயவல்லவன் வினை செய்வானாக. பொருள் வருதற்கிடமாவது நிலம் முதலான இடம்: அதனைப் பெருக்குதல்- பொருளும் இன்பமும் உண்டாகச் செய்தல்.

மு.வரதராசனார் உரை
பொருள் வரும் வழிகளைப் பெருக்கச் செய்து, அவற்றால் வளத்தை உண்டாக்கி, வரும் இடையூறுகளைஆராய்ந்து நீக்க வல்லவனே செயல் செய்ய வேண்டும்.

சாலமன் பாப்பையா உரை
பொருள் வரும் வழியை விரிவாக்கி, வந்த பொருளால் மேலும் செல்வத்தை வளர்த்து, அப்போது அதனாலும் வரும் இடையூறுகளை ஆராய்ந்து நீக்கக் கூடியவன் பணியாற்றுக

English Meaning - As I taught a kid - Rajesh
Who should do a work?
A person who can analyze a thing deeply and widely and can skillfully execute can do a work. 
How should one do a work?
Analyze the following 1) Find out the ways in which we can do a work 2) Find out the ways in which we can scale a work or grow/expand our knowledge/wealth/skills/work etc 3) strength/solidify the existing knowledge/wealth/resources 4) find out the hurdles/challenges in completing the task or retaining the knowledge/wealth.
Skillfully execute the task based on the knowledge gain from 1,2,3,4

Finding out ways to do a work also means a) explore different ways of doing a work b) deciding the best/optimal way to do a work under given limitations by running a pilot study or by A/B testing or by SWOT analysis 

Finding out ways to scale a work - doing a work for a smaller number (say 10 or 100) is different from doing a work for a bigger number (say 1 lakh or 1 million or 1 billion). One has to identify the challenges in scaling a work

Strengthening a work/knowledge is important - Consistency is key for success. Sustaining in excellence is key for long term success

Finding out challenges/hurdles will help prevent huge loss, disasters etc

Questions that I ask to the kid
Who should do a work? and how should one do a work? 

052 தெரிந்துவினையாடல்

பால் - பொருட்பால்
இயல் - அரசியல்
அதிகாரம் - தெரிந்துவினையாடல்

சுட்டியை தட்டுக (குறளே இங்கு சுட்டி)

குறள் 511
நன்மையும் தீமையும் நாடி நலம்புரிந்த
தன்மையான் ஆளப் படும்

குறள் 512
வாரி பெருக்கி வளம்படுத்து உற்றவை
ஆராய்வான் செய்க வினை

குறள் 513
அன்பறிவு தேற்றம் அவாவின்மை இந்நான்கும்
நன்குடையான் கட்டே தெளிவு

குறள் 514
எனைவகையான் தேறியக் கண்ணும் வினைவகையான்
வேறாகும் மாந்தர் பலர்

குறள் 515
அறிந்தாற்றிச் செய்கிற்பாற்கு அல்லால் வினைதான் 
சிறந்தானென்று ஏவற்பாற் றன்று

குறள் 516
செய்வானை நாடி வினைநாடிக் காலத்தோடு
எய்த உணர்ந்து செயல்





051 தெரிந்துதெளிதல்

பால் - பொருட்பால்
இயல் - அரசியல்
அதிகாரம் - தெரிந்துதெளிதல்

சுட்டியை தட்டுக (குறளே இங்கு சுட்டி)

குறள் 501
அறம்பொருள் இன்பம் உயிரச்சம் நான்கின் 
திறந்தெரிந்து தேறப் படும்

குறள் 502
குடிப்பிறந்து குற்றத்தின் நீங்கி வடுப்பரியும்
நாணுடையான் சுட்டே தெளிவு

குறள் 503
அரியகற்று ஆசற்றார் கண்ணும் தெரியுங்கால்
இன்மை அரிதே வெளிறு

குறள் 504
குணம்நாடிக் குற்றமும் நாடி அவற்றுள் 
மிகைநாடி மிக்க கொளல்

குறள் 505
பெருமைக்கும் ஏனைச் சிறுமைக்கும் தத்தம் 
கருமமே கட்டளைக் கல்

குறள் 506
அற்றாரைத் தேறுதல் ஓம்புக மற்றவர்
பற்றிலர் நாணார் பழி





குடிப்பிறந்து குற்றத்தின் நீங்கி

குறள் 502
குடிப்பிறந்து குற்றத்தின் நீங்கி வடுப்பரியும் 
நாணுடையான் கட்டே தெளிவு
[பொருட்பால், அரசியல், தெரிந்துதெளிதல்]

பொருள்
குடிப் - பருகுகை; மதுபானம்; மதுவுண்டமயக்கம்; புருவம்; குடியானவன்; குடியிருப்போன்; ஆட்சிக்குட்பட்டகுடிகள்; குடும்பம்; குலம்; வீடு; ஊர்; வாழிடம்.

பிறந்து - பிறத்தல், வெளிவரல்; தோன்றுதல்

குற்றத்தின் - குற்றம் - பிழை; பழி; துன்பம்; உடற்குறை; தீங்கு; அபராதம்; தீட்டு.

நீங்கி - நீங்குதல் - பிரிதல்; ஒழித்தல்; கடத்தல்; மாறுதல்; விடுதலையாதல்; தள்ளுண்ணுதல்; நடத்தல்; ஒழிதல்; நீந்துதல்; பிளவுபடுதல்; விரிந்துஅகலுதல்; சிதறுதல்.

வடுப் -  தழும்பு; மாம்பிஞ்சு; இளங்காய்; உடல்மச்சம்; உளியாற்செதுக்கினஉரு; புண்வாய்; குற்றம்; பழி; கேடு; கருமணல்; செம்பு; வாள்; வண்டு; பிரமசாரி; இளைஞன்; வைரவன்; புத்திசாலிப்பையன்

பரிதல் - பற்றுவைத்தல்; காதல்கொள்ளுதல்; இரங்குதல்; சார்பாகப்பேசுதல்; வருந்துதல்; பிரிதல்; அறுதல்; முறிதல்; அழிதல்; ஓடுதல்; வெளிப்படுதல்; அஞ்சுதல்; வருந்திக்காத்தல்; பகுத்தறிதல்; அறிதல்; அறுத்தல்; அழித்தல்; நீங்குதல்; கடத்தல்; உதிர்த்தல்; வாங்கிக்கொள்ளுதல்.

பரி -  செலவு; வேகம்; குதிரைநடை; குதிரை; அசுவினிநாள்; குதிரைமரம்; உயர்ச்சி; பெருமை; கறுப்பு; மாயம்; பருத்திச்செடி; பாதுகாக்கை; சுமை; துலை; ஊற்றுணர்வு; அன்பு; வருத்தம்; மிகுதிப்பொருள்குறிக்கும்ஓர்இடைச்சொல்.

பரியும் - வருந்துதல்

நாண் - வெட்கம்; மகளிர்க்குரியகூச்சம்; வில்நாண்; கயிறு; மாங்கலியங்கோத்தசரடு; காண்க:அரைஞா(நா)ண்

உடையான் - உடையவன்; உரிமைக்காரன் அரசன் தலைவன் கடவுள்

உடையான்கட்டே - உடையவர்களுக்கு 

தெளிவு - விளக்கம், துலக்கம்; உடற்செழிப்பு; பதநீர்; நினைவு; மனஅமைவு; அறிவு; நற்காட்சி; உளக்குறிப்பு; நீக்கம்; சான்று; ஆராய்வு; நம்பிக்கை; சாறு; கஞ்சித்தெளிவு; இலாபம்; பொருள்புலப்படஅமையும்செய்யுளின்குணம்; பாடற்பயன்வகை.

முழுப்பொருள்
தெளிவு என்றால் மன அமைதி என்று ஒரு பொருள் கூறப்படுகிறது. ஆதலால் மன அமைதியிற்கு தேவை நம்பிக்கை. நம்மேல் நமக்கு எப்போது நம்பிக்கை வரும் என்றால் நம் செயலை சரிவர செய்யும் பொழுது. ஒருவர் ஒரு செயலை செய்யும் பொழுது அவர் மட்டும் செய்து விட முடியாது. மற்றவருடைய பங்கேற்பும் தேவைப்படுகிறது. ஆதலால் அவர்களை சரிவர தேர்வு செய்தால் நமக்கு அமைதி கிடைக்கும்

எப்படி தேர்வு செய்யவேண்டும் என்று இக்குறளில் கூறுகிறார் திருவள்ளுவர். நல்ல குடும்பத்தில் பிறந்து, பழிகள் தன்மேல் இல்லாமல், குற்றங்கள் செய்யும் பாதையை நினையாமல், பழிகளுக்கு அஞ்சி, பழியென்றால் வெட்குபவரை தேர்ந்தெடுக்க வேண்டும். அவ்வாறு தெர்ந்தெடுத்தால் நமக்கு அமைதி கிடைக்கும்.

இக்குறளை நாம் நமது நண்பர்கள் தேர்வு, ஊழியர்கள் தேர்வு ஆகியவற்றுக்கும் பயன்படுத்தலாம்.

ஆதலால் தான் என்னவோ நமது பெற்றோர்கள் நம்மிடம் - அடுத்தவங்க நம்மள குத்தம் சொல்ற மாதிரி நடந்துக்ககூடாது என்று சொல்லுவார்களோ?

இக்குறளை திருமணத்தின் போது ஆண் பெண் பார்க்கும் பொழுதும் நினைவில்கொள்ளலாம் என்று நினைக்கிறேன்.

குடிப்பிறந்தார் வடுப்பரிதலை,
"அங்கண் விசும்பி னகனிலாப் பாரிக்குந்
திங்களுஞ் சான்றோரு மொப்பர்மன் - திங்கள் 
மறுவாற்றுஞ் சான்றோரஃ தாற்றார் தெருமந்து 
தேய்வ ரொருமா சுறின்."
(நாலடி . 151.)

மேலும்: அஷோக் உரை

ஒப்புமை
“குடிப்பிறந்து தன்கட் பழிநாணு வானை” (குறள் 794)

பரிமேலழகர் உரை
குடிப்பிறந்து - உயர்ந்த குடியில் பிறந்து, குற்றத்தின் நீங்கி - குற்றங்களினின்று நீங்கி, வடுப்பரியும் நாண் உடையான்கட்டே தெளிவு - தமக்கு வடு வருங்கொல் என்று அஞ்சாநிற்கும் நாணுடையவன் கண்ணதே அரசனது தெளிவு. 
(குற்றங்களாவன: மேல் அரசனுக்குச் சொல்லிய வகை ஆறும், மடி, மறப்பு, பிழைப்பு என்ற இவை முதலாயவும் ஆம். நாண்: இழிதொழில்களில் மனம் செல்லாமை. இவை பெரும்பான்மையும் தக்கோர்வாய்க் கேட்டலாகிய ஆகம அளவையால் தெரிவன. இந்நான்கும் உடையவனையே தெளிக என்பதாம்.).

மணக்குடவர் உரை
உயர்குடியிற் பிறந்து காமம் வெகுளி முதலான குற்றித்தினின்று நீங்கி, தனக்கு வரும் பழியை அறுக்கவல்ல நாணமுடையவன்கண்ணதே அரசனது தெளிவு. 
இதுவும் உடன்பாடென்று கொள்ளப்படுமென்றவாறு.

மு.வரதராசனார் உரை
நல்லகுடியில் பிறந்து குற்றங்களிலிருந்து நீங்கிப் பழியாச் செயல்களைச் செய்ய அஞ்சுகின்ற நாணம் உடையவனையே நம்பித் தெளிய வேண்டும்.

சாலமன் பாப்பையா உரை
நல்ல குடும்பத்தில் பிறந்து குற்றம் ஏதும் இல்லாதவனாய்ப் பழிக்கு அஞ்சி, வெட்கப்படுபவனையே பதவிக்குத் தெரிவு செய்யவேண்டும்.

050 இடனறிதல்

பால் - பொருட்பால்
இயல் - அரசியல்
அதிகாரம் - இடனறிதல்

சுட்டியை தட்டுக (குறளே இங்கு சுட்டி)

குறள் 491
தொடங்கற்க எவ்வினையும் எள்ளற்க முற்றும்
இடங்கண்ட பின்அல் லது

குறள் 492
முரண்சேர்ந்த மொய்ம்பி னவர்க்கும் அரண்சேர்ந்தாம்
ஆக்கம் பலவுந் தரும்.

குறள் 493
ஆற்றாரும் ஆற்றி அடுப இடனறிந்து
போற்றார்கண் போற்றிச் செயின்.

குறள் 494
எண்ணியார் எண்ணம் இழப்பர் இடனறிந்து
துன்னியார் துன்னிச் செயின்

குறள் 495
நெடும்புனலுள் வெல்லும் முதலை அடும்புனலின் 
நீங்கின் அதனைப் பிற





முரண்சேர்ந்த மொய்ம்பி னவர்க்கும்

குறள் 492
முரண்சேர்ந்த மொய்ம்பி னவர்க்கும் அரண்சேர்ந்தாம்
ஆக்கம் பலவுந் தரும்.
[பொருட்பால், அரசியல், இடனறிதல்]

பொருள்
முரண் - பகை; போர்; வலிமை; பெருமை; மாறுபாடு; காண்க:முரண்டொ(தொ)டை; முருட்டுக்குணம்; கொடுமை; மாணிக்கக்குற்றங்களுள்ஒன்று.

சேர்ந்த - சேர்தல் - ஒன்றுகூடுதல்; இடைவிடாதுநினைத்தல்; கலத்தல்; சம்பந்தப்படுதல்; நட்பாதல்; இயைதல்; உரித்தாதல்; சேகரிக்கப்படுதல்; திரளுதல்; செறிதல்; கிடத்தல்; உளதாதல்; செல்லுதல்; கூடுதல்; பொருந்துதல்; புணர்தல்; பெறுதல்; சென்றடைதல்; ஒப்பாதல்; நேசித்தல்.

மொய்ம்பன் - moympaṉ   n. மொய்ம்பு.Warrior; வீரன். வாளி . . . மொய்ம்ப ரகங்களைக்கிழித்து (கம்பரா. முதற்போ. 145).

மொய்ம்பு - moympu   n. prob. மொய்¹-.[K. muyvu.] 1. Strength, valour, prowess;வலிமை. முரண்சேர்ந்த மொய்ம்பினவர்க்கும் (குறள்,492). 2. Shoulder; தோள். பூந்தாது மொய்ம்பினவாக (கலித். 88.)

மொய்ம்பினவர்க்கும் - தன் வலிமையால் உலகை வெல்ல நினைப்பவர்கள்

அரண் - பாதுகாப்பு, காவல் கோட்டை சுற்றுமதில் காவற்காடு கவசம் வேலாயுதம் செருப்பு அழகு அச்சம்

சேர்ந்து சேர்தல் - ஒன்றுகூடுதல்; இடைவிடாதுநினைத்தல்; கலத்தல்; சம்பந்தப்படுதல்; நட்பாதல்; இயைதல்; உரித்தாதல்; சேகரிக்கப்படுதல்; திரளுதல்; செறிதல்; கிடத்தல்; உளதாதல்; செல்லுதல்; கூடுதல்; பொருந்துதல்; புணர்தல்; பெறுதல்; சென்றடைதல்; ஒப்பாதல்; நேசித்தல்.

ஆம் - நீர்; ஈரம் வீடு மாமரம் அழகு சம்மதங்காட்டும்சொல்; கேள்விப்பட்டதைக்குறிக்கும்சொல்; இகழ்ச்சிக்குறிப்பு; அனுமதி, தகுதி, ஊக்கம்குறிக்கும்சொல்; ஆவது ஆகிய சாரியை அசைநிலை தன்மைப்பன்மைவிகுதி; உளப்பாட்டுத்தன்மைப்பன்மைவிகுதி.

ஆக்கம் - ஆக்கக்கிளவி; அமைத்துக்கொள்ளுகை; கைகூடுகை; உண்டுபண்ணுகை; படைப்பு செல்வம் பொன் பெருக்கம் இலாபம் ஈட்டம் கொடிப்படை திருமகள் மங்களகரம் வாழ்த்து

பலவும் - ஒன்றுக்குமேற்பட்டவை

தரும் - தருதல் - trutl   v. noun. Giving, &c. See தா, v.,கொடை

முழுப்பொருள்
பகைவரை தன் வலிமையால் வெல்ல வேண்டும்  என்று நினைப்பவர்கள் அரசர்கள். அப்பொழுது போரில் இருதரப்பிலும் பல உயிர் சேதங்கள் ஆகக்கூடும். அப்போது அரசர் தன்பக்கம் பற்றிய உயிர் சேதங்களை பற்றி பெருவாரியாக கவலை பட மாட்டார். 

ஆனால் அந்த அரசர் தன் நாட்டை வளமாக ஆக்குவார். அதனால் பெருமையும் அடைவார். ஒரு பக்கம் வளம் சேர்த்தாலும். இன்னொரு பக்கம் அவர் பல உயிர்பலியிற்கு காரணமும் ஆகிறார். இது (வளம் சேர்த்தமையால் பெருமையும் போரினால் உயிர்பலியும் (அதனால் வெற்றியும் வாகையும்)) ஒரு முரண் ஆகும். அதனால் தான் முரண்சேர்ந்த மொய்ம்பினவர் என்கிறார் திருவள்ளுவர்

இத்தகைய அரசர்கள் பகைவரை வெல்லும் திறன் இருந்தாலும் தன்னுடைய நாட்டின் (உள் ) பாதுகாப்பை உறுதி செய்ய வேண்டும். தன்னுடைய படையின் (அதனுள் உள்ளடங்கிய அனைத்தையும் உதாரணமாக ஒற்றர்கள், மதிவயூகிகள்) திறமையை உறுதி செய்யவேண்டும். அப்படி தனது திறனையும் தனது நாட்டின் பாதுக்காப்பையும் தனது படையையும் ஒருசேர வலிமையாய் வைத்துக்கொள்ளும் அரசருக்கு பல வெற்றிகள் பலனாய் கிட்டும்.

மேலும்: அஷோக் உரை

பரிமேலழகர் உரை
முரண் சேர்ந்த மொய்ம்பினவர்க்கும் - மாறுபாட்டோடு கூடிய வலியினை உடையார்க்கும், அரண் சேர்ந்து ஆம் ஆக்கம் பலவும் தரும் - அரணைச் சேர்ந்து ஆகின்ற ஆக்கம் பல பயன்களையும் கொடுக்கும்.
(மாறுபாடாவது: ஞாலம் பொது எனப் பொறா அரசர் மனத்தின் நிகழ்வதாகலானும், வலியுடைமை கூறிய அதனானும்,இது பகைமேற் சென்ற அரசர் மேற்றாயிற்று. உம்மை - சிறப்பு உம்மை. அரண் சேராது ஆம் ஆக்கமும் உண்மையின்,ஈண்டு ஆக்கம் விசேடிக்கப்பட்டது. 'ஆக்கம்' என்றது அதற்கு ஏதுவாய முற்றினை. அது கொடுக்கும் பயன்களாவன: பகைவரால் தமக்கு நலிவின்மையும், தாம் நிலைபெற்று நின்று அவரை நலிதலும் முதலாயின.).

மணக்குடவர் உரை
பகை கொள்ளும் வலியுடையவர்க்கும் அரணைச் சேர்ந்தாகின்ற ஆக்கம் பலபயனையுந் தரும். இது பகைவரிடம் அறிதலே யன்றித் தமக்கு அமைந்த இடமும் அறிய வேண்டுமென்றது.

மு.வரதராசனார் உரை
மாறுபாடு பொருந்திய வலிமை உடையவர்க்கும் அரணோடு பொருந்தி ஏற்படுகின்ற வெற்றியானது பல வகைப் பயன்களையும் கொடுக்கும்.

சாலமன் பாப்பையா உரை
பகை உணர்வுகள் நிறைந்தும், ஆற்றலில் மிகுந்தும் இருப்பவர்க்குப் பாதுகாப்பான இடத்துள் இருப்பது பல பயன்களையும் தரும்.

பகல்வெல்லும் கூகையைக் காக்கை

குறள் 481
பகல்வெல்லும் கூகையைக் காக்கை இகல்வெல்லும்
வேந்தர்க்கு வேண்டும் பொழுது
[பொருட்பால், அரசியல், காலமறிதல்]

பொருள்
பகல் - pakal   n. பகு²-. 1. Dividing, separating; பகுக்கை. (பிங்.) நெருநைப் பகலிடங்கண்ணி (புறநா. 249). 2. Middle; நடு (திவா.)3. Middle position, impartiality; நடுவுநிலைமை அகல்வையத்துப் பகலாற்றி (பதிற்றுப். 90, 9).4. Middle or main peg in a yoke;நுகத்தாணி. நெடுநுகத்துப் பகல்போல (பட்டினப்.206). 5. Period of two nāḻikai; முகூர்த்தம் (பிங்.) ஒருபகல் காறு நின்றான் (சீவக. 2200). 6.Half of a yāmam; அரையாமம். அரையிருள் யாமத்தும் பகலுந் துஞ்சார் (சிலப். 4, 81). 7. Midday,noon; மத்தியானம் Colloq. 8. [T. pagalu,K. pagal, M. pakal.] Day, day time, as dividedfrom the night; காலைமுதல் மாலைவரையுள்ள காலம் பகல் விளங்குதியாற் பல்கதிர் விரித்தே (புறநா. 8). 9.The morning sun; இளவெயில் பாய்குழை நீலம்பகலாகத் தையினாள் (பரிபா. 11, 96). 10. Day of24 hours; அறுபது நாழிகைகொண்ட நாள் (திவா.)ஒல்வ கொடாஅ தொழிந்த பகலும் (நாலடி, 169). 11.The day of destruction of the universe;ஊழிக்காலம். துஞ்ச லுறூஉம் பகலுறு மாலை (பதிற்றுப். 7, 8). 12. Sun; சூ 

வெல்லும் - வெற்றிபெறுதல்; ஒத்தல்; ஒழித்தல்; மேம்படுதல்

கூகையைக் - கோட்டான், பேராந்தை; கூவைக்கிழங்கின்கொடி.

காக்கை - காகம்; அவிட்டநாள்

இகல் - பகை; போர் வலிமை சிக்கு அளவு புலவி

வெல்லும் - வெற்றிபெறுதல்; ஒத்தல்; ஒழித்தல்; மேம்படுதல்

வேந்தர்க்கு - வேந்தர் - சேரர், சோழர், பாண்டியர் ஆகிய மூன்று தமிழரசர்,
வேந்தன் - எல்லா ஆற்றலும் பெற்ற அரசன்; இந்திரன்; சந்திரன்; சூரியன்; வியாழன்.

வேண்டும் - vēṇṭum   v. opt. id. 1. Verbmeaning 'will be required' or 'will be necessary, indispensable'; இன்றியமையாது வேண்டத்தக்கது என்பது குறிக்கும் வியங்கோள்வினை.வேந்தனீயாகி வையமிசைபடக் காத்தல் வேண்டும்(சீவக. 201). 2. Verb in the future tense usedin all genders, numbers and persons, meaning(a) 'will be required'; இன்றியமையாதது என்றபொருளில் ஐம்பால் மூவிடத்திற்கும் உரியதாய் வரும்எதிர்கால வினைமுற்று. எனக்குப் புஸ்தகம் வேண்டும்:(b) 'will stand in relation to'; உறவு முதலியவற்றைக் குறித்து ஐம்பால் மூவிடத்திற்கும் உரியதாய்வரும் எதிர்கால வினைமுற்று. அவன் உனக்கு என்னவேண்டும்? 3. Auxilliary verb meaning 'must';அவசியம் என்பதைக் குறிக்கும் வினை

பொழுது - காலம்; தக்கசமயம்; வாழ்நாள்; கணம்; சிறுபொழுதுபெரும்பொழுதுகள்; சூரியன்

முழுப்பொருள்
ஆந்தையானது ஒரு பெரிய பறவை. அது பகலில் உறங்கி இரவில் விழித்திருக்கும் பறவை. அது தன் உடலால் (காக்கையை போன்ற சில பிறவைகளை விட) வலிமையானது. அதனை இரவில் வெல்லுவது மிகவும் கடுமையானது இயலாததும் ஆகும். ஆனால் அத்தகைய ஆந்தையை அதனை விட வலு குறைந்த காக்கை பகல் நேரங்களில் வென்றுவிடலாம். 

அதனைப்போன்று தன்னைவிட பெரிய பகைவரையும் ஒரு நாட்டின் அரசர் வென்றுவிட முடியும். ஆனால் அதற்கான தக்க நேரத்தை திட்டமிட்டு காத்து காலம் வந்தவுடன் வெல்ல வேண்டும்.

ஒப்புமை
இவ்வொப்புமையை கம்பரும், 
“வேந்தர், அற்காக்கை கூகையைக் கண்
   டஞ்சினவாம் என அகன்றார்” (கம்ப.கார்முகப்.23) என்று கம்பராமாயணத்தில் பயன்படுத்தியுள்ளார்.

”கடத்திடைக் காக்கை யொன்றே யாயிரம் கோடி கூகை
இடத்திடை அழுங்கைச் சென்றாங் கின்னுயிர் செகுத்த தன்றே” (சீவக.1927)

“காது கொற்ற நினக்கலாமை பிறர்க்கெவ்வாறு கலக்குமோ...
போது பிற்படல் உண்டி தோர்பொருள் அன்றியின்று புணர்த்தியேல்
யாதுனக்கிய லாத தெந்தை வருந்துதல் என்ன இயம்பினான்” (கம்ப.கார்காலப்.69)


மேலும் அஷோக் உரை

பரிமேலழகர் உரை
கூகையைக் காக்கை பகல் வெல்லும் - தன்னின் வலிதாய கூகையைக் காக்கை பகற்பொழுதின்கண் வெல்லாநிற்கும், இகல் வெல்லும் வேந்தர்க்குப் பொழுது வேண்டும் - அது போலப் பகைவரது இகலை வெல்லக் கருதும் அரசர்க்கு அதற்கு ஏற்ற காலம் இன்றி அமையாதது.
(எடுத்துக்காட்டு உவமை, காலம் அல்லாவழி வலியால் பயன் இல்லை என்பது விளக்கி நின்றது. இனிக் காலம் ஆவது, வெம்மையும் குளிர்ச்சியும் தம்முள் ஒத்து, நோய் செய்யாது, தண்ணீரும் உணவும் முதலிய உடைத்தாய்த் தானை வருந்தாது செல்லும் இயல்பினதாம். இதனால் காலத்தது சிறப்புக் கூறப்பட்டது.).

மணக்குடவர் உரை
இராப்பொழுது வெல்லுங் கூகையைக் காக்கை பகற்பொழுது வெல்லும். ஆதலான் மாறுபாட்டை வெல்லும் அரசர்க்குக் காலம் வேண்டும் இது காலமறிதல் வேண்டும் என்றது.

மு.வரதராசனார் உரை
காக்கை தன்னைவிட வலிய கோட்டானைப் பகலில் வென்றுவிடும், அதுபோல் பகையை வெல்லக்கருதும் அரசர்க்கும் அதற்கு ஏற்ற காலம் வேண்டும்.

சாலமன் பாப்பையா உரை
தன்னைவிடப் பலமுள்ள கோட்டானைக் காக்கை பகலில் வென்றுவிடும்; ஆகவே பகைவரை வெல்ல எண்ணுபவர்க்கு அதற்கு ஏற்ற காலம் அவசியம்.

Thirukkural - Management - Decision Making
Extreme risk takers may venture into any business. But calculated risk takers will not do that. Calculated risk takers venture into business dealings only when they are confident of the possibility of achieving success. So a high achievement orientation is needed for success in business.

Three critical factors influence the
outcome of a decision. They are: 1) time, 2) place, and 3) strength of the doer. Valluvar employs a simile in Kural 481 to make us understand the importance of right time for decision-making. 

A crow can defeat an owl during the day even though an owl is bigger and stronger than a crow. Daytime is not the right time for an owl to challenge a crow. Similarly, if a king wants to defeat his enemies, he has to look for the right  time.

A Crow can defeat an owl by day:
Kings need the right time to win.

In management concepts and practices, there are two types of errors. One is go error and the other is drop error. Go error is carrying out a decision when the time is not right for carrying that out. Drop error is not carrying out a decision when the time is right for carrying that out. Both executing a task when the time is not favorable and not executing a task when the time is favorable will result in failure. Therefore, the right decision in business is to decide when to execute.

கொக்கொக்க கூம்பும் பருவத்து

குறள் 490
கொக்கொக்க கூம்பும் பருவத்து மற்றதன்
குத்தொக்க சீர்த்த இடத்து
[பொருட்பால், அரசியல், காலமறிதல்]

பொருள்

கொக்கு - ஒருபறவைவகை; மூலநாள்; மாமரம்; செந்நாய்; குதிரை

ஒக்க - ஒருமிக்க, கூட, ஒருசேர, சமமாயிருக்க, நிகர்க்க, பொருந்த, மிகுதியாக; தகுதியாயிருக்க.


கூம்பும்  - கூம்புதல் - குவிதல்; ஒடுங்குதல்; ஊக்கம்குறைதல்.

கூம்பு - பாய்மரம்; தேர்மொட்டு; பூவரும்பு (தாழைக்கூம்பவிழ்ந்த வொண்பூ (ஐந். ஐம். 49). ); சேறு.

பருவத்து - பருவம் - காலம்; காலப்பிரிவு; இளமை; பக்குவம்; வயது; மறைநிலாஅல்லதுநிறைநிலா; கார், கூதிர், முன்பனி, பின்பனி, இளவேனில், முதுவேனில்என்னும்ஆறுபருவங்கள்; மாதம்; மழைக்காலம்; தக்ககாலம்; பயிரிடுதற்குறியகாலம்; ஆண்டு; பயனளிக்குங்காலம்; கணு; நூற்கூறுபாடு; நிலைமை; உயர்ச்சி; அளவு; சூரியன்ஒவ்வோர்இராசியிலும்புகும்காலம்; ஆடவர்பெண்டிர்க்குரியவெவ்வேறுஆயுட்காலநிலைகள்; முகம்மதியர்திருவிழாவகை.

மற்று - ஓர்அசைநிலை; பிறிதின்பொருட்குறிப்பு; வினைமாற்றுக்குறிப்பு; மறுபடியும்; பின்; காண்க:மற்றப்படி.

அதன் - It's   It's   It's 

குத்து - கைமுட்டியால்தாக்குவது; ஈட்டிமுதலியவற்றால்தாக்குகை; உரலிற்குற்றுதல்; புள்ளி; செங்குத்து; நோவு; பிடி; தெருமுதலியவற்றின்பாய்ச்சல்.

ஒக்க - ஒருமிக்க, கூட, ஒருசேர, சமமாயிருக்க, நிகர்க்க, பொருந்த, மிகுதியாக; தகுதியாயிருக்க.

சீர்த்துழாய் - துளசிச்செடி.
சீர்த்தி - cīrtti   s. great fame, renown, கீர்த்தி
சீர்த்த - கோபித்தல்; சிறத்தல்; சமயம்வாய்த்தல்; ஓசைஇலயம்படநிற்றல்

இடத்து - இடம் - தானம்; வாய்ப்பு வீடு காரணம் வானம் விரிவு இடப்பக்கம்; அளவு ஆடையின்அகலமுழம்; பொழுது ஏற்றசமயம்; செல்வம் வலிமை மூவகையிடம்; படுக்கை தூரம் ஏழனுருபு; இராசி

முழுப்பொருள்

ஒரு செயலை செய்வதற்கு பல ஆயுத்தப்பணிகளை நாம் செய்தாலும் அச்செயலை செய்வதற்கான மிகசரியான தருணத்திற்காக காத்திருத்தல் அவசியமாகும். அதுப்போல ஒரு செயலை செய்யும் பொழுது அதனுடைய பலனை அனுபவிக்க சில காலம் ஆகும் அல்லது பலனை அறுவடை செய்ய சரியான ஒரு காலம் தேவையாகும். 

உதாரணமாக விவசாயிகள் தங்கள் காய்க்குலைகள் (நெர்பயிர்களின் காம்புகள்) கூர்மை அடையும் நேரம் காய்க்குலைகள் அறுவடைக்கு ஆயுத்தமாக இருக்கின்றன என்று அறிவார்கள். உடனே அறுவடையும் செய்வார்கள். பூமொட்டுகள் அரும்பாகி முதிர்ந்து மலராகும் காலத்திற்கு சில காலம் முன்பு அறுவடை செய்வார்கள். இல்லையேல் பூமொட்டு மலராகி அறுவடையும் செய்யமுடியாமல் அறுவடை செய்தாலும் பயனற்றதாய் ஆகக்கூடும். அரும்பு முதிரும் முன்பு அறுவடை செய்தாலும் மொட்டு மலராது. அறுவடை பயனற்றதாகும். ஆதலால் தருணம் மிக முக்கியம். முனைகூர்ந்த கட்டத்தை கூர்த்த இடத்து என்கிறார் திருவள்ளுவர். 

ஆதலால் கொக்கைப் போல் சரியான தருணத்திற்கு பொறுமையாக காத்திருத்தல் வேண்டும் அதேப்போல் ஒரு செயலின் விளைவுகள் முனைக்கொள்ளும் காலகட்டத்தையும் சரியாக நோக்க வேண்டும். அவ்வாறு சரியான காலம் வந்தவுடன் காலம் தாழ்த்தாது உடனே (பாய்ந்து) அறுவடை செய்தால் பலனை முழுமையாக அடையலாம்.  குத்து ஒக்க என்று சொல்வது காலம் தாழ்த்தாது பாய வேண்டும் என்பதை குறிக்கவே கூறப்பட்டுள்ளது.

சரியான காலகட்டத்தில் சரியானவற்றை செய்வதே சிறப்பாகும். பொறுமையாக இருந்து சரியான நேரத்தை கணித்து அதனை கூர்ந்து நோக்கி விளைவுகள் கனிந்தவுடன் (மின்னல்வேகத்தில்) பலனை அறுவடை செய்யவேண்டும்.

“மடைத் தலையில் ஓடுமீன் ஓட உறுமீன் வருமளவும் வாடி இருக்குமாம் கொக்கு” என்பது ஔவையாரின் மூதுரை, எல்லோரும் அறிந்ததே

பெருங்கதைப் பாடல் ஒன்றும் இக்கருத்தையொட்டி இவ்வாறு கூறுகிறது. தெளிவுரை இல்லாமலே விளங்கும் கருத்து.

ஒடுங்கி இருந்தே உன்னியது முடிக்கும் 
கொடுங்கால் கொக்கின் கோள்இன மாகிச் 
சாய்ப்பிட மாகப் போர்ப்படை பரப்பி 
வலிகெழு வேந்தனை வணக்குதும் (பெருங் 3.17:61-4)

மேலும்: அஷோக் உரை

கூம்புதல் குவிதல் . குவிதல் ஒடுங்குதல் . மலரின் ஒடுக்கம் அரசரின் வினையொடுக்கத்திற்கு உவம மாயிற்று . 'ஓடுமீனோடியுறு மீன் வருமளவும் - வாடியிருக்குமாங் கொக்கு' ( மூதுரை , 16) தனக் கேற்ற மீன்வரும்வரை அது முன்னறிந்து தப்பாமைப் பொருட்டுத் தவஞ்செய்வான் போல் அசைவற்று நிற்றலும் , அது வந்தவுடனே திடுமென்று கொத்துதலும் , அரசன் காலம் வரும்வரை பகைவர் ஐயுறாவாறு அமைந்திருத்தற்கும் அது வந்தவுடன் விரைந்து வினைமுடித்தற்கும் . சிறந்த வுவமமாயின . இதனால் இருப்பு வினைகளின் இயல்பும் விளக்க மாயின


இந்தக்குறள் ஒருவனுக்குப் புரிகிறதா? பொழிப்புரை தெரிந்துவைத்திருப்பார். கொக்கு மீனுக்காக காத்திருப்பது போல சரியான தருணத்துக்காக பொறுமையுடன் காத்திருக்கவேண்டும் என்று அர்த்தம் தெரிந்து வைத்திருப்பதை நான் சொல்லவில்லை. இதில் உள்ள இரு சொற்கள் முக்கியமனாவை. கூம்பும் பருவம். கூர்த்த இடத்து. என்ன பொருள் அதற்கு? ஒரு செயலின் விளைவுகள் முனைகொள்ளும் காலகட்டத்தை கூம்பும்பருவம் என்கிறார். கதிர் கூம்பும் பருவம் காய்க்குலைகள் கூம்பும் பருவம். அது முனைகூர்ந்த கட்டத்தை கூர்த்த இடத்து என்கிறார். இந்த வார்த்தையை எவரும் சொல்லாமல் ஒருவன் அவனே அறிந்தான் என்றால் அவன் கவிதை வாசகன். அவனுக்கு புதுக்கவிதை தினத்தந்தி வாசிப்பதுபோல புரியும்.

பரிமேலழகர் உரை
கூம்பும் பருவத்துக் கொக்கு ஒக்க - வினைமேற்செல்லாதிருக்கும் காலத்துக் கொக்கு இருக்குமாறு போல இருக்க, மற்றுச் சீர்த்த இடத்து அதன் குத்து ஒக்க -மற்றைச் செல்லும் காலம் வாய்த்தவழி, அது செய்து முடிக்குமாறு போலத் தப்பாமல் செய்து முடிக்க.
(மீன் கோடற்கு இருக்கும்வழி, அது வந்து எய்தும்துணையும் முன்அறிந்து தப்பாமைப்பொருட்டு உயிரில்லதுபோன்று இருக்கும் ஆகலானும், எய்தியவழிப் பின் தப்புவதற்கு முன்பேவிரைந்து குத்தும் ஆகலானும், இருப்பிற்கும் செயலிற்கும் கொக்குஉவமையாயிற்று. 'கொக்கு ஒக்க' என்றாராயினும், 'அதுகூம்புமாறு போலக் கூம்புக' என்றும் குத்து ஒக்க என்றாராயினும் அது 'குத்துமாறுபோலக் குத்துக' என்றும் உரைக்கப்படும். இது தொழிலுவமம் ஆகலின் உவமை முகத்தான் இருப்பிற்கும் செயலிற்கும் இலக்கணம் கூறியவாறாயிற்று.).

மணக்குடவர் உரை
காலம் பார்த்திருக்குமிடத்துக் கொக்குப் போல ஒடுங்கி இகழ்வின்றி யிருக்க, வினை செய்தற்கு வாய்த்த காலம் வந்தவிடத்து அக்கொக்குக் குத்துமாறுபோலத் தப்பாமல் விரைந்து செய்க. இது காலம் வருமளவும் இகழ்ச்சியின்றிக் கொக்குப் போல இருத்தல் வேண்டுமென்பதூஉம் காலம் வந்தால் தப்பாமை விரைந்து செய்ய வேண்டுமென்பதூஉம் கூறிற்று.

மு.வரதராசனார் உரை
பொறுத்திருக்கும் காலத்தில் கொக்குப் போல் அமைதியாக இருக்க வேண்டும், காலம் வாய்த்த போது அதன் குத்து போல் தவறாமல் செய்து முடிக்க வேண்டும்.

சாலமன் பாப்பையா உரை
ஒடுங்கி இருக்க வேண்டிய நேரத்தில் கொக்கைப் போல் ஒடுங்கிக் காத்து இரு. செயற்படும் நேரம் வந்தபோது கொக்கு தவறாமல் தன் இரையைக் குத்திப் பிடிப்பதுபோல் பிழையின்றிச் செய்து முடி.