Search This Blog

Disclaimar

This blog is totally for learning purposes. Non-commercial. In many of the posts, many snippets have been taken from various thirukkural blogs, books available online freely only for learning purpose without any intention of plagiarism or to make money. I have given due credit, link wherever possible. If you want your content to be removed, or you want more credit to be provided, please do let me know in the comment section of any of the posts. ஊருணி நீர்நிறைந் தற்றே உலகவாம் பேரறி வாளன் திரு (குறள் 215)

புகழ்இன்றால் புத்தேள்நாட்டு உய்யாதால் என்மற்று

குறள் 966
புகழ்இன்றால் புத்தேள்நாட்டு உய்யாதால் என்மற்று
இகழ்வார்பின் சென்று நிலை 
[பொருட்பால், குடியியல், மானம்]

பொருள்
புகழ் - துதி; கீர்த்தி; அருஞ்செயல்; அகத்தி; வாகை.

இன்று - iṉṟu   . Third person sing. neut. of இல், it is not, இல்லை. 2. An expletive, ஓரசைச்சொல். இன்றேல். If not, if wanting.  

இன்றால் - இல்லை

புத்தேள் -  புதுமை, புதியவள், தெய்வம், தேவர், வானோர், முதற்கடவுள், தேவலோகம்

நாட்டு - நிலை; சுவர்எழுப்புகையில்குறுக்கேவைக்கும்கல்.

நாடு - நாட்டுப்பகுதி; இடம்; பூமி; உலகம்; நாட்டுப்புறம்; மருதநிலம்; பக்கம்; இடப்பரப்பு; பூவுலகப்பொது; ஒருபேரெண்.

உய்தல் - உயிர்வாழ்தல், பிழைத்தல், ஈடேறுதல், நீங்குதல் தப்புதல்

உய்யாதால் - நிறைவேறாது 

என் - என்ன; வினாவினைக்குறிப்பு; ஐயக்கிளவி; இகழ்ச்சிக்குறிப்பு; 'எது'அல்லது'எதை'எனப்பொருள்படும்இடைச்சொல்; தன்மைஒருமைச்சொல்; யான்என்பதுவேற்றுமைப்பொருளில்அடையும்திரிபு; ஓர்அசைச்சொல்.

மற்று - ஓர்அசைநிலை; பிறிதின்பொருட்குறிப்பு; வினைமாற்றுக்குறிப்பு; மறுபடியும்; பின்; காண்க:மற்றப்படி.

இகழ்வார் - இகழ்-தல் - ikaḻ-   4 v.intr. To be careless,negligent; அசாக்கிரதையாதல். பிரியாரென விகழ்ந்தேன் (திருக்கோ. 340).--tr. 1. To slight, despise;opp. to புகழ்-;அவமதித்தல். (குறள், 698.) 2. Toforget; மறத்தல் செய்யா திகழ்ந்தார்க் கெழுமையு மில்(குறள், 538).  

பின் - பிறகு தான்; பின்னுகை; பின்பக்கம்; இடம்; கடை; பிற்காலம்; தம்பி; பிறகு; ஏழனுருபு.

சென்று - செல்லும்  

நிலை? - நிற்கை; உறுதி; தன்மை; நிலைமை; தொழில்; இடம்; தங்குமிடம்; பூமி; காண்க:நிலைத்திணை; தேர்த்தட்டு; கதவுநிலை; தூண்; விளக்குத்தண்டு; நெறி; வழக்கு; ஆசிரமம்; குலம்; மரபுரிமை; இசைப்பாட்டுவகை; பொழுது; முகூர்த்தம்; ஒருநிலவளவுவகை; ஒருவன்நிற்கக்கூடியநீராழம்; பசுஒருதடவைகழிக்குஞ்சாணி; அணிகலத்தொங்கல்

மானம் - மதிப்புடைமை; கற்பு; பெருமை; புலவி; வலிமை; வஞ்சினம்; கணிப்பு; அளவுகருவி; ஒப்புமை; அளவை; அன்பு; பற்று; இகழ்ச்சி; வெட்கம்; குற்றம்; வானூர்தி; கோயில்விமானம்; மண்டபம்; கத்தூரி; சவ்வாது; வானம்; ஒருதொழிற்பெயர்விகுதி; ஓர்இடைச்சொல்.

முழுப்பொருள் 
தனக்கு ஒரு காரியம் ஆக வேண்டும் என்பதற்காகவோ அல்லது வறுமையில் இருக்கும் பொழுது உயிரை காப்பாற்றிக்கொள்ள ஒருவர் தன்னை மதியாதார் அல்லது அவமதிப்போர் அல்லது இகழ்வோர் பின் வெட்கமே இல்லாமல் சென்று நிற்பார் என்றால் அவருக்கு புகழும் இல்லை தேவர்கள் வாழும் வானோர் உலகில் இடமும் இல்லை. ஏனெனில் மானம் வலிமையின் அடையாளம். மானத்தை இழந்து ஒருவர் ஒன்றை பெறுவார் என்றால் அவர் இகழ்ச்சியை தேர்ந்தெடுக்கிறார். அத்தகையவர் வேறு ஒரு சந்தர்ப்பத்தில் எத்தகைய குற்றத்தையும் செய்யக்கூடும். 

ஆதலால் புகழும் புத்தேள் உலகமும் வேண்டுமெனில் சந்தர்ப்பவாதியாக அல்லாமல் மானத்தை காப்பாற்றிக்கொள்வது அவசியம். 

தம் மானத்தைக் காப்பவர், பசி நோயால் உடல் வற்றி எலும்புக் கூடாகி அழியும் நிலை நேர்ந்தாலும், தகுதியில்லாதார் பின்னே சென்று தமது வறுமையை எடுத்துக் கூறுவரோ? கூறமாட்டார்கள். சொல்லாமலே குறிப்பால் அறிந்துகொள்ளும் பேரறிவு உடையாரிடம் தமது துன்பத்தினைக் கூறாமலிருப்பரோ? கூறுவார்கள் என்கிறது கீழ் காணும் நாலடியார் பாடல்.

என்பாய் உகினும் இயல்பிலார் பின்சென்று
தம்பாடு உரைப்பரோ தம்முடையார்; – தம்பாடு
உரையாமை முன்னுணரும் ஒண்மை உடையார்க்கு
உரையாரோ தாமுற்ற நோய்.  (நாலடி 292)

நன்றாகக் கஸ்தூரி மணம் கமழும் கூந்தலையுடையவளே! மானம் உடையாரது பெருமித வாழ்க்கை இப்பிறப்பிலும் நன்மையை உண்டாக்கும்; இறந்த பிறகும் புகழைத் தரும்; ஒழுக்க நெறிகள் கெடாத புண்ணியத்தால் மறுமையிலும் நன்மையை விளைவிக்கும். ஆதலால் இதன் மேன்மையை நீ உணர்வாயாக! என்கிறது கேள்வியாகக் கேட்காமல், கருத்தாகக் கூறும் மற்றுமொரு நாலடியார் பாடல்

இம்மையும் நன்றாம் இயல்நெறியும் கைவிடாது
உம்மையும் நல்ல பயத்தால்; – செம்மையின்
நானம் கமழும் கதுப்பினாய்! நன்றேகாண்
மான முடையார் மதிப்பு.  (நாலடி 294)

மேலும்: அஷோக் உரை

பரிமேலழகர் உரை
இகழ்வார்பின் சென்று நிலை - மானத்தை விட்டுத் தன்னை அவமதிப்பார் பின்னே ஒருவன் சென்று நிற்கின்ற நிலை; புகழ் இன்று - இவ்வுலகத்துப் புகழ் பயவாது; புத்தேள் நாட்டு உய்யாது - ஏனைப் புத்தேளுலகத்துச் செலுத்தாது; மற்று என் - இனி அவனுக்கு அது செய்வது யாது? (புகழ் பயப்பதனைப் 'புகழ்' என்றார். பயனாய இவ்விரண்டும் இன்றிக் கொன்னே மானம் கெடுகின்றது என்னை என்பதாம். இவை மூன்று பாட்டானும் அவை செய்தற் குற்றம் கூறப்பட்டது.).

மணக்குடவர் உரை
இம்மைப் பயனாகிய புகழைத் தாராதாயின், மறுமைப் பயனாகிய சுவர்க்கத்துப் புகுதலில்லை ஆயின், தன்னை இகழ்ந்துரைப்பார்பின் சென்று ஒருவன் நிற்கின்றது பின்னை என்ன பயனைக் கருதி? இது தம்மை இகழ்வார்மாட்டுச் சென்று நிற்றலைத் தவிர்க வென்றது.

மு.வரதராசனார் உரை
மதியாமல் இகழ்கின்றவரின் பின் சென்று பணிந்து நிற்க்கும் நிலை, ஒருவனுக்கு புகழும் தராது, தேவருலகிலும் செலுத்தாது, வேறு பயன் என்ன.

சாலமன் பாப்பையா உரை
உயிர் வாழும் பொருட்டு மானத்தை விட்டுவிட்டுத் தம்மை இகழ்பவர் பின்னே சென்று வாழும் வாழ்வு, இம்மைக்குப் புகழ் தராது. மறுமைக்கு விண்ணுலகிலும் சேர்க்காது; வேறு என்னதான் தரும் அது?.

குடிப்பிறந்தார் கண்விளங்கும் குற்றம் விசும்பின்

குறள் 957
குடிப்பிறந்தார் கண்விளங்கும் குற்றம் விசும்பின்
மதிக்கண் மறுப்போல் உயர்ந்து
[பொருட்பால், குடியியல், குடிமை]
(For meaning in English, scroll to the bottom of this post)

பொருள்
குடிப் - பருகுகை; மதுபானம்; மதுவுண்டமயக்கம்; புருவம்; குடியானவன்; குடியிருப்போன்; ஆட்சிக்குட்பட்டகுடிகள்; குடும்பம்; குலம்; வீடு; ஊர்; வாழிடம்.

பிறந்தார் - பிறந்தவர்கள்
பிறத்தல் - வெளிவரல்; தோன்றுதல்.

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

விளங்கும் - விளங்கு - viḷaṅku   n. Lesser galangal.See சிற்றரத்தை, 1. (மலை.)
விளங்குதாரணத்ததாகுதல் viḷaṅku-tāraṇattatākutal, n. விளங்கு- + உதாரணம் + ஆகு-+. Being furnished with appropriate illustrations, one of ten nūl-aḻaku, q.v.; நூலழகு பத்தனுள் மேற்கோள் எளிதாக விளங்குவது. (நன். 13.)

விளங்கு-தல் - viḷaṅku-   5 v. [T. veḷuṅgu,K. beḷagu, M. viḷaṅṅuga.] intr. 1. Toshine; பிரகாசித்தல். பகல்விளங்குதியாற் பல்கதிர்விரித்தே (புறநா. 8). 2. To become renowned,illustrious; பிரசித்தமாதல். அவன் பெயர் எங்கும்

குற்றம் - பிழை; பழி; துன்பம்; உடற்குறை; தீங்கு; அபராதம்; தீட்டு

விசும்பின் - விசும்பு - வானம்; தேவலோகம்; மேகம்; திசை; வீம்பு; செருக்கு.

மதிக் - சந்திரன்; மாதம்; ஒன்றுஎன்னும்எண்ணைக்குறிக்கும்குழூஉக்குறி; இராசி; குபேரன்; இடைகலை; காண்க:மதிநாள்; மதிஞானம்; கற்கடகராசி; இயற்கையறிவு; பகுத்தறிவு; வேதத்தின்படிநடத்தல்; மதிப்பு; காசியபரின்மனைவி; அசோகமரம்; அதிமதுரம்; ஒருமுன்னிலையசைச்சொல்; ஒருபடர்க்கையசைச்சொல்; யானை.

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

மறு - குற்றம்; களங்கம்; தீமை; அடையாளம்; மச்சம்; பாலுண்ணி; மற்ற.

போல் -  ஓர்உவமவுருபு; பொய்; ஓர்அசைச்சொல்; உள்ளீடில்லாதது; பதர்; மூங்கில்; வெற்றி; படை; வாள்.

உயர்ந்து - உயர்ச்சி உயரம்; மிகுதியாதல்; விருத்தி, மேன்மை வருத்தம் உயர்வுநவிற்சியணி

முழுப்பொருள்
நற்குடியில் பிறந்தோர் அக்குடியின் புகழிற்கு களங்கம் விளைவிக்காத வண்ணம் நடந்துக்கொள்ளவேண்டும்.  ஏனெனில், நற்குடியில் பிறந்தோரின் குற்றங்கள் உயரே வானத்தில் உள்ள நிலாவில் தென்படும் களங்கம் போல எல்லோருக்கும் பெரிதாய் தெரிந்துவிடும். அதோ நிலவில் களங்கம் என்று எல்லோரும் ஒரு எடுத்துக்காட்டாக காண்பிப்பர். உதாரணத்திற்க்கு இக்குறளிலேயே நிலவில் உள்ள களங்கத்தை உதாரணமாக கூறுகிறோம் அல்லவா. மற்றவர்களை கூற ஒரு நேரமும் ஆகாது. 

ஆதலால் நற்குடியில் பிறந்தோர் இந்த உலகின் இயல்பு அறிந்து தன் குடியால் பெற்ற நன்மைகளுக்கு கைமாறாக பொறுப்போடு நடந்துக்கொண்டு குற்றங்கள் செய்யாது குடியின் பெருமையை காப்பாற்றவேண்டும்.

நற்குடிப்பிறப்பாளரின் குற்றங்களை மதியின் களங்கத்தோடு ஒப்பு நோக்கும் பல பாடல்கள் உள்ளன, இலக்கியங்களிலிருந்து.

“...பெரியோர்கண் தீமை
கருநரைமேல் சூடே போல் தோன்றும்” (நாலடி.186)

“நிரைதொடி தாங்கிய நீடோள்மாற் கேயும்
உரையொழியா வாகும் உயர்ந்தோர்கட் குற்றம்
...... மாயா, நரையான் புறத்திட்ட சூடு” (பழமொழி 48)

”ஒன்றாய் விடினும் உயர்ந்தார்ப் படும்குற்றம்
குன்றின்மேல் இட்ட விளக்கு” (பழமொழி 204)

திங்களைப்போற் சான்றோர் களங்கம் இருப்பினும் வாளா இரார் என்பதால், அவர் அதனினுஞ் சிறந்தவராவர் என்கிறது நாலடியார் பாடலொன்று.

அங்கண் விசும்பின் அகனிலாப் பாரிக்குந்
திங்களுஞ் சான்றோரும் ஒப்பர்மன் – திங்கள்
மறுவாற்றும், சான்றோரஃ தாற்றார் தெருமந்து
தேய்வர் ஒருமா சுறின். (நாலடி 151)

பழமொழிப்பாடலொன்று (258) படித்த மாத்திரத்தில் விளங்குமாறு, 
பதிப்பட வாழ்வார் பழியாய செய்தல் 
மதிப்புறத்துப் பட்ட மறு” என்கிறது.

அறநெறி (161)
பதிப்பட வாழ்வார் பழியாய செய்தல் 
மதிப்புறத்தில் பட்ட மறு” என்கிறது.

மணிமேகலையும் கம்பராமாயாணமும் இதே ஒப்புமையையே கீழ்காணும் பாடல்களிலே கூறுவதைப் பார்க்கலாம்,

வந்து தோன்றிய மலர்கதிர் மண்டிலம்
சான்றோர் தங்கண் எய்திய குற்றம்
தோன்றுவழி விளங்குந் தோற்றம் போல
மாசறு விசும்பின் மறுநிறங் கிளர 
                                      (மணிமேகலை 6:2-5 சக்கரவாளக்கோட்டம் உரைத்த காதை)

வாலி இராமனைச் சாடுவதாக அமைந்த இப்பாடலும் இவ்வுவமையை அழகாகக் கூறுகிறது.

கார் இயன்ற நிறத்த களங்கம் ஒன்று
ஊர் இயன்ற மதிக்கு உளதாம் என,
சூரியன் மரபுக்கும் ஒர் தொல் மறு,
ஆரியன் பிறந்து ஆக்கினையாம் அரோ 
                                    (கம்பராமாயணம் வாலிவதைப்படலம் 87)

மேலும்: அஷோக் உரை

பரிமேலழகர் உரை
குடிப்பிறந்தார்கண் குற்றம் - உயர்ந்த குடியின்கண் பிறந்தார் மாட்டு உளதாம் குற்றம்; விசும்பின் மதிக்கண் மறுப்போல உயர்ந்து விளங்கும் - தான் சிறியதேயாயினும் விசும்பின்கண் மதியிடத்து மறுப்போல ஓங்கித் தோன்றும். (உயர்குடி முதலிய பொருள் வகை மூன்றற்கும் விசும்பு முதலிய உவமைவகை ஒத்துப் பால் மாறுபட்டது. குடியது உயர்ச்சியானும் மதி போன்ற அவர் நற்குணங்களோடு மாறாதலானும், உலகெங்கும் பரந்து வெளிப்படும் என்பதாம்.).

மணக்குடவர் உரை
உயர்குடிப் பிறந்தார்மாட்டுக் குற்றமுளதாயின், அது வானத்தின் மதியின்கணுள்ள மறுப்போல உயர்ந்து விளங்கும். ஆதலால் குற்றப்பட ஒழுகற்க. இது குற்றம் செய்தலைத் தவிர வேண்டுமென்றது.

மு.வரதராசனார் உரை
உயர் குடியில் பிறந்தவரிடத்தில் உண்டாகும் குற்றம், ஆகாயத்தில் திங்களிடம் காணப்படும் களங்கம்போல் பலரறியத் தோன்றும்.

சாலமன் பாப்பையா உரை
நல்ல குடும்பத்தில் பிறந்தவரிடம் ஏதேனும் குறை இருந்தால் அது நிலாவில் தெரியும் களங்கம் போல் பெரிதாகத் தெரியும்.

English Meaning - As I taught a kid - Rajesh
One who is born to a family with higher reputation has higher expectations because he/she is from a very well known family. Hence, if he makes a mistake, then his mistake will be visible and discussed by everyone because grey shades in the moon up above our head is seen by all and discussed by all. When one goes to high places one has the responsibility to be careful because his mistakes will be seen by all. 

Questions that I ask to the kid
How are mistakes of a person from a reputed family seen as? why? (because it is above our head in a height)

தீயள வன்றித் தெரியான் பெரிதுண்ணின்

குறள் 947
தீயள வன்றித் தெரியான் பெரிதுண்ணின்
நோயள வின்றிப் படும்
[பொருட்பால், நட்பியல், மருந்து]

பொருள்
தீ - ஒர்உயிர்மெய்யெழுத்து(த்+ஈ); பஞ்சபூதத்துள்ஒன்றாகியநெருப்பு; வேள்வித்தீ; கோபம்; அறிவு; தீமை; நஞ்சு; நரகம்; விளக்கு; உணவைச்செரிக்கச்செய்யும்வயிற்றுத்தீ; வழிவகை.

பசி - உணவுவேட்கை; வறுமை; தீ

அளவு - பரிமாணம்; தருக்கஅளவை; தாளத்தில்மூன்றுமாத்திரைக்காலம்; மாத்திரை நிலஅளவு; சமயம் தன்மை ஞானம் மட்டும் தொடங்கி

அன்றித் - அல்லாமல்

தெரிதல் - தெரிதல் - தோன்றுதல்; விளக்கமாதல்; அறிதல்; ஆராய்தல்; தெரிந்தெடுத்தல்; அரித்தெடுத்தல்; காணும்ஆற்றலைப்பெற்றிருத்தல்; மனமறிதல்; கேட்டல்.

தெரியான் - அறியாமல் 

பெரிது - பெரிது, மிகவும்;  peritu   id. n. [K. piridu.] Thatwhich is great, big or large; பெரியது. நன்மைகடலிற் பெரிது (குறள், 103).--adv. Greatly; மிகவும். கலங்குவள் பெரிதென (கலித். 27).

உண்ணின் - உண்ணுதல் - உணவுஉட்கொள்ளுதல்; பொருந்துதல் நுகருதல்; அனுபவித்தல் இசைவாதல்.

நோய் - துன்பம்; வருத்தம்; பிணி; குற்றம்; அச்சம்; நோவு.

அளவு - பரிமாணம்; தருக்கஅளவை; தாளத்தில்மூன்றுமாத்திரைக்காலம்; மாத்திரை நிலஅளவு; சமயம் தன்மை ஞானம் மட்டும் தொடங்கி

இன்றிப் - இல்லாமல்

படும்படுதல் - உண்டாதல்; தோன்றுதல்; உதித்தல்; நிகழ்தல்; மனத்தில்தோற்றுதல்; பூத்தல்; ஒன்றன்மீதுஒன்றுஉறுதல்; மொய்த்தல்; அகப்படுதல்; புகுதல்; பெய்தல்; பெரிதாதல்; மேன்மையடைதல்; அழிதல்; சாதல்; மறைதல்; புண்காய்தல்; சாய்தல்; வாடுதல்; துன்பமடைதல்; தொங்குதல்; ஒலித்தல்; பாய்தல்; புதைக்கப்படுதல்; உடன்படுதல்; ஒத்தல்; பொறுத்தல்; முட்டுதல்.

முழுப்பொருள்
ஒருவர் வயிற்றின் பசிக்கும் உடல் உழைப்பிற்கும் ஏற்றவாறே உணவு உண்ண வேண்டும். ஆனால் பசியின் அளவிற்கு அல்லாமல் உணவையும் உணவு உண்ணும் காலத்தையும் ஆராயாமல் தன் உடல்நிலை உடலுழைப்பு பற்றிய தெளிவு இல்லாமல் அளவுக்கு அதிமாக உணவை உட்கொண்டால் அவருக்கு நோயும் அளவுக்கு அதிகமாக உண்டாகும். நோயின் தாக்கமும் அளவுக்கு அதிகமாக இருக்கும். 

முதுமொழிக் காஞ்சி (8:7), “உண்டி வெய்யோர்க்கு உறுபிணி எளிது” என்பதும், ஆத்திச் சூடி, “மீதூண் விரும்பேல்” என்பதும் இக்குறளின் கருத்தையொட்டி, உணவை மிகுந்த அளவில் உண்ணக்கூடாது என்பதை வலியுறுத்துத்தவேதான்.

மேலும்: அஷோக் உரை

பரிமேலழகர் உரை
தெரியான் தீ அளவு அன்றிப் பெரிது உண்ணின் - தன் பகுதியும் அதற்கு ஏற்ற உணவும் காலமும் ஆராயாது, வேண்டியதோர் உணவை வேண்டியதோர் காலத்து, வயிற்றுத் தீ அளவன்றி ஒருவன் உண்ணுமாயின்; நோய் அளவு இன்றிப் படும் - அவன் மாட்டு நோய்கள் எல்லையற வளரும். (தெரியாமை வினைக்குச் செயப்படு பொருள்கள் அதிகாரத்தான் வந்தன. நோய் - சாதியொருமை. இவை இரண்டு பாட்டானும் அவ்வகை உண்ணாவழிப்படும் இழுக்குக் கூறப்பட்டது.).

மணக்குடவர் உரை
பசியின் அளவின்றி ஆராயாதே மிகவுண்பானாயின் மிகநோய் உண்டாம். இது, நோய் தீர்ந்தாலும் பசியளவு அறியாதே உண்பானாயின் மீண்டும் நோயா மாதலான் அளவறிந்து உண்ணல் வேண்டுமென்றது.

மு.வரதராசனார் உரை
பசித்தீயின் அளவின் படி அல்லாமல், அதை ஆராயாமல் மிகுதியாக உண்டால் , அதனால் நோய்கள் அளவில்லாமல் ஏற்ப்பட்டு விடும்.

சாலமன் பாப்பையா உரை
தன் வயிற்றுப் பசி அளவு தெரியாமல் மிக அதிகமாக உண்டால் அவன் உடம்பில் நோய்கள் அளவு இல்லாமல் வளரும்.


நோயின்றி வாழமுடியாதா? - மூ.இராமகிருட்டிணன். தமிழ்நாட்டின் முதல் இயற்கை வாழ்வியல் விஞ்ஞானி. உலக நல்வாழ்வு ஆசிரமம், சிவசைலம்
”ஒவ்வொரு மனிதனுகும் தேவையானது தூய காற்று, தூய நீர், தூய எண்ணம், தூய அறிவு” என்றார். “உப்பை உபயோகிக்காதீர்கள், ‘மருந்து சாப்பிடுவது இல்லை’ என்ற சூளுரை எடுத்துக் கொள்ளுங்கள். ஊறுகாயை வெட்கமில்லாமல்  தின்னாதீர்கள். சுடுசோற்றைக் காட்டிலும் பழைய சோறே நல்லது. நெல்லை முளைகட்டி வறுத்து, இடித்து, அவலாக்கி உண்டால் நன்மை; தீமை விளைவிக்காது. பொரி, நெல் பொரி சாப்பிடலா என்றார்கள். மேலும் புலாலை விடுங்கள். அது புண்நச்சு; புத்தியைக் கெடுத்து விடும். கொடியவனாக்கி விடும்” என்றார்.

எண்ணெயில் பொரித்த வடை, போண்டா, காரசேவு, பக்கோடா முதலியவைகளைச் சாப்பிடாதீர்கள், பாலை அதிகமாகப் பருகாதீர்கள்” என்றார். “காபி, டீ குடிக்காதீர்கள். எண்ணெயில் பொரித்த அப்பளத்தைத் தவிர்த்து விடுங்கள்” என்றார். “ஆரஞ்சு, திராட்சை, இளநீர், வெந்நீரில் வந்த வாழைக்காய் அவியல், சுட்ட அப்பளம் முதலியன சாப்பிடலாம்” என்றார்.

”உணவே மருந்து. மருந்தே உணவு” என்றார். வாழைக்காயைப் பொரியலாகச் செய்து சாப்பிட வேண்டாம் என்றார். “மிளகாயைத் தண்ணீரில் ஊறப்போட்டு, அந்தத் தண்ணீரைக் காயில் தெளித்துக் காரத்திற்காக உபயோகியுங்கள்’ என்றார். காய்ச்சிய தண்ணீர் கூடாது என்றார். நெருப்பில் கையை வைத்தால் சுடுவதுபோல் இயற்கை நெறியை தவிர்ப்பவர் துன்பத்தை அனுபவிப்பர் என்றார். தரையில் மணல் பரப்பி அதன் மேல் நீர் நிரப்பிய மட்பாண்டத்தை வைத்து, அதனுள் துணியில் முடிந்து வைத்துள்ள வில்வ இலையைப் போட்டு ஊற வைத்து அந்த நீரை வடிகட்டிக் குடிநீராக அருந்தலாம் என்றார். ‘தேங்காயை உடைத்த பின் அப்போதே சாப்பிடுங்கள். காலையில் உடைத்ததை மாலையில் சாப்பிடாதீர்கள். புதுமையாக உண்ணுங்கள். நாள் பட்ட பழத்தைச் சாப்பிட வேண்டாம்” என்றார். அளவோடு தண்ணீர் வைத்து வடிகட்டாமல் பொங்கலாக சமைத்து சாப்பிடுங்கள் என்றார். தண்ணீர் அல்லது எலுமிச்சம் பழச்சாறு கலந்த நீரை அருந்துங்கள் என்றார்

காலை 10 அல்லது 11 மணிக்கு தேங்காயும், மதியம் கதிரவன் ஒளியில் இருந்த பின்மாலை கால் அல்லது அரைமூடி தேங்காய், பழம் சாப்பிட வேண்டும் என்றார். ஒருமுறை உண்டபின் குறைந்தது 8 அல்லது 10 மணி பொறுத்து அடுத்த வேளை உணவைச் சாப்பிட வேண்டும் என்றார். தேங்காய், வாழைப்பழம் எப்பொழுதும் ஆண்டு முழுவதும் கிடைக்கும். எனவே சிவசைலம் ஆசிரமத்துக்கும் வரும் விருந்தினர்களுக்கும் தேங்காய், வாழைப்பழ உணவு தான் பரிமாறுகிறோம் என்றார். 

நாட்டுவாழை, கற்பூரவாழை முதலியவற்றை 2 மாதக் குழந்தைக்கும், இறக்கும் தறுவாயில் இருப்பவருக்கும் கொடுக்கலாம் என்றார்.

'பருப்பு வகைகளே உடம்புக்குக் கெடுதி செய்யும். பருப்பு சீக்கிரம் அழுகக் கூடியது. சக்தி அளிக்க வல்லது அல்ல பருப்பு’ என்றார். பல்வலிக்கு 2 நாட்கள் உண்ணாவிரதம் இருந்தால் பறந்து போகும் என்றார். உப்பு, உறைப்பு தவிர்த்தால் கை, கால் வலி போகும் என்றார்.

'வறுமை வரும்போது உள்ளம் கெடுவதில்லை நச்சுத் தன்மை தான் கெடுக்கின்றது. வளமான வாழ்வினை வாழ்கின்றவர்கள் தான் சூழ்ச்சியால் வஞ்சனையால் ஏமாற்றுகின்றனர். இயற்கை வாழ்வில் வறுமையில்லை. ஒரு வாழைப்பழம், ஒரு துண்டு தேங்காய போதும், குறைத்து உண்பது வாழை வளப்படுத்தும். இதைத்தான் திருமூலர் “உண்டி சுருங்கில் உபாயம் பலஉள” என்கிறார்.

’மனிதன் தேவைக்கு அதிகமாக உண்கிறான். ஆசைப் பேய் பிடித்து அலைகிறான். ஒருவருக்கொருவர் ஏமாற்ற நினைக்கின்றனர். தூய நீர், தூய காற்று ஒருவனை நல்லவனாக்குகிறது. நல்ல சூழலில் சான்றோர்களுடன் வாழ்பவர் நல்லவர். காரம், உப்பு, இறைச்சி, மீன், முட்டை, சமைத்த அல்லது எண்ணெயில் பொரித்த உணவுகள் ஆகா. மனிதன் எதை உண்கிறானோ அதுவாகவே ஆகிவிடுகிறான். எனவே அடிப்படை மாற்றம் தேவை. உள்ளத்தை, உணர்வைக் கெடுக்கின்ற உணவைத் தவிர்த்தல் வேண்டும். மதுப்பானம், காபி, தேநீர் விடுவிக்கப்படல் வேண்டும்.” என்றார்.


அகடாரார் அல்லல் உழப்பர்சூ தென்னும்

குறள் 936
அகடாரார் அல்லல் உழப்பர்சூ தென்னும்
முகடியான் மூடப்பட் டார்
[பொருட்பால், நட்பியல், சூது]

பொருள்
அகடு - உள்; வயிறு நடு மேடு நடுவுநிலை பொல்லாங்கு

ஆர் - நிறைவு; பூமி கூர்மை அழகு மலரின்பொருத்துவாய்; காண்க:ஆத்தி; திருவாத்தி ஆரக்கால் தேரின்அகத்தில்செறிகதிர்; அச்சுமரம் செவ்வாய் சரக்கொன்றை அண்மை ஏவல் பலர்பால்படர்க்கைவினைமுற்றுவிகுதி; மரியாதைப்பன்மைவிகுதி; ஓர்அசை; அருமையான.

ஆரு - நிறைதல் - தணிதல் 

ஆரார் - நிறையாத ; தணியாத 

அல்லல் - துன்பம்

உழப்பர் - உழ-த்தல் - uḻa-   4 v. intr. 1. To suffer;to experience sorrow, pain, trouble or fatigue;வருந்துதல். அருந்துத லின்றி யலைகட லுழந்தோன்(மணி. 16, 74). 2. To be accomplished, asin an art; பழகுதல் (சீவக. 597.) 3. To try,make an effort; பிரயாசப்படுதல் செயற்றலைநின்றுழப்பவர்கள் (தணிகைப்பு. நாட்டு 130).--tr. Toconquer; வெல்லுதல் பாடகச் சீறடி பரற்பகையுழவா (சிலப். 10, 52).  

சூது - சூதாட்டம்; சூதாடுகருவி; உபாயம்; வெற்றி; இரகசியம்; தாமரை; காண்க:சூரியகாந்தி; சூழ்ச்சி.

என்னும் - யாவும், எல்லாம்; என்றுசொல்லப்படும்; யாதும்; சிறிதும்

முகடியான்முகடி - mukṭi   s. The elder-sister of Lukshmi, மூதேவி; (lit.) poverty, or misfortune. (சது.)

மூடுதல் - போர்த்தல்; மறைத்தல்; சுற்றிக்கொள்ளுதல்; நோய்முதலியனமிகுதல்.

மூடப்பட்டார் - சுற்றிக்கொள்ளப்பட்டார் ; நோயால் மிகுதியாக பாதிக்க படுவார் 

முழுப்பொருள்
என் சாண் உடம்புக்கு வயிறே பிரதானம்என்ற சொல்வழக்கு ஒன்றுண்டு. அவ்வயிறு ஆராமல் இருப்பதே வறுமையில் உச்சக்கட்ட கொடுமை. வயிறு ஆராதிருக்கும்போது மற்ற புலன் நுகர்ச்சிகளும் இராது. ஆதலால் வயிறு ஆராமையை முதன்மை படுத்துகிறார் திருவள்ளுவர். 

சூது என்பது சூழ்ச்சிகள் நிறைந்த ஒரு கொடிய விளையாட்டு. எவ்வளவு நடுநிலை வாய்ந்தவரும் தோற்கக்கூடிய விளையாட்டு. தோற்றால் உச்சியில் இருந்து அதல பாதாளத்திற்கு செல்ல நேரிடும். அத்தகைய சூதை ஒருவர் விளையாடுவார் என்றால் அவர் எல்லா செல்வத்தையும் இழந்து பசி ஆராத அளவிற்கு உச்சகட்ட வறுமையில் சிக்கி தவிப்பார். மேலும் துன்பங்கள் பலவற்றில் உழன்று வருத்தப்படுவார். வறுமை(மூதேவி) என்னும் நோயால் பற்றிகொள்ளப்படுவார்.  
 
மேலும்: அஷோக் உரை

பரிமேலழகர் உரை
சூது என்னும் முகடியான் மூடப்பட்டார் - தன் பெயர் சொல்லல் மங்கலம் அன்மையின் சூது என்று சொல்லப்படும் முகடியான் விழுங்கப்பட்டார்; அகடு ஆரார் அல்லல் உழப்பர் - இம்மைக்கண் வயிறாரப் பெறார்; மறுமைக்கண் நிரயத் துன்பம் உழப்பர். (செல்வங்கெடுத்து நல்குரவு கொடுத்தல் தொழில் வேறுபடாமையின் 'சூது என்னும் முகடி' என்றும், வெற்றி தோல்விகளை நோக்கி ஒரு பொழுதும் விடாராகலின், ஈண்டு 'அகடு ஆரார்' என்றும், பொய்யும் களவும் முதலிய பாவங்கள் ஈட்டலின் ஆண்டு 'அல்லல் உழப்பர்' என்றும் கூறினார். வயிறாராமை சொல்லவே ஏனைப் புலன்கள் நுகரப் பெறாமை சொல்ல வேண்டாவாயிற்று. உழப்பர் என்பது எதிர்கால வினைச்சொல்.).

மணக்குடவர் உரை
தமக்கு உள்ளதாகிய இந்திரியங்களும் மனமும் இன்புற்று நிறையப்பெறார்; அதுவேயன்றி அல்லற்படுவதும் செய்வர்; சூதாகிய மூதேவியாலே மறைக்கப்பட்டார். மறைத்தல்- நற்குணங்களைத் தோன்றாமல் மறைத்தல்.

மு.வரதராசனார் உரை
சூது என்று சொல்லப்படும் மூதேவியால் விழுங்கப்பட்டவர், வயிறு நிறைய உணவும் உண்ணாதவராகிப் பல துன்பப்பட்டு வருந்துவர்.

சாலமன் பாப்பையா உரை
சூதாட்டம் என்னும் மூதேவியால் மூடப்பட்டவர் வயிறும் நிறையாமல், துன்பத்தையும் அனுபவிப்பர்.

துஞ்சினார் செத்தாரின் வேறல்லர் எஞ்ஞான்றும்

குறள் 926
துஞ்சினார் செத்தாரின் வேறல்லர் எஞ்ஞான்றும்
நஞ்சுண்பார் கள்ளுண் பவர்
[பொருட்பால், நட்பியல், கள்ளுண்ணாமை]
(For meaning in English, scroll to the bottom of this post)

பொருள்
துஞ்சுதல் - தூங்குதல்; துயிலுதல்; சோம்புதல்; தொழிலின்றிஇருத்தல்; சோர்தல்; இறத்தல்; வலியழிதல்; குறைதல்; தொங்குதல்; தங்குதல்; நிலைபெறுதல்

துஞ்சினார் - உறங்கினாலும் 

செத்தல் - சாதல்; தேங்காய்நெற்று; உலர்ந்துசுருங்கியபனம்பழம், மிளகாய், வாழைமுதலியன; மெலிந்தது; அறக்காய்ந்தது, பசுமையற்றது.

செத்தாரின் - செத்தார் -  இறந்தவர் ; மெலிந்தவர் ; 

வேறு - பிறிது; பிரிந்தது; கூறுபாடு; பகைமை; எதிரிடையானது; புதிது; தீங்கு; சிறப்புடையது; தனி; செய்யுள்வேறுபாட்டினைக்குறிப்பதற்குஇடும்தலைப்புச்சொல்

அல்லர் - எதிர்மறை, அதுபாலல்ல; (அல்லர்-அல்லாதார்--அல்லார்--அல் லோர், s. Evil persons, the wicked. (p.))

எஞ்ஞான்றும் - எகக்காலமும், எப்பொழுதும், எப்போதும்.

நஞ்சு - விஷம்; விடம்; தீயது; குழந்தைபிறந்தபின்வெளிப்படும்தசைமுதலியன.

உண்பார் - உண்ணுதல் - உணவுஉட்கொள்ளுதல்; பொருந்துதல் நுகருதல்; அனுபவித்தல் இசைவாதல்.

கள் -  மருதநிலச்சார்பு, பொய்கை, மது; தேன்; வண்டு; களவு; பன்மைவிகுதி; அசைநிலை.;

உண்பவர் - உண்ணுதல் - உணவுஉட்கொள்ளுதல்; பொருந்துதல் நுகருதல்; அனுபவித்தல் இசைவாதல்.

முழுப்பொருள்
உறங்குபவர்க்கும் இறந்தவர்க்கும் பெரிய வேறுபாடில்லை. ஏனெனில் இறந்தவராலும் ஒரு பயனும் இல்லை உறங்கிக்கொண்டு இருக்கும் பொழுதும் எப்பயனும் இல்லை. உறங்குவது என்றால் கண் மூடி உறங்குவது மட்டும் அல்ல. உறங்குவது என்றால் சோம்பித் திரிதல் எத்தொழிலையும் செய்யாது இருத்தல் என்றும் பொருள் கொள்ளலாம். 

உறங்கும் நிலையென்பது இறந்த நிலைக்கு சமம். உணர்ச்சியற்ற நிலை. (யோகாசனத்தில் இறுதியில் ஷவாசனா செய்வார்கள் (இறந்த நிலை) என்பதை நினைவில் கொள்ளலாம்). உறக்க நிலையில் நமது உடலின் பல பாகங்கள் செயல் இழந்தே இருக்கும். விஞ்ஞானத்தில் REM sleep என்று கூறுவார்கள். இந்த நிலையில் தசைகள் எல்லாம் செயலற்று இருக்கும். அதனை paralysis என்று கூறுவார்கள். உறங்கிக்கொண்டு இருக்கும் பொழுது ஒருவர் தெளிவாக இருக்க மாட்டார்கள். அவர்களை சட்டென எழுப்பி உடனே ஒரு முடிவை எடுக்க சொன்னால் அவர்கள் தவறான முடிவை எடுக்க வாய்ப்புகள் அதிகம். ஏனெனில் அவர்கள் தூக்கக்கலக்கத்தில் இருந்துத் தெளிய குறைந்தபட்சம் சிறிது காலம் தேவைப்படும். 

கள் என்பதும் ஒருவித நஞ்சு. நம் இரத்தத்தில் கள் கலந்து ரத்தத்தின் அமில தன்மையை மாற்றிவிடும். ஆதலால் கொஞ்சம் கொஞ்சமாக மூளையையும் மற்ற அங்கங்ககளையும் செயலிழக்க செய்து அழித்துவிடும். கள் உண்பவர்களாலும் நல்ல முடிவுகளை எடுக்க முடியாது. ஆதலால் எப்பொழுதும் கள் உண்பவர்கள் நஞ்சு உண்கிறார்கள் என்றே அர்த்தம். ஆதலால் நஞ்சு உண்பவர்களும் கள் உண்பவர்களும் வேறு அல்லர். 

நஞ்சுக்கு சமமான கள்ளை உண்ணாதே என்றென்கிறார் திருவள்ளுவர்.

மேலும்: அஷோக் உரை

ஒப்புமை

வஞ்சமும் களவும் பொய்யும் மயக்கமும் மரபில் கொட்பும்
தஞ்சமென் றாரை நீக்கும் தன்மையும் களிப்பும் தாக்கும்
கஞ்சமெல் லணங்கும் தீரும் கள்ளினால் அருந்தி னாரை
நஞ்சமும் கொள்வ தல்லால் நரகினை நல்கா தன்றே (கம்ப.கிட்கிந்தை 95)

பரிமேலழகர் உரை
துஞ்சினார் செத்தாரின் வேறு அல்லர் - உறங்கினார் செத்தாரின் வேறாதல் உடையரேனும், அக்காலத்து அறிவின்மையான் வேறு எனப்படார்; கள் உண்பவர் எஞ்ஞான்றும் நஞ்சு உண்பார் - அவ்வாறே கள்ளுண்பார் நஞ்சுண்பாரின் வேறாதல் உடையரேனும், எக்காலத்தும் அறிவின்மையான் வேறு எனப்படார், அவர்தாமே யாவர். (உறங்கினார்க்கும் கள் உண்பார்க்கும் வேற்றுமை உயிர்ப்பு நிற்றல். வேறாதலும் வேறன்மையும் உடைமை காட்டற்கு உவமை புணர்க்கப்பட்டது. இதனை நிரல்நிரை யாக்கி, 'திரிக்கப்படுதலான் உறங்கினாரும் நஞ்சுண்பாரும் ஒப்பர்; கைவிடப்படுதலான் செத்தாரும் கள்உண்பாரும் ஒப்பர்' என்று உரைப்பாரும் உளர். அதிகாரப்பொருள் பின்னதாயிருக்க, யாதும் இயைபில்லாத நஞ்சுண்பார்க்கு உவமை புணர்ந்து ஈண்டுக்கூறல் பயனின்றாகலானும், சொற்கிடக்கை நிரல் நிரைக்கு ஏலாமையானும், அஃது உரையன்மை அறிக. இவை இரண்டு பாட்டானும் அவரது அறிவிழத்தற் குற்றம் கூறப்பட்டது.).

மணக்குடவர் உரை
உறங்கினார் செத்தாரோடு ஒப்பர், அறிவிழத்தலான்; அதுபோல எல்லாநாளும் கள்ளுண்பார் நஞ்சுண்பவரோடு ஒப்பர், மயங்குதலான். இஃது அறிவிழப்பரென்றது.

மு.வரதராசனார் உரை
உறங்கினவர் இறந்தவரை விட வேறுபட்டவர் அல்லர், அவ்வாறே கள்ளுண்பவரும் அறிவுமயங்குதலால் நஞ்சு உண்பவரே ஆவர்.

சாலமன் பாப்பையா உரை
உறங்குபவர், இறந்துபோனவரிலும் வேறுபட்டவர் அல்லர்; அதுபோலவே, எப்போதும் போதைப் பொருளைப் பயன்படுத்துபவர் நஞ்சு உண்பவரிலும் வேறுபட்டவர் அல்லர்.

அறியாத குறள்கள் - கவிஞர் மகுடேசுவரன் 
இன்று சனிக்கிழமை. சாலைகளில் மக்கள் வெள்ளம் வேட்டை மிருகத்தால் துரத்தப்படுவதுபோல் விரைகிறது. அதென்னவோ சனியிரவு என்பது எங்களூர் வாரச் சம்பளத்தவர்களுக்குச் சனிபிடித்த இரவுபோல் ஆகிவிடுகிறது. 

சாலையில் நிதானமாகச் சென்றுகொண்டிருப்பவர்கள் வலது பக்க மதுக்கடையைப் பார்த்ததும் சூன்யத்திற்குக் கட்டுப்பட்டவர்போல் சடாரென்று திரும்புகின்றனர். எதிரில் வருகிறவர் அல்லது அணைந்து உடன்வந்த வாகனத்தினர் தற்காத்துத் தணிவதால் மட்டுமே ஒரு விபத்து தவிர்க்கப்படுகிறது.

நீர்க்குழாய் பொருத்துநர் ஒருவர் என் வீட்டுக்கு வந்தார். மேல்மாடியில் நெகிழித் தொட்டி நிறுவி வீட்டுக்குத் தண்ணீர் இணைப்புகள் தரவேண்டும். குழாய் விற்பனைக் கடையில்தான் அவரைப் பரிந்துரைத்தார்கள். இப்போதெல்லாம் இதுபோன்ற சிறு வேலைகளுக்கு உரிய ஆள்கள் கிடைப்பதேயில்லை. வேண்டிய பொருள்களையெல்லாம் அந்தக் கடையிலேயே வாங்கி, தானி வண்டியொன்றில் வீடு வந்து சேர்ந்தோம். சாமானங்களை இறக்கி எங்கெங்கே எப்படியெப்படிப் பொருத்துவது என்று அன்னார் யோசித்துக்கொண்டிருக்க மதியமாகிவிட்டது.

‘சாப்பாட்டுக்குப் பணம் கொடுங்க. ஐந்நூறு வேண்டும்’ என்று கேட்க ஒன்றும் பேசாமல் கொடுத்தேன். போன ஆள் போனவர்தான். காணவில்லை. குழாய் விற்ற கடைக்கு வந்து அவரின் வீடு இருக்குமிடம் கண்டுபிடித்து அருகில் சென்றால் அவருக்கு என்னை அடையாளம் தெரியவில்லை. ஆள் தலைகொள்ளாப் போதையில் இருந்தார். என்னை ‘யார் நீ ?’ என்று கேட்டார். 

பேசாமல் வந்துவிட்டேன். மறுநாள் பூனையைப்போல் வந்து சேர்ந்தார். பலரிடம் விசாரித்த வகையில் ‘இந்தப் பகுதியிலேயே பிளம்பிங் பணிக்கு இந்த ஆளை அடித்துக்கொள்ள ஆள் கிடையாது. ஆனால் மொடாக் குடிகாரன்’ என்றார்கள். நான் என் கோபத்தைக் கட்டுப்படுத்திக்கொண்டு ‘குடி தவிர்’ என்று போதித்தேன். கேட்டுக்கொண்டார். ஆனால், பணி முடிந்ததும் மீண்டும் கடைக்குத்தான் போகப்போகிறார். 

இவரைப்போன்று குடியால் நாசமாய்ப்போன தொழில் வித்தகர்கள் ஆயிரமாயிரம். ‘நீ என்னவாக ஆகியிருக்கத் தகுந்தவனோ, அவ்வாறு ஆகாமல் போனதற்கு ஒரு காரணம் இருக்கும். அதில் முதலிடம் குடிப்பழக்கத்திற்கு...’ என்பது என் துணிபு. 

முன்பு நல்ல குழாய்ப்பணிக் கலைஞன் எனக்கு ஆஸ்தான பணியாளனாக இருந்தான். வேலையில் சுத்தமிருக்கும். அவனிடம் பணியை ஒப்படைத்துவிட்டு நாம் நிம்மதியாக வேறு கவனத்திற்குள் திரும்பலாம். இடையில் அவனைக் காணவில்லை. அடுக்ககக் கட்டுமான நிறுவனமொன்றில் பணிக்குச் சேர்ந்துவிட்டான். அவன் தன் சம்பளமாகச் சொன்ன தொகை தகவல் தொழில்நுட்ப இளைஞர்கள் பெறுவதற்கு நிகராக இருந்தது. வாழ்க’ என்று வாழ்த்தி அமைந்தேன். குறிப்பு : அவனுக்குக் குடிப்பழக்கம் இல்லை. 

வேறொரு சமயத்தில் குழாய்களில் படிந்த உப்பகற்ற வேண்டியிருந்தது. எங்கள் வீட்டுக் குழாய்களில் ஆறுமாதங்களுக்கொருமுறை உப்பு திரண்டுவிடும். தினத்தாளில் பெயரட்டை அளவு விளம்பரம் ஒன்றைக் கண்டேன். ‘பைப்புகளில் உப்பு அடைப்பா ? நாங்கள் நீக்கித் தருகிறோம்’ என்றிருக்கவே அழைத்தேன். 

எடுத்தவர் தாம் கேரளத்தில் இருப்பதாகச் சொன்னார். ஆனாலும் என் அன்பு அழைப்பைச் சிரமேற்கொண்டு தம்முடைய ஆள் ஒருவரை அனுப்பி வைத்து உதவுவதாகக் கூறினார். புதிது புதிதாக வரும் ஆள்கள்மீது எனக்கு நம்பிக்கையே இல்லை என்றாலும் அப்போதைக்கு வேறு வழியில்லை. ‘வரச்சொல்லுங்க’ என்றேன். வந்தவர் நாற்பதுகளில் இருந்தார். நெற்றியில் சந்தனக் குங்குமத் தீற்றல். ‘குணசீலர்போல... நம் நற்பேறு இது’ என்று மகிழ்ந்திருந்தேன். குழாயில் ஊற்றவேண்டிய அமிலக் கரைசல் மற்றும் பணிக்கருவிகளுடைய பையை ஓரமாக வைத்தார். ‘ஒரு இருநூறு ரூபாய் கொடுங்க... வேலை முடிஞ்சதும் கழிச்சிக்கலாம்’ என்றார். ஒரு மனிதனை இருநூறு ரூபாய்க்கு நம்பாமல் எப்படி ? கொடுத்தேன். 

வீட்டுச் சாலையில் இன்னும் கழிவுநீர் வடிகால் வசதி ஏற்படவில்லை என்பதால் பிரதான இரும்புக் கதவருகில் முழங்காலளவுக் கருந்தண்ணீர் தேங்கியிருக்கும். வெளியே போனவர் வரத் தாமதமாகவே நான் யோசனைக்குள் ஆழ்ந்தேன். அரைமணி நேரம் கழித்து வந்தார். நடையில் ஒரு பின்னல் இருந்தது. ஆனால், நேராக வராமல் குழியில் தேங்கியிருந்த சாக்கடைக்குள் இறங்கி விழித்தார். எனக்கு ஒன்றும் புரியவில்லை. மேலேறும் முயற்சியில்

தத்தக்கா பித்தக்கா என்று முயன்றவர் ஒருகட்டத்தில் பொத்தென்று அதற்குள்ளேயே விழுந்து உட்கார்ந்துவிட்டார். இப்போது மார்பளவுத் தண்ணீரில் நீந்துகோலத்தில் காணப்பட்டார். எப்படியோ சுதாரித்து ஏறியவர் அதற்குமேல் ஒன்றும் முடியாமல் படுத்துவிட்டார். காசை வாங்கிக்கொண்டுபோய் முதல்வேலையாக மதுவுண்டு வந்திருக்கிறார். உப்படைப்பை நீக்க வந்தவர் பப்பரப்பா என்று படுத்துக்கிடக்கிறார். எல்லாரும் சேர்ந்து அவரைத் தூக்கியமர்த்தி பத்துக்குடம் தண்ணீரை மேலே ஊற்றி விதியை நொந்தபடி அவரைக் குளிப்பாட்டித் தெளிவித்து அனுப்பினோம்.

திருவள்ளுவர் ‘கள்ளுண்ணாமை’ என்ற அதிகாரத்தில் கடுமையாகக் கடிந்து எழுதியிருக்கிறார். ‘செத்த பிணம்’ என்று அவர்களை அழைக்கிறார். குடிப்பவர்கள் தங்களைத் தவணை முறையில் தற்கொலை செய்துகொள்கிறார்கள்’ என்று சுந்தர ராமசாமி எழுதியது நினைவுக்கு வருகிறது. சமூகத் தீங்குகள் அனைத்திற்கும் ஆணிவேர் என்று குடிப்பழக்கத்தைச் சொல்ல வேண்டும். மதியை மயங்கச் செய்யும் மது மனித குலத்திற்கு விரோதமானது. 

தமிழ்நாடெங்கும் மது ஆறாக ஓடுகிறது. தனியொருவனுக்குத் தன்மீது கட்டுப்பாடு இல்லை. குடும்பங்கள் கடன்களில் தத்தளிக்கின்றன. கள்ளொழிக்க ஒருவழியும் புலப்படவில்லை. மதுவடிமை மனநோயாளிகளால் நிறைந்திருக்கிறது இந்நாடு.
‘கள்ளுண்பவர்கள் சோம்பித் தூங்குகின்றவர்களையும் செத்துப் பிணமானவர்களை விடவும் வேறல்லர். எப்பொழுதும் கள் குடிப்பவர்கள் நஞ்சு உண்பர்கள்தாம்.’ 
 துஞ்சினார் செத்தாரின் வேறல்லர் எஞ்ஞான்றும்
நஞ்சுண்பார் கள்ளுண் பவர். 

English Meaning - As I taught a kid - Rajesh
The people who are always sleeping, lethargic, not doing any work are no different from dead people because both are useless for anything. People who drink alcohol and other intoxicating beverages/drinks/narcotic drugs can be always considered as consuming poison because the drinks/drugs changes the chemicals in our blood and neurological systems thereby keeping one in a sleeping/lethargic state. It only harms the body. It doesn't do any good to the body.

Questions that I ask to the kid
Who is no different from a dead person? 
What is considered as drinking poison? 

பொதுநலத்தார் புன்னலம் தோயார் மதிநலத்தின்

குறள் 915
பொதுநலத்தார் புன்னலம் தோயார் மதிநலத்தின்
மாண்ட அறிவி னவர்
[பொருட்பால், நட்பியல், வரைவின்மகளிர்]

பொருள்
பொது - பொதுமையானது; சிறப்பின்மை; சாதாரணம்; வழக்கமானது; நடுவுநிலை; ஒப்பு; குறிப்பானபொருளின்மை; வெளிப்படையானது; சபை; தில்லையம்பலம்.

நலத்தார் - நலத்தல் - nala-   12 v. நன்-மை. intr. Toresult in good; to take a favourable turn; நலமாதல். நலக்க வடியோமை யாண்டுகொண்டு (திருவாச. 9, 6).--tr. cf. நய¹-. To wish, desire;  

நலம் - நன்மை; இன்பம்; உதவி; கண்ணோட்டம்; அழகு; அன்பு; ஆசை; குணம்; பயன்; புகழ்; உயர்வு; நல்வாழ்வு; நிறம்; செம்மைநிறம்; விருச்சிகராசி; எருதின்விதை; சுக்கு; அறம்.

பொதுநலத்தார் - potu-nalattār   n. id.+. Prostitutes; பொதுமகளிர். பொதுநலத்தார்புன்னலந் தோயார் (குறள், 915).

புன் - புன்மை - மறதி; இழிவு; அழுக்கு; துன்பம்; சிறுமை; வறுமை; குற்றம்; புகர்நிறம்; பார்வைமழுக்கம்.

புன் - புல் - தாவரவகை; ஒருசார்விலங்குகளின்உணவுவகை; புதர்; கம்பு; புன்செய்த்தவசம்; காண்க:புல்லரிசி; மருந்துச்செடிவகை; பனை; தென்னை; அனுடநாள்; புல்லியது; இழிவு; கபிலநிறம்; புணர்ச்சி; சிவல்; புலி

நலம் - நன்மை; இன்பம்; உதவி; கண்ணோட்டம்; அழகு; அன்பு; ஆசை; குணம்; பயன்; புகழ்; உயர்வு; நல்வாழ்வு; நிறம்; செம்மைநிறம்; விருச்சிகராசி; எருதின்விதை; சுக்கு; அறம்.

தோய்தல் - முழுகுதல்; நனைதல்; நிலத்துப்படிதல்; செறிதல்; அணைதல்; உறைதல்; கலத்தல்; பொருத்துதல்; முகத்தல்; கிட்டுதல்; ஒத்தல்; அகப்படுதல்; நட்டல்; துவைச்சலிடுதல்.

தோயார் - தம்மை ஈடுபத்திக்கொள்ளார்

மதி - சந்திரன்; மாதம்; ஒன்றுஎன்னும்எண்ணைக்குறிக்கும்குழூஉக்குறி; இராசி; குபேரன்; இடைகலை; காண்க:மதிநாள்; மதிஞானம்; கற்கடகராசி; இயற்கையறிவு; பகுத்தறிவு; வேதத்தின்படிநடத்தல்; மதிப்பு; காசியபரின்மனைவி; அசோகமரம்; அதிமதுரம்; ஒருமுன்னிலையசைச்சொல்; ஒருபடர்க்கையசைச்சொல்; யானை.

நலத்தின் - நன்மை; இன்பம்; உதவி; கண்ணோட்டம்; அழகு; அன்பு; ஆசை; குணம்; பயன்; புகழ்; உயர்வு; நல்வாழ்வு; நிறம்; செம்மைநிறம்; விருச்சிகராசி; எருதின்விதை; சுக்கு; அறம்.

மாண்ட -மாண்(ணு)-தல் - மாட்சிமைப்படுதல், மிகுதல், நன்றாதல், 

அறிவு - ஞானம்; புத்தி; பொறியுணர்வு; அறியவேண்டியவை; கல்வி; ஆன்மா, ஆடூஉக்குணம், உணர்வு, கல்வி மற்றும் அனுபவத்தால் கிடைக்கும் செயல் திறன் (அல்லது) தகவலறிவு., புரிந்து கொள்ளுதல்.

அறிவினவர் - அறிவு உடையோர் 

முழுப்பொருள்
பல ஆண்கள் உடற்கின்பத்திற்காக செல்வம் கொடுத்து மனைவியாக ஏற்காமல் மறைவாக கூடும் பெண்களை பொதுமகளிர் என்பர். புணர்ச்சி இன்பத்திற்காக அத்தகைய பொதுமகளிரிடம் தன்னை எவ்விதத்திலும் ஈடுபடுத்திக்கொள்ளாமல் இருப்பார்கள் இயற்கையான மனநலத்தையும் மாட்சிமை உடைய அறிவையும் உடையவர்கள். 

இயற்கையாக மனநலம் கொண்டோர் பொதுமகளிருடன் புன்னலத்தில் ஈடுபடமாட்டார். அப்படியெனில் பொதுமகளிருடன் ஈடுபடுபவர்கள் சமநிலை இழந்தவர்கள். நோய்வாய் பட்டவர்கள் மனநோய் கொண்டவர்கள் என்பதை நாம் இங்கு உணரலாம். 

மேலும்: அஷோக் உரை

பரிமேலழகர் உரை
மதி நலத்தின் மாண்ட அறிவினர் - இயற்கையாகிய மதிநன்மையான் மாட்சிமைப்பட்ட செயற்கை அறிவினையுடையார்; பொது நலத்தார் புல்நலம் தோயார் - பொருள் கொடுப்பார்க்கெல்லாம் பொதுவாய ஆசையினையுடைய மகளிரது புல்லிய நலத்தைத் தீண்டார். (மதி நன்மை - முற்பிறப்புக்களில் செய்த நல்வினைகளான் மனம் தௌ¤வு உடைத்தாதல். அதனான் அன்றிக் கல்வியறிவு மாட்சிமைப்படாமையின், 'மதிநலத்தின் மாண்ட அறிவினவர்'என்றும்,அவ்வறிவுடையார்க்கு அவராசையது பொதுமையும் மெய்ந்நலத்தது புன்மையும் விளங்கித் தோன்றலின், 'தோயார்'என்றும் கூறினார்.).

மணக்குடவர் உரை
மதிநலத்தாலே மாட்சிமைப்பட்ட அறிவுடையார், எல்லார்க்கும் பொதுவாகிய நலத்தினையுடையவரது புல்லிய நலத்தைச் சேரார். இது புத்திமான் சேரானென்றது.

மு.வரதராசனார் உரை
இயற்கை யறிவின் நன்மையால் சிறப்புற்ற அறிவுடையோர், பொருள் தருவார் எல்லார்க்கும் பொதுவாக இன்பம் தரும் மகளிரின் புன்மையான நலத்தைப் பொருந்தார்.

சாலமன் பாப்பையா உரை
இயல்பாகிய மதிநலத்தால் சிறந்த அறிவினை உடையவர், பாலியல் தொழிலாளரின் அற்ப உடம்பைத் தீண்டமாட்டார்.

இமையாரின் வாழினும் பாடிலரே இல்லாள்

குறள் 906
இமையாரின் வாழினும் பாடிலரே இல்லாள்
அமையார்தோள் அஞ்சு பவர்
[பொருட்பால், நட்பியல், பெண்வழிச்சேறல்]

பொருள்
இமைத்தல் - இமைகொட்டுதல்; ஒளிவிடுதல் சுருங்குதல் தூங்குதல்

இமையாரின் - இமையார் - imaiyār   n. இமை- + ஆ neg.The gods, who never wink their eyes; தேவர் (குறள், 906.)  

வாழினும்  - வாழ்தல் - இருத்தல்; செழித்திருத்தல்; மகிழ்தல்; சுமங்கலியாகஇருத்தல்; விதிப்படிஒழுகுதல்

பாடு - உண்டாகை; நிகழ்ச்சி; அனுபவம்; முறைமை; நிலைமை; செவ்வி; கடமை; கூறு; பயன்; உலகவொழுக்கம்; குணம்; பெருமை; அகலம்; ஓசை; உடல்; உழைப்பு; தொழில்; வருத்தம்; படுக்கைநிலை; விழுகை; தூக்கம்; சாவு; கேடு; குறைவு; பூசுகை; மறைவு; நீசராசி; இடம்; பக்கம்; அருகு; ஏழாம்வேற்றுமையுருபு.

இலரே - மக்கள் இல்லை 

இல்லாள் - மனைவி; மருதமுல்லைநிலங்களின்தலைவியர்; வறுமையுடையவள்.

அமை - அமைதல் - amai-   4 v.intr. 1. To becomestill, quiet, to subside; அடங்குதல் (கல்லா. முரு.வரி, 15.) 2. To be satisfied, contented; திருப்தியாதல். அமைய வுண்மின். (W.) 3. To submit,acquiesce, agree; உடன்படுதல் கெழுதகைமை செய்தாங் கமையாக் கடை (குறள், 803). 4. (Gram.) Tobe regularized, as irregular expressions; வழுவாயினும் ஏற்புடையதாதல். பொருள் வேறுபட்டு வழீஇயமையுமாறு (தொல். பொ 196, உரை). 5. To besettled, fixed up; தீர்மானமாதல். அந்த வீடு எனக்கமைந்தது. 6. To crowd together, be close;  

ஆர் - ஆகாத

அமையார் - அமையாத - உடன்படாத ; ஏற்புடையாத 

தோள் - புயம்; கை; தொளை

அஞ்சுபவர் - பயப்படுபவர்

முழுப்பொருள் 
வெளி உலகில் தேவர் போன்று பீடுநடைப்போட்டு வாழ்ந்தாலும் எல்லா புகழையும் மரியாதையும் பெற்றாலும் ஒருவர் தன்னுடைய வீட்டில் உள்ள மனைவியிற்கு பயந்தால் அவருக்கு பெருமை/குணம்/அழகு இல்லை. 

கணவன் மனைவியிற்கு இடையே அன்பும் காதலும் தான் இருக்க வேண்டும். இருவருக்கும் இடையே பரஸ்பர நட்பும் மதிப்பும் இருத்தல் வேண்டும். அப்படி இருந்தால் அச்சம் இருக்காது. அச்சமும் இருக்க கூடாது. 

மேலும் மனைவிக்கு அஞ்சி ஒருவன் தனக்கு ஒவ்வாதவற்றையும் அறம் அல்லாதவற்றையும் வெளியுலகில் செய்வான் சென்றால் அது அவனுக்கு இழுக்கே.

அழகிய தோளைக் குறித்ததற்கு என்ன காரணம் என்றால், வீரம் பொருந்திய வீரர்களையும் வென்றிருந்தாலும், மனைவியின் அழகியதோளுக்கு அஞ்சுவதை நையாண்டியாகக் குறிக்கத்தான்.

மேலும்: அஷோக் உரை

பரிமேலழகர் உரை:
இல்லாள் அமை ஆர் தோள் அஞ்சுபவர் - தம் இல்லாளுடைய வேய் போலும் தோளினை அஞ்சுவார்; இமையாரின் வாழினும் பாடு இலர் - வீரத்தால் துறக்கம் எய்திய அமரர் போல இவ்வுலகத்து வாழ்ந்தாராயினும், ஆண்மையிலர். (அமரர்போல் வாழ்தலாவது, பகைத்த வீரர் தோள்களை எல்லாம் வேறலான் நன்கு மதிக்கப்பட்டு வாழ்தல். அது கூடாமையின் 'வாழினும்' என்றார். 'அமை ஆர் தோள்' எனவே, அஞ்சுதற் காரணத்தது எண்மை கூறியவாறு. வீரர் தோள்களை வென்றார் ஆயினும், இல்லாள் தோள்களை அஞ்சுவார் ஆண்மையிலார் என்பதாம். இவை நான்கு பாட்டானும் அவளை அஞ்சுதற் குற்றம் கூறப்பட்டது.).

மணக்குடவர் உரை
தேவரைப்போல இன்புற்று வாழினும், பெருமை யிலராவர்; மனையாளது வேய்போலும் தோளை அஞ்சுபவர். இது செல்வமுடையராயினும் பிறரால் மதிக்கப்படாரென்றது.

மு.வரதராசனார் உரை:
மனைவியின் தோளுக்கு அஞ்சி வாழ்கின்றவர் தேவரைப் போல் இவ்வுலகில் சிறப்பான நிலையில் வாழ்ந்த போதிலும் பெருமை இல்லாதவரே ஆவர்.

சாலமன் பாப்பையா உரை
தேவர்களைப் போல வாழ்ந்தாலும் மனைவியின் மூங்கில் போன்ற தோளுக்குப் பயப்படுபவர், ஆண்மையால் வரும் பெருமை இல்லாதவரே.

எரியால் சுடப்படினும் உய்வுண்டாம் உய்யார்

குறள் 896
எரியால் சுடப்படினும் உய்வுண்டாம் உய்யார்
பெரியார்ப் பிழைத்தொழுகு வார்
[பொருட்பால், நட்பியல்,  பெரியாரைப் பிழையாமை]

பொருள்
எரியால் - எரி - நெருப்பு; வேள்வித்தீ; தீக்கடைகோல்; ஒளி; அக்கினிதேவன்; நரகம்; கார்த்திகை; புனர்பூசம்; கந்தகம்; இடபராசி; கேட்டை; வால்மீன்வகை

சுடப்படினும் - சுடுதல் - காய்தல்; காயச்செய்தல்; எரித்தல்; பலகாரம்செய்தல்; காளவாயில்வேகவைத்தல்; மருந்துநீற்றுதல்; வெடிசுடுதல்; சூடிடுதல்; கெடுத்தல்; தீயிலிடுதல்; வருத்துதல்.

உய்வு  - உய்தி; உயிர்தப்புகை; பிழைப்பு ஈடேற்றம் இடுக்கண்களினின்றும்நீங்கும்வாயில்; உய்தல்

உண்டாம் - உண்டு - உள்ளதன்மையைஉணர்த்தும்ஐம்பால்மூவிடத்திற்கும்உரியஒருகுறிப்புவினைமுற்றுச்சொல்; ஓர்உவமஉருபு; அற்பத்தைக்குறிக்கும்சொல்; ஊன்றுகோல்; uṇṭu   உள்-. [K. uṇṭu, M. Tu.uṇḍu.] v. intr. Finite verb denoting existence,used in common to all genders and personsand both numbers;

உய்தல் - உயிர்வாழ்தல், பிழைத்தல், ஈடேறுதல், நீங்குதல் தப்புதல்

உய்யார் - நீங்க முடியாது ; தப்பிக்க முடியாது ; பிழைக்க முடியாது 

பெரியார்ப் -மூத்தோர்; சிறந்தோர்; ஞானியர்; அரசர்.

பிழைத்து - பிழைத்தல்- குற்றஞ்செய்தல்; பலியாதுபோதல்; சாதல்; தவறிப்போதல்; உய்தல்; கேட்டினின்றுதப்புதல்; உயிர்வாழ்தல்; வாழ்க்கைநடத்துதல்; நீங்குதல்; இலக்குத்தவறுதல்.

ஒழுகுவார் ஒழுகுதல் - நீர்பாய்தல்; நீர்ப்பொருள்சொட்டுதல்; ஓடுதல்; பரத்தல்; ஒழுங்குபடுதல்; நடத்தல்; நீளுதல்; வளர்தல்; போதல்; பெருகியோடுதல்.

முழுப்பொருள்
தீ என்பது ஒரு காட்டையே முற்றிலும் அழிக்கும் தன்மை வாய்ந்தது. ஆதலால் தீ ஒருவர் உடலை மிக எளிதாக அழித்துவிடும். அத்தகைய தீ ஒருவரை சுட்டால் அவர் உயிர் பிழைப்பது மிக மிக அரிது/கடினம். நெருப்பு சுட்டும் ஒருவர் பிழைக்க கூடும் ஆனால் சான்றோர் பெரியோரிடம் தவறாக நடந்துகொண்டால் அக்குற்றத்தின் விளைவான அழிவில் இருந்து தப்பிக்கவே முடியாது. 

ஏனெனில் பெரியோரின் சினம் நம்மை அழிக்கும் தன்மை வாய்ந்தது. நம்மை பற்றி முழுவதுமாக அறிந்து இருப்பர். நம்முடைய பலகீனங்கள் பெரியோர்களுக்கு தெரியும். ஆதலால் நம்மை வீழ்த்துவது அவர்களுக்கு மிக எளிது. 

தரையில் சேதம் என்றால் எல்லோருக்கும் உடனடியாக தெரிந்துவிடாது. மூடி மறைத்துவிடலாம். ஆனால் கோபுரத்தில் சேதம் என்றால் மூடிமறைக்க முடியாது. செய்தி மிக வேகமாய் பரவி விடும். ஆதலால் பெரியோரிடம் தவறாக நடந்துகொண்டால் இந்த சமூகம் அமைதியாக வேடிக்கை பார்க்காது. பெரியோரின் பகையை அஞ்சி தன் பங்கிற்கு நம்மை அவர்களிடம் இருந்து விலக்கி விடும். ஆதரவு அற்று பலம் குறையும். தனிமை படுத்தப்படுவோம். அழிவு உண்டாகும். 

இன்னா நாற்பது , “இன்னா, பெரியார்க்குத் தீய செயல்” (இன்னா.27) என்றும் “பெருமையுடையாரைப் பீடழித்தல் இன்னா” (இன்னா.28) என்றும் கூறும். பழமொழி நானூற்றுப் பாடலொன்று, இக்குறளின் கருத்தை இவ்வாறு கூறுகிறது:

ஆமாலோ என்று பெரியாரை முன்னின்று
தாமாச் சிறியார் தறுகண்மை செய்தொழுகல்
போமாறு அறியாப் புலன்மயங்கி ஊர்புக்குச்
சாமாகண் காணாத வாறு. (பழமொழி.233)

இப்பாடல் சொல்லும் கருத்து. பெரியோர்களை வெகு குறைவாக மதிப்பிட்டு, இவர்கள் எம்மோடு மாறுபடுதல் கூடுமோ என்று ஆணவத்தால் நினைத்து, அறிவிற் சிறியார் தாமாக வன்மையானவும், முறையற்றனவும் செய்வதும் சாகப்போவது அறியாமல் விலங்குகள் அவை செல்லும் வழியினை அறியாதவாறு, அறிவு மயங்கலால், ஊரினுள் புகுந்து தம்முடைய உயிரையே இழந்து வருந்துவது போலாகும்.

மேலும்: அஷோக் உரை

பரிமேலழகர் உரை
எரியால் சுடப்படினும் உய்வு உண்டாம் - காட்டிடைச் சென்றானொருவன் ஆண்டைத் தீயாற் சுடப்பட்டானாயினும் ஒருவாற்றான் உயிருய்தல் கூடும்; பெரியார்ப் பிழைத்து ஒழுகுவார் உய்யார் - தவத்தாற் பெரியாரைப் பிழைத்து ஒழுகுவார், எவ்வாற்றானும் உயிருய்யார். (தீ முன் உடம்பினைக் கதுவி அதுவழியாக உயிர்மேற் சேறலின், இடையே உய்யவும் கூடும். அருந்தவர் வெகுளி அன்னதன்றித் தான் நிற்பது கணமாய் அதற்குள்ளே யாவர்க்கும் காத்தல் அரிதாகலின், (குறள்-6) அது கூடாதாகலான், அதற்கு ஏதுவாய பிழை செய்யற்க என்பதாம்.).

மணக்குடவர் உரை
தீயினால் சுடப்படினும் உய்தல் உண்டாம்: பெரியாரைப் பிழைத்தொழுகுவார் உய்யார். இது முனிவரைப் பிழைத்தலினால் வருங்குற்றம் கூறிற்று. முற்பட உயிர்க்கேடு வருமென்று கூறினார்.

மு.வரதராசனார் உரை
தீயால் சுடப்பட்டாலும் ஒருகால் உயிர் பிழைத்து வாழ முடியும், ஆற்றல் மிகுந்த பெரியவரிடத்தில் தவறு செய்து நடப்பவர் தப்பி பிழைக்க முடியாது.

சாலமன் பாப்பையா உரை
தீயால் சுடப்பட்டாலும் பிழைத்துக் கொள்ளலாம். ஆனால் பெரியவர்களை அவமதித்து வாழ்பவர் பிழைக்கவேமாட்டார்.

ஒன்றாமை ஒன்றியார் கட்படின் எஞ்ஞான்றும்

குறள் 886
ஒன்றாமை ஒன்றியார் கட்படின் எஞ்ஞான்றும்
பொன்றாமை ஒன்றல் அரிது
[பொருட்பால், நட்பியல், உட்பகை]

பொருள்
ஒன்றாதல் - ஒற்றுமைப்படுதல், ஐக்கியப்படுதல்; முதலாதல்; இணையின்றாதல்.

ஒன்று-தல் - oṉṟu-   5 v. intr. ஒன்று [T.onaru, K. ondu.] 1. To unite; to coalesce; togrow together, as two trees; to become one;ஒன்றாதல். 2. To agree; சம்மதித்தல் 3. To beon intimate terms with; மனங்கலத்தல். நிரயங்கொள்பவரோ டொன்றாது (புறநா. 5, 6). 4. To setone's mind solely on an object; ஒருமுகப்படுதல்.நன்புல னொன்றி நாதவென் றரற்றி (திருவாச. 4, 82).5. To resemble; to be similar; உவமையாதல்.வேயொன்று தோளொருபால் (தொல். பொ 286,உரை.)  

ஒன்றாமை - மனம் கலங்காது இருத்தல்  ; பகையில்லாது இருந்தால் 

ஒன்றியார் -இணைந்து இருப்பவர் 

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

படின் - பட்டால் 

எஞ்ஞான்றும் - எகக்காலமும், எப்பொழுதும், எப்போதும்

பொன்றுதல் - அழிதல்; இறத்தல்; தவறுதல்; பார்வைமுதலியனகுறைதல்

பொன்றாமை - அழியாது ; இறக்காது 

ஒன்றல் - ஒன்றுதல்; பொருந்துதல்

அரிது - அருமை; பசுமை

முழுப்பொருள்
தன்னுடன் இருப்பவர்களிடம் மனவேறுபாடு உட்பகை ஆகியவை தோன்றாமல் வளராமல் இருக்குமாயின் ஒருவரோடு ஒருவர் ஒற்றுமையாக இருப்பார் ஆயின் பின்பு எக்காலமும் அவர்களால் அழிவென்பது தோன்றுவது மிக மிக அரிதாகும். 

ஒரு நாட்டில் அல்லது உறவுகளில் அல்லது குடும்பங்களில் உட்பகை இருக்குமாயின் வேறேதும் தேவையில்லை அந்த உட்பகை ஒன்றே எல்லா அழிவையும் தந்துவிடும். அந்த அழிவு நேராமல் தப்பிப்பது மிக மிக அரிது.

ஆதலால் உட்பகை தோன்ற அனுமதிக்காமல் இருப்பது நமக்கு எல்லாவிதத்திலும் நன்மையே. 

மேலும்: அஷோக் உரை

பரிமேலழகர் உரை
ஒன்றாமை ஒன்றியார்கண் படின் - பகைமை, தனக்கு உள்ளாயினார் மாட்டே பிறக்குமாயின்; பொன்றாமை ஒன்றல் எஞ்ஞான்றும் அரிது - அரசனுக்கு இறவாமை கூடுதல் எஞ்ஞான்றும் அரிது. (பொருள் படை முதலிய உறுப்புக்களாற் பெரியனாய காலத்தும் என்பார், 'எஞ்ஞான்றும்' என்றார். இவை நான்கு பாட்டானும், அதனால் தனக்கு வரும் தீங்கு கூறப்பட்டது.).

மணக்குடவர் உரை
தன் ஒன்றினார்மாட்டு ஒன்றாமை உளதாயின், எந்நாளினும் சாவாமையைக் கூடுதல் அரிது. இது நட்டோராகிய உட்பகையினால் வரும் தீமை கூறிற்று.

மு.வரதராசனார் உரை
ஒருவனுடைய உற்றாரிடத்தில் பகைமை ஏற்படுமானால், அந்த உட்பகையால் அவன் அழியாமலிருத்தல் எப்போதும் அரிது.

சாலமன் பாப்பையா உரை
தன்னுடன் இருப்பவரின் பகை தோன்றுமானால், ஆட்சியின் அழிவைத் தடுக்க ஒருபோதும் முடியாது.

தேறினும் தேறா விடினும் அழிவின்கண்

குறள் 876
தேறினும் தேறா விடினும் அழிவின்கண்
தேறான் பகாஅன் விடல்
[பொருட்பால், நட்பியல், பகைத்திறந்தெரிதல்]
(For meaning in English, scroll to the bottom of this post)

பொருள்
தேறினும் - தேறுதல் - தெளிதல்; நீர்தெளிதல்; துணிதல்; ஆறுதல்; பலித்தல்; மனத்திண்மையுறுதல்; முதிர்தல்; செழித்தல்; தேர்ச்சியடைதல்; தங்கல்; கூடுதல்; சோறுமுதலியனவிறைத்தல்; நம்புதல்; மயக்கம்தெளிதல்

தேறாவிடினும் - தெளியாது இருந்தாலும்; துணியாது இருந்தாலும் ; தேர்ச்சியடையாது இருந்தாலும் 

அழிவு - கேடு; தீமை; செலவு; வறுமை; வருத்தம்; மனவுறுதியின்மை; தோல்வி; கழிமுக

அழிவின் - அழிவில் இருந்து

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

தேறான் - தேற மாட்டான் ; தெளிய மாட்டான் ; துணிய மாட்டான் 

பகுதல்- பிளவுபடுதல்; பாகமாய்ப்பிரித்தல்.

பகாஅன் - விலக மாட்டான் 

விடல் - முற்றும்நீங்குகை; ஊற்றுகை; குற்றம்.

முழுப்பொருள்
ஒருவன் அவன் மற்றவரிடம் கொண்ட பகையை பற்றி முழுவதமாக அறிந்திருந்தாலும் அல்லது அறியாவிட்டாலும் பரவாயில்லை. ஆனால் தனக்கு நெருக்கடியோ அல்லது அழிவோ வரும் காலகட்டங்களில் தனக்கு ஒரு லாபம் வரும் அல்லது உதவி வேண்டும் என்று இருந்தாலும் கூட அப்பகையிடம் உறவை புதுப்பிக்க நட்பு பாராட்ட துணியக்கூடாது. அதேப்போல் அப்பகையிடம் மேலும் விலகாது இருந்தால் வேண்டும். அப்பகையை அப்படியே விட்டுவிட வேண்டும். 

ஏனெனில் அழிவில்  இருந்து அந்நேரத்தில் தப்பித்துவிடலாம் ஆனால் அப்பகையிடம் இருந்து தப்பிக்க முடியாது. ஏனெனில் ஒரு சரியான சந்தர்ப்பத்திற்கு காத்திருந்த அந்த பகை மெல்ல கொல்லும் தன்மை வாய்ந்தது. அதற்கு பகை உடன் கூடாமல் இப்பொழுதே அழிந்துவிடுவது மேல். 

அப்பகையிடம் மேலும் விலக்கம் கொண்டால் பகை நம்மிடம் சினந்து நாம் வலுவற்று இருக்கும் இந்நிலையில் நம்மை தாக்கி நம் அழிவை விரைவு படுத்தும். அதாவது "எரிகிற விளக்கில் எண்ணெய் விட்ட மாதிரி" ஆகிவிடும்.  

மேலும் அஷோக் உரை

பரிமேலழகர் உரை
தேறினும் தேறாவிடினும் - பகவைனை முன் தௌ¤ந்தானாயினும் தௌ¤ந்திலனாயினும்: அழிவின்கண் தேறான் பகான்விடல் - தனக்குப புறத்தொரு வினையால் தாழ்வு வந்துழிக் கூடாது நீக்காது இடையே விட்டு வைக்க. (முன் 'தௌ¤ந்தான் ஆயினும், அப்பொழுது கூடாதொழிக' என்றது,. உள்ளாய் நின்று கெடுத்தல் நோக்கி, 'தௌ¤ந்திலனாயினும் அப்பொழுது நீக்கா தொழிக' என்றது, அவ்வழிவிற்குத் துணையாதல் நோக்கி. இதனான் நொதுமலாக்கற்பாலது கூறப்பட்டது.).

மணக்குடவர் உரை
பகைவனை ஆக்கமுள்ள காலத்து நட்டோனென்று தௌ¤யலுமாம்; பகைவனென்று ஐயப்படலுமாம்; அழிவுவந்த விடத்துத் தௌ¤வதுஞ் செய்யாது நீக்குவதுஞ் செய்யாது ஒழுகுக. இது பகையாயினார்மாட்டு அழிவின்கண் செய்வதோரியல்பு கூறிற்று.

மு.வ உரை
இதற்கு முன் ஒருவனைப் பற்றி ஆராய்ந்து தெளிந்திருந்தாலும், தெளியாவிட்டாலும் அழிவு வந்த காலத்தில் அவனைத் தெளியாமலும் நீங்காமலும் வாளாவிட வேண்டும்.

சாலமன் பாப்பையா உரை
ஒருவனது பகையை முன்பே தெரிந்தோ தெரியாமலோ இருந்தாலும், நெருக்கடி வந்தபோது, அவனை நெருங்காமலும் விலக்காமலும் விட்டு விடுக.

English Meaning - As I taught a kid - Rajesh
Whether 1) you know completely or partially about your enemy or 2) you dont know anything about your enemy, even at the time of death or grave danger do not ask for help from your enemy. Because you can even escape from the danger/death by some means but you can never know when your enemy will back stab you, betray you, attack you and destroy you.

Questions that I ask to the kid
Why should you not ask for help from your enemy even at the time of death?

கொடுத்தும் கொளல்வேண்டும் மன்ற அடுத்திருந்து

குறள் 867
கொடுத்தும் கொளல்வேண்டும் மன்ற அடுத்திருந்து
மாணாத செய்வான் பகை
[பொருட்பால், நட்பியல், பகைமாட்சி]

பொருள் 
கொடுத்தும் - koṭu-   11 v. tr. [K. koḍu,M. koṭu.] 1. To give, grant, supply; ஈதல் கொடுப்பதூஉந் துய்ப்பதூஉ மில்லார்க்கு (குறள், 1005).2. To bring forth; பெற்றெடுத்தல். பார்வதியேழுலகுங் கொடுத்தாள் (பிரமோத். 9, 61). 3.To divide, distribute, as a sum of money;பங்கிடுதல். இந்தத் தொகையைப் பத்துப்பேருக்குக்கொடு. 4. To sell; விற்றல் தில்லை முன்றிற்கொடுக்கோ வளை (திருக்கோ. 63). 5. To allow,permit; உடன்படுதல் மலரன்றி மிதிப்பக் கொடான்(திருக்கோ. 303). 6. To lose by death, asgiving to Yama; சாகக்கொடுத்தல். நீ பயந்தகோட்டானைத் தானே கொடு (தனிப்பா. i, 35, 68).7. To abuse roundly; திட்டுதல் நன்றாய்க் கொடுத்தாளா? வேணும், வேணும் 8. To belabour,thrash; அடித்தல் --aux. An auxiliary verb, asin சொல்லிக்கொடு, முடித்துக்கொடு; ஒரு துணைவினை

கொளல் - அதன் (செயலின்) மூலமாக அறிய வேண்டும்.

வேண்டும் -  vēṇṭum   imp. v. + dat. veeNum வேணும் want; should, need 
வேண்டுதல் - விரும்புதல்; விரும்பிக்கேட்டல்; விலைக்குவாங்குதல்; இன்றியமையாததாதல்

மன்ற -  maṉṟa   perh. மன்னு-. adv. 1.Clearly; தெளிவாக. (தொல். சொல். 267.) 2.Certainly; நிச்சயமாக. சென்று நின்றோர்க்குந்தோன்று மன்ற (புறநா. 114). 3. Abundantly,plentifully; மிக. மன்ற வவுணர் வருத்திட (கந்தபு.தேவ. போற். 6).--part. An expletive; ஓர் அசைச்சொல். (யாழ். அக.); maṉṟa   s. certainty, தேற்றம்; 2. abundance, மிகுதி.; ஓர்அசைச்சொல்; உறுதியாக; தெளிவாக; மிக

அடுத்து - அடுத்தல் - கிட்டல்; சேர்தல் மேன்மேல்வருதல்; சார்தல் ஏற்றதாதல்; அடைதல் பொருத்தல்.
ஊர்வது - ūr-   4 v. [M. ūr.] intr. 1. Tomove slowly; to creep, as an infant; to crawl,as a snake; நகர்தல் நந்தூரும் புனனாட்டின் (பாரத.கிருட்டிண. 11). 2. To spread, circulate, as blood;to extend over a surface, as spots on the skin;பரவுதல். இவக்காணென் மேனி பசப்பூர் வது (குறள்,1185). 3. To flow, as juice from the sugar-cane; வடிதல் கரும்பூர்ந்த சாறுபோல் (நாலடி, 34).4. To come to close quarters; அடர்தல் வெஞ்சமமூர்ந்தம ருழக்கி (சிலப். 27, 27, அரும்.). 5. To beunloosed, relaxed; கழலுதல் அவிர்தொடி யிறையூர(கலித். 100). 6. To itch; தினவுறுதல். உடம்பெல்லாம் ஊருகின்றது.--tr. 1. To mount; ஏறுதல் பாசடும்பு பரியவூர் பிழிபு . . . வந்தன்று . . . தேர்(ஐங்குறு. 101). 2. To ride, as a horse; to drive,as a vehicle; ஏறிநடத்துதல். சிவிகை பொறுத்தானோடூர்ந்தானிடை (குறள், 37).

இருந்து - இருத்தல் - உளதாதல்; நிலைபெறுதல் உட்காருதல் உள்ளிறங்குதல்; உயிர்வாழ்தல் அணியமாயிருத்தல்; உத்தேசித்தல் ஒருதுணைவினை; முல்லைஉரிப்பொருள்.

மாண்(ணு)-தல் - māṇ-   7 v. intr. 1. Tobecome excellent, glorious; மாட்சிமைப்படுதல்.மாண்டார் வினைத்திட்பம் (குறள், 665). 2. To begood, worthy; நன்றாதல். மாண்டற் கரிதாம் பயன்(குறள், 177). 3. To be full, abundant; நிறைதல்.மாணாப் பிறப்பு (குறள், 1002). 4. To be great; மிகுதல். மாணப் பெரிது (குறள், 124).

மாணாத - பொருந்தாத ; மாட்சியற்ற 

செய்வான் - செய்தல் - இயற்றுதல்; உண்டாக்கல்; சம்பாதித்தல்; ஒத்தல்.

பகை - எதிர்ப்பு; பகைவன்; மாறுபாடு; வெறுப்பு; தீங்கு; காண்க:பகைநரம்பு; வேற்றரசருடன்பகைகொள்ளுகை; கோளின்பகைவீடு; காமகுரோதம்முதலியஉட்பகை.

முழுப்பொருள்
பகை என்றென்பது மனதில் மகிழ்ச்சியையும் முகத்தில் சிரிப்பையும் அழித்துவிடும். பகை ஒருவனுக்கு கெடுதலையே செய்யும் என்று தான் அறிந்துணர்ந்தோம். ஆனால் அப்பகையையும் சிலரிடம் விலை கொடுத்தாவது பெறலாம் என்கிறார் திருவள்ளுவர். முரணாக உள்ளதா? முரண் ஒன்றுமில்லை. அதற்கு காரணம் இருக்கிறது. 

நம்முடன் சேர்ந்து இருப்பவர்கள் மனம் ஒத்து இல்லாமல் மாட்சியற்ற (அறம் அற்ற தீய) செயல்களை செய்பவர்களானால் அவர்கள் நமக்கு இழுக்கையும் கேட்டையும் சேர்ப்பார்கள். அது நிகழ்காலத்திலும் தொலை நோக்கிலும் நமக்கு கேடே. அவர்கள் நம்முடன் இருக்கும் பொழுது நமக்கு நிம்மதியே இருக்காது. நம்முடன் இருந்தால் அவர்கள் மேலும் மேலும் தவறுகளை செய்து கொண்டே இருப்பார்கள். ஆதலால் அவர்களிடம் இருந்து விலகுவதே தீர்வாக அமையும். வைத்துக்கொண்டு மனதில் புழுங்குவதை காட்டிலும் வெட்டிவிட்டு இருப்பது அதிக நிம்மதி தானே. 

ஆனால் சேர்ந்து இருப்போரை எப்படி கழற்றிவிடுவது? அதற்கு பகையை தவிர வேறு வழி உண்டா என்ன? பகை உறவை முறிக்கும் தன்மை வாய்ந்தது. ஆதலால் மாட்சியற்றவற்றை செய்பவர்களிடம் பகையை விலைகொடுத்தாவது வாங்கிக்கொள்ள வேண்டும் என்றென்கிறார் திருவள்ளுவர்.

இதற்கு விலை என்றால் அது பல வேறு விதங்களில் இருக்கும். ஒரு நாடும் மற்றொரு நாடும் அருகருகே சேர்ந்து இருந்தாலும் மனதளவில் ஒற்றுமை இல்லை என்றால் அவர்கள் நமக்கு இடையூறே. அவர்களை பகையாக கொண்டால் போர் புரிய நேரிடும். போர் என்பது உயிர்கள், நேரம், செல்வம் என்று பலவற்றை விலையாக கேட்கும். 

அதுவே சில சமயம் உறவுகளாக இருந்தால் நம்முடன் இருந்துகொண்டே நமக்கு கஷ்டம் கொடுப்பர். அவர்களிடம் பகை கொண்டால் நம்முடன் இருக்கும் மற்ற உறவினர்கள்/நண்பர்கள் நமக்கு வந்து "தண்ணி அடித்து தண்ணி விலகாது" என்றோ அல்லது "ஆயிரம் இருந்தாலும் நாம் எல்லாம் ஒரு உறவு/நட்பு" என்றோ அறிவுரை கூறுவர்.  பல தடவை இவர்களின் அழுத்தத்தை சந்திப்பதும் அதற்கு விடை/மறுப்பு அளிப்பதும் ஒருவித விலையே. அதை ஒரு சில நிமிடங்கள் அல்லது சில மணிநேரங்கள் கொடுத்தே/சந்தித்தே ஆக வேண்டும். ஆனால் இவர்களுக்காக/வெளியுலகிற்காக நாம் மனம் ஒற்றாதவரிடம் உறவாடிக்கொண்டு இருந்தால் நமக்கு காலம் முழுவதும் கொடைச்சலே. 

மேலும்: அஷோக் உரை

பரிமேலழகர் உரை
அடுத்து இருந்து மாணாத செய்வான் பகை - வினையைத் தொடங்கியிருந்து அதற்கு ஏலாதன செய்வான் பகைமையை; கொடுத்தும் கொளல் மன்ற வேண்டும் - சில பொருள் அழியக் கொடுத்தாயினும் கோடல் ஒரு தலையாக வேண்டும். (ஏலாதன - மெலியனாய் வைத்துத் துணிதலும், வலியனாய் வைத்துத் துணிதலும் முதலாயின, அப்பொழுது அதனால் சில பொருள் அழியினும், பின் பல பொருள் எய்தற்கு ஐயம் இன்மையின், 'கொளல் வேண்டும் மன்ற' என்றார். இவை ஆறு பாட்டானும் அது சிறப்பு வகையாற் கூறப்பட்டது.).

மணக்குடவர் உரை
பகையை உற்றிருந்தும் மாட்சியையில்லாதன செய்யுமவன் பகையினைத் துணிந்து ஒன்றனைக் கொடுத்தும் கொள்ளல் வேண்டும். மாணாதசெய்தலாவது பகைக்காவன செய்யாது பிறிது செயல். இஃது இவன் பகைசெய்யமாட்டானாதலால் அப்பகை கோடலாமென்றது.

மு.வரதராசனார் உரை
தன்னை அடுத்துத் தன்னோடிருந்தும் பொருந்தாதவற்றைச் செய்பவனுடைய பகையைப் பொருள் கொடுத்தாவது கொள்ள வேண்டும்.

சாலமன் பாப்பையா உரை
ஒரு செயலைத் தொடங்கி விட்டு, அதன் நலத்திற்குப் பொருந்தாதவற்றைச் செய்யும் அரசின் பகைமையைச், சிலவற்றை அழியக் கொடுத்தாவது உறுதியாகப் பெற வேண்டும்.

மிகல்மேவல் மெய்ப்பொருள் காணார் இகல்மேவல்

குறள் 857
மிகல்மேவல் மெய்ப்பொருள் காணார் இகல்மேவல்
இன்னா அறிவி னவர்
[பொருட்பால், நட்பியல், இகல்]

பொருள்
மிகல் - மிகுதல்; பெருமை; வெற்றி; எழுத்துஇரட்டிக்கை

மேவல் - சார்தல்; ஆசை; கலக்கை

மெய்ப்பொருள்  - உண்மை, உண்மையான நிலையான மெய்ப்பொருள் என்னவென்று; உண்மையானசெல்வம்; உண்மை; கடவுள்; நாயனார்அறுபத்துமூவருள்ஒருவர்.

காணார் - குருடர்; பகைவர்.

இகல் - பகை; போர் வலிமை சிக்கு அளவு புலவி

மேவல் - சார்தல்; ஆசை; கலக்கை

இன்னா - துன்பம்; தீங்குதருபவை; கீழ்மையான; இகழ்ச்சி வெறுப்பு

அறிவினவர் - அறிய மாட்டார்கள் 

முழுப்பொருள்
எத்தகைய மகிழ்ச்சியையும் நிம்மதியையும் ஆக்கத்தையும் செல்வத்தையும் தராத அழிவையும் மனநோயினையும் இழப்பையும் தரக்கூடிய பகை துன்பம் இகழ்ச்சி வெறுப்பு ஆகியவற்றை விரும்புபவர்கள் அறிவில்லாதவர்கள். அத்தகையவர்கள் பெருமையும் வெற்றியும் தரக்கூடிய மெய்ப்பொருளை உண்மையை ஒருபொழுதும் காண மாட்டார்கள். கண்முன்னே எத்தனை நீதி நூல்கள் எத்தனை மெய்ப்பொருளை உரைத்தாலும் அதை காண மறுக்கின்ற குருடர்கள் இந்த அறிவில்லாதவர்கள்.

கல்வி அதிகாரத்தின் கண் கற்ற, “கண்ணுடையர் என்பவர் கற்றோர் முகத்திரண்டு புண்ணுடையர் கல்லாதவர்” என்ற குறளை நினைவு கூறலாம். கண்முன் இருக்கும் அறிவைக் கல்லாதவனை கண்கள் இருக்குமிடத்தில் இரண்டு புண்களே கொண்டவன் என்று இழித்துரைத்தது இங்கும் பொருந்தும்

மேலும்: அஷோக் உரை

பரிமேலழகர் உரை
இகல் மேவல் இன்னா அறிவினவர் - இகலோடு மேவுதலையுடைய இன்னாத அறிவினையுடையார்; மிகல் மேவல் மெய்ப்பொருள் காணார் - வெற்றி பொருந்துதலையுடைய நீதி நூற்பொருளை அறியமாட்டார். (இன்னா அறிவு -தமக்கும் பிறர்க்கும் தீங்கு பயக்கும் அறிவு. வெற்றி - வழிநின்றார்க்கு உளதாவது. காணப்படும் பயத்¢ததாகலின், 'மெய்ந்நூல'¢ எனப்பட்டது. இகலால் அறிவு கலங்குதலின், காணார் என்றார். இவை இரண்டு பாட்டானும்இகலினார்க்கு வரும் தீங்கு கூறப்பட்டது.).

மணக்குடவர் உரை
மிகுதலைப் பொருந்துகின்ற உண்மைப் பொருளைக் காணமாட்டார், மாறுபாட்டினைப் பொருந்தின இன்னாத அறிவுடையார். இது மாறுபடுவார்க்கு மெய்ப்பொருள் தோன்றாதென்றது.

மு.வரதராசனார் உரை
இகலை விரும்புகின்ற தீய அறிவை உடையவர் வெற்றி பொருந்துதலுக்குக் காரணமான உண்மைப் பொருளை அறியமாட்டார்.

சாலமன் பாப்பையா உரை
மனவேறுபாட்டோடு கேடான அறிவையும் உடையவர், வெற்றி தரும் நீதிநூற் பொருளை அறியமாட்டார்.

அருமறை சோரும் அறிவிலான் செய்யும்

குறள் 847
அருமறை சோரும் அறிவிலான் செய்யும்
பெருமிறை தானே தனக்கு
[பொருட்பால், நட்பியல், புல்லறிவாண்மை]
(For meaning in English, scroll to the bottom of this post)

பொருள்
அரு - உருவமற்றது; கடவுள் மாயை சித்தபதவி; அட்டை புண்

அரு - aru   (ம்) rare, dear  

மறை - மறைக்கை; இரகசியம்; மந்திராலோசனை; வேதம்; உபநிடதம்; ஆகமம்; மந்திரம்; உபதேசப்பொருள்; சிவப்புப்புள்ளிகளையுடையமாடுமுதலியன; களவுப்புணர்ச்சி; பெண்குறி; உருக்கரந்தவேடம்; திருகுவகை; விளக்கின்திரியைஏற்றவும்இறக்கவும்உதவும்திருகுள்ளகாய்; புகலிடம்; சிறைக்கூடம்; மறைவிடம்; வஞ்சனை; இரண்டாம்உழவு; கேடகம்; எதிர்மறை; விலக்குகை; புள்ளி; சங்கின்முறுக்கு.

சோரும் - சோர்தல் - தளர்தல்; மனம்தளர்தல்; மூர்ச்சித்தல்; நழுவுதல்; கண்ணீர்முதலியனவடிதல்; கசிதல்; கழலுதல்; வாடுதல்; தள்ளாடுதல்; தடுமாறுதல்; இறத்தல்; விட்டொழிதல்; துயரப்படுதல்; உடலின்தைலம்முதலியனஇறங்குதல்.

அறிவு - ஞானம்; புத்தி; பொறியுணர்வு; அறியவேண்டியவை; கல்வி; ஆன்மா, ஆடூஉக்குணம், உணர்வு, கல்வி மற்றும் அனுபவத்தால் கிடைக்கும் செயல் திறன் (அல்லது) தகவலறிவு., புரிந்து கொள்ளுதல்.

இலான்  - இல்லாதவன்

செய்யும் - செய்தல் - இயற்றுதல்; உண்டாக்கல்; சம்பாதித்தல்; ஒத்தல்.

பெரு - peru   VI. v. i. grow thick, stout, numerous etc., see பரு.

பெரிய - periya   adj. id. [T. M. peru,K. piriya, Tu. pēr.] 1. Large, great; பெரிதான.பெரிய மேருவரையே சிலையா மலைவுற்றார் (தேவா.1114, 9). 2. Elder; மூத்த. பெரிய தாயார். 3.Important; great; முக்கியமான. பெரிய காரியம்.

மிறை  - அச்சம்; குற்றம்; வருத்தம்; வேதனை; வளைவு; அரசிறை.

தானே - தானே

தனக்கு - தன் - தான் என்னும் சொல் வேற்றுமையுருபை ஏற்குமிடத்துப் பெறும் திரிபு.

முழுப்பொருள்
அறத்தையும் நெறிகளையும் கூறும் அரிய நூல்களான வேதங்கள், உபநிடங்கள், திருக்குறள், நாலடியார், பகவத் கீதை, பைபிள், குரான் மற்றும் பலவற்றை அறிந்து உணர்ந்து உள்ளத்தில் வைத்து அவற்றை பின்பற்றாதவன்  (எத்தனை நூல் கற்றும் அல்லது நூல்கள் கற்காதவனும் அல்லது சான்றோரிடம் கற்றோ/கற்காதவன்) அறிவில்லாதவன் எனப்படுவான். அவ்வாறு நூல்கள் கூறுவதை பின்பற்றாதவன் தனக்கு தானே மிக பெரிய தீமையை செய்துகொள்கிறான். அது அவனுக்கு துன்பத்தையே தரும். 

உதாரணமாக ஒருவன் அவன் செய்யும் தொழிலில் நன்கு பொருள் ஈட்டலாம். ஆனால் அவன் குடும்பத்தில் தன் பிள்ளைகளை சான்றோனாக வளர்க்கவில்லையென்றால் என்ன பொருள் ஈட்டி என்ன பயன்? அதுவே ஒருவன் நூல்களை கற்று இருந்து அதன் படி நடந்தால் அவன் கடமைகளை (உதாரணமாக சான்றோன் ஆக்குதல் தந்தை கடனே) முழுமையாக ஆற்ற முடியும். குற்றங்கள் நடக்காது. துன்பங்கள் குறையும். 

மேலும்: அஷோக் உரை

ஒப்புமை
”கண்போல்வார்.....
சொல்லார்க் கருமறை சோராமை” (ஏலாதி 15)

பரிமேலழகர் உரை
அருமறை சோரும் அறிவிலான் - பெறுதற்கு அரிய உபதேசப்பொருளைப் பெற்றாலும் உட்கொள்ளாது போக்கும் புல்லறிவாளன்; தானே தனக்குப் பெருமிறை செய்யும் - அவ்வுறுதி அறியாமையால் தானே தனக்கு மிக்க வருத்தத்தைச் செய்து கொள்ளும். ('சோரும'¢ என இடத்து நிகழ் பொருளின் தொழில், இடத்தின் மேல் நின்றது. மிக்க வருத்தம் - பொறுத்தற்கு அரிய துன்பங்கள். இனி அருமறை சோரும் என்பதற்குப் பிறரெல்லாம் 'உள்ளத்து அடக்கப்படும் எண்ணத்தை வாய் சோர்ந்து பிறர்க்கு உரைக்கும்' என்று உரைத்தார். அது பேணாமை என்னும் பேதைமையாவதன்றிப் புல்லறிவாண்மையன்மை அறிக.).

மணக்குடவர் உரை
அறிவில்லாதான் அரிதாக எண்ணின மறைப் பொருளைச் சோரவிடுவன்; அதுவேயன்றித் தனக்குத்தானே பெரிய துன்பத்தினையும் செய்துகொள்ளுவன். சோரவிடுதல்- பிறர்க்குச் சொல்லுதல். இது பொருட்கேடும் உயிர்க்கேடும் தானே செய்யுமென்றது.

மு.வரதராசனார் உரை
அரிய மறைபொருளை மனத்தில் வைத்துக் காக்காமல் சேர்த்தும் வெளிபடுத்தும் அறிவில்லாதவன் தனக்குத் தானே பெருந்தீங்கு செய்து கொள்வான்.

சாலமன் பாப்பையா உரை
அறிவற்றவன் அரிய புத்திமதியையும் ஏற்றுக் கொள்ளான்; அதனால் அவன் தனக்குத் தானே பெரும் துன்பத்தைச் செய்து கொள்வான்.

English Meaning - As I taught a kid - Rajesh
A person who doesn't follow all the dharma/duties, values/principles (which improves a person and yields great things in life) that are said by great books/scriptures (such as vedas, upanishads, thirukkural, bhagavat gita, bible, quran etc) is a stupid person. By not following these dharma and values one only does damage to himself which would only give pain and difficulties in life. 

Questions that I ask to the kid
Who is does do damage to himself? How?