Search This Blog

Disclaimar

This blog is totally for learning purposes. Non-commercial. In many of the posts, many snippets have been taken from various thirukkural blogs, books available online freely only for learning purpose without any intention of plagiarism or to make money. I have given due credit, link wherever possible. If you want your content to be removed, or you want more credit to be provided, please do let me know in the comment section of any of the posts. ஊருணி நீர்நிறைந் தற்றே உலகவாம் பேரறி வாளன் திரு (குறள் 215)

009 விருந்தோம்பல்

பால் - அறத்துப்பால்
இயல் - இல்லறவியல்
அதிகாரம் - விருந்தோம்பல்

சுட்டியை தட்டுக (குறளே இங்கு சுட்டி)

குறள் 81
இருந்தோம்பி இல்வாழ்வ தெல்லாம் விருந்தோம்பி 
வேளாண்மை செய்தற் பொருட்டு

குறள் 82
விருந்து புறத்ததாத் தானுண்டல் சாவா 
மருந்தெனினும் வேண்டற்பாற் றன்று

குறள் 83
வருவிருந்து வைகலும் ஓம்புவான் வாழ்க்கை
பருவந்து பாழ்படுதல் இன்று

குறள் 84
அகனமர்ந்து செய்யாள் உறையும் முகனமர்ந்து
நல்விருந்து ஓம்புவான் இல்.

குறள் 85
வித்தும் இடல்வேண்டும் கொல்லோ விருந்தோம்பி
மிச்சில் மிசைவான் புலம்

குறள் 86
செல்விருந்து ஓம்பி வருவிருந்து பார்த்திருப்பான் 
நல்வருந்து வானத் தவர்க்கு

குறள் 87
இனைத்துணைத் தென்பதொன் றில்லை விருந்தின்
துணைத்துணை வேள்விப் பயன்

குறள் 88


பதிவு வரிசை




வருவிருந்து வைகலும் ஓம்புவான் வாழ்க்கை

குறள் 83
வருவிருந்து வைகலும் ஓம்புவான் வாழ்க்கை
பருவந்து பாழ்படுதல் இன்று
[அறத்துப்பால், இல்லறவியல், விருந்தோம்பல்]

பொருள்
வரு - கிறேன், [com. வாறேன்], வந்தேன், வேன், வர, v. a. [neg. வரேன், வாரேன், imper. வா.] To come, நடக்க. 2. To happen, occur, சம்பவிக்க. 3. To accrue, be at command--as strength to move a limb, இயல. 4. To proceed spontaneously, இயல்பாய்வர. 5. (fig.) To come to mind, தோன்ற. நீவந்தகாரியமென்ன. What is the object of your coming? நாளைக்கங்கேவருவேன். I will come there to-morrow. உனக்குப்பாடம்வருமா. Do you know your lesson. நீஎப்போவந்தாய். When did you arrive? எனக்குஅடிக்கக்கைவராது. My hand is not at command to strike him. அவன்வந்தகாலோடேபோனான். He reterned no sooner than he came. உனக்குஎன்னவந்தாலும்நான்இருக்கிறேன். I will be [near], whatever may happen. இப்பொழுதுஅவனுக்குப்பெருமைவந்துவிட்டது. He is now very proud. வந்ததைவரப்பற்று. Receive whatever comes. அவனுக்குவியாதிவந்துகொண்டேயிருக்கிறது. He is always subject to sickness. ஒருமனம்வந்தாற்கொடுப்பான். He will give you if he have a mind. உனக்குச்சம்பளம்வந்ததா. Did you get your wages? வாய்வந்தவாறெல்லாம்எழுத்தலுற்றார். They of fered praises with every kind of com mendation which could proceed from their mouths, (பிரபுலி.) எனக்குநினைவுவந்தது. I just remembered. அப்போதுவாய்வரவில்லை. I could not speak then. அவனுக்கிரண்டுகாலும்வராது. He lame in both feet.

விருந்து - viruntu   n. [T. vindu, M.virunnu.] 1. Feast, banquet; அதிதி முதலியோர்க்கு உணவளித் துபசரிக்கை. யாதுசெய் வேன்கொல் விருந்து (குறள், 1211). 2. Guest; அதிதி.விருந்துகண் டொளிக்கும் திருந்தா வாழ்க்கை (புறநா.266). 3. Newcomer; புதியவன். விருந்தா யடைகுறுவார் விண் (பு. வெ. 3, 12). 4. Newness, freshness; புதுமை. விருந்து புனலயர (பரிபா. 6, 40).5. (Pros.) Poetic composition in a new style;நூலுக்குரிய எண்வகை வனப்புக்களு ளொன்று.(தொல். பொ. 551.)

வைகல் - vaikal   n. வைகு-. 1. Dwelling;staying; தங்குகை. (பிங்.) 2. Passing; கழிகை.மத்துக்கயி றாடா வைகற்பொழுது நினையூஉ (பதிற்றுப்.71, 16). 3. See வைகறை, 1. (சூடா.) 4. Day;நாள். இன்னா வைகல் வாரா முன்னே செய்ந்நீமுன்னிய வினையே (புறநா. 363). 5. cf. vaikāla.Day that has passed away; கழிந்த நாள். (பிங்.)6. cf. vikala. Instant, moment; வேளை. மாதவிதன்னோ டணைவுறு வைகலி னயர்ந்தனன் (சிலப். 3,173).

வைகலும் - vaikalum   adv. id. Daily,everyday; நாடோறும். அடிசில் பிறர்நுகர்க வைகலும் (பு. வெ. 10, 8).

ஓம்புதல் - காப்பாற்றுதல், பாதுகாத்தல், பேணுதல், வளர்த்தல்; தீங்குவாராமற்காத்தல்; போற்றுதல்; உபசரித்தல்; சீர்தூக்குதல்; பரிகரித்தல்; தவிர்த்தல்; விலக்கல்; நீக்குதல்; உண்டாக்குதல்.

ஓம்புவான் - உபசரிப்பான், பேணுவான்

வாழ்க்கை - வாழ்தல்; வாழ்நாள்; இல்வாழ்க்கை; மனைவி; நல்வாழ்வுநிலை; செல்வநிலை; ஊர்; மருதநிலத்தூர்.

பரு - இயல்பாக இல்லாமல், சற்று பருத்து இருக்கும் நிலை
பரு - paru   n. paru. cf. பரு-. 1. Pimple,as on the face; pustule; blotch; முகமுதலியவற்றிலுண்டாஞ் சிறு கட்டிவகை. Colloq. 2. Boil;சிலந்திப்புண். Loc. 3. Node; கணு (யாழ். அக.)4. Sea; கடல் (யாழ். அக.) 5. Mountain; மலை (யாழ். அக.) 6. Heaven; சுவர்க்கம் (யாழ். அக.)7. Sprout of paddy plant; நெல்லின் முளை Tj.
பரு - paru   adj. great gross, see under பருமை.
பருமை - parumai   n. cf. bṛh. [K. perme.]1. Thickness; bulkiness; corpulence; பருத்திருக்கை. 2. Greatness; பெருமை 3. Roughness,coarseness, grossness; பரும்படியான தன்மை 4.Seriousness, importance, gravity; முக்கியம் இதுபருங்காரியமாயிருக்கிறது. (W.)

பருவந்து - துன்பங்கள், வறுமை வந்து

பாழ்படுதல் - pāḻ n. பாழ்-. [K. hāḷ.] 1.Desolation, devastation, ruin; நாசம். நரகக்குழிபலவாயின பாழ்பட்டது (சடகோபரந். 5). 2.Damage, waste, loss; நட்டம். வெள்ளப்பாழ்,வறட்பாழ், குடிப்பாழ். 3. Corruption, decay,putrifaction; கெடுதி. ( W .) 4. Baseness, wretchedness, evil; இழிவு. ( W .) 5. That which isugly or graceless; அந்தக்கேடு. நீறில்லா நெற்றிபாழ் (நல்வழி, 24). 6. Profitlessness ..

இன்று - iṉṟu   n. and adv. இ³. [K. indu,M. innu.] This day, to-day; இந்நாள். (நாலடி,36.)
இன்று - iṉṟu   part. An expletive; ஓர்அசைச் சொல் (திவா.)
இன்று - iṉṟu   id. part. No; இல்லை.--adv.See இன்றி. உப்பின்று புற்கை யுண்கமா கொற்கையோனே (நன். 172, மயிலை.).

முழுப்பொருள்
தன்னிடம் வருபவர்களை இன்முகத்தோடு வரவேற்று அவர்களை உபசரித்து, உணவளித்து பசியாற்றி அவர்களை பேணுவது மிகச்சிறந்த அறமாகும். ஆனால் இதனையே (/பிறருக்கு விருந்தளிப்பதை) ஒவ்வொரு நாளும் இன்முகத்தோடு கடைப்பிடிக்கிறவனுடைய வாழ்க்கையானது வறுமை வந்து அதனால் வரும் துன்பத்தினால் (வாழ்க்கை) பாழ் (/நாசம்) ஆகாது. வறுமையும் துன்பமும் தற்காலிகமாக இருக்கலாம். ஆனால் அது நிரந்தரமாக அவர்களிடம் தங்காது.

வாழ்க்கை என்ற சொல்லுக்கு செல்வநிலை என்ற பொருளும் உண்டு. ஆதலால் ஒவ்வொரு நாளும் வருகிறவர்களுக்கு எல்லாம் விருந்துதளித்து உபசரிப்பதனால் வறுமை வந்து அவன் செல்வத்தை நாசம் செய்யாது என்று கொள்ளாலாம். இதனையே நாம் "தருமம் தலைக்காக்கும்" என்றும் சொல்லலாம்.

“உப்பிட்டவரை உள்ளளவும் நினை” என்கிற அறக்கட்டளை ஒரு சிலர் மனதிலாவது பதிந்திருக்குமானால், துன்பம் என்று வருங்காலையில், உதவி என்பது தானாகவே ஓடோடி வந்துவிடும் என்பது குறிப்பால் உணர்த்தப்படுகிறது.

கி.வா.ஜா வின் ஆராய்ச்சி உரையில் ‘பருவந்து’ என்னும் சொல், ‘பருவா’ என்றப் பகுதிச்சொல்லினின்று பிறந்தது என்று காண்கிறது. பொருள் கூறும் ஆசிரியர்கள், நல்குரவு என்ற சொல்லை பயன்படுத்தியிருந்தாலும், இரண்டு சொல்லுமே வழக்கில் இல்லாமல் போனது எனலாம். அகராதிகளில் நல்குரவு என்னும் சொல்லிருக்கிறது. பருவா என்ற சொல்லில்லை.

பரிதியாரின் உரை சற்று வேறுபட்டு “பரு” என்பதை உடலின் கண்தோன்றும் ஒருவித உடற்கட்டி என்று சொல்லி, அது தோன்றி பாழ்படுவதைப் போல வினையானது அறும் என்று பொருள் செய்திருக்கிறார். அவரது கற்பனை வளமா அல்லது சொல்லறிவு தேக்கமா என்று தெரியவில்லை என்றாலும், இப்படியும் சிந்திக்கமுடியும் என்பதைக் காட்டுகிறது.

மேலும்: அஷோக் உரை

ஒப்புமை
“.............வருவிருந் தயரும்
தண்குடி வாழ்நர் அங்குடிச் சீறூர்” (நற் 135:3-4)

பரிமேலழகர் உரை
வருவிருந்து வைகலும் ஓம்புவான் வாழ்க்கை - தன்னை நோக்கி வந்த விருந்தை நாள்தோறும் புறந்தருவானது இல்வாழ்க்கை; பருவந்து பாழ்படுதல் இன்று - நல்குரவான் வருந்திக்கெடுதல் இல்லை. (நாள்தோறும் விருந்தோம்புவானுக்கு அதனான் பொருள் தொலையாது; மேன்மேல் கிளைக்கும் என்பதாம்.).

மணக்குடவர் உரை
நாடோறும் வந்தவிருந்தினரைப் போற்றுவானது ஆக்கம், வருத்தமுற்றுக் கேடுபடுவதில்லை.

மு.வரதராசனார் உரை
தன்னை நோக்கி வரும் விருந்தினரை நாள் தோறும் போற்றுகின்றவனுடைய வாழ்க்கை, துன்பத்தால் வருந்திக் கெட்டுப் போவதில்லை.

சாலமன் பாப்பையா உரை
நாளும் வரும் விருந்தினரைப் பேணுபவனின் வாழ்க்கை வறுமைப்பட்டுக் கெட்டுப் போவது இல்லை.

008 அன்புடைமை

பால் - அறத்துப்பால்
இயல் - இல்லறவியல்
அதிகாரம் - அன்புடைமை

சுட்டியை தட்டுக (குறளே இங்கு சுட்டி)

குறள் 71
அன்பிற்கும் உண்டோ அடைக்குந்தாழ் ஆர்வலர்
புன்கணீர் பூசல் தரும்.


குறள் 72
அன்பிலார் எல்லாம் தமக்குரியர் அன்புடையார் 
என்பும் உரியர் பிறர்க்கு


குறள் 73
அன்போடு இயைந்த வழக்கென்ப ஆருயிர்க்கு
என்போடு இயைந்த தொடர்பு
குறள் 77
என்பி லதனை வெயில்போலக் காயுமே
அன்பி லதனை அறம்





அன்போடு இயைந்த வழக்கென்ப

குறள் 73
அன்போடு இயைந்த வழக்கென்ப ஆருயிர்க்கு 
என்போடு இயைந்த தொடர்பு
[அறத்துப்பால், இல்லறவியல், அன்புடைமை]

பொருள்
அன்பு தொடர்புடையோர்மாட்டுஉண்டாகும்பற்று; நேயம் அருள் பக்தி

அன்போடு - அன்புடன்

இயை - அழகு; புகழ், இசைப்பு (junction, union), பொருந்து, வாழை
இயைதல் - பொருந்துதல்; இணங்குதல் நிரம்புதல் ஒத்தல்
இயைந்த - இணங்கிய, பொருந்திய, நிரம்பிய

வழக்கு - vaḻakku   n. வழங்கு-. 1. Moving, passing to and fro; இயங்குகை. வழக்கொழியாவாயில் (பு. வெ. 10, முல்லைப். 4). 2. (Gram.) Usage,of two kinds, viz., ulaka-vaḻakku, ceyyuḷ-vaḻakku; உலகவழக்கு செய்யுள்வழக்கு என்ற இருவகை வழக்குக்கள். வழக்கெனப் படுவ துயர்ந்தோர்மேற்றே (தொல். பொ. 647). 3. (Gram.) Usage inrespect of words in literature and in speech, oftwo classes, viz., iyalpu-vaḻakku, takuti-vaḻakku;இயல்புவழக்கு தகுதிவழக்கு என்ற இருவகை வழக்குக்கள். (நன். 266, மயிலை.) 4. Customs, manners,ancient practice; பழக்கவொழுக்கம். வாய்மையுடையார் வழக்கு (திரிகடு. 37). 5. Way, method;நெறி. அன்புற் றமர்ந்த வழக்கென்ப (குறள், 75). 6.Justice; நீதி. வழக்கன்றுகண்டாய் (திவ். இயற். 2,19). 7. Litigation; நீதிஸ்தலத்திற்செய்யும் வியாச்சியம். Mod. 8. Legal procedure; விவகாரம்.9. Dispute, controversy; வாதம். 10. Bounty,liberality; வண்மை. உடையான் வழக்கினிது (இனி.நாற். 3).

என்ப - என்றுசொல்லப்படுவன; என்றுசொல்லுவர்; ஓர்அசைச்சொல்.

ஆர் - நிறைவு; பூமி கூர்மை அழகு மலரின்பொருத்துவாய்; காண்க:ஆத்தி; திருவாத்தி ஆரக்கால் தேரின்அகத்தில்செறிகதிர்; அச்சுமரம் செவ்வாய் சரக்கொன்றை அண்மை ஏவல் பலர்பால்படர்க்கைவினைமுற்றுவிகுதி; மரியாதைப்பன்மைவிகுதி; ஓர்அசை; அருமையான.

உயிர்க்குயிர் - uyirkkuyir   n. id. +. God,who is the soul of the soul; கடவுள் உயிர்க்குயிரா யங்கங்கே நின்றான்கோயில் (தேவா. 575, 4).  

உயிர்க்கு - உயிர் - காற்று; உயிர்வளி; சீவன் ஆதன் ஓரறிவுயிர்முதலியஉயிரினம்; உயிரெழுத்து ஓசை ஒருநாழிகையில்4320-ல்ஒருகூறு; சன்மலக்கினம்

ஆருயிர் - அருமை + உயிர்

என்பு - எலும்பு; எலும்புக்கூடு; உடம்பு; புல்
என்போடு - என்பு உடன்

இயைந்த - இணங்கிய, பொருந்திய, நிரம்பிய

தொடர்பு - தொடர்கை; நட்பு; உறவு; நியதி; ஒட்டுகை; பாட்டு; பரம்பரைத்தொடர்பு; வரிசை; காரணகாரியசம்பந்தம்.

முழுப்பொருள்
வழக்கு என்றால் வாழ்க்கை நெறி, வாழ்வு என்று நாம் கொள்ளலாம். அதுப்போல என்பு என்றால் எலும்பு, உடம்பு என்று நாம் கொள்ளலாம். தொடர்பு என்றால் உறவு என்ற பொருளில் இங்கு கொள்ளவேண்டும் என்றே நான் கருதுகிறேன். ஏனெனில் ஒரு உவமையை மற்றொன்றுக்கு உதாரணமாக காட்டுகிறார் திருவள்ளுவர்.

உயிருக்கு உடல் எதுப்போன்றதோ அதுப் போன்றதே அன்புக்கு வாழ்க்கை யாகும் என்கிறார் திருவள்ளுவர். அதாவது, இவ்வுலகத்தில் உயிர் இருக்கும் பொழுது தான் அவ்வுடலிற்கு மதிப்பு. உயிர் பிரிந்த அடுத்த கணம் அவ்வுடலினை பிணம் என்றே நாம் அழைப்போம். பிணம் என்பது வேகு விரைவில் அழிய கூடியது, அருகில் இருப்போருக்கு தூர்நாற்றம் அடிக்கக்கூடியது. கேட்டை கொடுக்கும்.

ஆதலால் அன்புடன் இணங்கிய வாழ்க்கையே பொருள் கொண்டது. அன்பில்லாத வாழ்க்கை என்றால் அது பிணத்திற்கு சமம். பிணம் சமூகத்திற்கு கேட்டை விளைவிக்கும். மக்கள் அதனை உடன் வைத்துக்கொள்ள விரும்பமாட்டார்கள்.

ஔவையும் “அரிது அரிது மானிடராய் பிறத்தல் அரிது” என்று கூறியதைக் கருதவேண்டும். கவிராஜ பண்டிதர் என்பாரின் உரையும் இக்கருத்தை அடியொட்டியே வருகிறது.  மணிமேகலையில், “அன்புடை ஆருயிர் அரசர்க்கருளிய என்புடை யாக்கை இருந்தது காணாய்” (25:170-171) என்று வருவதும் இதுபொருள் பற்றியே.

ஒப்புமை
”அன்புடை ஆருயிர் அரசர்க் கருளிய
என்புடை யாக்கை இருந்தது காணாய்” (மணி. 25:170-71)

”என்பென்ப தியாக்கை என்ப துயிரென்ப திவைகள் எல்லாம்
பின்பென்ப அல்ல வேனும் தம்முடை நிலையிற் பேரா
முன்பென்ப உளவென் றாலும் முழுவதும் தெரிந்த வாற்றால்
அன்பென்ப தொன்றின் தன்மை அமரரும் அறிந்த தன்றால்” (கம்ப. மருத்து.4)

மேலும்: அஷோக் உரை

பரிமேலழகர் உரை
ஆர் உயிர்க்கு என்போடு இயைந்த தொடர்பு - பெறுதற்கு அரிய மக்கள் உயிர்க்கு உடம்போடு உண்டாகிய தொடர்ச்சியினை; அன்போடு இயைந்த வழக்கு என்ப - அன்போடு பொருந்துதற்கு வந்த நெறியின் பயன் என்று சொல்லுவர் அறிந்தோர். (பிறப்பினது அருமை பிறந்த உயிர்மேல் ஏற்றப்பட்டது. 'இயைந்த' என்பது உபசார வழக்கு; வழக்கு: ஆகுபெயர். உடம்போடு இயைந்தல்லது அன்பு செய்யலாகாமையின், அது செய்தற் பொருட்டு இத்தொடர்ச்சி உளதாயிற்று என்பதாம். ஆகவே இத்தொடர்ச்சிக்குப் பயன் அன்புடைமை என்றாயிற்று.).

மணக்குடவர் உரை
முற்பிறப்பின்கண் அன்போடு பொருந்தச் சென்ற செலவென்று சொல்லுவர்; பெறுதற்கரிய வுயிர்க்கு இப்பிறப்பின்கண் உடம்போடு இடைவிடாத நட்பினை.

மு.வரதராசனார் உரை
அருமையான உயிர்க்கு உடம்போடு பொருந்தி இருக்கின்ற உறவு, அன்போடு பொருந்தி வாழும் வாழ்க்கையின் பயன்என்று கூறுவர்.

சாலமன் பாப்பையா உரை
பெறுவதற்கு அரிய உயிருக்கு நம் உடம்போடு உண்டாகிய தொடர்பு, அன்போடு கொண்ட ஆசையின் பயனே என்று அறிந்தவர் கூறுவர்.

007 மக்கட்பேறு

பால் - அறத்துப்பால்
இயல் - இல்லறவியல்
அதிகாரம் - மக்கட்பேறு

சுட்டியை தட்டுக (குறளே இங்கு சுட்டி)

குறள் 61
பெறுமவற்றுள் யாமறிவது இல்லை அறிவறிந்த
மக்கட்பேறு அல்ல பிற


குறள் 62
எழுபிறப்பும் தீயவை தீண்டா பழிபிறங்காப்
பண்புடை மக்கட் பெறின்

குறள் 63
தம்பொருள் என்பதம் மக்கள் அவர்பொருள்
தம்தம் வினையான் வரும்

குறள் 64
அமிழ்தினும் ஆற்ற இனிதேதம் மக்கள்
சிறுகை அளாவிய கூழ்


குறள் 65
மக்கள்மெய் தீண்டல் உடற்கின்பம் மற்றுஅவர்
சொற்கேட்டல் இன்பம் செவிக்கு

குறள் 66
குழல்இனிது யாழ்இனிது என்பதம் மக்கள் 
மழலைச்சொல் கேளா தவர்

குறள் 67
தந்தை மகற்காற்று நன்றி அவையத்து
முந்தி இருப்பச் செயல்

குறள் 68

குறள் 69

குறள் 70

பதிவு வரிசை

எழுபிறப்பும் தீயவை தீண்டா பழிபிறங்காப்

குறள் 62
எழுபிறப்பும் தீயவை தீண்டா பழிபிறங்காப் 
பண்புடை மக்கட் பெறின்
[அறத்துப்பால், இல்லறவியல், மக்கட்பேறு]

பொருள்
எழுபிறப்பும் - eḻu-piṟappu   n. id. +. 1. Seeஎழுபவம். எழுபிறப்புந் தீயவைநீண்டா (குறள், 62). 2.See எழுமை². (குறள், 107, உரை )

எழுபவம் - எழுவகைப்பிறப்பு; தேவர், மனிதர், விலங்கு, பறப்பன, ஊர்வன, நீர்வாழ்வன, தாவரம்; மேல்வரும்பிறப்பு.

தீயவை - தீயசெயல்; துன்பம்; கீழ்மக்கள்கூட்டம்.

தீண்டுதல் - தொடுதல்; பற்றுதல்; பாம்புமுதலியனகடித்தல்; அடித்தல்; தீட்டுப்படுத்துதல்.

தீண்டா - தீண்டாது இருத்தல்

பழி - குற்றம்; நிந்தை; அலர்; குறை; பாவம்; பழிக்குப்பழி; பொய்; பகைமை; ஒன்றுக்கும்உதவாதவன்

பிறங்குதல் -  விளங்குதல்; உயர்தல்; சிறத்தல்; மிகுதல்; பெருகுதல்; நிலைமாறுதல்; செறிதல்; பெருத்தல்; ஒலித்தல்.

பிறங்காப் - பிறங்காது இருத்தல்

பண்பு - வண்ணம், வடிவு, அளவு, சுவைஎன்னும்நாற்குணம்; இயல்பு; மனத்தன்மை; பிறர்இயல்பைஅறிந்துநடக்கும்நற்குணம்; விதம்; பண்புப்பெயர்; அழகு; முறை; செய்கை.

பண்புடை  - பண்பு உடைய

மக்கட் - மானுடவினம்; ஐம்பொறியுணர்வோடுமனவறிவுடையஉயிர்கள்; பிள்ளைகள்.

பெறின் - பெறுதல் - அடைதல்; பிள்ளைபெறுதல்; பிறப்பித்தல்; அறிதல்; விலைத்தகுதியுடையதாதல்.

முழுப்பொருள்
ஒருவர் செய்யும் செயல்களினால் உண்டாகும் தீயப்பயன்களால் மறுபிறவி என்னும் ஏழு பிறவிகளை எடுக்க நேரிடும். [அதாவது பிறவிப் பெருங்கடலை நீந்துவர்]. ஏழு பிறவிகள் என்பது தண்டனையையும் துன்பத்தையும் குறிக்கும் என்றே சொல்லலாம்.

ஆனால் இப்பிறவியில் நாம் பெற்ற பிள்ளைகளை நல்ல குணமுள்ள மக்களாக தீயபழிகளுக்கு ஆளாகாதவராக வளர்த்தெடுத்தால் அதுச் சாலச் சிறந்தது. அஃது தீயவைகளும், துன்பங்களும் ஒருவரை மறுபிறவிகளிலும் தீண்டாதிருக்க வழிவகுக்கும்.

மாறாக ஒருவர் பிள்ளைகளை சரியாக வளர்க்கவில்லை என்றால் அவர்களுக்கு மறுபிறவியில் துன்பம் வந்து பாடாய்படுவார் என்றும் கூறலாம்.

ஆக பெற்றெடுப்பது மட்டும் போதாது அவர்களை நல்ல மக்களாய் வளர்த்தெடுப்பதும் கடமையும் ஆகும். ஏன் அப்படி கூறுகிறார்கள் என்று சற்று யோசித்தால் எனக்கு கிடைக்கும் விடை, நல்ல பிள்ளைகள் வளர்ந்தப் பின்னர் சமுதாயத்திற்கு உறுதுணையாக இருப்பார்கள். சமுதாயம் மேம்பட வழிவகுப்பார்கள். பிறருடைய துன்பம் தனை துடைப்பார்கள். குறைந்தபட்சம் பிறருக்கு துன்பம் தரமாட்டார்கள். ஆனால் தீயொழுக்கம் கொண்ட பிள்ளைகள் வளர்ந்தப் பின்னர் இந்த சமுதாயத்திற்குத் தலைவலியாக அமைவர். அவர்களை எதிர்கொள்வது, அவர்களுடன் இயைந்து வாழ்வது என்பதே கடினமான ஒன்றாகும். இந்த சமுதாயத்திற்கு பின்னடைவாகும். ஆகவே நல்ல பிள்ளைகளை வளர்த்தல் இன்றியமையாதது.

மேலும்:
“இற்றைக்கும் ஏழேழ் பிறவிக்கும் உந்தன்னோடே உற்றோமேயாவோம் உமக்கே நாம் ஆட்செய்வோம் மற்றை நம் காமங்கள் மாற்று” என்கிறது ஆண்டாளின் பாசுரம் ஓரிடத்தில்.  “இம்மைக்கும் ஏழேழ் பிறவிக்கும் பற்றாவான் நம்மையுடையவன் நாராயணன் நம்பி செம்மையுடைய திருக்கையால் தாள் பற்றி அம்மி மிதிக்கக் கனாக் கண்டேன் தோழீ நான்” என்கிறாள் நாச்சியார் திருமொழியில். “எம்மான் எந்தை மூத்தப்பன் ஏழேழ் படிகால் எமையாண்டபெம்மான் ஈமப் புறங்காட்டிற் பேயோடாடல் புரிவானே”என்கிறது சுந்தரமூர்த்தி நாயானாரின் திருவாலங்காட்டுப் பதிகம்.

இவர்கள் வாக்குகள் படி ஏழேழ்பிறவி என்பது நாற்பத்தொன்பது பிறவிகள் ஆகிவிடுகிறது. வள்ளுவரோ ஏழு பிறவிகள் என்கிறார். இது என்ன கணக்கு என்று புரிவது ஒருபக்கம் இருந்தாலும், ஒருவர் செய்யும் நன்மை தீமைகளுக்கு ஏற்ப, அவர்களுக்கு பல பிறவிகள் உண்டு என்பது ஒரு இந்திய நம்பிக்கை.  எண்ணிக்கை எதுவாக இருந்தால் என்ன?  ஏழு பிறப்புகளில் எப்படியோ, இப்பிறப்பிலேயே பண்புநலமிக்க பிள்ளைகளால் பெற்றோருக்கு ஒரு தீமையும் நடவாது என்பதே அறிய வேண்டிய கருத்து.

மேலும்: அஷோக் உரை

ஒப்புமை
”உரிமை மைந்தரைப் பெறுகின்ற துறுதுயர் நீங்கி
இருமை யும்பெறற் கென்பது பெரியவர் இயற்கை” (கம்ப.மந்திரப் 63)

“சொன்ம றாமகப் பெற்றவர் அருந்துயர் துறந்தார்” (கம்ப.மந்திரப் 68)

பரிமேலழகர் உரை
எழுபிறப்பும் தீயவை தீண்டா - வினைவயத்தால் பிறக்கும் பிறப்பு ஏழின்கண்ணும் ஒருவனைத் துன்பங்கள் சென்றடையா; பழி பிறங்காப் பண்பு உடை மக்கட்பெறின் - பிறரால் பழிக்கப்படாத நற்குணங்களை உடைய புதல்வரைப் பெறுவான் ஆயின். ('அவன் தீவினை வளராது தேய்தற்குக் காரணம் ஆகிய நல்வினைகளைச் செய்யும் புதல்வரைப் பெறுவான் ஆயின்' என்றவாறு ஆயிற்று. பிறப்பு ஏழாவன: 'ஊர்வ பதினொன்றாம் ஒன்பது மானிடம் நீர்பறவை நாற்கால் ஓர் பப்பத்துச் சீரிய, பந்தம்ஆம் தேவர் பதினான்கு அயன்படைத்த அந்தம் இல்சீர்த் தாவரம் நாலைந்து' தந்தை தாயர் தீவினை தேய்தற்பொருட்டு அவரை நோக்கிப் புதல்வர் செய்யும் தான தருமங்கட்கு அவர் நற்குணம் காரணமாகலின், 'பண்பு' என்னும் காரணப் பெயர் காரியத்தின்மேல் நின்றது.).

மணக்குடவர் உரை
எழுபிறப்பினுந் துன்பங்கள் சாரா: ஒரு பிறப்பிலே பழியின்கண் மிகாத குணத்தினையுடைய புதல்வரைப் பெறுவாராயின்.

மு.வரதராசனார் உரை
பழி இல்லாத நல்ல பண்பு உடைய மக்களைப்பெற்றால் ஒருவனுக்கு ஏழு பிறவியிலும் தீவினைப் பயனாகிய துன்பங்கள் சென்று சேரா.

சாலமன் பாப்பையா உரை
பழிக்கப்படாத நல்ல குணங்களை உடைய பிள்ளைகளைப் பெற்றால், பெற்றவளை அவனுடைய பிறவிகள்தோறும் துன்பங்கள் தொடமாட்டா.

006 வாழ்க்கைத் துணைநலம்

பால் - அறத்துப்பால்
இயல் - இல்லறவியல்
அதிகாரம் - வாழ்க்கைத் துணைநலம்

சுட்டியை தட்டுக (குறளே இங்கு சுட்டி)

குறள் 51
மனைக்தக்க மாண்புடையள் ஆகித்தற் கொண்டான்
வளத்தக்காள் வாழ்க்கைத் துணை

குறள் 52
மனைமாட்சி இல்லாள்கண் இல்லாயின் வாழ்க்கை
எனைமாட்சித் தாயினும் இல்

குறள் 53
இல்லதென் இல்லவள் மாண்பானால் உள்ளதென்
இல்லவள் மாணாக் கடை?

குறள் 54
பெண்ணின் பெருந்தக்க யாவுள கற்பென்னும்
திண்மைஉண் டாகப் பெறின்

குறள் 55
தெய்வம் தொழாஅள் கொழுநன் தொழுதெழுவாள்
பெய்யெனப் பெய்யும் மழை

குறள் 56

குறள் 57
சிறைகாக்கும் காப்பெவன் செய்யும் மகளிர்
நிறைகாக்கும் காப்பே தலை





மனைக்தக்க மாண்புடையள் ஆகித்தற்

குறள் 51
மனைக்தக்க மாண்புடையள் ஆகித்தற் கொண்டான்
வளத்தக்காள் வாழ்க்கைத் துணை
[அறத்துப்பால், இல்லறவியல், வாழ்க்கைத் துணைநலம்]
(For meaning in English, scroll to the bottom of this post)

பொருள்
மனைத் - வீடு; வீடுகட்டுதற்குரியநிலம்; நிலஅளவுவகை; குடும்பம்; மனைவி; இல்வாழ்க்கை; சூதாடுபலகையின்அறை; நற்றாய்.

தக்க - takka   தகுந்த, adj. part. see under தகு.

தகு - taku   II. & IV. v. i. be fit, suitable, proper, decent or convenient, appertain, ஏல்.

மாண்பு - பெருமை; அழகு; நன்மை; மாட்சிமை.

உடையள் - உடையவள்

ஆகி - ஆகுதல் - ஆதல், நன்றாகக்கூடிவருதல்


ஆதல் - ஆவதுஎனப்பொருள்படும்இடைச்சொல்; நூல் கூத்து தரிசனம் நுணுக்கம் ஆசை உண்டாதல் நிகழ்தல் முடிதல் இணக்கமாதல்; வளர்தல் அமைதல் ஒப்பாதல்

தற் - taṟ   a particle for தன், self (ன் is changed into ற் before க, ச, ப).

கொண்டான் - koṇṭāṉ   n. கொள்-. 1. Seeகொண்டவன். கொண்டானிற் றுன்னிய கேளிர் பிறரில்லை (நான்மணி. 56). 2. See கொண்டல்¹, 6. (W.)
கொண்டான்கொடுத்தான் koṇṭāṉ-ko-ṭuttāṉ, n. id. +. Persons who have enteredinto matrimonial alliance by the marriage oftheir sons and daughters; கொண்டுங்கொடுத்துஞ்சம்பந்தஞ் செய்தோர். Colloq.
மகளிர்விளையாட்டுவகை; கணவன்.

வளத்தக்காள் - வளத்துக்கும், ஈட்டும் பொருளுக்கும் ஏற்ற அளவுக்குத் தகுந்தார்போல், இல்லறத்தை நடத்துபவள்

வாழ்க்கைத்துணை - vāḻkkai-t-tuṇai   n. வாழ்க்கை + துணை¹. Wife; மனையாள். தற்கொண்டான் வளத்தக்காள் வாழ்க்கைத்துணை (குறள், 51).

முழுப்பொருள்
இல்லறம் நடத்துவதற்குத் தேவையான நல்ல குணநலங்களையும், நற்செயல்களை ஆற்றும் பண்பினையும், கணவனின் வருவாய்க்கு ஏற்றவாறு குடும்ப செலவுகளை நிர்வகித்து குடும்பத்தை முன்னே கொண்டு செல்லும் திறனை உடைய ஒரு மாண்புடைய (பெருமை, அழகு, மாட்சிமை, நன்மை) பெண் என்பவள் திருமணம் செய்துகொள்வதற்கு ஏற்றவளாவாள். அப்படியான மனையறத்திற்குத் தக்க குணங்களை கொண்ட பெண்ணை வாழ்க்கைத்துணையாக கொள்ளுதலே வாழ்வு சிறக்க உதவும். 

1) நற்குணங்களெனப்படுவது -> துறந்தார்ப் பேணலும், விருந்து அயர்தலும், வறியார்மாட்டு அருளுடைமையும் முதலாயின. 

2) நற்செய்கைகளெனப்படுவது -> வாழ்க்கைக்கு வேண்டும் (மெய்ப்)பொருள்கள் அறிந்து கடைப்பிடித்தலும், அட்டில்(மடைப்பள்ளி/ சமையலறை) தொழில் வன்மையும்(ஆற்றலும்), ஒப்புரவு (உலகவொழுக்கம்) செய்தலும் முதலாயின. 

3) வருவாய்க்குத் தக்க வாழ்க்கையெனப்படுவது -> முதலை அறிந்து அதற்கு இயைய அழித்தல். 

இது பெண்களுக்காக எழுதப் பட்ட குறள், ஆனால் வரலாற்று ரீதியாகப் பார்த்தால் ஒரு நூற்றாண்டுக்கு முன்புவரைக் கூடப் பெண்கள் குடும்பத் தலைவி என்றே அழைக்கப்பட்டுள்ளனர். அன்று ஆண்கள் மட்டுமே வெளியுலகலில் வேலைக்கு சென்றனர். ஆனால் இன்றோ ஆண்களும் பெண்களும் எல்லாவேலைகளிலும் பணிப்புரிகின்றனர். இல்லறத்தில் இருக்கும் பெண்களும் வெளியுலக வாழ்க்கையில் பணிப்புரிகின்றனர். ஆதலால் இக்குறள் இன்று ஆண்களுக்கும் பொருந்தும். ஆண்களுக்கு இந்த நல்ல குணங்களும், நற்செயல்கள் செய்யும் ஆற்றலும், வருவாய்க்குத் தக்க வாழ்க்கையை நிர்வகிக்கும் திறனும் இருத்தல் வேண்டும்.

பி.கு: வாழ்க்கைத் துணைநலம் என்று மனைவியை மட்டும் கூறாமல், இல்லற வாழ்க்கைக்கு தேவையான துணையாக இருக்கக்கூடிய குணநலங்களாக இவ்வதிகாரத்தில் கூறப்பட்ட கருத்துக்களை ஆண்கள் (கணவன்) பெண்கள் (மனைவி) என்று இருபாலினரும் எடுத்துக்கொள்ளலாம் (எடுத்துக்கொள்ள வேண்டும்).

மேலும்: அஷோக் உரை

ஒப்புமை
”மனைமாட்சி” (குறள் 52)
“இல்லவள் மாண்பு” (குறள் 53)
“மாண்டஎன் மனைவி” (புறநா 191:3)

“வருவாய்க்குத் தக்க வழக்கறிந்து சுற்றம்
வெருவாமை வீழ்விருந் தோம்பி...
செய்வதே பெண்டிர் சிறப்பு” (சிறுபஞ்ச 42)

பரிமேலழகர் உரை
[அஃதாவது, அவ்வில்வாழ்க்கைக்குத் துணை ஆகிய இல்லாளது நன்மை. அதிகார முறைமையும் இதனானே விளங்கும்.)

மனைத் தக்க மாண்பு உடையளாகித் தன் கொண்டான் வளத்தக்காள் - மனையறத்திற்குத் தக்க நற்குண நற்செய்கைகளை உடையவளாய்த் தன்னைக் கொண்டவனது வருவாய்க்குத் தக்க வாழ்க்கையை உடையாள்; வாழ்க்கைத் துணை- அதற்குத்துணை. (நற்குணங்களாவன : துறந்தார்ப் பேணலும், விருந்து அயர்தலும், வறியார்மாட்டு அருளுடைமையும் முதலாயின. நற்செய்கைகளாவன: வாழ்க்கைக்கு வேண்டும் பொருள்கள் அறிந்து கடைப்பிடித்தலும், அட்டில் தொழில் வன்மையும், ஒப்புரவு செய்தலும் முதலாயின. வருவாய்க்குத் தக்க வாழ்க்கையாவது: முதலை அறிந்து அதற்கு இயைய அழித்தல். இதனால் இவ்விரண்டு நன்மையும் சிறந்தன என்பது கூறப்பட்டது.).

மணக்குடவர் உரை
தான் பிறந்த குடிக்குத்தக்க வொழுக்கத்தை யுடையாளாய்த் தன்னைக் கொண்டவனது வருவாய்க்குத் தக்க செலவினை யுடையவள் இல்வாழ்க்கைத் துணையாவள்.

மு.வரதராசனார் உரை
இல்வாழ்க்கைக்கு ஏற்ற நற்பண்பு உடையவளாகித் தன்கணவனுடைய பொருள் வளத்துக்குத் தக்க வாழ்க்கை நடத்துகிறவளே வாழ்க்கைத்துணை ஆவாள்.

சாலமன் பாப்பையா உரை
பிறந்த, புகுந்த குடும்பங்களுக்கு ஏற்ற நல்ல குணம், நல்ல செயல்களை உடையவளாய்த், தன்னை மணந்தவனின் வருவாய்க்கு ஏற்ப வாழ்க்கையை அமைப்பவளே மனைவி.

English Meaning - As I taught a kid - Rajesh
Note: this Thirukkural actually refers the spouse as a wife. Husband responsibilities are detailed in children upbringing chapter and also in other various chapters
A spouse who have the below is the ideal life partner
a) virtues/traits/qualities required for family (i.e 1) (leading and) running a family, 2) doing charity works such as welcoming and showing hospitality(giving food) to sages and those in need, managing a family, 3) upbringing the children as good citizens (in terms of love, knowledge, scholarliness, beneficence/benevolence, compassion, honesty etc.),   and 
b) spends within the means (earnings of the life partner) 
c) leading the family (in terms of dharma/duty, work, knowledge, wealth, socio-economical status, respect, fame etc.) in the growth direction and growing the family.

Questions that I ask to the kid
Who is an ideal spouse?

இல்வாழ்வான் என்பான் இயல்புடைய மூவர்க்கும்

குறள் 41
இல்வாழ்வான் என்பான் இயல்புடைய மூவர்க்கும் 
நல்லாற்றின் நின்ற துணை
[அறத்துப்பால், இல்லறவியல், இல்வாழ்க்கை]

பொருள்
இல்வாழ்க்கை - il-vāḻkkai   n. இல்¹ +.Domestic life; the order of domestic life; இல்லறத்தில் வாழ்க்கை (குறள், 5, அதி )  ; மனையாளோடு கூடிவாழ்கை; இல்லறத்தில்வாழ்கை.

இல்வாழ்வான் - இல்லறத்தோடு கூடி வாழ்பவன். il-vāḻvāṉ   n. id. +.Householder; இல்லறத்தான். இல்வாழ்வா னென்பான் (குறள், 41).  

என்பான் - என்று சொல்பவன்; என்று சொல்லப்படுபவன்.

இயல்பு - தன்மை; இலக்கணம் ஒழுக்கம் நற்குணம் நேர்மை முறை வரலாறு பிரமாணம்பத்தனுள்ஒன்று.

உடைமை - uṭaimai   n. [T. K. oḍame, M.uḍama.] 1. The state of possessing, having,owning; உடையனாந்தன்மை. அன்பீனு மார்வ முடைமை (குறள், 74). 2. Possession, property; உடைமைப்பொருள். உடைமை யெல்லாமும் (திருவாச. 33,7). 3. Wealth, riches; செல்வம் உடைமையாற்போத்தந்த நுமர் (கலித். 58).

உடைய - uṭaiya   part. உடை-மை.Particle of the genitive case; ஆறாம் வேற்றுமைச்சொல்லுருபு. (நன். 300, சங்கர.)

மூவர்க்கும் - பிரமன், திருமால், சிவன்ஆகியமும்மூர்த்திகள்; அப்பர்; சுந்தரர், திருஞானசம்பந்தர்ஆகியமூன்றுநாயன்மார்கள்; தவசி, பிரமச்சாரி, துறவியாகிய மூவர்; பிள்ளைகள், பெற்றோர், உறவினர்

நல்லாற்றின் - நல்லாறு - நல்வழி - nal-l-āṟuṭaiyāṉ   n. நல்¹ + ஆறு¹ + உடையான் A man of goodmorals, one whose conduct is unimpeachable,opp. to tī-y-āṟuṭaiyāṉ; நல்வழிசெல்வோன். (W.)

நின்ற - நின்று - niṉṟu   id. adv. Always, permanently; எப்பொழுதும் நிறைபய னொருங்குடனின்றுபெற நிகழுங் குன்றவை சிலவே (பரிபா. 15,7).--part. A particle used in the ablativesense; ஐந்தாம்வேற்றுமைப்பொருள்பட வரும் ஓரிடைச்சொல். (திருக்கோ. 34, உரை )

துணை - அளவு; இணை, ஒப்பு; ஆதரவு, உதவி; உதவுவோன்; காப்பு; கூட்டு; இரண்டு; இரட்டை; கணவன்; மனைவி; உடன்பிறப்பு; புணர்ச்சி; வரை; ஆயுதமுனை; அம்பு; நட்பினன்(ள்).

முழுப்பொருள்
இல்வாழ்க்கை என்னும் இல்லறத்தில் வாழும் வாழ்க்கையை வாழ்பவன் என்பவன், இதே (இல்வாழ்க்கை) இயல்போடு வாழும் தன்னுடைய பெற்றோர்கள், மனையாள், பிள்ளைகள் ஆகிய மூவரையும் நல்வழியில் நின்று அவர்களுக்கு துணையாக ஆதரவாக இருக்க வேண்டும். அதுவே இல்லறம்.  அதுவே இல்லறத்தில் வாழ்பவனின் கடமை.

அஃதாவது, இல்லறத்தில் நாம் செய்ய வேண்டிய முதல் கடமை என்பது நமக்கு நேரடியாக தோர்புடைய நம்மை பெற்றெடுத்தப் பெற்றோர்கள், நாம் மணந்த மனைவி (கணவன்), நாம் பெற்றெடுத்தப் பிள்ளைகளை நல்வழியில் பேணிக் காப்பதே ஆகும். அதை தவிர வேறொன்றும் இல்லை. இங்கே உறவினரை பேண வேண்டும் என்று கூட திருவள்ளுவர் சொல்லவில்லை. ஏனெனில் அது நம்முடைய முதற்குடும்பம் அன்று.

இதையொட்டியே, ஔவையும், “இல்லறமல்லது நல்லறம் அன்று” என்று கூறியதும்.

பி.கு: ”உள்ளுவதெல்லாம் உயர்வுள்ளல்” என்று சொன்ன திருவள்ளுவர், தான், தன் குடும்பம் என்ற குறுகிய வட்டத்தில் சிந்திப்பவரும் அல்லது நம்மை சிந்திக்கச் சொல்பவரும் அல்ல. அவர் இங்கே சொல்வது இல்லறத்தில் ஆற்ற வேண்டிய முழுமுதற் கடமை. இது (மூவருக்கு துணையாக இருத்தல்) எளிதாக தோன்றினாலும் ஆனால் இதுவே பெரும்பாலான இடங்களில் கடினமாகவே இருக்கிறது.

அதனால் தான் திருவள்ளுவர் இல்லறத்தில் உறவினர்களை சேர்த்து சுமையை அதிகரிக்கவில்லை போலும் (ஏனெனில் உறவினர்கள் ஒரு முடிவில்லா கணக்காகக் கூட மாற வாய்ப்பு உண்டு). ஒரு தனி மனிதனாக ஒருவன் செய்ய வேண்டிய அறம் பற்றி மற்ற குறள்களில் கூறப்பட்டுள்ளது.

மேலும்: அஷோக் உரை

பரிமேலழகர் உரை
[அஃதாவது, இல்லாளோடு கூடி வாழ்தலினது சிறப்பு.இந்நிலை அறம் செய்தற்கு உரிய இருவகை நிலையுள் முதலது ஆதலின், இஃது அறன் வலியுறுத்தலின் பின் வைக்கப்பட்டது)

இல்வாழ்வான் என்பான் - இல்லறத்தோடு கூடி வாழ்வான் என்று சொல்லப்படுவான்; இயல்பு உடைய மூவர்க்கும் நல் ஆற்றின் நின்ற துணை- அற இயல்பினையுடைய ஏனை மூவர்க்கும் நல் ஆற்றின் நின்ற துணை - அற இயல்பினையுடைய ஏனை மூவர்க்கும் அவர் செல்லும் நல்லொழுக்க நெறிக்கண் நிலை பெற்ற துணை ஆம். (இல் என்பது ஆகுபெயர். என்பான் எனச் செயப்படு பொருள் வினைமுதல் போலக் கூறப்பட்டது. ஏனை மூவர் ஆவார், ஆசாரியனிடத்தினின்று ஓதுதலும் விரதங்காத்தலும் ஆகிய பிரமசரிய ஒழுக்கத்தானும், இல்லை விட்டு வனத்தின்கண் தீயொடு சென்று மனையாள் வழிபடத் தவஞ் செய்யும் ஒழுக்கத்தானும், முற்றத் துறந்த யோக ஒழுக்கத்தானும் என இவர்; இவருள் முன்னை இருவரையும் பிறர் மதம் மேற்கொண்டு கூறினார். இவர் இவ்வொழுக்க நெறிகளை முடியச் செல்லுமளவும், அச்செலவிற்குப் பசி நோய், குளிர் முதலியவற்றான் இடையூறுவாராமல், உண்டியும் மருந்தும் உறையுளும் முதலிய உதவி, அவ்வந்நெறிகளின் வழுவாமல் செலுத்துதலான் 'நல் ஆற்றின் நின்ற துணை' என்றார்.).

மணக்குடவர் உரை
இல்வாழ்வானென்று சொல்லப்படுபவன் இயல்புடைய மூவர்க்கும் நல்ல வழியின்கண்ணே நின்றவொருதுணை. (தவசி, பிரமச்சாரி, துறவியாகிய மூவர்) என்றது தானமாகிய வில்லறஞ் செய்யுமவன் தவத்தின்பாற்பட்ட விரதங் கொண்டொழுகாநின்ற பிரமச்சாரிக்கும், தவமேற் கொண்டொழுகாநின்ற வானப்பிரஸ்தன் ஸந்நியாசிகளுக்கும், தத்தம் நிலைகுலையாம லுணவு முதலாயின கொடுத்துப் பாதுகாத்தலின் அவர்க்கு நல்லுலகின்கண் செல்லும் நெறியிலே நின்ற வொரு துணையென்று கூறியவாறாயிற்று. துணையென்பது இடையூறு வாராமலுய்த்து விடுவாரை.

மு.வரதராசனார் உரை
இல்லறத்தில் வாழ்பவனாகச் சொல்லப்படுகிறவன் அறத்தின் இயல்பை உடைய மூவருக்கும் நல்வழியில் நிலை பெற்ற துணையாவான்.

சாலமன் பாப்பையா உரை
மனைவியோடு வாழ்பவன்தான் பிள்ளைகள், பெற்றோர், உறவினர் என்னும் மூவர்க்கும் நல்ல வழியில் உதவுபவன்.

005 இல்வாழ்க்கை

பால் - அறத்துப்பால்
இயல் - இல்லறவியல்
அதிகாரம் - இல்வாழ்க்கை


சுட்டியை தட்டுக (குறளே இங்கு சுட்டி)

குறள் 41
இல்வாழ்வான் என்பான் இயல்புடைய மூவர்க்கும்
நல்லாற்றின் நின்ற துணை

குறள் 42
துறந்தார்க்கும் துவ்வா தவர்க்கும் இறந்தார்க்கும்
இல்வாழ்வான் என்பான் துணை

குறள் 43
தென்புலத்தார் தெய்வம் விருந்தொக்கல் தானென்றாங்கு
ஐம்புலத்தாறு ஓம்பல் தலை

குறள் 44
பழியஞ்சிப் பாத்தூண் உடைத்தாயின் வாழ்க்கை
வழியெஞ்சல் எஞ்ஞான்றும் இல்

குறள் 45
அன்பும் அறனும் உடைத்தாயின் இல்வாழ்க்கை 
பண்பும் பயனும் அது

குறள் 46

குறள் 47
இயல்பினான் இல்வாழ்க்கை வாழ்பவன் என்பான் 
முயல்வாருள் எல்லாம் தலை

குறள் 48

குறள் 49

குறள் 50
வையத்துள் வாழ்வாங்கு வாழ்பவன் வான்உறையும் 
தெய்வத்துள் வைக்கப் படும்

பதிவு வரிசை 




004 அறன்வலியுறுத்தல்

பால் - அறத்துப்பால்
இயல் - பாயிரவியல்
அதிகாரம் - அறன்வலியுறுத்தல்

சுட்டியை தட்டுக (குறளே இங்கு சுட்டி)

குறள் 31
சிறப்புஈனும் செல்வமும் ஈனும் அறத்தினூஉங்கு 
ஆக்கம் எவனோ உயிர்க்கு

குறள் 32
அறத்தினூஉங்கு ஆக்கமும் இல்லை அதனை
மறத்தலின் ஊங்கில்லை கேடு

குறள் 33

குறள் 34
மனத்துக்கண் மாசிலன் ஆதல் அனைத்தறன் 
ஆகுல நீர பிற

குறள் 35
அழுக்காறு அவாவெகுளி இன்னாச்சொல் நான்கும்
இழுக்கா இயன்றது அறம்

குறள் 36

அன்றறிவாம் என்னாது அறஞ்செய்க மற்றது 
பொன்றுங்கால் பொன்றாத் துணை

குறள் 37
அறத்தாறு இதுவென வேண்டா சிவிகை
பொறுத்தானோடு ஊர்ந்தான் இடை

குறள் 38

குறள் 39

குறள் 40







கேள்வியும் பதில்களாக (ஒரு முழுமையான புரிதலுக்காக. தொகுத்தலுக்காக)

ஏன் அறம்?
குறள் 31
சிறப்புஈனும் செல்வமும் ஈனும் அறத்தினூஉங்கு 
ஆக்கம் எவனோ உயிர்க்கு

அறம் செய்தால் என்ன, செய்யாவிட்டால் என்ன?
குறள் 32
அறத்தினூஉங்கு ஆக்கமும் இல்லை அதனை
மறத்தலின் ஊங்கில்லை கேடு

அறம் செய்யும் வழிகள் என்ன?
குறள் 33

எது அறம்? எது அறம் அல்ல?
குறள் 34
மனத்துக்கண் மாசிலன் ஆதல் அனைத்தறன் 
ஆகுல நீர பிற

அறம் இழக்காது இருக்க என்ன செய்யவேண்டும்?
குறள் 35
அழுக்காறு அவாவெகுளி இன்னாச்சொல் நான்கும்
இழுக்கா இயன்றது அறம்

இன்றும் என்றும் அறம் ஏன் செய்ய வேண்டும்? அறம் செய்வதால் பலன் என்ன?
குறள் 36

அன்றறிவாம் என்னாது அறஞ்செய்க மற்றது 
பொன்றுங்கால் பொன்றாத் துணை

நான் சாதாரண வாழ்க்கையே வாழ்கிறேன். அறம் செய்வதால் மற்றவர்களுக்கும் எனக்கும் என்ன வித்தியாசம்?
குறள் 37
அறத்தாறு இதுவென வேண்டா சிவிகை
பொறுத்தானோடு ஊர்ந்தான் இடை

அறம் செய்வதால் கிடைக்கும் பெரும்பலன் என்ன?
குறள் 38

எனக்கு சாதாரண லௌளீக வாழ்க்கையே போதும். எனக்கு அறத்தால் வரும் இன்பம் வேண்டாம். ஏன் அறம்?
குறள் 39

சரி. அறம் என்றால் என்ன என்று இப்பொழுது புரிகிறது. நான் என்ன செய்யவேண்டும்? என்ன செய்யக்கூடாது/நீக்கவேண்டும்?
குறள் 40


அறத்தினூஉங்கு ஆக்கமும் இல்லை

குறள் 32
அறத்தினூஉங்கு ஆக்கமும் இல்லை அதனை 
மறத்தலின் ஊங்கில்லை கேடு
[அறத்துப்பால், பாயிரவியல், அறன்வலியுறுத்தல்]
(For meaning in English, scroll to the bottom of this post)

பொருள்
அறத்தின் - அறம் - தருமம்; புண்ணியம் அறச்சாலை தருமதேவதை யமன் தகுதியானது; சமயம் ஞானம் நோன்பு இதம் இன்பம் தீப்பயன்உண்டாக்கும்சொல்.

ஊ - ஆறாம்உயிரெழுத்து; நெட்டுயிரெழுத்துள்ஒன்று; வினையெச்சவிகுதியுள்ஒன்று; ஓரொலிக்குறிப்பு; 'கைக்கிளை'என்னும்இசையின்எழுத்து; ஊன், இறைச்சி; உணவு.

உங்கு - uṅku   adv. உ&sup4;. Yonder, where theperson spoken to is; உவ்விடம். (கந்தபு. உமைவரு.31.).

ஊஉங்கு

ஆக்கமும் - ஆக்கம் - காண்க:ஆக்கக்கிளவி; அமைத்துக்கொள்ளுகை; கைகூடுகை; உண்டுபண்ணுகை; படைப்பு செல்வம் பொன் பெருக்கம் இலாபம் ஈட்டம் கொடிப்படை திருமகள் மங்களகரம் வாழ்த்து

இல்லை - illai   fin. v. இல்². No; உண்டென்பதன் எதிர்மறை

அதனை

மறத்தலின் - அயர்த்தல்; அசட்டைபண்ணல்; ஒழிதல்; நினைவின்றிப்போதல்; பொச்சாப்பு.

ஊங்கு - சிறந்தது; மிகுதி; முன்; உவ்விடம்; விசேடம்

இல்லை - illai   fin. v. இல்². No; உண்டென்பதன் எதிர்மறை

கேடு - அழிவு; இழப்பு; வறுமை; தீமை; கெடுதல்; வேறுபாடு; அழகின்மை.

முழுப்பொருள்
வாழ்வில் ஒருவர் (நீது நூல்கள் சொன்னபடியான) அறம் தனை பின்பற்றி வாழ்வதுப்போல உயர்ச்சியும் (செல்வமும்) தருவது வேறு ஏதுமில்லை. அறம் மிக மிக உயர்வான ஒன்று, வாழ்விற்கான முதல் அடிப்படையாகும்.

அதேப்போல, இவ்வாழ்வில் அறம் தனை மறத்தல் (அறத்திற்கு புறம்பாக நடத்தல். அறம் அல்லாத செயல்களை செய்தல்) போன்ற மிகுந்த கேடு விளைவிக்கும் பிறிதொரு செயல் வேறு ஏதுமில்லை. ஒருவன் மயக்கத்தால் அறத்தை மறப்பான் என்று பரிமேலழகர் கூறுகிறார். மயக்கம் அல்லாமல் இருக்க ஒருவர் மனவடக்கத்தை பேணவேண்டும்.

ஆக வாழ்வில் அறம் தனை பின்பற்றுவது ஒருவனுக்கு ஒரு தேர்வு/விருப்பம் (choice/option) அல்ல. அது ஒரு அடிப்படை நியதியாகும். அதிலிருந்து வழுதால் வாழ்வில் கேடே பெருகும். அதுவே அறத்தில் இருந்து வழுவாதிருந்தால் உயர்ச்சி கிடைக்கும்.

ஒப்புமை
1. வாழியாய் கேட்டியால் வாழ்வு கைம்மிக
ஊழிகாண் குறுநின துயிரை யோர்கிலாய்
கீழ்மையோர் சொற்கொடு கெடுதல் நேர்தியோ
வாழ்மைதான் அறம்பிழைத் தவர்க்கு மாகுமோ (கம்ப.வீடணன்.11)

2. “அளவிலா அறத்தின் மிக்க தியாதுமற் றில்லை யன்றே” (நரிவிருத்தம் 14)
“ஆயிவினை யுடைய ராகி  யறம்பிழை யாதார்க் கெல்லாம்
ஏய்வன நலனே யன்றி யிறுதிவந் தடைவ துண்டோ?” (கம்ப.வருணனை.80)
“ஆன்றநல் லறத்தைப் போலும் அரியதொன் றில்லை யென்றான்” (மேருமந்தர.747)

3.”அறமுனக் கஞ்சியின் றொளித்த தாலதன்
திறமுனம் உழத்தலின் வலியும் செல்வமும்
நிறமுனக் களித்ததங் கதனை நீக்கிநீ
இறமுனங் கியாருனை எடுத்து நாட்டுவார்” (கம்ப. கும்பகருணன். 84)
“அறத்தினூங் காக்க மில்லை என்பதும் இதனை ஆய்ந்து
மறத்தினூங் கில்லை கேடும் என்பதும் மதித்து” (மேருமந்தர 747)

மேலும்: அஷோக் உரை

பரிமேலழகர் உரை
அறத்தின் ஊங்கு ஆக்கமும் இல்லை - ஒருவனுக்கு அறஞ்செய்தலின் மேற்பட்ட ஆக்கமும் இல்லை; அதனை மறத்தலின் ஊங்கு கேடு இல்லை - அதனை மயக்கத்தான் மறத்தலின் மேற்பட்ட கேடும் இல்லை. ('அறத்தின் ஊங்கு ஆக்கமும் இல்லை'. என மேற்சொல்லியதனையே அநுவதித்தார், அதனால் கேடு வருதல் கூறுதற் பயன் நோக்கி. இதனான் அது செய்யாவழிக் கேடு வருதல் கூறப்பட்டது.).

மணக்குடவர் உரை
ஒருவனுக்கு அறஞ் செய்தலின் மேற்பட்ட ஆக்கமுமில்லை; அதனைச் செய்யாமையின் மேற்பட்ட கேடுமில்லை. இஃது அறஞ் செய்யாக்காற் கேடுவருமென்று கூறிற்று.

மு.வரதராசனார் உரை
ஒரு வருடைய வாழ்கைக்கு அறத்தை விட நன்மையானதும் இல்லை: அறத்தை போற்றாமல் மறப்பதை விடக்கொடியதும் இல்லை.

சாலமன் பாப்பையா உரை
அறம் செய்வதை விட நன்மையும் இல்லை. அதைச் செய்ய மறப்பதைவிட கெடுதியும் இல்லை.

English Meaning - As I taught a kid - Rajesh
There is nothing like Dharma/Aram (1) being honest 2) doing the right things as per scriptures, books 3)doing your duties/ responsibilities) which would yield results/ productivity/ success/ growth/ greatness/ reputation/ respect etc. Similarly there is nothing like forgetting (and not following) Dharma/ Aram that ends up destruction/ failure. So, understanding the pros of following Dharma and the cons of not following Dharma, one should follow Dharma/Aram, do their duties in the right way and grow in life.

Questions that I ask to the kid
1) What yields true results / productivity / growth / greatness?
2) What if one forgets dharma?
3) What is the worst thing one can do /forget that leads to destruction/failure?

003 நீத்தார் பெருமை

பால் - அறத்துப்பால்
இயல் - பாயிரவியல்
அதிகாரம் - நீத்தார் பெருமை

சுட்டியை தட்டுக (குறளே இங்கு சுட்டி)

குறள் 21

ஒழுக்கத்து நீத்தார் பெருமை விழுப்பத்து
வேண்டும் பனுவல் துணிவு

குறள் 22
துறந்தார் பெருமை துணைக்கூறின் வையத்து
இறந்தாரை எண்ணிக்கொண் டற்று

குறள் 23


குறள் 24
வரனென்னும் வைப்பிற்கோர் வித்து

குறள் 25
ஐந்தவித்தான் ஆற்றல் அகல்விசும்பு ளார்கோமான்
இந்திரனே சாலுங் கரி

குறள் 26
செயற்கரிய செய்கலா தார்

குறள் 27
சுவைஒளி ஊறுஓசை நாற்றமென ஐந்தின்
வகைதெரிவான் கட்டே உலகு

குறள் 28


பதிவு வரிசை










ஒழுக்கத்து நீத்தார் பெருமை

குறள் 21
ஒழுக்கத்து நீத்தார் பெருமை விழுப்பத்து
வேண்டும் பனுவல் துணிவு
[அறத்துப்பால், பாயிரவியல், நீத்தார் பெருமை]
(For meaning in English, scroll to the bottom of this post)

பொருள்
ஒழுக்கத்து - தமக்குரிய ஒழுக்கத்தின் கண்ணே வழுவாது நின்று

நீத்தார் - முனிவர்; துறவியர்; உலக ஆசைகளைத் துறந்தவர், இறை சிந்தனையும், சுய உணர்தலையும் நாடும் தவத்தோர்

பெருமை - மாட்சிமை; மிகுதி; பருமை; புகழ்; வல்லமை; அகந்தை; அருமை.

விழுப்பத்துவிழுப்பம் - viḻuppam   n. id. 1. Seeவிழுமம், 1. ஒழுக்கம் விழுப்பந் தரலான் (குறள், 131).2. Good; benefit; நன்மை. (பிங்.) 3. Family,ancestry; குலம். (பிங்.) 4. See விழுமம், 4. நின்விழுப்ப நீக்குதி (விநாயகபு. 57, 23); viẕuppam   s. desire, wish, விருப்பம்; 2. good, benefit, நன்மை; 3. excellence, மேன்மை; 4. a tribe, குலம்.

வேண்டும் - வேண்டும்; தேவையானது

பனுவல் - paṉuval   n. பன்னு-. 1. Tousedcotton; சுகிர்ந்த பஞ்சு. பருத்திப் பெண்டின் பனுவலன்ன (புறநா. 125). 2. Cotton thread; பஞ்சிநூல். (சூடா.) 3. Word; discourse; சொல். மெய்யறி பனுவலின் (தொல். சொல். 96). 4. Stanza,musical composition; பாட்டு. வரிநவில் பனுவல்(புறநா. 135). 5. Treatise on scientific subjects;நூல். பனுவற்றுணிவு (குறள். 21). 6. Learningthrough oral instruction; கேள்வி. செவிமுதல் வித்திய பனுவல் (புறநா. 237). 7. Research;ஆராய்ச்சி. பனுவ னுண்ணூ னடையுளார் (சீவக.464). 8. Learning; கல்வி. (பிங்.)

பனுவல் - paṉuval   s. cotton, பஞ்சிநூல்; 2. word, discourse, மொழி; 3. the Agamas; 4. science, literature, நூல்.

பனுவலாட்டி - Saraswati, as the goddess of science.

துணிவு - தெளிவு; மனத்திட்பம்; நம்பிக்கை; நோக்கம்; துண்டு; ஆண்மை; துணிச்சல்; உறுதி; முடிவு; கொள்கை; தாளம்; கைக்கிளைவகையுள்ஒன்று.

முழுப்பொருள்
தமக்கு உரிய ஒழுக்கத்தின் கண்ணே நின்று, தத்தம் தனக்கு உரிய ஒழக்கங்களையும் அறங்களையும் வழுவாது ஒருவன் வாழ்ந்தால் அறம் வளரும். அறம் வளர அறியாமை நீங்கும். அறியாமை நீங்கினால் இம்மை (இப்பிறவி) மறுமை (மறு பிறவி) இன்பங்களின் உவர்ப்பும் (துவர்ப்பு, வெறுப்பு) தோன்றும்.

அவ்வாறு தோன்றினால் அறம், பொருள், இன்பம் வரிசையில் வீட்டின் கண் ஆசை உண்டாகும்.  அஃது உண்டாக (மறு)பிறவிக்குக் காரணமாகிய பயன் இல்லாத செயல்களையெல்லாம் விட்டு விட்டு (துறந்து), வீட்டிற்கு காரணமாகிய யோகமுயற்சியில் ஈடுபடுத்திக்கொள்வர்.

அஃது உண்டானால், மெய்யுணர்வு பிறக்கும். புறப்பற்று எனப்படும் ‘எனது’ மற்றும் அகப்பற்று எனப்படும் ’யான்’ தன்னை விடும். ஆகவே இவ்விரு பற்றையும் உவர்த்து விடுதல் வேண்டும்.

இப்படி தமக்குரிய ஒழுக்கத்தில் வாழ்ந்து, ஆசைகளை அறுத்து, உயர்ந்து, மேன்மக்கள் வீட்டினை அடைவர். அவர்களது பெருமையை நூல்கள் (பனுவல்) பாடும்.

மேலும்: அஷோக் உரை

பரிமேலழகர் உரை
[அஃதாவது ,முற்றத் துறந்த முனிவரது பெருமை கூறுதல். அவ் அறமுதற்பொருள்களை உலகிற்கு உள்ளவாறு உணர்த்துவார் அவர் ஆகலின், இது வான் சிறப்பின்பின் வைக்கப்பட்டது.]

ஒழுக்கத்து நீத்தார் பெருமை - தமக்குரிய ஒழுக்கத்தின் கண்ணே நின்று துறந்தாரது பெருமையை; விழுப்பத்து வேண்டும் பனுவல் துணிவு - விழுமிய பொருள்கள் பலவற்றுள்ளும் இதுவே விழுமியது என விரும்பும் நூல்களது துணிவு. (தமக்கு உரிய ஒழுக்கத்தின் கண்ணே நின்று துறத்தலாவது, தத்தம் வருணத்திற்கும் நிலைக்கும் உரிய ஒழுக்கங்களை வழுவாது ஒழுக அறம் வளரும்; அறம் வளரப் பாவம் தேயும்; பாவம் தேய அறியாமை நீங்கும் ; அறியாமை நீங்க நித்த அநித்தங்களது வேறுபாட்டு உணர்வும் அழிதன் மாலையவாய இம்மை மறுமை இன்பங்களின் உவர்ப்பும், பிறவித் துன்பங்களும் தோன்றும் ; அவை தோன்ற வீட்டின் கண் ஆசை உண்டாம்; அஃது உண்டாகப் பிறவிக்குக் காரணம் ஆகிய 'பயன்இல்' முயற்சிகள் எல்லாம் நீங்கி வீட்டிற்குக் காரணமாகிய யோகமுயற்சி உண்டாம்; அஃது உண்டாக,மெய்யுணர்வு பிறந்து புறப்பற்று ஆகிய 'எனது' என்பதும், அகப்பற்று ஆகிய 'யான்' என்பதும் விடும். ஆகலான் இவ்விரண்டு பற்றையும் இம் முறையே உவர்த்து விடுதல் எனக் கொள்க. 'பனுவல்' எனப் பொதுபடக் கூறிய அதனான் ஒன்றையொன்று ஒவ்வாத சமய நூல்கள் எல்லாவற்றிற்கும் இஃது ஒத்த துணிவு என்பது பெற்றாம். செய்தாரது துணிவு பனுவல்மேல் ஏற்றப்பட்டது.).

மணக்குடவர் உரை
ஒழுக்கத்தின் பொருட்டு எல்லாப் பொருளையுந் துறந்தாரது பெருமையை நூல்களின் துணிவு விழுப்பத்தின் பொருட்டு வேண்டும். தானுமொரு பொய்யைச் சொல்லும் நூலும் தன்னை யெல்லாருங் கொண்டாடுவதற்காகத் துறந்தார் பெருமையை நன்கு மதித்துக் கூறும். அதனானே யானுஞ் சொல்லுகின்றேனென்பது.

மு.வரதராசனார் உரை
ஒழுக்கத்தில் நிலைத்து நின்று பற்று விட்டவர்களின் பெருமையைச் சிறந்ததாக போற்றி கூறுவதே நூல்களின் துணிவாகும்.

சாலமன் பாப்பையா உரை
தமக்குரிய ஒழுக்கத்தில் வாழ்ந்து, ஆசைகளை அறுத்து, உயர்ந்த மேன்மக்களின் பெருமையே, சிறந்தனவற்றுள் சிறந்தது என்று நூல்கள் சொல்கின்றன.

English Meaning - As I taught a kid - Rajesh
When one leads a disciplined life and performs his/her dharma/duties, he/she would gain his/her success, prosperity and happiness. He/She will remove ignorance/darkness from his/her life. He/She will ignore the desires because he/she has realized that performing dharma alone would give true happiness. Such a person would attain growth and can attain moksha/success. The literature/world would sing praises of such people. Generally, it refers to sages. But in current world, it can refer to everyone who has contributed to uplift their family, community, nation, and world.

Questions that I ask to the kid
Of our ancestors who's praises will be sung by books?

002 வான்சிறப்பு

பால் - அறத்துப்பால்
இயல் - பாயிரவியல்
அதிகாரம் - வான்சிறப்பு

சுட்டியை தட்டுக (குறளே இங்கு சுட்டி)

குறள் 11
வான்நின்று உலகம் வழங்கி வருதலால்
தான்அமிழ்தம் என்றுணரற் பாற்று

குறள் 12
துப்பார்க்குத் துப்பாய துப்பாக்கித் துப்பார்க்குத்
துப்பாய தூஉம் மழை

குறள் 13
விண்இன்று பொய்ப்பின் விரிநீர் வியனுலகத்து
உள்நின்று உடற்றும் பசி

குறள் 14
ஏரின் உழாஅர் உழவர் புயல்என்னும்
வாரி வளங்குன்றிக் கால்

குறள் 15
கெடுப்பதூஉம் கெட்டார்க்குச் சார்வாய்மற் றாங்கே
எடுப்பதூஉம் எல்லாம் மழை

குறள் 16
விசும்பின் துளிவீழின் அல்லால்மற் றாங்கே
பசும்புல் தலைகாண்பு அரிது

குறள் 17
நெடுங்கடலும் தன்நீர்மை குன்றும் தடிந்தெழிலி
தான்நல்கா தாகி விடின்

குறள் 18



பதிவு வரிசை


கற்க கசடற - உயர் வள்ளுவம் - இலங்கை ஜெயராஜ் அவர்களின் விரிவுரை 

வான்சிறப்பு 


ஏரின் உழாஅர் உழவர் புயல்என்னும்

குறள் 14
ஏரின் உழாஅர் உழவர் புயல்என்னும்
வாரி வளங்குன்றிக் கால்
[அறத்துப்பால், பாயிரவியல், வான்சிறப்பு]

பொருள்
ஏரின்  - ஏர் - உழுபடை, கலப்பை; உழவுமாடு; உழவுத்தொழில்; எழுச்சி; தோற்றப்பொலிவு; அழகு; நன்மை; ஒப்பு; ஓர்உவமவுருபு.

உழவு - நிலத்தைஉழும்தொழில், வேளாண்மை; உடம்பினால்உழைக்கை
uḻavu   n. உழு-. [M. uḻavu.] 1.Ploughing; உழுகை. உழந்து முழவே தலை (குறள்,1031). 2. Agriculture, husbandry; வேளாண்மை உழவின் மிக்க வூதியமில்லை.

உழாஅர்  - உழவுத் தொழிலைச் செய்யாமல் போவர்

உழவர்  - உழவுத் தொழிலைச் செய்பவர்கள்

புயல் - மேகம்; மழைபெய்கை; நீர்; கொடுங்காற்று; சுக்கிரன்.

என்னும் - யாவும், எல்லாம்; என்றுசொல்லப்படும்; யாதும்; சிறிதும்.

வாரி  - vāri   n. வா-. 1. Income, resources;வருவாய். (பிங்.) புயலென்னும் வாரி (குறள், 14).2. Produce; விளைவு. மாரிபொய்ப்பினும் வாரிகுன்றினும் (புறநா. 35). 3. Grain; தானியம். (யாழ்.அக.) 4. cf. vārya. Wealth; செல்வம். (பிங்.)
vāri   n. vāri. 1. Water; நீர்.(பிங்.) (தக்கயாகப். 67, உரை.) 2. Flood; வெள்ளம்.(பிங்.) வணிக மாக்களை யொத்ததவ் வாரியே (கம்பரா.ஆற்றுப். 7). 3. Sea; கடல். (பிங்.) (தக்கயாகப்.67, உரை.) 4. Reservoir of water; நீர்நிலை.

வளம் - செல்வம்; செழுமை; மிகுதி; பயன்; வருவாய்; நன்மை; மாட்சிமை; தகுதி; அழகு; பதவி; புனல்; உணவு; வாணிகப்பண்டம்; வெற்றி; வழி; பக்கம்

குன்றிக்கால் - குறைந்து இருந்தால்

முழுப்பொருள்
புயல் என்ற சொல்லுக்கு மேகம், மழைப்பெய்கை, நீர் என்ற பொருள்கள் உள்ளன. புயலிற்கு கொடுக்காற்று என்னும் அழிவை குறிக்கும் அர்த்தம் மட்டுமே பொருள் என்று இல்லை.

ஆதலால் புயல் என்னும் மேகம், மழைப்பெய்கை இவ்வுலகத்திற்கு குறைந்தால் அதனுடைய தாக்கம் அதிகம் இருக்கும். ஏனெனில் மேகம் என்பதே மழையாக பொழிந்து நீராக மண்ணில் விழுகின்றன. இந்த மழைநீரானது மண்ணிருக்கு ஒரு வரவு. அந்த வரவு குறைந்தால் மண்ணில் ஈரம் இருக்காது, ஆதலால் ஏர்க்கூட உழ முடியாது.  

விவசாயத்தில் நாத்து நடுவதற்கு முன் மண்னை ஆயுத்தம் செய்யவேண்டும். அதற்கு ஏர் உழுவர். ஏர் ஓட்டுதலின் ஒரு கட்டத்தில் எருது (என்னும் உரம்) வயலில் சமமாக பரவ நீர் கட்டாயமாக தேவைப்படும். ஆக விவசாயத்தின் முதல் கட்டத்திலேயெ நீரின் அத்தியாவசியம் இன்றியமையாதது. 

பின்பு நாத்து நட, பயிர் விளைய நீர் இன்றியமையாதது என்பதை சொல்லதேவையில்லை. இந்த நீர் எல்லாம் மழையில் இருந்து வருபவை. ஆற்றில் இருந்து வரும் நீர்க்கூட மழையில் இருந்து காடுகளுக்குச் சென்று, காடுகளில் உள்ள மரங்களின் வேர்களில் தேங்கி, சொட்டு சொட்டாக வடிந்து, பின்பு ஆறாக உருக்கொண்டு ஓடுகின்றன.

ஆதலால் மழை இன்றியமையாதது. மழை பொழியவில்லையென்றால் உழவர்களுக்கு நீர் என்னும் வருவாய் இல்லை. நீர் இல்லை என்றால் உழவு செய்ய முடியாது. ஆக மழை மிக மிக முக்கியமான ஒன்று. 

ஆனால் மழை என்பது மேகத்தில் இருந்து வருவது. இந்த மேகமே இல்லை என்றால் மழை இல்லை. இந்த மேகம் உருவாகுவதற்கு மரங்கள் ஒரு முக்கிய காரணம். மழையாக பெய்யும் நீர் மண்ணில் விழுகின்றது. மரத்தின் இலைகளும் மழைநீரை எடுத்துக்கொண்டு மரத்திற்கு கொடுக்கும். காற்றில் இருக்கும் நீரையும் கூட எடுத்துக்கொண்டு மரத்திற்கு கொடுக்கும். மரத்தின் வேர் மண்ணில் இருந்து நீரை எடுத்து மரத்திற்கு கொடுக்கும். பின்பு மரம் இந்த நீரை காற்றில் ஈரப்பதமாக வெளியேற்றும். இது ஒரு கட்டத்தில் மேகமாக மறுபடியும் உருவெடுக்கும். இதுவே பின்பு மழை பொய்யும். இது ஒரு சுழற்சி.

[Growing trees take water from the soil and release it into the atmosphere. Tree leaves also act as interceptors, catching falling rain, which then evaporates causing rain precipitation elsewhere — a process known as evapo-transpiration]

ஆதலால் மழை குறைந்தால் உழவு செய்ய முடியாது. அதுப்போல மரங்கள் குறைந்தால் மழை குறையும் உழவும் செய்ய முடியாது. ஆக இயற்கை வளங்களை பேணிக்காபது அவசியம்.

பி.கு: வள்ளுவரே கூட “வாரி பெருக்கி” (குறள் 512) என்று வருவாய் என்னும் பொருளிலும் கூறியிருப்பது தெரிகிறது. (நன்றி: கி.வா.ஜ வின் ஆய்வுரை)








மேலும்: அஷோக் உரை

ஒப்புமை
”மழைதொழில் உதவ” (மதுரைக் 10)
“இருங்கண்ஞாலத் தீண்டுதொழில் உதவிப்” 
“பெரும்பெயல் பொழிந்த வழிநாள்” (நற் 157:1-2)
“வானமும் வேண்டா வில்லே ருழவர்” (அகநா 193:2)

பரிமேலழகர் உரை
உழவர் ஏரின் உழார்- உழவர் ஏரான் உழுதலைச் செய்யார்; புயல் என்னும் வாரி வளம் குன்றிக்கால் - மழை என்னும் வருவாய் தன் பயன் குன்றின். ('குன்றியக்கால்' என்பது குறைந்து நின்றது. உணவு இன்மைக்குக் காரணம் கூறியவாறு.) .

மணக்குடவர் உரை
ஏரினுழுதலைத் தவிர்வாருழவர், புயலாகிய வாரியினுடைய வளங்குறைந்தகாலத்து. இஃது உழவாரில்லை யென்றது.

மு.வரதராசனார் உரை
மழை என்னும் வருவாய் வளம் குன்றி விட்டால், ( உணவுப் பொருள்களை உண்டாக்கும்) உழவரும் ஏர் கொண்டு உழமாட்டார்.

சாலமன் பாப்பையா உரை
மழை என்னும் வருவாய் தன் வளத்தில் குறைந்தால், உழவர் ஏரால் உழவு செய்யமாட்டார்.