Search This Blog

Disclaimar

This blog is totally for learning purposes. Non-commercial. In many of the posts, many snippets have been taken from various thirukkural blogs, books available online freely only for learning purpose without any intention of plagiarism or to make money. I have given due credit, link wherever possible. If you want your content to be removed, or you want more credit to be provided, please do let me know in the comment section of any of the posts. ஊருணி நீர்நிறைந் தற்றே உலகவாம் பேரறி வாளன் திரு (குறள் 215)
Showing posts with label Athikaaram_006. Show all posts
Showing posts with label Athikaaram_006. Show all posts

புகழ்புரிந்த இல்லிலோர்க்கு இல்லை இகழ்வார்முன்

குறள் 59
புகழ்புரிந்த இல்லிலோர்க்கு இல்லை இகழ்வார்முன்
ஏறுபோல் பீடு நடை
[அறத்துப்பால், இல்லறவியல், வாழ்க்கைத் துணைநலம்]

பொருள்
புகழ் - துதி; கீர்த்தி; அருஞ்செயல்; அகத்தி; வாகை

புரிந்த - புரிதல் - puri-   4 v. tr. 1. To desire;விரும்புதல். புகுமுகம் புரிதல் (தொல். பொ. 261).2. To meditate upon; தியானித்தல். இறைவன். . . புகழ் புரிந்தார் (குறள், 5). 3. To do, make;செய்தல். தினைத்துணையு நன்றி புரிகல்லா (நாலடி,323). 4. To create; படைத்தல். எவ்வுலகும் புரிவானை (சிவப். பிரபந். வெங்கைக்க. 65). 5. Tobring forth, produce; ஈனுதல். பொன்போறார்கொன்றைபுரிந்தன (திணைமாலை. 109). 6. To give;கொடுத்தல். பெருநிதி வேட்டன வேட்டனபுரிந்தாள்(உபதேசகா. சிவவிரத. 257). 7. To experience, suffer; அனுபவித்தல். புண்டரிகை போலுமிவ ளின்னல்புரிகின்றாள் (கம்பரா. சூளா. 1). 8. To gaze at,watch intently; உற்றுப்பார்த்தல். பயத்தாலே புரிந்துபார்க்கிறபோது (திவ். திருநெடுந். 21, வ்யா. பக். 174).9. To investigate, examine; விசாரணை செய்தல்.அறம் புரிந்தன்ன செங்கோ னாட்டத்து (புறநா. 35).10. To say, tell; சொல்லுதல். அந்தணாளர் புரியு மருமறை (தேவா. 865, 5). 11. To exercise, perform;நடத்துதல். அரசு புரிந்தான். 12. To accept; மேற்கொள்ளுதல். போக்குவரவு புரிய (சி. போ.

இல் - இடம்; வீடு இல்லறம் மனைவி மருதமுல்லைநிலங்களின்தலைவியர்; குடி இராசி தேற்றாங்கொட்டை இன்மை சாவு எதிர்மறைஇடைநிலை; ஐந்தாம்வேற்றுமைஉருபு; ஏழாம்வேற்றுமைஉருபு.

இலோர்க்கு -இல்லாதவர்க்கு

இல்லை - இல்லை

இகழ்வார் - இகழ்-தல் - ikaḻ-   4 v.intr. To be careless,negligent; அசாக்கிரதையாதல். பிரியாரென விகழ்ந்தேன் (திருக்கோ. 340).--tr. 1. To slight, despise;opp. to புகழ்-;அவமதித்தல். (குறள், 698.) 2. Toforget; மறத்தல் செய்யா திகழ்ந்தார்க் கெழுமையு மில்(குறள், 538).  

முன் -இடத்தால்முன்; காலத்தால்முன்; உயர்ச்சி; முதல்; பழைமை; ஏழனுருபு; மனக்குறிப்பு; காண்க:முன்றோன்றல்

ஏறு - எருது; இடபராசி; எருமைக்கடா; சங்கு; அசுவினிநட்சத்திரம்; விலங்கின்ஆண்; உயர்ச்சி; ஆண்சுறா; ஆண்சங்கு; பனைமுதலியமரத்தின்ஆண்; கவரி; பன்றி, மான்இவற்றின்ஆண்; விலங்கேற்றின்பொது; நந்திதேவர்; தழும்பு.

போல் - ஓர்உவமவுருபு; பொய்; ஓர்அசைச்சொல்; உள்ளீடில்லாதது; பதர்; மூங்கில்; வெற்றி; படை; வாள்.

பீடு - பெருமை; வலிமை; தரிசுநிலம்; தாழ்வு; துன்பம்; குறைவு; ஒப்பு; குழைவு.

நடை - காலாற்செல்லுகை; பயணம்; அடிவைக்குங்கதி; வாசல்; இடைகழி; ஒழுக்கம்; வழக்கம்; நீண்டநாள்; நடைகூடம்; இயல்பு; அடி; கூத்து; தொழில்; செல்வம்; ஒழுக்கநூல்; நித்தியபூசை; கோயில்; கோள்முதலியவற்றின்கதி; கப்பல்ஏறும்வழி; மொழியின்போக்கு; வாசிப்பின்நோட்டம்; தடவை.

முழுப்பொருள்
ஒரு மனைவி மனைவிக்கான பெருமையை விரும்பாது இருந்தால் அவள் மனைவிக்கான கடமைகளை ஆற்றமாட்டாள். அதாவது தன் கற்பை, தன் கணவனை, தன் குடும்பத்தின் குடியின் பெருமையை, திருமணத்தின் பொழுது எடுத்துக்கொண்டான் உறுதிமொழிகளை காக்க மாட்டாள். இது அக்குடும்பத்திற்கு இகழ்ச்சியையும் வீழ்ச்சியையும் தரும்.

ஆதலால் பெருமையை விரும்பாத மனைவியை பெற்றவனுக்கு பெருமைமிக்க பீடு நடை இல்லை. இகழ்வோர் அந்த கணவனை ஏசுவார்கள். 

ஏனெனில் திருவள்ளுவர் மற்றொரு குறளில் கூறியுள்ளார் 
உடுப்பதூஉம் உண்பதூஉம் காணின் பிறர்மேல்
வடுக்காண வற்றாகும் கீழ்.
அதாவது குற்றங்கள் கண்டுபிடித்து ஏசுவதற்கு என்றும் ஒரு கூட்டம் இருக்கும். அக்கூட்டம் ஒருவன் நல்ல மனைவியை பெறாவிட்டால் அவனை ஏசுவதற்கு ஒரு காரணம் கிடைத்துவிட்டது போல் ஆகும். 

ஆதலால் ஒரு நல்ல மனைவி ஒரு கணவனுக்கு மிக அவசியம்.

ஒப்புமை
”சிங்கம் நடப்பதுபோல் சேர்ந்து” (சீவக 2608)
“மாக மடங்கலும் ... நாண நடந்தான்” (கம்ப.கார்முகப் 32)

மேலும்: அஷோக் உரை

பரிமேலழகர் உரை
புகழ் புரிந்த இல் இலோர்க்கு - புகழை விரும்பிய இல்லாளை இல்லாதார்க்கு; இகழ்வார் முன் ஏறு போல் பீடுநடை இல்லை - தம்மை இகழ்ந்துரைக்கும் பகைவர்முன் சிங்க ஏறு போல நடக்கும் பெருமித நடை இல்லை. ('புரிந்த' என்னும் பெயரெச்சத்து அகரம் விகாரத்தால் தொக்கது. பெருமிதம் உடையானுக்குச் சிங்க ஏறு நடையான் உவமம் ஆகலின், 'ஏறுபோல்' என்றார். இதனால் தகைசான்ற சொல் காவா வழிப்படும் குற்றம் கூறப்பட்டது.).

மணக்குடவர் உரை
புகழ்பொருந்தின மனையாளை இல்லாதார்க்கு இல்லையாம்: தம்மை யிகழ்ந்துரைப்பார்முன் ஏறுபோல நடக்கும் மேம்பட்ட நடை. ஏறு நடை- அசைவும் தலையெடுப்பும் பொருந்திய நடை.

மு.வரதராசனார் உரை
புகழைக் காக்க விரும்பும் மனைவி இல்லாதவர்க்கு, இகழ்ந்து பேசும் பகைவர் முன் காளை போல் நடக்கும் பெருமித நடை இல்லை.

சாலமன் பாப்பையா உரை
புகழை விரும்பிய மனைவியைப் பெறாதவர்க்கு அவர்களை ஏளனம் செய்வார் முன்னே ஆண் சிங்கமாய் நடக்கும் பெருமித நடை இல்லை.

பெற்றாற் பெறின்பெறுவர் பெண்டிர் பெருஞ்சிறப்புப்

குறள் 58
பெற்றாற் பெறின்பெறுவர் பெண்டிர் பெருஞ்சிறப்புப்
புத்தேளிர் வாழும் உலகு.
[அறத்துப்பால், இல்லறவியல், வாழ்க்கைத் துணைநலம்]

பொருள்
பெறுதல் - அடைதல்; பிள்ளைபெறுதல்; பிறப்பித்தல்; அறிதல்; விலைத்தகுதியுடையதாதல்.

பெற்றாற் - பெற்றார் - பெற்றவர் 

பெறின் பெறுதல் - அடைதல்; பிள்ளைபெறுதல்; பிறப்பித்தல்; அறிதல்; விலைத்தகுதியுடையதாதல்.

பெறுவர் பெறுதல் - அடைதல்; பிள்ளைபெறுதல்; பிறப்பித்தல்; அறிதல்; விலைத்தகுதியுடையதாதல்.

பெண்டிர் - பெண் - மகள்; சிறுமி; மணமகள்; மனைவி; பதுமினி, சித்தினி, சங்கினி, அத்தினிஎனநால்வகைப்படும்பெண்; விலங்குதாவரங்களின்பெடை; காண்க:கற்றாழை

பெருஞ் - பெரும் - பெரிய 

சிறப்புப் - பெருமை; திருவிழா; செல்வம்; அன்பளிப்பு; மதிப்பு; தலைமை; பகட்டு; காண்க:சிறப்பணி; இன்பம்; ஒன்றற்கேயுரியது; வரிசை; போற்றுகை; மிகுதி; வீடுபேறு.

புத்தேளிர் - வானோர், தேவர்.

வாழும் - வாழ் - vāẕ   வாழு, II. live, sustain life, சீவி; 2. flourish, prosper, live happily, செழி; 3. live together (as husband and wife.) வாழாவெட்டி, a married woman not living with her husband.

உலகு - உலகம், பூமி நாடு உலகத்தார்(இடவாகுபெயர்), உயர்ந்தோர், சான்றோர் திசை மங்கலச்சொற்களுள்ஒன்று

முழுப்பொருள்
ஒரு பெண் தன்னுடைய கணவனை போற்றி குடும்பத்தின் கடமைகளை செவ்வென ஆற்றுவார் என்றால் அந்த பெண்ணை தேவர் உலகத்தில் இருப்பவர்கள் போற்றுவார்கள். அதுவே மனைவிமார்கள் பெறக்கூடிய பெருஞ்சிறப்பு.

மேலும்: அஷோக் உரை

ஒப்புமை
”பெற்றாற் பிழையாத பெண்டிரும்” (பரிபா.திரட்டு 2:25)

பரிமேலழகர் உரை
பெண்டிர் பெற்றான் பெறின் - பெண்டிர் தம்மை எய்திய கணவனை வழிபடுதல் பெறுவராயின்; புத்தேளிர் வாழும் உலகு பெருஞ்சிறப்புப் பெறுவர் - புத்தேளிர் வாழும் உலகின் கண் அவரால் பெருஞ்சிறப்பினைப் பெறுவர். (வழிபடுதல் என்பது சொல்லெச்சம். இதனால் தற்கொண்டாற் பேணிய மகளிர் புத்தேளிரால் பேணப்படுவர் என்பது கூறப்பட்டது.).

மணக்குடவர் உரை
பெண்டிரானவர் தம்மை மனைவியராகப் பெற்றவரையே தமக்குத் தலைவராகப் பெறின் தேவர் வாழும் பெரிய சிறப்பினையுடைய உலகத்தைப் பெறுவர்.

மு.வரதராசனார் உரை
கணவனைப் போற்றிக் கடமையைச் செய்யப்பெற்றால் மகளிர் பெரிய சிறப்பை உடைய மேலுலகவாழ்வைப் பெறுவர்.

சாலமன் பாப்பையா உரை
பெண்கள் இத்தனை சிறப்புகளையும் பெறுவார்கள் என்றால் தேவர்கள் வாழும் உலகில் மிகுந்த மேன்மையை அடைவார்கள்.

தற்காத்துத் தற்கொண்டாற் பேணித் தகைசான்ற

குறள் 56
தற்காத்துத் தற்கொண்டாற் பேணித் தகைசான்ற
சொற்காத்துச் சோர்விலாள் பெண்
[அறத்துப்பால், இல்லறவியல், வாழ்க்கைத் துணைநலம்]

பொருள்
தற் - தன் - தான் என்னும் சொல்வேற்றுமையுருபை ஏற்குமிடத்துப் பெறும்திரிபு.

காத்து - காத்தல் - பாதுகாத்தல்; அரசாளுதல்; எதிர்பார்த்தல்; விலக்குதல்.

தற் - தன் -  தான் என்னும் சொல்வேற்றுமையுருபை ஏற்குமிடத்துப் பெறும்திரிபு.

கொண்டாற் - உடைய 
கொண்ட - ஓர்உவமச்சொல்.

பேணி - போற்றுதல், உபசரித்தல்; ஒத்தல்; மதித்தல்; விரும்புதல்; பாதுகாத்தல்; வழிபடுதல்; பொருட்படுத்துதல்; ஓம்புதல்; அலங்கரித்தல்; கருதுதல்; குறித்தல்; உட்கொள்ளுதல்; அறிதல்.

தகை - அழகு; அன்பு; அருள்; கவசம்; குணம்; தடை; தகுதி; பொருத்தம்; ஒப்பு; மேம்பாடு; பெருமை; நன்மை; இயல்பு; நிகழ்ச்சி; கட்டுகை; மாலை; தளர்ச்சி; தாகம்; மூச்சிழைப்பு.

சான்ற - சான்றாண்மை - கல்வி கேள்விகளில் நிறைந்து ஒழுகுந்தன்மை; பெருந்தன்மை; பொறுமை; கள்ளிறக்குந்தொழில்.

சொற் - மொழி; பேச்சு; பழமொழி; உறுதிமொழி; புகழ்; மந்திரம்; சாபம்; கட்டளை; புத்திமதி; பெயர்ச்சொல்; வினைச்சொல்; இடைச்சொல், உரிச்சொல்என்னும்நால்வகைமொழிகள்; தமிழ்மொழியில்உள்ளஇயற்சொல், திரிசொல், திசைச்சொல், வடசொல்எனநால்வகைப்பட்டமொழிகள்; நாடகவரங்கில்பேசப்படும்உட்சொல், புறச்சொல்; ஆகாசச்சொல்என்பன; சத்தம்; நாமகள்; பேசச்செய்வதானகள்; நெல்.

காத்து - காத்தல் - பாதுகாத்தல்; அரசாளுதல்; எதிர்பார்த்தல்; விலக்குதல்.

சோர்வு - தளர்ச்சி; மறதி; மெலிவு; இழுக்கு; சொரிகை; திருட்டு; விபசாரம்

இலாள் - இல்லாள் - மனைவி; மருதமுல்லைநிலங்களின்தலைவியர்; வறுமையுடையவள்.

பெண் - மகள்; சிறுமி; மணமகள்; மனைவி; பதுமினி, சித்தினி, சங்கினி, அத்தினிஎனநால்வகைப்படும்பெண்; விலங்குதாவரங்களின்பெடை; காண்க:கற்றாழை.

முழுப்பொருள்
ஒரு திருமண வாழ்க்கையில் கணவன் மனைவிக்கு இடையில் மனைவிக்கு கடமைகள் என்ன? 


1) தற்காத்து - ஒரு குடும்பத்தலைவி தன்னை கற்பு நெறிதவறாமல் காத்துக்கொள்ள வேண்டும். இது மனவுறுதியை, திண்மையைக் காட்டுவது. கற்பு இருந்தால் தெய்வத்தையே ஏவுகிற ஆற்றல் வந்து விடும். 

முதலில் பெண் தன்னை காத்துக் கொள்ள வேண்டும். நல்ல உணவு, உடை, மருத்துவம், கல்வி , உடற்பயிற்சி என்று அனைத்து விதங்களிலும்  ஒரு பெண் தன்னை முதலில் காத்துக் கொள்ள வேண்டும். பெண் வலிமை குன்றி படுத்து விட்டால், வீடு படுத்து விடும். பெண்ணை சுற்றியே வீடு சுழல்கிறது. எல்லோரையும் பார்க்கிறேன் என்று அவள் தன்னை பார்க்காமல்  இருந்துவிடக் கூடாது.  சாப்பிடக் கூட நேரம் இல்லை, மருத்துவரிடம் போகணும், போகணும் என்று நினைக்கிறேன், எங்க நேரம் இருக்கு இருக்கு தள்ளிப் போட்டுக் கொண்டே போகக் கூடாது. அதுவும் இந்த காலத்தில் பெண்கள் வேலைக்குப் போக தொடங்கிய பின், அவர்களுக்கு நேரமே கிடைப்பது இல்லை.

நாம் ஆகாய விமானத்தில் செல்லும் போது , அங்குள்ள பணிப்பெண் சொல்லுவாள் , "விமானத்தில் உள்ள பிராணவாயுவின் அளவு குறைந்தால், முகத்தில்  பொருத்திக் கொள்ள முக மூடி மேலே இருந்து வரும். முதலில் உங்கள் முகத்தில் பொருத்திக் கொண்டு பின், அருகில் உள்ளவர்களுக்கு உதவி செய்யுங்கள் " என்று.

நீங்கள் மற்றவர்களுக்கு உதவி செய்ய வேண்டும் என்றால், முதலில் நீங்கள் நன்றாக இருக்க வேண்டும்.

பெண் முதலில் தன்னை காத்துக் கொள்ள வேண்டும்.

சில பெண்கள், தங்கள் ஆரோக்கியத்திற்கு முக்கியத்துவம் தருவது இல்லை. வயசான இப்படித்தான் இருக்கும் என்று ஏனோ தானோ என்று இருந்து விடுகிறார்கள். அல்லது , கணவனோ மகனோ அழைத்துக் கொண்டு போனால்தான்  மருத்துவமனைக்கு போவார்கள். அப்படி இருக்கக் கூடாது.

அவள் தன்னைத் தானே முதலில் காத்துக் கொள்ள வேண்டும்.

"தற்கொண்டான் பேணி" - கணவனை பேண வேண்டும். அவனை பாதுகாக்க வேண்டும். கணவனை இதில் இருந்து காக்க வேண்டும் ? கணவனின் உடல் நலம், மன நலம், அவன் புகழ் இவற்றை காக்க வேண்டும்.

பெண்ணின் நலனை காக்கும் பொறுப்பை ஆணிடம் தரவில்லை வள்ளுவர்.

பெண், தன்னைத் தானே காத்து கொள்ள வேண்டும். அது மட்டும் அல்ல, அவள் கணவனையும் காக்க வேண்டும் என்று சொல்லும் போது பெண்ணின் பொறுப்பு எவ்வளவு என்று வள்ளுவர் எடை போடுகிறார். அவளால் தான் இரண்டும் முடியும்.

2) தற்கொண்டாற் பேணித்மனைவி அவள், தன்னை மனம் கொண்ட (திருமணம் கொண்ட) தலைவன் எவ்வித குறைச்சொல்லுக்கும் ஆளாகாதவாறு காக்கவேண்டும். தன் கணவனின் நலன்களில் கவனம் வைத்து செயல்படவேண்டும். 

கணவனின் உடல் நலம் - ஆரோக்கியம் அதை அவள் காக்க வேண்டும்.

அதை விட முக்கியம், அவனின் மன நலம். இன்று பாதி சிக்கல் மன நிலை சம்பந்தப் பட்டதாகவே இருக்கிறது.  வேலைப் பளு, போட்டி, மற்றவரோடு தன்னை ஒப்பிட்டு  அதனால் வரும் சிக்கல் என்று பல மனம் சம்பந்தப்பட்ட பிரச்சனைகள் வருகின்றன.

அதையும் விட முக்கியம், கணவனின் நல்ல பெயரை காக்க வேண்டும். "எங்க வீட்டு காரரா, அதுக்கு ஒண்ணும் தெரியாது " என்று மனைவியே கணவனை  மட்டமாக பேசக் கூடாது. கணவன் எவ்வளவு மோசமானவனாக இருந்தாலும், அவரை போல உண்டா என்று கூறி அவன் புகழ் காக்க வேண்டும்.

ஏன் ? பெண்ணுக்கு மட்டும் ஏன் இந்த கூடுதல் வேலைப் பளு ?

ஒரு பெண் தன் கணவனை மதிக்காமல் , அவனை ஏளனமாக பேசத் தலைப்பட்டால், அவளின் பிள்ளைகள் தந்தையை மதிக்காது. தகப்பன் சொல் கேளாத பிள்ளை, அப்பாவுக்கு பயப்படாத பிள்ளை , ஒழுக்கமாக வளர்வது கடினம். எதற்காக இல்லாவிட்டாலும் பிள்ளைகளின் எதிர் காலம் கருதியாவது, அவள் கணவனின் புகழை காக்க வேண்டும்.

"தகைசான்ற சொற்காத்துச் 

3) குடும்பத்தின்/ குடியின் பெருமையை (நற்பெருமைகளை) காக்க வேண்டும். 
தகை என்றால் உயர்ந்த என்று பொருள். தகை சார்ந்த என்றால் உயர்வினை சார்ந்து நிற்கும். அப்படிப்பட்ட சொல் எது ?புகழ்ச்சி. அந்த புகழை காக்க வேண்டும்.

ஒவ்வொரு குடும்பத்துக்கும் ஒரு மதிப்பும் மரியாதையும் இருக்கும். அந்த மதிப்பையும் மரியாதையும் காத்து உயர்த்த வேண்டியது ஒரு பெண்ணின் கடமை. ஒரு குடும்பத்தின் மதிப்பும் மரியாதையும் ஒரு பெண்ணின் கையில் இருக்கிறது.

நண்பர்கள், சுற்றம் எல்லாம் ஒரு குடும்பத்தை மதிப்பது அந்த குடும்பத்தின் பெண்ணை வைத்துதான்.

ஒரு நண்பர் வந்திருக்கிறார். அவருக்கு ஒரு குவளை தண்ணீர் தர வேண்டும். அந்த வீட்டு பெண்மணி, அந்த குவளை நீரை "நங்" என்று வைத்தால், அந்த நண்பர் அந்த வீட்டு பக்கமே தலை வைத்துப் படுக்க மாட்டார். நட்பு அன்றோடு அறுந்து விடும்.

வீட்டின் பெருமை எப்போது காக்கப் படும் என்றால், வீட்டில் உள்ள அனைவரின் நலமும்  காக்கப்பட்டால் தான். ஒரு வீட்டில் , ஒரு குடும்பத்தில் ஒரு நபர் சரி இல்லை என்றாலும், மொத்த குடும்பத்தின் பெருமை சீர் கெட்டு விடும். "அந்த வீட்டுல எல்லாம் சரி தான், அந்த கடைசி பையன் மட்டும் கொஞ்சம் சரி இல்லை. ஏதோ தப்பு தண்டா பண்ணிட்டு இப்ப சிறையில்  இருக்கிறான் " என்றால் அந்த குடுபத்தின் பெருமை குலையத்தான் செய்யும்.

எனவே ஒரு பெண் என்பவள் தன்னையும், தன் கணவனையும் மட்டும் பார்த்துக் கொண்டால்  போதாது. அந்த மொத்த குடும்பத்தையும் பாதுகாக்க வேண்டிய  பொறுப்பு அவளிடம் இருக்கிறது.

அப்படி என்றால், நாம் சிலவற்றை யோசிக்க வேண்டும்.

முதலாவது, ஒரு வீட்டுக்கு ஒன்றுக்கும் மேற்பட்ட மருமகள்கள் வருவார்களாயின்  அவர்கள் ஒற்றுமையாக செயல் பட வேண்டும்.

இரண்டாவது, ஒரு பெண் இந்தப் பெரிய பொறுப்பை ஏற்று நடத்துகிறாள் என்றால் அவளுக்கு உரிய மரியாதையும், உதவியும் செய்யப் பட வேண்டும்.  அது அவ  வேலை என்று வீட்டில் உள்ளவர்கள் பொறுப்பற்று இருக்க முடியாது.  அவள் சொல்வதைக் கேட்டு, அவளுக்கு உரிய மரியாதை தந்து, அவளின் கடமைகளில் உதவி செய்ய வேண்டும்.

மூன்றாவது, ஒரு வீட்டில் உள்ள அனைத்து பெண்களின் கடமை இது. மாமியார், மருமகள், மகள், என்று அனைத்து பெண்களும் சேர்ந்து செய்ய வேண்டிய கடன் இது. ஒருவர்க்கு ஒருவர் சண்டை போட்டுக் கொண்டிருந்தாள் வீட்டின் பெருமை எங்கே சிறக்கும்.

4) சொற்காத்து - கல்யாணத்தில் தலைவனும் தலைவியும் ஒருவருக்கொருவர் செய்து கொள்ளும் திருமண உறுதிமொழி பரிமாற்றத்தினை கடைபிடிக்கவேண்டும்.  பொதுவாக சப்தபதி (7 அடிகள் எடுத்து வைத்து எடுக்கப்படும் உறுதிமொழி) என்ற ஒரு உறுதிமொழியை எடுப்பர். அவ்வுறுதியைக் காப்பாற்றும் பொறுப்பும் தலைவிக்கே உண்டு. தலைவன்/கணவன் சற்று பாதை விலகி நடந்தாலும் கூட அவனை நல்வழிபடுத்தகூடிய சக்தியின் வடிவம்தான் பெண். சப்தபதி இக்கட்டுரையில் கடைசியில் படிக்கவும்

5) சோர்விலாள் பெண் -- மேற் சொன்னவற்றை ஒருபொழுதும் சோர்வில்லாமல் (இழுக்கு இல்லாமல்) கடைப்பிடித்து செயல்களை ஆற்றுபவளே பெண் என்று கூறுகிறார் திருவள்ளுவர். 

இது ஏதோ நாள் கிழமைக்கு, கல்யாணம் போன்ற முக்கிய தினங்களில் செய்ய வேண்டிய ஒன்று அல்ல. நித்தம் நித்தம் செய்ய வேண்டியது. அப்படி செய்யும் போது நிறைய சிக்கல்கள் வரும். சவால்கள் வரும். நெருக்கடிகள் வரும். அவள் சோர்ந்து போய் விடக் கூடாது.

கணவன் கொஞ்சம் ஒரு மாதிரி இருப்பான். மாமியார் குணம் அவ்வளவு சிறப்பாக இருக்காது. வீட்டில் உள்ளவர்கள் ஆளுக்கு ஒரு புறம் இழுப்பார்கள். எக்கேடும் கேட்டு போங்கள் நேற்று விட்டு விடக் கூடாது. சலிக்காமல், சோர்வு இல்லாமல் குடும்பத்தை நடத்திச் செல்ல வேண்டும்.

ஒரு பெண்ணின் திறமையின் மேல், அவளின் ஆற்றலின் மேல் நம்பிக்கை இருந்தால் வள்ளுவர் இத்தனை விஷயங்களை அவளிடம் இருந்து எதிர் பார்ப்பார்.

இது ஏதோ ஒரு சில படித்த பெண்களிடம் இருந்து மட்டும் அல்ல. எல்லா பெண்களுக்கும் சொன்னது இது.

அவர் காலத்தில் உள்ள பெண்களுக்கு மட்டும் அல்ல, இன்றும் நாளையும் வரும் பெண்களுக்கும் சொன்னது.

பெண்கள் தங்கள் பொறுப்பை உணரந்து செயல்பட வேண்டும்.

ஆண்கள், பெண்களுக்கு உரிய மதிப்பையும், மரியாதையையும், உரிமையையும்,  உதவியையும் தர வேண்டும். பிள்ளைகளுக்கும் சொல்லி கொடுங்கள். வீடு சிறக்கும். அது ஒரு இனிமையான சோலையாக மாறும்

ஒப்புரை 

திருமந்திரம்: 438
நின்றது தானாய் நிறைந்த மகேசுரன்
சென்றங் .(1).கியங்கும் அரந்திரு மாலவன்
மன்றது செய்யும் மலர்மிசை மேலயன்
என்றிவ ராகி இசைந்திருந் தானே
.(1). கியங்கி யயந்திரு

திருமந்திரம்: 439
ஒருங்கிய பாசத்துள் உத்தமச் .(1).சித்தன்
இருங்கரை மேலிருந் தின்புற நாடி
வருங்கரை ஓரா வகையினிற் கங்கை
அருங்கரை பேணில் அழுக்கற லாமே
.(1). சித்தின்

திருமந்திரம்: 440
மண்ணொன்று தான்பல நற்கல மாயிடும்
உண்ணின்ற யோனிகட் கெல்லாம் ஒருவனே
கண்ணொன்று தான்பல காணுந் தனைக்காணா
அண்ணலும் இவ்வண்ண மாகிநின் றானே.

ஔவையார். ஆத்திச்சூடி:
சோம்பித் திரியேல். 53
தக்கோன் எனத்திரி. 54
தூக்கி வினைசெய். 59
தேசத்தோடு ஒத்து வாழ். 61.
நன்மை கடைப்பிடி. 65
நாடொப்பன செய். 66
நேர்பட ஒழுகு. 72
நோய்க்கு இடங் கொடேல். 75.
பீடுபெற நில். 79
பெரியாரைத் துணைக்கொள். 82
மனந்தடு மாறேல். 87
மாற்றானுக்கு இடம் கொடேல். (பகைவனுக்கு இடம் கொடேல்) 88
வைகறைத் துயில் எழு. 106

ஔவையார். கொன்றைவேந்தன்: 15
காவல்தானே பாவையற்கு அழகு

ஔவையார். மூதுரை :3
இன்னா இளமை வறுமைவந் தெய்தியக்கால்
இன்னா அளவில் இனிமையவும் - இன்னாத
நாளல்லா நாள்பூத்த நன்மலரும் போலுமே
ஆளில்லா மங்கைக் கழகு.

மேலும்: அஷோக் உரை

அறம் என்பது ஏற்கப்படுவது. ஆனால் என்றுமே அதன் துலாமுள் நிலையற்றுமிருக்கிறது. ஏனென்றால் வாழ்க்கை பெரும் பெருக்கு. அந்த அறச்சிக்கல்களைத்தான் பெரிய படைப்புகள் எப்போதும் கையாள்கின்றன.. நான் விரும்பி சொல்லும் ஜெயகாந்தன் கதை ஒன்று உண்டு. ”நான் என்ன செய்யட்டும் சொல்லுங்கோ” என்ற கதை.

அதில் கணவர் கிட்டத்தட்ட தியாகராஜ சுவாமிகள் போன்ற ஒருவர். உஞ்சவிருத்தி செய்து வாழ்பவர். மறுவேளைக்கு உணவை வைத்துக்கொள்ளாதவர். இசையையும் பக்தியையும் தன்வாழ்க்கையாகக் கொண்டவர். அவருக்கு ஒரு மனைவி. அவள் கணவனது நலம் மட்டுமே நாடும், கணவனுக்கென்றே வாழும், அந்தக்காலத்துப் பதிவிரதை. ஆனால் அவளுக்குள் ஒரு சந்தேகம் இருந்துகொண்டே இருக்கிறது. ’இவர் இறந்துபோனால் யாரும் என்னை பார்க்க மாட்டார்கள். இவர் இருக்கிற வரை நான் இவரை நம்பி இருந்துவிடுவேன். நாளைக்கு இவர் இறந்து போனால் இப்பேர்ப்பட்ட மகானுடைய மனைவி போய் கையேந்தினால் பிச்சை எடுத்தாள் என்று ஆகிவிடக்கூடாது. இதுவும் இவரே நாளைக்கு படுத்துட்டார் என்றால் இவருக்கு ஒரு மருந்து வாங்கிக் கொடுக்கக்கூட இவர்கள் யாரும் வரமாட்டார்கள்.. அப்போது  அவருக்காக நான் கையேந்தினால் அது இன்னும் அவமானம். அப்போது என்ன செய்வது’.

அவள் ஒரு லாட்டரி சீட்டு எடுக்கிறாள். அதற்கு ஒரு லட்ச ரூபாய் பரிசு விழுகிறது. லாட்டரிச்சீட்டை எடுத்துக் கொண்டு போய் கணவனிடம் கேட்கிறாள். இதை ”நான் என்ன செய்யட்டும் சொல்லுங்கோ?”. அவர் சொல்கிறார். ”நீதானே ஆசைப்பட்டு வாங்கினே? நேக்கு ஒண்ணும் வேண்டாம். நீயே வெச்சுக்கோ” அவள் திகைத்துவிடுகிறாள். “உங்களுக்கு இல்லாத ஒண்ணை நான் வெச்சுக்க முடியாது. நான் வாங்கினதே உங்களுக்கும் சேர்த்துதான். நீங்க வேண்டாம்னு சொன்னா நான் வெச்சுக்க மாட்டேன்.” அவர் இயல்பாக ”சரி அப்ப கிழிச்சு எறிஞ்சுடு” என்கிறார். அவள் பதைப்புடன் ”அது எப்படி கிழிச்சு எறியறது? மகாலட்சுமி இல்லையா?” என்கிறாள். ”சரி ஏதாவது பண்ணு” என்று அவர் சென்று விடுகிறார்.

கதைமுடிவில் அவள் திரும்பி நம்மிடம் கேட்கிறாள் ”நான் என்ன செய்யட்டும் சொல்லுங்கோ”. இதில் இரண்டுமே அறம் தான். ஒன்று வான்பறவைகள் போல தெய்வத்தை நம்பி வாழ்பவனின் அறம். இன்னொன்று அக்கறையான குடும்பப்பெண்ணின் அறம். இந்தக் குரலை இந்தச் சிக்கல்களைத்தான் பெரிய படைப்புகள் தொடந்து கையாண்டு கொண்டிருக்கின்றன.

பரிமேலழகர் உரை
தன் காத்துத் தன் கொண்டான் பேணி - கற்பினின்றும் வழுவாமல்தன்னைக் காத்துத் தன்னைக் கொண்டவனையும் உண்டி முதலியவற்றால் பேணி; தகைசான்ற சொல் காத்து - இருவர் மாட்டும் நன்மை அமைந்த புகழ் நீங்காமல் காத்து; சோர்வு இலாள் பெண் - மேற்சொல்லிய நற்குண நற்செய்கைகளினும் கடைப்பிடி உடையவளே பெண் ஆவாள். (தன் மாட்டுப் புகழாவது, வாழும் ஊர் கற்பால் தன்னைப் புகழ்வது. சோர்வு-மறவி. இதனால் கற்புடையாளது சிறப்புக் கூறப்பட்டது.).

மணக்குடவர் உரை
தன்னையுங் காத்துத் தன்னைக் கொண்ட கணவனையும் பேணி நன்மையமைந்த புகழ்களையும் படைத்துச் சோர்வின்மை யுடையவளே பெண்ணென்று சொல்லப்படுவள்.

மு.வரதராசனார் உரை
கற்பு நெறியில் தன்னையும் காத்துக்கொண்டு, தன்கணவனையும் காப்பாற்றி, தகுதியமைந்த புகழையும் காத்து உறுதி தளராமல் வாழ்கின்றவளே பெண்.

சாலமன் பாப்பையா உரை
உடலாலும் உள்ளத்தாலும் தன்னைக் காத்து, தன் கணவனின் நலன்களில் கவனம் வைத்து, குடும்பத்திற்கு நலம் தரும் புகழைக் காத்து, அறத்தைக் கடைப்பிடிப்பதில் சோர்வடையாமல் இருப்பவளே மனைவி.


சப்தபதி

Literally this means the “seven steps”. Courts in India have ruled that this is the most important ritual of a Hindu Marriage. They consider that unless this ritual is completed the marriage itself is not over. According to Vedas, once this is over the bride and groom become wife and husband. This ritual consists of the groom taking the right foot of the bride in his left hand and making her take seven steps either in the direction of east or north. The following prayers are recited: -

First Step: Let God Maha Vishnu who is spread throughout the world, give you food in plenty
Second step: Let Him come with you for a second step and give you sufficient strength
Third step: Let Him come with you for a third step to make you observe all religious rituals.
Fourth step: Let Him come along with you for the fourth step to give you pleasures
Fifth step: Let Him be with you when you take the fifth step to give you lot of wealth (cow)
Sixth step:Let Him lead you the six stages of life with happiness and welfare
Seventh step: Let him help you in performing Soma Yaga and other prayers when you take the seventh step

The following requests are to be recited by the groom to the bride after she takes the seven steps:-

“You who has taken the seven steps with me should become my friend. We who have taken the seven steps together would live as friends.

I should get your friendship, Oh maid.
Oh maid, I should never get parted from your friendship.

We who have attained each other, should get lustrous health, serenity, peaceful mind, and should enjoy together the food and all other tastes.

We would plan all things that are to be done in future together. Let us both make our two minds into one.

Let us enjoy together all the physical and mental pleasures together from now onwards.

Let us do all religious observations together.”

Then again the groom tells the bride:-

“You are the Rig Veda and I am the Sama Veda
I am the Sama Veda and you are the Rig Veda (recited twice for emphasis)

Like these two Vedas we should never separate from each other. We also will not get separated.

I am the world Dyu and you are the earth (dyu is the world above. This indicates that she is below him and should obey his wishes).

I am the material called Shukla (semen) and you are the wearer of this in your womb.

I am the mind and you are the word
I am Sama Veda and you are the Rig Veda

I am telling this because I have lot of care for you. Please bear me male children in future,

Hey Maid come with me.”

Once the prayer and the grooms request is recited the bride becomes groom’s wife and joins his family (Gothra)

ஸப்தபதீ
ஸத் என்றால் ஏழு, பதீ என்பது பாதம் என்ற சொல்லைத் தழுவியது, அதாவது ஏழு அடிகள் எடுத்து வைப்பதை ஸப்த பதீ என்கிறோம்,இது தான்

விவாஹத்தின் மிக முக்கிய அம்சம் மணமகன் பெண்ணின் வலது பாத கட்டை விரலை தன் வலது கரத்தால் பிடித்துக் கொண்டு ஏழு முறை சிறிது சிறிதாக நகர்த்த வேண்டும்,அதற்கான மந்திரம்  மந்திரம் மந்திரம்

(ஏகமிஷே விஷ்ணுஸ்த்வாந்வேது,தவே ஊர்ஜே விஷ்ணுஸ்த்வாந்வேது

த்ரீணி வரதாய விஷ்ணுஸ்த்வாந்வேது,சத்வாரி மயோப வாய

விஷ்ணுஸ்த்வாந்வேது,பஞ்ச பகப் ய; விஷ்ணுஸ்த்வாந்வேது,

ஷண்ருதுப் ய;விஷ்ணுஸ்த்வாந்வேது,ஸப்த ஸப்தப்யோ ஹோத்சாப்யோ

விஷ்ணுஸ்த்வாந்வேது) இந்த முதல் அடியை வைக்கும்போது( தான்ய விருத்தியும்,அன்னபானாதிகளின் விருத்தியின் பொருட்டும் 2,ல் உடல் வலிமையின் மனவலிமையின் பொருட்டும் 3,ல் விரதாதிகளுக்கு

உதவும் பொருட்டும், 4,ல் சுகத்திற்காகவும்,நன்மைகள் பொருட்டும்5,ல் பசு

முதலானவைகளுக்கு உதவும் பொருட்டும் 6,ல் பருவங்களின் நன்மை பெறும் பொருட்டும், கடைசியில் 7,ம் அடியில் யாகயக்ஞங்களை குறைவறச் செய்ய அருளுமாறும் விஷ்ணுவின் அனுக்ரஹம் நமக்கு எப்பொழுதும் கிடைக்கட்டும் இல்லறத்தில் உணவு உடல் நலம் மனநலம்

தனதான்ய பசு,பால் விருத்தி பருவகாலங்களின் அனுகூலம், பெரியோர்களின் ஆசிர்வாதம் இவைகள் மிக முக்கியம் இவை பெற கொஞ்ச தூரம் நாம் இருவரும் சேர்ந்து வந்தால் சகா அதாவது சினேகிதர்களாகுவிட்டோம், நீ என்னை விட்டு விலகாதிருப்பாய்,நாம் இருவரும் சேர்ந்து என்ன செய்ய வேண்டும் என்று சங்கல்பம் செய்யலாம்,என்று அடுத்த மந்திரம் கூறுகிறது பாணினீய சூத்ரத்தில் ஸாப்தபதீனம் ஸக்யம் என்று வரும் அதாவது இரண்டு பேர் ஏழு அடிகள் ஒன்றாகச் சேர்ந்து போனால் இருவரும் சினேகிதர்கள் ஆகும்

(ஸகா ஸப்தபதா ப வ ஸகாயௌ ஸப்தபதா ப பூ வஸக் யந்தே க மேகம் ஸக் யாத்தே மாயோஷம் ஸக் யாந்மே மாயோஷ்டா; ஸமயாவ ஸங்கல்பா வஹை ஸம்பிரியௌ ரோசிஷ்ணு ஸுமனஸ்யாநௌ)

இந்த மந்திரங்கள் கணவனும் மனைவியும் ஸ்னேகிதர்களாக வாழ்நாட்கள்

பூராவும் பகவதனுக்ரஹத்துடன் வாழ ப்ரார்த்திக்கின்றன இப்படி மனதிற்கு இனிமையானதும் ஸ்ரேஷ்டினமானதும் ஆகிய மந்திரங்களை ஓதி இருவரும் முன்போல் கரங்களைப் பற்றியவாறு அக்னியை வலம் வர வேண்டும்,பிறகு பத்நீ விரல்களால் தொட்டுக் கொண்டிருக்க மாப்பிள்ளை பத்து ஹோமங்களைச்(பதினாறு ஆஹுதிகளை) செய்கிறான் இனி பெண்ணை பத்நீ என்று சொல்லலாம்,வைதீக தர்மப்படி விவாஹம் ஆன பெண்ணிற்கு மட்டுமே பத்நீ என்றபதவி கிடைக்கிறது,தர்ம காரியங்களில்

கணவனுடன் கூட இருக்க அதிகாரம் பெற்ற பத்னியுடன் செய்யும் காரியங்களுக்குத்தான் பலன் உண்டு அதனாலேயே அவள் தர்மபத்நீ என்று

அழைக்கப்படுகிறாள்   (ஹோமங்களுக்கான மந்திரங்களில் சிலவட்ரை)

1,இந்த கன்னிகையை அடைந்த ஹோமனுக்காக(ஸோமாய ஜனிவிதே ஸ்வாஹா)=இந்த நெய்யை ஆஹுதீ செய்கிறேன்

2, கந்தர்வாய ஜனிவிதே ஸ்வாஹா> கந்தர்வனுக்கு

3,அக்நயே ஜனிவிதே ஸ்வாஹா> அக்னிக்கு

4,இவளின் கந்யாபருவத்தில் ஏதாவது(கந்யளா பித்ருப்யோ யதீ பதிலோகமவதீ க்ஷமதாஸ்த ஸ்வாஹா>குறை ஏற்பட்டிருப்பின் அவைகள் நீங்குவதற்காக,

5,ஆகட்டும், பிதாவிந் குலத்திலிருந்து என்(ப்ரேதோ முஞ்சாதி நாமுதஸ்ஸுப்த்தா மமுதர்கரத் யதேயம் மிந்த்ர மீட்வஸ்ப்த்ரா ஸுபகாசதி)

குலத்திற்கு இவள் வந்து என்னை அனுசரிப்பவளாக  இது போன்று அர்த்தமுள்ள மந்திரங்களைச் சொல்லி நெய்யினால் ஹோமம் செய்ய வேண்டும், ஸப்தபதி முடிந்தபிறகு தான் தம்பதிகளை(கை குலுக்கி)அக்ஷதையுடன் செய்ய வேண்டும் ஆசீர்வாதம்

ஸப்தபதீ (2)
சமீபத்தில் திருமணம் செய்து வைக்கும் சாஸ்திரிகள் பலர் திருமண சடங்கில் சப்தபதியின் முக்கியத்துவத்தை உரைக்கின்றனர். திருமணம் தாலிகட்டுவதுடன் முடிந்துவிடுவதில்லை. இன்னும் சொல்லப்போனால், தாலிகட்டிவிட்டதால் இருவர் கணவன் மனைவியாக ஒப்புக்கொள்ளப்படுவதில்லை. சப்தபதி என்ற சடங்கே திருமணத்தை பூர்த்தி செய்கிறது. 'தாலி' என்ற வழக்கமே பிற்பாடு தோன்றப்பட்டது என்று பலர் கூறுகின்றனர். 'பொன்' சேமித்தல் தம்பதியரின் அவசர-அவசிய காலகட்டங்களில் சேமிப்பாக இருக்க உதவும் என்பதால் தாலி வழக்கம் பின்னாளில் ஏற்படுத்தப்பட்டதாய் இருக்கலாம். ஆனாலும், ஸ்ரீ லலிதா சஹஸ்ரநாமத்திலும் சௌந்தர்ய லஹரியிலும் அம்பாள் திருமாங்கல்யம் அணிந்திருபதாய் பாஷணைகள் இருக்கின்றன. சௌந்தர்ய லஹரியில் , அம்பாள் கழுத்தில் மாங்கல்யமாக மூன்று நூல்கள் மூன்று ரேகைகளாக இருக்கின்றன என்று ஆபஸ்தம்ப சூத்திரத்தில் இருக்கின்றதாம். அதனால் 'தாலி' பற்றிய சர்ச்சைக்கு விளக்கம் தெளிவாகக் கூறுவது கடினம். அடுத்து சப்தபதியைப் பார்ப்போம்.

சப்தபதி என்றால் 'ஏழு அடிகள்' என்று பொருள். ஒரு ஆடவனும் பெண்ணும் சப்தபதி எடுத்துவைத்தால் அவர்கள் நண்பர்கள் ஆகின்றனர். ஏழு அடிகளை ஒன்றாக எடுத்து வைப்பதன் மூலம் அவர்களின் தோழமை உறவு கொண்டாடப்படுகின்றது. யமனுடன் ஏழு அடிகள் சாவித்திரி எடுத்து வைத்ததனால், அவளை விலகச் சொல்லும் யமனிடம், சப்தபதி உன்னுடன் நடந்ததனால் "நீ என் நண்பன், நட்பின் பெயரிலாவது என் மணாளனை மீட்டுக் கொடு' என்று சாவித்திரி கேட்கிறாள்.

ஏழடிகள் நீ என்னுடன் நடந்ததனால் இன்று முதல் நீ என் தோழி,
நான் வானம் என்றால் நீ பூமி
நான் மனம் என்றால் நீ வாக்கு
எல்லோருடனும் அன்பு பூண்டு இல்லறத்தை இனிதாக்குவாயாக

என்று அவன் கூறி அவளை தோழியாக ஏற்பதன் மூலம் மனையாளாகவும் ஏற்கிறான் என்பதே சப்தபதியின் உட்கருத்து.

உணவு நிறைவதற்கு விஷ்ணு நம்மோடு வரட்டும்
உடல் வலிமை பெறுவதற்கு விஷ்ணு நம்மோடு வரட்டும்
நல்ல காரியங்கள் நடைபெறுவதற்கு விஷ்ணு நம்மோடு வரட்டும்
சுகத்தை அளிப்பதற்காக விஷ்ணு நம்மோடு வரட்டும்
பசுக்களையும் செல்வத்தையும் அளிப்பதற்கு விஷ்ணு நம்மோடு வரட்டும்
நாட்டில் நல்ல பருவங்கள் தவறாது இருப்பதற்கு விஷ்ணு நம்மோடு வரட்டும்
யாகங்களை செய்து வைக்கும் வாய்ப்பு கிட்டுவதற்காக விஷ்ணு நம்மோடு வரட்டும்

என்பது ஒவ்வொரு அடியிலும் சொல்லும் மந்திரங்களின் பொருள்.

தெய்வம் தொழாஅள் கொழுநன் தொழுதெழுவாள்

குறள் 55
தெய்வம் தொழாஅள் கொழுநன் தொழுதெழுவாள்
பெய்யெனப் பெய்யும் மழை
[அறத்துப்பால், இல்லறவியல், வாழ்க்கைத் துணைநலம்]

பொருள்
தெய்வம் - கடவுள்; ஊழ்வினை; தெய்வத்தன்மை; எண்வகைமணத்துள்ஒன்றாகியதெய்வமணம்; தெய்வச்செயல்; ஆண்டு; புதுமை; தெய்வத்தன்மைஉள்ளது; மணம்.

தொழுதல் - வணங்கல்

தொழா - வணங்காத

அள் -அள்ளப்படுவது; செறிவு வன்மை வண்டிவில்லைத்தாங்கும்கட்டை; பற்றிரும்பு கூர்மை பூட்டு நீர்முள்ளி அள்ளுமாந்தம் காது பெண்பால்விகுதி.

கொழுநன் - கணவன்; இறைவன்

தொழுதுதொழுதல் - வணங்கல்

எழுதல் - எழுந்திருத்தல்; மேல்எழும்புதல்; தோன்றுதல்; புறப்படுதல்; தொழிலுறுதல்; பெயர்தல்; மனங்கிளர்தல்; மிகுதல்; வளர்தல்; உயிர்பெற்றெழுதல்; துயிலெழுதல்; பரவுதல்; தொடங்குதல்.

எழுவாள் - தோன்றுவாள் 

பெய்  - பெய்-தல் - pey-   1 v. [M. peyyuga.] intr.& tr. To rain, fall, as dew or hail; மேனின்றுபொழிதல். பெய்யெனப் பெய்யு மழை (குறள், 55).--tr. 1. To pour down, pour into; வார்த்தல்.பாணர் மண்டை நிறையப் பெய்ம்மார் (புறநா. 115). 2.To put, place, lay, put into, serve up, as foodin a dish; கலமுதலியவற்றில் இடுதல். உலைப்பெய்தடுவது போலுந் துயர் (நாலடி, 114). 3. To throwout, throw aside; எறிந்து போகடுதல். பார்த்துழிப்பெய்யிலென் (நாலடி, 26). 4. To insert, interpol-ate, as in a text; இடைச்செருகுதல். 5. To give,confer; கொடுத்தல். உயிர்க்கு . . . வீடுபே றாக்கம் பெய்தானை (தேவா. 975, 7). 6. To make;to settle, appoint; அமைத்தல். பிரான் பெய்த காவுகண்டீர் . . . மூவுலகே (திவ். திருவாய். 6, 3, 5). 7.To spread; பரப்புதல். தருமணல் தாழப் பெய்து(கலித். 114). 8. To discharge; புகவிடுதல். கருந்தலை யடுக்கலி னணைகள் . . . . பெருங்கடலிடைப்பெய்து (கம்பரா. கும்ப. 248). 9. To write, draw;எழுதுதல். பெய்கரும் பீர்க்கவும் வல்லன் (கலித்.143). 10. To put on, as harness; to

என - என்னுடைய; என்ன; என்று; ஓர்உவமவுருபு.

பெய்யும் - பெய்-தல் - pey-   1 v. [M. peyyuga.] intr.& tr. To rain, fall, as dew or hail; மேனின்றுபொழிதல். பெய்யெனப் பெய்யு மழை (குறள், 55).--tr. 1. To pour down, pour into; வார்த்தல்.பாணர் மண்டை நிறையப் பெய்ம்மார் (புறநா. 115). 2.To put, place, lay, put into, serve up, as foodin a dish; கலமுதலியவற்றில் இடுதல். உலைப்பெய்தடுவது போலுந் துயர் (நாலடி, 114). 3. To throwout, throw aside; எறிந்து போகடுதல். பார்த்துழிப்பெய்யிலென் (நாலடி, 26). 4. To insert, interpol-ate, as in a text; இடைச்செருகுதல். 5. To give,confer; கொடுத்தல். உயிர்க்கு . . . வீடுபே றாக்கம் பெய்தானை (தேவா. 975, 7). 6. To make;to settle, appoint; அமைத்தல். பிரான் பெய்த காவுகண்டீர் . . . மூவுலகே (திவ். திருவாய். 6, 3, 5). 7.To spread; பரப்புதல். தருமணல் தாழப் பெய்து(கலித். 114). 8. To discharge; புகவிடுதல். கருந்தலை யடுக்கலி னணைகள் . . . . பெருங்கடலிடைப்பெய்து (கம்பரா. கும்ப. 248). 9. To write, draw;எழுதுதல். பெய்கரும் பீர்க்கவும் வல்லன் (கலித்.143). 10. To put on, as harness; to

மழை - மேகத்தினின்றுபொழியும்நீர்; நீருண்டமேகம்; காண்க:மழைக்கால்; நீர்; கருமை; குளிர்ச்சி; மிகுதி

முழுப்பொருள்
மற்ற தெய்வத்தை வணங்காது கணவனை தெய்வமாய் வணங்கி ஒழுக்கமாக நடந்து இல்லறத்தை நடத்தும் துணைவியார் பெய் என்றால் மழை பொழியும். திருமணத்தில் ஒருவருக்கொருவர் செய்துகொள்ளும் உறுதிமொழியிலே வழுவாது நடத்தும் இல்லறத்திலே, கற்புநெறி காக்கப்படுகிறது.

பொதுவாக ஆண் அறிவுசார் உலகத்தை சார்ந்தவன். ஒருநாளும் தன்னை ஒருநிலை படுத்தமாட்டான். புத்தி அதிகமானால் உணர்வு குன்றும். உணர்வு குன்றினால் ஒழுக்கம் பேண முடியாது. பெண் அவனையும் சேர்த்து காப்பாற்றினாள் தான் உண்டு.

அதுவே பெண் உணர்வு சார்ந்தவள். ஆதலால் உணர்வு சார்ந்த பெண் தன்னை அடக்கி ஆள்வாள் என்றால் இயற்கையும் அவளின் ஏவலுக்கு உட்படும். இது பெண்ணுக்கு மட்டுமே சாத்தியம். அது பெண்ணின் (பேர்)ஆற்றலை கூறுகிறது.

புராணத்தில் ஒரு கதை உண்டு ஒரு பெண் மும்மூர்த்திகளை தன் குழந்தையாக ஆக்கினாள் என்று. பெண்ணுக்கு அவ்வாற்றல் உண்டு.

கம்பர் கம்பராமாயணத்தில் கூறுகிறார், அனுமன் வாளுக்கு தீ வைக்கப்பட்டது. சீதை சுடாது என்றுவிட்டார். அனுமனுக்கு ஆச்சர்யமாகிவிட்டது. இது எப்படி சுடவில்லையென்று. அனுமனை போல அறிவாளி இராமாயணத்தில் வேறொருவர் இல்லை. ஆனால் சீதையை முன்பு ஒரு குழந்தையை போல் இருந்தான். ஏனெனில் சீதையின் ஒழுக்கம் அப்படி. அவள் ஒழுக்கத்தின் முன்பு அறிவு ஒரு தூசு. சீதை நெருப்பில் இறங்கு என்று சொன்னார்கள். அவள் இறங்கினாள். ஐயோ என்ன இவள் இப்படி சுடுகிறாள் என்று நெருப்பு அலறியது. அப்படி பட்டது சீதையின் ஒழுக்கம்.

சிலப்பதிகாரத்தில், இளங்கோவடிகள் கூறுகிறார். கண்ணகி ஒரு எல்லைக்குமேல் ஆவேசம் அடைந்து தன் மார்பை திருகி வீசுகிறாள், மதுரை எரிகிறது. அப்பாடல் கீழே
"பார்ப்பார் அறவோர் பசு பத்தினிப் பெண்டிர்
மூத்தோர் குழவி எனும் இவரைக் கைவிட்டுத்
தீத்திறத்தார் பக்கமே சேர்க தீ!"

பாஞ்சாலி சபதத்தில் கீழ்காணும் வாரு திரௌபதி சொல்வதாக பாரதியாரை கூறுகிறார். அதாவது இயற்கை அவள் ஏவலுக்கு உட்பட்டது என்கிறார்.
ஓமென் றுரைத்தனர் தேவர்; -- ஓம்
ஓமென்று சொல்லி உறுமிற்று வானம்.
பூமி யதிர்ச்சி உண்டாச்சு. -- விண்ணைப்
பூழிப் படுத்திய தாஞ்சுழற் காற்று.
சாமி தருமன் புவிக்கே -- என்று
சாட்சி யுரைத்தன பூதங்க ளைந்தும்.

சிலப்பதிகாரமும், மணிமேகலையும் சமகால இலக்கியங்கள். இவையிரண்டுமே, இக்குறளை மேற்கோளாகக் காட்டியுள்ளன.
சிலப்பதிகார கட்டுரைக்காதை இறுதிவெண்பாவில் இவ்வாறு வருகிறது.

“தெய்வந் தொழாஅள் கொழுநற் றொழுவாளைத்
தெய்வந் தொழுந்தகைமை திண்ணினதால் – தெய்வமாய்
மண்ணக மாந்தர் கணியாய கண்ணகி
விண்ணக மாந்தர்க்கு விருந்து”

இக்குறளையும், குறள் எண் 58-ல் கூறப்பட்ட ‘பெற்றாற் பெறின்பெறுவர் பெண்டிர் பெருஞ்சிறப்புப் புத்தேளிர் வாழும் உலகு’ என்கிற கருத்தையும் ஒருங்கே சொல்லியுள்ளார். மணிமேகலையாசிரியர் சாத்தனாரும், மணிமேகலையின் 22-ம் அத்தியாயத்தில் (சிறை செய்காதை) இக்குறளையே மேற்கோளாகக்காட்டி, அதில் வள்ளுவரைப் "பொய்யில் புலவன்" என்று சுட்டியிருப்பார்.

”தெய்வந் தொழாஅள் கொழுநற் றொழுதெழுவாள்;
பெய்எனப்பெய்யும் பெருமழை” என்ற அப்
பொய்யில் புலவன் பொருளுரை தேறாய்!”
“கற்பெனப்படுவது சொற்றிறம்பாமை”

என்னும் கொன்றைவேந்தனின் சொற்றொடரின்படி, திருமணத்தில் ஒருவருக்கொருவர் செய்துகொள்ளும் உறுதிமொழியிலே வழுவாது ஆணும் பெண்ணும் நடத்தும் இல்லறத்திலே, கற்புநெறி காக்கப்படுகிறது.

கற்பென்பது ஆணுக்கும் பெண்ணுக்கும் பொதுவானதுதான் என்றாலும், பெண்ணுக்குத்தான் அது சிறப்பாகச் சொல்லப்படுகிறது. நல்லத்தங்காள், நளாயினி, சீதை, கண்ணகி என்று கற்புக்கரசிகளை இதிகாசங்களும், வரலாறுகளும் இன்னமும் போற்றிக்கொண்டுதான் இருக்கின்றன.  இராமவதாரனும் அத்தகு ஒழுக்கநெறியில் இருந்ததாலேயே அவனுக்கு சிறப்பும் அவனை ஆண்களில் உயர்வானவன் என்கிற பொருளில் புருஷோத்தமன் என்றதும்.

மனமுறிவுக்கும் வெகு எளிதாக இடங்கொடுத்து, மணமுறிவுகளை சாதாரணமாக நிகழ்வாகக் கொள்ளும் இன்றைய சமூகச் சூழலில், கற்பின் திறம் கையாலாகாதவர்களின் கற்பனைத்திறமாகக் கருதப்படுவது வருந்தற்குரியது.

மேலும்: அஷோக் உரை

ஒப்புமை
1. "காமவேள் கோட்டம் தொழுதார் நன்மை பெறுவர்" என்ற விடத்துக் கண்ணகி “பீடன்று” என இருந்தாள் என்பர் இளங்கோவடிகள் (சிலப்.9:60-64); அதன் உரையின் “தெய்வம் தொழுதல் எங்கட்கு இயல்பு அன்று” என உரைத்தார் அடியார்க்கு நல்லார்

“கொண்டோன் அல்லது தெய்வமும் பேணாப், பெண்டிர்” (மணி.8:101-2)
“கடவுட் பேணல் கடவியை ஆகலின்
மடவரல் ஏவ மழையும் பெய்யாது
நிறையுடைப் பெண்டிர் தம்மே போல” (மணி 22:64-6)

“தங்கள்நா யகரில் தெய்வம் தான்பிறி தில்லென் றெண்ணும்
மங்கைமார்” (கம்ப.வேள்விப் 16)

2. “தெய்வம் தொழாஅள் கொழுநற் றொழுவாளைத்
தெய்வம் தொழுந்தகைமை திண்ணிதால் - தெய்வமாய்
மண்ணக மாதர்க் கணியாய் கண்ணகி
விண்ணகமா தர்க்கு விருந்து” (சிலப் 23, இறுதி வெண்பா)
“காமனை யென்றும் சொல்லார் கணவர்க்கை தொழுது வாழ்வார்” (சீவக.1598)

3. ”குறவர் மடமகளிர் தாம்பிழையார்
கேள்வர்த் தொழுதெழலால்” (கலி 39:16-7)

4. ”வறனோடின் வையகத்து வான்தரும் கற்பினாள்” (கலி 16:20)
”அருமழை தரல்வேண்டின் தருகிற்கும் பெருமையளே” (கலி 39-6)
“கொண்டான் குறிப்பறிவாள் பெண்டாட்டி...
இவர்மூவர் பெய்யெனப் பெய்யும் மழை” (திரிகடும் 96)
“பெண்பால், கொழுநன் வழிச்செலவும் இம்மூன்றும்
திங்கள்மும் மாரிக்கு வித்து” (திரிகடும் 98)

“வானம் பெய்யாது வளம்பிழைப் பறியாது
நீணில வேந்தர் கொற்றம் குறையாது
பத்தினிப் பெண்டிர் இருந்த நாடு” (சிலப் 15:145-7)

“பத்தினி மகளிர் பெய்யெனப் பெய்யும் மழைஎன்பதூஉம்” (சிலப்.பதிகம் 89, அரும்பத)

“வான்கரு கற்பின் மனையுறை மகளிர்” (மணி 15:77)
“புண்ணியம் முட்டாள் பொழிமழை தரூஉம்
அரும்பெறன் மகளிர்ப் பத்தினிப் பெண்டிரும்” (மணி 16-49-50)

“மண்டிணி ஞாலத்து மழைவளம் தரூஉம்
பெண்டிர்” (மணி 22:45-6)

”ஓங்கிரு வானத்து மழையும்நின் மொழியது” (மணி 99)

“நாடும் ஊரும் நனிபுகழ்ந் தேத்தலும்
பீடு றும்மழை பெய்கெனப் பெய்தலும்
கூட லாற்றவர் நல்லது கூறுங்கால்
பாடு சான்மிகு பத்தினிக் காவதே” (வளையாபதி)

“மழைக்குதவும் பெருங்கற்பின் மனைவியார்” (பெரிய.மானக்.11)

”மாதரார், அற்பின் நின்றன, அறங்கள் அன்னவர்
கற்பின் நின்றன கால மாரியே” (கம்ப.நாட்டுப் 59)

5. “தெய்வந் தொழாஅள் கொழுநற் றொழுதெழுவாள்
பெய்யெனப் பெய்யும் பெருமழை என்றஅப்
பொய்யில் புலவன் பொருளுரை தேறாய்” (மணி 22:59-61)

அறியாத குறள்கள் - கவிஞர் மகுடேசுவரன் 
மிக எளிமையாகச் சொல்லிவிடுகிறோம். ‘திருக்குறளில் காலத்துக்குப் பொருந்தாத எத்தனையோ கருத்துகள் இருக்கின்றன. அவற்றைத் தற்காலத்திற்கு எப்படி வலியுறுத்திச் சொல்ல முடியும் ? பெண்களைப் பற்றி வள்ளுவர் கூறும் கருத்துகள் ஏற்புடையவையா ?’ என்ற வினாக்கள் எழுப்பப்படுகின்றன. 

இவற்றுக்கு உடனடியாக நம்மால் விடைகூற முடிவதில்லை. ‘இல்லைங்க. வள்ளுவர் சரியாகத்தான் எழுதியிருக்கிறார்’ என்று சொன்னால் வினவியவர்கள் ஏற்று அமைவதில்லை. இதற்கு விடைகூற நூற்றுக்கணக்கான தரவுகளின் செம்மையோடு சார்பற்ற மனத்தோடு சிந்திக்க வேண்டியிருக்கிறது. 

ஓர் அற இலக்கியம் எழுதப்படுகிறது. அது எழுதப்பட்ட காலத்தின் நிலைமைகள் இன்றுள்ளவற்றோடு முழுமையாக வேறுபடுகின்றன. ஆனாலும் ‘அறம்’ என்பது முக்காலப் பொருத்தமுடையது. அது காலத்தால் தேய்ந்து வழக்கொழிந்து நீங்குவதாக இருக்க முடியாது. அதே சமயம் காலம் புரண்டு படுக்கிறது என்பதையும் கணக்கில் கொள்ள வேண்டும். அந்தப் புரள்வு அப்படியே நிலைப்பதுமில்லை. மீண்டும் சுழல்கிறது. அதனால் அறக் கருத்துகள் சில ஒளி மங்குவதும் பின் புத்தொளியூட்டம் பெறுவதும் நிகழ்ந்த வண்ணம் இருக்கின்றன.

மலைப்பாங்கான அடர்ந்த வனத்தில் இருக்கின்றோம் எனக் கொள்வோம். கால் வைத்தால் சதுப்பாகப் புதைகிறது. மழையூறி நிலம் வழுக்குகிறது. தவறி விழுந்தால் அதள பாதாளம்தான். எப்படியாவது நம்மை நிலைப்படுத்திக்கொண்டு நிதானமாக எட்டு வைத்து அவ்வனத்தைக் கடக்கப் பார்க்கிறோம். அதற்கு எதையேனும் துணைக்கோலாகக் கொள்ளத் தேடுகிறோம். வலுவான ஆளுயர மூங்கில் ஒன்று கிடைக்கிறது. அதைக் கைப்பற்றிக்கொள்கிறோம். அந்த மூங்கில் கம்பை ஊன்றி ஊன்றி மலைப்பாங்கான வனத்தைக் கடந்து வருகிறோம். 

வனமலை கடந்ததும் பேராறு ஒன்று குறுக்கிடுகிறது. அங்குள்ள காய்ந்த மரங்களைச் சேகரித்து, கொடிகளைப் பறித்துக் கட்டி தெப்பம் செய்துகொள்கிறோம். தெப்பத்தை ஊன்றித் தள்ள அந்த மூங்கில் கம்பைப் பயன்படுத்திக்கொள்கிறோம். காட்டாற்றுப் போக்கோடு தெப்பத்தை உந்தித் தள்ளி ஒருவழியாக நல்ல சமவெளிப் பரப்பை அடைந்துவிட்டோம். இப்போது அந்தத் தெப்பம் தேவையில்லை. அது ஆற்றோடு போகும்படி அனுப்பிவிடமாட்டோம். ஓர் ஓரத்தில் இழுத்துக் கட்டி நிறுத்துவோம். பிறகும் தேவைப்படலாம். 

சமவெளியில் அச்சுறுத்தும் மிருகங்கள் இருக்கக் கூடும். நம்மை அவற்றிடமிருந்து காத்துக்கொள்ள அதே மூங்கில் கம்பு பயன்படும். அறக் கருத்துகள் என்பவை அந்த மூங்கில் கம்பினைப் போன்றவை.

எங்கும் பொருந்திக் காக்கும் தொழில் செய்ய வல்லவை. எப்படிப் பயன்படுத்திக்கொள்கிறீர்கள் என்பதைப் பயனாளர்களின் அறிவு தீர்மானிக்க வேண்டும். அது தேவையில்லை என்று வன எல்லையிலேயே எறிந்திருந்தால் நட்டாற்றில் தவித்திருப்போம். அங்கேயே நம் கதை முடிந்திருக்கலாம். சமவெளியை அடைந்ததும் அதைத் தூக்கி எறிந்தால் மேலும் உள்ள ஆபத்துகள்பற்றி நமக்கென்ன தெரியும் ?

பெண்மை குறித்து எழுதப்பட்ட முற்காலக் கருதுகோள்கள் இன்று நமக்குப் பொருந்தாமல் போகலாம். யாருக்குத் தெரியும், அதுவே நம்மைப் பல்வேறு பிறழ்வுகளிலிருந்து தற்காத்திருக்கவும் உதவியிருக்கக் கூடும். ஒரே தாண்டலில் நம் வாழ்வு இந்த இடத்திற்கு வந்துவிட்டதாக எண்ண இயலுமா ? அது பண்பாட்டுக் கூறாகி வழிவழி வந்தபின் ஆணிவேராகி, ஊற்றம் வலுப்பெற்றுவிடுகிறது. 

நம் விரல்கள் இத்தனை நீளமாக ஒரே நாளில் முளைத்துவிடவில்லை. நம் முன்னோர்கள் ஆயிரக்கணக்கான ஆண்டுகளாக மரக்கிளைகளை விடாதுபற்றிப் பிடித்துத் தொங்கியதன் விளைவுதான் நம் நீள விரல்கள் என்பதைப் பரிணாமவியல் விளக்குகிறது. அந்த விரல்களைக்கொண்டு எத்தனை அற்புதங்கள் படைத்தோம் ! எல்லாம் எங்கிருந்து வந்தது ? ஆயிரமாயிரம் ஆண்டுகளுக்கு முன்பு என் முன்னோரின் முன்னோரின் முன்னோர் மரங்களைப் பற்றித் தொங்கிக்கொண்டிருந்தனர். அதன் விளைவாக இன்று நான் சரளமாக அச்சுத்தட்டுகிறேன். விரல்கள் நம் உலகை ஆக்கின. எல்லாமே அப்படித்தான், ஒன்றுடன் ஒன்று’ செறிந்த நுண் தொடர்புடையது. 

மானமும் வீரமும் தமிழர் பண்புகள். மானம் என்பது தன் தகைமைக்கு எவ்வொரு இழுக்கும் நேராத நேர்நிலை. வீரம் என்பது அந்த மானத்திற்குக் கேடெனில் உயிர் கருதாது நெஞ்சை நிமிர்த்தும் உணர்ச்சி. 

பெண்ணின் பெருந்தக்க யாவுள’ என்று வள்ளுவர் தெளிவாக முன்னுரைத்துவிடுகிறார். பெண்ணை விடவும் பெருந்ததகைமையுள்ள வேறொன்றாக எதுதான் உள்ளது ? அந்தத் தகைமை அவளிடம் மட்டுமே உள்ளது. 

இப்போது குறளுக்கு வருவோம். 

தெய்வம் தொழாஅள் கொழுநன் தொழுதெழுவாள்
பெய்யெனப் பெய்யும் மழை.

இறைவனைத் தொழாமல் கணவனைத் தொழுதெழுகின்றவள் பெய்’ என்றால் மழை பெய்யும்.

தன் மானத்தைக் காக்கும் செய்கையுள்ளவன் கணவன். வீர உணர்ச்சியால் நிரம்பியவன். வாழ்க்கைத் துணையாகி அவனோடு வாழும் வாழ்க்கைக்கு வேறொன்றும் ஈடில்லை. இது ஈருடல் ஓருயிர் நிலைமை. உயிர்கலந்து உவப்பாகி உருகிநிற்கும் உறவுகளுக்கு ‘எங்களைப்போல் இவ்வுலக இன்பத்தைத் துய்த்தார் ஒருவருமிலர்’ என்ற எண்ணம் மேலோங்கியிருக்கும். அவள் தெய்வத்தை ஏன் தொழ வேண்டும் ? தன்னை, தான் ஈன்றவற்றைக் காக்கும் செயலுள்ளவனைத் தொழுதாள். தன்னை முழுமையாக அர்ப்பணித்தாள். அந்த இனிய வாழ்வில் பெருஞ்சோலைகளின் குளிர்ச்சியோடு வாழ்கிறாள். அதில் சிறு கீற்றளவும் பிறழ்வில்லை. அந்த உரமான உள்ளத்தின் கட்டளை எத்துணை குளிர்ச்சியோடு இருக்கும் ? அவள் ‘பெய்’ என்று பணித்தால் வேறொரு மலைமுகடு தேடிப் போய்க் குளிர்ந்து மழையாகப் பொழியவேண்டிய தேவை முகில்களுக்குண்டா ? இல்லை. அவள் உத்தரவுச் சொற்கள் பட்டதில் குளிர்ந்த முகில்கள் அங்கேயே மழையாகிப் பொழிந்துவிடும்.

பரிமேலழகர் உரை
தெய்வம் தொழாஅள் கொழுநன் தொழுது எழுவாள் பெய்என - பிற தெய்வம் தொழாது தன் தெய்வம் ஆகிய கொழுநனைத் தொழாநின்று துயிலெழுவாள் 'பெய்' என்று சொல்ல; மழை பெய்யும்-மழை பெய்யும். (தெய்வம் தொழுதற்கு மனம் தெளிவது துயிலெழும் காலத்தாகலின், 'தொழுது எழுவாள்' என்றார். 'தொழாநின்று' என்பது, 'தொழுது' எனத் திரிந்து நின்றது. தெய்வம்ந்தான் ஏவல் செய்யும் என்பதாகும். இதனால் கற்புடையவளது ஆற்றல் கூறப்பட்டது.).

மணக்குடவர் உரை
தெய்வத்தைத் தெய்வமென்று தொழாளாய், எல்லாத் தெய்வமுந் தன்கணவனென்றே கருதி, அவனை நாடோறுந் தொழுதெழுமவள் பெய்யென்று சொல்ல மழை பெய்யும்.

மு.வரதராசனார் உரை
வேறு தெய்வம் தொழாதவளாய்த் தன் கணவனையே தெய்வமாகக் கொண்டு தொழுது துயிலெழுகின்றவள் பெய் என்றால் மழை பெய்யும்!.

சாலமன் பாப்பையா உரை
பிற தெய்வங்களைத் தொழாமல் கணவனையே தெய்வமாகத் தொழுது வாழும் மனைவி, பெய் என்று சொன்னால் மழை பெய்யும்.

பெண்ணின் பெருந்தக்க யாவுள கற்பென்னும்

குறள் 54
பெண்ணின் பெருந்தக்க யாவுள கற்பென்னும்
திண்மைஉண் டாகப் பெறின்
[அறத்துப்பால், இல்லறவியல், வாழ்க்கைத் துணைநலம்]

பொருள்
பெண்ணின் - பெண் - மகள்; சிறுமி; மணமகள்; மனைவி; பதுமினி, சித்தினி, சங்கினி, அத்தினிஎனநால்வகைப்படும்பெண்; விலங்குதாவரங்களின்பெடை; காண்க:கற்றாழை.

பெருந்தக்க - பெருந்தகை - மிக்கபெருமையுடையவர்; காண்க:பெருந்தன்மை; மிக்கஅழகு.

யா - ஓர்உயிர்மெய்யெழுத்து(ய்+ஆ); யாவை; ஓர்அசைச்சொல்; ஒருமரவகை; அகலம்.

உள - யாது அனைத்தையும் உண்டாக்க வேண்டும் என்று இருந்தால்

கற்பு - மகளிர்கற்பு; களவுக்கூட்டத்துக்குப்பின்தலைவன்தலைவியைமுறைப்படிமணந்துஇல்லறம்புரியும்ஒழுக்கம்; கற்பின்அடையாளமானமுல்லை; கல்வி; தியானம்; ஆணை; கதி; உறுதி; புரிசை; மதிலுண்மேடை; நீதிநெறி; கற்பனை.

என்னும் - யாவும், எல்லாம்; என்றுசொல்லப்படும்; யாதும்; சிறிதும்.

திண்மை - வலிமை; உறுதி; கலங்காநிலைமை; பருமன்; உண்மை.

உண்டாதல் - விளைதல்; செல்வச்செழிப்பாதல்; உளதாதல் நிலையாதல்; கருக்கொள்ளுதல்

பெறின் - பெறுதல் - அடைதல்; பிள்ளைபெறுதல்; பிறப்பித்தல்; அறிதல்; விலைத்தகுதியுடையதாதல்

முழுப்பொருள்
ஒரு பெண்ணுக்கு எது மிகுந்த பெருமை சேர்க்கும் ? கற்பு எனப்படும் நீதிநெறி, மன உறுதி ஒரு பெண்ணிடம் இருந்தால் அவளை திருமணம் செய்துகொண்ட அல்லது திருமணம் செய்யப்போகும் தலைவனுக்கு அதைத் தாண்டி வேறு ஏதும் தேவையில்லை.

எனக்கு தோன்றுவது என்னவென்றால் பல குடும்பத்தில் கணவன் மனைவிக்கும் இடையே சிக்கல்கள் வருவது இருவருக்கும் இடையே நேர்மை இல்லாமல் இருப்பதால் தான்.  அந்த நேர்மையில்லையெனில் மற்றவர்களை தவறாக சித்தரித்து சிக்கல்களை உண்டாக்குவார்கள். வெறுப்பு, பொறாமை, ஆசை, மனதழுக்கு, கீழ்மையான சொற்கள் போன்ற தீயொழுக்கங்கள் வந்து சேரும். இறுதியில் உறவு முறியும் அல்லது வருந்திக்கொண்டே மன அமைதி இழந்தே வாழவேண்டியது இருக்கும். நேர்மை இருந்தால் இந்த பிரச்சனையெல்லாம் வராது. ஆதலால் நேர்மையிருந்தால் வேறு என்ன வேண்டும்?  நேர்மையிருந்தால் மற்ற செல்வங்கள் எல்லாம் தானாக வரும்.

மேலும்: அஷோக் உரை

பரிமேலழகர் உரை
பெண்ணின் பெருந்தக்க யாஉள-ஒருவன் எய்தும் பொருள்களுள் இல்லாளின் மேம்பட்ட பொருள்கள் யாவை உள; கற்பு என்னும் திண்மை உண்டாகப் பெறின் - அவள் மாட்டுக்கற்பு என்னும் கலங்கா நிலைமை உண்டாகப் பெறின். (கற்புடையாள் போல அறம் முதலிய மூன்றற்கும் ஏதுவாவன பிற இன்மையின் 'யாஉள' என்றார். இதனால் கற்பு நலத்தது சிறப்புக் கூறப்பட்டது.).

மணக்குடவர் உரை
பெண் பிறப்புப்போல் மேம்பட்டன யாவையுள? கற்பாகிய திண்மை யுண்டாகப் பெறின்.

மு.வரதராசனார் உரை
இல்வாழ்க்கையில் கற்பு என்னும் உறுதிநிலை இருக்கப் பெற்றால், பெண்ணைவிட பெருமையுடையவை வேறு என்ன இருக்கின்றன?.

சாலமன் பாப்பையா உரை
கற்பு எனப்படும் மன உறுதி மட்டும் பெண்ணிடம் இருக்குமானால் மனைவியைக் காட்டிலும் மேலானவை எவை?.

மனைமாட்சி இல்லாள்கண் இல்லாயின்

குறள் 52
மனைமாட்சி இல்லாள்கண் இல்லாயின் வாழ்க்கை
எனைமாட்சித் தாயினும் இல்
[அறத்துப்பால், இல்லறவியல், வாழ்க்கைத் துணைநலம்]

பொருள்
மனை - வீடு; வீடுகட்டுதற்குரியநிலம்; நிலஅளவுவகை; குடும்பம்; மனைவி; இல்வாழ்க்கை; சூதாடுபலகையின்அறை; நற்றாய்

மாட்சி - பெருமை; விளக்கம்; இயல்பு; அழகு.

இல்லாள் - மனைவி; மருதமுல்லைநிலங்களின்தலைவியர்; வறுமையுடையவள்.

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

இல்- இடம்; வீடு இல்லறம் மனைவி மருதமுல்லைநிலங்களின்தலைவியர்; குடி இராசி தேற்றாங்கொட்டை இன்மை சாவு எதிர்மறைஇடைநிலை; ஐந்தாம்வேற்றுமைஉருபு; ஏழாம்வேற்றுமைஉருபு.

ஆயின் - ஆனால்; ஆராயின்; அவ்வாறாக அமைந்தால் ; ஆனாலும்; ஆவது உம்மைப்பொருளில்வரும்எண்ணிடைச்சொல்.

வாழ்க்கை - வாழ்தல்; வாழ்நாள்; இல்வாழ்க்கை; மனைவி; நல்வாழ்வுநிலை; செல்வநிலை; ஊர்; மருதநிலத்தூர்.

எனை - என்ன; எவ்வளவு; எல்லாம்

மாட்சித்து - பெருமை; விளக்கம்; இயல்பு; அழகு.

ஆயினும் - ஆனாலும்; ஆவது உம்மைப்பொருளில்வரும்எண்ணிடைச்சொல்.

இல் - இடம்; வீடு இல்லறம் மனைவி மருதமுல்லைநிலங்களின்தலைவியர்; குடி இராசி தேற்றாங்கொட்டை இன்மை சாவு எதிர்மறைஇடைநிலை; ஐந்தாம்வேற்றுமைஉருபு; ஏழாம்வேற்றுமைஉருபு.

முழுப்பொருள்
ஒரு குடும்பத்தில் அல்லது ஒருவரது இல்வாழ்க்கையில் பெருமை மற்றும் அழகு எனப்படுவது அவ்வீட்டில் அமைகின்ற மனைவியின் கையிலே உள்ளது. அந்த மனைவி குடும்பத்திற்கும் வாழ்க்கைக்கும் விழி/கண் போன்றவர். நல்ல குணங்களும் அமைந்து நல்ல செயல்களை செய்து குடும்பத்தை முன்னேற்றம் காண செய்யவேண்டியது மனைவியின் பொறுப்பு. விழி சரியாக அமைந்தால் தான் நாம் போகிற இடம் சரியாக அமையும் அன்றாடம் காணுகிற காட்சியும் வண்ணமயமாக இருக்கும். அதுபோலவே மனைவியும் என்கிறது இக்குறள்.

ஒருவீட்டிற்கு பெருமையை அழகை அளிக்கக்கூடிய மனைவி சரியாக அமையாவிட்டால் அவ்வீட்டில் அல்லது ஒருவரது வாழ்க்கையில் எத்தனை பெருமைகளை அடைந்தாலும் அவருக்கு நிம்மதி என்பதும் இல்லை அவர்க்கு சிறப்பும் சேராது.

உதாரணம்: தமிழில் 1985 ஆண்டு நடிகர் திலகம் சிவாஜி கணேசன் நடித்த முதல்மரியாதை திரைப்படத்தில் சிவாஜி கணேசன் அவர்களின் மனைவியாக வரும் வடிவுக்கரசி கதாபாத்திரத்தை கூறலாம். சிவாஜி அவர்கள் ஊரில் எல்லோரும் போற்றப்படும் ஒரு மனிதராக திகழ்வார். ஆனால் அவருடைய வீட்டில் தப்பி அமைந்த வடிவுக்கரசி போன்ற மனைவியால் அவர் திருமணவாழ்வில் ஒருநாளும் நிம்மதியாக இருக்க முடியவில்லை.

கேளடி கண்மணி திரைப்படத்தில் வரும் "கல்யாணமாலை" பாடலில் "அழகான மனைவி அன்பான துணைவி அமைந்தாலே பேரின்பமே" என்று ஒரு வரி வரும். அதே பாடலில் "கூவுகின்ற குயிலைக் கூட்டுக்குள் வைத்து,
பாடென்று சொன்னால் பாடாதம்மா! தோகை மயில் தன்னைச் சிறை வைத்துப் பூட்டி, ஆடென்று சொன்னால் ஆடாதம்மா!" என்று வருகின்ற வரிகள் மனைவி சரியாக அமையவில்லை என்றால் நிம்மதி இல்லை என்பதை பறைசாற்றும் வரிகள்.

மேலும்: அஷோக் உரை

ஒப்புமை
குறள் 51, 53
“மனையின் மாட்சியை அழித்திழி மாதவப் பன்னி” (கம்ப.அகலிகை 70)

“விழைதக்க மாண்ட மனையாளை இல்லாதான் இல்அதர்
காண்டற் கரியதோர் காடு” (நாலடி 361)

“தாரம் மாணாதது வாழ்க்கை யன்று” (முதுமொழிக் 42)

பரிமேலழகர் உரை
மனைமாட்சி இல்லாள்கண் இல்லாயின் - மனையறத்திற்குத் தக்க நற்குண நற்செய்கைகள் ஒருவன் இல்லாளிடத்து இல்லையாயின்; வாழ்க்கை எனைமாட்சித்து ஆயினும் இல் - அவ்வில்வாழ்க்கை செல்வத்தான் எத்துணை மாட்சிமையுடைத்தாயினும் அஃது உடைத்தன்று. ('இல்' என்றார் பயன்படாமையின்.).

மணக்குடவர் உரை
குடிக்குத்தக்க வொழுக்கம் மனையாள்மாட்டு இல்லையாகில், அவ்வில்வாழ்க்கை எத்துணை நன்மைகளை யுடைத்தாயினும் ஒரு நன்மையும் இன்றாம்.

மு.வரதராசனார் உரை
இல்வாழ்க்கைக்கு தக்க நற்பண்பு மனைவியிடம் இல்லையானால், ஒருவனுடைய வாழ்க்கை வேறு எவ்வளவு சிறப்புடையதானாலும் பயன் இல்லை.

சாலமன் பாப்பையா உரை
நல்ல குணமும் நல்ல செயல்களும் மனைவியிடம் இல்லாமற் போனால் அவ்வாழ்க்கை எத்தனை சிறப்புகளைப் பெற்றிருந்தாலும் பெறாததே.

மனைக்தக்க மாண்புடையள் ஆகித்தற்

குறள் 51
மனைக்தக்க மாண்புடையள் ஆகித்தற் கொண்டான்
வளத்தக்காள் வாழ்க்கைத் துணை
[அறத்துப்பால், இல்லறவியல், வாழ்க்கைத் துணைநலம்]
(For meaning in English, scroll to the bottom of this post)

பொருள்
மனைத் - வீடு; வீடுகட்டுதற்குரியநிலம்; நிலஅளவுவகை; குடும்பம்; மனைவி; இல்வாழ்க்கை; சூதாடுபலகையின்அறை; நற்றாய்.

தக்க - takka   தகுந்த, adj. part. see under தகு.

தகு - taku   II. & IV. v. i. be fit, suitable, proper, decent or convenient, appertain, ஏல்.

மாண்பு - பெருமை; அழகு; நன்மை; மாட்சிமை.

உடையள் - உடையவள்

ஆகி - ஆகுதல் - ஆதல், நன்றாகக்கூடிவருதல்


ஆதல் - ஆவதுஎனப்பொருள்படும்இடைச்சொல்; நூல் கூத்து தரிசனம் நுணுக்கம் ஆசை உண்டாதல் நிகழ்தல் முடிதல் இணக்கமாதல்; வளர்தல் அமைதல் ஒப்பாதல்

தற் - taṟ   a particle for தன், self (ன் is changed into ற் before க, ச, ப).

கொண்டான் - koṇṭāṉ   n. கொள்-. 1. Seeகொண்டவன். கொண்டானிற் றுன்னிய கேளிர் பிறரில்லை (நான்மணி. 56). 2. See கொண்டல்¹, 6. (W.)
கொண்டான்கொடுத்தான் koṇṭāṉ-ko-ṭuttāṉ, n. id. +. Persons who have enteredinto matrimonial alliance by the marriage oftheir sons and daughters; கொண்டுங்கொடுத்துஞ்சம்பந்தஞ் செய்தோர். Colloq.
மகளிர்விளையாட்டுவகை; கணவன்.

வளத்தக்காள் - வளத்துக்கும், ஈட்டும் பொருளுக்கும் ஏற்ற அளவுக்குத் தகுந்தார்போல், இல்லறத்தை நடத்துபவள்

வாழ்க்கைத்துணை - vāḻkkai-t-tuṇai   n. வாழ்க்கை + துணை¹. Wife; மனையாள். தற்கொண்டான் வளத்தக்காள் வாழ்க்கைத்துணை (குறள், 51).

முழுப்பொருள்
இல்லறம் நடத்துவதற்குத் தேவையான நல்ல குணநலங்களையும், நற்செயல்களை ஆற்றும் பண்பினையும், கணவனின் வருவாய்க்கு ஏற்றவாறு குடும்ப செலவுகளை நிர்வகித்து குடும்பத்தை முன்னே கொண்டு செல்லும் திறனை உடைய ஒரு மாண்புடைய (பெருமை, அழகு, மாட்சிமை, நன்மை) பெண் என்பவள் திருமணம் செய்துகொள்வதற்கு ஏற்றவளாவாள். அப்படியான மனையறத்திற்குத் தக்க குணங்களை கொண்ட பெண்ணை வாழ்க்கைத்துணையாக கொள்ளுதலே வாழ்வு சிறக்க உதவும். 

1) நற்குணங்களெனப்படுவது -> துறந்தார்ப் பேணலும், விருந்து அயர்தலும், வறியார்மாட்டு அருளுடைமையும் முதலாயின. 

2) நற்செய்கைகளெனப்படுவது -> வாழ்க்கைக்கு வேண்டும் (மெய்ப்)பொருள்கள் அறிந்து கடைப்பிடித்தலும், அட்டில்(மடைப்பள்ளி/ சமையலறை) தொழில் வன்மையும்(ஆற்றலும்), ஒப்புரவு (உலகவொழுக்கம்) செய்தலும் முதலாயின. 

3) வருவாய்க்குத் தக்க வாழ்க்கையெனப்படுவது -> முதலை அறிந்து அதற்கு இயைய அழித்தல். 

இது பெண்களுக்காக எழுதப் பட்ட குறள், ஆனால் வரலாற்று ரீதியாகப் பார்த்தால் ஒரு நூற்றாண்டுக்கு முன்புவரைக் கூடப் பெண்கள் குடும்பத் தலைவி என்றே அழைக்கப்பட்டுள்ளனர். அன்று ஆண்கள் மட்டுமே வெளியுலகலில் வேலைக்கு சென்றனர். ஆனால் இன்றோ ஆண்களும் பெண்களும் எல்லாவேலைகளிலும் பணிப்புரிகின்றனர். இல்லறத்தில் இருக்கும் பெண்களும் வெளியுலக வாழ்க்கையில் பணிப்புரிகின்றனர். ஆதலால் இக்குறள் இன்று ஆண்களுக்கும் பொருந்தும். ஆண்களுக்கு இந்த நல்ல குணங்களும், நற்செயல்கள் செய்யும் ஆற்றலும், வருவாய்க்குத் தக்க வாழ்க்கையை நிர்வகிக்கும் திறனும் இருத்தல் வேண்டும்.

பி.கு: வாழ்க்கைத் துணைநலம் என்று மனைவியை மட்டும் கூறாமல், இல்லற வாழ்க்கைக்கு தேவையான துணையாக இருக்கக்கூடிய குணநலங்களாக இவ்வதிகாரத்தில் கூறப்பட்ட கருத்துக்களை ஆண்கள் (கணவன்) பெண்கள் (மனைவி) என்று இருபாலினரும் எடுத்துக்கொள்ளலாம் (எடுத்துக்கொள்ள வேண்டும்).

மேலும்: அஷோக் உரை

ஒப்புமை
”மனைமாட்சி” (குறள் 52)
“இல்லவள் மாண்பு” (குறள் 53)
“மாண்டஎன் மனைவி” (புறநா 191:3)

“வருவாய்க்குத் தக்க வழக்கறிந்து சுற்றம்
வெருவாமை வீழ்விருந் தோம்பி...
செய்வதே பெண்டிர் சிறப்பு” (சிறுபஞ்ச 42)

பரிமேலழகர் உரை
[அஃதாவது, அவ்வில்வாழ்க்கைக்குத் துணை ஆகிய இல்லாளது நன்மை. அதிகார முறைமையும் இதனானே விளங்கும்.)

மனைத் தக்க மாண்பு உடையளாகித் தன் கொண்டான் வளத்தக்காள் - மனையறத்திற்குத் தக்க நற்குண நற்செய்கைகளை உடையவளாய்த் தன்னைக் கொண்டவனது வருவாய்க்குத் தக்க வாழ்க்கையை உடையாள்; வாழ்க்கைத் துணை- அதற்குத்துணை. (நற்குணங்களாவன : துறந்தார்ப் பேணலும், விருந்து அயர்தலும், வறியார்மாட்டு அருளுடைமையும் முதலாயின. நற்செய்கைகளாவன: வாழ்க்கைக்கு வேண்டும் பொருள்கள் அறிந்து கடைப்பிடித்தலும், அட்டில் தொழில் வன்மையும், ஒப்புரவு செய்தலும் முதலாயின. வருவாய்க்குத் தக்க வாழ்க்கையாவது: முதலை அறிந்து அதற்கு இயைய அழித்தல். இதனால் இவ்விரண்டு நன்மையும் சிறந்தன என்பது கூறப்பட்டது.).

மணக்குடவர் உரை
தான் பிறந்த குடிக்குத்தக்க வொழுக்கத்தை யுடையாளாய்த் தன்னைக் கொண்டவனது வருவாய்க்குத் தக்க செலவினை யுடையவள் இல்வாழ்க்கைத் துணையாவள்.

மு.வரதராசனார் உரை
இல்வாழ்க்கைக்கு ஏற்ற நற்பண்பு உடையவளாகித் தன்கணவனுடைய பொருள் வளத்துக்குத் தக்க வாழ்க்கை நடத்துகிறவளே வாழ்க்கைத்துணை ஆவாள்.

சாலமன் பாப்பையா உரை
பிறந்த, புகுந்த குடும்பங்களுக்கு ஏற்ற நல்ல குணம், நல்ல செயல்களை உடையவளாய்த், தன்னை மணந்தவனின் வருவாய்க்கு ஏற்ப வாழ்க்கையை அமைப்பவளே மனைவி.

English Meaning - As I taught a kid - Rajesh
Note: this Thirukkural actually refers the spouse as a wife. Husband responsibilities are detailed in children upbringing chapter and also in other various chapters
A spouse who have the below is the ideal life partner
a) virtues/traits/qualities required for family (i.e 1) (leading and) running a family, 2) doing charity works such as welcoming and showing hospitality(giving food) to sages and those in need, managing a family, 3) upbringing the children as good citizens (in terms of love, knowledge, scholarliness, beneficence/benevolence, compassion, honesty etc.),   and 
b) spends within the means (earnings of the life partner) 
c) leading the family (in terms of dharma/duty, work, knowledge, wealth, socio-economical status, respect, fame etc.) in the growth direction and growing the family.

Questions that I ask to the kid
Who is an ideal spouse?

சிறைகாக்கும் காப்பென் செய்யும்

குறள் 57
சிறைகாக்கும் காப்பென் செய்யும் மகளிர்
நிறைகாக்கும் காப்பே தலை
[அறத்துப்பால், இல்லறவியல், வாழ்க்கைத் துணைநலம்]
(For meaning in English, scroll to the bottom of this post)

பொருள்
சிறை காவல்; காவலில்அடைக்கை; சிறைச்சாலை; அடிமைத்தனம்; அடிமையாள்; பெண்டாகச்சிறைபிடிக்கப்பட்டஇளம்பெண்; அழகுள்ளவள்; அணை; நீர்நிலை; இடம்; பக்கம்; கரை; மதில்; வரம்பு; இறகு; யாழ்நரம்புக்குற்றவகையுள்ஒன்று.

காக்கும் - காத்தல் kā-   11 v. [T. kāccu, K. M. kā.]tr. 1. To preserve, shelter; பாதுகாத்தல் தன்மண்காத்தன்று (மணி. 23, 17). 2. To guard, keepguard over, watch; காவல்செய்தல். சிறைகாக்குங்காப்பெவன் செய்யும் (குறள், 57). 3. To restrain,ward off, prevent, guard against; தடுத்தல் செல்லிடத்துக் காப்பான் சினங்காப்பான் (குறள், 301). 4.To observe, as a vow, a fast, a time of pollution;அனுஷ்டித்தல். அவள் நோன்பு காத்தாள். 5. Torescue, safe-guard; தீமை வரவொட்டாமல் தடுத்தல் கண்ணினைக் காக்கின்ற இமையிற்காத்தனர் (கம்பரா.வேள்வி. 41).--intr. To wait for; எதிர்பார்த்தல் அவனுக்காகக் காத்திருந்தான்.  

சிறைகாக்கும் - சிறையில் மதில்கள் சூழ ஒருவரை காக்கும் முறை

காப்பு - காத்தல் - பாதுகாவல்; காவலாயுள்ளது; காப்புநாண்; தெய்வவணக்கம்; காப்புப்பருவம்; திருநீறு; கைகால்களில்அணியும்வளை; வேலி; மதில்; கதவு; அரசமுத்திரை; ஏட்டுக்கயிறு; காவலானஇடம்; ஊர்; திக்குப்பாலகர்; சிறை; மிதியடி; அரசன்நுகர்பொருள்.

என் - என்ன; வினாவினைக்குறிப்பு; ஐயக்கிளவி; இகழ்ச்சிக்குறிப்பு; 'எது'அல்லது'எதை'எனப்பொருள்படும்இடைச்சொல்; தன்மைஒருமைச்சொல்; யான்என்பதுவேற்றுமைப்பொருளில்அடையும்திரிபு; ஓர்அசைச்சொல்.

செய்யும் - செய்தல் - இயற்றுதல்; உண்டாக்கல்; சம்பாதித்தல்; ஒத்தல்.

காப்பென் செய்யும் - அத்தகைய காவல் என்ன செய்ய முடியும் ஒருவரை ?

மகளிர் - பெண்கள், பெண்டிர்

காக்கும் காத்தல் kā-   11 v. [T. kāccu, K. M. kā.]tr. 1. To preserve, shelter; பாதுகாத்தல் தன்மண்காத்தன்று (மணி. 23, 17). 2. To guard, keepguard over, watch; காவல்செய்தல். சிறைகாக்குங்காப்பெவன் செய்யும் (குறள், 57). 3. To restrain,ward off, prevent, guard against; தடுத்தல் செல்லிடத்துக் காப்பான் சினங்காப்பான் (குறள், 301). 4.To observe, as a vow, a fast, a time of pollution;அனுஷ்டித்தல். அவள் நோன்பு காத்தாள். 5. Torescue, safe-guard; தீமை வரவொட்டாமல் தடுத்தல் கண்ணினைக் காக்கின்ற இமையிற்காத்தனர் (கம்பரா.வேள்வி. 41).--intr. To wait for; எதிர்பார்த்தல் அவனுக்காகக் காத்திருந்தான்.  

நிறை - பூர்த்தி; எண்வகைப்பாடற்பயன்களுள்ஒன்று; அடுத்தடுத்துவரும்சுரம்; இரண்டு தாக்குடையதாள வகை; நிறுக்கை; தராசு; துலாராசி; எடை; நூறுபலம்கொணடஅளவு; வரையறை; நிறுத்துகை; வைத்து அமைக்கை; கற்புவழிநிற்றல்; ஆடூஉக்குணம் நான்கனுள் காப்பன காத்துக்கடிவனகடியும் திண்மை; மனவடக்கம்; கற்பு; சூளுரை; வலி; அறிவு; மறைபிறரறியாமை; அழிவின்மை; மாட்சிமை; நீதி; மிகுதி; கவனம்; நீர்ச்சால்.

நிறைகாக்கும் - அவர்களின் கற்பு நெறியில் நின்று தன் மானத்தை காக்கும் குணம்

- எட்டாம்உயிரெழுத்து; பெருக்கம்; அடுக்கு; மேல்நோக்குகை; இறுமாப்பு; உழையிசையின்எழுத்து; எய்யும்தொழில்; அம்பு; பிரிநிலை, வினா, எண், தேற்றம், ஈற்றசை, இசைநிறைஎன்னும்பொருள்களில்வரும்ஓர்இடைச்சொல்; விளிக்குறிப்பு; இகழ்ச்சிக்குறிப்பு.

காப்பே -  காப்பு - பாதுகாவல்; காவலாயுள்ளது; காப்புநாண்; தெய்வவணக்கம்; காப்புப்பருவம்; திருநீறு; கைகால்களில்அணியும்வளை; வேலி; மதில்; கதவு; அரசமுத்திரை; ஏட்டுக்கயிறு; காவலானஇடம்; ஊர்; திக்குப்பாலகர்; சிறை; மிதியடி; அரசன்நுகர்பொருள்.

தலை - சிரம்; முதல்; சிறந்தது; வானம்; இடம்; உயர்ந்தோன்; தலைவன்; உச்சி; நுனி; முடிவு; ஒப்பு; ஆள்; தலைமயிர்; ஏழாம்வேற்றுமைஉருபு; ஓர்இடைச்சொல்; மேலே; தபால்கடிதத்தில்ஒட்டும்முத்திரைத்தலை; தலையோடு.

முழுப்பொருள்
ஒரு பெண்ணை மதில்கள் சூழ வீட்டுக்குள் வைத்து, வெளியுலகத்திற்கு காட்டாமல் அவளை காவல் செய்வதனால் (possessive) ஒரு பெண்ணை காவல் செய்ய முடியாது. 

மாறாக ஒரு பெண் தன்னை நல்கற்பு நெறியில் தன்னை நடத்திக்கொண்டால் தன்னை காத்துக்கொள்ளும் காவலாக அரணாக அமைந்தால் அதைவிட தலையானது வேறில்லை.

ஆதலால் வீட்டில் கணவன், தந்தை, சகோதரன், நண்பன் போன்ற ஸ்நானத்தில் இருக்கும் அன்பர்கள் பெண்களை மதித்து, அவர்கள் நல்வழி நடக்கும்படியாக உடனிருந்து உதவும் ஆண்களே, பெண்களை நல்ல கற்பு நெறியில் நிறுத்தமுடியும். பெண்களை அடிமைப் பொருளாக நடத்துவதன் மூலம் அதை சாதிக்கமுடியாது. அடிமைபோல நடத்துவதின் மூலம், கணவன்பால் மதிப்பு குறைந்து, இழந்து, மனைவி அவ்வுறவை சிறிதளவு வெறுத்தாலும், அது கற்பு நெறி தவற ஒரு தூண்டுதலாக அமைந்துவிடும். 

மேலும், கற்பு நெறி என்பதை தாண்டி யோசித்தால், ஒரு பெண் தன்னுடைய வலிமையாலும், அறிவாலும், கவனத்தாலும் தன்னை காத்துக்கொள்ளவேண்டும் என்று சூளுரைத்துக்கொண்டு அதன் படி திண்மையாக நடந்தால் அதுப்போல் காவல் வேறு ஏதும் இல்லை. 

மேலும், ஒரு பெண்ணின் உடல் அப்பெண்ணை சார்ந்தது, அகவயமானதும் கூட. அதனை புறவயமாக அவளின் வேண்டுகோலோ அனுமதியோ இன்றி பிறர் (பெண்கள் - அம்மா, மாமியார், உற்றார், உறவினர் என்று யாரும்) அடக்குவதோ காப்பதோ சரியானது இல்லை. 

ஒரு சூழல் பாதுக்காப்பாக இல்லாத சூழ்நிலையில் ஒரு பொறுப்பான தந்தையாக, சகோதரனாக, நண்பனாக, கணவனாக, அலுவலனாக அப்பெண்ணிற்கு ஒரு பாதுக்காப்பாக இருக்கலாம். அதுவும் அவர்களுக்கு ஆட்சேபனை இல்லையெனில் மட்டுமே. 

ஒரு பாட்டி மற்ற பெண்களிடம் சொல்வதாக ஒரு சொலவடை “ஒன் முந்தி ஒன் கையில” 

மேலும்: அஷோக்

ஒப்புமை
”நிறையான் மிகுகில்லா நேரிழை யாரைச்
சிறையான் அகப்படுத்த லாகா” (பழமொழி 30)

“உண்டியுட் காப்புண் டுறுபொருள் காப்புண்டு
கண்ட விழப்பொருள் கல்விக்குக் காப்புண்டு
பெண்டிரைக் காப்ப திலமென்று ஞாலத்துக்
கண்டு மொழிந்தனர் கற்றறிந் தோரே” (வளையாபதி)

“கன்னிக் காவலும் கடியிற் காவலும்
தன்னுறு கணவன் சாவுறிற் காவலும்
நிறையிற் காத்துப் பிறர்பிறர்க் காணாது
கொண்டோ னல்லது தெய்வமும் பேணாப்
பெண்டிர்” (மணி 18:98-102)

“கட்டழ கமைந்த கண்ணாள் நிறையெனும் சிறையைக் கைபோய்” (சீவக 710)

“பூவை கற்பெனும்
இருஞ்சிறை யிறாதெனா விடரும் நீங்கினான்” (கம்ப.சடாயு உயிர் 144)

“தருமமே காத்ததோ சனகன் நல்வினைக்
கருமமே காத்ததோ கற்பின் காவலோ” (கம்ப.காட்சிப் 57)

“வழக்கெனைத்தும் இல்லாத வாள்வாய்க் கிடந்தும்
இழுக்கினைத் தாம்பெறுவ ராயின் - இழுக்கெனைத்தும்
செய்குறாப் பாணி சிறிதேஅச் சின்மொழியார்
கையுறாப் பாணி பெரிது” (நாலடி 362)

எழுத்தாளர் ஜெயமோகன் அவர்கள் கற்பைப் பற்றி “கற்பு என்பது” (சுட்டியைத் தட்டவும்) என்ற கட்டுரையில் விரிவாக எழுதியுள்ளார்

எழுத்தாளர் ஜெயமோகன் (குரு என்னும் உறவு)’இன் கருத்து (சுட்டியை தட்டவும்)
சிறைகாக்கும் காப்பு எவன் செய்யும் மகளிர்
நிறைகாக்கும் காப்பே தலை

என்பதுதான் குறள். சரியாக மேற்கோள்காட்டவும்

XXX
அன்புள்ள XXX,

நன்றி. குறள் மீதிருக்கும் ஆர்வத்துக்கும் மகிழ்ச்சி.

அந்தக்குறளுக்கு ‘என் செய்யும்’ என்றுதான் பொருள். எவன் செய்யும் என்று ‘வ’ எழுவது என்செய்யும் என்று வரும்போது வெண்பா தளை தட்டுவதனால்தான். திருக்குறளின் மூலம் அதற்காக பிற்பாடு பிரதிசெய்தவர்களால் திருத்தியமைக்கப்பட்டிருக்கலாம் என்றே நான் எண்ணுகிறேன். ஏனென்றால் எவன் என்ற சொல்லுக்கு ‘என்ன’ என்ற பொருள் வருவதில்லை. அரும்பத உரைகளில் அதை அப்படியே தாண்டிச் செல்கிறார்கள்.

ஆகவே சொல்லும்போது ‘என் செய்யும்’ என்று சொல்வதே சரியானது. வ என்ற எழுத்து ஒலியின்மை கொள்கிறது என்று சொல்லலாம். என்னைப்பொருத்தவரை இது ஒரு பெரிய சிக்கலாக நான் எடுத்துக்கொள்வதில்லை. திருக்குறளின் இன்றைய பிரதி என்பது பத்தொன்பதாம் நூற்றாண்டில் செம்மை செய்யப்பட்டது. இன்று  அதற்கு ஆதாரமாக அமைந்த மூல ஏடுகள் கிடைப்பதில்லை.

ஒரு கட்டுரையில் எவன் செய்யும் என்று சொல்லி பொருள்குழப்பம் கொடுத்து அதை மீண்டும் விளக்குவதை விட என் செய்யும் என்றே சொல்லிச்செல்லலாம் என்பது என் எண்ணம்.

குறள் போன்ற நூல்கள் மீது எளிமையான வாசிப்புக்கு அப்பால் ஏதும் நிகழாத சூழல் இங்குள்ளது. இம்மாதிரி எழுத்து எண்ணுவதையும் அதை இலக்கண விதியாக எடுத்து அலைவதையும் மதநூல்களுக்கு விட்டுவிடலாமே. திருக்குறளுக்கும் முல்லாக்களும் மீமாம்சகர்களும் கிளம்பினால் நாடு தாங்காது

ஜெ  

காதலர்தினம் விமர்சினையாகக் கொண்டாடப்படட்டும். காதலர்கள் உருவாகட்டும். மனச்சிக்கல்கள் இல்லாமல் அவர்கள் தங்கள் உணர்வுகளை பரிமாறிக்கொள்ளட்டும். மேலான உறவுகள், சமநிலையில் உருவாகும் உறவுகள், உருவாகட்டும். சென்ற கால மனநிலைகளில் இருந்து விடுபட்டு, வரும்காலகட்டத்துக்கான மனநிலைகளை உருவாக்கிக்கொள்ளும் சந்தர்ப்பங்களாக அ¨வை அமைவதாக.

உடனே நம் ஆண்கள் கற்பைப் பற்றிக் கேட்க ஆரம்பித்து விடுவார்கள். உண்மையில் இந்தப் பண்பாட்டுக்கவலைகளின் அடியில் இருப்பதெல்லாம் பெண்கள் கற்போடு இருப்பார்களா என்ற பதற்றம் மட்டும்தான். நம்முடைய பெண்– சகோதரி,மனைவி, மகள்– கற்போடு இருக்கவேண்டுமே என்ற துடிப்பு மட்டும்தான். பெண்ணின் கற்பு அவளுடைய சொந்த விஷயம். அதை பாதுகாக்கும் பொறுப்பை அவளிடமே விட்டுவிடலாம். புது உலகை எதிர்கொள்ள அவளால் முடியும் என்றால் தன் ஒழுக்கத்தைப் பாதுகாக்கவும் அவளால் முடியும்.

இந்த ஆசாமிகளுக்காக வள்ளுவர் சொன்னார்’
 
சிறைகாக்கும் காப்பு என் செய்யும்? மகளிர்
நிறை காக்கும் காப்பே தலை!

தமிழ்ப் பேச்சு எங்கள் மூச்சி நிகழ்ச்சியில் (23-apr-2023, episode-2) வில் சங்கரேஸ்வரி என்கிற பேச்சாளர் தனது பேச்சில் இப்படி சில வரிகளை பேசி இருப்பார்.

படிச்சி முடிச்சதுக்கு அப்புறம் வேலைக்கு போனும் வெளியூர் போனும் அப்படினா, சொந்தகாரங்களான் சேந்து என்ன செய்வாங்கன்னா, பட்டனம் போன புள்ள கெட்டுப் போய்டும்னு எதுகை மோனைல நமக்கு எதிர்ப்பு தெரிவிப்பாங்க. எங்க கெழவி/கிழிவி சொன்னா ஒரு வார்த்தை. வெளியூர் போரீயா, வேலைக்கு போரீயா? போய்ட்டு வா. போய்ட்டு வா. ”ஒன் முந்தி ஒன் கையில”. அவள் சொன்ன ”உன் முந்தி உன் கையில” கொடுத்த தைரியத்தையும் பொறுப்பையும் எது ஒன்றாலும் தந்துவிட முடியாது என்பது தான் உண்மை. 

பரிமேலழகர் உரை
மகளிர் சிறை காக்கும் காப்பு எவன் செய்யும்-மகளிரைத் தலைவர் சிறையால் காக்கும் காவல் என்ன பயனைச் செய்யும்? நிறை காக்கும் காப்பே தலை-அவர் தமது நிறையால் காக்கும் காவலே தலையாய காவல். 

விளக்கம் 
((சிறை: மதிலும், வாயில்காவலும் முதலாயின. நிறை:நெஞ்சைக் கற்பு நெறியில் நிறுத்தல். காவல் இரண்டினும் நிறைக் காவல் இல்வழி ஏனைச் சிறைக்காவலால் பயன் இல்லை என்பார், 'நிறைகாக்கும் காப்பே தலை' என்றார். ஏகாரம் பிரிநிலைக்கண் வந்தது. இதனால் தற்காத்தற் சிறப்புக் கூறப்பட்டது.)

ஞா. தேவநேயப் பாவாணர் உரை
சிறைகாக்குங் காப்பு எவன் செய்யும்-பெண்டிரைக் கணவர் சிறைச்சாலையுள் அடைத்துவைத்தாற்போற் காக்குங் காவல் என்ன பயன்படும் ?; நிறை காக்கும் காப்பே தலை -அப்பெண்டிரே தங்கள் கற்பினால் தங்களைக் காத்துக் கொள்ளுதலே தலையாய காவலாம்.

சிறை காப்பாவது இரவும் பகலும் வீட்டைவிட்டு வெளியேறாமற் காவல் செய்தல். நிறை யென்பது மனத்தைக் கற்புநெறியில் நிறுத்துதல். கற்பில்லாத பெண்ணைக் காவல் செய்தல் அரிது என்பது கருத்து. ஏகாரம் பிரிநிலை.

மு.வரதராசனார் உரை
மகளிரைக் காவல் வைத்துக் காக்கும் காப்பு முறை என்ன பயனை உண்டாக்கும்? அவர்கள் நிறை என்னும் பண்பால் தம்மைத் தான் காக்கும் கற்பே சிறிந்தது.

மணக்குடவர் உரை
மகளிரைச் சிறைசெய்து காக்குங்காவல் யாதினைச் செய்யும்? அவரது கற்புக் காக்குங் காவலே தலையான காவல்.

பொருள்: சிறை காக்கும் காப்பு எவன் செய்யும் ‡ அரணால் காக்கும் காப்பு யாது (பயனைச்) செய்யும்? மகளிர் நிறை காக்கும் காப்பே தலை‡ பெண்கள் (தமது) கற்பால் (தம்மைக்) காக்கும் காப்பே தலையாய காப்பு.

அகலம்: தலையாய காப்பைத் தலை என்றார். தலையாய காப்பு‡ சிறந்த காப்பு. நச்சர் பாடம் ‘கற்பெவன்’, ‘கற்பே தலை’. ‘உண்டியு’என்னும் தொடக் கத்துச் செய்யுளில் ‘பெண்டிரைக் காப்ப திலமென்று, கண்டு மொழிந்தனர் கற்றறிந் தோரே’ என்றார் வளையாபதியார். ‘நிறையான் மிகுகல்லா நேரிழை யாரைச், சிறையா னகப்படுத்த லாகா’ என்றார் பழமொழியார்.

கருத்து: இல்லாளை வீட்டினுள் வைத்துப் பூட்டி அவள் கற்பைக் காக்கலா மென்று நினைத்தல் மடமை.

சாலமன் பாப்பையா உரை
இத்தனை குணங்களும் இருக்கும்படி பெண்ணைச் சிறை வைத்துக் காவல் காப்பதில் பயன் என்ன? பெண்கள் தங்களைத் தாங்களே மன அடக்கத்தால் காக்கும் காவலே முதன்மையானது.

மேலும் (நன்றி: அடைமழை)
நல்லொழுக்க நகை சூடி
கரும்பெட்டியிலே அவளைப் பூட்டி வைத்து
பெரும் சாதனைப் புரிந்துவிட்டதாய் நினைக்கும் கணவனே கேள்!
அவள் ஒழுக்கத்தை அவளாலன்றி வேறு யாராலும் காக்க முடியாது.

English Meaning - As I taught a kid - Rajesh
Will 4 walls of a cell or rules and regulations protect a girl? No. Only a girl can and should protect herself using her conduct as a weapon.

Questions that I ask to the kid
What cannot control or protect a girl? What can protect a girl?

இல்லதென் இல்லாள் மாண்பானால்

குறள் 53
இல்லதென் இல்லாள் மாண்பானால் உள்ளதென் 
இல்லவள் மாணாக் கடை
[அறத்துப்பால், இல்லறவியல், வாழ்க்கைத் துணைநலம்]
(For meaning in English, scroll to the bottom of this post)

பொருள்
இல்லது - பிரகிருதி; இல்லாதது; கிடைக்காதது; இல்பொருள் மனையிலுள்ளது; மனைவியினுடையது.

என் - என்ன; வினாவினைக்குறிப்பு; ஐயக்கிளவி; இகழ்ச்சிக்குறிப்பு; 'எது'அல்லது'எதை'எனப்பொருள்படும்இடைச்சொல்; தன்மைஒருமைச்சொல்; யான்என்பதுவேற்றுமைப்பொருளில்அடையும்திரிபு; ஓர்அசைச்சொல்.

இல்லாள் - மனைவி; மருதமுல்லைநிலங்களின்தலைவியர்; வறுமையுடையவள்

மாண்பு - பெருமை; அழகு; நன்மை; மாட்சிமை

ஆனால் - ஆயின்; ஆகையால்

உள்ளது - உள்பொருள்; உண்மை; மெய்; உண்மைப்பொருள்; ஆன்மா; ஏற்பட்டது, விதிக்கப்பட்டது.

என் - என்ன; வினாவினைக்குறிப்பு; ஐயக்கிளவி; இகழ்ச்சிக்குறிப்பு; 'எது'அல்லது'எதை'எனப்பொருள்படும்இடைச்சொல்; தன்மைஒருமைச்சொல்; யான்என்பதுவேற்றுமைப்பொருளில்அடையும்திரிபு; ஓர்அசைச்சொல்.

இல் - இடம்; வீடு இல்லறம் மனைவி மருதமுல்லைநிலங்களின்தலைவியர்; குடி இராசி தேற்றாங்கொட்டை இன்மை சாவு எதிர்மறைஇடைநிலை; ஐந்தாம்வேற்றுமைஉருபு; ஏழாம்வேற்றுமைஉருபு.

அவள் - பெண்பால்சுட்டுப்பெயர்

இல்லவள் - மனைவி; வறியவள்.

மாணாக்கடை -

முழுப்பொருள்
இல்லத்து அரசியாக விளங்கும் மனைவி, மாண்புடைய பண்புகளை கொண்டவளாக இருக்கும் பொழுது நம்மிடம் இல்லாதது தான் என்ன ?(எல்லாம் உண்டு).

அவ்வாறாக இல்லாமல் அவள்  நடக்கும் பட்சத்தில் , நம்மிடம் உள்ளது தான் என்ன ?(எதுவும் இல்லை)

ஒப்புமை.
குறள் 51, 52

பரிமேலழகர் உரை
இல்லவள் மாண்பு ஆனால் இல்லது என் - ஒருவனுக்கு இல்லாள் நற்குண நற்செய்கையள் ஆயினக்கால் இல்லாதது யாது? இல்லவள் மாணாக்கடை உள்ளது என் - அவள் அன்னள் அல்லாக்கால் உள்ளது யாது? ('மாண்பு' எனக்குணத்தின் பெயர் குணிமேல் நின்றது. இவை இரண்டு பாட்டானும் இல்வாழ்க்கைக்கு வேண்டுவது இல்லாளது மாட்சியே, பிற அல்ல என்பது கூறப்பட்டது.).

பரிமேலழகர் உரை
இல்லவள் மாண்பு ஆனால் இல்லது என் - ஒருவனுக்கு இல்லாள் நற்குண நற்செய்கையள் ஆயினக்கால் இல்லாதது யாது? இல்லவள் மாணாக்கடை உள்ளது என் - அவள் அன்னள் அல்லாக்கால் உள்ளது யாது? ('மாண்பு' எனக்குணத்தின் பெயர் குணிமேல் நின்றது. இவை இரண்டு பாட்டானும் இல்வாழ்க்கைக்கு வேண்டுவது இல்லாளது மாட்சியே, பிற அல்ல என்பது கூறப்பட்டது.).

மணக்குடவர் உரை
ஒருவனுக்கு மனையாள் மாட்சிமையுடையாளானால் எல்லாமிலனேயாயினும் இல்லாதது யாது? மனையாள் மாட்சிமை இல்லாளானால் எல்லாமுடையானாயினும் உண்டானது யாது?.

மு.வரதராசனார் உரை
மனைவி நற்பண்பு உடையவளானால் வாழ்க்கையில் இல்லாதது என்ன? அவள் நற்பண்பு இல்லாதவளானால் வாழ்க்கையில் இருப்பது என்ன?.

சாலமன் பாப்பையா உரை
நல்ல குணமும் நல்ல செயல்களும் உடையவனாய் மனைவி அமைந்துவிட்டால் ஒருவனுக்கு இல்லாததுதான் என்ன? அமையாவிட்டால் அவனிடம் இருப்பதுதான் என்ன?.

பொருள்: இல்லவள் மாண்பானால் இல்லது என் ‡ இல்லாள் நற்குண நற்செய்கைகளை உடையளானால் (அவள் கணவனுக்கு) இல்லாதது யாது? இல்லவள் மாணாக்கடை உள்ளது என் ‡ இல்லாள் தீக்குணம் தீச்செயல் உற்றவிடத்து (அவள் கணவனுக்கு) உள்ளது யாது?
அகலம்: தருமர் பாடம் ‘மாண்பாயின்’. மாண்பு என்னும் குணத்தை இல்லாள் என்னும் குணியின் மேல் ஏற்றி உபசரித்தார்.

கருத்து: இல்லாள் நற்குணம் நற்செய்கை உடையளாயின், கணவன் எல்லாச் செல்வங்களையும் பெறுவன் ; தீக்குணம் தீச் செய்கை உடையளாயின், கணவன் எல்லாச் செல்வங்களையும் இழப்பன்.

Thirukkural - Management- Married Life
A social challenge today is divorce. Information everywhere on divorces has resulted in gamophobia. Gamophobia is fear of marriage. “Gamophobia is from Greek. Gamo means 'marriage’ and phobia means fear. Gamophobia is the fear of getting married, or being in a relationship or commitment” (Source: 
https://simple.wikipedia.org/wiki/ Gamophobia).Garnophobia has gained a lot of prominence today for various reasons. A husband and his wife are not able to get along well with each other. There are so much research and investigations to find out the reasons for marital separation.

Despite thorough assessment of would be brides and bridegrooms before marriage, there are many divorces. Divorce is a social epidemic. This practice has housed seven, magical seven, selected Kurals for a pleasant married life. Valluvar knew that we would complicate our married lives. He has given us sage advice through Kural 53.

With a good wife, what is lacking?
And when she is lacking, what is good?

What is not there for a husband or what is missing in his married life, if his wife is virtuous?  That means a wife with all the positive qualities: passion, patience, politeness, participation, perspective, and positive thoughts. On the contrary, what does a husband have when his wife is not virtuous? What is available to him when his wife lacks passion, patience, politeness, participation, perspective, and positive thoughts?

When we look at married Me only from a husband's point of view, we will miss the other side. The same Kural can be adapted to include husbands also. What is not there for a wife or what is missing in her married life, if her husband is virtuous? That means a husband with all the positive qualities: passion, patience, politeness, participation, perspective,  and positive thoughts. On the contrary, what does she have when her husband is not virtuous? What is there when he lacks passion, patience, politeness, participation, perspective, and positive thoughts?



English Meaning - As I taught a kid - Rajesh
If your virtuous spouse has the qualities suited for family life, what is it that you don't have? 
If your spouse doesn't have, what is it that you have?
A virtuous wife has many qualities such as passion, patience, politeness, participation, perspective, hospitality and positive thoughts etc. that are detailed in other kurals of this chapter.
So, it clearly means, financial assets isn't really considered true asset for a family though it is required for survival in this (capitalistic or materialistic) world. For e.g., A rich and affluent family might have lots of assets, but if the person is not responsible or doing wrong stuffs or earing bad fame, or not doing is dharma/duty, being lazy then it will slowly destroy the family. Whereas in a poor family, if the person has the courage and all the qualities to lead the family and put the family in growth pedestal, then lack of money isn't really problem because it can be earn (also money is transient in nature).

Questions that I ask to the kid
When you have X you have everything? Who is that X and what is it's qualities?