Search This Blog

Disclaimar

This blog is totally for learning purposes. Non-commercial. In many of the posts, many snippets have been taken from various thirukkural blogs, books available online freely only for learning purpose without any intention of plagiarism or to make money. I have given due credit, link wherever possible. If you want your content to be removed, or you want more credit to be provided, please do let me know in the comment section of any of the posts. ஊருணி நீர்நிறைந் தற்றே உலகவாம் பேரறி வாளன் திரு (குறள் 215)
Showing posts with label 05 இயல் - இல்லறவியல். Show all posts
Showing posts with label 05 இயல் - இல்லறவியல். Show all posts

அறன்நோக்கி ஆற்றுங்கொல் வையம் புறன்நோக்கிப்

குறள் 189
அறன்நோக்கி ஆற்றுங்கொல் வையம் புறன்நோக்கிப்
புன்சொல் உரைப்பான் பொறை
[அறத்துப்பால், இல்லறவியல், புறங்கூறாமை]
(For meaning in English, scroll to the bottom of this post)

பொருள்
அறன் - அறம் - தருமம்; புண்ணியம் அறச்சாலை தருமதேவதை யமன் தகுதியானது; சமயம் ஞானம் நோன்பு இதம் இன்பம் தீப்பயன்உண்டாக்கும்சொல்

நோக்கி  - நோக்குதல் - பார்த்தல்; கருதுதல்; கவனித்தல்; திருத்துதல்; பாதுகாத்தல்; அருளுதல்; ஒத்தல்; ஒப்பிட்டுப்பார்த்தல்; படித்தல்; விரும்புதல்; கண்காணித்தல்

ஆற்றும் - ஆற்றுதல் - வலியடைதல்; கூடியதாதல்; போதியதாதல்; உய்தல் உவமையாதல்; செய்தல் தேடுதல் உதவுதல் நடத்துதல் கூட்டுதல் சுமத்தல் பசிமுதலியனதணித்தல்; துன்பம்முதலியனதணித்தல்; சூடுதணித்தல்; ஈரமுலர்த்துதல்; நூல்முறுக்காற்றுதல்; நீக்குதல்

கொல்  - இரும்பு; உலோகம்; கொலைத்தொழில்; வருத்தம்; கொல்லன்; கொல்லன்தொழில்; கதவில்தைக்கும்இரும்பு; குறுக்குத்தாழ்; ஐயப்பொருள்தரும்ஓர்இடைச்சொல்; ஓர்அசைநிலை.

ஆற்றுங்கொல் – பொறுமையாக இருக்கிறது

வையம் - பூமி; குதிரைஇழுக்கும்வண்டி; தேர்; ஊர்தி; கூடாரவண்டி; சிவிகை; எருது; உரோகிணிநாள்; விளக்கு; யாழ்

புறம் - வெளியிடம்; அன்னியம்; காண்க:புறத்திணை; புறக்கொடை; புறநானூறு; வீரம்; பக்கம்; முதுகு; பின்புறம்; புறங்கூற்று; அலர்மொழி; ஒருசார்பு; இடம்; இறையிலிநிலம்; ஏழனுருபுள்ஒன்று; திசை; காலம்; உடம்பு; மருதநிலத்தூர்; மதில்.

புறன்  - puṟaṉ   புறம்¹. n. 1. See புறம்¹. 2.Slander; பழிச்சொல். கேளாம் புறன் (சி. போ.அவையடக். 9).--adv. Behind one's back;காணாதபோது. புறனழீஇப் பொய்த்து நகை (குறள்,182).- 

நோக்கிப் -  நோக்குதல் - பார்த்தல்; கருதுதல்; கவனித்தல்; திருத்துதல்; பாதுகாத்தல்; அருளுதல்; ஒத்தல்; ஒப்பிட்டுப்பார்த்தல்; படித்தல்; விரும்புதல்; கண்காணித்தல்

புன் - புன்மை - மறதி; இழிவு; அழுக்கு; துன்பம்; சிறுமை; வறுமை; குற்றம்; புகர்நிறம்; பார்வைமழுக்கம்.

புன் - புல் - தாவரவகை; ஒருசார்விலங்குகளின்உணவுவகை; புதர்; கம்பு; புன்செய்த்தவசம்; காண்க:புல்லரிசி; மருந்துச்செடிவகை; பனை; தென்னை; அனுடநாள்; புல்லியது; இழிவு; கபிலநிறம்; புணர்ச்சி; சிவல்; புலி

சொல்  - மொழி; பேச்சு; பழமொழி; உறுதிமொழி; புகழ்; மந்திரம்; சாபம்; கட்டளை; புத்திமதி; பெயர்ச்சொல்; வினைச்சொல்; இடைச்சொல், உரிச்சொல்என்னும்நால்வகைமொழிகள்; தமிழ்மொழியில்உள்ளஇயற்சொல், திரிசொல், திசைச்சொல், வடசொல்எனநால்வகைப்பட்டமொழிகள்; நாடகவரங்கில்பேசப்படும்உட்சொல், புறச்சொல்; ஆகாசச்சொல்என்பன; சத்தம்; நாமகள்; பேசச்செய்வதானகள்; நெல்.

உரைப்பான் - உரை-த்தல் - urai-   v. tr. [K. ore, M. ura.]1. To tell, say, speak; சொல்லுதல் (திவா.) 2.To sound; ஒலித்தல் (திவா.)

பொறை - பாரம், சுமை; கனம்; மலை; சிறுகுன்று; கல்; பூமி; பொறுமை; அடக்கம்; கருப்பம்; வலிமை

முழுப்பொருள்
இந்தப் பூமியிற்கு என்று ஒரு அறம் இருக்கிறது. அவ்வறத்தை கருதியே (கருத்தில் கொண்டே) இவ்வுலகம் பலவற்றை மிகப் பொறுமையாக தாங்கிக்கொள்கிறது. "அகழ்வாரைத் தாங்கும் நிலம்" என்று அதனால் தான் திருவள்ளுவர் முன்னர் கூறியிருந்தார். 

பிறரைப் பற்றிப் புறம் பேசுவது மிகுந்த இழிச்செயல். எல்லாவற்றையும் பொறுக்கும் இவ்வுலகிற்கே புறம் பேசுவோரை பொறுத்தல் மிக கடினமான/கொடுமையான ஒன்று. ஆனால் என்ன செய்வது இவ்வுலகம் தன் அறத்தை பேணுவதற்காக இவர்களையெல்லாம் விட்டுவைத்திருக்கிறது. இல்லையென்றால் இவ்வுலகமே இவர்களை தண்டித்திருக்கும் என்று கூறாமல் கூறுகிறார் திருவள்ளுவர். புறம் அத்தகைய இழிவான செயல். ஆதலால் புறம் பேசாதே.

உபரி கருத்து : இவ்வுலகம் புறம் பேசுவோரையும் மற்ற இழிச்செயல்களை செய்வோரையும் தாங்கிக்கொள்ளவில்லையென்றால் இவ்வுலகத்தில் எத்தனை பேர் எஞ்சுவர்?

மேலும்: அஷோக் உரை

பரிமேலழகர் உரை
புறன் நோக்கிப் புன்சொல் உரைப்பான் பொறை - பிறர் நீங்கின அளவு பார்த்து அவர் பழித்துரையை உரைப்பானது உடற்பாரத்தை; வையம் அறன் நோக்கி ஆற்றுங்கொல் - நிலம் இக் கொடியது பொறுத்தலே எனக்கு அறமாவது எனக் கருதிப் பொறுக்கின்றது போலும்! (எல்லாவற்றையும் பொறுத்தல் இயல்பாயினும், இது பொறுத்தற்கு அரிது என்னும் கருத்தால், 'அறன் நோக்கி ஆற்றுங்கொல்' என்றார்.' இவை ஐந்து பாடடானும் புறம் கூறுவார்க்கு எய்தும் குற்றம் கூறப்பட்டது.).

மணக்குடவர் உரை
பிறனில்லாதவிடம் பார்த்துப் புறஞ்சொற் கூறுவானது உடற்பாரத்தை நிலம் தானே அறத்தை நோக்கிப் பொறுத்ததாம்: அல்லது போக்கும். இது புறங்கூறுவார்க்குத் துணையாவாரில்லை யென்றது.

மு.வரதராசனார் உரை
ஒருவர் நேரில் இல்லாதது கண்டு பழிச்‌சொல் கூறுவோனுடைய உடல் பாரத்தை, இவனையும் சுமப்பதே எனக்கு அறம் என்று கருதி நிலம் சுமக்கின்றதோ?.

சாலமன் பாப்பையா உரை
பிறர் இல்லாதபோது அவரைப் பழிக்கும் இழிசொற்களைப் பேசுபவனின் உடல் பாரத்தை இவனையும் சுமப்பதே என் தருமம் என்றெண்ணி இப்பூமி சுமக்கிறது போலும்!

Thirukkural - Management - Avoiding Backbiting
The earth considers that to bear even a person who practices harmful acts of talking the negatives of others in their absence is its responsibility, Kural 189.

The earth bears a scandalmonger 
Only for the sake of duty.

As the earth fulfills its responsibility, we, with all our education, learning, knowledge, and common sense, need to be more responsible not to give such a chance to the earth.

English Meaning - As I taught a kid - Rajesh
This earth has a principle/rule/duty. Only considering that principle this world is tolerating and living with many injustice stuffs [just like the land bears those archeologists despite they hit the ground with heavy equipment]. Though the world tolerates all these injustice stuffs, yet. for this earth, it is difficult to tolerate backbiting / talking behind the back / gossiping etc. If not those principles, the earth would have punished these people. 

Talking behind back, gossiping are very disgusting and trivial stuffs. Do not do that.

Questions that I ask to the kid
What if earth isn't tolerant?

துன்னியார் குற்றமும் தூற்றும் மரபினார்

குறள் 188
துன்னியார் குற்றமும் தூற்றும் மரபினார்
என்னைகொல் ஏதிலார் மாட்டு
[அறத்துப்பால், இல்லறவியல், புறங்கூறாமை]

பொருள்
துன்னுதல் - பொருந்துதல்; மேவுதல்; அணுகுதல்; செறிதல்; செய்தல்; அடைதல்; ஆராய்தல்; தைத்தல்; உழுதல்.

துன்னியார் - அடுத்தோர்; நண்பர்; tuṉṉiyār   n. துன்னு¹-.Friends, relations, adherents; நண்பர். மன்னர்திருவு மகளி ரெழினலமுந் துன்னியார் துய்ப்பர்(நாலடி, 167).  

குற்றமும் - குற்றம் - பிழை; பழி; துன்பம்; உடற்குறை; தீங்கு; அபராதம்; தீட்டு.

தூற்றும் - தூற்றுதல் - சிதறுதல்; தூசுபோகத்தானியங்களைத்தூவுதல்; புழுதிமுதலியவற்றைஇறைத்தல்; பரப்புதல்; அறிவித்தல்; பழிகூறுதல்; வீண்செலவுசெய்தல்.

மரபினார் - மரபு - முறைமை; சான்றோரின்சொல்வழக்குமுறை; பழைமை; வமிசம்; பாரம்பரியம்; இயல்பு; இலக்கணம்; நல்லொழுக்கம்; பெருமை; பாடு; நியாயம்; வழிபாடு; பருவம்.

என்னை - என்தந்தை; என்தாய்; என்தலைவன்; என்இறைவன்; யாது; என்ன; ஓர்இகழ்ச்சிக்குறிப்பு.

கொல் - இரும்பு; உலோகம்; கொலைத்தொழில்; வருத்தம்; கொல்லன்; கொல்லன்தொழில்; கதவில்தைக்கும்இரும்பு; குறுக்குத்தாழ்; ஐயப்பொருள்தரும்ஓர்இடைச்சொல்; ஓர்அசைநிலை.

என்னைகொல் – என்ன செய்வாரோ

ஏதிலார் - அயலார்; பகைவர்; பரத்தையர்

மாட்டு - அகன்றுகிடப்பினும் அணுகியநிலையில் கிடப்பினும் பொருள் முடியுமாற்றாற்கொண்டு கூட்டிய சொல்முடிவு கொள்ளும்முறை; அடி; சொல்.
māṭṭu   v. defect. used only in the future and negat.; (மாட்டுவேன் மாட்டுவாய் etc.), I can, I shall be able to do it.

மாட்டு - v. noun. A beat, a stroke, as நல்லமாட்டு, good blows. 2. Referring.

முழுப்பொருள்
தன்னுடன் பொருந்திச் செறிந்த நட்பினை உடைய நண்பரின் குற்றங்களைப் பற்றிப் பிழைகளைப் பற்றி அவர் இல்லாத பொழுது புறம் பேசி அவரை அவருடைய பிம்பத்தை சிதறடிக்கும் இயல்புடைவாரென்றால் அவர் அயலாரைப் பற்றி மற்றவரைப் பற்றி என்ன தான் பேசமாட்டார்கள் அல்லது அயலவருக்கு எத்தகைய தீங்கையும் செய்யத்தக்கவர்கள் தானே? 

மேலும்: அஷோக் உரை

பரிமேலழகர் உரை
துன்னியார் குற்றமும் தூற்றும் மரபினார் - தம்மொடு செறிந்தாரது குற்றத்தையும் அவர் புறத்துத் தூற்றும் இயல்பினை உடையார்; ஏதிலார் மாட்டு என்னை கொல் - அயலார் மாட்டுச் செய்வது யாது கொல்லோ? ('தூற்றுதல்' பலரும் அறியப் பரப்புதல். அதனின் கொடியது பிறிதொன்று காணாமையின், 'என்னைகொல்' என்றார். 'செய்வது என்பது சொல்லெச்சம்'. 'என்னர் கொல்' என்று பாடம் ஓதி, 'எவ்வியல்பினராவர்' என்று உரைப்பாரும் உளர்.).

மணக்குடவர் உரை
தம்மோடு செறிந்தார் குற்றத்தையும் பிறர்க்கு உரைக்கின்ற சேதியை யுடையார் செறிவில்லாதார்மாட்டு யாங்ஙனஞ் செய்வாரோ? இது யாவரோடும் பற்றிலரென்றது.

மு.வரதராசனார் உரை
நெருங்கிப் பழகியவரின் குற்றத்தையும் புறங்கூறித் தூற்றும் இயல்புடையவர், பழகாத அயலாரிடத்து என்ன செய்வாரோ?.

சாலமன் பாப்பையா உரை
தன்னோடு நெருக்கமானவர்களின் குற்றத்தையும் அவர் இல்லாத நேரம் பேசும் இயல்புடையவர்கள், அயலார் காரியத்தில் என்னதான் பேசமாட்டார்கள்!.

பகச்சொல்லிக் கேளிர்ப் பிரிப்பர் நகச்சொல்லி

குறள் 187
பகச்சொல்லிக் கேளிர்ப் பிரிப்பர் நகச்சொல்லி
நட்பாடல் தேற்றா தவர்
[அறத்துப்பால், இல்லறவியல், புறங்கூறாமை]

பொருள்
பகு - paku   II. v. i. part, divide, பிரி; 2. ramify, கிளை; பகாப்பதம், a primitive, indivisible word; பகுபதம், a compound word.

பகுத்தல் - பங்கிடுதல்; வகைப்படுத்தல்; தெளிவாய்க்கூறுதல்; கொடுத்தல்; வெட்டுதல்; பிடுங்குதல்; கோதுநீக்குதல்.

பகை - எதிர்ப்பு; பகைவன்; மாறுபாடு; வெறுப்பு; தீங்கு; காண்க:பகைநரம்பு; வேற்றரசருடன்பகைகொள்ளுகை; கோளின்பகைவீடு; காமகுரோதம்முதலியஉட்பகை

சொல்லுதல் - பேசுதல்; அறிவித்தல்; திருப்பிக்கூறுதல்; கட்டளையிடுதல்; புத்திகூறல்; புகழ்தல்; களைதல்.

பகச் சொல்லிக்  -  பிறரைப் பிரிக்கும்படியாக அல்லது பிறர் தம்மை பிரிந்து செல்லும்படி புறம் பேசி; மாறுபாடாக பேசி ; 

கேளிர்ப் - தோழர்; உறவினர்.

பிரிப்பர் - பிரித்தல் - பிரியச்செய்தல்; முறுக்கவிழ்தல்; பகுத்தல்; வகுத்தல்; கட்டவிழ்தல்; பங்கிடுதல்.

நகச் - நகுதல்- சிரித்தல்; மகிழ்தல்; மலர்தல்; கட்டவிழ்தல்; ஒளிவிடுதல்; புள்ளிசைத்தல்; அவமதித்தல்; தாழ்த்துதல்.

சொல்லி - பேசுதல்; அறிவித்தல்; திருப்பிக்கூறுதல்; கட்டளையிடுதல்; புத்திகூறல்; புகழ்தல்; களைதல்.

நட்பு  - சிநேகம்; உறவு; சுற்றம்; நண்பன்; யாழின்நாலாம்நரம்பு; காதல்; அரசாங்கம்ஆறனுள்ஒன்றாகியநட்பரசர்; கையூட்டு; மாற்றரசரோடுநட்புச்செய்கை.

ஆடல் - அசைகை; கூத்து துன்பம் செய்கை ஆளுகை விளையாட்டு புணர்ச்சி சொல்லுகை; நீராடல் போர் வெற்றி

தேற்று - தெளிவு; தெளிவிக்கை; தேற்றாமரம்.

தேற்றாதவர் - தெளிவு இல்லாதவர் 

முழுப்பொருள்
தன்னுடைய நண்பரைப் பற்றி புறம் பேசி அந்நண்பரை அந்நண்பரின் நண்பரிடம் இருந்து பிரிப்பார் என்றால் அவர் எத்தகைய நபர்? நட்பென்பது உளமார சிரித்து மகிழ்ந்து பேசி உறவாடி உறவை வளர்ப்பது என்ற தெளிவை //அறிவை உணராதவர்கள். 

நட்பென்பது கூடிப்பேசி சிரித்து மகிழ்ந்து உறவை வளர்ப்பது. அதனை அறியாதவரே புறம் பேசி நட்பைப் பிரிப்பார்கள். 

உளமார சிரித்து மகிழ்ந்து பேசிய ஒரு நண்பனை பற்றியே புறம் பேசி மற்றவரிடம் பிரித்தார் என்றால் மற்ற நண்பர்களை பற்றியும் புதிதாக நட்புக்கொள்பவர்களைப் பற்றியும் புறம் பேச மாட்டார் என்பதற்கு எவ்வித உத்திரவாதமும் இல்லை. சொல்லப்போனால் புறமே பேசுவார். ஆதலால் அத்தகையவரிடம் நட்புக்கொள்ளாதே. 

மேலும்: அஷோக் உரை

ஒப்புமை
”..........................மன்னரை
நயனாடி நட்பாக்கும் வினைவர்போல்” (கலி 46:7-8)


பரிமேலழகர் உரை
பகச் சொல்லிக் கேளிர்ப் பிரிப்பர் - தம்மை விட்டு நீங்கும் ஆற்றால் புறங்கூறித் தம் கேளிரையும் பிரியப் பண்ணுவர்; நகச்சொல்லி நட்பு ஆடல் தேற்றாதவர் - கூடி மகிழுமாறு இனிய சொற்களைச் சொல்லி அயலாரோடு நட்பு ஆடலை அறியாதார். (சிறப்பு உம்மை விகாரத்தால் தொக்கது. கேளிரையும் பிரிப்பவர் என்ற கருத்தான், 'அயலாரோடும்' என்பது வருவித்துரைக்கப்பட்டது. 'அறிதல்' தமக்கு உறுதி என்று அறிதல். "கடியுமிடந் தேற்றாள் சோர்ந்தனன் கை" (கலி. மருதம்.27) என்புழிப் போலத் 'தேற்றாமை' தன்வினையாய் நின்றது. புறம் கூறுவார்க்கு யாவரும் பகையாவர் என்பது கருத்து.).

மணக்குடவர் உரை
நீங்கும்படி சொல்லித் தங் கேளிரானாரைப் பிரிப்பர்: மகிழச் சொல்லி நட்பாடலை உயர்வுபண்ண மாட்டாதார். இது நட்டவரை யிழப்பர் என்றது.

மு.வரதராசனார் உரை
மகிழும்படியாகப் பேசி நட்புக் கொள்ளுதல் நன்மை என்று தெளியாதவர் தம்மை விட்டு நீங்கும்படியாகப் புறம் கூறி நண்பரையும் பிரித்து விடுவர்.

சாலமன் பாப்பையா உரை
கூடி மகிழுமாறு இனியன பேசி நட்பை வளர்க்கத் தெரியாதவர், புறம்பேசி நண்பர்களையும் பிரித்து விடுவர்.

Thirukkural - Management - Avoiding Backbiting
Those who do not know how to mend broken relationships and build long lasting relationships by highlighting the positive qualities of others, will damage the existing relationships by speaking the negative qualities of others. Kural 187 elaborates on this weakness. 

Those who Cannot laugh and matte friends
Can only slander and matte foes?

Backbiting is a major cause for interpersonal conflicts in families, workplaces, and societies. Keep the people who backbite at arms distance for a healthy relationship with everyone.

இறலீனும் எண்ணாது வெஃகின் விறல்ஈனும்

குறள் 180
இறலீனும் எண்ணாது வெஃகின் விறல்ஈனும்
வேண்டாமை என்னுஞ் செருக்கு
[அறத்துப்பால், இல்லறவியல், வெஃகாமை]
(For meaning in English, scroll to the bottom of this post)

பொருள்
இறல் - ஒடிதல்; கெடுதல் இறுதி சிறுதூறு கிளிஞ்சில்

ஈனும் - ஈதல் -கொடுத்தல்; வறியவருக்குத்தருதல்; சொரிதல் படிப்பித்தல்
ஈனும் - இயன்று தரும்-

எண்ணுதல் - எண்ணல், நினைத்தல்; ஆலோசித்தல்; மதித்தல்; தியானித்தல்; முடிவுசெய்தல்; கணக்கிடுதல்; மதிப்பிடுதல்; துய்த்தல்.

எண்ணாது - நினைக்காது 

வெஃகாமை - அவாவின்மை, வெறுப்பு, பிறர் பொருளைக் கவர்ந்துகொள்ள விரும்பாமை; 

வெஃகின் - வெஃகு-தல் - veḵku-   5 v. tr. 1. To desireardently; மிகவிரும்புதல். அருள் வெஃகி (குறள்,176). 2. To covet; பிறர்பொருளை இச்சித்தல்.இலமென்று வெஃகுதல் செய்யார் (குறள், 174).

விறல் - வெற்றி; பெருமை; வலிமை; வீரம்; சிறப்பு; உடல்வேறுபாடு.

ஈனும் - ஈதல் -கொடுத்தல்; வறியவருக்குத்தருதல்; சொரிதல் படிப்பித்தல்
ஈனும் - இயன்று தரும்-

வேண்டுதல் - விரும்புதல்; விரும்பிக்கேட்டல்; விலைக்குவாங்குதல்; இன்றியமையாததாதல்.

வேண்டாமை - வேண்டாது இருத்தல் 

என்னும் - யாவும், எல்லாம்; என்றுசொல்லப்படும்; யாதும்; சிறிதும்

செருக்கு - cerukku   s. pride, vanity, haughtiness, arrogance, self-impartance, அகங்கா ரம்; 2. exultation, excessive joy, களிப்பு; 3. ostentation, இடம்பம்; 4. mettle, intrepidity, rashness, ஆண்மை; 5. infatuation, illusion, மருள், மயக்கம், 6. aspiration, high hope, மனோராச்சியம்.

முழுப்பொருள்
பிறர் பொருள் மீது ஆசைப்பட்டு அதனை கவர முயன்றாலோ அல்லது கவர்ந்தாலோ அதனால் கேடு விளையும். இதைப் பற்றி இவ்வதிகாரத்தின் மற்ற குறள்களில் விரிவாக பார்த்தோம். சுருக்கமாக சொன்னால் தன்நெஞ்சே தன்னைச்சுடும், உறவுகளை இழப்போம், மகிழ்ச்சியை இழப்போம், நிம்மதியை இழப்போம், சுற்றத்தை இழப்போம், பெருமை புகழ் ஆகியவற்றை இழப்போம். 

அதுவே பிறர் பொருள் மீது ஆசைக்கொள்ளாமல் அது எனக்கு வேண்டாம் என்று ஒருவர் சொல்வார் என்றால் அவரே அங்கு அரசன். முடிவு எடுக்கும் நிலையில் அவர் இருக்கிறார். பொருள் முடிவை எடுக்கவில்லை. ஆதலால் அவர் அங்கு வெற்றிபெறுகிறார். இவ்வெற்றி உள்ளார்ந்த ஒரு வெற்றி என்பதால் வெறுமென வெற்றி என்று கூறாமல் விறல் என்ற வார்த்தையை பயன்படுத்துகிறார் திருவள்ளுவர். அவ்வாறு பிறர் பொருள் வேண்டாம் என்று முடிவு எடுக்கும் பக்குவம் ஒருவர்க்கு இருக்கும் எனில் அவருக்கு உள்ளார்ந்த ஒரு செருக்கு உண்டு. அதுவே ஆண்மை. அதுவே விறல் தரும். 

ஆக இக்குறளின் கருத்து தீயவிளைவுகளை எண்ணாது பிறர் பொருள் மீது ஆசைப்பட்டால் நமக்கு கேடு உண்டாகும். அதுவே பிறர் பொருள் வேண்டாம் என்னும் செருக்குடன் (ஆண்மையுடன்) இருந்தால் நமக்கு விறல் (உள்ளார்ந்த வெற்றி, பெருமை, புகழ்) உண்டாகும். 

திருமந்திரப்பாடல் மூன்றாம் தந்திரத்தில் துறவோருக்கான இயமங்களைப் பற்றிக் கூறும் போது, வள்ளுவர் துறவறவியலில் வைத்த அதிகாரக்கருத்துக்களையே பெரும்பாலும் திருமூலரும் வரிசைப்படுத்தியுள்ளதைப் பார்க்கலாம்.
கொல்லான்பொய் கூறான் களவிலான் எள்குணன்
நல்லான் அடக்க முடையான் நடுச்செய்ய
வல்லான் பகுத்துண்பான் மாசிலான் கட்காமம்
இல்லான் நியமத் திடையில்நின் றானே. 


விறல் பற்றி
பெரிய புராணம் - அன்பினால் வணங்கினார்

ஒரு நாள் இறைவன் பக்தன் முன் தோன்றி, "பக்தா, உன் பக்திக்கு மெச்சினோம், உனக்கு என்ன வேண்டுமோ கேள்" என்றான்.

பக்தன்: ஒண்ணும் வேண்டாம் இறைவா 

இறைவன்: என்ன, ஒண்ணும் வேண்டாமா ?

பக்தன்: ஆம், ஒண்ணும் வேண்டாம். 

இறைவன்: உனக்கு எவ்வளவு செல்வம் வேண்டுமானாலும் தருகிறேன்...கேள் 

பக்தன்: தங்கமும், வைர வைடூரிய செல்வங்களும், வீடு கட்டும் ஓடும் ஒண்ணு தான் எனக்கு. அதெல்லாம் வேண்டாம் இறைவா. 

இறைவன்: ஹ்ம்ம்...சரி அதை விடு, உனக்கு சொர்க்கம் வேண்டுமா...தருகிறேன். 

பக்தன்: அதுவும் வேண்டாம்

இறைவன்: ஒண்ணுமே வேண்டாம் என்றால், பின்ன எதற்க்காக என்னை வணங்குகிறாய்?

பக்தன்: ஓ...அதுவா...எனக்கு உன் மேல் அன்பு, காதல்....உன்னை வணங்கனும் போல இருந்தது...மத்தபடி எனக்கு ஒண்ணும் வேண்டாம்....

திருமலைச் சருக்கம் -- திருக்கூட்டச் சிறப்பு
கேடும் ஆக்கமும் கெட்ட திருவினார்
ஓடும் செம் பொனும் ஒக்கவே நோக்குவார்
கூடும் அன்பினில் கும்பிடலே அன்றி
வீடும் வேண்டா விறலின் விளங்கினார்

பொருள்;
கேடு மாக்கமுங் = கேடும் + ஆக்கமும் = நல்லதும், கெட்டதும்
கெட்ட திருவினார் = இல்லாத சிறந்தவர்கள். இன்ப துன்பத்திற்கு அப்பாற்பட்டவர்கள்
ஓடுஞ் = வீடு கட்டும் ஓடும்
செம்பொனும் = செம்மையான பொன்னும் (தங்கம்)
ஒக்கவே நோக்குவார் = ஒன்றாக நினைப்பார்கள்
கூடும் அன்பினில் = மனதில் கூடி வரும் அன்பினால்
கும்பிட லேயன்றி = கும்பிடுவார்களே அன்றி 
வீடும் = வீடு பேறும் (சொர்கமும்)
வேண்டா = வேண்டாத
விறலின் = வெற்றியில், 
விளங்கினார் = இருந்தார்கள்.

வீடுபேறு என்பதை எல்லோரும் விரும்பும் உயர்ந்தபட்ச குறிக்கோளாகும். ஆனால் இறைவன் மீது அன்பு மட்டும் போதும் வீடுபேறு வேண்டாம் என்றென்பது உள்ளார்ந்த வெற்றி. அதனால் அது விறல் எனப்பட்டது. (வீடுபேறு போன்ற) பயன்களில் மேல் பற்றற்ற மெய்யான இறைப்பற்று. 

மேலும்: அஷோக் உரை

பரிமேலழகர் உரை
எண்ணாது வெஃகின் இறல் ஈனும் - பின் விளைவது அறியாது ஒருவன் பிறன் பொருளை வௌவக் கருதின், அக்கருத்து அவனுக்கு இறுதியைப் பயக்கும்; வேண்டாமை என்னும் செருக்கு விறல் ஈனும் - அப்பொருளை வேண்டாமை என்னும் செல்வம் வெற்றியைப் பயக்கும். [பகையும் பாவமும் பெருக்கலின் 'இறல்ஈனும்' என்றும், அப்பொருளை வேண்டி உழல்வோர் யாவரையும் கீழ்ப் படுத்தலின், 'விறல்ஈனும்' என்றும் கூறினார். 'செருக்கு' ஆகு பெயர். இதனான் அவ்விருமையும் ஒருங்கு கூறப்பட்டன..

மணக்குடவர் உரை
விசாரியாதே பிறர் பொருளை விரும்புவானாயின் அது கேட்டைத் தரும். அதனை வேண்டாமையாகிய பெருமிதம் ஆக்கத்தைத்தரும். இஃது உயிர்க்குக் கேடு தருமென்றது.

மு.வரதராசனார் உரை
வி‌ளைவை எண்ணாமல் பிறர் பொருளை விரும்பினால் அஃது அழிவைத் தரும்; அப்பொருளை விரும்பாமல் வாழும் பெருமை வெற்றியைத் தரும்.

சாலமன் பாப்பையா உரை
பின் வி‌ளைவை எண்ணாமல் அடுத்தவர் பொருளை விரும்பிக் கவர்ந்தால், அது நமக்கு அழிவைக் கொடுக்கும்; அதற்கு ஆசைப்படாத செல்வமோ வெற்றியைக் கொடுக்கும்‌.

Thirukkural - Management - Not Being Envious
The desire to earn wealth without thinking of the negative consequences of the wealth earned that way will bring disaster to one who earns, warns Kural 180.

Thoughtless greed leads to ruin,
Sublime content to triumph.

A person succeeds personally and professionally, if he does not covet others' possessions. So let us give up the thought of longing for things that do not belong to us and amassing wealth by unfair means.

English Meaning - As I taught a kid - Rajesh
When one desires on other's wealth and injudiciously coverts it, then it will result in dire consequences such as 1) our conscience killing us, 2) losing relationships, 3) losing happiness, 4) loosing peace 5) loosing our circle of friends/network, 6) fame and glory etc. 

A person who takes pride in not desiring will earn success, exultation, mettle because one who has the freedom to say NO to others wealth without yielding to desires automatically gets the pride. It is an internal victory because the decision was taken by self rather than the other's wealth. Thiruvalluvar particular uses the word விறல்  to highlight internal exultation/happiness.

Questions that I ask to the kid
What yields internal exultation?

அறனறிந்து வெஃகா அறிவுடையார்ச் சேரும்

குறள் 179
அறனறிந்து வெஃகா அறிவுடையார்ச் சேரும்
திறன்அறிந் தாங்கே திரு
[அறத்துப்பால், இல்லறவியல், வெஃகாமை]

பொருள்
அறன் -  அறம் - தருமம்; புண்ணியம் அறச்சாலை தருமதேவதை யமன் தகுதியானது; சமயம் ஞானம் நோன்பு இதம் இன்பம் தீப்பயன்உண்டாக்கும்சொல்

அறிந்து - அறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

வெஃகா - வெஃகாமை - அவாவின்மை; பிறர்பொருளைக்கவர்ந்துகொள்ளவிரும்பாமை; வெறுப்பு.

அறிவு - ஞானம்; புத்தி பொறியுணர்வு; அறியவேண்டியவை; கல்வி ஆன்மா

உடையார்ச்  -உடையார் - செல்வர்; சுவாமி சிலவகுப்பார்களின்பட்டப்பெயர்இலங்கையில்ஒருகிராமஅலுவலர்.

உடையவர்கள் ; uṭaiyār   n. id. Hon. pl. 1.Lord, master; சுவாமி உடையார் . . . திருவிழாவில் (S.I.I. ii, 306). 2. Title of certain castesof cultivators; சிலசாதியாரின் பட்டப்பெயர் 3.A village official in North and East Ceylon;இலங்கையில் ஒரு கிராம உத்தியோகஸ்தன் 4. Pl.The rich, as those who have world's goods;செல்வர். உடையார்மு னில்லார்போல் (குறள், 395).

சேரும் - சேர்தல் - ஒன்றுகூடுதல்; இடைவிடாதுநினைத்தல்; கலத்தல்; சம்பந்தப்படுதல்; நட்பாதல்; இயைதல்; உரித்தாதல்; சேகரிக்கப்படுதல்; திரளுதல்; செறிதல்; கிடத்தல்; உளதாதல்; செல்லுதல்; கூடுதல்; பொருந்துதல்; புணர்தல்; பெறுதல்; சென்றடைதல்; ஒப்பாதல்; நேசித்தல்.

திறன்திறம் - கூறுபாடு;  வகை; சார்பு; மிகுதி; கூட்டம்; நிலைபெறுதல்; வலிமை; திறமை; மேன்மை; கற்பு; நேர்மைமருத்துவத்தொழில்; வழி; வரலாறு; குலம்; ஒழுக்கம்; கூட்டம்; ஆடு80, பசு80, எருமை80கூடினகூற்றம்; கோட்பாடு; விரகு; உபாயம்; ஐந்துசுரமுள்ளஇசை; பாதி; உடம்பு; வேடம்; இயல்பு; செய்தி; காரணம்; பேறு.

அறிந்துஅறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

ஆங்கே - ஆங்கு - அவ்விடம்; அக்காலத்தில்; அப்படி ஓர்உவமஉருபு; ஏழன்உருபு; ஓர்அசைநிலை.

திரு - திருமகள்; செல்வம்; சிறப்பு; அழகு; பொலிவு; நல்வினை; தெய்வத்தன்மை; பாக்கியம்; மாங்கலியம்; பழங்காலத்தலையணிவகை; சோதிடங்கூறுவோன்; மகளிர்கொங்கைமேல்தோன்றும்வீற்றுத்தெய்வம்


முழுப்பொருள்
பிறர் பொருளை விரும்புவது அதனை கவர்வது தீச்செயலாகும். அது அறம் அல்லாதது. ஆதலால் பிறர் பொருளை விரும்பாது இருப்பதே அறம். அவ்வறத்தை அறிந்து உணர்ந்து பிறர் பொருள்களை விரும்பாத அறிவுடையோர்களிடம் சென்று சேருவாள் செல்வத்தை தரும் திருமகள் மஹாலக்ஷ்மி. எப்படி சேர்வாள்? வெஃகாதவர்களின் இயல்பறிந்து அவர்களுடன் சேர தக்க காலத்தை(/வழியை) நோக்கி காத்திருந்து சேருவாள். 

உனக்கு செல்வம் வேண்டுமா? உன்னிடம் இருக்கும் செல்வம் குறையாது இருக்க வேண்டுமா? நீ ஒன்றும் செய்ய வேண்டாம். பிறர் பொருள் மீது ஆசைப்படாத. செல்வம் தக்க காலத்திற்காக காத்திருந்து தானாய் வந்து சேரும். 

ஏன் தக்க காலத்திற்காக செல்வம் காத்திருக்கிறது? ஏனெனில் நம்முடைய உழைப்பும் வேண்டும் அல்லவா. சும்மா சோம்பி உட்காந்திருந்தால் செல்வம் ஏது? உழைப்பில்லாமல் பயன் ஏது? பயனின் ரூபத்தில் செல்வம் வந்து சேரும். ஆதலால் அதற்கு நாமும் வாய்ப்பு கொடுக்க வேண்டும். அதாவது உழைக்க வேண்டும்.

பிறர்பொருள் கவருதல் என்பது அழுக்காறு (பொறாமை), மற்றும் பேராசை இவற்றினாலே நிகழ்வது. பேராசையும், பொறாமையும் ஒன்றுக்கொன்று தொடர்புடைய தீக்குணங்கள். ஒன்று மற்றொன்றை வளர்க்கும். அழுக்காறு அதிகாரத்தின் இரு குறள்கள் வழியாக இக்குணங்கள் உடையவரிடம் திருமகள் உறையாள் என்று சொல்லியிருப்பார் வள்ளுவர். நினைவு படுத்திக்கொள்ளுவோம்.

அவ்வித்து அழுக்காறு உடையானைச் செய்யவள்
தவ்வையைக் காட்டி விடும்.’ (அழுக்காறாமை- குறள் எண்- 167)

அழுக்காறு எனஒரு பாவி திருச்செற்றுத்
தீயுழி உய்த்து விடும்.(அழுக்காறாமை- குறள் எண்- 168)

மேலும்: அஷோக் உரை

பரிமேலழகர் உரை
அறன் அறிந்து வெஃகா அறிவுடையார் - இஃது அறன் என்று அறிந்து பிறர் பொருளை விரும்பாத அறிவுடையாரை; திரு திறன் அறிந்து ஆங்கே சேரும் - திருமகள் தான் அடைதற்கு ஆம் கூற்றினை அறிந்து அக் கூற்றானே சென்று அடையும். (அடைதற்கு ஆம் கூறு: காலமும், இடனும், செவ்வியும் முதலாயின. இவை இரண்டு பாட்டானும் வெஃகாமையின் குணம் கூறப்பட்டது.).

மணக்குடவர் உரை
அறத்தை யறிந்து பிறர் பொருளை விரும்பாத அறிவுடையாரைத் திருமகள் தானே தகுதியறிந்து அப்போதே சேரும், அறனறிதல்- விரும்பாமை யென்றறிதல். இது செல்வமுண்டாமென்றது.

மு.வரதராசனார் உரை
அறம் இஃது என்று அறிந்து பிறர் பொருளை விரும்பாத அறிவுடையாரைத் திருமகள் தான் சேரும் திறன் அறிந்து அதற்கு ஏற்றவாறு சேர்வாள்.

சாலமன் பாப்பையா உரை
பிறர் பொருளுக்கு ஆசைப்படாதிருப்பதே அறம் என்னும் அறிவுடையோரின் பெருமையை அறிந்து, திருமகள் தானே அவரிடம் போய் இருப்பாள்

வேண்டற்க வெஃகியாம் ஆக்கம் விளைவயின்

குறள் 177
வேண்டற்க வெஃகியாம் ஆக்கம் விளைவயின்
மாண்டற் கரிதாம் பயன்
[அறத்துப்பால், இல்லறவியல், வெஃகாமை]

பொருள்
வேண்டுதல் விரும்புதல்; விரும்பிக்கேட்டல்; விலைக்குவாங்குதல்; இன்றியமையாததாதல்.

வேண்டற்க -  வேண்டாது இருக்க ,விரும்பாது இருக்க

வெஃகி - வெஃகு -  வெஃகல் - மிகுவிருப்பம்; பேராசை

வெஃகாமை - அவாவின்மை, வெறுப்பு, பிறர் பொருளைக் கவர்ந்துகொள்ள விரும்பாமை; 

ஆம் - நீர்; ஈரம் வீடு மாமரம் அழகு சம்மதங்காட்டும்சொல்; கேள்விப்பட்டதைக்குறிக்கும்சொல்; இகழ்ச்சிக்குறிப்பு; அனுமதி, தகுதி, ஊக்கம்குறிக்கும்சொல்; ஆவது ஆகிய சாரியை அசைநிலை தன்மைப்பன்மைவிகுதி; உளப்பாட்டுத்தன்மைப்பன்மைவிகுதி.

ஆக்கம் - அமைத்துக்கொள்ளுகை; கைகூடுகை; உண்டுபண்ணுகை; படைப்பு; ஈட்டம்; விளைவிக்க கூடியது செயல்

விளைவயின் - விளைவு - நிகழ்ச்சி; விளைகை; முதுமை; விளைபொருள்; பழம்; பயன்; கைகூடுகை; ஆக்கம்; விளையுமிடம்; வயல்; மேகம்; நாடகச்சந்திஐந்தனுள்ஒன்று.

மாண்டற்கு - மாண்(ணு)-தல் - māṇ-   7 v. intr. 1. Tobecome excellent, glorious; மாட்சிமைப்படுதல்.மாண்டார் வினைத்திட்பம் (குறள், 665). 2. To begood, worthy; நன்றாதல். மாண்டற் கரிதாம் பயன்(குறள், 177). 3. To be full, abundant; நிறைதல்.மாணாப் பிறப்பு (குறள், 1002). 4. To be great; மிகுதல். மாணப் பெரிது (குறள், 124).

மாண்டல் - மாட்சிமைப்படுதல்; இறத்தல்.

அரிது - அரியது, அருமை; பசுமை; அரியதன்மை; பெருமை கடினம் எளிதிற்கிட்டாமை; சிறுமை இன்மை

ஆம் - நீர்; ஈரம் வீடு மாமரம் அழகு சம்மதங்காட்டும்சொல்; கேள்விப்பட்டதைக்குறிக்கும்சொல்; இகழ்ச்சிக்குறிப்பு; அனுமதி, தகுதி, ஊக்கம்குறிக்கும்சொல்; ஆவது ஆகிய சாரியை அசைநிலை தன்மைப்பன்மைவிகுதி; உளப்பாட்டுத்தன்மைப்பன்மைவிகுதி.

பயன் - பலன்; வினைப்பயன்; சொற்பொருள்; செல்வம்; பழம்; அகலம்; சாறு; பால்; வாவி; அமுதம்; நீர்.

முழுப்பொருள்
திருவள்ளுவர் கூறுகிறார் பிறர் பொருள் மீது ஆசைப்படாத. ஏன் ? என்று கேட்டால் அதற்கு இப்படி சொல்கிறார். ஏனெனில், நீ பிறர் பொருளை விரும்பி அவருடைய ஆக்கத்தை(செல்வத்தை) அபகரித்தாய் என்றால் அதன் பயன் மாட்சிமை அற்றது ஆகும். அதாவது அதன் பயனை நீ சுவைக்க முடியாது. அது நீ நினைத்த சுவையாக இருக்காது.  நீ நினைத்த மகிழ்ச்சியை தராது. 

முதலாவதாக தன்நெஞ்சே தன்னை சுடும். நீயே நீ செய்த காரியத்தை நினைத்து ஒருநாள் அல்ல ஒருநாள் மனம் வருந்துவாய். இரண்டாவதாக நீ யாரிடம் அபகரித்தாயோ அவருடன் உறவை இழப்பாய். உறவை இழப்பது செல்வத்தை போல் ஆகும். மகிழ்ச்சியை இழப்பாய். மூன்றாவதாக நீ பிறர் பொருள் மீது ஆசைப்படுவன் என்று அறிந்து உன்னிடம் யாரும் நெருங்க மாட்டார்கள். நான்காவதாக இவ்வுலகம் உன்னை ஏசும். தாழ்த்திப்பேசும். உன் சுற்றமே உன்னை மதிக்காது. 

நிலையில்லாத பொருளை தவறாக கவர்ந்ததற்காக உன் பெயரையும் புகழையும் இழப்பாய். ஆதலால் வெஃகி கவர்வதால் நீ அடைவதைவிட இழப்பதே அதிகம் என்று ஒருநாள் நீ உணர்வாய். ஆதலால் அதை இப்பொழுது நினைத்து பிறர் பொருள் மீது வெஃகாதே(ஆசைப்படாதே).

மேலும்: அஷோக் உரை

பரிமேலழகர் உரை
வெஃகி ஆம் ஆக்கம் வேண்டற்க - பிறர் பொருளை அவாவிக்கொண்டு அதனால் ஆகின்ற ஆக்கத்தை விரும்பாது ஒழிக; விளைவயின் பயன் மாண்டதற்கு அரிது ஆம் - பின் அனுபவிக்குங்கால் அவ்வாக்கத்தின் பயன் நன்றாதல் இல்லை ஆகலான். ('விளை' என்பது முதல்நிலைத் தொழிற்பெயர். இவை ஏழு பாட்டானும் வெஃகுதலின் குற்றம் கூறப்பட்டது).

மணக்குடவர் உரை
பிறர்பொருளை விரும்பிப் பெறுகின்ற ஆக்கத்தை வேண்டாதொழிக; அது பயன்படுங் காலத்தில் ஆகும் பயன் நன்றாதலில்லையாதலான்.

மு.வரதராசனார் உரை
பிறர் பொருளைக் கவர விரும்புவதால் ஆகும் ஆக்கத்தை விரும்பாதிருக்க வேண்டும்; அது பயன் விளைவிக்கும்போது அப்பயன் நன்மையாவது அரிதாகும்.

சாலமன் பாப்பையா உரை
பிறர் பொருளை அவர் விரும்பாதிருக்க, நாம் விரும்பிப் பெற்று அனுபவிக்கும்போது அதன் பயன் நல்லதாக இல்லை என்று அறிவதால், பிறர் பொருளைக் கவர்வதற்கு விரும்ப வேண்டா.

Thirukkural - Management - Not Being Envious
Valluvar strongly advises us through Kural 177 to avoid earning wealth by means of greed. Wealth earned by exploiting others is not your wealth. Moreover, that sort of 
wealth will never bring any good things to your life. 

Avoid wealth through greed: 
Out of it comes no good.

We cannot be proud of the wealth earned through improper ways and claim ownership of that wealth. Wealth earned through improper way does more harm and does not do any good to us.

அழுக்கற்று அகன்றாரும் இல்லை அஃதுஇல்லார்

குறள் 170
அழுக்கற்று அகன்றாரும் இல்லை அஃதுஇல்லார்
பெருக்கத்தில் தீர்ந்தாரும் இல்
[அறத்துப்பால், இல்லறவியல், அழுக்காறாமை]
(For meaning in English, scroll to the bottom of this post)

பொருள்
அழுக்கு மாசு; மனமாசு பொறாமை ஆணவமுதலியபாசம்; வெளுத்தற்குரியமாசுபடிந்தஆடை; மலசலாதிகள்; பிள்ளைப்பேற்றின்பின்வடியும்ஊனீர்; ஆமைவகை.

அற்று அத்தன்மையது; அதுபோன்றது; ஓர்உவமஉருபு; ஒருசாரியை

அகன்றாரும் - அகன்று - அகலுதல் - நீங்குதல், பிரிதல் கடத்தல் விரிதல்

இல்லை - உண்டுஎன்பதன்எதிர்மறை; இன்மைப்பொருளைஉணர்த்திஐம்பால்மூவிடத்திலும்வரும்ஒருகுறிப்புவினைமுற்று; சாதலைஉணர்த்திஐம்பால்மூவிடத்திலும்வரும்ஒருகுறிப்புவினைமுற்று.

அஃது  - aḵtu   pron. அ That. used beforewords commencing with a vowel, as in அஃதாவது; அது (தொல். எழுத். 423, உரை ) ; அஃறிணைஒருமைச்சுட்டு; அது அப்படி

இல்லார் - இல்லாதவர்

பெருக்கத்தின் - பெருக்கம் - வளர்ச்சி; மிகுதி; செல்வம்; வெள்ளம்; நிறைவு; நீடிப்பு.

தீர்ந்தாரும்  - தீர்த்தல் - விடுதல்; முடித்தல்; போக்குதல்; அழித்தல்; கொல்லுதல்; தீர்ப்புச்செய்தல்; நன்றாகப்புடைத்தல்; கடன்முதலியனஒழித்தல்; மனைவியைவிலக்குதல்.

இல் - இடம்; வீடு இல்லறம் மனைவி மருதமுல்லைநிலங்களின்தலைவியர்; குடி இராசி தேற்றாங்கொட்டை இன்மை சாவு எதிர்மறைஇடைநிலை; ஐந்தாம்வேற்றுமைஉருபு; ஏழாம்வேற்றுமைஉருபு.

முழுப்பொருள்
பொறாமை இருந்தும் உயர்ந்தாரும் இல்லை அதுப்போல பொறாமை இன்றி இருந்தும் தாழ்ந்தோரும் இல்லை என்று கூறுகிறார் திருவள்ளுவர்.

பொறாமை இருப்பவர்கள் வாழ்வது போல் தோன்றினாலும், எல்லோர் வாயிலும் வீழ்ந்து எழுவார்களே அல்லாது, அவர்கள் சமூகத்தில் ஒரு உயர்ந்த அளவில் வைக்க சமூகத்தினர் ஒப்பார்.  அதேபோல, பொறாமை என்னும் தீக்குணம் அற்றவர்கள் செல்வங்கள் இல்லாது வரியராய் தாழ்நிலையிலேயே இருப்பர் என்றும் கூறமுடியாது. 

கம்பராமாயண ஆரணியகாண்டத்தில், சூர்பனகை சூழ்ச்சிப்படலத்தில், இராவணன் சந்திரனைப்பார்த்து கூறுவதாக உள்ளபாடலில், “மாற்றார் செல்வம் கண்டு அழிந்தால், வெற்றி ஆகவற்று ஆமோ?" என்கிறார் கம்பர். பிறர் வளம் கண்டு இங்ஙனம் சிதைவுற்றால் வென்று உயர்தல் இயலுவதாகுமோ? என்பதால் அழுக்காறு உடையவர்களுக்கு ஆக்கமில்லை என்பதை உறுதிப்படுத்துகிறான்.

பொறாமை குணத்தோர் வாழ்வது போல் தோன்றினாலும் வீழ்ந்தாரே, அக்குணம் அற்றவர் வீழ்ந்தது போல தோன்றினாலும் வாழ்வாரே என்பதே இக்குறளின் சுருக்கக் கருத்து.

மேலும்: அஷோக் உரை 

ஒப்புமை
”மாற்றார்செல்வம் கண்டழிந்தால் வெற்றியாக வற்றாமோ” (கம்ப.மாரீச.115)

பரிமேலழகர் உரை
அழுக்கற்று அகன்றாரும் இல்லை - அழுக்காற்றைச் செய்து பெரியராயினாரும் இல்லை; அஃது இல்லார் பெருக்கத்தின் தீர்ந்தாரும் இல் - அச் செயல் இலாதார் பெருக்கத்தின் நீங்கினாரும் இல்லை. (இவை இரண்டு பாட்டானும் கேடும் ஆக்கமும் வருவதற்கு ஏது ஒருங்கு கூறப்பட்டது).

மணக்குடவர் உரை
அழுக்காற்றைச் செய்து பெரியராயினாரும் இல்லை: அச்செயலிலாதார் பெருக்கத்தி னீங்கினாரு மில்லை.

மு.வரதராசனார் உரை
பொறாமைப்பட்டுப் பெருமையுற்றவரும் உலகத்தில் இல்லை; பொறாமை இல்லாதவராய் மேம்பாட்டிலிருந்து நீங்கியவரும் இல்லை.

சாலமன் பாப்பையா உரை
பொறாமை கொண்டு உயர்ந்தவரும் இல்லை. அது இல்லாதபோது தாழ்ந்தவரும் இல்லை.

Thirukkural - Management - Not Being Envious
A person who is envious of others cannot become an acceptable person. According to Valluvar, no person who is envious of others has succeeded and there is no person who is not envious of others has failed, as in Kural 170.

None has gained through envy, 
Nor the unenvious ever lost.

Your becoming acceptable to others depends on your not being envious. Envy and nobility are incompatible. They do not go hand in glove. If we gain envy, we will lose many noble things in our life. If we lose envy, we will gain many noble things in our life.


English Meaning - As I taught a kid - Rajesh
An envious person does not attain glory and is not considered an acceptable person. There is no (noble) person who has no envy who has fallen from glory. 

Questions that I ask to the kid
Can a jealous person attain glory? 

அவ்வித்து அழுக்காறு உடையானைச் செய்யவள்

குறள் 167
அவ்வித்து அழுக்காறு உடையானைச் செய்யவள்
தவ்வையைக் காட்டி விடும்
[அறத்துப்பால், இல்லறவியல், அழுக்காறாமை]

பொருள்
அவ்வித்து - அவ்வி-த்தல் - avvi-   11 v. intr. 1. To become intolerant, impatient; பொறுமையொழிதல்.அவ்வித் தழுக்கா றுடையானை (குறள், 167). 2. To pervert the mind; மனத்தைக் கோணச்செய்தல். (குறள்,167, உரை )  

அழுக்காறு - பிறர்ஆக்கம்பொறாமை; மனத்தழுக்கு

உடையானைச் - உடையவர், செல்வம் கொண்டவர்கள்

செய்யவள் - செய்யாள் - செந்நிறமுடையதிருமகள்; தாயின்தங்கையானசிறியதாயார்.

தவ்வையைக் - தவ்வை - தாய்; தமக்கை; மூதேவி.

காட்டி - காட்டுதல் - காண்பித்தல்; அறிவித்தல்; மெய்ப்பித்தல்; நினைப்பூட்டுதல்; படையல்; உண்டாக்குதல்; அறிமுகஞ்செய்தல்; வெளிப்படுத்துதல்.

விடும் - விடுதல் - நீங்குதல்; நீக்குதல்; விலக்குதல்; பிரித்தல்; கைவிடுதல்; போகவிடுதல்; அனுப்புதல்; பந்தம்விடுதல்; நிறுத்துதல்; ஒழித்துவிடுதல்; முடித்தல்; வெளிவிடுதல்; செலுத்துதல்; எறிதல்; சொரிதல்; கொடுத்தல்; சொல்லுதல்; வெளிப்படக்கூறுதல்; விவரமாகக்கூறுதல்; இசைவளித்தல்; காட்டித்தருதல்; வெளிப்படுத்துதல்; பிரிதல்; புதிர்விள்ளுதல்; கட்டுஅவிழ்தல்; மலர்தல்; உண்டாக்குதல்; மிகுதல்; தங்குதல்; தவிர்தல்; பிளந்திருத்தல்; பலம்குறைதல்; அறுபடுதல்; விலகுதல்; துணைவினை; விடுதலை.

முழுப்பொருள்
பிறருடைய செல்வம் புகழ் மகிழ்ச்சி நிம்மதி ஆகியவற்றை கண்டு சற்றும் பொறுக்கமுடியாமல் ஒருவர் பொறாமை படுவார் என்றால் அவருடன் இருக்கும் (செல்வத்தை கொடுக்கும்) திருமகள் அவனை போலவே பொறுமை இழந்து அவனை விட்டு வெளியேறுவாள். வெளியேறுவது மட்டும் இன்றி அவனுக்கு ஏற்றவள் அவளுடைய அக்காள் மூதேவி (தரித்திர நாராயணி) தான் என்று மூதேவியை அவனிடம் விட்டுவிட்டுச் செல்வாள். மூதேவி வந்தால் அவனுடைய செல்வம் எல்லாம் போய் விடும். தரித்திரம் வளரும். மன அமைதி குன்றிவிடும். 

ஏனெனில் திருமகள் அவனுக்கு செல்வத்தை கொடுத்தாள் ஆனால் அவனுக்கோ அது போதவில்லை. அவனுக்கு பிறர் செல்வத்தின் மீது பொறாமை. இவ்வளவுக்கு செல்வம் கொடுத்தாலும் அவனுக்கு போதவில்லை. மனம் நிறைவடையவில்லை. நிம்மதி கொள்ளவில்லை. ஆதலால் அவனுடன் இருப்பதை விட இல்லாமல் இருப்பதே சரி என்று மூட்டையை கட்டிவிடுவாள். அவன் செல்வமும் அழிந்துவிடும். 

ஆதலால் பொறாமை கொள்ளாதே என்று திருவள்ளுவர் கூறுகிறார். 

அப்படியென்றால் வறுமையில் இருப்பவர்கள் பொறாமை கொள்ளலாமா? வீட்டிற்கு வந்தவள் பொறாமையை கண்ட உடனே சற்றும் பொறுக்காமல் அவனைவிட்டு விலகி சென்றுவிட்டாள். அப்படியிருப்பின், வறுமையில் இருப்பவனிடம் பொறாமை இருப்பதை கண்டால் அவள் எப்படி உள்ளே வருவாள். வரவே மாட்டாள்.

மேலும்:
தவ்வை என்ற சொல்லை இளங்கோ, வள்ளுவரைத்தவிர வேறு யாரும் சொல்லாடல் செய்ததாகத் தெரியவில்லை.  தகவலாழியாம் இணயத்தில் தேடியபோது கிடைத்த தகவல்கள். மூதேவி என்பவள் ஸ்ரீதேவிக்கு முன் பார்க்கடலில் தோன்றிய மூத்தோள், முன்னவரை குறிக்கும் “ஜேஷ்டா” என்ற வடமொழிச் சொல்லாலும் குறிப்பிடப்படுபவள். சங்க இலக்கியங்களில் மாமுகடி, காக்கைக் கொடியோள், பழையோள் என்று பதினான்கு விதப்பெயர்கள் உண்டென்று ஆராய்ச்சியாளர் நாராயணமூர்த்தி என்பவர் கூறுகிறார். அவர் பழனி அருகிலுள்ள மானூரில் உள்ள சிவன்கோவில் வெளிச்சுற்றில் இவளுக்கும், இவளது மகன் குளிகன், மகள் மாந்தி இவர்களுக்குச் சிலைகள் உண்டு என்கிறார்.  இதில் காக்கை கொடி இடதுபுறம் திரும்பி இருத்தல், கிரீட மகுடம், மூதேவி மட்டும் பூணூல் அணியாதிருத்தல் ஆகியவை சிறப்பம்சம். மூவரும் சரப்பளி, கண்டிகை, ஆரம் ஆகிய அணிகலன்கள் அணிந்துள்ளனர். திருவள்ளுவர், அவ்வையார் பாடல்களில், சோம்பலின் அம்சமாக கூறப்பட்ட சூழலில் மூதேவி வழிபாடு குறைந்துள்ளது. இவ்வாறு அவர் கூறினார். இளங்கோவடிகளும் தவ்வையை, தமக்கை, மூத்தவள் என்ற பொருளிலேயே கையாண்டிருக்கிறார்.

சமணர்கள் அவ்வை என்ற சொல்லைப் பெண்துறவிகளைக் குறிக்கச் சொல்லுவார்கள். அவ்வையராயினீர் என்று மணிமேகலையில் ஓரிடத்தில் சாத்தன் எழுதுகிறார். துறவிகள் கைகளில் ஓடேந்தி பிச்சை எடுப்பவர்கள் என்பதனால் பிச்சையெடுக்கச் செய்திடுவாள் என்று கொள்ளலாம். ஆனால் பொறாமை ஆண் பெண் இருபாலருக்கும் பொதுவானதாகையால், அதை பிச்சையெடுக்கும் பெண்துறவிகளுக்கு ஒப்பாக கூறியிருக்க முடியாது.

இணையத்தில் பொன். சரவணன் என்கிற தமிழாராய்ச்சியாளர் ஒரு வேறுபட்ட சிந்தனையை முன்வைக்கிறார். தவ்வை என்ற சொல்லுக்குப் பதிலாக கவ்வை என்ற சொல்லை இட்டு, “பேராசையால் காழ்ப்புணர்ச்சி உடையவனை அவனது இல்லாளின் ஆரவார ஒலியே காட்டிக் கொடுத்து விடும்” என்கிறார். செய்யவள் என்பதற்கு மனையாள் என்றம் கவ்வை என்பதற்கு ஆரவார ஒலி (சண்டையில் மிகுந்த குரல்) என்றும் பொருள் கொண்டு விளக்குகிறார். 

வள்ளுவரின் சமயச் சார்பின்மையை நிறுவ இவர் செய்திருக்கும் முயற்சி பாராட்டத்தக்கதே எனினும், பரிமேலழகர் உள்ளிட்ட உரையாசிரியகள் செய்த உரை பொருத்தமாகத்தான் உள்ளது. 

மேலும்: அஷோக் உரை 

பரிமேலழகர் உரை
அழுக்காறு உடையானை - பிறர் ஆக்கம் கண்டவழிப் பொறாமையுடையானை; செய்யவள் அவ்வித்துத் தவ்வையைக் காட்டிவிடும் - திருமகள் தானும் பொறாது, தன் தவ்வைக்குக் காட்டி நீங்கும். (தவ்வை: மூத்தவள். 'தவ்வையைக் காட்டி' என்பது 'அறிவுடை அந்தணன் அவளைக் காட்டென்றானே' (கலி.மருதம். 7) என்பது போல உருபு மயக்கம். 'மனத்தைக் கொடுவித்துஅழுக்காறுடையன் ஆயினானை' என்று உரைப்பாரும் உளர்.).

மணக்குடவர் உரை
அழுக்காறுடையானைத் திருமகள் தானும் அழுக்காறு செய்து, தன் தவ்வையாகிய மூதேவிக்குக் காட்டி இவன்பாற் செல்லென்று போம், இது நல்குரவிற்குக் காரணங் கூறிற்று.

மு.வரதராசனார் உரை
பொறாமை உடையவனைத் திருமகள் கண்டு பொறாமைப்பட்டுத் தன் தமக்கைக்கு அவனைக் காட்டி நீங்கி விடுவாள்.

சாலமன் பாப்பையா உரை
பிறர் உயர்வு கண்டு பொறாமைப்படுபவனைப் பார்க்கும் திருமகள் வெறுப்புக் கொண்டு தன் அக்காள் மூதேவிக்கு அவனை அடையாளம் காட்டிவிட்டு விலகிப் போய்விடுவாள்.

கொடுப்பது அழுக்கறுப்பான் சுற்றம் உடுப்பதூஉம்

குறள் 166
கொடுப்பது அழுக்கறுப்பான் சுற்றம் உடுப்பதூஉம்
உண்பதூஉம் இன்றிக் கெடும்
[அறத்துப்பால், இல்லறவியல், அழுக்காறாமை]

பொருள்
கொடுப்பது - ஈதல்; பெற்றெடுத்தல்; பங்காடுதல்; விற்றல்; உடன்படுதல்; சாகக்கொடுத்தல்; திட்டுதல்; அடித்தல்; ஒருதுணைவினை

அழுக்கு - மாசு; மனமாசு பொறாமை ஆணவமுதலியபாசம்; வெளுத்தற்குரியமாசுபடிந்தஆடை; மலசலாதிகள்; பிள்ளைப்பேற்றின்பின்வடியும்ஊனீர்; ஆமைவகை.

அறுப்பான் - அறுத்தல் - அரிதல், ஊடறுத்தல், செங்கல்அறுத்தல், தாலியறுத்தல், இடைவிடுதல் பங்கிட்டுக்கொடுத்தல்; முடிவுசெய்தல்; வளைதோண்டல்; வருத்துதல் நீக்குதல் இல்லாமற்செய்தல்; வெல்லுதல் செரித்தல்

சுற்றம் - உறவினரர்; பரிவாரம்; அரசர்க்குரியதுணையில்ஒன்று; கூட்டம்; ஆயத்தார்.

உடுப்பதூஉம் -  உடு-த்தல் - uṭu-   11 v. tr. [K. M. uḍu.] 1.To put on, as clothes; ஆடைமுதலியன தரித்தல் பட்டுந்துகிலு முடுத்து (நாலடி, 264). 2. To surround,encircle; சூழ்தல் அருங்குறும்புடுத்த கானப்பேரெயில்(புறநா. 21).  

உண்பதூஉம்  - உண்ணுதல் -  உணவுஉட்கொள்ளுதல்; பொருந்துதல் நுகருதல்; அனுபவித்தல் இசைவாதல்.

இன்றிக் - இல்லாமல்.

கெடும் - கெடும்; கேடும் விளைவிக்கும்
கேடு - தீயவை, அழிவு; இழப்பு; வறுமை; தீமை; கெடுதல்; வேறுபாடு; அழகின்மை

முழுப்பொருள்
பிறர் இன்னொருத்தருக்கு கொடுப்பதை கண்டு பொறாமை பட்டு அதனை தடுப்பான் என்றால் அவன் மட்டும் அல்ல அவனுடைய சுற்றத்திற்கு உடுத்த ஆடையும் உண்ண உணவும் இன்றி கெட்டுப்போகும் அவனுடைய குடும்பத்தின் வாழ்வு. 

பொறாமைப்படுவது மிகக் கீழான குணமாகும். பிறர்க்கு உதவி செய்வதை தடுப்பது மாபெரும் குற்றம் என்பதை வலியுறுத்தவே பொறாமைப்படுபவன் மட்டும் அல்ல அவன் சுற்றமும் சேர்ந்து கெட்டுப்போகும் என்று கூறுகிறார் திருவள்ளுவர். 

கம்ப இராமாயணத்தில் வேள்விப்படலத்தில் (33), இராமனுக்கு மகாபலியின் கதையைச் சொல்லும் விசுவாமித்திரர், மகாபலி தன்னுடைய குலத்துக்கு ஆசிரியனாம் சுக்கிராச்சாரியாரைப் பார்த்து இவ்வாறு கூறுகிறார்.
“எடுத்து ஒருவர்க்கு ஒருவர் ஈவதனின் முன்னம்
தடுப்பது நினக்கு அழகிதோ. தகவு இல் வெள்ளி?
கொடுப்பது விலக்கு கொடியோய் உனது சுற்றம்
உடுப்பதுவும் உண்பதுவும் இன்றிவிடுகின்றாய்!”
பெருந்தன்மை இல்லாத  சுக்கிரனே, நாடி வந்திருக்கும் ஒருவருக்கு உடையவர் ஒருவர் பொருளை  எடுத்துக் கொடுப்பதற்கு முன்பு கொடுக்க வேண்டாமெனத் தடுப்பது உனக்கு அழகாகுமோ? ஈவதை விலக்கும் கொடிய குணம் கொண்டவனே! உன்னைச்  சார்ந்து நிற்கும் உனது சந்ததியானது, உடுக்கத் துணியும். உண்ண உணவும் இல்லாமல் விடுகின்றாய் என்பதை அறிவாயாக என்கிறான் மகாபலி. வள்ளுவனின் குறள் கருத்துக்களை குறள் சொல்லும் சொற்களிலேயே கம்பன் வெகு பொருத்தமாக பல இடங்களில் பயன்படுத்தியுள்ளான்.

ஒப்புமை
குறல் 1079

மேலும்: அஷோக் உரை 

பரிமேலழகர் உரை
கொடுப்பது அழுக்கறுப்பான் சுற்றம் - ஒருவன் பிறர்க்குக் கொடுப்பதன்கண் அழுக்காற்றைச் செய்வானது சுற்றம்; உடுப்பதும் உண்பதும் இன்றிக் கெடும் - உடுக்கப்படுவதும் உண்ணப்படுவதும் இன்றிக் கெடும். (கொடுப்பதன்கண் அழுக்கறுத்தலாவது, கொடுக்கப்படும் பொருள்களைப் பற்றிப் பொறாமை செய்தல். 'சுற்றம் கெடும்' எனவே அவன் கேடு சொல்லாமையே பெறப்பட்டது. பிறர் பேறு பொறாமை தன் பேற்றையே அன்றித் தன் சுற்றத்தின் பேற்றையும் இழப்பிக்கும் என்பதாம்.).

மணக்குடவர் உரை
பிறனொருவன் மற்றொருவனுக்குக் கொடுப்பதனை அழுக்காற்றினாலே விலக்குமவனது சுற்றம் உடுப்பதும் உண்பதும் இன்றிக் கெடும். இது நல்குரவு தருமென்றது.

மு.வரதராசனார் உரை
பிறர்க்கு உதவியாகக் கொடுக்கப்படும் பொருளைக் கண்டு பொறாமைப்படுகின்றவனுடைய சுற்றம், உடையும் உணவும் இல்லாமல் கெடும்.

சாலமன் பாப்பையா உரை
பிறர்க்குக் கொடுப்பதைக் கண்டு பொறாமைப் படுகிறவனின் குடும்பம், உடுக்கவும், உண்ணவும் இல்லாமல் அலையும்.

துறந்தாரின் தூய்மை உடையர் இறந்தார்வாய்

குறள் 159
துறந்தாரின் தூய்மை உடையர் இறந்தார்வாய்
இன்னாச்சொல் நோற்கிற் பவர்
[அறத்துப்பால், இல்லறவியல், பொறையுடைமை]

பொருள்
துறத்தல் - கைவிடுதல்; பற்றற்றுத்துறவுபூணுதல்; நீங்குதல்.
துறந்தாரின் - துறந்தார் - பற்றுவிட்டமுனிவர்

தூய்மை  - துப்புரவு; மெய்மை; வீடுபேறு; நன்மை; வெண்மை

உடையர் - உடையவர்கள் ; செல்வம் கொண்டவர்கள்

இறத்தல் - கடத்தல்; கழிதல் நெறிகடந்துசெல்லுதல்; சாதல் மிகுதல் வழக்குவீழ்தல்; நீங்குதல்

இறந்தார் -  வாழ்வை கடந்தவன்; மரணம் அடைந்தவன்

வாய் - உதடுஅல்லதுஅலகுஇவற்றினிடையிலுள்ளஉறுப்பு; பாண்டம்முதலியவற்றின்திறந்தமேற்பாகம்; வாய்கொண்டஅளவு; உதடு; விளிம்பு; ஆயுதத்தின்முனை; மொழி; வாக்கு; குரல்; மெய்ம்மை; சிறப்பு; சிறப்புடையபொருள்; வாசல்; வழி; மூலம்; இடம்; துலாக்கோலின்வரை; தழும்பு; துளை; வாத்தியக்குழல்; ஏழுனுருபு; ஓர்உவமஉரு

இன்னாச் - துன்பம்; தீங்குதருபவை; கீழ்மையான; இகழ்ச்சி வெறுப்பு

சொல் - மொழி; பேச்சு; பழமொழி; உறுதிமொழி; புகழ்; மந்திரம்; சாபம்; கட்டளை; புத்திமதி; பெயர்ச்சொல்; வினைச்சொல்; இடைச்சொல், உரிச்சொல்என்னும்நால்வகைமொழிகள்; தமிழ்மொழியில்உள்ளஇயற்சொல், திரிசொல், திசைச்சொல், வடசொல்எனநால்வகைப்பட்டமொழிகள்; நாடகவரங்கில்பேசப்படும்உட்சொல், புறச்சொல்; ஆகாசச்சொல்என்பன; சத்தம்; நாமகள்; பேசச்செய்வதானகள்; நெல்.

நோற்றல் - பொறுத்தல்; விரதமிருத்தல்; தவஞ்செய்தல்

நோற்கிற்பவர் - பொறுத்துக் கொள்பவர்

முழுப்பொருள்
மெய்யான துறந்தவர்கள் மனதில் மாசு இல்லாத தூய்மை உடையவர்கள். அவர்கள் துறவறத்தில் இருப்பவர்கள். 

இல்லறத்தில் இருப்பவரும் துறந்தவர்களின் தூய்மையை உடையவர்களாக கருதப்படுவர் ஆனால் எப்பொழுது தெரியுமா? பிறர் நம்மிடம் நம்மை இழிவு படுத்தும் நெறி கடந்த சொற்களை நம்மை வருத்தும் தீய சொற்களை பயன்படுத்தினால் அதனை பொறுத்துக்கொண்டு போக வேண்டும். பதிலுக்கு பேசினால் நாமும் அவர் அளவு கீழே இறங்கி விடுவோம். நமது சமன்நிலையை குலைக்கவேண்டும் என்றே பிறர் நம்மை இழிவான சொற்களால் தாக்குகிறார். அதற்கு இரையாக/பலியாக கூடாது. 

செயல்களை விட சொற்கள் நம்மை அதிகம் பாதிக்கும் அது பல தடவை நமது மனதில் ஒலித்துக்கொண்டே இருக்கும். ஆதலால் நமக்கு அதிகம் கோபம் வரும். நமது சினத்தை தூண்டுவதே பிறரின் குறிக்கோள். ஆதலால் அதற்கு செவிசாய்க்காமல் பொறுத்துக்கொள்ள வேண்டும். 

செயல்களுக்கு எதிர்வினை ஆற்றாமல் இருப்பது கடினம். ஆனால் சொற்களுக்கு எதிர்வினை ஆற்றாமல் இருப்பது அதனினும் கடினம். அதனால் தான் துறவிகளின் தூய்மைக்கு ஈடாக பொறுத்தலை கூறுகிறார் திருவள்ளுவர். 

பொறாமை, ஆசை இவற்றை வென்ற முனிவர்களும், இருடிகளும் கூட வெகுளி (கோபம்), இன்னா சொல் இவற்றைத் தவிர்க்க முடியாதவர்களாக இருந்திருக்கிறார்கள். துர்வாசர் என்னும் முனிவரின் வெகுளியானது நிறைய இடங்களில் புராணங்களில் சொல்லப்படுகிற செய்தி. “கொக்கென்று நினைத்தாயோ கொங்கணவா?” என்று பத்தினியொருத்தி கேட்ட கதையும் அறிந்திருக்கிறோம்.

நாலடியார் தனது “சினமின்மை” அதிகாரத்தில் “ஒறுக்கும் மதுகை உரனுடையாளன் பொறுக்கும் பொறையே பொறை” என்கிறது.  பகைவர்களைத் தண்டிக்கும் ஆற்றலும் அறிவும் வலியும் உடையவன், தனது சினத்தைக் காட்டாமல் பொறுமையாக இருக்கின்றான் என்றால் அவனுடைய பொறுமையே போற்றத்தக்கது. மற்றொரு நாலடியாரில் (64) “நேர்த்து நிகரல்லார் நீரல்ல சொல்லியக்கால் வேர்த்து வெகுளா விழுமியோர்” என்கிறது. கல்வி, கேள்வி, அறிவால் தமக்குச் இணையில்லாத கீழோர் தம்மை இழிந்து கூறிவிட்டார்களே என்று, மேலோர் அவரிடத்து கொதித்துச் சினம் கொள்ளார். 

இக்குறளுக்கு இணையாக மற்றொரு பாடல், நாலடியாரில் (66) இவ்வாறு சொல்கிறது: “கல்லெறிந்தன்ன கயவர்வாய் இன்னாச்சொல் எல்லாருங்காணப் பொறுத்துய்ப்பர்”. கல்லால் அடிப்பதைப் போலத் தீயவர்கள் கடுஞ்சொல் பேசினாலும் கற்றவர்கள் மற்றவர் கண்டு பாராட்டும்படி அதைத் தாங்கிக்கொள்வர்

மேலும்: அஷோக் உரை

பரிமேலழகர் உரை
துறந்தாரின் தூய்மை உடையர் - இல்வாழ்க்கைக்கண் நின்றேயும் துறந்தார் போலத் தூய்மையுடையார்; இறந்தார் வாய் இன்னாச் சொல் நோற்கிற்பவர் - நெறியைக் கடந்தார் வாய் இன்னாச் சொல்லைப் பொறுப்பவர். (தூய்மை : மனம் மாசு இன்மை. 'வாய்' என வேண்டாது கூறினார், 'தீய சொற்கள் பயின்றது' எனத் தாம் வேண்டியதன் இழிவு முடித்தற்கு.).

மணக்குடவர் உரை
மிகையாய்ச் சொல்லுவாரது தீச்சொல்லைப் பொறுக்குமவர், துறந்தவர்களைப் போலத் தூய்மை யுடையார். இது பற்றறத் துறந்தவரோ டொப்பரென்றது.

மு.வரதராசனார் உரை
வரம்பு கடந்து நடப்பவரின் வாயில் பிறக்கும் கொடுஞ்சொற்களைப் பொறுத்துக் கொள்பவர், துறந்தவரைப் போலத் தூய்மையானவர் ஆவர்.

சாலமன் பாப்பையா உரை
நெறி கடந்து தீய சொற்களால் திட்டுபவரையும் பொறுத்துக் கொள்பவர். இல்வாழ்க்கையில் வாழ்ந்தாலும் துறவியைப் போலத் தூயரே.

மிகுதியான் மிக்கவை செய்தாரைத் தாந்தம்

குறள் 158
மிகுதியான் மிக்கவை செய்தாரைத் தாந்தம்
தகுதியான் வென்று விடல்
[அறத்துப்பால், இல்லறவியல், பொறையுடைமை]
(For meaning in English, scroll to the bottom of this post)

பொருள்
மிகுதி - அதிகம்; எழுத்துஇரட்டிக்கை; நிறைவு; திரள்; பொலிவு; மீதி; சிறப்பு; செருக்கு

யான் - யான்மை - அகங்காரம்.

மிக்கவை - மிகுதியானவை; தீயவை; சோறு; ஊன்; நிறைகை.

செய்தாரைத் - செய்தார், செய்தவர்

தாம் - அவர்கள்; மரியாதைகுறிக்கும்முன்னிலைச்சொல்; ஓரசைச்சொல்; ஒருசாரியை; தாகம்; விலை.

தம் - ஒருசாரியைஇடைச்சொல்; மூச்சடக்குகை; மூச்சு.

தகுதி - பொறுமை; பொருத்தம்; தகுதிவழக்கு; மேன்மை; நல்லொழுக்கம்; நடுவுநிலைமை; ஆற்றல்; அறிவு; கூட்டம்; தடவை; குணம்; நிலைமை.

யான் - தன்மையொருமைப்பெயர்

வென்று - வெல்லுதல் - வெற்றிபெறுதல்; ஒத்தல்; ஒழித்தல்; மேம்படுதல்.

விடல் - முற்றும்நீங்குகை; ஊற்றுகை; குற்றம்
விடல் - விடு, முற்றும் நீங்குகை சமந்தமம் விடல்(கைவல். தத்துவ 9);  ஊற்றுகை (Pouring); குற்றம்
விடும் - ஆகும் 

முழுப்பொருள்
பிறர் மனதின் செருக்கால் (உள்ள பிறழ்வால்) துன்பத்தை நமக்கு செய்தாலும் அவரை தண்டிக்காதே. அவரையும் அவர் செய்த செயலையும் பொறுத்துக்கொள். ஏனெனில் அவருக்கு தான் உள்ளம் பிறழன்று விட்டது. உனக்கு அப்படி இல்லை என்றால், அவரை உன்னுடைய மேன்மையாலே வென்று விடு. மேன்மை என்பது ஒழுக்கத்தாலும் அறம் செய்வதாலும் நற்குணங்களாலும் வருவது. பழிக்கு பழி என்று பிறருக்கு தீமை செய்வது அறமல்ல. அக்காரணமாயினும்  பிறருக்கு தீமை செய்வது நற்குணம் அல்ல. ஆதலால் பழி மேன்மையானது அல்ல. பொறுத்தலே மேன்மையான ஒன்று.

நம் அமைதி நமக்கு தீமை செய்தவரை கூசச்செய்யும். ஒருநாள் அல்ல ஒருநாள் அவர் மனம் அவரை சுடும். அப்பொழுது அவர் தான் செய்த செயலுக்கு வருந்திக் கூசுவார். நம்மிடம் வந்து மன்னிப்பு கேட்கக் கூடும். அதுவே வெற்றி.

திருவாசகம் மிகவும் அழகாக, எளிதாக, “பிழைத்தவை பொறுக்கை எல்லாம் பெரியவர் கடமை போற்றி” என்கிறது. மேலும், “பொறுப்பார் அன்றே பெரியோர் சிறுநாய்கள் தம் பொய்யினையே”என்று சற்று சினந்தும் சொல்லுகிறார் மாணிக்கவாசகர். எட்டுத்தொகை சங்க நூலான நற்றிணை குறிஞ்சிப்பாடலில் கந்தரத்தனார் “தீமை கண்டோர் திறத்தும்பெரியோர் தாம் அறிந்து உணர்க என்பமாதோ” என்கிறார்.

காந்தி அவர்கள் இந்தியாவுக்கு சுதந்திரம் வாங்கி தந்தது அஹிம்சை முறையில். ஏனெனில் கண்ணுக்கு கண் என்று பழிவாங்கினால் உலகம் மக்கள் அனைவரும் குருடர்களாக இருப்பர் என்று உணர்ந்தவர். பிரிட்டிஷார்கள் இந்தியர்களுக்கு செய்த கொடுமைக்கு எல்லாம் பதிலாக தீமை செய்யாமல் அமைதியான வழியில் போராட்டங்கள் நடத்தி பிரிட்டிஷாருடன் உரையாடி ரத்தம் சிந்தாமல் வெற்றி பெற்றார். (400 ஆண்டு காலம் இந்தியாவை ஆண்ட பிரிட்டிஷாரை உரையாடலுக்கு அழைத்து வரவழைத்ததே முதல் வெற்றி). பிரிட்டிஷாரை வென்றார். உலக மக்கள் மனதையும் வென்றார். அதுவே காந்தியின் மேன்மை. அதுவே இந்திய மக்களின் மேன்மை ஏனெனில் அவர்கள் பலநூற்றாண்டுகளாக இம்மண்ணில் சமூதாயமாக வாழ்பவர்கள். போர் சேதத்தை விளைவிக்கும் என்று மஹாபாரதம் போன்ற இதிகாசங்களால் உணர்ந்தவர்கள். பௌத்தம் சமணம் போன்ற மதங்களின் சாராம்சத்தை உணர்ந்து அதன் மைய கருத்தான அஹிம்சையை (உயிர்களை கொல்லாது இருத்தல், பிறரை வருத்தாது இருத்தல்) ஆகியவற்றை ஏற்றவர்கள். ஆதலால் அஹிம்சையின் மேன்மையை உணர்ந்தவர்கள். ஆதலால் உலக வரலாற்றில் முதல் முறையாக ஆயுதங்கள் அற்ற வழியில் ஒரு மாபெரும் சுதந்திரம் பெற்றது அதுவே முதல் முறை. அம்முறையே உலகிற்கு இன்று வழிகாட்டி. 

எங்கோ கேட்ட ஞாபகம்,  உனக்கு ஒருவன் தீயது செய்கிறானா? அல்லது விரோதம் பாராட்டுகிறானா? அல்லது சிறுமையானவற்றை செய்கிறானா? அவனுக்கு பெரிய மனதுடன் நல்லது செய்து காண்பி. அதுவே சிறந்து என்று. உதாரணமாக, எழுத்தாளர் ஜெயகாந்தன் ஒரு பேட்டியில் (அவரைப்பற்றிய ஆவணப்படம் The Writer Who Extended The Boundaries - எல்லைகளை விஸ்தரித்த எழுத்துக் கலைஞன் - D.Jayakanthan @1:15:48) ஒன்றில்) சொன்னது இது, கர்நாடக்காவில் தமிழ் படிக்க கூடாது என்றால் தமிழ்நாட்டில் கன்னடம் படிக்கலாம் என்று சொல்லுக என்கிறார். அது தான் வழி. தாராளமாக நாமிருந்தால் தாராளம் என்றால் என்னவென்று அவனுக்கு தெரியும். நாகரீகத்தை நாம் தான் கற்றுக்கொடுக்க வேண்டும். அது நமது பொறுப்பு. They are immature. தெரியலயா உங்களுக்கு? இதற்கு ஆராய்ச்சி வேண்டுமா? அல்லது அவன் ஒத்துக்கொள்ள வேண்டுமா? நாம் தான் உணர வேண்டும். நீ(நாம்) உலக மனிதன் என்பது பெருமை அல்ல. நமது பெருமை என்ன? புலம் சார்ந்தவர்கள் நாம். இந்த புலம் என்பது பூமி. இதைத்தான் பாரதி கூறினார் “வையத் தலைமை கொள்” என்று. இந்தியா அதனால் தான் கூறுகிறது நாங்கள் என்றும் அலேக்ஸாண்டார் ஆகமாட்டோம் என்று. 

என்பதையும் நினைவில் கொள்க

மேலும்: அஷோக் உரை

ஒப்புமை
"தீமை கண்டோர் திறுத்தும் பெரியோர்
தாமறிந் துணர்க என்ப மாதோ” (நற் 116:1-2)

“பிழைத்தவை பொறுக்கை எல்லாம் பெரியவர் கடமை போற்றி” (திருவா 70)
“பொறுப்பரன் றேபெரி யோர் நாய்கள்தம் பொய்யினையே’ (திருவா 100)

பரிமேலழகர் உரை
மிகுதியான் மிக்கவை செய்தாரை - மனச்செருக்கால் தங்கண் தீயவற்றைச் செய்தாரை; தாம் தம் தகுதியான் வென்றுவிடல் - தாம் தம்முடைய பொறையான் வென்றுவிடுக. (தாமும் அவர்கண் தீயவற்றைச் செய்து தோலாது, பொறையான் அவரின் மேம்பட்டு வெல்க என்பதாம். இவை நான்கு பாட்டானும் பிறர் செய்தன பொறுத்தல் சொல்லப்பட்டது.).

மணக்குடவர் உரை
தமது செல்வ மிகுதியாலே மிகையானவற்றைச் செய்தவர்களைத் தாங்கள் தமது பொறையினாலே வென்று விடுக. இது பொறுத்தானென்பது தோல்வியாகாது: அதுதானே வெற்றியாமென்றது.

மு.வரதராசனார் உரை
செருக்கினால் தீங்கானவற்றைச் செய்தவரைத் தாம் தம்முடைய பொறுமைப் பண்பினால் பொறுத்து வென்று விட வேண்டும்.

சாலமன் பாப்பையா உரை
மனச் செருக்கால் தீமை செய்தவரைப் பொறுமையால் வென்றுவிடுக.

English Meaning - As I taught a kid - Rajesh
Even if someone does something excessively bad to us, we should still win them by our character. We can display our character/maturity by forgetting others mistakes, by not showing anger, by not pin pointing past mistakes, by not gossiping or back biting and by doing good to them in return

Questions that I ask to the kid
if someone does excessively bad to you, what should you do? why you should not do bad back to him? can you gossip /speak at the back about the bad things done to you ?

What is maturity? What is character?

திறனல்ல தற்பிறர் செய்யினும் நோநொந்து

குறள் 157
திறனல்ல தற்பிறர் செய்யினும் நோநொந்து
அறனல்ல செய்யாமை நன்று
[அறத்துப்பால், இல்லறவியல், பொறையுடைமை]
(For meaning in English, scroll to the bottom of this post)

பொருள் 
திறன் - திறம் - கூறுபாடு;  வகை; சார்பு; மிகுதி; கூட்டம்; நிலைபெறுதல்; வலிமை; திறமை; மேன்மை; கற்பு; நேர்மைமருத்துவத்தொழில்; வழி; வரலாறு; குலம்; ஒழுக்கம்; கூட்டம்; ஆடு80, பசு80, எருமை80கூடினகூற்றம்; கோட்பாடு; விரகு; உபாயம்; ஐந்துசுரமுள்ளஇசை; பாதி; உடம்பு; வேடம்; இயல்பு; செய்தி; காரணம்; பேறு.

அல்ல - இல்லை

தன் - தான் என்னும் சொல் வேற்றுமையுருபை ஏற்குமிடத்துப் பெறும் திரிபு..

பிறர் -  piṟar   n. id. Outsiders, strangers;அன்னியர். பிறர்க் கின்னா முற்பகற் செய்யின் (குறள்,319).
பிறன் - மற்றையான்; அயலான்; மனம்வேறுபட்டவன்; பகைஞன்.

செய்யினும் - செய்தல் - இயற்றுதல்; உண்டாக்கல்; சம்பாதித்தல்; ஒத்தல்.

நோ - ஓர்உயிர்மெய்யெழுத்து(ந்+ஓ); வலி; துன்பம்; நோய்; சிதைவு; வலுவின்மை

நொந்து - நொந்துதல் - அழிதல்; தூண்டுதல்.

அறன் - அறம் - தருமம்; புண்ணியம் அறச்சாலை தருமதேவதை யமன் தகுதியானது; சமயம் ஞானம் நோன்பு இதம் இன்பம் தீப்பயன்உண்டாக்கும்சொல்

அல்ல - இல்லை

செய்யாமை - செய்யாது இருத்தல் 

நன்று - நல்லது; சிறப்பு; பெரிது; அறம்; இன்பம்; நல்வினை; உதவி; வாழ்வின்நோக்கம்; துறக்கம்; ஏற்கைக்குறிப்பு.

முழுப்பொருள்
திறன் என்றால் மேன்மை, உபாயம், கோட்பாடு, இயல்பு, ஒழுக்கம் என்று பொருள்.

பிறர் தனக்கு மேன்மை அல்லாத கோட்பாடுக்கு ஒவ்வாத இயல்பல்லாத ஒழுக்கமல்லாத செயலை செய்து துன்பத்தை தந்தால் அவருக்கு பதிலுக்கு ஒன்றும் செய்யாதே. அவரை தண்டிக்காதே என்று கூறுகிறார் திருவள்ளுவர். அவருக்கு இந்த பதிலடியை தந்தால் அவர் துன்பத்தில் வருந்துவார் என்றெண்ணி அறமல்லாதவற்றை இயல்பல்லாதவற்றை செய்யாதே. அவரை தண்டிக்காது இருப்பது நன்று. நன்மை பயக்கும். ஆதலால் பிறர் நமக்கு செய்த தீமையை பொறுத்துக்கொள். மறப்பது அதனினும் நன்று என்று முன்னமே கூறியுள்ளார் திருவள்ளுவர். 

ஏன் தண்டிக்க கூடாது? 
தண்டிப்பது என்பதே அறம் அற்ற செயலாகும். (இது அரசருக்கு பொருந்தாது. அவர் குற்றங்களை களைந்து நாட்டை அமைதியாக நடத்த கடமைப்பட்டவர்). 
மேலும் ஒருவர் தவறு செய்தால் அதற்கு தண்டனை மேல் உலகத்தில் உண்டு. மேல் உலகத்திற்கு ஏன் செல்ல வேண்டும். ஒருநாளல்ல ஒருநாள் அவன் மனசாட்சியே அவனை சுடும். அதுவே அவனுக்கு தண்டனை. 

எப்படி இது நன்று (நன்மை பயக்கும்)?
அதுமட்டும் அல்லாது நீ அவனை தண்டித்து பதிலுக்கு அவனும் தண்டித்துக்கொண்டு இருந்தால் இப்பகை வளர்ந்துக்கொண்டே இருக்கும். நிம்மதி கெடும் சந்தோஷம் அழியும். 

தண்டித்தல் நமக்கு தற்காலிக மகிழ்ச்சியை தந்தாலும் (குறள் 173 சிற்றின்பம் வெஃகி அறனல்ல செய்யாரே மற்றின்பம் வேண்டு பவர்) பின் ஒருநாள்  ஏன் ஒரு தீமையை பிறருக்கு செய்தோமென தன்நெஞ்சே தன்னை சுடும் (குறள் 293 தன்நெஞ் சறிவது பொய்யற்க பொய்த்தபின் தன்நெஞ்சே தன்னைச் சுடும்). 

மனதாலோ செயலாலோ பிறருக்கு நாம் தீமை செய்தால் அதற்கான தண்டனை கண்டிப்பாக உண்டு. அத்தீமை பிறர் நமக்கு செய்த தீமைக்கு பதிலாக இருப்பினும் கூட. 

அதுமட்டும் இன்றி நமது ஆத்ம சக்தியை ஆக்கப்பூர்வமான செயல்களில் பயன்படுத்தவேண்டும். பழிக்குப்பழி போன்ற காரியங்களில் நமது ஆத்ம சக்தியை இழக்க கூடாது. 

ஆதலால் பிறரை தண்டிக்காது இருப்பது நமக்கு நன்மையே.

மேலும்: அஷோக் உரை


பரிமேலழகர் உரை
திறன் அல்ல தன் பிறர் செய்யினும் - செய்யத்தகாத கொடியவற்றைத் தன்கண் பிறர் செய்தாராயினும்; நோநொந்து அறன் அல்ல செய்யாமை நன்று - அவர்க்கு அதனால் வரும்துன்பத்திற்கு நொந்து, தான் அறனல்லாத செயல்களைச் செய்யாதிருத்தல் ஒருவனுக்கு நன்று. [உம்மை: சிறப்பு உம்மை. துன்பத்திற்கு நோதலாவது "உம்மை - எரிவாய் நிரயத்து வீழ்வர்கொல்" (நாலடி. 58) என்று பரிதல்.]. 

மணக்குடவர் உரை
தகுதியல்லாதவற்றைத் தனக்குப் பிறர்செய்தாராயினும் அவற்றைத் தானுஞ் செய்தால் அவர்க்கு உளதாம் நோவுக்கு நொந்து அறமல்லாதவற்றைச் செய்யாமை நன்று

மு.வரதராசனார் உரை
தகுதி அல்லாதவைகளைத் தனக்குப் பிறர் செய்த போதிலும், அதனால், அவர்க்கு வரும் துன்பத்திற்காக நொந்து, அறம் அல்லாதவைகளைச் செய்யாதிருத்தல் நல்லது.

சாலமன் பாப்பையா உரை
கொடியவற்றைப் பிறர் தனக்குச் செய்தாலும், பதிலுக்குத் தானும் செய்தால் அவர் வருந்துவாரே என வருந்தி, அறம் அல்லாதவற்றைச் செய்யாது இருப்பது நல்லது.

English Meaning - As I taught a kid - Rajesh
Even when an untoward evil is done to you, it is better not to resent and do a unrighteous deed to them. When one feels the bitterness of the untoward incident, one normally thinks to mirror it (hurt others so that they will also get a feel of it). But such things will only grow the hatred and will take away the peace from us. Being in hatred like being in a prison. Hence, it is good to not hurt others even if they did untoward evil to us. That is why, Thiruvalluvar as previously in another Kural told us to forget such untoward incident.

Questions that I ask to the kid
When someone does a untoward incident, what should we do?

அறன்வரையான் அல்ல செயினும் பிறன்வரையாள்

குறள் 150
அறன்வரையான் அல்ல செயினும் பிறன்வரையாள்
பெண்மை நயவாமை நன்று
[அறத்துப்பால், இல்லறவியல், பிறனில் விழையாமை] 

பொருள்
அறன் - அறம் - வேள்விமுதல்வன்; அறக்கடவுள். 
அறம் - தருமம்; புண்ணியம்;  ஒழுக்கம், புண்ணியம், அறச்சாலை; தருமதேவதை; யமன்; தகுதியானது; சமயம்; ஞானம்; நோன்பு; இதம்; இன்பம்; தீப்பயன்உண்டாக்கும்சொல்.

வரைதல் - எழுதுதல்; ஓவியம்எழுதுதல்; கணித்தல்; அளவுபடுத்தல்; அடக்குதல்; விலக்குதல்; கைவிடுதல்; ஒப்புக்காணல்; அறவழியில்பொருளீட்டுதல்; தனக்குரியதாக்குதல்; திருமணஞ்செய்தல்.

வரையான் - (அறத்தை) தனக்கு உரியதாக கொள்ளாமல் 

அல்ல  - மற்ற / அறம் அல்லாதவற்றை / பாவத்தை  தீயதை  ; அறத்திற்கு புறம்பான பாவங்களைச்

செயினும் - செய்தல் - இயற்றுதல்; உண்டாக்கல்; சம்பாதித்தல்; ஒத்தல்

பிறன் - அயலார்; மற்றையான்; அயலான்; மனம்வேறுபட்டவன்; பகைஞன்.

வரையாள் - உரிமையானவள் 

பெண்மை - பெண்தன்மை; காண்க:பெண்பிறப்பு; பெண்ணுக்குரியகுணம்; பெண்இன்பம்; அமைதித்தன்மை; நிறை.

நயத்தல் - விரும்புதல்; பாராட்டுதல்; சிறப்பித்தல்; பிரியப்படுத்தல்; தட்டிக்கொடுத்தல்; கெஞ்சுதல்; அன்புசெய்தல்; பின்செல்லுதல்; மகிழ்தல்; இன்பமுறல்; இனிமையுறுதல்; இணங்கிப்போதல்; பயன்படுதல்; மலிதல்; மேம்படுதல்; ஈரம்ஏறுதல்; நட்பாடல்; தலைவனைக்கண்டதலைவிதனதுஆசைப்பாடுகூறும்புறத்துறை.

நயவாமை - விரும்பாது இருத்தல் ; பின் செல்லாது இருத்தல் 

நன்று - நல்லது; சிறப்பு; பெரிது; அறம்; இன்பம்; நல்வினை; உதவி; வாழ்வின்நோக்கம்; துறக்கம்; ஏற்கைக்குறிப்பு.

முழுப்பொருள்
ஒருவன் அறம் செய்யாது பாவம் செய்பவனாகவும் இருக்கலாம், ஆனால் பிறர் மனைவியை மனதால் நோக்காமல் இருப்பது நல்லது. பிறர் மனைவியை நோக்காது இருப்பது ஒரு நல்ல தகுதியாகும். அதன் முக்கியத்துவத்தை உணர்த்துவதற்காக திருவள்ளுவர் அறம் செய்யாது பாவம் செய்தாலும் பரவாயில்லை பிறர் மனைவியை நோக்காதே என்றார். அதனால் அறம் செய்யக்கூடாது பாவம் செய்யலாம் என்று இல்லை.

எவ்வளவு பெரிய தகுதி உடையவராக இருப்பினும் பிறர் மனைவியை நோக்கினால் அவரை கீழே இறக்கிவிடும். அதுவே எவ்வளவு தகுதி இல்லாதவர்காக இருப்பினும் பிறர் மனைவியை நோக்காது இருந்தால் அவனுக்கு அதனால் ஒரு தனி மதிப்பு உண்டாகும். 

இல்லறத்தில் கணவன் மனைவி உறவென்பது அடிவேர். ஆதலால் அவ்வேரினை தோண்டுவதோ அறுப்பதோ மாபெரும் குற்றமாகும். அதனால் தான் பிறனில் விழையாமை அதனை செய்யாதே. அதை செய்யாது இருந்தால் மதிப்பு உண்டாகும். 

மேலும்: அஷோக் உரை

பரிமேலழகர் உரை
அறன் வரையான் அல்ல செயினும் - ஒருவன் அறத்தைத் தனக்குரித்தாகச் செய்யாது பாவங்களைச் செய்யுமாயினும், பிறன் வரையாள் பெண்மை நயவாமை நன்று - அவனுக்குப் பிறன் எல்லைக்கண் நிற்பாளது பெண்மையை விரும்பாமை உண்டாயின், அது நன்று. (இக்குணமே மேற்பட்டுத் தோன்றும் என்பதாம். இவை நான்கு பாட்டானும் பிறன் இல் விழையாதான்கண், குணம் கூறப்பட்டது.).

மணக்குடவர் உரை
அறத்தை வரையாதே அறமல்லாதன செய்யினும் பிறனிடத்து ஆளானவளது பெண்மையை விரும்பாமை நன்று. இஃது ஓரறமுஞ் செய்திலனாயினும் நன்மை பயக்குமென்றது.

மு.வரதராசனார் உரை
ஒருவன் அறநெறியில் நிற்காமல் அறமில்லாதவைகளைச் செய்தாலும், பிறனுக்கு உரியவளின் பெண்மையை விரும்பாமல் வாழ்தல் நல்லது.

சாலமன் பாப்பையா உரை
அறம் செய்யாமல் பாவத்தையே செய்பவனாக இருந்தாலும் அடுத்தவனின் உரிமை ஆகிய மனைவிமேல் ஆசைப்படாமல் இருப்பது நல்லது.

நலக்குரியார் யாரெனின் நாமநீர் வைப்பின்

குறள் 149
நலக்குரியார் யாரெனின் நாமநீர் வைப்பின்
பிறர்க்குரியாள் தோள்தோயா தார்
[அறத்துப்பால், இல்லறவியல், பிறனில் விழையாமை]

பொருள்
நலக்கு - நலக்கு-தல் - nalakku-   5 v. intr. prob. நலம்.To do good; நன்மைபயத்தல். உயிர்க்குயிராய்நலக்கு மிறை (திருவானைக். புராணவா. 41).

உரியார் - உரி - உரி-மை கொண்டாடுபவர்

யார் - யாவர்

எனின் - என்றால், என்றுசொல்லின்; என்கையால்

நாமநீர் - அச்சத்தைத் தரும் கடல்; விந்தைகள் பல நிறைந்த/சூழ்ந்த பெருங்கடல் 

வைப்பில் - வைப்பு - வைக்கை; பாதுகாப்புநிதி; புதையல்; இடம்; நிலப்பகுதி; ஊர்; உலகம்; செயற்கையானது; செயற்கைச்சரக்கு; வைப்பாட்டி; கலிப்பாவகையின்இறுதியுறுப்பு.

பிறற்கு - பிறர் - அயலார்; மற்றையான்; அயலான்; மனம்வேறுபட்டவன்; பகைஞன்.

உரியாள் - உரியவள்; உரிமையானவள் 

தோள் - புயம்; கை; தொளை

தோய்தல் - முழுகுதல்; நனைதல்; நிலத்துப்படிதல்; செறிதல்; அணைதல்; உறைதல்; கலத்தல்; பொருத்துதல்; முகத்தல்; கிட்டுதல்; ஒத்தல்; அகப்படுதல்; நட்டல்; துவைச்சலிடுதல்.

தோயாதார் - அணைக்காதர் ; முழுகாதார் 

முழுப்பொருள்
இல்லறத்தில் கணவன் மனைவி உறவென்பது அடிவேர். ஆதலால் அவ்வேரினை தோண்டுவதோ அறுப்பதோ மாபெரும் குற்றமாகும். அதனால் தான் பிறனில் விழையாமை அதிகாரத்தை திருவள்ளுவர் வைத்தார்.

“நாம்” என்ற சொல் அச்சத்தைக் குறிப்பதால் பரிமேலழகர் உள்ளிட்ட உரையாசிரியர்கள் “நாமநீர்” என்பதற்கு அச்சத்தைத் தரும் கடல் என்று பொருள் செய்திருக்கிறார்கள். “நாமம்” என்றால் “வியப்பு”, ”இணக்கம்”, “ஐயம்”, “கோபம்”, “நிச்சயம்”, “நிந்தை”, “நினைப்பு” போன்ற பலவிதமாகப் பொருள் கொள்ளலாம். இவற்றுள் “வியப்பு” என்கிற சொல் பொருந்திவருகிறது. கடலானது பல வியத்தகு பரிமாணங்களையும், செல்வங்களையும் தன்னகத்தே கொண்டது. கடல் என்பது கடப்பதற்கு அரியது என்கிற அச்சத்தைத் தரக்கூடியதுதான்.

நாம் வாழ்கிற இந்த பூமி பெருங்கடலினால் சூழப்பட்டு உள்ளது. அக்கடல் அதனுடைய சமநிலையை தவறினால் இவ்வுலகத்தில் உள்ள எல்லோரும் அழிய நேரிடும். ஆனால் அவ்வச்சத்துக்காக மனிதன் ஒருநாளும் தன்னுடைய பயணத்தை நிறுத்தியதிலை, தேடலை மூடவுமில்லை. 

வாழ்க்கைக் கடலைப்போல கடினமான, அச்சம் தரும் அபாயங்களை உள்ளடக்கியது, கடப்பதற்கு பல சவால்களை, தவறான தூண்டுதல்களை கொண்டது, அதிலும் பிறன்மனையைக் கவர்ந்தடைதல் போன்ற பாவங்களில் மனிதனை செலுத்தக்கூடியது. அதனால் அச்சவால்களை உறுதியுடன் எதிர்கொண்டு, பிறர் மனைவியை நினைக்காமல், பிறர் மனைவியின் தோள் சேராமல், ஒழுக்கம் பிறழாமல் நடக்கும் மனிதனுக்கு, எல்லா நன்மைகளும் உண்டு.. 

மேலும்: அஷோக் உரை

பரிமேலழகர் உரை
நாம நீர் வைப்பின் - அச்சம் தரும் கடலால் சூழப்பட்ட உலகத்து; நலக்கு உரியார் யார் எனின் - எல்லா நன்மைகளும் எய்துதற்கு உரியார் யார் எனின், பிறர்க்கு உரியாள் தோள் தோயாதார் - பிறனொருவனுக்கு உரிமை ஆகியாளுடைய தோளைச் சேராதார். (அகலம், ஆழம், பொருளுடைமை முதலியவற்றான் அளவிடப்படாமையின், 'நாமநீர்' என்றார். 'நலத்திற்கு' என்பது 'நலக்கு' எனக்குறைந்து நின்றது. உரிச்சொல் (நாம) ஈறு திரிந்து நின்றது. இருமையினும் நன்மை எய்துவர் என்பதாம்.).

மணக்குடவர் உரை
நலத்துக்கு உரியார் யாரெனின் நினைத்ததைத் தருகின்ற நீர் சூழ்ந்த வுலகத்தில் பிறனுக்கு உரியவளது தோளைத் தீண்டாதார். நலக்குரியார்- விரும்புதற்குரியார்.

மு.வரதராசனார் உரை
கடல் சூழ்ந்த உலகத்தில் நன்மைக்கு உரியவர் யார் என்றொல் பிறனுக்கு உரிமையானவளின் தோளைப் பொருந்தாதவரே ஆவர்.

சாலமன் பாப்பையா உரை
அச்சந்தரும் கடலால் சூழப்பட்ட இவ்வுலகில் எல்லா நன்மைகளும் அடைவதற்கு உரியவர் எவர் என்றால், அடுத்தவனுக்கு உரியவளின் தோளைச் சேராதவரே.