Search This Blog

திருக்குறள்

அறத்துப்பால் - குறள் வரிசை | பதிவு வரிசை

குறள் பால்: அறத்துப்பால் குறள் வரிசை - Index - Pointers to Kurals (Ordered) - Each Kural in Different pages பதிவு வரிசை - All Posts/Kura...

Tuesday, April 22, 2014

தூங்குக தூங்கிச் செயற்பால

குறள் 672
தூங்குக தூங்கிச் செயற்பால தூங்கற்க
தூங்காது செய்யும் வினை.
[பொருட்பால், அமைச்சியல், வினைசெயல்வகை]

தூங்குக - தொங்குதல், மந்தமாதல், தாமதி
தூங்கிச் செயற்பால - தாமதமாக செய்யக்கூடிய செயல்களை
தூங்கற்க - மந்தமாக செய்யாதே
தூங்காது - விரைவாக செய்ய வேண்டிய
செய்யும் வினை - செயலை

முழுப்பொருள்
ஒருவற்கு  பல செயல்கள் வரும். அனைத்து செயல்களும் ஒன்றாக இருக்காது. ஒவ்வொன்றுக்கும் முன்னுரிமை வேறுபடும். சில செயல்களை உடனே முடித்தாக வேண்டும், சில செயல்களை நிதானமாக செய்யலாம். 

ஆதலால் விரைவாக முடித்தாக வேண்டிய செயல்களை சற்றும் தாமதிக்காமல் செய்ய வேண்டும். நிதானமாக செய்ய வேண்டிய செயல்களை நிதானமாக செய்யலாம்/செய்ய வேண்டும். 

விரைந்து முடிக்க வேண்டிய செயல்கள் இருக்கும் பொழுது நிதானமாக செய்ய வேண்டிய செயல்களை கண்டிப்பாக செய்யக்கூடாது ஏனெனில் அது தீமை உண்டாக்கும்.  

உதாரணமாக: 
1) நீதிமன்றங்களில் அவசர வழக்குகளுக்கு முன்னுரிமை வழங்கப்படும். ஆனால் அவசமில்லாத வழக்குகள் அதனை விட நிதானமாக தான் எடுத்துக்கொள்ளப்படும்.

2) அலுவகத்தில் முக்கியமான் வேலை இருக்கும் பொழுது இண்டர்னெட்டில் நண்பருடன் ஃபேஸ்புக்-இல் உரையாடுவது பிழையாகும். அலுவலுக வேலை முதன்மையான் ஒன்று. அதனை காலம் தாழ்த்தாமல் செய்ய வேண்டும். ஃபேஸ்புக் அப்படி ஒன்றும் முக்கியமானது அல்ல. அதனை எப்போது வேண்டும் மறுபடியும் வந்து பார்த்துக்கொள்ளலாம். 

இதனை தான் Time-Management என்று சொல்லுவார்கள்.
கீழ்காணும் படங்கள் ஒரு பயிற்சியரங்கில் நான் பெற்றவை/கற்றவை.












மேலும்: அஷோக்

பரிமேலழகர் உரை
தூங்கிச் செயற்பால தூங்குக - நீட்டித்துச் செய்யும் பகுதியவாய வினைகளுள் நீட்டிக்க; தூங்காது செய்யும் வினை தூங்கற்க - நீட்டியாது செய்யும் வினைகளுள் நீட்டிக்க; தூங்காது செய்யும் வினை தூங்கற்க - நீட்டியாது செய்யும் வினைகளுள் நீட்டியாது ஒழிக.

விளக்கம் 
[இரு வழியும் இறுதிக்கண் தொக்க ஏழாவது விரிக்கப்பட்டது. இருவதை வினைகளும் வலியானும் காலத்தானும் அறியப்படும். மாறிச்செய்யின், அவை வாயா என்பது கருத்து. மேல் 'தூங்காமை' என்றார் (குறள் 383); ஈண்டதனைப் பகுத்துக் கூறினார். இவை இரண்டு பாட்டானும் பொதுவகையால் வினை செய்யும் திறம் கூறப்பட்டது.]

ஞா. தேவநேயப் பாவாணர் உரை
தூங்கிச் செயல் பால தூங்குக-மெள்ளச் செய்ய வேண்டிய வினைகளை மெள்ளச் செய்க; தூங்காது செய்யும் வினைதூங்கற்க-விரைந்து செய்ய வேண்டிய வினைகளை விரைந்து செய்க.

மெள்ளச் செய்தல் காலந்தாழ்த்துச் செய்தலும் காலம் நீடச் செய்தலும் என இருவகை. இவற்றுள் முன்னது வினை தொடங்கலையும் பின்னது வினைசெயல் முழுவதையும் பற்றியனவாம். மெள்ளச் செய்ய வேண்டியதை விரைந்தும் விரைந்து செய்ய வேண்டியதை மெள்ளவும் செய்யின், அவற்றால் தீமையே விளையும் என்பது கருத்து. இதில் வந்துள்ளது சொற்பொருட் பின்வருநிலையணி.

சாலமன் பாப்பையா உரை
காலந்தாழ்த்திச் செய்யவேண்டிய செயல்கள் என்றால் காலந்தாழ்த்துக; காலம் தாழத்தாது செய்ய வேண்டிய செயல்கள் என்றால் காலம் தாழ்த்த வேண்டா.

நன்றி: ஜெயமோகன்
தூங்கிக்கொண்டேசெய்ய வேண்டிய அலுவலக வேலையை அப்படித்தான் செய்ய வேண்டும். ஆனால் வீட்டில் அதேபோல வேலைசெய்தால் வினையாக முடியும் என்பது இக்குறளின் சாரம்.

No comments:

Post a Comment