Search This Blog

Disclaimar

This blog is totally for learning purposes. Non-commercial. In many of the posts, many snippets have been taken from various thirukkural blogs, books available online freely only for learning purpose without any intention of plagiarism or to make money. I have given due credit, link wherever possible. If you want your content to be removed, or you want more credit to be provided, please do let me know in the comment section of any of the posts. ஊருணி நீர்நிறைந் தற்றே உலகவாம் பேரறி வாளன் திரு (குறள் 215)

நெடும்புனலுள் வெல்லும் முதலை

குறள் 495
நெடும்புனலுள் வெல்லும் முதலை அடும்புனலின் 
நீங்கின் அதனைப் பிற.
[பொருட்பால், அரசியல், இடனறிதல்]

பொருள்
புனல் - ஆறு; நீர்; குளிர்ச்சி; பூராடநாள்; வாலுளுவை; வாய் குறுகியகுப்பிகளில் நீர்மப்பொருளை ஊற்ற உதவுங்கருவி

நெடும்புனல் - ஆழமுள்ளநீர்நிலை

உள் -உள்ளிடம்; உள்ளம்; மனம்; இடம்; மறை; மனவெழுச்சி; ஒருகுறிப்புவினைப்பகுதி; தொழிற்பெயர்விகுதி; ஏழாமவேற்றுமைஉருபு; உள்ளான்என்னும்பறவை.

வெல்லும் - வெல்லுதல் - வெற்றிபெறுதல்; ஒத்தல்; ஒழித்தல்; மேம்படுதல்.

முதலை - நீர்வாழ்உயிரி; காண்க:செங்கிடை; இறகின்அடிக்குருத்து.

அடுதல் - கொல்லுதல்; தீயிற்பாகமாக்குதல்; சமைத்தல் வருத்துதல் போராடுதல் வெல்லுதல் காய்ச்சுதல்; குற்றுதல் உருக்குதல்

அடு - aṭu   IV. v. t. cook, சமை; 2. destroy, அழி. "அட்டாலும் பால் சுவையில் குன்றாது," though milk be boiled its flavour does not diminish.

அடு - aṭu   VI. v. t. approach, கிட்டு; 2. be near, close, adjacent, சேர்ந்திரு; 3. adhere, apply for protection, சார்; 4. v. i. (with dat.) belong to, be suitable to, be becoming, உரியதாகு; 5. happen, சம்பவி. அடுத்தவர்களும் தொடுத்தவர்களும், those near and dear.

புனல் - ஆறு; நீர்; குளிர்ச்சி; பூராடநாள்; வாலுளுவை; வாய் குறுகியகுப்பிகளில் நீர்மப்பொருளை ஊற்ற உதவுங்கருவி

அடும்புனலின் - சேர்ந்துள்ள ஆற்றை 

நீங்கின் - நீங்குதல் - பிரிதல்; ஒழித்தல்; கடத்தல்; மாறுதல்; விடுதலையாதல்; தள்ளுண்ணுதல்; நடத்தல்; ஒழிதல்; நீந்துதல்; பிளவுபடுதல்; விரிந்துஅகலுதல்; சிதறுதல்.

அதனைப் - அதனை

பிற - மற்றவை; ஓர்அசைச்சொல்.

முழுப்பொருள்
முதலைக்கு பலம் நீரில் என கூறுவர். அதன் பலம் அறிந்து அது நீர் நிலையில், மற்ற உயிர்களை எதிர் கொள்ளும் பொழுது எளிதாக அவற்றை வெல்லும். ஆனால் அந்நீர்நிலையை விட்டு வெளியே வந்தால் முதலையை மற்ற உயிர் இனங்கள் எளிதாக வெல்லும். 

நாம் நம் பலம் அறிந்து, அதற்கு ஏற்ற  களம் அறிந்து, எதிரிகளை எதிர் கொள்ள வேண்டும். களம் அறியாமல், நமது பலத்தை வெளிக்காட்ட முடியாத இடத்தை தேர்ந்தெடுத்தால் அது பகைவருக்கு சாதகமாகவே முடியும் என குறிப்பால் உணர்த்துகிறார் வள்ளுவர்.

இது எதிரியுடன் வெல்லுவதற்கான குறள் மட்டும் அல்ல. வாழ்வில் நமது அன்றாட செயல்களுக்கும் பொருந்தும். ஒருவருக்கு இசையில் ஆர்வம் இருந்தால் அவர் இசை துறையில் சாதகம் செய்து வெற்றி பெறுதல் அவருக்கு இயலும். ஆனால் அவருக்கு விளையாட்டு துறையில் நாட்டமோ அதற்கான பயிற்சியோ வலிமையோ இல்லையென்றால் அவரால் விளையாட்டில் அவ்வளவு எளிதாக பிரகாசிக்க முடியாது. ஒருவர் எல்லாதுறையிலும் பயிற்சியும் உழைப்பும் கொண்டு முயன்றால்  முன்னேறலாம் என்பதெல்லாம் மிகுந்த அபத்தம் வாய்ந்த சொற்றோடர்கள். அப்படி பிரகாசித்தவர்கள் மிக குறைந்த சதவிகிதத்திலேயே இருப்பார்கள். புலியை பார்த்து பூனை சுட்டுப்போட்ட மாதிரி ஆகிவிடும். உதாரணமாக எல்லோரையும் பொறியில் படிப்பில் சேர்ப்பது. அவரவர் அவரவருடைய வலிமைகளை நாட்டங்களை இலக்குகளை ஆழ்ந்து கருத்தில்கொண்டு, தன் செயலை யோகமென செய்தால் அச்செயலை வெல்ல முடியும்.  ஆங்கிலத்தில் "Now Discover your strenghts" என்று ஒரு புத்தகம் உண்டு. நமது வலிமைகளை அறிந்துக்கொள்ளுதல். அது நாம் எக்களத்தில் செயல்புரியவேண்டும் என்பதையும் நமக்கு உணர்த்தும்


ஒப்புமை
"வான்சேரின் புள்ளஞ்சா வல்லரில் சுற்றிய
கான்சேரின் மானின் கணம்அஞ்சா - வான்சேர்
சிகர வரைசேரின் தேன்அஞ்சா அஞ்சா
மிகுநீர்க் கயஞ்சேரின் மீன்” (பாரத வெண்பா)

“மோட்டும் முதுநீர் முதலைக்கு வலியதுண்டேல்
காட்டுள் நமக்கும் வலியாரையும் காண்டும்” (சீவக.446)

“கூருடை யெயிற்றுக் கோண்மாச் சுறவினம் எறிந்து கொல்லப்
போருடை யரியும் வெய்ய புலிகளும் யாளிப் போத்தும்
நீரிடைத் தோற்ற வன்றே தந்நிலை நீங்கிற் றென்றால்
ஆரிடைத் தோலார் மேலோர் அறிவிடை நோக்கின் அம்மா” (கம்ப.சேது.23)

“உளையச் சிலைக்கும் உழுவையும் தான்தன்
அளையில் தீர்ந் தூரடைந்த தாக - இளிவந்
துயிரிழப்ப தென்றால் உறுமிடநீத் தென்கொல்
செயிருழுக்கும் தீங்கு செயல்” (பாரத வெண்பா)

“கல்லிடை யிட்ட காட்டகம் கடந்து
வெள்ளிடைப் புகுந்த வேட்டுவப் படையினை
ஆட்டுதும் சென்றென” (பெருங்.3.27:22-4)

உபரித்தகவல்
முதலைகளைப் அன்பிலாத ஒரு பிராணியாகிய சங்க இலக்கியமான ஐங்குறுநூறு தனது 41வது பாடலில் சொல்லுகிறது இவ்வாறு: “தன்பார்ப்புத் தின்னும் அன்பில் முதலையொடு”. “பார்ப்பு” என்பது ஓர் இனத்தின் குட்டிகளைக் குறிக்கும். இது உண்மையா என்று ஆராயப் புகுந்தால், மெக்ஸிகோ நாட்டு முதலைவகையான “மோர்லெட்” என்பவை அப்படிப்பட்டவை. தம்மினத்தின் குட்டிகளைத் தாமே உண்ணக்கூடியவை.


யோகமென்று அறிந்தவை மட்டுமே மெய்யென்று அமையும். ஆகவே அங்கரே, யோகம் புரிக. யோகத்தமைக. யோகமில்லாதவருக்கு மெய்மையும் உளமேன்மையும் இல்லை. அமைதியும் மகிழ்வும் அவரிடம் அமைவதில்லை.

ஒவ்வொன்றும் வகுக்கப்பட்டே மானுடனுக்கு அளிக்கப்பட்டுள்ளன. ஏனென்றால் அவன் உடல் வடிவம் வகுக்கப்பட்டுள்ளது. அவன் உள்ளமும் எல்லை வகுக்கப்பட்டது. அவனுக்கான களமும் வாய்ப்புகளும் மட்டும் வகுக்கப்படாதமையவேண்டும் என்று எப்படி கோரமுடியும்?

வகுக்கப்பட்ட களத்தையே சாமானியம் என்றனர். அங்கே நிகழும் எல்லைக்குட்பட்ட மெய்மையை சாமானிய ஞானம் என்றனர். அது உங்களுக்கு மட்டுமே உரியது. உங்கள் கிணற்றில் ஊறும் கடல். துளியும் கடலே.

வகுக்கப்படாத வெளியில் திகழ்வது விசேஷ ஞானம். முடிவிலியில் நீள்வது அது. இயல்வெளியும் தனிவெளியும் என இவை அறியப்படுகின்றன. இயல்வெளியில் திரள்வது தனிவெளி. தனிவெளியின் மெய்மையின் ஒரு துளித்தோற்றமே இயல்வெளியின் உண்மை.

இயல்உலகின் வினாக்களுக்கு தனிமெய்மையை விடையெனக் கொண்டு இங்கு பேசினீர்கள். அலகிலா தனிமெய்மையை உங்களுக்கான இயலுண்மை என மயங்கியதே உங்கள் முதற்பிழை. அறிக, மெய்யறிதலில் முதற்பிழை நிகழ்ந்தால் வாயில்கள் அங்கேயே மூடிவிடுகின்றன. பிறகெப்போதும் அவை திறப்பதே இல்லை.

உங்களுக்கு வகுக்கப்பட்ட களம் உங்களுக்கான வாய்ப்பென்று கொள்க. உங்களுக்கு  அளிக்கப்பட்ட ஆற்றலும் அந்த எல்லைக்குட்பட்டதே. அவ்விரண்டும் முரண்கொண்டு முடைந்துகொண்டு மட்டுமே உங்கள் வாழ்க்கையை உருவாக்க முடியும். உங்கள் எல்லைக்குட்பட்ட ஆற்றல்களுடன் எல்லையின்மை முன் எப்படி நிற்பீர்கள்? கடுவெளிமுன் நறுமணம் என கரைந்தழிவீர்கள்.

உடலால், உள்ளத்திறனால், பிறப்பால், சூழலால் வகுக்கப்படாது இங்கு வரும் மானுடர் எவருமில்லை. தனக்கு அளிக்கப்பட்ட அனைத்தையும் திரட்டி உச்சமென வெளிப்பட்டு தன் களத்தில் நின்றாடுபவன் நிறைவடைகிறான். அவனுக்கு இங்கே வெற்றியும் தோல்வியுமில்லை. ஏனென்றால் வெளிப்படுகையிலேயே அவன் வென்றவனாகிறான். அவன் அடைவன அவனுக்கு வெளியே இல்லை.

வேழங்களைத் தடுக்கும் பெருங்கிளைகளை கீரிகள் அறிவதேயில்லை. சிறுதவளைகள் சிம்மங்களுக்குமேல் ஏறிவிளையாடுகின்றன. உங்களுக்கு அமைந்த களத்தின் அனைத்து எதிர்விசைகளும் உங்கள் ஆற்றலைக் கோரியே அப்பேருருக் கொண்டன என்று உணர்க!

உங்களுக்கு எதிரான ஒவ்வொரு சொல்லும் உங்கள் பெருமையின் விளைவாக எழுந்தவைதான். உங்களை நோக்கிவரும் அத்தனை அம்புகளும் உங்கள் புகழ்ச்சொற்களாக மறுபிறப்பு கொள்ளவிருக்கின்றன. அளிக்கப்பட்டுள்ளது உங்கள் களம் என்பதன் பொருள் அனைத்தும் அளந்தமைக்கப்பட்டுள்ளன என்பதே.

வெல்க, வெல்லும்பொருட்டு களம்நின்று பொருதுக! இழப்பதனால், வீழ்வதனால் எவரும் தோற்பதில்லை, முற்றாக வெளிப்படாமையால் மட்டுமே தோற்கிறார்கள் என்று உணர்க!

பரிமேலழகர் உரை
முதலை நெடும்புனலுள்(பிற) வெல்லும் - முதலை ஆழமுடைய நீரின்கண் ஆயின், பிறவற்றையெல்லாம் தான் வெல்லாநிற்கும், புனலின் நீங்கின் அதனைப் 'பிற' அடும் - அப்புனலின் நீங்குமாயின், அதனைப் பிற எல்லாம் வெல்லா நிற்கும்.
(எனவே, 'எல்லாரும் தம்நிலத்து வலியர்' என்பது கூறப்பட்டது. 'பிற' என்பது முன்னும் கூட்டப்பட்டது. நிலைப்படா நீரின்கண் பிற நிற்றலாற்றாமையின் அவையெல்லாம் முதலைக்கு எளியவாம், அவை இயங்குவதற்குரிய நிலத்தின் கண் அஃது இயங்கலாற்றாமையின், 'அஃது அவற்றிற்கெல்லாம் எளிதாம்', என்றது, மேற்செல்லும் அரசர் பகைவர் நிற்றலாற்றா இடன் அறிந்து செல்வராயின், அவர் தமக்கு எளியராவரன்றித் தாம் நிற்கலாற்றா இடத்துச் செல்வராயின் அவர்க்கு எளியராவர் என்னும் பொருள் தோன்ற நின்றமையின், இது பிறிதுமொழிதல் என்னும் அலங்காரம். அவரை அவர் நிற்றலாற்றாவிடத்துச் சென்று வெல்க என்பதாம்.).

மணக்குடவர் உரை
நெடிய நீரின்கண் பலவற்றையும் முதலை வெல்லும்; அஃது அந்நீரினின்று நீங்குமாயின் அதனைப் பிறவெல்லாம் வெல்லும்.
இது மேலதற்குக் காரணங் கூறிற்று. இவை யைந்தும் இடமறியவேண்டு மென்பது கூறின.

மு.வரதராசனார் உரை
ஆழமுள்ள நீரில் முதலை மற்ற உயிர்களை வெல்லும், ஆனால் நீரிலிருந்து விலகிவந்தால் அந்த முதலையையும் மற்ற உயிர்கள் வென்றுவிடும்.

சாலமன் பாப்பையா உரை
முதலை நீரில் வெற்றி பெறும்; நீரைவிட்டு வெளியே வந்தால் அதனை மற்றவை வெல்லும்.

Thirukkural - Management - Decision Making
Four Kurals highlight the importance of location for the success of any business venture. In real estate language, three things decide the success of real estate business. They are location, location, and location. Kural 495 supports the view that in addition to time, location also influences the outcome of a decision. The importance of  right location is highlighted in Kural 495. A crocodile gains advantage over any other animal when  the crocodile is inside water. The jaguar is an exception. On the contrary, other animals can challenge a crocodile when the crocodile is on land.

The Crocodile mins in deep waters-
Coming out others min against it.


நயனிலன் என்பது சொல்லும்

குறள் 193
நயனிலன் என்பது சொல்லும் பயனில 
பாரித் துரைக்கும் உரை.
[அறத்துப்பால், இல்லறவியல், பயனில சொல்லாமை]

பொருள்
நயன் - நயம்; நயவான்; பசை; உறவு; கொடையாளி; விரகு; உபாயம், நீதி.
நயம் - இன்பம்; அருள்; மகிழ்ச்சி; விருப்பம்; தன்மை; மேன்மை; போற்றுகை; அன்பு; பக்தி; நற்பயன்; மலிவு; மிகுதி; பயன்; நுண்மை; இனிமை; நீதி; கொடையாளி; கனமும்தேசிகமும்கலந்துபாடும்வகை.

-> ஒழுக்கம் (பயன்தூக்கிப் பண்புரைக்கும் பண்பின் மகளிர் நயன்தூக்கி நள்ளா விடல் (திருக்குறள்))
-> நன்மை, சிறப்பு, நயம் (பயன்தூக்கார் செய்த உதவி நயன்தூக்கின் நன்மை கடலின் பெரிது (திருக்குறள்)

இலன் - இல்லாதவன்

நயனிலன் - நயன் இல்லாத; நளினம் இல்லாதல் ஒழுக்கம் இல்லாத; முறை இல்லாத; அறம் இல்லாத ஒருவன்.

என்பது - eṉpatu   n. என்-. 1. An expletive word used to express either approval ordisapproval of a statement; நன்றுரைத்தற்கண்ணும்இழித்தற்கண்ணும் வரும் அசைநிலை (தொல். சொல் 280, சேனா ) 2. An expletive word used as anadjunct and having mere attributive force; சார்ந்துநின்ற சொல்லின்பொருளை யுணர்த்தும் பிரிவில்அசைநிலை. (தொல். சொல் 282, உரை )  
என்பது - என்று என்பதை.

சொல்லும் - சொல்லுதல் பேசுதல்; அறிவித்தல்; திருப்பிக்கூறுதல்; கட்டளையிடுதல்; புத்திகூறல்; புகழ்தல்; களைதல்.

சொல்லும் - சுட்டிக்காட்டும் / எடுத்துக் காட்டும் / காட்டிக் கொடுத்து விடும்.

பயன் - பலன்; வினைப்பயன்; சொற்பொருள்; செல்வம்; பழம்; அகலம்; சாறு; பால்; வாவி; அமுதம்; நீர்.

பயனில - பயன் இல்லாத / உதவாத (கருத்து / பொருள் / பேச்சு) பற்றி.

பாரித்து பாரி-த்தல் - pāri-   11 v. cf. sphāri. intr.1. To spread, expand; to abound; பரவுதல்.இவணலம் பாரித்திட்ட விந்நகர் (சீவக. 706). 2. Tobe bulky, huge; பருத்தல். Colloq. 3. To increase; மிகுதியாதல். தாரிப்பின்றிப் பசிதலைக் கொள்வது பாரித்து (பெரியபு. இளையான். 9). 4. Toarise, appear, come into being; தோன்றுதல்.பகல்செய் மண்டிலம் பாரித்தாங்கு (பெரும்பாண். 442).5. To prepare; ஆயத்தப்படுதல். பாயிய வெழுந்தவேங்கை பாரிக்குமளவில் (சூளா. துற. 19).--tr. 1.To foster; வளர்த்தல். பண்பின்மை பாரிக்கு நோய்(குறள், 851). 2. To cause to appear; தோன்றச்செய்தல். 3. To cause to be obtained;அமைத்துக்கொடுத்தல். பரமபதம் பாகவத ரனைவருக்கும் பாரித்தானால் (அரிசமய. பத்திசா. 98). 4. Tomake, form, construct, create, constitute; உண்டாக்குதல். (W.) 5. To fill up, complete;நிறைத்தல். பாரித்துள்ள இப்பண்டமும் (திருவிளை.குண்டோ. 16). 6. To wear, as ornaments; அணிதல். கைவளை பாரித்தார் (இராமநா. பால. 21). 7.To worship with flowers; அருச்சித்தல். தடமலரெட

உரைக்கும் - உரைத்தல் - ஒலித்தல்; சொல்லுதல் தேய்த்தல் மாற்றறியத்தேய்த்தல்; மெருகிடுதல் பூசுதல்

பயனில உரைக்கும் - வீணலப்பு (வெட்டிப் பேச்சே)

உரை - உரைக்கை; சொல் பொருள்விளக்கம்; ஒலி பேச்சு மொழி முழக்கம் ஆசிரியவசனம் ஆகமப்பிரமாணம் மாற்றுரை; விடை பொன் புகழ் தேய்வு எழுத்தின்ஒலி; புகழுரை; விரிவுரை

முழுப்பொருள்
கருத்துக்கள் எதுவும் இல்லாத நன்மை விளைவிக்காத, பயன் இல்லாத, உதவாத, களர் நிலைப் பொருளை பற்றி விரிவாக விரித்துரைக்கும் வீணரின் வீணலப்பு (வெட்டிப் பேச்சே) காட்டி கொடுத்துவிடும் அவர் எத்தகையவர் அவரின் போக்கு எத்தகையவை என்று.

அத்தகைய வீணன் அவர் உணர்வினில் ஒழுக்கமில்லாத, முறையில்லாத, அறமில்லாத, நளினமில்லாத ஒருவன் என்று. அத்தகையவன் அறத்தை, ஒழுக்கத்தை பேணித் தரத்தோடு வாழ்வைத் வாழ்வும் தகுதியோடு இல்லாதவர்.

அதுமட்டும் இன்றி அத்தகைய வீணின் பேசுபவருடைய முழு அறிவின்மையும், பேதமையும் வெளிபடும்.

ஒருவர் பேசுவது மற்றவருக்கு பயனுள்ளதாக இருக்க வேண்டும். இல்லை என்றால் அது வீண் பேச்சு தான். அது மற்றவருக்கு நேரம் விடயம் தான்.

ஒளவையார் இதையே ஒரு சில வார்த்தைகளில் சொல்லுக்கு ஆத்திச்சூடியில் இலக்கணம் வகுத்துள்ளார்.

ஆத்திச்சூடி உரை
மிகைபடச் சொல்லேல் உரையாடும் போது எதையும் மிகைப்படுத்திக் கூறாதே 
சித்திரம் பேசேல் பொய்யான வார்தைகளை மெய் போல் பேசாதே 
ஞயம்பட உரை  பிறர் மகிழும்படி பேசு
வல்லமை பேசேல் உன்னுடைய திறமையை நீயே புகழ்ந்து கொள்ளக் கூடாது. 
வஞ்சகம் பேசேல்  கபடச் சொற்களை பேசாதே
கண்டொன்று சொல்லேல்  கண்ணாற் கண்டதற்கு மாறாக சொல்லாதே
நொய்ய உரையேல் இழிவான மொழிகளைப் பேசாதே 
பிழைபடச் சொல்லேல் குற்றம் உண்டாகும் படி எதையும் பேசாதே.
மொழிவது அற மொழி சொல்லப் படும் பொருளை சந்தேகம் நீங்கும் படி சொல் 
வெட்டெனப் பேசேல் யாரிடமும் கடுமையான சொற்களைக் கூறக்கூடாது. 
அழகு அலாதன செய்யேல் இழிவான செயல்களை செய்யாதே 

மேலும்: நன்றி அவனிவன் பக்கங்கள் அஷோக்

மேலும்: நன்றி (Moving Moon)
கருத்தென ஏதும் இல்லாக்
.. களர்நிலைப் பொருளை ஒட்டி
விரித்துரை செய்யும் அந்த
.. வீணரின் வெட்டிப் பேச்சே
உரைத்திடும் அவர்தம் போக்கை,
.. உணர்வினில் அறத்தைப் பேணித்
தரத்தொடு வாழ்வைத் தாங்கும்
.. தகுதியோ டில்லார் என்றே

மேலும்
எளிமையா சொன்னாத்தான் நன்னாச் சொல்லறதா அர்த்தம். பாக்கியெல்லாம் வெறும் சொல் விரயம்தான்.

ஒப்புமை
”பாரித்தேன் தரும நுண்ணூல்” (சீவக.214)

உதாரணம்
(நன்றி: அம்மன் தரிசனம்)
பயனில்லாதவற்றை ஒருவன் பேசிக் கொண்டிருந்தால் அப்பேச்சு அவன் இங்கிதமற்றவன் என்பதையே சொல்லும் என்கிறார் அவர்.

ஒரு பொதுக்கூட்டம். அதற்கு தலைமை தாங்குபவர் மிகவும் முக்கியமான நபர். அங்கும் இங்கும் விமானத்தில் அலைந்து கொண்டிருக்கும் ஒரு தொழிலதிபர்.

அவருடைய தலைமையில் நடக்கும் கூட்டத்தில் பலர் பேசினார்கள். அதில் ஒருவர் கடுகளவு விஷயத்தைக் கடலளவாக விரித்துப் பேசிக்கொண்டே இருந்தார். தலைமை தாங்கும் நபருக்கு சீக்கிரம் மேடையை விட்டு இறங்கி விமானத்தைச் சரியான நேரத்தில் அடைய வேண்டிய அவசரம். அந்த அவசரத்தின் அவஸ்தை புரியாமல், பேசுகிறவர் தன் வித்தகத்தைக் காட்டுவதாக நினைத்து ஏதேதோ பேசிக்கொண்டிருந்தார்.

சிரிக்கும்போது முகத்தில் பல் ஒளி விடுவது மாதிரி, வீட்டில் ஒளிவிடும் விளக்கிற்கு பல்பு என்று பெயர் வைத்தான் தமிழன் என்ற ரீதியில் அவருடைய சொல் ஆராய்ச்சி வேறு... நீண்டு கொண்டிருந்தது.

தலைமைப் பொறுப்பை ஏற்றவருக்கு முகம் சிவந்துவிட்டது. எப்படியோ தப்பினால் போதும் என்று இடையிலேயே ஓடிவிட்டார்.

மறுநாள் விழா ஏற்பாட்டாளருக்கு அவர் தொலைபேசியில் பேசிச் சொன்ன செய்தி இதுதான்:

“என்னய்யா இது? அந்த ஆளைப் புலவர் என்று சொல்லுகிறீர்கள். அவருக்கு உடனிருப்பவர்களின் உணர்வும், சபை நாகரிகமும் கூடப் புலப்படவில்லையே! அந்த ஆள் என்னை மேடையில் வைத்துக்கொண்டே ஒரு மணி நேரம் பேசிவிட்டான். ‘நான் ஒரு முட்டாள்’ என்பதை இவ்வளவு விரிவாகப் பேசிய முதல் ஆள் அந்த நபர்தான்” என்றார்.

நயம் என்ற சொல்லுக்கு வேதசாஸ்திரம் என்ற ஒரு பொருளும் உண்டு.

பயனற்ற பேச்சைப் பேசும் போது இவன் சாஸ்திரமறியாதவன் என்பதும் புலப்படும் என்ற கருத்து இக்குறளில் உள்ளது. நயம் என்பதற்கு மேன்மை என்ற பொருளும் உண்டு. வீண்பேச்சு பேசுகிறவன் மேன்மையற்றவன்தான். அவனை ‘நயனிலன்’ என்பது பொருத்தம்தானே!

வ.உ.சிதம்பரனார் உ ரை
பொருள்: பயன் இல பாரித்து உரைக்கும் உரை - பயன இல்லாத சொற்களை விரித்துப் பேசும் பேச்சு, நயன் இலன் என்பது சொல்லும் - (அவ்வாறு பேசுவோன்) நன்மை இல்லாதவன் என்பதைக் கூறும்.

கருத்து: பயனில சொல்லுவான் நல்லவன் அல்லன் என்று கருதப்படுவான்.

பரிமேலழகர் உரை
பயன் இல பாரித்து உரைக்கும் உரை - பயன் இலவாகிய பொருள்களை ஒருவன் விரித்து உரைக்கும் உரைதானே; நயன் இலன் என்பது சொல்லும் - இவன் நீதி இலன்' என்பதனை உரைக்கும்.

விளக்கம்
(உரையால் இவன் 'நயனிலன்' என்பது அறியலாம் என்பார், அதனை உரைமேல் ஏற்றி, 'உரை சொல்லும்' என்றார்.) 

மணக்குடவர் உரை
நயனுடைய னல்லனென்பதனை யறிவிக்கும், பயனில்லாதவற்றைப் பரக்க விட்டுச் சொல்லுஞ் சொற்கள், இது பயனில சொல்வார் இம்மையின்கண் பிறரால் இயம்பப் படாரென்றது.

மு.வ உரை
ஒருவன் பயனில்லா பொருள்களைப் பற்றி விரிவாகச் சொல்லும் சொற்கள், அவன் அறம் இல்லாதவன் என்பதை அறிவிக்கும்.

சாலமன் பாப்பையா உரை
பயனற்ற சொற்களை விரித்துப் பேசும் ஒருவன் பேச்சு அவன் நீதியற்றவன் என்பதைக் காட்டிவிடும்.

நன்றி: அகராதி.com உரை
several kinds of உரை, or modes of explanation are given by Tamil Gram marians. The author of காரிகை has given four, viz.: 1. கருத்துரை, the main sentiment or scope of the text explained, also called தாற்பரியவுரை. 2. பதவுரை, verbal explana tion, or interpretation, word by word, or clause by clause, also called கண்ணழிவுரை. 3. பொழிப்புரை, the substance of the text omitting rhetorical ornament, and ad juncts, or a free rendering of the text without interruption, also called பொழிப்புத் திரட்டுரை and பிண்டவுரை. --Note. The latter is the same as பதவுரை would be without the words of the text interspersed. 4. விரித்துரை, explanation at large, comment or exposition with proofs, illustrations, &c., also called அலகவுரை and விரியுரை; any of the preceding three, or any other kind of explanation may be included in this last. 

According to நன்னூல், உரை is divided into tow general classes, viz.: காண்டிகையுரை and விருத்தியுரை. 1. காண்டிகையுரை, brief exposition, or explanation of the text embracing five sub-divisions. (a) கருத்துரை, the scope of the text. (b) பதப்பொருள், verbal rendering being either as பதவுரை or as the scope and definition of பொழிப்புரை, given above, (c) உதாரணம், example for illustration. (d) வினா, anticipating objections, (lit.) proposing questions. (e) விடை, answering such objec tions or questions as may possibly occur. 2. விருத்தியுரை, copious or complete explana tion embracing fourteen sub-divisions. 1. பாடம், giving the text or verse to be ex plained with different readings and choice exposition. 2. கருத்துரை, the general scope, or import of the text, as in காண்டிகை. 3. சொல்வகை, giving the parts of speech, or showing the grammatical connection when necessary to clear away obscurities. 4. சொ ற்பொருள், giving equivalent, literal words, or clauses as பதப்பொருள், in காண்டிகை, verb al renderings, &c. 5. தொகுத்துரை, a free rendering of the text as பொழிப்புரை, above. 6. உதாரணம், illustration by examples, as above. 7. வினா, anticipating objections, or raising questions as before. 8. விடை, an swering such objections or giving reasons in support of the statements in the text. 9. விசேடம், special explanation, particular remarks. 1. விரிவு, supplying ellipses as of cases or otherwise. 11. அதிகாரம், determin ing the meaning of doubtful terms by refer ence to the subjects under discussion, as be longing to such a head, &c., or according to another exposition pointing out the be ginning and ending of the discussion of the different subjects respectively, the opinions of different commentators. 12. துணிவு, de ciding the meaning of terms concerning which there may be diversity of opinion. 13. பயன், inference, applications or recapi tulation to show what is to be learnt by the text. 14. ஆசிரியவசனம், quotations, or textuary proofs from other authors. (p.)

அகழ்வாரைத் தாங்கும் நிலம்போல

குறள் 151
அகழ்வாரைத் தாங்கும் நிலம்போலத் தன்னை 
இகழ்வார்ப் பொறுத்தல் தலை
[அறத்துப்பால், இல்லறவியல், பொறையுடைமை]

பொருள்
அகழ் - akaẕ   அகழு, II. v. t. dig out, excavate. தோண்டு.
அகழு - akẕu  -அகழ், கிறேன், அகழ்ந்தேன், வேன், அகழ, v. a. To dig out, excavate a well or ditch, form a hole as a rat, &c., தோண்ட. 2. To dig, turn up the earth, plough, உழ. (p.) 

அகழ்வாரைத் - அகழ்வார் - தோண்டுவோர் 

தாங்கும் - தாங்குதல் - சுமத்தல்; புரத்தல்; ஆதரித்தல்; தடுத்தல்; பொறுத்தல்; தோணிதள்ளுதல்; வருந்துதல்; மனத்திற்கொள்ளுதல்; அன்பால்நடத்தல்; தாமதித்தல்; நிறுத்துதல்; குதிரைமுதலியவற்றின்வேகத்தைஅடக்கிச்செலுத்துதல்; நொண்டுதல்; இளைப்பாற்றுதல்; ஏற்றுக்கொள்ளுதல்; அணிதல்; சிறப்பித்தல்; அழுத்துதல்; பிடித்துக்கொள்ளுதல்.

நிலம் - தரை; மண்; பூமி; இடம்; வயல்; பதவி; நிலத்திலுள்ளார்; எழுத்துஅசைசீர்களாகியஇசைப்பாட்டின்தானம்; விடயம்; மேன்மாடம்; கள்ளிவகை

போல - ஓர்உவமவுருபு

தன்னை - தலைவன்; தமையன்; தமக்கை; தாய்
தன் - தான் என்னும் சொல் வேற்றுமையுருபை ஏற்குமிடத்துப் பெறும் திரிபு

இகழ்ச்சி - அவமதிப்பு; குற்றம் விழிப்பின்மை; வெறுப்பு
இகழ்தல் - ikaḻ   n. இகழ்-. Contempt,reproach; இகழ்ச்சி இகழறு சீற்றத் துப்பின் (காஞ்சிப்பு. கச்சி 21).  

இகழ்வார்ப் - அவமதிப்போர், வெறுப்போர்

பொறுத்தல் - தாங்குதல்; சகித்தல்; சுமத்தல்; அணிதல்; இளக்காரம்கொடுத்தல்; மன்னித்தல்; உத்தரவாதமாதல்; தாமதித்தல்; உவமையாகப்பெறுதல்; சாந்தமாயிருத்தல்.

தலை - சிரம்; முதல்; சிறந்தது; வானம்; இடம்; உயர்ந்தோன்; தலைவன்; உச்சி; நுனி; முடிவு; ஒப்பு; ஆள்; தலைமயிர்; ஏழாம்வேற்றுமைஉருபு; ஓர்இடைச்சொல்; மேலே; தபால்கடிதத்தில்ஒட்டும்முத்திரைத்தலை; தலையோடு.

முழுப்பொருள் 
இவ்வுலகில் நிலத்தை தன்னலத்திற்கான கட்டுமானம், பொதுநலனிற்கான கட்டுமானம், அகழ்வாராய்ச்சிப் போன்ற பலகாரணங்களுக்காக தோண்டுவார்கள். பெரும்பாலும் இவை அனைத்தும் சுயநலத்திற்கே. பல பயிர்களை விளைவிக்க ஏர் உழுதாலும் அது சுயநலத்திற்காகவே. நிலத்தை தோண்டும் பொழுது நிலம் ஒரு பொழுதும் அதற்கு எதிர்வினை ஆற்றுவதில்லை. தோண்டும் பொழுது விழுந்தால் கூட எவ்வித காழ்ப்பும் இன்றி மனிதனை தாங்கிப்பிடிக்கும் நிலம். அதனால் தான் நிலத்தை பொறுத்தலுக்கும் / பொறையுடைமைக்கு எடுத்துக்காட்டாக கூறுகிறார் திருவள்ளுவர்.

ஆதலால் தன்னையே தோண்டும்  மனிதனைக் கூட  கீழே  விழுந்து விடாமல் தாங்கும் நிலம் போல, பழிப்பவர்களையும், தூற்றுபவர்களையும், அவமதிப்போரையும் கூட பொறுத்து கொள்வது தலையாய பண்பாகும் .

ஒப்புமை
”நோன்மை நாடின் இருநிலம்” (பரி 2:55)
“நிலத்தோ ரன்ன நலத்தகு பெரும்பொறை” (பெருங் 1.42:179)

குறள் 579

“பொறைஎனப் படுவது போற்றாரைப் பொறுத்தல்” (கலி.133:14)
“தம்மை இகழ்ந்தமை தாம்பொறுப்ப தன்றி” (நாலடி 58)
“கறுத்தாற்றித் தம்மைப் கடியசெய் தாரைப்
பொறுத்தாற்றிச் சேறல் புகழால்’ (பழ 19)

மேலும்





பரிமேலழகர் உரை:
[அஃதாவது, காரணம் பற்றியாதல், மடைமையானாதல் ஒருவன் தமக்கு மிகை செய்தவழித் தாமும் அதனை அவன்கண் செய்யாது பொறுத்தலை உடையராதல். நெறியின் நீங்கிய செய்தாரையும் பொறுக்க வேண்டும் என்றற்கு, இரு பிறன்இல் விழையாமையின் பின் வைக்கப்பட்டது.)

அகழ்வாரைத் தாங்கும் நிலம் போல-தன்னை அகழ்வாரை வீழாமல் தாங்கும் நிலம் போல; தம்மை இகழ்வார்ப் பொறுத்தல் தலை-தம்மை அவமதிப்பாரைப் பொறுத்தல் தலையாய அறம். (இகழ்தல்; மிகையாயின செய்தலும் சொல்லுதலும்).

பரிமேலழகர் உரை
[அஃதாவது, காரணம் பற்றியாதல், மடைமையானாதல் ஒருவன் தமக்கு மிகை செய்தவழித் தாமும் அதனை அவன்கண் செய்யாது பொறுத்தலை உடையராதல். நெறியின் நீங்கிய செய்தாரையும் பொறுக்க வேண்டும் என்றற்கு, இரு பிறன்இல் விழையாமையின் பின் வைக்கப்பட்டது.)

அகழ்வாரைத் தாங்கும் நிலம் போல-தன்னை அகழ்வாரை வீழாமல் தாங்கும் நிலம் போல; தம்மை இகழ்வார்ப் பொறுத்தல் தலை-தம்மை அவமதிப்பாரைப் பொறுத்தல் தலையாய அறம். (இகழ்தல்; மிகையாயின செய்தலும் சொல்லுதலும்).

மணக்குடவர் உரை
தன்னை யகழ்வாரைத் தரிக்கின்ற நிலம்போலத் தம்மை யிகழுபவர்களைப் பொறுத்தல் தலைமையாம். இது பொறுத்தானென் றிகழ்வாரில்லை; அதனைத் தலைமையாகக் கொள்வார் உலகத்தாரென்றது.

மு.வரதராசனார் உரை
தன்னை வெட்டுவோரையும் விழாமல் தாங்குகின்ற நிலம் போல், தம்மை இகழ்வாரையும் பொறுப்பதே தலையான பண்பாகும்.

சாலமன் பாப்பையா உரை
தன்னையே தோண்டினாலும் தோண்டுபவர் விழுந்துவிடாதபடி தாங்கும் நிலம் போலத், தன்னை வார்த்தைகளால் அவமதிப்பவரையும் மதித்துப் பொறுப்பது முதன்மை அறம்.

வ.உ.சிதம்பரனார் உரை
பொருள்: அகழ்வாரை தாங்கும் நிலம் போல - (மண்வெட்டி கொண்டு தன்னைத்) தோண்டுவாரைத் தாங்கும் நிலம் போல, தம்மை இகழ்வார்ப் பொறுத்தல் தலை - தம்மை இகழ்வாரைப் பொறுத்தல் தலையாய பொறுமை.

அகலம்: இகழ்வார் என்பது இரண்டாம் வேற்றுமைத் தொகை. ‘தம்மை யிகழ்ந்தமை தாம் பொறுப்ப தன்றிமற், றெம்மை யிகழ்ந்த வினைப்பயத்தா- லும்மை, யயரிவாய் நிரயத்து வீழ்வர்கொ லென்று, பரிவதூஉஞ் சான்றோர் கடன்’ - நாலடியார்.

கருத்து: தம்மை இகழ்வாரைப் பொறுத்தல் தலையாய பொறுமை.


Thirukkural - Management - Tolerance
“Tolerate” according to Oxford Advanced Learner's Dictionary (1996, p. 1258), “is to allow  something that one does not like or agree to happen or continue.” This practice has included four Kurals to deliberate on the importance of tolerance for a balanced and stress free life.

Valluvar uses a simile to teach us the purpose of tolerance in our life. Earth tolerates the people who dig and till it for their personal gains. The earth, besides tolerating them, gives them back in the form of abundant yields. Earth never shows revenge towards people who trouble it. Tolerance  is the quality of earth, elaborates Kural 151.

To bear insults is best, like the earth 
Which bears and maintains its diggers.

Similar to earth, a tolerant person must be able to tolerate people who abuse, criticize, insult, and hurt him. In addition to tolerating the abuses, criticisms, insults, and hurts, he has to do good things in turn to exhibit the quality of tolerance in him.

கதுமெனத் தாநோக்கி தாமே கலுழும்

குறள் 1173
கதுமெனத் தாநோக்கித் தாமே கலுழும்
இதுநகத் தக்க துடைத்து.
[காமத்துப்பால், கற்பியல், கண்விதுப்பழிதல்]

பொருள்
கதுமெனல் - katum-eṉal   - விரைதல், n. Expressiondenoting quickness; விரைவுக்குறிப்பு. கதுமெனக்கரைந்து (பொருந. 101).  

கதும் - விரைவுக்குறிப்பு (swiftly) -
- கற்பு உடை உமையாள் மைந்தன் கதும் என கழுத்தில் இட்டான் (திருவிளையாடற் புராணம்)
- கதும்  எனக் கனல்  பொத்தித் தள்ளு மின் (கம்பராமாயணம்) (விரைவாக நெருப்பை மூட்டி அதில் அவனைத்  தள்ளுங்கள்)

கதும் எனத் - விரைவாக

என - என்னுடைய; என்ன; என்று; ஓர்உவமவுருபு.

தா - ஒர்உயிர்மெய்யெழுத்து(த்+ஆ)வலிமை; வருத்தம்; கேடு; குற்றம்; பகை; பாய்கை; குறை.

தா - தானே

நோக்கி - நோக்குதல் - பார்த்தல்; கருதுதல்; கவனித்தல்; திருத்துதல்; பாதுகாத்தல்; அருளுதல்; ஒத்தல்; ஒப்பிட்டுப்பார்த்தல்; படித்தல்; விரும்புதல்; கண்காணித்தல்.

நோக்கித் - பார்த்து

தாமே - தானே

கலுழ்தல் - கலங்குதல்; தடுமாறுதல்; அழுதல்; ஒழுகுதல்; உருகுதல்
கலுழும் - கலுழு கண்மழை (தேம்பாவணி) - கண்ணின் மழை வெள்ளம்

இது - இந்த (இந்த முரண்பாடு)

நக - நகைத்தல் - சிரித்தல்; நிந்தித்தல்.

நகத் தக்க துடைத்து - நகத்தக்கது (நகைக்க தக்கது) உடைத்து
நகை - சிரிப்பு
நகைக்க - சிரிக்க

தக்கது - takkatu   n. தகு-. 1. See தகுதி (திவா.) 2. That which is fit or proper; தகுதியானது. தக்கதே நினைந்தான் றாதை (கம்பரா. கைகேயி 102).  

உடைத்து - உடைதல் - இருக்கும்

தக்கது உடைத்து - இயல்பு உடையது

முழுப்பொருள்
காதலரை இக்கண்கள் சற்றும் சிந்திக்காமல் குடுகுடுவென திடுமென்று ஆசையாக பார்த்தது. இப்பொழுது அவரைப் பாராமல் காணவில்லையே என்று கண்ணில் மழை வெள்ளமாய் கண்ணிர் பொழிகிறது. கண்களின் இந்த முரண்பட்ட செய்கையை கண்டால் அவளுக்கு சிரிப்பாக இருக்கிறதாம். ஆக இவளுடைய அவசர புத்தியிற்கு கண்களின் மேல் பழியினை சுமத்துகிறாள்.

”தெப்பானே பிப்பானே” என்று சொல்லுவார்கள். 
விளைவறியாது அவசர அவசரமாக பார்த்ததனாள் தான் இப்பொழுது பார்க்க முடியாமல் அழுகிறாள். 

குறட் கருத்து (நன்றி: திரு.தமிழ்க்கடல் நெல்லை கண்ணன்)

ஓடி ஓடிப் பார்ர்த்ததுவும் இந்தக் கண்கள்
உள்ளமதில் சேர்த்ததுவும் இந்தக் கண்கள்
ஆடிப் பாடி மகிழ்ந்ததுவும் இந்தக் கண்கள்
அயலார்க்குச் சொன்னதுவும் இந்தக் கண்கள்
வாடி வாடி இன்றழுமே இந்தக் கண்கள்
வதை பட்டு துன்பமுறும் இந்தக் கண்கள்
போடி இது சிரிப்பிற்கே இடம் என்கின்றாள்
பொன்னழகி தன் கண்ணைத் தானே இங்கு

உதாரணம்
கல்யாணத்திற்கு முன் மாப்பிள்ளை (வெகு நேரம்) பெண் பார்க்கும் பொழுது, பெண் *சிறிது நேரம்* (ஒரு கண நேரம்) மட்டும் தான் பார்ப்பாள். அதுவும் அவசரம் அவசரமாக அரைகுரையாக. இதன் பின்பு இனிமேல் கல்யாணத்தில் தான் பார்க்க முடியும். அதுவரை அவரை காணாமல் அழுகிறாள். இப்படிப் பட்ட முரண்பட்ட கண்களை பார்த்து சிரிக்கிறாள்.

ஆனால் உண்மையில் அவனை அவசர அவசரமாக பார்த்தது அவள். காணமுடியாமல் அழுகின்றவள் அவள். ஆனால் கண்கள் என்னமோ அவசர பட்டதாகவும், கண்கள் காணாமல் மழைப் போன்று அழுவதாகவும் என்று கண்கள் மேல் பழியினை போடுகிறாள்.

பெண்  *சிறிது நேரம்* தான் பார்ப்பாள் - இது காலத்திற்கு அவ்வளவுவாக பொருந்தாது. 


  


 

பரிமேலழகர் உரை
இதுவும் அது. தாம் கதுமென நோக்கித் தாமே கலுழும் இது - இக்கண்கள் அன்று காதலரைத் தாமே விரைந்து நோக்கி இன்றும் தாமே இருந்தழுகின்ற இது; நகத்தக்கது உடைத்து - நம்மால் சிரிக்கத்தக்க இயல்பினை உடைத்து.

விளக்கம் ('கண்கள்' என்பது அதிகாரத்தான் வந்தது. 'இது' என்றது மேற்கூறிய கழிமடச் செய்கையை. அது வருமுன்னர்க் காப்பார்க்கு நகை விளைவிக்கும் ஆகலான் 'நகத்தக்கது உடைத்து' என்றாள்.)

மணக்குடவர் உரை
இக்கண்கள் அன்று விரைந்து தாமேநோக்கி இன்று தாமே கலுழாநின்ற; இது சிரிக்கத்தக்க துடைத்து. இஃது ஆற்றாமை மிகுதியால் நகுதல் மிக்க தலைமகளை இந்நகுதற்குக் காரண மென்னையென்று வினாவிய தோழிக்கு அவள் கூறியது.

மு.வரதராசனார் உரை
அன்று காதலரைக் கண்கள் தாமே விரைந்து நோக்கி இன்று தாமே அழுகின்றன; இது நகைக்கத்தக்க தன்மை உடையது.

சாலமன் பாப்பையா உரை
அன்றைக்கு அவரை வேகமாகப் பார்த்துவிட்டு, இன்றைக்குத் தனியாக இருந்து இந்தக் கண்கள் அழுவதைப் பார்த்தால் சிரிப்புத்தான் வருகிறது.

நன்றி: ரிஷவன்
காதலரைக்கண்ட மாத்திரம்
பாய்ந்து சென்று
மகிழ்ந்த விழிகள்.. அவர்
காணாததை எண்ணி
கண்களை குளமாக்குவது
நகைப்பு தரும் நொடிகளாகும்

காலம் கருதி இருப்பர்

குறள் 485
காலம் கருதி இருப்பர் கலங்காது 
ஞாலம் கருது பவர்.
[பொருட்பால், அரசியல், காலமறிதல்]

பொருள்
காலம் - பொழுது; தக்கசமயம்; பருவம்; பருவப்பயிர்; விடியற்காலம்; முடிவுகாலம்; தொழில்நிகழ்ச்சியைக்குறிக்கும்முக்காலம்; இசைக்குரியமூன்றுகாலம்; தாளப்பிரமாணம்.

கருதி - கருதுதல் - எண்ணுதல்; மறந்ததைநினைத்தல்; நிதானித்தறிதல்; உத்தேசித்தல்; மதித்தல்; விரும்புதல்; அனுமானித்தல்; நன்குஆலோசித்தல்; ஒத்தல்.

இருப்பர் - இருத்தல் - உளதாதல்; நிலைபெறுதல் உட்காருதல் உள்ளிறங்குதல்; உயிர்வாழ்தல் அணியமாயிருத்தல்; உத்தேசித்தல் ஒருதுணைவினை; முல்லைஉரிப்பொருள்.

கலங்குதல் - நீர்முதலியனகுழம்புதல்; மனங்குழம்புதல்; தெளிவின்றாதல், மயங்குதல்; அஞ்சுதல்; துன்புறுதல்; தவறுதல்.

கலங்காது - தவறாது

ஞாலம் - உலகம், பூமி, நிலம்; உயர்ந்தோர்; மாயவித்தை.

கருதுதல் - எண்ணுதல்; மறந்ததைநினைத்தல்; நிதானித்தறிதல்; உத்தேசித்தல்; மதித்தல்; விரும்புதல்; அனுமானித்தல்; நன்குஆலோசித்தல்; ஒத்தல்.

கருது பவர் - எண்ணுபவர்

ஞாலம் - உலகம் 

காலம் கருதி இருப்பர்  - காலத்தை எண்ணி காத்திருப்பவர் 

கலங்காது - கலக்கமடையாது 
ஞாலம் கருது பவர் - உலகத்தை வெல்ல எண்ணி உள்ளவர் .

முழுப்பொருள்
இந்த உலகத்தையே வெல்ல வேண்டும், கைக்குள்  கொள்ள வேண்டும் என்ற எண்ணம் கொண்டவர்கள், எதை பற்றியும் கலங்காமல், சரியான காலம் வரும் வரை காத்து இருக்க வேண்டும்.

அதாவது, நமது எண்ணம், குறிக்கோளிற்கு ஏற்ற சமயம் வரும் வரை, இடைப்பட்ட துன்ப தருணங்கள், தடைகள் அவற்றை கண்டு கலங்காமல், பொறுமையோடு, நமக்கான சரியான நேரம் வரும் வரை காத்து இருக்க வேண்டும்.

இதற்கு சான்றாக பலவற்றை கூறலாம். 

வரலாற்றில் பல இடங்களில், சரியான  சமயம் வரும் வரை காத்து இருந்து படை எடுத்த மன்னர்கள் எளிதாக வென்றதை காணலாம்.

கொக்கு கூட தனக்கு  சரியான உணவு (உறுமீன்) வரும் வரை, சிறிய மீன்களை விட்டு விட்டு பொறுமையோடு காத்து இருக்கும் என்பதை தான், 

 "ஓடுமீன் ஓட உறுமீன் வரும்வரைக்கும் வாடியிருக்குமாம் கொக்கு"

என்று கூறுவார்கள்.

ஒப்புமை
”காலம் ஈதெனக் கருதிய இராவணன் காதல்” (கம்ப.பிரமாத்திரப்.164)

“இடத்தொடு பொழுதும்ம் நாடி எவ்வினைக் கண்ணும் அஞ்சார்
மடப்பட லின்றிச் சூழும் மதிவல்லார்க் கரிய துண்டோ” (சீவக.1927)

“கருத்துற நோக்கிப் போந்த காலமும் நன்று காதல்
அருத்தியும் அரசின் மேற்றே அறிவினுக் கவதி யில்லை” (கம்ப.விபீடணன்.107)

பரிமேலழகர் உரை
கலங்காது ஞாலம் கருதுபவர் - தப்பாது ஞாலம் எல்லாம் கொள்ளக் கருதும் அரசர், காலம் கருதி இருப்பர் - தம் வலிமிகுமாயினும், அது கருதாது, அதற்கு ஏற்ற காலத்தையே கருதி அது வருந்துணையும் பகைமேல் செல்லார்.'
(தப்பாமை: கருதிய வழியே கொள்ளுதல். வலி மிகுதி 'காலம் கருதி' என்றதனால் பெற்றாம். அது கருதாது செல்லின் இருவகைப் பெருமையும் தேய்ந்து வருத்தமும் உறுவராகலின், இருப்பர் என்றார். இருத்தலாவது: நட்பாக்கல், பகையாக்கல், மேற்சேறல்,இருத்தல், பிரித்தல், கூட்டல் என்னும் அறுவகைக் குணங்களுள் மேற்செலவிற்கு மாறாயது. இதனாற் காலம் வாராவழிச் செய்வது கூறப்பட்டது.).

மணக்குடவர் உரை
செய்யுங்காலம் வருமளவு நினைத்து அசைவின்றி யிருப்பார்: ஞாலத்தைக் கொள்ளக் கருதுபவர்.

மு.வரதராசனார் உரை
உலகத்தைக் கொள்ளக் கருதிகின்றவர் அதைப்பற்றி எண்ணிக் கலங்காமல் அதற்கு ஏற்ற காலத்தைக் கருதிக்கொண்டு பொறுத்திருப்பர்.

சாலமன் பாப்பையா உரை
பூவுலகம் முழுவதும் வேண்டும் என்போர், ஏற்ற காலத்தை எண்ணித் தவறாமல் காத்து இருப்பர்.