Sunday, March 15, 2020

அச்ச முடையார்க்கு அரணில்லை ஆங்கில்லை

குறள் 534
அச்ச முடையார்க்கு அரணில்லை ஆங்கில்லை
பொச்சாப் புடையார்க்கு நன்கு
[பொருட்பால், அரசியல், பொச்சாவாமை]
(For meaning in English, scroll to the bottom of this post)

பொருள்
அச்சம் - பயம்; மகளிர் நாற் குணத்துள் ஒன்று; தகடு இலேசு அகத்திமரம்; சரிசமானம் பளிங்கு

உடையார்க்கு - உடையவர்கள் ; uṭaiyār   n. id. Hon. pl. 1.Lord, master; சுவாமி உடையார் . . . திருவிழாவில் (S.I.I. ii, 306). 2. Title of certain castesof cultivators; சிலசாதியாரின் பட்டப்பெயர் 3.A village official in North and East Ceylon;இலங்கையில் ஒரு கிராம உத்தியோகஸ்தன் 4. Pl.The rich, as those who have world's goods;செல்வர். உடையார்மு னில்லார்போல் (குறள், 395).

அரண் - பாதுகாப்பு, காவல் கோட்டை சுற்றுமதில் காவற்காடு கவசம் வேலாயுதம் செருப்பு அழகு அச்சம்

இல்லை - உண்டுஎன்பதன்எதிர்மறை; இன்மைப்பொருளைஉணர்த்திஐம்பால்மூவிடத்திலும்வரும்ஒருகுறிப்புவினைமுற்று; சாதலைஉணர்த்திஐம்பால்மூவிடத்திலும்வரும்ஒருகுறிப்புவினைமுற்று.

ஆங்கு - அவ்விடம்; அக்காலத்தில்; அப்படி ஓர்உவமஉருபு; ஏழன்உருபு; ஓர்அசைநிலை.

இல்லை - உண்டுஎன்பதன்எதிர்மறை; இன்மைப்பொருளைஉணர்த்திஐம்பால்மூவிடத்திலும்வரும்ஒருகுறிப்புவினைமுற்று; சாதலைஉணர்த்திஐம்பால்மூவிடத்திலும்வரும்ஒருகுறிப்புவினைமுற்று.

பொச்சாப்பு - மறதி; பொல்லாங்கு; குற்றம்; உறுதியின்றிமனம்நெகிழ்ந்திருக்கை.

உடையார்க்கு - உடையவர்கள் ; uṭaiyār   n. id. Hon. pl. 1.Lord, master; சுவாமி உடையார் . . . திருவிழாவில் (S.I.I. ii, 306). 2. Title of certain castesof cultivators; சிலசாதியாரின் பட்டப்பெயர் 3.A village official in North and East Ceylon;இலங்கையில் ஒரு கிராம உத்தியோகஸ்தன் 4. Pl.The rich, as those who have world's goods;செல்வர். உடையார்மு னில்லார்போல் (குறள், 395).

நன்கு - அழகு; மிகுதி; நல்லது; நலம்; நிலைபேறு; நன்னிமித்தம்; மகிழ்ச்சி; மிகவும்; இதம்.

முழுப்பொருள்
(அரசர்) ஒருவர்க்கு எவ்வளவு பெரிய பாதுகாப்பும் மதில்களும் சுவர்களும் அரணாக இருப்பினும் அவருக்கு உள்ளத்தில் அச்சம் இருந்தால் அப்பாதுக்காப்பாலும் அரணாலும் ஒரு பயனுமில்லை. ஏனெனில் மனதிலுள்ள அச்சம் ஒருவரை மகிழ்ச்சியாகவும் நிம்மதியாகவும் இருக்க விடாது. பிறகென்ன பயன்?

அதுப்போல எவ்வளவு மிகுதியாக செல்வம் இருந்தாலும் ஒருவருக்கு மறதியெனும் நோய் இருந்தால் அவருக்கு அச்செல்வத்தால் என்ன பயன்? அச்செல்வத்தினை அவர் மறதியினாலேயே இழந்துவிடுவார். மேலும் தன்னிடம் இருக்கும் செல்வத்தை வைத்துக்கொண்டு இப்புற உலகில் கிடைக்கும் இன்பங்களை நுகர்வதால் சிறிது காலத்திற்கு சிற்றின்பம் கிடைக்கலாம். ஆனால் செயலாற்றி வரும் இன்பம் கிடைக்காது. சிற்றின்பங்களில் திளைத்தால் சிறிது காலத்தில் சலிப்பு வந்துவிடும். எவ்வளவு செல்வம் இருந்தாலும் செயலாற்றவில்லை என்றால் மகிழ்ச்சி கிடைக்காது. அதனால் மறதி இருந்தால் மகிழ்ச்சி கிடையாது என்கிறார் திருவள்ளுவர்.

இதனை நாம் இன்றய வார்த்தைகளில் சொன்னால் Mindfulness ஐ பின்பற்றவில்லையெனில் நாம் வாழ்வில் பலவற்றை இழக்க நேரிடும். அவருக்கு வாழ்வில் மகிழ்ச்சியும் சிறப்பும் நன்மையும் கிடையாது.

மேலும்: அஷோக் உரை

எழுத்தாளர் ஜெயமோகன் -இன் வெண்முரசு-கிராதம்-2 இல் அச்சம் பற்றி இப்படி வருகிறது

மூன்று பெரும்பள்ளங்களை அவன் கடந்தான். விலக்கம், ஐயம், அருவருப்பு என மூன்றுருக்கொண்டது அச்சமே. இளையோனே, அச்சமென்பது என்ன? மானுடன் முடிவிலியை அஞ்சுகிறான். முடிவிலி நோக்கி எழும் இறப்பை அஞ்சுகிறான். இறப்பென்றாகும் நோயை அஞ்சுகிறான். நோய்கொள்ளும் உடலை அஞ்சுகிறான். உடலென்றான தன்னை அஞ்சுகிறான். அச்சத்தை அளவையாக்கி அவன் இப்புவியை அறிகிறான். எனவே அவன் அறிவதெல்லாம் அச்சம் ஒன்றையே.”

“அச்சத்தை அறுத்தவனுக்கு அறிவு இனிதாகிறது. அகம் இனிதாகிறது. அனைத்தும் இனிதாகின்றன. இனிக்கின்றது எல்லையின்மை. இனிப்பிலிருந்து தொடங்குக! சுவையாகி வருக சிவம்!” பிச்சாண்டவர் சொன்னார். “இனியவனே, அன்னம் இனிது. அன்னத்தை உண்ணும் அன்னம் அறிவது அவ்வினிமை. அறிக, தன் குட்டியை மென்று உண்ணும் அன்னைஓநாயின் கண்கள் சொக்கும் சுவையை. தன் அன்னை உடலை உண்டு வளரும் குஞ்சுநண்டுகளின் கால்கள் கொள்ளும் துள்ளலை. தான் வாழும் இல்லத்தை உண்டு திளைக்கும் மலப்புழுக்களின் களியாடலை. சிவமாகுக அன்னம்!”

பரிமேலழகர் உரை
அரண் அச்சம் உடையார்க்கு இல்லை - காடு மலை முதலிய அரண்களுள்ளே நிற்பினும், மனத்தின்கண் அச்சமுடையார்க்கு அவற்றால் பயன் இல்லை, ஆங்கு நன்கு பொச்சாப்பு உடையார்க்கு இல்லை - அதுபோலச் செல்வமெல்லாம் உடையராயினும், மனத்தின்கண் மறவியை உடையார்க்கு அவற்றால் பயன் இல்லை.
(நன்மைக்கு ஏதுவாகலின் 'நன்கு' என்றார். அச்சமுடையார் நின்ற அரண் அழியுமாறு போல, மறவி உடையாருடைய செல்வங்களும் அழியும் என்பதாயிற்று.).

மணக்குடவர் உரை
அச்சமுடையார்க்கு ஆவதொரு அரணில்லை: அதுபோலப் பொச்சாப்புடையார்க்கு வருவதொரு நன்மை இல்லை. இது பொச்சாப்புடையார்க்குக் காவலில்லை என்றது.

மு.வரதராசனார் உரை
உள்ளத்தில் அச்சம் உடையவர்க்குப் புறத்திலே அரண் இருந்து பயன் இல்லை, அதுபோல் மறதி உடையவர்க்கு நல்ல நிலை வாய்த்தும் பயன் இல்லை.

சாலமன் பாப்பையா உரை
மனத்துள் பயம் உள்ளவர்க்கு எத்தகைய பாதுகாப்பாலும் பயன் இல்லை. அதுபோலவே மறதி உடையவர்க்கும் பாதுகாப்பால் பயன் இல்லை.

Thirukkural - Management - Memory
Valluvar yet again resorts to a simile in Kural 534 to insist on the importance of memory.

There is no fortress for the coward
Nor luck for the lax.

A King may have a strong and indomitable fortress with sturdy walls and professionally trained and muscular soldiers to protect him. However, that external support is of no use to him when he has fear within him. Similarly, even if a person has material possessions and admirable assets, they do not help him when he does not have superior memory. Memory is the mental fortress for everyone because memory protects us more than a physical fortress.

English Meaning - As I taught a kid - Rajesh
A person who is having fear inside / who is a coward inside cannot be protected by any amount of external strong indomitable forts, sturdy walls, professionally trained muscular soldiers because fear inside a person will kill him. External support is of no use to a coward.

Similarly, if a person doesn't have superior memory and procrastinates in doing a work or looking into his priority and important tasks then he/she will loose all his/her material possessions/assets. Memory protects the wealth than the physical fortess. For e.g, if one fails to apply his knowledge in a task, then one would fail and damage his name/brand. If one fails to protect his assets, then over time the assets can diminish in value. If one fails to upgrade one's skills, then one would become irrelevant over time.  

Questions that I ask to the kid
Forgetfulness, Cowardness. Relate and explain. 
Is having lots of knowledge/wealth be sufficient or stay with a person? Why?

பெருங்கொடையான் பேணான் வெகுளி அவனின்

குறள் 526
பெருங்கொடையான் பேணான் வெகுளி அவனின்
மருங்குடையார் மாநிலத்து இல்
[பொருட்பால், அரசியல், சுற்றந்தழால்]

பொருள்
பெருங்கொடை - எல்லோருக்கும் ஏராளமாகக் கொடுக்கை.
பெருங்கொடையான் - எல்லோருக்கும் ஏராளமாகக் கொடுப்பவன் .

பேணுதல் - போற்றுதல், உபசரித்தல்; ஒத்தல்; மதித்தல்; விரும்புதல்; பாதுகாத்தல்; வழிபடுதல்; பொருட்படுத்துதல்; ஓம்புதல்; அலங்கரித்தல்; கருதுதல்; குறித்தல்; உட்கொள்ளுதல்; அறிதல்

பேணான் - போற்றாதவன் ; விரும்பாதவன் ;

வெகுளி - சினம்; வெறுப்பு; கபடமற்றவர்

அவனின் - அவனிடம்

மருங்கு - பக்கம்; விலாப்பக்கம்; இடை; வடிவு; எல்லை; இடம்; சுவடு; சுற்றம்; குலம்; ஒழுங்கு; செல்வம்; நூல்.

உடையார் -  உடையவர்கள் ; uṭaiyār   n. id. Hon. pl. 1.Lord, master; சுவாமி உடையார் . . . திருவிழாவில் (S.I.I. ii, 306). 2. Title of certain castesof cultivators; சிலசாதியாரின் பட்டப்பெயர் 3.A village official in North and East Ceylon;இலங்கையில் ஒரு கிராம உத்தியோகஸ்தன் 4. Pl.The rich, as those who have world's goods;செல்வர். உடையார்மு னில்லார்போல் (குறள், 395).

மா - ஓர்உயிர்மெய்யெழுத்து(ம்+ஆ); விலங்கு; குதிரை; யானை; குதிரை, பன்றி, யானைஆகியவற்றின்ஆண்; சிம்மராசி; வண்டு; அன்னம்; விலங்குவடிவமாய்ப்பிறக்கும்மானுடம்; மாமரம்; அழைக்கை; சீலை; ஆணி; துன்பம்பொறுக்கை; ஓர்அசைச்சொல்; திருமகள்; செல்வம்; கலைமகள்; மாற்று; ஒருநிறை; கீழ்வாயிலக்கத்துள்ஒன்று; நிலவளவைவகை; வயல்; நிலம்; வெறுப்பு; கானல்; ஆகாதுஎன்னும்பொருளில்வரும்ஒருவடசொல்; பெருமை; வலி; அழகு; கருமை; நிறம்; மாமைநிறம்; அரிசிமுதலியவற்றின்மாவு; துகள்; நஞ்சுக்கொடி; அளவை; இயற்சீர்இறுதியிலுள்ளநேரசையைக்குறிக்கும்

நிலத்து - நிலம் - தரை; மண்; பூமி; இடம்; வயல்; பதவி; நிலத்திலுள்ளார்; எழுத்துஅசைசீர்களாகியஇசைப்பாட்டின்தானம்; விடயம்; மேன்மாடம்; கள்ளிவகை.- 

இல் - இல்லை

முழுப்பொருள்
இவ்வுலகில் எல்லோருக்கும் ஏராளமாகக் கொடுக்கும் பெருங்கொடையாளனின் குணத்தையும் சினத்தை (கோபத்தை) / வெறுப்பை விரும்பாதவனையும் உறவினர்களும் நண்பர்களும் சுற்றத்தாரும் சூழ்ந்து இருப்பார்கள். இவ்வுலகில் அவனை போன்று சுற்றம் உடையவர்கள் வேறில்லை.

மேலும்: அஷோக் உரை

பரிமேலழகர் உரை
பெருங்கொடையான் வெகுளி பேணான் - ஒருவன் மிக்க கொடையை உடையனுமாய் வெகுளியை விரும்பானுமாயின், அவனின் மருங்கு உடையார் மாநிலத்து இல் - அவன்போலக் கிளை உடையார் இவ்வுலகத்து இல்லை.
(மிக்க கொடை: ஒன்றானும் வறுமை எய்தாமல் கொடுத்தல் . விரும்பாமை: 'இஃது அரசற்கு வேண்டுவதொன்று' என்று அளவிறந்து செய்யாமை.).

மணக்குடவர் உரை
மிகக் கொடுக்க வல்லவனாய்ச் சினத்தையும் விரும்பானாயின் அவனின் துணையுடையார் பெரிய உலகின்கண் இல்லை. இது மேற்கூறிய அளவின்றி யிவ்வாறு செய்யின் துணை யுடையானா மென்றது.

மு.வரதராசனார் உரை
பெரிய கொடையாளியாகவும் சினமற்றவனாகவும் ஒருவன் இருந்தால் அவனைப் போல் சுற்றத்தாரை உடையவர் உலகத்தில் யாரும் இல்லை.

சாலமன் பாப்பையா உரை
ஒருவன் பெருங்கொடையை உடையவனாய், சினத்தை விரும்பாதவனாய் இருப்பான் என்றால் அவனைப் போலச் சுற்றம் உடையவர் உலகில் இல்லை.

Saturday, March 14, 2020

செய்வானை நாடி வினைநாடிக் காலத்தோடு

குறள் 516
செய்வானை நாடி வினைநாடிக் காலத்தோடு
எய்த உணர்ந்து செயல்
[பொருட்பால், அரசியல், தெரிந்துவினையாடல்]
(For meaning in English, scroll to the bottom of this post)

பொருள்
செயல் தொழில்; பொருள்தேடுகை; இழைப்புவேலை; வேலைப்பாடு; காவல்; ஒழுக்கம்; வலிமை; செல்வாக்கு; செய்யல்நிலைமை; சேறு.

செய்வானை - செயலை புரிபவன் / செய்பவன்

நாடி - நாட்டிலுள்ளவள்; நாட்டையுடையவள்; இரத்தக்குழாய்முதலியன; மூச்சுக்குழாய்யாழின்நரம்பு; உட்டொளை; பூவின்தாள்; நாழிகை; மூக்கு; மோவாய்; மாளிகையின்மேற்பாகத்தோர்உறுப்பு; சோதிடநூல்; தாதுநரம்பு; இலைநரம்பு.

நாடுதல் - தேடுதல்; ஆராய்தல்; விரும்புதல்; தெரிதல்; ஒத்தல்; அளத்தல்; கிட்டுதல்; நினைத்தல்; மோப்பம்பிடித்தல்; அளவுபடுதல்.

வினை - தொழில்; நல்வினைதீவினைஎனஇருவகைப்பட்டமுன்னைவினை; வினைச்சொல்; செய்தற்குரியது; பரிகாரச்செயல்; முயற்சி; போர்; வஞ்சகம்; தந்திரம்; கருத்து; தொந்தரவு; சீழ்; இரண்டைக்குறிக்கும்குழூஉக்குறி.

நாடி - நாட்டிலுள்ளவள்; நாட்டையுடையவள்; இரத்தக்குழாய்முதலியன; மூச்சுக்குழாய்யாழின்நரம்பு; உட்டொளை; பூவின்தாள்; நாழிகை; மூக்கு; மோவாய்; மாளிகையின்மேற்பாகத்தோர்உறுப்பு; சோதிடநூல்; தாதுநரம்பு; இலைநரம்பு.

நாடுதல் - தேடுதல்; ஆராய்தல்; விரும்புதல்; தெரிதல்; ஒத்தல்; அளத்தல்; கிட்டுதல்; நினைத்தல்; மோப்பம்பிடித்தல்; அளவுபடுதல்.

காலம் - பொழுது; தக்கசமயம்; பருவம்; பருவப்பயிர்; விடியற்காலம்; முடிவுகாலம்; தொழில்நிகழ்ச்சியைக்குறிக்கும்முக்காலம்; இசைக்குரியமூன்றுகாலம்; தாளப்பிரமாணம்

காலத்தோடு - பொழுதுடன் ; தக்க காலத்தில்

எய்த - எய்தல் - அடைதல், சேர்தல்; அம்பைச்செலுத்தல்; நிகழ்தல்; சம்பவித்தல்; பெறுதல்

உணர்ந்து - உணர்தல் - அறிதல்; நினைதல், கருதுதல் ஆராய்தல் இயல்புணர்தல்; ஊடல்நீங்குதல்; தெளிதல் துயிலெழுதல் பகுத்தறிதல் நுகர்தல் தொட்டறிதல்; பாவித்தல்

செயல் - தொழில்; பொருள்தேடுகை; இழைப்புவேலை; வேலைப்பாடு; காவல்; ஒழுக்கம்; வலிமை; செல்வாக்கு; செய்யல்நிலைமை; சேறு.

முழுப்பொருள்
ஒரு செயலை செவ்வென செய்ய யாரிடம் கொடுத்து செய்ய வேண்டும் ?
அதற்கு கீழ்க்காணுபவற்றை பின்பற்ற வேண்டும்

1) அச்செயலை செய்யபோகிறவரின் தகுதிகளை ஆராயவேண்டும். ஒவ்வொரு செயலுக்கு ஒவ்வொரு விதமான தகுதிகள் தேவைப்படும். ஆதலால் அத்தகுதிகள் உண்டா என்று அவரிடம் பார்க்க வேண்டும்.

2) அச்செயலின் தன்மை அதனை புரிய அதுகேட்கும் தகுதிகளை ஆராய வேண்டும். அவை அந்தச் செயலை செய்வோரிடம் இருக்கிறதா என்று பார்க்க வேண்டும். அச்செயலை செய்வதற்குத் தேவையான அனுபவம் இருக்கிறதா என்று பார்க்க வேண்டும்.

3) ஒரு செயலை ஆற்றும் பொழுது அதனை செய்யக்கூடிய ஆற்றல் காலத்தையும் பொருத்து இருக்கும். உதாரணமாக விரைவாக செய்து முடிக்க வேண்டிய பணிகள் செய்ய ஒரு சில தகுதியும் அனுபவமும் உய்த்துணரும் திறன்(thought process) தேவைப்படும். அது செய்வோர்க்கு இருக்கிறதா என்று பார்க்க வேண்டும். அதுவே அகழ்வாராய்ச்சி போன்ற பணிகளுக்கு பொறுமையும் விவேகமும் அவசியம்.

மேலும்: அஷோக் உரை

பரிமேலழகர் உரை
செய்வானை நாடி - முதற் கண்ணே செய்வானது இலக்கணத்தை ஆராய்ந்து, வினை நாடி - பின் செய்யப்படும் வினையினது இயல்பை ஆராய்ந்து, காலத்தொடு எய்த உணர்ந்து செயல் - பின் அவனையும் அதனையும் காலத்தோடு படுத்துப் பொருந்த அறிந்து அவனை அதன்கண் ஆடலைச் செய்க.
(செய்வானது இலக்கணமும் வினையினது இயல்பும் மேலே கூறப்பட்டன. காலத்தொடு எய்த உணர்தலாவது, இக்காலத்து இவ்விலக்கணமுடையான் செய்யின் இவ்வியல்பிற்றாய வினை முடியும் என்று கூட்டி உணர்தல்.).

மணக்குடவர் உரை
வினை செய்வானையும் ஆராய்ந்து அவ்வினையினது இயல்பையும் ஆராய்ந்து அதுமுடியுங் காலத்தோடே பொருந்த அறிந்து, பின்பு அவ்வினை அவன் செய்வானாக அமைக்க வேண்டும்.

மு.வரதராசனார் உரை
செய்கின்றவனுடைய தன்மையை ஆராய்ந்து, செயலின் தன்மையையும் ஆராய்ந்து, தக்கக் காலத்தோடு பொறுந்துமாறு உணர்ந்து செய்விக்க வேண்டும்.

சாலமன் பாப்பையா உரை
முதலில் ஒரு செயலைச் செய்ய வேண்டியவனின் தகுதிகளை எண்ணி அவன் செய்ய வேண்டிய செயலின் தகுதியையும் எண்ணி பிறகு அவனையும் அச்செயலையும் செய்யப்படும் காலத்தோடு பொருத்தி எண்ணிச் செயல் செய்க.

Thirukkural - Management - Delegation
In addition to the suggestions provided in Kural 517, Kural 516 provides three other factors that influence the effectiveness of delegation. They are: the person, the task, and the time.

Weigh well the agent, the task and the tier
Before you act.

This Kural advises us to assess three things before assigning a task. One is the competence of a person to complete the task to be assigned. Competence includes qualities, skills, experience, exposure, and expertise to undertake a task. Two is the complexity of the task. Complexity includes expectations, quality, and challenges in the process of doing. And three is the right time to do the task. Delegate the task after assessing all these three so that the direct report will complete the task effectively. This practice is indeed truly a scientific way of delegating  tasks to others.

English Meaning - As I taught a kid - Rajesh
Who should be chosen or recruited to successfully execute a job? 

A person has to be recruited based on following qualities 1) A person's qualifications and experience needs to be analyzed. 
2) Match of of qualification and experience for the role and responsibilities of the job to be done
3) The timing and duration of the job also need to be considered w.r.t the person's qualification and experience because certain jobs need to be done in firefighting mode in less time whereas some jobs like excavation needs patience and wisdom. Hence, the person needs to realize the timing and time's value of the jobs

Questions that I ask to the kid
How should I give a job to be a person?

அற்றாரைத் தேறுதல் ஓம்புக மற்றவர்

குறள் 506
அற்றாரைத் தேறுதல் ஓம்புக மற்றவர்
பற்றிலர் நாணார் பழி
[பொருட்பால், அரசியல், தெரிந்துதெளிதல்]

பொருள்
அற்றுப்போதல் - முழுதும்ஒழிதல்; இடைமுறிதல்; முழுதும்கைவருதல்.
அற்றாரைத் - அற்றார் - பொருள்இல்லாதவர்; முனிவர்

தேறுதல் - tēṟu-   5 v. [T. tēru.] intr.1. To be accepted as true; தெளிதல் உடன்மூவர் சொற்றொக்க தேறப்படும் (குறள், 589). 2.To be clarified, made clear, as water; நீர் தெளிதல் தேறுநீர் சடைக்கரந்து (கலித். கடவுள்வாழ்.).3. [M. tēṟuka.] To be strengthened; to recover from swooning, from intoxication orfrom drooping; மயக்கந் தெளிதல் 4. To bethorough, accomplished, mature, as the mind;to reach perfection; முதிர்தல் தேறினபுத்தி. (W.)5. To thrive, improve, flourish, as vegetation; செழித்தல் தேறின பயிர் (W.) 6. To be

ஓம்புக - ஓம்புதல் - காப்பாற்றுதல், பாதுகாத்தல், பேணுதல், வளர்த்தல்; தீங்குவாராமற்காத்தல்; போற்றுதல்; உபசரித்தல்; சீர்தூக்குதல்; பரிகரித்தல்; தவிர்த்தல்; விலக்கல்; நீக்குதல்; உண்டாக்குதல்.

மற்று - ஓர்அசைநிலை;மற்றவை; பிறிதின்பொருட்குறிப்பு; வினைமாற்றுக்குறிப்பு; மறுபடியும்; பின்; காண்க:மற்றப்படி.

அவர் - அவன், அவள்என்பதன்பன்மைச்சொல்; ஒருவரைக்குறிக்கும்பன்மைச்சொல்.

பற்று - பிடிக்கை; ஏற்றுக்கொள்கை; அகப்பற்றுப்புறப்பற்றுகளாகியவிருப்புகள்; சம்பந்தம்; ஒட்டு; பற்றாசு; பசை; சமைத்தபாண்டத்தில்பற்றிப்பிடித்திருக்கும்சோற்றுப்பருக்கை; சோற்றுப்பருக்கைஒட்டியுள்ளபாத்திரம்; உரிமையிடம்; தங்குமிடம்; பலஊர்களுடையநாட்டுப்பகுதி; பெற்றுக்கொண்டபொருள்; பற்றுக்கோடு; தூண்; அன்பு; நட்பு; வீட்டுநெறி; செல்வம்; இல்வாழ்க்கை; வயல்; கட்டு; கொள்கை; மருந்துப்பூச்சி; வாரப்பாடல்; சிற்றூர்; கலவைச்சுண்ணாம்புவகை

இலர் - இல்லை ;  who are not

நாணம் - வெட்கம்; அறிவு; பயபக்தி; மானம்; தணிகை; கூச்சம்; மகடூஉக்குணம்நான்கனுள்ஒன்று.

நாணார் - நாணம் கொள்ளாதவர்

பழி - குற்றம்; நிந்தை; அலர்; குறை; பாவம்; பழிக்குப்பழி; பொய்; பகைமை; ஒன்றுக்கும்உதவாதவன்.

முழுப்பொருள்
அற்றார் என்றால் பொருள் இல்லாதவர் முனிவர் என்ற பொருள்கள் அகராதியில் குறிப்பிடப்பட்டுள்ளன. அற்றுப்போதல் முழுதும் ஒழிதல் இடைமுறிதல் என்ற பொருள்களை காணலாம். இக்குறளுக்கு அற்றார் என்றால் நற்பண்புகள் ஏதும் அற்ற ஒழுக்கம் அற்ற வாழ்வில் மெய்ப்பொருள் வேண்டாதவர் என்று பொருள் கொள்ள வேண்டும்.

நற்பண்புகள் ஏதும் அற்ற ஒழுக்கம் அற்ற வாழ்வில் மெய்ப்பொருள் வேண்டாதவர்களை ஏதும் கேட்டு நாம் தெளியக்கூடாது. அவர்களிடம் பெறுவதற்கு அறிவும் ஆலோசனையும் ஒன்று இல்லை. ஏனெனில் அவர்கள் பழிக்கு நாணமாட்டார்கள். ஆதலால் அவர்கள் சொல்லும் ஆலோசனைகள் அறம் அற்று இருக்க பல வாய்ப்புகள் உண்டு. அறம் அல்லாத செயல்கள் தீவினை உண்டாகும் கேடு விளைவிக்கும் நமக்கும் பழி சேர்க்கும்.

மேலும்: அஷோக் உரை

பரிமேலழகர் உரை
அற்றாரைத் தேறுதல் ஓம்புக - சுற்றம் இல்லாரைத் தெளிதலை ஒழிக, அவர் மற்றுப் பற்று இலர் - அவர் உலகத்தோடு தொடர்பு இலர், பழி நாணார் - ஆகலான் பழிக்கு அஞ்சார்.
('பற்று இலர்' என்பதனால் 'சுற்றம்' என்பது வருவிக்கப்பட்டது. உலகத்தார் பழிப்பன ஒழிதற்கும் புகழ்வன செய்தற்கும் ஏதுவாகிய உலகநடை இயல்பு சுற்றம் இல்லாதார்க்கு இன்மையின், அவர் தெளியப்படார் என்பதாம்.).

மணக்குடவர் உரை
ஒழுக்கமற்றாரைத் தேறுதலைத் தவிர்க; அவர் ஓரிடத்துப் பற்றுடையாரும் அல்லர், பழிக்கும் நாணாராதலான்.

மு.வரதராசனார் உரை
சுற்றத்தாறின் தெடர்பு அற்றவரை நம்பித் தெளியக்கூடாது, அவர் உலகத்தில் பற்று இல்லாதவராகையால் பழிக்கு நாண மாட்டார்.

சாலமன் பாப்பையா உரை
உறவு பலம் இல்லாதவரைப் பதவிகளுக்குத் தெரிவு செய்வதைத் தவிர்க்கவும் ஏன் எனில், அவர்களுக்குப் பந்த பாசம் இல்லை. பழிக்கு வெட்கப்படவுமாட்டார்.

எண்ணியார் எண்ணம் இழப்பர் இடனறிந்து

குறள் 494
எண்ணியார் எண்ணம் இழப்பர் இடனறிந்து
துன்னியார் துன்னிச் செயின்
[பொருட்பால், அரசியல், இடனறிதல்]
(For meaning in English, scroll to the bottom of this post)

பொருள்
எண்ணியார் - எண்ணங்கொண்டவர், நோக்கங்கொண்டவர்.

எண்ணம் - நினைப்பு; நோக்கம்; நாடியபொருள்; மதிப்பு; இறுமாப்பு; நம்பிக்கை; சூழ்ச்சி; கவலை; கருத்து; ஆலோசனை; குறிப்பு; கணிதம்.

இழப்பு - இழக்கை, நட்டம் பொருளழிவு.

இழப்பர் - இழப்பார்கள்

இடன் - அகலம்; நல்லநேரம்; இடப்பக்கம் இருப்பவன்

அறிந்து - அறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

துன்னியார் - அடுத்தோர்; நண்பர்

துன்னிச் - துன்னுதல் - பொருந்துதல்; மேவுதல்; அணுகுதல்; செறிதல்; செய்தல்; அடைதல்; ஆராய்தல்; தைத்தல்; உழுதல்.

செயின் - செய்தால் / / செய்ய வேண்டும்

முழுப்பொருள்
ஒருவர் ஒரு செயலை செய்யும் பொழுது (/முன்பு) அதனை நன்கு ஆராய்ந்து அதற்கு வரக்கூடிய இடர்களையும் அதனை செய்யவேண்டிய தக்க காலத்தையும் இடத்தையும் ஆராய்ந்து செய்வார் என்றால் அவரை வெல்லவேண்டும் என்று எண்ணிய பகைவர் அவ்வெண்ணத்தை கைவிடுவார்/இழந்துவிடுவார். ஏனெனில் அவ்வாறு எல்லாவற்றையும் ஆராய்ந்து செய்வோரை வெல்வது (அல்லது தோல்வியடையச் செய்வது) மிக அரிது/கடினம்.

மேலும்: அஷோக் உரை

பரிமேலழகர் உரை
இடன் அறிந்து துன்னியார் - தாம் வினை செய்தற்கு ஏற்ற இடத்தினை அறிந்து சென்ற அரசர், துன்னிச் செயின் - அரணைப் பொருந்தி நின்று அதனைச் செய்வாராயின், எண்ணியார் எண்ணம் இழப்பர் - அவரை வெல்வதாக எண்ணி இருந்த பகைவர் அவ்வெண்ணத்தினை இழப்பர்.
(அரண்' என்பது அவாய் நிலையான் வந்தது. 'எண்ண' என்றது எண்ணப்பட்ட தம் வெற்றியை. 'அதனை இழப்பர்' என்றார், அவர் வினை செய்யாமல் தம்மைக் காத்தமையின். இதனான், அவர் பகைவர் தோற்பர் என்பதாயிற்று. இவை நான்கு பாட்டானும் பகைவர் அரணின் புறத்திருப்பார் அதற்கு ஆம் இடம் அறிதல் கூறப்பட்டது.).

மணக்குடவர் உரை
தம்மைக் கெடுத்தற் கெண்ணினவர் தங்களெண்ணம் இழப்பர்; வினைசெய்யும் இடமறிந்து நட்டோரானவர் மனம் பொருந்திச் செய்வாராயின். இஃது இடமறிந்து செய்வோர் அமைதியும் வேண்டுமென்றது.

மு.வரதராசனார் உரை
தக்க இடத்தை அறிந்து பொருந்தியவராய்ச் செயலைச் செய்வாராயின், அவரை வெல்ல எண்ணியிருந்த பகைவர் தம் எண்ணத்தை இழந்துவிடுவார்.

சாலமன் பாப்பையா உரை
ஏற்ற இடத்தை அறிந்து அதைச் சூழ்ந்து செயல் செய்வார் என்றால், அவரை வெல்ல எண்ணிய பகைவர். அவ் எண்ணத்தில் தோல்வி அடைவர்.

English Meaning - As I taught a kid - Rajesh
When a person/king rightly does a task by researching and analyzing all the attributes of the task w.r.t place/location, timing, channel, hurdles, resources etc., then an dismissive opponent who thought or wants to go against the king will drop/loose that thought /plot. Because they know that it is very difficult to defeat a person who thinks through in all directions including right place and does the task rightly.

Questions that I ask to the kid
When does a opponent loose a thought to defeat a person? Why?

Thursday, March 12, 2020

பருவத்தோடு ஒட்ட ஒழுகல் திருவினைத்

குறள் 482
பருவத்தோடு ஒட்ட ஒழுகல் திருவினைத்
தீராமை ஆர்க்குங் கயிறு
[பொருட்பால், அரசியல், காலமறிதல்]
(For meaning in English, scroll to the bottom of this post)

பொருள்
பருவம் காலம்; காலப்பிரிவு; இளமை; பக்குவம்; வயது; மறைநிலாஅல்லதுநிறைநிலா; கார், கூதிர், முன்பனி, பின்பனி, இளவேனில், முதுவேனில்என்னும்ஆறுபருவங்கள்; மாதம்; மழைக்காலம்; தக்ககாலம்; பயிரிடுதற்குறியகாலம்; ஆண்டு; பயனளிக்குங்காலம்; கணு; நூற்கூறுபாடு; நிலைமை; உயர்ச்சி; அளவு; சூரியன்ஒவ்வோர்இராசியிலும்புகும்காலம்; ஆடவர்பெண்டிர்க்குரியவெவ்வேறுஆயுட்காலநிலைகள்; முகம்மதியர்திருவிழாவகை.

பருவத்தொடு - தக்க காலத்தில்

ஒட்ட - அடியோடு; கிட்ட; இறுக; அணுக; போல.

ஒழுகல் - ஒழுகுதல்; நடத்தல்; பாய்தல்; உயர்ச்சி; நீளம்; முறையாகநடத்தல்; வளர்தல்; இளகுதல்.

திருவினைத் - நல்வினை

தீராமை - கொடுமை; கடுந்துரோகம்; பொய்க்குற்றச்சாட்டு; பேரநீதி; வன்மத்தாற்சொல்லுங்கோள்; ஆற்றாமை.

தீர்தல் - உள்ளதுஒழிதல்; முற்றுப்பெறுதல்; உரிமையாதல்; இல்லையாதல்; அழிதல்; கழிதல்; செலவாய்ப்போதல்

ஆமை - கூர்மம்; ஓர்உயிரினம்; ஒருநோய்; மணம்

ஆர்க்கும் ஆர்க்கை - வாரடை; கட்டுகை; துரும்பு

கயிறு - நூல்முதலியவற்றால்முறுக்கித்திரித்தவடம், பாசம்; மங்கலநாண்; நூல்; சாத்திரம்.

முழுப்பொருள்
செல்வம் நில்லாது விரைந்து சென்றுவிடும் தன்மை வாய்ந்தது. நிலையற்றதாகும். ஈன்ற செல்வதை காக்கவேண்டுமானால் காலத்திற்கு ஏற்ற செயலை காலம் தாழ்த்தாது காலத்தோடு செய்தல் மிக அவசியம். அவ்வாறு செயலை தக்ககாலத்தில் ஒழுகுவது (செய்வது) ஈன்ற செல்வம் தன்னிடம் இருந்து ஓடாமல் தடுக்க உதவும் கயிறு போன்றதாகும்.

ஆமை என்றால் நோய் என்று அர்த்தம். திருவனையான செல்வம் ஒருவரிடம் தீருகிறது என்றால் அவரிடம் ஒரு நோய் இருக்கிறது என்று அர்த்தம். அது செயலின்மை. காலத்தோடு செய்யாது இருத்தல் என்று பொருள். ஆதலால் அந்நோயை கட்டுப்படுத்தும் கயிறே காலத்தோடு செயலாற்றுவதாகும்.

ஒரு விவசாயி காலத்தொடு ஒட்டி பயிரை நடவில்லையென்றால் அவர் பின்பு மழையிற்கு தனது பயிர்களை பலிக்கொடுக்க நேரிடும். 

”பருவத்தே பயிர் செய்” என்பது ஔவையாரின் ஆத்திச்சூடி

உங்கள் அறத்தை / கடமையை நாளை அல்லது மற்றொரு நாள் செய்துக்கொள்ளலாம் என்று என்னாது அவ்வப்போது தக்க நேரத்தில் செய்க. அப்படி செய்தால் அது உங்களுக்கு தூணாக துணை நிற்கும். அதேப்போல் பருவத்தே செயல்களை செய்தால் நன்று.

மேலும் அஷோக் உரை

ஒப்புமை
”பருவத்தோ டொத்துவாழ்” (ஆத்திசூடி)
“நல்வினை ஆர்க்கும் கயிறு” (திரி.23)

எழுத்தாளர் ஜெயமோகனின் வெண்முரசு-கிராதம்-28 இல் வருணனை பற்றி இப்படி சில வரிகள் வருகின்றன. அதில் பருவம் தவறாது பற்றி குறிப்பிடுகிறார். பருவம் தவறினால் இப்புடவியின் தாளம் தவறும். அதனால் அறம் தவறும். (அறம் செய்தால் தான் பொருள் ஈட்ட முடியும். அறம் தவறினால் பொருளும் தவறும்/தீரும் தானே).

“பருவம் தவறாது மழைபொழிவதும் பனிஎழுவதும் வெயில் விளைந்து மூத்து கனிவதும் இப்புடவியின் தாளம் என்று அவர்களின் தொல்பாடல்கள் சொல்கின்றன. அதை அவர்கள் ருதம் என்கின்றனர்” என்றான் சண்டன். “ஆம். அச்சொல் வேதங்களில் அறமென்னும் பொருளில் அமைந்துள்ளது” என்றான் பைலன். “ருதத்தைக் காப்பவன் வருணன் என்று வேதங்களும் சொல்கின்றன. ஓயா தாளம் திகழும் கடலே நிலத்தின் உயிர்களிலும் விசைகளிலும் திகழும் தாளங்கள் அனைத்துக்கும் அடிப்படை.”

பரிமேலழகர் உரை
பருவத்தோடு ஒட்ட ஒழுகல் - அரசன் காலத்தோடு பொருந்த வினைசெய்து ஒழுகுதல், திருவினைத் தீராமை ஆர்க்கும் கயிறு - ஒருவர்கண்ணும் நில்லாது நீங்கும் செல்வத்தைத் தன்கண் நீங்காமல் பிணிக்கும் கயிறாம்.
'(காலத்தோடு பொருந்துதல் - காலம் தப்பாமல் செய்தல். 'தீராமை' என்றதனால், தீர்தல் மாலையது என்பது பெற்றாம். வினை வாய்த்து வருதலான், அதனின் ஆகும் செல்வம் எஞ்ஞான்றும் நீங்காது என்பதாம்.)' .

மணக்குடவர் உரை
காலத்தோடு பொருந்த ஒழுகுதல் செல்வத்தை நீங்காமல் கட்டுவதொரு கயிறாம். இனிக் காலமறிந்ததனால் வரும் பயன் கூறுவார் முற்படச் செல்வம் கெடாதென்றார்.

மு.வரதராசனார் உரை
காலத்தோடுப் பொருந்துமாறு ஆராய்ந்து நடத்தல் ( நில்லாத இயல்பு உடைய) செல்வத்தை நீங்காமல் நிற்குமாறு கட்டும் கயிறாகும்.

சாலமன் பாப்பையா உரை
காலந் தவறாமல் காரியம் ஆற்றுவது, ஓடும் செல்வத்தை ஓடாமல் கட்டும் கயிறு ஆகும்.

English Meaning - As I taught a kid - Rajesh
Similar to sowing seeds on time to harvest well, If we do right work on appropriate time our wealth will stay with us. However, if we do not do our work on time, our productivity will get affected and we will loose our wealth. Doing things on time is the tool to save our wealth

Questions that I ask to the kid
What will protect your wealth?
Why should you do your work on time? (it will protect you .. also it will protect your wealth). Is it just wealth? or even for health it is applicable ?(yes.. because health is wealth)

அமைந்தாங் கொழுகான் அளவறியான் தன்னை

குறள் 474
அமைந்தாங் கொழுகான் அளவறியான் தன்னை
வியந்தான் விரைந்து கெடும்
[பொருட்பால், அரசியல், வலியறிதல்]

பொருள்
அமைந்து - உண்டாதல்; தகுதியாதல்; பொருந்தல் அடங்குதல் நிறைதல் உடன்படுதல் முடிதல்

ஆங்கு - அவ்விடம்; அக்காலத்தில்; அப்படி ஓர்உவமஉருபு; ஏழன்உருபு; ஓர்அசைநிலை

ஒழுகுதல் - நீர்பாய்தல்; நீர்ப்பொருள்சொட்டுதல்; ஓடுதல்; பரத்தல்; ஒழுங்குபடுதல்; நடத்தல்; நீளுதல்; வளர்தல்; போதல்; பெருகியோடுதல்.

ஒழுகான் - ஒழுகாதவன் ; ஒத்து போகாதவன்

அளவு - பரிமாணம்; தருக்கஅளவை; தாளத்தில்மூன்றுமாத்திரைக்காலம்; மாத்திரை நிலஅளவு; சமயம் தன்மை ஞானம் மட்டும் தொடங்கி

அறியான் - அறியாதவன்

தன்னை - தன்னைப் பற்றி

வியந்தான் - வியத்தல் - செருக்குறுதல்; அதிசயப்படல்; நன்குமதித்தல்; பாராட்டுதல்; கொடுத்தல்; கடத்தல்.

விரைந்து - மிக விரைவாக; விரைவு - வேகம்; வெம்மை; போற்றுகை; வேண்டுதல்.

கெடும் - கெடும்; கேடும் விளைவிக்கும்;கெடுநினைவு; கேடு
கேடு - அழிவு; இழப்பு; வறுமை; தீமை; கெடுதல்; வேறுபாடு; அழகின்மை.

கெடுதல் - அழிதல்; பழுதாதல்; வறுமையடைதல்; ஒழுக்கங்கெடுதல்; உருவழித்தல்; தோற்றோடுதல்; விபத்து; தீங்கு; விகாரத்தால்எழுத்துக்கெடுதல்; வழிதவறிப்போதல்.

முழுப்பொருள்
ஒரு சூழ்நிலையில் பிறருடனும் (பிறர் நாட்டுடனும்) அல்லது சூழ்நிலைக்கு ஏற்றவாறு பொருந்தி ஒழுக முடியாதவன், தன்னுடைய வலிமையையும் தான் செய்யக்கூடிய செயலின் வலிமையையும் அதன் பயனின் வலிமையையும் அறியாதவன், தன் வலிமையை வியக்கின்றவன் மிக விரைவாக அழிவான்.

ஏனெனில் பிறருடன் பொருந்தி வாழமுடியாதவன் சூழ்நிலைக்கு ஏற்றவாறுவாழ முடியாதவனைவிட்டு எல்லோரும் விலகியே நிற்பர். அதனால் இயல்பாக வலிமை குன்றிவிடும். தன் வலிமையையும் செயலின் வலிமையையும் அறியாதவன் அச்செயலை செவ்வென செய்யாது தோல்வியடைவான். அதனால் அவனுக்கு கேடு உண்டாகும். தன்னை வியக்கின்றவனுக்கு செருக்கு ஏற்படும் பொழுது 1) பிறரை மதிக்காது இருப்பான் - அப்படி இருக்கையில் எல்லோரும் அவரிடம் இருந்து விலகியிருப்பர் 2) சோம்பல் உண்டாகும்  - சோம்பலினால் செயல் கெடும் 3) செருக்கு கண்ணை மறைத்து செயலை செய்து முடிக்கும் திறன் குறைந்து செயலில் தோல்வியுண்டாகும். கேடு பிறக்கும். ஆதலால் விரைந்து அழிவர்.

பழமொழிப்பாடல் தன்னையே வியப்போரைப்பற்றி, “ஒன்னார் அடநின்ற போழ்தின் ஒருமகன் தன்னை எனைத்தும் வியவற்க” என்னும். பொருந்தார் தம்மோடு பொருதும் போது தம்முடைய வீரத்தை தானே மெச்சிக்கொண்டு, போரில் ஈடுபடுதல் நன்றன்று என்னும் பொருளில் சொல்லப்படுவது.

கம்பராமாயண மாரீசன் வதை படலத்தில், “அரக்கனஃ து உரைத்தலோடும் அறிந்தனன் அடங்கி நெஞ்சம் தருக்கினார் கெடுவரென்னும் தத்துவம் நிலையிற்றன்றோ?” என்கிறார் கம்பர். சம்பாதி படலத்திலே மேலும், “களித்தவர் கெடுதல் திண்ணம்” என்று உறுதியாகக் கூறுகிறார்.

மேலும்: அஷோக் உரை

பரிமேலழகர் உரை
ஆங்கு அமைந்து ஒழுகான் - அயல்வேந்தரோடு பொருந்தி ஒழுகுவதும் செய்யாது, அளவு அறியான் - தன் வலியளவு அறிவதும் செய்யாது, தன்னை வியந்தான் - தன்னை வியந்து அவரோடு பகைத்த அரசன், விரைந்து கெடும் - விரையக் கெடும்.
(காரியத்தைக் காரணமாக உபசரித்து, 'வியந்தான்' என்றார். 'விரைய' என்பது திரிந்து நின்றது. நட்பாய் ஒழுகுதல், வலியறிந்து பகைத்தல் என்னும் இரண்டனுள் ஒன்றன்றேஅயல் வேந்தரோடு செயற்பாலது, இவையன்றித்தான் மெலியனாய்வைத்து அவரோடு பகைகொண்டானுக்கு ஒருபொழுதும் நிலையின்மையின், 'விரைந்துகெடும்' என்றார். இவை இரண்டு பாட்டானும் தன்வலிஅறியாவழிப்படும் இழுக்குக் கூறப்பட்டது.).

மணக்குடவர் உரை
அமைவுடையனாயொழுகுதலும் இன்றித் தன்வலி யளவும் அறியாதே தன்னை மதித்தவன் விரைந்து கெடுவன். இது மேற்கூறியவாறு செய்தார் கெடுவரென்றது.

மு.வரதராசனார் உரை
மற்றவர்களோடு ஒத்து நடக்காமல், தன் வலிமையின் அளவையும் அறியாமல், தன்னை வியந்து மதித்துக் கொண்டிருப்பவன் விரைவில் கெடுவான்.

சாலமன் பாப்பையா உரை
பிறருடன் மனங்கலந்து பழகாமல், தன் சொந்த பலத்தையும் அறியாமல் தன்னைப் பெரிதாக எண்ணியவன் விரைவில் அழிவான்.

Thirukkural - Management - Leadership - Change
A leader has to bring in changes to people, process, procedures,  and products. The most challenging  action for any leader is to introduce changes. People resist change initiatives since  they are always comfortable in the status quo, that is., current state or practices.

Comfort leads to complacency. When a person leaves his comfort zone and feels uncomfortable, he will grow. There is no growth without change. Lack of change brings degradation  and destruction. 

Kural 474 warns a leader of three actions that bring destructions to his leadership. A leader will disappear soon if he: 1) does not get along with others, 2) does not understand his present strengths and the limitations, his qualities and skills and the demands of the current position, and 3) praises his achievements a lot, conceited or self love. 

The unadaptable, ignorant and proud 
Have speedy ends. 

When we read the qualities in the reverse order, practicing these qualities becomes easier. If a person stops admiring his achievements,  self-admiration or narcissism, he will assess his qualities and skills objectively and will get along well with others. Many narcissistic leaders brought destructions to self and the organizations they have led. 

திருக்குறள்

Annoucement - Ask and Kural Shall Answer - கேள், குறள் பதில் சொல்லும்

வாசகப் பெருமக்களே இதோ ஒரு நற்செய்தி, இத்தளத்தில் ஒவ்வொரு வாரமும் கேள்விகள் மூலம் திருக்குறளில் இருந்து பதில் பெறும் பதிவுகள் இடலாம் என்று எண...