Saturday, January 25, 2020

மனந்தூய்மை செய்வினை தூய்மை

குறள் 455
மனந்தூய்மை செய்வினை தூய்மை இரண்டும்
இனந்தூய்மை தூவா வரும்.
[பொருட்பால், அரசியல், சிற்றினஞ்சேராமை]

பொருள்
மனம் - நெஞ்சம்; எண்ணம்; விருப்பம்; இந்துப்பு.

தூய்மை - துப்புரவு; மெய்மை; வீடுபேறு; நன்மை; வெண்மை.

செய் - வயல்; ஒன்றேமுக்கால்ஏக்கர்கொண்டநன்செய்நிலவளவு; 100சிறுகுழிகொண்டநிலவளவு.

வினை - தொழில்; நல்வினைதீவினைஎனஇருவகைப்பட்டமுன்னைவினை; வினைச்சொல்; செய்தற்குரியது; பரிகாரச்செயல்; முயற்சி; போர்; வஞ்சகம்; தந்திரம்; கருத்து; தொந்தரவு; சீழ்; இரண்டைக்குறிக்கும்குழூஉக்குறி

தூய்மை - துப்புரவு; மெய்மை; வீடுபேறு; நன்மை; வெண்மை.

இரண்டும் - இரண்டு

இனம் - வகை; குலம் சுற்றம் சாதி கூட்டம் திரள் அரசர்க்குஉறுதிச்சுற்றம்; அமைச்சர்; உவமானம்

தூய்மை - துப்புரவு; மெய்மை; வீடுபேறு; நன்மை; வெண்மை.

தூ - ஓர்உயிர்மெய்யெழுத்து(த்+ஊ); தூயது; தூய்மை; வெண்மை; பற்றுக்கோடு; வலிமை; பகை; இறைச்சி; பறவையின்இறகு; இகழ்ச்சிக்குறிப்பு.

தூவாத - tūvāta   n. து-. That which isunpalatable or undesirable; வேண்டாதவை தூவாத நீக்கி (குறள், 685).

தூவா - வேண்டாம் என்றாலும் / வேண்டாதவை

வரும் - உடன் வரும்

முழுப்பொருள்
நமது மனதின் தூய்மை நமது செயல்களின் தூய்மை ஆகிய இரண்டும் நமது இனத்தின் தூய்மையை பொறுத்தே உள்ளது என்கிறார் திருவள்ளுவர். ஏனெனில் நமது இனம் அதாவது நட்பு, சூழல் ஆகியவற்றின் தன்மை நம் மீது வேண்டாம்/தூவா என்றாலும் அதனுடைய ஆற்றலை செலுத்தும். அந்த இனம் பெரியோராய் இருந்தால் அவர்கள் நல்வழிபடுத்த உதவுவர். நாம் தவறு செய்தால் நம்மை நல்வழியில் திரும்பி வர உதவுவர். அதுவே சிற்றினம் (அதாவது  அறிவும் ஒழுக்கமும் அற்றோர் கூட்டம்; நல்லறிவு இல்லாத தாழ்ந்தோர்) நம்மை நல்வழியில் செலுத்தாமல் தீய வழியில் செலுத்தும். அதனால் சிற்றினதுடன் சேராதே என்று எச்சரிக்கிறார் திருவள்ளுவர். பெரியோர் துணைக்கொள் என்று அறிவுறுத்துகிறார்.

நமது எண்ணங்களும் நமது செயல்களும் நமது சுற்றத்தின் எண்ணங்களையும் செயல்களையும் பிரதிப்பளிக்கும். ஆதலால் நமது சுற்றத்தை தூய்மையாக வைத்துக்கொள்ளுதல் மிக தேவை. இதில் விதிவிலக்குகள் இருக்கலாம். ஆனால் பெரும்பான்மையாக சுற்றத்தின் தாக்கமே பெரும்பான்மையிடம் ஆதிக்கமும் செலுத்தும்.

உதாரணமாக ஒரு பள்ளியில் அல்லது கல்லூரியில் மாணவர்கள் தங்கள் சக மாணவர்களின் தேடலுடன் ஒத்துப்போகும். விதிவிலக்காக இருக்கும் பட்சத்தில் அதுவும் அந்த மாணவனின் உற்றார் உறவினர் ஆசிரியர் என்போரின் வழிகாட்டுதலுடன் ஒத்துப்போகும். ஆதலால் நமது சுற்றத்தை நாம் மிக கவனமாக அமைத்துக்கொள்ளவேண்டும்.

”.................நெடுமனம்
தூயையா வுடையையால் உறவினைத் துணிகுவார்” (கம்ப.மராமரப்.52)

கம்பராமாயண சடாயு (54) படலத்தில், 
“தீயவர் சேர்தல் செய்தார் 
தூயவர் அல்லர் சொல்லில் தொன்னெறி தொடர்ந்தோர் என்றான்” என்பார் கம்பர்.

”மிக்குப் பெருகி மிகுபுனல் சேர்ந்தாலும்
உப்பொழிதல் செல்லா ஒலிகடல்போல் மிக்க
இனநலம் நன்குடைய வாயினும் என்றும்
மனநலம் ஆகாவாம் கீழ்” (பழமொழி 11)

மேலும்: அஷோக் உரை

பரிமேலழகர் உரை
மனம் தூய்மை செய்வினை தூய்மை இரண்டும் - அவ்விசேட உணர்வு புலப்படுவதற்கு இடனாய மனம் தூயனாதல் தன்மையும் செய்யும் வினை தூயனாதல் தன்மையும் ஆகிய இரண்டும், இனம் தூய்மை தூவா வரும் - ஒருவற்கு இனம் தூயனாதல் தன்மை பற்றுக் கோடாக உளவாம்.
(மனம் தூயனாதல் ஆவது, விசேட உணர்வு புலப்படுமாறு இயற்கையாய அறியாமையின் நீங்குதல். செய்வினை தூயனாதல் ஆவது, மொழிமெய்களால் செய்யும் நல்வினை உடையனாதல். தூவென்பது அப்பொருட்டாதல் 'தூவறத் துறந்தாரை (கலித். நெய்த ,1 )என்பதனானும் அறிக. ஒருவன் இனம் தூயனாகவே அதனோடு பயிற்சி வயத்தான் மனம் தூயனாய் அதன்கண் விசேட உணர்வு புலப்பட்டு, அதனால் சொல்லும் செயலும் தூயனாம் என, இதனான்இனத்து உள்ளவாம் ஆறு கூறப்பட்டது.).

மணக்குடவர் உரை
மனம் நன்றாதலும் செய்வினை நன்றாதலுமாகிய இரண்டும். இனம் நன்றாதலைப் பற்றி வரும். இனிச் சேராமையான் வரும் நன்மை கூறுவார் இவையிரண்டும் நன்றாம் என்று கூறினார்.

மு.வரதராசனார் உரை
மனத்தின் தூய்மை செய்யும் செயலின் தூய்மை ஆகிய இவ்விரண்டும் சேர்ந்த இனத்தின் தூய்மையைப் பொறுத்தே ஏற்ப்படும்.

சாலமன் பாப்பையா உரை
மனத்தூய்மை, செய்யும் செயல் சிறப்பு ஆகிய இரண்டும், ஒருவன் சேர்ந்துள்ள இனத்தின் தூய்மையை ஆதாரமாகக் கொண்டே பிறக்கும்.

Thirukkural - Management - Personality Development - Environment
Kural 455 adds value to the thought in Kural 454 that the environment  of a person plays a major role in shaping one's personality. It says that lofty or highest thoughts and meaningful or beneficial deeds or acts are always the influence or reflection of a company a person keeps.

The pure thought and the pure deed
Come from pure company.

There is an unconscious influence of environment  on one's personality. George Bernard Shaw's thought, “Show me your friends I will tell who you are” makes meaning and gains validity on the backdrop of Valluvar's thought.

Friday, January 24, 2020

சூழ்வார்கண் ணாக ஒழுகலான்

குறள் 445
சூழ்வார்கண் ணாக ஒழுகலான் மன்னவன்
சூழ்வாரைக் சூழ்ந்து கொளல்
[பொருட்பால், அரசியல், பெரியாரைத் துணைக்கோடல்]

பொருள்
சூழ்வார் -சூழ்வோர் - அமைச்சர்; உறவினர்; சூழ்ந்துநிற்பவர்.

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

ஆக - மொத்தமாய்; முழுவதும் அவ்வாறாக; விகற்பப்பொருள்தரும்இடைச்சொல்; நான்காம்வேற்றுமைஉருபுடன்வரும்துணைச்சொல்; செய்திகுறிக்கும்இடைச்சொல்; முற்றோடுசேர்ந்துசெயவென்எச்சப்பொருள்தரும்இடைச்சொல்; ஓர்அசைச்சொல்.

ஒழுகல் - ஒழுகுதல்; நடத்தல்; பாய்தல்; உயர்ச்சி; நீளம்; முறையாகநடத்தல்; வளர்தல்; இளகுதல்.

ஆன் - ஆன் - āṉ   part. 1. An instr. ending,as in மண்ணானியன்ற குடம் மூன்றனுருபு. (தொல்சொல். 75, உரை ) 2. Ending common to nounsand verbs of the 3rd pers. masc. sing.; ஆண்பாற் பெயர்வினைகளின் விகுதி ஊரான், வந்தான். 3.An euphonic increment, used with a modification of பத்து `ten', as in இருபான் ஒரு சாரியை (நன். 244.)

ஒழுகலான் -  நடந்துக்கொள்பவன்

மன்னவன் - மன்னன், இந்திரன், அரசன்; எப்பொருட்குமிறைவன்; கணவன்; தலைவன்; முப்பத்திரண்டுக்குமேல்நாற்பத்தெட்டுவயதுக்குட்பட்டஆடவன்; உத்தரட்டாதிநாள்.

சூழ்வாரைச்சூழ்வார் -சூழ்வோர் - அமைச்சர்; உறவினர்; சூழ்ந்துநிற்பவர்.

சூழ்ந்து - சூழ்தல்  - சுற்றியிருத்தல்; சுற்றிவருதல்; ஆராய்தல்; கருதுதல்; சதியாலோசனைசெய்தல்; தேர்ந்தெடுத்தல்; அறிதல்; பண்ணுதல்; எழுதுதல்; தாக்குதல்.

கொளல் - அதன் (செயலின்) மூலமாக அறிய வேண்டும்.

முழுப்பொருள்
அரசர் தன்னை சூழ்ந்து இருக்கும் அமைச்சர்கள் துறை சார்ந்த நிபுணர்கள் ஆகியோரின் வழிகாட்டுதலின்படியே மக்களும் நாட்டுக்கும் ஏற்ற நல்ல முடிவுகளை திட்டங்களை தீட்டி நிறைவேற்றும்படி இருக்கும். ஏனெனில் ஒரு தனிமனிதனால் எல்லாவற்றையும் அதுவும் இது போன்ற பெரும்பணியை செய்ய இயலாது. ஆதலால் மக்களின் நலனையும் நாட்டின் நலனையும் தன்னுடைய மனதில் எப்பொழுதும் வைத்துக்கொண்டு சிந்திக்கும் அமைச்சர்களை பெரியோர்களை துறை சார்ந்த நிபுணர்களை தேர்ந்தெடுத்து அவர்களை தன்னுடைய அமைச்சர்களாக தன்னை சூழ அரசர் வைத்துக்கொள்ளவேண்டும்.

இது தனி நபர்களுக்கும் பொருந்தும். நமது தாய் தந்தை சகோதரர் சகோதரிகளை நாம் தேர்ந்தெடுக்க முடியாது. ஆனால் பெரியோர் சான்றோரை நம்மால் தேடி தேடி தேர்ந்தெடுக்க முடியும். ஆன்மீக வாழ்விற்கு நல்ல ஒரு குருவையும். வேலை செய்யும் இடத்தில நல்ல ஒரு நிபுணரையும் துணை கொள்ளுதல் மிக மிக பயனுள்ளதாக அமையும்.

மேலும்: அஷோக் உரை

ஒப்புமை
”கற்றார் பலரைத்தம் கண்ணாக இல்லாதான்” (பழமொழி 228)

“கண்போற் காதல்நின் கழிபே ரமைச்சன்” (பெருங்.2.11:166)

“உற்றது முடிக்கும் உறுதிநாட்டத்துக்
கற்றுப்பொருள் தெரிந்த கண்போற் காட்சி
அருமதி அமைச்சர்” (பெருங்.3.3:93-5)

“கற்ற மாந்தரைக் கண்ணெனக் கோடலும்..
கொற்றம் கொள்குறிக் கொற்றவற் கென்பவே” (சீவக.1921)

“மற்றவன் மனமும் கண்ணும் வாழ்க்கையும் வலிய சால்பும்
அற்றமில் புகழும் கோலும் ஆபவர் அமைச்ச ரன்றே’ (சூளாமணி.மந்திர.6)

“மந்திரக் கிழவர் கண்ணா” (சூளாமணி.தூது.135)


பரிமேலழகர் உரை
சூழ்வார் கண் ஆக ஒழுகலான் - தன் பாரம் அமைச்சரைக் கண்ணாகக் கொண்டு நடந்தலான், மன்னவன் சூழ்வாரைச் சூழ்ந்து கொளல் - அரசன் அத்தன்மையராய அமைச்சரை ஆராய்ந்து தனக்குத் துணையாகக் கொள்க. (இரண்டாவது விகாரத்தால் தொக்கது. தானே சூழவல்லனாயினும் அளவிறந்த தொழில்களான் ஆகுலம் எய்தும் அரசன் பாரம் அதுவே தொழிலாய அமைச்சரான் அல்லது இனிது நடவாமை பற்றி , அவரைக் கண்ணாகக் கூறினார். ஆராய்தல் அமைச்சியலுள் சொல்லப்படும் இலக்கணத்தினர் என்பதனை ஆராய்தல். இவை மூன்று பாட்டானும் பெரியாரைத் துணைகோடலின்சிறப்புக் கூறப்பட்டது.).

மணக்குடவர் உரை
அரசன் தன்னைச் சூழ்ச்சியாற் கொல்ல நினைப்பாரைத் தானுஞ் சூழ்ச்சியாற் கொல்லவல்லவனாதல் காரியமெண்ண வல்லார் தனக்குக் கண்ணாக வொழுகலான்.

மு.வரதராசனார் உரை
தக்க வழிகளை ஆராய்ந்து கூறும் அறிஞரையே உலகம் கண்ணாகக் கொண்டு நடத்தலால், மன்னவனும் அத்தகையாரைக் ஆராய்ந்து நட்புக்கொள்ள வேண்டும்.

சாலமன் பாப்பையா உரை
தன்னைச் சூழ இருப்பவரைக் கண்ணாகக் கொண்டு அரசு இயங்குவதால் அப்படியே சூழும் துறைப் பெரியவரையே துணையாகக் கொள்க.

தினைத்துணையாங் குற்றம் வரினும்

குறள் 433
தினைத்துணையாங் குற்றம் வரினும் பனைத்துணையாக்
கொள்வர் பழிநாணு வார்
[பொருட்பால், அரசியல், குற்றங்கடிதல்]

பொருள்
தினைத் - சிறுதானியவகை; தினைவகை; ஒருபுல்வகை; மிகச்சிறிய அளவு

துணை - அளவு; இணை, ஒப்பு; ஆதரவு, உதவி; உதவுவோன்; காப்பு; கூட்டு; இரண்டு; இரட்டை; கணவன்; மனைவி; உடன்பிறப்பு; புணர்ச்சி; வரை; ஆயுதமுனை; அம்பு; நட்பினன்(ள்).

யாம் - yām   pron. [K. ām.] We; தன்மைப்பன்மைப் பெயர். (தொல். சொல். 164.)
யாம்மியோத்தராந்தம் yāmmiyōttar-āntam, n. yāmyaC. G.

குற்றம் - பிழை; பழி; துன்பம்; உடற்குறை; தீங்கு; அபராதம்; தீட்டு

வரினும் -வரிதல் - எழுதுதல்; ஓவியந்தீட்டுதல்; பூசுதல்; மூடுதல்; கட்டுதல்.

வெளிவருதல் - பலராலும்அறியப்படுதல்; பலருக்குங்கிடைக்குமாறுபதிப்பிக்கப்படுதல்.

பனை - ஒருமரவகை; ஒருபேரளவு; அனுடநாள்; ஒருமீன்வகை.

பனைத்துணையாக்  - பனைத்துணை - பனையளவு; பேரளவு.

ஆக - மொத்தமாய்; முழுவதும் அவ்வாறாக; விகற்பப்பொருள்தரும்இடைச்சொல்; நான்காம்வேற்றுமைஉருபுடன்வரும்துணைச்சொல்; செய்திகுறிக்கும்இடைச்சொல்; முற்றோடுசேர்ந்துசெயவென்எச்சப்பொருள்தரும்இடைச்சொல்; ஓர்அசைச்சொல்.

கொள்(ளு)-தல் - koḷ-   2 v. [T. konu, K.M. koḷ.] tr. 1. To seize, grasp; கையால் எடுத்துக்கொள்ளுதல் கொண்ட வாளொடும் (சீவக. 430). 2.To receive, as a gift; பெறுதல் நல்லா றெனினுங்கொளறீது (குறள், 222). 3. To buy, purchase;விலைக்கு வாங்குதல் கோதையினுங்கொள்வார் (நைடத.நகரப். 18). 4. To acquire, take possession of, occupy; உரிமையாகக் கொள்ளுதல் விடலையைக் காணவோடி . . . வீதிகொண்டார் (சீவக. 457). 5. Tomarry; விவாகம் செய்தல் தாங்கொண்ட மனையாளை(நாலடி, 3). 6. To abduct, carry off; கவர்தல் மனையாளை மாற்றார்கொள (நாலடி, 3). 7. To contain,hold; தன்னட்கொள்ளுதல். சிதரரிக் கண்கொண்டநீர் (நாலடி, 394). 8. To draw in, gather up; முகத்தல் குணகடல் கொண்டு குடகடன் முற்றி (மதுரைக்.238). 9. To learn; கற்றுக்கொள்ளுதல் கொள்ளுநர்கொள்ள (கல்லா. 11, 21). 10. To consider, think;கருதுதல். யார்க்குங் கொடுத்தியெனக் கொள்கின்றிலம்(இலக். வி 650, உரை). 11. To regard, esteem;நன்குமதித்தல். கொளப்பட்டே மென்றெண்ணி(குறள், 699). 12. To celebrate; கொண்டாடுதல் தண்பதங் கொள்ளு

கொள்வர் - பெறுவர் , கருதுவர்

பழி - குற்றம்; நிந்தை; அலர்; குறை; பாவம்; பழிக்குப்பழி; பொய்; பகைமை; ஒன்றுக்கும்உதவாதவன்.

நாணுவார் - நாணுதல் - வெட்கப்படுதல்; மனங்குன்றுதல்; பயபக்திகாட்டுதல்; அஞ்சுதல்; பிணங்குதல்; அடங்குதல்; குவிதல்

முழுப்பொருள்
தினை என்பது ஒரு சிறுதானிய வகை. ஒரு தினையின் அளவு என்பது மிக மிக சிறிதாகும். அப்படிப்பட்ட சிறிய அளவு குற்றம் ஆனாலும் அதனை ஒரு பனைமரத்தின் உயரத்தை போன்ற பெரிய அளவு குற்றமாக கருதுவார்கள் பழிக்கு(குற்றத்திற்கு) அஞ்சுபவர் பழிக்கு வெட்கப்படுபவர். இது தனி நபருக்கும் அரசருக்கும் பொருந்தும். குற்றத்தில் சிறிய குற்றம் பெரிய குற்றம் என ஏதும் இல்லை. சிறிய குற்றம் ஆனாலும் அதனை பெரிய குற்றமாக கருதவேண்டும். ஆதலால் பழிக்கு(குற்றத்திற்கு) அஞ்சி வெட்கப்படுவோர் குற்றம் நடக்காதவண்ண்ம் பார்த்துக்கொள்ளவேண்டும்.

சிறிய குற்றம் என நினைக்க ஆரம்பித்தால் அலட்சியம் வந்துவிடும். சிறு சிறு குற்றங்கள் பெருகி பெரிய குற்றமாக வளர்ந்துவிடும்.

மேலும்: அஷோக் உரை

பரிமேலழகர் உரை
பழி நாணுவார் - பழியை அஞ்சுவார், தினைத்துணையாம் குற்றம் வரினும் பனைத்துணையாக் கொள்வர் - தம்கண் தினையின் அளவாம் குற்றம் வந்ததாயினும், அதனை அவ்வளவாக அன்றிப் பனையின் அளவாகக் கொள்வர்.
(குற்றம் சாதிப்பெயர். தமக்கு ஏலாமையின் சிறிது என்று பொறார், பெரிதாகக் கொண்டு வருந்திப் பின்னும் அதுவாராமல் காப்பர் என்பதாம்.).

மணக்குடவர் உரை
தினையளவு குற்றம் வந்ததாயினும் அதனை அவ்வளவிற்றென்று இகழாது பனையளவாகக் கொள்வர் பழிக்கு நாணுவார்.

மு.வரதராசனார் உரை
பழி நாணுகின்ற பெருமக்கள் தினையளவாகிய சிறு குற்றம் நேர்ந்தாலும் அதை பனையளவாகக் கருதிக் (குற்றம் செய்யாமல்) காத்துக் கொள்வர்.

சாலமன் பாப்பையா உரை
பழிபாவங்களுக்கு அஞ்சி, நானும் பெரியோர், தினை என மிகச்சிறிய அளவே குற்றம் வந்தாலும், அதனைப் பனை என மிகப்பெரிய அளவாகக் கொள்வர்.

Thirukkural - Management - Ethical Behavior
Those who are afraid of bad reputations will fear even a millet size fault. They consider a fault of that size to be as big as the size of a palm fruit and keep themselves away from those faults, asserts Kural 433.

To one who would avoid a bad name 
A millet of fault is as big as a palm fruit.

எப்பொருள் யார்யார்வாய்க் கேட்பினும்

குறள் 423
எப்பொருள் யார்யார்வாய்க் கேட்பினும் அப்பொருள்
மெய்ப்பொருள் காண்ப தறிவு
[பொருட்பால், அரசியல், அறிவுடைமை]
(For meaning in English, scroll to the bottom of this post)

பொருள்
பொருள் - சொற்பொருள்; செய்தி; உண்மைக்கருத்து; செய்கை; தத்துவம்; மெய்ம்மை; நன்குமதிக்கப்படுவது; அறிவு; கொள்கை; அறம்; பயன்; வீடுபேறு; கடவுள்; பலபண்டம்; பொன்; மகன்; தந்திரம்; முலை; உவமேயம்; அருத்தாபத்தி; அகமும்புறமுமாகியதிணைப்பொருள்கள்; அர்த்தசாத்திரம்; தலைமை.

எப்பொருள் - எந்த ஒரு பொருளையும் , கருத்தையும், தத்துவத்தையும், செயலையும், அறிவையும், கொள்கையையும் , பயனையும், தலைமையும்

யார் -yār   interrog. pron. யா². [T.yavam, K. yāru.] Who; யாவர்.
யார் - yār   interrog. pron. யா². [T.yavam, K. yāru.] Who; யாவர்.

வாய்க் - உதடுஅல்லதுஅலகுஇவற்றினிடையிலுள்ளஉறுப்பு; பாண்டம்முதலியவற்றின்திறந்தமேற்பாகம்; வாய்கொண்டஅளவு; உதடு; விளிம்பு; ஆயுதத்தின்முனை; மொழி; வாக்கு; குரல்; மெய்ம்மை; சிறப்பு; சிறப்புடையபொருள்; வாசல்; வழி; மூலம்; இடம்; துலாக்கோலின்வரை; தழும்பு; துளை; வாத்தியக்குழல்; ஏழுனுருபு; ஓர்உவமஉருபு.

கேட்பினும் - கேட்டல் - செவிக்குப்புலனாகுதல்; பாடங்கேட்டல்; வினாவல்; விசாரித்தல்; வேண்டுதல்; கேள்விப்படுதல்; கொடுக்கச்சொல்லுதல்; தண்டித்தல்; இரத்தல்; நோய்முதலியனநீக்குதல்; விலைகேட்டல்; ஏற்றுக்கொள்ளுதல்; பொறுத்தல்; தணிதல்; கீழ்ப்படிதல்; ஒலிஎட்டுதல்; செவியாற்கேட்குதல்; அனுமதிபெறுதல்

அப்பொருள் - அந்த பொருளை  (செயலை, தத்துவத்தை ... )

மெய் -- mey   n. [K. mey.] 1. Truth, reality;உண்மை. மெய்யுணர் வில்லாதவர்க்கு (குறள், 354).2. Soul; ஆன்மா. காட்டாகி நின்றானைக் கண்ணறியாமெய்யென்ன (சி. போ. 6, 2, 4). 3. Consciousness; உணர்ச்சி. மெய்ம்மறந்துபட்ட (புறநா. 25).4. Body, used euphemistically; உடம்பு. முயற்சிதன் மெய்வருத்தக் கூலிதரும் (குறள், 619). 5.Breast; மார்பு. முழுமெயு முறீஇ (சிலப். 5, 226). 6.(Gram.) Consonant; ஒற்றெழுத்து. பதினெண்ணெழுத்து மெய்யென மொழிப (தொல். எழுத். 9).

மெய் - mey   s. truth, sincerity, சத்தியம்; 2. the body, உடம்பு; 3. a consonant, மெய்யெழுத்து.

மெய் - மெய்ஞ்ஞானம், மெய்ஞானம், true wisdom.
மெய் - மெய்நலம், மெய்ந்நலம், strength, வலி.

மெய்ப்பொருள் - உண்மை, உண்மையான நிலையான மெய்ப்பொருள் என்னவென்று

காண்பது - அறிதல்; காண்டல்; சந்தித்தல்; செய்தல்; வணங்குதல்.

அறிவு - ஞானம்; புத்தி பொறியுணர்வு; அறியவேண்டியவை; கல்வி ஆன்மா

முழுப்பொருள்
எந்த ஒரு விஷயத்தையும் செயலையும் தத்துவத்தையும் கருத்தையும் (நன்குமதிக்கப்படுபவை ஆயினும்) கடவுளையும், தலைமையையும் யார் கூறினாலும் அதனை அப்படியே உண்மை என்று எடுத்துக்கொள்ள கூடாது. அதனை யார் கூறினாலும், அது தானோ அல்லது உலகம் அதிகம் மதிக்கக்கூடியவர் கூறினாலும் அதனை அப்படியே உண்மை என எடுத்துக்கொள்ள கூடாது. அதனை ஆராய்ந்து தனக்குள்ளோ அல்லது பிறருடனோ அல்லது ஆசிரியருடனோ அல்லது குருவுடனோ தர்க்கம் செய்து உண்மை எதுவென்று ஆராயவேண்டும். அவ்வாறு ஆராயத்தக்கவல்லதே அறிவாகும்.

நக்கீரனின் புலமையும், அறிவும், உண்மையும் சிவபெருமானின் கருத்தையே கேள்விகேட்க வைத்தன. அவர் கடவுளர்களின் முழுமுதலாயவர் என்றவரே கொண்டிருந்தாலும். “கண்ணால் காண்பதும் பொய், காதால் கேட்பதும் பொய், தீரவிசாரிப்பதே மெய்” என்னும் கூற்றும் இதனாலேயே வந்தது.

சற்று ஆன்மீகமா பார்த்தால்:
மேலும் மெய் என்றால் வலிமை(strength), ஆன்மா (soul), ஞானம் (wisdom) என்ற பொருளும் உண்டு. ”உள்ள தனைத்திலும் உள்ளொளி யாகி ஒளிர்ந்திடும் ஆன்மாவே” என்று கூறுகிறார் பாரதியார். நாம் மெய்ப்பொருளை ஆன்மா என்று உணர்ந்தால், இந்த லௌகீக உலகில்/கர்ம உலகில் உள்ள மற்ற உண்மைகளை காணாமல் போக வாய்ப்பு உண்டு (i.e.,When we start interpreting for absolute truth like Annma then in practical/karmic worlds relative truths are missed). எல்லாம் அவனுள் ஒடுங்கிய நிலை என்று உணர்ந்தால் மெய்ப்பொருள் என்னவென்று புரியும்.

பொற்கொல்லன் சொல்லைக்கேட்டு ஆராயாமல் உத்தரவிட்ட பாண்டியன் அறிவாண்மை மிக்கவனாயினும், ஒரு சிலமணித்துளிகளில், தவறியதால், கோவலன் மாண்டது, கண்ணகி மதுரையை எரித்ததும் நாமறிவோம்.

“உள்பொருள் இதுவென உணர்தல் ஞானமாம்” என்று சீவக சிந்தாமணியும் (2845), “நீயும் கண்டு நுமரொடும் எண்ணி அறிவறிந்தளவல் வேண்டும்” என்று நற்றிணைப்பாடல் (32:5-6) வலியுறுத்துவதும் இதைத்தான்.

வள்ளுவர் விமர்சனத்திற்கு அப்பாற்பட்டவர் என்பவர்களின் பக்திநெறியை மறுப்பதற்கு இக்குறள் ஒரு தக்க கருவி என்பதில் ஐயமில்லை. பக்தி நெறியாளரின் மனப்பான்மையை வள்ளுவர் அறவே விரும்பமாட்டார் என்பதும் குறட்கருத்திலிருந்து தெளிவாகும். வள்ளுவரை உண்மையாக ஆய்பவர்தாம், வள்ளுவர் வழியில் நிற்பவர். வள்ளுவரைக் குறுகிய எல்லைக்குள் அடிப்பவர், வள்ளுவருக்கு இழிவு கற்பிப்பவர்களே என்பதிலும் ஐயமில்லை. இக்குறளை அளவுகோலாகக் கொண்டு, தேவையானால் வள்ளுவருடைய முடிவுகளிலிருந்து வேறுபடுவதற்கும் முடிவினை மாற்றுவதற்கும்  தந்திருக்கிறார் திருவள்ளுவர். தாம் மட்டும் சிந்தித்தால் போதும் என்ற மருள் நோக்கம் வள்ளுவர் நோக்கமாக இருக்க முடியாது. பிறரையும் தம்மைப் போலவே சீரிய முறையில் சிந்திக்கத்'தூண்டுவது வள்ளுவர் கருத்து.

மேலும்
எப்பொருள் எத்தன்மைத் தாயினும் அப்பொருள்
மெய்ப்பொருள் காண்பதறிவு (குறள் 355)


மேலும்: அஷோக் உரை

எழுத்தாளர் ஜெயமோகன்’இன் வெண்முரசு - பண்ணிரு படைக்களம் 78 இல் இப்படி சில வரிகள் வருகிறது.
 “கற்பிப்பது நன்று, மைந்தா. நாம் ஐயமறக் கற்பதற்கு அதுவே வழி” என்றார் பீஷ்மர்

“நீ என்ன கற்கிறாய் இப்போது?” என சுவடிகளை கட்டிவைத்தபடி தேவயானி கேட்டாள். “நாளும் கல்விதான். எதுவும் என்னுள் நுழைவதில்லை” என்றாள் சர்மிஷ்டை. “கற்றவற்றைப்பற்றி உன் கருத்தை உருவாக்கிக்கொள், உன்னுள் முளைத்தவையே உன்னில் வளரமுடியும்” என்றாள் தேவயானி.

இந்திய தத்துவ ஞானம் - லட்சுமணன்
பிரமாண சாத்திரம்
(மேலே குறிப்பிட்டதற்கு இயைய, உலகு, உயிர், இறைவன் ஆகியவை உண்மையா? பொய்யா? என்பதைச் சரியாக நிர்ணயிக்க வேண்டுமாயின், இவற்றைப்பற்றிய அறிவு நமக்கு எங்ஙனம் ஏற்படுகின்றது என்பதை முதலில் ஆராய வேண்டும். இவற்றைப்பற்றிய அறிவை நமக்குத் தரும் வாயில்கள் எவை? எவ்வெவ் வழிகளால் நாம் ஒரு பொருளைப்பற்றிய அறிவைப் பெறுகின்றோம்? அறிவைத் தரும் வழிகளை அளவைகள் அல்லது பிரமாணங்கள் எனக் குறிப்பிடுவதே மரபு என முன் குறிப்பிட்டுள்ளோம். இப்பிரமாணங்களின் மூலம் நமக்குக் கிடைக்கும் அறிவு சரியானதா அல்லது பிழையானதா என்பதை அறிவது எங்ஙனம்?

பிரமாணத்துக்கு எது பிரமாணம்?
எவ்வித அறிவும் நிகழ்வதற்கு நான்கு அம்சங்கள் தேவை. இவை நான்கும் இன்றியமையாதவை. முதலாவது, அறிவு நிகழ்வதற்கு நிலைக்களனான அறிபவன் தேவை. இவனை வடமொழியாளர் பிரமாதா என்பர். இரண்டாவது, அறியப்படும் பொருள். இது பிரமேயம் எனப்படும். மூன்றாவது, அறிவு வரும் வழி. இதுவே மேலே குறிப்பிடப்பட்ட பிரமாணமாகும். நான்காவது அறிவு. இது பிரமிதி எனப்படும். பிரமாதா, பிரமேயம், பிரமாணம், பிரமிதி. அதாவது முறையே அறிபவன், அறிபொருள், அறிவு வரும் வழி, அறிவு ஆகிய நான்கனுள்ளும் அறிவைப் பெறும் வழியாகிய பிரமாணத்துக்கு முதன்மை கொடுத்தனர் நையாயிகர். பிரமாணம் சரியானதானால்தான் அப்பிரமாணத்தைக் கொண்டு நாம் பெறும் பிரமிதியும் சரியானது ஆகும் என்பது அவர்களுடைய கட்சி. நையாயிகரது இக்கொள்கை பாரட்டத்தகுந்தது. பிரமாணத்துக்கு முழு முதன்மையும் கொடுத்து, அதனை விடிவாக ஆராய்ந்த காரணத்தால் நையாயிகருடைய மதத்தைப் பிரமாண சாத்திரம் என வழங்கும் ஒரு மரபும் ஏற்படுவதாயிற்று. 

என் மூதாதையான மரு அன்னையின் சிறுமுலைக்காம்பில் சொட்டிநின்ற பால்துளி ஒன்றைக் கண்டு இளங்கன்று ஒன்று வாழ்த்துவதை ஒருநாள் கேட்டார். ‘பரம்பொருள் பள்ளிகொள்ள முடிவிலியென விரிந்தவளே, என் பசிக்கென துளிவடிவில் ஊறும் உன் பெருங்கனிவுக்கு அப்பால் பொருள் என ஒன்று கொண்டிருக்கிறாயா?’ அவர் இங்கு நிகழும் பெருங்களியாட்டில் தன்னை நிறைத்துக்கொண்டார்.

பொருளென்று அங்கிருந்தும் அறிவென்று இங்கிருந்தும் சந்திக்கும் புள்ளியிலேயே அனைத்தும் நிலைகொள்கின்றன. நிகர்விசைகொண்ட இரு களிறுகளால் இழுக்கப்படும் வடத்தின் மையம் அது.

அறியப்படும் இவையனைத்தும் அறிவென்பதனால் அறியப்படுவதனால் அறிவு உருவாகவில்லை என்றே பொருள். அறிவன்றி இங்கு பிறிதேதுமில்லை. அறிவுக்குள் அறிவென்று அமைந்தவையே அனைத்தும். தனித்தன்மைகள் அறிதலினால் எழுகின்றன. அறிதலுக்கு அப்பால் பெரும்பொதுமையின் அமைதலும் அறிவே.

அறியப்படாமையும் அறியவொண்ணாமையும் அறிவுகடந்தமையும் அறிவே. அறிவிலமர்ந்தவர் அறிவென அதையே கொள்வர். அறிபொருள் அறிவோன் அறிவு எனும் மும்மையழிந்த நிலையில் அது நிலைகொள்கிறது.

சுழற்சிக்கு நடுவே மையம் அசைவின்மை கொண்டிருக்கிறது. ஆழம் அலையின்மையால் இறுகியிருக்கிறது. அப்பாலிருப்பவனே அனைத்தையும் அறிபவனாகிறான். செயல்களுக்குள் செயலற்றிருப்பவனே செயலாற்ற வல்லவன்.


பரிமேலழகர் உரை
எப்பொருள் யார் யார் வாய்க் கேட்பினும் - யாதொரு பொருளை யாவர் யாவர் சொல்லக் கேட்பினும், அப்பொருள் மெய்ப்பொருள் காண்பது அறிவு - அப்பொருளின் மெய்யாய பயனைக் காணவல்லது அறிவு.
(குணங்கள் மூன்றும் மாறி மாறி வருதல் யாவர்க்கும் உண்மையின், உயர்ந்த பொருள் இழிந்தார் வாயினும், இழிந்த பொருள் உயர்ந்தார் வாயினும், உறுதிப்பொருள் பகைவர்வாயினும், கெடுபொருள் நட்டார்வாயினும், ஒரோவழிக் கேட்கப்படுதலான், 'எப்பொருள் யார் யார் வாய்க் கேட்பினும்' என்றார். அடுக்கு, பன்மைபற்றி வந்தது. 'வாய்' என்பது அவர் அப்பொருளின்கண் பயிலாமை உணர்த்திநின்றது. மெய்யாதல், நிலைபெறுதல். சொல்வாரது இயல்பு நோக்காது, அப்பொருளின் பயன் நோக்கிக் கொள்ளுதல் ஒழிதல் செய்வது அறிவு என்பதாம்.).

மணக்குடவர் உரை
யாதொரு பொருளை யாவர் சிலர் சொல்லக் கேட்பினும் அப்பொருளினது உண்மையை யாராய்வது அறிவாவது. இது யாவர் சிலர் நட்டோராயினும் பகைவராயினும் அவர் கூறக் கேட்டவற்றில் தெள்ளியராய் ஆராய்ந்து துணித லறிவென்றது.

மு.வரதராசனார் உரை
எப்பொருளை யார் யார் இடம் கேட்டாலும் (கேட்டவாறே கொள்ளாமல்) அப் பொருளின் மெய்யானப் பொருளைக் காண்பதே அறிவாகும்.

சாலமன் பாப்பையா உரை
எந்தக் கருத்தை எவர் சொன்னாலும், அக்கருத்தின் உண்மையைக் காண்பது அறிவு.

Thirukkural - Management - Knowledge
One of the special ways to acquire knowledge is to assess the validity of the information shared by someone. Information should not be accepted as it is shared or at the surface level. A thorough analysis is needed to validate the validity of the information obtained. If we start accepting all information just like that, we will be confused at the validity of that  information. Check the validity of the information obtained by applying that to your personal and professional life, suggests Kural 423.

Wisdom grasps the truth
Of whatever and by whomever said.

English Meaning - As I taught a kid - Rajesh
Any information you gain from others or through any source do not assume it is correct.You should research and analyze to find its true meaning.

Questions that I ask to the kid
What you should do to get true knowledge?


செவுக்குண வில்லாத போழ்து

குறள் 412
செவுக்குண வில்லாத போழ்து சிறிது
வயிற்றுக்கும் ஈயப் படும்
[பொருட்பால், அரசியல், கேள்வி]

பொருள்
செவிக்கு - காது; கேட்கை/கேள்வி; பாத்திரத்தின்காதுவளையம்; வீணையின்முறுக்காணி; ஓரங்குலமழை

உணவு - சோறு; உணவுப்பொருள்; மழை

இல்லாத - இல்லை, வறுமை
இல்லாத்தனம் - illā-t-taṉam   * n. இல்² +.Poverty, destitution; தரித்திரம்

போழ்து - பொழுது, காலம்; தக்கசமயம்; வாழ்நாள்; கணம்; சிறுபொழுதுபெரும்பொழுதுகள்; சூரியன்

சிறிது - அற்பம், சிறு-மை. That whichis small, trifling or insignificant; அற்பமானது.

வயிற்றுக்கும்  - (stomach)உதரம்; கருப்பப்பை; நடுவிடம்; உள்ளிடம்; மனம்.

ஈயப்படும் -  ஈ - (வி)ஈயென்ஏவல்; பகிர்ந்துகொடு; தா, சொரி

முழுப்பொருள்
அறிவானவற்றை செவிகள் கேட்டுக்கொண்டு இருப்பதே எக்காலமும் ஒருவரின் செயலாக இருக்க வேண்டும். ஆதலால் செவிக்கு(கேள்விக்கு) உணவு இல்லாத நேரத்தில் சிறிது அளவு உணவு இந்த வயிற்றுக்கு கொடுக்கலாம் என்கிறார் திருவள்ளுவர். "வயிற்றுக்கும் ஈயப்படும்" என்று மட்டும் கூறி இருக்கலாம். ஆனால் "சிறிது" என்று கூறியதால் இங்கே உணவு எடுத்துக்கொள்ளவேண்டிய (சிறு) அளவு மற்றும் உணவுக்காக நாம் எடுத்துக்கொள்ளவேண்டிய (சிறு) காலம் ஆகியவற்றை திருவள்ளுவர் கூறுவதையும் நாம் விளங்கிக்கொள்ளவேண்டும். 

மேலும் ஒருவருக்கு கற்று உணர்ந்து நடந்து சான்றோன் ஆவதே செயலாகும். வீணாக தேவைக்கு அதிக உணவை உண்டு சோம்பலை வளர்த்து மனதை மற்ற இச்சைகளுக்கு அடிமையாக்குவது சிறுமையாகும். 

மேலும்
வயிற்றுக்கு ஈயப்படும் உணவு “சிறிது” என்றது, அதிகமாயின், நோயும், காமமும் பெருகுதலால், என்கிறார் பரிமேலழகர். காமம் என்பது “இச்சை” என்பதனால், உடம்பை வளர்க்க இச்சைகளே வளரும், அறிவு வளராது என்பதனால் “சிறிது” என்ற சொல் அழுத்தம் பெறுகிறது.
ஆனால் திருமூலர், உடம்பைப் பேணுதலினை முக்கியமாகச் சொல்லுகிற இப்பாடலைப் பார்ப்போம்.
‘‘உடம்பாற் அழியின் உயிரால் அழிவர்
திடம்பட மெய்ஞ்ஞானம் சேரவு மாட்டார்
உடம்பை வளர்க்கும் உபாயம் அறிந்தே
உடம்பை வளர்த்தேன் உயிர் வளர்த்தேனே!
இப்பாடலில் “சுவரை வைத்துத்தான் சித்திரம் எழுதவேண்டும்” என்கிற பழமொழிக்கேற்ப, உடம்பைப் பேணுதலை வலியுறுத்துகிறார்.  உடம்பால் அழியின், உயிரால் அழிந்து, திடம்பட மெய்ஞானம் சேரவும் மாட்டார்” என்று சொல்லி, கூடவே உடம்பை வளர்பது ஒரு உபாயம் என்கிறார்.  அந்த உபாயம்தான் வள்ளுவர் “சிறிது” என்பதோ? மற்றொரு பழமொழி, “உதியம் பெருத்தால் உத்திரத்துக்குக்கூட ஆகாது, சரீரம் பெருத்தாலும் அது மாதிரிதான்” என்று கூறுவதிலிருந்து, உடம்பை பெருக்காமால் திட்டமாக வைத்துக்கொள்வதே நல்லது தெரிகிறது

மேலும்: அஷோக் உரை

பரிமேலழகர் உரை
செவிக்கு உணவு இல்லாத போழ்து - செவிக்கு உணவாகிய கேள்வி இல்லாத பொழுது, வயிற்றுக்கும் சிறிது ஈயப்படும் - வயிற்றுக்கும் சிறிது உணவு இடப்படும்.
(சுவை மிகுதியும் பிற்பயத்தலும் உடைய கேள்வி உள்ளபொழுது வெறுக்கப்படுதலான் 'இல்லாத போழ்து' என்றும், பெரிதாயவழித்தேடல் துன்பமேயன்றி நோயும் காமமும் பெருகுதலான் சிறிது என்றும் அதுதானும் பின்இருந்து கேட்டற்பொருட்டாகலான் 'ஈயப்படும்' என்றும் கூறினார். ஈதல், வயிற்றது இழிவு தோன்ற நின்றது. இவை இரண்டு பாட்டானும் கேள்வியதுசிறப்புக் கூறப்பட்டது.).

மணக்குடவர் உரை
செவிக்கு உணவாகிய கேள்வி யில்லாதபோது வயிற்றுக்கும் சிறிது உணவு கொடுக்கத் தகும். பெருக உண்ணின் கேள்வியை விரும்பாது காமநுகர்ச்சியை விரும்புமாதலான், சிறிது என்றார். இஃது எல்லாக்காலமும் கேட்க வேண்டு மென்றது.

மு.வரதராசனார் உரை
செவிக்கு கேள்வியாகிய உணவு இல்லாத போது (அதற்க்கு துணையாக உடலை ஒப்புமாறு) வயிற்றுக்கும் சிறிது உணவு தரப்படும்.

சாலமன் பாப்பையா உரை
செவிக்கு உணவாகிய கேள்வி கிடைக்காதபோது, வயிற்றுக்கும் சிறிது உணவு இடப்படும்.

Thursday, January 23, 2020

கல்லாதான் ஒட்பம் கழியநன்

குறள் 404
கல்லாதான் ஒட்பம் கழியநன் றாயினும்
கொள்ளார் அறிவுடை யார்
[பொருட்பால், அரசியல், கல்லாமை]

பொருள்
கல்லாதான் - கல்வி கற்காதவன் 

ஒட்பம் - அறிவு; அழகு; நன்மை; மேன்மை.

கழிய - மிகவும்

கழிதல் - மிகுதல்; கடந்துபோதல்; நடத்தல்; குறைபடுதல்; அழிதல்; ஒழிதல்; சாதல்; முடிவடைதல்; வருந்துதல்; மலம்முதலியனவெளிப்படுதல்; அச்சங்கொள்ளுதல்.

நன்று - நல்லது; சிறப்பு; பெரிது; அறம்; இன்பம்; நல்வினை; உதவி; வாழ்வின்நோக்கம்; துறக்கம்; ஏற்கைக்குறிப்பு

ஆயினும் - ஆனாலும்; ஆவது உம்மைப்பொருளில்வரும்எண்ணிடைச்சொல்.

கொள்ளார் - மனம்பொறாதவர்; பகைவர்.

அறிவு - ஞானம்; புத்தி பொறியுணர்வு; அறியவேண்டியவை; கல்வி ஆன்மா

உடையார் - உடையவர்கள்

முழுப்பொருள்
பல உரைகள் ஒட்பம் என்ற சொல்லுக்கு அறிவு என்ற அர்த்தத்திலேயே பொருள் கூறுகின்றன. ஆனால் ஒட்பம் என்ற சொல்லுக்கு அழகு என்ற சொல்லும் பொருந்தும். ஆதலால் கல்விகற்காதவர்கள் எவ்வளவு மிகுதியாக அலங்காரம் / ஒப்பனை / பாவனை/ ஆடம்பரம் செய்தாலும் அது நன்றாக இருந்தாலும் அவர்களை கற்றோர் சான்றோர் ஏற்கமாட்டார்கள். 

படிக்காதவர்கள் உலகத்தில் பலர் உள்ளனர். ஆனால் அதில் சிலர் தங்களின் செயல்கள் மூலம் நாட்டிற்கு தொண்டாற்றினவர்கள். செயல் வீரர் அவர்கள். அவர்களை ஏற்காமல் இருக்க முடியாது. திருவள்ளுவர் அவர்களை நிராகரிக்க மாட்டார். இன்றைய காலகட்டத்தில் கல்விகற்காமலும் தொண்டாற்றிய பல கர்மவீரர்களுக்கு சாதனையாளர் விருது அளித்து கௌரவித்து உள்ளது சான்றோர் உலகம். ஆதலால் ஒட்பம் என்ற சொல் அழகு ஆடம்பரம் என்ற அர்த்தத்திலேயே எடுத்துக்கொள்ள வேண்டும். 

பழமொழிப்பாடல் வரிகள் ஒன்று, 
“அறிவில்லான் மெய்த்தலைப் பாடு பிறிதில்லை
நாவற்கீழ்ப் பெற்ற கனி” (பழமொழி 138)
“கல்லாதான் கண்ட கழிநுட்பம் காட்டரிதால்” (பழமொழி 367) 
என்கிறது. 

சிறுபஞ்சமூலப்பாடல் (4) ஒன்று, 
“கல்லாதான் தான்காணும் நுட்பமும்… 
நல்லார்கள் கேட்பின் நகை” என்கிறது.


மேலும்: அஷோக் உரை


பரிமேலழகர் உரை
கல்லாதான் ஒட்பம் கழிய நன்று ஆயினும் - கல்லாதவனது ஒண்மை ஒரோவழி நன்றாயிருப்பினும், அறிவுடையார் கொள்ளார் - அறிவுடையார் அதனை ஒண்மையாகக் கொள்ளார்.
(ஒண்மை: அறிவுடைமை, அது நன்றாகாது, ஆயிற்றாயினும் ஏரலெழுத்துப் போல்வதோர் விழுக்காடு ஆகலின், நிலைபெற்ற நூல் அறிவுடையார் அதனை மதியார் என்பதாம்.).

மணக்குடவர் உரை
கல்லாதானது ஒண்மை மிகவும் நன்றாயிருப்பினும் அதனை ஒண்மையாகக் கொள்ளார் அறிவுடையார். ஒண்மை யெனினும் அறிவெனினும் அமையும். இது கல்லாதார் ஒள்ளியாராயினும் மதிக்கப்படாரென்றது.

மு.வரதராசனார் உரை
கல்லாதவனுடைய அறிவுடைய ஒருக்கால் மிக நன்றாக இருந்தாலும் அறிவுடையோர் அதனை அறிவின் பகுதியாக ஏற்றுக்கொள்ள மாட்டார்.

சாலமன் பாப்பையா உரை
படித்தவர் முன் பேசினால் படிக்காதவரின் பெருமை குறைந்து போகும்.

கண்ணுடையர் என்பவர் கற்றோர்

குறள் 393
கண்ணுடையர் என்பவர் கற்றோர் முகத்திரண்டு
புண்ணுடையர் கல்லா தவர்
[பொருட்பால், அரசியல், கல்வி]

பொருள்
கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

உடையர் - உடையவர்கள் ; செல்வம் கொண்டவர்கள்

என்பவர் -என்கின்றனர்

கற்றோர் - தெளிந்தோர், சான்றோர், நூல்பலக் கற்றுஉணர்ந்தோர்

முகத்து - தலையில்நெற்றிமுதல்மோவாய்வரையுள்ளமுன்புறம்; வாய்; வாயில்; கழி; இடம்; மேலிடம்; நுனி; தொடக்கம்; வடிவு; நோக்கு; தியானம்; முகத்துதி; காரணம்; ஏழாம்வேற்றுமையுருபு; முன்பு; நாடகச்சந்திஐந்தனுள்முதலிலுள்ளசந்தி; நடிகர்கள்அரங்கிற்குவருமுன்நிகழுங்கூத்து; இயல்பு; நிலை; தோற்றம்; கட்டிமுதலியவற்றின்முனையிடம்; முதன்மை; பக்குவம்; பக்கம்; உவமவுருபு; மூலம்; யாகம்; வகை; இந்திரகோபம்.

இரண்டு - இரண்டு'என்னும்எண்; சில உகரஎழுத்து; மலசலம்

புண் - உடல்ஊறு; தசை; வடு; மனநோவு. காயம்; ஊன்

உடையர் - உடையவர்கள்

கல்லாதவர் - கற்காதவர்கள்

முழுப்பொருள்
முகத்தில் எல்லோருக்கும் இரண்டு கண்கள் உள்ளது.  அதனால் என்ன பயன் ? ஏனெனில் கண் என்பது அறிவை குறிக்கும் சொல்லும் ஆகும். என் 'கண்ணை திறந்துட்ட' னு சொல்லாட்சி உண்டு. அது மட்டுமின்றி கண் என்றால் பீலிக்கண் (அழகிய மயில் தோகைக்கண்)  என்ற பொருளும் அடங்கும். ஆதலால் கண் இருந்தால் அவர் (அந்த சொல்லிற்கு தகுந்தாற்போல்) கண்டிப்பாக கற்று கற்றோராய் விளங்க வேண்டும். அப்படி ஒருவர் கற்று கற்றோராய் விளங்கவில்லையென்றால் அவர் கண்ணில் இரு புண் கொண்டவராவார் என்கிறார் திருவள்ளுவர். புண் என்றால் காயம் என்று மட்டும் பொருள் அல்ல மனநோய் என்றும் விளங்கும். ஆதலால் கல்லாதவரை மனநோய் கொண்டவர் புண் (காயம்) உடையவர் என்கிறார் திருவள்ளுவர்.

இங்கே திருவள்ளுவர் கற்க வேண்டும் என்று மட்டும் சொல்லவில்லை. கற்று அதற்கேற்றாற்போல் நிற்கும் கற்றோராய் விளங்கவேண்டும் என்று தெளிவாக கூறுகிறார்.

அறிவுடையவர்களே உலகில் அதிகம் பார்க்க-புரிந்து கொள்ள ஆற்றலுடையவன். அறிவு இவர்கள் வாழ்வு. அறிவற்றவர் வாழ்வைவிடப் பொருண்மை "பொலிவு" நிறைந்தது என்படத்தில் ஐயமில்லை. இவர்களே "கண்ணுடையவர்கள்". இவர்கள் பிறநலச் சார்புடையவர்கள். இவர்கள் உலகிற்காகப் பாடுபடுபவர்கள். 

ஏன் கண்களையும் கல்வியையும் திருவள்ளுவர் தொடர்புபடுத்தவேண்டும்? ஏனெனில் கண்ணே மனிதன் முதலில் கற்க பயன்படுத்தும் கருவி. ஒரு குழந்தை வளரும் பொழுது தான் காணுபவற்றின் மூலமாக கற்கிறது. உதாரணமாக இன்று எனது 10 மாதமே ஆன எங்கள் பெண் குழந்தை உமையாள் நாங்கள் சப்பாத்தியிற்கு கையை ஒரு கோப்பையில் தோய்த்து உண்ணுகிறோம் என்பதை நாங்கள் கற்றுத்தராமால் தானாகவே கற்கிறாள். அவளுக்கு வெறும் சப்பாத்தி வேண்டாம் என்று செய்கை காண்பிக்கிறாள். உமையாள்  அதைப் பார்த்துத்தான் கற்றாள். ஆதலால் கண்களே கற்க இங்கு கருவி. அதனால் தான் திருவள்ளுவர் கல்வியையும் கண்ணையும் தொடர்புபடுத்திக் கல்லாதவர் கண் புண் என கூறியிருப்பார் என்று நினைக்கிறேன்.

வள்ளுவரே மற்றுமொரு அதிகாரத்தில், 

“குறள் 575
கண்ணிற் கணிகலம் கண்ணோட்டம் அஃதின்றேல் 
புண்ணெண் றுணரப் படும்” என்கிறார். 

கலித்தொகை (130:6) பாடலொன்று,  “கல்லாது முதிர்ந்தவன் கண்ணில்லா நெஞ்சம்” என்கிறது.

“கண்ணில்புன் மாக்கள்” 
“கைப்பொருள் கொடுத்தும் கற்றல் கற்றபின் கண்ணும் ஆகும்” (சீவக.1595)


மேலும்: அஷோக் உரை

பரிமேலழகர் உரை
கண் உடையர் என்பவர் கற்றோர் - கண்ணுடையர் என்று உயர்த்துச் சொல்லப்படுவார் கற்றவரே, கல்லாதவர் முகத்து இரண்டு புண் உடையர் - மற்றைக் கல்லாதவர் முகத்தின்கண் இரண்டு புண்ணுடையர், கண்ணிலர்.
(தேயம்இடையிட்டவற்றையும் காலம் இடையிட்டவற்றையும் காணும் ஞானக்கண்உடைமையின் கற்றாரைக் கண்ணுடையர் என்றும் அஃதின்றி நோய்முதலியவற்றால் துன்பம் செய்யும் ஊனக்கண்ணேஉடைமையின், கல்லாதவரைப் புண்ணுடையர் என்றும் கூறினார்.மேல் கண்ணன்மை உணரநின்ற ஊனக்கண்ணின் மெய்ம்மைகூறியவாற்றான், பொருள் நூல்களையும் கருவிநூல்களையும்கற்றாரது உயர்வும், கல்லாதாரது இழிவும் இதனான் தொகுத்துக்கூறப்பட்டன.).

மணக்குடவர் உரை
கற்றோர் கண்ணுடைய ரென்று சொல்லப்படுவர்: கல்லாதார் முகத்தின்கண்ணே இரண்டு புண்ணுடைய ரென்று சொல்லப்படுவர். அறிவு கல்வியின் கண்ணதாகலான் அக்கல்வியில்லாதார் கண் புண்ணாயிற்று.

மு.வரதராசனார் உரை
கண்ணுடையவர் என்றுக் கூறப்படுபவர் கற்றவரே, கல்லாதவர் முகத்தில் இரண்டுப் புண் உடையவர் ஆவார்.

சாலமன் பாப்பையா உரை
ற்றவரே கண் உடையவர்; கல்லாதவரோ முகத்தில் இரண்டு புண்ணையே உடையவர்.

திருக்குறள்

Annoucement - Ask and Kural Shall Answer - கேள், குறள் பதில் சொல்லும்

வாசகப் பெருமக்களே இதோ ஒரு நற்செய்தி, இத்தளத்தில் ஒவ்வொரு வாரமும் கேள்விகள் மூலம் திருக்குறளில் இருந்து பதில் பெறும் பதிவுகள் இடலாம் என்று எண...