Search This Blog

Disclaimar

This blog is totally for learning purposes. Non-commercial. In many of the posts, many snippets have been taken from various thirukkural blogs, books available online freely only for learning purpose without any intention of plagiarism or to make money. I have given due credit, link wherever possible. If you want your content to be removed, or you want more credit to be provided, please do let me know in the comment section of any of the posts. ஊருணி நீர்நிறைந் தற்றே உலகவாம் பேரறி வாளன் திரு (குறள் 215)
Showing posts with label Athikaaram_079. Show all posts
Showing posts with label Athikaaram_079. Show all posts

இனையர் இவரெமக்கு இன்னம்யாம் என்று

 

குறள் 790
இனையர் இவரெமக்கு இன்னம்யாம் என்று
புனையினும் புல்லென்னும் நட்பு
[பொருட்பால், நட்பியல், நட்பு]

பொருள்
இனையர் - இனை - iṉai   adj. of this degree (in respect of size or quantity இன்ன, as in "இனைத் துணைத்து" (குறள்)  

இவர் - இவன், இவள்என்பவற்றின்பன்மை; ஒருவரைக் குறிக்கும் மரியாதைப் பன்மைச்சொல்.

எமக்கு - எனக்கு

இன்னம் - இத்தன்மையுடையேம்; காண்க:இன்னும்; இனிமேலும்

யாம் - தன்மைப் பன்மைப் பெயர்

என்று - எந்தநாள், எப்போது, என்றைக்கு; என்றுசொல்லி; ஓர்இடைச்சொல்; சூரியன்.

புனையினும் - அழகு; பொலிவு; அலங்காரம்; அணிகலன்; கால்விலங்கு; சீலை; புதுமை; நீர்.

புல் - தாவரவகை; ஒருசார்விலங்குகளின்உணவுவகை; புதர்; கம்பு; புன்செய்த்தவசம்; காண்க:புல்லரிசி; மருந்துச்செடிவகை; பனை; தென்னை; அனுடநாள்; புல்லியது; இழிவு; கபிலநிறம்; புணர்ச்சி; சிவல்; புலி.

என்னும் - யாவும், எல்லாம்; என்றுசொல்லப்படும்; யாதும்; சிறிதும்.

நட்பு - சிநேகம்; உறவு; சுற்றம்; நண்பன்; யாழின்நாலாம்நரம்பு; காதல்; அரசாங்கம்ஆறனுள்ஒன்றாகியநட்பரசர்; கையூட்டு; மாற்றரசரோடுநட்புச்செய்கை.

முழுப்பொருள்
இவர் எனக்கு இவ்வளவு நெருக்கமான நண்பர், இவர் என் வாழ்வில் மிக இன்றியமையாதவர், இத்தன்மையால் எனக்கு இவர் நண்பர் என்று நண்பர்களை / உறவுகளை அலங்காரமாய் சொல்லுவது (அல்லது அணிகலன் இடுவதுக் கூட) , (நண்பர்களை best friend சிறந்த நண்பர், close friend நெருங்கிய நண்பர் என்றெல்லாம் வகையரை செய்து சொல்வது (எண்ணம் கொள்வது)) நட்பிற்கு செய்யும் இழிவாகும். 

மனதார உண்டான நட்பு நட்பைப் பற்றி வீண்பெருமைப் பேசாது. பிறரிடம் பெறக்கூடிய சில ஆதாயங்களுக்காக தாம் சில பெரியமனிதர்களோடு சிறந்த நட்பைக் கொண்டிருப்பதைப் போல் அவர்களுடன் ஒன்று கலந்து உரைப்பர். ஆனால் அது நட்பை கொச்சைப்படுத்துவது என்று கூறுகிறார் திருவள்ளுவர். 

மேலும்: அஷோக் உரை

ஒப்புமை
”முகனமர் கிளவி முன்னின் றுரைப்பின்
ஏதின்மை ஈனும் ஏனோர் மாட்டென” (பெருங் 4,8:6-7)

பரிமேலழகர் உரை
இவர் எமக்கு இனையர் யாம் இன்னம் என்று புனையினும் - இவர் நமக்கு இத்துணை யன்பினர், யாம் இவர்க்கு இத்தன்மையம் என்று ஒருவரையொருவர் புனைந்து சொல்லினும்; நட்புப் புல்லென்னும் - நட்புப் புல்லிதாய்த் தோன்றும். ('இவர்க்கு' என்பது வருவிக்கப்பட்டது. தாம் அவர் என்னும் வேற்றுமையின்றி வைத்துப் புனைந்துரைப்பினும் வேற்றுமையுண்டாம் ஆகலின், 'நட்புப் புல்லென்னும்' என்றார். இவை ஐந்து பாட்டானும் நட்பினது இலக்கணம் கூறப்பட்டது.).

மணக்குடவர் உரை
இவர் நமக்கு இத்தன்மையர், யாமும் இவர்க்கு இத்தன்மையோம் என்று பேணிச் சொல்லினும் நட்புவாடும்: ஆதலால் நட்பினைத் தன்னைத்தான் நினைக்குமாறுபோல நினைக்க.

மு.வரதராசனார் உரை
இவர் எமக்கு இத்தன்மையானவர், யாம் இவர்க்கு இத் தன்மையுடையேம் என்று புனைந்துரைத்தாலும் நட்பு சிறப்பிழந்து விடும்.

சாலமன் பாப்பையா உரை
இவர் எமக்கு இத்தனை அன்பு உடையவர்; நாமும் இவர்க்கு இப்படியே என்று ஒருவரை ஒருவர் அலங்காரமாகப் பாராட்டிச் சொன்னாலும் நட்பு அற்பமானதாகப் போய்விடும்.

நட்பிற்கு வீற்றிருக்கை யாதெனின் கொட்பின்றி

 

குறள் 789
நட்பிற்கு வீற்றிருக்கை யாதெனின் கொட்பின்றி
ஒல்லும்வாய் ஊன்றும் நிலை
[பொருட்பால், நட்பியல், நட்பு]

பொருள்
நட்பிற்கு - நட்பு - சிநேகம்; உறவு; சுற்றம்; நண்பன்; யாழின்நாலாம்நரம்பு; காதல்; அரசாங்கம்ஆறனுள்ஒன்றாகியநட்பரசர்; கையூட்டு; மாற்றரசரோடுநட்புச்செய்கை.

வீற்றிரு - īṟṟiru   VII. v. i. sit majestically or in state. சிங்காசனத்தில் வீற்றிருக்கிறார், he is seated on the throne.

வீற்றிருத்தல் - சிறப்போடிருத்தல்; வேறுபாடுதோன்றஇருத்தல்; இறுமாந்திருத்தல்; தனிமையாயிருத்தல்; கவலையற்றிருத்தல்.

வீற்றிருக்கை - வீற்றிரு-.Throne; அரசிருக்கை.

யாது - எது; இராக்கதன்; பிசாசு; கள்; நினைவு.

எனின் - என்றால், என்றுசொல்லின்; என்கையால்

கொட்பு - சுழற்சி; சுற்றித்திரிகை; மனச்சுழற்சி; சரராசி; வளைவு; கருத்து; நிலையின்மை

இன்றி - இல்லாமல்

ஒல்லுதல் - பொருந்துதல்; இயலுதல்; உடன்படுதல்; தகுதல்; ஆற்றுதல்; ஓலைப்பெட்டிபொத்துதல்; ஒலித்தல்; விரைதல்; கூடுதல்; பொறுத்தல்; நிகழ்தல்

ஒல்லும் - செய்ய முடிந்த

வாய் - உதடுஅல்லதுஅலகுஇவற்றினிடையிலுள்ளஉறுப்பு; பாண்டம்முதலியவற்றின்திறந்தமேற்பாகம்; வாய்கொண்டஅளவு; உதடு; விளிம்பு; ஆயுதத்தின்முனை; மொழி; வாக்கு; குரல்; மெய்ம்மை; சிறப்பு; சிறப்புடையபொருள்; வாசல்; வழி; மூலம்; இடம்; துலாக்கோலின்வரை; தழும்பு; துளை; வாத்தியக்குழல்; ஏழுனுருபு; ஓர்உவமஉருபு.

ஊன்றும் -  ஊன்றுதல் - நிலைபெறுதல்; சென்றுதங்குதல்; நடுதல்; நிலைநிறுத்துதல்; பற்றுதல்; தீண்டுதல்; தாங்குதல்; முடிவுசெய்தல்; அமுக்குதல்; தள்ளுதல்; உறுத்துதல்; குத்துதல்;

நிலை - நிற்கை; உறுதி; தன்மை; நிலைமை; தொழில்; இடம்; தங்குமிடம்; பூமி; காண்க:நிலைத்திணை; தேர்த்தட்டு; கதவுநிலை; தூண்; விளக்குத்தண்டு; நெறி; வழக்கு; ஆசிரமம்; குலம்; மரபுரிமை; இசைப்பாட்டுவகை; பொழுது; முகூர்த்தம்; ஒருநிலவளவுவகை; ஒருவன்நிற்கக்கூடியநீராழம்; பசுஒருதடவைகழிக்குஞ்சாணி; அணிகலத்தொங்கல்.

முழுப்பொருள்
ஒரு நல்ல நட்பிற்கு சிம்மாசனம் யாதெனில் எவ்வித காலத்திலும் நிலையிலும் மனக்கலக்கம் கொள்ளாது மனதில் வளைவுகல் இன்றி மனதால் உடன்பட்டு எக்காலத்திலும் நிலைத்து வாழும் நிலையை பெறுதலே ஆகும். 

இக்குறளில் நாம் முக்கியமாக காண வேண்டியது
1. கொட்பின்றி - மனதில் கலக்கம் இல்லாது இருத்தல். முகத்தால் சிரித்து பேசி மனதால் விலக்கம் கொள்ளாது இருத்தல். மனதால் உடன்பட்டு இருத்தல்
2. ஒல்லும்வாய் - மனதால் உடன்படுதல். கருத்துக்களால் முரண்படலாம். அதில் தவறில்லை. ஆனால் மனதால் விலக்கம் கொள்ளகூடாது. 
3. ஊன்றும் நிலை - சில காலம் நண்பர்களுக்குள் ஊடல் என்பது சகஜம். ஆயினும் அவன் என் நண்பன் அவன் எனது நன்மைக்கு தான் சண்டைப்போட்டான் கண்டித்தான், அவன் கருத்தில் அவன் சரி, அவன் என்னிடம் ஒன்றை சொல்லவில்லையென்றால் அதற்கு ஒரு காரணம் இருக்கும், அவன் என்னிடம் எல்லாவற்றையும் சொல்லவேண்டியதில்லை அவனுக்கு அவ்வுரிமை உண்டு எண்ணும் நிலைத்த உறுதிப்பாடே நட்பாகும்.

ஒரு பண்பை கிடைத்தற்கு அரிய உயர்ந்த பொருளாகக் கொள்வதும், சொல்வதும் இலக்கியத்தில் பலமுறைக் காண்கின்ற ஒன்றே. “குணமென்னும் குன்று”, “பண்பென்னும் அரியணை” என்றெல்லாம் படிக்கிறோமே! நட்பென்னும் பண்பையே அரியாசனத்தில் ஏற்றிச் சொன்ன முதல் பாடல் இதுவாகத்தான் இருக்கமுடியும். 

மேலும்: அஷோக் உரை

ஒப்புமை
”மேலோர் நட்பின் இடையறாவாய்” (கம்ப.மிதிலைக் காட்சி 13)
“காக்கவும் கிற்றிலன் காதல் நண்பரைப்
போக்கவும் கிற்றிலன் ஒருவன் போய்ப்பிணி
ஆக்கவும் கிற்றிலன் வென்றி யாருயிர்
நீக்கவும் கிற்றிலன் என்று நின்றதால்” (கம்ப.பிரமாத்திரப் 40)

பரிமேலழகர் உரை
நட்பிற்கு வீற்றிருக்கை யாதெனின் - நட்பினுக்கு அரசிருக்கை யாதெனின்; கொட்பு இன்றி ஒல்லும் வாய் ஊன்றும் நிலை - அஃது எஞ்ஞான்றும் திரிபின்றி இயலும் எல்லையெல்லாம் அறம் பொருள்களில் தளராமைத் தாங்கும் திண்மை. (ஒரு ஞான்றும் வேறுபடாது மறுமை இம்மைகட்கு உறுதியாய அறம்பொருள்களில் தளர்ந்துழி அத்தளர்ச்சி நீக்கி அவற்றின் கண் நிறுத்துவதற்கு மேல் ஒரு செயலும் இன்மையின், அதனை நட்பிற்கு முடிந்த எல்லை என்றார்.).

மணக்குடவர் உரை
நட்புக்கு மேம்பட இருக்கும் இடம் யாதெனின் மனத்தின்கண் ஐயுற வின்றிச் செல்லுமாற்றால் தளராமைத் தாங்கி நிற்கும் நிலை வீற்றிருத்தல்-தலைப்பட இருத்தல்.

மு.வரதராசனார் உரை
நட்புக்கு சிறந்த நிலை எது என்றால், எப்போதும் வேறுபடுதல் இல்லாமல், முடியும் போதெல்லாம் உதவி செய்து தாங்கும் நிலையாகும்.

சாலமன் பாப்பையா உரை
நட்பின் அரியணை எது என்றால், எப்போதும் மாறாமல் முடிந்தபோது எல்லாம் ஒருவர்க்கு ஒருவர் உதவுவதேயாம்.

முகநக நட்பது நட்பன்று நெஞ்சத்து

 

குறள் 786
முகநக நட்பது நட்பன்று நெஞ்சத்து
அகநக நட்பது நட்பு
[பொருட்பால், நட்பியல், நட்பு]

பொருள்
முகம் - தலையில்நெற்றிமுதல்மோவாய்வரையுள்ளமுன்புறம்; வாய்; வாயில்; கழி; இடம்; மேலிடம்; நுனி; தொடக்கம்; வடிவு; நோக்கு; தியானம்; முகத்துதி; காரணம்; ஏழாம்வேற்றுமையுருபு; முன்பு; நாடகச்சந்திஐந்தனுள்முதலிலுள்ளசந்தி; நடிகர்கள்அரங்கிற்குவருமுன்நிகழுங்கூத்து; இயல்பு; நிலை; தோற்றம்; கட்டிமுதலியவற்றின்முனையிடம்; முதன்மை; பக்குவம்; பக்கம்; உவமவுருபு; மூலம்; யாகம்; வகை; இந்திரகோபம்.

நக - நகுதல்- சிரித்தல்; மகிழ்தல்; மலர்தல்; கட்டவிழ்தல்; ஒளிவிடுதல்; புள்ளிசைத்தல்; அவமதித்தல்; தாழ்த்துதல்

நட்பது நட்பு - சிநேகம்; உறவு; சுற்றம்; நண்பன்; யாழின்நாலாம்நரம்பு; காதல்; அரசாங்கம்ஆறனுள்ஒன்றாகியநட்பரசர்; கையூட்டு; மாற்றரசரோடுநட்புச்செய்கை.

அது - அஃது; அஃறிணைஒருமைச்சுட்டுப்பெயர்; ஆறாம்வேற்றுமைஒறுமையுருபு.

நட்பு - சிநேகம்; உறவு; சுற்றம்; நண்பன்; யாழின்நாலாம்நரம்பு; காதல்; அரசாங்கம்ஆறனுள்ஒன்றாகியநட்பரசர்; கையூட்டு; மாற்றரசரோடுநட்புச்செய்கை.

அன்று - அந்நாள்; மாறுபாடு ஓர்அசைச்சொல்

நெஞ்சத்து - நெஞ்சம் - நெஞ்சு; அன்பு; மனம்; இதயம்; மார்பு; நடு; திண்ணக்கம்; தொண்டை; துணிவு.

அகம் - இருப்பிடம்; பூமி மனை வீடு உள் மனம் அகப்பொருள் 'நான்'என்னும்அகங்காரம்; பாவம் அகம்பாவம் மார்பு ஏழாம்வேற்றுமையுருபு.

நக - நகுதல்- சிரித்தல்; மகிழ்தல்; மலர்தல்; கட்டவிழ்தல்; ஒளிவிடுதல்; புள்ளிசைத்தல்; அவமதித்தல்; தாழ்த்துதல்.

நட்பது - நட்பு - சிநேகம்; உறவு; சுற்றம்; நண்பன்; யாழின்நாலாம்நரம்பு; காதல்; அரசாங்கம்ஆறனுள்ஒன்றாகியநட்பரசர்; கையூட்டு; மாற்றரசரோடுநட்புச்செய்கை.

அது - அஃது; அஃறிணைஒருமைச்சுட்டுப்பெயர்; ஆறாம் வேற்றுமை ஒறுமையுருபு.

நட்பு - சிநேகம்; உறவு; சுற்றம்; நண்பன்; யாழின்நாலாம்நரம்பு; காதல்; அரசாங்கம்ஆறனுள்ஒன்றாகியநட்பரசர்; கையூட்டு; மாற்றரசரோடுநட்புச்செய்கை.

முழுப்பொருள்
மற்றொருவரை நேரில் பார்க்கும் பொழுது சிரித்து பேசி மகிழ்வது மட்டுமே நட்பென்று ஆகாது. மற்றொருவரை கண்ட மாத்திரமே மனதால் மலர்ந்து மகிழ்ந்து உள்ளத்திலும் உதட்டிலும் புன்னகை உண்டானால் அதுவே நட்பாகும்.

புறத்தால் பேசி மகிழ்வது மட்டும் நட்பாகாது. அகத்தால் பேசி மகிழ்வதே நட்பாகும். ஒருவரை கண்டால் கண்டதற்காக ஒரு பொது நாகரீகத்துக்காக பேசுவோர் இருப்பர். ஆனால் உள்ளத்தால் அவர்களை ஏசுவர். அல்லது உள்ளத்தால் விலக்கம் கொள்வர். அது நட்பாகாது.

நண்பனை கண்ட உடன் உள்ளம் உவகை கொள்கிறதா? அதுவே நட்பு. நண்பனை நினைத்த மாத்திரம் உள்ளம் புன்னகை புரிகிறதா? உள்ளம் அவரை காண ஏங்குகிறதா? அதுவே நட்பு.

மேலும்: அஷோக் உரை

பரிமேலழகர் உரை
முகம்நக நட்பது நட்பு அன்று - கண்டவழி அகமொழிய முகமாத்திரமே மலரும் வகை நட்குமது நட்பாகாது; நெஞ்சத்து அகம் நக நட்பது நட்பு - அன்பால் அகமும் மலர நட்குமதே நட்பாவது. (நெஞ்சின்கண் நிகழ்வதனை 'நெஞ்சு' என்றார்.இறந்தது தழீஇய எச்ச உம்மை விகாரத்தால் தொக்கது. இதனான் இரண்டும் ஒருங்கே மலர வேண்டும் என்பது பெற்றாம்.).

மணக்குடவர் உரை
முகத்தோடு முகமகிழக் கொள்ளும் நட்பு நட்பன்று; மனத்தோடு மனமகிழக் கொள்ளும் நட்பே நட்பாவது.

மு.வரதராசனார் உரை
முகம் மட்டும் மலரும் படியா நட்பு செய்வது நட்பு அன்று, நெஞ்சமும் மலரும் படியாக உள்ளன்பு கொண்டு நட்பு செய்வதே நட்பு ஆகும்.

சாலமன் பாப்பையா உரை
பார்க்கும்போது மனம் மகிழாமல், முகம் மட்டுமே மலரப் பழகுவது நட்பு அன்று. அன்பால் மனமும் மலரப் பழகுவதே நட்பு.

புணர்ச்சி பழகுதல் வேண்டா உணர்ச்சிதான்

குறள் 785
புணர்ச்சி பழகுதல் வேண்டா உணர்ச்சிதான்
நட்பாங் கிழமை தரும்
[பொருட்பால், நட்பியல், நட்பு]

பொருள்
புணர்ச்சி - சேர்க்கை; ஒரேநாட்டார்ஆதல்; கலவி; எழுத்துமுதலியவற்றின்சந்தி; முன்பின்தொடர்பு; அணிகலன்.

பழகுதல் - பயிலுதல்; உறவுகொள்ளுதல்; பதப்படுதல்; சாதுவாதல்; இணக்கமாதல்; ஊடாடுதல்; நாட்படுதல்.

வேண்டா - வேண்டாம் - vēṇṭām   veeNTaam வேண்டாம் do not want; should not 

உணர்ச்சிதான் -உணர்ச்சி - உணர்வு; அறிவு மனம்

நட்பு - சிநேகம்; உறவு; சுற்றம்; நண்பன்; யாழின்நாலாம்நரம்பு; காதல்; அரசாங்கம்ஆறனுள்ஒன்றாகியநட்பரசர்; கையூட்டு; மாற்றரசரோடுநட்புச்செய்கை

ஆம் -  நீர்; ஈரம் வீடு மாமரம் அழகு சம்மதங்காட்டும்சொல்; கேள்விப்பட்டதைக்குறிக்கும்சொல்; இகழ்ச்சிக்குறிப்பு; அனுமதி, தகுதி, ஊக்கம்குறிக்கும்சொல்; ஆவது ஆகிய சாரியை அசைநிலை தன்மைப்பன்மைவிகுதி; உளப்பாட்டுத்தன்மைப்பன்மைவிகுதி.

கிழமை  - உரிமை; உறவு; நட்பு; ஆறாம்வேற்றுமைப்பொருள்; குணம்; வாரநாள்; முதுமை.

தரும் -  கொடுக்கும் 

முழுப்பொருள்
நட்பென்பது ஒருவரோடு ஒருவர் சேர்ந்து இருப்பதோ அல்லது நேரில் கூடி குலாவுவதோ அல்லது தொலைபேசிகளில் பல மணிநேரங்கள் அரட்டை அடிப்பதோ இல்லை.  உள்ளத்தால் ஒத்து இருப்பதே மெய்யான அடித்தளமாய் அமைந்து சிறந்த/அழகான நட்பாய் விளங்கும். இங்கே வள்ளுவர் மனதையே அடித்தளமாக கூறுகிறார். அறிவை அல்ல. 

ஏனெனில் அறிவு தனக்கு வரும் பயன்களை எண்ணியே உறவுகளை பேணும். உதாரணமாக வீட்டில் ஒருவர் செடிகளை வளர்க்கிறார் என்றால் அவர் பெரும்பாலும் அலங்காரத்திற்காக பூ வகை செடிகளையும் கொடிகளையும், சமையலுக்காக காய்கறிகளையும், கனிகளுக்காக மரங்களையும், நடப்பதற்காக புல் தரையையும் என்று ஏதோ ஒருவித பயனுக்காகவே செடிகளை வளர்ப்பார். ஆதலால் பயன் எண்ணி உறவுகளிடம் பழக வேண்டா. 

இக்குறள் நண்பர்களுக்கு மட்டும் அல்ல. நமது குருதிச்சுற்றத்திற்கும் (blood relation), அலுவல் நண்பர்களுக்கும், வணிக பங்குதாரர்களுக்கும் என்று உறவுகள் உள்ள எல்லாவற்றிற்கும் பொருந்தும். உதாரணமாக அலுவலிலும் வணிகத்திலும் லாப நஷ்டங்கள் சகஜம். ஆனால் ஒரு வர்த்தகத்தில் ஒருவருக்கு லாபம் இல்லையெனில் அல்லது நஷ்டம் ஏற்பட்டாலோ உறவை முறித்துக்கொள்வது தவறு. ஆங்கிலத்தில் ஒன்று கூறுவர் business (வணிகம்) என்ற ஒரு சொல்லுக்கு பிறகு ஒரு வார்த்தையை போடுவாய் என்றால் எதனை போடுவாய் ? அதற்கு பதில் relationship (உறவு)  profit (லாபம்) அல்ல. 

மேற்கு நாடுகளில் (இன்று இந்தியாவில் கூட) உள்ள dating நடைமுறையில் உள்ள சிக்கலே அடிப்படை வசதிகளை தாண்டி பயனை எதிர்பார்த்து அமையும் பல உறவுகளால் தான். ஆதலால் இக்குறள் காதலர்களுக்கும் கணவன் மனைவிக்கு கூட பொருந்தும் என்றே எனக்கு தோன்றுகிறது. 

புறநானூற்றுப் பாடலொன்றின் வரிகள் (216) அறிவாலும், பண்பாலும் உயர்ந்து ஒத்த கருத்துடையோரது நட்பை இவ்வாறு காட்டுகிறது. பிசிராந்தையார் தன்னைக் காண வருவாரோ அல்லது வரமாட்டாரோ என்று தன் அருகில் இருக்கும் சான்றோர்கள் சந்தேகப்படுவதை உணர்ந்த கோப்பெருஞ்சோழன், ”அவர் நிச்சயமாக வருவார்; அவருக்கு ஒரு இடம் ஒதுக்கி வையுங்கள்” என்று இப்பாடலில் குறிப்பிடுகிறான்.

“கேட்டல் மாத்திரை அல்லது யாவதும்
காண்டல் இல்லாது யாண்டுபல கழிய
வழுவின்று பழகிய கிழமையர் ஆயினும்
அரிதே தோன்றல்! அதற்பட ஒழுக”லென்று
ஐயம் கொள்ளன்மின்; ஆரறி வாளிர்!
இகழ்விலன்; இனியன்; யாத்த நண்பினன்;
புகழ்கெட வரூஉம் பொய்வேண் டலனே;
தன்பெயர் கிளக்கும் காலை ‘என் பெயர்
பேதைச் சோழன்’ என்னும் சிறந்த
காதற் கிழமையும் உடையவன்; அதன் தலை
இன்னதோர் காலை நில்லலன்;
இன்னே வருகுவன்; ஒழிக்கஅவற்கு இடமே!” (புறநா.216:1-3)

கம்பராமாயணத்தில், விபீடணன் அடைக்கடலப் படலத்தில், அழகாக இரவும் (எல்லியும்) பகலும் ஒன்றையொன்றை தழுவி நின்றதைப் போன்று இராமனும் விபீடணனும் தழுவி நின்றதைக் கூறும் பாடல்.

தொல் பெருங் காலம் எல்லாம் பழகினும், தூயர் அல்லார்
புல்லலர்; உள்ளம் தூயார் பொருந்துவர், எதிர்ந்த ஞான்றே;
ஒல்லை வந்து உணர்வும் ஒன்ற, இருவரும், ஒரு நாள் உற்ற
எல்லியும் பகலும் போல, தழுவினர், எழுவின் தோளார். (கம்ப.விபீடணன் .123)

“செல்வுழிக் கண்ணொருநாள் காணினும் சான்றவர்
தொல்கழிக் கேண்மையில் தோன்றப் புரிந்தியாப்பர்” (நாலடி154)

“காண்டகைமை இன்றியும்முன் கலந்தபெரும் கேண்மையினார்” (பெரிய.திருநா.203)

மேலும்: அஷோக் உரை

பரிமேலழகர் உரை
புணர்ச்சி பழகுதல் வேண்டா - ஒருவனோடு ஒருவன் நட்பாதற்குப் புணர்ச்சியும் பழகுதலுமாகிய காரணங்கள் வேண்டுவதில்லை; உணர்ச்சிதான் நட்பாம் கிழமை தரும் - இருவர்க்கும் ஒத்த உணர்ச்சி தானே நட்பாம் உரிமையைக் கொடுக்கும். (புணர்ச்சி: ஒரு தேயத்தராதல். 'இன்றே போல்க நும் புணர்ச்சி'(புறம்.58) என்றதும் அதனை. பழகுதல் - பலகால் கண்டும் சொல்லாடியும் மருவுதல். இவ்விரண்டும் இன்றிக் கோப்பெருஞ்சோழனுக்கும் பிசிராந்தையார்க்கும் போல உணர்ச்சி யொப்பின், அதுவே உடன் உயிர் நீங்கும் உரிமைத்தாய நட்பினைப் பயக்கும் என்பதாம்.(புற.நா.217) நட்பிற்குப் புணர்ச்சி, பழகுதல், உணர்ச்சியொத்தல் என்னும் காரணம் மூன்றனுள்ளும், பின்னது சிறப்புடைத்து என்பது இதனான் கூறப்பட்டது.).

மணக்குடவர் உரை
நட்பாதற்குப் பலநாள் பழகுதல் வேண்டா: ஒருநாள் கண்டாராயினும் உணர்வுடையார்க்கு அவ்வுணர்வுடைமைதானே நட்பாகும் உரிமையைத் தரும். இவ்வுணர்வுடைமைதானே நட்பாகு மென்றவாறு.

மு.வரதராசனார் உரை
நட்புச் செய்வதற்குத் தொடர்பும் பழக்கமும் வேண்டியதில்லை, ஒத்த உணர்ச்சியே நட்பு ஏற்படுத்துவதற்கு வேண்டிய உரிமையைக் கொடுக்கும்.

சாலமன் பாப்பையா உரை
ஒருவனோடு ஒருவன் நட்புக் கொள்வதற்கு அருகருகே இருப்பதோ, நெருங்கிப் பழகுவதோ வேண்டியதில்ல. இருவரது எண்ணமும் ஒத்திருந்தால் அதுவே நட்பு என்னும் தோழமையைக் கொடுக்கும்.

நகுதற் பொருட்டன்று நட்டல் மிகுதிக்கண்

குறள் 784
நகுதற் பொருட்டன்று நட்டல் மிகுதிக்கண்
மேற்சென்று இடித்தற் பொருட்டு
[பொருட்பால், நட்பியல், நட்பு]

பொருள்
நகுதல் - சிரித்தல்; மகிழ்தல்; மலர்தல்; கட்டவிழ்தல்; ஒளிவிடுதல்; புள்ளிசைத்தல்; அவமதித்தல்; தாழ்த்துதல்.

பொருட்டு - காரணம்; மதிப்பிற்குரியது; மேம்பட்டது, நிமித்தமாக.

அன்று - அந்நாள்; மாறுபாடு ஓர்அசைச்சொல்.

நட்டல் - naṭṭal   v. n. loving (நள்ளு); 2. transplanting, நடல், ஊன்றுகை

மிகுதிக் - அதிகம்; எழுத்துஇரட்டிக்கை; நிறைவு; திரள்; பொலிவு; மீதி; சிறப்பு; செருக்கு

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

மேற் - மேற் - மேலிடம்; அதிகப்படி; வானம்; மேற்கு; தலை; தலைமை; மேன்மை; உயர்ந்தோர்; உடம்பு; இடம்; மேலெழுந்தவாரியானது; முன்புள்ளது; பின்புள்ளது; அதிகமாக; முன்; பற்றி; அப்பால்; இனி; ஒருமுன்னொட்டு; ஏழனுருபு.

சென்று - செல்லுதல் - நிகழ்தல்; வீழ்தல்; ஆதல்; பரவுதல்; பயனுறுதல்; நிலைத்திருத்தல்; செலாவணியாதல்; வேண்டியதாதல்; பொருந்துதல்; விரும்பிஏற்றுக்கொள்ளப்படுதல்; அடைதற்குரியதாதல்; கழிதல்; தணிதல்; கெடுதல்; இறத்தல்; கிட்டுதல்; அடைதல்; போதல்.

இடித்தற் - இடித்தல் - முழங்குதல்; இடியிடித்தல்; நோதல் தாக்கிப்படுதல்; மோதுதல் கோபித்தல் தூளாக்குதல்; தகர்த்தல் நசுக்குதல் தாக்குதல் முட்டுதல் கழறிச்சொல்லுதல்; கொல்லுதல் தோண்டுதல் கெடுத்தல்

பொருட்டு - காரணம்; மதிப்பிற்குரியது; மேம்பட்டது, நிமித்தமாக.

முழுப்பொருள்
ஒருவரிடம் நட்புக்கொள்வதென்பது ஒன்றுகூடி சிரித்து மகிழ்ந்து குலாவுதற்கு மட்டும் அல்ல. நட்பென்பது நண்பர் நெறி மீறி அறிந்தோ அறியாமலோ தவறான பாதையில் சென்றாலோ அல்லது தவறுகளை செய்தாலோ அல்லது கீழ்மையானவற்றை செய்தாலோ யாருக்கும் காத்திருக்காமல் நேரே நண்பனிடம் சென்று அத்தவறுகளை எடுத்துரைத்து அந்த தவறுகளை தகர்த்து அதனை மறுபடியும் செய்யாதவாரு பார்த்துக்கொள்பவனே நண்பன். அத்தகையதே நட்பு.

இப்பொழுதெல்லாம் நிறுவனங்கள் வேலைக்கு ஆட்களைத் தேடும்போது அங்கு வேலை செய்பவர்களிடம் உங்கள் நண்பர்களைப் பரிந்துரை (Referral) செய்யுங்கள் என்கிறார்கள். நண்பர்கள் மூலம் உங்களுக்குச் சிறந்த வேலைகள் கிடைக்கலாம்! 

வாழ்க்கைப் பிரயாணத்தில் நம்முடன் அதிக நேரம், அதிக தூரம் உடன் வருபவர்கள் நண்பர்கள். நல்ல நட்பைப் போல உயர்ந்தது வேறு எதுவுமே இல்லை எனலாம். அப்படிப்பட்ட நண்பர்களை நாம் முறையாகத் தேர்ந்தெடுக்க வேண்டும். “உன்னுடைய நண்பன் யார் என்று சொல், நீ யாரென்று சொல்கிறேன்” என்பது பழமொழி. 

பொதுவாக நண்பர்கள் என்றாலே நமக்கு ஜாலியாக இருப்பதுதான் தோன்றும். சிலர், “என்னடா, எங்களுடன் குடிக்க மாட்டேன் என்கிறாய். நீ என்ன ஃப்ரண்ட்?” என்பார்கள். அப்படிப்பட்டவர்களின் சகவாசம் வேண்டுமா? அவர்களை நீங்கள் நண்பர்கள் என்று சொல்ல வேண்டுமா? என்று யோசித்துப் பாருங்கள். 

நல்ல நண்பர்களை எப்படிக் கண்டு கொள்வது? உங்களுக்குத் துன்பம் வரும்போது யார் ஓடி விடுகிறாரோ அவர் நிச்சயமாக நண்பர் இல்லை. இன்னும் சிலர் உங்களால் என்ன ஆதாயம் என்று பார்த்து நட்புக் கொள்வார்கள். அவர்களையெல்லாம் உங்கள் நட்பு வட்டாரத்தில் சேர்க்கக் கூடாது.

நம்முடைய நண்பர்களைத் தீர்மானிப்பது குணங்கள் மற்றும் அணுகுமுறை.

நம்முடைய மிகச் சிறந்த நண்பர் யார்? நாம் யாருக்குச் சிறந்த நண்பர்? நீங்கள் எப்படி இருக்க வேண்டும்? உங்கள் நண்பரை எப்படித் தேர்ந்தெடுக்க வேண்டும்? இரண்டிற்கும் ஒரே அளவுகோல் தான். நாம் தெரிந்தோ தெரியாமலோ ஒரு தவறினைச் செய்யும்போது, அதை வெறுமனே பார்த்துக் கொண்டிருக்காமல் நம்மிடம் எடுத்துக் கூறி நம்மைத் திருத்தப் பார்ப்பார்கள். அவர்கள்தான் நம் சிறந்த நண்பர்கள்.

நட்பு என்பது சிரித்து மகிழ்வதற்காக மட்டுமல்ல. தவறு செய்யும்போது முன் வந்து கண்டித்துச் சொல்வதற்கும் தான்!

கலித்தொகைப் பாடல், “மேல்நின்று மெய்கூறும் கேளிர்” என்கிறது. அறநெறிப் (47) பாடல்லொன்று, “காய உரைத்து கருமம் சிதையாதார் தூயரோ டொவ்வாரோ தக்கார்க்கு”, என்று அழகாகச் சொல்கிறது.

“இடிக்கும் கேளிர்’ (குறுந் 58.1)
“தன் தீமை பலகூறிக் கழறலின்” (கலி 3:21, 45:21)

“கடிக்கும்வல் லரவும் கேட்கும் மந்திரம் களிக்கின் றோயை
அடுக்கும்ஈ தடாதென் றொன்ற வேதுவோ டறிவு காட்டி
இடிக்குந ரில்லை நீயே யெண்ணிய தெண்ணி யுன்னை
முடிக்கின்ற போது மேன்மேல் முடிவின்றி முடிவ துண்டோ” (கம்ப.நிந்தனைப்.59)



மேலும்: அஷோக் உரை

பரிமேலழகர் உரை
நட்டல் நகுதற்பொருட்டன்று - ஒருவனோடு, ஒருவன் நட்புச் செய்தல் தம்முள் நகுதற்கு இயைந்தன சொல்லி நகையாடற் பொருட்டன்று; மிகுதிக்கண் மேற்சென்று இடித்தற் பொருட்டு - அவர்க்கு வேண்டாத செய்கை உளதாயவழி முற்பட்டுக் கழறுதற் பொருட்டு. (பழியும் பாவமும் தரும் செய்கை துன்பமே பயத்தலான் வேண்டப்படுவதன்மையின் அதனை 'மிகுதி' என்றும், அது செய்தற்கு முன்னே மீட்டல் வேண்டுதலின், 'மேற்சென்று' என்றும், இன்சொற்கு மீளாமையின், 'இடித்தற்பொருட்டு' என்றும் கூறினார். இதனான் நட்பின் பயன் கூறப்பட்டது.).

மணக்குடவர் உரை
ஒருவனோடு ஒருவன் நட்புப் பண்ணுதல் நகுதற்பொருட்டன்று; மிகையாயின செய்யுமிடத்து முற்பட்டுக் கழறுதற் பொருட்டு. இது மனமகிழ நட்புக்கோடலன்றித் தீக்கருமங்கண்டால் கழறவும்வேண்டுமென்றது.

மு.வரதராசனார் உரை
நட்புச் செய்தல் ஒருவரோடு ஒருவர் சிரித்து மகிழும் பொருட்டு அன்று, நண்பர் நெறிக்கடந்து செல்லும் போது முற்ப்பட்டுச் சென்று இடித்துரைப்பதற்காகும்.

சாலமன் பாப்பையா உரை
ஒருவனோடு நட்புக் கொள்வது சிரித்து மகிழ மட்டும் அன்று; நண்பனிடம் வேண்டாத செயல் இருக்கக் கண்டபோது விரைந்து கண்டித்துப் புத்தி சொல்வதற்கும் ஆம்.

நவில்தொறும் நூல்நயம் போலும் பயில்தொறும்

குறள் 783
நவில்தொறும் நூல்நயம் போலும் பயில்தொறும்
பண்புடை யாளர் தொடர்பு
[பொருட்பால், நட்பியல், நட்பு]
(For meaning in English, scroll to the bottom of this post)

பொருள்
நவில்தொறும்-  navil   நவிலு, I. v. t. (நுவல்) say, speak, சொல்; 2. learn, study, கல்.

நூல் - பஞ்சிநூல்; பூணூல்; மங்கலநாண்; எற்றுநூல்; ஆண்குறியிலுள்ளநரம்பு; ஆண்குறி; ஆயுதவகை; சாத்திரம்; ஆகமம்; ஒருநாடகநூல்; ஆலோசனை.

நயம் - இன்பம்; அருள்; மகிழ்ச்சி; விருப்பம்; தன்மை; மேன்மை; போற்றுகை; அன்பு; பக்தி; நற்பயன்; மலிவு; மிகுதி; பயன்; நுண்மை; இனிமை; நீதி; கொடையாளி; கனமும்தேசிகமும்கலந்துபாடும்வகை.

போலும் -pōlum   part. போல்-. Particleexpressing doubt; ஐயப்பாட்டைக் குறிக்குஞ் சொல்.; ஓர்அசைச்சொல்

பயில்தொறும் - பயில், [பயிறல்]   3 v. intr. 1.To become trained, accustomed; தேர்ச்சியடைதல். 2. To gain acquaintance, move as friends;பழகுதல். பயிறொறும் பண்புடையாளர் தொடர்பு(குறள், 783). 3. To occur, take place; நிகழ்தல் 4. To be close, thick, crowded; நெருங்குதல் பயிலிதழ் மலர் (கலித். 103). 5. To join, unite;பொருந்துதல். 6. To behave, conduct oneself;ஒழுகுதல். 7. To roam about; நடமாடுதல் நந்திநந்தினி பயிலுகின்ற பேரொலி (தணிகைப்பு. அகத்.103). 8. To stay, abide, reside; to haunt;தங்குதல். புலவர் பயிலுந் திருப்பனையூர் (தேவா. 635, 6).--tr. 1. To practise, learn by practice, as anart; கற்றல். (திவா.) படைக்கலம் யாவும் . . . மாதவன் வயிற் பயில் வரதன் (பாரத. வாரணா. 29). 2.To speak, utter, tell, talk; சொல்லுதல் 

பண்பு - வண்ணம், வடிவு, அளவு, சுவைஎன்னும்நாற்குணம்; இயல்பு; மனத்தன்மை; பிறர்இயல்பைஅறிந்துநடக்கும்நற்குணம்; விதம்; பண்புப்பெயர்; அழகு; முறை; செய்கை.

உடையாளர் - உடைமை - உடையனாகும்தன்மை; உடைமைப்பொருள்; செல்வம் அணிகலன் உரிமை உரியவை.

தொடர்பு - தொடர்கை; நட்பு; உறவு; நியதி; ஒட்டுகை; பாட்டு; பரம்பரைத்தொடர்பு; வரிசை; காரணகாரியசம்பந்தம்.

முழுப்பொருள்
நூல்கள் பலவற்றை கற்கும் தொறும் இன்பம் நமக்கு வருவதை போன்று பண்புடையாளர்களுடன் (சான்றோர்களுடன், அன்பும் நேசமும் கொண்ட பண்புடையார்களுடன்) பழகும்தொறும் இன்பம் நமக்கு கிடைக்கும்.

நூல்களில் இருந்து கற்று மேன்மையடைவதைப்போன்று பண்புடையாளர்களுடன் நட்பில் இருந்தால் நாம் நல்லவற்றை கற்று மேன்மையடையலாம். நமது நட்புகள்/தொடர்புகள் அவ்வாறு இருந்தால் நமக்கு நல்லது.

”நின்ற சொல்லர் நீடுதோ றினியர்” (நற் 1:1)

பண்புடையோர் தொடர்பைப்பற்றி நாலடியார் பாடல்வரிகள் இவ்வாறு கூறுகின்றன.
“கனைகடல் தண்சேர்ப்ப கற்றறிந்தார் கேண்மை
நுனியில் கரும்புதின் றற்றே” (நாலடி 138)

“கருத்துணர்ந்து கற்றறிந்தார் கேண்மை எஞ்ஞான்றும்
குருத்திற் கரும்புதின் றற்றே” (நாலடி 211)

இரண்டு பாடல்களுமே நுனிக்கரும்பின் இனிமையை பண்புடையோர் நட்போடு உவமித்துச் சொல்லுகின்றன.

பெருங்கதைப் (5.7:148-50) பாடல் வரிகள், பாடலின் முற்றுக்கருத்தையும் இவ்வாறு கூறுகின்றன.

“நவில்தொறும் இனிய ஞானம்போலப்
பயில்தொறும் இனியநின் பண்புடைக் கிழமை
உள்ளுதொறுள்தொறுள்ளம் இன்புற”

மேலும்: அஷோக் உரை

பரிமேலழகர் உரை
பண்பு உடையாளர் தொடர்பு பயில்தொறும் - நற்குணமுடைய மக்கள் தம்முள் செய்த நட்புப் பயிலுந்தோறும் அவர்க்கு இன்பஞ் செய்தல்; நூல் நவில்தொறும் நயம் போலும் - நூற்பொருள் கற்குந்தோறும் கற்றார்க்கு இன்பஞ் செய்தலை ஒக்கும். (நயத்தினைச் செய்தலான் 'நயம்' எனப்பட்டது. இருமையினும் ஒருகாலைக் கொருகால் மிகும் என்பதாகும். இவை இரண்டு பாட்டானும் அச்சிறப்பிற்கு ஏது கூறப்பட்டது.) .

மணக்குடவர் உரை
படிக்குந்தோறும் நூல்நயம்போல அறிவுதரும், பழகுந்தோறும் பண்புடையாளரது நட்பு. இது குணவானோடு நட்புக்கொள்ளின் அறிவுண்டாமென்றது.

மு.வரதராசனார் உரை
பழகப் பழக நற்பண்பு உடையவரின் நட்பு இன்பம் தருதல், நூலின் நற்பொருள் கற்கக் கற்க மேன்மேலும் இன்பம் தருதலைப் போன்றதாகும்.

சாலமன் பாப்பையா உரை
படிக்கும்போது எல்லாம் மகிழ்ச்சி தரும் நூலின் இன்பம் போல நல்ல குணமுள்ளவரோடு கொண்ட நட்பு அவரோடு பழகும் போதெல்லாம் மகிழ்ச்சி தரும்.

Thirukkural - Management - Relationship
An insightful book is one that gives you more insights the more frequently you refer to that. Similar to that is the relationship  with a person of virtuous qualities. That is also the power and purpose of a relationship,  purports Kural 783.

Good friends are like good books-
A perpetual delight.

Remember the idiom, “Better alone than in a bad company.” On the contrary, good company is far better than being alone. Relationships with people of noble characters and superior qualities keep flourishing. Is that a surprise that Interpersonal dynamics is the most important and much sought after course in the top business schools across the world? Follow Valluvar's thoughts on relationship to make your relationships fruitful.

English Meaning - As I taught a kid - Rajesh
When we read a book we learn new things and it is an opportunity to improve ourselves. A good book gives good thoughts and energy. Similar to reading a book, a good relationship should improve ourselves. Our relationship should be like that.

Hence, We should be cautious with who we hang around with. They should be honest, kind, generous and compassionate who posses good qualities. We should not hang around with people just because they are high achievers.

Questions that I ask to the kid
How should a relationship/friendship be like?
How should a book reading be like? What can you relate to it?
Can we relate a book with a friend? How?

நிறைநீர நீரவர் கேண்மை

குறள் 782
நிறைநீர நீரவர் கேண்மை பிறைமதிப்
பின்னீர பேதையார் நட்பு
[பொருட்பால், நட்பியல், நட்பு]

பொருள்
நிறை - பூர்த்தி; எண்வகைப்பாடற்பயன்களுள்ஒன்று; அடுத்தடுத்துவரும்சுரம்; இரண்டுதாக்குடையதாளவகை; நிறுக்கை; தராசு; துலாராசி; எடை; நூறுபலம்கொணடஅளவு; வரையறை; நிறுத்துகை; வைத்துஅமைக்கை; கற்புவழிநிற்றல்; ஆடூஉக்குணம்நான்கனுள்காப்பனகாத்துக்கடிவனகடியும்திண்மை; மனவடக்கம்; கற்பு; சூளுரை; வலி; அறிவு; மறைபிறரறியாமை; அழிவின்மை; மாட்சிமை; நீதி; மிகுதி; கவனம்; நீர்ச்சால்

நீர  - nīra   s. (pl.) (நீர்மை) those which have properties, குணத்தையுடையன.
நீர் - தண்ணீர்; கடல்; இரசம்; பனிநீர்; உடல்இரத்தம்; பித்தநீர்முதலியநீர்மப்பொருள்; பூராடநாள்; பூரட்டாதிநாள்; ஈரம்; மணியின்ஒளி; குணம்; நிலை.

நீரவர் - குணம் உடையவர்

கேண்மை - நட்பு; உறவு; கண்ணோட்டம்; வழக்கு.

பிறை - இளஞ்சந்திரன்; மகளிர்தலையணிவகை; அபிநயவகை.

மதிப் - சந்திரன்; மாதம்; ஒன்றுஎன்னும்எண்ணைக்குறிக்கும்குழூஉக்குறி; இராசி; குபேரன்; இடைகலை; காண்க:மதிநாள்; மதிஞானம்; கற்கடகராசி; இயற்கையறிவு; பகுத்தறிவு; வேதத்தின்படிநடத்தல்; மதிப்பு; காசியபரின்மனைவி; அசோகமரம்; அதிமதுரம்; ஒருமுன்னிலையசைச்சொல்; ஒருபடர்க்கையசைச்சொல்; யானை.

பின் - பின்னுகை; பின்பக்கம்; இடம்; கடை; பிற்காலம்; தம்பி; பிறகு; ஏழனுருபு.

நீர  - nīra   s. (pl.) (நீர்மை) those which have properties, குணத்தையுடையன.

பேதை - அறிவிலி; பெண்; பாலைநிலப்பெண்; ஐந்துவயதுமுதல்ஏழுவயதுவரையுள்ளபருவத்துப்பெண்; வறிஞன்; அலி; கள்.

பேதையார் - அறிவில்லாதவர்கள்

நட்பு - சிநேகம்; உறவு; சுற்றம்; நண்பன்; யாழின்நாலாம்நரம்பு; காதல்; அரசாங்கம்ஆறனுள்ஒன்றாகியநட்பரசர்; கையூட்டு; மாற்றரசரோடுநட்புச்செய்கை.

முழுப்பொருள்
நிறை என்றால் முழு நிறைவு கொண்ட என்று பொருளும் உண்டு. அதுபோல அறிவு என்ற பொருளும் உண்டு. அறிவென்பது நாளும் வளரும் தன்மை கொண்டது என்பதும் உண்மை. ஆதலால் பிறைநிலவு நாளும் வளர்ந்து முழுநிலவாகுவதை போல அறிவுடையவர்கள் கொள்ளும் நட்பானது உறவானது நாளும் வளரும். ஆனால் அறிவில்லாதவர்கள் கொள்ளும் நட்பானது நாளும் தேய்ந்து அமாவாசை போன்று ஆகி விடும்.

வளர்மதி, தளர்மதி இவற்றை உவமையாகக் கொண்ட இலக்கிய எடுத்துக்காட்டுகளும், காட்சிகளும் ஏராளம். கி.வா.ஜா-வின் ஆராய்ச்சி பதிப்பு இக்கருத்தையொட்டிய பலபாடல்களைக் எடுத்துக்காட்டினாலும், கீழ்கண்ட பாடல் குறள்கருத்தையொட்டியே உள்ளது.

“பெரியவர் கேண்மை பிறைபோல நாளும்
வரிசை வரிசையா நந்தும் – வரிசையால்
வானூர் மதியம்போல் வைகலும் தேயுமே

தானே சிறியார் தொடர்பு”

1) பெருகுதலுக்குப் பிறை உவமை
“குடமுதல் தோன்றிய தொன்றுதொழு பிறையின்
வழிவழிச் சிறக்கநின் வலம்படு கொற்றம்” (மதுரை 193-4)

“வளர்பிறை போல வழிவழிப் பெருகி” (குறுந்.289:1)

“ஆநாள் நிறைமதி யலர் தரு பக்கம்போல்
நாளின் நாளின் நளிவரைச் சிலம்புதொட்டு
நிலவுப் பரந்தாங்கு நீர்நிலம் பரப்பி” (பரி.11:31-3)

“சுடர்ப்பிறை போலப் பெருக்கம் வேண்டி” (பெருங் 2.6:35-6)

2) மதி குறைதல் குறைதலுக்கு உவமை
”குணமுதல் தோன்றிய ஆரிருள் மதியின்
தேய்வன கெடுகநின் தெவ்வர் ஆக்கம்” (மதுரைக் 195-6)

“மதி நிறைவுபோல் நிலையாது” (கலி.17:7)

“முறைமையின் தேயும் நிறைமதி நீர்மை
நண்பு” (பெருங்.1.46:309-10)

3) நீரவன் கேண்மை
”சான்றவர் கேண்மை சிதைவின்றாய் ஊன்றி
வலியாகிப் பின்னும் பயக்கும்” (ஐந்திணையெழுபது.5)

“ஒருபகல் பூசின் ஓராண் டொழிவின்றி விடாது நாறும்
பெரியவர் கேண்மை போலும் பெறற்கரும் வாசம்” (சீவக.2737)

“கொட்புறு கலினப் பாய்மா.. மேலோர்
நட்பினின் இடைய றாவாய்” (கம்ப.மிதிலைக் காட்சி.13)


4) பேதையார் நட்பு
“பின்இன்னா பேதையார் நட்பு” (பழமொழி 113)
“பெருகுவது போலத் தோன்றிவைத் தீப்போல்
ஒருபொழுதும் சொல்லாதே நந்தும்....
பந்தமி லாளர் தொடர்பு” (நாலடி 234)

“சிறியார் கொண்ட தொடர்பில்
செல்லச் செல்ல அஃகும் நெறி” (சீவக.1416)

5) நீரவர் கேண்மையும் பேதையார் நட்பும்
”கனைகடல் தண்சேர்ப்ப கற்றறிந்தார் கேண்மை
நுனியில் கரும்புதின் றற்றே - நுனிநீக்கித்
தூரில்தின் றன்ன தகைத்தரோ பண்பிலா
ஈரமி லாளர் தொடர்பு” (நாலடி 138)

“நளிகடல் தண்சேர்ப்ப நாள்நிழற் போல
விளியும் சிறீயவர் கேண்மை - விளிவின்றி
அல்கு நிழற்போல் அகன்றகன் றோடுமே
தொல்புக ழாளர் தொடர்பு” (நாலடி 166)

“உலகறியத் தீரக் கலப்பினும் நில்லா
சிலபகலாம் சிற்றினத்தார் கேண்மை - நிலைதிரியா
நிற்கும் பெரியோர் நெறியடைய நின்றனைத்தால்
ஒற்கமி லாளர் தொடர்பு” (நாலடி 204)

“கருத்துணர்ந்து கற்றறிந்தார் கேண்மைஎஞ்ஞான்றும்
குருத்திற் கரும்புதின் றற்றே - குருத்திற்
கெதிர்செலத்தின் றன்ன தகைத்தரோ என்றும்
மதுரமி லாளர் தொடர்பு” (நாலடி 211)

6)முற்றும்
“பெரியவர் கேண்மை பிறைபோல நாளும்
வரிசை வரிசையா நந்தும் - வரிசையால்
வானூர் மதியம்போல் வைகலும் தேயுமே
தானே சிறியார் தொடர்பு” (நாலடி 125)
மேலும்: அஷோக் உரை

பரிமேலழகர் உரை
நீரவர் கேண்மை பிறை நிறை நீர - அறிவுடையார் நட்புக்கள் பிறை நிறையும் தன்மைபோல நாள்தோறும் நிறையுந் தன்மையவாம்; பேதையார் நட்பு மதிப் பின் நீர - மற்றைப் பேதைமையுடையார் நட்புக்கள் நிறைந்த மதி பின் குறையுந் தன்மை போல நாள்தோறும் குறையுந்தன்மையவாம். '('நீரவர்' என்றார், இனிமை பற்றி. கேண்மை, நட்பு என்பன ஒரு பொருட்கிளவி. செய்தாரது பன்மையான் நட்பும் பலவாயின. அறிவுடையாரும் அறிவுடையாரும் செய்தன முன் சுருங்கிப் பின் பெருகற்கும், பேதையாரும் பேதையாரும் செய்தன முன் பெருகிப் பின் சுருங்கற்கும் காரணம் தம்முள் முன் அறியாமையும் பின்' அறிதலும் ஆம்.).

மணக்குடவர் உரை
பிறை நிறையும் நீர்மைபோல, ஒருநாளைக் கொருநாள் வளரும் அறிவுடையார்.

மு.வரதராசனார் உரை
அறிவுடையவரின் நட்பு பிறை நிறைந்து வருதல் போன்ற தன்மையுடையது, அறிவில்லாதவரின் நட்பு முழுமதி தேய்ந்து பின் செல்லுதல் போன்ற தன்மையுடையன.

சாலமன் பாப்பையா உரை
பிறை, நாளும் வளர்வதுபோல, அறிவுடையார் நட்பு வளரும்; முழு நிலவு தேய்வது போலப் பேதைகளின் நட்பு தேயும்.


Thirukkural - Management - Relationship
Valluvar, through Kural 782, uses moon as a simile to differentiate the types of relationships. The relationship with a learned, educated,  and wise person grows like a waxing moon. On the contrary, the relationship with a person who is not learned, educated, and unwise diminishes like a waning moon.

Wise men's friendship waxes tile the crescent
And fools,’ like the fullmoon, wanes.

There is a connection between a person's level of knowledge and the quality of his relationships with others. Knowledge of the importance and methods of relationships leads to relationships that last longer. 

செயற்கரிய யாவுள நட்பின்

குறள் 781
செயற்கரிய யாவுள நட்பின் அதுபோல்
வினைக்கரிய யாவுள காப்பு
[பொருட்பால், நட்பியல், நட்பு]

பொருள்
செயல் -  செய்-. 1. Deed, act, action;செய்கை ; தொழில்; பொருள்தேடுகை; இழைப்புவேலை; வேலைப்பாடு; காவல்; ஒழுக்கம்; வலிமை; செல்வாக்கு; செய்யல்நிலைமை; சேறு;

அரிய - ariya   adj. அரு-மை. Precious,dear, excellent, rare, difficult; அருமையான. 

யா - யாவை
உள- யாது அனைத்தையும் உண்டாக்க வேண்டும் என்று இருந்தால்

நட்பின் - நட்பு - சிநேகம்; உறவு; சுற்றம்; நண்பன்; யாழின்நாலாம்நரம்பு; காதல்; அரசாங்கம்ஆறனுள்ஒன்றாகியநட்பரசர்; கையூட்டு; மாற்றரசரோடுநட்புச்செய்கை.

அதுபோல  - அதனை போன்று

வினைக்கு - வினை - தொழில்; நல்வினைதீவினைஎனஇருவகைப்பட்டமுன்னைவினை; வினைச்சொல்; செய்தற்குரியது; பரிகாரச்செயல்; முயற்சி; போர்; வஞ்சகம்; தந்திரம்; கருத்து; தொந்தரவு; சீழ்; இரண்டைக்குறிக்கும்குழூஉக்குறி.

அரிய - ariya   adj. அரு-மை. Precious,dear, excellent, rare, difficult; அருமையான.

யா - யாவை
உள- யாது அனைத்தையும் உண்டாக்க வேண்டும் என்று இருந்தால்

காப்பு - பாதுகாவல்; காவலாயுள்ளது; காப்புநாண்; தெய்வவணக்கம்; காப்புப்பருவம்; திருநீறு; கைகால்களில்அணியும்வளை; வேலி; மதில்; கதவு; அரசமுத்திரை; ஏட்டுக்கயிறு; காவலானஇடம்; ஊர்; திக்குப்பாலகர்; சிறை; மிதியடி; அரசன்நுகர்பொருள்.

முழுப்பொருள்
வாழ்க்கையில் நாம் பலவற்றை செய்கிறோம். அப்படி செய்பவற்றில் நட்பை போன்று ஈன்றுவது/செய்வது வேறேதுமில்லை. அதாவது (நட்புறவை)உறவை போன்று ஈன்றுவதற்கு யாதுமில்லை. செயல் என்றாலே ஒழுக்கம் என்ற பொருளும் உண்டு. ஆதலால் நட்பிலும் ஒழுக்கம் உண்டு என்பது எனது எண்ணம். நல்ல நட்பை ஈட்டுவது ஒரு அரிய செயலாகும். அப்படி ஒரு நட்பு நமக்கு கிட்டினால் நாம் வாழ்க்கையில் ஆற்றும் மற்ற வினைகளில் நம்மை காக்கும் நட்பை போன்ற ஒரு அரிய கவசம் வேறேதுமுண்டோ ?

மேலும்: அஷோக் உரை

பரிமேலழகர் உரை
நட்பின் செயற்கு அரிய யா உள - நட்புப்போலச் செய்து கோடற்கு அரிய பொருள்கள் யாவை உள? அதுபோல் வினைக்கு அரிய காப்பு யா உள - செய்துகொண்டால் அது போலப் பகைவர் செய்யும் வினைக்குப் புகற்கு அரிய காவலாவன யாவை உள? (நட்புச்செய்தற்கு ஆவாரைப் பெறுதலும், பெற்றால்செய்யும் உபாயமும், செய்தால் திரிபின்றி நிற்றலும்முதலிய அரிய ஆகலின். 'நட்பிற் செயற்கு அரியன இல்லை' என்றும், செய்தால் பகைவரஞ்சி வினை தொடங்காராகலின், 'அதுபோல வினைவாராமைக்கு அரிய காவல் இல்லை' என்றும் கூறினார். நட்புத்தான் இயற்கை செயற்கை என இருவகைப்படும்: அவற்றுள் இயற்கை, பிறப்பு முறையானாயதூஉம், தேய முறையானாயதூஉம் என இருவகைப்படும். அவற்றுள் முன்னையது சுற்றமாகலின், அது 'சுற்றந்தழாலின'அடங்கிற்று. ஏனையது பகையிடையிட்ட தேயத்ததாகலின், அதுதுணைவலி என 'வலியறிதலுள' அடங்கிற்று. இனி ஈண்டுச்சொல்லப்படுவது முன்செய்த உதவி பற்றி வருஞ் செயற்கையேயாகலின், அதன் சிறப்பு இதனாற் கூறப்பட்டது.).

மணக்குடவர் உரை
நட்புப்போல உண்டாக்குதற்கு அரியவான பொருள்கள் யாவையுள? அவ்வாறு உண்டாக்கப்பட்ட நட்புப்போலப் பிறர் நல்வினை செய்தற்கு அரியவாகக் காக்கும் காவல்கள் யாவையுள? இது நட்புத் தேடவரிது என்றது.

மு.வரதராசனார் உரை
நட்பைப்போல் செய்து கொள்வதற்கு அருமையானவை எவை உள்ளன, அதுபோல் தொழிலுக்கு அரிய காவலாக இருப்பவை எவை உள்ளன.

சாலமன் பாப்பையா உரை
சம்பாதிப்பதற்கு நட்பைப் போல அரிய பொருள் வேறு எவை உண்டு? அதைச் சம்பாதித்து விட்டால் பிறர் புக முடியாதபடி நம்மைக் காப்பதற்கு அரிய பொருள் வேறு எவை உண்டு?.

அழிவி னவைநீக்கி ஆறுய்த்து

குறள் 787
அழிவி னவைநீக்கி ஆறுய்த்து அழிவின்கண்
அல்லல் உழப்பதாம் நட்பு
[பொருட்பால், நட்பியல், நட்பு]

பொருள்
அழிவினவை -அழிவு - கேடு; தீமை செலவு வறுமை வருத்தம் மனவுறுதியின்மை; தோல்வி கழிமுகம்

அழிவு கேடு; தீமை; செலவு; வறுமை; வருத்தம்; மனவுறுதியின்மை; தோல்வி; கழிமுக

அழிவின் - அழிவில் இருந்து

அவை - மாந்தர்கூட்டம்; அறிஞர்கூட்டம்; சபாமண்டபம்; புலவர்; நாடகஅரங்கு; பன்மைச்சுட்டு [pronoun (அவ்) plural of அது, they, those things.]; அப்பொருள்கள்.

நீக்கி - ஒழித்தல்; விடுவித்தல்; கழித்தல்; ஒதுக்குதல்; அழித்தல்; அகற்றுதல்; பிரித்தல்; திறத்தல்; மாற்றுதல்; கைவிடுதல்.

ஆறு - நதி; வழி பக்கம் சமயம் அறம் சூழச்சி; விதம் இயல்பு ஓர்எண்ணிக்கை; தலைக்கடை

உய்த்து - உய்த்தல் - செலுத்துதல்; கொண்டுபோதல்சேர்த்தல்; நடத்துதல்; அமிழ்த்தல்; நுகர்தல்; கொடுத்தல்; அனுப்புதல்; குறிப்பித்தல்அறிவித்தல்; ஆணைசெலுத்துதல்; ஆயுதத்தைச்செலுத்துதல்; உய்யச்செய்தல்; நீக்குதல்.

ஆறு உய்த்து -  நல் அற வழியில் (நண்பனை) செலுத்துதல், உண்மை நிலை எடுத்து உரைத்தல், தீயவழியின் பின்விளைவுகளை எடுத்து உரைத்தல், அறவழியின் மாண்புகளையும் எடுத்து உரைத்தல்

அழிவு - கேடு; தீமை செலவு வறுமை வருத்தம் மனவுறுதியின்மை; தோல்வி கழிமுகம்
கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

அழிவின் கண் - (நண்பன்) அழிவின் பாதையில் செல்கிறான என்ற கண்ணோட்டம் கொண்டு, அல்லது விதியால் வரும் துன்பங்கள்

அல்லல் - துன்பம்

உழப்பு - முயற்சி, ஊக்கம்; வருத்தம்; பழக்கம்; வலிமை.

உழப்பது - உழப்புதல் - மழுப்புதல்; குழப்பிப்பேசுதல்; போலிவாதஞ்செய்தல்; காலங்கடத்துதல்

ஆம் - அழகு

நட்பு - சிநேகம்; உறவு; சுற்றம்; நண்பன்; யாழின்நாலாம்நரம்பு; காதல்; அரசாங்கம்ஆறனுள்ஒன்றாகியநட்பரசர்; கையூட்டு; மாற்றரசரோடுநட்புச்செய்கை.

முழுப்பொருள்
தன்னுடைய நண்பர் தீய வழிகளில் சென்றால் அவரை அவ்வழிகளில் செல்லாது தடுக்க வேண்டும். அதற்கு ஆவனவற்றை செய்ய வேண்டும். தடுமாறி விழும்பொழுது அவருக்கு நல் அறம் புகட்டி அவரை நல்வழியில் மீட்க வேண்டும். (குறிக்கோளை அடைய தேவையான பாதை தெரிந்தால் பயணம் எளிதாகும் ஊக்கம் கிடைக்கும்). அது மட்டும் இன்றி, அந்த நண்பருக்கு ஊழினால் அல்லது எதிரிகளால் துன்பங்கள் வரலாம். அந்த நேரத்தில் அவரிடம் இருந்து விளகிக்கொள்ளாமல், அவருடையத் துன்பத்தைப் புரிந்துக்கொண்டு அவரின் மீதுக் கண்ணோட்டம் (தாட்சீனியம்) கொண்டு அவருக்குப் பக்க பலமாக இருக்க வேண்டும். இப்படி அவருடைய வருத்தத்தை பகிர்ந்துக்கொண்டு, துன்பத்தில் இருந்து மீண்டு வர வழி செய்து, நண்பருக்கு வலிமை சேர்க்க வேண்டும். இதுவே நட்பாகும். 

சடாயு உயிரீ நீத்த படலத்தில், அவனுடைய நட்பின் வலிமையைக் கூறுமிடத்து, “ஒரு பகல் பழகினார் உயிரை ஈவரால்” (கம்ப.சடாயு உயிர் 13) என்று கம்பர் கூறுவார். 

“சொல்லின் அரில் அகற்றும் கேள்வியார் நட்பும்” என்று சொற்களிலும் குற்றங்களை அகற்றும் நட்பை திரிகடுகம் சொல்லுகிறது. அறத்தைப் பற்றி கூறும் திரிகடும், “அன்பு ஓடி நாள் நாளும் நட்டார்ப் பெருக்கலும்”, அதாவது நட்பு செய்தவரைப் பெருகச் செய்தலும் முதன்மையான அறமென்கிறது.

“அறமன்னானுடன் எம்பி யன்பினோ
டுறவுன் நாவுயி ரொன்றை யோவினான்
பெறவொண்ணாததோர் பெற்றி பெற்றவற்
கிறலென் னும்இதின் இன்பம் யாவதோ” (கம்ப.சம்பாதி.45)

முழுப்பொருள் 2
நண்பன் என்பவருக்கும் ஒரு சில இலக்கணங்கள் உண்டு என்று சொல்கிறார் திருவள்ளுவர். 
முதலாவதாக நண்பரின் நடவடிக்கைகளை கண்காணிக்க வேண்டும். அதாவது நண்பர் ஒழுக்கம் அல்லாத அறம் அல்லாத நன்மை அல்லாத செயல்களில் செல்கிறார் என்று ஆய்வு செய்து கொண்டு இருத்தல் வேண்டும். ஒரு வேளை நண்பன் ஒழுக்கம் அல்லாத செயல்களில் சென்றால் அது தவறு எடுத்துரைக்க வேண்டும். இதனால் எனக்கென்ன என்று இருக்க கூடாது. நண்பனை நல்வழியில் மறுபடியும் கொண்டுவர முயற்சி செய்ய வேண்டும். நண்பன் நட்பையே முறித்தாலும் கவலை இல்லை என்று எண்ணி நண்பனை நல்வழியில் கொண்டு வர முயற்சி செய்ய வேண்டும்.

இரண்டாவதாக என்னதான் கவனமாக இருந்தாலும் நண்பருக்கு துன்பம் நேர வாய்ப்பு உள்ளது. அப்படி துன்பம் நேர்ந்தால் அத்துன்பத்தை கண்காணித்து அதில் இருந்து வெளிவர கூட இருந்து ஒத்துழைத்து மீண்டு வர ஒரு தோள் கொடுத்து நண்பனுக்கு வலிமை (உழப்பது) சேர்ப்பதே சிறந்த நட்பு.

மேலும்: அஷோக் உரை
சடாயு உயிரீ நீத்த படலத்தில், அவனுடைய நட்பின் வலிமையைக் கூறுமிடத்து, “ஒரு பகல் பழகினார் உயிரை ஈவரால்” என்று கம்பர் கூறுவார். “சொல்லின் அரில் அகற்றும் கேள்வியார் நட்பும்” என்று சொற்களிலும் குற்றங்களை அகற்றும் நட்பை திரிகடுகம் சொல்லுகிறது. அறத்தைப் பற்றி கூறும் திரிகடும், “அன்பு ஓடி நாள் நாளும் நட்டார்ப் பெருக்கலும்”, அதாவது நட்பு செய்தவரைப் பெருகச் செய்தலும் முதன்மையான அறமென்கிறது.

சொந்த உதாரணம்
என் வாழ்வில் 2002-2005 ஆண்டுகளில் பல திரைப்பட பாடல் ஒலிப்பதிவு களஞ்சியத்தை கட்டுக்கொண்டு இருந்தேன். அவற்றில் பல பாடல்களை கேட்ககூட மாட்டேன். ஆனால் அந்த சமையத்தில் என் நண்பன் என்னை கண்டித்தான். இது என்ன வீண் வேலை. இதில் என்ன அர்த்தம் இருக்கிறது. ஒரு சினிமா பார்கிறாய் ரசிக்கிறாய். அத்துடன் முடிந்துவிட்டது. நல்பாடல் என்றால் சேகரித்து வைத்துக்கொள். ஆனால் வரும் படம் எல்லாவற்றை உடனுக்குடன் சேகரித்து விநியோகிப்பது உனக்கு வேண்டாத வேலை. 

வாழ்வில் நேரம் பொன் போன்றது ஆகும். வாழ்வில் முன்னேற வேலையில் முன்னேற மேற்ப்படிப்பு படிக்க என்ன செய்ய வேண்டும் என்று யோசி. அல்லது உன்னை மேம்படுத்தும் கலைகளில் அல்லது புத்தகங்களில் உன்னை ஆழ்த்திக்கொள். அதுவே சிறந்தது என்று அறிவுருத்தினான்.

அன்று அந்த எச்சரிக்கை என்னை மேம்படுத்தியது. அன்று முதல் நான் புத்தங்கள் படிப்பது மேற்ப்படிப்பிற்கு படிப்பது வயலின் கற்றுக்கொள்வது என என்னை ஆழ்த்திக்கொண்டேன். அவை எனக்கு மிகவும் பயனுள்ளதாகவே இருந்தது.

பரிமேலழகர் உரை
அழிவினவை நீக்கி ஆறு உய்த்து - கேட்டினைத்தரும் தீநெறிகளைச் செல்லுங்கால் விலக்கி, ஏனை நன்னெறிகளைச் செல்லாக்காற் செலுத்தி; அழிவின்கண் அல்லல் உழப்பது நட்பாம் - தெய்வத்தால் கேடு வந்துழி அது விலக்கப்படாமையின் அத்துன்பத்தை உடன் அனுபவிப்பதே ஒருவனுக்கு நட்பாவது. ('ஆறு' என வருகின்றமையின், 'அழிவினைத் தருமவை' என்றொழிந்தார். 'தெருண்ட அறிவினவர'(¢நாலடி.301) என்புழிப்போல இன்சாரியை நிற்க இரண்டனுருபு தொக்கது. இனி, 'நவை' என்று பாடம் ஓதி, அதற்குப் போர் அழிவினும் செல்வ அழிவினும் வந்த துன்பங்கள் என்றும், 'அழிவின்கண்' என்பதற்கு யாக்கை அழிவின்கண் என்றும் உரைப்பாரும் உளர்.).

மணக்குடவர் உரை
நட்டார்க்கு அழிவு வந்தவிடத்து அவர் துன்பத்தை நீக்கி நல்ல நெறியின்கண் செலுத்தித் தாங்கித் தன்னால் செயலற்ற விடத்து அவரொடு ஒக்கத் தானும் துன்பம் உழப்பது நட்பு.

மு.வரதராசனார் உரை
அழிவைத் தரும் தீமைகளிலிருந்து நீக்கி, நல்ல வழியில் நடக்கச் செய்து, அழிவுவந்த காலத்தில் உடனிருந்து துன்பப்படுவதே நட்பாகும்.

சாலமன் பாப்பையா உரை
அழிவு தரும் வழிகளில் நண்பன் சென்றால் தடுத்து, நல்ல வழியில் அவனைச் செலுத்தி அவனுக்குக் கேடு வரும் என்றால் அதை அவனுடன் பகிர்வது நட்பு.

ஞா. தேவநேயப் பாவாணர் உரை
அழிவினவை நீக்கி-நண்பன் கேடுதரும் தீயவழிகளில் ஒழுகுங்கால் அவற்றினின்று விலக்கி; ஆறு உய்த்து-நல்வழிகளில் ஒழுகாக்கால் அவற்றிற் செலுத்தி; அழிவின்கண் அல்லது உழப்பது-தெய்வத்தாற் கேடு வந்தவிடத்து அதை நீக்க முடியாமையின், அத்துன்பத்தைத் தானும் உடன் நுகர்ந்து வருந்துவதே; நட்பு-ஒருவனுக்கு நட்பாவது.

ஆறு என்னும் பொதுப்பெயர் நெறி, வழி என்பனபோல நல்லாற்றைக் குறித்தது. 'ஆறுய்த்து' என்றதனால், 'அழிவினவை நீக்கி' என்பதில் 'அழிவினவை' தீயநெறிகளைக் குறித்தமை அறியப்படும்.

"இனி, நவையென்று பாடமோதி, அதற்குப் போரழிவினுஞ் செல்வ வழிவினும் வந்த துன்பங்களென்றும், 'அழிவின்க'ணென்பதற்கு யாக்கையழிவின்கணென்றும் உரைப்பாருமுளர்." என்று பரிமேலழகர் கூறியுள்ளது நன்மறுப்பாகும்.


பதினெண் கீழ்க்கணக்கு - பழமொழி
உழந்ததூஉம் பேணா(து) ஒறுத்தமை கண்டும்
விழைந்தார்போல் தீயவை பின்னரும் செய்தல்
தழங்கண் முழவிரங்கும் தண்கடற் சேர்ப்ப!
முழங்குறைப்பச் சாணீளு மாறு.

(சொ-ள்.) தழங்(கு) கண் முழவு இரங்கும் தண் கடல் சேர்ப்ப - ஒலிக்கின்ற கண்ணை உடைய முழவுபோல் ஆரவாரிக்கும் குளிர்ந்த கடல் நாடனே!, உழந்ததும் பேணாது ஒறுத்தமை கண்டும் - தம்மொடு வருந்திப் போந்த நட்பினையும் பாராது தண்டித்தமையை அறிந்திருந்தும், விழைந்தார்போல் தீயவை பின்னரும் செய்தல் - அவரிடத்து விருப்பமுடையார் போன்று தீய செயல்களைப் பின்பும் செய்தொழுகுதல், சாண் குறைப்ப - சாண் நீளமுள்ள தொன்றனைக் குறைக்க, முழம் நீளு மாறு - அது முழம் நீளமாக நீளுவது போலும்.

(க-து.) தீயவர்களைத் தண்டித்தாலும் பின்னரும் தீமையேசெய்ய முற்படுவர்.

(வி-ம்.) 'முழல் நீளுமாறு' என்றது முன்னினும் மிக்க தீமையையே புரிவார் என்பதைக் கருதி. 'முழம் குறைப்பச் சாண் நீளுமாறு' என்பது 'சுரை ஆழ அம்மி மிதப்ப' என்பதைப் போன்று மொழி மாற்றிப் பொருள்கொள்ள வேண்டுதலின், மொழிமாற்றுப் பொருள்கோள். தழங்குகண், தழங்கண் என வந்தது விகாரம். 'உழந்ததும்'என்றது,

‘அழிவி னவைநீக்கி ஆறுய்த்துஅழிவின்கண் அல்லல் உழப்பதாம் நட்பு'என்றதைக் கருதி,'முழங் குறைப்பச் சாண் நீளுமாறு' என்பது பழமொழி.

குறட் கருத்து  (நன்றி: திரு. தமிழ்க்கடல் நெல்லை கண்ணன்)
  தவறான வழிகளிலே சென்றழிந்து
  தடுமாறி வீழ்வாரைத் தான் தடுத்து
  அவமான உண்மை நிலை எடுத் துரைத்து
  அறமான நல்வழியில் அழைத்துச் சென்று
  நலமாக வாழ்கையிலே துன்பம் வந்தால்
  நண்பருடன் அத்துன்பம் பகிர்ந்து கொள்ளல்
  குலமான நண்பர்களின் குணமேயாகும்
  கொண்ட அந்த நட்பேதான் உண்மையாகும்

உனக்கு உறுதுணையாக .....!!! (நன்றி: கவிப்புயல் இனியவன்)

உனக்கு உறுதுணையாக .....!!!
தீய 
வழியில் செல்லாதே ....!!!
நண்பா - நான் 
இருக்கிறேன் உனக்கு 
உறுதுணையாக .....!!!

உனக்கொரு துன்பம் ...
வந்தால் பொறுத்திடுவேனோ ....?
உன் துன்பத்தில் சரிபாதி ...
நானடா - நீ என் 
உயிர் நண்பணடா ....!!!

நன்றி:  Interesting Tamil Poems
நட்பின் கடமை 

நட்பு என்றால் என்ன ?

நண்பர்கள் என்றால் நாம் பொதுவாக என்ன நினைப்போம் ?

அவர்கள் வீட்டில் ஏதாவது நல்லது கெட்டது நடந்தால் அழைப்பார்கள். அதே போல் நாமும் அழைப்போம். பணம் காசு வேண்டும் என்றால் ஒருத்தருக்கு ஒருவர் உதவி செய்வது. முடிந்தால் அப்பப்ப மெயில் அனுப்புவது, அல்லது போன் பண்ணுவது.

இதுதானே நண்பர்களுக்கு அடையாளம் ?

வள்ளுவர் நட்பை ஒரு மிகப் பெரிய உயரத்திற்கு எடுத்துச் செல்கிறார்.

வள்ளுவருக்கு எல்லாமே அறம் தான். வாழ்கையை அற வழியில் செலுத்த நட்பு மிக மிக அவசியம்.


அழிவின் அவைநீக்கி ஆறுய்த்து அழிவின்கண்
அல்லல் உழப்பதாம் நட்பு.

வள்ளுவர் கூறுகிறார்

நண்பன் அறம் அல்லாத வழியில் செல்லும் போது அவனை (ளை ) தடுத்து நிறுத்தி, அவனை நல்ல வழியில் செலுத்தி அப்படி நல் வழியில் செல்லும் போதும் துன்பம் வந்தால் அவனோடு சேர்ந்து அந்த துன்பத்தை அனுபவிப்பது நட்பு.

அற வழியில் செல்லும் போது துன்பம் வருமா என்றால் பரிமேல் அழகர் சொல்லுகிறார் தெய்வத்தால் வரும் கேடு என்கிறார். முன் வினைப் பயனால் வரும் கேடு.


அழிவின் அவைநீக்கி = அழிவு வரும் போது அவற்றை நீக்கி. அழிவு பல விதங்களில் வரலாம். அறம் அல்லாத வழியில் செல்வதால் அழிவு வரும் என்கிறார் பரிமேல் அழகர். நீங்கள் அதை விரித்து பொருள் கொள்ளலாம். அழிவில் இருந்து நண்பர்களை காக்க வேண்டும்.

ஆறுய்த்து = ஆறு + உய்த்து = ஆறு என்றால் வழி. வழி என்றால் நல்ல வழி என்பது பெரியவர்களின்எண்ணம் . நெறி அல்லா நெறி தன்னை, நெறியாக கொள்வேனை என்பார் மாணிக்க வாசாகர். நெறி அல்லாத நெறி என்பது தீய நெறி. நெறி என்றால் நல்ல நெறிதான். நல்ல வழியில் நண்பர்களை செலுத்தி.

அழிவின்கண்  = இதையும் மீறி அழிவு வந்தால்

அல்லல் உழப்பதாம் நட்பு = அந்த துன்பத்தை, நண்பரோடு சேர்ந்து அனுபவிப்பது நட்பு

நமக்கு எத்தனை நண்பர்கள் அப்படி இருக்கிறார்கள் ?

நாம் எத்தனை பேருக்கு அப்படி நண்பர்களாய் இருக்கிறோம் ?


நம் பிள்ளகைளுக்கு அப்படி நண்பர்களாய் இருக்க கற்றுத் தருவோம்


நன்றி: கூடா நட்பு வாழ்க்கையை சீரழிக்கும் (பணிப்புலம்)
நட்பு இல்லாத மனிதன் இவ்வுலகில் இல்லை என்றே கூறுமளவிற்கு நட்பு வாழ்கையில் முக்கிய பங்கெடுத்துக் கொள்கின்றது. எல்லோருக்கும் எல்லாப் பருவங்களிலும் நண்பர்கள் கிடைக்கின்றார்கள், சிலர் ஆரம்ப கால அரை காற்சட்டை வாழ்ககையோடு விடைபெறுகிறார்கள். சிலர் கல்லூரிக்கால வாழ்க்கையுடன் நின்று போய் விடுகிறார்கள். வேறு சிலர் அலுவலக வட்டத்துக்குள்ளேயே ஓடி ஓய்ந்து விடுகிறார்கள்.  இன்னும் சிலர் வாழ்க்கைத் துணையாகவும் மாறிவிடுகின்றார்கள்.

வெகு சில நண்பர்களே இந்த எல்லைகளை எல்லாம் தாண்டி எமது இதயத்தின் மேடையில் கூடாரமடித்துக் குடியிருக்கிறார்கள். நமது வாழ்க்கையின் பாதையில் நண்பர்களின் பங்களிப்பு மிக மிக முக்கியமானது. இளம் வயதில் நண்பர்களுடன் அதிக நேரம் செலவிடுவதால் நண்பர்களின் குணாதிசயங்கள் நம்மையும் தொற்றிக் கொண்டு விடுகிறன. 

வாச மலர்களை மாலையாக தொடுக்கும் வாழைநார் கூட பூவின் வாசனையைப் பெற்று நறுமணம் வீசுகின்றது. அதுபோல சாக்கடையில் விழ்ந்த நறுமண மலரும் சாக்கடையின் வாசத்தையே  பெற்று விடுகின்றது. ஒருவருடைய குணாதிசயங்களை அறிய அவருடன் நெருங்கிப் பழகும் நண்பர்களை வைத்து சுலபமாக கணித்துக் கொள்ள முடியும் என்பதும், ஒருவருடைய பொருளாதார நிலையைக் கணிப்பிட அவர் சந்தையில் வாங்கும் பொருட்களை வைத்து கணித்துக் கொள்ள முடியும் என்பதும் பழைய பழமொழிகளாகும். விளக்கமாக கூறுவதாயின் ஒருவரின் அகத்தின் அழகை முகம் காட்டுவதுபோல் அவரின் குணத்தின் அழகை நண்பர்களின் நடத்தையில் கண்டு கொள்ள முடியும் எனக்கூறலாம்.

ஒரு மனிதனுடைய வெற்றிக்கும், தோல்விக்கும் பெரும்பாலான நேரங்களில் நண்பர்களே காரணமாக இருக்கிறார்கள். அதனால்தான் நமக்கு அமையும் நண்பர்கள் நல்லவர்களாக இருக்க வேண்டியது அவசியமாகிறது. அதனால் போலும் வள்ளுவன் “அழிவி னவைநீக்கி ஆறுய்த்து அழிவின்கண் அல்லல் உழப்பதாம் நட்பு என அறிவுறுத்துகின்றார்.

நல்ல நண்பர்கள் எப்படி நம்மை உயரப் பறக்கவிடுவார்களோ, அதே போல தீய நண்பர்கள் நம்மை உயரத்திலிருந்து இழுத்து பள்ளத்தில் போட்டு விடுவார்கள். ஒரு நல்ல நண்பனிடம் இருந்து நல்ல பல விடயங்களை கற்றுக் கொள்ளலாம் அதேபோல் தீய நண்பர்களிடம் இருந்து தீய பழக்க வழக்கங்களையும் தீய குணங்களையுமே கற்றுக் கொள்ளலாம்.

உண்மையான நண்பன் உங்களுடைய ஆரோக்கியத்தில் கவனம் செலுத்துவான். உங்களுடைய முன்னேற்றத்தில் கவனம் செலுத்துவான். உங்களைத் தீய வழியில் இழுக்க மாட்டான் என்பதை மனதில் அழுத்தமாய் எழுதுங்கள்.

ஒருவேளை நீங்கள் புகை, மது போன்ற பழக்கங்களில் இருந்தால் உங்களை அதில் இருந்து வெளியே கொண்டு வருவதுதான் உண்மையான நண்பனின் பண்பு. அதை உற்சாகப்படுத்துவது அல்ல.

நல்ல நண்பன் உங்கள் தவறுகளைக் கடிந்து கொள்வான். உங்கள் மனம் கோணாமல் எப்போதும் நல்ல விடயங்களையே சொல்லிக் கொண்டிருப்பவன் ஆத்மார்த்த நண்பன் அல்ல, நல்ல நண்பன் நாளைய வாழ்வில் நீங்கள் நன்றாக, இருக்க வேண்டும் எனும் ஆர்வம் கொள்பவன், அப்படிப்பட்டவர்கள் உங்கள் குறைகளை உங்களிடம் சுட்டிக் காட்டத் தயங்க மாட்டார்கள், அதற்காக நட்பே போனால் கூட கவலைப்பட மாட்டார்கள்.

”நான் தண்ணியடிக்கிற விஷயத்தை அப்பாகிட்டே சொல்லாதே” என்பது போன்ற சத்தியங்களை நல்ல நண்பன் கண்டுகொள்வதில்லை. சில நேரங்களில் சத்தியம் கூட மீறப்படலாம் என்பது உண்மைத் தோழனுக்குத் தெரியும்.

உங்களுடைய இலட்சியங்களை உங்கள் நண்பன் ஆதரிக்கிறானா? அல்லது அவனுடைய செயல்பாடுகள் உங்களுடைய இலட்சியத்துக்குத் தடைக்கல்லாய் இருக்கின்றதா? என்பதைப் பாருங்கள். உங்களுடைய இலட்சியங்களைக் கிண்டலடிப்ப வனோ, அதை நோக்கிய உங்கள் பயணத்தின் போது உங்களுக்கு ஊக்கமளிக்காமல் இருப்பவனோ உங்களுடைய நண்பன் அல்ல. 

உண்மையான நண்பன் உங்களுடைய திறமைகளை முழுமையாய்ப் பயன்படுத்த ஊக்குவிப்பான். உதாரணமாக ஓர் இசைக்கலைஞன் ஆவது உங்கள் இலட்சியமெனில், அதற்கு என்னென்ன செய்ய வேண்டும் எனும் விஷயங்களில் உங்களுக்கு உதவி செய்வான். உங்களைப் படிப்படியாக அந்தப் பாதையில் நடத்துவான். வெறுமனே உங்களுடைய வெற்றிகளில் வந்து கை குலுக்கிவிட்டுப் போகும் மனிதனாக அவன் இருப்பதில்லை.

மற்ற நண்பர்களைப் பற்றி உங்களிடம் தரக்குறைவாக விமர்சிக்கும் நண்பர்களிடம் கொஞ்சம் கவனமாய் இருங்கள். உங்களைப் பற்றி அவர்கள் வேறு நண்பர்களிடமும் அதே போலப் பேசித் திரியும் வாய்ப்பு உண்டு. நீங்கள் எந்த நண்பனுடன் இருக்கும் போது அடுத்தவர்களைப் பற்றி ஏகப்பட்ட கிசுகிசுக்களை அவிழ்க்கிறார்கள் என யோசியுங்கள். அந்த நண்பன் நல்ல நண்பன் அல்ல என்பதைப் புரிந்து கொள்ளுங்கள்,

அன்னை திரேசாவின் வாழ்வில்....
அன்னை திரேசா சிறுமியாக இருந்தபோது அவருடைய தோழியரில் ஒரு தீய தோழி இருப்பதை அவருடைய தாய் கவனித்தார். ஒரு தீய நட்பு நல்லவர்களையும் கெடுத்துவிடும் எனவே அந்த நட்பைத் துண்டிக்க வேண்டும் என திரேசாவின் தாய் முடிவெடுத்தார்.

ஒருநாள் அவர் திரேசாவை அழைத்தார். அவருடைய கையில் ஒரு பெரிய பெட்டியில் நிறைய அப்பிள் பழங்கள் இருந்தன. அழகான ஆப்பிள் பழங்களைக் கண்ட திரேசாவின் கண்கள் ஆனந்தத்தில் விரிந்தன. ஆர்வத்துடன் ஒரு பழத்தை எடுக்கப்போன திரேசாவை தாய் நிறுத்தினார். அவற்றுள் நல்ல பழங்களாகத் தெரிந்து இரண்டு கூடைகளில் வைக்கும்படி தாய் கூறினாள். அதன்படியே திரேசாவும் நல்ல பழங்களாகத் தெரிந்து  இரண்டு கூடைகளில் நிரப்பினாள். தாய் தனியே வைத்திருந்த ஓர் அழுகிய பழத்தை எடுத்தார், திரேசா புரியாமல் பார்த்தாள். தாய் அந்த அழுகிய பழத்தை நல்ல பழங்கள் இருக்கும் ஒரு கூடையின் நடுவே வைத்தார்.

“ஏம்மா நல்ல பழங்களோடு கெட்ட பழத்தையும் வைக்கிறீர்கள்?” என திரேசா கேட்டார்.

“எல்லாம் ஒரு காரணம்தான், இந்த இரண்டு கூடைகளையும் அப்படியே கொண்டு போய் ஒரு இடத்தில் வை. நான் சொல்லும் போது எடுத்து வா” என்றார் தாய். திரேசா அப்படியே செய்தார்.

சில நாட்களுக்குப் பின் தாய் திரேசாவை மறுபடியும் அழைத்தார். அந்த பழக் கூடைகளை எடுத்து வரச்சொன்னர். பழக் கூடைகளை திரேசா எடுத்து வந்து தாயின் முன்னால் வைத்தார்.

அழுகிய பழம் வைத்த கூடையில் இருந்த பழங்கள் எல்லாமே அழுகிப்போய் இருந்தன. மற்றக் கூடையில் இருந்த பழங்கள் பழுதடையாது அப்படியே இருந்தது. இதனைப் பார்த்த திரேசா வருந்தினார். நன்றாக இருந்த பழங்கள் கெட்டுப் போய்விட்டனவே என்று அவருக்கு அழுகையே வந்து விட்டது.

தாய் திரேசாவை அருகில் அமரவைத்து மெதுவாய்ச் சொன்னார்... பார்த்தாயா? ஒரு அழுகிய அப்பிள் பழம் ஒரு கூடை நல்ல பழங்களை அழுக வைத்துவிட்டது. தீய நட்பும் இப்படித்தான். ஒரு தீய நட்பு ஒரு நல்ல குழுவையே நாசமாக்கி விடும். ஒரு மனிதனைக் கொல்வதற்கு ஒரு துளி விஷம் போதும்.

எனவே நட்பைத் தேர்ந்தெடுப்பதில் கவனம் தேவை. உண்மை நண்பர்கள் உங்களுடைய சந்தோஷத்தின் போது காணாமல் போனாலும் உங்களுடைய துயர வேளையில் நிச்சயம் உங்களோடு இருப்பார்கள்.  உடுக்கை இழந்தவன் கைபோல நண்பனுக்கு வரும் துன்பத்தைப் போக்கத் துடித்து செல்வதே நல்ல நப்புக்கு இலக்கணமாகும். 

மனதிற்கு கஷ்டமாய் இருக்கிறது. பணக் கஷ்டமாயிருக்கு உதவி தேவையாய் இருக்கிறது, என கஷ்டம் என்றால் மட்டுமே உங்களிடம் வரும் நண்பர்கள் சிலர் இருப்பார்கள். நட்பின் முக்கிய தேவையே உதவுவதில்தான் இருக்கிறது. ஆனால் அத்தகைய சூழல்களில் “மட்டுமே” உங்களைத் தேடி வரும் நண்பர்கள் சுயநலத்தின் சின்னங்கள் என்பதை மனதில் கொள்ளுங்கள்.

சில நண்பர்கள் அவர்கள் சொல்வதற்கெல்லாம் தஞ்சாவூர் பொம்மை போலத் தலையாட்டும் நண்பர்களே வேண்டுமென்றார்கள். அவர்கள் உண்மையான நண்பர்கள் அல்ல, அவர்களுடைய நட்பில் வீசுவதும் சுயநல வாசமே. “தப்பான”  ஒரு செயலைச்செய்ய உங்களை ஊக்கப்படுத்துபவன் உங்கள் நண்பனல்ல. அப்படிப்பட்டவர்களை நீங்கள் முளையிலேயே கிள்ளி எறியலாம். 

போதை, திருட்டு, பாலியல், சமூக, விரோதச் செயல் போன்ற பல தவறுகளுக்கு இளைஞர்களை இட்டுச்செல்வதில் பெரும்பாலான பங்கு நண்பர்களையே சாரும், அத்தகைய ஒழுக்கத்தை மீறிய செயல்களுக்குள் உங்களை இழுப்பவர்கள் உங்கள் எதிரிகளே, நண்பர்கள் அல்ல. நீங்கள் எப்படி இருக்கிறீர்களோ அதே நிலையில் எந்த எதிர்பார்ப்பும் இல்லாமல் பழகுபவனே உண்மை நண்பன். “எனக்குப் பிடித்த மாதிரி மாறினால் தான் உன்னோடு நட்பாய் இருப்பேன்” என நிபந்தனைகள் விதிப்பவர்களின் நட்பை விலக்கி விடுங்கள்.

உங்கள் நண்பர்களுடன் பேசும்போது உங்களுடைய மனம் நேர் சிந்தனைகளில் நிறைகிறதா? எதிர் சிந்தனைகளில் நிரம்புகிறதா? என்று பாருங்கள். எதிர் சிந்தனைகளே வளர்கிறதெனில் அந்த நட்பு தப்பானது என்பதைக் கண்டு கொள்ளுங்கள்.

சில நண்பர்களோடு பழகும்போது உங்களுடைய நல்ல குணாதிசயங்கள் எல்லாம் வளர்ந்து கொண்டே இருக்கும் அத்தகைய நண்பர்களை எப்போதுமே அருகில் வைத்திருங்கள்.
உங்களுடைய நெருங்கிய நண்பர்களில் நான்குபேரை நினையுங்கள், அவர்கள் நல்லவர்களா, மோசமானவர்களா என இப்போது அளவிடுங்கள், தீய நண்பர்களெனில் ஒதுக்குங்கள். தீய நண்பனோடு பழகு வதை விட நண்பனே இல்லாமல் வாழ்வது சாலச் சிறந்தது.

கடைசியாக ஒன்று நல்ல நட்பை நீங்கள் எதிர்பார்ப்பது போலவே அடுத்தவர்களும் எதிர்பார்ப்பார்கள். எனவே நீங்களும் பிறருக்கு எப்போதும் ஒரு நல்ல நண்பனாகவே இருங்கள்! நமது பெற்றோரையும், உடன்பிறந்தோரையும் நம்மால் தீர்மானிக்க முடியாது. ஆனால் நமது நண்பன் யாராக இருக்க வேண்டும் என்பதை நம்மால் தீர்மானிக்க முடியும். நட்பு என்பது ஒருவரின் வாழ்வையே திசைமாற்றும் வல்லமைக் கொண்டதால், அது விஷயத்தில் ஒவ்வொரு மனிதனுக்கும் தீவிர எச்சரிக்கையும், கவனமும் தேவை.

கூடா நட்பு தூக்கு மேடைக்கு வழிகாட்டும். ஆனால் நல்ல நட்பு வாழ்க்கையின் சிகரத்திற்கே வழிகாட்டும்.

உடுக்கை இழந்தவன் கை போல

குறள் 788
உடுக்கை இழந்தவன் கை போல ஆங்கே
இடுக்கண் களைவதாம் நட்பு
[பொருட்பால், நட்பியல், நட்பு]

பொருள்
உடுக்கை - Raiment,clothing; உடை, இடைசுருங்குபறை; சீலை உடுத்தல்.

இழந்தவன் - இழத்தல் - தவறவிடுதல்; சாகக்கொடுத்தல்; கைவிடுதல்

கை - ஓர்உயிர்மெய்யெழுத்து(க்+ஐ); கரம்; யானைத்துதிக்கை; கதிர்; செங்கல்முதலியவற்றைஎண்ணும்ஒரளவு; அபிநயக்கை; பக்கம்; கட்சி; கைமரம்; இரயில்கைகாட்டி; சட்டையின்கை; கைப்பிடி; விசிறிக்காம்பு; சிறகு; படையுறுப்பு; சேனை; இடம்; கைப்பொருள்; செய்யத்தக்கது; ஒப்பனை; ஆற்றல்; கையளவு; ஆள்; சிறுமை; உலகவொழுக்கம்; ஒழுங்கு; தங்கை; தொழிற்பெயர்விகுதி; ஒருதமிழ்முன்னொட்டு; குற்றம்.

போல - போல், போன்று

ஆங்கே -  ஆங்கு - அவ்விடம்; அக்காலத்தில்; அப்படி ஓர்உவமஉருபு; ஏழன்உருபு; ஓர்அசைநிலை.

இடுக்கண் - மலர்ந்தநோக்கமின்றிமையல்நோக்கம்படவரும்இரக்கம்; துன்பம் வறுமை

களைவதாம் - களைதல் - பிடுங்கியெறிதல்; நீக்குதல்; ஆடையணிகழற்றல்; அழித்தல்; குழைதல்; அரிசிகழுவுதல்; கூட்டிமுடித்தல்.

நட்பு - சிநேகம்; உறவு; சுற்றம்; நண்பன்; யாழின்நாலாம்நரம்பு; காதல்; அரசாங்கம்ஆறனுள்ஒன்றாகியநட்பரசர்; கையூட்டு; மாற்றரசரோடுநட்புச்செய்கை

முழுப்பொருள்
உயிரை விட மானம் பெரிதாக கருதப்படும் நம் வாழ்வில்,நாம் அணிந்து இருக்கும் உடை நழுவி விழும் பொழுது நம்மையும் அறியாமல் நம் கை அதை சென்று பிடிக்குமே. நாம் சொல்லி கைகளுக்கு தெரிய வேண்டியது  இல்லை. தானாக சென்று நம் மானம் காக்குமே. இதை போன்று நண்பன் ஒருவனுக்கு துன்பம் என்றால் அது சொல்ல கூடியதோ,சொல்ல முடியாததோ, அந்த துன்பத்தை நீக்க நாம்  ஓடி சென்று உதவுவதே நட்பு.

ஒப்புமை
”தோளுற்றொர் தெய்வம்” (சீவக.10)
“தோள்முதல் தோழனை” (பெருங்.2:13:43)

“உடையழி காலை உதவிய கைபோல்
நடலை தீர்த்தல் நண்பன தியல்பென” (பெருங் 5.3:39-40)

பரிமேலழகர் உரை
உடுக்கை இழந்தவன் கைபோல - அவையிடை ஆடை குலைந்தவனுக்கு அப்பொழுதே கை சென்று உதவி அவ்விளிவரல் களையுமாறு போல; ஆங்கே இடுக்கண் களைவது நட்பாம் - நட்டவனுக்கு இடுக்கண் வந்துழி அப்பொழுதே சென்று உதவி அதனைக் களைவதே நட்பாவது. (அற்றம் காத்தற்கண் கை தன் மனத்தினும் முற்படுதலின், அவ்விரைவு இடுக்கண் களைவுழியும் அதற்கு ஒத்த தொழில் உவமையினும் வருவிக்க. உடையவன் தொழில் நட்பின்மேல் ஏற்பட்டது.).

மணக்குடவர் உரை
உடைசோரநின்றானுக்குக் கைசென்று உடைசோராமற் காத்தாற்போல, இடுக்கண்வந்தால் அப்பொழுதே அவ்விடுக்கணை நீக்குவது நட்பாவது.

மு.வரதராசனார் உரை
உடைநெகிழ்ந்தவனுடைய கை, உடனே உதவிக்காப்பது போல் (நண்பனுக்குத் துன்பம் வந்தால்) அப்போதே சென்று துன்பத்தைக் களைவது நட்பு.

சாலமன் பாப்பையா உரை
பலர் முன்னே ஆடை நழுவும்போது உடனே சென்று உதவும் கை போல, நண்பனுக்குத் துன்பம் வந்த போது உடனே சென்று போக்குவதே நட்பு.

Thirukkural - Management - Relationship
We know that a relationship happens when there is a need fulfillment. Any need fulfillment must be spontaneous and instantaneous. When an act is unconditional, unconditional means not expecting  any favor in turn, that act will be spontaneous and instantaneous. Yet another simile is employed by Valluvar in Kural 788 to educate us on altruism in relationships. A relationship is sustainable only when it is unconditional.

Swift as one's hand to slipping clothes 
Is a friend in need.

When a dress slips from your body, your arms do not wait for instructions from your brain to stop the slipping. Your arms act unconsciously, spontaneously, and quickly to adjust the slipping dress. Your arms do not expect any favor in turn for helping your body. Similarly, if your friend is in trouble, helping him come out of that trouble without expecting  any favor in turn is true and meaningful relationship. Remember,  “A friend in need is a friend indeed.”