Search This Blog

Disclaimar

This blog is totally for learning purposes. Non-commercial. In many of the posts, many snippets have been taken from various thirukkural blogs, books available online freely only for learning purpose without any intention of plagiarism or to make money. I have given due credit, link wherever possible. If you want your content to be removed, or you want more credit to be provided, please do let me know in the comment section of any of the posts. ஊருணி நீர்நிறைந் தற்றே உலகவாம் பேரறி வாளன் திரு (குறள் 215)
Showing posts with label Athikaaram_055. Show all posts
Showing posts with label Athikaaram_055. Show all posts

கொலையிற் கொடியாரை வேந்தொறுத்தல் பைங்கூழ்


குறள் 550
கொலையிற் கொடியாரை வேந்தொறுத்தல் பைங்கூழ்
களைகட் டதனொடு நேர்
[பொருட்பால், அரசியல், செங்கோன்மை]

பொருள்
கொலையில் - கொலை - உயிர்வதை, உயிரைஉடம்பினின்றுநீக்கல்.

கொடியாரை - கொடியான் - கொடுமையானவன்

வேந்து - அரசபதவி; ஆட்சி; மன்னன்; இந்திரன்.

ஒறுத்தல்  - தண்டித்தல்; கடிதல்; வெறுத்தல்; இகழ்தல்; அழித்தல்; துன்புறுத்தல்; வருத்துதல்; ஒடுக்குதல்; நீக்கல்; குறைத்தல்; அலைத்தல்; நோய்செய்தல்; உலோபம்பண்ணுதல்.

பைங்கூழ் - இளம்பயிர்; விளைநிலம்; நோய்.

கட்டதனொடு - களைகட்டல் -  களைபிடுங்கல், களைபறித்தல்

நேர் - உடன்பாடு; உவமை; செவ்வை; நீதி; நல்லொழுக்கம்; திருந்தியதன்மை; மாறுபாடு; நீளம்; வரிசை; பாதி; நுணுக்கம்; கொடை; கதி; காண்க:நேர்விடை; தனிமை; மிகுதி; ஊர்த்துவநிலை; நிலைப்பாடு; காண்க:நேரசை; வலிமை; முன்; பிராகாரம்.

முழுப்பொருள்
பிற உயிர்களை மதிக்காது குறிப்பாக மனிதர்களை, காட்டு விலங்குகளை (புலி, யானை, சிறுத்தை, பறவைகள், மான் இன்னும் பல) எந்த ஒரு காரணத்திற்காவும் கொலை செய்தல் கொடுமையான ஒன்றாகும். அவர்களை ஒரு வேந்தன் விரைவாக ஆராய்ந்து அல்லது புகார் வந்தால் விரைவாக ஆராய்ந்து அத்தகையவர்களை மரண தண்டனை கொடுத்து அழித்தல் அல்லது அவர்களின் எஞ்சிய வாழ்நாள் முழுவதும் வதைத்தல் /வருத்துதல் தவறே இல்லை. அது ஒரு விவசாயி உணவு பயிர்கள் விளையும் நிலத்தில், மற்ற பயிர்களின் ஆரோக்கியத்தை தடுக்கும் களைகள் உயிர் என்றாலும், ஈவு இரக்கம் தயை தாட்சினையை இன்றி அந்தக் களைகளை பிடுங்கி எறிவதற்கு சமம். 

விலங்குகளை கொலை செய்வதற்கு ஆயிர காரணங்கள் இருக்கலாம் 1) யானையின் தந்ததங்கள் 2) புலியில் தோல் 3) மருந்து 4) உணவு 5) கேளிக்கை 6) பாடம் செய்த மிருக உடல்கள் வீட்டில் அழகுப்பொருளாக அலங்கரிக்க 7) பல மிருகங்களின் தோல்கள், பறவைகளின் ரோமங்கள்/மயிர்கள் கைப் பைகளாக (handbag) என்று பல. ஆனால் அவையாவும் எல்லா விதத்திலும் நியாயம் அற்றவை. 

அதேப்போல் கொலை செய்வது மட்டும் கொடியது அல்ல பெண்களை, குழந்தைகளை கடத்தி பாலியல் தொழில் செய்தல், உடல் உறுப்புகளை திருடுதலும் கொலை செய்யும் கொடுமைக்கு நிகர். இவர்களையும் கொலை செய்தல் முற்றிலும் சரியே. 

”ஆவாஎன்னா துலகத்தை அலைக்கும் அசூரர் வாழ்நாள்மேல்
தீவாய் வாளி மழைபொழிந்த சிலையா திருமா மகள்கேள்வா” (திருவாய் 6.10:4)

”..... அறவரம் பிகவா வண்ணம்
தீயன வந்த போது சுடுதியால் தீமை யோரை” (கம்ப.அரசியல்.34,

“நன்றி கொன்றரு நட்பினை நார் அறுத்
தொன்று மெய்ம்மை சிதைத்துரை பொய்த்துளார்க்
கொன்று நீக்குதல் குற்றத்தின் நீங்குமால்
சென்று மற்றவன் சிந்தையைத் தேர்குவாய்.” (கம்ப.கிட்கிந்தை 3,

”நஞ்சம் அன்ன வரைநலிந் தாலது
வஞ்சம் அன்று மனுவழக் காதலால்”  (கம்ப.கிட்கிந்தை 5)
மேலும்: அஷோக் உரை

பரிமேலழகர் உரை
வேந்து கொடியாரைக் கொலையின் ஒறுத்தல் - அரசன் கொடியவர்களைக் கொலையான் ஒறுத்துச் தக்கோரைக் காத்தல், பைங்கூழ் களை கட்டதனொடு நேர் - உழவன் களையைக் களைந்து பைங்கூழைக் காத்ததனோடு ஒக்கும்.
('கொடியவர்' என்றது, தீக்கொளுவுவார், நஞ்சிடுவார், கருவியிற் கொல்வார், கள்வர், ஆறலைப்பார், சூறை கொள்வார், பிறன்இல் விழைவார் என்றிவர் முதலாயினாரை, இவரை வடநூலார் 'ஆததாயிகள்' என்ப. இப்பெற்றியாரைக் கண்ணோடிக் கொல்லாவழிப் புற்களைக்கு அஞ்சாநின்ற பைங்கூழ்போன்று நலிவுபல எய்தி உலகு இடர்ப்படுதலின், கோறலும் அரசற்குச் சாதிதருமம் என்பதாயிற்று. இவை இரண்டு பாட்டானும் செங்கோல் செலுத்தும் வெண்குடை வேந்தற்குத் தீயார்மாட்டு மூவகை ஒறுப்பும் ஒழியற்பால அல்ல என்பது கூறப்பட்டது.).

மணக்குடவர் உரை
கொடுமை செய்வாரைக் கொலையினானே அரசன் ஒறுத்தல் குற்றமன்று: உழவன் பைங்கூழ் வளர்தற்குக் களை களைந்ததனோடு ஒக்கும். கொடியாராவார் கள்வர், ஆறலைப்பார், சூறைகொள்வார்.

மு.வ உரை
கொடியவர் சிலரைக் கொலைத்தண்டனையால் அரசன் ஒறுத்தல் பயிரைக் காப்பாற்றக் களையைச் களைவதற்க்கு நிகரான செயலாகும்.

சாலமன் பாப்பையா உரை
கொடியவர்களுக்கு மரண தண்டனை கொடுத்துத் தக்கவரைக் காப்பது, உழவன் களையைக் களைந்து பயிரைக் காப்பதற்குச் சமம்.

குடிபுறங் காத்தோம்பிக் குற்றம் கடிதல்


குறள் 549
குடிபுறங் காத்தோம்பிக் குற்றம் கடிதல்
வடுவன்று வேந்தன் தொழில்
[பொருட்பால், அரசியல், செங்கோன்மை]

பொருள்
குடி - பருகுகை; மதுபானம்; மதுவுண்டமயக்கம்; புருவம்; குடியானவன்; குடியிருப்போன்; ஆட்சிக்குட்பட்டகுடிகள்; குடும்பம்; குலம்; வீடு; ஊர்; வாழிடம்.

புறங்காத்து - புறங்கா-த்தல் - puṟaṅ-kā-   v. tr. id. +To guard, protect, save; பாதுகாத்தல். வழிபடுதெய்வ நிற்புறங் காப்ப (தொல். பொ. 422).

ஓம்பிஓம்புதல் - காப்பாற்றுதல், பாதுகாத்தல், பேணுதல், வளர்த்தல்; தீங்குவாராமற்காத்தல்; போற்றுதல்; உபசரித்தல்; சீர்தூக்குதல்; பரிகரித்தல்; தவிர்த்தல்; விலக்கல்; நீக்குதல்; உண்டாக்குதல்.

குற்றம் - பிழை; பழி; துன்பம்; உடற்குறை; தீங்கு; அபராதம்; தீட்டு.

கடிதல் - ஓட்டுதல், நீக்குதல்; அழித்தல்; கண்டித்தல்; கோபித்தல்; விரைதல்; கொல்லுதல்; வெட்டுதல்; அடக்குதல்.

வடு - தழும்பு; மாம்பிஞ்சு; இளங்காய்; உடல்மச்சம்; உளியாற்செதுக்கினஉரு; புண்வாய்; குற்றம்; பழி; கேடு; கருமணல்; செம்பு; வாள்; வண்டு; பிரமசாரி; இளைஞன்; வைரவன்; புத்திசாலிப்பையன்.

அன்று - அந்நாள்; மாறுபாடு ஓர்அசைச்சொல்.

வேந்தன் - எல்லாஆற்றலும்பெற்றஅரசன்; இந்திரன்; சந்திரன்; சூரியன்; வியாழன்.

தொழில் - செயல்; அலுவல்; தந்திரம்; பெருமை; வினைச்சொல்; ஏவல்; திறமை; களவு.

முழுப்பொருள்

இன்னா செய்யாமை அதாவது பிறருக்கு துன்பம் செய்யாதே என்று கூறுவார் திருவள்ளுவர். ஆனால் தன் நாட்டுமக்களை பகைவரிடம் இருந்து காத்து, குற்றங்களை குறைக்க தண்டித்தல் அவசியம் என சில விதிவிலக்குகளை அனுமதித்துள்ளார் திருவள்ளுவர். பிறரிடமிருந்து காப்பாற்றி, தாம் மட்டும் தண்டிப்பதில் என்ன நீதி என்று அதில் குறை காணமுடியாது. ஏனெனில் ”மையிலே மையிலே இறகு போடு என்றால் போடாது, பிடுங்கித் தான் ஆகவேண்டும்” என்ற சொலவாடையை நினைவில் கொள்க. 

1) தன் நாட்டில் உள்ள குடிமக்களை புறப்பகைகளிலிடம் இருந்து காப்பாற்ற வேண்டும் என்றால் போர் செய்ய நேரிடும் அங்கே உயிர் இழப்புகள் நேரிடும். பகைவர் வந்து பல உயிர்கள் இழப்பதை விட சில உயிர்களை சேதங்களை சகிக்கலாம். எல்லையில் பகைவர் ஊடுருவுதலை தடுத்து பல உயிர்களை காப்பாற்ற சில உயிர்களை எல்லைகளில் கடும் குளிரிலும் வெயிலிலும் காவல் காப்பது தேவையானது தான். இவற்றை செய்வதனால் அரசனுக்கு பழி அன்று. அதை செய்வதே அரசனின் தொழில். அதுவே அரசனின் அறமாகும். இதற்கு வருத்தப்பட தேவையில்லை.

இது தான் அணு ஆயிதங்களை பல நாடுகள் தயாரிப்பதன் நோக்கமாகும். அணு ஆயிதம் இருக்கிறது என்னும் அச்சமே போரினை உயிர் இழப்பினை தவிர்க்கும். (ஆனால் பல நேரங்களில் அணு ஆயுதம் ஒருவித அச்சுறுத்தல் ஆயுதமே. பிற நாடுகளை நாட்டாமை செய்வதற்கும் ஆதிக்கம் செய்வதற்கும் பயன்படுத்த படுகிறது. குறிப்பாக அமேரிக்க அதிபர் எங்கு சென்றாலும் அவருடன் அணு ஆயுதங்களை உலகில் எங்கிருந்தும் இயக்கும் கருவிகளை சுமந்துக்கொண்டிருப்போர் இருப்பர்). 

2) உள் நாட்டில் பல வகை குற்றங்கள் நடைப்பெறும். அதற்கு வாய்ப்புகள் பல. உதாரணமாக கொள்ளை, கொலை, ஏமாற்றுதல், வஞ்சம், ஊழல், லஞ்சம், விதி மீறுதல், சாலை விதிகள் மீறுதல், இயற்கையை அழித்தல், இயற்கையை சேதப்படுத்துதல், இயற்கைவளங்களை சுறையாடுதல், இயற்க்கை வளங்களை மாசுப்படுத்தல், தகவல்களை திருடுதல், கலவரம் உண்டாக்குதல், மக்களின் மனதில் அச்சம் உண்டாக்குதல், அலுவகத்தில் வேலை செய்யாது இருத்தல், வருமான வரி செலுத்தாது இருத்தல், வருமானத்தை மறைத்தல், தரம் அற்ற பொருளை செய்தல், தரம் அற்ற சாலைகளை அமைத்தல், நேரம் கடத்துதல், தவறான நீதி வழங்குதல், நடுவுநிலைமை தவறுதல், சார்புநிலைக்கொண்டு இருத்தல், பிறரை அடிமையை வைத்திருத்தல், பிறரின் கல்வியை தடுத்தல், சாலை விதி மீறுதல், குடித்துவிட்டு வண்டி ஓட்டுதல், விதிகளை மீறியதனால் ஏற்படும் சாலைவிபத்துக்கள், அலட்சியமாக இருத்தல்  (உதாரணமாக சாலையில் பாதுக்காப்பு இன்றி குழிகளை தோண்டி மூடாமல் விதல், மின்சார கம்பிகளை பாதுக்காப்பின்றி தொங்கவிடுதல்), குழந்தைகளை கடத்துதல், குழந்தைகளை கடத்தி பிச்சை எடுக்க வைத்தல், குழந்தைகளை கடத்தி பாலியில் தொழிலில் ஈடுபடுத்தல், மனிதர்களை குழந்தைகளை கடத்தி பாலியில் தொழில் ஈடுபடுத்துதல் உடல் உறுப்புகளை திருடுதல், போதை மருந்துகளை தயாரித்தல் விநியோகித்தல், காட்டு விலங்குகளை (தந்ததங்களுக்காவும், தோலுக்காகவும், கொம்புக்காவும், மருந்துக்காவும், உணவுக்காகவும் என எவ்வித காரணத்திற்காகவும்) கடத்தி கொலை செய்தல், என பல குற்றங்களை முடிவில்லாமல் பட்டியிடலாம். இவற்றையெல்லாம் கண்டு அறிந்து அல்லது புகார் வந்தால் விசாரித்து குற்றங்களை கடிய / கண்டிக்க வேண்டும். தேவையெனில் தண்டிக்க வேண்டும். இவற்றை செய்வதனால் அரசனுக்கு பழி அன்று. அதை செய்வதே அரசனின் தொழில். அதுவே அரசனின் அறமாகும். இதற்கு வருத்தப்பட தேவையில்லை.

ஒப்புமை

“குடிபுறம் காத்தோம்பும் செங்கோலான்”  (கலி.130:19)
“கிளர்வேந்தன் தன்னாடு
வாட்டான்நன் றென்றல் வனப்பு” (சிறுபஞ்ச.8)
“குடிபுறம் காத்து” (பெருங் 5.8:20)
“குடிபுறம் காத்து” (மணி 23:11)

கம்பராமாயணக் கிட்கிந்தா காண்டப்பாடலில் கம்பர் இவ்வாறு கூறுகிறார்.

நாயகன் அல்லன்; நம்மை நனிபயந்து எடுத்து நல்கும்
தாய் என, இனிதுபேணி, தாங்குதி தாங்குவாரை;
ஆயது தன்மையேனும், அறவரம்பு இகவாவண்ணம்,
தீயன வந்தபோது, சுடுதியால் தீமையோரை. (கம்ப.அரசியல் 34)

குடிமக்களிடத்து அன்பு காட்டி ஒழுகுதலும், அவ்வாறு நடக்கையில் எவரேனும் தவறு செய்தால் குற்றத்திற்கேற்ற படி தண்டித்தலும் அரசர்க்கு ஏற்ற முறையாகும் என்பது இப்பாடல் சொல்லுவது. ‘கொலையில் கொடியாரை வேந்தொறுத்தல் பைங்கூழ் களைகட்டதனொடு நேர்’ (குறள் 550) ‘தக்காங்கு நாடித் தலைச்செல்லா வண்ணத்தால், ஒத்தாங்கு ஒறுப்பது வேந்து‘ (குறள் 561), ’கடிதோச்சி மெல்ல எறிக நெடிதுஆக்கம் நீங்காமை வேண்டு பவர்’ (குறள் 562), ‘கடுமொழியும் கையிகந்ததண்டமும் வேந்தன் அடுமுரண் தேய்க்கும் அரம்‘ (குறள் 567) என்னும் குறளிகளிலும், இக்கருத்தினையே வள்ளுவர் கூறுகிறார். அரசனைத் தாய் என்று சொல்லி, கம்பர் குழந்தையைக் காப்பதுபோல், தண்டித்தலும் தாயின் கடமையே அன்றி தவறல்ல என்று சொல்லுகிறார். 

மேலும்: அஷோக் உரை

பரிமேலழகர் உரை
குடி புறங்காத்து ஓம்பிக் குற்றம் கடிதல் - குடிகளைப் பிறர் நலியாமல் காத்துத் தானும் நலியாது பேணி, அவர்மாட்டுக் குற்றம் நிகழின் அதனை ஒறுப்பான் ஒழித்தல், வேந்தன் வடு அன்று தொழில் - வேந்தனுக்குப் பழி அன்று, தொழில் ஆகலான்.
(துன்பம் செய்தல், பொருள் கோடல், கோறல் என ஒறுப்பு மூன்று. அவற்றுள் 'ஈண்டைக்கு' எய்துவன முன்னைய என்பது குற்றம் கடிதல் என்பதனால் பெற்றாம். தன்கீழ் வாழ்வாரை ஒறுத்தல் அறன் அன்மையின், வடுவாம் என்பதனை ஆசங்கித்து, 'அஃது ஆகாது அரசனுக்கு அவரை அக்குற்றத்தின் நீக்கித் தூயர் ஆக்குதலும் சாதிதருமம்' என்றார்.).

மணக்குடவர் உரை
குடிகளை நலியாமற் காத்து, ஓம்புதற்காகக் குற்றஞ் செய்தாரை ஒறுத்தல் குற்றமன்று; அரசன் தொழில்.

மு.வ உரை
குடிகளைப் பிறர் வருந்தாமல் காத்து, தானும் வருந்தாமல் காப்பாற்றி, அவற்களுடைய குற்றங்களைத் தக்க தண்டனையால் ஒழித்தல், அரசனுடைய தொழில் பழி அன்று.

சாலமன் பாப்பையா உரை
அயலவர் அழிக்காமல் குடிமக்களையும் தன்னையும் காத்து, குடிகளின் குறைகளைக் களைந்து நேரிய ஆட்சி செய்வது, ஆட்சியாளருக்குக் குறை ஆகாது. அது அவர் தொழில்.

எண்பதத்தான் ஓரா முறைசெய்யா மன்னவன்


குறள் 548
எண்பதத்தான் ஓரா முறைசெய்யா மன்னவன்
தண்பதத்தான் தானே கெடும்
[பொருட்பால், அரசியல், செங்கோன்மை]

பொருள்
எண்பதம் - எளியசெவ்வி, தக்ககாலம்; எண்வகைத்தவசம்; நெல், புல், வரகு, தினை, சாமை, இறுங்கு, துவரை, கேழ்வரகு.
செவ்வி - cevvi   n. id. 1. Time; காலம் (பிங்.) 2. Season, opportunity, occasion, juncture; ஏற்றசமயம். கதங் காத்துக் கற்றடங்க லாற்றுவான் செவ்வி (குறள், 130). 3. Audience; காட்சி செவ்வியுங் கொடா னிவ்வியல் புரிந்தனன் (பெருங்.இலாவாண. 9, 198). 4. Bud about to blossom;மலரும்பருவத்துள்ள அரும்பு (பிங்.) 5. Maturecondition; பக்குவம் முதிர்ந்த செவ்வித் தினையினை(கந்தபு. வள்ளி 158). 6. Newness; freshness;புதுமை. காயா மலருஞ் செவ்விப்பூப்போல (பு. வெ 9, 4, உரை). 7. Beauty, fairness, gracefulness,elegance; அழகு (சூடா.) வண்டுறை கமலச்செவ்வி வாண்முகம் (கம்பரா. சூர்ப்ப. 2). 8. Taste;சுவை. நாய் பாற்சோற்றின் செவ்விகொள றேற்றாதாங்கு (நாலடி, 322). 9. Smell; வாசனை நாவியசெவ்விநாற (கம்பரா. கார்கால. 35). 10. State, condition, appearance; தன்மை (W.) 11. Propriety;தகுதி. செவ்வியிற் றொடர்ந்த வல்ல செப்பலை (கம்பரா. இராவணன்வதை. 210). 12. The 14th nak-ṣatra. See சித்திரை (வீமே. உள் 17.)  

எண் - எண்ணிக்கை; கணக்கிடுதல்; எண்ணம்; ஆலோசனை; அறிவு; மனம்; கவலை; மதிப்பு; இலக்கம்; கணக்கு; சோதிடநூல்; இலக்கியம்; வரையறை; தருக்கம்; மாற்று; மந்திரம்; அம்போதரங்கம்; எளிமை; வலி; எள்.

பதம் - பக்குவம்; உணவு, சோறு; அவிழ்; தண்ணீர்; ஈரம்; கள்; அறுகம்புல்; இளம்புல்; இனிமை; இன்பம்; அழகு; ஏற்றசமயம்; தகுதி; பொழுது; நாழிகை; கூர்மை; அடையாளம்; அளவை; பொருள்; காவல்; கொக்கு; முயற்சி; மாற்றுரு; செய்யுளடிநாலிலொன்று; பூரட்டாதிநாள்; மொழி; காண்க:பதபாடம்; இடம்; பதவி; தெய்வபதவி; வழி; தரம்; கால்; வரிசை; ஒளி; இசைப்பாட்டுவகை.

எண்பதத்தான் காட்சிக்கு எளியனாய் (ஆளுவோருக்கும் எல்லா நேரங்களிலும் ஏற்றதல்ல); 

ஓர்த்தல் - ஆராய்தல்; தெரிந்தெடுத்தல்; நினைத்தல்; கூர்ந்துகேட்டல்.

ஓரா - ஆராயாமல், நினைக்காமல், கூர்ந்துகேட்காமல்

முறை - நீதி; அடைவு; நியமம்; ஆள்மாறிமாறிவேலைசெய்யும்நியமம்; தடவை; பிறப்பு; ஒழுக்கம்; உறவு; உறவுமுறைப்பெயர்; அரசநீதி; பழைமை; ஊழ்; கூட்டு; நூல்; தன்மை; காண்க:முறையீடு; கற்பு.

செய்யா -செய்யாமல்

மன்னவன் - அரசன்; எப்பொருட்குமிறைவன்; கணவன்; தலைவன்; முப்பத்திரண்டுக்குமேல்நாற்பத்தெட்டுவயதுக்குட்பட்டஆடவன்; உத்தரட்டாதிநாள்.

தண்பதம் - புதுப்புனல்; புதுப்புனல்விழா; தாழ்நிலை.

தண்பதத்தான் - தாழ்நிலையில் உள்ள்வன் 

தானே - தாமாக, தானாக

கெடும் - கெடுதல் -  அழிதல்; பழுதாதல்; வறுமையடைதல்; ஒழுக்கங்கெடுதல்; உருவழித்தல்; தோற்றோடுதல்; விபத்து; தீங்கு; விகாரத்தால்எழுத்துக்கெடுதல்; வழிதவறிப்போதல்.

முழுப்பொருள்
எளியோரும் எளிதாக அணுகி நீதி கேட்க வழி செய்யாத மன்னவன், தக்க காலத்தில் ஆராய்ந்து நீதி வழங்க வழி செய்யாத மன்னவன் தாழ்நிலை அடைந்து தானே கெட்டு அழிவான். அவனுக்கு பகைவர் தேவையில்லை. 

நாம் இங்கே முக்கியமாக பார்க்க வேண்டியது
1. எளியோரும் எளிதாக அணுக வழி (Accessibility/ Reach ability) 
2. எளியோருக்கும் நீதி (Righteousness / Justice to everyone including poor people)
3. தக்க காலத்தில் நீதி (Justice on time not late or very late)
4. ஆராய்ந்து நீதி வழங்கும் முறை (A proper judicial process to inquiry and find the truth)

சிலப்பதிகாரத்து பாண்டியன் நெடுஞ்செழியனைப் பற்றி கூறும் குறளாக இது உள்ளது. பொற்கொல்லன் சொல்கேட்டு வந்த வழக்கை தீர விசாரிக்காமல், கோவலனைக் கொல்லச் சொல்லி, பின்பு கண்ணகியால் தவறு உணர்த்தப்பட்டு, தன் கொற்றம் தாழ்ந்து, செங்கோல் வளைந்து இறந்து பட்டதை இக்குறள் உணர்த்துவது தெளிவு. 

காட்சிக்கு எளியனாய் இருத்தலை வள்ளுவரே சிறப்பித்து இறைமாட்சி அதிகாரத்தின் ஆறாவது குறளில் இவ்வாறு கூறியுள்ளதைக் கண்டிருக்கிறோம்.

“காட்சிக் கெளியன் கடுஞ்சொல்லன் அல்லனேல்
மீக்கூறும் மன்னன் நிலம்.” (386 – இறைமாட்சி அதிகாரம்)

ஆள்வோர் எளிமையான தோற்றமும் இயல்பும் உடையவராகவும், பிறரைக் கடிந்து தடித்த சொற்களைச் சொல்லாதவராயும் இருந்தால், வானகமும் அவ்வாள்வோரின் புகழைப் போற்றிக் கொண்டாடும். இதையே புறநானூற்று வரியும், “இன்சொல் எண்பதத்தை யாகுமதிப் பெரும” (புறம்: 40:9) என்று போற்றியே சொல்லுகிறது.

“முறை வேண்டு பொழுதில் பதன் எளியோர்” (புறநா 35:15)

மேலும்: அஷோக் உரை

பரிமேலழகர் உரை
'எண்பதத்தான்' ஓரா முறைசெய்யா மன்னவன் - முறை வேண்டினார்க்கு எளிய செவ்வி உடையனாய், அவர் சொல்லியவற்றை நூலோர் பலரோடும் ஆராய்ந்து, நின்ற உண்மைக்கு ஒப்ப முறை செய்யாத அரசன், தண்பதத்தான் தானே கெடும் - தாழ்ந்த பதத்திலே நின்று தானே கெடும்.
(எண்பதத்தான் என்னும் முற்று வினை எச்சமும் 'ஓரா' என்னும் வினை எச்சமும், செய்யா என்னும் பெயரெச்சமும், எதிர்மறையுள் செய்தல் வினை கொண்டன. தாழ்ந்த பதம்: பாவமும் பழியும் எய்தி நிற்கும் நிலை. 'அல்லவைசெய்தார்க்கு அறம் கூற்றம்' (நான்மணிக்.85) ஆகலின்,பகைவர் இன்றியும் கெடும் என்றார். இதனான் முறை செலுத்தாதானது கேடுகூறப்பட்டது.).

மணக்குடவர் உரை
எளிய காலத்தோடே நூலாராய்ந்து முறைமை செய்யாத அரசன் தனது தண்பதத்தினானே கெடுப்பாரின்றித் தானே கெடும்.
எண்பதமாவது வந்தவர் தங்கள் குறையைச் சொல்லுதற்கு எய்துங்காலம்; தண்பதமாவது குறையைச் சொல்லுதற்குத் தாழ்க்குங்காலம்.

மு.வ உரை
எளிய செவ்வி உடையவனாய் ஆராய்ந்து நீதி முறை செய்யாத அரசன், தாழ்ந்த நிலையில் நின்று (பகைவரில்லாமலும் ) தானே கெடுவான்.

சாலமன் பாப்பையா உரை
நீதி தேடி வருவார்க்கு எளிய காட்சியாளனாய், நீதி தேடுவார் சொல்வதைப் பலவகை நூலாரோடும், ஆராய்ந்து நீதி வழங்காத ஆட்சியாளன். பாவமும் பலியும் எய்தித் தானே அழிவான்.

வேலன்று வென்றி தருவது மன்னவன்

குறள் 546
வேலன்று வென்றி தருவது மன்னவன்
கோலதூஉங் கோடா தெனின்
[பொருட்பால், அரசியல், செங்கோன்மை]
(For meaning in English, scroll to the bottom of this post)

பொருள்
வேல் - நுனிக்கூர்மையுடையஆயுதவகை; திரிசூலம்; ஆயுதப்பொது; ஆயுதவகை; முருகன்வேல்; வெல்லுகை; பகை; மரவகை; வெள்வேல்; உடை; மூங்கில்.

அன்று - அன்றே, third pers. sing. of அல்ல it is not that (but something else).

வென்றி - வெற்றி

தருவது - கொடுப்பது

மன்னவன் - மன்னன் - அரசன்; எப்பொருட்குமிறைவன்; கணவன்; தலைவன்; முப்பத்திரண்டுக்குமேல்நாற்பத்தெட்டுவயதுக்குட்பட்டஆடவன்; உத்தரட்டாதிநாள்.

கோல் -  கம்பு; மரக்கொம்பு; ஊன்றுகோல்; செங்கோல்; அளவுகோல்; எழுதுகோல்; ஓவியந்தீட்டுங்கோல்; முத்திரைக்கோல்; தீக்கடைகோல்; பிரம்பு; குதிரைச்சம்மட்டி; கொழு; அம்பு; ஈட்டி; குடைமுதலியவற்றின்காம்பு; யாழ்நரம்பு; துலாக்கோல்; துலாராசி; அரசாட்சி; ஐப்பசிமாதம்; அணியின்சித்திரவேலை; தூண்டில்; இலந்தைமரம்; தெப்பம்; திரட்சி.

அதூஉம் - அதுவே

கோடல் - கொள்ளுகை; பாடம்கேட்கை; மனத்துக்கொள்ளுகை; வளைவு; முறித்தல்; வெண்காந்தள்.
கோடாது - வளையாது 

எனின் - என்றால், என்றுசொல்லின்; என்கையால்.

முழுப்பொருள்
ஒரு அரசருக்கு போரில் வேல் தரும் வெற்றி உண்மையான வெற்றியல்ல. அரசரின் வெற்றியென்பது தன் செங்கோலின் கீழ் நடைபெறும் நெறியான ஆட்சி தரும் வெற்றியும் பயன்கள் ஆகும். அதுவும் நேர்மை /அறம் தவறாது இருத்தல் வேண்டும். அதுமட்டுமின்றி ஒரு நாட்டின் அரசன் போரில் வெற்றிப்பெற்று வரும் புகழை விட அவன் அந்நாட்டுக்கும் அந்நாட்டுக்கும் உழைத்து தன் கடமைகளை ஆற்றி நாட்டை வளப்படுத்தி பாதுகாத்து மக்களின் வாழ்வாதாரத்தை உயர்த்தி முன்னேற்றினால் அவன் பெறக்கூடிய புகழ் பல காலம் நிலைத்துநிற்கும். 

ஆதலால் போரில் வேல் கொண்டு மக்களை காப்பாற்றுவது மக்களையும் நாட்டையும் பாதுக்காக்கும் ஒரு வேலை மட்டுமே என்பதை அரசர்கள் உணரவேண்டும். அதுவே அரசாங்கம் ஆகிவிடாது என்கிறார் திருவள்ளுவர். இன்றைய கால கட்டங்களில் இந்தியா போன்ற நாடுகளில் நாட்டின் இராணுவத்திற்கு அளிக்கப்படும் முக்கியத்துவம் மிக மிக அதிகம். மாறாக கல்வி சுகாதாரம் போன்ற துறைகளுக்கு தேவைக்கு மிக குறைவாகவே முதலீடுகள் கொடுக்கப்பட்டு உள்ளன. இந்தியாவின் இன்றைய நிலைக்கு அதுவும் ஒரு காரணமாகும். 

அரசன் நீதி தவறியதால் கண்ணகி மதுரையை எரித்தாள் என்று சிலப்பதிகாரத்தில் பார்த்தோம். பாண்டிய மன்னன் எத்தனை வெற்றி பெற்றான் என்பதை இங்கு நாம் பார்க்கவில்லை ஏனெனில் போரில் தோல்வி என்பது நடக்க கூடியது. அதனை மக்கள் பொறுப்பர். அடுத்த முறை போரில் வெற்றி பெற்றுக்கொள்ளலாம் என்று எண்ணக்கூடும். ஆனால் நீதி / அறம் தவறினால் மக்கள் அதனை ஏற்றுக்கொள்ள மாட்டார்கள்.

மஹாபாரதத்தில், அஸ்தினபுரி அரசன் துரியோதனன் அரசாள்வதை விட போர் புரிவதிலேயே ஆதீத நாட்டம் கொண்டான். அவனுக்கு அன்றாட அலுவல்கள் சலிப்பூட்டின. அதுவே அவன் அரசாள்வதில் கவனம் செலுத்தி இருந்தால் அவனுக்கு ஆக்குவது எவ்வளவு கஷ்டம் என்பது தெரிந்து இருக்கும். ஆதலால் அழிவை உண்டாக்கும் போரை விரும்பி இருக்க மாட்டான். 

மேலும், இன்றைய (2021) காலக்கட்டங்களில் உதாரணமாக சொன்னால், இந்தியாவில் மத்தியில் ஆட்சி செய்யும் பா.ஜ.க-வின் மோடி அரசு உலகெல்லாம்  உள்ள நாடுகளுக்கு கொரோனா (covid) தடுப்பூசிகளை தயாரித்து விநியோகித்து தனக்கும் நாட்டுக்கும் நற்பெயர் (என்னும் செல்வத்தை) (மோடிக்கு brand building) ஈட்ட மூற்பட்டார். ஆனால், அவருடைய அரசின் அலட்சியத்தால் கொரோனா-வின் இரண்டாம் அலை மிக மிக மோசமாக இந்தியாவை தாக்கியுள்ளது. தடுப்பூசிகளை உள்நாட்டு மக்களுக்கு விநியோகம் செய்யாமல் வெளிநாட்டினருக்கு ஏற்றுமதி செய்தார், தடுப்பூசிகளை மக்களிடம் கொண்டு சேர்க்க பெரிய அளவில் முனைப்புக்காட்டவில்லை. சமூக இடைவெளி கடைப்பிடிக்கவேண்டிய காலக்கட்டங்களில் பல மாநிலங்களில் தேர்தல் நடப்பதை வேடிக்கைப் பார்த்துக்கொண்டும் அதில் பேரணிகளை நடத்தினார். இத்தகைய அலட்சியத்தாலும் மேம்போக்காலும் இந்தியாவில் சராசரியாக அதிகாரப்பூர்வமாக நான்கு லட்சம் மக்கள் தினமும் கொரோனா பெருந்தொற்று நோய்க்கு ஆளாகிறார்கள். அதிகார்ப்பூர்வ கணக்கு மட்டும் நான்கு லட்சம். ஆனால் உண்மையான எண்ணிக்கை குறைந்தது இருபது லட்சம் இருக்கும். மருத்துவமனைகளில் ஆக்சிஜன் சிலிண்டர்கள் இல்லை, சுடுகாடுகள் நிரம்பி வழிகின்றன. 25 வயது இளைஞர்கள் எல்லாம் கொரோணாவுக்கு இறக்கிறார்கள். மக்கள் இப்படித் துன்பத்தில் அழுது விழும் கண்ணீருக்கு இந்த அரசாங்கம் கண்டிப்பாய் விலைக்கொடுக்கும். முதலாவதாக மோடி இத்தனை ஆண்டுகளாக ஈட்டிய அத்தனை நற்பெயரும்  (Brand Modi) கெட்டுப்போகும் என்பது தின்னம். மேலும் இது இந்தியாவிற்கும் கெட்டப்பெயரை வாங்கித்தருகிறது. 

மேலும், சரியான நிர்வாகம் செய்யவில்லை என்றால் 
செல்வத்தைத் தேய்க்கும் படை” என்பதை நினைவில் கொள்க

இக்குறளில் ஒரு கவனிக்கத்தக்க சொல், “அதூஉங்” என்பதுதான். பேச்சு வழக்கில் இருப்பது போல், “இதைத் தருவது இதுதான், அதுவும் இப்படி இருக்குமானால்” என்பதில் ஒரு நாடக வசனத்தன்மை இருப்பது இரசிக்கத்தக்கது.

மேலும்: அஷோக் உரை

பரிமேலழகர் உரை
மன்னவன் வென்றி தருவது வேல் அன்று கோல் - மன்னவனுக்குப் போரின்கண் வென்றியைக் கொடுப்பது அவன் எறியும் வேல் அன்று, கோல், அதூஉம் கோடாது எனின் - அஃதும் அப்பெற்றித்தாவது தான் கோடாதாயின்.
(கோல் செவ்விதாயவழியே 'வேல் வாய்ப்பது என்பார், 'வேல் அன்று' என்றார். 'மாண்ட அறநெறி முதற்றே அரசின் கொற்றம்' (புறநா.55) என்றார் பிறரும். 'கோடான்' என்பது பாடம் ஆயின், கருவியின் தொழில் வினைமுதல்மேல் நின்றதாக உரைக்க).

மணக்குடவர் உரை
அரசனுக்கு வெற்றி தருவது அவன் கையிலுள்ள வேலன்று, முறை செய்தல்; அவன் அதனைக் கோடச் செய்யானாயின். இது செங்கோன்மை செய்ய வெற்றியுண்டாமென்றது.

மு.வ உரை
ஒருவனுக்கு வெற்றி பெற்றுத் தருவது வேல் அன்று, அரசனுடைய செங்கோலே ஆகும், அச் செங்கோலும் கோணாதிருக்குமாயின்.

சாலமன் பாப்பையா உரை
ஆட்சியாளருக்கு வெற்றி தருவது ஆயுதம் அன்று; அவரின் நேரிய ஆட்சியே; அதுவும் தவறான ஆட்சியாக இல்லாதிருக்க வேண்டும்.

English Meaning - As I taught a kid - Rajesh
The fame and publicity that a King yields by military victories through war is not a real thing. If a King performs his duties effectively thereby lifting livelihood of people and prosperity of nation will receive longstanding greatness and fame. Hence, for a leader, lifting people and nation is the top priority not military

Questions that I ask to the kid
What is not the real victory of a King?
Is Military victory the King's main priority ?
What is and what is not the main priority of a King?

இயல்புளிக் கோலோச்சும் மன்னவன்

குறள் 545
இயல்புளிக் கோலோச்சும் மன்னவன் நாட்ட
பெயலும் விளையுளும் தொக்கு
[பொருட்பால், அரசியல், செங்கோன்மை]

பொருள்
இயல்புளிக் - முறைப்படி; iyalpuḷi   adv. id. + உளி In accordance with the established custom or order;விதிப்படி. இயல்புளி வழிபட்டு (காஞ்சிப்பு. அபிராமி 4).

கோல் - கம்பு; மரக்கொம்பு; ஊன்றுகோல்; செங்கோல்; அளவுகோல்; எழுதுகோல்; ஓவியந்தீட்டுங்கோல்; முத்திரைக்கோல்; தீக்கடைகோல்; பிரம்பு; குதிரைச்சம்மட்டி; கொழு; அம்பு; ஈட்டி; குடைமுதலியவற்றின்காம்பு; யாழ்நரம்பு; துலாக்கோல்; துலாராசி; அரசாட்சி; ஐப்பசிமாதம்; அணியின்சித்திரவேலை; தூண்டில்; இலந்தைமரம்; தெப்பம்; திரட்சி.

ஓச்சும் - ஓச்சு-தல் - ōccu-   5 v. tr. 1. To cast,throw, discharge, as a weapon; எறிதல் செழியன் செண்டெடுத்துந்தியன் றோச்சலும் (காஞ்சிப்பு. நகர.67). (சூடா.) 2. To raise in order to strike, as thearm, a weapon; to lift up in a threatening manner; உயர்த்துதல் கடிதோச்சி மெல்ல வெறிக (குறள்,562). 3. To drive away, chase; ஓட்டுதல் வண்டோச்சி மருங்கணைதல். 4. To cause to go; toride; to govern; to wield; to sway, as a sceptre; செலுத்துதல் கோலோச்சு மாநில மன்னன்(குறள், 544). 5. To insert, thurst into, stickin; பாய்ச்சுதல் ஒருபுனிற்றா போற்று மவன்மேன்மருப்போச்ச (பெரியபு. சண்டேசு. 17). 6. To excite, spur on, incite; தூண்டிவிடுதல் (W.)

ஓச்சும் - உயரும்

மன்னவன் -  மன்னன்; இந்திரன்.

நாட்ட - நாட்டம் - நோக்கம்; கண்; பார்வை; அழகு; ஆராய்ச்சி; சோதிடநூல்; செவ்வழியாழ்த்திறவகையுள்ஒன்று; விருப்பம்; ஐயம்; திரிதல்; நிலைநிறுத்துகை; நாட்டுத்தலைமை; ஐயம்; வாள்.

பெயலும் - பெயல் - பொழிகை; மழை; மழைத்துளி; மேகம்.

விளையுளும் - விளையுள் - விளைச்சல்; முதிர்கை; வயல்; உள்ளம்.

தொக்கு - தொடுவுணர்ச்சியைஅறிகருவி; உடம்பின்தோல்; கனியின்தோல்; மரப்பட்டை; ஆடை; பற்று; துவையல்; சிறுமை; எளிது; இளப்பமானவன்; நேர்மை.

முழுப்பொருள்
நீதிநூல்களும் சான்றோர்களும் கூறும் முறைப்படி நாட்டை ஆண்டு நாட்டின் வளத்தையும் மக்களின் வளத்தையும் வாழ்க்கை தரத்தையும் ஒரு அரசரும் அரசும் உயர்த்துமென்றால் அந்த நாட்டில் பருவமழையும் அதனால் பயிர் விளைச்சலும் செழிப்பாய் நிலைத்து நிற்கும். விளைச்சல் நன்கு இருந்தால் வறுமை ஒழிந்து கேடுகள் (திருட்டு, கொள்ளை) ஒழியும் நாட்டின் வளம் பெருகும் மகிழ்ச்சி உண்டாகும் நாடு சிறக்கும்.

கம்பராமாயாணப் பாடல் “இயல்புளி” என்ற சொல்லை பயனாக்கி, மன்னவர்கள் அரசாள்வதை இவ்வாறு கூறுகிறது. 
“இன்னவை தகைமையென்ப வியல்புளி மரபின் எண்ணி 
மன்னரசியற்றி” . (கம்ப.அரசியல்.37)

உருளுடை நேமியால் உலகை யோம்பிய
பொருளுடை மன்னவன் புதல்வ” (கம்ப.அகத்திய 16)

பாடலின் முழுக்கருத்தையும் ஒட்டி, திரிகடுகப்பாடல்,
வெஞ்சின வேந்தன் முறைநெறியிற் சேர்தலும் 
திங்கள் மும்மாரிக்கு வித்து” (திரி.98 என்று கூறுகிறது. 

புறநானூற்றுப் பாடல், 

”முறைவேண்டு பொழுதில் பதனெளி யோர்ஈண்டு
உறைவேண்டு பொழுதில் பெயல்பெற் றோர்” (புறநா.35:15-6)

”கோஓல் செம்மையின் சான்றோர் பல்கிப் 
பெயல்பிழைப் பறியா புன்புலத்ததுவே” (புறநா.117:6-7) என்கிறது.

திருப்பாவையில் கோதை நாச்சியாரும் (ஆண்டாள்) 
“தீங்கின்றி நாடெல்லாம் மாதம் மும்மாரி பெய்து 
ஓங்கு பெருஞ் செந்நெல் ஊடுகயல் உகள,” என்றும் 
“ஓங்கி உலகளந்த நாயகனை” பற்றி பாடுகையில் சொல்வதைப் பார்க்கலாம். மழைபொழிவும், மிகுந்த விளைச்சலும் ஒன்றாகப் பேசப்படுவதை இங்கும் காணலாம். அரசனும் காக்கும் கடவுளும் ஒன்றாகக் கண்டதினால்தான் இறைவனை ஆள்பவனாகவும், ஆள்பவனை இறைவனாகவும் கண்டனர் கவிகளும், அறிஞர்களும்.

மேலும்: அஷோக் உரை

பரிமேலழகர் உரை
பெயலும் விளையுளும் தொக்கு - பருவமழையும் குன்றாத விளைவும் ஒருங்கு கூடி, இயல்புளிக் கோல் ஓச்சும் மன்னவன் நாட்ட - நூல்கள் சொல்லிய இயல்பால் செங்கோலைச் செலுத்தும் அரசனது நாட்டின் கண்ணவாம்.
('உளி' என்பது மூன்றாவதன் பொருள்படுவதோர் இடைச்சொல், வானும் நிலனும் சேரத் தொழிற்பட்டு வளம் சுரக்கும் என்பதாம்.).

மணக்குடவர் உரை
மழைபெய்தலும் விளைதலுங்கூடி, நூல் சொன்ன இயல்பினானே முறையை நடத்த வல்ல அரசனது நாட்டகத்தினவாம் என்றவாறு.

இது மேற்கூறிய முறைமை செய்ய மழையும் விளைவும் உண்டாம் என்றது.

மு.வ உரை
நீதி முறைப்படி செங்கோல் செலுத்தும் அரசனுடைய நாட்டில் பருவ மழையும் நிறைந்த விளைவும் ஒருசேர ஏற்படுவனவாகும்.

சாலமன் பாப்பையா உரை
அரச நீதிநூல்கள் கூறியபடி, நேர்மையாக ஆளும் ஆட்சியாளரிடம் பருவமழையும், குறையாத விளைச்சலும் சேர்ந்தே இருக்கும்.

குடிதழீஇக் கோலோச்சும் மாநில

குறள் 544
குடிதழீஇக் கோலோச்சும் மாநில மன்னன்
அடிதழீஇ நிற்கும் உலகு
[பொருட்பால், அரசியல், செங்கோன்மை]

பொருள்
குடி - பருகுகை; மதுபானம்; மதுவுண்டமயக்கம்; புருவம்; குடியானவன்; குடியிருப்போன்; ஆட்சிக்குட்பட்டகுடிகள்; குடும்பம்; குலம்; வீடு; ஊர்; வாழிடம்.

தழீ - ஓர்ஒலிக்குறிப்பு

தழுவு - அணைப்பு; இருகையிலும்அணைக்கும்அளவு.

இக்கோல் - கம்பு; மரக்கொம்பு; ஊன்றுகோல்; செங்கோல்; அளவுகோல்; எழுதுகோல்; ஓவியந்தீட்டுங்கோல்; முத்திரைக்கோல்; தீக்கடைகோல்; பிரம்பு; குதிரைச்சம்மட்டி; கொழு; அம்பு; ஈட்டி; குடைமுதலியவற்றின்காம்பு; யாழ்நரம்பு; துலாக்கோல்; துலாராசி; அரசாட்சி; ஐப்பசிமாதம்; அணியின்சித்திரவேலை; தூண்டில்; இலந்தைமரம்; தெப்பம்; திரட்சி.

செங்கோல் - அரசச்சின்னமாகியநேர்கோல்; நல்லரசாட்சி; நெருப்புச்சலாகை

ஓச்சு-தல் - எறிதல்; பாய்ச்சுதல்; செலுத்துதல்; வீசுதல்; உயர்த்துதல்; ஓட்டுதல்:தூண்டிவிடுதல்.

ஓச்சும் - உயரும்

மா - ஓர்உயிர்மெய்யெழுத்து(ம்+ஆ); விலங்கு; குதிரை; யானை; குதிரை, பன்றி, யானைஆகியவற்றின்ஆண்; சிம்மராசி; வண்டு; அன்னம்; விலங்குவடிவமாய்ப்பிறக்கும்மானுடம்; மாமரம்; அழைக்கை; சீலை; ஆணி; துன்பம்பொறுக்கை; ஓர்அசைச்சொல்; திருமகள்; செல்வம்; கலைமகள்; மாற்று; ஒருநிறை; கீழ்வாயிலக்கத்துள்ஒன்று; நிலவளவைவகை; வயல்; நிலம்; வெறுப்பு; கானல்; ஆகாதுஎன்னும்பொருளில்வரும்ஒருவடசொல்; பெருமை; வலி; அழகு; கருமை; நிறம்; மாமைநிறம்; அரிசிமுதலியவற்றின்மாவு; துகள்; நஞ்சுக்கொடி; அளவை; இயற்சீர்இறுதியிலுள்ளநேரசையைக்குறிக்கும்சொல்.

நில - நிலம் - தரை; மண்; பூமி; இடம்; வயல்; பதவி; நிலத்திலுள்ளார்; எழுத்துஅசைசீர்களாகியஇசைப்பாட்டின்தானம்; விடயம்; மேன்மாடம்; கள்ளிவகை.
மன்னன்

அடி - பாதம்; காற்சுவடு முதல் கடவுள் பாட்டின்அடி; அடிப்பீடம்; அண்மை மரபுவழி; அளவு கீழ் மகடூஉமுன்னிலை, சூழ்

தழீஇ - ஓர்ஒலிக்குறிப்பு

தழுவு - அணைப்பு; இருகையிலும்அணைக்கும்அளவு.

நிற்கும் - நிலைக்கும்

உலகு - உலகம், பூமி நாடு உலகத்தார்(இடவாகுபெயர்), உயர்ந்தோர், சான்றோர் திசை மங்கலச்சொற்களுள்ஒன்று

முழுப்பொருள்
குடிமக்களின் நலனை கருதியும் அவர்களை அரவணைத்து நாட்டின் நலனை கருதியும் நல்லாட்சிச் செய்கின்ற அரசன் அந்த நிலத்திருக்கு பெருமை தேடித்தருகிறான். அந்த மக்களின் நலனையும் அந்த நாட்டின் நலனையும் நாட்டின் வளங்களின் நலன்களையும் உயர்த்துகிறான்.  அப்படிப்பட்ட மன்னனை சூழ்ந்து அரவணைத்து இவ்வுலக மக்கள் என்றும் இருப்பார்கள். இங்கே உலகு என்று கூறுவதால் தன்னாட்டு மக்கள் மட்டும் அல்ல பிறநாட்டு மக்களும் இந்த அரசனின் மேல் அன்புடனும் மதிப்புடனும் இருப்பர் என்பதை அறியலாம்.

மேலும்: அஷோக் உரை

ஒப்புமை
“நாயகன் அல்லன் நம்மை நனிபயந் தெடுத்து நல்கும்
தாயென இனிது பேணத் தாங்குதி” (கம்ப.அரசியல்.34)

“முறையறிந் தவாவை நீக்கி முனிவுழி முனிந்து வெஃகும்
இறையறிந் துயிர்க்கு நல்லும் இசைகெழு வேந்தன் காக்கப்
பொறைதவிர்ந் துயிர்க்கும் தெய்வப் பூதலம்” (கம்ப.நாட்டுப்.20)

பரிமேலழகர் உரை
குடிதழீஇக் கோல் ஓச்சும் மாநில மன்னன் அடி - தன்குடிகளையும் அணைத்துச் செங்கோலையும் செலுத்தும் பெருநில வேந்தன் அடியை, தழீஇ நிற்கும் உலகு - பொருந்தி, விடார் உலகத்தார்.
(அணைத்தல் - இன்சொல் சொல்லுதலும், தளர்ந்துழி வேண்டுவன கொடுத்தலும் முதலாயின. இவ்விரண்டனையும் வழுவாமல் செய்தான் நிலம் முழுதும் ஆளும் ஆகலின், அவனை 'மாநில மன்னன்' என்றும் , அவன் மாட்டு யாவரும் நீங்கா அன்பினராவர் ஆகலின், 'அடிதழீஇ நிற்கும் உலகு' என்றும் கூறினார்.).

மணக்குடவர் உரை
குடியைப் பொருந்தி முறைமை செலுத்துகின்ற பெரிய நில மன்னன் அடியைப் பொருந்தி நிற்கும் உலகு. இது முறைமை செய்யும் அரசன்கண்ணதாம் உலகு என்றது.

மு.வ உரை
குடிகளை அன்போடு அணைத்துக் கொண்டு செங்கோல் செலுத்துகின்ற அரசனுடைய அடியைப்பொருந்தி உலகம் நிலை பெறும்.

சாலமன் பாப்பையா உரை
குடிமக்களை அணைத்துக் கொண்டு, நேர்மையான ஆட்சியை நடத்தும் சிறந்த ஆட்சியாளரின் கால்களைச் சுற்றியே மக்கள் வாழ்வர்.

அந்தணர் நூற்கும் அறத்திற்கும்

குறள் 543 
அந்தணர் நூற்கும் அறத்திற்கும் ஆதியாய் 
நின்றது மன்னவன் கோல்
[பொருட்பால், அரசியல், செங்கோன்மை]

பொருள்
அந்தணர் - அந்தணர்வாக்கு antaṇar-vākku   n. id. +. The Vēdas; வேதம். (சிந்தா. நி. 156.)
அந்தணன் -  வேதத்தின் அந்தத்தை அறிபவன்; அழகிய தட்பத்தினையுடையவன், செந்தண்மையுடையவன்; பெரியோன் முனிவன் கடவுள் பார்ப்பான் சனி வியாழன்

நூற்கும் - நூற் - nūṟ   [in combin. for நூல்.] See நூன்; நூலின் உட்பகுதியாய் முடியும் உறுப்பு; நூற் பொருளினது நோக்கம்; நூலின் இறுதி.

அறத்திற்கும் - அறம் - தருமம்; புண்ணியம் அறச்சாலை தருமதேவதை யமன் தகுதியானது; சமயம் ஞானம் நோன்பு இதம் இன்பம் தீப்பயன்உண்டாக்கும்சொல்.

ஆதியாய் - ஆதி - தொடக்கம்; தொடக்கமுள்ளது; காரணம் பழைமை கடவுள் எப்பொருட்கும்இறைவன்; சூரியன் சுக்கிரன் திரோதானசக்தி; காண்க:ஆதிதாளம்; அதிட்டானம் ஒற்றி காய்ச்சற்பாடாணம் மிருதபாடாணம்; நாரை ஆடாதோடை குதிரையின்நேரோட்டம்; மனநோய்

நின்றது - நிலைத்தபொருள்; தாவரம்; எஞ்சியது.

மன்னவன் - maṉṉavaṉ   n. மன்னு-. 1.See மன்னன். முறை செய்து காப்பாற்று மன்னவன்(குறள், 388). 2. Indra; இந்திரன். மாலை வெண்குடை மன்னவன் கோயிலும் (சிலப். 5, 173).
கோல்

மன்னன் - அரசன்; எப்பொருட்குமிறைவன்; கணவன்; தலைவன்; முப்பத்திரண்டுக்குமேல்நாற்பத்தெட்டுவயதுக்குட்பட்டஆடவன்; உத்தரட்டாதிநாள்.

கோல் - கம்பு; மரக்கொம்பு; ஊன்றுகோல்; செங்கோல்; அளவுகோல்; எழுதுகோல்; ஓவியந்தீட்டுங்கோல்; முத்திரைக்கோல்; தீக்கடைகோல்; பிரம்பு; குதிரைச்சம்மட்டி; கொழு; அம்பு; ஈட்டி; குடைமுதலியவற்றின்காம்பு; யாழ்நரம்பு; துலாக்கோல்; துலாராசி; அரசாட்சி; ஐப்பசிமாதம்; அணியின்சித்திரவேலை; தூண்டில்; இலந்தைமரம்; தெப்பம்; திரட்சி.

முழுப்பொருள்
அந்தணர் நூல் என்றதால் ஒரு வருணத்தாருக்கும் மட்டுமான நூல் என்று பொருளில்லை. அந்தணர் ஓதுவது என்றும், இறைவனையே அறவாழி அந்தணன் என்று வள்ளுவரே சொல்லுவதால், இறைவன் அளித்த மறைமொழி என்று கொள்ளுதலே நன்றாகும்.

வேதம் என்கிற மறைநூல் அல்லது பொதுவாக இறைவன் அளித்த மறைநூல்கள் மிகவும் முக்கியமானவை. அவை மனிதன் பின்பற்ற வேண்டியவற்றை கூறும் நூல்களாகும். அத்தகைய நூல்கள் பின்பற்றுவதற்கு தேவையானது நல்ல ஆட்சியாகும். அதாவது மன்னனின் செங்கோல். ஏனென்றால் ஆட்சி நிர்வாகம் ஒழுங்காக இருந்தால் தான் மக்கள் அமைதியாக இருப்பார்கள். அவர்களும் மறைநூல்களை கற்று அறிந்து உணர்ந்து பின்பற்ற முடியும். ஆட்சி சரியாக இல்லையென்றால் மக்களின் துன்பங்கள் அதிகமாக இருக்கும். வேலை இருக்காது, பஞ்சம் இருக்கும், திருட்டு இருக்கும், அச்சம் இருக்கும். இப்படி பல இன்னல்களை சந்தித்தால் மக்களால் எப்படி மறைநூல்களை கற்கக்கூடிய மனம் இருக்கும்? ஆதலால் மன்னவனின் செங்கோல் ஆட்சி எல்லாவற்றிற்கும் ஆதாரமாய் உள்ளது.

மேலும்: அஷோக் உரை

பரிமேலழகர் உரை
அந்தணர் நூற்கும் அறத்திற்கும் ஆதியாய் நின்றது - அந்தணர்க்கு உரித்தாய வேதத்திற்கும், அதனால் சொல்லப்பட்ட அறத்திற்கும் காரணமாய் நிலைபெற்றது, மன்னவன் கோல் - அரசனால் செலுத்தப் படுகின்ற செங்கோல். 
(அரசர் வணிகர் ஏனையோர்க்கு உரித்தாயினும், தலைமை பற்றி அந்தணர் நூல் என்றார். 'மாதவர் நோன்பும் மடவார் கற்பும், காவலன் காவல்' (மணி. 22 208 209) அன்றித் தம் காவலான் ஆகலின், ஈண்டு 'அறன்' என்றது அவை ஒழிந்தவற்றை. வேதமும் அறனும் அநாதியாயினும் செங்கோல் இல்வழி நடவா ஆகலின், அதனை அவற்றிற்கு 'ஆதி' என்றும், அப் பெற்றியே தனக்கு ஆதியாவது பிறிதில்லை என்பார் 'நின்றது' என்றும் கூறினார். இவை இரண்டு பாட்டானும் செங்கோலது சிறப்புக் கூறப்பட்டது.) .

மணக்குடவர் உரை
அந்தணர்க்கு உரித்தாகிய வேதத்திற்கும் அதனால் கூறப்பட்ட அறத்திற்கும் முதலாக நின்றது அரசன் செய்யும் முறைமை.

மு.வரதராசனார் உரை
அந்தணர் போற்றும் மறைநூலுக்கும் அறத்திற்கும் அடிப்படையாய் நின்று உலகத்தைக் காப்பது அரசனுடைய செங்கோலாகும்.

சாலமன் பாப்பையா உரை
அறிவை வளர்த்துக் கொள்பவர்தம் ஞான நூல்களுக்கும், அறத்திற்கும் அடிப்படையாய் இருப்பது ஆளுவோரின் நேர்மையான ஆட்சியே.

ஓர்ந்துகண் ணோடாது இறைபுரிந்து

குறள் 541
ஓர்ந்துகண் ணோடாது இறைபுரிந்து யார்மாட்டும் 
தேர்ந்துசெய் வஃதே முறை.
[பொருட்பால், அரசியல், செங்கோன்மை]

பொருள்
ஓர்ந்து - ஓர்-த்தல் - ōr-   11 v. tr. [M. ōr.] 1. To consider; ஆராய்தல் 2. To select, choose; தெரிந்தெடுத்தல். ஆயிரத் தோர்த்தவிப்பத்தே (திவ். திருவாய்.1, 2, 1). 3. To think, regard; நினைத்தல் வேள்வியோர்க்கும்மே யொருமுகம் (திருமுரு. 96). 4. Tolisten attentively; கூர்ந்து கேட்டல் புலிப்புகர்ப்போத்தோர்க்கும் (புறநா. 157, 12).
கண்ணோட்டம் -  கண்பார்வை (Glance, look, vision), தாட்சிணியம் (Regard, kindness, partiality,glow of kind feeling towards a friend or even acasual acquaintance, reluctance to deny arequest made by a friend or acquaintance,humanity, fellow-feeling;); இரக்கம், கடைக்கண்பார்வை, அருள்காட்டுதல்; பார்வையிடுதல்.
கண்ணோடாது - தாட்சிணியம் இல்லாமல்
இறை - உயரம்; தலை கடவுள் தலைவன் அரசன் உயர்ந்தோன்; மூத்தோன் பெருமையிற்சிறந்தோன்; கணவன் பறவையிறகு; கடன் வீட்டிறப்பு மறுமொழி மணிக்கட்டு குடியிறை சிறுமை அற்பம் காலவிரைவு; சிவன் பிரமன் மாமரம்
புரிந்து புரிதல் - puri-   4 v. tr. 1. To desire;விரும்புதல். புகுமுகம் புரிதல் (தொல். பொ. 261).2. To meditate upon; தியானித்தல். இறைவன். . . புகழ் புரிந்தார் (குறள், 5). 3. To do, make;செய்தல். தினைத்துணையு நன்றி புரிகல்லா (நாலடி,323). 4. To create; படைத்தல். எவ்வுலகும் புரிவானை (சிவப். பிரபந். வெங்கைக்க. 65). 5. Tobring forth, produce; ஈனுதல். பொன்போறார்கொன்றைபுரிந்தன (திணைமாலை. 109). 6. To give;கொடுத்தல். பெருநிதி வேட்டன வேட்டனபுரிந்தாள்(உபதேசகா. சிவவிரத. 257). 7. To experience, suffer; அனுபவித்தல். புண்டரிகை போலுமிவ ளின்னல்புரிகின்றாள் (கம்பரா. சூளா. 1). 8. To gaze at,watch intently; உற்றுப்பார்த்தல். பயத்தாலே புரிந்துபார்க்கிறபோது (திவ். திருநெடுந். 21, வ்யா. பக். 174).9. To investigate, examine; விசாரணை செய்தல்.அறம் புரிந்தன்ன செங்கோ னாட்டத்து (புறநா. 35).10. To say, tell; சொல்லுதல். அந்தணாளர் புரியு மருமறை (தேவா. 865, 5). 11. To exercise, perform;நடத்துதல். அரசு புரிந்தான். 12. To accept; மேற்கொள்ளுதல். போக்குவரவு புரிய (சி. போ.
யார்மாட்டும் - யாரிடத்திலும் (பரிமேலழகர்: வலியார், ஒப்பார், எளியார்)
தேர்ந்து - தேர்ந்துசெயல் - - செயல்கை கூடும் வகையறிந்து செயல்புரிகை ஆற்றலும்
செய்வஃதே - செய்வதே
முறை - நீதி; அடைவு; நியமம்; ஆள்மாறிமாறிவேலைசெய்யும்நியமம்; தடவை; பிறப்பு; ஒழுக்கம்; உறவு; உறவுமுறைப்பெயர்; அரசநீதி; பழைமை; ஊழ்; கூட்டு; நூல்; தன்மை; காண்க:முறையீடு; கற்பு.

முழுப்பொருள்
அரச நீதி, செங்கோன்மை என்பது யாது எனில் தன் கீழ் வாழும் மக்களின் ஒரு வழக்கில் (அல்லது மக்களுக்காக ஆற்றப்படும் செயலிலோ) அவ்வழக்கை (அல்லது செயலை) நன்கு ஆராய்ந்து, அதனை பற்றி தகவல்களை கூர்ந்து கேட்டு சேகரித்து நீதி நூல்கள் கூறும் அறத்தை பின்பற்றி யாரிடத்திலும் எந்த வித தாட்சிணியமும் (அதாவது ஒரு தலை பட்சமாக, சார்பு) இல்லாமல் ஒரு அரசனாக ஒரு தலைவனாக அச்செயலை தேர்ந்து அற நூல்கள் சொன்னபடி செய்வதே ஆகும். ஒரு வழக்கிற்கு நடுநிலைமையான தீர்ப்பு நீதியாகும். ஒரு செயலுக்கு நடுநிலைமையான அறத்திற்கு புறம்பல்லாத திட்டமும் செயலும் நீதியாகும். அதுவே அரச நீதியாகும்.

இங்கே செங்கோன்மையில் முதலாவதாக அரசருக்கு சொல்லபடும் தலைமைபண்பு நடுவுநிலைமை என்பது முக்கியமாக காணவேண்டியது. ஆதலால் தான் என்னவோ சிலப்பதிகாரத்தில் நன்கு ஆராயாமல் பாண்டிய அரசன்  நெடுஞ்செழியன் கொடுத்த தவறான தீர்ப்பிற்கு கண்ணகி தலைநகர் மதுரையை எரித்தாள் என்பதை சிலப்பதிகாரத்தில் கண்டோம்.  “கோனுயரக் குடி உயரும்” என்பதும் சான்றோர் வாக்கே. செங்கோல் தாழ்ந்ததால், மானமுடைய அரசர் உயிர் துறப்பர் என்பதற்கு சிலப்பதிகாரப் பாண்டிய அரசன் நெடுஞ்செழியனே சான்று.

குற்றங்குணங்களை ஆராய்தல், நடுவு நிலைமை, நம்மவர் என்கிற சார்பின்மை என்பவற்றைப்பற்றி அறத்துப்பாலின் கண்ணும் வள்ளுவர் சொல்லியிருக்கிறார். “சமன்செய்து சீர்தூக்குங் கோல்போல் அமைந்தொருபால் கோடாமை சான்றோர்க் கணி” என்று “நடுவு நிலைமை” அதிகாரத்துக் குறளாலும், “எப்பொருள் எத்தன்மைத்தாயினும் அப்பொருள் மெய்ப்பொருள் காண்பதறிவு” என்று “மெய்யுணர்தல்” அதிகாரத்துக் குறளாலும், “எப்பொருள் யார்யார் வாய்கேட்பினும் அப்பொருள் மெய்ப்பொருள் காண்பதறிவு” என்று “அறிவுடைமை” அதிகாரத்துக் குறளாலும் ஏற்கனவே இக்குறளின் மொத்தக்கருத்தையும் கூறியிருப்பதை நினைவு கூறலாம். மற்ற யாவரையும் விட, ஆள்வோர்க்கு செங்கோன்மை இன்றியமையாததாகும்.

மேலும்: அஷோக் உரை

ஒப்புமை
”முறைஎனப் படுவது கண்ணோடாது உயிர்வௌவல்” (கலி.133:13)

“கறவைக்கன் றூர்ந்தானைத் தந்தையும் ஊர்ந்தான்
முறைமைக்கு மூப்பிளமை இல்” (பழமொழி.93)

”எங்கண் ணனையர் எனக்கருதின் ஏதமால்
தங்கண்ணே யானும் தகவில் கண்டக்கால்
வன்கண்ண னாகி ஒறுக்க, ஒறுக்கல்லா
மென்கண்ணன் ஆளான் அரசு” (பழமொழி 322)

”நீமெய் கண்ட தீமை காணின்
ஒப்ப நாடி அத்தக வொறுத்தி” (புறநா.10:3-4)
“ஏமம் வேண்டுவோன் முறைசெயல் தண்டான்” (முதுமொழிக் 10:9)

பரிமேலழகர் உரை
[அஃதாவது , அரசனால் செய்யப்படும் முறையினது தன்மை. அம்முறை ஒருபாற்கோடாது செவ்விய கோல் போறலின் ' செங்கோல் ' எனப்பட்டது. வடநூலாரும் , ' தண்டம் ' என்றார் . அது சோர்வில்லாத அரசனால் செயற்பாலது ஆகலின் , இது பொச்சாவாமையின் பின் வைக்கப்பட்டது .]

ஓர்ந்து - தன்கீழ் வாழ்வார் குற்றம் செய்தால் அக்குற்றத்தை நாடி: யார்மாட்டும் கண்ணோடாது, இறை புரிந்து - நடுவு நிலைமையைப் பொருந்தி, தேர்ந்து - அக்குற்றத்திற்குச் சொல்லிய தண்டத்தை நூலோரோடும் ஆராய்ந்து, செய்வஃதே முறை - அவ்வளவிற்றாகச் செய்வதே முறையாம். 
(நடுவு நிற்றல் இறைக்கு இயல்பு ஆகலின், அதனை இறை என்றும் உயிரினும் சிறந்தார் கண்ணும் என்பார் 'யார் மாட்டும்' என்றும் கூறினார். இறைமை 'இறை' எனவும் , செய்வது 'செய்வஃது' எனவும் நின்றன. இதனான் செங்கோன்மையது இலக்கணம் கூறப்பட்டது.).

மணக்குடவர் உரை
ஒருவன் செய்த குற்றத்தை ஆராய்ந்து நட்டோரென்று கண்ணோடாது தலைமையைப் பொருந்தி யாவர்மாட்டும் குற்றத்திற்குத் தக்க தண்டத்தை நூல்முகத்தாலாராய்ந்து அதன் வழியே செய்வது முறையென்று சொல்லப்படும். யார்மாட்டும் என்றது தன்சுற்றமாயினு மென்றது.

மு.வ உரை
யாரிடத்திலும் (குற்றம் இன்னதென்று) ஆராய்ந்து, கண்ணோட்டம் செய்யாமல் நடுவுநிலைமைப் பொருந்தி (செய்யத்தக்கதை) ஆராய்ந்து செய்வதே நீதிமுறையாகும்.

சாலமன் பாப்பையா உரை
குடிமக்கள் செய்யும் குற்றத்தை ஆய்ந்து எவரிடத்தும் விருப்பு, வெறுப்பு இல்லாமல், நடுநிலையோடு நூல்வழி ஆராய்ந்து, குற்றத்திற்கு ஏற்ற தண்டனையை வழங்குவதே நேர்மையான ஆட்சி.

Thirukkural - Management - Leadership
One of the responsibilities of a leader is to meet out proper justice to his followers. Delivering disinterested, means being impartial, justice is a challenge to a leader. A leader who is known for justice is fair and firm. A just leader has three actions to perform as presented in Kural 541.

Searching enquiry, an impartial eye, punishment as
prescribed are the ways of justice.

The three actions are: 1) He has to assess impartially the crime committed by someone, 2) He should not show any leniency after the assessment, and 3) He has to pronounce the decided punishment according to the seriousness of the crime committed.

இறைகாக்கும் வையகம் எல்லாம்

குறள் 547
இறைகாக்கும் வையகம் எல்லாம் அவனை
முறைகாக்கும் முட்டாச் செயின்
[பொருட்பால், அரசியல், செங்கோன்மை]
(For meaning in English, scroll to the bottom of this post)

பொருள்
இறை - உயரம்; தலை; கடவுள்; தலைவன்; அரசன்; உயர்ந்தோன்; மூத்தோன்; பெருமையிற்சிறந்தோன்; கணவன்; பறவையிறகு; கடன்; வீட்டிறப்பு; மறுமொழி; மணிக்கட்டு; குடியிறை; சிறுமை; அற்பம்; காலவிரைவு; சிவன்; பிரமன்; மாமரம்.
காத்தல் - பாதுகாத்தல்; அரசாளுதல்; எதிர்பார்த்தல்; விலக்குதல்.
காக்கும் - பாதுகாக்கும், அரசாளும்
வையகம் - மண்ணுலகம்; விலங்கு இழுக்கும் வண்டி; கூடாரவண்டி; சிவிகை; ஊர்தி; உரோகிணிநாள்.
எல்லாம் - அனைத்தும், முழுதும்
அவனை - அந்த தலைவனை, அரசனை
முறை - நீதி; அடைவு; நியமம்; ஆள் மாறி மாறி வேலை செய்யும் நியமம்; தடவை; பிறப்பு; ஒழுக்கம்; உறவு; உறவு முறைப் பெயர்; அரசநீதி; பழைமை; ஊழ்; கூட்டு; நூல்; தன்மை; காண்க:முறையீடு; கற்பு.
முறை - ஊழ், நீதி
காக்கும் - பாதுகாக்கும்,
முட்டு - விலங்கு முதலியன கொம்பு முதலியவற்றால் தாக்குகை; தடை; தட்டுப்பாடு; சங்கடம்; குறைவு; உட்சென்று கடத்தலருமை; கண்டு முட்டுக்கேட்டு முட்டு முதலிய தீட்டுகள்; மாதவிடாய்; கருவி:சில்லறைப் பொருள்கள்; பற்றுக்கோடு; முழங்கால், முழங்கை, விரல்கள்இவற்றின்பொருத்து; மேடு; குவியல்.

முட்டு  - s. Want, difficulty, straits, ex tremity, இடுக்கண். 2. Battering; butting of a beast, முட்டுகை. 3. A prop, a sup port, தாங்கல். 4. Utensil, as தட்டுமுட்டு. 5. A blockade, an impediment, அடைப்பு. 6. [in combin.] A musical instrument, as நட்டுமுட்டு. 7. A bridle, கடிவாளம். 8. The knee, முழங்கால். 9. The menses of women, தொடக்கு. 1. (R.) Rising ground, மேடு. முட்டுற்றபோழ்தின். In the time of adver sity. (நாலடி.) எனக்குவெகுமுட்டாயிருக்கிறது. I am in great straits (for money).

முட்டாட்டம் - முட்டுகை; முட்டாள்தன்மை; செருக்கு.

முட்டாச்செயின் - தங்கு தடையில்லாமல், குறைவில்லாமல் செய்தால்

முழுப்பொருள்
ஒரு நாட்டின் அரசருக்கோ நிர்வாகத்தின் தலைவருக்கோ குடும்பத்தின் தலைவருக்கோ அரச/ நிர்வாக/ குடும்ப நியதியின்/ நெறியின் படி பல கடமைகள் உண்டு. அந்நெறிகளின் படி தடையில்லாமலும் எவ்வித குறையில்லாமலும் அனைத்து மக்களையும் காத்தலே தலைவனின் கடமை. அப்படி காத்தால் காத்தலின் ஊழாக (பயனாக, முறையாக) அந்த நல்ல விளைவுகளே அவனை காக்கும் என்கிறார் திருவள்ளுவர். 

இதனை நமது வேலைக்கு ஒப்பிடலாம், நாம் நமது வேலையை ஒழுங்காக செய்தால் நமது வேலை பறிப்போகாமல் இருக்க அதிக வாய்ப்பு உள்ளது. நம்மை வேலையில் இருந்து விரட்டமாட்டார்கள். இக்கட்டான நேரங்களிலும் நல்ல வேலையாட்களை காப்பாற்ற நிர்வாகம் முயற்சி செய்யும். ஆனால் வேலையில் அலாதியாக இருந்தால் அவர்களையே முதலில் விரட்டுவார்கள். 

நம் குடும்பத்தை எடுத்துக்கொண்டால் தலைவன் தன் பிள்ளைகளை முறையாக அன்புடன் வளர்த்தால் கல்வி கொடுத்து வளர்த்தால் பின்பு பிள்ளைகள் தங்கள் சொந்த கால்களில் நிற்பர். நல்ல பிள்ளைகள் பெற்றோரின் முதுமையில் அவர்களை பேணிக் காப்பர்.

இதனை "செய்வன திருந்தச் செய்" என்கிறார் ஒளவையார்

மேலும்: அஷோக் உரை

பரிமேலழகர் உரை
வையகம் எல்லாம் இறை காக்கும் - வையகத்தை எல்லாம் அரசன் காக்கும், அவனை முறை காக்கும் - அவன் தன்னை அவனது செங்கோலே காக்கும், முட்டாச் செயின் - அதனை முட்டு வந்துழியும் முட்டாமல் செலுத்துவனாயின். (முட்டாமல் செலுத்தியவாறு: மகனை முறைசெய்தான் கண்ணும்(சிலப் 20:53-55 )தன் கை குறைத்தான் கண்ணும் (சிலப்,23: 42-53)காண்க. 'முட்டாது' என்பதன் இறுதி நிலை விகாரத்தால் தொக்கது. இவை நான்கு பாட்டானும் அதனைச் செலுத்தினான் எய்தும் பயன் கூறப்பட்டது.)

மணக்குடவர் உரை
அரசனுக்கு வெற்றி தருவது அவன் கையிலுள்ள வேலன்று, முறை செய்தல்; அவன் அதனைக் கோடச் செய்யானாயின்.

இது செங்கோன்மை செய்ய வெற்றியுண்டாமென்றது.

ஞா. தேவநேயப் பாவாணர்  உரை
வையகம் எல்லாம் இறை காக்கும் - உலகம் முழுவதையும் அரசன் காப்பான் ; முட்டாச் செயின் அவனை முறைகாக்கும் - முட்டுப்பாடு நேர்ந்த விடத்தும் முட்டில்லாது ஆட்சி செய்வானாயின், அவனை அவன் செங்கோலே காக்கும்.

முட்டில்லாமற் செய்தல் மனு முறைச் சோழன் தன்மகனை முறை செய்ததும், கொற்கைப் பாண்டியன் தன்கை குறைத்ததும் , போல்வதாம் . இனி, சிக்கலான வழக்குக்களைத் தீர்க்கும் வழியை இறைவனிடம் மன்றாடிக் கேட்டறிந்ததும் , முட்டாது செய்தலின் பாற்படும் . 'வையகம்' முதலாகுபெயர் . 'முட்டா' ஈறுகெட்ட எதிர்மறை வினையெச்சம்.

மு.வ உரை
உலகத்தை எல்லாம் அரசன் காப்பாற்றுவான், நீதிமுறை கெடாதவாறு ஆட்சி
செய்வானாயின் அரசனை அந்த முறையே காப்பாற்றும்.

சாலமன் பாப்பையா உரை
ஆட்சியாளர் பூமியைக் காப்பர்; அவரையோ அவரது குறையற்ற நேர்மையான ஆட்சி காக்கும்.

நன்றி: ரிஷ்வன்
அறம்போற்றி குடிகளை
நெறிமுறை வழுவாமல்
தினம்போற்றி காப்பானாயின்
குறைபடாத நீதி
அவனின் ஆட்சியை
முறையோடு காக்குமாம்.

English Meaning - As I taught a kid - Rajesh
A king / family head / organization's head / team's head protects all the world by doing his duties promptly and diligently without dissatisfaction/mistakes. Such a king / leader is protected by the justice that he dispenses resolutely i.e., the results of his dharma/duties will protect him. 

W.r.t our jobs/career, If we do our work diligently, most likely we won't loose our jobs (unless there is mass layoffs or recession). In difficult situations also our organizations, our managers will try to save us. In case we lose our job, we can get another job by show casing (or prove) our work in previous jobs.

Questions that I ask to the kid
What does a king/leader protect?
How a king is protected?

வானோக்கி வாழும் உலகெல்லாம்

குறள் 542
வானோக்கி வாழும் உலகெல்லாம் மன்னவன் 
கோல்நோக்கி வாழுங் குடி.
[பொருட்பால் , அரசியல், செங்கோன்மை]
(For meaning in English, scroll to the bottom of this post)

பொருள்
வான் - வானம்; மூலப்பகுதி; மேகம்; மழை; அமிர்தம்; துறக்கம்; நன்மை; பெருமை; அழகு; வலிமை; நேர்மை; மரவகை; ஒருவினையெச்சவிகுதி.

நோக்குதல் பார்த்தல்; கருதுதல்; கவனித்தல்; திருத்துதல்; பாதுகாத்தல்; அருளுதல்; ஒத்தல்; ஒப்பிட்டுப்பார்த்தல்; படித்தல்; விரும்புதல்; கண்காணித்தல்.

வான் நோக்கி - வானம் பொழிகின்ற மழையை நம்பி, அதன் கொடைக்கு காத்து, அதனை எதிர் நோக்கி 

வாழ்தல் - இருத்தல்; செழித்திருத்தல்; மகிழ்தல்; சுமங்கலியாகஇருத்தல்; விதிப்படிஒழுகுதல்.

வாழும் - வாழ்கின்ற

உலகு - உலகம், பூமி நாடு உலகத்தார்(இடவாகுபெயர்), உயர்ந்தோர், சான்றோர் திசை மங்கலச்சொற்களுள்ஒன்று

எல்லாம் - முழுதும்

உலகெல்லாம் - எல்லா உயிர்களைப் போல

மன்னவன் - maṉṉavaṉ   n. மன்னு-. 1.See மன்னன். முறை செய்து காப்பாற்று மன்னவன்(குறள், 388). 2. Indra; இந்திரன். மாலை வெண்குடை மன்னவன் கோயிலும் (சிலப். 5, 173); அரசன்; எப்பொருட்குமிறைவன்; கணவன்; தலைவன்; முப்பத்திரண்டுக்குமேல்நாற்பத்தெட்டுவயதுக்குட்பட்டஆடவன்; உத்தரட்டாதிநாள்; அரசன்; எப்பொருட்குமிறைவன்; கணவன்; தலைவன்; முப்பத்திரண்டுக்குமேல்நாற்பத்தெட்டுவயதுக்குட்பட்டஆடவன்; உத்தரட்டாதிநாள்.

மன்னவன் - அனைவரையும் ஆட்சிப் புரிகின்ற அரசனின்

கோல்  - கம்பு; மரக்கொம்பு; ஊன்றுகோல்; செங்கோல்; அளவுகோல்; எழுதுகோல்; ஓவியந்தீட்டுங்கோல்; முத்திரைக்கோல்; தீக்கடைகோல்; பிரம்பு; குதிரைச்சம்மட்டி; கொழு; அம்பு; ஈட்டி; குடைமுதலியவற்றின்காம்பு; யாழ்நரம்பு; துலாக்கோல்; துலாராசி; அரசாட்சி; ஐப்பசிமாதம்; அணியின்சித்திரவேலை; தூண்டில்; இலந்தைமரம்; தெப்பம்; திரட்சி.

கோல் - செங்கோல் அரசச்சின்னமாகியநேர்கோல்; நல்லரசாட்சி; நெருப்புச்சலாகை.

கோல்நோக்கி - நல்லாட்சியை எதிர்நோக்கி

நோக்குதல் பார்த்தல்; கருதுதல்; கவனித்தல்; திருத்துதல்; பாதுகாத்தல்; அருளுதல்; ஒத்தல்; ஒப்பிட்டுப்பார்த்தல்; படித்தல்; விரும்புதல்; கண்காணித்தல்.

வாழ்தல் - இருத்தல்; செழித்திருத்தல்; மகிழ்தல்; சுமங்கலியாகஇருத்தல்; விதிப்படிஒழுகுதல்.

குடி - பருகுகை; மதுபானம்; மதுவுண்டமயக்கம்; புருவம்; குடியானவன்; குடியிருப்போன்; ஆட்சிக்குட்பட்டகுடிகள்; குடும்பம்; குலம்; வீடு; ஊர்; வாழிடம்.

வாழுங் குடி -  வாழ்வார்கள் மக்கள் அனைவரும்.








முழுப்பொருள்
மழை நீர் தான் மலைகளில் மரங்களின் வேர்களில் தேங்கி பின்பு ஆறாக உருவெடுத்து பின் பெருக்கெடுத்து எல்லா இடங்களும் செல்லும். அந்த நீர்ரே எல்லா உயிர்களுக்கும் வாழ்வாதாரம். விலங்குகளும் (நீர் மற்றும் இன்றி) செடிகளையும் மரங்களையும் நம்பி வாழ்கின்றன. ஆதலால் தான் மழைநீரை எதிர் நோக்கியே உலகலில் உள்ள எல்லா உயிர்களும் வாழ்கின்றன. மழைநீர் பொய்த்தால் எல்லா உயிர் இனங்களும் அவதிப்படும்.  

அதேப் போல், எல்லா மக்களும் தங்களை செங்கோல் கொண்டு ஆட்சிப்புரியும் மன்னரை/அரசரை நம்பியே உள்ளனர். மன்னர் நன்கு ஆட்சி செய்தால் தான் அவர்கள் வாழ்வு இன்னல்கள் இன்றி இருக்கும். மன்னர் நன்கு ஆட்சிச் செய்யாவிடில் மக்கள் அவதிப் படுவர். 

உதாரணமாக ராஜராஜ சோழன் தனது ஆட்சிக் காலத்தில் பல நல்ல திட்டங்களை வகுத்து மக்களும் நன்மை புரிந்தார். மற்ற சோழ மன்னர் ஆட்சிகளில் வீரானம் ஏரி, கல்லனை போன்றவை நிறுவப்பட்டது. அதனுடைய பயன்களை நாம் இன்றும் அறுவடை செய்கிறோம். அதேப்போல் கடந்த 30 ஆண்டுகளுக்கும் மேலாக தமிழ் நாட்டில் திமுக/அதிமுக ஆட்சிகளின் மோசமான் ஆட்சிகளில் அவதிப்படுகிறோம் (உதாரணமாக: காவேரி நதி நீர் பங்கீடு).  இந்தியாவிற்கு பிறகு சுதந்திரம் பெற்ற நாடு தென்கொரியா. ஆனால் தென்கொரியா உலகலில் மிக மிக வளர்ந்த நாடுகளின் பட்டியலில் ஒன்று. ஆனால் இந்தியா இன்றும் வளரும் நாடுகளில் பட்டியலில் உள்ளது. ஐம்பது சதவீதரிற்கும் மேற்பட்டோர் வறுமைக் கோட்டிற்கு கீழே உள்ளனர். இரண்டு நாடுகளுக்கும் வித்தியாசம் ஆட்சி நடத்திய விதம், மன்னர் பொறுப்பில் இருந்தவர்களின் ஆட்சி. 

ஆதலால் மக்கள் தனது நல்லாட்சியை எதிர் பார்த்தே வாழ்கின்றனர் என்று உணர்ந்து மன்னர்கள் ஆட்சிப் புரிய வேண்டும். 

மேலும்: அஷோக்

ஒப்புமை
”வித்திவான் நோக்கும் புன்புலம்” (புறநா.18:24)

“மழையின்றி மாநிலத்தார்க்கு இல்லை’ (நான்மணி.47)

“எத்தனையும் வான்மறந்த காலத்தும் பைங்கூழ்கள்
மைத்தெழுந்த மாமுகிலே பார்த்திருக்கும்” (பெருமாள் திருமொழி 5:7)

‘தான்நோக்கா தெத்துயரம் செய்திடினும் தார்வேந்தன
கோல்நோக்கி வாழும் குடிபோன் றிருந்தேனே” (பெருமாள் 5:3)

“கோல்நோக்கி வாழும் குடிஎல்லாம் தாய்முலையின்
பால்நோக்கி வாழும் குழுவிகள் - வானத்
துளிநோக்கி வாழும் உலகம்” (நான்மணி.27)


பரிமேலழகர் உரை
உலகு எல்லாம் வான் நோக்கி வாழும் - உலகத்து உயிர் எல்லாம் மழை உளதாயின் உளவாகாநிற்குமே எனினும்; குடி மன்னவன் கோல் நோக்கி வாழும் - குடிகள் அரசன் செங்கோல் உளதாயின் உளவாகா நிற்கும். 
விளக்கம்
[நோக்கி வாழ்தல், இன்றியமையாமை. வானின் ஆய உணவை 'வான்' என்றும், கோலின் ஆய ஏமத்தைக் 'கோல்' என்றும் கூறினார். அவ்வேமம் இல்வழி உணவுளதாயினும் குடிகட்கு அதனால் பயனில்லை என்பதாம்.] 

ஞா. தேவநேயப் பாவாணர் உரை
உலகு எல்லாம் வான் நோக்கி வாழும் - உலகத்திலுள்ள உயிர்களெல்லாம் மழையை எதிர்பார்த்து அது பெய்வதால் வாழும் ; குடி மன்னவன் கோல் நோக்கி வாழும் - ஆயினும் , குடிகளெல்லாரும் அரசனது செங்கோலை எதிர்பார்த்து அது நடப்பதால் வாழும் .

நோக்கி வாழ்தல் இன்றியமையாததாகக் கொண்டு வாழ்தல் . வானால் நீரும் உணவும் கிடைப்பது போல் , செங்கோலால் உயிர்ப் பாதுகாப்பும் , பொருட்காப்பும் கிட்டுவதால் , வான்போன்றே செங்கோலும் மக்கள் உயிர்வாழ்விற்கு இன்றியமையாததென்பதும் , செங்கோலின்றி வானிருந்தும் பயனில்லை யென்பதும் , பெறப்படும் . உலகு , கோல் என்பன ஆகுபெயர்கள் . கோலென்றது செங்கோலை. 'குடி' தொகுதிப்பெயர் . வானின் தண்பு உயிர்கட்கு இன்பஞ் செய்வது போல் கோனின் அன்பும் குடிகட்கு இன்பந்தருவதாம்.

"நெல்லு முயிரன்றே நீரு முயிரன்றே
மன்ன னுயிர்த்தே மலர்தலை யுலகம்
அதனால் , யானுயி ரென்ப தறிகை
வேன்மிகு தானை வேந்தற்குக் கடனே".(126)

என்னும் புறப்பாட்டு இங்குக் கவனிக்கத் தக்கது .

மணக்குடவர் உரை
உலகத்தாரெல்லாம் மழையை நோக்கி யின்புறாநிற்பர்; அதுபோலக் குடிகளும் அரசனது செங்கோன்மையை நோக்கியின்புறாநிற்பர்

மு.வ உரை
உலகத்தில் உள்ள உயிர்கள் எல்லாம் மழையை நம்பி வாழ்கின்றன, அதுபோல் குடிமக்கள் எல்லாம் அரசனுடைய செங்கோலை நோக்கி வாழ்கின்றனர்.

சாலமன் பாப்பையா உரை
உயிர்கள் எல்லாம் மழையை எதிர்பார்த்தே வாழும்; குடிமக்களோ ஆளுவோரின் நேர்மையான ஆட்சியை எதிர்பார்த்தே வாழ்வர்.




English Meaning - As I taught a kid - Rajesh
All the organisms in the world survives, looking up to the skies for rain; the people live, looking up to their ruler’s scepter/sengol/செங்கோல் for justice. 

Rain water is captured by the roots of the plants in forests, ponds, lakes etc. This forms the basis of livelihood for all organisms. Hence, all organisms survive looking up to the skies for rain. Also, it is not mere survival, because when the plants lives, they flourish and make the world a better place. 
Similarly, all the people live looking up for the king's / leader's rule. If the leader rules well (i.e. administers / manages / develops the state well), people's pain/sorrow/difficulties would reduce and vanish and they would live happily. Whereas if the leader doesn't rule well, people would suffer. When people live happily the make the world a better place.
If there is a drought, many plants die and it takes some time for the plants to regain the flora and fauna. Similarly if the leader doesn't rule well for few years, it would take many years for the people to come back on growth and flourish. 

This applies even to the family. If the family head does well, all the members in the family will be happy. At individual level, if the person does well (develops himself, does his dharma, earns money), he will not suffer. Also he can help others too.

King Raja Raja Cholan who lived in 10th century did lots of work for the welfare of people such as creating lakes, developing irrigation systems, building dams etc. Such works benefit people even in the 21st century. 

Questions that I ask to the kid
What does rain give? What does a leader give?
What does the world look up to for survival? Whom does the people look up to?
Why is a king's rule as important as rain?