கொடும்புருவம் கோடா மறைப்பின் நடுங்கஞர்

குறள் 1086

கொடும்புருவம் கோடா மறைப்பின் நடுங்கஞர்

செய்யல மன்இவள் கண்

[காமத்துப்பால், களவியல், தகையணங்குறுத்தல்]

பொருள்

கொடும்  - கொடுமை - கடுமை; முருட்டுத்தன்மை; தீமை; வளைவு; மனக்கோடடம்; அநீதி; பாவம்; வேண்டாதசொல்.

புருவம் - கண்ணின்மேல்உள்ளமயிர்வளைவு; புண்ணின்விளிம்பு; வரம்பு; குதிரை.

கோடு - வளைவு; நடுநிலைநீங்குகை; யானையின்தந்தம்; விலங்குகளின்கொம்பு; ஊதுகொம்பு; நீர்வீசுங்கொம்பு; மரக்கொம்பு; யாழ்த்தண்டு; 'கெ', 'கே'முதலிவற்றின்தலைப்பிலுள்ளகொம்புக்குறியீடு; பிறைமதி; சங்கு; குலை; மயிர்முடி; மலையுச்சி; மலை; மேட்டுநிலம்; வரி; ஆட்டம்முதலியவற்றிற்குவகுத்தஇடம்; நீர்க்கரை; குளம்; காலவட்டம்; வரம்பு; ஆடைக்கரை; முனை; பக்கம்; அரணிருக்கை; கொடுமை; நீதிமன்றம்.

கோடா - வளையாத 

மறைப்பின் - மறைத்தல் - மறையச்செய்தல்; மூடுதல்; தீதுவாராமற்காத்தல்.

நடுங்கு - நடுங்குதல் - அசைதல்; அஞ்சுதல்; மனங்குறைதல்; பதறுதல்; நாத்தடுமாறுதல்; தலையசைத்தல்; ஒப்பாதல்; அதிர்தல்.

அஞர் - துன்பம்; நோய் சோம்பல் வழுக்குநிலம் அறிவிலார்

செய்தல் - இயற்றுதல்; உண்டாக்கல்; சம்பாதித்தல்; ஒத்தல்

அல - ala   same as அல்ல, see under அல்.  

செய்யல - செய்யாது 

மன் - ஓர்அசைநிலை; எதிர்காலங்காட்டும்இடைநிலை; ஒழியிசைக்குறிப்பு; பிறிதொன்றாகைக்குறிப்பு; மிகுதிக்குறிப்பு; ஆக்கக்குறிப்பு; கழிவுக்குறிப்பு; நிலைபேற்றுக்குறிப்பு; ஒருபெயர்விகுதி; அரசன்; வீரன்; தலைவன்; கணவன்; உத்தரட்டாதிநாள்; பெருமை; இழிவு; மந்திரம்; மணங்கு.

இவள் - ivaḷ   pron. இ³. [K. M. ivaḷ.] Thiswoman or girl; she, used to denote the femaleamong rational beings.  

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

முழுப்பொருள்

பெண்ணின் புருவம் எவ்வளவு அழகு வாய்ந்தது அது எவ்வளவு பேசுகிறது  ஆதலால் ஒரு காதலனுக்கு எவ்வளவு துயர் என்பதை குறிப்பதாகவே இக்குறள் தோன்றுகிறது. 

நான் பார்த்த பெண்ணிடம் காதலில் விழுந்தேன். வளைந்துள்ள அவளது புருவத்தாலும் கண்ணாலும் என்னுடன் பேசுகிறாள் வாயால் பேசாமல். அப்புருவங்களுக்கு எவ்வளவு வலிமை. அவள் மனம் பேசவேண்டியவற்றையெல்லாம் என்னிடம் பேசிவிடுகிறதே அப்புருவம். ஆதலால் நான் காதல் நோயால் தவிக்கிறேன். அது எனக்கு நடுங்கும் துயரை தருகிறது. 

இதுவே அவளது புருவங்கள் வளையாத கோடுகள் போன்று இருந்து இருந்தால் இந்த காதல் பேச்சுகள் எல்லாம் இருந்து இருக்காது. நானும் இந்த நடுங்கும் துயரை அனுபவித்து இருக்க மாட்டேன்.  

மேலும்: அஷோக் உரை

பரிமேலழகர் உரை

(இதுவும் அது) கொடும் புருவம் கோடா மறைப்பின் - பிரியா நட்பாய கொடும் புருவங்கள்தாம் செப்பமுடையவாய் விலக்கினவாயின்; இவள் கண் நடுங்கு அஞர் செய்யல - அவற்றைக் கடந்து இவள் கண்கள் எனக்கு நடுங்கும் துயரைச் செய்யமாட்டா. (நட்டாரைக் கழறுவார்க்குத் தாம் செம்மையுடையராதல் வேண்டலின் 'கோடா' என்றும், செல்கின்ற அவற்றிற்கும் உறுகின்ற தனக்கும் இடைநின்று விலக்குங்காலும் சிறிது இடைபெறின் அது வழியாக வந்து அஞர் செய்யுமாகலின் 'மறைப்பின்' என்றும் கூறினான். நடுங்கு அஞர் - நடுங்கற்கு ஏதுவாய அஞர். 'தாம் இயல்பாகக் கோடுதல் உடைமையான் அவற்றை மிகுதிக்கண் மேற்சென்று இடிக்கமாட்டா' வாயின என்பதுபட நின்றமையின், மன் ஒழியிசைக்கண் வந்தது.).

மணக்குடவர் உரை

வளைந்த புருவங்கள் தாம் செப்பமுடையனவாய் விலக்கினவாயின் இவள் கண்கள் அவற்றைக் கடந்து போந்து எனக்கு நடுங்குந் துன்பத்தைச் செய்யலாற்றா. இது மேல் தலைமகன் கூறிய சொற்கேட்டுத் தலைமகள் தலையிறைஞ்சிய வழி கண்ணை மறைத்துத் தோற்றிய புருவ முறிவு கண்டு அவன் கூறியது

மு.வரதராசனார் உரை

வளைந்த புருவங்கள் கோணாமல் நேராக இருந்து மறைக்குமானால், இவளுடைய கண்கள் யான் நடுங்கும் படியான துன்பத்தைச் செய்யமாட்டா.

சாலமன் பாப்பையா உரை

அதோ வளைந்து இருக்கும் புருவங்கள் வளையாமல் நேராக நின்று தடுத்தால், அவள் கண்கள், எனக்கு நடுக்கம் தரும் துன்பத்தை தரமாட்டா.