Search This Blog

திருக்குறள்

அறத்துப்பால் - குறள் வரிசை | பதிவு வரிசை

குறள் பால்: அறத்துப்பால் குறள் வரிசை - Index - Pointers to Kurals (Ordered) - Each Kural in Different pages பதிவு வரிசை - All Posts/Kura...

Monday, October 13, 2014

கடாஅ உருவொடு கண்ணஞ்சாது

குறள் 585: அதிகாரம் :ஒற்றாடல் 

கடாஅ உருவொடு கண்ணஞ்சாது யாண்டும் 

உகாஅமை வல்லதே ஒற்று

பொருள் :
கடாஅ உருவொடு - யாரும் எளிதில் கண்டு பிடிக்க முடியாத உருவோடு 

கண்ணஞ்சாது - சந்தேகிக்கும் எந்த கண்களுக்கும் அஞ்சாமல்

 

யாண்டும் - எப்பொழுதும் 
உகாஅமை - மனதில்  உள்ளவற்றை வெளியே சொல்லாத உறுதி கொண்டமை 

வல்லதே ஒற்று - இவ் வலிமைகளே ஒற்று .

முழு விளக்கம்
ஒரு ஒற்றன் ஆனவன் ,எவ்வாறு இருக்க வேண்டுமானால் , அவன் யாரும் எளிதில் அடையாளம் கண்டுபிடிக்க முடியாத ஒரு உருவம் கொண்டவனாகவும்,அப்படியே சந்தேகித்தாலும் ,சந்தேகிக்கும் கண்களை கண்டு அஞ்சாதவனாகவும் ,எப்பேர்ப்பட்ட நேரத்திலும் மனதில் உள்ளவற்றை வெளியே சொல்லாமல் காக்கும் வலிமை உடையனவாகவும் இருக்க வேண்டும் எனக் கூறுகிறார் வள்ளுவர்.

பண்டைய கால அரசாட்சிகளில் ஒற்று என்பது மிகவும் இன்றி அமையாத ஒன்று. பகை நாடு தனக்கு எதிராக சதி செய்கிறதாயினும் , அல்லது பகை நாடுகளில் நிலவும் பொது நிலவரம் ,அவர்களின் அப்போதைய படை பலம் ஆகியவற்றை கண்டு அறிவதாயினும் , ஒற்றர்கள் மிகப் பெரும் பங்காற்றினர் .

இதனால் தான் ஒற்றர்களை ஐந்தாம் படைஎனக் கூறுவர் (யானைப்படை, தேர்ப்படை, குதிரைப்படை, காலாட்படை  மற்ற நான்கு படைகள்). 
இவ்வளவு முக்கியம் வாய்ந்த ஒற்றர்கள் எவ்வாறு இருக்க வேண்டும் என இலக்கணம் கூறுகிறார் வள்ளுவர் .
இக்குறளுக்கு உதாரணமாக பொன்னியின் செல்வனில் வரும் ஆழ்வார்க்கடியான்  (ர் ) நம்பி ஐ கூறலாம். ஒரு வைஷ்ணவராக, நாமமும் தடியும் கொண்டு , எவரும் சந்தேகமுறாது , சாதாரண தோற்றத்துடன் வளம் வருவதாக விவரித்து இருப்பார் கல்கி .


பரிமேலழகர் உரை: 
கடாஅ உருவொடு - ஒற்றப்பட்டார் கண்டால் ஐயுறாத வடிவோடு பொருந்தி; கண் அஞ்சாது - அவர் ஐயுற்று அறியலுறின் செயிர்த்து நோக்கிய அவர் கண்ணிற்கு அஞ்சாது நின்று; யாண்டும் உகாஅமைவல்லதே ஒற்று - நான்கு உபாயமும் செய்தாலும் மனத்துக் கொண்டவற்றை உமிழாமை வல்லனே ஒற்றனாவான்.('கடா' என்பது 'கடுக்கும்' என்னும் பெயரெச்சத்து எதிர்மறை. ஐயுறாத வடிவாவன பார்ப்பார், வணிகர் முதலாயினார் வடிவு.). 

No comments:

Post a Comment