செயற்பால தோரும் அறனே ஒருவற்கு

குறள் 40

செயற்பால தோரும் அறனே ஒருவற்கு

உயற்பால தோரும் பழி

[அறத்துப்பால், பாயிரவியல், அறன்வலியுறுத்தல்]
(For meaning in English, scroll to the bottom of this post)

பொருள்

செயல் - தொழில்; பொருள்தேடுகை; இழைப்புவேலை; வேலைப்பாடு; காவல்; ஒழுக்கம்; வலிமை; செல்வாக்கு; செய்யல்நிலைமை; சேறு.

செயற்பாலது - செய்யக்கூடிய செயல்கள் 

ஓரும் - ஆசை நிலை.

ஓர்தல் - ஆராய்தல்; எண்ணுதல்; உணர்தல்; அறிதல்; தெளிதல்.

அறனே - அறம் - தருமம்; புண்ணியம் அறச்சாலை தருமதேவதை யமன் தகுதியானது; சமயம் ஞானம் நோன்பு இதம் இன்பம் தீப்பயன்உண்டாக்கும்சொல்.

ஒருவற்கு - ஒரு மனிதனுக்கு

உய்தல் - உயிர்வாழ்தல், பிழைத்தல், ஈடேறுதல், நீங்குதல் தப்புதல்

உயற்பாலது  - ஒழிக்கத் தக்கவை, விலக்கத் தக்கவை, கொய்தெறிய வேண்டியவை

ஓரும் - ஆசை நிலை.

ஓர்தல் - ஆராய்தல்; எண்ணுதல்; உணர்தல்; அறிதல்; தெளிதல்.

பழி - குற்றம்; நிந்தை; அலர்; குறை; பாவம்; பழிக்குப்பழி; பொய்; பகைமை; ஒன்றுக்கும்உதவாதவன்

முழுப்பொருள்

1) ஒருவன் செய்ய வேண்டியவை என்ன? 

செய்யத்தக்க செயல்களை ஆராய்ந்து செய்வதே அறம் ஏனெனில் அறத்தொடு பொருந்தி வருவதே இன்பம். 

2) ஒருவன் நீக்க வேண்டியவை என்ன? 

ஆனால் செய்யதகாதவை/ விலக்கத்தக்க செயல்கள் எல்லாம் பழியை தரும். பழி என்பது குற்றம். பழி என்பது ஊராரின் அலர். பழி என்பது பகை. இவையாவும் தீதே. ஆதலால் அவற்றை விலக்க வேண்டும் என்று கூறுகிறார் திருவள்ளுவர். 

இவை இரண்டுமே அறவழில் நிற்க நெறி. ஏனெனில் அறத்தையும் செய்து பழியையும் செய்தால் ஒரு பலனும் இல்லை. 

மேலும் கீழ்க்காணும் குறளையும் சேர்த்து படித்தால் பழி இல்லாமல் வாழ்வது எவ்வளவு முக்கியம் என்பது புரியும்

குறள் 240

வசையொழிய வாழ்வாரே வாழ்வார் இசையொழிய 

வாழ்வாரே வாழா தவர்

2021இல் தமிழகத்தில் தலைமை செயலர் வெளியிட்ட அறிக்கை அறத்தோடு செய்த செயல். ஏனெனில் அவர் எத்தகைய பழியையும் பெற விரும்பவில்லை.

மேலும்

குறள் 427

அறிவுடையார் ஆவ தறிவார் அறிவிலார்

அஃதறி கல்லா தவர்

குறள் 26

செயற்கரிய செய்வார் பெரியர் சிறியர்

செயற்கரிய செய்கலா தார்

குறள் 63

தம்பொருள் என்பதம் மக்கள் அவர்பொருள்

தம்தம் வினையான் வரும்

மேலும்: அஷோக் உரை

பரிமேலழகர் உரை

ஒருவற்குச் செயற்பாலது அறனே - ஒருவனுக்குச் செய்தற் பான்மையானது நல்வினையே; உயற்பாலது பழியே- ஒழிதற்பான்மையது தீவினையே. ( 'ஓரும்' என்பன இரண்டும் அசைநிலை. தேற்றேகாரம் பின்னும் கூட்டப்பட்டது. பழிக்கப்படுவதனைப் 'பழி' என்றார். இதனான் செய்வதும் ஒழிவதும் நியமிக்கப்பட்டன.).

மணக்குடவர் உரை

ஒருவனுக்குச் செய்யும் பகுதியது அறமே, தப்பும் பகுதியது பழியே. மேல் அறஞ் செய்யப் பிறப்பறு மென்றார், அதனோடு பாவமுஞ் செய்யின் அறாதென்றற்கு இது கூறினார்.

மு.வரதராசனார் உரை

ஒருவன் வாழ்நாளில் முயற்சி மேற்கொண்டு செய்யத்தக்கது அறமே. செய்யாமல் காத்து கொள்ளத்தக்கது பழியே.

சாலமன் பாப்பையா உரை

ஒருவன் செய்யத் தக்கது அறமே; விட்டுவிடத் தக்கவை தீய செயல்களே.

குறளும் பொருளும் - பா.ராகவன் உரை

கேடின்றி வாழ நல்லதை மட்டுமே செய்.

English Meaning - As I taught a kid - Rajesh

1) What are the things one should do?

One should do Dharma. One should do their duties and responsibilities in the right way with integrity. One should do their work to fullest potential like a tapas expressing themselves completely.(And not do a work for the sake of doing it)

2) What are the things one should not do?

One should not do things that will bring them bad reputation, destruction etc. One should not avoid or procrastinate doing their duties that will bring destruction, bad reputation etc. One should not deviate from integrity. One should not do wrong things.

Questions that I ask to the kid

1) What are the things one should do ?

2) What are the things one should not do ?