Search This Blog

Disclaimar

This blog is totally for learning purposes. Non-commercial. In many of the posts, many snippets have been taken from various thirukkural blogs, books available online freely only for learning purpose without any intention of plagiarism or to make money. I have given due credit, link wherever possible. If you want your content to be removed, or you want more credit to be provided, please do let me know in the comment section of any of the posts. ஊருணி நீர்நிறைந் தற்றே உலகவாம் பேரறி வாளன் திரு (குறள் 215)
Showing posts with label Athikaaram_042. Show all posts
Showing posts with label Athikaaram_042. Show all posts

செவியிற் சுவையுணரா வாயுணர்வின் மாக்கள்

குறள் 420
செவியிற் சுவையுணரா வாயுணர்வின் மாக்கள்
அவியினும் வாழினும் என்
[பொருட்பால், அரசியல், கேள்வி]

பொருள்
செவியின் - செவி - காது; கேட்கை; பாத்திரத்தின்காதுவளையம்; வீணையின்முறுக்காணி; ஓரங்குலமழை.

சுவை - ஐம்புலன்களுள்நாவின்உணர்வு, உருசி; இன்பம்; இரசம்; இனிமை; கவிதையின்இரசம்; சித்திரைநாள்.

உணர்தல் - uṇar-   4 v. [K. oṇar, M.uṇar.] tr. 1. To be conscious of; to know,make out, understand; அறிதல் முன்ன முகத்தினுணர்ந்து (புறநா. 3, 25). 2. To think, reflect,consider, contemplate; கருதுதல் (திவா.) 3. Toexamine, test, observe, scrutinize; ஆராய்தல் உற்று நாறியுங் கண்டு முணர்ந்து (சீவக. 885). 4. Toexperience, as a sensation; அனுபவித்தல் ஐந்தினையு மொன்றொன்றாப் பார்த்துணர்வது (சி. போ 11,1, 1). 5. To realize, conceive, imagine; பாவித்தல் அண்டனை யான்மாவி லாய்ந்துணர (சி. போ 9, 2, 3).  

உணரா - உணராமல், அறியாமல், ஆராயாமல், கருதாமல்

வாய் - உதடுஅல்லதுஅலகுஇவற்றினிடையிலுள்ளஉறுப்பு; பாண்டம்முதலியவற்றின்திறந்தமேற்பாகம்; வாய்கொண்டஅளவு; உதடு; விளிம்பு; ஆயுதத்தின்முனை; மொழி; வாக்கு; குரல்; மெய்ம்மை; சிறப்பு; சிறப்புடையபொருள்; வாசல்; வழி; மூலம்; இடம்; துலாக்கோலின்வரை; தழும்பு; துளை; வாத்தியக்குழல்; ஏழுனுருபு; ஓர்உவமஉருபு.

உணர்வின் உணர்தல் - uṇar-   4 v. [K. oṇar, M.uṇar.] tr. 1. To be conscious of; to know,make out, understand; அறிதல் முன்ன முகத்தினுணர்ந்து (புறநா. 3, 25). 2. To think, reflect,consider, contemplate; கருதுதல் (திவா.) 3. Toexamine, test, observe, scrutinize; ஆராய்தல் உற்று நாறியுங் கண்டு முணர்ந்து (சீவக. 885). 4. Toexperience, as a sensation; அனுபவித்தல் ஐந்தினையு மொன்றொன்றாப் பார்த்துணர்வது (சி. போ 11,1, 1). 5. To realize, conceive, imagine; பாவித்தல் அண்டனை யான்மாவி லாய்ந்துணர (சி. போ 9, 2, 3).  

மாக்கள் - மனிதர்கள்; பகுத்தறிவிலார்; குழந்தைகள்; விலங்குகள்.

அவியினும் - அவிதல் - பாகமாதல்; இறுக்கத்தால்புழுங்குதல்; ஒடுங்குதல் ஓய்தல் அணைந்துபோதல்; குறைதல் பணிதல் அழிதல் காய்கனிமுதலியனசூட்டால்வெதும்புதல்; சாதல்

வாழினும் - வாழ்தல் - இருத்தல்; செழித்திருத்தல்; மகிழ்தல்; சுமங்கலியாகஇருத்தல்; விதிப்படிஒழுகுதல்.

என் - என்ன; வினாவினைக்குறிப்பு; ஐயக்கிளவி; இகழ்ச்சிக்குறிப்பு; 'எது'அல்லது'எதை'எனப்பொருள்படும்இடைச்சொல்; தன்மைஒருமைச்சொல்; யான்என்பதுவேற்றுமைப்பொருளில்அடையும்திரிபு; ஓர்அசைச்சொல்.

முழுப்பொருள்
செவியிற்கு சுவை ஒசைகளை கேட்பது அல்ல ஏனெனில் அவை அவற்றை செய்யவில்லை என்றாலும் மனிதரால் உயிர்வாழமுடியும். செவியிற்கு உண்மையான சுவை கற்றறிந்தோரிடம் வாய்மொழியாக கேட்கும் அறிவுச்செல்வமே. அத்தகைய கேள்வியின் சுவையை அறியாத செவிகளை கொண்ட மாக்கள் வாயினால் உண்ணப்படும் உணவின் சுவையே சுவை என்றும் வாயினால் வீணாக வெட்டி பேச்சுகள் பேசிப்பேசி அவற்றை சுவை என்றும் கருதினால் அவர்கள் சாகாமல் வாழ்வது ஏனோ?

மேலும்: அஷோக் உரை

பரிமேலழகர் உரை
செவியின் சுவை உணரா வாய் உணர்வின் மாக்கள் - செவியான் நுகரப்படுஞ் சுவைகளை உணராத வாய் உணர்வினையுடைய மாந்தர், அவியினும் வாழினும் என் - சாவினும் வாழினும் உலகிற்கு வருவது என்ன?
(செவியால் நுகரப்படும் சுவைகளாவன: சொற்சுவையும் பொருட்சுவையும். அவற்றுள் சொற்சுவை குணம், அலங்காரம் என இருவகைத்து: பொருட்சுவை காமம், நகை, கருணை, வீரம், உருத்திரம், அச்சம், இழிப்பு, வியப்பு, சாந்தம் என ஒன்பது வகைத்து. அவையெல்லாம் ஈண்டு உரைப்பின் பெருகும். 'வாயுணர்வு' 'என்பது இடைப்பதங்கள் தொக்கு நின்ற மூன்றாம் வேற்றுமைத் தொகை; அது வாயான் நுகரப்படும் சுவைகளை உணரும் உணர்வு என விரியும். அவை கைப்பு. கார்ப்பு, புளிப்பு, உவர்ப்பு, துவர்ப்பு, தித்திப்பு என ஆறு ஆம். செத்தால் இழப்பதும் வாழ்ந்தால் பெறுவதும்' இன்மையின், இரண்டும் ஒக்கும் என்பதாம். வாயுணவின் என்று பாடம் ஓதுவாரும் உளர். இவை மூன்று பாட்டானும்கேளாதவழிப்படும் குற்றம் கூறப்பட்டது.).

மணக்குடவர் உரை
செவியால் நுகரும் இன்பத்தை யறியாத, வாயால் நுகரும் இன்பத்தையறியும் மாக்கள் செத்தால் வருந் தீமை யாது? வாழ்ந்தால் வரும் நன்மை யாது? உலகத்தார்க்கு. இது கேள்வியில்லாதார் பிறர்க்குப் பயன் படாரென்றது.

மு.வரதராசனார் உரை
செவியால் கேள்விச் சுவை உணராமல் வாயின் சுவையுணர்வு மட்டும் உடைய மக்கள், இறந்தாலும் என்ன, உயிரோடு வாழ்ந்தாலும் என்ன.

சாலமன் பாப்பையா உரை
செவியால் நுகரப்படும் சுவைகளை உணராமல், வாயால் அறியப்படும் சுவைகளை மட்டுமே அறியும் மனிதர் இருந்தால் என்ன? இறந்தால்தான் என்ன?.

நுணங்கிய கேள்விய ரல்லார் வணங்கிய

குறள் 419
நுணங்கிய கேள்விய ரல்லார் வணங்கிய
வாயின ராதல் அரிது
[பொருட்பால், அரசியல், கேள்வி]

பொருள்
நுணங்கிய - நுணங்குதல் - அசைதல்; மெல்லிதாதல்; நுட்பமாதல்; வளைதல்; துவளுதல்; செறிதல்; வாடுதல்.

கேள்வி - கேட்டல்; கற்கை; வினா; நூற்பொருளைக்கற்றறிந்தவர்; சொல்வதைக்கேட்டல்; கல்வி; சத்தம்; வேதம்; நூல்; சொல்; அறிக்கை; விசாரணை; இசைச்சுருதி; ஏலம்கேட்டல்; யாழ்.

கேள்வியர் - கேள்வி அறிவை உடையவர் 

அல்லார் - எதிர்மறை, அதுபாலல்ல; (அல்லர்-அல்லாதார்--அல்லார்--அல் லோர், s. Evil persons, the wicked. (p.))

வணங்கிய - வணங்குதல் - நுடங்குதல்; அடங்குதல்; ஏவற்றொழில்செய்தல்; வழிபடுதல்; சூழ்ந்துகொள்ளுதல்.

வாயினர் - பேச்சினை உடையவர்கள்

ஆதல் - ஆவதுஎனப்பொருள்படும்இடைச்சொல்; நூல் கூத்து தரிசனம் நுணுக்கம் ஆசை உண்டாதல் நிகழ்தல் முடிதல் இணக்கமாதல்; வளர்தல் அமைதல் ஒப்பாதல்

அரிது - அருமை; பசுமை; aritu   n. அரு-மை. [T. arudu, K.aridu, M. arutu.] That which is difficult, unattainable, rare, precious; அருமையானது.  

முழுப்பொருள்
“பணிவுடையன் இன்சொலன் ஆதல் ஒருவர்க்கு அணியல்ல மற்றுப் பிற” என்று அறத்துப்பாலில், இனியவை கூறல் அதிகாரத்தில் ஏற்கனவே படித்திருக்கிறோம். அந்த பணிவுடையராருக்கு இன்சொல் சொல்லக்கூடிய வணங்கும் தன்மையுள்ள பேச்சு இருக்கும். 

அதுப்போல, நுட்பான அறிவை கற்றறிந்தவர்களிடம் இருந்து வாய்மொழியாக/கேள்வியாக கற்கும் பணிவு உள்ளோரிடமும் பணிவான சொற்களை கூறுவோரிடமும் இருக்கும். கேள்வி அறிவை பெறக்கூடிய மனப்பக்குவம் இல்லாதவரிடம் பணிவு இல்லை என்றே அர்த்தம். பணிவு இல்லாதவரிடம் பணிவில்லாத சொற்கள் வராது. எவ்வளவு கற்றிருந்தாலும் நாம் கற்றது கைமணளவு என்று உணர்ந்தோர் பணிவாக இருப்பர். அவர்கள் கற்றறிந்தோரிடமும் பிறரிடமும் கற்க பல இருக்கும் என்று நம்புவர். அதனால் பிறருக்கு செவிக்கொடுத்து கேட்பர். அப்பணிவும் அடக்கமும் இல்லாதோர் பிறரிக்கு செவியும் கொடுக்கமாட்டர் பணிவாகவும் பேசமாட்டர். 

சம்பந்தர் தேவாரம், “பணிவாயுள்ள நன்கெழு நாவிற் பக்தர்கள்” என்பார் சம்பந்தப்பெருமானும். கம்பநாடனும் விபீடணரைப்பற்றிக்கூறும் போது, “நுணங்கிய கேள்வியன் நுவல்வதாயினான்” என்பார். நுணங்கிய கேள்வி என்பதை பல இடங்களில் சொல்லியுள்ளார் கம்பர்.

மேலும்: அஷோக் உரை
ஒப்புமை
”நெடுநுண் கேள்வி” (பதிற் 7. ஆம் பத்து பதிகம்)

“நுணுங்கிய நூலவர் உணர்வே போல்” (கம்பர்.நகர 114)

”நுணுங்கிய கேள்வியாய்” (கம்பர்.தாடகை 24)

”நுட்புலன் நுணங்கு கேள்வி நுழைவின ரெனினும் நோக்கும்
கட்புலன் வரம்பிற்றாமே காட்சியும் கரையிற்றாமே” (கம்பர்.கடல்தாவு 94)

”நூற்பெருங்கடல் நுணங்கிய கேள்வியன்” (கம்பர்.ஊர்தேடு 206)

”வணங்கிய சென்னியன் மறைத்த வாயினன்
நுணங்கிய கேள்வியன் நுவல்வ தாயினான்” (கம்பர்.விபீடணன் 87)

”பணிவா யுள்ள நன்கெழு நாவிற் பக்தர்கள்” (சம்பந்தர்.பேணு பெருந்துறை 5)

பரிமேலழகர் உரை
நுணங்கிய கேள்வியர் அல்லார் - நுண்ணியதாகிய கேள்வியுடையார் அல்லாதார், வணங்கிய வாயினர் ஆதல் அரிது - பணிந்த மொழியினை உடையராதல் கூடாது.
(கேட்கப்படுகின்ற பொருளினது நுண்மை கேள்விமேல் ஏற்றப்பட்டது. 'வாய்' ஆகுபெயர். பணிந்தமொழி - பணிவைப்புலப்படுத்திய மொழி. கேளாதார் உணர்வு இன்மையால் தம்மை வியந்து கூறுவர் என்பதாம். 'அல்லால்' என்பதூஉம் பாடம்.).

மணக்குடவர் உரை
நுண்ணியதாகிய கேள்வியை யுடையாரல்லாதார், தாழ்ந்த சொற்கூறும் நாவுடையாராதல் இல்லை. இது கேள்வியுடையார் தம்மை வியந்து சொல்லா ரென்றது.

மு.வரதராசனார் உரை
நுட்பமான பொருள்களைக் கேட்டறிந்தவர் அல்லாத மற்றவர், வணக்கமானச் சொற்களைப் பேசும் வாயினை உடையவராக முடியாது.

சாலமன் பாப்பையா உரை
நுண்ணிய கேள்வி ஞானம் இல்லாதவர், பணிவுமிக்க சொற்களைப் பேசுபவராக ஆவது கடினம்.

கேட்பினுங் கேளாத் தகையவே கேள்வியால்

குறள் 418
கேட்பினுங் கேளாத் தகையவே கேள்வியால்
தோட்கப் படாத செவி
[பொருட்பால், அரசியல், கேள்வி]

பொருள்
கேட்பினும் கேட்டல் - செவிக்குப்புலனாகுதல்; பாடங்கேட்டல்; வினாவல்; விசாரித்தல்; வேண்டுதல்; கேள்விப்படுதல்; கொடுக்கச்சொல்லுதல்; தண்டித்தல்; இரத்தல்; நோய்முதலியனநீக்குதல்; விலைகேட்டல்; ஏற்றுக்கொள்ளுதல்; பொறுத்தல்; தணிதல்; கீழ்ப்படிதல்; ஒலிஎட்டுதல்; செவியாற்கேட்குதல்; அனுமதிபெறுதல்

கேளாத் - கேளாமல் - கேட்காமல்

தகை - அழகு; அன்பு; அருள்; கவசம்; குணம்; தடை; தகுதி; பொருத்தம்; ஒப்பு; மேம்பாடு; பெருமை; நன்மை; இயல்பு; நிகழ்ச்சி; கட்டுகை; மாலை; தளர்ச்சி; தாகம்; மூச்சிழைப்பு.

தகையவே - தன்மை  உடையனவே

கேள்வியால் - கேள்வி - கேட்டல்; கற்கை; வினா; நூற்பொருளைக்கற்றறிந்தவர்; சொல்வதைக்கேட்டல்; கல்வி; சத்தம்; வேதம்; நூல்; சொல்; அறிக்கை; விசாரணை; இசைச்சுருதி; ஏலம்கேட்டல்; யாழ்.

தோட்கப்படாத - துளைக்கப்படாத

செவி - காது; கேட்கை; பாத்திரத்தின்காதுவளையம்; வீணையின்முறுக்காணி; ஓரங்குலமழை.

முழுப்பொருள்
செவிகள் படைக்கபட்டதே அறிவுச்செல்வத்தை கேள்வியறிவாக பெறத்தான் அதை செய்யவில்லை என்றால் அவை கேட்கும் தன்மையிருப்பினும் செவிடுகள் என்று கூறிகிறார் திருவள்ளுவர்.

கேள்விச்செல்வத்தால், அதாவது கேள்வி அறிவால் துளைக்கபடாத செவிகள் ஓசைகளைக் கேட்டாலும் கேளாதத்(/செவிட்டுத்) தன்மையைக் கொண்ட செவிகளாகவே கருதப்படும். அதாவது அறிவுச் செல்வத்தை கற்றறிந்தார் வாய்மொழியாக கேட்டறியாதவர்களின் செவிகள் அதன் உண்மை செயலை செய்யாது பயனற்று இருப்பதால் அவை வெறும் பொம்மை செவிகள். முகத்தில் புற முழுமைக்காக இருக்கிறது என்றும் நாம் கருதலாம்.

இரும்பல் காஞ்சி என்ற இலக்கியத்தில், 
எய்கணை விழுத்துளை அன்றே செவித்துளை 
மையறு கேள்வி கேளாதோர்க்கே” எனப்படுகிறது.  

சீவக சிந்தாமணி (1552) இன்னும் அழுத்தமாக, 
இரும்பிற் போர்த்த 
பழுதெண்ணும் வன்மனத்தார் ஓட்டைமரச் செவியார்..
....கேளார்” என்கிறது. 

கம்பராமயாணப் சவரிப்படலத்தில் “தோட்டவர்” என்ற சொல்லைப் இதேகருத்தைச் சொல்லியிருக்கும் அழகையும் சற்று பார்ப்போம். “கேள்வியாற் செவிகள் முற்றும் 
தோட்டவர் உணர்வின் உண்ணும் 
அமுதத்தின் சுவையாய் நின்றான்” (கம்பர்.சவரி.7)
என்கிறார் கம்பர்.

மேலும்: அஷோக் உரை

பரிமேலழகர் உரை
கேட்பினும் கேளாத் தகையவே - தம் புலமாய ஓசை மாத்திரத்தைக் கேட்கும் ஆயினும் செவிடாம் தன்மையவேயாம், கேள்வியால் தோட்கப்படாத செவி - கேள்வியால் துளைக்கப்படாத செவிகள்.
(ஏகாரம் தேற்றத்தின்கண் வந்தது. ஓசை மாத்திரத்தான் உறுதி எய்தாமையின் 'கேளாத்தகைய' என்றும், மனத்தின்கண் நூற்பொருள் நுழைதற்கு வழியாக்கலிற் கேள்வியைக் கருவியாக்கியும் கூறினார். 'பழைய துளை துளையன்று' என்பதாம்.).

மணக்குடவர் உரை
ஓசை மாத்திரம் கேட்டனவாயினும் அதுவுங் கேளாத செவி போலும்; நல்லோர் கூறுஞ் சொற்களால் துளைக்கப்படாத செவி. இது கேள்வியில்லாதார் செவிட ரென்றது.

மு.வரதராசனார் உரை
கேள்வியறிவால் துளைக்கப் படாத செவிகள், ( இயற்கையான துளைகள் கொண்டு ஓசையைக்) கேட்டறிந்தாலும் கேளாத செவிட்டுத் தன்மை உடையனவே.

சாலமன் பாப்பையா உரை
கேள்வி ஞானத்தால் துளைக்கப்படாத செவிகள் ஓசைகளைக் கேட்டாலும் அவை செவிட்டுத் தன்மையவே.

Thirukkural - Management - Listening
Valluvar further adds, in Kural 418, that one's ears that are not used to active and deep listening and learning from that listening are similar to ears that are deaf, even if they have the capacity to hear sounds. Therefore, hearing is different from listening.

The ear Shut to learning
Though open is deaf.

There are two types of listening. They are listening to respond and listening to understand. Never  listen to respond. Listening to respond may give us ego satisfaction, but may not help us achieve more. Listening to understand helps us to make the other person feel important and learn to achieve personal and  professional significance.

Listen to your superiors when you are a follower. Listen to your followers when you a leader. You expect your superior to listen to you attentively when you a follower. Similarly, your followers expect you to listen to them when you are a leader. So, listen to your followers the way you want your superior to listen to you. When you are an employer, listen to your employees as you listen to your customers. We listen attentively to our customers because they will fire us if 
we do not. On the contrary, we do not listen to our employees or direct reports because they cannot fire us.

One of the outstanding qualities of a leader is listening. When you, as a leader, listen to your people, you can solve fifty percent of organizational problems. One of the reasons for industrial unrest in manufacturing industries is the top management's inability to listen to the employees.

பிழைத்துணர்ந்தும் பேதைமை சொல்லா

குறள் 417
பிழைத்துணர்ந்தும் பேதைமை சொல்லா ரிழைத்துணர்ந்
தீண்டிய கேள்வி யவர்
[பொருட்பால், அரசியல், கேள்வி]
(For meaning in English, scroll to the bottom of this post)

பொருள்
பிழைத்து - பிழைத்தல் - குற்றஞ்செய்தல்; பலியாதுபோதல்; சாதல்; தவறிப்போதல்; உய்தல்; கேட்டினின்றுதப்புதல்; உயிர்வாழ்தல்; வாழ்க்கைநடத்துதல்; நீங்குதல்; இலக்குத்தவறுதல்.

உணர்ந்தும்  - உணர்தல் - அறிதல்; நினைதல், கருதுதல் ஆராய்தல் இயல்புணர்தல்; ஊடல்நீங்குதல்; தெளிதல் துயிலெழுதல் பகுத்தறிதல் நுகர்தல் தொட்டறிதல்; பாவித்தல்

பேதைமை - மடமை, உய்த்துணராமை, அவிவேகம், பேதமை, அறிவின்மை

சொல்லார் -சொல்லமாட்டார்கள் 

இழைத்து - நுட்பமாக
இழைத்தல் - செய்தல்; குழைத்தல் தூற்றல் செதுக்குதல் வரைதல் மூச்சிரைத்தல்; கூறுதல் நுண்ணிதாகஆராய்தல்; பூசுதல் வஞ்சினங்கூறுதல்; கலப்பித்தல்; அமைத்தல் இழையாக்குதல்; மாத்திரைமுதலியனஉரைத்தல்; பதித்தல்

உணர்ந்து - உணர்தல் - அறிதல்; நினைதல், கருதுதல் ஆராய்தல் இயல்புணர்தல்; ஊடல்நீங்குதல்; தெளிதல் துயிலெழுதல் பகுத்தறிதல் நுகர்தல் தொட்டறிதல்; பாவித்தல்

ஈண்டல் - நெருங்குதல், கூடுதல் நிறைதல் விரைதல்

ஈண்டிய - நிறைந்த

கேள்வி - கேட்டல்; கற்கை; வினா; நூற்பொருளைக்கற்றறிந்தவர்; சொல்வதைக்கேட்டல்; கல்வி; சத்தம்; வேதம்; நூல்; சொல்; அறிக்கை; விசாரணை; இசைச்சுருதி; ஏலம்கேட்டல்; யாழ்

அவர் - அவர் 

முழுப்பொருள்
கேள்வி ஞானம் ஒரு மிக சிறந்த செல்வம். அதனை பிறரிடம் இருந்து நாம் பெறுகிறோம். ஆனால் அக்கேள்வி பிழையாக உணர்ந்துக்கொள்ளவும் வாய்ப்புள்ளது. அப்படி பிழையாக உணர்ந்ததை வெளியே பேசினால் நமது பேதைமை வெளிப்பட்டுவிடும். ஆனால் கேள்வியை பெற்றவர் கேள்வியோடு நில்லாமல் நுணுகி ஆராய்ந்து தன்னிடமோ அல்லது பிறரிடமோ தருக்கம் செய்து அல்லது நூல்களை ஆராய்ந்து கற்று தனது அறிவை செம்மைப் படுத்துவார் எனில் அவர் வெளியே பிழைப்பட பேசி தனது பேதைமையை காட்டமாட்டார். 

இன்றைய காலகட்டங்களில் பல சொற்பொழிவுகளை பல தளங்களில் (உதாரணமாக Whatsapp, Youtube, Facebook) அரைகுறையாக கேட்டுவிட்டு வெளியே எல்லாம் தெரிந்த ஏகாம்பரம் போல் பேசுபவர்கள் மிக மிக அதிகம். அவரிடம் அவர் கேள்வியாக கேட்டதை தாண்டி ஒரு விஷயம் அதிகம் கேட்டாலோ அல்லது ஒரு புள்ளிவிவரம் கேட்டாலோ கூறமாட்டார். ஒன்றும் இல்லை உதாரணமாக கோவிலில் ஆகம முறைப்படி பூஜை செய்யவில்லை என்று நொட்டை சொல்லுவோரிடம் எத்தனை ஆகம முறைகள் உள்ளன என்று கேட்டால் கூட கூற திராணி அற்று இருப்பார்கள். இவர்கள் குறைக்கூடம். கூத்தாடத்தான் உதவும். 

கேள்வியாக ஒரு செய்தியை பெற்றுக்கொள்வதில் தவறில்லை. ஏனெனில் அது என்றோ ஒருநாள் நமக்கு உதவும். அல்லது பிறருக்கு ஒரு வழிகாட்டியாக இருக்கவும் உதவும். ஆனால் ஆராய்ந்து அறிந்துக்கொள்ளாமல் அதில் வித்தகன் போன்று பேசினால் நம் பேதைமை வெளிப்பட்டுவிடும். 

மேலும் கேள்வியாக பெரும் அறிவை அப்படியே ஏற்றுக்கொள்ளலாமல் தன்னுடைய அறிவையும் பயன்படுத்தி ஆராயவேண்டும். "எப்பொருள் யார்யார்வாய் கேட்பினும் அப்பொருள் மெய்ப்பொருள் காண்பது அறிவு" என்பது கேள்விக்கும் பொருந்தும். அப்பொழுது தான் பிழையாக  கற்றிருந்தால் அவற்றை நீக்க முடியும்.

சொல்லிக்கொடுக்காமலேயே, ஒர் இசைச்சூழலில் வளரக்கூடிய சிலருக்கு இசைத் தானாகவே அவர்களிடத்தில் ஊறிவிடுகிறது. கல்வி கற்பிக்கப்படும் இடங்களில் இருப்பவர்களும் கூட தாமாகவே சில செய்திகளை அறிந்திருப்பதை பார்க்கலாம்.

“கல்வியில் பெரியன் கம்பன்” என்ற வழக்கு இருப்பதினாலேதான், “கம்பன் வீட்டுக் கட்டுத்தறியும் கவிபாடும்” என்ற வழக்கும் வந்தது. இந்த வழக்கிலே காணவேண்டியது,  அஃறிணைப் பொருளுக்கும் அறிவு இருக்கும், கற்றவர்களை அணுகி இருந்தால் என்பதுதான்.

மேலும்: அஷோக் உரை

ஒப்புமை
”உறழா மயங்கி உறழினும் என்றும்
பிறழா பெரியோர்வாய்ச் சொல்” (பு.வெ.167)


இந்திய மரபினைப் பொறுத்தவரை கற்றலுக்கான இடத்தினை விடக் கேட்டலுக்கான இடம் முக்கியமானது.கற்றலைக் கொண்டு கேட்டலை நிலைநிறுத்தும் பணியையே மரபு முன்னர் பெரும்பாலும் செய்தது.கேட்டல் என்பது தன் தரப்பினைப் பற்றிய அனைத்தும் அறிந்த தகுதியுடைய சீடனிடம் கற்றறிந்த குரு உரைப்பது.கேட்பவனின் தகுதியும் சொல்பவரின் தகுதியும் சரியான பாதையினைத் திறந்து விடும். மாறாகக் கற்றல் என்பதோ அதைச் செய்ய முயலும் அனைவருக்குமான பொதுத்தளத்தினை உருவாக்கிக் கொடுப்பது.அதற்கான நெறிமுறைகளை மட்டுமே கொண்டது.கற்றலுக்குத் தேவையான தகுதிகள் கேட்டலுக்குத் தேவையான தகுதிகளுக்கு முற்றிலும் மாறுபட்டவை. அறிவு என்பதே கேட்டலின் வழியாகவே நிலைநிறுத்தப்பட்ட காலம் சென்ற நூற்றாண்டில்தான் மாறியது.அதுவரை கேட்டலின் வழியாக வந்தடைந்த அறிவினைக் கற்றலின் வழியாக பயில முயன்று இரண்டுக்கும் உரிய வேறுபாடுகளைக் கைக்கொள்ளாமல் சொற்பொருட்பேதத்தால் அதன் மாளாச் சுழலுக்குள் சிக்கிய நபர்கள் உண்டு.

பரிமேலழகர் உரை
பிழைத்து உணர்ந்தும் பேதைமை சொல்லார் - பிறழ உணர்ந்த வழியும், தமக்குப் பேதைமை பயக்குஞ் சொற்களைச் சொல்லார், இழைத்து உணர்ந்து ஈண்டிய கேள்வியவர்- பொருள்களைத் தாமும் நுண்ணியதாக ஆராய்ந்தறிந்து அதன்மேலும் ஈண்டிய கேள்வியினை உடையார்.
('பிழைப்ப' என்பது திரிந்து நின்றது. பேதைமை : ஆகுபெயர். ஈண்டுதல் : பலவாற்றான் வந்து நிறைதல். பொருள்களின் மெய்ம்மையைத் தாமும் அறிந்து, அறிந்தாரோடு ஒப்பிப்பதும் செய்தார் தாமத குணத்தான் மயங்கினர் ஆயினும், அவ்வாறல்லது சொல்லார் என்பதாம். இவை நான்கு பாட்டானும் கேட்டார்க்கு வரும் நன்மை கூறப்பட்டது.).

மணக்குடவர் உரை
ஒரு பொருளைத் தப்ப உணர்ந்தாலும், அறிவின்மை யாயின சொல்லார், ஆராய்ந்துணர்ந்து நிரம்பிய கேள்வியை யுடையார். இது கேட்டறிந்தார் அறியாமை சொல்லா ரென்றது.

மு.வரதராசனார் உரை
நுட்பமாக உணர்ந்து நிறைந்த கேள்வியறிவை உடையவர், ( ஒரு கால் பொருள்களைத்) தவறாக உணர்ந்திருந்தாலும் பேதைமையானவற்றைச் சொல்லார்.

சாலமன் பாப்பையா உரை
நுண்ணிதாக ஆராய்ந்து அறிந்து, கேள்வி ஞானத்தால் நிறைந்தவர், பிழைபட உணர்ந்தபோதும், அறிவற்ற சொற்களைச் சொல்லமாட்டார்.

English Meaning - As I taught a kid - Rajesh
Listening and learning from others is important and valuable. At the same time, when we listen and learn from others, we might have learnt it wrongly or we might have been taught wrongly. Hence, irrespective of what we have learnt, we will not talk or teach something wrong/stupid to others and expose our ignorance/stupidity. Hence, when we learn from others, we should go beyond that. We should analyze it, question it, read it, verify the facts if required, debate and achieve the true understanding and sharpen our knowledge. Because that is the process of listening from others and learning.

Questions that I ask to the kid
1) What should you do and not do after you listen and learn from others? Why?
2) Can you trust what you learn from others by listening? If so, what should you do and what you should not do? Why?

செவியுணவிற் கேள்வி யுடையார் அவியுணவின்

குறள் 413
செவியுணவிற் கேள்வி யுடையார் அவியுணவின்
ஆன்றாரோ டொப்பர் நிலத்து
[பொருட்பால், அரசியல், கேள்வி]

பொருள்
செவி காது; கேட்கை; பாத்திரத்தின்காதுவளையம்; வீணையின்முறுக்காணி; ஓரங்குலமழை.

உணவு - சோறு; உணவுப்பொருள்; மழை

கேள்வி - கேட்டல்; கற்கை; வினா; நூற்பொருளைக்கற்றறிந்தவர்; சொல்வதைக்கேட்டல்; கல்வி; சத்தம்; வேதம்; நூல்; சொல்; அறிக்கை; விசாரணை; இசைச்சுருதி; ஏலம்கேட்டல்; யாழ்

உடையார் - உடையவர்கள் ; uṭaiyār   n. id. Hon. pl. 1.Lord, master; சுவாமி உடையார் . . . திருவிழாவில் (S.I.I. ii, 306). 2. Title of certain castesof cultivators; சிலசாதியாரின் பட்டப்பெயர் 3.A village official in North and East Ceylon;இலங்கையில் ஒரு கிராம உத்தியோகஸ்தன் 4. Pl.The rich, as those who have world's goods;செல்வர். உடையார்மு னில்லார்போல் (குறள், 395).

அவி -  வேள்வித்தீயில்இடும்கடவுளர்க்குரியஉணவு; உணவு சோறு நெய் நீர் ஆடு கதிர் கதிரவன் காற்று மேகம் மலை மதில் பூப்பினள்

உணவின் - உணவு -  சோறு; உணவுப்பொருள்; மழை

ஆன்று - நிறைந்து:விரிந்து; நீங்கி.

ஆன்றார் -  அறிஞர்; தேவர்:பெரியோர்:பண்புள்ளோர்.

ஆன்றாரொடு - அறிஞர் உடன்

ஒப்பர் -
ஒப்பு - பொருத்தம்; ஒருதன்மை; ஒப்புமை; உவமை; தகுதி; சமம்; இசைவு; அழகு; கவனம்; ஒப்பாரி; சாயல்; உடன்படுகை.

நிலத்து - நிலம் - தரை; மண்; பூமி; இடம்; வயல்; பதவி; நிலத்திலுள்ளார்; எழுத்துஅசைசீர்களாகியஇசைப்பாட்டின்தானம்; விடயம்; மேன்மாடம்; கள்ளிவகை.

முழுப்பொருள்
நம் செவியிற்கு இடப்படும் உணவென்பது கேள்விச்செல்வம். அது வானுலகத்தோர்க்கு வேள்வியில் இடப்படும் அவியை போன்றதாகும். இப்பூமியில் வேள்விகளை நடத்தும் பொழுது அவியினை உணவாக தேவர்களுக்குப் படைப்பார்கள் மானிடர்கள். அந்த அவியனை உண்டு இவ்வுலகத்திற்கு நன்மை செய்வார்கள் தேவர்கள். வானுலகத்தவர்களுக்கு உணவில்லையா என்ன? ஆனால் அவர்களுக்கு கொடுக்கப்படும் உணவை அவர்கள் ஏற்றுக்கொள்கிறார்கள். உணவை அளித்ததனால் பயனும் கிட்டிற்று. அதுமட்டுமின்றி வேள்வி எனப்படுவது வேதங்கள் ஒலிக்கும் இடம். வேதங்கள் ஞானத்தின் ஊற்று. அவி என்பது அனலை வளர்ப்பதற்கு. வேள்வியில் நெருப்பு வளர வளர மாசுகள் அழிந்துவிடும். நெருப்பைப் போல் பசிக்கொண்டது வேறேதுமில்லை.  கேள்விச்செல்வமும் இந்த வெளியில் இடப்படும் அவியைப் போன்றது தான். அது வளர்ந்துக்கொண்டே இருக்கும். வேள்வியை பற்றியும் அதில் இடப்படும் அவியைப் பற்றியும் கீழ்க்காணும் பத்திகளில் அறிந்து அதனை கேள்விச்செல்வதுடன் ஒப்பிட்டு கேள்வியின் சிறப்பை உணர்க.

வேள்வியை பற்றி [வெண்முரசு - நூல் ஐந்து – பிரயாகை – 21]
நெருப்பின் பசிக்கு அளவே இல்லை. அதை உணவு அணைக்கமுடியாது. உண்ணும்தோறும் வளரும் பசி என்றால் நெருப்பு மட்டுமே. நெருப்பைவிட ஆற்றல்மிக்க ஏதும் இப்புவியில் இல்லை. பிரம்மத்தின் புன்னகை ஒளி என்றால் அதன் சினமே நெருப்பு. வெண்ணிற நெருப்பு இன்னும் அழுத்தமானது. செந்நிற நெருப்பு தன்னை நெருப்பென காட்டிக்கொள்கிறது. வெண்ணிற நெருப்பு அதில் எரிபவர்களுக்கு மட்டுமே தெரியும் வெம்மைகொண்டது. இப்புவியில் உள்ள அனைத்தும் இருத்தல் கொண்டவை. ஒன்றே ஒன்றுதான் அழிதலே இருப்பாகக் கொண்டது. காலத்தையும் வெளியையும் சுமந்துகொண்டிருக்கின்றன அனைத்தும். நெருப்போ அவற்றை ஒவ்வொரு கணமும் உதறிக்கொண்டிருக்கிறது. நெருப்பென்றால் என்ன என்று எண்ணினீர்கள்? நெருப்பென்றால் நெளிவு. மாட்டேன் மாட்டேன் என உதறும் விரைவு. வேண்டாம் வேண்டாம் என மறுக்கும் திமிறல். சொல்லப்போனால் இங்கே உள்ளவை இரண்டே. நெருப்பும் நெருப்பு அல்லாதவையும். நெருப்பல்லாத அனைத்தையும் உண்ணுவதே நெருப்பின் இயல்பென்பதனால் பசியும் உணவுமன்றி இங்கு ஏதும் இல்லை. நெருப்பை அன்றி மானுடன் அறிவதற்கேதுமில்லை இங்கே. நெருப்பை வளர்ப்பதுபோல புனிதமானது ஏதுமில்லை. நெருப்புக்கு அவியிடுவதைப்போல மகத்தானது ஏதுமில்லை. நெருப்பில் மூழ்கி அழிவதுபோல முழுமையும் வேறில்லை. அவி என்பது அனலை வளர்ப்பதே என்று அறிக.

மேலும் அவியை  பற்றி [வெண்முரசு  நூல் ஆறு – வெண்முகில் நகரம் – 11]
பிரம்மனின் காமமே அக்னிதேவன் என்கின்றன நூல்கள். மாளாப் பெருங்காமத்தின் அனலே அக்னி. ஆயிரம் நாக்குகளால் ஆன ஒளி. தொட்டுத்தொட்டுத்தாவும் துடிப்பு. உச்சம் கொண்டு அந்தரத்தில் எழுந்து நிற்கும் விசை. அணைந்து புகைந்து கருகி மறைகையிலும் எங்கோ தன் பொறியை விட்டுச்செல்பவன். குளிர்ந்திருக்கும் அனைத்திலும் உள்நின்று எரிபவன். அமைந்திருக்கும் அனைத்திற்குள்ளும் தழலாடும் தனியன்.
ஏழுமுனிவரும் பங்குகொண்ட பெருவேள்வி ஒன்றில் மூன்று எரிகுளங்களிலாக எழுந்து பொன்னொளியுடன் நின்றாடினான் எரியிறை. அக்னியின் முன் அத்தனை பெண்களும் அழகிகளாகிறார்கள். அங்கிரஸின் அறத்துணைவி சிவை பேரழகியாக சுடர்ந்தாள். அவளை நோக்கி நா நீட்டி தவித்தாடியது நெருப்பு. அதன் நடனத்தை எதிரொளித்து தழலாடியது அவள் உடலின் மென்மை.
எரிந்து எரிந்தமைந்தது எரியிறையின் காமம். அதில் தெறித்த பொறி பறந்துசென்று அருகே ஒரு காய்ந்த மரத்தை பற்றிக்கொண்டு வானோக்கி இதழ் விரித்து பெருமலராகியது. ஒன்றிலிருந்து ஒன்றென பற்றி எரிந்துகொண்டே இருந்தான் அக்னிதேவன். அவன் காமத்தில் அவியாகி அழிந்தது காய்ந்து நின்றிருந்த மலைச்சரிவின் காடு.

கம்பர் நாட்டுப்படலத்தில் (15), “மருந்தினும் இனிய கேள்வி செவியுற மாந்துவாரும்” என்று கேள்வியை நோயறுக்கும் மருந்தைவிட சிறந்தது என்கிறார்.

“அவியுணவினோர் புறங்காப்ப” (புறநா.377:5)

மேலும்: அஷோக் உரை


பரிமேலழகர் உரை
செவி உணவின் கேள்வி உடையார் - செவியுணவாகிய கேள்வியினை உடையார், நிலத்து அவியுணவின் ஆன்றாரொடு ஒப்பர் - நிலத்தின்கண்ணர் ஆயினும் அவியுணவினையுடைய தேவரோடு ஒப்பர்.
(செவி உணவு : செவியான் உண்ணும் உணவு. அல்வழிக்கண் வந்த இன்சாரியையது னகரம் வலிந்து நின்றது. அவியாகிய உணவு - தேவர்க்கு வேள்வித் தீயில் கொடுப்பன. அறிவான் நிறைந்தமையான் 'ஆன்றார்', என்றும், துன்பம் அறியாமையான் தேவரொடு ஒப்பர் என்றும் கூறினார். இதனான் அதனை உடையாரது சிறப்புக் கூறப்பட்டது.).

மணக்குடவர் உரை
செவிக்கு உணவு போன்ற கேள்வியை யுடையவர் நிலத்தின் கண்ணே யிருப்பினும் அவியை யுணவாக வுடைய தேவரோடு ஒப்பர்.

மு.வரதராசனார் உரை
கற்றவரின் செவியுணவாகிய கேள்வி உடையவர் நிலத்தில் வாழ்கின்றவரே ஆயினும் அவி உணவைக் கொள்ளும் தேவரோடு ஒப்பாவார்.

சாலமன் பாப்பையா உரை
செவி உணவாகிய கேள்வியைப் பெற்றிருப்பவர் இப்பூமியில் வாழ்பவரே என்றாலும், வேள்வித் தீயில் கொடுக்கப்படும் நெய் முதலிய உணவைப் பெறும் விண்ணுலகத் தேவர்க்குச் சமமாவர்.

செவுக்குண வில்லாத போழ்து

குறள் 412
செவுக்குண வில்லாத போழ்து சிறிது
வயிற்றுக்கும் ஈயப் படும்
[பொருட்பால், அரசியல், கேள்வி]

பொருள்
செவிக்கு - காது; கேட்கை/கேள்வி; பாத்திரத்தின்காதுவளையம்; வீணையின்முறுக்காணி; ஓரங்குலமழை

உணவு - சோறு; உணவுப்பொருள்; மழை

இல்லாத - இல்லை, வறுமை
இல்லாத்தனம் - illā-t-taṉam   * n. இல்² +.Poverty, destitution; தரித்திரம்

போழ்து - பொழுது, காலம்; தக்கசமயம்; வாழ்நாள்; கணம்; சிறுபொழுதுபெரும்பொழுதுகள்; சூரியன்

சிறிது - அற்பம், சிறு-மை. That whichis small, trifling or insignificant; அற்பமானது.

வயிற்றுக்கும்  - (stomach)உதரம்; கருப்பப்பை; நடுவிடம்; உள்ளிடம்; மனம்.

ஈயப்படும் -  ஈ - (வி)ஈயென்ஏவல்; பகிர்ந்துகொடு; தா, சொரி

முழுப்பொருள்
அறிவானவற்றை செவிகள் கேட்டுக்கொண்டு இருப்பதே எக்காலமும் ஒருவரின் செயலாக இருக்க வேண்டும். ஆதலால் செவிக்கு(கேள்விக்கு) உணவு இல்லாத நேரத்தில் சிறிது அளவு உணவு இந்த வயிற்றுக்கு கொடுக்கலாம் என்கிறார் திருவள்ளுவர். "வயிற்றுக்கும் ஈயப்படும்" என்று மட்டும் கூறி இருக்கலாம். ஆனால் "சிறிது" என்று கூறியதால் இங்கே உணவு எடுத்துக்கொள்ளவேண்டிய (சிறு) அளவு மற்றும் உணவுக்காக நாம் எடுத்துக்கொள்ளவேண்டிய (சிறு) காலம் ஆகியவற்றை திருவள்ளுவர் கூறுவதையும் நாம் விளங்கிக்கொள்ளவேண்டும். 

மேலும் ஒருவருக்கு கற்று உணர்ந்து நடந்து சான்றோன் ஆவதே செயலாகும். வீணாக தேவைக்கு அதிக உணவை உண்டு சோம்பலை வளர்த்து மனதை மற்ற இச்சைகளுக்கு அடிமையாக்குவது சிறுமையாகும். 

மேலும்
வயிற்றுக்கு ஈயப்படும் உணவு “சிறிது” என்றது, அதிகமாயின், நோயும், காமமும் பெருகுதலால், என்கிறார் பரிமேலழகர். காமம் என்பது “இச்சை” என்பதனால், உடம்பை வளர்க்க இச்சைகளே வளரும், அறிவு வளராது என்பதனால் “சிறிது” என்ற சொல் அழுத்தம் பெறுகிறது.
ஆனால் திருமூலர், உடம்பைப் பேணுதலினை முக்கியமாகச் சொல்லுகிற இப்பாடலைப் பார்ப்போம்.
‘‘உடம்பாற் அழியின் உயிரால் அழிவர்
திடம்பட மெய்ஞ்ஞானம் சேரவு மாட்டார்
உடம்பை வளர்க்கும் உபாயம் அறிந்தே
உடம்பை வளர்த்தேன் உயிர் வளர்த்தேனே!
இப்பாடலில் “சுவரை வைத்துத்தான் சித்திரம் எழுதவேண்டும்” என்கிற பழமொழிக்கேற்ப, உடம்பைப் பேணுதலை வலியுறுத்துகிறார்.  உடம்பால் அழியின், உயிரால் அழிந்து, திடம்பட மெய்ஞானம் சேரவும் மாட்டார்” என்று சொல்லி, கூடவே உடம்பை வளர்பது ஒரு உபாயம் என்கிறார்.  அந்த உபாயம்தான் வள்ளுவர் “சிறிது” என்பதோ? மற்றொரு பழமொழி, “உதியம் பெருத்தால் உத்திரத்துக்குக்கூட ஆகாது, சரீரம் பெருத்தாலும் அது மாதிரிதான்” என்று கூறுவதிலிருந்து, உடம்பை பெருக்காமால் திட்டமாக வைத்துக்கொள்வதே நல்லது தெரிகிறது

மேலும்: அஷோக் உரை

பரிமேலழகர் உரை
செவிக்கு உணவு இல்லாத போழ்து - செவிக்கு உணவாகிய கேள்வி இல்லாத பொழுது, வயிற்றுக்கும் சிறிது ஈயப்படும் - வயிற்றுக்கும் சிறிது உணவு இடப்படும்.
(சுவை மிகுதியும் பிற்பயத்தலும் உடைய கேள்வி உள்ளபொழுது வெறுக்கப்படுதலான் 'இல்லாத போழ்து' என்றும், பெரிதாயவழித்தேடல் துன்பமேயன்றி நோயும் காமமும் பெருகுதலான் சிறிது என்றும் அதுதானும் பின்இருந்து கேட்டற்பொருட்டாகலான் 'ஈயப்படும்' என்றும் கூறினார். ஈதல், வயிற்றது இழிவு தோன்ற நின்றது. இவை இரண்டு பாட்டானும் கேள்வியதுசிறப்புக் கூறப்பட்டது.).

மணக்குடவர் உரை
செவிக்கு உணவாகிய கேள்வி யில்லாதபோது வயிற்றுக்கும் சிறிது உணவு கொடுக்கத் தகும். பெருக உண்ணின் கேள்வியை விரும்பாது காமநுகர்ச்சியை விரும்புமாதலான், சிறிது என்றார். இஃது எல்லாக்காலமும் கேட்க வேண்டு மென்றது.

மு.வரதராசனார் உரை
செவிக்கு கேள்வியாகிய உணவு இல்லாத போது (அதற்க்கு துணையாக உடலை ஒப்புமாறு) வயிற்றுக்கும் சிறிது உணவு தரப்படும்.

சாலமன் பாப்பையா உரை
செவிக்கு உணவாகிய கேள்வி கிடைக்காதபோது, வயிற்றுக்கும் சிறிது உணவு இடப்படும்.

செல்வத்துட் செல்வஞ் செவிச்செல்வம்

குறள் 411
செல்வத்துட் செல்வஞ் செவிச்செல்வம் அச்செல்வம்
செல்வத்து ளெல்லாந் தலை
[பொருட்பால், அரசியல், கேள்வி]
(For meaning in English, scroll to the bottom of this post)

பொருள்

செல்வம்  - கல்வி; அழகு; செழிப்பு; நுகர்ச்சி; துறக்கம்(சுவர்க்கம்), ஐசுவரியம்; மகளிரின்கொஞ்சற்பேச்சு.

செல்வத்துள் - எல்லா செல்வங்களிலும்

செல்வம் - செல்வம் எனப்படும்

செவிச்செல்வம் - கேள்வியறிவாகிய ஐசுவரியம்

அச்செல்வம் - அந்த செல்வம்

செல்வத்துள் - செல்வங்களிலும்

எல்லாம் - எல்லாவற்றிலும்

தலை - சிரம்; முதல்; சிறந்தது; வானம்; இடம்; உயர்ந்தோன்; தலைவன்; உச்சி; நுனி; முடிவு; ஒப்பு; ஆள்; தலைமயிர்; ஏழாம்வேற்றுமைஉருபு; ஓர்இடைச்சொல்; மேலே; தபால்கடிதத்தில்ஒட்டும்முத்திரைத்தலை; தலையோடு

முழுப்பொருள்
முந்திய அதிகாரத்தில் கல்வியின் சிறப்பை திருவள்ளுவர் கூறியிருப்பார். ஆனால் முறையான கல்வியானது அவ்வளவு எளிதாக எல்லோருக்கும் கிடைத்தும் விடாது ஏனெனில் நன்கு கற்று உணர்ந்து தெளிந்து பிறர்க்கு கற்பிக்கும் ஆற்றல் கொண்ட குருமார்களும் மிக குறைவே. அது மட்டும் அல்லாமல் ஒருவருக்கு கற்கும் வாய்ப்புகள் இடம், சூழல், பொருளாதார நெருக்கடிகளால் வாய்க்காமல் போகும். 

ஆனால் நமது சமுதாயத்தில் கல்வியினை பல வடிவங்களாக செதுக்கியுள்ளனர். அவற்றில் சில - கதை சொல்லி வடிவங்கள் - கதாகாட்சேபம், நாட்டாற்கலைகள் (உதாரணம்: கூத்து, வில்லுப்பாட்டு), நாட்டியம், வாய்ப்பாட்டு இசை. நவின காலத்தில் சொற்பொழிவுகள், பட்டிமன்றங்கள், விவாதங்கள். இவை மிக எளிதாக அல்லது முயன்றால் எளிதாக அடையகூடியவையே. சொல்லப்போனால் நமது பாட்டியும் தாத்தாவும் நல்ல கதைசொல்லிகளாக இருப்பார்கள். அவர்கள் கூறும் பழமொழிகளுக்கு அவ்வளவு அர்த்தம் உண்டு.

படிக்காமல் செவி வழியே பெறப்படும் இந்த கல்வியானது கேள்விச்செல்வம் ஆகும். ஏடுகள் கூட (இயற்கை சீற்றங்கள், தீ, வெள்ளம், புயல் போன்ற) ஒரு பயங்கரத்தால் அழியக்கூடும். ஆனால் பல சந்ததினியரை கடந்து வந்த கதைகளானது அவ்வளவு எளிதாக அழியாது. (அழிவு நிலையில் இருந்த ஒரு மொழி வெகு சிலரின் உயிருடன் இருந்ததனால் சில ஆண்டுகளில் மீட்டெடுக்கப்பட்ட உண்மை வரலாறும் உண்டு). அத்தகைய கதைகள் மிகவும் செறிவான முக்கியமான கதைகளாகும். உதாரணமாக ஓவ்வொரு ஆண்டும் கோடிக்கணக்கான புத்தகங்கள் வெளியாகின்றன. ஆனால் ஒரு சிலநூல்கள் மட்டுமே அடுத்த பத்து ஆண்டுகள் கழித்து நிலைத்து நிற்கும். நூறு ஆண்டுகள் கழித்து நூறு சிறந்த நூல்களில் ஒன்று இரண்டே எஞ்சும் என்று சொல்லலாம். இதிகாச தன்மை அளவின்றிபெற்ற மகாபாரதமும் இராமாயணம் போன்ற காப்பியங்கள் இன்றளவும் மக்கள் மனதிலும் புழக்கத்திலும் இருப்பதற்கு காரணம் அவை செவி வழியே பல தலைமுறைகளுக்கு கடத்தப்பட்டு உள்ளன. எழுத்தினூடாக வெகு சிலருக்கு மட்டுமே கடத்தப்பட்டு உள்ளன. பல இடங்கில் இவ்வெழுத்து செவ்செல்வத்திற்கு மூலமாக இருக்கும். அதலால் எழுத்தும் முக்கியம்.

அது மட்டும் இன்றி எழுத்து வடிவம் இலக்கணங்களுக்கு கட்டுப்பட்டவை. நவினுத்துவம் பின்நவினுத்துவம் என்று பல வடிவங்கள் வந்தாலும் அவை காலத்திற்கு ஏற்ப மாறுவதற்கு நேரம் ஆகும். விளங்கிக்கொள்ளவும் நேரமாகும். ஆதலால் தான் என்னவோ குறுந்தொகை, புறநானூறு போன்ற சங்கயிலக்கியங்களை கற்க ஆற்றலும் அறிவும் தேவை. ஆனால் வாய்வழியே கூறப்படும் கதைகள் இன்றைய காலத்திற்கேற்ப சில ஆண்டுகளில் தன் மொழியினை உருமாற்றிக்கொள்ளும். அதலால் அது மக்களால் எளிதாக உள்வாங்கிக்கொள்ள முடிகிறது.

ஆதலால் இத்தகைய செவிச்செல்வம் மிகவும் சிறந்த செல்வமாகும். அது மட்டும் இன்றி செவிச்செல்வத்திற்கு அடிப்படையான கட்டமைப்புகளை (பாட்டி தாத்தா கதை சொல்லுதல், நாட்டாற்கலைகள், பழமொழிகள்) போற்றி பாதுகாக்க வேண்டிய மிகவும் முக்கியத்துவமானது அவசியமானது.

இடைச்செருகல்:
செவிக்கு நாம் கொடுப்பது செல்வம் என்று நினைத்து நாம் செவிக்கு செல்வத்தை கொடுத்தால் நாம் எவ்வளவு மேன்மை அடைய முடியும் என்பதை உணரமுடியும். ஆதலால் நாம் கேட்கும் நிகழ்ச்சிகள், காணொளிகள், youtube காணொளிகள் ஆகியவற்றை தேர்ந்தெடுத்து கேட்போம். 

கேட்போர்க்கு ‘செல்வத்துள் செல்வம் செவிச்செல்வம்’ என்று கூறியதால் தான் பேசுவோர்/சொல்வோர்க்கு ‘குறள் 198 அரும்பயன் ஆயும் அறிவினார் சொல்லார் பெரும்பயன் இல்லாத சொல் ’ என்று கூறியுள்ளார் திருவள்ளுவர். 

மேலும், மேடை என்பது ஏதோ ஒருவகையில் அறிவை (செல்வத்தை) கொடுக்கும் இடம் ஏனெனில் மற்றவர் செவிகளை நம்மிடம் ஒரு 30-60 நிமிடங்கள் கொடுக்கின்றனர். அதனை உணர்ந்து மேடையில் இருப்போர் பேசவேண்டும். மேடைகளை நகைச்சுவை மன்றம்போல், whatsapp பல்கலைகழக ஒலிபெருக்கிகள் போல் ஆக்கிவிட கூடாது. 

மேலும்: அஷோக் உரை
கற்றலின் கேட்டலே நன்று என்ற வழக்குமொழியொன்று உண்டு, மற்றெந்த கலாச்சாரத்திலும் இல்லாத கதைச்சொல்லிப் பாரம்பரியம் நமது நாட்டிலே உண்டு. பாரத நாடு முழுவதும், ஹரிகதை, இலக்கியச் சொற்பொழிவுகள் என்று வாழ்க்கை உண்மைகள் புராண, இதிகாச, சரித்திரக்கதைகள் வாயிலாக மக்களுக்குச் சொல்லிவந்திருப்பதாலே, அடிப்படை ஒழுக்க உணர்வினை நம் நாட்டுமக்களுக்குப் புகுத்திவந்திருக்கிறார்கள்.


அதனாலேயே கேட்டல் என்பது அறிவு சார்ந்த செய்திகளை, படித்து, புரிந்துகொள்வதைவிட மிகவும் எளிதாகச் சாதிக்கிறது. கண்கள் பதிவு செய்வதைவிட காதில் விழும் ஒலிவடிவங்கள் மூளையை மிகவும் எளிதாக அடைகின்றன. கலைகளிலே மிகவும் கடினமான, சொற்களில் எழுதி, சொல்லி விளக்கமுடியாத இசைக்கலைக்கூட ஒலிவடிவமாகவே அறியப்படுகிறது, கற்கப்படுகிறது, சுருதி என்று அழைக்கப்படும் வேதமானது, எழுதாக்கிளவி எனப்படும். ஆயிரக்கணக்கான வருடங்களாகச் செவிவழியான கேள்வி மரபிலேயே பல சந்ததியினர்களைத்தாண்டி, இன்னும் பாதுக்காக்கப்பட்டுவருவதும் கூட இதனால்தான்

இந்திய மரபினைப் பொறுத்தவரை கற்றலுக்கான இடத்தினை விடக் கேட்டலுக்கான இடம் முக்கியமானது.கற்றலைக் கொண்டு கேட்டலை நிலைநிறுத்தும் பணியையே மரபு முன்னர் பெரும்பாலும் செய்தது.கேட்டல் என்பது தன் தரப்பினைப் பற்றிய அனைத்தும் அறிந்த தகுதியுடைய சீடனிடம் கற்றறிந்த குரு உரைப்பது.கேட்பவனின் தகுதியும் சொல்பவரின் தகுதியும் சரியான பாதையினைத் திறந்து விடும். மாறாகக் கற்றல் என்பதோ அதைச் செய்ய முயலும் அனைவருக்குமான பொதுத்தளத்தினை உருவாக்கிக் கொடுப்பது.அதற்கான நெறிமுறைகளை மட்டுமே கொண்டது.கற்றலுக்குத் தேவையான தகுதிகள் கேட்டலுக்குத் தேவையான தகுதிகளுக்கு முற்றிலும் மாறுபட்டவை. அறிவு என்பதே கேட்டலின் வழியாகவே நிலைநிறுத்தப்பட்ட காலம் சென்ற நூற்றாண்டில்தான் மாறியது.அதுவரை கேட்டலின் வழியாக வந்தடைந்த அறிவினைக் கற்றலின் வழியாக பயில முயன்று இரண்டுக்கும் உரிய வேறுபாடுகளைக் கைக்கொள்ளாமல் சொற்பொருட்பேதத்தால் அதன் மாளாச் சுழலுக்குள் சிக்கிய நபர்கள் உண்டு.

பரிமேலழகர் உரை
செல்வத்துள் செல்வம் செவிச்செல்வம் - ஒருவருக்குச் சிறப்புடைய செல்வமானது செவியான் வரும் செல்வம், அச்செல்வம் செல்வத்துள் எல்லாம் தலை - அச்செல்வம் பிற செல்வங்கள் எல்லாவற்றினும் தலையாகலான்.
( செவியான் வரும் செல்வம் - கேள்வியால் எல்லாப் பொருளையும் அறிதல். பிற செல்வங்கள் - பொருளால் வருவன. அவை நிலையா ஆகலானும், துன்பவிளைவின ஆகலானும், இது தலையாயிற்று. அவற்றை ஒழித்து இதனையே செய்க என்பது குறிப்பெச்சம்.) .

மணக்குடவர் உரை

ஒருவற்குச் சிறப்புடைய செல்வமானது செவியான் வருஞ் செல்வம்: அச்செல்வம் பிறசெல்வங்க ளெல்லாவற்றினும் தலையாகலான்.

மு.வரதராசனார் உரை

செவியால் கேட்டறியும் செல்வம், செல்வங்களுள் ஒன்றாகப் போற்றப்படும் செல்வமாகும், அச் செல்வம் செல்வங்கள் எல்லாவற்றிலும் தலையானதாகும்.

சாலமன் பாப்பையா உரை

செவியால் கேட்டுப் பெறும் செல்வமே சிறந்த செல்வம்; இது பிற செல்வங்கள் எல்லாவற்றிலும் முதன்மையானது.


Thirukkural - Management - Listening
A universal complaint against every one of us is, 'They don't listen.’ Leaving out 'self,’ every other person is 'they.’ Putting the blame on others or passing the buck to others is an easy task. Even if we listen, most of the time we listen to respond rather than to listen to understand. 

Kindly check whether you are an attentive, active, and empathic listener. “Too many people take listening skill for granted. They confuse hearing with listening.  What is the difference? Hearing is merely picking up sound vibrations. Listening is making sense out of what we hear. That is., listening requires paying attention, interpreting,  and remembering sound stimuli,” (Robbins,2001).

Valluvar highlighted the importance of listening in Kural 411.

he wealth of wealth is the ear.
Tat wealth out tops all else.

Among all the wealth, the greatest wealth is listening. Listening is a supreme wealth. What has 
convinced Valluvar to confirm that listening is the best wealth among all the other wealth? There 
are many benefits of effective listening. 

English Meaning - As I taught a kid - Rajesh
Among all wealth's that we gain, the knowledge we gain by listening to good things is the best wealth.  Remember, we can gain wealth by listening (to good things). So choose what you want to listen to. Avoid listening to craps, gossips, polarized news, hatred, politics etc

Questions that I ask to the kid
Which is the best wealth among all the wealth?

எனைத்தானும் நல்லவை கேட்க

குறள் 416
எனைத்தானும் நல்லவை கேட்க அனைத்தானும்
ஆன்ற பெருமை தரும்.
[பொருட்பால், அரசியல், கேள்வி]
(For meaning in English, scroll to the bottom of this post)

பொருள்
எனை - eṉai   adv. என் What, why;என்ன.  , eṉai   எ³. adj. All; எல்லாம் சுட்டுணர்வெனப்படுவ, தெனைப்பொருளுண்மைகாண்டல் (மணி. 27, 62).--adv. However much;எவ்வளவு. எனைப்பகை யுற்றாரும் (குறள், 207).
தான் - படர்க்கைஒருமைப்பெயர்; தேற்றச்சொல்; அசைச்சொல்; முழுப்புடைவை; குழம்பில் போடப்படும் காய்கறித் துண்டம்; 'அதுவின்றிஇஃதுஒன்று'என்றுபொருள்படுவதோர்இடைச்சொல்.

எனைத்தானும் -  எவ்வளவு சிறிதாயினும்

நல்லவை - நற்செயல்கள்; அறிவு, ஒழுக்கம்முதலியவற்றால்உயர்ந்தோர்சபை; நியாயம்பேசுவோர்சபை.

கேட்க - செவி வழியாக சான்றோர்களிடமாவது கேளுக
அனைத்தானும் - அந்த அளவில்

ஆன்ற - மாட்சிமைப்பட்ட; பரந்த; அடங்கிய; இல்லாமற்போன.
பெருமை - மாட்சிமை, மிகுதி, வல்லமை, கீர்த்தி, அகந்தை, அருமை, புகழ், பருமை
தரும் - ஈன்றும்

முழுப்பொருள்
எவ்வளவு சிறிதாயினும் சிறிது நேரமாயினும் எவ்வளவு சிறிது பயன் பயக்குமாயினும் நல்லவற்றை செவி வழியாவது கேட்டு கற்தல் வேண்டும். எல்லா நல்ல நூல்களையும் ஒருவரால் கற்க முடியாது. ஆதலால் சிலவற்றை செவி வழியாவது கேட்க வேண்டும்.  இதில் வள்ளுவர் பெரியோர் என்று வயதில் பெரியவரை குறிப்பிடவில்லை ஏனென்றால் எவ்வளவு வயதில் சிறியவர் ஆயினும் அவரிடம் கற்க ஏதாவது இருந்தால் அவரிடம் கற்கலாம். அப்படி சிறிதாயினும் ஒருவர் செவி வழியாக கற்றால் அது அவருக்கு மிகுந்த வல்லமையையும் பயனையும் ஈன்றுத் தரும். 

அது மட்டுமின்றி இங்கே நாம் நோக்க வேண்டிய மற்றோன்று நல்லவை கேட்க வேண்டும் என்று திருவள்ளுவர் சொல்கிறார். தீயவை என்றால் காது கொடுத்துக் கூட கேட்காதே என்றும் பொருள் கொள்ளலாம்.

உதாரணமாக
திருவருட்செல்வர் திரைப்படத்தில், மன்னர் (மன்னராக வருபவர் சிவாஜி கணேசன்) அவர்களுக்கு உள்ள சந்தேகத்தை போக்க ஒரு குழந்தை (குழந்தையாக குட்டி பத்மினி) வந்து பதில் கூறும். அதனை ஏற்றார் அரசர். ஆதலால் அவரால் கேள்விகளுக்கு விடைக்காண முடிந்தது. 

Image result for thiruvarutchelvar kutty padmini


மேலும்: அஷோக் உரை

பரிமேலழகர் உரை
எனைத்தானும் நல்லவை கேட்க - ஒருவன் சிறிதாயினும் உறுதிப் பொருள்களைக் கேட்க, அனைத்தானும் ஆன்ற பெருமை தரும் - அக்கேள்வி அத்துணையாயினும் நிறைந்த பெருமையைத் தரும் ஆகலான்.
('எனைத்து' , 'அனைத்து' என்பன கேட்கும் பொருள்மேலும் காலத்தின்மேலும் நின்றன. அக்கேள்வி மழைத்துளிபோல வந்து ஈண்டி எல்லா அறிவுகளையும் உள ஆக்கலின், 'சிறிது' என்று இகழற்க என்பதாம்.).

மணக்குடவர் உரை
எவ்வளவிற்றாயினும் நல்ல நூல்களைக் கேட்க; அக்கேள்வி அவ்வளவிற்றே யாயினும் நிரம்பின பெருமையைத் தரும். இஃது எல்லாக்காலமுங் கேட்டிலனாயினும், கேட்குங்கால் நல்ல கேட்க வேண்டுமென்றது.

மு.வரதராசனார் உரை
எவ்வளவு சிறிதே ஆயினும் நல்லவற்றைக் கேட்டறிய வேண்டும், கேட்ட அந்த அளவிற்கு அவை நிறைந்த பெருமையைத் தரும்.

சாலமன் பாப்பையா உரை
சிறிது நேரமே என்றாலும் உறுதி தரம் நற்பொருளைக் கேட்க வேண்டும். அதுகூட நிறைந்த பெருமையைத் தரும்.

Thirukkural - Management - Listening
Though listening has its own benefits, we will not become wise just by listening to everything we come across. What gives us an advantage is the things that we listen to. We need to be choosy in our listening. The Kural 416 educates us of what we need to listen.

Listen to the good however little 
And gain that much.

Whatever little we listen to, let that be relevant  so that that will make us learned and wise. That sort of listening will help you learn things better and give you a deep fulfillment.

English Meaning - As I taught a kid - Rajesh
No matter how big or small irrespective of the size of learning,  or its impact, or from whomever we can learn, one should listen and learn from others. Through such numerous small learnings, its cumulative and compound effect would be have a bigger impact in our life and career. Listening and learnings from others is important because 1) We can learn only limitedly from books because we have only limited time 2) We can learn diverse perspectives, experiences, fine-tuning tips, pitfalls from others 3) We don't have to re-invent the wheel, we can build on existing things and move the needle. 

Questions that I ask to the kid
1) Why should listen to and learn from others? What are the benefits?
2) Can we learn everything from books? Why? So, what should we do ?

இழுக்கல் உடையுழி ஊற்றுக்கோல்

குறள் 415
இழுக்கல் உடையுழி ஊற்றுக்கோல் அற்றே 
ஒழுக்க முடையார்வாய்ச் சொல்
[பொருட்பால், அரசியல், கேள்வி]

பொருள்
இழுக்கல் - வழுக்குகை; வழுக்குநிலம்; தளர்வு; தவறுதல்
உடை - ஆடை; செல்வம்; உடைமை; குடைவேலமரம்:சூரியன்மனைவி.
உழி - இடம்; பக்கம்; ஏழனுருபு; பொழுது; அளவு.  3. A particle of place, a form of the seventh case, ஏழனுருபு. (p.) அவன்வந்துழி. Where he came- நான்நடப்புழி. Where I shall walk- மரபுழியுய்த்து. Conducting (him) with de corum- என்னுழிவா. Come to me.
ஊற்றுக்கோல் - ஊன்றுகோல்
அற்றே - அற்று - அத்தன்மையது; அதுபோன்றது; ஓர்உவமஉருபு; ஒருசாரியை.
ஒழுக்கம் - நடை, முறைமை; நன்னடத்தை, ஆசாரம்; சீலம்; உலகம்ஓம்பியநெறி; உயர்ச்சி; தன்மை; குலம்.
உடையார் - உடையவர்கள்

வாய்ச் சொல் - சொல்லும் வாய்ச் சொல்லை கேட்பது (கற்றாலும் கல்லாத போதும்). இங்கே வாய்மையான சொற்கள், சிறப்பு; சிறப்புடையபொருள்

முழுப்பொருள்
வாழ்வில் நன்னடத்தை மூலம் உலகம் ஓம்பிய நெறியினை பின்பற்றி உயர்ச்சி அடைந்த மக்கள் பலர் (சிறு சதவிகிதம் எனிலும் கூட). அத்தகையவர்கள் கூறும் சொல்லானதோ பேச்சுரைகளோ வாழ்க்கையை நல்வழியில் வாழவே பயன்படும். அவர்கள் பலவற்றை கற்று ஆராய்ந்து பின்பற்றியவர்கள். அவர்களிடம் இருக்கும் ஞானம் நாம் கற்கும் கல்வியை விட மேலானதாக இருக்கும் என்று தீர்க்கமாக சொல்ல முடியாவிட்டாலும் அவை நடைமுறைக்கு ஏற்றார் போல் இருக்கும் என்று சொல்ல முடியும். ஆகவே அவற்றை முழு கவனுத்துடன் ஆர்வமுடன் கேட்டு உள்வாங்க வேண்டும். அத்தகைய கேள்விச்செல்வம் மிகுந்த பயனுள்ளது என்று கீழே திருவள்ளுவர் சொல்கிறார்.

ஒருவர் தரையில் நடக்கும் பொழுதோ, மலையில் ஏறும் பொழுதோ வழுக்கி விழும் அபாயங்கள் உண்டு.  அத்தகைய அபாய நிலையில் நாம் சிந்தனை செய்ய சில நொடிகள் கூட இருக்காது. நம் கால்களும் கைகளும் ஊன்ற எதையாவது தேடும். அத்தகைய நிலைகளில் ஒரு ஊன்று கோல் கையில் இருந்தால் அவை பயனுள்ளதாக அமைந்து உயிரை காத்துக்கொள்ள ஏதுவாக இருக்கும். நம் பயணத்தை தொடர முடியும்.

அதுப் போன்று வாழ்வில் சறுக்கும் பொழுது தளரும் பொழுது துன்பங்களை சந்திக்கும் பொழுது சவால்களை சந்திக்க நேரிடும் பொழுது மூத்தோர் ஒழுக்கமுடையோர் சொல் ஊன்று கோல் போல மிகுந்த பயனுள்ளதாக அமையும் என்று திருவள்ளுவர் கூறுகிறார்.

இங்கே கற்றவர் என்றும் கூட கூறியிருக்கலாம். ஆனால் அவர் அப்படி கூறவில்லை. கற்றும் ஒழுக்கம் இல்லை என்றால் என்ன பயன் என்று ஒழுக்கமுடைமை அதிகாரத்தில் கூறியுள்ளார். கல்லாதவர் ஆக இருப்பினும் ஒழுக்கம் உடையவர்களே சான்றோர்.

மேலும்: அஷோக் உரை

பரிமேலழகர் உரை
இழுக்கல் உடை உழி ஊற்றுக்கோல் அற்று = வழுக்குதலையுடைய சேற்று நிலத்து இயங்குவார்க்கு ஊன்றுகோல் போல உதவும்; ஒழுக்கம் உடையார் வாய்ச்சொல் - காவற்சாகாடு உகைப்பார்க்கு ஒழுக்கமுடையார் வாயிற் சொற்கள். (அவாய்நிலையான் வந்த உவமையடையால் பொருள் அடைவருவிக்கப்பட்டது. ஊற்றாகிய கோல் போல உதவுதல் -தளர்ந்துழி அதனை நீக்குதல். கல்வியுடையரேனும் ஒழுக்கம் இல்லாதார் அறிவிலராகலின், அவர் வாய்ச்சொல் கேட்கப்படாது என்பதுதோன்ற, 'ஒழுக்கமுடையார் வாய்ச்சொல்' 'வாய்'என்பது தீச்சொல்அறியாமையாகிய சிறப்புணர நின்றது. 'அவற்றைக் கேட்க' என்பதுகுறிப்பெச்சம்.)

மணக்குடவர் உரை
வழுக்குத லுண்டான விடத்து உதவும் ஊன்றுகோல் போலும்: ஒழுக்கமுடையார் கூறுஞ் சொற்கள்.

இது கேட்பது ஒழுக்கமுடையார்மாட்டென்பது கூறிற்று.

ஞா. தேவநேயப் பாவாணர் உரை
ஒழுக்கம் உடையார் வாய்ச்சொல் - ஒழுக்க முடைய பெரியோர் வாய்ச் சொற்கள்; இழுக்கல் உடைஉழி ஊற்றுக்கோல் அற்றே -வழுக்கும் சேற்று நிலத்தில் நடப்பார்க்கு ஊன்றுகோல் உதவுவது போல, உலகில் வாழ்க்கை நடத்துவோர்க்கும் ஆட்சிசெய்வோர்க்கும் துன்பக்காலத்தில் உதவுந் தன்மையவே.

ஒழுக்கமில்லாதார் கல்வியுடையாரேனும் அன்பில ராதலின். அவர்வாய்ச்சொல் பயன்படாதென்பதுதோன்ற, 'ஒழுக்கமுடையார் வாய்ச்சொல்' என்றார். வாய் என்றது தீச்சொல் வந்தறியாமை யுணர்த்தி நின்றது. இனி, வாய்ச்சொல் என்பது தப்பாது பயன்படும் வாய்மைச்சொல் எனினுமாம். ஏ கா ர ம் தேற்றம்.

முந்தின குறளிற் பொதுப்படக் குறிக்கப்பட்ட கேள்வியறிவைப் பெறுமிடம் இங்கு வரையறுக்கப்பட்டது.

மு.வ உரை
கல்லாதவன் ஒழுக்கமுடைய சான்றோரின் வாய்ச் சொற்கள், வழுக்கல் உடைய சேற்று நிலத்தில் ஊன்றுகோல் போல் வாழ்க்கையில் உதவும்.

சாலமன் பாப்பையா உரை
கற்று, ஒழுக்கம் மிக்கவரின் வாயிலிருந்து பிறந்த சொற்கள் வழுக்கும் தரையில் ஊன்றுகோல் உதவுவது போல் துன்ப நேரத்தில் உதவும்.

வழுக்குகிற நிலத்தில் ஊன்றுகோல் போல ,நம்மை சான்றோரின் சொற்கள் தாங்கிப் பிடிக்கும் என்கிறார் திருவள்ளுவர்.

“இழுக்கல் உடையுழி ஊற்றுக்கோல் அற்றே
ஒழுக்க முடையார்வாய்ச் சொல்”.

அந்த வரிகள் நினைவின் அடுக்குகளிலிருந்து வருபவையல்ல..ஆகாயத்தின் அடுக்குகளிலிருந்து அனுப்பப்படுபவை

நன்றி: ரிஷ்வன்
ஒழுக்கம் உடைய கற்றவரின் நற்சொல்
வழுக்கும் நிலத்தில் ஊன்று கோலாய்
தடுத்து நிறுத்தி துன்பத்தைப் போக்கும்.

கற்றில னாயினுங் கேட்க

குறள் 414
கற்றில னாயினுங் கேட்க அஃதொருவற்கு 
ஒற்கத்தின் ஊற்றாந் துணை.
[பொருட்பால், அரசியல், கேள்வி]

பொருள்
கற்று - கற்றல் - பயிலுதல் , படித்தல்

இலன் - இல்லை என்று, இல்லாதவன்

கற்றிலன் - நூல்களை கற்கவில்லை 

ஆயினும் - என்றாலும்; ஆனாலும்; ஆவது உம்மைப் பொருளில் வரும் எண்ணிடைச்சொல்.

கேட்டல் - செவிக்குப்புலனாகுதல்; பாடங்கேட்டல்; வினாவல்; விசாரித்தல்; வேண்டுதல்; கேள்விப்படுதல்; கொடுக்கச்சொல்லுதல்; தண்டித்தல்; இரத்தல்; நோய்முதலியனநீக்குதல்; விலைகேட்டல்; ஏற்றுக்கொள்ளுதல்; பொறுத்தல்; தணிதல்; கீழ்ப்படிதல்; ஒலிஎட்டுதல்; செவியாற்கேட்குதல்; அனுமதிபெறுதல்

கேட்க - செவி வழியாக சான்றோர்களிடமாவது கேளுக

அஃது - அஃறிணைஒருமைச்சுட்டு; அது அப்படி
அஃது - அத்தகைய கேள்விச் செல்வம்

ஒருவற்கு - ஒருவருக்கு, ஒருவனுக்கு

ஒற்கத்தின் - ஒற்கம் - தளர்ச்சி; வறுமை; குறைவு; அடக்கம்; பொறுமை.
ஊற்று - ஊற்றுத்துளை; நிலத்தடியில்நீர்ஊற்றுள்ளஇடம் - ஊன்றுப் போல்

ஆம் - போன்று, நீர்; ஈரம் வீடு மாமரம் அழகு சம்மதங்காட்டும்சொல்; கேள்விப்பட்டதைக்குறிக்கும்சொல்; இகழ்ச்சிக்குறிப்பு; அனுமதி, தகுதி, ஊக்கம்குறிக்கும்சொல்; ஆவது ஆகிய சாரியை அசைநிலை தன்மைப்பன்மைவிகுதி; உளப்பாட்டுத்தன்மைப்பன்மைவிகுதி.

துணை - அளவு; இணை, ஒப்பு; ஆதரவு, உதவி; உதவுவோன்; காப்பு; கூட்டு; இரண்டு; இரட்டை; கணவன்; மனைவி; உடன்பிறப்பு; புணர்ச்சி; வரை; ஆயுதமுனை; அம்பு; நட்பினன்(ள்).

துணை -  துணையாக இருக்கும் 

முழுப்பொருள்
ஒருவர் நல்ல அற/நீதி நூல்களை கல்லாமல் இருக்கலாம். அல்லது நூல்கள் கற்க வாய்ப்பு அமையாமல் போகலாம். ஆனால், அவ்வற நூல்களை நன்கு கற்ற சான்றோர் சொல்லும் சொற்களை கேட்கவாவது வேண்டும். அது நூல்களை கற்பது அடுத்தபடியா சிறந்ததாகும்.

அத்தகைய கேள்விச் செல்வம் ஒருவர் சோர்வாக இருக்கும் பொழுது அவருக்கு ஊன்று கோலாய் துணை நிற்கும் என்கிறார் திருவள்ளுவர்.

ஒருவருக்கு சோர்வு எனப்படுவது கல்லாதனால் வரும் துன்பங்களினால் ஏற்படுவது ஆகும். அத்தளர்ச்சியாவது, வறுமையாலேனும் அறியாமையாலேனும் நோயினாலேனும் இழப்பினாலேனும் நேரும் மனத்தடுமாற்றம் ஆகும்.

அத்தகைய தளர்ச்சியின் பொழுது ஊன்றாய் இருப்பது கேள்விச் செல்வம். இங்கே நாம் மற்றொன்றும் நோக்க வேண்டும். அது, ஊன்று என்ற வார்த்தையின் பயன்பாடு. கேள்விச் செல்வம் ஊன்றாய் மட்டும் தான் துணை நிற்கும். நூல்கள் கற்பதனால் வரும் அறிவை முழுமையாய் கொடுக்காது. 

மேலும்: அஷோக்

ஒப்புமை
”உணற்கினிய இன்னீர் பிறிதுழி இல்லென்னும்
கிணற்றகத்துத்தேரைபோல் ஆகார் - கணக்கினை
முற்றப்பகலும் முனியா தினிதோதிக்
கற்றலிற் கேட்டலேநன்று” (பழமொழி 61)

ஆத்திச்சூடி
கேள்வி முயல்.
பேதைமை அகற்று.

பரிமேலழகர் உரை
கற்றிலன் ஆயினும் கேட்க - உறுதி நூல்களைத் தான் கற்றிலன் ஆயினும், அவற்றின் பொருள்களைக் கற்றறிந்தார் சொல்லக் கேட்க; அஃது ஒருவற்கு ஒற்கத்தின் ஊற்றாம் துணை - அக்கேள்வி ஒருவனுக்குத் தளர்ச்சி வந்துழிப் பற்றுக் கோடாம் துணை ஆகலான். 

விளக்கம் 
('உம்மை' கற்க வேண்டும் என்பது பட நின்றது. தளர்ச்சி - வறுமையானாதல் அறிவின்மையானாதல் இடுக்கண்பட்டுழி மனம் தளர்தல். அதனைக் கேள்வியினானாய அறிவு நீக்கும் ஆகலின், 'ஊற்றாம் துணை' என்றார். 'ஊன்று' என்னும் ஆகுபெயரின் னகரம் திரிந்து நின்றது.)

ஞா. தேவநேயப் பாவாணர் உரை
கற்றிலன் ஆயினும் கேட்க -- ஒருவன் பொருள் நூல்களையும் உறுதிநூல்களையும் கற்றிராவிடினும், அவற்றைக்கற்றுத்தேர்ந்த பேரறிஞரிடம் கேட்டறிக; அஃது ஒருவற்கு ஒற்கத்தின் ஊற்று ஆம் துணை - அக்கேள்வியறிவு ஒருவனுக்கு உலகியல் துறையிலேனும் ஆதனியல் (Spiritual) துறையிலேனும் தளர்ச்சி நேர்ந்த விடத்து ஊன்று கோலாந் துணையாகும்.

இழிவு சிறப்பின் பாற்பட்ட ஒத்துக்கொள்வு (Concessive ) உம்மை, கற்றிருத்தல் வேண்டுமென்னுங் குறிப்பினது.

"கல்லாரே யாயினுங் கற்றாரைச் சேர்ந்தொழுகின்
நல்லறிவு நாளுந் தலைப்படுவர்-தொல்சிறப்பின்
ஒண்ணிறப் பாதிரிப்பூச் சேர்தலாற் புத்தோடு
தண்ணீர்க்குத் தான்பயந் தாங்கு" (நாலடி, 139).

தளர்ச்சியாவது, வறுமையாலேனும் அறியாமையாலேனும் நோயினாலேனும் இழப்பினாலேனும் நேரும் மனத்தடுமாற்றம். 'ஊற்று' முதனிலை திரிந்த தொழிலாகுபெயர். 'அஃதொருவற்கு' என்பது 'அதுவொருவற்கு' என்றிருந்திருத்தல் வேண்டும்.

"அன்பீனு மார்வ முடைமை யதுவீனும் "(74),
"ஈத லிசைபட வாழ்த லதுவல்ல(து)"(231),
"பொச்சாப்பார்க் கில்லை புகழ்மை யதுவுலகத்(து)"(533)
"கல்லார்ப் பிணிக்குங் கடுங்கோ லதுவல்ல"(து)(570),
"கவ்வையாற் கவ்விது காம மதுவின்றேல்"(1144)

என்னும் அடிகளை நோக்குக.

மு.வரதராசனார் உரை
நூல்களைக் கற்றவில்லையாயினும், கற்றறிந்தவர்களிடம் கேட்டறிய வேண்டும், அது ஒருவனுக்கு வாழ்க்கையில் தளர்ச்சி வந்த போது ஊன்றுகோல் போல் துணையாகும்.

சாலமன் பாப்பையா உரை
கல்லாதவனே என்றாலும் கற்றவர் கூறும் சிறந்த செய்திகளைக் கேட்க வேண்டும்; அப்படிக் கேட்பது அவனுக்கு நெருக்கடி வரும்போது பிடிப்பதற்கு ஏற்ற துணையாக உதவும்.

நன்றி ரிஷ்வன்
நூல்களைக் கற்றவனிடம்
கேள்வி ஞானத்தோடு
கல்லாதவன் கேட்டறிதல்
தள்ளாடும் வயதில்
ஊன்றுகோலாய் துணையாகும்.

Thirukkural - Management - Listening
Among all the wealth, the greatest wealth is listening. Listening is a supreme wealth. What has convinced Valluvar to confirm that listening is the best wealth among all the other wealth? There are many benefits of effective listening. They are presented in Kural 414.

Though unfettered, listen; you will find this
A great help in distress.

Even if one has not learned, or got  the chance to get educated, one has to cultivate the habit of listening to learned and wise people so that that learning will act as a prop, support, or assistance when one is in a crisis. The advantage of attentive listening is that that type of listening gets into your subconscious mind. When a thought, idea, or concept is registered in your subconscious mind, that thought, idea, or concept stays there for long. And the same thing can be retrieved whenever needed. Two things influence the development of an individual. They are intuition and tuition. Tuition that is learning through listening can add to one's intuition.