Search This Blog

Disclaimar

This blog is totally for learning purposes. Non-commercial. In many of the posts, many snippets have been taken from various thirukkural blogs, books available online freely only for learning purpose without any intention of plagiarism or to make money. I have given due credit, link wherever possible. If you want your content to be removed, or you want more credit to be provided, please do let me know in the comment section of any of the posts. ஊருணி நீர்நிறைந் தற்றே உலகவாம் பேரறி வாளன் திரு (குறள் 215)
Showing posts with label புலான்மறுத்தல். Show all posts
Showing posts with label புலான்மறுத்தல். Show all posts

அவிசொரிந் தாயிரம் வேட்டலின் ஒன்றன்

குறள் 259
அவிசொரிந் தாயிரம் வேட்டலின் ஒன்றன்
உயிர்செகுத் துண்ணாமை நன்று
[அறத்துப்பால், துறவறவியல், புலான்மறுத்தல்]

பொருள்
அவி - வறைதின்பர்”வேள்வித்தீயில்இடும்கடவுளர்க்குரியஉணவு; உணவு சோறு நெய் நீர் ஆடு கதிர் கதிரவன் காற்று மேகம் மலை மதில் பூப்பினள்.

சொரிந்து - சொரிதல் - உதிர்தல்; மழைபெய்தல்; மிகுதல்; பொழிதல்; கொட்டுதல்; மிகக்கொடுத்தல்; காண்க:சொறிதல், சுழலுதல்.

ஆயிரம் - ஓர்எண், āyiram   * n. sahasra. [K. sāvira,M. āyiram.] The number 1,000;  

வே-தல் - vē-   13 v. intr. [K. bē.] 1. Toburn; எரிதல். புனத்து வெறிகமழ் சந்தனமும் வேங்கையும் வேமே (நாலடி, 180). 2. To be hot,sultry, as the weather; to be scorched; வெப்பமாதல். வெயிற்காலமாகையால் பகலெல்லாம் வேகின்றது. 3. To be inflamed, as the stomach;அழலுதல். 4. To be boiled, cooked, as rice;கொதிக்கும் நீர் எண்ணெய் முதலியவற்றிற் பக்குவப்படுதல். சோறு வேகவில்லை. 5. To be refinedby burning in a crucible, as gold; புடம் வைக்கப்படுதல். வெந்தெரி பசும்பொன் (சீவக. 585). 6. Tobe distressed by grief or passion; துன்பமுறுதல்.துயரச்செய்தி கேட்ட என் மனம் வேகின்றது. 7.To be angry; சினமுறுதல். கட்டூர் நாப்பண் வெந்துவாய்மடித்து (புறநா. 295).

வேட்டலின் - வேள்விகள் வளர்த்தலின்

ஒன்றன் - ஒன்று - oṉṟu   n. [T. oṇḍu, K. ondu, M.onnu, Tu. onji.] 1. The number one; க என்னும் எண் (திவ். திருச்சந். 7.) 2. A person ofconsequence, a person worthy of regard; மதிப்புக்குரிய பொருள் ஒறுத்தாரை யொன்றாக வையாரே(குறள், 155). 3. Attaining salvation; வீடுபேறு (திவா.) 4. Union; ஒற்றுமை வேந்தர் வேந்த னிதயமு மொன்றாய்நின்ற வியற்சையை (பாரத. சூதுபோர்.7). 5. Truth; வாய்மை ஒன்றுரைத்து (கம்பரா.கிளை. 24). 6. Semen; இந்திரியம் இரண்டடக்கார்ஒன்று பலகாலமும் விட்டிடார் (திருவேங். சத. 74). 7.Euphemism for urination; சிறுநீர் ஒன்றுக்குப்போய்வா. Colloq. 8. (Gram.) Singular numberof the impersonal class; அஃறிணை யொருமைப்பால். (நன். 263.) 9. That which is imcomparable; ஒப்பற்றது. -- conj. Or; else; விகற்பப்பொருளைக்காட்டும் இடைச்சொல் ஒன்று தீவினையைவீடு, ஒன்று அதன்பயனை நுகர் 

உயிர் - காற்று; உயிர்வளி; சீவன் ஆதன் ஓரறிவுயிர்முதலியஉயிரினம்; உயிரெழுத்து ஓசை ஒருநாழிகையில்4320-ல்ஒருகூறு; சன்மலக்கினம்

செகுத்து - செகுத்தல் - வெல்லுதல்; கொல்லுதல்

உண்ணா - உள்நாக்கு; அண்ணத்துள்ளசிறுநாக்கு; அண்ணம், மேல்வாய்

உண்ணுதல் - உணவுஉட்கொள்ளுதல்; பொருந்துதல் நுகருதல்; அனுபவித்தல் இசைவாதல்.

உண்ணாமை - உணவு உட்கொள்ளாமல் இருத்தல், (பொருள்களை) நுகராது இருத்தல், (பொருள்களை) அனுபவிக்காமல் இருத்தல்;

நன்று - நல்லது; சிறப்பு; பெரிது; அறம்; இன்பம்; நல்வினை; உதவி; வாழ்வின்நோக்கம்; துறக்கம்; ஏற்கைக்குறிப்பு.

முழுப்பொருள்
இறைவனிடம் வேண்டி ஒரு வேள்வி/ யாகம் என்பது தீயின்கண் நெய் முதலிய அவிப் பொருட்களை உதிர்த்து (பொழிந்து, சொரிந்து) செய்யப்படுவது ஆகும். அப்படிச்செய்தால் அதனால் ஒரு பயன் உண்டாகும்/கிடைக்கும். ஆதலால் வேள்வி என்பது பயனை கொடுக்கும் ஒரு உயரிய செயல்/தவம் ஆகும்.

ஆயிரம் வேள்விகளை செய்தால் எவ்வளவு பயன் வருமோ அதைவிட அதிக பயனை தரக்கூடியது ஒரே ஒரு உயிர் கொன்று அப்புலாலை உண்ணாது இருத்தல் ஆகும். (அதாவது நீ தினமும் புலால் சாப்பிடுபவனாக கூட இரு, ஆனால் ஒருமுறை புலாலை உண்ணாது இருந்தாலும் உனக்கு ஆயிரம் வேள்விகளின் பயன் கிட்டும்). அப்படியெனில் ஒருபொழுதும் பிறர் உயிர்களை கொன்று உண்ணாது இருத்தல் எவ்வளவு பயனை தரும். மேலும் எவ்வளவு பாவத்தை பெற்றுத்தராது. இதனை சிந்தித்து உணர்ந்து புலாலை உண்ணாதே என்று கூறுகிறார் திருவள்ளுவர். 

இதனால் வேள்விகள் செய்வது பயனற்றது என்பது இல்லை. வேள்விகள் பயன் தருவனவே. வேள்வியின் பயனை விட கொல்லாமையின் பயன் அதிகம் என்றே இக்குறள் சொல்லும் மைய கருத்து.

மேலும் வேள்வி என்பது ஒருவித படிமம். ஒருவர் ஒரு செயலில் ஒரு அறத்தில் மனதால் வேள்வி செய்யவேண்டும். வேள்வியில் ஒருவர் அருகே அமர்ந்தே செய்யவேண்டும். அதுபோல் அச்செயலில் முழுவதும் ஈடுபட்டே செய்யவேண்டும். இல்லையெனில் முழுப்பலனும் வராது. வேள்வியில் அவி உண்ணப்பட்டுக்கொண்டே இருக்கும். மாசுகள் தீயால் உண்ணப்படும். அது நமது மனதில் மாசுகள் நீங்குவதற்கு ஒப்பீடு. தீ என்பது அளவற்ற பசியை கொண்டது. அவியை உதிர்க்க உதிர்க்க உண்டுகொண்டே இருப்பது. ஆதலால் ஒரு செயலை வேள்வியென கருதிச் செய்தால் அதில் முழுவதுமாக ஈடுபடுத்திக்கொண்டு செய்வோம். அதன் பயனை இறுதியில் வேள்விப்பயனாக செய்வோம். 

ஆனால் ஒரு சிலர் வேள்வி செய்வதை விட சாமிக்கு பால் அபிஷேகம் செய்வதை விட மற்ற உயிர்களுக்கு அன்னதானம் அளிக்கலாம் குழந்தைகளுக்கு பால் கொடுக்கலாம் என்று குதர்க்கமாக கூறுவர். ஆனால் ஆராய்ந்துப் பார்த்தால் அபிஷேகமும் யாகமும் செய்வோர் பிறருக்கு உணவு கல்வி போன்றவற்றை கொடுத்து உதவுபவராகவே இருப்பார். ஆனால் கோயிலுக்கு கொடுக்காதே குழந்தைக்கு கொடு என்றென்பவர் பிறருக்கு ஒன்றும் கொடுத்து உதவி இருக்கமாட்டார். பலகோயில் நிர்வாகங்கள் இறைபக்தி உள்ளோரும் எத்தனையோ பேருக்கு பலவித உதவிகளை செய்துள்ளார்கள். ஆனால் கோயில்களையும் இறைபக்தி உள்ளோரையும் கிண்டல் செய்யும் சில நாத்திக "வாதர்கள்" (வாய் சொல் வீரர்கள்) பிறருக்கு ஒரு உதவியும் செய்து இருக்க மாட்டார்கள்.

தகவல்: நான்கு வகை யாகங்கள் உண்டு. அதில் மூன்று வித யாகங்களில் பிற உயிர்களை கொல்லுவது கிடையாது. ஒருவகை யாகத்தில் பிற உயிர்களை கொல்லுவது உண்டு. அதாவது பலி கொடுப்பது. அதிலும் ஒருவித நியாயம் உண்டு என்று சொல்லுவர். 

மேலும்: அஷோக் உரை

பரிமேலழகர் உரை
அவி சொரிந்து ஆயிரம் வேட்டலின் - தீயின்கண் நெய் முதலிய அவிகளைச் சொரிந்து ஆயிரம் வேள்வி வேட்டலினும், ஒன்றன்உயிர் செகுத்து உண்ணாமை நன்று - ஒரு விலங்கின் உயிரைப் போக்கி அது நின்ற ஊனை உண்ணாமை நன்று. (அவ்வேள்விகளான் வரும் பயனினும் இவ்விரதத்தான் வரும் பயனே பெரிது என்பதாம்.).

மணக்குடவர் உரை
நெய் முதலான அவியைச் சொரிந்து ஆயிரம் வேள்வி வேட்டலினும் ஒன்றினுயிரை நீக்கி அதனுடம்பை யுண்ணாமை நன்று.

மு.வரதராசனார் உரை
நெய் முதலியப் பொருள்களைத் தீயில் சொரிந்து ஆயிரம் வேள்விகள் செய்தலை விட ஒன்றன் உயிரைக்கொன்று உடம்பைத் தின்னாதிருத்தல் நல்லது.

சாலமன் பாப்பையா உரை
(மந்திரம் சொல்லித் தேவர்களுக்கு இடும் உணவாகிய) அவிகளைத் தீயில் போட்டு ஆயிரம் வேள்வி செய்வதைக் காட்டிலும் ஓர் உயிரைப் போக்கி அதன் உடம்பை உண்ணாமல் இருப்பது நல்லது.

செயிரின் தலைப்பிரிந்த காட்சியார் உண்ணார்

குறள் 258
செயிரின் தலைப்பிரிந்த காட்சியார் உண்ணார்
உயிரின் தலைப்பிரிந்த ஊன்
[அறத்துப்பால், துறவறவியல், புலான்மறுத்தல்]

பொருள்
செயிரின் - செயிர்த்தல் - வெகுளுதல்; வருத்துதல்; குற்றஞ்செய்தல்

தலைப்பிரிந்த - தலைப்பிரிதல் - நீங்குதல்

காட்சி - பார்வை; காணல்; தோற்றம்; தரிசனம்; கண்காட்சி; வியத்தகுகாட்சி; காட்சியளவை; அறிவு; தலைமகளைத்தலைமகன்முதலில்காணுதலைக்கூறும்கைக்கிளைத்துறை; வீரர்வீரபத்தினியர்க்குஏற்றநடுகல்லைஆராய்ந்துகாணும்புறத்துறை; நடுகல்லைவீரர்தரிசித்தலைக்கூறும்புறத்துறை; அழகு; தன்மை; நூல்.

காட்சியார் - அறிவினை உடையவர்

உண்ணார் - உண்ண மாட்டார்கள்

உயிரின் - காற்று; உயிர்வளி; சீவன் ஆதன் ஓரறிவுயிர்முதலியஉயிரினம்; உயிரெழுத்து ஓசை ஒருநாழிகையில்4320-ல்ஒருகூறு; சன்மலக்கினம்

தலைப்பிரிந்த - தலைப்பிரிதல் - நீங்குதல் 

ஊன் - தசை, இறைச்சி; கொழுப்பு; உடம்பு

முழுப்பொருள்
முந்தைய குறளில் புலாலை புண்ணுடன் ஒப்பிட்டார் திருவள்ளுவர். புலால் உண்ணுவதை உடம்பில் உள்ள புண்ணை உண்ணுவது போல் ஆகும். ஆதலால் அதனை உண்ணாதே என்றார். இந்த திருக்குறளில் ஒரு படி மேலே சென்று புலால் என்பது புண்ணிற்கு சமம். ஆதலால் அதை உண்ணாதே என்று கூறுகிறார். 

குற்றங்களில் இருந்து நீங்கிப் பிறருக்கும் பிறர் உயிர்களுக்கும் தீங்குச் செய்தலில் இருந்து நீங்கி நிற்கும் அற தரிசனத்தை பெற்றவர்கள் அருளை உடையவர்கள் ஒரு பொழுதும் புலாலை உண்ண மாட்டார்கள். ஏனெனில் உயிர் நீங்கிய உடம்பின் ஊன் என்பது பிணம். ஆதலால் பிற உயிர்களை கொன்ற பிறகு அவ்வூனும் பிணமே. ஆதலால் பிறர் உயிர்களின் பிணத்தை உண்ணாதே என்று திருவள்ளுவர் கூறுகிறார். 

புலாலை திண்றால் பிணத்தை திண்ணுவது போல் ஆகும். மேலும் புலாலை உண்ணுவோர் அற தரிசனம் பெறாத குற்றங்கள் நீங்காத அறிவற்றவர்கள் அருளற்றவர்கள் ஆவர்.

மேலும்: அஷோக் உரை

பரிமேலழகர் உரை
செயிரின் தலைப்பிரிந்த காட்சியார் - மயக்கம் ஆகிய குற்றத்தின் நீங்கிய அறிவினையுடையார், உயிரின் தலைப்பிரிந்த ஊன் உண்ணார் - ஓர் உயிரின் நீங்கி வந்த ஊனை உண்ணார். ( 'தலைப்பிரிவு' என்பது ஒரு சொல். பிணம் என ஊனின் மெய்ம்மை தாமே உணர்தலின், 'உண்ணார்' என்றார்.).

மணக்குடவர் உரை
குற்றத்தினின்று நீங்கின தெளிவுடையார் உண்ணார்; உயிரினின்று நீங்கின உடம்பை. இது மேற்கூறிய குற்றமெல்லாம் பயத்தலின் அதனைத் தெளிவுடையாருண்ணாரென்றது.

மு.வரதராசனார் உரை
குற்றத்திலிருந்து நீங்கிய அறிவை உடையவர், ஒர் உயிரினிடத்திலிருந்து பிரிந்து வந்த ஊனை உண்ணமாட்டார்.

சாலமன் பாப்பையா உரை
பிழையற்ற அறிவினை உடையவர், உயிர் பிரிந்த இறைச்சியை உண்ணமாட்டார்.

உண்ணாமை வேண்டும் புலாஅல் பிறிதொன்றன்

குறள் 257
உண்ணாமை வேண்டும் புலாஅல் பிறிதொன்றன்
புண்ணது உணர்வார்ப் பெறின்
[அறத்துப்பால், துறவறவியல், புலான்மறுத்தல்]

பொருள்
உண்ணா - உள்நாக்கு; அண்ணத்துள்ளசிறுநாக்கு; அண்ணம், மேல்வாய்

உண்ணுதல் - உணவுஉட்கொள்ளுதல்; பொருந்துதல் நுகருதல்; அனுபவித்தல் இசைவாதல்.

உண்ணாமை - உணவு உட்கொள்ளாமல் இருத்தல், (பொருள்களை) நுகராது இருத்தல், (பொருள்களை) அனுபவிக்காமல் இருத்தல்;

வேண்டும் - vēṇṭum   v. opt. id. 1. Verbmeaning 'will be required' or 'will be necessary, indispensable'; இன்றியமையாது வேண்டத்தக்கது என்பது குறிக்கும் வியங்கோள்வினை.வேந்தனீயாகி வையமிசைபடக் காத்தல் வேண்டும்(சீவக. 201). 2. Verb in the future tense usedin all genders, numbers and persons, meaning(a) 'will be required'; இன்றியமையாதது என்றபொருளில் ஐம்பால் மூவிடத்திற்கும் உரியதாய் வரும்எதிர்கால வினைமுற்று. எனக்குப் புஸ்தகம் வேண்டும்:(b) 'will stand in relation to'; உறவு முதலியவற்றைக் குறித்து ஐம்பால் மூவிடத்திற்கும் உரியதாய்வரும் எதிர்கால வினைமுற்று. அவன் உனக்கு என்னவேண்டும்? 3. Auxilliary verb meaning 'must';அவசியம் என்பதைக் குறிக்கும் வினை

புலால்  - ஊன்முதலியன; புலால்நாற்றம்; தசைநரம்பு
அல் - இரவு; இருள் மாலை சூரியன் வெயில் மதில் சுக்கு மெய்யெழுத்து மயக்கம் எதிர்காலத்தன்மைஒருமைவிகுதி; வியங்கோள்விகுதி; தொழிற்பெயர்விகுதி; ஒருசாரியை; ஆண்பால்பெயர்விகுதி; எதிர்மறைக்குறிப்புவினைப்பகுதி; எதிர்மறைஏவல்ஒருமைவிகுதி; எதிர்மறைவினைஇடைநிலை.

பிறிது - வேறானது

ஒன்றன் - அஃறிணையொருமைப்பால்

பிறிதொன்றன் - வேறொன்றின் 

புண் - உடல்ஊறு; தசை; வடு; மனநோவு.

அது - அஃது; அஃறிணைஒருமைச்சுட்டுப்பெயர்; ஆறாம்வேற்றுமைஒறுமையுருபு. 

உணர்தல் - அறிதல்; நினைதல், கருதுதல் ஆராய்தல் இயல்புணர்தல்; ஊடல்நீங்குதல்; தெளிதல் துயிலெழுதல் பகுத்தறிதல் நுகர்தல் தொட்டறிதல்; பாவித்தல்

உணர்வார்ப் - உணர்ந்து (அதன் படி நடப்பவர்)

பெறின் - பெறுதல் - அடைதல்; பிள்ளைபெறுதல்; பிறப்பித்தல்; அறிதல்; விலைத்தகுதியுடையதாதல்.

முழுப்பொருள்
புலால் என்பது என்ன? பிறர் உயிர்களை கொன்று குவிக்கப்பட்ட ஒரு இறைச்சியே புலால். வெட்டி கொல்லப்பட்டதால் புலால் என்பது புண் ஆகும். நம் உடம்பின் மேல் வெட்டுப்பட்டோ அல்லது கீழே வீழ்ந்தோ ஒரு புண் இருந்தால் அதை உண்ணுவோமா? உண்ணமாட்டோம் அல்லவா. அதுப்போல புலாலை புண் என அறிவது மட்டும் அன்றி புலாலை புண் என உணர்ந்து அதனை உண்ணாது இருத்தல் வேண்டும். 

அறிதல் என்பது தகவல்களை தெரிந்துக்கொள்வது. உணர்தல் என்பது அறிந்து நினைத்து தெளிந்து அதன்படி நடந்துகொள்வது. அதனால் தான் திருவள்ளுவர் உணர்வார் பெறின் என்று (இக்குறளில் போல் பல திருக்குறள்களில்) அழுத்திச் சொல்கிறார். 

தனக்கு வந்தால் இரத்தம் பிறருக்கு வந்தால் தக்காளிச் சட்னியா என்ற வசனமே இங்கு ஞாபகத்துக்கு வருகிறது. ஓரளவு நன்கு பொருத்தமாவவே உள்ளது. 

ஒப்புமை
அறநெறிச்சாரப் (96) பாடலொன்று புலாலை புண்ணுக்கொப்பாகச் சொல்கிறது. “தம்புண் கழுவி மருந்திடுவர் தாம்பிறிதின் 
செம்புண் வறுத்த வறைதின்பர்”

மேலும்: அஷோக் உரை

பரிமேலழகர் உரை
புலால் பிறிதொன்றன் புண் - புலாலாவது பிறிதோர் உடம்பின் புண், அது உணர்வார்ப் பெறின் உண்ணாமை வேண்டும் - அது தூய்து அன்மை அறிவாரைப் பெறின் அதனை உண்ணாதொழியல் வேண்டும். ('அஃது' என்னல் வேண்டும் ஆய்தம் விகாரத்தால்தொக்கது. அம்மெய்ம்மை உணராமையின், அதனை உண்கின்றார் என்பதாம். பொருந்தும் ஆற்றானும் புலால் உண்டல் இழிந்தது என்பது இதனான் கூறப்பட்டது.).

மணக்குடவர் உரை
உயிர் நிலையைப் பெறுதல் ஊனை யுண்ணாமையினால் உள்ளது; ஊனையுண்ண உண்டாரை எல்லாவுலகத்தினும் இழிந்த நரகம் விழுங்கிக் கொண்டு அங்காவாது. அங்காவாமை- புறப்பட விடாமை.

மு.வரதராசனார் உரை
புலால் உண்ணாமலிருக்க வேண்டும், ஆராய்ந்து அறிவாரைப் பெற்றால், அப் புலால் வேறோர் உயிரின் புண் என்பதை உணரலாம்.

சாலமன் பாப்பையா உரை
இறைச்சி, இன்னோர் உடம்பின் புண்; அறிந்தவர் அதை உண்ணக்கூடாது.

தினற்பொருட்டால் கொல்லாது உலகெனின் யாரும்

குறள் 256
தினற்பொருட்டால் கொல்லாது உலகெனின் யாரும்
விலைப்பொருட்டால் ஊன்றருவா ரில்
[அறத்துப்பால், துறவறவியல், புலான்மறுத்தல்]

பொருள்
தின்(னு)-தல் - tiṉ-   8 v. tr. [T. tinu, K.tin, M. tinnuka.] 1. To eat, feed; உண்ணுதல் இரும்பே ரொக்கலொடு தின்மென (புறநா. 150). 2.To chew; மெல்லுதல் உண்ணுஞ்சோறும் பருகுநீருந் தின்னும்வெற்றிலையும் (திவ். திருவாய். 6, 7, 1).3. To bite, gnash, as one's teeth; கடித்தல் தின்றுவாயை விழிவழித் தீயுக (கம்பரா. ஒற்றுக். 49).4. To eat away as white ants to consume

பொருட்டு - காரணம்; மதிப்பிற்குரியது; நிமித்தமாக

தினற்பொருட்டால் - உண்ணுவதை பொருட்டு ;உண்ணுவதற்காக

கொல்லுதல் - வதைத்தல்; அழித்தல்; வெட்டுதல்; கதிரறுத்தல்; துன்பப்படுத்துதல்; கெடுத்தல்.

கொல்லாது - வதைக்காது; அழிக்காது ; வெட்டாது ; துன்பப்படுத்தாது

உலகு - உலகம், பூமி நாடு உலகத்தார்(இடவாகுபெயர்), உயர்ந்தோர், சான்றோர் திசை மங்கலச்சொற்களுள்ஒன்று

எனின் - என்றால், என்றுசொல்லின்; என்கையால்.

யாரும் - எவரும்

விலைப் - விற்பனைத்தொகை; விற்கை; மதிப்பு.

பொருட்டால்பொருட்டு - காரணம்; மதிப்பிற்குரியது; நிமித்தமாக

ஊன் - தசை, இறைச்சி; கொழுப்பு; உடம்பு.

தருதல் - கொடை.

தருவார் - கொடுப்பார்

இல் - இல்லை; இடம்; வீடு இல்லறம் மனைவி மருதமுல்லைநிலங்களின்தலைவியர்; குடி இராசி தேற்றாங்கொட்டை இன்மை சாவு எதிர்மறைஇடைநிலை; ஐந்தாம்வேற்றுமைஉருபு; ஏழாம்வேற்றுமைஉருபு.

முழுப்பொருள்
மாமிச உணவை உண்ணுவதற்காக இவ்வுலகில் மக்கள் இல்லையென்றால் மாமிச உணவை விற்பதற்கும் இவ்வுலகில் மக்கள் இருக்க மாட்டார்கள். ஆதலால் உயிரினங்களை கொலை செய்வதும் தவிர்க்கப்படும்.

மாமிச உணவு உண்பதற்காக பிறர் உயிர்களை கொல்லாதே என்கிறோம். ஆனால் மாமிச உணவு உண்பவர்கள் கூறும் காரணம் : கொலையை நான் செய்வது இல்லை. விற்பனையாளர்கள் கொலை செய்கிறார்கள். நான் வெறுமென வாங்கி உண்கிறேன் என்பர். காரணம் தான் பிழைக்கு அடிப்படையையே தவிர. காரியம் இல்லை. காரியம் கொலை செய்தல் ஆனால் காரணம் மாமிச உணவு உண்ணுதல். ஆதலால் விலங்குகளை கொலை செய்பவனுக்கு பாவம் இல்லை அதனை உண்பவன் உனக்கே பாவம்.

"கொன்னால் பாவம் தின்னா போச்சு" என்கிற பசப்பு வார்த்தைகள் பொருந்தாது.

தமிழ் திரைப்படம் மகாநதியில் ஒரு காட்சி வரும். கதாநாயகன் நடிகர் கமல்ஹாசன் அவர்களின் கதாபாத்திரத்தின் மகளை மிக இளவயதில் பாலியல் வன்கொடுமை / பலாத்காரம் செய்தவரை பழிவாங்க செல்வார். அப்பொழுது அந்த நபர் கூறுவார் தனது உதவியாளர் தான் உன் மகளை எனக்கு விற்பனை செய்தார் (வசனம்: "இதெல்லாம் supply பண்றது தனுஷ். நீ வேணும்னா அவனை பழி வாங்கிக்கோ" என்பார்). நான் வெறுமென அனுபவித்தேன் என்று. அதற்கு கதாநாயகன் (நடிகர் கமல்) கூறுவார் - அவன் வெறும் supplier (விற்பனையாளன்) நீ தான் டா demand (என்று) (வசனம் "தனுஷ் கசாப் கடை வெச்சு இருக்கிறவன் நீ தான் பிள்ளை கறி வேணும் என்று கேக்கிறவன். அவன் supplier  நீ தான் டா demand"). இக்குறள் ஊன் உண்ணுதலுக்கு மட்டும் அல்ல இது போல் வன்கொடுமை தொழிலுக்கும் பொருந்தும். அதேப்போல அத்திரைப்படத்தின் காட்சி ஊன் உண்ணுதலுக்கும் பொருந்தும்.

(மகாநதி திரைப்பட காட்சி : இதெல்லாம் supply பண்றது தனுஷ். நீ வேணும்னா அவனை பழி வாங்கிக்கோ)


(மகாநதி திரைப்பட காட்சி :தனுஷ் கசாப் கடை வெச்சு இருக்கிறவன் நீ தான் பிள்ளை கறி வேணும் என்று கேக்கிறவன். அவன் supplier  நீ தான் டா demand )

மேலும்: அஷோக் உரை

பரிமேலழகர் உரை
தினற்பொருட்டால் உலகு கொல்லாது எனின் - பேதைமை காரணமாக அல்லது, ஊன் தின்கை காரணமாக உலகம் கொல்லாதாயின், விலைப்பொருட்டு ஊன் தருவார் யாரும் இல் - பொருள் காரணமாக ஊன் விற்பார் யாவரும் இல்லை. ('உலகு' என்பது ஈண்டு உயிர்ப்பன்மை மேல் நின்றது. பின் நிகழும் தின்கை முன் நிகழும் கொலைக்குக் காரணம் ஆகாமையின், 'தின்பார்க்குக் காரணத்தான் வரும் பாவம் இல்லை' என்ற வாதியை நோக்கி அருத்தாபத்தி அளவையால் காரணமாதல் சாதித்தலின், இதனான் மேலது வலியுறுத்தப்பட்டது.).

மணக்குடவர் உரை
தின்னுதற்காக உலகத்தார் கொள்ளாராயின், விலைக்காக ஊன் விற்பார் யாரும் இல்லை. இது கொன்று தின்னாது விலைக்குக்கொண்டு தின்பார்க்குக் குற்றமென்னை யென்றார்க்கு அதனாலுங் கொலைப்பாவம் வருமென்று கூறிற்று.

மு.வரதராசனார் உரை
புலால் தின்னும் பொருட்டு உலகத்தார் உயிர்களைக் கொல்லா திருப்பாரானால், விலையின் பொருட்டு ஊன் விற்பவர் இல்லாமல் போவார்.

சாலமன் பாப்பையா உரை
தின்பதற்காகவே கொலை செய்பவர் இல்லை என்றால், இறைச்சியை விலைக்குத் தருபவரும் உலகில் எங்கும் இருக்கமாட்டார்.

உண்ணாமை உள்ளது உயிர்நிலை ஊனுண்ண

குறள் 255
உண்ணாமை உள்ளது உயிர்நிலை ஊனுண்ண
அண்ணாத்தல் செய்யாது அளறு
[அறத்துப்பால், துறவறவியல், புலான்மறுத்தல்]
(For meaning in English, scroll to the bottom of this post)

பொருள்
உண்ணா - உள்நாக்கு; அண்ணத்துள்ளசிறுநாக்கு; அண்ணம், மேல்வாய்

உண்ணுதல் - உணவுஉட்கொள்ளுதல்; பொருந்துதல் நுகருதல்; அனுபவித்தல் இசைவாதல்.

உண்ணாமை - உணவு உட்கொள்ளாமல் இருத்தல், (பொருள்களை) நுகராது இருத்தல், (பொருள்களை) அனுபவிக்காமல் இருத்தல்;

உள்ளது - உள்பொருள்; உண்மை; மெய்; உண்மைப்பொருள்; ஆன்மா; ஏற்பட்டது, விதிக்கப்பட்டது.

உயிர்நிலை - உடல், உயிர்தங்கும்இடம்; உயிரின்உண்மைவடிவம்; பிராணாயாமம், உட்கருத்து

ஊன் - ūṉ   s. flesh, தசை; 2. meat, மாமிசம்; 3. marrow, fat, நிணம்; 4. proud flesh over a sore; 5. the body, உடல்; இறைச்சி; கொழுப்பு; உடம்பு.

உண்ண - உணவுஉட்கொள்ளுதல்; பொருந்துதல் நுகருதல்; அனுபவித்தல் இசைவாதல்.

அண்ணா-த்தல் - aṇṇā-   12 v. intr. id.[K. aṇṇe, M. Tu. aṇṇā.] 1. To look upward;மேல்நோக்குதல். (நற். 10.) 2. To gape, open themouth; வாய்திறத்தல் அண்ணாத்தல் செய்யா தளறு(குறள், 255). 3. To hold the head erect; தலைநிமிர்தல் நண்ணார் நாண வண்ணாந் தேகி (புறநா. 47).  

அண்ணாது -  வாய் திறக்காமல் 

செய்யாது - செய்யாமல்

அளறு - குழைசேறு; குழம்பு காவிக்கல் நீர் நரகம்

முழுப்பொருள்
ஊன் உணவுகளை உண்ணாது இருத்தலில் / புலான்மறுத்தலில் இருக்கிறது உயிர்நிலை. ஏனெனில் அந்த உயிர்களை உண்ணாமல் இருப்பதால் தான் இயற்கையின் சமநிலை பேணப்பட்டு அவ்வுயிர்கள் எண்ணிக்கையில் குறையாது இருக்கிறது. அதனை மீறி ஊனை உண்டால் அவனை நரகம் தன் வாய்திறந்து வெளியே விடாது. நரகத்தில் நிரந்தரமாக இருக்கவேண்டியதுதான். நரகம் அவனை வைத்து வதைக்கும்.

இன்று விதிகளை மீறி மாமிசத்திற்குப் பயன்படும் பல வனவிலங்குகளின் எண்ணிக்கை குறைந்துகொண்டே இருக்கிறது என்பதை உலகம் அறிய தொடங்கியுள்ளது. ஒரு காலத்தில் இவ்வுலகத்தில் படைக்கப்பட்ட எல்லா ஜீவராசிகளும் மனிதனுக்கு தான் என்று எல்லோரும் நினைத்தார்கள். ஆனால் இயற்கை ஒரு சமநிலையை பேணவே எல்லா உயிர்களையும் ஒரு அளவில் படைத்துள்ளது. அச்சமநிலையை கெடுத்தால் அதன் மோசமான பின்விளைவுகளை நாம் அனுபவித்ததாக வேண்டும். குறிப்பிட்ட சில உயிரனங்கள் குறைகின்றது என்றால் அதற்கு காரணம் மனிதன் தான்.

அதேப்போல் மேற்கத்திய நாடுகள் மாட்டு இறைச்சிகளை இந்தியா போன்ற நாடுக்களிடம் இருந்து இறக்குமதி செய்கின்றன. இதனால் இந்தியாப் போன்ற நாடுகளில் மாடுகளை அதிகமாக வளர்க்கிறார்கள். ஒவ்வொரு மாட்டுக்கும் தண்ணீர் தேவைகள் அதிகமாக இருக்கும். இத்தண்ணீர் விவசாயத்திற்கும் மற்ற இயற்கை வளங்களான மரங்களுக்கும் பயன்பன்படாமல் போகின்றன. இதனால் இயற்கையின் சமநிலை குலைகிறது. அதிகாமன ஏற்றுமதியும் இறக்குமதியும் இதற்கு முக்கியமான காரணம் என்றாலும், இதனுடைய வேர் ஊன் உணவை உண்ணுவதில் இருக்கிறது. அதனால் தான் உண்ணாம உள்ளது உயிர்நிலை என்கிறார் திருவள்ளுவர்.

சீவக சிந்தாமணி (1235) ஊண் உண்பார் நரகத்துழலுதலை, ”ஊன்சுவைத் துடம்பு வீக்கி நரகத்தில் உறைதல்” என்கும். முனைப்பாடியார் எழுதி அறநெறிச்சாரப் பாடல் நரகுய்க்கும் என்று சொல்லாவிட்டாலும், ஊனை ஒழித்தால் ஊறு இல்லை என்கிறது.
“கொன்றூன் நுகருங் கொடுமையை யுன்நினைந்து
அன்றே ஒழிய விடுவானேல்-என்றும்
இடுக்கணெனவுண்டோ இல்வாழ்க்கைக்குள்ளே
படுத்தானாந் தன்னைத் தவம்.”

மேலும்: அஷோக் உரை


பரிமேலழகர் உரை
உயிர் நிலை உண்ணாமை உள்ளது - ஒருசார் உயிர் உடம்பின் கண்ணே நிற்றல் ஊன் உண்ணாமை என்கின்ற அறத்தின் கண்ணது; உண்ண அளறு அண்ணாத்தல் செய்யாது - ஆகலான், அந்நிலை குலைய ஒருவன் அதனை உண்ணுமாயின், அவனை விழுங்கிய நிரயம் பின் உமிழ்வதற்கு அங்காவாது. (உண்ணப்படும் விலங்குகள் அதனால் தேய்ந்து சிலவாக, ஏனைய பலவாய் வருதலின், 'உண்ணாமை உள்ளது உயிர்நிலை' என்றார். 'உண்ணின் என்பது உண்ண' எனத்திரிந்து நின்றது. ஊன் உண்டவன் அப்பாவத்தான் நெடுங்காலம் நிரயத்துள் அழுந்தும் என்பதாம். கொலைப் பாவம் கொன்றார்்மேல் நிற்றலின், பின் ஊன் உண்பார்க்குப் பாவம் இல்லை என்பாரை மறுத்து, அஃது உண்டு என்பது இவ்விரண்டு பாட்டானும் கூறப்பட்டது.).

மணக்குடவர் உரை
புலாலை யுண்ணாமை வேண்டும். அது பிறிதொன்றின் புண். ஆதலால் அதனை அவ்வாறு காண்பாருண்டாயின். இது புலால் மறுத்தல் வேண்டுமென்பதூஉம், அது தூயதாமென்பதூஉங் கூறிற்று.

மு.வரதராசனார் உரை
உயிர்கள் உடம்பு பெற்று வாழும் நிலைமை, ஊன் உண்ணாதிருத்தலை அடிப்படையாகக் கொண்டது ஊன் உண்டால் நரகம் அவனை வெளிவிடாது.

சாலமன் பாப்பையா உரை
இறைச்சியைத் தின்னாது இருத்தல் என்னும் அறத்தின்மேல் உயிர்நிலை இருக்கிறது. இதை மீறித் தின்னும் உயிர்களை நரகம் விழுங்கும்; வெளியே விடவும் செய்யாது.

English Meaning - As I taught a kid - Rajesh
Survival of species (or the equilibrium of the eco system), depends on not being eaten; those who eat them… hell will not split its mouth to spit them out. They have to suffer in the hell. i.e., survival of species is ensured by presence of vegetarians. 

Many western countries import meat from developing countries. This is because they want to protect their water (and ground water). When developing countries cultivate more livestock, it ends up depleting the water resources quickly and even depletes the ground water. For e.g., for 1 kg of rice we need approximately 3000 to 5000 litre of water. For 1kg of chickpeas we need approximately 10000 litre of water. However, for 1 kg of beef meat, we need approximately 15000 litre of water. 1kg of chickpeas can be consumed by at least 20 people. However 1kg of meat can be consumed only 10 people. Meat is not water economical by any standards. (There are other aspects such as carbon foot prints etc)

When the water from the natural resources such as river and ground water are misused (for the sake of beef meet), it would lead to barren lands which would in turn cause draught. This would lead to food shortages leading to inflation leading to poverty leading to deaths etc. This can be considered as hell.

Questions that I ask to the kid
What does survival of species depends on? Explain with an example. 

அருளல்ல தியாதெனிற் கொல்லாமை

குறள் 254
அருளல்ல தியாதெனிற் கொல்லாமை கோறல்
பொருளல்ல தவ்வூன் தினல்
[அறத்துப்பால், துறவறவியல், புலான்மறுத்தல்]

பொருள்
அருள் - சிவசக்தி; கருணை பொலிவு முதிர்ந்தமாதுளைமரம்; நல்வினை ஏவல்

அல்லது - தீவினை; தவிர

யாது? - எது; இராக்கதன்; பிசாசு; கள்; நினைவு.

எனின் - என்றால், என்றுசொல்லின்; என்கையால்.

கொல்லாமை - உயிர்க் கொலை செய்யாமை

கோறல் - கொல்லுதல்

பொருள் - சொற்பொருள்; செய்தி; உண்மைக்கருத்து; செய்கை; தத்துவம்; மெய்ம்மை; நன்குமதிக்கப்படுவது; அறிவு; கொள்கை; அறம்; பயன்; வீடுபேறு; கடவுள்; பலபண்டம்; பொன்; மகன்; தந்திரம்; முலை; உவமேயம்; அருத்தாபத்தி; அகமும்புறமுமாகியதிணைப்பொருள்கள்; அர்த்தசாத்திரம்; தலைமை.

அல்லது - தீவினை; தவிர

அவ் - அந்த ; சுட்டுச்சொல்; அவை

ஊன் - தசை, இறைச்சி; கொழுப்பு; உடம்பு.

தினல் - தின்னுதல் - உண்ணுதல்; கடித்தல்; மெல்லுதல்; அரித்தல்; அழித்தல்; வருத்துதல்; வெட்டுதல்; அராவுதல்; பெறுதல்.

முழுப்பொருள்
நல்வினை அல்லாதது எது என்றால்? அது பிறர் உயிர்களை (மனிதர்கள், விலங்குகள்) கொல்லல் ஆகாது என்னும் கொள்கையை கொள்வது. அதாவது பிறர் உயிர்களை கொள்வது நல்வினை ஆகாது.  மதிக்கத்தக்கது அல்ல வீடுபேறு பெறக்கூடியது அல்ல அறிவானது (சான்றோன் செய்வது) அல்ல அந்த ஊனை தின்பது. அதாவது "கொன்றால் பாவம் தின்னா போச்சு" என்று கூறுவோர்க்கு மறுப்பாக திருவள்ளுவர் அன்றே கூறிய பதில்.

கொள்ளாமை கோறல் என்று ஏன் சொல்கிறார் ? கொல்லாமை எனப்படுவது அடிப்படையாக கடைபிடிக்கவேண்டிய கொள்கை என்பதை கூறவே.

மேலும்: அஷோக் உரை

பரிமேலழகர் உரை
அருள் யாது எனின் கொல்லாமை - அருள் யாது எனின், கொல்லாமை : அல்லது (யாதெனின்) கோறல் - அருள் அல்லது யாது எனின் கோறல்: அவ்வூன் தினல் பொருள் அல்லது - ஆகலான் அக்கோறலான் வந்த ஊனைத் தின்கை பாவம். (உபசாரவழக்கால் 'கொல்லாமை, கோறல்' ஆகிய காரியங்களை 'அருள் அல்லது' எனக் காரணங்கள் ஆக்கியும் 'ஊன் தின்கை' ஆகிய காரணத்தைப் 'பாவம்' எனக் காரிய மாக்கியும் கூறினார். அருளல்லது - கொடுமை. சிறப்புப்பற்றி அறமும் பொருள் எனப்படுதலின், பாவம் பொருள் அல்லது எனப்பட்டது. 'கோறல்' என முன் நின்றமையின் 'அவ்வூன்' என்றார். இனி இதனை இவ்வாறன்றி 'அருளல்லது' என்பதனை ஒன்றாக்கிக், 'கொல்லாமை கோறல்' என்பதற்குக் 'கொல்லாமை என்னும் விரதத்தை அழித்தல்' என்று உரைப்பாரும் உளர்.).

மணக்குடவர் உரை
அருளல்லது யாதெனின், கொல்லாமையைச் சிதைத்தல்; பொருளல்லது யாதெனின் அவ்வூனைத் தின்றல். இஃது அதனை யுண்டதால் அருள் கெடுதலேயன்றிப் பெறுவதொரு பயனுமில்லை என்றது.

மு.வரதராசனார் உரை
அருள் எது என்றால் ஓர் உயிரையும் கொல்லாமலிருத்தல் அருளல்லாது எது என்றால் உயிர்களைக்கொள்ளுதல் அதன் உடம்பைத் தின்னுதல் அறம் அல்லாதது.

சாலமன் பாப்பையா உரை
இரக்கம் எது என்றால் கொலை செய்யாமல் இருப்பதே; இரக்கம் இல்லாதது எது என்றால் கொலை செய்வதே; பாவம் எது என்றால் இறைச்சியைத் தின்பதே.

படைகொண்டார் நெஞ்சம்போல் நன்னூக்காது ஒன்றன்

குறள் 253
படைகொண்டார் நெஞ்சம்போல் நன்னூக்காது ஒன்றன் 
உடல்சுவை உண்டார் மனம் 
[அறத்துப்பால், துறவறவியல், புலான்மறுத்தல்]
(For meaning in English, scroll to the bottom of this post)

பொருள்
படை - paṭai   n. படு²-. [K. paḍe.] 1.Army; சேனை (பிங்.) படையியங் கரவம் (தொல்.பொ. 58). 2. Forces for the defence of akingdom, of six kinds, viz., mūla-p-paṭai,kūli-p-paṭai, nāṭṭu-p-paṭai, kāṭṭu-p-paṭai,tuṇai-p-paṭai, pakai-p-paṭai;பகைப்படை என்ற அறவகைச்சேனை. (குறள், 762, உரை ) 3. Mob, rabble, crowd; திரள் Colloq.4. Relations and attendants; பரிவாரம் அவன்படைகளுக்கு யார் போட்டுமுடியும்? 5. Weapons,arms of any kind; ஆயுதம் தொழுதகை யுள்ளும்படையொடுங்கும் (குறள், 828). 6. Instrument,implement, tool; கருவி 7. Means, agency;சாதனம். செல்வத்தைத் தேய்க்கும் படை (குறள்,555). 8. (Jaina.) Traid of excellent things.See இரத்தினத்திரயம் படை மூன்றும் (சீவக. 2813).9. A sledge-like weapon, used in war; முசுண்டி (பிங்.) 10. Ploughshare; கலப்பை (பிங்.) படையுழ வெழுந்த பொன்னும் (கம்பரா. நாட்டு 7). 11.Saddle; குதிரைக்கலனை. பசும்படை தரீஇ (பெரும்பாண். 492). 12. Covering and tra  

கொண்டார் - உடையவர்

நெஞ்சம் - neñcam   n. id. [M. neñca.]1. See நெஞ்சு தாமுடைய நெஞ்சந் துணையல்வழி(குறள், 1299). 2. Love; அன்பு நெஞ்சத் தகநகநட்பது நட்பு (குறள், 786).

போல் - pōl   part. போல்-. [T. pōlu, K.pōl, M. pōluga, Tu. hōlu.] 1. A particle ofcomparison; ஓர் உவமவுருபு. சமன்செய்து சீர்தூக்குங் கோல்போ லமைந்து (குறள், 118). 2. An expletive; ஓர் அசைச்சொல். (திருக்கோ. 222.)

நன்று - naṉṟu   n. நன்-மை. 1. That whichis good, goodness; நல்லது அங்கிது நன்றிது நன்றெனு மாயை யடங்கிடு மாகாதே (திருவாச. 49, 8).(சூடா.) 2. Excellence; சிறப்பு 3. Greatness,largeness; பெரிது (தொல். சொல் 343.) 4. Virtue,merit; அறம் நட்டார் குறை முடியார் நன்றாற்றார்(குறள், 908). 5. Happiness, felicity; இன்பம் நன்றாகு மாக்கம் பெரிதெனினும் (குறள், 328).6. Good deed; நல்வினை சான்றோர் செய்த நன்றுண்டாயின் (புறநா. 34). 7. Benefit; உபகாரம் தக்கார்க்கு நன்றாற்றார் (நாலடி, 327). 8. Prosperity; வாழ்வினாக்கம். நன்றாங்கா னல்லவாக் காண்பவர் (குறள், 379). 9. Heaven; சுவர்க்கம் வாள்வாய் நன்றாயினு மஃதெறியாது விடாதே காண் (கலித்.149). 10. Expr. signifying approval; அங்கீகாரக்குறிப்பு. நன்றப்பொருளே வலித்தேன் (சீவக. 1932).

ஊக்காது - ஆட்டுதல்; நெகிழ்த்துதல்; தப்புதல்; ஆர்வமூட்டுதல்; முயலுதல்; கற்பித்தல்; நினைத்தல்; ஏறுதல்; நோக்குதல்.

ஊக்காது

ஒன்றன் - ஒன்று - oṉṟu   n. [T. oṇḍu, K. ondu, M.onnu, Tu. onji.] 1. The number one; க என்னும் எண் (திவ். திருச்சந். 7.) 2. A person ofconsequence, a person worthy of regard; மதிப்புக்குரிய பொருள் ஒறுத்தாரை யொன்றாக வையாரே(குறள், 155). 3. Attaining salvation; வீடுபேறு (திவா.) 4. Union; ஒற்றுமை வேந்தர் வேந்த னிதயமு மொன்றாய்நின்ற வியற்சையை (பாரத. சூதுபோர்.7). 5. Truth; வாய்மை ஒன்றுரைத்து (கம்பரா.கிளை. 24). 6. Semen; இந்திரியம் இரண்டடக்கார்ஒன்று பலகாலமும் விட்டிடார் (திருவேங். சத. 74). 7.Euphemism for urination; சிறுநீர் ஒன்றுக்குப்போய்வா. Colloq. 8. (Gram.) Singular numberof the impersonal class; அஃறிணை யொருமைப்பால். (நன். 263.) 9. That which is imcomparable; ஒப்பற்றது. -- conj. Or; else; விகற்பப்பொருளைக்காட்டும் இடைச்சொல் ஒன்று தீவினையைவீடு, ஒன்று அதன்பயனை நுகர் 

உடல் - uṭal   n. prob. உடன் [T. oḍalu, K.oḍal, M. Tu. uḍal.] 1. Body; உடம்பு (பிங்.) 2.Consonant; மெய்யெழுத்து உடன்மேலுயிர்வந்து(நன். 204). 3. Birth; பிறவி தோலி னுடையாலுந்தீரா துடல் (சைவச. பொது 403). 4. Means, instrument; சாதனம் பசுவதனுஸந்தானத்துக் குடலாமே (ஈடு, 1, 2, 8). 5. Gold; பொன் (திவா.) 6.The wherewithal, money; பொருள் விளக்கேற்றற்குடலில னாப (பதினொ. திருத்தொண். 54). 7. Mainbody of a cloth, excluding the border spaces;ஆடையின் கரையொழிந்த பகுதி உடல் அரக்கு Colloq. 8. Texture of a cloth as judged by thewarp and woof; ஆடையினிழை. Colloq.

சுவை - ஐம் புலன் களுள் நாவின் உணர்வு, உருசி; இன்பம்; இரசம்; இனிமை; கவிதையின் இரசம்; சித்திரை நாள்.

உண்ணுதல் - உணவுஉட்கொள்ளுதல்; பொருந்துதல் நுகருதல்; அனுபவித்தல் இசைவாதல்.

உண்டார் - உண்டவர்

மனம் - நெஞ்சம்; எண்ணம்; விருப்பம்; இந்துப்பு.

முழுப்பொருள்
போர்களத்தில் படைகொண்டவர்கள் பிற உயிர்கள் மீது இரக்கம் அற்றவர்கள். பிற உயிர்களை (எதிரி உயிர்களை) வெட்டி வீழ்த்துவது அவர்களுக்கு ஒரு வெற்றிச் சுவை. அவ்வெற்றியில் கள்வெறியும் உன்மத்தமும் அடைவர். அதில் அவர்கள் வாழ்நாளெல்லாம் திளைப்பர். அவ்வளவு ஏன், தன்மீது வாளின் வெட்டுகள் பட்டாலும், குண்டுகள் சீண்டினாலும், அதன் தழும்புகளை வீர அடையாளங்களாகவே பார்ப்பார்கள். அதற்காக மகிழ்ச்சி அடைவர். எவ்வித குற்ற உணர்ச்சியும் இல்லாமல் இருப்பார்கள்

அதைப்போன்றவர்களே பிற உயிர்களின் (விலங்குகளின்) ஊணை/மாமிசத்தை உண்ணுபவர்கள். அவர்களுடைய மனமும் இரக்கமும் குற்ற உணர்ச்சியும் கருணையும் அற்றதாகவே இருக்கும்.



ஊனுண்ணுவார் மனம் நல்லதை நினையாததையத் திரிகடுகப்பாடல்,(74 “கொலைநின்று தின்றொழுகு வானும்பெரியவர் புல்லுங்கால் தான்புல்லும் பேதையும் – இல்லெனக்கொன்று ஈகென் பவனை நகுவானும் இம்மூவர் யாதும் கடைப்பிடியா தார்.” என்று சொல்லி, கொலைநின்று தின்றொழுகுதலை அறநெறி நில்லாரின் முதற்குற்றமாகக் கூறுகிறது.

மேலும்: அஷோக் உரை

பரிமேலழகர் உரை
படை கொண்டார் நெஞ்சம் போல் - கொலைக் கருவியை தம் கையில் கொண்டவர் மனம் அதனால் செய்யும் கொலையையே நோக்குவதல்லது அருளை நோக்காதவாறு போல, ஒன்றன் உடல் சுவை உண்டார் மனம் நன்று ஊக்காது - பிறி்தோர் உயிரின் உடலைச் சுவைபட உண்டவர் மனம் அவ்வூனையே நோக்குவது அல்லது அருளை நோக்காது. (சுவைபட உண்டல், காயங்களான் இனிய சுவைத்து ஆக்கி உண்டல். இதனான் ஊன் தின்றார் மனம் தீங்கு நினைத்தல் உவம அளவையால் சாதித்து, மேலது வலியுறுத்தப்பட்டது.).

மணக்குடவர் உரை
ஆயுதம் கையிற்கொண்டவர் நெஞ்சுபோல் நன்மையை நினையாது: ஒன்றினுடலைச் சுவைபடவுண்டார் மனம்.

மு.வரதராசனார் உரை
ஓர் உயிரின் உடம்பைச் சுவையாக உண்டவரின் மனம் கொலைக்கருவியைக் கையில் கொண்டவரின் நெஞ்சம் போல் நன்மையாகி அருளைப் போற்றாது.

சாலமன் பாப்பையா உரை
கத்தியைத் தன் கையில் பிடித்திருப்பவரின் மனம், இரக்கத்தை எண்ணிப் பாராதது போலப் பிறிதொரு உடலைச் சுவைத்து உண்டவரின் மனமும் இரக்கத்தை எணணாது.

English Meaning - As I taught a kid - Rajesh
The heart of one who has eaten and relished flesh, is like the heart of one leading an army: it cannot be compassionate; it is merciless. The person heading the army relishes killing the opponents, doesn't worry about the loss of lives of his own soldiers being killed during the battle. They wear such deaths as a badge of honor because they do not have any guilt. Similarly, people who eat and relish flesh of other creatures are not compassionate.

Questions that I ask to the kid
How do you describe the heart of one who has eaten and relished flesh, is like?

தன்னூன் பெருக்கற்குத் தான்பிறிது ஊனுண்பான்

குறள் 251
தன்னூன் பெருக்கற்குத் தான்பிறிது ஊனுண்பான் 
எங்ஙனம் ஆளும் அருள்.
[அறத்துப்பால், துறவறவியல், புலான்மறுத்தல்]

பொருள்
தன் - தன்னுடைய
ஊன் - ūṉ   s. flesh, தசை; 2. meat, மாமிசம்; 3. marrow, fat, நிணம்; 4. proud flesh over a sore; 5. the body, உடல்; இறைச்சி; கொழுப்பு; உடம்பு.
பெருக்கற்குத் - பெருக்கம் / - வளர்ச்சி; மிகுதி; செல்வம்; வெள்ளம்; நிறைவு; நீடிப்பு;  பெருத்தல்  - peru-   11 v. intr. cf. bṛh. [T.perugu, M. peruguga.] 1. To grow thick,large, stout; பருத்தல். 2. To become numberous; மிகுதல்.
தான் - அதற்காக
பிறிது - பிற உயிர்களின்
ஊன் - ūṉ   s. flesh, தசை; 2. meat, மாமிசம்; 3. marrow, fat, நிணம்; 4. proud flesh over a sore; 5. the body, உடல்; இறைச்சி; கொழுப்பு; உடம்பு.
உண்பான் - உணவாக உட்கொள்ளுபவன்
எங்ஙனம்  -e-ṅ-ṅaṉ-am   adv. id. +. 1.How, in what manner; எவ்வாறு எங்ஙன மறந்துவாழ்கேன் (திவ். திருமாலை, 23). 2. Where, to whatplace; எவ்விடம் சிறுவர்க ளெங்ஙனம் போயினார் (கந்தபு. தக்கன்மக. 52).
ஆளும்  - ஆளுகை, v. noun. Rule, govern ment, domination, authority.
அருள் - சிவசக்தி; கருணை பொலிவு முதிர்ந்தமாதுளைமரம்; நல்வினை, ஏவல், s. Grace, mercy, kindness, favor, benevolence, கிருபை. 2. The act of giving, ஈகை. 3. Power, சத்தி. 4. (fig.) Per mission, command, கட்டளை. (p.)

முழுப்பொருள்
தன்னுடைய உடம்பு வளரவேண்டும், தன்னுடைய உடல் கட்டுடல் மேனியாக (கட்டு மஸ்தானமாக) வளரவேண்டும் என்பதற்காக ஈவு இரக்கம் இன்றி பிறிதொரு உயிரை கொன்று அவ்வுடலின் ஊனை ஒருவன் உண்பான் என்றால் அவனிடத்தில் பிற உயிர்கள் மீது எவ்வாறு இரக்கம் உள்ளவராக இருக்க முடியும் ? என்கிறார் திருவள்ளுவர்.

இனியவை நாற்பது, “ஊனைத்தின்று  ஊனைப் பெருக்காமை முன்னினிதே”. என்கிறது. இதையே இன்னா நாற்பது(5), “ஊனைத்தின்று ஊனைப் பெருக்கல் முன் இன்னா” என்கிறது. சிறுபஞ்சமூலம், “ஓர்த்துடம்பு பேருமென்றூனவாய் உண்ணானேல்” என்கிறது சிறுபஞ்சமூலம் (18). சமண இலக்கியமான சீவகசிந்தாமணியில் (!235), “ஊன்சுவைத்து உடம்பு வீக்கி நரகத்தில் உறைதல்” என்று ஊன் உண்ணலை நரகத்தில் வைக்கும் செயலாகச் சொல்லுகிறது.

இளங்கோவடிகளும், சிலப்பதிகாரத்தில், “ஊனூண் துறமின்! உயிர்க்கொலை நீங்குமின்!”உயிர் கொன்றுஉண்டு வாழும்நாள் செய்யன் மின்;” என்கிறார்.
வளையாபதி என்னும் பெருங்காப்பியத்திலிருந்து, (முழு காப்பியமும் கிடைக்கவில்லையாயினும்), பிற இலக்கியங்களிலும், அவற்றின் உரைகளிலும் காணப்படும் மேற்கோள் செய்யுள்களைத் தொகுத்து, செய்யப்பட்ட “புறப்பாடல் திரட்டு” என்ற நூலும் புலால் மறுத்தலை பல இடங்களில் வலியுறுத்துகிறது. எடுத்துக்காட்டாக இச்செய்யுளைப் பார்க்கலாம். “காது உயிர் கொல்வானின் மிகாமைஇலை பாவம்
அவாவிலையில் உண்பான் புலால்பெருகல் வேண்டும்
புகாவலை விலங்காய்ப் பொறாதுபிற ஊன்கொன்று
அவாவிலையில் விற்பானும் ஆண்டு அதுவே வேண்டுமால்.”

இதையும்விட, “அறவகை ஓரா விடக்கு மிசைவோர்”, என்று அறமுறைகளை ஆராய்ந்துணராமல் ஊன் தின்பவர், என்று புலால் உண்பவர்களச் சாடுகிறது.

மேலும்: அஷோக் உரை

பரிமேலழகர் உரை
[அஃதாவது, ஊன் உண்டலை ஒழிதல். கொலைப்பாவத்தைப் பின்னும் உளது ஆக்கலின் அதற்குக் காரணம் ஆதலையும் முன்னும் அதனான் வருதலின் அதன் காரியம் ஆதலையும் ஒருங்குடையதாய ஊன் உண்டல் அருளுடையார்க்கு இயைவதன்று. ஆகலின் அதனை விலக்குதற்கு இஃது அருள் உடைமையின் பின் வைக்கப்பட்டது.)

தன் ஊன் பெருக்கற்குத் தான் பிறிது ஊன் உண்பான் - தன் உடம்பை வீக்குதற் பொருட்டுத் தான் பிறிதோர் உயிரின் உடம்பைத் தின்பவன், எங்ஙனம் ஆளும் அருள் - எவ்வகையான் நடத்தும் அருளினை? (பயன் இலாத ஊன் பெருக்கலைப் பயன் எனக்கருதி இக்கொடுமை செய்வானே அறிவிலாத கொடியோன் என்றவாறு ஆயிற்று. 'எங்ஙனம் ஆளும் அருள்' என்பது, ஆளான் என்பது பயப்ப நின்ற இகழ்ச்சிக் குறிப்பு.).

மணக்குடவர் உரை
தன்னுடைம்பை வளர்த்ததற்குத் தான் பிறிதொன்றினது உடம்பை உண்ணுமவன் அருளுடையவனாவது மற்றியா தானோ?. ஊனுண்ண அருள்கெடுமோ என்றார்க்கு இது கூறப்பட்டது.

மு.வரதராசனார் உரை
தன் உடம்பைப் பெருக்கச் செய்வதற்காகத் தான் மற்றோர் உயிரின் உடம்பைத் தின்கின்றவன் எவ்வாறு அருளுடையவனாக இருக்க முடியும்?.

சாலமன் பாப்பையா உரை
தன் உடம்பை வளர்ப்பதற்காக இன்னோர் உடம்பைத் தின்பவன் மனத்துள் இரக்கம் எப்படி இருக்கும்?.

பொருளாட்சி போற்றாதார்க்கு இல்லை

குறள் 252
பொருளாட்சி போற்றாதார்க்கு இல்லை அருளாட்சி 
ஆங்கில்லை ஊன்தின் பவர்க்கு
[அறத்துப்பால், துறவறவியல், புலான்மறுத்தல் ]

பொருள்
பொருள் - சொற்பொருள்; செய்தி; உண்மைக்கருத்து; செய்கை; தத்துவம்; மெய்ம்மை; நன்குமதிக்கப்படுவது; அறிவு; கொள்கை; அறம்; பயன்; வீடுபேறு; கடவுள்; பலபண்டம்; பொன்; மகன்; தந்திரம்; முலை; உவமேயம்; அருத்தாபத்தி; அகமும்புறமுமாகியதிணைப்பொருள்கள்; அர்த்தசாத்திரம்; தலைமை.

ஆட்சி -  உரிமை; ஆளுகை அதிகாரம் ஆன்றோர்வழக்கு; அனுபவம் தாயமுறையில்வந்தஉரிமை; மக்கள்அணையலாகாதெனக்கட்டளையிடப்பட்டஇடம்; கோள்நிலை; கிழமை

போற்றுதல் - வணங்குதல்; துதித்தல்; பாதுகாத்தல்; வளர்த்தல்; பரிகரித்தல்; கடைப்பிடித்தல்; உபசரித்தல்; விரும்புதல்; கருதுதல்; மனத்துக்கொள்ளுதல்; கூட்டுதல்.
போற்றாதார்க்கு  - பாதுகாத்தாருக்கு, வளர்க்காதாருக்கு

இல்லை - இருக்காது, தங்காது

அருள்  - சிவசக்தி; கருணை பொலிவு முதிர்ந்தமாதுளைமரம்; நல்வினை ஏவல்

ஆங்கு - அவ்விடம்; அக்காலத்தில்; அப்படி ஓர்உவமஉருபு; ஏழன்உருபு; ஓர்அசைநிலை
இல்லை -  நிலைத்து தங்காது, இருக்காது

ஊன் -  தசை, இறைச்சி; கொழுப்பு; உடம்பு

தின்பவர்க்கு  -  உட்க்கொள்ளுபவர்

முழுப்பொருள்
இவ்வுலகில் பொருட்செல்வம் என்பது மிகுந்து மதிக்கபடுவதாக இருக்கிறது. இந்த சமுதாயத்தில் வாழ பொருளும் தேவை படுகிறது. பொருள் இல்லாமல் வாழ்வது என்றால் அது துறவறம் பூண்டால் மட்டுமே முடியும். ஆனால் இல்லற வாழ்வில் பொன்னும் பொருளும் மிகவும் முக்கியம். ஆனால் அப்பொன்னையும் பொருளையும் ஒருவர் வணங்கவில்லை என்றால், மதிக்கவில்லை என்றால், காக்கவில்லை என்றால், அதனை வளர்க்கவில்லை என்றால் பொருள் செலவு ஆகும். ஆதலால் பொன் தங்காது. அதனால் தான் திருவள்ளுவர் சொல்கிறார் பொருளாட்சி போற்றாதார்க்கு இல்லை என்று.

அதுபோல வாழ்வில் நல்விணையால் ஒருவர் பெருவது அருள் ஆகும். ஆனால் ஒருவர் புலாலை தின்பதால் அவருக்கு அந்த அருள் நிலைக்காமல் நீங்கி விடும். ஆதலால் மாமிசம் தின்பதால் ஒருவர் பெற்ற அருளும் செலவாகி கடைசியில் ஒன்று இல்லாமல் ஆகிவிடும்.

மேலும்: அஷோக் உரை

ஒப்புமை
”பொருள்தனைப் போற்றிவாழ்” (ஆத்திசூடி)

பரிமேலழகர் உரை
பொருள் ஆட்சி போற்றாதார்க்கு இல்லை - பொருளால் பயன் கோடல் அதனைப் பாதுகாவாதார்க்கு இல்லை, ஆங்கு அருள் ஆட்சி ஊன் தின்பவர்களுக்கு இல்லை - அது போல அருளால் பயன் கோடல் ஊன் தின்பவர்களுக்கு இல்லை. (பொருட்பயன் இழத்தற்குக் காரணம் காவாமை போல, அருட்பயன் இழத்தற்கு ஊன் தின்னல் காரணம் என்பதாயிற்று. ஊன் தின்றாராயினும் உயிர்கட்கு ஒரு தீங்கும் நினையாதார்க்கு அருள் ஆள்தற்கு இழுக்கு இல்லை என்பாரை மறுத்து, அஃது உண்டு என்பது இவை இரண்டு பாட்டானும் கூறப்பட்டது.).

ஞா. தேவநேயப் பாவாணர் உரை
பொருள் ஆட்சி போற்றாதார்க்கு இல்லை-பொருளைக் கையாளுதல் அதைப் பாதுகாவாதார்க்கு இல்லை; ஆங்கு அருள் ஆட்சி ஊன் தின்பவர்க்கு இல்லை-அதுபோல அருளைக்கையாளுதல் ஊன் உண்பவர்க்கு இல்லை.

ஊனுண்பவர்க்கு அருளில்லை யென்பது இங்கு முடிந்த முடிபாகக் கூறப்பட்டது. இம் முடிவிற்கு முந்தின குறள் ஏதுவாம்.

மணக்குடவர் உரை
பொருளினை யாளுதல் அதனைக் காக்கமாட்டாதார்க்கு இல்லை. அதுபோல அருளினை யாளுதல் ஊன் தின்பவர்க்கு இல்லை. இஃது ஊனுண்ண அருட்கேடு வருமென்றது.

மு.வரதராசனார் உரை
பொருளுடையவராக இருக்கும் சிறப்பு அப்பொருளை வைத்துக் காப்பாற்றாதவர்க்கு இல்லை, அருளுடையவராக இருக்கும் சிறப்பு புலால் தின்பவர்க்கு இல்லை.

சாலமன் பாப்பையா உரை
பொருளால் பயன் பெறுவது அதைப் பாதுகாக்காதவர்க்கு இல்லை; அது போல, இரக்கத்தால் பயன்பெறுவது இறைச்சி தின்பவர்க்கு இல்லை

பொருள்: பொருள் ஆட்சி போற்றாதார்க்கு இல்லை-செல்வத்தை (ஈட்டி) ஆளுந்தன்மை (அதனைப்) பேணாதவர்க்கு இல்லை ; ஆங்கு- அதுபோல, அருள் ஆட்சி ஊன் தின்பவர்க்கு இல்லை-அருளை (ஈட்டி) ஆளுந்தன்மை புலால் உண்பவர்க்கு இல்லை.

கருத்து: புலால் உண்பவர்பால் அருள் நிற்றல் இல்லை.

படைகொண்டார் நெஞ்சம்போ னன்றூக்கா தொன்ற
னுடல்சுவை யுண்டார் மனம். (223)

கொல்லான் புலாலை மறுத்தானை எல்லா உயிருந் தொழும்

குறள் 260
கொல்லான் புலாலை மறுத்தானைக் கைகூப்பி
எல்லா உயிருந் தொழும்.
[அறத்துப்பால், துறவறவியல், புலான்மறுத்தல்]
(For meaning in English, scroll to the bottom of this post)

பொருள்
கொல்லுதல் - வதைத்தல்; அழித்தல்; வெட்டுதல்; கதிரறுத்தல்; துன்பப்படுத்துதல்; கெடுத்தல்.

கொல்லான் - பிற உயிர்களைக் கொல்லாதவன்; குறிப்பாக தானோ அல்லது பிறர் இறைச்சி உண்பதற்காக பிற உயிரை கொல்லாதவன்.

புலால் - ஊன்முதலியன; புலால்நாற்றம்; தசைநரம்பு

புலாலை -> பிறர் விற்கும்  / கொடுக்கும் இறைச்சியை கூட.

மறுத்தல் - தடுத்தல்; திருப்புதல்; இல்லையென்னுதல்; நீக்குதல்; வெட்குதல்; திரும்பச்செய்தல்; இல்லாமற்போதல்.

மறுத்தானைக் -> மறுத்தவன்.
புலாலை மறுத்தானைக்  -> பிறர் கொன்று விற்கிற புலாலைக் கூட மறுப்பவன் என்பதையும் உள்ளடக்குவதற்காக திருவள்ளுவர் கொல்லான் என்று நிறுத்தாமல் புலாலை மறுத்தானைக்  என்று சேர்கிறார்.

கூப்புதல் - கைகுவித்தல்; குவித்தல்; சுருக்குதல்.
கைகூப்பி - கைகூப்புதல் - கைகூப்பிவணங்குதல்.

எல்லாம் - முழுதும்
எல்லா உயிருந் -> உலகில் வாழும் அனைத்து உயிர்களும். இங்கே மனிதனை கூறாமல் எல்லா ஜீவராசிகளையும் (விலங்குகளையும்) உள்ளடுக்குகிறார் திருவள்ளுவர்)

தொழும் - தொழுதல் - toḻu-   1 v. tr. [K. tuḷil, M.toḻuga.] To worship, adore, pay homage to;வணங்குதல். தொழுதகை யுள்ளும் படையொடுங்கும்(குறள், 828).  

தொழும் - வணங்க தக்கவன்

முழுப்பொருள்
பிற உயிர்ளை தானோ அல்லது பிறர் இறைச்சி உண்பதற்காக கொல்லாது, பிறர் விற்கும் / கொடுக்கும் இறைச்சியை கூட (உண்ண) மறுத்து வாழ்கின்றவனை இவ்வுலகில் வாழும் எல்லா உயிர்களும் இருகரம் கூப்பி வணங்கதக்கவன். (வணங்கும் என்று பொருள் அல்ல). எல்லா உயிர்களும் வணங்கதக்கவர்கள் தேவர்கள் ஆதலால் இவனும் தேவர்களுக்கு இணையானவன் என்று பொருள்.

எல்லா உயிர்களும் உன்னை வணங்கதக்கவனாக இருக்க வேண்டுமா?  பிறர் உயிர்களை கொன்றோ (பிறர் கொன்றதை) பெற்றோ உண்ணாது இருந்தால் எல்லா உயிர்களும் தொழும். ஏனெனில் இவன் கொல்லாமல் இருப்பதனால் தானே நாம் உயிருடன் இருக்கிறோம் என்று நன்றியுடன் நினைந்து வணங்கும்.

எழுத்தாளர் ஜெயமோகன் கொல்லாமை பற்றி இரண்டு கட்டுரைகளில் விரிவாக எழுதியுள்ளார். அவை இதோ
1) உயிர்க்கொலை (சுட்டியை தட்டுக)
நாராயணகுருவிடம் ஒருவர் சொன்னார், குரு நாம் ஏன் செத்த பசுவைச் சாப்பிடக்கூடாது? அது செத்துவிட்டதே? அதன் பாலைக்குடிக்கிறோமே, அது பசுவின் குருதிதானே?”

குரு நியாயம்தான் என்று சொல்லிவிட்டார். ஆனால் கொஞ்ச நேரம் கழித்து கேட்டார். ”அம்மா இருக்காங்களா?”  அவர்””போனவருஷம் போய்ட்டாங்க குரு”’ என்றார். ”தின்னுட்டீங்களா?” என்றார் குரு.

நான் என் மீது இருக்கும் கொசுவை சாதாரணமாக அடித்துக்கொல்வேன். அதேபோல ஓர் எருமையை மண்டையில் உலக்கையைப்போட்டு அடித்துக்கொல்வேனா? மாட்டேன். ஒரு நாயை கல்லால் அடிப்பதைப்பற்றிக்கூட என்னால் யோசிக்க முடியாது. எல்லாமே உயிர்தானே, கருணை என்றால் எல்லாவற்றுக்கும் தானே என்றெல்லாம் கேட்க முடியுமா என்ன?

அதாவது உயிர்கள் எல்லாம் நமக்கு ஒன்று அல்ல. அவற்றுக்குள் பேதம் உள்ளது. பெரிய உயிர் சின்ன உயிர் என உள்ளது. அரிய உயிர் எளிய உயிர் என உள்ளது . ஓர் உயிரின் நுண்ணறிவு, அதன் வாழ்நாள்… அனைத்துக்கும் மேலாக அதற்கும் நமக்குமான உறவு. அது நமக்குள் எவ்வகைப்பட்ட குறியீடாக உள்ளது என்பது. ஒரு மனிதன் நமக்கு மிக முக்கியமான உயிர். நாய் இன்னமும் குறைவான உயிர். ஓணான் இன்னும் கொஞ்சம் குறைந்தது. புழு இன்னமும் குறைந்தது.

ஆம், எல்லா உயிரும் நமக்கு ஒன்றல்ல. ஒரு நாயைக்கொன்றால் நம்மில் யாருமே இரவு தூங்க மாட்டோம். பூச்சிமருந்தடித்து ஒரேநாளில் ஆயிரக்கணக்கான பூச்சிகளைக் கொல்வோம்.இயற்கையே அந்த பேதத்துடன் தான் படைத்துள்ளது. கொசு கொல்லக்கொல்ல பெருகும். யானையை கொன்றால் அடுத்த குட்டி பிறக்க கால்நூற்றாண்டு ஆகும்.

உயிர்க்கொலை என்பது இந்த பூமியின் ஓர் இயற்கையான நிகழ்வு. அதற்கு எதிராக பண்பாடு உருவாக்கிக்கொண்ட விழுமியம்தான் கருணை என்பது. எல்லா விழுமியங்களும் ஓர் நடைமுறைத்தேவையில்  இருந்து உருவானவையே. அவை ஒரு சமூகத்தைக் கட்டி எழுப்புகின்றன. வீரம் என்பதும் கருணை என்பதும் ஒரே சமூகத்தால் உருவாக்கப்படுகின்றன.ஒரு இடத்தில் கொலை வீரமாக கருதப்படுகிறது. இன்னொரு இடத்தில் அது பாவமாக.

அதேபோலத்தான் கருணையும்.  அது முழுமுற்றான ஒன்றல்ல. எந்த விழுமியமும் முழுமுற்றானதல்ல. அவை சார்புநிலை உடையவை. செடியை பிடுங்கி நறுக்கி உண்பது கருணைக்கு மாறானதல்ல, கொசுவைக் கொல்வது போல. ஆனால் ஆட்டை வெட்டி உண்பது கருணைக்கு மாறானது.

எளிமையான பதிலே இதுதான், கீரையை நறுக்குபவர்கள் ஆட்டைக் கொல்வார்களா? ஆடு நம் மனதில் வெறும் உயிரல்ல. அது ஒரு குறியீடாக, நெருக்கமானதாக உள்ளது. அதன் பழக்கங்கள், அவற்றின் வழியாக வெளிப்படும் அதன் மனம் நாம் அறிந்ததாக உள்ளது. கொசுவைக் கொல்லும்போது நாம் வெறுமொரு உயிரைக் கொல்கிறோம். ஆட்டைக் கொல்லும்போது ஓரு மனதையும் சேர்த்தே கொல்கிறோம். நமக்கும் ஆட்டுக்கும் இடையே உள்ள உறவைக் கொல்கிறோம். அதன் மூலம் உருவான ஒரு குறியீட்டைக் கொல்கிறோம்.

விழுமியங்கள் என்பவை சமூகக் கட்டுமானங்கள்தான். உதாரணமாக சென்ற தலைமுறையினருக்கு மரங்களை வெட்டுவதில் குற்றவுணர்ச்சியே இல்லை. ஒரு காயைப்பறிப்பதுபோல வெட்டுவார்கள். நமக்கு இப்போது குற்றவுணர்ச்சி உள்ளது. நம் தேவைக்காக ஒரு மரத்தை வெட்ட நம்மால் முடியாது. வெட்டினால் நிம்மதி இழப்போம். இந்த விழுமியம் சமீபகாலமாக, கடந்த 50 வருடங்களில், மானுடகுலத்தில் உருவாக்கப்பட்டது.

கருணை என்ற விழுமியம் மனிதர்கள் சமூகமாக உயிர்வாழ ஆரம்பித்த  காலத்தில் அவர்களுக்கு தேவையாக இருந்திருக்கலாம். இயற்கையை எதிர்மறைச் சக்தியாகக் காணாமலிருக்க சக உயிர்களுடன் ஒரு நல்லுறவை உருவாக்கிக்கொள்ள. அதற்கும் மேலாக சகமனிதன் மீதான வன்முறையின்மைக்கான குறியீடாக.

ஆகவே கொல்லாமை என்பதும் ஒரு முழுமுற்றான நடைமுறை அல்ல. அது ஒரு குறியீட்டு ரீதியான விழுமியமே.  கொல்லாமையை கடைப்பிடிப்பவன் நெஞ்சில் கருணை அதிகரிக்கும், சகமனிதன் மீதும் அக்கருணை உருவாகும் என்ற நம்பிக்கை. முதலில் மனிதனைக் கொல்லாதீர்கல். அடுத்து நெருக்கமான மிருகங்கலைக் கொல்லாதிருங்கள். அடுத்து சுயலாபத்துக்காக உயிர்களை கொல்லாதிருங்கள். அடுத்து நமக்கு தீங்கு அளிக்காத உயிர்களைக் கொல்லாதிருங்கந்- இவ்வாறு அந்த விழுமியம் வளர்கிறது. அதுவே அதன் இயல்பான வளர்ச்சி

அதன் அடித்தட்டில் இருந்து திருப்பிக் கேட்பது அபத்தம். செடிகளைக் கொல்கிறாயே அப்படியானால் உயிர்களை ஏன் கொல்லக்கூடாது? உயிர்களை கொல்கிறாயே ஏன் மனிதனைக்கொல்லக்கூடாது என்று தான் அது செல்லும்.

புலால் உண்ணும் வழக்கம் நாம் குரங்குகளாக இருந்தபோதே இருந்திருக்கலாம். சிம்பன்ஸிக்கள் கர்ப்பமாக இருக்கும்போது மாமிசம் உண்கின்றன. உபரியான புரோட்டீனுக்காக உண்ண ஆரம்பித்து எளிய உணவு, கனமான உணவு என்பதனால் நீண்டு சுவைக்கு அடிமையாகி இன்று வரை நீள்கிறது.

நான் அசைவம் உண்பவன் . அந்த சுவைக்காக மட்டுமே. அசைவம் உண்பவன் என்பதனால் அதை நியாயப்படுத்த மாட்டேன். அது மனிதனுக்கு இயல்பான,நல்ல உணவு அல்ல. அசாதாரண உடலுழைப்புள்ளவர்களுக்கு மலிவான புரதமாக அது இருக்கலாம். ஆனால் தேவையானதோ  தவிர்க்க முடியாததோ அல்ல.

இன்றைய உடலுழைப்பற்ற சூழலில் மாமிச உணவு கெடுதலானது. ஏன் பலசமயம் விஷம் போன்றது. ஆனால் பழகியபின் விடுவது கடினம். அதன் பின்னணியில் உள்ள கொலை என்பது நியாயப்படுத்த முடியாத ஒன்றுதான்

அடுத்த ஐம்பது வருடங்களில் செயற்கை புரோட்டின் வந்து மாமிச உணவே இல்லாமல் ஆகிவிடலாம். நம்முடைய வாரிசுகள் ‘அடாடா மிருகங்களை கொன்று தின்ற கொடூரர்களா நம் முன்னோர்’ என எண்ணலாம். இன்று நாம் நம் முன்னோர் இழைத்த சாதிக்கொடுமைகளை அறிந்து அதிர்வது போல!

வர்த்தமானர் முதல் காந்தி,நாராயணகுரு வரை கொல்லாமையை ஏன் சொன்னார்கள் என்றால் அது கருணைக்கான பயிற்சி என்பதனால்தான். ஒன்றில் இருந்து ஒன்றாக வன்முறையை கைவிடுவதற்கான பயணம் என்பதனால்தான்.

அது எனக்கு நன்றாகவே தெரியும். ஆனாலும் என் நாவின் பலவீனத்தால், என் ஆளுமையின் ஆழமின்மையால், என்னுடைய சிறுமையால் நான் அசைவன்

கொல்லான் புலாலை மறுத்தானைக் கைகூப்பி
எல்லா உயிரும் தொழும்

அந்த உயிர்களிடம் கைகூப்பி மன்னிப்பு கேட்டுக்கொள்ளலாம்

2)  அருகர்களின் பாதை - 26 பயணக் கட்டுரையில் ஓசியான் பற்றிய குறிப்பில் கொல்லாமை பற்றி கீழே வருகிறது

ஓசியான் சமணர்களுக்கு முக்கியமான ஒரு தலம். ராஜஸ்தானின் ஓஸ்வால் இனக்குழுவின் பிறப்பிடம் இது என்று சொல்கிறார்கள். ஓஸ்வால்கள் இன்று துணி வணிகத்தில் ஓங்கியிருக்கிறார்கள். அவர்களின் ஓசியா மாதாஜி கோயில் இங்குள்ளது என்று குறித்து வைத்திருந்தேன்.

இந்தக் கோயில் ஒரு மலைமேல் உள்ளது. எட்டாம் நூற்றாண்டில் கட்டப்பட்டது இக்கோயில். 12ஆம் நூற்றாண்டில் விரிவாக்கிக் கட்டப்பட்டது. இங்குள்ள இரு கோயில்கள் சண்டி கி மாதா கோயில் மற்றும் அம்பா மாதா கோயில் ஆகியவை 1178இல் கட்டப்பட்டவை.

இந்த ஊர் பற்றிய ஒரு ஆர்வமூட்டும் தகவல் வாசித்தேன். இவ்வூருக்கு ஒரு காலகட்டத்தில் உப்கேஸ்பூர் என்று பெயர் இருந்தது. இங்குள்ள சாமுண்ட மாதாவுக்கு ஒரு காலகட்டத்தில் எருமைகளை பலிகொடுத்தார்கள். ஸ்ரீ ரத்ன பிரபா சூரி என்ற ஆச்சாரியார் அதை நிறுத்தினார். ஆகவே தேவி கோபம் கொண்டு ஆச்சாரியாரைக் கடும் நோவுக்கு ஆளாக்கினார். ஆனால் அந்த வலியைத் தாங்கிக் கொள்வதையே ஒரு பெரும் தவமாக ஆச்சாரியார் செய்தார்.

தேவி மனமிரங்கி ஆச்சாரியாரிடம் மன்னிப்புக் கோரினாள். ஆச்சாரியார் தேவிக்கு நல்லுரை சொன்னார். பக்தர்கள் கொடுக்கும் உயிர்ப்பலிகளின் பாவம் முழுக்க தேவிக்கே வரும் என்றும் விளைவாக அவளே நரகத்தில் உழலவேண்டியிருக்கும் என்றும் சொன்னார். தேவி அந்த நல்லுரை கேட்டு மனம் திருந்தி இனிமேல் பலி தேவையில்லை, சிவப்புநிறமான பூக்கள் கூடத் தேவையில்லை என்று முடிவெடுத்தாள். அதன் பின் ஆச்சாரியார் சாமுண்டிதேவிக்கு சாச்சி மாதா என்று பெயர் சூட்டினார்.

இந்த ஆச்சரியமான கதை நாட்டார் வழிபாட்டுமுறையை எப்படி சமணம் மாற்றியமைத்தது என்பதற்கான மிகச்சிறந்த உதாரணமாகும். இந்தியா முழுக்க இந்த மாற்றத்தை சமணம் செய்திருக்கிறது. இது ஒரு பெரிய பண்பாட்டு மாற்றம். உயிர்ப்பலி இல்லாமலாவதென்பது உண்மையில் அந்த இனக்குழுவின் அடிப்படை மனநிலையையே மாற்றியமைக்கிறது. வன்முறைநீக்கம் செய்யப்பட்ட சமூகத்தில் உள்மோதல்கள் குறைகின்றன. அந்தச்சமூகம் பிறசமூகங்களுடன் சுமுகமான உறவுகொள்ள ஆரம்பிக்கிறது. வணிகத்திலும் பிற சமூகச்செயல்பாடுகளிலும் வெற்றி அடைய ஆரம்பிக்கிறது. தமிழகத்திலும் சாதிகளைக் கூர்ந்து ஆராய்ந்தால் இந்த அம்சத்தைக் காணலாம்.

பரிமேலழகர் உரை
கொல்லான் புலாலை மறுத்தானை - ஓர் உயிரையும் கொல்லாதவனுமாய்ப் புலாலையும் உண்ணாதவனை, எல்லா உயிரும் கைகூப்பித் தொழும் - எல்லா உயிரும் கை குவித்துத் தொழும். (இவ்விரண்டு அறமும் ஒருங்கு உடையார்க்கு அல்லது ஒன்றே உடையார்க்கு அதனால் பயன் இல்லை ஆகலின், கொல்லாமையும் உடன் கூறினார். இப்பேரருள் உடையான் மறுமைக்கண் தேவரின் மிக்கான் ஆம் என அப் பயனது பெருமை கூறியவாறு. இவை மூன்று பாட்டானும் ஊன் உண்ணாமையது உயர்ச்சி கூறப்பட்டது.).

மணக்குடவர் உரை
கொல்லானுமாய்ப் புலாலையுண்டலையுந் தவிர்த்தவனைக் கை குவித்து எல்லாவுயிருந் தொழும். மேல் எல்லாப்புண்ணியத்திலும் இது நன்றென்றார்; அது யாதினைத் தருமென் றார்க்குக் கொல்லாதவன் தேவர்க்கும் மேலாவனென்று கூறினார்.

சாலமன் பாப்பையா உரை
எந்த உயிரையும் கொல்லாதவனாய், இறைச்சியைத் தின்ன மறுத்தவனாய் வாழ்பவனை எல்லா உயிர்களும் கை குவித்துத் தொழும்.

பொருள்: கொல்லான் புலாலை மறுத்தானை -(ஓர் உயிரையும்) கொல்லாத வனாய்ப் புலாலை விலக்கியவனை, எல்லா உயிரும் கை கூப்பி தொழும் -எல்லா உயிர்களும் கைகளைக் குவித்து வணங்கும்.

அகலம்: கைகூப்பித் தொழுதல் மனிதர்க்கே உரியதாயினும், அதனை உபசார வழக்காக ஏனைய உயிர்களின் மேலும் ஏற்றிக் கூறினார். உயிரைக் கொல்லாமலும் புலாலைக் கொள்ளாமலும் இருக்கும் மனிதன் எல்லா உயிர்களாலும் கடவுளாகப் போற்றப்படுவன் என்ற வாறு.

கருத்து: கொலையும் புலையும் நீத்தோன் கடவுளை ஒப்பன்.

-----------------------------------------------------------------------------------
 இவ்வதிக்காரத்தின் குறள் கருத்துக்களின் வலிமையைக் காரணங்காட்டி, வள்ளுவரை சமண மதத்தினராகச் சொல்வோருண்டு.

இவ்வதிகாரத்தின் நிறைவுக் குறளான இக்குறளில், புலால் மறுத்தல், மற்றும் புலால் உண்டாகக் காரணமான செயலைச் செய்யாமை இவ்விரண்டின் உயர்வையும் சொல்லி, அவர்களை உலகின் உயிர்களெல்லாம் எவ்வாறு வாழ்த்தும் என்று சொல்லி நிறைவு செய்கிறார்.

சாதி குலம் முதலியவற்றை எந்த நிலையில் உணர்ந்து வைத்து ஒழுகல் வேண்டுமோ அவ்வளவில் நிறுத்தல் வேண்டும். அவை அபிமானத்துக்கு இடமாகி இறுமாப்பினையும் அகங்காரத்தினையும் வளர்க்கும் கருவிகளாகும்படி பீடித்தல் கூடாது என்பதை

"சாதிகுலம் பிறப்பென்னும் சுழிப்பட்டுத் தடுமாறும்,
ஆதமிலி நாயேனை அல்லல் அறுத்து ஆட்கொண்டு,
பேதைகுணம், பிறர்உருவம், யான் எனது என் உரைமாய்த்து,
கோது இல் அருது ஆனானைக் குலாவு தில்லைக் கண்டேனே"

என்ற திருவாசகம் (கண்டபத்து) வலியுறுத்திக் கூறுவதைக் காணலாம்.

புலால் உண்ணும் குலத்தில் பிறந்தவர்களானாலும், அவர்கள் புலால் உண்ணுதல் என்னும் தீ நெறியாகிய வெம்மை நெறியை விடுத்து, எவ்வுயிர்க்கும் செந்தண்மை பூண்டு ஒழுகும் அந்தண்மை உடையவராய் இருந்தால், அவர்களை எல்லா உயிர்களும், எக்காலத்தும் கைகூப்பி வணங்கும் என்பது பலவேறு புராணங்களில் கண்ட வரலாறு.

பெரியபுராணத்தில் வரும் நாயன்மார்களில் ஒருவரான, நந்தனார் என வழங்கும் திருநாளைப் போவார் நாயனார் பற்றித் திருத்தொண்டர் திருவந்தாதியில், நம்பியாண்டார் நம்பிகள் கூறுமாறு காண்க.

"நாவார் புகழ்த்தில்லை அம்பலத்தான் அருள் பெற்று,நாளைப்
போவான் ஆவனாம் புறத்திருத் தொண்டன்தன்                                                                  புன்புலைபோய்,
மூவாயிரவர் கை கூப்ப முனி ஆயவன் பதிதான்
மாவார் பொழில்திகழ் ஆதனூர் என்பர் இம்மண்டலத்தே".

இதன் பொழிப்புரை ---

பெரியோர்களால் வாயாரத் துதிக்கப்பட்ட புகழினை உடைய
தில்லையம்பலவாணருடைய திருவருளைப் பெற்றுத், தில்லைக்கு "நாளைப்போவார்" என்ற பெயர் பெறும், புறத்திருத் தொண்டராய்த் தமது புன்மையுடைய புலைப்பிறவி போய் நீங்கி, தில்லை மூவாயிரவரும் கைகுவித்துத் தொழும்படி முனியாகியவருடைய பதி, மரங்கள் நெருங்கிய பொழில்கள் சூழ்ந்த ஆதனூர் என்று இந்நிலவுலகத்து எடுத்துச் சொல்லுவர்.

நாளைப் போவார் நாயனார் தனது புன்மையான புலைத்தன்மை உடைய பிறவி நீங்கி, தில்லைவாழ் மூவாயிரவரும் ஒணங்கும் தன்மை பெற்ற முனிவராகத் தில்லை அம்பலவாணப் பெருமானின் திருவருள் பெற்றுத் திகழ்ந்தார்.

ஆதனூரில் தில்லை நினைவு வந்த காலம் முதல் தமது குலத்தை நினைந்து, தில்லையினுள் செல்வது தமக்குக் கூடாது என்று அஞ்சி நின்றவர் நந்தனாரே ஆவர். இறைவன் பக்கத்தே அணுகவிடாது. நந்தனாரைத் தடுத்தாரும் இல்லை.  பக்கத்தே வந்து தீண்டி ஊன் அமுதூட்டும்படி கண்ணப்ப நாயனாரை விடுத்தாரும் இல்லை.

கண்ணப்ப நாயனாரையும், திருக்குறிப்புத் தொண்டரையும் கையால் பற்றித் தம்மிடத்தில் வைத்த இறைவர், நந்தனாரை மெய்திகழ் வெண்ணூலும் வேணிமுடியும் கொண்ட மறைமுனிவராக்கி அருகு வரவழைத்தார் இறைவர். மறைமுனிவர் ஆனால் அன்றோ அருகு செல்ல இயலும் என்று எண்ணிப் பயந்து கொண்டொழுகிய நந்தனாரின் மனநிலையும் ஒழுக்கமுமே இதற்குக் காரணம்.

பினவரும் பெரியபுராணப் பாடல்களைக் காண்க....

நாளைப்போ வேன்என்று
     நாள்கள் செலத் தரியாது
பூளைப்பூ ஆம்பிறவிப்
     பிணிப்பு ஒழியப் போவாராய்ப்
பாளைப்பூங் கமுகு உடுத்த
     பழம்பதியில் நின்றும்போய்
வாளைப்போத்து எழும்பழனம்
     சூழ்தில்லை மருங்கு அணைவார்.

இதன் பொழிப்புரை ---

இவ்வாறு `நாளைப் போவேன்` என்று நாளும் நந்தனார் சொல்லிவர நாள்களும் கழிதலால், பூளைப் பூப்போன்ற நிலையாத இப்பிறவிச் சூழல் ஒழியப்போதற்கு ஒருப்படுவாராய், பூம் பாளைகள் நிறைந்த கமுக மரங்கள் செறிந்த சோலைகளை உடைய ஆதனூரினின்றும் புறப்பட்டு, வாளைமீன்கள் துள்ளி எழுந்து பாய்வதற்கு ஏற்ற நல்ல நீர்வளமுடைய வயல் சூழ்ந்த தில்லையின் பக்கத்தினை அணைவாராய்.

பூளைப்பூ --- இது மிக மென்மையானது; எந்நேரத்திலும் அழிதற்குரியது. அதனால் இதனைப் பிறவிக்கு ஒப்பிட்டார்,

        
செல்கின்ற போழ்து அந்தத்
     திருஎல்லை பணிந்துஎழுந்து
பல்குஞ்செந் தீவளர்த்த
         பயில்வேள்வி எழும்புகையும்
மல்குபெருங் கிடைஓதும்
         மடங்கள்நெருங் கினவுங்கண்டு
அல்கும்தம் குலம்நினைந்தே
         அஞ்சி அணைந்து இலர்நின்றார்.

இதன் பொழிப்புரை ---

நந்தனார் தாம் செல்கின்ற போது, அத்திருத் தில்லையின் எல்லையினை வணங்கி எழுந்து நின்று, அங்குப் பெருக எழும் செந்தீயை வளர்த்திடும் வேள்விச் சாலையில் எழுகின்ற ஓமப் புகையையும் பெருகும் ஓசையையுடைய நான்மறைகளும் ஓதப் பெறும் மடங்கள் நெருங்கி இருப்பனவற்றையும் கண்ணுற்று, அத்தகைய புண்ணிய விளைவு மிகும் தூய இடத்திற்குச் செல்வதற்குத் தமது குறைவுடைய குலத்தின் தகைமையை எண்ணிப் பயந்து, அங்கு மேலும் உட்செலாது புற எல்லையில் நின்றார்.


நின்றவர்அங்கு எய்த அரிய
         பெருமையினை நினைப்பார், முன்
சென்று, இவையும் கடந்து, ஊர்சூழ்
         எயில் திருவாயிலைப் புக்கால்
குன்று அனைய மாளிகைகள்
         தொறும் குலவும் வேதிகைகள்
ஒன்றிய மூவாயிரம் அங்கு
         உள என்பார் ஆகுதிகள்.

இதன் பொழிப்புரை ---

இவ்வாறு அங்கு நின்ற நந்தனார் அங்குத்தாம் சென்று அடைதற்கு அரிய பெருமைகளை நினைப்பாராய், முன்சென்று எல்லையைக் கடந்து, தில்லையைச் சூழ்ந்து இருக்கும் மதிலின் திருவாயிலில் புகுந்தால், அப்பால் அங்கு மலை போன்ற பெரிய மாளிகைகள் தோறும் நிலவி இருக்கும் வேள்விச் சாலைகள் மூவாயிரம் அங்கு இருக்கும் எனச் சொல்வார்கள்.

இப்பரிசாய் இருக்க எனக்கு எய்தல் அரிது என்றுஅஞ்சி
அப்பதியின் மதில்புறத்தின் ஆராத பெருங்காதல்
ஒப்புஅரிதாய் வளர்ந்து ஓங்க உள்உருகிக் கைதொழுதே
செப்புஅரிய திருஎல்லை வலங்கொண்டு செல்கின்றார்.

இதன் பொழிப்புரை ---

இந்நிலையில், `எனக்கு இவ்வெல்லையினின்றும் உட்போதல் அரிது` என்று மிகவும் அஞ்சி, அம்மதிலின் புறத்தே பெருமானின் திருவடிகளில் ஆராத பெருவிருப்பாய், அன்பு தனக்கு வேறு ஒப்பரிதாய் வளர்ந்து ஓங்கிட உள்ளம் உருகி, அங்கு நின்றவாறே கை தொழுது, சொலற்கரிய பெருமை வாய்ந்த தில்லைப் பதியின் திருஎல்லையைப் பலகாலும் வலங்கொண்டு வந்தார்.


இவ்வண்ணம் இரவுபகல்
         வலஞ்செய்து, அங்குஎய்த அரிய
அவ்வண்ணம் நினைந்து அழிந்த
         அடித்தொண்டர், அயர்வுஎய்தி
மைவண்ணத் திருமிடற்றார்
         மன்றில்நடம் கும்பிடுவது
எவ்வண்ணம்? எனநினைந்தே
                  ஏசறவி னொடும் துயில்வார்.

இதன் பொழிப்புரை ---

இவ்வண்ணமாக இரவும் பகலும் வலம் செய்து, அங்குத்தாம் தமது குலத்தின் தன்மையால் உட்போதற்கு அரிய தன்மையை நினைந்து மனம் அழிந்த நிலையில், நந்தனார் உள்ளம் அயர்ச்சி கொண்டு, மையின் கருமை நிறமுடைய கண்டத்துச் செல்வனின் திருக்கூத்தை எவ்வாறு கும்பிடுவதென்று நினைந்தவாறே வருந்தித் துயில்வாராக,


இன்னல்தரும் இழிபிறவி இதுதடை என்றே துயில்வார்,
அந்நிலைமை அம்பலத்துள் ஆடுவார் அறிந்து அருளி,
மன்னுதிருத் தொண்டர் அவர் வருத்தம் எலாம் தீர்ப்பதற்கு
முன்அணைந்து கனவின்கண் முறுவலொடும் அருள்செய்வார்.

இதன் பொழிப்புரை ---

துன்பத்தைத் தருகின்ற இழிந்த இப்பிறவி தடையாயுள்ளதை உட்கொண்டவாறே அன்றிரவு துயில் கொள்ளும் நந்தனாரின் நிலையினை, அம்பலத்துள் நிறைந்து ஆடுகின்ற பெருமானார் அறிந்தருளி, சீர்மை வாய்ந்த அத்திருத்தொண்டரின் வருத்தங்கள் யாவற்றையும் தாம் தீர்த்திடற்கு, அவர் கனவின்கண் சென்று புன்முறுவலுடன் அவருக்கு அருளிச் செய்வாராகி.

இப்பிறவி போய்நீங்க எரியின்இடை நீ மூழ்கி,
முப்புரிநூல் மார்பருடன் முன்அணைவாய் எனமொழிந்து,
அப்பரிசே தில்லைவாழ் அந்தணர்க்கும் எரிஅமைக்க
மெய்ப்பொருள் ஆனார்அருளி, அம்பலத்தே மேவினார்.

இதன் பொழிப்புரை ---

`இப்பிறவி நீங்கிட நெருப்பிடத்தே நீ முழ்கி எழுந்து, பின்பு முப்புரிநூல் அணிந்த மார்பையுடைய தில்லைவாழ் அந்தணருடன் என்முன்பு வந்திடுவாய்` என மொழிந்தருளி, அத்தன்மையாகவே தில்லைவாழ் அந்தணர்க்கும் அன்று இரவின்கண் அவர்கள் கனவில் `நந்தனார்க்கு நெருப்பு அமைத்துக் கொடுத்திடுக` என மெய்ப்பொருளாகிய சிவபெருமானும் அருள்புரிந்து தில்லையம்பலத்துள் மேவினார்.


தம்பெருமான் பணிகேட்ட தவமறையோர் எல்லாரும்
அம்பலவர் திருவாயில் முன்பு அச்சமுடன் ஈண்டி,
எம்பெருமான் அருள்செய்த பணிசெய்வோம் என்று ஏத்தித்
தம்பரிவு பெருகவரும் திருத்தொண்டர் பால் சார்ந்தார்.

இதன் பொழிப்புரை ---

கனவின்கண் தம் பெருமான் தமக்கு இட்ட பணியினைக் கேட்ட தவமறையோர்களான தில்லைவாழ் அந்தணர்கள், பெருமானின் திருவாயில்முன் அச்சத்துடன் அணைந்து, `எம் பெருமான் நமக்கு அருள் செய்தவாறு நாம் செய்வோம்` என்று பெருமானைப் போற்றித், தம் ஈசன்பால் அன்பு பெருகிட வருகின்ற திருத்தொண்டராய நந்தனாரிடத்து வந்துற்றார்கள்.


"ஐயரே! அம்பலவர் அருளால்இப் பொழுது அணைந்தோம்,
வெய்யஅழல் அமைத்து உமக்குத் தரவேண்டி" எனவிளம்ப
நையும் மனத் திருத்தொண்டர் "நான் உய்ந்தேன்"                                                    எனத் தொழுதார்
தெய்வமறை முனிவர்களும் தீ அமைத்தபடி மொழிந்தார்.

இதன் பொழிப்புரை ---

`ஐயரே! நாங்கள் அம்பலவர் அருளால், கொடிய தழலாய நெருப்பினை உமக்கு அமைத்துத் தருதற்காக இங்கு வந்துள்ளோம் என்று கூறுதலும், அதுகேட்டு, நைந்துருகும் மனமுடைய திருத்தொண்டராய நந்தனாரும், `நான் உய்ந்தேன்` எனத் தொழுதார். அதுபொழுது தெய்வமறையின் நெறிநிற்கும் தில்லைவாழ் அந்தணர்களும் தாங்கள் நெருப்பமைத்த தன்மையைச் சொன்னார்கள்.


மறையவர்கள் மொழிந்ததன் பின்,
         தென் திசையின் மதில் புறத்துப்
பிறை உரிஞ்சும் திருவாயில்
         முன் ஆக, பிஞ்ஞகர்தம்
நிறை அருளால், மறையவர்கள்
         நெருப்பு அமைத்த குழி எய்தி,
இறையவர்தாள் மனம் கொண்டே
         எரிசூழ வலம் கொண்டார்.

இதன் பொழிப்புரை ---

தில்லைவாழ் அந்தணர்கள் நெருப்பமைத் தமையை மொழிந்ததும், தென்திசை மதிலின் புறத்தில் பிறை வந்து உராயுமாறு உயர்ந்த திருவாயில் முன்னாகத், தில்லைப் பெருமான் திருவருளின் நிறைவால், அத் தில்லைவாழ் அந்தணர்கள் நெருப்பு அமைத்த தீக்குழியை நந்தனார் வந்தடைந்து, எம்பெருமான் திருவடிகளை மனத்தில் எண்ணிக்கொண்டு எரியைச் சூழ்ந்து வலமாக வந்தருளி.


கைதொழுது நடம் ஆடும்
     கழல் உன்னி அழல்புக்கார்,
எய்திய அப் பொழுதின்கண்,
      எரியின்கண் இம்மாயப்
பொய்தகையும் உருவு ஒழித்து,
     புண்ணியமா முனிவடிவாய்
மெய்திகழ்வெண் நூல்விளங்க
     வேணிமுடி கொண்டு எழுந்தார்.

இதன் பொழிப்புரை ---

கைகளைக் கூப்பித் தொழுது கூத்தியற்றும் சேவடிகளை மனத்தில் நினைந்து, அந்நெருப்பினுள் புகுந்தார். புகுந்த அப்பொழுதின்கண், அந்நெருப்பிடத்து மாயையின் விளைவாய பொய்ம்மை நிரம்பிய ஊன் உடம்பை நீக்கிப் புண்ணியம் நிறைந்த பெருமுனிவரின் வடிவாகி, திருமேனியில் திகழ்கின்ற வெண்ணூல் விளங்கிட, சடைமுடி கொண்ட ஒரு தவமுனிவராக மேலே எழுந்தார்.


செந்தீமேல் எழும்பொழுது
         செம்மலர்மேல் வந்து எழுந்த
அந்தணன்போல் தோன்றினார்,
         அந்தர துந்துபி நாதம்
வந்து எழுந்தது, உயர்விசும்பில்
         வானவர்கள் மகிழ்ந்து ஆர்த்துப்
பைந்துணர் மந்தாரத்தின்
         பனிமலர் மாரிகள் பொழிந்தார்.

இதன் பொழிப்புரை ---

சிவந்த நிறமுடைய நெருப்பினின்றும் எழும் போது, செந்தாமரை மலர்மேல் இருக்கும் நான்முகனைப் போன்ற அழகிய வனப்புடன் தோன்றினார். அது பொழுது வானினின்றும் துந்துபிகளின் முழக்கம் எழுந்தது. உயர்ந்த வானிடத்தே தேவர்கள் கண்டு மகிழ்ந்து ஆர்த்து, பசிய மகரந்தப் பொடி பரக்கும் இதழுடைய மந்தார மரத்தின் மலர்ந்த பூக்களின் மழையினைச் சொரிந்தனர்.


திருவுடைய தில்லைவாழ்
     அந்தணர்கள் கைதொழுதார்,
பரவுஅரிய தொண்டர்களும்
     பணிந்துமனம் களிபயின்றார்,
அருமறைசூழ் திருமன்றில்
     ஆடுகின்ற கழல்வணங்க
வருகின்றார் திருநாளைப்
     போவாராம் மறைமுனிவர்.

இதன் பொழிப்புரை ---

திருவுடைய தில்லைவாழ் அந்தணர்களும் கண்டு கைகூப்பித் தொழுதார்கள். போற்றற்கரிய சிறப்புடைய அடியார்களும் பணிந்து, தங்கள் மனத்தில் பெருமகிழ்ச்சி கொண்டனர். இப்பால் அரிய மறைகள் சூழ்கின்ற திருவுடைய அம்பலத்தே ஆடுகின்ற சேவடிகளை வணங்குதற்குத் திருநாளைப் போவாராம் மறைமுனிவர் வந்து கொண்டிருக்க.

"ஐயர்" என்பது பெருமையுடையார் என்ற பொருளில் வரும்
வழக்கு. அன்றிச் சாதிப்பெயர் பற்றி வருதல் முன்னாள் வழக்கமல்ல. பெருமை காரணமாய் அன்றி இடுகுறியளவில் சாதிப்பெயராய் வழங்குதல் பிற்கால வழக்காகி விட்டது.

திருநீலகண்ட யாழ்ப்பாணர் என்னும் நாயானார், பாணர் குலத்திலே அவதரித்தவர். அவர் செந்நெறியில் நின்று ஒழுகியதால், திருஞானசம்பந்தப் பெருமானைக் கண்டு தொழுது, அவரோடு இருக்கவேண்டும் என்று எண்ணி வந்தார். அவரை அன்போடு வரவேற்றார் ஆளுடையபிள்ளையார் என்னும் திருஞானசம்பந்தப் பெருமானார். தமது திருவாக்கினாலே திருநீலகண்ட யாழ்ப்பாணரை "ஐயர்! நீர் உளமகிழ இங்கு அணைந்த உறுதி உடையோம்" "ஐயர்! நீர் அவதரித்திட இப்பதி அளவில் மாதவம் முன்பு செய்தவாறு", "ஐயர்! நீர் யாழிதனை முறிக்குமதென்" என்றெல்லாம் அருளியது எண்ணிப் பார்த்தால் சாதியை வைத்துத் தமிழர்கள் தீண்டாமையை அக் காலத்தில் வளர்க்கவில்லை என்பதும், அது பின்னாளில் சாதியை வைத்து, உயுர்வு தாழ்வு கற்பித்த அறிவிலிகளால் உண்டான தீ வழக்கம் என்பதும் தெரியவரும்.

இது மட்டுமல்ல. திருநீலகண்ட யாழ்ப்பாணரும், மற்ற அடியவர்களும் சூழ, திருஞானசம்பந்தர் திருச்சாத்தமங்கை என்னும் திருத்தலத்திற்கு எழுந்தருளிய போது, அவரது திருவடிகளில் வீழ்ந்து வணங்கனார் திருநீலநக்க நாயானார். இவர் அந்தணர் குலத்தில் பிறந்தவர். பிள்ளையார் எழுந்தருளிய பெருமைக்குத் தக்க திருவமுது செய்வித்து மகிழ்ந்திருந்தார். அன்று இரவில் ஞானசம்பந்தர் தம் மனையில் தங்குவதற்கு வேண்டுவதெல்லாம் அமைத்தார். திருஞானசம்பந்தரும், திருநீலகண்ட யாழ்ப்பாணர் தங்குவதற்கோர் இடம் கொடுத்தருளுமாறு பணித்தார். அப்பணிப்பிற்கு இன்புற்றுத் தாம் வேள்வி செய்யும் வேதிகையின் அருகிலேயே பாணருக்கும், பாடினியாருக்கும் இடம் கொடுத்தார் அவ் அந்தணனார். அப்பொழுது வேதிகையிலுள்ள நித்தியாக்கினி முன்னரிலும் மேலாக வலஞ்சுழித்து எரிந்தது. பாணர் மனைவியாருடன் வேதிகையருகில் பள்ளிகொண்டார். (நாயன்மார் காலத்தில் சாதி வேற்றுமையும் தீண்டாமையும் உண்டு. அக் கொடுமைகளை ஒழிக்கவே, இறையருளால் நாயன்மார்கள் தோன்றினார்கள் என்பது உணரத்தக்கது.)

நந்தனார் என வழங்கும் திருநாளைப் போவாரையும், திருநீலகண்ட யாழ்ப்பாணரையும், அறுப்பது மூவரில் வைத்து திருக்கோயில்களில் படிமம் உள்ளது. இன்றும் சைவப் பெருமக்கள் வணங்கி வருவது காணலாம். இவர்கள் அவதாரத் திருநாளைக் குருபூசையாகக் கொண்டாடி வருகின்றனர்.

திருப்பாணாழ்வார் வைணவ நெறியைப் பின்பற்றி பக்தியில் சிறந்து விளங்கிய பன்னிரு ஆழ்வார்களுள் ஒருவர். சோழ நாட்டின் உறையூரில் கார்த்திகை மாதம் ரோகிணி நட்சத்திரத்தில் பிறந்தவர். இறைவன் முன் எல்லோரும் ஒன்றே என்ற இராமானுசரின் கோட்பாட்டிற்கு திருப்பாணாழ்வார் வரலாறே மிகுந்த ஊக்கமாகவும் பலமாகவும் இருந்தது எனலாம்.

இசைக்குப் பெயர்பெற்ற பாணர் குலம் காலக் கிரமத்தில் தீண்டாக் குலம் ஆனது. அக்குலத்தில் பாண் பெருமாள் எனும் பெயரோடு ஆழ்வார்கள் வரிசைக் கிரமத்தில் பதினோராம் ஆழ்வாராக பிறந்த இவர் திருமால் மீது மிகுந்த பக்தி கொண்டிருந்தார். எனினும், தன் குலத்தின் பொருட்டு திருவரங்கத்தின் உள்ளே நுழைவதற்கும், அம் மண்ணை மிதிப்பதற்கும் அஞ்சி, காவிரியின் மறுகரையில் இருந்தவாறே பண் இசைத்துத் திருவரங்கனை பாடிவந்தார். காவிரியிலிருந்து தண்ணீர் குடத்தோடு அரங்கனுக்கு திருமஞ்சனம் செய்யும் பொருட்டு விரைந்து வந்த லோகசாரங்கர் எனும் கோயில் பட்டர், வழியில் தன்னிலை மறந்து நின்றுகொண்டிருந்த பாணரை பலமுறை அழைத்தும் செவிமடுக்காததால், பாணர் விலகும் பொருட்டு ஒரு கல் கொண்டு எறிந்தார். அக்கல் அவரின் தலையில்பட்டு குருதி பெருக, அதைக் கவனியாது லோகசாரங்கர் தண்ணீரோடு அரங்கன் முன் சென்றார். பாணரின் பக்தியையும் உயர்வையும் உணர்த்த விரும்பிய இறைவன், இரத்தம் வடிந்த முகத்தினராய் லோகசாரங்கருக்கு காட்சிக் கொடுத்ததோடு, சாரங்கரை, பாணரான திருப்பாணாழ்வாரைத் தனது தோளில் சுமந்து திருவரங்கத்துள் கொணர்ந்து தன் திருமுன் நிறுத்தும்படியும் ஆணையிட அவ்வாறே செய்தார். அதன் பொருட்டு பாணருக்கு "முனிவாகனன்" என்றும் "யோகிவாகனன்" என்றும் பெயர் ஏற்பட்டது.

வாழையடி வாழையாக வந்த திருக்கூட்ட மரபில் ஒப்பற்றவாரக விளங்கிய வள்ளல்பெருமான், ஜீவகாருண்ணியமும், ஆன்மநேயமுமே சிறந்து விளங்கி, மனிதர்கள் யாவரும் ஆன்நேய ஒருமைப்பாட்டு உரிமை உடையவர்களாய் விளங்கவேண்டும் என்று விழைந்தவர். உயிர்கள் மட்டுமல்ல, பயிர்கள் படும் துன்பத்தையும் காணச் சகியாதவராய் இருந்த இருந்தவர். "என் மார்க்கம் இறப்பு ஒழிக்கும் சன்மார்க்கம்" என்று முழங்கி, உயிர்கள் எல்லாம் அன்பின் வழிநின்று மரணமிலாப் பெருவாழ்வில் வாழ்ந்திட வேண்டும் என்று சன்மார்க்கம் என்னும் பெருவழியே உலகுக்குக் காட்டியவர்.

‘‘கடவுள் ஒருவரே அவர் அருட்பெருஞ்சோதி ஆண்டவர்; புலால் உண்ணக் கூடாது; எந்த உயிரையும் கொல்லக் கூடாது; சாதி, மதம், இனம், மொழி வேறுபாடு கூடாது; இறந்தவர்களை எரிக்கக் கூடாது; சமாதி வைத்தல் வேண்டும்; எதிலும் பொது நோக்கம் வேண்டும்; பசித்தவர்களுக்கு சாதி, மதம், இனம், மொழி வேறுபாடு கருதாது உணவளித்தல் வேண்டும்; சிறு தெய்வ வழிபாடு, அவற்றின் பெயரால் பலி இடுதலும் கூடாது; உயிர்களை துன்புறுத்தக்கூடாது; மதவெறி கூடாதது" ஆகிய கொள்கைகளை வலியுறுத்திய வள்ளல்.

"வாடிய பயிரைக் கண்டபோது எல்லாம்
     வாடினேன், பசியினால் இளைத்தே
வீடுதோறு இரந்தும் பசி அறாது அயர்ந்த
     வெற்றரைக் கண்டு உளம் பதைத்தேன்,
நீடிய பிணியால் வருந்துகின்றோர் என்
     நேர் உறக் கண்டு உளம் துடித்தேன்,
ஈடின்மானிகளாய் ஏழைகளாய் நெஞ்சு
     இளைத்தவர் தமைக்கண்டே இளைத்தேன்"

"கருணையே வடிவாய்ப் பிறர்களுக்கு அடுத்த
     கடும்துயர் அச்சம் ஆதிகளை,
தருணநின் அருளால் தவிர்த்து, அவர்க்கு இன்பம்
     தரவும், வன்புலை கொலை இரண்டும்
ஒருவிய நெறியில் உலகெலாம் நடக்க
     உஞற்றவும், அம்பலம் தனிலே
மருவிய புகழை வழுத்தவும், நின்னை
     வாழ்த்தவும் இச்சைகாண் எந்தாய்"

"புன்புலால் உடம்பின் அசுத்தமும், இதனில்
     புகுந்து நான் இருக்கின்ற புணர்ப்பும்,
என்பொலா மணியே! எண்ணி நான் எண்ணி
     ஏங்கிய ஏக்கம் நீ அறிவாய்,
வன்புலால் உண்ணும் மனிதரைக் கண்டு
     மயங்கி, உள்நடுங்கி, ஆற்றாமல்
என்பு எலாம் கருக இளைத்தனன், அந்த
     இளைப்பையும், ஐய! நீ அறிவாய்"

என்று பலவாறாக அப் பெருமானார் பாடி அருளிய திருவருட்பாப் பாடல்களை இன்றும் ஓதி உருகி வழிபடாதார் ஒருவரும் இல்லை.

"கைகூப்பி எல்லா உயிரும் தொழும்" என்று நாயானார் காட்டியபடியே, இப் பெருமானார்களை உலகமக்கள் கைகூப்பித் தொழுகின்றனர்.

English Meaning - As I taught a kid - Rajesh
People who do not kill and who do not eat meat would be worshipped by all the living organisms in the world. 

Questions that I ask to the kid
Whom does the living organism in the world worship?