Search This Blog

Disclaimar

This blog is totally for learning purposes. Non-commercial. In many of the posts, many snippets have been taken from various thirukkural blogs, books available online freely only for learning purpose without any intention of plagiarism or to make money. I have given due credit, link wherever possible. If you want your content to be removed, or you want more credit to be provided, please do let me know in the comment section of any of the posts. ஊருணி நீர்நிறைந் தற்றே உலகவாம் பேரறி வாளன் திரு (குறள் 215)

ஒற்றும் உரைசான்ற நூலும்

குறள் 581
ஒற்றும் உரைசான்ற நூலும் இவையிரண்டும் 
தெற்றென்க மன்னவன் கண்
[பொருட்பால், அரசியல்,ஒற்றாடல்]
(For meaning in English, scroll to the bottom of this post)

பொருள்
ஒற்றும் - மெய்யெழுத்து; தூது; தூதன்; வேவு; வேவுகாரன்; ஒற்றடம்

உரை - உரைக்கை; சொல் பொருள்விளக்கம்; ஒலி பேச்சு மொழி முழக்கம் ஆசிரியவசனம் ஆகமப்பிரமாணம் மாற்றுரை; விடை பொன் புகழ் தேய்வு எழுத்தின்ஒலி; புகழுரை; விரிவுரை

சான்ற - சாலுதல் - நிறைதல்; பொருந்துதல்; முற்றுதல்; மாட்சிபெறுதல்.

நீதிநூல் - அறம்பொருள்களைப் பற்றிக்கூறும் நூல்; சட்டக்கலை

நூலும் - நூல் - பஞ்சிநூல்; பூணூல்; மங்கலநாண்; எற்றுநூல்; ஆண்குறியிலுள்ளநரம்பு; ஆண்குறி; ஆயுதவகை; சாத்திரம்; ஆகமம்; ஒருநாடகநூல்; ஆலோசனை.

இவை - அண்மையிலுள்ள பொருள்களைச் சுட்டு தற்குரியசொல்.

இரண்டும் - இரண்டு

தெற்று - பின்னல்; வேலிஅடைப்பு; செறிவு; இடறுகை; மாறுபாடு; தவறு; தேற்றம்.
என்க -  என்கை - என்றுசொல்லுகை.

மன்னவன் - மன்னன்; இந்திரன்; அரசன்; எப்பொருட்குமிறைவன்; கணவன்; தலைவன்; முப்பத்திரண்டுக்குமேல்நாற்பத்தெட்டுவயதுக்குட்பட்டஆடவன்; உத்தரட்டாதிநாள்

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

ஒற்று- வேவு,உளவு 
உரை சான்ற - புகழ் கொன்ற 
இவையிரண்டும்  - இந்த இரு விஷயங்களும் 
தெற்றென்க மன்னவன் கண்- அரசனின் கண் போன்றது 

முழுப்பொருள்
ஒற்றும் அதாவது தன்னையும் தன நாட்டையும் நோக்கி வரும் ஆபத்துக்களை ஒற்றறிந்து, உளவு மூலமாக முன் கூற்றி தெரிந்து, அதற்கு தயார் நிலையில் இருப்பது, நாட்டை ஆழும் மன்னனுக்கு இன்றி அமையாதது ஆகும். நாட்டையும் நாடு மக்களையும் எவ்வாறு ஆள வேண்டும் என நல வழி படுத்தும் அற நூல்களும் அதற்கு இணையான முக்கியம் பெரும்.

இவை இரண்டுமே ஒரு மன்னனுக்கு கண்களை போன்று மிக இன்றி அமையாதது எனக் கூறுகிறார் வள்ளுவர் .

உலகில் உள்ள எல்லா நாடுகளிலும், எல்லா இராணுவங்களிலும் உளவுத் துறை என்று ஒன்று தனியாக இருக்கும்.இது சரியாக செயல் படாமல் போனால் நாம் ஆபத்துகளை சரி வர கணிக்க இயலாது .

ஒப்புமை
”கடனறி காரியக் கண்ணவ ரோடு” (பரி.19:22)
“மண்ணியன் மன்னர்க்குக் கண்ணென வகுத்த
நீதி நன்னூல்” (பெருங்.4.10:13-4)
“காதிவேல் மன்னர் தங்கள் கண்ணென வைக்கப்பட்ட
நீதிமேற் சேரல் தேற்றாய்” (சீவக.233)

ஒற்றர்களும், தெளிந்த நூலறிவும் மன்னவனின் பார்வையைத் தெளிவாக்குகின்றன. நூலறிவு கண்போல் விளங்குகிறது என்றால், ஒற்றர்கள் தொலை நோக்கியாகவும் நுண்ணோக்கியாகவும் விளங்குகிறார்கள்.

இந்த ஒற்றர்களை நியமிப்பது குறித்து, கௌடில்யரின் அர்த்த சாஸ்திரம் விரிவான செய்திகளைச் சொல்கிறது.

காபாடிகன், உதாதித்தன், கிருகபதிகன், வைதேகன், தாபதன் என்று ஒற்றர்களை பலவகையினராகப் பிரித்துக் கூறுகிறது.

ஆசிரியர்த் தொழில் செய்து கொண்டு ஒற்று வேலையிலும் ஈடுபடுபவன் காபாடிகன். பிறர் உள்ளத்தை எளிதாக அறிந்து கொள்ளும் சக்திவாய்ந்தவன்.
உதாதித்தன் துறவு வேடத்தில் வாழ்பவன். துறவு வாழ்க்கையில் தோற்றுப் போனவன். ஆசிரமங்களை அமைத்துக் கொண்டும், பல சீடர்களை வைத்துக் கொண்டும் வாழ்பவன். சமண, பௌத்த வேடங்களிலும் உதாதித்தர்கள் இருப்பதுண்டு.

கிருபாதிகன் என்பவன் அறிவும், தூய்மையும் உடையவன். விவசாயத் தொழிலில் நஷ்டத்துக்கு உள்ளாகி, அரசருக்கு ஒற்று வேலை செய்து, வசதியை அடைந்தவன்.

வைதேகன் என்பவன், வணிகத் தொழிலில் ஈடுபட்டிருக்கும் ஒற்றன்.

தாபதன் என்பவன் அற்புதம் செய்யும் சாமியாராக வெளியே தோற்றம் தருபவன். சித்தர் என்று விளம்பரம் செய்து கொண்டவன். இவனுடைய மகிமையைக் கேள்விப்பட்டு, மக்கள் இவரிடத்தில் வந்து வழிபாடு செய்வார்கள். இவனோ தன்னை அண்டிவருகின்றவரை ஒற்று அறிந்து கொண்டிருப்பான்.

இவர்கள் அனைவரும் அரண்மனை வாழ்க்கையுடன் சம்பந்தப்படாதவர்கள் மாதிரி தோற்றம் அளிப்பார்கள். எவரும் சந்தேகப்பட முடியாது இவர்கள் ஒற்றர்கள்தாம் என்று.

இவர்களைத் தவிர, சத்திரிகள் என்னும் ஒருவகை ஒற்றர்களைப் பற்றியும் அர்த்த சாஸ்திரம் கூறுகிறது.

ஆண்கள், பெண்கள் பற்றி சாமுத்திரிகா லட்சணம் கற்றவர்கள், சோதிடம், கைரேகை நிபுணத்துவம், பெற்றவர்கள். வசியம், இந்திரஜாலம், மறைதல், சகுணநூல், அறநூல், காமநூல் கற்றவர்கள் என்று இவர்களைப் பற்றி அந்நூல் கூறுகிறது.

ஒற்றர்கள் பல்வேறு வேடங்களில் அலைகிறவர்கள். அரண்மனைக்கு உள்ளும் அரண்மனைக்கு வெளியிலும் பிறநாட்டிலும் கூட வேவு பார்த்துக் கொண்டிருக்கக் கூடியவர்கள்.

இன்று அத்துறை நவீனமாகவும், வளர்ச்சி பெற்றும் இருக்கிறது. ஒவ்வொரு நாடும் உளவுத்துறை வைத்திருக்கிறது. விண்கோள்களும் வேவு பார்க்கின்றன. இது ஆட்சி செய்பவர்களுக்கு மிகவும் அவசியமும் கூட.


பரிமேலழகர் உரை
ஒற்றும் உரைசான்ற நூலும் இவை இரண்டும் - ஒற்றும் புகழமைந்த நீதிநூலுமாகிய இவை இரண்டனையும்; மன்னவன்கண் தெற்றென்க - அரசன் தன் இரண்டு கண்ணுமாகத் தெளிக.
(ஒற்றுத் தன் கண் செல்லமாட்டாத பரப்பெலாம் சென்று கண்டு ஆண்டு நிகழ்ந்தன எல்லாம் உணர்த்தலானும், நூல் அந்நிகழ்ந்தவற்றிற்குத் தன்னுணர்வு செல்ல மாட்டாத வினைகளையெல்லாம் சொல்லி உணர்த்தலானும்,இவ்விரண்டனையுமே தனக்கு ஊனக் கண்ணும் ஞானக்கண்ணுமாகத் துணிந்துகொண்டு ஒழுகுக என்பதாம். ஒற்றனை 'ஒற்று' என்றார், வேந்தனை 'வேந்து' என்றாற்போல. 'தெற்றென்க' என்பது 'தெற்று' என்பது முதனிலையாகவந்த வியங்கோள். அது 'தெற்றென' என்னும் செயவென் எச்சத்தான் அறிக. இதனான் ஒற்றினது சிறப்புக் கூறப்பட்டது.).

மணக்குடவர் உரை
ஒற்றினையும் முறையமைந்த நூலினையும் தெளியவறிந்த மன்னவனுக்கு இவையிரண்டையும் கண்களாகத் தெளிக.
அரசர்க்குக் கல்வி இன்றிமையாததுபோல ஒற்றும் இன்றிமையாததென்றவாறு. இஃது ஒற்றுவேண்டுமென்றது.

மு.வரதராசனார் உரை
ஒற்றரும் புகழ் அமைந்த நீதிநூலும் ஆகிய இவ்விருவகைக் கருவிகளையும் அரசன் தன்னுடைய கண்களாகத் தெளியவேணடும்.

சாலமன் பாப்பையா உரை
ஒற்று, புகழும் தெளிவும் உள்ள நீதிநூல் இவ்விரண்டும் ஆட்சியாளரின் இரு கண் என்று அறிக.

English Meaning - As I taught a kid - Rajesh
1) Espionage setup, 2) reputed books for knowledge with clarity that details what are the duties one king has to perform and about the administrates welfare of the country and people are like two eyes for a king. One eye (books) acts as a (internal) light what is to be done and one eye (espionage) acts as (external) light for what is going on around the king and the people. 

Questions that I ask to the kid
What are the two eyes of a king? why?



தூங்குக தூங்கிச் செயற்பால

குறள் 672
தூங்குக தூங்கிச் செயற்பால தூங்கற்க
தூங்காது செய்யும் வினை.
[பொருட்பால், அமைச்சியல், வினைசெயல்வகை]

பொருள்
தூங்குதல் அசைதல்; தொங்குதல்; ஊசல்முதலியவற்றில்ஆடுதல்; சோம்பலாயிருத்தல்; வாடுதல்; சாதல்; இடையறாதுவிழுதல்; ஒலித்தல்; நிலையாகத்தங்குதல்; மெத்தெனநடத்தல்; செறிதல்; கூத்தாடுதல்; துயிலுதல்; தாமதித்தல்; அழுந்துதல்; மிகுதல்

தூங்குக - தொங்குதல், மந்தமாதல், தாமதி

செயற்பால - செயல் - தொழில்; பொருள்தேடுகை; இழைப்புவேலை; வேலைப்பாடு; காவல்; ஒழுக்கம்; வலிமை; செல்வாக்கு; செய்யல்நிலைமை; சேறு.

செய்தல் - இயற்றுதல்; உண்டாக்கல்; சம்பாதித்தல்; ஒத்தல்

தூங்கிச் செயற்பால - தாமதமாக செய்யக்கூடிய செயல்களை

தூங்கற்க - மந்தமாக செய்யாதே

தூங்காது - விரைவாக செய்ய வேண்டிய

செய்தல் - இயற்றுதல்; உண்டாக்கல்; சம்பாதித்தல்; ஒத்தல்

வினை - தொழில்; நல்வினைதீவினைஎனஇருவகைப்பட்டமுன்னைவினை; வினைச்சொல்; செய்தற்குரியது; பரிகாரச்செயல்; முயற்சி; போர்; வஞ்சகம்; தந்திரம்; கருத்து; தொந்தரவு; சீழ்; இரண்டைக்குறிக்கும்குழூஉக்குறி.

செய்யும் வினை - செயலை

முழுப்பொருள்
ஒருவற்கு  பல செயல்கள் வரும். அனைத்து செயல்களும் ஒன்றாக இருக்காது. ஒவ்வொன்றுக்கும் முன்னுரிமை வேறுபடும். சில செயல்களை உடனே முடித்தாக வேண்டும், சில செயல்களை நிதானமாக செய்யலாம். 

ஆதலால் விரைவாக முடித்தாக வேண்டிய செயல்களை சற்றும் தாமதிக்காமல் செய்ய வேண்டும். நிதானமாக செய்ய வேண்டிய செயல்களை நிதானமாக செய்யலாம்/செய்ய வேண்டும். 

விரைந்து முடிக்க வேண்டிய செயல்கள் இருக்கும் பொழுது நிதானமாக செய்ய வேண்டிய செயல்களை கண்டிப்பாக செய்யக்கூடாது ஏனெனில் அது தீமை உண்டாக்கும்.  

உதாரணமாக: 
1) நீதிமன்றங்களில் அவசர வழக்குகளுக்கு முன்னுரிமை வழங்கப்படும். ஆனால் அவசமில்லாத வழக்குகள் அதனை விட நிதானமாக தான் எடுத்துக்கொள்ளப்படும்.

2) அலுவகத்தில் முக்கியமான் வேலை இருக்கும் பொழுது இண்டர்னெட்டில் நண்பருடன் ஃபேஸ்புக்-இல் உரையாடுவது பிழையாகும். அலுவலுக வேலை முதன்மையான் ஒன்று. அதனை காலம் தாழ்த்தாமல் செய்ய வேண்டும். ஃபேஸ்புக் அப்படி ஒன்றும் முக்கியமானது அல்ல. அதனை எப்போது வேண்டும் மறுபடியும் வந்து பார்த்துக்கொள்ளலாம். 

இதனை தான் Time-Management என்று சொல்லுவார்கள்.
கீழ்காணும் படங்கள் ஒரு பயிற்சியரங்கில் நான் பெற்றவை/கற்றவை.












மேலும்: அஷோக்

ஒப்புமை
”மற்றிக்காலத் தல்லது மேற்சென்று
வெற்றிக் காலத்து வீட்டுதல் அரிதென” (பெருங் 4.8:53-4)

பரிமேலழகர் உரை
தூங்கிச் செயற்பால தூங்குக - நீட்டித்துச் செய்யும் பகுதியவாய வினைகளுள் நீட்டிக்க; தூங்காது செய்யும் வினை தூங்கற்க - நீட்டியாது செய்யும் வினைகளுள் நீட்டிக்க; தூங்காது செய்யும் வினை தூங்கற்க - நீட்டியாது செய்யும் வினைகளுள் நீட்டியாது ஒழிக.

விளக்கம் 
[இரு வழியும் இறுதிக்கண் தொக்க ஏழாவது விரிக்கப்பட்டது. இருவதை வினைகளும் வலியானும் காலத்தானும் அறியப்படும். மாறிச்செய்யின், அவை வாயா என்பது கருத்து. மேல் 'தூங்காமை' என்றார் (குறள் 383); ஈண்டதனைப் பகுத்துக் கூறினார். இவை இரண்டு பாட்டானும் பொதுவகையால் வினை செய்யும் திறம் கூறப்பட்டது.]

ஞா. தேவநேயப் பாவாணர் உரை
தூங்கிச் செயல் பால தூங்குக-மெள்ளச் செய்ய வேண்டிய வினைகளை மெள்ளச் செய்க; தூங்காது செய்யும் வினைதூங்கற்க-விரைந்து செய்ய வேண்டிய வினைகளை விரைந்து செய்க.

மெள்ளச் செய்தல் காலந்தாழ்த்துச் செய்தலும் காலம் நீடச் செய்தலும் என இருவகை. இவற்றுள் முன்னது வினை தொடங்கலையும் பின்னது வினைசெயல் முழுவதையும் பற்றியனவாம். மெள்ளச் செய்ய வேண்டியதை விரைந்தும் விரைந்து செய்ய வேண்டியதை மெள்ளவும் செய்யின், அவற்றால் தீமையே விளையும் என்பது கருத்து. இதில் வந்துள்ளது சொற்பொருட் பின்வருநிலையணி.

மு.வரதராசனார் உரை
காலந்தாழ்த்தி செய்யத் தக்கவற்றைக் காலந்தாழ்ந்தே செய்ய வேண்டும், காலந்தாழ்த்தாமல் விரைந்து செய்யவேண்டிய செயல்களைச் செய்ய காலந்தாழ்த்தக் கூடாது.

சாலமன் பாப்பையா உரை
காலந்தாழ்த்திச் செய்யவேண்டிய செயல்கள் என்றால் காலந்தாழ்த்துக; காலம் தாழத்தாது செய்ய வேண்டிய செயல்கள் என்றால் காலம் தாழ்த்த வேண்டா.

நன்றி: ஜெயமோகன்
தூங்கிக்கொண்டேசெய்ய வேண்டிய அலுவலக வேலையை அப்படித்தான் செய்ய வேண்டும். ஆனால் வீட்டில் அதேபோல வேலைசெய்தால் வினையாக முடியும் என்பது இக்குறளின் சாரம்.


Thirukkural - Management - Decision Making
Any outcome of a person's action depends on the timing of execution. There are always right times and wrong times. These are not similar to so called good times and bad times. Certain decisions or actions demand us to delay. If delaying an execution is a necessity, it is wise to delay the execution of the decision taken, advises Kural 672.

Delay where delay is needed, but do not delay
When you must act.

On the contrary, certain decisions or actions demand us to execute immediately. When there is a need to execute an important  decision, delaying becomes costlier. It is similar to the act of sleeping when you need to and not sleeping when you do not need to. Both not sleeping when you are drowsy and trying to sleep when you are not sleepy result in loss of energy. It is wrong to delay carrying out an action when delay is not needed and it is also wrong to carry out an action when execution is not needed. Deciding when to delay and when to deliver is the art of decision-making.

கற்றில னாயினுங் கேட்க

குறள் 414
கற்றில னாயினுங் கேட்க அஃதொருவற்கு 
ஒற்கத்தின் ஊற்றாந் துணை.
[பொருட்பால், அரசியல், கேள்வி]

பொருள்
கற்று - கற்றல் - பயிலுதல் , படித்தல்

இலன் - இல்லை என்று, இல்லாதவன்

கற்றிலன் - நூல்களை கற்கவில்லை 

ஆயினும் - என்றாலும்; ஆனாலும்; ஆவது உம்மைப் பொருளில் வரும் எண்ணிடைச்சொல்.

கேட்டல் - செவிக்குப்புலனாகுதல்; பாடங்கேட்டல்; வினாவல்; விசாரித்தல்; வேண்டுதல்; கேள்விப்படுதல்; கொடுக்கச்சொல்லுதல்; தண்டித்தல்; இரத்தல்; நோய்முதலியனநீக்குதல்; விலைகேட்டல்; ஏற்றுக்கொள்ளுதல்; பொறுத்தல்; தணிதல்; கீழ்ப்படிதல்; ஒலிஎட்டுதல்; செவியாற்கேட்குதல்; அனுமதிபெறுதல்

கேட்க - செவி வழியாக சான்றோர்களிடமாவது கேளுக

அஃது - அஃறிணைஒருமைச்சுட்டு; அது அப்படி
அஃது - அத்தகைய கேள்விச் செல்வம்

ஒருவற்கு - ஒருவருக்கு, ஒருவனுக்கு

ஒற்கத்தின் - ஒற்கம் - தளர்ச்சி; வறுமை; குறைவு; அடக்கம்; பொறுமை.
ஊற்று - ஊற்றுத்துளை; நிலத்தடியில்நீர்ஊற்றுள்ளஇடம் - ஊன்றுப் போல்

ஆம் - போன்று, நீர்; ஈரம் வீடு மாமரம் அழகு சம்மதங்காட்டும்சொல்; கேள்விப்பட்டதைக்குறிக்கும்சொல்; இகழ்ச்சிக்குறிப்பு; அனுமதி, தகுதி, ஊக்கம்குறிக்கும்சொல்; ஆவது ஆகிய சாரியை அசைநிலை தன்மைப்பன்மைவிகுதி; உளப்பாட்டுத்தன்மைப்பன்மைவிகுதி.

துணை - அளவு; இணை, ஒப்பு; ஆதரவு, உதவி; உதவுவோன்; காப்பு; கூட்டு; இரண்டு; இரட்டை; கணவன்; மனைவி; உடன்பிறப்பு; புணர்ச்சி; வரை; ஆயுதமுனை; அம்பு; நட்பினன்(ள்).

துணை -  துணையாக இருக்கும் 

முழுப்பொருள்
ஒருவர் நல்ல அற/நீதி நூல்களை கல்லாமல் இருக்கலாம். அல்லது நூல்கள் கற்க வாய்ப்பு அமையாமல் போகலாம். ஆனால், அவ்வற நூல்களை நன்கு கற்ற சான்றோர் சொல்லும் சொற்களை கேட்கவாவது வேண்டும். அது நூல்களை கற்பது அடுத்தபடியா சிறந்ததாகும்.

அத்தகைய கேள்விச் செல்வம் ஒருவர் சோர்வாக இருக்கும் பொழுது அவருக்கு ஊன்று கோலாய் துணை நிற்கும் என்கிறார் திருவள்ளுவர்.

ஒருவருக்கு சோர்வு எனப்படுவது கல்லாதனால் வரும் துன்பங்களினால் ஏற்படுவது ஆகும். அத்தளர்ச்சியாவது, வறுமையாலேனும் அறியாமையாலேனும் நோயினாலேனும் இழப்பினாலேனும் நேரும் மனத்தடுமாற்றம் ஆகும்.

அத்தகைய தளர்ச்சியின் பொழுது ஊன்றாய் இருப்பது கேள்விச் செல்வம். இங்கே நாம் மற்றொன்றும் நோக்க வேண்டும். அது, ஊன்று என்ற வார்த்தையின் பயன்பாடு. கேள்விச் செல்வம் ஊன்றாய் மட்டும் தான் துணை நிற்கும். நூல்கள் கற்பதனால் வரும் அறிவை முழுமையாய் கொடுக்காது. 

மேலும்: அஷோக்

ஒப்புமை
”உணற்கினிய இன்னீர் பிறிதுழி இல்லென்னும்
கிணற்றகத்துத்தேரைபோல் ஆகார் - கணக்கினை
முற்றப்பகலும் முனியா தினிதோதிக்
கற்றலிற் கேட்டலேநன்று” (பழமொழி 61)

ஆத்திச்சூடி
கேள்வி முயல்.
பேதைமை அகற்று.

பரிமேலழகர் உரை
கற்றிலன் ஆயினும் கேட்க - உறுதி நூல்களைத் தான் கற்றிலன் ஆயினும், அவற்றின் பொருள்களைக் கற்றறிந்தார் சொல்லக் கேட்க; அஃது ஒருவற்கு ஒற்கத்தின் ஊற்றாம் துணை - அக்கேள்வி ஒருவனுக்குத் தளர்ச்சி வந்துழிப் பற்றுக் கோடாம் துணை ஆகலான். 

விளக்கம் 
('உம்மை' கற்க வேண்டும் என்பது பட நின்றது. தளர்ச்சி - வறுமையானாதல் அறிவின்மையானாதல் இடுக்கண்பட்டுழி மனம் தளர்தல். அதனைக் கேள்வியினானாய அறிவு நீக்கும் ஆகலின், 'ஊற்றாம் துணை' என்றார். 'ஊன்று' என்னும் ஆகுபெயரின் னகரம் திரிந்து நின்றது.)

ஞா. தேவநேயப் பாவாணர் உரை
கற்றிலன் ஆயினும் கேட்க -- ஒருவன் பொருள் நூல்களையும் உறுதிநூல்களையும் கற்றிராவிடினும், அவற்றைக்கற்றுத்தேர்ந்த பேரறிஞரிடம் கேட்டறிக; அஃது ஒருவற்கு ஒற்கத்தின் ஊற்று ஆம் துணை - அக்கேள்வியறிவு ஒருவனுக்கு உலகியல் துறையிலேனும் ஆதனியல் (Spiritual) துறையிலேனும் தளர்ச்சி நேர்ந்த விடத்து ஊன்று கோலாந் துணையாகும்.

இழிவு சிறப்பின் பாற்பட்ட ஒத்துக்கொள்வு (Concessive ) உம்மை, கற்றிருத்தல் வேண்டுமென்னுங் குறிப்பினது.

"கல்லாரே யாயினுங் கற்றாரைச் சேர்ந்தொழுகின்
நல்லறிவு நாளுந் தலைப்படுவர்-தொல்சிறப்பின்
ஒண்ணிறப் பாதிரிப்பூச் சேர்தலாற் புத்தோடு
தண்ணீர்க்குத் தான்பயந் தாங்கு" (நாலடி, 139).

தளர்ச்சியாவது, வறுமையாலேனும் அறியாமையாலேனும் நோயினாலேனும் இழப்பினாலேனும் நேரும் மனத்தடுமாற்றம். 'ஊற்று' முதனிலை திரிந்த தொழிலாகுபெயர். 'அஃதொருவற்கு' என்பது 'அதுவொருவற்கு' என்றிருந்திருத்தல் வேண்டும்.

"அன்பீனு மார்வ முடைமை யதுவீனும் "(74),
"ஈத லிசைபட வாழ்த லதுவல்ல(து)"(231),
"பொச்சாப்பார்க் கில்லை புகழ்மை யதுவுலகத்(து)"(533)
"கல்லார்ப் பிணிக்குங் கடுங்கோ லதுவல்ல"(து)(570),
"கவ்வையாற் கவ்விது காம மதுவின்றேல்"(1144)

என்னும் அடிகளை நோக்குக.

மு.வரதராசனார் உரை
நூல்களைக் கற்றவில்லையாயினும், கற்றறிந்தவர்களிடம் கேட்டறிய வேண்டும், அது ஒருவனுக்கு வாழ்க்கையில் தளர்ச்சி வந்த போது ஊன்றுகோல் போல் துணையாகும்.

சாலமன் பாப்பையா உரை
கல்லாதவனே என்றாலும் கற்றவர் கூறும் சிறந்த செய்திகளைக் கேட்க வேண்டும்; அப்படிக் கேட்பது அவனுக்கு நெருக்கடி வரும்போது பிடிப்பதற்கு ஏற்ற துணையாக உதவும்.

நன்றி ரிஷ்வன்
நூல்களைக் கற்றவனிடம்
கேள்வி ஞானத்தோடு
கல்லாதவன் கேட்டறிதல்
தள்ளாடும் வயதில்
ஊன்றுகோலாய் துணையாகும்.

Thirukkural - Management - Listening
Among all the wealth, the greatest wealth is listening. Listening is a supreme wealth. What has convinced Valluvar to confirm that listening is the best wealth among all the other wealth? There are many benefits of effective listening. They are presented in Kural 414.

Though unfettered, listen; you will find this
A great help in distress.

Even if one has not learned, or got  the chance to get educated, one has to cultivate the habit of listening to learned and wise people so that that learning will act as a prop, support, or assistance when one is in a crisis. The advantage of attentive listening is that that type of listening gets into your subconscious mind. When a thought, idea, or concept is registered in your subconscious mind, that thought, idea, or concept stays there for long. And the same thing can be retrieved whenever needed. Two things influence the development of an individual. They are intuition and tuition. Tuition that is learning through listening can add to one's intuition.

அறிந்தாற்றிச் செய்கிற்பாற்கு

குறள் 515
அறிந்தாற்றிச் செய்கிற்பாற்கு அல்லால் வினைதான் 
சிறந்தானென்று ஏவற்பாற் றன்று.
[பொருட்பால், அரசியல், தெரிந்துவினையாடல்]
(For meaning in English, scroll to the bottom of this post)

பொருள்
அறிந்தாற்றிச் - அறிந்து ஆற்றிச்

அறிதல் - செயலினை செய்ய நுட்பமாய் எல்லா வழிகளையும் அறிதல். [பேரரசியே நான் அமைச்சன். அனைத்துத் திசைகளையும் ஐயத்துடன் நோக்கக் கடன்பட்டவன்.]

அறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

ஆற்றுதல் - வலியடைதல்; கூடியதாதல்; போதியதாதல்; உய்தல்; உவமையாதல்; செய்தல்; தேடுதல்; உதவுதல்; நடத்துதல்; கூட்டுதல்; சுமத்தல்; பசிமுதலியனதணித்தல்; துன்பம்முதலியனதணித்தல்; சூடுதணித்தல்; ஈரமுலர்த்துதல்; நூல்முறுக்காற்றுதல்; நீக்குதல்.

செயல் - தொழில்; பொருள்தேடுகை; இழைப்புவேலை; வேலைப்பாடு; காவல்; ஒழுக்கம்; வலிமை; செல்வாக்கு; செய்யல்நிலைமை; சேறு.

செய்கிற்பாற்கு -  செய்கிற குணம்

அல்லால் - அல்லாமல்
அல்லால் - அக்குணம் உள்ளவர்களை தவிர வேறு எவரிடம்

வினை - தொழில்; நல்வினை தீவினை என இருவகைப்பட்ட முன்னை வினை; வினைச்சொல்; செய்தற்குரியது; பரிகாரச்செயல்; முயற்சி; போர்; வஞ்சகம்; தந்திரம்; கருத்து; தொந்தரவு; சீழ்; இரண்டைக்குறிக்கும் குழூ உக்குறி.

வினைதான் - அந்தச் செயலை

சிறப்புபெருமை; திருவிழா; செல்வம்; அன்பளிப்பு; மதிப்பு; தலைமை; பகட்டு; காண்க:சிறப்பணி; இன்பம்; ஒன்றற்கேயுரியது; வரிசை; போற்றுகை; மிகுதி; வீடுபேறு.

சிறந்தான் - சிறந்தவன்

என்று - எந்தநாள், எப்போது, என்றைக்கு; என்றுசொல்லி; ஓர்இடைச்சொல்; சூரியன்.

சிறந்தானென்று - சிறந்தான் என்று - இவன் சிறதவன் என்று (தவறாக) எண்ணி

ஏவல் - ஏவுகை, தூண்டுகை; கட்டளை; ஏவல்வினைமுற்று; ஓதுகை; பணிவிடை; பணியாள்; பிசாசைஏவிவிடுகை; வறுமை.

பாற்று pāṟṟu   a poetic form of the appellative noun as பாலது, it is the portion, it is proper.

அன்று அந்நாள்; மாறுபாடு ஓர்அசைச்சொல்.

ஏவற்பாற் றன்று - ஏவல் பாற்று அன்று

ஏவல் - ஏவுகை, தூண்டுகை; கட்டளை; ஏவல்வினைமுற்று; ஓதுகை; பணிவிடை; பணியாள்; பிசாசைஏவிவிடுகை; வறுமை.

பாற்று - உரியது

அன்று - அல்ல / இல்லை

முழுப்பொருள்
ஒருவன் செயலை செய்ய வேண்டும். முதலில் அந்த செயலை முழுதாக செறிவாக நிறைவு செய்ய அதன் வழிகளை ஆராய வேண்டும். அவ்வழியில் செல்கையில் வரும் இடையூறுகளை பற்றிச் சிந்திக்க வேண்டும். அப்படி வருகையிலோ அல்லது எதிர்பாராத விதமாக வருகையிலோ இடையூறுகளை நீக்கி செயலை செய்து முடிக்க வேண்டும்.

ஆனால் செல்லும் வழிகளையும், வரக்கூடிய இடையூறுகளையும் வியூகிக்க முடிந்தவன் சிறந்தவனாக மாட்டான். எவன் ஒருவன் அச்செயலை களத்தில் நிறைவு செய்ய அதற்கு தேவையான பண்புகளை கொண்டவனே செயல் வீரன். (மற்றவர்கள் அனைவரும் வாய்ச்சொல் வீரர் அடி கிளியே).

ஆதலால் அத்தகைய செயல்வீரர்களிடம் மட்டும் ஒரு செயலை ஒப்படைக்க வேண்டும்.

செயல்வீரர்கள் அல்லாமால் எனக்கு தெரிந்தவன், என் சொந்தகாரன், என் பாசத்திற்கு உரியவன், என்று தனக்கு வேண்டியவர் என்பதற்காக செயலை செறிவாய் நிறைவு செய்ய திறமையற்ற ஒருவனை உயர்ந்து மதிப்பிட்டு அச்செயலை அவர்களிடன் ஏவுதல் கூடாது. அது மட்டும் இன்றி, நான் சிறந்தவன் அப்படி ஒரு பிரச்சனை வந்தால் நான் பார்த்துக்கொள்வேன் என்ற ஏளனமும் கூடாது.

உதாரணம்: இன்றை இந்திய அரசியல் சூழலில் இதுவே நடந்துக்கொண்டு இருக்கிறது. இந்திய அமைச்சரவையைப் பார்த்தாலே தெரியும். :(


மேலும்: அஷோக்

ஒப்புமை
”தெற்ற அறிவுடையார்க் கல்லால் திறனில்லா
முற்றலை நாடிக் கருமம் செயவையார்
கற்றொன் றறிந்து கசடற்ற காலையும்
அற்றதன் பாற்றேம்பல் நன்று” (பழமொழி 373)

உதாரணம் (வெண்முரசு - ஜெயமோகன்)

பேரரசியே நான் அமைச்சன். அனைத்துத் திசைகளையும் ஐயத்துடன் நோக்கக் கடன்பட்டவன்.
.....

அரசுசூழ்தலில் முதன்மை விதியொன்றுண்டு, அதை தவறவிட்டுவிட்டேன்” என்றாள் சத்யவதி. “ஒருவனைப்பற்றி எந்த இறுதிமுடிவையும் எடுப்பதற்கு முன் அவனை நேரில் பார்த்தாகவேண்டும். அவனிடம் சிலமுறையாவது பேசியாகவேண்டும். எத்தனை நுணுகியறிந்திருந்தாலும் நேரில் பார்க்கையில் நம் அனைத்து கணிப்புகளும் பிழைபட்டுவிடுகின்றன.”

.....

ஆகவேதான் நேரில் பார்க்காமல் முடிவெடுக்கலாகாது என்கிறார்கள் அரசுசூழ்தல் அறிஞர்கள். பிறர் சொல்லும்போது நம் சிந்தைதான் அவற்றைக் கேட்கிறது. நம் தர்க்கம்தான் அவற்றைப் புரிந்துகொள்கிறது. அம்மனிதன் நம்மருகே நிற்கையில் நம்முடைய ஆன்மா அவனை உணர்கிறது. உள்ளுணர்வின் மூன்றாம் விழியால் அவனை நாம் பார்க்கமுடிகிறது.”


பரிமேலழகர் உரை
அறிந்து ஆற்றிச் செய்கிற்பாற்கு அல்லால் - செய்யும் உபாயங்களை அறிந்து செயலானும் இடையூறுகளானும் வரும் துன்பங்களைப் பொறுத்து முடிவு செய்ய வல்லானை யல்லது; வினைதான் சிறந்தான் என்று ஏவற்பாற்றன்று - வினைதான் இவன் நம்மாட்டு அன்புடையன் என்று பிறனொருவனை ஏவும் இயல்புடைத்தன்று. 

விளக்கம் 
['செய்கிற்பாற்கு' என்பது வேற்றுமை மயக்கம். அறிவு ஆற்றல்களான் அல்லது அன்பான் முடியாது என இதனான் வினையினது இயல்பு கூறப்பட்டது.] 

ஞா. தேவநேயப் பாவாணர் உரை
வினைதான் - எவ்வினையுந்தான் ; அறிந்து ஆற்றிச் செய்கிற்பாற்கு அல்லால் - செய்யும் வழிகளை யறிந்து செயலாலும் இடையூறுகளாலும் வருந்துன்பங்களைப் பொறுத்துச் செய்து முடிக்க வல்லானையல்லது; சிறந்தான் என்று ஏவல் பாற்று அன்று - இவன் நம் மிடத்துச் சிறந்த அன்புடையவனென்று வேறு எவனையும் ஏவத்தக்கதன்று.

'செய்கிற்பாற்கு' என்பது வேற்றுமை மயக்கம் . கில் ஆற்றலுணர்த்தும் இடைநிலை . பாலது - பாற்று ( பால் + து ) . அறிவாற்றல் பொறையூக்கங்களாலன்றி அன்பினால் மட்டும் எவ்வினையும் முடியா தென்பது கருத்து.

மு.வ உரை
(செய்யும் வழிகளை) அறிந்து இடையூறுகளைத்தாங்கிச் செய்து முடிக்க வல்லவனை அல்லாமல், மற்றவனைச் சிறந்தவன் என்றுக் கருதி ஒருச் செயலைச் செய்யுமாறு ஏவக்கூடாது.

சாலமன் பாப்பையா உரை
செய்யும் வழிமுறைகளை அறிந்து தடை வந்தாலும் செய்யும் திறமை உடையவனிடம் அன்றி . இவன் நம்மவன் (கட்சி இனம்) என்று எண்ணி, ஒரு செயலை ஒப்படைக்கக்கூடாது.

ஞா. தேவநேயப் பாவாணர் உரை
வினைதான் - எவ்வினையுந்தான் ; அறிந்து ஆற்றிச் செய்கிற்பாற்கு அல்லால் - செய்யும் வழிகளை யறிந்து செயலாலும் இடையூறுகளாலும் வருந்துன்பங்களைப் பொறுத்துச் செய்து முடிக்க வல்லானையல்லது; சிறந்தான் என்று ஏவல் பாற்று அன்று - இவன் நம் மிடத்துச் சிறந்த அன்புடையவனென்று வேறு எவனையும் ஏவத்தக்கதன்று.

'செய்கிற்பாற்கு' என்பது வேற்றுமை மயக்கம் . கில் ஆற்றலுணர்த்தும் இடைநிலை . பாலது - பாற்று ( பால் + து ) . அறிவாற்றல் பொறையூக்கங்களாலன்றி அன்பினால் மட்டும் எவ்வினையும் முடியா தென்பது கருத்து.

நன்றி ரிஷ்வன்
அறிந்து தெளிந்து
தேர்ந்தவனை மறந்து 
தெரிந்தோன் எனவும்
அறிந்தவன் எனவும்
மற்றவனிடம் 
பிழன்றும் பொறுப்பை
ஒப்படைத்தல் தவறு.

English Meaning - As I taught a kid - Rajesh
Who should be chosen or recruited to successfully execute a job? A person has to be recruited based on following qualities 1) A person who is capable of researching, analyzing the task. 2) A person who is capable of planning to do execute the task while taking into account the potential hurdles and challenges that can come on the way 3) A person leadership and managerial skills in getting things done from the people (these skills include communication skills, team work, risk mitigation etc). A person should not be given the task based on any bias such as relationships, political party, community affinity etc.

Questions that I ask to the kid
Can I give a job to my niece? Why?

தாமின் புறுவது உலகின்

குறள் 399
தாமின் புறுவது உலகின் புறக்கண்டு 
காமுறுவர் கற்றறிந் தார்.
[பொருட்பால், அரசியல், கல்வி]

பொருள்
தாம் - தனக்கு ; அவர்கள்; மரியாதைகுறிக்கும்முன்னிலைச்சொல்; ஓரசைச்சொல்; ஒருசாரியை; தாகம்; விலை.

இன் - இனிய; ஐந்தாம்வேற்றுமைஉருபு; சாரியை இறந்தகாலஇடைநிலை.

இன்பம் - மனமகிழ்ச்சி; இனிமை ஒன்பான்சுவைகளுள்ஒன்று; சிற்றின்பம், காமம் திருமணம் நூற்பயன்களுள்ஒன்று.

இன்புறல் -  v. noun. Enjoying plea sure, being happy, rejoicing, experiencing, delight, being satisfied, மகிழ்ச்சிபொ ருந்தல்.

இன்புறவது - இன்பம் தருகிற ஒன்றை

உலகு - உலகம், பூமி நாடு உலகத்தார்(இடவாகுபெயர்), உயர்ந்தோர், சான்றோர் திசை மங்கலச்சொற்களுள்ஒன்று

இன் - இனிய; ஐந்தாம்வேற்றுமைஉருபு; சாரியை இறந்தகாலஇடைநிலை

புறம் - வெளியிடம்; அன்னியம்; காண்க:புறத்திணை; புறக்கொடை; புறநானூறு; வீரம்; பக்கம்; முதுகு; பின்புறம்; புறங்கூற்று; அலர்மொழி; ஒருசார்பு; இடம்; இறையிலிநிலம்; ஏழனுருபுள்ஒன்று; திசை; காலம்; உடம்பு; மருதநிலத்தூர்; மதில்.

கண்டு - காணுதல் - அறிதல்; காண்டல்; சந்தித்தல்; செய்தல்; வணங்குதல்.

உலகு + இன்புறக்கண்டு - பகிரும் பொழுது உலகில் உள்ளவர்களுக்கும் இன்பம் தருவதை கண்டு 

காமம் - ஆசை, அன்பு, விருப்பம்; இன்பம்; புணர்ச்சியின்பம்; காமநீர்; ஊர்; குடி; இறை.

உறுதல் - உண்டாதல்; மிகுதல்; சேர்தல்; இருத்தல்; பொருந்தல்; கூடல்; நேர்தல்; பயனுறல்; கிடைத்தல்; வருந்தல்; தங்கல்; அடைதல்; நன்மையாதல்; உறுதியாதல்; நிகழ்தல்.
காமுறுவர்  - விரும்புதல்; வேண்டிக்கொள்ளுதல்.

காமுறுவர் - காமுறு - காமம் + உறு - விரும்புதல், வேண்டிக்கொள்ளுதல்

கற்று - கற்கை - படித்தல்; பயிலுதல்

அறிதல் - உணர்தல்; நினைத்தல் மதித்தல் பயிலுதல் அனுபவித்தல் உறுதிசெய்தல்; புதிதாய்க்கண்டுபிடித்தல்.

கற்றறிந் தார் - கற்றதனால் வரும் சிறப்பை/இன்பத்தை அறிந்தவர்கள்

முழுப்பொருள்
கற்றறிந்தார் எனப்படுபவர் நூல் பலவற்றை கற்று, அதனின் மெய்ப்பொருள் கண்டவர். தான் அறிந்ததனால் தான் பெற்ற பயன்களை அவர் நன்கு அறிவார்.
"அறிவதொவ்வொண்றும் அறியாமையையே" (நன்றி: ஜெயமோகன்) என்பது போல், கற்பதனால் வரும் முதல் பயன் அறியாமை நீங்கி தெளிவு. அவர் அறிந்ததனால் பிறருக்கு நன்மை செய்து அவர்கள் இன்பம் கொள்வதை கண்டவர். உதாரணமாக ஒரு அரசன் நெறி நூல்கள் பலவற்றை கற்று மக்களுக்கு நல்லூழ் செய்ய விழைகிறவன்.

ஆதலால் தானும் இன்பம்/நன்மை பெற்று மற்றவரும் இன்பம்/நன்மை கொள்கிறப் பொழுது அதனில் லயிப்பு வருவது இயல்பே. கரும்பு தின்ன கூலி வேண்டுமா ? அதைப்போல் கற்றறிந்தவர் மேலும் கற்கவே விழைவார் என்கிறது இக்குறள்.

உதாரணமாக - ஆசிரியர்கள் மாணவர்களுக்கு பாடம் சொல்லித்தர நாளும் புது புது மேம்பாடுகளை கற்று தங்கள் அறிவை உயர்த்திக்கொள்வார்கள், (இன்றைய காலகட்டங்களில்) மக்களவை உறுப்பினர்கள், சட்டசபை உறுப்பினர்கள், அதிகாரிகள் (Policy Makers) நூல்பலவற்றை கற்றும், உலகலில் செயலாற்றப்படும் நல்ல திட்டங்களை கற்று மக்களுக்கு நன்மை பயவிக்கும் கொள்கைகளையும் செயல்திட்டங்களையும் வரையறை செய்வார்கள். அப்படி மக்கள் நன்மை பெருவதை கண்டு இன்புற்று மேலும் பல நல்ல செயல்திட்டங்களில் முனைய மேலும் பலவற்றை கற்கவே முனைவர். 

கற்றாரைக் கற்றாரே காமுறுவர்” என்கிறது மூதுரை

மேலும் அஷோக்

உதாரணம் (நன்றி: தனமணி)
தாமின் புறுவது உலகின் புறக்கண்டு
காமுறுவர் கற்றறிந்தார்- என்ற குறளின் மூலம் கல்வியறிவு பெற்ற ஒவ்வொருவரும் தனது மகிழ்ச்சிக்கு காரணமான கல்வி, உலகில் அனைவருக்கும் மகிழ்ச்சி அளிப்பதைக் கண்டு மென்மேலும் அந்தக் கல்வி அறிவினை மேம்படுத்திக் கொள்ளவே விரும்புவர் என்று கருத்தினை வழங்கினார் வள்ளுவர். அவர் வழங்கிய கருத்துக்கேற்ப டாக்டர் எஸ்.ராதாகிருஷ்ணன் தான் கற்ற கல்வியை அனைவரும் பெற்று வாழ்வில் உயர்ந்து மகிழ்ந்திட வேண்டும் என்ற உயரிய நோக்கில் ஆசிரியர்களுக்கும், மாணவர்களுக்கும் சிறந்த முன் உதாரணமாக விளங்கும் வகையில் நல்லாசிரியராகப் பணியாற்றி சிறந்த சமுதாயத்தினை உருவாக்கிடப் பாடுபட்டார்.

பரிமேலழகர் உரை
தாம் இன்புறுவது உலகு இன்புறக் கண்டு - தாம் இன்புறுதற்கு ஏதுவாகிய கல்விக்கு உலகம் இன்புறுதலால் அச்சிறப்பு நோக்கி; கற்றறிந்தார் காமுறுவர் - கற்றறிந்தார் பின்னும் அதனையே விரும்புவர். 

விளக்கம் 
(தாம் இன்புறுதலானது, நிகழ்வின் கண் சொற்பொருள்களின் சுவை நுகர்வானும், புகழ் பொருள் பூசை பெறுதலானும், எதிர்வின்கண் அறம் வீடு பயத்தலானும், அதனான் இடையறாத இன்பம் எய்துதல். உலகு இன்புறுதலாவது: 'இம்மிக்காரோடு தலைப்பெய்து அறியாதன எல்லாம் அறியப்பெற்றோம்' என்றும், "யாண்டு பலவாக நரையில் மாயினேம்" (புறநா. 191) என்றும் உவத்தல். செல்வமாயின், ஈட்டல் காத்தல் இழத்தல் என்ற இவற்றான் துன்புறுதலும், பலரையும் பகையாக்கலும் உடைத்து என அறிந்து, அதனைக் காமுறாமையின் 'கற்றறிந்தார்' என்றும், கரும்பு அயிறற்குக் கூலிபோலத் தாம் இன்புறுதற்கு உலகு இன்புறுதல் பிறவாற்றான் இன்மையின் அதனையே காமுறுவர் என்றும் கூறினார்.) 

ஞா. தேவநேயப் பாவாணர் உரை
கற்று அறிந்தார் - சிறந்த நூல்களைக் கற்று அவற்றின் பொருளைச் செவ்வையாக அறிந்தவர்; தாம் இன்புறுவது உலகு இன்புறக்கண்டு - தம் கல்வியால் தாம் இன்புறுவதொடு உலகமும் இன்புறுவது கண்டு; காமுறுவர்-மேன்மேலுங் கற்கவும் கற்பிக்கவும் விரும்புவர்.

தாமின்புறுதலாவது, நூல்களின் சொற்சுவை பொருட்சுவைகளாலும், தாம் இம்மையிற்பெறும் புகழ் பொருள் போற்றுதலாலும், மறுமையிற்பெறும் நற்பத நம்பிக்கையாலும், இடையறாது மகிழ்தல். உலகின்புறுதலாவது, இன்று செவிக்கினிய சிறந்த விருந்துண்டோ மென்றும், அறியாதபல அரும்பொருள்கள் எளிதாயறிந்தோம் என்றும், இத்தகைய சொற்பொழிவு கேட்டது எம் தவப்பேறேயென்றும், இன்னுஞ் சிலமுறை கேட்பின் யாமும் புலவராய் விடுவேமென்றும், பாராட்டி மகிழ்தல். தாமின்புறுவதை உலகுமின்புற்றுப் போற்றுவது, கரும்பு தின்னக்கைக்கூலி கொடுத்தாற்போன்று ஊக்குவதால் மேலுங் காமுறுவர் என்றார்.

இனி, இக்குறளை, கற்றறிந்தார் தாம் இன்புறுவது கண்டு உலகு.இன்புறக் காமுறுவர் என்று, கொண்டு கூட்டுப் பொருள்கோள் நடையாக மாற்றின், கண்டு என்னுஞ் சொல்லொடு பொருந்தாமையால், அது ஆசிரியர் கருத்தன்றென விடுக்க.

மு.வரதராசனார் உரை
தாம் இன்புறுவதற்குக் காரணமான கல்வியால் உலகமும் இன்புறுவதைக் கண்டு, கற்றறிந்த அறிஞர் மேன்மேலும் (அக் கல்வியையே) விரும்புவர்.

சாலமன் பாப்பையா உரை
தம் மனத்தை மகிழ்விக்கும் கல்வியினால் உலகம் மகிழ்வதைக் கண்டு கற்று அறிந்தவர்கள் மேலும் கற்கவே விரும்புவார்கள்.

நன்றி ரிஷ்வன்
தான் பெறும் கற்றறிவு
தனக் கின்பம் தருவதுடன்
ஊர் உலகிற்கும் தருவதால்
மேலும் கற்கவே விரும்புவர்
நாலும் அறிந்த அறிஞர்கள்.

அறன்ஆக்கம் வேண்டாதான்

குறள் 163
அறன்ஆக்கம் வேண்டாதான் என்பான் பிறனாக்கம்
பேணாது அழுக்கறுப் பான்.
[அறத்துப்பால், இல்லறவியல், அழுக்காறாமை ]

பொருள்
அறன் - அறம் - வேள்விமுதல்வன்; அறக்கடவுள். அறம் - ஒழுக்கம், தருமம், புண்ணியம்,

ஆக்கம் - காண்க:ஆக்கக்கிளவி; அமைத்துக்கொள்ளுகை; கைகூடுகை; உண்டுபண்ணுகை; படைப்பு; செல்வம்; பொன்; பெருக்கம்; இலாபம்; ஈட்டம்; கொடிப்படை; திருமகள்; மங்களகரம்; வாழ்த்து.

ஆக்கம் - படைப்பு - உண்டாக்கப்பட்டது; பெறுகை; செல்வம்; நிவேதனம்; உணவுபரிமாறுதல்; காடு.

வேண்டுதல் - விரும்புதல்; விரும்பிக்கேட்டல்; விலைக்குவாங்குதல்; இன்றியமையாததாதல்.

வேண்டாதான் - வேண்டாதவன்

என்பான் - என்றுசொல்பவன்; என்றுசொல்லப்படுபவன்.

பிறன் - மற்றையான்; அயலான்; மனம்வேறுபட்டவன்; பகைஞன்.

ஆக்கம் - காண்க:ஆக்கக்கிளவி; அமைத்துக்கொள்ளுகை; கைகூடுகை; உண்டுபண்ணுகை; படைப்பு; செல்வம்; பொன்; பெருக்கம்; இலாபம்; ஈட்டம்; கொடிப்படை; திருமகள்; மங்களகரம்; வாழ்த்து.

ஆக்கம் - படைப்பு - உண்டாக்கப்பட்டது; பெறுகை; செல்வம்; நிவேதனம்; உணவுபரிமாறுதல்; காடு.

பிறனாக்கம் - பிறருடைய / மற்றவர்களுடைய ஆக்கம்(வளர்ச்சியை)

பேணுதல் - போற்றுதல், உபசரித்தல்; ஒத்தல்; மதித்தல்; விரும்புதல்; பாதுகாத்தல்; வழிபடுதல்; பொருட்படுத்துதல்; ஓம்புதல்; அலங்கரித்தல்; கருதுதல்; குறித்தல்; உட்கொள்ளுதல்; அறிதல்
பேணாமாக்கள் - அகதிகள்.பேணாமாக்கள் பேசார் பிணித்தோர் (மணி. 28, 223).

பேணாது -  பேணக்கூடாத; விரும்பக்கக்கூட கூடாத

அழுக்காறு - பொறாமை, மன அழுக்கு, மாசு, மலம்
அழுக்காறு - பிறர்ஆக்கம்பொறாமை; மனத்தழுக்கு

அழுக்கு - மாசு; மனமாசு பொறாமை ஆணவமுதலியபாசம்; வெளுத்தற்குரிய மாசுபடிந்த ஆடை; மலசலாதிகள்; பிள்ளைப் பேற்றின்பின் வடியும் ஊனீர்; ஆமைவகை.

அறுத்தல் - அரிதல், ஊடறுத்தல், செங்கல்அறுத்தல், தாலியறுத்தல், இடைவிடுதல் பங்கிட்டுக்கொடுத்தல்; முடிவுசெய்தல்; வளைதோண்டல்; வருத்துதல் நீக்குதல் இல்லாமற்செய்தல்; வெல்லுதல் செரித்தல்

அழுக்கறுப் பான் - பொறாமையை அறுப்பான்

முழுப்பொருள்
மற்றவர்களின் வளர்ச்சியைப் பார்த்து ஒருவன் அவர்களை போற்ற வேண்டும். அவர்களை பேண வேண்டும். அதுவே அறம். 

எனக்கு ஒரு உதாரணம் தோன்றுகிறது, எனது கல்லூரி வகுப்பு மாணவி சொன்னது, நட்பென்பது சீ-சாவில் நாம் கீழே சென்றாலும் நண்பன் மேலே செல்வதை பார்த்து ஆனந்தம் அடைவதாகும். அதுப்போல பிறரின் வளர்ச்சியைப் பார்த்து இன்புறுவதே அறம்.

ஆனால் பிறரின் வளர்ச்சியையும், உயர்நிலையும் பார்த்து ஆனந்தபடாதாவன், பொறாமைகொள்கின்றவன் அறன் தரும் நல்லூழ்களை வேண்டாம் என்று சொல்பவனாவன். அறம் தரும் பயன்கள் - பெரியோரின் பாராட்டுக்கள், வாழ்த்துக்கள், உறவுகள், - மற்றும் பல. பொறாமை படுபவனை யாரும் தன்னுடன் வைத்துக்கொள்ள மாட்டார்கள். 

அதுமட்டும் இல்லாமல் பொறாமை கொண்டால் தன்னுடைய வேலைகளில் கவனம் செய்வதை விட்டுவிட்டு பிறரின் வேலைகளில் கவனம் செலுத்தி, தனது வேலைகளில் சொதப்பிக் கோட்டை விட்டுவிடுவார்கள். ஒழுங்காக தங்களது வேலை செய்திருந்தால் வரும் பயனை அவர்கள் இழந்துவிடுவார்கள். 

பலர் அடுத்தவர்களின் வளர்ச்சியில் பொறாமை கொண்டு வயிறெரிச்சல் பட்டு தங்கள் நிம்மதியும் இழந்து, உடல் நலனையும் இழப்பார்கள். கேடுவான் கேடு நினைப்பான்`

மேலும்: அஷோக்

பரிமேலழகர் உரை
அறன் ஆக்கம் வேண்டாதான் என்பான்-மறுமைக்கும் இம்மைக்கும் அறமும் செல்வமும் ஆகிய உறுப்புக்களைத் தனக்கு வேண்டாதான் என்று சொல்லப்படுவான்; பிறன் ஆக்கம் பேணாது அழுக்கு அறுப்பான்-பிறன் செல்வம் கண்டவழி அதற்கு உதவாது அழுக்காற்றைச் செய்வான்.
விளக்கம்
('அழுக்கறுத்தல்' எனினும் 'அழுக்காறு' எனினும் ஒக்கும். அழுக்காறு செய்யின் தனக்கே ஏதமாம் என்பதாம்.)

ஞா. தேவநேயப் பாவாணர் உரை
ஆக்கம் அறன் வேண்டாதான் என்பான் -இம்மைக்கும் மறுமைக்கும் வேண்டிய செல்வமும் அறமும் ஆகிய பேறுகளைத் தனக்கு வேண்டாதவனென்று சொல்லப்படுகின்றவன்; பிறன் ஆக்கம் பேணாது அழுக்கறுப்பான்- பிறன் செல்வங் கண்ட விடத்து அதற்கு மகிழாது பொறாமைப்படுபவனாவன்.

பொறாமைக்காரன் பிறனுக்கு ஒரு தீங்குஞ் செய்ய இயலாது தனக்கே கேட்டை வருவித்துக் கொள்கின்றான் என்பது, இதனாற் கூறப்பட்டது.

மு.வரதராசனார் உரை
தனக்கு அறமும் ஆக்கமும் விரும்பாதவன் என்று கருதத் தக்கவனே, பிறனுடைய ஆக்கத்தைக் கண்டு மகிழாமல் அதற்காகப் பொறாமைப்படுவான்.

சாலமன் பாப்பையா உரை
பிறர் உயர்வு கண்டு மகிழாமல் பொறாமைப்படுபவன், அறத்தால் வரும் புண்ணியத்தை வேண்டா என மறுப்பவன் ஆவான்.

வ.உ.சிதம்பரனார் உரை
பொருள்: பிறன் ஆக்கம் பேணாது அழுக்கறுப்பான்- பிறன் செல்வத்தை (க் கண்டு) மகிழாமல் பொறாமை கொள்பவன், அறன் ஆக்கம் வேண்டாதான் என்பான் - அறமும் பொருளும் வேண்டாதவன் என்று (பெரியோரால்) சொல்லப்படுவான்.

அகலம்: அழுக்கறு என்பது பகுதி. அழுக்கறு - பொறாமை கொள். ‘பேணாது’ என்பது ஈண்டு மகிழாமல் என்னும் பொருட்டு.

கருத்து: அழுக்காறு உடையவனுக்கு அறமும் பொருளும் இல்லை.

நன்றி MovingMoon
ஆக்கமாய் உலகம் போற்றும்
.. அறவழிச் செயல்கள் யாவும்
நீக்கியே நினைந்தி டாது
.. நெறியிலா துலகில் வாழ்வோன்
போக்கெலாம் அழுக்கா றேற்றுப்
.. பிறர்பெறும் போகம் செல்வம்
நோக்கியே பொறாமை கொள்ளும்
.. நிலைதனில் உழல்வான் என்றும் (3)

வில்லேர் உழவர் பகைகொளினும்

குறள் 872
வில்லேர் உழவர் பகைகொளினும் கொள்ளற்க 
சொல்லேர் உழவர் பகை
[பொருட்பால், நட்பியல் , பகைத்திறந்தெரிதல்]

பொருள் 
வில் - அம்பெய்தற்குரியகருவி; வில்லின்நாண்; காண்க:விற்கிடை; வானவில்; மூலநாள்; ஒளி.

ஏர் - உழுபடை, கலப்பை; உழவுமாடு; உழவுத்தொழில்; எழுச்சி; தோற்றப்பொலிவு; அழகு; நன்மை; ஒப்பு; ஓர்உவமவுருபு.

உழவர் - உழவன் - உழுபவன்; மருதநிலத்தவன்; உழவுமாடு; வீரன்.

பகை - எதிர்ப்பு; பகைவன்; மாறுபாடு; வெறுப்பு; தீங்கு; காண்க:பகைநரம்பு; வேற்றரசருடன்பகைகொள்ளுகை; கோளின்பகைவீடு; காமகுரோதம்முதலியஉட்பகை.

கொள்ளுதல் - எடுத்துக்கொள்ளுதல்; பெறுதல்; விலைக்குவாங்குதல்; உரிமையாகக்கொள்ளுதல்; மணம்செய்துகொள்ளுதல்; கவர்தல்; உள்ளேகொள்ளுதல்; முகத்தல்; கற்றுக்கொள்ளுதல்; கருதுதல்; நன்குமதித்தல்; கொண்டாடுதல்; அங்கீகரித்தல்; மேற்கொள்ளதல்; மனம்பொறுத்தல்; ஒத்தல்; பொருந்துதல்; உடலிற்காயம்படுதல்; எதிர்மறை ஏவலொருமை வினையொடு சேர்க்கப்படும் ஓர்அசை.

இனும் - இன்னும்

கொள்ளற்க - கொள்ளாதீர் 

சொல் - மொழி; பேச்சு; பழமொழி; உறுதிமொழி; புகழ்; மந்திரம்; சாபம்; கட்டளை; புத்திமதி; பெயர்ச்சொல்; வினைச்சொல்; இடைச்சொல், உரிச்சொல்என்னும்நால்வகைமொழிகள்; தமிழ்மொழியில்உள்ளஇயற்சொல், திரிசொல், திசைச்சொல், வடசொல்எனநால்வகைப்பட்டமொழிகள்; நாடகவரங்கில்பேசப்படும்உட்சொல், புறச்சொல்; ஆகாசச்சொல்என்பன; சத்தம்; நாமகள்; பேசச்செய்வதானகள்; நெல்.

ஏர் - உழுபடை, கலப்பை; உழவுமாடு; உழவுத்தொழில்; எழுச்சி; தோற்றப்பொலிவு; அழகு; நன்மை; ஒப்பு; ஓர்உவமவுருபு.

உழவர் உழவன் - உழுபவன்; மருதநிலத்தவன்; உழவுமாடு; வீரன்.

பகை - எதிர்ப்பு; பகைவன்; மாறுபாடு; வெறுப்பு; தீங்கு; காண்க:பகைநரம்பு; வேற்றரசருடன்பகைகொள்ளுகை; கோளின்பகைவீடு; காமகுரோதம்முதலியஉட்பகை

முழுப்பொருள்
உழவருக்கு முதன்மையான கருவி ஏர் .அதை போன்று வில்லை பயன்படுத்துபவர்கள் அதாவது வீரர்கள்/அரசர் போன்றவர்களிடத்து பகை கொண்டாலும் கொள்ளலாம் ,அனால் சொல்லை உழவர்களின் ஏர் போன்று பயன்படுத்துபவர்கள் அதாவது அறிஞர்கள்/ அமைச்சர்கள்/ புலவர்கள் போன்றவர்களிடத்து பகை கொள்ளல் கூடாது என உரைக்கிறார் வள்ளுவர் .

இக்குறளில் அரசர்/வீரர்களையும் ,புலவர்/அறிஞர்களையும் உழவரொடு ஒப்பிட்டு உழவருக்கும் வள்ளுவர்.

இவ்வாறு புலவரையும் வீரரையும் உழவராக வள்ளுவர் உருவகம் செய்ய சிறப்பை உணர்ந்து மகிழ்ந்த பரிமேலழகர் இக்குறளில் உள்ள அணியை "உருவக விசேடம்' என்றார். அதாவது "சிறப்பு உருவகம்' என்றார்.

நன்றி : தினமணி 

ஒப்புமை
”வில்லே ருழுவர் வெம்முனைச் சீறார்” (நற் 3:5)
“வில்லுழு துண்மார்” (புறநா. 170:4)
“வில்லேர் வாழ்க்கை” (புறநா 331:2)
“வில்லேர் உழவின்நின் நல்லிசை” (புறநா 371:13)
“வில்லேர் வாழ்க்கை விழுத்தொடை மறவர்” (அகநா 35:6)
“வானம் வேண்டா வில்லேர் உழவர்” (அகநா 193:2)
“மாரி வளம்பெறா வில்லே ருழவர்” (சிலப்.11:210)
“வில்லேர் உழவர்” (பெருங் 1.52:26)

”வரிசிலை யுழவனும் மறையுழ வனை” (கம்ப.சரபங்கர்.38) 

பரிமேலழகர் உரை
வில் ஏர் உழவர் பகை கொளினும் - ஒருவன் வில்லை ஏராகவுடைய உழவரோடு பகை கொண்டானாயினும்; சொல் ஏர் உழவர் பகை கொள்ளற்க - சொல்லை ஏராகவுடைய உழவரோடு பகை கொள்ளாதொழிக. ('சொல்' ஆகுபெயரான் நீதிநூல் மேல் நின்றது. வீரம் சூழ்ச்சி என்னும் ஆற்றல்களுள் வீரமே உடையாரோடு பகை கொண்டால் கேடு வருதல் ஒருதலையன்று, வந்ததாயினும், தனக்கேயாம். ஏனைச் சூழ்ச்சி உடையாரோடாயின் தன் வழியினுள்ளார்க்கும் தப்பாது வருதலின், அது கொள்ளினும் இது கொள்ளற்க என்றார். உம்மையான் அதுவும் ஆகாமை பெறுதும், இரண்டும் உடையாரோடு கொள்ளலாகாமை சொல்ல வேண்டாவாயிற்று. உருவக விசேடம்.).

மணக்குடவர் உரை
வில்லை ஏராக உடைய பகைவரோடு பகைகொளினும் சொல்லை ஏராக உடைய உழவரோடு பகை கொள்ளாதொழிக. இஃது அரசரோடு பகைகொளினும் அமைச்சரோடு பகை கொள்ளலாகாதென்றது.

மு.வ உரை
வில்லை ஏராக உடைய உழவராகிய வீரருடன் பகை கொண்ட போதிலும், சொல்லை ஏராக உடைய உழவராகிய அறிஞருடன் பகை கொள்ளக் கூடாது.

சாலமன் பாப்பையா உரை
விலலை ஆயுதமாகக் கொண்ட வீரரோடு பகை கொண்டாலும், சொல்லை ஆயுதமாகக் கொண்ட எழுத்தாளரோடு பகை கொள்ள வேண்டா.

பிணியின்மை செல்வம் விளைவின்பம்

குறள் 738
பிணியின்மை செல்வம் விளைவின்பம் ஏமம் 
அணியென்ப நாட்டிவ் வைந்து.
[பொருட்பால், அரணியல், நாடு]

பொருள்
பிணி நோய்; கட்டுகை; கட்டு; பற்று; பின்னல்; அரும்பு; துன்பம்; நெசவுத்தறியின்நூற்படை

இன்மை இல்லாமை; வறுமை உடைமைக்குமறுதலை; அறுவகைவழக்கினுள்ஒன்று.

செல்வம்கல்வி; அழகு; செழிப்பு; நுகர்ச்சி; துறக்கம்; ஐசுவரியம்; மகளிரின்கொஞ்சற்பேச்சு.

விளைவு நிகழ்ச்சி; விளைகை; முதுமை; விளைபொருள்; பழம்; பயன்; கைகூடுகை; ஆக்கம்; விளையுமிடம்; வயல்; மேகம்; நாடகச்சந்திஐந்தனுள்ஒன்று.

விளைதல்தானியம்முதலியனஉற்பத்தியாதல்; பயன்தருதல்; உண்டாதல்; முதிர்தல்; நிகழ்தல்.

இன்பம் மனமகிழ்ச்சி; இனிமை ஒன்பான்சுவைகளுள்ஒன்று; சிற்றின்பம், காமம் திருமணம் நூற்பயன்களுள்ஒன்று.

ஏமம் இன்பம்; களிப்பு; மயக்கம்; காவல்; இரவு; பொன்; திருநீறு; இடுதிரை; பாதுகாவல்; வலிமை; சேமநிதி.

அணிவரிசை; ஒழுங்கு ஒப்பனை அழகு அணிகலன் முகம் படைவகுப்பு செய்யுளணி; இனிமை அன்பு கூட்டம் அடுக்கு அண்மை ஓர்உவமஉருபு.

என்ப - என்று சொல்லப்படுவன; என்று சொல்லுவர்; ஓர்அசைச்சொல்.

நாட்டிற்கு -நாடு -  நாட்டுப்பகுதி; இடம்; பூமி; உலகம்; நாட்டுப்புறம்; மருதநிலம்; பக்கம்; இடப்பரப்பு; பூவுலகப்பொது; ஒருபேரெண்.

இவ் - இந்த 

ஐந்து ஐந்தும்

முழுப்பொருள்
நோய் இல்லாமை ,நல்ல பொருளாதார வளம் (செல்வம்), விளைச்சல் வளம் மிக்க இருத்தல் , இன்பமான வாழ்வு , பாதுகாப்பான சூழல் என இந்த ஐந்து குணங்களே ஒரு நாட்டிற்கு அழகாகும்  எனக் கூறுவர்.

அமேரிக்கா போன்ற வளர்ந்த நாடுகளை உதாரணமாக கொண்டால்    இவ்வைந்தும் அதற்கு அமைந்து இருப்பது தெளிவாக தெரியும்.

நாட்டில் மக்கள் எந்த மன நிறைவுடன் வாழ நோயற்ற சூழ்நிலை வேண்டும். நல்ல விளைச்சல் மூலம் நல்ல பொருளாதார வளமும் வேண்டும். இவைகள் ஒருங்கே அமைய பெற்றாலும் , நம்மை சுற்றி இருக்கின்ற நாடுகளால் எந்த தொந்தரவும் இல்லாமல் பாதுகாப்பான சூழ்நிலை வேண்டும். இவை அனைத்தையும் நோக்கி ஒரு நாட்டின் செயல் திட்டங்கள் அமைய வேண்டும். 

பரிமேலழகர் உரை
பிணியின்மை செல்வம் விளைவு இன்பம் ஏமம் இவ் ஐந்து - நோயின்மையும் செல்வம் விளைதல் இன்பம் காவல் என்றிவை உடைமையுமாகிய இவ்வைந்தனையும்; நாட்டிற்கு அணி என்ப- நாட்டிற்கு அழகு என்று சொல்லுவர் நூலோர். (பிணியின்மை, நில நலத்தான் வருவது. செல்வம், மேற்சொல்லியன. இன்பம், விழவும் வேள்வியும் சான்றோரும் உடைமையானும், நுகர்வன உடைமையானும்,நில நீர்களது நன்மையானும் வாழ்வார்க்கு உள் நிகழ்வது. 'காவல்' எனவே, அரசன் காவலும், வாழ்வோர் காவலும் அரண் காவலும் அடங்கின. பிற தேயங்களினுள்ளாரும் விழைந்து பின் அவையுள்ளாமைக்கு ஏதுவாய அதன் அழகு இதனாற் கூறப்பட்டது.).

மணக்குடவர் உரை
நோயின்மையும், செல்வமுடைமையும், விளைவுடைமையும், இன்பமுடைமையும், காவலுடைமையுமென்று சொல்லப்பட்ட இவையைந்தும் நாட்டிற்கு அழகென்று சொல்லுவர்.

மு.வரதராசனார் உரை
நோயில்லாதிருத்தல், செல்வம், விளை பொருள், வளம், இன்பவாழ்வு, நல்ல காவல் இந்த ஐந்தும் நாட்டிற்கு அழகு என்று கூறுவர்.

சாலமன் பாப்பையா உரை
நோய் இல்லாமை, செல்வம், விளைச்சல், மகிழ்ச்சி, நல்ல காவல் இவை ஐந்தும் ஒரு நாட்டிற்கு அழகு என்று நூலோர் கூறுவர்.

வலியார்முன் தன்னை நினைக்கதான்

குறள் 250
வலியார்முன் தன்னை நினைக்கதான் தன்னின் 
மெலியார்மேல் செல்லு மிடத்து.
[அறத்துப்பால், துறவறவியல், அருளுடைமை]

பொருள்
வலியார் - வலியன் - வலிமையுடையான்; திறமையானவன்; உடல்நலமுடையவன்; கரிக்குருவி; இறுகியநிலையுடையது.

வலியார் - (நம்மை விட)வலிமை உடையவர் 

முன் - இடத்தால்முன்; காலத்தால்முன்; உயர்ச்சி; முதல்; பழைமை; ஏழனுருபு; மனக்குறிப்பு; காண்க:முன்றோன்றல்.

தன்னை - தலைவன்; தமையன்; தமக்கை; தாய்.

நினைத்தல் -கருதுதல்; ஞாபகத்திற்கொணர்தல்; ஆராய்தல்; தியானித்தல்; அறிதல்; நோக்கமாகக்கொள்ளுதல்; பாவித்தல்; மனனம்.

நினைக்கதான் - நினைக்காதவன் 

மெலியார் - meliyār   n. id. Weak,powerless persons; பலவீனர். மெலியார்மேன் மேகபகை (குறள், 861); வலியிலார்

மெலியார் -(நம்மை விட) எளியவர், நலிந்தவர் 

மேல் மேலிடம்; அதிகப்படி; வானம்; மேற்கு; தலை; தலைமை; மேன்மை; உயர்ந்தோர்; உடம்பு; இடம்; மேலெழுந்தவாரியானது; முன்புள்ளது; பின்புள்ளது; அதிகமாக; முன்; பற்றி; அப்பால்; இனி; ஒருமுன்னொட்டு; ஏழனுருபு.

செல்லும் - செல்லுதல் - நிகழ்தல்; வீழ்தல்; ஆதல்; பரவுதல்; பயனுறுதல்; நிலைத்திருத்தல்; செலாவணியாதல்; வேண்டியதாதல்; பொருந்துதல்; விரும்பிஏற்றுக்கொள்ளப்படுதல்; அடைதற்குரியதாதல்; கழிதல்; தணிதல்; கெடுதல்; இறத்தல்; கிட்டுதல்; அடைதல்; போதல்.
மேல் செல்லும் - வெகுண்டுழுதல்,அதிகாரம் செலுத்துதல் (dominate)

முழுப்பொருள்
தன்னை விட மெலிந்தவர், பலவீனமானவர் முன் தன பலத்தை பிரயோகிக்க முயலும் அருள் இல்லாதவன், அவ்வாறு செய்யும் முன், அவனை விட வலிமை உடையவர் முன் அவன் அஞ்சி நிற்க வேண்டிய நிலையம் வரும் என்பதை எண்ணி பார்க்க வேண்டும் என உரைக்கிறார் வள்ளுவர்.

"வல்லவனுக்கு வல்லவன் வையகத்தில் உண்டு" என்னும் சொல்லாடல் கூட இக்குறளை ஒற்றியே அமைந்து உள்ளது . 

இலங்கை ஜெயராஜ்
அருள் பெறுவதற்கு என்ன வழி? வலிமை உள்ளவன் உன்னை துன்புறுத்தி இருப்பான். அப்பொழுது பொறுத்துக்கொண்டு நீ வருத்தப்பட்டிருப்பாய். பிறகு உன்னைவிட எளியவன் (மெலிந்தவன்) உன் முன்னே வந்தால் அவனை நீ துன்புறுத்த ஒரு வாய்ப்பு வந்தால் நீ முன்புபட்ட துன்பத்தை நினைத்துப்பார். அருள் தானாக வந்துவிடும். அல்லது பிறர் நமக்கு இத்துன்பத்தை செய்தால் நமக்கு எவ்வளவு துன்பம் வருத்தமும் வரும் என்று ஒரு நொடி யோசித்துப்பார்த்தாய் என்றால் பிறருக்கு துன்ப செய்யமாட்டாய். அப்பொழுது அருள் பிறக்கும். இது பிற உயிர்களிடத்திலும் நீ காண்பிக்கும் அருளுக்கும் பொருந்தும். 

அப்படி என்றால் அரசர்கள் பிறரை தண்டிக்க கூடாதா? அதற்கும் திருவள்ளுவர் "குறள் 562 கடிதோச்சி மெல்ல எறிக நெடிதாக்கம் நீங்காமை வேண்டு பவர்" என்று கூறுகிறார். அதாவது நெடுங்காலம் ஆட்சி செய்ய விரும்புபவர் தண்டிக்கும்போது கடுமையாகத் தண்டிப்பவர்போல தொடங்கி வரம்பு கடவாமல் செய்க.

இதற்கு ஒரு நல்ல உதாரணமாக, "திருவிளையாடல்" திரைப்படத்தில், ஹேவனாத  பாகவதராக வரும் பாலைய்யா - சிவா பெருமானாக வரும் சிவாஜி பகுதியை கூறலாம்.

தன பாட்டுக்கு பாண்டிய நாடே,மற்றும் ஆண்டவனே அடிமை  அடிமை என்றும், தன்னை மிஞ்ச எவரும் இல்லை என்றும் அகந்தையில் கூறும் ஹேவனாத பாகவதரை சிவா பெருமான் சாதாரண விறகு வெட்டி போல் தோன்றி அவரை மிஞ்சும் விதமாக பாடி அவர் அகந்தையை அடக்கி வலியவர்க்கு வலியவர் உலகில் உண்டு என உணர்த்துவார் .



பரிமேலழகர் உரை
வலியார் முன் தன்னை நினைக்க - தன்னின் வலியார் தன்னை நலிய வரும்பொழுது அவர்முன் தான் அஞ்சிநிற்கும் நிலையினை நினைக்க, தான் தன்னின்மெலியார்மேல் செல்லுமிடத்து - அருளில்லாதவன் தன்னின் எளியார்மேல் தான் நலியச் செல்லும் பொழுது. ('மெலியார்' எனச் சிறப்புடைய உயர்திணைமேல் கூறினாராயினும், ஏனைய அஃறிணையும் கொள்ளப்படும். அதனை நினைக்கவே, இவ்வுயிர்க்கும் அவ்வாறே அச்சம் ஆம் என்று அறிந்து, அதன்மேல் அருள் உடையன் ஆம் என்பது கருத்து. இதனால் அருள் பிறத்தற்கு உபாயம் கூறப்பட்டது.).

மணக்குடவர் உரை
தாம் தம்மின் மெலியார்மேல் வெகுண்டெழுமிடத்துத் தம்மின் வலியார் முன் தாம் நிற்கும் நிலையை நினைக்க.

மு.வரதராசனார் உரை
(அருள் இல்லாதவன் ) தன்னை விட மெலிந்தவர் மேல் துன்புறுத்த செல்லும் போது, தன்னை விட வலியவரின் முன் தான் அஞ்சி நிற்கும் நிலைமையை நினைக்க வேண்டும்.

சாலமன் பாப்பையா உரை
அருள் இல்லாதவள், தன்னைவிட எளிய மனிதரைத் துன்புறுத்தச் செல்லும்போது, தன்னைவிட பலசாலி தன்னைத் துன்புறுத்த வந்தால் அவருக்கு முன் தான் அஞ்சி நிற்பதாக எண்ணிப் பார்க்க.

பொருள்: தன்னின் மெலியார்மேல் தான் செல்லும் இடத்து - தன்னினும் மெலியவர்மேல் தான் (வெகுண்டு) செல்லுங் காலையில், வலியார்முன் தன்னை நினைக்க‡(தன் மேல் வெகுண்டுவரும்) வலியார் முன் தன் நிலையை நினைக்கக் கடவன்.

அகலம்: தன்னின் வலியார் தன்மேல் வெகுண்டு வருங்கால் அவர் முன் தான்நடுங்கி நிற்றலை நினைக்கவே, தான் தன்னின் மெலியார்மேல் வெகுண்டு செல்லான் என்றவாறு. தன்னை என்பது ஆகு பெயர், தன் நிலைக்கு ஆயினமையால். தன் நிலை - தான் நிற்கும் நிலை. மெலியார்-செல்வம் முதலியவற்றால் எளியவர்.

கருத்து: இஃது அருளை அடைதற்கு வழி கூறிற்று.

Thirukkural - Management - Managing Anger
We all know the damages caused by anger. The moot question is, ’Is there a technique to manage anger?’ Yes, definitely there is one. A technique to manage anger is before you shout at, threaten, and abuse a helpless person who is weaker than you are, just think for a moment of your precarious position or helplessness or your fear when you are in the presence of someone who is stronger and more powerful than you are, challenges, Kural 250. When you put yourself in that predicament, you will 
understand the predicament  of the person who will be the victim of your anger.

When you threaten a weaker than yourself
Think of  yourself before a bully.

Just think of a situation where you were helpless when someone more powerful than you insulted you. Remember that the helpless recipient of your anger will have similar emotion when you express your anger at him.

இற்பிறந்தார் கண்அல்லது இல்லை

குறள் 951
இற்பிறந்தார் கண்அல்லது இல்லை இயல்பாகச் 
செப்பமும் நாணும் ஒருங்கு.
[பொருட்பால்,  குடியியல், குடிமை]

பொருள்
இல் - இடம், வீடு, இல்லறம், மனைவி, மருத முல்லைநிலங்களின் தலைவியர், குடி;

பிறத்தல் - வெளிவரல்; தோன்றுதல்.

பிறப்பு - தோற்றம்; உற்பத்தி; சாதி; தொடக்கம்; உடன்பிறந்தவர்; மகளிர்அணியும்தாலிவகை; ஒருவாய்பாடு; அச்சம்; நெருக்கம்; மயக்கம்.

கண் - விழி; கண்ணோட்டம்; பீலிக்கண்; கணு; மரக்கணு; தொளை; மூங்கில்முரசடிக்குமிடம்; மூட்டுவாய்; பெருமை; இடம்; ஏழனுருபு; அறிவு; பற்றுக்கோடு; உடம்பு; அசை; உடலூக்கம்.

இற்பிறந்தார்கண் - ஊர் போற்றக்கூடிய உயர்ந்த குடியில் பிறந்ததனால் ஒருவர் 

அல்லது - தீவினை; தவிர

இல்லை - உண்டு என்பதன் எதிர்மறை; இன்மைப் பொருளை உணர்த்தி ஐம்பால் மூவிடத்திலும் வரும் ஒருகுறிப்பு வினைமுற்று; சாதலை உணர்த்தி ஐம்பால் மூவிடத்திலும் வரும் ஒருகுறிப்பு வினைமுற்று.

அல்லது இல்லை - உயர்ந்தவராவது இல்லை, மாறாக

இயல்பு - தன்மை; இலக்கணம் ஒழுக்கம் நற்குணம் நேர்மை முறை வரலாறு பிரமாணம்பத்தனுள்ஒன்று.

இயல்பாகச் - இயல்பாக, இயற்கையாக 

செப்பம் - செவ்வை; நடுநிலை; சீர்திருத்தம்; பாதுகாப்பு; செவ்வியவழி; தெரு; நெஞ்சு; மனநிறைவு; ஆயத்தம்.
செப்புதல் - சொல்லுதல்; விடைசொல்லுதல்.

செப்பமும் - செம்மை (Straightness, Correctness, Exactness, Smoothness, Uprightness], நடுநிலை

நாணம் - வெட்கம்; அறிவு; பயபக்தி; மானம்; தணிகை; கூச்சம்; மகடூஉக்குணம்நான்கனுள்ஒன்று.

நாணுதல் - வெட்கப்படுதல்; மனங்குன்றுதல்; பயபக்திகாட்டுதல்; அஞ்சுதல்; பிணங்குதல்; அடங்குதல்; குவிதல்.

ஒருங்கு - ஒரு சேர (ஒன்றாக / ஒருங்கே / ஒருகாலத்திலே இருக்கும்
ஒருங்கு - முழுமை; முழுதும்; எல்லாம்; எல்லாங்கூடிநிற்கை; அடக்கம்; ஒருகாலத்தில்; ஒருசேர; ஒருதன்மை; அழிவு

ஒருங்குதல் - ஒருபடியாதல்; ஒன்றுகூடுதல்; ஒருவழிப்படல்; ஒதுங்குதல்; ஒடுங்குதல்; அழிதல்.

முழுப்பொருள்
ஒருவர் பிறப்பினால் உயர்ந்தவர் என்று ஆகாது. அதாவது ஒருவர் பிறக்கும் குடும்பத்தால் உயர்ந்தவர் என்று ஆகாது. 

உண்மையில், ஒருவர் ஒழுக்கமாகவும் நேர்மையாகவும் இருத்தால் வேண்டும். அவ்வாறு கருத்தும் பணிவான இனிய சொல்லும் செயலும் அந்த ஒரு முரண்பாண்டும் இல்லாமல் இருத்தல் வேண்டும். இதுவே செப்பம் எனப்பட்டது.

அதைப்போல் பழி பாவங்களுக்கு அஞ்சி (அச்சப்பட்டு) அதன் மீது அருவருப்புக் கொண்டு இருக்க வேண்டும். இதுவே நாணம் எனப்பட்டது.

ஒருவர் செப்பமும்(ஒழுக்கம்,நேர்மை, இனிய சொல், பணிவு)  நாணும் (பழிக்கு அஞ்சி) தம்முள் இயற்கையாக ஒருங்கே (ஒரு சேர) உள்ளது போல தன்னை நடத்துக்கொள்ள வேண்டும். அப்படி ஒருவர் இருப்பாயின் அவர் உயர்ந்தவர். உயர்குடி. இல்லையே இல்லை.

ஒப்புமை
”நல்லவை செய்யின் இயல்பாகும்....
......குடிப்பிறப்பின் ஊதியம் என்னோ” (நாலடி.144)

பரிமேலழகர் உரை
செப்பமும் நாணும் ஒருங்கு - செம்மையும் நாணும் சேர; இப்பிறந்தார்கண் அல்லது இயல்பாக இல்லை - குடிப்பிறந்தார் மாட்டல்லது பிறர்மாட்டு இயற்கையாக உளவாகா. 

விளக்கம் 
('இல், குடி, என்பன ஈண்டு உயர்ந்தவற்றின் மேல. செம்மை - கருத்தும் சொல்லும் செயலும் தம்முள் மாறாகாமை. நாண் - பழிபாவங்களின் மடங்குதல். இவை இற்பிறந்தார்க்காயின் ஒருவர் கற்பிக்க வேண்டாமல் தாமே உளவாம்; பிறர்க்காயின் கற்பித்த வழியும் நெடிது நில்லா என்பதாம்

ஞா. தேவநேயப் பாவாணர் உரை
செப்பமும் நாணும் ஒருங்கு- ஒழுக்க நேர்மையும் பழிக்கு நாணுதலும் ஒருசேர; இல் பிறந்தார்கண் அல்லது இயல்பாக இல்லை- குடிப்பிறந்தாரிடத் தல்லது பிறரிடத்து இயற்கையாகவாகா.

இங்கு இல் என்றது சேக்கிழார் குடிபோலுஞ் சரவடியை அல்லது சேர சோழ பாண்டியர் குடிபோலுங் கொடிவழியை.

"நாடும் ஊரும் இல்லும் குடியும்
பிறப்பும் சிறப்பும் இறப்ப நோக்கி"
(தொல்.கள.23)

என்பதில் 'இல்' கொடிவழியையும் 'குடி' சரவடியையும், 'பிறப்பு' குடும்பத்தையும், 'சிறப்பு' அரசாளற்குரிமையையும் குறிக்கும். செப்பமாவது கருத்து சொல் செயலாகிய முக்கரணமும் தம்முள் முரணாத செம்மை. நாணென்பது பழிபளகம்(பாவம்) பற்றிய அச்சமும் அருவருப்பும் கொண்ட வெட்கம். இவை நல்ல குடிப்பிறந்தார்க்கு இயற்கையாக அமையும். பிறர்க்கு எத்துணைக் கற்பிப்பினும் அமையா.

மணக்குடவர் உரை
உயர்குடிப்பிறந்தார்மாட்டல்லது பிறர்மாட்டு நடுவு நிலைமையும், பழி நாணுதலும், இயல்பாக ஒருங்கே உண்டாகா. இஃது இல்பிறந்தார் இவையிரண்டும் இயல்பாக உடையரென்றது. 

மு.வரதராசனார் உரை
நடுவு நிமையும் நாணமும் உயர்குடியில் பிறந்தவனிடத்தில் அல்லாமல் மற்றவரிடத்தில் இயல்பாக ஒருசேர அமைவதில்லை

சாலமன் பாப்பையா உரை
சிறந்த குடும்பத்தில் பிறந்தவரிடம் மனம், சொல், செயல் மூன்றின் சுத்தமும், நாணமும் இயல்பாக இருப்பது போல் மற்றவரிடம் இருக்கமாட்டா.

எந்த ஒரு மனிதன், நடுநிலை தவறாமல் நாணயத்தோடு நடக்கிறானோ ? அவன் தான் உயர்ந்த குடியில் பிறந்தவன் என்று சொல்லிக் கொண்டு நாணயம் தவறி, நடுநிலைமையின்றி வாழ்பவன் உயர்ந்த குடியே அன்று. இது தான் திருவள்ளுவர் சொல்ல வந்த கருத்து. பிறப்பால் தாழ்ந்த குடியில் பிறந்தாலும், நேர்மையாக வாழ்பவன் உயர்ந்த குடி தான். இது தான் திருவள்ளுவர் தரும் விளக்கம்.