Search This Blog

திருக்குறள்

அறத்துப்பால் - குறள் வரிசை | பதிவு வரிசை

குறள் பால்: அறத்துப்பால் குறள் வரிசை - Index - Pointers to Kurals (Ordered) - Each Kural in Different pages பதிவு வரிசை - All Posts/Kura...

Thursday, July 31, 2014

வேண்டற்க வென்றிடினும் சூதினை

குறள் 931: அதிகாரம்:  சூது .

வேண்டற்க வென்றிடினும் சூதினை வென்றதூஉம் 
தூண்டிற்பொன் மீன்விழுங்கி அற்று.

பொருள் :
வேண்டற்க - வேண்டாது இருக்க ,விரும்பாது இருக்க
வென்றிடினும்- வெற்றியை தந்தாலும்
வென்றதூம் - வென்ற பின்.
தூண்டிற்பொன் - தூண்டிலில் உள்ள இரும்பு

முழுப்பொருள் 
நமக்கு ,ஆரம்பித்தில் வெற்றியை தரக் கூடியதாகவே இருந்தாலும் , நாம் என்றும்  சூது விளையாட்டை நாடி செல்ல கூடாது. ஏனெனில்,அந்த வெற்றியானது, மீன் தூண்டில் முனையில் உள்ள இரும்பை போன்றது. அந்த இரும்பை இரை என எண்ணி மாட்டிக்கொள்ளும் மீனை போல் ,சூது மூலம் வரும் வெற்றியானது நம்மை சிக்க வைத்து விடும்.

சூதினால் ,மகாபாரதத்தில் ,தர்மர், நாடுசகோதரர்,மனைவி எல்லாம் இழந்து காட்டில் ஒளிந்து வாழும் அவல நிலையும் ,அதை தொடர்ந்த மிக பெரிய போரும், அதன் இழப்புகளும் அனைவரும் அறிந்ததே ...
சூது அத்தகைய வலிமை உடையது....வெற்றி என்னும் மாய தூண்டிலால் கவரப்பட்டு..சூது விளையாட்டில் எக்காரணம் கொண்டும் நம்மை ஈடுபடுத்திக்கொள்ள கூடாது என்பதே கருத்தாகும் .


பரிமேலழகர் உரை: 

வென்றிடினும் சூதினை வேண்டற்க - தான் வெல்லும் ஆற்றல் உடையனாயினும் சூதாடலை விரும்பாதொழிக; வென்றதூஉம் தூண்டிற்பொன் மீன் விழுங்கியற்று - வென்று பொருளெய்துவார் உளரால் எனின், அவ் வென்ற பொருள் தானும் இரையான் மறைந்த தூண்டிலிரும்பினை இரை எனக் கருதி மீன் விழுங்கினாற் போலும். (வேறல் ஒருதலையன்மையின் 'வென்றிடினும்' என்றும், கருமங்கள் பலவும் கெடுதலின், 'வேண்டற்க' என்றும் கூறினார். எய்தியபொருள் சூதாடுவார் நீங்காமைக்கு இட்டதோர் தளை என்பதூஉம், அதனால் பின் துயருழத்தலும் உவமையால் பெற்றாம்.). 

No comments:

Post a Comment