Search This Blog

திருக்குறள்

அறம் பொருள் காமம் - குறள் வரிசை பதிவு வரிசை

ஒவ்வொரு பாலின் அதிகாரங்களும் (அதன் சுட்டிகளும்) இந்த முதன்மை பதிவின் சுட்டியில் உள்ளன. தேவைக்கேற்ப கீழ்காணும் சுட்டியை தட்டவும் அறத்து...

பிணியின்மை செல்வம் விளைவின்பம்

குறள் 738: அதிகாரம்: நாடு.

பிணியின்மை செல்வம் விளைவின்பம் ஏமம் 
அணியென்ப நாட்டிவ் வைந்து.

பொருள் :
பிணி - நோய் 
இன்மை -இல்லாமை 
விளைவின்பம்- விளைவு/விளைச்சல், இன்பமும் 
ஏமம் - பாதுகாப்பு/காவல் 
அணி - அழகு 

விளக்கம் :
நோய் இல்லாமை ,நல்ல பொருளாதார வளம் (செல்வம்), விளைச்சல் வளம் மிக்க இருத்தல் , இன்பமான வாழ்வு , பாதுகாப்பான சூழல் என இந்த ஐந்து குணங்களே ஒரு நாட்டிற்கு அழகாகும்  எனக் கூறுவர்.

அமேரிக்கா போன்ற வளர்ந்த நாடுகளை உதாரணமாக கொண்டால்    இவ்வைந்தும் அதற்கு அமைந்து இருப்பது தெளிவாக தெரியும்.

நாட்டில் மக்கள் எந்த மன நிறைவுடன் வாழ நோயற்ற சூழ்நிலை வேண்டும். நல்ல விளைச்சல் மூலம் நல்ல பொருளாதார வளமும் வேண்டும். இவைகள் ஒருங்கே அமைய பெற்றாலும் , நம்மை சுற்றி இருக்கின்ற நாடுகளால் எந்த தொந்தரவும் இல்லாமல் பாதுகாப்பான சூழ்நிலை வேண்டும். இவை அனைத்தையும் நோக்கி ஒரு நாட்டின் செயல் திட்டங்கள் அமைய வேண்டும். 

பரிமேலழகர் உரை: 
பிணியின்மை செல்வம் விளைவு இன்பம் ஏமம் இவ் ஐந்து - நோயின்மையும் செல்வம் விளைதல் இன்பம் காவல் என்றிவை உடைமையுமாகிய இவ்வைந்தனையும்; நாட்டிற்கு அணி என்ப- நாட்டிற்கு அழகு என்று சொல்லுவர் நூலோர். (பிணியின்மை, நில நலத்தான் வருவது. செல்வம், மேற்சொல்லியன. இன்பம், விழவும் வேள்வியும் சான்றோரும் உடைமையானும், நுகர்வன உடைமையானும்,நில நீர்களது நன்மையானும் வாழ்வார்க்கு உள் நிகழ்வது. 'காவல்' எனவே, அரசன் காவலும், வாழ்வோர் காவலும் அரண் காவலும் அடங்கின. பிற தேயங்களினுள்ளாரும் விழைந்து பின் அவையுள்ளாமைக்கு ஏதுவாய அதன் அழகு இதனாற் கூறப்பட்டது.). 


No comments:

Post a Comment